حكاية

[الهادي قنديل]

حـكـاية

عمر الطيب الدوش

في الزمن الموشّح بي سكين
وحربَهْ
والغيم المسافر
لَمّ دموعي خَبَّ
طلَّ الخوف ملفّح
بى حُزن الغلابَهْ
خلَّى الشوق مهاجِر
بين صمتي وعذابْها
اتْلاشَت مسافَهْ
مابين سيل وغابَهْ
مابين ضُل سحابَهْ
وبين وتر الربابَهْ
اتلاشت مسافَهْ
بين صمتي وعذابْها
فوق ايام حنيِنَهْ
مالتْ بي ضفيرَهْ
صَحّتْ موجَهْ نايمَهْ
زاد النيل دميرَهْ
مالت نخلَهْ
تهمس
لي موجات حسيرَهْ
عن أشواق أسيرَه
مامعروف مصيرهْا
يا غيـــم وين مسافــر؟

[طيبان]

الليلة يا الهادي خضت لك بحرا ماهو ساهل وكت جبت الدوش..
دحين الزول دا عندو كلام طاعم..
لاتسكت..
________
تعال راجع

[الهادي قنديل]

الليلة يا الهادي خضت لك بحرا ماهو ساهل وكت جبت الدوش..
دحين الزول دا عندو كلام طاعم..
لاتسكت..
________
تعال راجع


الحبيب طيبان

صباحك خير ياخي

وطلباتك اوامر

ونواصل الابحار في روائع الدوش

لك ولهم

سحابات الهموم

سحابات الهموم ياليل
بكن بين السكات والقول
وباقات النجوم الجن
يعزن فى المطر
فاتن عزاك رجعن
وشوق رؤياك زمان مشدود
على أكتاف خيول هجعن
وصوت ذكراك مكان يجرى
يلاقى السيل
وسر مدفون بصدر النيل

ولولا الذكرى مافى أسف
ولا كان التجنى وقف
وصوت ذكراك رذاذ صفق
على خطوات بنات سجعن
وشوق رؤياك
حنين لى غيبة فى المجهول
ولولا الذكرى مافى وصول
ولولا الذكرى مافى
إصول
ولولا الذكرى مافى شجن
سحابات الهموم
يا ليل..
بكن..
بكن..

[المرهف]

الحبيب طيبان

صباحك خير ياخي

وطلباتك اوامر

ونواصل الابحار في روائع الدوش

لك ولهم

سحابات الهموم

سحابات الهموم ياليل
بكن بين السكات والقول
وباقات النجوم الجن
يعزن فى المطر
فاتن عزاك رجعن
وشوق رؤياك زمان مشدود
على أكتاف خيول هجعن
وصوت ذكراك مكان يجرى
يلاقى السيل
وسر مدفون بصدر النيل

ولولا الذكرى مافى أسف
ولا كان التجنى وقف
وصوت ذكراك رذاذ صفق
على خطوات بنات سجعن
وشوق رؤياك
حنين لى غيبة فى المجهول
ولولا الذكرى مافى وصول
ولولا الذكرى مافى
إصول
ولولا الذكرى مافى شجن
سحابات الهموم
يا ليل..
بكن..
بكن..

الرائعون كالأحجار الكريمة

أنت رائع سلفاً أيها الهادي الجميل

لقد اتحفتنا حد الترف بروائع الدوش
---------------------
ونقول للدوش كبييييير الحوش
وبالزهووور والورووود مفروش
ويلا يا الهادي وااصل من الجاهز المحشوش

مودتي ،،،،،،،،،،،

[الهادي قنديل]

الرائعون كالأحجار الكريمة

أنت رائع سلفاً أيها الهادي الجميل

لقد اتحفتنا حد الترف بروائع الدوش
---------------------
ونقول للدوش كبييييير الحوش
وبالزهووور والورووود مفروش
ويلا يا الهادي وااصل من الجاهز المحشوش

مودتي ،،،،،،،،،،،

الحبيب المرهف

بي زيارتك بيتنا نوًر

ونواصل ايها المرهف ذو الحس المرهف

لك ولهم


الـود

أعيشهْا معاكَ لو تعْرف

دموع البهجَهْ والأفراح

أعيشهْا معاكَ واتأسّف

على الماضى اللّى ولَّىَ وراح

على الفُرْقَهْ الزمانه طويل

على الصبر الّى عِشْنَاهو

مع طُول الألم والليل

زمان كُنّا بنَشيل الوُّد

ونَدِّى الوُّد

وفى عينينا كان يكْبَر

حناناً زاد

وفات الحدَ

زمان ما عِشْنَا فى غُرْبَهْ

ولا قاسينا نِتْوحّد

وهسَّع

رُحْنا نتْوجّع

نعيش بالحسرَهْ نتأسّف

على الماضى اللِّي ما بِرْجَع

أحبَّك

لا الزمن حوّلْنى عن حُبّك

ولا الحسرَهْ

وخوفى عليكَ يمْنَعْنى

وطول الإلفَهْ والعُشْرَهْ

وشوقى الليك من طوَّل

لسّه معاي

ولى بُكْرَهْ

[شهرزاد]

ضل الضحى
ضُل الضحى مشوار
تَزِح وتزِح
زحيح الشمْسِ من وكَن الشروق
زحيحهْا لىْ نُص النهار
الوَنسَه بالسفَّه الكبيرَه
وبالكتاتيح والغُبار
الفاقَه
والعُمْر الهِظار
والزمن البروِّح
سمْبهار
........
واحِد شردَ
قال المدينَه
قروشهْا تَبْ ماليها حَد
واحِد سرَق
كُل الهُدوم الفي البيوت
راح باعا في سوق الأحد
رسّل جواب
قال أصلو مابِنْسَى البلد
وكتين هدومو يَمَلِّصاَ
جَرّبت عصايتي
مشيت أَنَقِّر في الحَصى
آه يا ولد
ضاقت عليك كُل البلد
والدنيا ليل
سمعتَ زي نقْر الكمان
حِس زول بِمش
تاوقتَ من تحت الكِتيف
عاينْتَلا
والحقِّ لله العظيم شاغلْتَها
أيوه عارِف إنِّو عيب
لكن شنوالفى الدنيا!!
أصبح ماهو عيب
المَطْوحَه من كلَّ زول
مطلوب قروش
وللأّض القُعاد تحت الأسى!
وضُل الضحى
جرّيت عصايتي
مشيت أنقِّر في الحَصى
الحِلَّه ما بين يوم
وليلَه
إتْشلَّعَت

[شهرزاد]

اتخيلى
اتخيلى الأنهار
ماصابها اى مرض
واتخيلى الأكوان
في مهرجان مسحور
هدت النجوم للأرض
واتخيلينى وحيد
وأنا فاتنى يوم العرض
يانيل صبى وممشوق
من بهجة الأمواج
في زفة منسابة
طارت سحابات شوق
لمست حشا الغابة
طارت طيور بالكوم
طافت على الأشجار
لقت النخيل محموم
غنت مع الساهرين
غنت غنا العشاق
ياماشى فوق النيل
هاك الجمال منديل
ياجاى من النيل
هاك النخيل إكليل
واتخيلنى وحيد
أنا والحروف والسيل

[شهرزاد]

تاجوج
تاجوج بتكْتب بالشمال
منحوتة في شكل اكتئاب
بتْكحَّل الإبل النحيلة
بالمشاوير النبيلة
وتعشِّي ضيفان القبيلة
بالأناشيد الطويلة
موهوبة زى كل البنات
في الأسى المنْسُوج خيال
واتخيّلَت
أنو المُحلَّق حابَّهَا
تاجوج بتحْلِب من غيوم كسلا
المطر
وتوزِّع القش والشجر
بتفرِّق الهم والكدر
حفيانَهْ تجري ورا السراب
تاجوج بتكتٍب بالحراب
تاجوج بتكتِب بالشمال
وبتْرتِّق التوب والنعال
وتمْرُق الهم الموكّر
في قلوب كل الرجال
تاجوج سؤال
تاجوج غزال
تاجوج مُحال
تاجوج خيال
أتخيلت انّو المحلّق ساكّهَا
بي طريق شاقِي الغمام
يا يتامي
يا غلابة
شوفوا لي تاجوج زمام

[شهرزاد]

ليل المغنين
أنت يا ليل المغنين
فى صباحات اليتامى
فى البشيل فوق كتفو يمْشِى
لمَّا ترْخِى الخيل لِجامهْا
يا حمامَهْ
ودِّعينى
ودِّعى الارض البتزْرَع
فى جروف الحُب ضلامهْا
ارْخِى كتفِك
وأحْضِنينى
وأرْمِى فوق كتفى الملامه
صدِّقينى
صدَّقى البرْق البيبْرق
من ظنوننى
يدْخُل المُدُن الغريبَهْ
يغشى أيامهْا ودروبهْا
إنتِ ما الوهم البيغْسِل
كل أوهامى وشحوبهْا
تسْمَعَ الأرض ابتسامِك
تحْفَحظ الأنجم كلامِك
وأنت روح النيل وِ سامِك
يا حمامَهْ
يا غمامَهْ
مين حيدِّيك السلامَهْ؟؟

[شهرزاد]

بلد رايح
حأسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران
موكّر لسَّه في شجني؟
حأكتب لي شجر مقطوع
مسادير
يمكن يتحرك
خطابات لي طفل مجدوع
يقوم
يجرى
يقع
يبرُك
رسالهة لكل قُمْريّة
إذا دم الشقا اتوزع
على كل البيوت
ما تْرِك
واسأل..
عن وطن رايِح
واديكم خبر جارح:
بأنو جميع جموع الناس
حيفضلوا لا كراع
لا راس
ونشترى في الدكاكين يوم
مسابح من دموع الناس
مساحيق من هموم الناس
زهج
يتْعَبّا في الأكياس
ونعلن في المزاد علنا
وترغي الجوقة والأجراس:
"!نبيع الطفلة والكراس"
واصرَخ
! ياوطن! يا بيتنا
ليه ما تبقى لينا الساس
قدر ما تجري فيك
أفكار...
يزيدوا الحبس والحراس
قدر ما تجري فيك الخيل
تدوس الهيبة
والإحساس
واسأل
يا وطن رايح
اذا كل القبور دخلت
بيوت الناس
بلا اسئذان
بلا صلوات
بلا أكفان
جريمة اسائل الدفَان؟
حريمة طلب تمن قبري
من البايع في أي مكان؟
واقولك يا وطن
رايح
واقولك يا وطن
آمر
سلام النفس ما كافر
ولا كافر
ولا كافر

[شهرزاد]

ســــؤال

جِيتْ أسألِك
يا طفلَة الألم الرضيع
تدِّينى خاطْرِك شان أضيع
فى شوق موزّع فى الزحام
يا عذاب الريح للخيام
يا صهيل كَسر اللِّجام
يا خِتَام قبل البدايَهْ
يا بدايّهْ بدون خِتَام جيتْ أسألِك مين علّمِك
إنّو الزمن فى مرَّهْ ناقِص
ومرّهْ تــــــام
جيت أسألك
الشوق مكتّف فى الطريق
والخوف مداخل للفريق
جيت أسألِك
مين علّمِك لُغة الزهور
مين علمك غضب الحريق
وأنت باحَهْ
وأنت واحًهْ
وانتِ ذاتِك سكَّة الزول للمضيق
فارْدَهَ السواعد
للزوابع والمطر
للْهَم يَولْوِل للشّجر
عايز أسألِك
مين علّمِك
لَمّ السلامـهْ مع الخطر

[شهرزاد]

الســـاقية
الساقيَهْ لسّه مدوِّرَهْ
صوت القواديس والمياه
طلَعَتْ
مَشَتْ
متْحدِّرَهْ
مدَ البصر
لفَّ الظلام
حَوْل الجدوال أسْوِرَهْ
نعْسَان خضارهْا الا نْتَكَى
ورمى الغُصون
متْكسِّرَةْ
مَدّ الخيال
غنّت مُدُن
والساقيَهْ طاحونة الأنين
طُول الليالى
مدوِّرَهْ
تحت الهجير
تحت الظلام
تحت المطر
الساقيَهْ لا زِم تستمر
***
الساقيَهْ لسَّهْ مدوِّرَهْ
وأحمد ورا التيران يَخُب
أسيان يفكّر مُنْغَلِب
ما بين بُكا الساقيَهْ
مابين طُفولَهَ بتِنْتَحِب
فى اللّى ما شين المدارس
فى المصاريف
فى الكُتُب
في اللّى ضاق عنُّو المكان
وهسَّه
سافَر
واغتَر
لِمُدُن بعيدَهْ تنوم وتصْحى
على مخدّات الطَرَب
والساقَيهْ طاحونة الأنين
طول الليالى بِتنْتَحِب
تحت الظلام
تحت المطر
عزِ الشتا
الساقيَهْ ثانيَهْ تقيف تكون
آمال عريضَهْ مُشَتّتَهْ
وأكباد صغيرَهْ مفتّتَهْ
تحت الظلام عِز الشِتَا
أحمد حكى
وسّد الراس الضُراع
والشوف
نواحى النيل تَكَا:
وصّانِى أبُوى
الموج بيهْدِم كُل رخوَهْ
على الجروف
شِد الضُراع
زى المراكبى مع الشراع
لازِم تعرفو الظلم جاي
من وين عليكْ
وافتَح عينيكْ
على زهور الغابَهْ والأدغال
على الاطفال
وعشان يكون الحقِّ ليكْ
تَعْبُر بحور
تَهْدِم جبال
الحق هو هو النضال
والحق فى ساحة مجْزرَهْ
والنصر للفاس
والرجال
ولى سواقى مدوِّورَهْ

[شهرزاد]

الحفلة
(1)
بداية الحفلة دلوكة
نهاية الحفلة
متروكةْ
لأي صنم يشيل كرباج
يَجِلْد الحق
يخلي الحفلةْ مرْبوكهْ
نهاية الحفلة متروكه
لاى صبي يهز السيف
ويمْضَغ حسرتو
يلوكهْا
وبين السيف
وبين كرباج
مسافة تودي
أمريكا
(2)
بداية الحفلة
بالدوباي
نهاية الحفلة
بالهبباي
ِِبتمْرُق من قلوب الناس
عقارب
لا فهم لاراي
وتزرع في سما الحفلة
جهاجه وانتباه
وبراح
وتنعش معْشر السِّراي
وتبسط جملة الأفراح
(3)
بداية الحفلة مبديه
ومن وْلَدو الوجع
قامت
وصوت المادح المبلوع
يخربش فى الفضا الممنوع
طنين الفاجعه كان
مسموع
ويبدا الكلام
حتجوع
(4)
شنو الجدّ
عشان نتجارى بين القاهرة
وجدة
بين القومه والقعده
بين الفرهْ والعقدةْ
شنو الجدْ؟
وكنا هجين خيول الريح
تنسد ولاهمَاهَا تنقد
ولا رجعت اذا انسد
اهو المشوار
َوٍكت عرَّش حدانا ندم
براهو اتمطي وامتد
(5)
نهاية الحفلةْ دلوكهْ
نهاية الحفلةْ مبروكهْ
لأنو الحوت َفتَح خشمو
لأنو الزول عِرٍف أسمو
لأنو... لأنو
ـــــــ
يأخي أقيف
أهي الأمواج
وداك القيف

[شهرزاد]

بناديها
بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لس شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيه
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا
وبناديـــــهــا

[الهادي قنديل]

لك التحايا اختي شهرذاد وانتِ تجملين هذا البوست بروائع الدوش

لاعدمناكِ

ونواصل




ضلمت


ضلمت
أقول
والشمس فى عز الأمل
تهت و مشيت
أقول يانحن يا أنتو و
بكيت
يا مواعيد
يا صباح من غير وسم
تهت ومشيت
ماطلمت
ما بتعرف الزول البجييك
ولا البجيك
بعرفك
حتي الشبابيك
والزوايا الكان بتجمع
في حناياها الشكوك
ضلمت
أغشاك يانفسي الغريبه
من همومي أطلعك
القاك واقفه علي الطريق
أحزان بتفرح
وتشتبك
أفراح بتحزن
وترتبك
لمن رحلت مع الغنا
عز الأماني و
ضلمت
مديت علي الأمل القريب
اشواق كتيره و
قصرت
في زاويه من ضل الشجون
جابت ظنونا و
قيلت
كلمت أشجار الخريف
عن شوق نما
في الوحشه والزمن الأسيف
دلتنى أفتش
فى المغارب
والمشارق
عن علامات
او رصيف
ترقد الأزهار عليهو
يابنفسج
كحلي غالي
وبرتقالي
امشو انتو
انا البقيف
ما ضلمت


حكايهفي الزمن الموشح بي سكين
وحربه
والغيم المسافر
لم دموعي خب

طل الخوف ملفح
بي حزن الغلابه
خلي الشوق مهاجر
بين صمتي و
عزابها

اتلاشت مسافه
مابين سيل وغابه
مابين ضل سحابه
وبين وتر الربابه
اتلاشت المسافه
بين صمتي و
عزابها


فوق ايام حنينه
مالت بي ضفيره
زاد النيل دميره


مالت نخله
تهمس
لى موجات حسيره
عن أشواق أسيره
مامعروف مصيرها

ياغيم وين مسافر ؟