استعادة ملفات العتود من جديد

[طارق علي صالح]

حسان سرالختم
Senior Member تاريخ الانتساب: Feb 2007
المكان: دولة قطر - دخان ( ت .009745322869 )
مشاركات: 349


________________________________________
الاخ زكريا
اخونا ابشخيت دا وزى ما قلته زولا جاى محرش
وناوى يولع موضوع العتود ...
ولكن بختلف معاك فى انو قاصد التعالى والعنجهيه
وبالعكس من قصايدو وكلامو شكلو راجل ظريف جدا
وراجل متمكن فى تتطويع الكلمات شعرا جميلا .. ولكن
انا بنصح اخونا ابشخيت انو يرخى شويه لانو بدأ
يدخل فى الكير الغريق ومابيقدر على تماسيح العبدلاب
ان قبلو عليهو واخير تسأل اخونا الحاج الحصل شنو
لى صاحبو زول القرير فى موضوع كوارع عرس انس
بدوى !!! بنفس طريقتك دى حاول ان يتعدى ويتطاول ( بالشعر )
ولكن لقى السم القدر عشاهو ومنها وقال الروووب !!
دحين يا ابشخيت قول بسم الله واخته الدرب دا !!!
__________________
سبحان الذى سخر لنا هذا


________________________________________
اقتباس:
كاتب النص الأصلي : حسان سرالختم
الاخ زكريا
اخونا ابشخيت دا وزى ما قلته زولا جاى محرش
وناوى يولع موضوع العتود ...
ولكن بختلف معاك فى انو قاصد التعالى والعنجهيه
وبالعكس من قصايدو وكلامو شكلو راجل ظريف جدا
وراجل متمكن فى تتطويع الكلمات شعرا جميلا .. ولكن
انا بنصح اخونا ابشخيت انو يرخى شويه لانو بدأ
يدخل فى الكير الغريق ومابيقدر على تماسيح العبدلاب
ان قبلو عليهو واخير تسأل اخونا الحاج الحصل شنو
لى صاحبو زول القرير فى موضوع كوارع عرس انس
بدوى !!! بنفس طريقتك دى حاول ان يتعدى ويتطاول ( بالشعر )
ولكن لقى السم القدر عشاهو ومنها وقال الروووب !!
دحين يا ابشخيت قول بسم الله واخته الدرب دا !!!
أخي حسان مافي زولا في المنتدي ده بيحب المناكفات قدري وبالذات الشعريه . لكن أنا ما عارف ( قد أكون غلطان ) وفسرته كتاباتو كما ذكرت لكن والله أنا ما زعلان من أشعارو أبدا بس الزعلني طريقة تخاطبه وأسلوبه القاسي هذا كل ما في الأمر . وصدقني البينا عامره وستظل عامره وحسن النيه متوفر والدليل علي ذلك أنا أديتو رقم جوالي حسب طلبه . وأنا في إنتظار مكالمه منه . ولك وله ولكل إخوتي بالمنتدي العتبي حتي يرضو . ( ربنا لا تواخذنا إن نسينا أو أخطأنا ) .


زكريا بابكر عمر



#أب شخيت
Member تاريخ الانتساب: Aug 2007
مشاركات: 30


________________________________________
الأحباب الكرام
نبشركم حسب معلوماتنا إنو عواسة ود العطا جاهزة ..وود الصيدة يعوس فيها..ويعقوب قفل مكتبو ورجع البيت يولع في نارو..!!!إنشا الله الأخوان يدونا الكسرة بي بوخته...
ونعلن ليكم بأننا مسحنا الشخيت وقفلنا النغمة وحا نشتغل هزاز بس..!!!لأنو الحكاية حققت غرضه
والكسره حاتصلكم ..ولأنو جرعة التحفيز للإنتاج الشعري يبدو عليها زادت شوية زعلت مننا أخوان ما ساهلين ..وأنا زولا قلبي ما بيتحمل زعل الحبان..!!!ولأنوناس كبار ما في سنهم وإنما مقاماتهم من داخل وخارج السودان إلتمسو مننا تهدئة اللعب..!!!

أب شخيت

ام عسجد
Senior Member تاريخ الانتساب: Mar 2007
مشاركات: 139


________________________________________
يا اخوانا ازيكم وانشاء الله عافية وحباب اخوانا المشرفننا جداد
عز الدين حبابك الف وطلتك علينا تسعدنا والله
سعيدة جدا كمان انك رجعت لينا بوست عتود دقش بعد ما انقفل وكمان عاد
مليان ومسخن ماشاء الله .
علي بابكر مليون مرحب بيك يا دكتور ومعليش انها جات متأخرة
اب شخيت الحكايي شنو داخل حامي كدي قبال ما نرحب بيك نزلت فينا بالتقيل
والله اتلومت بالحيل في ود عمنا العمدة ودي مابنغفرها ليك وهو اصلو ود صالحين ودعواتك فيه مابتمشي وكان فينا فرد زول شاعر كنا ورينا المكشن بلا بصل لكن اهله واصحابه البركالة ما بدوك قعاد ثاني في المنتدي دا اصلك ما كعارف هبشت منو ظنيتك جاهل ودخلوك دربا ماكقدرو زي ما قال ليك زكريا .
لكن بيني وبينك كدا برافو عليك اصلنا دايرين نشوف ابداعات اخوانا ابراهيم وزكريا ويعقوب وحتي ام مصعب لازم الرد يكون بنفس حجم الكلام الخطير الاتقال.
زكريا ابداع والله قصيدتك ودايرين زعلتك من ابشخيت دي تطلع لينا من بيت الكلاوي
اب شخيت يا زكريا وصل لمبتغاه في استفزازكم كشعراء عشان نشوف نحنا الابداعات فما تزعل يا
زكريا وواصل ونحنا دايرين ننتقم لاولادنا وبيني بينك يا زكريا هو فعلا مدسوس.
ادوهو بالتقيل وفشونا


ام عسجداستعراض الملف الشخصي

رسالة خاصة إلى : ام عسجد



________________________________________
[الاخ محمد الطيب عساكم بخير وعافية
ليك وصية من دقش يقولك كراع البقر جيابه
وما على الرسول الا البلاغ
زعلان منك شوفلك واسطه ليه
عبد الرحمن يوسف
زكريا بابكر عمر
Senior Member تاريخ الانتساب: Jun 2007
مشاركات: 327

اقتباس:
كاتب النص الأصلي : ام عسجد
يا اخوانا ازيكم وانشاء الله عافية وحباب اخوانا المشرفننا جداد
عز الدين حبابك الف وطلتك علينا تسعدنا والله
سعيدة جدا كمان انك رجعت لينا بوست عتود دقش بعد ما انقفل وكمان عاد
مليان ومسخن ماشاء الله .
علي بابكر مليون مرحب بيك يا دكتور ومعليش انها جات متأخرة
اب شخيت الحكايي شنو داخل حامي كدي قبال ما نرحب بيك نزلت فينا بالتقيل
والله اتلومت بالحيل في ود عمنا العمدة ودي مابنغفرها ليك وهو اصلو ود صالحين ودعواتك فيه مابتمشي وكان فينا فرد زول شاعر كنا ورينا المكشن بلا بصل لكن اهله واصحابه البركالة ما بدوك قعاد ثاني في المنتدي دا اصلك ما كعارف هبشت منو ظنيتك جاهل ودخلوك دربا ماكقدرو زي ما قال ليك زكريا .
لكن بيني وبينك كدا برافو عليك اصلنا دايرين نشوف ابداعات اخوانا ابراهيم وزكريا ويعقوب وحتي ام مصعب لازم الرد يكون بنفس حجم الكلام الخطير الاتقال.
زكريا ابداع والله قصيدتك ودايرين زعلتك من ابشخيت دي تطلع لينا من بيت الكلاوي
اب شخيت يا زكريا وصل لمبتغاه في استفزازكم كشعراء عشان نشوف نحنا الابداعات فما تزعل يا
زكريا وواصل ونحنا دايرين ننتقم لاولادنا وبيني بينك يا زكريا هو فعلا مدسوس.
ادوهو بالتقيل وفشونا
أم عسجد وين الحي بيكي مالك طولتي مننا كدي يعني لو ما هبشو ود عمك باقيلي ماكان طليتي علينا .....أب شخيت ده اليرجي الراجياهو واليركز أماني مابيشوف شوف .... الخبر وصل للعمد الكبار ويسنو في سكاكينن وماشين علينا جاي ..... أدوها صنه ....... تحياتي .

زكريا بابكر عمر
استعراض الملف الشخصي

أب شخيت
Member تاريخ الانتساب: Aug 2007
مشاركات: 30


________________________________________



العسجد الصافي
من قلباً نضيف دافي
ماهو الغليظ جافي
منك دوام عافي
يا بت ملوك وعزاز
بسأل لك الكافي
ال للشريك نافي
البعلم الخافي
بالنون والقافي
رحماتو ليكي رزاز
ربي الكريم شافي
البجمع الهافي
ما صدَّ قال مافي
ليكي الشكر ضافي
لا يجيك ألم لا خزاز
خيرك عميم وافي
وأنا قافل النغمة لكني بس "هزاز"




________________________________________

[طارق علي صالح]

حسان سرالختم
Senior Member تاريخ الانتساب: Feb 2007
المكان: دولة قطر - دخان ( ت .009745322869 )
مشاركات: 349

الحكايه شنى ...ما قايلين الموضوع وصل لى عن هنى !!
اكيد دقش يكون اتفشى شويه وقدر ينوم
وحقيقه اخونا ابراهيم بابكر راجل لا يحتاج الى تعريف
ومن كل النواحى واى زول فى المنطقه كلها يعرف هذا الشخص
الرائع وياريت وباى طريقه نقدر نضمو للبركل ودى مسئوليه
الاخ عصام فى اجازتو ..
__________________
سبحان الذى سخر لنا هذا
زكريا بابكر عمر[/color]

أنا قبييل قتلكن شنو .... أقرأ فوق الشي ده ديوان شعر عديل ما مصدقني مالكن .... أه أم عسجد الله يديها العافيه جابتلكن كل ملابسات القضيه حقت دقش وعتودو ... وأصبح لا يذكر دقش إلا ومعه عتوده (طابعة بوسته )


عزالدين محمد علي بابكر
Member تاريخ الانتساب: Feb 2007
مشاركات: 37

يديكم العافيه...
________________________________________
الأعزاء : أم عسجد وزكريا
القابضون على جمر الحقيقه....الصامدون في ارض الوطن..المتسربلون برائحة التراب...أحيي فيكم التواصل و النشاط....وعتود دقش...لوحة شعرية رائعة تذكرنا مفرادتها باناس نحملهم في مآقي عيوننا..فلهم منا التحية...ابراهيم... ودقش...وكل أهل العبدلاب الحبايب..ولكم أنتم خاصة زكريا وأم عسجد مع تحياتنا لأبو عسجد.
زكريا بابكر عمر
Senior Member تاريخ الانتساب: Jun 2007
مشاركات: 327


الله يديك العافيه أخونا عز الدين يا راجل يا ملك ولك الشكر أجزله وهذا المنتدي أصبح لنا شجره ظليله نستظل تحته ونتفيء ظلاله ونلوذ به- كيف وقد وجدنا به من هو في قامتكم السامفه وكذلك وجدنا به إخوه قل أن يجود الزمان بهم .سنظل دوما أصحاب وفاء له ولأخونا خالد الحاج الذي جمعنا في هذه البوتقه المتعددة النحل والأعراق الواحدة المنهج والمقصد ...لك وله اخي عزالدين كل الود .وتحياتي عبرك للأخ فتحي أوما آن له الأوان أن يلحق بالركب ؟؟؟ وإلي لقاء.

أب شخيت مشاركات: n/a

أصلو عِيشة الرَجالة خِتِّيف
________________________________________
أخواني وأخواتي
أخوالي و خالاتي
أولادي و بناتي
ليكم جت تحياتي
أنا زول جيتكم عابر سبيل...الحقيقة يا جماعة شميت ليا ريحة مشاوي ومحمرات عاكلة في الإنترنت...ما كضبت طوالي ختيت اللبدة والسرج فوق ضهر قوقل ولكعتو أفتش في المواقع مباري الريحة...قوقل السريع وصلني لحدي منتدى البركل محل الريحة...هناك عرفت إنو أخونا طارق متمعرف فوق عمبلوك ودملوك وقاعد يلوك وقاطع سلوك الموبايل عشان مافي زول يعرفلو جيهة...قمتا ربطتا قوقل قدام البيت... ودخلتا توش زي بتاعين الكشات والنظام...لامن وصلت نص الحوش لقيتلك دخان التكل عاكل لي رب السما ...ومع الجوعة ديك وتعب المشوار قلت لي نفسي:
يازول يا أب شخيت حمدالله العرفت البيت
الليلة تفطر شية وتتعشى بس بي ربيت
وكان ما لقيتلك شِي أشرب بويقي الزيت
أها يا أخوانا لمان دخلتا جوه ما لقيت التكتح...أصلو أخونا طارق حتى باقي الزويتة إتمسح بيها....
الجماعة قامو وروني الحاصل كلو ...قالو أخونا طارق عملّو غارة جسورة قدر يصل خلف زرائب العدو...ويرجع سالم بي عمبلوك ليهو ضل ..و خلى خشم أخونا دقش ملح ملح...الشغلانية دي عجبتني خالص خالص لأنو معانيها كبيرة...المعاني دي خلتني أنزل معاكم ضيف إجباري بعد ما طلقت قوقل يرجع لي مراحو...
أها أنا بقول ساعة فاتتني ضبيحة طارق المكاشر اللديكم قصيدة بليلة مباشر
!!!!!!!!!!!!!!
!!!!!!!!!!!!!!
!!!!!!!!!!!!!
عذرا وعفوا: لم أستطع تنسيق القصيدة من حيث حجم ولون الخط والاصطفاف..انا عارف انتو ما طالبين مني اعتزار ما القصيدة حقتي وانا حر فيها...غايتو اعتبرو المقدمة دي تشاهد غدا ...لحدي ما نلقى للموضوع دا حل
[color=#FF1493]زكريا بابكر عمر
Senior Member تاريخ الانتساب: Jun 2007
مشاركات: 327

أه يا أبشخيت يا أخوي نرحب بيك للمره التانيه والتالته والألف ونعتذر ألف مره للتأخر في ترحيبك . يظهر عليك يا أخوي إنته زول كوشانه ومزز وكوارع وشيات ومرارات لأنك دخلته بالريحه والكان كدي إنته زولا لي ( وبالذات لحم العتدان ) راجنك تدينا من الجراب ويلا أحكي ونحنه في الإنتظار بس إن شاء الله وقفتنا ما تطول ز تحياتي .

على محجوب جعفر
Senior Member تاريخ الانتساب: Jul 2007
مشاركات: 155


________________________________________
انا يازكريا قصة عتود دقش ماعندى خبره الا ابشخيت يشمشم قلته كدى ان نشوف خبرو شنو
واخونا طارق انشاء الله رجع سالم وبعدين يااولاد عمى ياكن رجال الشوره والعدل دحين طيبو خاطرو وشوفو له قضيده سمحى

ضمره بغدادي
Senior Member تاريخ الانتساب: May 2007
مشاركات: 544


________________________________________

انا من زمااااان قايل العتود ده حى . اتاريهو الشى مضبوح ومعلق والجماعة يشوو وريحة الشية مارقى لامن جابت اب شخيت داخل ( باقى شمشام الزول ده)
كمان الشى الخلانى اجى داخل عزمنى على محجوب قالى تعال شوف صاحبك ضابح وما عزمنا لكن ارحك نقع فوق عتوده ده طبعا نحنا مانى دايرلنا عزومه .
والله العتود الكلام القالوهو فيه كلو سمح بالحيل .
زكريا مشكور والله يديك العافية

زكريا بابكر عمر
Senior Member تاريخ الانتساب: Jun 2007
مشاركات: 327


________________________________________
العتود عتودي وأب شخيت ضيفي أنتو يا علي محجوب وضمره العزمكن منو ؟ أصلو الكان ايضمره أنا عارفو يريد اللحم ومحل مافي كوشانه تلقي في نصها ( خرجو بطنو ) وجيت إنته يا علي والناقصي تمت أمشو أختونا حصلو فول عثمان كوري قبل يكمل . الليلي عاد إن قعدتو للصباح صاج اللحم ده مابنمرقو إن شاء الله يبقي ربيت في سنكن مابتختو . الشي ده مو فايتنا نحنه الإتنيين أرجوكم ما تفضحوني مع ضيفي

[طارق علي صالح]

أب شخيت
Member تاريخ الانتساب: Aug 2007
مشاركات: 30

الأخوة جماهير المنتدي الأحرار الثوار
الليلة نحن حا نجر الشخيت...الحروم والأفندية والشفع اليزحو بعيد غادي ما تقوم تصلهم لبعة لبعتين..
أصلو الحكاية بعد أخونا طارق أكل عمبلوك دقش..تحرياتنا أثبتت إنو في محكمة عسكرية برئاسة العميد عماد الطيب إنعقدت و أصدرت على طارق غرامات تقيلة..!! شي جلاليب بالكوم..!! شي ملايات بيت..!! شي غنمايات..!! شي مبلغ مادي لزوم مصاريف الغنم وتكاليف فراش بكا العنبلوك..!! جيبَّوه شيلة عديل كدة..!!!... يمكن يكون في واحد داير يعرس علي حساب طارق المسكين!!!... وطبعا القصايد الحلوة ديك كانت خصما علي سمعته المعنوية والادبية..وطبعا العقوبة دي لا تتناسب مع الجريمة إن كانت هناك جريمة في الأصل..!!! لأنو عملية طارق دي غارة فروسية وهمبتة تمجد الجسارة والبسالة..!!! ومن جهة أخري تدل على الثقة بالنفس و إحسان الظن بأرحامو ولاد دقش الما ممكن يزعلو مهما كانت الغارة ثقيلة عليهم..!!! ومن جهة تالتة هو بيعتبر الحالة واحدة وعمبلوكم هو عمبلوكو أكان لاكوه هم والله لاكو هو..!!! لأنو هو مش هولاكو التتري ياهو هو جناهم كان جنى عليهم والله كان جنو عليهو ..!! يعني جناهم بي جنو جنى عليهم!!!
طيب يمكن تقولو يا أب شخيت إنت الوداك تحشر نفسك بين البصلة وقشرتا شنو؟؟.. وكمان تجر شخيتك وتعلن الحرب!!!..شن حشرك يا حشري؟؟!!
إنتو سألتوني ..بس إتمهلو ولوكو الصبر اللوقَّع ليكم الحكاية بالهداوة..وعشان تفهموني وبعد داك تناصروني وتقيفو بي جنبتي من الشخيت لازم أحكي ليكم التجربة دي:
زمان لمان كنا صغار هابشين كنا بنقبِّض الشبش (العناكب)..نشيل الشبشه ونرميها من فوق..هي طوالي ما بتقع..بتقوم تعمل خيط من إيدك وتنزل براحة للأرض...!!! قبال ما تصل الأرض نقوم نسانق الخيط ونرفعا بيهو تاني..!! تقوم تاني تطوِّل الخيط عشان تنزل..وهكذا..وهكذا..وأمانه ما الشبش دا عندو طول خيط أصلو ما تتصوروه..!!!!..
ياخوانا ..أنا عاوز الشعراء المبدعين ديك ناس ود الصيدة..وناس يعقوب..وكل الدخّل خشمو وعمل قصيدة في موضوع العتود..إنو يكون في حالة شبشية من إنتاج القصايد الجميلة الرائعة..وكلنا نتمتع ونطرب ..وأنا العلي والعليكم نسانق خيتهم كلما ينزلو لينا بي قصيدة..
وخيتهم نسانقو بالإستفزاز الشعري والنثري...ويلاكم معاي على الشخيت..طبعا الشعراء ديل لسانهم سليط وحايصيبنا منهم الكتير..لكين ما مهم طول ما نحن بنطلع منهم قصايد..!!.ولابد دون الشهد من إبر النحل!!!!
ملحوظة: القصيدة التالية تم توزيعها في الخرطوم وكمان وصلت للجماعة في الجهة المقابلة من الشخيت..ومتوقع هم الآن في حالة عواسة قصايد..ويا ريت الجماعة المعانا والمعاهم ينزلوها لينا أول بأول في المنتدي قبال ما تبرد...نأسف على الإطالة ..ويلا أعملو همتكم معانا ولا نامت أعين الجبناء والعلوج..!!!




أصلو عِيشة الرَجالة خِتِّيف
يا الطويرق ود الطريف
الكريم الكلس الظريف
إنت نادر وأصلك شريف
تبرا من الحمى أم نزيف
البلومك فهمو محدور وكاسر المقاديف
أصلو عيشة الرجالة ختِّيف
شيل العتود داير حريف
لحمو هش خاتي الشراشيف
الصحون مليانة سِتّيف
بوخا لاوي وحدو السقيف
فيها المشاوى وفيها نشّيف
فيها الكلاوى والفتافت قال نضفناها نضّيف
معاها اتنين طاولة رغيف
ويا حلاة السلقة للنيف
بي حِريف الكسرة الرهيف
قامبو جت وقرش الضليف
حتى العضام والقضاريف
لا شافو جار ولا جاهو ضيف
بعدو شاي مضبوط ما خفيف
بالهبهان وعويد القريف
مويتو نقاع زير الصريف
القناوي الصانعنّو في الريف
يوزن الراس و يضبط الكيف
لامن شعير جلدك يقيف
ختّاها سفة ملاها الشلاليف
كان عندو هبابي في راكوبة في القيف
إتوسد ضراعو وخلف كراعو مابهمّو تخويف
كان من دقش كان ودبابكر كان مليون حليف
والغريبة عماد القلتو ود ناس وزولا أليف
كان حكمو جور وكلو حيف
ما أصلو طغيان وزولا صليف
بدعو رب العزة اللطيف
ينعزل في هادا الخريف
من عميد يبقى وكيل عريف
والشريط العندو تشريف
و جيبو يخلا من المصاريف
ويبقي يشحد في التعاريف

[حسان سرالختم]

الف مرحب بأبن العم طارق على صالح
وانت ظهرت متين ( جابك لينا عتود دقش)
ومشكور على استعاده ملفات عتود دقش القديمه
ولكن ماشفنا تعليقك ولا ردك ..
وللذين لا يعرفون الاستاذ طارق ..هو سارق العتود
وسبب كل هذه الابداع وهذا البوست الجميل

[طارق علي صالح]

على محجوب جعفر
Senior Member تاريخ الانتساب: Jul 2007
مشاركات: 155


________________________________________
انا يازكريا قصة عتود دقش ماعندى خبره الا ابشخيت يشمشم قلته كدى ان نشوف خبرو شنو
واخونا طارق انشاء الله رجع سالم وبعدين يااولاد عمى ياكن رجال الشوره والعدل دحين طيبو خاطرو وشوفو له قضيده سمحى
ضمره بغدادي
Senior Member تاريخ الانتساب: May 2007
مشاركات: 544
انا من زمااااان قايل العتود ده حى . اتاريهو الشى مضبوح ومعلق والجماعة يشوو وريحة الشية مارقى لامن جابت اب شخيت داخل ( باقى شمشام الزول ده)
كمان الشى الخلانى اجى داخل عزمنى على محجوب قالى تعال شوف صاحبك ضابح وما عزمنا لكن ارحك نقع فوق عتوده ده طبعا نحنا مانى دايرلنا عزومه .
والله العتود الكلام القالوهو فيه كلو سمح بالحيل .
زكريا مشكور والله يديك العافية


زكريا بابكر عمر
Senior Member تاريخ الانتساب: Jun 2007
مشاركات: 327
________________________________________
العتود عتودي وأب شخيت ضيفي أنتو يا علي محجوب وضمره العزمكن منو ؟ أصلو الكان ايضمره أنا عارفو يريد اللحم ومحل مافي كوشانه تلقي في نصها ( خرجو بطنو ) وجيت إنته يا علي والناقصي تمت أمشو أختونا حصلو فول عثمان كوري قبل يكمل . الليلي عاد إن قعدتو للصباح صاج اللحم ده مابنمرقو إن شاء الله يبقي ربيت في سنكن مابتختو . الشي ده مو فايتنا نحنه الإتنيين أرجوكم ما تفضحوني مع ضيفي على محجوب جعفر
Senior Member تاريخ الانتساب: Jul 2007
مشاركات: 155


________________________________________
الكلام دخل الحوش وياام عسجد واخوانه ودعمكم نزلو عريف
وعاد نحن فى عماد مابنرضه الحفارة وياولاد نورى افزعونا اجمعين ودخالكم ابشخيت اداه شريط وياعبدالرحمن فى المدينه شوف موسى وتعال
وعاد ياابراهيم ماك داير وصى

حسان سرالختم Senior Member تاريخ الانتساب: Feb 2007
المكان: دولة قطر - دخان ( ت .009745322869 )
مشاركات: 349


________________________________________
اولا اب شخيت ( دا منو )
كلامك سمح بالحيل ولكن ارجا الراجيك
و عميدنا العمده ما بنرضا فيهو وعشان
نقيف معاك اسحب كلامك الفى العمده !!
__________________
سبحان الذى سخر لنا هذا

عكود
Moderator تاريخ الانتساب: Nov 2006
المكان: الإمارات - الرويس
مشاركات: 1,267


بمناسبة عتود دقش الشهير . .
في شلّة في جامعة الخرطوم بيجهّزوا لي رحلة يوم الجمعة
معاهم في الشلّة واحدة حنكوشة
الجماعة بيتشاوروا في الفنّان والضبيحة والخضار وخلافو
الحكاية زي جاطت علي الحنكوشة
من ضِمن الإقتراحات واحد قال:
ياخوانا رايكم شنو نجيب عتود؟
نطّت الحنكوشة:
بيعرف يغنّي كويّس؟

أهنيك يا زكريا على العتود (آسف أقصد البوست) الشحمان.

أب شخيت
Member تاريخ الانتساب: Aug 2007
مشاركات: 30

أخوي علي محجوب جعفر:

أمانة ما صيَّحت لي ناسا كتار
النسوّن والشباب واحدين كمان عجزان كبار
وكل زول لابد يكون شد الحمار
ودّع مريتو وشال عصيتو ووصي الصغار
حلحل ديونو وسجّل طيونو وحشى الخدار
ياخوانا الخايف يقيف جنب الجدار
والراكز اليحضر معانا قبال يروح نص النهار
أصلو الحكاية حا تكون موقده نارأخوي حسان سر الختم:

حسان وليد سر الختم
قطعا تكون ما فاهم الفلم
ما العمدة عاملنو الطعم
خاتنو للحوت الكبار ما ينشرم
والكلام القلتو ما ظن يوم يتم
ياخونا فلِّق من بعيد واختا الوعيد واختا الشتم ]

على محجوب جعفر
Senior Member تاريخ الانتساب: Jul 2007
مشاركات: 155


________________________________________
اب [color=#0000FF]شخيت ختاك كتير

تخت الافنديه مع العيال والحروم

سال من زكريا فى الجنوب لليلى مافاق
وجنى عشرات رسلتو مابعرفو وين طار
لكن فى سمعى قالو البلد واقفى فى الشمش وحالفين مايدخلو الضل
غايتو ان كتر عليك الهجم انا على جلات اصحاب ابوى ناس ابومرين وسيد سليمان بلحقكزكريا بابكر عمر
Senior Member تاريخ الانتساب: Jun 2007
مشاركات: 327

لا عذر لمن أنذر
________________________________________
أب شخيت أنا مخليك تبرطع علي كيفك وتلفخ شمال ويمين وبالجوز وبالفرادي . يا زول الحكايي شني قول بإسم الله يظهر عليك جايينا نازل بيتقلك . كلامك البتقول فيهو ده إنته قدرو ولا ساكت تتعب رقبتك وتتعبنا معاك . أنا هيييين لكن يا صاحبي عندي ناسا لي كلامك ده أخير تسحبو قبال مايسمعوهو وبعدين نبقي في يا جماعه صلوا علي النبي .مخييييير أنا العلي بسويهو وإنته حر :-

دربك أحمر ويادوب إنته جييت
وما قصرته معاك ياأب شخيت
شلته صينيتي عليكا ومشيت
ومن العتود لحما ما جلافيط
وعشان ضيفنا عليك حنيت
ضمره صاحبي أديتو الربيت
إلا شايفك يا زول نسيت
ومن كلامك برضي حسيت
زول محرش ولزوك جريت
إلا أسمع مني النجيض
إن كته نايم ويادوب صحيت
ولا جايي وللشر نويت
أحسن أرجع وماتقول حكيت
عندي ناسا يعفصو الشخيت
ومابيعرفوك نصيح ولاجنيت
ومابيخلوك الكان حبيت
وتبقي إنته علي نفسك جنيت
هاك نصيحتي وأمسك الخيت
أنسي إنك في يوم تحديت
والكلام ما بيبدو فليييت

ويا أب شخيت إعتذر أحسن لك ويا دار ما دخلك شر لأنو عماد الطيب السويتلو شريط ده والله عندو صحبانا ليهو ما بيقبلو فيهو خدشه ساكت وأسأل غيري . وإن عدتم عدنا .

[طارق علي صالح]

أب شخيت
Member تاريخ الانتساب: Aug 2007
مشاركات: 30

(أذهبوا فأنتم الطلقاء)
________________________________________
أحبابي المسونقين و إخواني الشبش وعموم المتفرجين
الله..!!!. الله..!!. الله..!!.الخريف من رشتو.!!!.الحكاية الظاهر حاتكون حلوة خالص خالص..مادام من الليلة بدت تجيب لينا شبيش بيت (حق المنتدى)...شبيشنا أدانا خويتاتو قبال ما نسانقو..!!.
الخويتات بالحيل سمحة..!!.ما تتقطعو منها... أدونا ليها رشات رشات..ونحن بنشجعكم عليها..و قلوبنا صافية لبن ونفوسنا منشرحة لكلام الأخوان ...وعازرينكم أكان الضرورات الشعرية زنقتكم تقولو كلام قاسي شوية..!!...الخويتات دي نحن بنخليها للأحباب و أبناء العمومة يقزقزو بيها ويتصبرو لحدي ما الشبش الكبار البرة داك يفتل لينا خيوطو ونبدا المسانقة..!!.
كلام خاص لأخوي أبو الزيك:
خِويتك زين..!! ومابنقول خُوتّك شين..!!.إنتا أظنك ما سمعت حكاية ود عمك الجعلي لمان جاهو ضيف عابر سبيل زيّي ليك..!!!
الضيف عابر السبيل جاهو أنصاص الليالي بعد ما الناس كلهم ناموا...ودعمك الجعلي ما كضب طوالي تكى غنماية اللبن وضبحه..!!!.قبال ما يسأل الزول شن نفرو..!!..وصحى المرا ظبتت العشاء للضيف...الصبح مع الفجر ود عمك إديَّن ليهو قريشات ومشى السوق إشترالو واحد وعشرين خروف..!!.وبدا في كل وجبة يضبحلو خروف إكراماً لعابر السبيل..!!!
أها في اليوم التالت الضيف كجَّن اللحم وبقي يشوف الخروف زي شوف
اخوانا المغتربين للجداد..!!.وقال لودعمك (أنا عقابي أعوج وداير أرجع..وإنتا والله أكرمتني شديد بالحيل..دحين أديني خاطرك)...ودعمك وافق مو رضيان بعد ما شاف إصرار الضيف..لكنو برضو ما مقتنع إنو أكرم ضيفو..!! قام ودعمك قبال يودع ضيفو ساقو معاهو للسوق ..وقال ليهو (حرّم تدور ليك شكلة مع ناس السوق ديل جت وتزح لي منها غادي النتمها ليك..!!.)
ياخوي إنت ضيفك كان ما تميتلو شكلتو حقو تدافع عنو..وكان ما دافعت حقو تحجِّز منو...وكان ما حجَّزت حقو تقيف بعيد تخليهو ياكل نيمو براهو..وكان ما داير و يكمل نيمو براه حقو تخفف منو الضرب..لكين إنتا ما شاء الله أكرمت ضيفك وعشان ما يدقوه الناس دقّيتو براك وقلت جحا أولى بي لحم تورو..!!!!!!!!!!!!!!!!!!!!!!!!!!!!!!!!!!.
ونصيحتك ما مقبولة لأنو وكيل عريفكم الشرفي دا عاملو طعم يجيب لي الحوت الكبار..!!.وقرّبت يا خوي أسويك معاهو طعم..!!!. لكين راجعت نفسي وقلت مادام دا كرمك لي ضيفك أكيد إنتا (دفيقة مرة)مابتقبِّض ولا صيرة.وبيكون ما عندك صليح من الشبش الكبار ولا الصغار يناصرك..!!! وكمان برضو ما قطعت منك العشم مادمت نازل في بيتك (عتود دقش) وضيافتك..!!.
كلام خاص للإخوة المسونقين:
إنتظرو قريب حا يصدر كتاب (المرشد الدقيق في كيفية نجاح السونيق) فترقبوه..!!

[حسان سرالختم]

اكيد عامل ليك عمله او ناوى يا طارق !!
ما مرقته البوست دا ساكت !
يا ريت يبقى سبب ونشوف اخونا ابشخيت

[ضمره بغدادى]

اكيد عامل ليك عمله او ناوى يا طارق !!
ما مرقته البوست دا ساكت !
يا ريت يبقى سبب ونشوف اخونا ابشخيت

حسان
مشتاقين
يااااااربى مسوى شنو الزول ده قام يعافر تانى .؟؟؟
خليك متابع .
يعفن وينشم :d:d:d

[حسان سرالختم]

حسان
مشتاقين
يااااااربى مسوى شنو الزول ده قام يعافر تانى .؟؟؟
خليك متابع .
يعفن وينشم :d:d:d
الزعيم ضمره ...
نفسى اعرف طارق ناوى على شنو ؟؟
الايام دى مأجز وسفر البلد كتير !!
فتحوا عيونكم يا ناس واعملو حسابكم !!

[زكريا بابكر عمر]

يا فتاح يا عليم يا رزاق يا كريم...أصبحنا بيسيد الصباح والنبي الفتاح....الحاصل شنو؟؟؟ طارق إنته حلمان!!! ده شنو البحتو جبتو ده؟؟؟ الله يكضب الشينه....يا حسان وضمره الزول ده شايلو حمار النوم ماتواخذوهو ...يلهض في الجداد والكُشري بتاع المصريين ده وينتمبل ينوم ويهضرب.....طارق جيب أضانك جاي(إشتهيت لحم العتود؟نان في مصر جاي تلقاهو وين؟الله يستر لا تقوم تفضحنا عند الحلب ديل):d:d

[harmasaldailamy]

الزعيم ضمره ...
نفسى اعرف طارق ناوى على شنو ؟؟
الايام دى مأجز وسفر البلد كتير !!
فتحوا عيونكم يا ناس واعملو حسابكم !!




يا ناس البركل بحرا وبرن
تيوسكم كبرن
شبعن ودرن
شيلو السيف
الحدو مطرن
طارق جاهز
وقام يتمرن
يا حسان الزول دا
تأبط شرا

[harmasaldailamy]

الزعيم ضمره ...
نفسى اعرف طارق ناوى على شنو ؟؟
الايام دى مأجز وسفر البلد كتير !!
فتحوا عيونكم يا ناس واعملو حسابكم !!





يا ناس البركل بحرا وبرن
تيوسكم كبرن
شبعن ودرن
شيلو السيف
الحدو مطرن
طارق جاهز
وقام يتمرن
يا حسان الزول دا
تأبط شرا

[حذيفة تميم]

جميل جداً ان يعاد هذا العتود
انا شخصياً ماكنت حاضره زمان
شكلها كده حتولع ................
زمان مشينا رحلة وبعدين يوم الرحلة فى واحد مشي يسرق عتود
مالقي ليهو عتود لقي ليهو غنماية مطرفة وقام ركبه العربية ولحقناها عتودكم ده
لمن جينا المغرب ام الزوول السرق الغماية زاتو قالت ليهو تعال ياولدي غنمايتى من الصباح افتش فيها وما لالاما فيها وانا بالضحك داير انشرط ..........................................

[عمرعبدالعزيزالحسن]

هوووووووووووووووووووووووى ياوليد على صالح انا قريب مابعيد اى خطوة وبالنص عتدان بط دواجن حتى لو غنم