شاعر من شبا.......عثمان أبوبكر

[بنت شبا]

السلام عليكم ورحمة الله وبركاته

عثمان ابوبكر....شاعر ولد بقرية شبا مركز مروي(1944م)...تلقي تعليمة الابتدائي والمتوسط بمروي.....تلقي تعليمه الثانوي في مدينة بورتسودان.....ثم تخرج من كلية الصحة جامعة الخرطوم (1964)...حصل علي دبلوم مفتش الصحة من جمعية الصحة الملكية بلندن.....تنقل بين ربوع السودان من الشمال الي الجنوب وذلك تأدية لواجبه الوطني والعملي وامتد الي خارج السودان...كانت بدايته الشعرية في مرحلة مبكره من عمره , فقد كانت روحه مشبعه بحب الوطن وقد عالج شعره مختلف القضايا..... وله كثير من الاسهامات الادبيه النثرية والشعرية...وقد اعطي لوطنه الكثير من غير تقصير الي ان وافته المنية( 1991) تاركا درره الشعرية التي لم تري النور.

وسوف اعرض لكم ديوانه((بطاقة دعوة للحب والسلام)) و((غنيوة ريدة للبركل)) واليكم القصيدة وارجوا ان تنال اعجابكم.



تقولي شنو وتقولي منو

ردا علي قصيدة الشاعر الحردلو

ونحن كمان))

تقولي شنو
تقولي منو
نحن الساس
ونحن الرأس
ونحن برانا دون الناس
ونحن الهم
ونحن الغم
وتال الخال .
وتال العم
خالي وعمي ود حبوبه
سيد السبحة والمصلاية واللالوبة
سيد الحربة
راجل الضربة
يوم الحوبة
ويوم الزنقة
وقت الشنقه
قام زي الأسد للموت
وقصتو في الكتب مكتوبة
تقولي شنو
ونحن عدال
ونحن تقال
ونحن جبال
ونحن ولاد عزاز واصال
ونحن الفال
وسد المال
ونحن القبلة للضيفان
ونحن الواحة للضهبان
ونحن المرقة للجيران
ونحن الحلقة والليحان
ونحن رواية الحيران
ونحن الليلة
نحن البكرة
نحن الكان
ونحن كمان
صلاة الجمعة والاذان
ونحن الطاب
ونحن شليل
ونحن النبلة والنشاب
ونحن العرسة نحن السيجة
نحن الميس
ونحن السوط ونحن بطان
تقولي شنو وتقولي منو
ونحن الويل
ونحن الهيل
ونحن الخيل
ونحن بنكسر الكليقة لي زاملة ضيوف الليل
ونحن الاتبراوي يسيل
يجيب ويشيل
ونحن النور
واصلنا من زمان محضور
وذكرنا في الكتب مزكور
ونحن بنونة والكنداكة
نحن القرشي جاد بالدم قريب يوم داكا
ومننا ديك
ومننا ديل
وحت كسار قلم مكميل
تقول لي شنو
وتقول لي منو
ونحن ملكوك
ونحن مكوك
ونحن الجعلي والكباشي
والفكي شيخ
وود تكتوك
ونحن الكية
نحن الحية
نحن صهيب وجد المية
ونحن يمين ابو بشرية
ونحن ضريح
ونحن مزار
ونحن بيان
ونحن بنية
ونحن ولاد رجال لاحقين
ونحن نسل كبار صالحين
يقيمو الدين
وينجدو في الخلا المدروك
ونحن وقت رجالنا يجوك
بيملو العين
يفوتو الوين
ووين الوين
قيام وسجود
فعال وسلوك
ونحن كلام كبارنا عديل
ونحن نضم صغارنا عديل
ونحن الشول وشوك الحوت وخشم الموس وست الجيل
ونحن الدور ودابي الكر ونقع السم وساري الليل
تقول لي شنو
تقول لي منو
ونحن حريرة
نحن ضريرة
نحن جبيرة
نحن دخيرة
نحن دميرة
نحن جزيرة
نحن الساقية والسلوكة
ونحن الدرقة
نحن الطرقة
نحن المرقة
نحن الصدقة
نحن الترمة والقاورمة
نحن الكسرة والمفروكه
نحن الطاره والنقارة والدلوكة
ونحن القاع
ونحن الصاع
وراهو الصاع
ونحن الموية والشربوقة والنقاع
ونحن الترة والقطاع
ونحن ولادنا ركازات
ونحن بناتنا احلي بنات
ونحن اللقمة فكة ريق
ونحن يمين عشا البايتات
ونحن البكري
نحن الدغري
نحن الدخري في الحوبات
ونحن كرمنا ماهو كرم تقا وبوبار
ونحن ا ن جانا ضيف الليل بيلقي أيدينا ممدودات
ويلقي خيولنا مشدودات
ويلقي قلوبنا مفتوحات
ويلقي الصالة معروشة
ويلقي الاوضه مفروشة
ويلقي الكسرة مرشوشه
ويلقي وشوشنا زين باشات
ويلقي نفوسنا زي ماهن تملي علي الدوام سمحات
تقول لي شنو
تقول لي منو
ونحن نفير
ونحن جفير
ونحن حفير
ونحن الزير ونحن الكير
ونحن النقعة
نحن البقعة
نحن البار ونحن البور ونحن البير
ونحن دلو
ونحن القربة للعطشان
ونحن سقو
ونحن رحاطة للعرسان
ونحن حتو
ونحن الحق
ونحن الرق
ونحن الصف
ونحن الكف
ونحن هلال
ونحن خلال
ونحن زمام
ونحن الشف
ونحن الدلكة والصندل
ونحن الخمرة والمحريبة والحرجل
ونحن الروبة والمنجل
ونحن اللبقة والجدول
ونحن السنطة والورتابة والشمامة والحنضل
تقول لي شنو
تقول لي منو
ونحن سحاب
ونحن تساب
ونحن حراب
ونحن حراب
ومحن سراب
ونحن المترة والمرتق
ونحن السلبة والقادوس
ونحن الونسة والفانوس
ونحن الشطة والبنضورة والفقوس
ونحن ألترعه
والحواشة
والطورية والتربال
ونحن الحربة والشوتال
ونحن رجال
ونحن طوال
كضب من قال
يطولنا محال
دا نحنا الطالنا تب ماطال
ونحن جنوب
ونحن شمال
ونحن تبلدي
ونحن السدرة والسيال
ونحن الشاف
ونحن كليت
ونحن الهمة
نحن اللمة
نحن النمة والدوبيت
ونحن الغيط
ونحن البيت
ورأس الخيت
ونحن الودعه والسوميت
ونحن الزول بسوي الدايرو
وابدا ما بيقول سويت
ونحن المابنقول يا ريت
تقول لي شنو
وتقول لي منو
ونحن القاش
ونحن رشاش
ونحن الزيفة نحن دعاش
ونحن الغيم
ونحن الوادي
ونحن الصاقعة والعبادي
ونحن الصيف
ونحن خريف
ونحن الحجرة
نحن القيف
ونحن جروف
ونحن سيوف
ونحن الطوف
ونحن الشادي
نحن الحادي
نحن النوبة والطنبور
ونحن كرومة نحن سرور
ونحن الشورة
وقت الحيرة
وقت الزنقة نحن حضور
ونحن بنلحق المأسور
ونحن بنجبر المكسور
تقول لي شنو
وتقولي منو
ونحن تقاية
ونحن وقاية
ونحن لداية
نحن الراية
والحاحاية
ونحن الجمرة
ونحن المرة
ونحن الحرة
يوم الزرة
ونحن من المتالن مافي
ونحن افو
ونحن عوافي
ونحن وقت تقوم الحارة
فينا الزول يموت وقافي
وسيفو من الرقاب متعافي
دما صافي
تقو لي شنو
تقول لي منو
ونحن نهد
ونحن نقد
ونحن نسد
ونحن العد
ونحن وتد
ونحن فرح
ونحن كرح
ونحن الدخلة والصبحية والليلية والحولية
ونحن صباح
ونحن صفاح
ونحن فرح طهور وملم
ونحن فراش بكا وميتم
ونحن الصدقة
نحن الحد
ونحن الصوم
ونحن العيد
ونحن رهيد
ونحن التردة
ونحن الفولة والباجور
ونحن بخور
ونحن الباجا والمحفور
وحجر المك
ونحن عقيق ودار الفور
ومريل باي
ونحن أم حر
ونحن أم جر
ونحن أم دم
ونحن أم دوم
ونحن أب ديس
ونحن اللول
ونحن الجول
وبحر الجور
تقولي شنو
تقولي منو
ونحن التار
ونحن الزار
ونحن الطار ونحن الشونة نحن المونة والطاحونة
ونحن الوازا
والحابودي
والجزاري
والمسدار
ونحن الشدة والشوقار
ونحن الصفقة
نحن مناحة نحن رقيص
ونحن مديح
ونحن الريح
ونحن الشيح
ونحن بخور
ونحن الكور
ونحن كجور
ونحن الكشنة والبربور
ونحن الكجرة والرقابة والطيفور
ونحن الفركة نحن الفردة
والدمور
ونحن الشملة
والشمارة
والشقيانة
والقفطان
ونحن الفروة والبطان
ونحن نبيت
ونحن الترة والدكاي
ونحن ربيت
ونحن المنقه والباباي
ونحن الجادة والقنديل ود لقاي
ونحن طبق
ونحن نبق
ونحن الكتمة
والسفاية
والهبباي
ونحن العكفة
والمخلاية
والشبرية
والشمشية
والدوباي
ونحن الغادي
نحن الجاي
ونحن الزول
ونحن فلان
ونحن هناي
ونحن الأيد معاها الايد
ونحن الساق بعيد وداي
تقول لي شنو
تقولي منو
ونحن والدان
ونحن الدين
ونحن الغيث
ونحن الغوث
ونحن النجدة نحن العون
ونحن العين
ونحن الختو في التاريخ كلاما زين
وفعلا زين
وذكرا زين
ونحن الكر
ونحن الحر
ونحن الشر
ونحن اللين
ونحن ولاد بيوت الطين
ونحن بناة خلاوي الدين
ونحن النقطة للعرسان
ونحن الفاتحة للميتين
وتقول لي أنا مين
وتقول لي أنا وين
وبقولك هاك
وأقولك هاك
وأزيدك تاني ولا كفاك
تقول لي شنو
وتقول لي منو

[ضمره بغدادى]

بتنا
فيكى الخير وانتى توثقى لشاعرنا عثمان على ابو بكر .
يلا واصلى

[عبدالرحيم التوم كمبال]

اختنا بت شبــــــــــــــــــــــــــــــــــــــــــا
تب ماقصرتي وبارك اللــــــــــــــــــــــــــــه في مجهودك العظيم
ودايرين المزيد

[بنت شبا]

بتنا
فيكى الخير وانتى توثقى لشاعرنا عثمان على ابو بكر .
يلا واصلى

السلام عليكم ورحمة الله وبركاته
مرحبا اخونا ... اكيد حاواصل باذن الله لتوثيق ما كتبه شاعرنا الجميل عثمان ابوبكر والظاهر انك بتعرفه لاني انا كتبت عثمان ابوبكر وانت صححت عثمان علي ابوبكر
بنت شبا

[بنت شبا]

اختنا بت شبــــــــــــــــــــــــــــــــــــــــــا
تب ماقصرتي وبارك اللــــــــــــــــــــــــــــه في مجهودك العظيم
ودايرين المزيد

السلام عليكم ورحمة الله وبركاته
مرحبتين اخونا....اكيد لسه المجهود في البداية والمذيد جاي باذن الله.
بنت شبا

[ضمره بغدادى]

السلام عليكم ورحمة الله وبركاته
مرحبا اخونا ... اكيد حاواصل باذن الله لتوثيق ما كتبه شاعرنا الجميل عثمان ابوبكر والظاهر انك بتعرفه لاني انا كتبت عثمان ابوبكر وانت صححت عثمان علي ابوبكر
بنت شبا

بت شبا

الله يجزيكى خير
انا بعرف الشاعر المرحوم عثمان على وكل عائلته ونحن ناس اهل ولكن لم احفظ لشعره شيئا بل سمعت عنه .... ارجوكى واصلى توثيق .
الله يديكى الف عافية

[بنت شبا]

بت شبا

الله يجزيكى خير
انا بعرف الشاعر المرحوم عثمان على وكل عائلته ونحن ناس اهل ولكن لم احفظ لشعره شيئا بل سمعت عنه .... ارجوكى واصلى توثيق .
الله يديكى الف عافية

الاخ ضمرة بغدادي

شكرا لتواصلك واكيد حاواصل........بنت شبا

[بنت شبا]

بت شبا

الله يجزيكى خير
انا بعرف الشاعر المرحوم عثمان على وكل عائلته ونحن ناس اهل ولكن لم احفظ لشعره شيئا بل سمعت عنه .... ارجوكى واصلى توثيق .
الله يديكى الف عافية

الاخ ضمرة بغدادي

شكرا لتواصلك واكيد حاواصل........بنت شبا

[بنت شبا]

مشــــــــــــاعر الغربة
للشاعر/ عثمـــــــــان ابوبكر.

لو خاطر الشوق يوم عاودنا
في الغربة كتمنا وماعدنا
وين نلقي حنان وصفا وطيبة
وين نلقي بلد تحكي بلدنا
***
هاجرنا ولسة مشاعرنا
مشدودة الي النيل والغابة
للواحة الخضرا وللصحرا
وللخير العايش في ترابا
لي نخيلا وكل تبلدية
ولي جروفا ولي كل هشابة
وللون الاسمر وكاكاوي
لي عيون حلوات عاشقة شبابا
***
لو طاير هاجر من وطنو
وطال بيهو زمانك ياغربة
لابد يعود يوم لي عشو
مادام في وجدانو محبة
الغايب مابينسي ديارة
وحبانو البيناتم شب
ما الذكري بتصبح سلواهو
وسميرو مع الغربة الصعبة
***
مهما الأيام طالت بينا
وعشناها مع الغربة اسية
البلد الغالي خيالو يطوف
في عيونا مشاهد مرئية
في مهيرة وتاجوج بنشوفو
وفي سيرة الثورة المهدية
وفي حب الدينكا الأسطوري
وفي غنوة طمبور شايقية
***
ياطاير قاصد وادينا
بي جناح الشوق والحنية
حلفتك بي كل مقدس
وبي كل عزيز غالي لديّ
ترحل بالشوق تغشي ديارنا
وتنقر ابوابا السنطية
وتمر علي ساحاتنا تسلم
علي كل صبي وكل صبية

القاهرة(1974م)

[ضمره بغدادى]

ياطاير قاصد وادينا
بي جناح الشوق والحنية
حلفتك بي كل مقدس
وبي كل عزيز غالي لديّ
ترحل بالشوق تغشي ديارنا
وتنقر ابوابا السنطية
وتمر علي ساحاتنا تسلم
علي كل صبي وكل صبية

القاهرة(1974م)

يا سلااااااااااام
قمة الروعة والابداع والتعبير .....وصف لشاعر متمكن .
ارجو المواصة .... تسلمى

[بنت شبا]

ياطاير قاصد وادينا
بي جناح الشوق والحنية
حلفتك بي كل مقدس
وبي كل عزيز غالي لديّ
ترحل بالشوق تغشي ديارنا
وتنقر ابوابا السنطية
وتمر علي ساحاتنا تسلم
علي كل صبي وكل صبية

القاهرة(1974م)

يا سلااااااااااام
قمة الروعة والابداع والتعبير .....وصف لشاعر متمكن .
ارجو المواصة .... تسلمى

الاخ ضمره مرحبا مره اخري

شاعر اكثر من متمكن ربنا يرحمه ....شكرا للتواصل

[بنت شبا]

هذه القصيدة كتبها الشاعر عندما جاءه خبر وفاة اخوه الكبير الذي كان يعمل بدولة قطر فسطر شاعرنا كلمات نمت عما اختلج في صدره من حزن.

أحـــــــزان العـــــــيد
وجانا العيد
ومالو العيد
صباحو صبح أسي وآلام
وكنا زمان
منانا فرح
يدوم
العام يلاقي العام
وجانا العيد
***
وجانا خبر
نهار العيد
وخلا بريق سحاب الدمعة
عب وشال
عذابنا أمر
كمن في الجوف
ومن نار الجحيم الحارة
خم المرة
لينا وكال
حرام ياخبر
اريتك ماك خبير بينقال
يجيبك لي حبيب مرسال
حرام يادهر
تعذب ناس
حنان بالحيل
تكحل بالاسي الاطفال
حرام ياقدر
تشيل زولا
زرع في نفسو مليون شتله
للآمال
حرام ياقطر
تجازيهو الألم والموت
بعد ماجاكي
في ايديهو حزمة فال
***
فرحت معاك
كتير وكتير
وماظنيت تكون أيام هنايا قلال
وكان وعدك
معاي
ياخوي
تجيب الشيلة لي من جدة
يا البلال
وتبقي أبوي
وتمشي معاي
نسير في يوم مع الحبان
نسد المال
وجانا العيد
صحيت من نوم
لقيت الحلمة طارت
والخبير انقال
وتاني شقيت
وفقت لقيت
سعادتي بقت دمع من عيني
كب وسال
وجو نفوسنا
مات شتلا دقاق بالحيل
بعد يادوبو
جبد وشال
***
وليداتك
كساهم ليل طويل بالحيل
ضلام
مافيهو بقة نور
وحبانك
طواهم هم ملا الساحات
بقالن في العضام ساجور
تميراتك
بكن يوم داك
أبن
حتي الشراب من جدول الباجور
سبيقاتك
شقن
والمنقة والليمون
بقن
زي تشق العتمور
وضرعات اللبن جفن
وياما كان زمان حلبن
بحور وبحور
وشتلات الدخن
يبسن
بقن كاويق
وماتت رنة الطمبور
***
أماني الغربة
ما شالت غريبا
كاتلو شوق العودة للأولاد
أماني الغربة ماحرقت
قلوب أطفال صغار
يادوب عذابن ذاد
أماني الغربة مافتقت
جروح سالن
علي زولا مشي وما عاد
أماني الغربة ماجابت
خبيرا شوم
طعن في الجوف بلا ميعاد
أماني الغربة ماقلبت
فرحنا الكان نهار العيد
علينا سواد
أماني الغربة لا سوت
سواتا لابقت في زول
ولا بتنعاد
***
عيون ناس بلدي بكاية
ودموعن كسرن المرتق
عليك يبكي الجرف والقيف
وشتل الكُلمة
والمشرق
ويبكي اللوبي والبرسيم
يمت في عرقو مايفتق
وقمح العيني
في الحيضان
حرق في نارو
خاض وغرق
وحتي عشانك العرسان
حزين في إيدُن الجرتق
وناس عسوم
مع الدوداب
يقالدو شِبا
ودموع تحرق
***
وحاتك ياصبر قوليا
كيف الناس بتتصبر
زمان
قالو الصبر كوّاي
عليهو أنا باقي مابقدر
قدر ماقلت انسي
وأفيق
الاقي حويلتي تتغير
طويف النجدة
شالو الموج
غرق مقدافو
واتكسر
طوير هاجر
ترك جنياتو
جو عشيشو عز الحر
وفات الحول
وجاء النسام
معاهو خبر
عذابو أمر
وجانا العيد

الخرطوم(1978م)

[ضمره بغدادى]

هذه القصيدة كتبها الشاعر عندما جاءه خبر وفاة اخوه الكبير الذي كان يعمل بدولة قطر فسطر شاعرنا كلمات نمت عما اختلج في صدره من حزن.

أحـــــــزان العـــــــيد
وجانا العيد
ومالو العيد
صباحو صبح أسي وآلام
وكنا زمان
منانا فرح
يدوم
العام يلاقي العام
وجانا العيد
***
وجانا خبر
نهار العيد
وخلا بريق سحاب الدمعة
عب وشال
عذابنا أمر
كمن في الجوف
ومن نار الجحيم الحارة
خم المرة
لينا وكال
حرام ياخبر
اريتك ماك خبير بينقال
يجيبك لي حبيب مرسال
حرام يادهر
تعذب ناس
حنان بالحيل
تكحل بالاسي الاطفال
حرام ياقدر
تشيل زولا
زرع في نفسو مليون شتله
للآمال
حرام ياقطر
تجازيهو الألم والموت
بعد ماجاكي
في ايديهو حزمة فال
***
فرحت معاك
كتير وكتير
وماظنيت تكون أيام هنايا قلال
وكان وعدك
معاي
ياخوي
تجيب الشيلة لي من جدة
يا البلال
وتبقي أبوي
وتمشي معاي
نسير في يوم مع الحبان
نسد المال
وجانا العيد
صحيت من نوم
لقيت الحلمة طارت
والخبير انقال
وتاني شقيت
وفقت لقيت
سعادتي بقت دمع من عيني
كب وسال
وجو نفوسنا
مات شتلا دقاق بالحيل
بعد يادوبو
جبد وشال
***
وليداتك
كساهم ليل طويل بالحيل
ضلام
مافيهو بقة نور
وحبانك
طواهم هم ملا الساحات
بقالن في العضام ساجور
تميراتك
بكن يوم داك
أبن
حتي الشراب من جدول الباجور
سبيقاتك
شقن
والمنقة والليمون
بقن
زي تشق العتمور
وضرعات اللبن جفن
وياما كان زمان حلبن
بحور وبحور
وشتلات الدخن
يبسن
بقن كاويق
وماتت رنة الطمبور
***
أماني الغربة
ما شالت غريبا
كاتلو شوق العودة للأولاد
أماني الغربة ماحرقت
قلوب أطفال صغار
يادوب عذابن ذاد
أماني الغربة مافتقت
جروح سالن
علي زولا مشي وما عاد
أماني الغربة ماجابت
خبيرا شوم
طعن في الجوف بلا ميعاد
أماني الغربة ماقلبت
فرحنا الكان نهار العيد
علينا سواد
أماني الغربة لا سوت
سواتا لابقت في زول
ولا بتنعاد
***
عيون ناس بلدي بكاية
ودموعن كسرن المرتق
عليك يبكي الجرف والقيف
وشتل الكُلمة
والمشرق
ويبكي اللوبي والبرسيم
يمت في عرقو مايفتق
وقمح العيني
في الحيضان
حرق في نارو
خاض وغرق
وحتي عشانك العرسان
حزين في إيدُن الجرتق
وناس عسوم
مع الدوداب
يقالدو شِبا
ودموع تحرق
***
وحاتك ياصبر قوليا
كيف الناس بتتصبر
زمان
قالو الصبر كوّاي
عليهو أنا باقي مابقدر
قدر ماقلت انسي
وأفيق
الاقي حويلتي تتغير
طويف النجدة
شالو الموج
غرق مقدافو
واتكسر
طوير هاجر
ترك جنياتو
جو عشيشو عز الحر
وفات الحول
وجاء النسام
معاهو خبر
عذابو أمر
وجانا العيد

الخرطوم(1978م)

بت شبا
رحم الله شاعرنا عثمان على ابو بكر لقد رثى اخيه محمد على ابو بكر الذى توفى بدولة قطر وكان خبر وفاته فاجعة بالنسبة للبلد عامة وانا ازكر ذلك جيدا .
الله يديكى الف عافية
تجدينى من المتابعين بشغف واصلى الله يخليكى .

[بنت شبا]

النـــــديهة والــــندر

رجوعنا متين للبلد البتملا العين
يالله...
متين يارب قيامنا متين
من بلد الرصاص والطين
نرجع للشمال الزين
للناس الحنان طيبين
---*****---
إن بقي ماطوانا كمين
ونرجع للشمال سالمين
فوقي ندر
عليّ يمين
مابنساهو وبكونو امين
---*****---
إن بقي مانطفن عينيْ
وارجع لي دياركم حي
فوقي ندر
قطعتو علي
أمشي وازور قبر والدي
---*****---
سائلك يا مغيث القوم
ونادهك
ياصهيب الروم
تسهلوا لي
اموري واقوم
وارجع لي شبا وعسوم
---*****---
ياعامر
اذاني الشوق
يالظاهر
بيانك فوق
تسهل للبعيد محروق
يرجع للشمال ويروق
---*****---
يا سيدي الحسن لحاق
وود الكرسني
ووراق
تفكو القيد
تحلو وثاق
تسهلو للبعيد مشتاق
---*****---
ياكاشف الغمم
فجاج
يالفكي شيخ
ويا ود حاج
دايركم تشوفو علاج
لي سفر الشمال بحتاج
---*****---
ياسيد المدينة
أم سور
وياراجل الكرو المشهور
دايركم تكونوا حضور
يوم سفر الشمال ونزور
---*****---
يا اسيادي الدويحية
ويا اجدادي الركابية
شيلو الفاتحة يوم ليا
باقي عذابي طال بيا
---*****---
نادهك يالرشابي
كمان
تور صنب
البصد الجان
سهل ليا ياحنان
أرجع
لي شمالنا أمان
---*****---
يا اجل الزريبة أب ناب
وشيخ البدري في القدواب
دايركم
تكونو قراب
نسلم من ضلام الغاب
---*****---
يا الكباشي
يالحراس
ويا جعلينا في كدباس
دايركم تقيفوا اساس
نسلم
من رصاص دساس
---*****---
نادهك يافكي أم ضبان
ود بدر
أب شعاعا بان
نسلم نحن والحبان
وفي ارض الجنوب ننصان
---*****---
نادهك يابا ياحاج نور
يالطاهر
شرابو طهور
دايرك فوقنا تشلع
نور
ونسلم من عذاب وشرور
---*****---
بنات الشيخ
صغار وكبار
ستات البيان في اللار
نسلم نحن
ماننضار
وارجع وابقي ليكن جار
---*****---
يا الصلاح
قبب وبروج
والخاتم
شريف كركوج
مركبنا القبيل بتلوج
تسلم
من شرور الموج


أويل(1966م)

[عصام سرالختم]

النـــــديهة والــــندر

=center]

رجوعنا متين للبلد البتملا العين
يالله...
متين يارب قيامنا متين
من بلد الرصاص والطين
نرجع للشمال الزين
للناس الحنان طيبين
إن بقي ماطوانا كمين
ونرجع للشمال سالمين
فوقي ندر
عليّ يمين
مابنساهو وبكونو امين
إن بقي مانطفن عينيْ
وارجع لي دياركم حي
فوقي ندر
قطعتو علي
أمشي وازور قبر والدي
سائلك يا مغيث القوم
ونادهك
ياصهيب الروم
تسهلوا لي
اموري واقوم
وارجع لي شبا وعسوم
ياعامر
اذاني الشوق
يالظاهر
بيانك فوق
تسهل للبعيد محروق
يرجع للشمال ويروق
يا سيدي الحسن لحاق
وود الكرسني
ووراق
تفكو القيد
تحلو وثاق
تسهلو للبعيد مشتاق
ياكاشف الغمم
فجاج
يالفكي شيخ
ويا ود حاج
دايركم تشوفو علاج
لي سفر الشمال بحتاج
ياسيد المدينة
أم سور
وياراجل الكرو المشهور
دايركم تكونوا حضور
يوم سفر الشمال ونزور
يا اسيادي الدويحية
ويا اجدادي الركابية
شيلو الفاتحة يوم ليا
باقي عذابي طال بيا
نادهك يالرشابي
كمان
تور صنب
البصد الجان
سهل ليا ياحنان
أرجع
لي شمالنا أمان
يا راجل الزريبة أب ناب
وشيخ البدري في القدواب
دايركم
تكونو قراب
نسلم من ضلام الغاب
يا الكباشي
يالحراس
ويا جعلينا في كدباس
دايركم تقيفوا اساس
نسلم
من رصاص دساس
نادهك يافكي أم ضبان
ود بدر
أب شعاعا بان
نسلم نحن والحبان
وفي ارض الجنوب ننصان
نادهك يابا ياحاج نور
يالطاهر
شرابو طهور
دايرك فوقنا تشلع
نور
ونسلم من عذاب وشرور
بنات الشيخ
صغار وكبار
ستات البيان في اللار
نسلم نحن
ماننضار
وارجع وابقي ليكن
يا الصلاح
قبب وبروج
والخاتم
شريف كركوج
مركبنا القبيل بتلوج
تسلم
من شرور الموج

أويل(1966م)
[/color]

الاخت بت شبا .. تحياتى
متابعين أشعار المرحوم عثمان ابوبكر .... وفى إنتظار المزيد
وعبر هذا البوست نرسل تحياتنا للعم تاج السر ابوبكر ( السر ابكر ) شقيق المرحوم الشاعر عثمان ابوبكر
ونتمنى ان تستمر مشاركاتك بالمنتدى ...

[خالد البدوي بابكر]

جزاك الله خيرا بنتنا بت شبا ــ واصلي التوثيق ــ
نتابعك من خلال الدموع ... لكننا نحب الشعر الذي يجعلنا ننزف

[خالد البدوي بابكر]

[color=#000000][size=5] [size=5] نشكرك بتنا بت شبا علي هذه الدرر الحزينة
نتابعك من خلال الدموع ونحب دوما مايبكينا
واصلي المشوار فقد والله أتحفتيا]

[زكريا بابكر عمر]

بتنا بت شبا متابعنك ....الله يديكي العافيه واللقمه الدافيه...واصلي راجنك ....تحياتي ...

[ضمره بغدادى]

بت شبا
وينك غيبتك طالت ...... منتظرين

[عمر مجذوب خطيب]

بت شبا كيف حالك -لاول مرة ادخل منتدى الشعر - ويا للهول - اسفت على تاخري وانا اراك توثقين لشاعر مجيد وحنين لم اسمع به لكل اسف - من هنا تاتي اهمية هذا الموقع الذي ينبغي له ان يحفظ شعر المنطقة لكل الاجيال - تحياتي

[بنت شبا]

الاخت بت شبا .. تحياتى
متابعين أشعار المرحوم عثمان ابوبكر .... وفى إنتظار المزيد
وعبر هذا البوست نرسل تحياتنا للعم تاج السر ابوبكر ( السر ابكر ) شقيق المرحوم الشاعر عثمان ابوبكر
ونتمنى ان تستمر مشاركاتك بالمنتدى


مشكور اخونا...وعذرا علي الغيبه وان شاء الله حيبتدي التوثيق من تاني

[بنت شبا]

جزاك الله خيرا بنتنا بت شبا ــ واصلي التوثيق ــ
نتابعك من خلال الدموع ... لكننا نحب الشعر الذي يجعلنا ننزف

شكرا علي التعليق اخونا وان شاء الله سيبتدي التوثيق من تاني

[بنت شبا]

[color=#000000][size=5] [size=5] نشكرك بتنا بت شبا علي هذه الدرر الحزينة
نتابعك من خلال الدموع ونحب دوما مايبكينا
واصلي المشوار فقد والله أتحفتيا]

مشكور اخونا مره تانيه علي المتابعه... والجاي اجمل بس من غير دموع

[بنت شبا]

بتنا بت شبا متابعنك ....الله يديكي العافيه واللقمه الدافيه...واصلي راجنك ....تحياتي ...

اهلا اخونا وشكرا علي المتابعه وشكرا ايضا علي الدعوة... وان شاء الله سنواصل باذن الله

[بنت شبا]

بت شبا
وينك غيبتك طالت ...... منتظرين

مرحبتينا ابونا .... واسفين علي الغيبه ... وان شاء الله بنعود وحانوثق ومنتظرين تعقيبك....
بنت شبا

[بنت شبا]

بت شبا كيف حالك -لاول مرة ادخل منتدى الشعر - ويا للهول - اسفت على تاخري وانا اراك توثقين لشاعر مجيد وحنين لم اسمع به لكل اسف - من هنا تاتي اهمية هذا الموقع الذي ينبغي له ان يحفظ شعر المنطقة لكل الاجيال - تحياتي

مرحب اخونا.... وللا سف الشديد كثيرين لم يسمعوا بهذا الشاعر الجميل الراقي والحنين بكلماته والذي كتب عن الوطن وكتب عن الشمال ما لم يكتبه احد ولهذا اوثق له
مشكور علي التعقيب وانتظر المزيد.

[محمد فتح الرحمن أحمد]

بت شبا تحية طيبة لكي وحقيقة انا مندهش لان معظم الاجيال الموجودة في شبا الان لاتعرف شي عن هذا التراث الجميل ويمكن ناس اخونا ضمرة عندهم فكرة والله انا من قلب شبا واول مرة اسمع بهذا الشعر الجميل ارجو مواصلة القصائد. متعك الله بالصحة والعافية

[بنت شبا]

بت شبا تحية طيبة لكي وحقيقة انا مندهش لان معظم الاجيال الموجودة في شبا الان لاتعرف شي عن هذا التراث الجميل ويمكن ناس اخونا ضمرة عندهم فكرة والله انا من قلب شبا واول مرة اسمع بهذا الشعر الجميل ارجو مواصلة القصائد. متعك الله بالصحة والعافية

اخونا محمد
تحياتي...وعلشان كده حبيت اوثق للشاعر العظيم شعره في هذا المنتدي الجميل...ولانه توفي تاركا شعره وراءه الذي لم يري النور الا القليل منه
شكرا للتعقيب تحياتي