عتود دقش في ثوبه الجديد ,,,,

[زكريا بابكر عمر]

أعزائي وأحبابي لكم التحيه وأزف لكم البشري في منتصف هذا الشهر المبارك بمواصلة بوست (عتود دقش )في ثوبه الجديد والذي يحمل في طياته هذه المره إسلوبا جديدا ومثيرا شعاره (لا زعل مهما حصل )ولا شك أنكم تابعتم اللبس وسوء الفهم الذي حصل في الأيام الفائته - وبما أننا أسره واحده- قررنا مواصلة هذا البوست والذي أصبح مشهورا (التقول عتود مستنسخ )لدرجه لم أتخيلها أبدا وأنا أفتح هذا البوست قبل كارثة الهكر . إنهمرت المكالمات التلفونيه والرسائل عبر البريد الإكتروني تناشدني بمواصلة هذا العمل الجميل وبما أنني صاحب هذا البوست بدوري أجريت بعض الإتصالات للجهات ذات الصله بالموضوع من بدايته ووجدت تجاوبا منقطع النظير ولا يفوتني أن أشكر إخوتي د.الفاضل (أب شخيت )وطارق علي صالح لما بذلوه من جهد مقدر وكان لهم القدح المعلي لعودة هذا البوست للظهور بثوب جديد (وطبعا الإتنين كان دخولهم للمنتدي عبر هذا البوست ) . كما لا يفوتني أن أشكر شاعرنا الفحل العطا علي العطا والذي بادر بضربة البدايه وسف يأتي من بعده لاحقا حادي ركبنا وربان السفينه شاعر البركل المسكون بحب البركل أبراهيم بابكر. فهلا شاركتمونا أحبتي بآرائكم شعرا ونثرا -نريد أن يدلو الجميع بدلوهم ويشاركونا في هذه الوليمه الدسمه -وطبعا لحم العتود البج لا يقاوم-(ناس القاوت يمتنعون ). إليكم ضربة البدايه من أخونا العطا علي العطا ومعها عاطر تحياتي ,,,

بإسم الله إبتدي
يا كريم يا الله يا لطيف
صنو يا الأخوان وأسمعو
أصلو ياهو ده حال الخريف
منو ليهو يقوم العجاج
والغبار العالق كثيف
في النهايه يجي الهمبريب
هابي بعد الريح العنيف
ويدخل الرقراق أي ضل
هو البخلي الضل ضل وريف
أب شخيت يكفيهو وكفي
إنو قادر يقدر يضيف
وقادر الأضداد يجمعا
يوم يكون العدو يوم حليف
أنا موصي قبيل من أبوي
ماأشيل الشيل الخفيف
مابفرز ناس بالكلام
ومابقول ديل ناس الطريف
وإنته يا أبراهيم شيخي أنا
إنته شيخي الشيخ الشريف
وأصلي منك وفيك يا عماد
ماشعر ذات يوم إني ضيف
بيني وبين زكريا وأخو
جاري بينا الحن مابيقيف
عندي طارق زول فيهو سر
والله واضع السر في النحيف
زول يقلب المقلب ضحك
وهمو يبقي الموقف طريف
أصلي شايف الناس كلهن
ديمه متماسكين كالصريف
وكلهن أصحاب عندي أنا
ياكن أخوان شخصي الضعيف
همي يومي أقوم الصباح
أسأل الأخوان صبحو كيف
قبل أمرق أشد الحمار
أمشي أصابح الفرن الرغيف

# ما أروعك وما أحلاك وما أنبلك أخي العطا أدامك الله ذخرا لإخوتك وللبركل #

[انس البدوي بابكر]

و الله عتود دقش ده يا زكريا دخل التاريخ من اوسع ابوابه ...ده سبق تيس الحرم بت حاج علي ...تحياتي لكل المبدعين و نحن قاعدين فاتحين خشمنا وراجين

[أب شخيت]

أعزائي وأحبابي لكم التحيه وأزف لكم البشري في منتصف هذا الشهر المبارك بمواصلة بوست (عتود دقش )في ثوبه الجديد والذي يحمل في طياته هذه المره إسلوبا جديدا ومثيرا شعاره (لا زعل مهما حصل )ولا شك أنكم تابعتم اللبس وسوء الفهم الذي حصل في الأيام الفائته - وبما أننا أسره واحده- قررنا مواصلة هذا البوست والذي أصبح مشهورا (التقول عتود مستنسخ )لدرجه لم أتخيلها أبدا وأنا أفتح هذا البوست قبل كارثة الهكر . إنهمرت المكالمات التلفونيه والرسائل عبر البريد الإكتروني تناشدني بمواصلة هذا العمل الجميل وبما أنني صاحب هذا البوست بدوري أجريت بعض الإتصالات للجهات ذات الصله بالموضوع من بدايته ووجدت تجاوبا منقطع النظير ولا يفوتني أن أشكر إخوتي د.الفاضل (أب شخيت )وطارق علي صالح لما بذلوه من جهد مقدر وكان لهم القدح المعلي لعودة هذا البوست للظهور بثوب جديد (وطبعا الإتنين كان دخولهم للمنتدي عبر هذا البوست ) . كما لا يفوتني أن أشكر شاعرنا الفحل العطا علي العطا والذي بادر بضربة البدايه وسف يأتي من بعده لاحقا حادي ركبنا وربان السفينه شاعر البركل المسكون بحب البركل أبراهيم بابكر. فهلا شاركتمونا أحبتي بآرائكم شعرا ونثرا -نريد أن يدلو الجميع بدلوهم ويشاركونا في هذه الوليمه الدسمه -وطبعا لحم العتود البج لا يقاوم-(ناس القاوت يمتنعون ). إليكم ضربة البدايه من أخونا العطا علي العطا ومعها عاطر تحياتي ,,,

بإسم الله إبتدي
يا كريم يا الله يا لطيف
صنو يا الأخوان وأسمعو
أصلو ياهو ده حال الخريف
منو ليهو يقوم العجاج
والغبار العالق كثيف
في النهايه يجي الهمبريب
هابي بعد الريح العنيف
ويدخل الرقراق أي ضل
هو البخلي الضل ضل وريف
أب شخيت يكفيهو وكفي
إنو قادر يقدر يضيف
وقادر الأضداد يجمعا
يوم يكون العدو يوم حليف
أنا موصي قبيل من أبوي
ماأشيل الشيل الخفيف
مابفرز ناس بالكلام
ومابقول ديل ناس الطريف
وإنته يا أبراهيم شيخي أنا
إنته شيخي الشيخ الشريف
وأصلي منك وفيك يا عماد
ماشعر ذات يوم إني ضيف
بيني وبين زكريا وأخو
جاري بينا الحن مابيقيف
عندي طارق زول فيهو سر
والله واضع السر في النحيف
زول يقلب المقلب ضحك
وهمو يبقي الموقف طريف
أصلي شايف الناس كلهن
ديمه متماسكين كالصريف
وكلهن أصحاب عندي أنا
ياكن أخوان شخصي الضعيف
همي يومي أقوم الصباح
أسأل الأخوان صبحو كيف
قبل أمرق أشد الحمار
أمشي أصابح الفرن الرغيف

# ما أروعك وما أحلاك وما أنبلك أخي العطا أدامك الله ذخرا لإخوتك وللبركل #

ينصر دينك ياخوي زكريا وينصر دينك ياخوي ود العطا...إيه الحلاوة دي..شوف الكلمات دي بسيطة كيف ومعبرة..دي زي الكورة البرازيلية الزول يشوفه ساهله عندهم يقول بقدر ألعب زيها..!!!.
أخيرا ندخل بيت العتود الأصلي ..!!.لكين عليك الله ياخوي زكريا عود الجوز المركوز ورا الباب أجدعو مننا بعيد...ما نقوم يوم نجي من "طيبان" ونبقى ما طيبين...!!!.
فرحتنا برجوع العتود لمراحو والقصيدة الروعة دي نستنا نقول ليك ألف مبرك على هذا الشوط الجديد من مشوار العتود..وآن للجميع أن يجدو فيه صفاء الإخوانيات بلا زعل مهما حصل..!!!.

[زكريا بابكر عمر]

ينصر دينك ياخوي زكريا وينصر دينك ياخوي ود العطا...إيه الحلاوة دي..شوف الكلمات دي بسيطة كيف ومعبرة..دي زي الكورة البرازيلية الزول يشوفه ساهله عندهم يقول بقدر ألعب زيها..!!!.
أخيرا ندخل بيت العتود الأصلي ..!!.لكين عليك الله ياخوي زكريا عود الجوز المركوز ورا الباب أجدعو مننا بعيد...ما نقوم يوم نجي من "طيبان" ونبقى ما طيبين...!!!.
فرحتنا برجوع العتود لمراحو والقصيدة الروعة دي نستنا نقول ليك ألف مبرك على هذا الشوط الجديد من مشوار العتود..وآن للجميع أن يجدو فيه صفاء الإخوانيات بلا زعل مهما حصل..!!!.

تتجازي يا أب شخيت عود الجوز مابزحو من بكانو إلا تخلي مشيك ليطيبان حتي بعد داك بفننو:D:D:D

[زكريا بابكر عمر]

و الله عتود دقش ده يا زكريا دخل التاريخ من اوسع ابوابه ...ده سبق تيس الحرم بت حاج علي ...تحياتي لكل المبدعين و نحن قاعدين فاتحين خشمنا وراجين

دكتور أنس طويب يابه ... آزول عامل كيف مع الإسبان؟ إن شاء الله بس البلد رحبت بيك...الشي إنته مرقتها في أم طرقا عراض دي الحكايي شني؟؟ ما قربته تجينا جاي شويي ... يا زول عتود دقش ده أنا ناوي أدخلبو أولمبيات بكين(نقيزوقفز بالزان )...تشكر يا حبيبنا علي المرور ....تحيايي ,,,

[طارق علي صالح]

يا سلام يا زكريا ادخلت البهجه في نفوسنا لكن في تحالفات اليومين ديل المفروض تشوت معاي شوي وفي العتود الجاي ما بنساك بس كان سويتو شرموط ارسل ليك منو في الجنوب كدي فكر في الموضوع والعرض المدنكل بتاعي ده

كلام سر

في اليومين دي عندي خفسه علي البلد

[رقيتون]

ياسلام عليك ياسيد جرسه على هذه الروعة فى الوفاق والاتفاق لكن بينى وبينك سمعنا فى اجندة سريه (محاورات ومشاورات وشمارات)الله يخليك يازيكو المرة دى لاتنسانى من الطايوق ودهن الودق باقى الصاج والجسم حفان

[ali009]

اعتذر لكل الشعراء الكبار لتهوري ودخولي بينكم وانا اعرف ان ردي لن يصل لمستواكم

العالي في شان كدا عافولينا وربنا يعدله عليكم وعلينا شقيش ماتقبلو ونقبل


وزي ما بدا العطا في الكلام اصلو شاعر اً ماب يرضي زيف

يا كريم يا ربي ولطيف

نجتمع كلنا في الشتاء والخريف

في محبه واخوه ولفيف

نبقاء للسودان ظلاً وريف

لا فينا زولً تب بي خاف

وللحرب حتى الحريم لازم تقيف

نغلب الاعداء بالسيوف

حتى لو شالو المدافع ما فينا خوف

ولو جيتا لي ناس الطريف

صدقني تفديهم بالجسد وبلا تقيف

ام العتود ياريتو لو كان يبقاء ثور

كان كفا الخلوق وما جانا خوف

ناكلو الصباح لحمً رهيف

ونغشا طيبان ونشرب شيتن تب خفيف

ويجينا العم اب شخيت نكرمو وهو سيد الكرم الكثيف

ونمشي لي زكريا الهميم العندو الادب راقد صفوف

وكان شوفتو ياناس طارق الظريف

زولن تحبو وكت جمبك يقيف

واخر الكلام ديل ناس البلد

يا ربي تجمعنا في القيف

وتسعد قلوبن وكت الزمن يتسد يقيف

ونرجع هناك باقي العمر نرتاح نعيش

دي الغربه بشتنت اي زين

يا ريت تطير والناس تعود نتلمه ويفرح كل زول

للجميع كل الاحترام والتقدير



وبعيد وقول انا لااني شاعر لااي شي

انا شافعاً صغيرماعندو شي


اخوكم ( ودالبلد ) ali009

[عوض جلاس]

السلام عليكم يا ناس العتود وصبحكم الله بالخير
ونحن جينا نسمع ونستمتع ولا دايرين شرموط ولا طايوق
ولا شايلين مديدي ولا بليلي
عشان ما تتهمونا وتقولوا جايي يولعها
والله يديك العافية أخونا زكريا على هذا الإبداع الذي ينثره ود العطا وتصدره لنا ومشكور علي ود الزومة ايضاً على القصيدة الجميلة وإنت شاعر موهوب ومكانك مع الكبار أيضاً

[على بابكر ابراهيم بابكر]

ابن خالــى زكريا لك التحية وأنت تبادر بالجديد فى هذا البوست الرائع وتطوى الملف السابق دون نبش والتحية لأستاذنا/ العطا وللأخ العزيز أبشخيت وأخص التحايا لمحب الفكاهه أخى طارق على صالح الذى لولا هذا البوست لما عرفته عن قرب فهو بحق أخو اخوان فلكم منى جميعاً يا سمار المنتدى عاطر التحايا وتقبل الله الصيام والقيام وجعلنا جميعاً من المعتوقين من النار فى هذا الشهر المبارك .

[علاء كرار]

عودا حميدا و عودة أقوى لعتود دقش

و تسلم يا زكريا على هذا التقديم الرائع لبيان العوة
العطا الله يديك العافية و الفي مرادك بالابيات الرائعة

و كمان شايف شافعا صغوير جاء داخل عليكم Ali 009 بس باين عليهو ماهو زولا هوين و سيكون له شأن في مجادعات عتود دقش ، و باين عليهو قلم جريئ و سريع بديه بس عايزين نعرفو اكتر اليجينا هناك بي غادي عند تعريف الاعضاء

امنياتي بالتوفيق لعتود دقش
و الله يبعد الشيطان و يديم المودة و المحبة بين الجميع

[عبد الرحمن يوسف]

اخى زكريا بارك الله فيك واخوى العطا ما أروع رشاش الخريف وانت تبدا بلطف رب العالمين علينا جمعيا والكلمات تنساب منسوجه فى خيط حرير ملبوسه فى يد عريس تعيد الفرحة للساحة وتزداد سماح فوق سماحا .
اخوى العطا تب لاتقيف
السحاب والمطر خضرة خريف
المياه تنساب حتى فى الصيف
كل الاخوان بى مودة فى صف تقيف
البيضحك وبالقالد من بركل ولى طريف
ولكم تحياتى وادام الله المودة والمحبة ودمتم

[زكريا بابكر عمر]

يا سلام يا زكريا ادخلت البهجه في نفوسنا لكن في تحالفات اليومين ديل المفروض تشوت معاي شوي وفي العتود الجاي ما بنساك بس كان سويتو شرموط ارسل ليك منو في الجنوب كدي فكر في الموضوع والعرض المدنكل بتاعي ده

كلام سر

في اليومين دي عندي خفسه علي البلد

نان يا طارق الكان بتطرا أخوك في الحاجات دي الكان جايبلك شيل الحال شنو ؟؟ وبعدين قلته عندك خفسه علي البلد... الله يكضب الشينه (الله يستر عليك الدوره دي من سجن مروي )(وسرقة السارق يديك ليها الخالق ):D:D:D

[زكريا بابكر عمر]

ياسلام عليك ياسيد جرسه على هذه الروعة فى الوفاق والاتفاق لكن بينى وبينك سمعنا فى اجندة سريه (محاورات ومشاورات وشمارات)الله يخليك يازيكو المرة دى لاتنسانى من الطايوق ودهن الودق باقى الصاج والجسم حفان
رقيتون الطايوق ودهن الودك بنديكي ليهو بس عليكي الختم (السواطه )تخليها....بس نحنه يا دوب إفتتحنا الجزاره طوالي جريتي علي الشمارات والمحاورات والأجنده السريه وأصلها إن جاتنا كفوه تاني بتجينا من تحت راسك ده:(:(:(

[أب شخيت]

أخوي زكريا

راسي اليومين ديل ماكلني شديد....!!!.
عليك الله كان تديهو فلقة فلقتين بي قصيدة اختنا ام مصعب الزمان ديك ..!!..
في ناس كتيرين ماسمعوبه..!!!.والتوثيق ليها مهم في السيرة الذاتية للعتود..!!
وهي ضرورية جدا "قبال موية رمضان المرة"..!!.
أخد راحتك ياخوي بالكامل...!!!.
يمكن كمان تطلِّع مني حاجة شعرية..!!.مع إني ماسمعت بيها لكين واثق الفليق بيطلع جن الشِعِر من راسي...!!

[زكريا بابكر عمر]

أخوي زكريا

راسي اليومين ديل ماكلني شديد....!!!.
عليك الله كان تديهو فلقة فلقتين بي قصيدة اختنا ام مصعب الزمان ديك ..!!..
في ناس كتيرين ماسمعوبه..!!!.والتوثيق ليها مهم في السيرة الذاتية للعتود..!!
وهي ضرورية جدا "قبال موية رمضان المرة"..!!.
أخد راحتك ياخوي بالكامل...!!!.
يمكن كمان تطلِّع مني حاجة شعرية..!!.مع إني ماسمعت بيها لكين واثق الفليق بيطلع جن الشِعِر من راسي...!!

أب شخيت أنته يا أخوي باقيلي أدمنته الفليق بقيت زي زول الدلوكه يرجف زي القصبه مايثبت إلا يدوهو كم سيطان:D:D.... غالي والطلب رخيص سوف أتصل بأم مصعب وأجيبلك منها قصيدته بس لاتبقي نسته مع جوطة الخبييز...تحياتي ,,,,

[رقيتون]

أب شخيت أنته يا أخوي باقيلي أدمنته الفليق بقيت زي زول الدلوكه يرجف زي القصبه مايثبت إلا يدوهو كم سيطان:D:D.... غالي والطلب رخيص سوف أتصل بأم مصعب وأجيبلك منها قصيدته بس لاتبقي نسته مع جوطة الخبييز...تحياتي ,,,,

الخبيز يعنى كعك العيد غرامك اعمل حساب البطن يازيكو

[على محجوب جعفر مصطفى]

سلام ابوالزيك على الثوب الجديد
لكن مالك يااخوى جاى مهضلم كدى وداير تسويلك حلف مع طارق وريقتون

[ام عسجد]

ينصر دينك يا زكريا دائما مبادر بالبوستات الجميلة
نحنا فعلا ما دايرين الاشعار الجميلة دي تقيف وقصيدة الاخ العطا غاية في الابداع
وعايزين واحدة منك يا زكريا .

[على بابكر ابراهيم بابكر]

دورى الأربعة والتنافس الشريف بين أهلى العبدلاب وهلال الطريف وترجى البركل تحت وأسيك أبشخيت .
فى البدء تحياتى للكبار فى البطولة الكبرى قبل العودة وبعد العودة .
بعد العودة اطربني زكريا مرتين ... وطربقني مرة، اطربني حين نسب الفضل لأهله وحين أورد الزعل ممنوع وطربقني حين فاجأني بتغيير العملة الشعرية التي كانت سائدة ( على الأقل من ناحيتي ) دون سابق انذار الشيء الذي جعل ما بحوذتي منها غير مبرئاً للذمة ناهيك عن حصر نشاط استبدال العملة في مصرفين فقط ( مصرف العبدلاب الوطني ومصرف الطريف الوطني ).
بالإضافة إلى شروط وقيود الاستبدال المتمثلة في احضار شهادة وطن الشيء الذي لايتوفر لحلب العطا ( شد الله من ازر الحلب فقد شد الحلب من ازر البلد بي حاله ) وللحلب مواسياً أقول ان قصيدتي ( عن حلبنة الطريف والجزيرة منتصف اليوم ومراسلها رمضان الحلبي ) ( والمؤودة ) والتي انتهى العزاء فيها بإنتهاء مراسم الدفن ستأتي يوماً حين تحي عازة ( الطريف الشامل ) زكرى الذين دفعوا ثمن تذكرة دخول عازة ( الطريف الشامل ) للعالم البهي.
اخيراً أقول انما سوف تسفر عنه النتائج في المنافسة الكبرى بين الأربعة الكبار والمبثوثة حصرياً على قنوات منتدى البركل تحت رعاية شركة يعقوبيان لا دخل للتحكيم ولا للإرهاب فيه.
أما عن حكاية اسيك ابشخيط فيا سيد السادة العارفين ابشخيط كون ان دورك جاء افريقياً ( مع الثلاثة العرب ) يحسب لك لا عليك ولا عليّ في زمن انعدام الوزن العربي هذا.
ألف ألف مرة تحياتي للجميع ورحمنا الله جميعاً عرب وعبدلاب وحمتياب وأفارقة وحلب، وأتمنى ألا تحرمني الظروف التي حرمتني يوم فقد العتوت اجي أعزي .. أتمنى ألا تحرمني حضور إحياء زكراه العطرة.
وحياك الله يا أم مصعب دائماً وأبداً ( وإذنك معاك وأكثر من ذلك ). وسنلقي بأعباء المشاركات الشعرية عليك نيابةً عنا وأنت جديرة بذلك ( يا المرأة القدام الرجال ) وستكون جل مشاركاتنا عبر النثر دون الشعر حتى لا يحمله الذين يحملونه فوق طاقته أكثر مما يحتمل.!!!

العطا علي العطا
15رمضان

[على بابكر ابراهيم بابكر]

أحبتى الأفاضل عشاق ورواد بوست عتود دقش فى ثوبه الجديد وبعد أن أطل علينا أستاذنا العطا بأريحته التى عهدتموها دائمأ وبكلماته النثرية الرائعة ، يبعث لكم الأستاذ / ابراهيم بابكر ( ود الصيدة ) برسالة قصيرة فى بيتين من الشعر وهما :
ماطال المطر بيصب ......... حقيقى إنو البحر ماراق
وما دام العكار من طين ........ أكيد من طين يجى الرواق ود الصيدة ــ 15 رمضان

[أبري]

بدءاً سلامي للجميع ورمضان كريم ... بالمناسبة عتود دقش ده عمره أكثر من ثلاثين عاما . من زمن العتود الكان الفطون خاتاهو ليهو زواده وسرقو ود الماحي (الله يرحمه)وعزمو فيهو دقش عشاء

[زكريا بابكر عمر]

الخبيز يعنى كعك العيد غرامك اعمل حساب البطن يازيكو

تتجازي يا رقيتون:D:D:D:D

[زكريا بابكر عمر]

ينصر دينك يا زكريا دائما مبادر بالبوستات الجميلة
نحنا فعلا ما دايرين الاشعار الجميلة دي تقيف وقصيدة الاخ العطا غاية في الابداع
وعايزين واحدة منك يا زكريا .

تشكري يا ام عسجد علي المرور.....كدي الننظم ونرتب البيت الجديد ده وبعدين حا أديكي أكثر من قصيده وأوعدك بذلك بس أسع أصبري شويه لامن تنتهي مراسيم الإفتتاح ....تحياتي ,,,,

[زكريا بابكر عمر]

أحبتى الأفاضل عشاق ورواد بوست عتود دقش فى ثوبه الجديد وبعد أن أطل علينا أستاذنا العطا بأريحته التى عهدتموها دائمأ وبكلماته النثرية الرائعة ، يبعث لكم الأستاذ / ابراهيم بابكر ( ود الصيدة ) برسالة قصيرة فى بيتين من الشعر وهما :
ماطال المطر بيصب ......... حقيقى إنو البحر ماراق
وما دام العكار من طين ........ أكيد من طين يجى الرواق ود الصيدة ــ 15 رمضان

ود عمتي أبو التيمان لك التحيه وأنت شغال زي مروحة التربيزه البركل- المنتدي وبالعكس تشيل وتودي وأنا أعلم جيدا مشقة ذلك (الله يعينك )..... لكم أعجبتني وأطربتني رسالة أخونا إبراهيم ورغم أنها في بيتين إلا أنها تحمل من المعني ما تنوء به جرا خيول القصايد والقوافي (أكيد من طين يجي الرواق )ما أبلغ وأروع وأعمق هذا الكلام.....التحيه لك ولأخونا أبراهيم ,,,

[زكريا بابكر عمر]

بدءاً سلامي للجميع ورمضان كريم ... بالمناسبة عتود دقش ده عمره أكثر من ثلاثين عاما . من زمن العتود الكان الفطون خاتاهو ليهو زواده وسرقو ود الماحي (الله يرحمه)وعزمو فيهو دقش عشاء

ابن خالي أبري كيف حالك وأحوالك...وينك يا راجل أخليك قريب ماتبتعد دايرين نشوفك بإستمرار يعني ما تمد راسك وتكب الزوغه .... أصلو دقش ده حكاويهو مع العتدان من قديم الزمان وطوالي ممقلب عتوديا:D:D:D ..تشكر علي المرور يا أحمد ....تحياتي ,,,

[أب شخيت]

دورى الأربعة والتنافس الشريف بين أهلى العبدلاب وهلال الطريف وترجى البركل تحت وأسيك أبشخيت .
فى البدء تحياتى للكبار فى البطولة الكبرى قبل العودة وبعد العودة .
بعد العودة اطربني زكريا مرتين ... وطربقني مرة، اطربني حين نسب الفضل لأهله وحين أورد الزعل ممنوع وطربقني حين فاجأني بتغيير العملة الشعرية التي كانت سائدة ( على الأقل من ناحيتي ) دون سابق انذار الشيء الذي جعل ما بحوذتي منها غير مبرئاً للذمة ناهيك عن حصر نشاط استبدال العملة في مصرفين فقط ( مصرف العبدلاب الوطني ومصرف الطريف الوطني ).
بالإضافة إلى شروط وقيود الاستبدال المتمثلة في احضار شهادة وطن الشيء الذي لايتوفر لحلب العطا ( شد الله من ازر الحلب فقد شد الحلب من ازر البلد بي حاله ) وللحلب مواسياً أقول ان قصيدتي ( عن حلبنة الطريف والجزيرة منتصف اليوم ومراسلها رمضان الحلبي ) ( والمؤودة ) والتي انتهى العزاء فيها بإنتهاء مراسم الدفن ستأتي يوماً حين تحي عازة ( الطريف الشامل ) زكرى الذين دفعوا ثمن تذكرة دخول عازة ( الطريف الشامل ) للعالم البهي.
اخيراً أقول انما سوف تسفر عنه النتائج في المنافسة الكبرى بين الأربعة الكبار والمبثوثة حصرياً على قنوات منتدى البركل تحت رعاية شركة يعقوبيان لا دخل للتحكيم ولا للإرهاب فيه.
أما عن حكاية اسيك ابشخيط فيا سيد السادة العارفين ابشخيط كون ان دورك جاء افريقياً ( مع الثلاثة العرب ) يحسب لك لا عليك ولا عليّ في زمن انعدام الوزن العربي هذا.
ألف ألف مرة تحياتي للجميع ورحمنا الله جميعاً عرب وعبدلاب وحمتياب وأفارقة وحلب، وأتمنى ألا تحرمني الظروف التي حرمتني يوم فقد العتوت اجي أعزي .. أتمنى ألا تحرمني حضور إحياء زكراه العطرة.
وحياك الله يا أم مصعب دائماً وأبداً ( وإذنك معاك وأكثر من ذلك ). وسنلقي بأعباء المشاركات الشعرية عليك نيابةً عنا وأنت جديرة بذلك ( يا المرأة القدام الرجال ) وستكون جل مشاركاتنا عبر النثر دون الشعر حتى لا يحمله الذين يحملونه فوق طاقته أكثر مما يحتمل.!!!

العطا علي العطا
15رمضان


موية فوق جحر ود العطا


كم فرحنا وكت جانا الخريف وهب فوقنا نسيم همبريب
ما كَضَب طوالي وجريت رحت جارِّي عليْ عنقريب
كنت قايل نفسي انا في الضرا اللتاري انا فوق جمراً لهيب
شوفو يا خلاي كلكم حالي العلي حالاً صعيب
مرضان خلاص قاطع النفس والعافية كان قسمة ونصيب
أنا ما بطيب تاني من العلي وحتى لو جابولي طبيب
ماخلاص الخاطر انكسر وكيف نرجِّع شمس المغيب
شافو كل الناس العلي سمعوا مني البكا والنحيب
الخشم مسخان تب علي حتى بعد التمر الرطيب
الشراب باقي لي ملح وباقي حنضل كورة الزبيب
زي تقول ماسكاني ام برد بالطراش مرات هضاريب
والكلام كلْ يوم في بلاد ومرة من مرات بس يصيب
مرات أكون في كامل وعاي أصحى مرة ومرات أغيب
قومو يا زكريا وعلي واغشو مصعب وآل اليعاقيب
مرة شدّو كراعكم جري وشدو مرة كراع الخبيب
تمشو ود الصيدة فسراع قبال يقبِّل جيهة (الغريب)
اب شخيت ممسوك في ظلم لا جنية ومن دون سبيب
لا كضب فد يوم لا نهب لا سرق لا جيتكم سليب
لا ختف فد يوماً عتود ولا كديسة حتى ولا كليب
وما تقول انا مالي وعلي لاهو مني ولا من قريب
والحصل يا خوي من ظلم من صديقأً ليك يوت حبيب
داير ألوم أنا ود العطا جانا منو بياناً عجيب
نحن ما عارفين السبب حمدو عندو دا شيتاً مريب
كيف يقول العطا كلو دا وخلى بالنا يودي ويجيب
مابيجامل لخوانو ليه وحتى يوم للخاطر يطيب
ينسى بركلنا البيهو إتسع ينسى دارو الكانت رحيب
يا هو والبركل بس نقول سمنة وعسل فوقن حليب
ربي عندو يكون العوض و(حسبنا الرحمن الحسيب)

[حسان سرالختم]

اول شى ياجماعه ..اخونا ابرى دا جاء من وين ؟
لا احم ولا دستور نحنا لينا زمن نعاين ليهو وحتى
بوست الترحيب بيهو مارد عليهو
الاعزاء زكريا وابشخيت ..الله يخدر ضراعكم
ونحنا متابعين كل جديد وراجين الجاي فى الدرب.
واخونا ابو التيمان ( الله يخليهم ليك ) ماقصر ومجتهد
خالص فى توصيل روائع ودالعطا واخونا ود الصيده

[طارق علي صالح]

مرحب بك اخ اخوان ويا هلا بيك ali009 وشرفت الديار وراجين منك كتير واول الغيث قطرة

[على بابكر ابراهيم بابكر]

أحبتى رواد وعشاق بوست ( عتود دقش) وجميع رواد منتديات البركل لقد طال انتظاركم لوصول مفاجأة أم مصعب ، فمعذرة للتأخير لظروف أنتم على علم بها والآن أضع بين يديكم رائعتها ( كلام الكبار ) .
بسم الله الرحمن الرحيم
كـلام الكبــار

دايرة أرجع بالزمن وأمشي بالتاريخ ليه وره
لقيت حروف ابشخيت ضمن احداثو مسطره
تسلم البطن الجابتك للرباطاب مفخره
انت ما الزول البضارو أو يصبح اسمك نكره
صحيح قولك ياعطا فيهو خايلة الدكتره
انت عالجت الضرير صار بعد العمي مبصره
انت بدلت الدموع ابتسامه معبره
إلا زولك عماد خته طاقيته وحدره
يا خسارة قولنا فيك ليه علاقتنا بتنكره
طالا ما أهلك في الطريف نحن نحترم المقبره
الفيها جدك من زمان ولا يزال بالزاكره
ديل أهل الخلوة واللوح ديل شيوخ المنبره
مابنفوتن بالسلام وكانوا أهل المشوره
والبلد تعرفها من اهلها مابتكوس طينه وتمره
دايره ارجع بيك زمان جم (جمال) أمك بنبره
لما تسوي شاي الصباح الجبنه يفوح عنبره
تجري قدامن تقيف تسمع يا ولاد ارجعو وره
أوعه تاطو الجمره دي ديمه خايفه محزره
اللعب بالنار لا يا ولد اصلو فيها مخاطره
إلا دي الجمرة الخافته إنت لينا محضره
شفت كيف يا عماد الزمن احداثه يكرره
إلا جمرتك انطفت قبل ما تمشي تقادره
افتح التاريخ مره يوم تلقى صورة أبوي وود عبد العزيز صفحة أولى مكبره
ديل مدارس الشعر الأصيل ... ديل مراجع ذاخره
مره يختلف عندهم الكلام وتبقى فيهو مشاجره
مابيغير فيهم خلاف ... وماب يوقف سير القصيد مهما جرى
ده كلام ناساً كبار ما تقولو كلام مره
اصلي ما بعرف للقصيد لا نظم لا شاعره
أصلو راية أهلي القبيل خلو إبراهيم غافره
ما بيفرط فيها يوم وإن بقت في النار يقفره
أما يعقوب لا قلم عنده لا حبر ولا محبره
أصلو جاهز للكلام ما تقول اخوها مشكره
اما زكريا معروف زول ونسه وقرقره
ما بيشيل في خاطره من زول ولا طبايعو يغيره
ديل رجالاً تتنكر أو تفوت دارك تهجره؟!!
اعتذر قول زلة لسان يمكن نسامح نغفره
من المقالب شربتهم وفي النهاية إيدن تدفره
قولي وين كان الطريف يوم محاكمو مدوره
ده العطا الطوع للحروف ما عنده ليها مفكره
منو الكلمات تنتظم في درر متناثره
ونلقى قدام الصفوف عاد ضراعو الله يجبره
عندو نيه كان الطريف يمشي ليها يحرره
دار يناصر طارق في يوم وتبقى دي الحلقه الآخره
إلا اتسرع عماد وهد بنيان العامره
البلد كلها طرف والطريف كلمة مصغره
ليها تسوقنا الخطى برغم انها مؤكره
كل افراحه نجامله وبرضو احزانا نشاطره
والطريف اصلاً محيط ونحن نبحر فيهو لليوم ما وصلنا أواخره
انت كيف تسكت يا عصام ويا محمد أخوك إفتره
وكان كلام أهلي الكبار الشتات آفة مدمره
دايره اقول قبال افوت برضو أرجو المعذره
البركل عزه وشرف للبدور يفتح دفتره.

أم مصعب
البركل ـ 22/9/2007م

[السر احمد خليفه]

اخوتي تحياتي وانا التحق بهذا المنتدي عبر الاخ صلاح عبدالنبي ويسرني ان اجد -دفعتي وحارس مرمانا المريخابي العتيد-لا ادري ما زال مريخابي ام كبر علي الكلام ده-
الاخ العطا واحييه والاخ عصام سرالختم وكل الاخوه الذين زاملناهم وعشنا سويا ان كان في مروي المتوسطة ام مروي الثانوية -كانت ايام لا تنسي وبالمناسبة لا زلت احتقظ بكراسة مذكرات لكل الاخوة بخط اليد واتمني ان انشرها يوما علي المنتدي لنستعيد الزكريات لكم جميعا تحياتي وودي
اخوكم السر احمد خليفة-مروي شرق
للتوااصل جوال 00966505699113-ابها-السعودية
tagelsirk@excite.com

[على بابكر ابراهيم بابكر]

أحبتى سمار المنتدى وعشاق بوست عتود دقش ترقبوا المفاجأة فى اليوم المفتوح (( داالعطا وودالصيدة يعرضوا فى دارة أبشخيت وأم مصعب .... الطريف يصفق .... العبدلاب تبشر .... والشبال للمنتدى !!!!

[حسان سرالختم]

اخيرا يا على ...
فعلا كلام كبار .. وتشكر يا على
لتوصيل هذا الابداع وتسلم ام مصعب
صاحبت هذه الابيات الرائعه..
لكن ابن عمنا عصرتو عليهو كتير
وبعد دا الكلام بجيب كلام !!!

[زكريا بابكر عمر]

إيه الحلاوه دي أب شخيت وأم مصعب نازلين مره واحده طيب ماكان كل واحد ينزل قصيدتو في يوم براهو علي الأقل عشان نستمتع بالنضم السمح ده بدل يوم في يومين......أمتعتونا والله يا أب شخيت وأم مصعب قصايدكن قمه في الروعه والإبداع الله يديكن العافيه ....وأه يا أب شخيت أم مصعب أوفت بوعدها ورسلت القصيده وودعمتي علي ماقصر تب كفاني شر البحث والإتصالات .....والله يا أب شخيت أنا أول مره زيك إتطلع علي قصيدة أم مصعب ما سمعتها قبل كده ويظهر إنها زعلانه من عماد شديد..... وما زالت الإبداعات تنهال علينا فتابعونا .....تحياتي ,,,,

[طارق علي صالح]

حتي الطبيل ودق الدلوكة وكشح المديدة خليته يا حسان وجادع ولاد عمك ما كان العشم

[طارق علي صالح]

اهلا ام مصعب وحبابك اخت الاخوان الافزاز . لكن ظلمتي العمدة الما بنقدر علي وصفوا .وكدي ارجعي وراجعي وشوفي عماد العمده وافضالوا التي لا تحصي ولاتعد وهو الزول القدامي العصامي الما نرضي فيهو وسينساق الشعر في العمدة الجدعهو اولاد عمو دفاعا ولا نامت اعين الجبناء

[على محجوب جعفر مصطفى]

تسلم ام مصعب على الرائعه الشعريه
وبعدين اولاد عمك معاك
وشنو ياحسان ماعاوزين تهديد

[أب شخيت]

إيه الحلاوه دي أب شخيت وأم مصعب نازلين مره واحده طيب ماكان كل واحد ينزل قصيدتو في يوم براهو علي الأقل عشان نستمتع بالنضم السمح ده بدل يوم في يومين......أمتعتونا والله يا أب شخيت وأم مصعب قصايدكن قمه في الروعه والإبداع الله يديكن العافيه ....وأه يا أب شخيت أم مصعب أوفت بوعدها ورسلت القصيده وودعمتي علي ماقصر تب كفاني شر البحث والإتصالات .....والله يا أب شخيت أنا أول مره زيك إتطلع علي قصيدة أم مصعب ما سمعتها قبل كده ويظهر إنها زعلانه من عماد شديد..... وما زالت الإبداعات تنهال علينا فتابعونا .....تحياتي ,,,,

أخوي زكريا
حرمني "سوداني" من الدخول للإستمتاع بهذا الإبداع الشعري من اختنا ام مصعب ...!!.والقصيدة غاية في الروعة مع ملامة غاضبة على الصديق العزيز عماد...انا خايف الزول دا يكون عامل كاميرا خفية داير يمقلبني انا ذاتو كمان..!!!.عشان كده للضمان انا ما بدخل في موضوع العمدة...!!!.
أما قصيدتي "فهي وليدة لحظتها"..!!.والموضوع وما فيه كان هنالك إتفاق مع ود العطا في إنزال قصيدة "حلبنة الطريف" وكنت متابعا هذه القصيدة منذ ابياتها الاولى حتى إكتملت...وهي قصيدة غاية في الجمال والطرافة وفكرتها طريفة...في تقديري هي ستنقل بوست "عتود دقش" من تناول الاشخاص الى تناول قضايا المنطقة...و لذلك فقد اعددت انا قصيدة رد على "حلبنة الطريف" بعنوان (موقفكم اليوم كم لي عدوكم غاظ) لدعم إتجاه قصيدة ود العطا في تناول المواضيع دون الاشخاص..ومن جانبي قمت بقراءتها على ود العطا فاستحسنها...فاذا به يفاجئني بالبيان الغريب معلنا مقاطعة المشاركة الشعرية والاكتفاء بالنثر كما هو واضح في ذيل البيان...!!!.ولذلك قصيدتي تعبير عن إحباط من سقوط "الموضعة امام الشخصنة"....
مايزال العشم في "حلبنة الطريف" قائما وسنظل نصب عليه الماء حتى يخرج من مكمنه...!!!!.

[زكريا بابكر عمر]

حتي الطبيل ودق الدلوكة وكشح المديدة خليته يا حسان وجادع ولاد عمك ما كان العشم

والله يا طارق يا أخوي شايف كومك ضنبو رقه كل يوم ناسك ماشين ناقصين....وبعدين المحرش مابيكاتل ما تتعب رقبتك ساكت وأرفع الرايه البيضاء....تحياتي ...

[طارق علي صالح]

عاد الزول يسوي شنو يا زكريا في الجماعة الهاربين من المنتدي لكن طبعا انا ما برفع الرايه ابدا وزي ماجبت ابشخيت بس بي (عيون )العتود شوف السنون بتجيب منو والضلافين (السليقة) تجيب منو يا زول الحديد عندنا راقد واصلي ما متكل علي ناس حسان يعني قدر ما تسو معاي انا بقدر عليكم يا زكريا الزول البشيل ليه عتود نص النهار ويعزم سيدو فيهو باقيلك عندو رايه يرفعه ليكم وكل مايتقفل باب حا افتح طاقة بس الانترنت بتاعتي ما مساعدني وقدمت لي DSL عشان اكون 24 ساعة بس يا شردوا كلكم ويا قطعطو الشخيت . والزول معاهو اشبال الطريف لياقة فل وشعر حديث .

[على بابكر ابراهيم بابكر]

أحبائى عشاق ورواد هذا البوست الرائع وكما وعدناكم بالمفاجأة فاليوم نطل عليكم عبر اليوم المفتوح فالى روائع العطا وودالصيدة .بسم الله الرحمن الرحيم

المرأة البتساوي الرجال

التمر من جبّد بشيل ... ومن يشيل للهم تلقى شال.
ويقدلو الأطفال فوق عدل ... وفوقو تقدل أم العيال.
والحريم في ستره وصلح ... والرجاله تبين في الرجال.
نصحى زايد ضوء الشمس ... ونمسي زايد نور الهلال.
لمّ حواء تئم الخلق ... ده المنى القدام الرجال.
من صحابة شيخي أب خليل ... وليهو ليهو وليهو بت خال.
وصح ضراع زكريا اليمين ... وياها إيد يعقوب الشمال.
لاب نعدها ضمن الحريم ... ولاها من ربات الحجال.
داير أصبق الناس كلهن ... ونالو شرف العطا فيها قال.
فيها فيها وفيها الكثير ... إلا بس لله الكمال.

العطا علي العطا
الجمعة 16 رمضان28/9/2007م
اليوم المفتوح





بسم الله الرحمن الرحيم

الزعل يا أخوانا فوق كم

السلام يا أهل المنتدى ... كان بعاد أو كان في ملم.
السلام مخصوص لأب شخيت ... والسلام للباقين أعم.
يا سلام يا لوم الأهل ... لم يبقى اللوم لوم عشم.
ويا حلاة اللوم والعتاب ... لم يبقى الزول محترم.
وخاصة يبقى قريب مننا ... ويتقرن في أهلنا بالدم.
ولم تبقى قرابة الأهل ... في الحساب نحن ولاد أعم.
يا سلام يا العطا ود أصول ... الزول هو رحمية وأخوي لزم.
والحلف بينك وبين أخوك ... يا العطا إنشاء الله ينتم.
أبشخيت شايل مننا ... الزعل يا أخوي فوق كم.
أصلي كان قايلو يكون زعل ... أريتني لا قلت ولا نضم.
إلا استنطقناك بالغصب ... شان نعرف إسمك ودا الأهم.
وما قصدنا نهبش العروض ... يا أب شخيت ( الوالده ) تسلم.
إلا اسم الحركه أب شخيت ... كان اسم نكره وغير علم.
لا موضحو .. لا في تلميح ... قصدو اسمو يكون معمم.
يلا يا العطا يا ود أصول ... انت جيب لك ورقه وقلم.
ودايرك انت تكون زاتي أنا ... وأصلو زات الزول هي الحكم.
داير أقول للأغا أب شخيت ... يا سلالة الجود والكرم.
دا البعشي الضيف قبل أبو ... في زمن كان العيش عدم.
وقلّ ما تلقى مثل دا في ... مثل دا وين في الزمن السجم!!.
دا البفتق الضيق بالرخاء ... الخيول والمال والخدم.
العشامه الشيال يشيل ... ما يهمو العد هو والكم.
وجيتنا في زمناً هو زاتو ... لا بيدي ولا بيرحم.
ومهما فيهو الأول دار يقول ... تلقا في جواهو إنهزم.
إتهزم في حاجات كتير ... ويلقى نفسو براهو سلم.
والبجيك انت على اللسان ... أصلو حتماً ينطقو الفم.
ما بنفتي عشان نتهم ... وقد نقول الله أعلم.
ونبقى عشرة علي لسانا ... بالقواله في يوم نتهم.
العمر يتهاوى طولو ... هي السنين فضل فيها كم.
إلا ثاني أنا داير أرجع ... وبس بدور الناس هي تفهم.
إنو طارق ود الطريف ... كونو كان سارق ومتهم.
وحاكمو العمده من الطريف ... وحكمو كان في عدة تهم.
وأي زول في البركل عرف ... إنو طارق كان إتحكم.
ما اتحكم في سرقة قطيع ... اتحكم في سرقة لحم.
يا أب شخيت والعطا ود أصول ... ناس عماد ما تشيلهم هم.
ناس عماد .. وولاد الطريف ... كلهن أخوانا من جم.
ان نقصنا نتم منهم ... ومنهم ناقصنا ينتم.
الزعل بيناتنا مرفوض ... هو الزعل يا أخوانا فوق كم.
أفسحو لي آأهل المنتدى ... أصلي جاييكن لي فهم.
القصد نضحك وننبسط ... وفي الأخير القصد الأهم.
ولو قفلنا ملف العتود ... يبقالي أخير والله أرحم.
الطوارق وما شابهن ... ثاني اللحم يبقالن السم.
ويرجع السرب كما يكون ... كلو زول في زولو إنسجم.
والقيادة لخالد الحاج ... وللبدور للسرب ينضم.
إنبساط آخر قرقراب ... وقرقراباً نفسو ينخم.
وكل زول يمسكلو سعفي ... ويبقى برش الإلفة إنتم.

إبراهيم بابكر إبراهيم (ود الصيدة)
الجمعة 16 رمضان ـ 28/9/2007م
اليوم المفتوح

[زكريا بابكر عمر]

أحبائى عشاق ورواد هذا البوست الرائع وكما وعدناكم بالمفاجأة فاليوم نطل عليكم عبر اليوم المفتوح فالى روائع العطا وودالصيدة .بسم الله الرحمن الرحيم

المرأة البتساوي الرجال

التمر من جبّد بشيل ... ومن يشيل للهم تلقى شال.
ويقدلو الأطفال فوق عدل ... وفوقو تقدل أم العيال.
والحريم في ستره وصلح ... والرجاله تبين في الرجال.
نصحى زايد ضوء الشمس ... ونمسي زايد نور الهلال.
لمّ حواء تئم الخلق ... ده المنى القدام الرجال.
من صحابة شيخي أب خليل ... وليهو ليهو وليهو بت خال.
وصح ضراع زكريا اليمين ... وياها إيد يعقوب الشمال.
لاب نعدها ضمن الحريم ... ولاها من ربات الحجال.
داير أصبق الناس كلهن ... ونالو شرف العطا فيها قال.
فيها فيها وفيها الكثير ... إلا بس لله الكمال.

العطا علي العطا
الجمعة 16 رمضان28/9/2007م
اليوم المفتوح





بسم الله الرحمن الرحيم

الزعل يا أخوانا فوق كم

السلام يا أهل المنتدى ... كان بعاد أو كان في ملم.
السلام مخصوص لأب شخيت ... والسلام للباقين أعم.
يا سلام يا لوم الأهل ... لم يبقى اللوم لوم عشم.
ويا حلاة اللوم والعتاب ... لم يبقى الزول محترم.
وخاصة يبقى قريب مننا ... ويتقرن في أهلنا بالدم.
ولم تبقى قرابة الأهل ... في الحساب نحن ولاد أعم.
يا سلام يا العطا ود أصول ... الزول هو رحمية وأخوي لزم.
والحلف بينك وبين أخوك ... يا العطا إنشاء الله ينتم.
أبشخيت شايل مننا ... الزعل يا أخوي فوق كم.
أصلي كان قايلو يكون زعل ... أريتني لا قلت ولا نضم.
إلا استنطقناك بالغصب ... شان نعرف إسمك ودا الأهم.
وما قصدنا نهبش العروض ... يا أب شخيت ( الوالده ) تسلم.
إلا اسم الحركه أب شخيت ... كان اسم نكره وغير علم.
لا موضحو .. لا في تلميح ... قصدو اسمو يكون معمم.
يلا يا العطا يا ود أصول ... انت جيب لك ورقه وقلم.
ودايرك انت تكون زاتي أنا ... وأصلو زات الزول هي الحكم.
داير أقول للأغا أب شخيت ... يا سلالة الجود والكرم.
دا البعشي الضيف قبل أبو ... في زمن كان العيش عدم.
وقلّ ما تلقى مثل دا في ... مثل دا وين في الزمن السجم!!.
دا البفتق الضيق بالرخاء ... الخيول والمال والخدم.
العشامه الشيال يشيل ... ما يهمو العد هو والكم.
وجيتنا في زمناً هو زاتو ... لا بيدي ولا بيرحم.
ومهما فيهو الأول دار يقول ... تلقا في جواهو إنهزم.
إتهزم في حاجات كتير ... ويلقى نفسو براهو سلم.
والبجيك انت على اللسان ... أصلو حتماً ينطقو الفم.
ما بنفتي عشان نتهم ... وقد نقول الله أعلم.
ونبقى عشرة علي لسانا ... بالقواله في يوم نتهم.
العمر يتهاوى طولو ... هي السنين فضل فيها كم.
إلا ثاني أنا داير أرجع ... وبس بدور الناس هي تفهم.
إنو طارق ود الطريف ... كونو كان سارق ومتهم.
وحاكمو العمده من الطريف ... وحكمو كان في عدة تهم.
وأي زول في البركل عرف ... إنو طارق كان إتحكم.
ما اتحكم في سرقة قطيع ... اتحكم في سرقة لحم.
يا أب شخيت والعطا ود أصول ... ناس عماد ما تشيلهم هم.
ناس عماد .. وولاد الطريف ... كلهن أخوانا من جم.
ان نقصنا نتم منهم ... ومنهم ناقصنا ينتم.
الزعل بيناتنا مرفوض ... هو الزعل يا أخوانا فوق كم.
أفسحو لي آأهل المنتدى ... أصلي جاييكن لي فهم.
القصد نضحك وننبسط ... وفي الأخير القصد الأهم.
ولو قفلنا ملف العتود ... يبقالي أخير والله أرحم.
الطوارق وما شابهن ... ثاني اللحم يبقالن السم.
ويرجع السرب كما يكون ... كلو زول في زولو إنسجم.
والقيادة لخالد الحاج ... وللبدور للسرب ينضم.
إنبساط آخر قرقراب ... وقرقراباً نفسو ينخم.
وكل زول يمسكلو سعفي ... ويبقى برش الإلفة إنتم.

إبراهيم بابكر إبراهيم (ود الصيدة)
الجمعة 16 رمضان ـ 28/9/2007م
اليوم المفتوح

أعزائي أبو خليل والعطا ماعندي شيء غير أقولكن الله يديكن العافيه وإن شاء الله ربنا مايحرمنا من نضمكن السمح ده والله يخليكن لينا طيبين وسالمين يا رب العالمين .... العطا أختنا أم مصعب والله جيهتها جيهي جد ما خليتلك شكر ليوره أضحكني قولك : لابنعدها ضمن الحريم ولاها من ربات الحجال:D:Dكما كيفني قولك :فيها فيها وفيها الكتير إلا بس لله الكمال..... أبو خليل شايفك داير تقفل ملف العتود بيقولك: ولو قفلنا ملف العتود يبقالي أخير والله وأرحم ...... باقيلك يا أبراهيم يا أخوي ناس المنتدي بيرضو ؟؟ علي كل نشوف رأيهم شنو؟؟ إن قالوا أقفلو بنقفلوا :confused::confused:.... لك الشكر أجزله يا دكتور علي (مراسل العتود ) والله يديك العافيه ما مقصر تب أن شاء ما يقصرن أيامك..... تحياتي للجميع ,,,

[عبد المنعم محمد محمد خير]

الأعزاء أبراهيم بابكر والعطا ، السلام عليكم وأدامكم الله زخراً لبركلنا ومتعكم بالصحة والعافية لنسمع ونقرأ منكم مثل هذه الروائع

[حسان سرالختم]

من زمان نحنا ندفق فى المديده ..يا هو للزى دا
عشان ابداع وروائع ود العطا واخونا ود الصيده
وجاتنا الاستاذه ام مصعب تمت الناقصه !!!
اخوى طارق ... العمده ود العم نحنا معاهو للطيش
ولكن الكلام السمح سمح وحتى ان بقى فى العمده!!

[أب شخيت]

أعزائي أبو خليل والعطا ماعندي شيء غير أقولكن الله يديكن العافيه وإن شاء الله ربنا مايحرمنا من نضمكن السمح ده والله يخليكن لينا طيبين وسالمين يا رب العالمين .... العطا أختنا أم مصعب والله جيهتها جيهي جد ما خليتلك شكر ليوره أضحكني قولك : لابنعدها ضمن الحريم ولاها من ربات الحجال:D:Dكما كيفني قولك :فيها فيها وفيها الكتير إلا بس لله الكمال..... أبو خليل شايفك داير تقفل ملف العتود بيقولك: ولو قفلنا ملف العتود يبقالي أخير والله وأرحم ...... باقيلك يا أبراهيم يا أخوي ناس المنتدي بيرضو ؟؟ علي كل نشوف رأيهم شنو؟؟ إن قالوا أقفلو بنقفلوا :confused::confused:.... لك الشكر أجزله يا دكتور علي (مراسل العتود ) والله يديك العافيه ما مقصر تب أن شاء ما يقصرن أيامك..... تحياتي للجميع ,,,

من مطايب الشعر وعيونه أصابتنا التخمة الكافية للحول...وبعد كلام الخليل ما عندي كلام تب...!!. والمابيسمع كلام "الكبار مقاماً" دا ما أنا...!!!.تشكراتي يا ام مصعب ويا الخليل ويا ود العطا...!!!.

[زكريا بابكر عمر]

الأعزاء الكرام كان هناك حكم صدرللمدعو طارق علي صالح سارق عتود دقش . وسبق أن حوكم المذكور ولكنه إستأنف الحكم وتم فتح ملف القضيه مره أخري . وبما أنني لم أشارك في المحكمه الأولي فالقانون يخول لي المشاركه في محكمة الإستئناف بعد فتح الملف مره أخري .... أم عسجد أنا علي وعدي لك بعد أن ترتب المراح أقصد البيت العتودي أعود وأشارك في محاكمه المدعو طارق(حرامي العتود زايع الصيت ) وأدعو كل الأخوه للمشاركه في هذه المحكمه (محكمة العصر )..... محكمه .....


قومو يا أخوان ترو جاي
يلا شاركونا كرامة العتود
كل زول يمد إيدو ويشيل
ويحمد الله الكريم الودود
إلا طارق يسحف بعييييد
يمشي غادي يبارح الحدود
حقو أخدو بيزايد شويه
ما خلا حتي الراس والجلود
وما عزم زول قالو هاك
والريحه جات للجيران بالقدود
حتي صاحب الحق مالقا
العطا وإبراهيم شهود
يا دقش مفروض ما تسامح
وكيف تسيب أصحاب الأخدود ؟
ما تقول يا ناس نحنه أهل
ونحنه مربوطين بالجدود
البيسرق يا ناس في الشرع
أيه عقابو أقرولو البنود
جيبو في ميدان البركل للحكم
لمو الخلق لمو الحشود
وأبقو واعين ما يزوغ
ومن كريمه أطلبو الجنود
وأصلو إن فكه البيرك هرب
في الجري أسرع من الفهود
كان لزومو شنو الإفترا
والعنبلوك كان بابو مسدود
ما تكسر الطبله وتدفر الباب
بدل ما تنط زي القرود
نصة نهار وبلا خجل
دي قوة عين فايته الحدود
متل ده لاقاكن يا رفاقه
ورايك شنو يا (أبو الشخوت )؟؟؟؟

مداوله أولي...رفعت الجلسه علي أن تستأنف في صبيحة الغد .... محكمه ....

[رقيتون]

أحبائى عشاق ورواد هذا البوست الرائع وكما وعدناكم بالمفاجأة فاليوم نطل عليكم عبر اليوم المفتوح فالى روائع العطا وودالصيدة .بسم الله الرحمن الرحيم

المرأة البتساوي الرجال

التمر من جبّد بشيل ... ومن يشيل للهم تلقى شال.
ويقدلو الأطفال فوق عدل ... وفوقو تقدل أم العيال.
والحريم في ستره وصلح ... والرجاله تبين في الرجال.
نصحى زايد ضوء الشمس ... ونمسي زايد نور الهلال.
لمّ حواء تئم الخلق ... ده المنى القدام الرجال.
من صحابة شيخي أب خليل ... وليهو ليهو وليهو بت خال.
وصح ضراع زكريا اليمين ... وياها إيد يعقوب الشمال.
لاب نعدها ضمن الحريم ... ولاها من ربات الحجال.
داير أصبق الناس كلهن ... ونالو شرف العطا فيها قال.
فيها فيها وفيها الكثير ... إلا بس لله الكمال.

العطا علي العطا
الجمعة 16 رمضان28/9/2007م
اليوم المفتوح





بسم الله الرحمن الرحيم

الزعل يا أخوانا فوق كم

السلام يا أهل المنتدى ... كان بعاد أو كان في ملم.
السلام مخصوص لأب شخيت ... والسلام للباقين أعم.
يا سلام يا لوم الأهل ... لم يبقى اللوم لوم عشم.
ويا حلاة اللوم والعتاب ... لم يبقى الزول محترم.
وخاصة يبقى قريب مننا ... ويتقرن في أهلنا بالدم.
ولم تبقى قرابة الأهل ... في الحساب نحن ولاد أعم.
يا سلام يا العطا ود أصول ... الزول هو رحمية وأخوي لزم.
والحلف بينك وبين أخوك ... يا العطا إنشاء الله ينتم.
أبشخيت شايل مننا ... الزعل يا أخوي فوق كم.
أصلي كان قايلو يكون زعل ... أريتني لا قلت ولا نضم.
إلا استنطقناك بالغصب ... شان نعرف إسمك ودا الأهم.
وما قصدنا نهبش العروض ... يا أب شخيت ( الوالده ) تسلم.
إلا اسم الحركه أب شخيت ... كان اسم نكره وغير علم.
لا موضحو .. لا في تلميح ... قصدو اسمو يكون معمم.
يلا يا العطا يا ود أصول ... انت جيب لك ورقه وقلم.
ودايرك انت تكون زاتي أنا ... وأصلو زات الزول هي الحكم.
داير أقول للأغا أب شخيت ... يا سلالة الجود والكرم.
دا البعشي الضيف قبل أبو ... في زمن كان العيش عدم.
وقلّ ما تلقى مثل دا في ... مثل دا وين في الزمن السجم!!.
دا البفتق الضيق بالرخاء ... الخيول والمال والخدم.
العشامه الشيال يشيل ... ما يهمو العد هو والكم.
وجيتنا في زمناً هو زاتو ... لا بيدي ولا بيرحم.
ومهما فيهو الأول دار يقول ... تلقا في جواهو إنهزم.
إتهزم في حاجات كتير ... ويلقى نفسو براهو سلم.
والبجيك انت على اللسان ... أصلو حتماً ينطقو الفم.
ما بنفتي عشان نتهم ... وقد نقول الله أعلم.
ونبقى عشرة علي لسانا ... بالقواله في يوم نتهم.
العمر يتهاوى طولو ... هي السنين فضل فيها كم.
إلا ثاني أنا داير أرجع ... وبس بدور الناس هي تفهم.
إنو طارق ود الطريف ... كونو كان سارق ومتهم.
وحاكمو العمده من الطريف ... وحكمو كان في عدة تهم.
وأي زول في البركل عرف ... إنو طارق كان إتحكم.
ما اتحكم في سرقة قطيع ... اتحكم في سرقة لحم.
يا أب شخيت والعطا ود أصول ... ناس عماد ما تشيلهم هم.
ناس عماد .. وولاد الطريف ... كلهن أخوانا من جم.
ان نقصنا نتم منهم ... ومنهم ناقصنا ينتم.
الزعل بيناتنا مرفوض ... هو الزعل يا أخوانا فوق كم.
أفسحو لي آأهل المنتدى ... أصلي جاييكن لي فهم.
القصد نضحك وننبسط ... وفي الأخير القصد الأهم.
ولو قفلنا ملف العتود ... يبقالي أخير والله أرحم.
الطوارق وما شابهن ... ثاني اللحم يبقالن السم.
ويرجع السرب كما يكون ... كلو زول في زولو إنسجم.
والقيادة لخالد الحاج ... وللبدور للسرب ينضم.
إنبساط آخر قرقراب ... وقرقراباً نفسو ينخم.
وكل زول يمسكلو سعفي ... ويبقى برش الإلفة إنتم.

إبراهيم بابكر إبراهيم (ود الصيدة)
الجمعة 16 رمضان ـ 28/9/2007م
اليوم المفتوح

اولادنا الاعزاء لقد سعدنا جدا بهذاالابداع الرائع لقد اوفيتم وكفيتم
وحقيقة يالعطا ام مصعب الكمال لله وحده وتعجز الكلمات لوصفها اما ولدنا ابراهيم
هو الساس والراس ومرجعية القيم والاخلاق وماقصرتو ربنا يطيل اعماركم ويلبسكم ثوب الصحه والعافيه ويعطيكم نعيم الدنيا والاخرة ودمت زخرا لاهلكم فى البركل والطريف والشايقيه عموما وليكم تحيات حبوبتكم رقيتون والله يحفظكم ويغطيكم

[زكريا بابكر عمر]

[QUOTE=رقيتون;4530]

اولادنا الاعزاء لقد سعدنا جدا بهذاالابداع الرائع لقد اوفيتم وكفيتم
وحقيقة يالعطا ام مصعب الكمال لله وحده وتعجز الكلمات لوصفها اما ولدنا ابراهيم
هو الساس والراس ومرجعية القيم والاخلاق وماقصرتو ربنا يطيل اعماركم ويلبسكم ثوب الصحه والعافيه ويعطيكم نعيم الدنيا والاخرة ودمت زخرا لاهلكم فى البركل والطريف والشايقيه عموما وليكم تحيات حبوبتكم رقيتون والله يحفظكم ويغطيكم[
رقيتون باقيلي اليومين دي نازل منك :D:D ولا ده رمضان أماني مو راجلا ضكر كلنا مأدبنا (ربنا يتقبل )... وأسع اليومين دي أنا شغال تمارين لياقه عشان الفطر لمن يجي يلقاني جاهز مويه ونور للكع والكف ويظهر إنها حاتكون معركة حامية الوطيس ونحن جاهزين ليطارق وجماعتو وأماني ياطارق ما جاك بلا (بس خلونا نشرب المويه ونروه ):cool::cool:

[رقيتون]

[QUOTE=رقيتون;4530]

اولادنا الاعزاء لقد سعدنا جدا بهذاالابداع الرائع لقد اوفيتم وكفيتم
وحقيقة يالعطا ام مصعب الكمال لله وحده وتعجز الكلمات لوصفها اما ولدنا ابراهيم
هو الساس والراس ومرجعية القيم والاخلاق وماقصرتو ربنا يطيل اعماركم ويلبسكم ثوب الصحه والعافيه ويعطيكم نعيم الدنيا والاخرة ودمت زخرا لاهلكم فى البركل والطريف والشايقيه عموما وليكم تحيات حبوبتكم رقيتون والله يحفظكم ويغطيكم[
رقيتون باقيلي اليومين دي نازل منك :D:D ولا ده رمضان أماني مو راجلا ضكر كلنا مأدبنا (ربنا يتقبل )... وأسع اليومين دي أنا شغال تمارين لياقه عشان الفطر لمن يجي يلقاني جاهز مويه ونور للكع والكف ويظهر إنها حاتكون معركة حامية الوطيس ونحن جاهزين ليطارق وجماعتو وأماني ياطارق ما جاك بلا (بس خلونا نشرب المويه ونروه ):cool::cool:

انت يازكريا ماعارف ان الشيخ ابراهيم بابكر هو شيخى ثانيا العين مابتعلا على الحاجب
بعدين وليدنا ابراهيم ده زاتوا من الطريف
امارمضان يازكريا المره دى راجلا ضكر وامراة نقناقه الله يتقبل
اما طارق يازكريا انه لايخاف الوغى وجماعتوا والحشاش ...............شبكتو؟؟؟؟

[أب شخيت]

قومو يا أخوان ترو جاي
يلا شاركونا كرامة العتود
كل زول يمد إيدو ويشيل
ويحمد الله الكريم الودود
إلا طارق يسحف بعييييد
يمشي غادي يبارح الحدود
حقو أخدو بيزايد شويه
ما خلا حتي الراس والجلود
وما عزم زول قالو هاك
والريحه جات للجيران بالقدود
حتي صاحب الحق مالقا
العطا وإبراهيم شهود
يا دقش مفروض ما تسامح
وكيف تسيب أصحاب الأخدود ؟
ما تقول يا ناس نحنه أهل
ونحنه مربوطين بالجدود
البيسرق يا ناس في الشرع
أيه عقابو أقرولو البنود
جيبو في ميدان البركل للحكم
لمو الخلق لمو الحشود
وأبقو واعين ما يزوغ
ومن كريمه أطلبو الجنود
وأصلو إن فكه البيرك هرب
في الجري أسرع من الفهود
كان لزومو شنو الإفترا
والعنبلوك كان بابو مسدود
ما تكسر الطبله وتدفر الباب
بدل ما تنط زي القرود
نصة نهار وبلا خجل
دي قوة عين فايته الحدود
متل ده لاقاكن يا رفاقه
ورايك شنو يا (أبو الشخوت )؟؟؟؟

....

سجود السهو الشعري

إنتا يا زكريا مالك
دار تتاقي القلنا مسدود
نحن ما قادرين نقفِّل
ماتوسِّع لينا القدود
"الخليل" قال لينا يا ناس
الكلام بيجيب الردود
والردود مافيها يوم خير
بس تزيد النيران وقود
يلا نقفل دارة الشعر
بالخصوص الخاص بالعتود
وبإتفاق مع ود العطا
قمنا وثّقناها العهود
ما كلام قولناهو ساكت
ونمشي تاني نحفِّر نعود
ومابقول زي ما قالو ناس
وما ببارى الشعرا واخود
ولو "نسيت" وكتبت الشعر
يبقى لازمني عليهو السجود
مابقول بلّاني "أبو الزيك"
"والمبلبل أخيرلو البرود"
أنا أبوك يا زينة البنات
وأنا أخوك ياالنايرة أم خدود
ما حصل غلّبني الكلام
والشعر مربوط ما شرود
أمشي لقِّطو ليكا من جم
وما بكون تعبان ومهدود
وما بنطط تب في الكلام
التنطط صفة للقرود
الشعر شاديلو اللجام
بمشي كاتل وضهري مسنود
أصلو خوي "طيبان" قال زمان
قبال يجينا "الهكر" الحقود
(إن نزل بنزل للسلام
سرجي فوقو وحتى مشدود)
(النعال خاتيها "الملص"
وفي يميني عصاتي بارود)
(الحويطة تكون بي وراي
وما بشيل الكاس للحشود)
رجعة إستينافكم ظلم
وارتداد عن كل البنود
وتحكمو إستئناف إنتو ليه
أصلو سارق ليكم قعود؟!!
الكلام جيَّايب المشاكل
المظالم الفايته الحدود
حد ما نقول أختوهو الظلم
ألقى قولي عليّ مردود
يلا أرجو براكم إنتو
واحصدوا النكران والجحود
والمراح مادام فيهو شي
برضو طارق ليهو بيعود
يا دقش بس ماتنوم
وحتى فد يوم ما تنود
خلي نومك" ديك فوق حبل"
أو خلي نومك نوم السقود
أصلو لو ساعيلك غنم
الظلم جاب ليك الأسود
والعمير لو فيهو باقي
الفضل محسوب ومعدود
خاينة دنيا السجم الرماد
وألعنوها الدنيا أم قدود
مابتدوم مابتدَّي الحريف
النزوله يقابلو الصعود
وينو ناس ذات العماد
أو ناس ثمود أو قوم هود
وين صحاب الشرف التليد
وينن صحاب الملك العضود
لو تدوم يا خويا لي زول
كان رسولنا أدوهو الخلود
في النهاية لبسكم كفن
وفي التراب راجيكم الدود
والحساب يا خوانا قيراط
والسراط ياخوانا موجود
أتلو قرآن الأواخر
وخلو عينكم تابى الهجود
وبالتهجد باركو العمير
و الثواب عن رب الوجود
كان إلهك رفع "القديم"
للحجاز قوم أغشى باعبود
البحر أب سفراً رخيص
مابيدوره كتيرات نقود
كون عبادتك زي مصطفاك
والصيام سيدنا داوود
كتِّر الإنفاق في الخفا
ولو قليل وبسيط ومحدود
المضاعف عشرة أضعاف
دخري للميزان والشهود
تسعد حياتك ديمة بالخير
والعمير بالبركة ممدود

[عطمنو]

[QUOTE=زكريا بابكر عمر;4553]

انت يازكريا ماعارف ان الشيخ ابراهيم بابكر هو شيخى ثانيا العين مابتعلا على الحاجب
بعدين وليدنا ابراهيم ده زاتوا من الطريف
امارمضان يازكريا المره دى راجلا ضكر وامراة نقناقه الله يتقبل
اما طارق يازكريا انه لايخاف الوغى وجماعتوا والحشاش ...............شبكتو؟؟؟؟



أبراهيم شيخك يا مبهدلة وكمان تنسبيهو للطريف ، أبراهيم عبدلابي أبو وأم وما عندو صلة بالطريف . وإن كان كلامك ده دايرالك بيهو حلف معاي أنا وزكريا بأ قولك زحي بعيد ومافي ليكي طريقة . وبعدين رمضان مالك عليهو ضمرة صاحبك شافك تسفي من حقتك الكبيرة عاملي صيام الضب . والشبكة اليكروكي بيها

[عطمنو]

سجود السهو الشعري

إنتا يا زكريا مالك
دار تتاقي القلنا مسدود
نحن ما قادرين نقفِّل
ماتوسِّع لينا القدود
"الخليل" قال لينا يا ناس
الكلام بيجيب الردود
والردود مافيها يوم خير
بس تزيد النيران وقود
يلا نقفل دارة الشعر
بالخصوص الخاص بالعتود
وبإتفاق مع ود العطا
قمنا وثّقناها العهود
ما كلام قولناهو ساكت
ونمشي تاني نحفِّر نعود
ومابقول زي ما قالو ناس
وما ببارى الشعرا واخود
ولو "نسيت" وكتبت الشعر
يبقى لازمني عليهو السجود
مابقول بلّاني "أبو الزيك"
"والمبلبل أخيرلو البرود"
أنا أبوك يا زينة البنات
وأنا أخوك ياالنايرة أم خدود
ما حصل غلّبني الكلام
والشعر مربوط ما شرود
أمشي لقِّطو ليكا من جم
وما بكون تعبان ومهدود
وما بنطط تب في الكلام
التنطط صفة للقرود
الشعر شاديلو اللجام
بمشي كاتل وضهري مسنود
أصلو خوي "طيبان" قال زمان
قبال يجينا "الهكر" الحقود
(إن نزل بنزل للسلام
سرجي فوقو وحتى مشدود)
(النعال خاتيها "الملص"
وفي يميني عصاتي بارود)
(الحويطة تكون بي وراي
وما بشيل الكاس للحشود)
رجعة إستينافكم ظلم
وارتداد عن كل البنود
وتحكمو إستئناف إنتو ليه
أصلو سارق ليكم قعود؟!!
الكلام جيَّايب المشاكل
المظالم الفايته الحدود
حد ما نقول أختوهو الظلم
ألقى قولي عليّ مردود
يلا أرجو براكم إنتو
واحصدوا النكران والجحود
والمراح مادام فيهو شي
برضو طارق ليهو بيعود
يا دقش بس ماتنوم
وحتى فد يوم ما تنود
خلي نومك" ديك فوق حبل"
أو خلي نومك نوم السقود
أصلو لو ساعيلك غنم
الظلم جاب ليك الأسود
والعمير لو فيهو باقي
الفضل محسوب ومعدود
خاينة دنيا السجم الرماد
وألعنوها الدنيا أم قدود
مابتدوم مابتدَّي الحريف
النزوله يقابلو الصعود
وينو ناس ذات العماد
أو ناس ثمود أو قوم هود
وين صحاب الشرف التليد
وينن صحاب الملك العضود
لو تدوم يا خويا لي زول
كان رسولنا أدوهو الخلود
في النهاية لبسكم كفن
وفي التراب راجيكم الدود
والحساب يا خوانا قيراط
والسراط ياخوانا موجود
أتلو قرآن الأواخر
وخلو عينكم تابى الهجود
وبالتهجد باركو العمير
و الثواب عن رب الوجود
كان إلهك رفع "القديم"
للحجاز قوم أغشى باعبود
البحر أب سفراً رخيص
مابيدوره كتيرات نقود
كون عبادتك زي مصطفاك
والصيام سيدنا داوود
كتِّر الإنفاق في الخفا
ولو قليل وبسيط ومحدود
المضاعف عشرة أضعاف
دخري للميزان والشهود
تسعد حياتك ديمة بالخير
والعمير بالبركة ممدود


أب شخيت كلامك سمح بالحيل بس الناس ما تقوم تقول الجماعة خوفن طارق بيه صواريخو وكمان أنا الليلي عندي نضم دار أقولو رد ليه زكريا صاحبي وحليفي


نحنا جينا وسمعنا الكلام
وماب نقفلو ملف العتود
لو عملتو الحلف العظيم
لو عملتو متاريس أو سدود
دار نشوف ليه دقش إنظلم
وجنا علي صالح الفات الحدود
ومهما جبتو وزدتو في القول
نحنا جاهزين تب ليها الردود
وما تحنس يا أخونا أب شخيت
ونحنا عتودنا أكبر من قعود
من دقش نهبوهو في ليل
وكل خلق الله صبحت شهود
خلو زي المجنون هو جاري
يسأل الجنيات والحشود
إنتو ما شفتو عتودي وين
ده البشبع ليه قوم هود
ويا زكريا نحنا وراك سايرين
وماب نسلم نحنا ترانا الجنود


لم أقصد الإساءة في هذه الأبيات لأي شخص وإنما هي مجاراة لأشعار الإخوة في المنتدى وهذه الأبيات مهداة للأخ زكريا بابكر عمر
ودمتم ( عطعط - يا قول ضمرة )

[ضمره بغدادى]

[QUOTE=رقيتون;4578][size=5]



[size=9]أبراهيم شيخك يا مبهدلة وكمان تنسبيهو للطريف ، أبراهيم عبدلابي أبو وأم وما عندو صلة بالطريف . وإن كان كلامك ده دايرالك بيهو حلف معاي أنا وزكريا بأ قولك زحي بعيد ومافي ليكي طريقة . وبعدين رمضان مالك عليهو ضمرة صاحبك شافك تسفي من حقتك الكبيرة عاملي صيام الضب . والشبكة اليكروكي بيها

عطعط حبيبتى
آآآآآآآآآآآآآمين

[ضمره بغدادى]

أب شخيت كلامك سمح بالحيل بس الناس ما تقوم تقول الجماعة خوفن طارق بيه صواريخو وكمان أنا الليلي عندي نضم دار أقولو رد ليه زكريا صاحبي وحليفي


نحنا جينا وسمعنا الكلام
وماب نقفلو ملف العتود
لو عملتو الحلف العظيم
لو عملتو متاريس أو سدود
دار نشوف ليه دقش إنظلم
وجنا علي صالح الفات الحدود
ومهما جبتو وزدتو في القول
نحنا جاهزين تب ليها الردود
وما تحنس يا أخونا أب شخيت
ونحنا عتودنا أكبر من قعود
من دقش نهبوهو في ليل
وكل خلق الله صبحت شهود
خلو زي المجنون هو جاري
يسأل الجنيات والحشود
إنتو ما شفتو عتودي وين
ده البشبع ليه قوم هود
ويا زكريا نحنا وراك سايرين
وماب نسلم نحنا ترانا الجنود


لم أقصد الإساءة في هذه الأبيات لأي شخص وإنما هي مجاراة لأشعار الإخوة في المنتدى وهذه الأبيات مهداة للأخ زكريا بابكر عمر
ودمتم ( عطعط - يا قول ضمرة )

تسلمى يا أحلى عطعط

[عطمنو]

[QUOTE=عطمنو;4620]

عطعط حبيبتى
آآآآآآآآآآآآآمين


ضمرة سلامات ، إنتا يادوبك أظنك لقيت عقلك ومن زمان مباري المخرفات ديل بت دباي ورقيتون بس الحمد لله الرجعت ، واليباري الجداد يوديهو ...........

[ضمره بغدادى]

[QUOTE=ضمره بغدادى;4626]


ضمرة سلامات ، إنتا يادوبك أظنك لقيت عقلك ومن زمان مباري المخرفات ديل بت دباي ورقيتون بس الحمد لله الرجعت ، واليباري الجداد يوديهو ...........

بت دباى اصله ربنا يغفر لها ويرحمها لحقت عوض .
امًا التانى الاسمها رقيتون دى امانى ليها يوم معاى وانا محددلها يوم سادسة العيد .. بعد المويه تجرى فى دمنا زين وهى اصله مو هامها رمضان واللا شوال امانى مابسقيها المويه بى دوده وانتى تشوفى .

[رقيتون]

[QUOTE=رقيتون;4578][size=5]



[size=9]أبراهيم شيخك يا مبهدلة وكمان تنسبيهو للطريف ، أبراهيم عبدلابي أبو وأم وما عندو صلة بالطريف . وإن كان كلامك ده دايرالك بيهو حلف معاي أنا وزكريا بأ قولك زحي بعيد ومافي ليكي طريقة . وبعدين رمضان مالك عليهو ضمرة صاحبك شافك تسفي من حقتك الكبيرة عاملي صيام الضب . والشبكة اليكروكي بيها

عطمنوا مافى زولا بلومه
جاتنى مطيره عيونه
حلف بالله مجنونه
زكريا شايل همومه

[رقيتون]

[QUOTE=عطمنو;4620]

عطعط حبيبتى
آآآآآآآآآآآآآمين

حباك برصى وعشره خرسى
يالتايه ومالاقى مرسى
عطعط بكره ليها بتنسى

[ضمره بغدادى]

[QUOTE=ضمره بغدادى;4626]

حباك برصى وعشره خرسى
يالتايه ومالاقى مرسى
عطعط بكره ليها بتنسى

عطعط حبيبت القواسى
وانا ابدا ليها ما ناسى
ده اهله لا نير تنقاسى

[رقيتون]

[QUOTE=رقيتون;4633][size=5]

[size=6]عطعط حبيبت القواسى
وانا ابدا ليها ما ناسى
ده اهله لا نير تنقاسى

الرسول ياحبانى دحين شوفوا صورة ضمره دى شناة مررررررررررررررره
متحكر المابشبه الوليدات يبقالى شوال جاء

[طارق علي صالح]

يا رقيتون الحاله ضمرة قاشر ومقلوز العمه وعامل ساونه وطالع من علبو .وزكريا بنكريهو وابراهيم بابكر الطريف يشرف بيهو .

[ضمره بغدادى]

[QUOTE=ضمره بغدادى;4636]

الرسول ياحبانى دحين شوفوا صورة ضمره دى شناة مررررررررررررررره
متحكر المابشبه الوليدات يبقالى شوال جاء

حبوبة
قولى الصلاة على النبى وعينى باردى :D:D

[طارق علي صالح]

ترقبوا المفاجآت
1- كيف تم الاستلاء علي العتود؟
2- من المسوؤل عن مهمه اجلاء العتود لمنطقه آمنة من هو الفاعل الحقيقي وكيف تم انجاز المهمه بنجاح؟
3-جلد العتود الان سعن موية ام سعن لبن واين يوجد؟

صدقوني هناك اسرار ستنشر لاول مرة وهناك اسماء معروفة في الساحة العبدلابية ستظهر في المنتدي لاول مرة

البوست حا يقلب مريق

[زكريا بابكر عمر]

[QUOTE=ضمره بغدادى;4636]

الرسول ياحبانى دحين شوفوا صورة ضمره دى شناة مررررررررررررررره
متحكر المابشبه الوليدات يبقالى شوال جاء

آآآآآآآآآخ يا مصاريني ....تتجازي يارقيتون .... لكن كلامك صح شناة مرررررررره تقطع الغنم من مرحاتن:D:D:D:D:D

[زكريا بابكر عمر]

يا رقيتون الحاله ضمرة قاشر ومقلوز العمه وعامل ساونه وطالع من علبو .وزكريا بنكريهو وابراهيم بابكر الطريف يشرف بيهو .

إن شاء الله يا طارق يكروك اليهود:mad::mad: هو الداير يكري يقول أنا داير أكري !!!! داير تكريني عشان تشيل حالي وتنقر طاري (وتركب صايحك ) دي تلقاها عن طيره مباري السيره يا حمبره:p:p:p:p

[زكريا بابكر عمر]

أب شخيت كلامك سمح بالحيل بس الناس ما تقوم تقول الجماعة خوفن طارق بيه صواريخو وكمان أنا الليلي عندي نضم دار أقولو رد ليه زكريا صاحبي وحليفي


نحنا جينا وسمعنا الكلام
وماب نقفلو ملف العتود
لو عملتو الحلف العظيم
لو عملتو متاريس أو سدود
دار نشوف ليه دقش إنظلم
وجنا علي صالح الفات الحدود
ومهما جبتو وزدتو في القول
نحنا جاهزين تب ليها الردود
وما تحنس يا أخونا أب شخيت
ونحنا عتودنا أكبر من قعود
من دقش نهبوهو في ليل
وكل خلق الله صبحت شهود
خلو زي المجنون هو جاري
يسأل الجنيات والحشود
إنتو ما شفتو عتودي وين
ده البشبع ليه قوم هود
ويا زكريا نحنا وراك سايرين
وماب نسلم نحنا ترانا الجنود


لم أقصد الإساءة في هذه الأبيات لأي شخص وإنما هي مجاراة لأشعار الإخوة في المنتدى وهذه الأبيات مهداة للأخ زكريا بابكر عمر
ودمتم ( عطعط - يا قول ضمرة )

يا سلام عشره علي عشره يا عطمنو والله شعرك خاتي اللوم أول مره أعرف إنك شاعره عديييييييييل ( بدون مجامله ) وبعد كده نديكي شهاده معترف بها مختومه بختم (عتود دقش ) وبعد كدي لك الحق الكامل في مرمطة وتهذئة السيد سارق العتود المدعو طارق وإن بقي داير ربنا يغضبه عليهو اليهبشك عشان أزعمطلو صويفاتو الشينات ديل:rolleyes::rolleyes::rolleyes:

[رقيتون]

يا سلام عشره علي عشره يا عطمنو والله شعرك خاتي اللوم أول مره أعرف إنك شاعره عديييييييييل ( بدون مجامله ) وبعد كده نديكي شهاده معترف بها مختومه بختم (عتود دقش ) وبعد كدي لك الحق الكامل في مرمطة وتهذئة السيد سارق العتود المدعو طارق وإن بقي داير ربنا يغضبه عليهو اليهبشك عشان أزعمطلو صويفاتو الشينات ديل:rolleyes::rolleyes::rolleyes:

تظعمت منو برجاء الله عليك تظعمتك عطمنوا باقى رمضان المرة دى طول وشوال اتاخر خلاكم تمرحوا انت وعطمنوا ما لاقين زول يرد عليكم
اياكم واحذر بقوة واحد يهبش وليدات بطنى ديل تشوفوا ان ماجاكم بوش شخصيا
بسسسسسسسسسسسس خمج

[عبد الرحمن يوسف]

الاخوان مانى شاعر لكن محاولة
[size=5]العنود ماهو عتود نصاح ]مومخلى كرموش ولا عقاب ملاح
دقش قصاه وشافوا مع الصباح
وفجأة اتفقد العتود راح
الحرامى اظنوا جاه مرتاح
والعتود لاكواريك لا صياح
والخب مرق فى البلد فاح
ودقش اتصبر لابكى ولاصاح
وقال اللى جات فى المال سماح
وقال خوفى من الشمات والفصاح

ابراهيم كتب خف الاحزان
وزكريا من الجنوب رسلوا الحان
يعوضك الله آدقش خرفان
ويكبر مراحك ويبقى مليان
والعتدن تقسما للجيران
وتخليلك شوى للبجيك شرفان
ولايهمك مادم التمر رويان
قوى باب مراحك وارفع الحيطان
ينقطع امل الوراك سهران
يخطط لى سرق الهائم تعبان
ولكم تحياتى .

[على بابكر ابراهيم بابكر]

احبتى الأفاضل عشاق ورواد البوست الرائع ( عتود دقش) معذرة إن طال غيابنا عنكم لظروف خارجة عن إرادتى وقد عدت إليكم اليوم وأحمل البشريات بالجديد من أستاذنا العلم / العطا على العطا وذلك بعنوان حلبنة الكلمات وهى من أروع ما كتب فى هذا البوست فالى مضامين ماكتب !!

بسم الله الرحمن الرحيم

( حلبنة الكلمات )
(( صدقة فى الذكرى الأربعين لحلبنة الطريف ))

جاءنى هاجس فى خاطرى طاف
قت هادى الإيد أربطـه
واتنى خيط الربط المتين
يبقى رابطنى ورابطه
وكتن أصلاً أنا زول مو يا ... كون إنى بديت الخطأ
وكل شئ مسيوط سطو أنا ... وفى النهاية أنا السايطه
خوة بين إخوان من زمان ... عشرة جيرة الدم خالطه
معركة تحرير من وهم ... صح وهم تعديل خارطه
منى كان مقبول الكلام ... لمّ كان فوق توب الغطاء
ياحليلى ألوج فى الشمس ... واشريرى الضل ما أطا
ومنو أمشى بعيد أبشخيت ... ومن شخوتو الكان شاخته
اجرى يا ابراهيم شيخى أنا ... يى دى حالتى تعال حوطه
بارى يا زكريا الحروف ... إن نسيت أنا نقطه أنقطه
وين محل مفتوقه أرقعه... يا أخوى يعقوب خيطه
قومو اسندو معاى الحيط ... وبرضو أقيفو معاى نبلطه
هيلاهوب إيديكن معاى ... نقلب المقلوب بالخطأ
شن يفيد الصقر إن وقع ... فى البتابيت والبلبطه
الله ربى يجازى الحلب ...وكل حكومات البلعطة
كل دجال رافع شعار ... كل منافق شال يافطه
أىّ بدعه مصيره السقوط ... فى النهاية تكون ساقطه
وأىّ طائرة تطير بالكضب ... لو صبرنا تقع هابطه
جيت أكوس للناس فى الضحك ... نيتى كل الخلق أبسطه
جم تعاستا أخت السرور ... فوق سروره أزيده أغبطه
أىّ كلمة تكون بانطلاق ... مانى قايل الناس تقرطه
وأىّ خطوه مشيت دون قيود ... كان من المفروض أضبطه
هسه داير أفك الرباط ... داير أفك إيدى الرابطه
بيها ألملم كل ورقى داك ... أىّ ورقة ألقاها أشرطه
تانى شان إتفشه ارتاح ... بى كراعى ادوسه أخبطه
بيها إيدى أجر الشخيط ... ألف شخطه وشخطه أشخطه
يا ترى الغلطان كت أنا ... أم هو كان سوء فهم العطا
للسلام الجاء وما وصل ... لسه بين الناس ما وطأ
برضو للبترول المرق ... وما لقى السواق نافطه
أو للقالو الصاح دوغرى صاح ... ماهو قول إعلام وأشرطه
القبيل اختارو القبور ... شان وراهم نلقى واطه
فيها تصديق جامع طلع ... جم كنيسه القس خططه
للبعرفو الله عرفه صاح ... ماها عرفه جور سلبطه
أو اللفى إيدو شريحة البلد ... شال قروشنا وما نشّطه
أم هو فارس الشعر العنيد ... لمّ شد جوادو امتطى
ثورة مو ضد سارق العتود ... ضد على الحرمات يوم سطا
يا ترى الغلطان فينا مين ... ويا ترى وين كان الخطأ
العطا على العطا ـ البركل ـ 22رمضان

[على بابكر ابراهيم بابكر]

ترقبوا قريباً سمار البوست الرائع المفاجأة من العيار الثقيل درر من الابداع الشعرى من ود الصيدة (( شيخ ابراهيم ودالصيدة يلبس العطا على العطا حجاب الانسحاب من الطريف )) فتكون بين يديكم خلال الساعات القادمة !!!!!!!!!!!

[زكريا بابكر عمر]

احبتى الأفاضل عشاق ورواد البوست الرائع ( عتود دقش) معذرة إن طال غيابنا عنكم لظروف خارجة عن إرادتى وقد عدت إليكم اليوم وأحمل البشريات بالجديد من أستاذنا العلم / العطا على العطا وذلك بعنوان حلبنة الكلمات وهى من أروع ما كتب فى هذا البوست فالى مضامين ماكتب !!

بسم الله الرحمن الرحيم

( حلبنة الكلمات )
(( صدقة فى الذكرى الأربعين لحلبنة الطريف ))

جاءنى هاجس فى خاطرى طاف
قت هادى الإيد أربطـه
واتنى خيط الربط المتين
يبقى رابطنى ورابطه
وكتن أصلاً أنا زول مو يا ... كون إنى بديت الخطأ
وكل شئ مسيوط سطو أنا ... وفى النهاية أنا السايطه
خوة بين إخوان من زمان ... عشرة جيرة الدم خالطه
معركة تحرير من وهم ... صح وهم تعديل خارطه
منى كان مقبول الكلام ... لمّ كان فوق توب الغطاء
ياحليلى ألوج فى الشمس ... واشريرى الضل ما أطا
ومنو أمشى بعيد أبشخيت ... ومن شخوتو الكان شاخته
اجرى يا ابراهيم شيخى أنا ... يى دى حالتى تعال حوطه
بارى يا زكريا الحروف ... إن نسيت أنا نقطه أنقطه
وين محل مفتوقه أرقعه... يا أخوى يعقوب خيطه
قومو اسندو معاى الحيط ... وبرضو أقيفو معاى نبلطه
هيلاهوب إيديكن معاى ... نقلب المقلوب بالخطأ
شن يفيد الصقر إن وقع ... فى البتابيت والبلبطه
الله ربى يجازى الحلب ...وكل حكومات البلعطة
كل دجال رافع شعار ... كل منافق شال يافطه
أىّ بدعه مصيره السقوط ... فى النهاية تكون ساقطه
وأىّ طائرة تطير بالكضب ... لو صبرنا تقع هابطه
جيت أكوس للناس فى الضحك ... نيتى كل الخلق أبسطه
جم تعاستا أخت السرور ... فوق سروره أزيده أغبطه
أىّ كلمة تكون بانطلاق ... مانى قايل الناس تقرطه
وأىّ خطوه مشيت دون قيود ... كان من المفروض أضبطه
هسه داير أفك الرباط ... داير أفك إيدى الرابطه
بيها ألملم كل ورقى داك ... أىّ ورقة ألقاها أشرطه
تانى شان إتفشه ارتاح ... بى كراعى ادوسه أخبطه
بيها إيدى أجر الشخيط ... ألف شخطه وشخطه أشخطه
يا ترى الغلطان كت أنا ... أم هو كان سوء فهم العطا
للسلام الجاء وما وصل ... لسه بين الناس ما وطأ
برضو للبترول المرق ... وما لقى السواق نافطه
أو للقالو الصاح دوغرى صاح ... ماهو قول إعلام وأشرطه
القبيل اختارو القبور ... شان وراهم نلقى واطه
فيها تصديق جامع طلع ... جم كنيسه القس خططه
للبعرفو الله عرفه صاح ... ماها عرفه جور سلبطه
أو اللفى إيدو شريحة البلد ... شال قروشنا وما نشّطه
أم هو فارس الشعر العنيد ... لمّ شد جوادو امتطى
ثورة مو ضد سارق العتود ... ضد على الحرمات يوم سطا
يا ترى الغلطان فينا مين ... ويا ترى وين كان الخطأ
العطا على العطا ـ البركل ـ 22رمضان

فتح الله عليك أخي العطا قمة الإبداع والله ..... وإنته حاشاكا الغلط ....غلطان الزمن الأغبر الممسوخ السجم........باريت حروفك أخي العطا لو نسيت نقطه أنقطه (حسب طلبك ) لكن لقيت كل حروفك مكتملة التنقيط بل محكمة التنقيط ومافيش أحلي من كده .....تشكر يادكتور علي ومعليش إستحمل ونحنه عارفين التعب حاصل......تحياتي ,,,,,

[أب شخيت]

احبتى الأفاضل عشاق ورواد البوست الرائع ( عتود دقش) معذرة إن طال غيابنا عنكم لظروف خارجة عن إرادتى وقد عدت إليكم اليوم وأحمل البشريات بالجديد من أستاذنا العلم / العطا على العطا وذلك بعنوان حلبنة الكلمات وهى من أروع ما كتب فى هذا البوست فالى مضامين ماكتب !!

بسم الله الرحمن الرحيم

( حلبنة الكلمات )
(( صدقة فى الذكرى الأربعين لحلبنة الطريف ))

جاءنى هاجس فى خاطرى طاف..قت هادى الإيد أربطـه
واتنى خيط الربط المتين.......يبقى رابطنى ورابطه
وكتن أصلاً أنا زول مو "إيا" ... كون إنى بديت الخطأ
وكل شئ مسيوط , سطّو أنا ... وفى النهاية أنا السايطه
خوة بين إخوان من زمان ... عشرة جيرة الدم خالطه
معركة تحرير من وهم ... صح وهم (تعديل خارطه)
منى كان مقبول الكلام ... لماّ كان فوق توب الغطاء
ياحليلى ألوج فى الشمس ... واشريرى الضل ما أطا
ومنو أمشى بعيد أبشخيت ... ومن شخوتو الكان شاخته
اجرى يا ابراهيم شيخى انا ... (يى دى) حالتى تعال حوطه
بارى يا زكريا الحروف ... إن نسيت أنا نقطه انقطه
وين محل مفتوقه أرقعه... يا أخوى يعقوب خيطه
قومو اسندو معاى الحيط ... وبرضو اقيفو معاى نبلطه
هيلاهوب إيديكن معاى ... نقلب المقلوب بالخطأ
شن يفيد الصقر إن وقع ... فى البتابيت والبلبطه
الله ربى يجازى الحلب ...وكل حكومات البلعطة
كل دجال رافع شعار ... كل منافق شال يافطه
أىّ بدعه مصيره السقوط ... فى النهاية تكون ساقطه
وأىّ طائرة تطير بالكضب ... لو صبرنا تقع هابطه
جيت أكوس للناس فى الضحك ... نيتى كل الخلق أبسطه
جم تعاستا اخت السرور ... فوق سروره أزيده اغبطه
أىّ كلمة تكون بانطلاق ... مانى قايل الناس تقرطه
وأىّ خطوه مشيت دون قيود ... كان من المفروض أضبطه
هسه داير أفك الرباط ... داير أفك إيدى الرابطه
بيها ألملم كل ورقى داك ... أىّ ورقة ألقاها أشرطه
تانى شان إتفشه ارتاح ... بى كراعى ادوسه أخبطه
بيها إيدى أجر الشخيط ... ألف شخطه وشخطه أشخطه
يا ترى الغلطان كت أنا ... أم هو كان سوء فهم العطا
(للسلام) الجاء وما وصل ... لسه بين الناس ما وطأ
برضو( للبترول) المرق ... وما لقى السواق نافطه
أو للقالو الصاح دوغرى صاح ... ماهو قول إعلام وأشرطه
القبيل اختارو القبور ... شان وراهم نلقى واطه
فيها تصديق جامع طلع ... جم كنيسه القس خططه
للبعرفو الله عرفه صاح ... ماها عرفه جور سلبطه
أو اللفى إيدو شريحة البلد ... شال قروشنا وما نشّطه
أم هو فارس الشعر العنيد ... لمّ شد جوادو امتطى
ثورة مو ضد سارق العتود ... ضد على الحرمات يوم سطا
يا ترى الغلطان فينا مين ... ويا ترى وين كان الخطأ
العطا على العطا ـ البركل ـ 22رمضان

أخي علي
من شدة فرحي بهذه القصيدة الدرة فقد سمحت لنفسي بوضع أقواس وإزالة همزات حتى نذوق جميعا ذالك الجرس الموسيقي البديع من ورا الكلمات والابيات...فاعزرني يا ابو التيمان على التدخل في إقتباس منسوب إليك...
القصيدة دي انا أعتبرها القصيدة الفايزة في مهرجان العتود ..!!.
أما المعاني الخلفية فإني أتركها "وعدا" لتناول بعض جوانبها في تعليق آخر..
أشد على يدك مهنئا أخي "علي" على هذا المجهود المقدر في إتحافنا بالجديد الرايع من فطاحلتنا الشعراء...!!!.

[زكريا بابكر عمر]

تظعمت منو برجاء الله عليك تظعمتك عطمنوا باقى رمضان المرة دى طول وشوال اتاخر خلاكم تمرحوا انت وعطمنوا ما لاقين زول يرد عليكم
اياكم واحذر بقوة واحد يهبش وليدات بطنى ديل تشوفوا ان ماجاكم بوش شخصيا
بسسسسسسسسسسسس خمج

طرو الحديد نطت الإبره:rolleyes::rolleyes:...... وجيييد للقعو بالنز ....إش كر الجداد بالهيم:mad::mad: هوووووووووي يا رقيتون أحسن لك تبعدي من ناس الطريف ديل بيلحقوكي الرقدو.. إنتي تباري طارق ده إن ما وداكي السجن قولي لي أب صبره ده بتاع سوابق إنتي مطرطشه ساكت... وبوش شنو البيجي الباشي إن شاء الله التمسك كشفه عطمنو ليكي وإنتي متلبشي:D:D:D

[عطمنو]

تظعمت منو برجاء الله عليك تظعمتك عطمنوا باقى رمضان المرة دى طول وشوال اتاخر خلاكم تمرحوا انت وعطمنوا ما لاقين زول يرد عليكم
اياكم واحذر بقوة واحد يهبش وليدات بطنى ديل تشوفوا ان ماجاكم بوش شخصيا
بسسسسسسسسسسسس خمج




الإخوة الأفاضل سلام الله عليكم ، طبعا بعد كلام العطا وابراهيم بابكر ما أظن في كلام بيجي جم كلامهم . لكن أنا بس بحاول أرد على العجوز الفاطري رمضان دي وتسوي الله يجيبك يا شوال ( الله الشوال اليدفسوكي فيهو ) وخلت أهلا العبدلاب وبارت جنا علي صالح . بعدين عطعط ما بتقدري عليها


أسمعو يا إخواني أنا
عندي أبيات وكمان جداد
البينسى قديمو تايه
وما بيسعد ويلقى المراد
كيفن الواحد ينسى الأهل
ويبقى ديمة في صف البعاد
الأهل عزوة زمن
وبالأهل بنعيش جد سعاد
وما بتقدري يوماً علي
باقي عندي أسناناً شداد
يسلم الدكتور الركبن
ديل بيبرقو زي الجُداد
لاتباريهو طارق الغريب
وأبقي في صف الإتحاد
أصلو هو إن باريتي يودرك
ويجري منك صوفاً رقاد
حكمة قالوها قديم الأزل
يمشي للكُوشة مباري الجداد

[أب شخيت]

الإخوة الأفاضل سلام الله عليكم ، طبعا بعد كلام العطا وابراهيم بابكر ما أظن في كلام بيجي جم كلامهم . لكن أنا بس بحاول أرد على العجوز الفاطري رمضان دي وتسوي الله يجيبك يا شوال ( الله الشوال اليدفسوكي فيهو ) وخلت أهلا العبدلاب وبارت جنا علي صالح . بعدين عطعط ما بتقدري عليها


أسمعو يا إخواني أنا
عندي أبيات وكمان جداد
البينسى قديمو تايه
وما بيسعد ويلقى المراد
كيفن الواحد ينسى الأهل
ويبقى ديمة في صف البعاد
الأهل عزوة زمن
وبالأهل بنعيش جد سعاد
وما بتقدري يوماً علي
باقي عندي أسناناً شداد
يسلم الدكتور الركبن
ديل بيبرقو زي الجُداد
لاتباريهو طارق الغريب
وأبقي في صف الإتحاد
أصلو هو إن باريتي يودرك
ويجري منك صوفاً رقاد
حكمة قالوها قديم الأزل
يمشي للكُوشة مباري الجداد

ينصر دينك يا حبوبة عطعط..!!!.
شعرك ما فيهو كلام تب..!!.لو كان من زمان بتدينا من الكلام دا ما كان أخير ليك من الشكل؟!!؟. ليه بس تحرمينا من النضم الزي دا؟؟.غايتو انا أديتك شهادة من الدرجة الاولى..وكمان نزلنا ليك قصيدتك في "ديوان عتود دقش"بعنوان عجز البيت الأخير الذي هو مزاوجة في محلها بين الشعر والأمثال الشعبية...ينصر دين أبوك كمان.!!!.

[زكريا بابكر عمر]

الإخوة الأفاضل سلام الله عليكم ، طبعا بعد كلام العطا وابراهيم بابكر ما أظن في كلام بيجي جم كلامهم . لكن أنا بس بحاول أرد على العجوز الفاطري رمضان دي وتسوي الله يجيبك يا شوال ( الله الشوال اليدفسوكي فيهو ) وخلت أهلا العبدلاب وبارت جنا علي صالح . بعدين عطعط ما بتقدري عليها


أسمعو يا إخواني أنا
عندي أبيات وكمان جداد
البينسى قديمو تايه
وما بيسعد ويلقى المراد
كيفن الواحد ينسى الأهل
ويبقى ديمة في صف البعاد
الأهل عزوة زمن
وبالأهل بنعيش جد سعاد
وما بتقدري يوماً علي
باقي عندي أسناناً شداد
يسلم الدكتور الركبن
ديل بيبرقو زي الجُداد
لاتباريهو طارق الغريب
وأبقي في صف الإتحاد
أصلو هو إن باريتي يودرك
ويجري منك صوفاً رقاد
حكمة قالوها قديم الأزل
يمشي للكُوشة مباري الجداد

يسلم بقك يا عطعط ...أيه الحلاوه دي .....عاشت عاشت عطمنو ...وغير عطمنو ما دايرنو..... وكيتا كيتا للمابنو:p والبيقرب تطير جنو:eek:....كلام زي البقلاوه موش زي كلام العجايز البيربربن ديلك:cool: تعرف يا أب شخيت عطمنو طلعت مفاجأة العتود بلا منازع (يلا وثق )... عجبني البيت الأخير ...اليباري الجداد يودي (الآخره ):D:D:D:D

[أب شخيت]

أخي علي
من شدة فرحي بهذه القصيدة الدرة فقد سمحت لنفسي بوضع أقواس وإزالة همزات حتى نذوق جميعا ذالك الجرس الموسيقي البديع من ورا الكلمات والابيات...فاعزرني يا ابو التيمان على التدخل في إقتباس منسوب إليك...
القصيدة دي انا أعتبرها القصيدة الفايزة في مهرجان العتود ..!!.
أما المعاني الخلفية فإني أتركها "وعدا" لتناول بعض جوانبها في تعليق آخر..
أشد على يدك مهنئا أخي "علي" على هذا المجهود المقدر في إتحافنا بالجديد الرايع من فطاحلتنا الشعراء...!!!.

وفاءاً بوعد سابق: إضاءآت خلفية لقصيدة "حلبنة الكلمات"أنظر أولا للعنوان (صدقة فى الذكرى الأربعين لحلبنة الطريف) إنه يحمل الأسف لموت مسار جديد لعتود دقش إفترعة ود العطا بقصيدة جميلة بعنوان (حلبنة الطريف) يدعو فيها لتغيير خارطة الطريف..هذا المسار يباشر تناول "القضايا" بدلا من التركيز على الأشخاض (قدحاً او مدحاً)..ولكن الأمور سارت بغير ما يشهي ود العطا فماتت حلبنته للطريف ومعها ماتت قصيدتي "موقفكم اليومكم لي عدوكم غاظ"
معركة تحرير من وهم ... صح وهم (تعديل خارطه)
منى كان مقبول الكلام ... لماّ كان فوق توب الغطاء
ياحليلى ألوج فى الشمس ... واشريرى الضل ما أطا
ومنو أمشى بعيد أبشخيت ... ومن شخوتو الكان شاخته
تأزمت نفس الشاعر الحساسة تجاه ما رأه من مناكفات حول تداعيات تناول عتود دقش بين أفراد الأسرة الواحدة فلام نفسه علي ذلك وألزم نفسه قسرا بعدم كتابة الشعر في ذاك الموضوع: جاءنى هاجس فى خاطرى طاف..قت هادى الإيد أربطـه
واتنى خيط الربط المتين.......يبقى رابطنى ورابطه
وكتن اصلاً أنا زول مو "إيا" ... كون إنى بديت الخطأ
وكل شئ مسيوط , سطّو أنا ... وفى النهاية أنا السايطه
خوة بين إخوان من زمان ... عشرة جيرة الدم خالطهثم هو يستنجد بأشخاص قريبين منه وجدانا طالبا منهم إصلاح ما يراها أخطاءه هو الداعية للفتنة:
بارى يا زكريا الحروف ... إن نسيت أنا نقطه انقطه
وين محل مفتوقه أرقعه... يا أخوى يعقوب خيطه
قومو اسندو معاى الحيط ... وبرضو اقيفو معاى نبلطه
هيلاهوب إيديكن معاى ... نقلب المقلوب بالخطأ
وتارة يلتمس الصفاء من شيوخه لإنقاذة ما "الأزمة النفسية"اجرى يا ابراهيم شيخى انا ... (يى دى) حالتى تعال حوطه
ثم يلتفت متحسراً على نفسه لائمًا:
شن يفيد الصقر إن وقع ... فى البتابيت والبلبطه
ثم يترآى له أن "الدربكة" الحاصلة في موضوع الطريف وحلبهم..هي قضية عامة وأن الطريف يتسع ليشمل السودان كله الذي يمور بالدجل والشعارات الزائفة والنفاق والكذب:
الله ربى يجازى الحلب ...وكل حكومات البلعطة
كل دجال رافع شعار ... كل منافق شال يافطه
أىّ بدعه مصيره السقوط ... فى النهاية تكون ساقطه
وأىّ طائرة تطير بالكضب ... لو صبرنا تقع هابطه
ثم يعزي نفسه بأن (إنما الاعمال بالنيات) وأنه كان حسن النية وعفوي في التعامل في كلماته الشعرية..
جيت أكوس للناس فى الضحك ... نيتى كل الخلق أبسطه
جم تعاستا اخت السرور ... فوق سروره أزيده اغبطه
أىّ كلمة تكون بانطلاق ... مانى قايل الناس تقرطهثم يرجع ليلوم نفسه حتى في عفويتها:وأىّ خطوه مشيت دون قيود ... كان من المفروض أضبطهويتصاعد اللوم وتقريع النفس إلى (نوبة غضب) تجاه أشعاره كلهاهسه داير أفك الرباط ... داير أفك إيدى الرابطه
بيها ألملم كل ورقى داك ... أىّ ورقة ألقاها أشرطه
تانى شان إتفشه ارتاح ... بى كراعى ادوسه أخبطه
بيها إيدى أجر الشخيط ... ألف شخطه وشخطه أشخطه
وفي نوبة الغضب المجنون يتدخل العقل ليتساءل
يا ترى الغلطان كت أنا ... أم هو كان سوء فهم العطا
فيجيب عن نفسه بأن أخطاء (حلبنة الطريف) هي ذاتها أخطاء الطريف الكبير(عموم السودان) في السلام والبترول والإعلام والضحايا والمؤسسات الدينية والفتنة الدينية التي ستصيب الصادقين قبل المدعين[/color[color=#8B0000]](للسلام) الجاء وما وصل ... لسه بين الناس ما وطأ
برضو( للبترول) المرق ... وما لقى السواق نافطه
أو للقالو الصاح دوغرى صاح ... ماهو قول إعلام وأشرطه
القبيل اختارو القبور ... شان وراهم نلقى واطه
فيها تصديق جامع طلع ... جم كنيسه القس خططه
للبعرفو الله عرفه صاح ... ماها عرفه جور سلبطه
نحن عامة المواطنين البسطاء الدافعين أثمان مضاعفة لأخطاء الساسة نجد نفسنا خارج شبكة المنافع والوطن ذاته يبتعد عنا...أو اللفى إيدو شريحة البلد ... شال قروشنا وما نشّطهولذلك فالثورة من الأجدى بدلا من أن تكون ضد سارق (الطريف الصغير) أن توجه ضد سارق (الطريف الشامل الكبير)ثورة مو ضد سارق العتود ... ضد على الحرمات يوم سطا
ثم يرجع ليوم شيطان الشعر على كل هذه "الأزمة النفسية" الحادثة له
أم هو فارس الشعر العنيد ... لمّ شد جوادو امتطى
ثم يختتم القصيدة باستفهام عن (مَنْ وأين)يا ترى الغلطان فينا مين ... ويا ترى وين كان الخطأ************
هذه القصيدة أبدعت في تصوير خلجات "النفس المأزومة" وبحثها عن التفاسير والتبريرات التي تعيد للخاطر "إتزانه" المفقود ...ثم ما يلبث البحث عن "الفهم" أن يسلم النفس "لغموض" أكبر ...ثم تستسلم النفس لقدرها لتطرح ذات الأسئلة للآخرين ملتمسة منهم السكينة...
كم أجد تشابها بين قصيدة خلجات "النفس المأزومة" هذه ومضمون الرواية العالمية الشهيره (الجريمة والعقاب) للمبدع الروسي العالمي (ثيودور ديستيوفسكي) عن خلجات (النفس القاتلة)...

[عطمنو]

الأعزاء زكريا وأب شخيت والله شهداتكم دي الواحد يعتز بيها وشكراً ليكم كتير . بس إن شاء الله العجوز المخرفي دي ترجع ليه عقلا وتخلي البتسوي فيهو ده

[على بابكر ابراهيم بابكر]

أحبتى سمار المنتدى وعشاق بوست عتود دقش فكما وعدتكم فاليوم نطل عليكم بواحدة من درر الشعر بين شيخ وأحد حيرانه ، حيث طلب العطا على العطا من ود الصيدة حمايته الشعرية بكتابة حجاب له ، فما تردد شيخه إلاّ وألبسه الحجاب ( فلا أكون حجاب بينكم وبين ما كتب ود الصيدة فإليكم ما قال !!!!

بسم الله الرحمن الرحمن الرحيم

(( يا شيخى أكتب لى حجاب ))

كسرت مقاديفى الحيل ... عطّل سفر ريحى الطياب
لميت مراكبى على الشرق...الريح كرس...فنيته تانى لقيتو هاب
يا وجعة الزول البتمتم بالحرف...وتنهزم كل التعابير المسجله فى الغياب
كيف شوفى من بين عتمتين...والقمرا غطاها السحاب
يا أمة واقفة على حبل من كم حبل...يا أمة يحكمك الكتاب
يا شاقى بطن الكلمة تبحث عن حرف...والنقط منطايرى فى الريح الهباب
يا بيت شعر فى بيت شِعر من كم حرف...لابنقفل لاعندو باب
يا نغمة تنداح بينى بينو وأبشخيت... يا إلفة تعمر بين صحاب
أنا مالى داير أفقد عطاى...أصلو العطا كان للعطاء... وعطاهو أصلو بلاحساب
يسند حريم الحلى دائماً فى محلى... ويستره...دا الزول يتكلو على العقاب
ويهمزنى بيه بيت القصيد...المن بعيد...يا شيخى أكتب لى حجاب
وما يهزك الحاصل علىّ...أصلو الحصل...يا شيخى ما المؤمن مصاب
ولمن يهزك بيت شعر من العطا... ويشدك العطا بالكلام المستطاب
أفتح عيونى قدر كدى...إن كان أشوف... ما عينى مالاها التراب
ما قد يصيبك يا عطاى...فى مقلتاى...ما الشعر نفسه استصاب
يا روح مسربله فى جسم من كم إسم...يا ضوء نجيماتاً قراب
مالو الشعر أصبح وبال للبكتبو... يا دارة تعمر بالخراب
انشتت منى الحروف وانطايرت كل التعابير التفتش فى السراب
والريح تشيل ثابت الأرض... وأنا ثابتى شايفو رهاب رهاب
إلاّ الشعر لمن يمت الدم والدمع البسيل...وينساب على بعضو انسياب
والساحة تنغم بالنكد والهضربه...يا قسمتك...حبس النفس ونبذ السباب!!!
حلو الكلام ... وزن التعابير أصلو فى ... يا بومه يعجبك الخراب
والناس وكت تخته التقولو هى ليه بعض...لابد تنضم بيه حساب
وتقفل مسارات النضم...كعب النضم...والحجه واللوم والعتاب
إلاّ الكلام الداير أقولو أنا للعطا... تخلى الطريف الليلة تبدأ الانسحاب
وأصلو احتلالك يا العطا وتحرير بلد...لافيها ودّا ولا هو جاب
وحكم الديمقراطية أخير يا تركيا... لو ناسا أكملو للنصاب
حتى الخيار العسكرى متروك لهم ... يمكن يقولو العمدة يدخله بإنقلاب
الناس تقدر موقفك وتشكّرات... ومن تانى تعمل لك حساب
ماك مثلى زولاً ماكلو خاطرو ...مثل القميرا تضارى وشها بالسحاب
أدخل على الكتشينة جر...كمّل نزول...ورقك معرّج بالشياب
صد تانى ليه كاسنجرك ووراقا أخير...كـرار...وكارورى البلل...نورى الحقاب
ما أصلو شيخك إنهزم فى معطياتو ... وظنو فى كلماتو خاب
يا مدمن الكلمة التودى الزول ... مخانق السكه والطرق الصعاب
يلا أمرقاك بره نجرى ومره نعصر...وبيه وراك تلقانى خاب
وما تفوت وصيتى أنا وكتين نصل ... أقيف لى ألبسك الحجاب
ونضبح كرامات العطا ليه شيخ عطا...حمدلا يا زكريا نحن ولدنا طاب
ونمدح مديح الماحى والشيخ ود حليب...نوبة المراغنة الصح ونختمه بالشباب
ويقصر حبل فتل الكضب ... وأصلو الخطأ لابد يعلوه الصواب
ما الشعر والشعراء اصلو مصيبتى أنا ... تفتق جراحات العزاب
وكيف البقول الكلمه والنضم السمح ...لمن يتوه فى لجّه يكسوها الضباب
من يسترك بيه كلمتو...مين ينصفك...راح الإسم...يا نجم غاب
لازم تكون زى الأسد فى وقفتك...وتكون حزر مثل الغراب
واتمسكنت كل القرارات التخلى الزول يصد يرجع نهاية إغتراب
يا أمه يلا اتونسى...ما الليل قسم نص الليالى...اتونسى أشبعى قرقراب
ابراهيم بابكر ابراهيم ( ودالصيدة )
البركل ـ الجمعة 5/10/2007م ـ 23رمضان

[أب شخيت]

هذه القصيدة لأخي الحبيب (ود الصيدة) حلاوتها الحقة في مركزها تماماً..كان قدرت تصل للعمق "حاتعشرقك" بالحلاوة التنقّط ليك وإنت فاتح خشمك ....ما تختشي ياخوي اقراها مرة وتانية وتالتة لحدي ما تصل "موية بعوية" الدوم...
إنها "مأزومية" أخري...!!!."الشاعر المأزوم"...الشاعر الذي تعتصره دفقة هائلة من مشاعر مهتاجة وأحاسيس عارمة (والشعراء الحق مفرطو الحساسية) يريد أن يصوغها فورا شعرا دفاقا حارا ملتهباً... فيتأبى عليه حصان الشعر الشرود ويريد أن يجود عليه بالمعتاد من الشعر والكلام..!!!.وهذه حالة من "ضيق الماعون الشعري" عن تحمّل هجمة المشاعر الجياشة..!!!!.
..ولكن أخوي ود الصيدة يقول ما أنا بالذي يرضى بذاك...!!!.
...لم يرضى بذاك فحسب وإنما كتب في "التأبي" و"التمنع"
قصيدة رائعة خلطت بين العامية والفصحى في مزيج سلس حلو المذاق (كعصير الفواكه المشكل الطازج)..!!!.فانقادت له الألفاظ والمعاني في شعر جزل عميق ...وكأني به بعد أن "دق الشعر بعصاة الشعر" يقول لنفسه "شعر مايجي إلا بالعصر".!!!..
أما ود العطا فنال "مايستحق" من حجاب تحت الفصل السابع من مجلس الأمن بالإجماع...!!!.
..يسلم لسانك الطاعم ياخوي ودالصيدة..!!!.

[عطمنو]

الله يديك العافي يا أبراهيم والله كلامك درر . ومشكور وليدنا علي لنشره مثل هده الروائع

[صابرين]

:):):):):):):):):):):):):):)