الشاعر ابراهيم بابكر ابراهيم (ود الصيدة)

[صابرين]

][®][^][®][اقدم لكم مجموعة قصائد الشاعر ابراهيم بابكر ابراهيم
الرجل القامه والانسان الذى يعجز قلمى بان يوفيه حقه
اطال الله عمره ومتعه بثوب الصحة والعافية][®][^][®][



حزنا للطيور المهاجرة

غابت شمس الزمن الطيب.....وبانى حسابى على المجهول
وحل ظلام الهمس الدامس......فوق ساحتكن عرض وطول
وغطى ملامح طير الهجرة...وزمن الهجرة الى استنبول
وين ياليلا كان بيضوى..........وين يانجما بادى افول
وين يافرح اترسب فينا.........مقنع لينا وكان مقبول
اه ياعمر ايامنا السمحه..........قدر ماكان يتمدا يطول
ليه خليتى احزانك تنبت..........واديتها مساحه تطول
عشان تتحكم فيها مشاعر........ويبقى تصرف مامعقول
يالمديتى اطراف احزانك..........للمايسوا ويسوى يقول
وينى انا ليكى ووينك لى.........لمن تبنى على المجهول
ومهما قريت انا كل ملامحك.....كان جواك كتاب مقفول
الاغموض لون الحريه............الجواك لو حبه يزول
وتسقى الحبه الفاضله انافى.......وانا اسقيك ثمانيه فصول
وتاخذى من احساسو ملامحك...وصدرو بيوسع وبالو يطول
وردك مهما تبقى نضارتو ........الوردة الحلوه حتبدا ذبول
ونحن عذرنا سنين تجربتك.......وشفنا اسرابك باديه رحول
مانحن مرابط ميناء وثابته............لم سفنكن تبدا وصول

[شهرزاد]

][®][^][®][اقدم لكم مجموعة قصائد الشاعر ابراهيم بابكر ابراهيم
الرجل القامه والانسان الذى يعجز قلمى بان يوفيه حقه
اطال الله عمره ومتعه بثوب الصحة والعافية][®][^][®][



حزنا للطيور المهاجرة

غابت شمس الزمن الطيب.....وبانى حسابى على المجهول
وحل ظلام الهمس الدامس......فوق ساحتكن عرض وطول
وغطى ملامح طير الهجرة...وزمن الهجرة الى استنبول
وين ياليلا كان بيضوى..........وين يانجما بادى افول
وين يافرح اترسب فينا.........مقنع لينا وكان مقبول
اه ياعمر ايامنا السمحه..........قدر ماكان يتمدا يطول
ليه خليتى احزانك تنبت..........واديتها مساحه تطول
عشان تتحكم فيها مشاعر........ويبقى تصرف مامعقول
يالمديتى اطراف احزانك..........للمايسوا ويسوى يقول
وينى انا ليكى ووينك لى.........لمن تبنى على المجهول
ومهما قريت انا كل ملامحك.....كان جواك كتاب مقفول
الاغموض لون الحريه............الجواك لو حبه يزول
وتسقى الحبه الفاضله انافى.......وانا اسقيك ثمانيه فصول
وتاخذى من احساسو ملامحك...وصدرو بيوسع وبالو يطول
وردك مهما تبقى نضارتو ........الوردة الحلوه حتبدا ذبول
ونحن عذرنا سنين تجربتك.......وشفنا اسرابك باديه رحول
مانحن مرابط ميناء وثابته............لم سفنكن تبدا وصول


قصيدة تستحق أن القرأة
شاعر يستحق التوثيق ..
ـــ
العزيزة ثريا
شكراً

[عصام سرالختم]

كتب اب شخيت فى بوست
(التحالف يطالب بطرد العطا وحماره ) يقول :

الشاعر القامة الحبيب إبراهيم ود الصيدة يستجيب لنداء الحمار..
ويخصنا من بديع نظمه ومكنونات دفقه في ذات الموضوع الذي خصصه الحمار..
وهو كالعهد به دوما لا يخيّب ظن إخوانه ومحبيه..
فإلى قصيدة (رِهِف توب الغطاء):رهف توب الغطاء

رهف توب الغطا الساترنا وانكشف اللي حاصل
وشالت رياح الإختلاف طرحة مهيرة
وانكشف مقنع بلد بي حالو كامل
وانقدّ سعن الحن دفق حلمي المبرِّدو للبراكل
واتشتتت مني الحروف الخاتِّي كتفي عليها
قلت تجيني نازل
وانشدّ فيّي وتر الحزن
كمّل علي باقي الفرح الفيا فاضل
واتمرتقت فيّي السنين
شردت مساراتي القبيل وانا جايي داخل
يابلد مركوزة فوق شعب الخلاف
مسنودة بي عصب المفاصل
مبكيّة بي وجعة ولادك والعلي
مدفونة في كوم من مشاكل
يا بلابل دوحك الطير المهاجر
والرهو عز الفواصل
شفتي لمّان فوق يحلِّق
ينجمع في فد قيادة ويبقى راحل
ما قدرتك...وين قدرتك؟؟!!!
ما السنين جواكي شاخت والعمر يدخل مراحل
الرسول أدّانا توبو وختة الحجر الفي نصو
ومسّك أطرافو القبايل
النقِرُّو مع بعض فوق البراكل ونتفق
وكلو زول في حتة شايل
لِمّي كتفي على اخويا وابقى بينّا وما تغفلي
ما كتير الزيّي غافل
وسِّديني انا بي وصيتك
و قوِّتيني انا بي قناعتك
شان أواصل
مهما قالولك بريدك..مابينقص ريدي ليك
والله يعلم بالدواخل
ماعندي ليك غير الكلام الوارثو من أخوالي
ومابقدر أقولو وماني قايل
عطّشني فيك كتر السمعتو
حرّقني في جوفي ومسكتو
بعّدني منك بي مراحل
واندلق مني الكلام..
لقّطتو بي طرف اللسان
و لقيتو زي طعم الحناضل
وقلعت ليك هدمي الجديد
طرّزتو بي باقي القصيد
لبّستو لي زول قايلو عاقل
يرفع التوب البغطِّي
ويدفع المال البزكِّي
وكل نعيم الدنيا زايل
يبقى كيف ود عمي خويا
ومابيدور في حقو ادخل
ولا نصيحتن مني قابل
داير اجيك يابركلي الفوق والتحت
وبي "شبانا" ابقي برة ارجاني قابل
ابدأ بالعطا ود اصول
ريدتي ليهو ريدة أخوان
ريدة في الله غير مقابل
وانت يا فرعي البخت جنحيّ فوقك واتّكي
وشِعرك بيعمل فيي عمايل
دايما اغرق في بحورك والقوافي
ما الحروف معطونة بي رد الجمايل
أسند اللقاء بالمسافة
وروحي تسرح حتى لو كان بيتو قافل
بيتك أبيات من شِعر
وبابو بابات القصيد
ساعة ادِفْرو واجيهو داخل
ومنو برفع صوتي عبر الكلمة والحرف الندي
والبعرفو محل هُوْ واصل
يا بلد مسلولة بي أطرافه مقعدة بالمرض
باقيها تعصفبو الزلازل
يا بلد فقدت رِجاله وحكمته وفضل الإسم
يا ساحة للشك والقوايل
بلد من قمنا ما شافت خلاف مربوطة جد
مسنودة بي ناساً قلايل
ما دِلّه يا "ود ارقي" و"المقبول" يا "ود البلك"
و"البدوي" "ودعلي فور" و "الساعوري"
يا ناساً أفاضل
"النصاح ود النصيح" "عمر الأمين" يا "كمبلاوي"
"السوكري" و "محجوب"
السويتو ما سوّاهو راجل
اسّع إدارات الهوامل والقيادات الشعارات المزيفة
مافي زول بالتاني قابل
الرياضة دي ما رياضة
والنوادي دي ما نوادي
كل زول على اخوهو حامل
كان هو مغلوب واللا غالب
راجي خصمو عشان يشاكل
الكورة حاجة ومافي حاجة ونحن حاجة
كل زول من اخوهو شايل
البلد فقدت قيادته التّمُرْقَ الذمة
في الزمن اللي فاضل
يا المفضِّل من كبارنا قولو "كب"
شدّو حيلكم يلا أبدولنا النواصل
مافي رجعة ومابنصد
قولو بسم الله نبداها ونحاول
تبقى وحدتنا الشعار
ويبقى عندكم القرار
ونحن في الحق مابنجامل
النلم أطرافنا من "شبا" لا "كريمة"
ونتّفق ننسى المضى والباقي ساهل
البلد موعودة بالخير الكتير
وخلّو بالكم نحنا أصلنا في الأوايل
يلا رشرشي يا مطيرة
للصغيرين قيرا قيرة
وغنّو قولو القمرا حامل

إبراهيم ود الصيدة
البركل

رابط البوست :

http://albrkal.com/vb/showthread.php?t=2574&page=11

[صابرين]

قصيدة تستحق أن القرأة
شاعر يستحق التوثيق ..
ـــ
العزيزة ثريا
شكراً

الحبيبه الرائعه
ذات الذوق الرفيع
فعلا انه شاعر يستحق التوثيق
تشكرى ياغاليه
كل الود

[صابرين]

اخى عصام
يدى بيدك نوثق للقامة
لدى الكثير سانشره لكم
شكرا تسلم

[عصام سرالختم]

إحدى إخوانيات شيخ الشعراء
إبراهيم بابكر .. نقلا من بوست " عتود دقش "
الزعل يا أخوانا فوق كم
السلام يا أهل المنتدى ...
كان بعاد أو كان في ملم
السلام مخصوص لأب شخيت ...
والسلام للباقين أعم
يا سلام يا لوم الأهل ...
لم يبقى اللوم لوم عشم
ويا حلاة اللوم والعتاب ...
لم يبقى الزول محترم
وخاصة يبقى قريب مننا ...
ويتقرن في أهلنا بالدم
ولم تبقى قرابة الأهل ...
في الحساب نحن ولاد أعم
يا سلام يا العطا ود أصول ...
الزول هو رحمية وأخوي لزم
والحلف بينك وبين أخوك ...
يا العطا إنشاء الله ينتم
أبشخيت شايل مننا ...
الزعل يا أخوي فوق كم
أصلي كان قايلو يكون زعل ...
أريتني لا قلت ولا نضم
إلا استنطقناك بالغصب ...
شان نعرف إسمك ودا الأهم
وما قصدنا نهبش العروض ...
يا أب شخيت ( الوالده ) تسلم
إلا اسم الحركه أب شخيت ...
كان اسم نكره وغير علم
لا موضحو .. لا في تلميح ...
قصدو اسمو يكون معمم
يلا يا العطا يا ود أصول ...
انت جيب لك ورقه وقلم
ودايرك انت تكون زاتي أنا ...
وأصلو زات الزول هي الحكم
داير أقول للأغا أب شخيت ...
يا سلالة الجود والكرم
دا البعشي الضيف قبل أبو ...
في زمن كان العيش عدم
وقلّ ما تلقى مثل دا في ...
مثل دا وين في الزمن السجم!!
دا البفتق الضيق بالرخاء ...
الخيول والمال والخدم
العشامه الشيال يشيل ...
دما يهمو العد هو والكم
وجيتنا في زمناً هو زاتو ...
لا بيدي ولا بيرحم
ومهما فيهو الأول دار يقول ...
تلقا في جواهو إنهزم
إتهزم في حاجات كتير ...
ويلقى نفسو براهو سلم
والبجيك انت على اللسان ...
أصلو حتماً ينطقو الفم
ما بنفتي عشان نتهم ...
وقد نقول الله أعلم
ونبقى عشرة علي لسانا ...
بالقواله في يوم نتهم
العمر يتهاوى طولو ...
هي السنين فضل فيها كم
إلا ثاني أنا داير أرجع ...
وبس بدور الناس هي تفهم
إنو طارق ود الطريف ...
كونو كان سارق ومتهم
وحاكمو العمده من الطريف ...
وحكمو كان في عدة تهم
وأي زول في البركل عرف ...
إنو طارق كان إتحكم
ما اتحكم في سرقة قطيع ...
اتحكم في سرقة لحم
يا أب شخيت والعطا ود أصول ...
ناس عماد ما تشيلهم هم
ناس عماد .. وولاد الطريف ...
كلهن أخوانا من جم
ان نقصنا نتم منهم ...
ومنهم ناقصنا ينتم
الزعل بيناتنا مرفوض ...
هو الزعل يا أخوانا فوق كم
أفسحو لي آأهل المنتدى ...
أصلي جاييكن لي فهم
القصد نضحك وننبسط ...
وفي الأخير القصد الأهم
ولو قفلنا ملف العتود ...
يبقالي أخير والله أرحم
الطوارق وما شابهن ...
ثاني اللحم يبقالن السم
ويرجع السرب كما يكون ...
كلو زول في زولو إنسجم
والقيادة لخالد الحاج ...
وللبدور للسرب ينضم
إنبساط آخر قرقراب ...
وقرقراباً نفسو ينخم
وكل زول يمسكلو سعفي ...
ويبقى برش الإلفة إنتم

إبراهيم بابكر إبراهيم (ود الصيدة)
الجمعة 16 رمضان ـ 28/9/2007


رابط البوست :

http://albrkal.com/vb/showthread.php?t=317&page=3

[عصام سرالختم]

كتب شيخ الشعراء ابراهيم بابكر عن عتود دقش الشهير
قصيدة طويلة ..... نوزعها الى أجزاء .




عتود دقش المسروق
(1)يهب ريح الشعر في كل ساحــــة
ويبقي انيسنا يملالنا المساحــــــة
نقرقر بالضحك ساكت سماحـــــة
والنفوس منطايبي بيناتنا الصراحة
ناس تكابس العيشي من اول صباحا
من تقوم من نوما تتفقد مراحـــــــة
وناس متنعمي وبالحيل مرتاحــــــة
يقدلو في البلد جايين سياحـــــــــة
العربة المكيفة يا سماحــــــــــــة
ويسرقو من دقش قايلين فلاحـــــة
منو الاداك اذن تدخل براحــــــــة
وتسرقلك عتودا من مراحـــــــــا
الناس في بيوتا وماخدي راحـــــة
لا بنات البدوي والمنقة وصباحــا
ثريا مقيلي وسوت ملاحــــــــــا
لا كوراك غنم سمعت صياحــــا
دقش قصاها من اول صباحـــــأ
وقفل الطبلة كان شايل مفتاحـــا
اصلو الفرصة للزول كان متاحا
هو من اسرة بلد معروف صلاحا
ودقش في السوق وزول ادو الفصاحة
الورل يقدل وقت يرحل تمساحــا
قولو اناس ونديكم مساحــــــــــا
عرفناها الصلة السرقات مباحـــا؟
البسوي جنس دا كان قايل فلاحة
الضرر موجود في مزاحــــــــــأ
العتود اماتو اقولك بي صراحــــة
من مرق من بيتا ما وقف نباحـــــا
النعاج حي ...وي ...والووووب والمناحة
العتود مسروق والعز في قحاحـــــا
مراكب الشعر قد هبت رياحــــــــا
وناس الكلمة ياها اخر سلاحـــــــا
النعزي ولاد دقش ماجاتنا راحـــــة

إبراهيم بابكر " ود الصيدة "

[عصام سرالختم]

(2)

اصلو السرقة كان يوم الخميــــــس
لا نهار الجمعة ما مرق الحديــــــث
والزول السرق غشاهو ابليـــــــس
عشان زول ما يشوفو وكان حريص
دخل بي حتة ما تمرق الكديــــــــس
وقبض خشم العتود لفاهو بي كيـــس
العتود خالنو راجنبو العريـــــــــس
نسوي الحني والغنوة والرقيــــــص
مرقبنا في الطريف كان حدنا الميــس
اولاد فقراء لكن مطاميــــــــــــــس
ديل بدورو الميتة والبيع الرخيــــص
والبخون اخوانا ما يكون ليك جليــس
مدرس هو ...وين كان شافلو تدريس
والتبر ما بقيسو بالدر النفيــــــــس
دقش يمشي ويجي ومرات يقيــــس
انا مشارك زول والله يكون وريـث
معليش يا ثريا وانعلو ابليــــــــــس
راجلك ظن لعبنبو الوساويــــــــس
بالشيخ ود كنيش وعبد الله ادريــس
انت عشان صعب سووك رئيـــــس
العتود دا يجينا من غير اي تحنيـــس
طرفة عين يجي زي عرش بلقيـــس
والله اصب الحلقة بي الس القواديس

[عصام سرالختم]

(3)

السارق دا مننا واصلو فينــــــــــــا
ما يخلي ولادو لو مو مشتهينــــــــــا
هو زولاً محترم والله زينــــــــــــة
اسرة مؤصلة بي بيت وطينــــــــــة
الا الناس كمان ما تنسي دينـــــــــــا
تتابع نفسها الخايني اللعينـــــــــــــة
تباري القوطة واللحمة السمينــــــــة
كان قرمة لحم وفشة غبينــــــــــــــة
يدق الباب زي الناس يجينـــــــــــــا
قرصنا اضنينا للشر ما طرينـــــــــا
مستورين وفد يوم ما عرينـــــــــــــا
نشحد عيشنا حتي ان داخلة عينـــــــا
وصحيح اللبوة هي التحرس عرينــــا
وكمان الطيرة تتفقد جنينـــــــــــــــا
رحمة الله طبقا في (حسينــــــــــــة)
تعين في غيرها والمولي بيعينــــــــــة
نسال الله ربنا يصطفينـــــــــــــــــا
وتبقي بلدنا في ايدا امينـــــــــــــــــة
لا زول نشتكي لا يشتكينـــــــــــــــا
البينضم خترو ماشين في مشينـــــــــا
وان قعدنا نصلي دايما فوق نبينـــــــا
الا مرة ومرة تختل السفينـــــــــــــة
ويانا ولاد بلد مهما علينـــــــــــــــــا
النفس طماعة يكرما بي يقينـــــــــــأ
نحب الله وربنا يبتلينـــــــــــــــــــا
والشي الفي القري ما في المدينـــــــة
الامان والجيرة والحب والسكينــــــــة
عشان كدي يا جماعة الضيف بجينــــا
اختنا ( ثريا) لا انشلت يمينــــــــــــــا
في الجود والكرم مافيش وزينـــــــــــا
يا السرقت عتودنا انت غلط فينـــــــــا
ان بقينا غلطنا امسحها في وشينــــــــا
ابوك بيت الصلاح وجدك ولينــــــــــا
وايدك ليني للبطمع في لينــــــــــــــــا
انت لسل لي دقش ياخد ويدينـــــــــــأ
البياكل العيشة بتخنقو العجينـــــــــــة
يا نحضر القسمة يا نرفع عصينـــــــا

رابط البوست :

http://albrkal.com/forum/showthread.php?t=1470

[عصام سرالختم]

(4)


العتود البوهبنو اماتنا في الزياره
مو عتود القعدة للناس السكاري
بس صغرة نفس واصلاً اماره
لا قرمة لحم وشية ومرارة
سرقة ناس دقش كانت حقارة
الليلة يا راجل الطريف يا شيخ بقاره
انا داير ابدأ الحديث باول عباره
والبلد مسروقة متهومين كبارا
ناس متكسري وواحدين في انتظارا
الفذع يطلع حجر وينزل حداره
والقصاص مباري اثر حمارة
يالسرق ود اللبون شوفلك بصاره
هيجت البلد وولعت نارا
نار ماب تنطفي ولع عسكارا
سرقة ناس دقش بنجيب قرارة
ونكسر البيضة نمرق لك صفارا
ويا يعقوب تكون رهن الاشارة
وسرقة ناس دقش وصلك شمارا
ان غلبنا نجيبة ننقز في النقاره
يوم السوق وفي نصة نهارا
جيتك زاتا كان جية شتاره
سواة السكرو وضربو السجاره
لا خاف لا اختشي لا قال انضارا
دخل بيت الغنم وخوف صغارا
لو همباتي صح وعندك حرارة
تسرق لك عتود من ناس فتاري
يا راجل القبة ناده لكم مزاره
ثريا مرة دقش جيبو له تارا
ديل البدخلو بيوتنا من غير استشاره
بالذات بيت دقش ولع شراره
ومن هني للطريف موقودة ناره
تتعدي الحدود منك جســـاره
وما شفنا الشمس تفقد مسـاره
هو العتود والله ابدا ما خسارة
الا بس والله موجعانه الحقارة
يا حليل الطريف ويا حليل عماره
وحليل عمر الحسن واولاد جباره
يا حمتياب الطريف السّر مضاري
تجيبولنا العتود ليكم بشـــــــاره
يرضو الناس وماكان باختياره
اللجان ان جاتنا نقبل اعتــذاره
ولاد الكاتب الحاج ود جبــاره
وتكون لجنة شيوخ تحفظ مقدارا
وتصدر حكمها ونقبل قــــرارا
وتراعي السمعة قبال الخسـاره
ويجيبولنا العجل ينقز في الداره
اب جلدا رهز في القمرة رارا
دقش وود نورة بيناتن سرارا
وانا مامون والسر ود بشـاره
يجخفسو في اللحم ساكت عـواره
ونسهر للصباح ساكت بطـارا
ونقفل الباب وممنوعة الزيـاره

[عصام سرالختم]

(5)

الليلة يا الشيخ ود بليل معروف وصالح
وحاج الماحي زاكرك في المدائــح
الحصل يا شيخنا فسرو لينا شـارح
البياض بيجيك نحنا عتودنا رايـح
زي جدي الغزلان وطبق الملامح
تحت اماتو ما بيمرق يبـارح
لا عند الصباح يلعب يناطـح
مغلوبين شديد وجرحنا شايـح
السرق العتود كان دربو واضح
ونحن سترنا ما دارين فضائح
يقرن بي وري في جدي صالـح
يقيل عندنا ويمسي ويصابح
مابغيب عن اهلو في الحاجات دي فالح
ومراتا يبيت يفصح ويفاصـح
والله قبال السلام يلقاني ضابـح
دي ما قرمة لحم قطيع مصالـح
دقش طول عمرو يدينا النصائـح
وانصار سنة ما بيقلد ويصافــح
للبعادي اهلنا نحنا نكوس نصافح
يتذكر عتودو وتلقي سـارح
تبقي بيوتنا للسرقات مسارح
انا فيهو بعد دا تب ما عندي صالح
ماب يراعو الحالة كلها ناس مصالح
يديك الله تلقي الباب دا فاتـح
وتدخل ثاني تسرق لك ملافـح
ادقلك الخروج باكر تبــآرح
دقش والله بس زولا مسامـح
وقال معليش اصلو كثيرا راح
ودقش خسران وانت طلعت رابح
العتود والله ركبنالو صايـح
وللداير يعزي نحنا بكانا فاتـح
ومحل ما يبقي نقبلن الفواتــح

ابراهيم ود الصيدة
9/4/2007م

[صابرين]

الرحيل

يامدن مبنيه فوق ..............وهم الضياع
ياعشق مالينا شوق......يارياح مالى الشراع
والمرافى تضيع وسطنا ياسفن مرساكى ضاع
ويامساحات من حزن دمعة من غير انقطاع
يا امل قاعدين عليهو وننسا فى زحمة صراع
وكيف نشيل نفس الكلام ونحرم الفجر الشعاع
ونختصر عمق المسافه وتبقى زى خطفة كراع
ويتولد من رحم حزنك الف زول هادى الطباع
ونسترق همس القصيدغنية فى جلسة سماع
ولم قامتك تبقى نخلة...ينفجر اصل الصراع
السنين يتهاوى طولا..شيلى قدر المستطاع
يافاقده روحك فى الزحام..ومااتفقد حق الدفاع
يانابشه سرك للغلابه اتكلى فوق كتف الوساع
لااتحفظ جواكى ذاتك..لا كلمتك ليها باع
رغم الحصل نديكى بابنا..وبينا ابوابا وساع
ويلصق اسمك فى لهاتنا..وريده لا حد النخاع
ونكتب اسمك فى بيوتنا..لقمة فى جوف الجياع
وقبلك اتهدينا جوه...وجوه اسوا...انطباع
واصلو ماكتبوه لينا..ذى اخوكن فى الرضاع
والسنين حنعيد شريطا..وفى العمر يجرن سراع
ولمن الايام يعدن...........والسنين يمشن تباع
وينطبع جوانا وصفك...وينكشف زيف الخداع
انتى لمى شتات سنينك وارمى دمعك فى ابسباع
وننسى حضنك كان وطن..وللحزن نفرد شراع
الوداع ياغايبة عنى...همسه فى ريدك متاع
والوداع ياراحله عنى...الوداع ثم الوداع

ودالصيده
15/7/2003م

[صابرين]

احسبيلنا

قومى تعالى قومى تعالى...........اجبرى خاطرنا طوالى
لا تتعالى ..........لا تتعالى
عيون الحفله كلها فيك.........دايرنك تسوى مشيك
تاتيهن على ايديكى.....اقيف يالسر اخد شبالى
قومى تعالى
نعاين لك نقول جات نازلى....بى طرف الطريحه تغازلى
من عيون الخلوق ماك غافلى...اسمك ضمه راح من بالى
قومى تعالى
قدمى خطه امشى علينا....خلى مسافه بينك وبينا
لسع نحنا مااتكفينا........ياست الجناب العال
قومى تعالى
رصى الرصه فوق الرصه ....دايرنك تتمى الرقصه
ماب نلقاها تانى دة فرصه....تبقى دة زادى فى ترحالى
قومى تعالى
هودى بينا لحظات شوق......فى عالم بعيد بى فوقه
جرينا وراكى ما ملحوق.....تكبرى لينا يابلالى
قومى تعالى

ابراهيم -البركل-13/8/1982

[صابرين]

]............................جيتك..........جيتك

جيتك قبل اتمدد فوق الضوء السابقك راجع
جيتك طالع من انوارك قبال يصبح حلمك واقع
جيتك شايل قرص الشمس الاحمر فاقع
جيتك شايل اسم خرافى مداهو عيونو سماهو السابع
جيتك وجيت اريت ما جيت وجيتك راجع
جيت من فالك ونضم اطفالك وحوش الجامع
جيتك مارق من راكوبه وضوء فانوس منور وساطع
جيتك طايف وزولا خايف عندك مانع
ادينى امانك وارخى اضانك جيتك طايع
جيت من دنيا سوالا يحير شان تتمدا عشانا اصابع
جيتك زامله محمله نازله ماشه ماشه وراها توابع
جيت من اسمك واسمك طاير واخر حرف كتبتو الرابع
جيتك طالع وشمس اشراقك جيتك طالع
جيت من لونك وشفق استارو القمر الساطع
جاكى اعجابنا قبل مانجيكى وهسع قلنانجيكى نتابع
جاكى كلامنا وماقصرنا الناس بتقول فوق اسمواللامع
جيتك جيه وماراضاها الا الجيه دى ليها دوافع
جيتك مارق وجيتك حارق جوف المرض الشايلو بصارع
جيتك طاشى متكرن ماشى قاصد البلد النصو جوامع
جيت مسيدك اقبل ايدك من حيرانك جينا نبايع
جيتك مارق من بيت الله لامو حسابك طارح وجامع
جيت اصفى حسابى معاكى كان تدينى جواب قاطع
ومابرجعلك ومااتراجعت انا خليتك طاير وناجع
رجعى لى كلامى القلتو واوعى تنقصى منو مقاطع
اه يالدمعه السبقت دمعه اه يالعين الزارفه مدامع
اه ياولدا ماب ينهز شارب لبن اماتو وراضع
جايى وراجع وماجاييكى دايره منو اليسجد لك راكع
وجاى اقولك ارحمى نفسك لانى لقيتو كلام مو نافع
وباقى كلامى الجاى اقولو تلقى مشتت بره الشارع
وجاى الم الباقى القلتو ومن قبالك شايف وسامع
وجيتك جيتا اريت ماجيت وكت صديت وجيتك راجع

ودالصيده 29/10/2002[/frame]

[Dr Salah Mohamed Elamin]

سلامى وتحياتى

لك من الشكر اجزله على هذا التوثيق الفذ
واتمنى ان تذكرى لنا عن حياة الرجل ومراحلها المختلفة واين هو الان

وطبعا امه فى الحسبه خالتى فله التحية والاحترام

لك خالص التحايا وسلامى لجميع الاهل

[صابرين]

البركل بلد و أهل


قِصر قلماً قدر ما طال وكمل فهماً قدر ما قال وكت صبح الشعر مدخل
أسارق في النضم من جاي والملم في بواقي القافية من الذاكرة وإتوسل
غلبني أوفي حق وطنا ًمغرقني .. أحاول أقول .. وأرجع وأبدا من أول
دحين آناس اقيفولي .. اللقول للناس وكل الناس وأقول ليكم انتو في الاول
يات بلدا هي جات ذكرا .. ويات بلدا هي كان متلا .. قبل ما يذكرو البركل
يات بلدا وقف قسما .. ويات بلدا لمع إسما .. معبق بالندى والطل بلا البركل
دا البلد البتلقى جناهو بتلقاك قيل أبواتو يمسك فيك .. مرحبتين .. كدي اتفضل
بلد يفرض مساحاتو وكمان يفرض ثقافاتو ويستكثر على ذاتوا يجود بالعندو وما بيبخل
في البيت البلم الناس وكت الحارة في فرحن وفي كرحن وعشان نفرد مساحاتو ويكون أشمل
محفورات حروفك يا بلد جواي وما بتنقاس حرارة الريده لي زولا بعيد منك مهما اتقال ومهما حصل
ده البلد الخبرتو أنا .. ونسجتوا أنا في مداخلي خيوط .. وطبعو على إتفصل
قصادك يا بلد قلمي .. وأبِرك بالوفاء عشمي .. وكضاب البقولو كلام فيك قدر دي .. ما بحمل
أحيا وأموت .. وأموت وأحيا .. وأعشقك موت .. عشق مجنون يامن اسمك البركل
حروف اسمك ملالاءة في سما .. وصفي سعن حنك مبردو في طرف كتفي ينقط فوقي اتبلبل
نفسي أشوف مساحاتك ملالاءة في سماحاتك .. وشوقي يزيد قناعاتك قبل أيامي ما تكمل
يا أهل الكِلم والراي البيمشي على بقية الناس .. وكل زول في محل يعمل
ونبسط للسماح ده مساحة .. ونملح في طرف بعضك .. وما تبقى الملامة زعل
نشيل التقنت البيناتنا .. ونمرنا من تحت لا فوق .. ونشرب من فرد جدول
ما التوفيق من الله هبه .. بداية السَيره نادي شبا .. وكت نهتف
جبل بركل جبل بركل