الشمات يعاينولك ..لك يا طيبان خاصة ولكل الأخوة ..

[صلاح عبد النبي]

بمناسبة انضمام أخونا الشاعر صديق محمد طه لأسرة البركل .. أهديكم هذا اللحن الذي صاغ كلماته شاعرنا صديق محمد طه ، وأبدع في أدائه الفنان يعقوب تاج السر .. طلبه خصيصاً أخي العزيز طيبان .. أهديه له ولكل من ركز عصاته واستراح هنيهة هاهنا :

http://sudaniyat.net/up/uploading/shommat.mp3

[طيبان]

الله يسعدك طول عمرك يا صلاح..ويسلم صّديق
الغنية دي كاسرة في أخوك كمّين ضلعة:)
اقول ليك؟؟
بجي اتم كلامي بعدين..
كدي داير اسمع أسة..
_________
يالطيف عديل كدة:p

[طيبان]

الشمات يعاينولك
شعــر صدّيق محمّد طه

الشمّات يعاينولك ياقلبي ..الشمــّات يعاينولك
***
كتير الشالتو الأيـّام وما صدّتبو من تاني
كتير غابت بنا الأحلام وكانت بدري صبحاني
لا جاب النواح رايحات لا رجّــع زمن هاني
مسيّـرة دنية العشاق .. أكــيد الأمــر ربّاني
***
أكنّك ياقليب يلاك خوجل بين قبيل وأّسّة
وافتح دهشتك شبّاك علي الكان لك قبيل مرسي
دا كيف بعدالمَحنّة قدر يجور متل الزمن يقسي
وفيك اتعلّم النسيان وما اتعلّم قبيل ينسي
***
حبيبك أطرا زي ما كان سامي وعالي في قدرو
بيرقش بالندي الإشــراق ويدهش بي قوام فكرو
كم من شهّــد الأشــواق وقال مابنفترق عمـرو
بلا باع الأمانــي وراح وساب جوّاكا يوم شكرو
***
آهـ ياقلبي ما تندم تقول ياريتني ما ردت
صدي الفرقة أم نزيفا دم أمـرق منّو كيف شئت
معاك التجربة البي كم يا الدافع التمن إنـت
تمن قدر الحبيب قبال يكنكش وفيـكا يتحـتّ

[صلاح عبد النبي]

العزيز طيبان ..

أكنّك ياقليب يلاك خوجل بين قبيل وأّسّة
وافتح دهشتك شبّاك علي الكان لك قبيل مرسي
دا كيف بعدالمَحنّة قدر يجور متل الزمن يقسي
وفيك اتعلّم النسيان وما اتعلّم قبيل ينسي

شفت كلمة ( خوجل ) دي هنا قاعدة كيف .؟؟
كلمة تعطي معنىً فخماً معبراً عن حالة محسوسة شديدة الواقعية تقع بين معنيين غير محسوسين (قبيل وأسّة ) ..تعقبها حالة من الدهشة تلك التي تصاحبها (فتحة خشم كبيرة) .. شباك على الكان لك قبيل مرسى ! .. كيف بعد المحنة قدر يجور متل الزمن يقسى .. مبالغة والله يا صديق ..

شكراً طيبان ..

[ود إدريس]

بمناسبة انضمام أخونا الشاعر صديق محمد طه لأسرة البركل .. أهديكم هذا اللحن الذي صاغ كلماته شاعرنا صديق محمد طه ، وأبدع في أدائه الفنان يعقوب تاج السر .. طلبه خصيصاً أخي العزيز طيبان .. أهديه له ولكل من ركز عصاته واستراح هنيهة هاهنا :

http://sudaniyat.net/up/uploading/shommat.mp3

أخـــونـــــــــــا الرائع والملحن البارع صــــلاح عبد النبى
والله مشكور وأنت تسعدنــا بهذه الأغانى التى تسرى بالدواخل
كل مشاركه منك كان إختيارك موفق .. وهذا يدل على شفافية حسك الفنى
وهذه الغنيه بالذات كاسره ضلعت كثير من الناس مش الأخ طيبان لحاله .. ومشكور طيبان بإنزالهـــا كتابة ... لك وله كل الــــــــــــــــود

[عمر جبريل ابو البروف]

بمناسبة انضمام أخونا الشاعر صديق محمد طه لأسرة البركل .. أهديكم هذا اللحن الذي صاغ كلماته شاعرنا صديق محمد طه ، وأبدع في أدائه الفنان يعقوب تاج السر .. طلبه خصيصاً أخي العزيز طيبان .. أهديه له ولكل من ركز عصاته واستراح هنيهة هاهنا :

http://sudaniyat.net/up/uploading/shommat.mp3

والله يا صلاح
قول لكم
ابدااااااااااااااااااااااااااااااااااااااااااااااا ع مركب مع بعضو
الله يديكم العافي الفي عضامكن