الشاعر/السر عثمان الطيب

[شهرزاد]

أستحلفك بالريد
أستــــحلفك بالـــريد أوعـــــــــك تفـــارقنى
لاتســـبينى فى الاحــــزان أبحر تغــــرقنى
ياروحـى مشغول بال مــحتار أنا ومـــحتار
مابهـون فــــراقك يوم ألــــم الفراق تـــاوار
يا المستحيل بعدك يا الحار فــــراقك حـــار
قــــلبى الحنين أصبح مـــوطن هـواكا ودار
دنيايا غير عــينيك ليل مســـــدل الاستــــار
فيهو القى روحى بلاك مسجونة دون أسوار
انت المعـــاى أنغـــــام داؤود بلا مزمــــــار
تسكر حنايا الروح من كأس ندى الازهــــار
أستـــــحلفك بالفيــك والفى مــــــوقد نـــــار
بى صرخة فى الاعماق دار تفضح الاسرار
بى دم دمــــوع عينى بى دمــــــعك المدرار
يـــــرويك ويــــروينى ويتخنق غنا الأوتار
بـــــالالفة حــــلفتك بالخوة حــــق الجــــار
أوعـك تسيبنى تفـــوت تـــرمينى للأقـــدار
خـــايف عليك وعلى من جـــور زمن غدار
خـــايف من الايـــــام ودولابــــن الـــــدوار
لالا لا ترحــل كــــوس للقعــــاد أعــــــذار
دابن خطاى وخطاك فى الريد بدوا المشوار

[شهرزاد]

تراب بلدي
انا وآآآ
مغستي رحل تلوت الليل شقاوتي رحل تلوت الليل
مسالكي ضلمه ما بتنشق سكت روح نويرة الفرقـة
جـــوة الجـــوف تســـوي الـــبق
مشيت لا زاد أشيلو معاي ولا زولاً مـــــعا اترفــــق
ولما خلاص بقيت مارق نجيم الليل مــشي إتفــــرق
بكيت وبكيت طريف العين متمسح بالدموع رقـــرق
عشان مظلوم زماني الليلي شتت للشمـــــل فــــــرق
بسوي الووب نحاس احزاني جــــوه قليبي ينقـر دق
يوهدبي يلوعني واخــــاف من المـــــصير واشفـــق
اوادع الناس وافوت مجبور يجيني نغيم من الطنبور
اشوفلي جني وقف صفق ينط لا فوق
يـــــــــطير ينــدق واطـــير وانـــدق
وادنقر فوق تراب بلدي أخم بي إيدي فـــــي رحـلي
اقول يا ليل وافارق الدار اجر فوق الوداع مستــدار
أنــــوني أنــــوني شـــاق الـــواح محــال ارتــــاح
ادخل إيدي في رحلي تراباً فيهو تســــوى الكــــون
تــــراب بلـــــدي
اشـيل مــــنو اشـــم وارتـــــاح اشـــم طـــــيبة اهــــلي
مـــــــــــــنو تفوح ترد الروح عويناتن تلـوح وتلـــوح
عــــــراريقن طـــواقيهـن طــــــــواريهـــن سواقيهـــن
انين الســــاقي لــــما تنوح حــــسيس البربخ المفتـوح
واعاين يا تراب بلدي اشوف فيك صورة ماب تنشاف
واشم ريحة الكُليت والشاف بنات بلدي بنات بلـــــدي
طريحاتن مناديلن رقيصاتن شبابيلن
حـــليلي حـــليلي يــحليلن
واشيل من زادي واتكرف
واشوف فيك يا تراب بلدي الحنين المـــابي يتوصف
سماح ناساً حلاة ناساً بلا السكر
طعم قراصه في قدحاً من الدبكر
كواريك شفع المغرب يقلبوا في الجمــــر قنــــقر
ولاد بلدي نقاقيرن طنابيرن جـــبابيدن سنــانيرن
وافوت يا ناسي في دربي أقول يا أهلى واغلبـــي
خلاص ريدكن ملك قلبي منو الغيركن بشيل حبي
تراب بلدي بنات بلدي ولاد بلدي

[شهرزاد]

في حمايا وفي ضرايا
في حمايا وفي ضرايا .. . استريحي .. واستجمي
يا قريبة كما إخيتـي .. أفتديـك بالـروح ودمـي
لا تــخــافـــي .. ولا تــهــمـــي .
أتكلي الوجع البتاورك .. ختّي حملو على كفوفـي
من ضباب الحزن أجبدك .. ليكي ممدوات كفوفـي
لو وسط لهباً مولقد ... جوة جوفك وجـوة جوفـي
ما بيزحزح من عزيمتي.. على انتشالك مرة خوفي
والبرٌشّك بـي لبينـي .. تلفـا درقاتـي وسيوفـي
نامي في حضن القوافي.. وهاك وساداتك حروفـي
لو نهار الصيف سمايمو .. بقّت الحر فوق جبينـك
اتلفحتي التوب طريفو .. ضروة بي أطراف يمينـك
كفّك الأيسر مميّـل .... كسكيقـة علـى عيونـك
واتلفتي تكوسي فـيَّ .. مـا بخيّـب لـك ظنونـك
واللّه حتماً تلتقيني .. فيكـي متحاوشـك أصونـك
من شتيلة خديرة شبّت .. دابـا فـي عـز النـداوة
ليك بفِر سعفاتا طرحة .. فوقك الضـل والطـراوة
قلبي منقاش لي همومك.. للضنا وشـوك الشقـاوة
وكلما زاد حنو ليكي .. زاد على العـزال قسـاوة
يا قميرات صيف بلدنا .. نـورت قبـس الأماسـي
راقشي فوق النيل تكشّف .. للمراكبيـة المراسـي
وفي النهارات ساوي حنِّك ..للمزارعية الشماسـي
من دموع جرحك تكتبي .. وصفة للموجوع تآسـي
ريدي ليك درعاً مدرع .. في وشي المحن القواسي
لو عليك زمن الأفاعي .. جار وجاك بي سمو ناقع
والخلوق فرّاجا قاعدي .. وضاحكي شمات الفواجع
يا الهواك قدري ونصيبي .. احتميبي من الصواقـع
سايم الروح ليك رخيصة ، صامدة عن حصنك تدافع

[شهرزاد]

ساقتنا الظروف

ساقتنا الظروف يا صاح لـي دار العـذاب والغربـه
فارقنا القرير نتباكـي احكـام الزمـن صـح صعبـه
من شفع صغار يـا دوبنـا ماسكيـن الشطـر نتربـي
مـا فتنـا البلـد بالمـرة حبهـا قـام معانـا وشـب
بـي فـوق البحـر نتجـارا عاشرنـا وبقينـا احبـه
حارسين الجبابيد ديمه نشـرب مـن مياهـو العذبـه
نتغاتت كتير في بعضنـا دسينـا الطعـم فـي العلبـه
مـره نلفـو فـي الأشميقـه بالكشونـه تلقـى مخبـا
نحلف للكمـل صارقيلـو مننـا مـا يضـوق الحبـه
نرجع تاني ننسـى القلنـا نديهـو وتعـود الصحبـه
والطاهر جزيرتو حليلـه نسامـا العليـل فـاح هـب
يلا عليها قـوم يـا رامـي لـو بينـا بيـدور القبـه
آه أنـا حليـل رملاتـا منهـا كــم نشـيـد قـبـه
نرميها ونقـول لبعضنـا سجمانـي ودي فوقـا التبـه
نرجـع للتقـا ونتلـم نسـأل عـن صديقنـا الـغـبَّ
ندفرلـو الصغيـر فينـا يتـأكـد يـعـرف السـبـه
يمشيلو ويجيبو ونبدا كـم فـي الخـط نصيـح نتنبـأ
ماهـن ستـه لـع والله ياتانيهـو عـيـد الحسـبـه
ماهن سبعة لـع والله ماهـن تسعـة جبـت الكضبـه
فجأة يقولو شـد نتجـارا واليركـب تكونلـو الغلبـه
وينو شليـل حليـل فتيشـو ماكنـا بنخـاف أو نأبـه
نتحـاوم حفايـا نكوسـو يدفعنـا الحمـاس والرغبـه
نرجع لامتيـن لقريرنـا يفـرح عـاد قليبنـا الحـبَّ
نيلووروض نخيلو الزاهي حاضناهو الأراضى الخصبه

[شهرزاد]

أريــــدك
كل ما تغيب عن عيوني بتبقي قريب لـى فـؤادي
خلاص اصبح قطعه مني بريدك انـا زى بـلادي
يمين جواي انـت خالـد خلـود البركـل زيــــــادي
خلود النيل يجري دايماً يجود بالخير في البـوادي
فراقك ماكنت دايرو رضيـت بـي حكــــم الارداي
بساهر وطيفك معايا وبسـوي الاحــــزان وســــادي
قليبي كمان سبتو امانه أمانه معـاك فـي بعـــــــادي
شقاوتي انا في غيبتي عنك عذابي واوطول سهادي
اكون جنبك كل لحظة قريـب لـــــو ينتـم مــــرادي
احاول اقول مره اصبر يكون حزني علـى بـــــادي
اخت ريدك بين ضلوعى يكون لى في الغربه زادي
اشيل من ينبوع حنانك اعود ألقى قليبـي صـادى
بريدك وشانـك بغنـي تغنـي معـاي الشــــــــوادي
يردد طنبـوري اسمـك يرنبـو فـي كـــــــل وادي
ارقص زهر الخمايل يميل طربان جـاي وغـادي
الملم ناس بلدي ديلـك يضـاروك مـن الأعـــــادي
يسوولك في الضريـري يقولولـك فـال وعــــــادي
واقلدك انا يا الحـــنين وشـاح مـن ريـدى وودادي
دحين لامن اعود واجيك على نار الشـوق قعـادي
دوام صورتك في عيوني ألاهي بذكـرك وانــادي

[شهرزاد]

أرض النيل
يا مرسى امان القلب التايه ليهو زمان
أرويهـو حنـان يـا ارض النـيـل
اتــــــغـــــــرب راح
يحلـم بالعـوده مسـاء وصـبـاح
دايـر يـرتـاح ينـجـم الحـيـل
الــديــمـــه يـــئــــن
لـى دار أحبابـو قليـبـو يـحـن
طنبـورو يـرن ودموعـو تسـيـل
بـــعـــد الأوطـــــــان
خلاهـو يعيـش العمـر احــزان
آهـات واشجـان وراهـو الـويـل
ويــــــن امـــدرمـــان
يتـراءي جمـال المـقـرن بــان
زهـرو النديـان والنسمـه يمـيـل
اتـــوشـــح تـــــــوب
يترقـب كـان راجـي المحـبـوب
وقليبو يذوب ضاع صبـرو وعيـل
مـــــــرت أيـــــــام
واليوم محسوب في الغربـة اعـوام
والقـلـب الـهـام ردد يحـلـيـل
هـــداهـــو الـــشـــوق
لى صوت القمـري السـاو القـوق
لى ساقـى تسـوق وتنـوح بالليـل

[شهرزاد]

أرجو التنبيه أذا وجدت أي نوع من الأخطاء
سواء كانت إملائية أو لغوية ..
أو أخطاء تتعلق بالنص ..
زيادة أو نقصان أو تغيير في الكلمات .
فائق إحترامي للجميع

[شهرزاد]

آه يا بلد
يا راقـداً قـدام عيونـي نهـر عسـل
وتـــرعــــة لــــبــــن
أنـا ليـك أشابـي وبـيـك أهـاتـي
وضـمـه مــا قـــادر أصـــل
حوريه من الجنه فـوق وجـه الأرض
يـا دي السماحـه ويــا الـعـرض
انـا قلبـي بـى دوب حبـك انــت
الـنـار تحـرقـو تــب نـجــض
لهـفـان علـيـك آه يـــا بـلــد
جــــاي مــــد ايــديـــك
جيـب حضنـك الـدافـي الحـنـون
ابــقــالـــي عــــــــون
انــــا مـــــا ولــيـــدك
خافـلـي يــا وطـنـي الجـنـون
الــبــعـــد عــــنــــك
ربى فى فكـري الهلاويـس والظنـون
مــا بـيـن شـجـون وشـجــون
وحاتـك كـل يـوم تـزداد شـجـون
متل العصيفير صرت وكت الريح تولول
تلقا حـاس مندسـي بينـات الغصـون
إن طــــــار يـــخــــاف
كيفن مصيرو مع الرياح باكـر يكـون
وان حــــــاول الـــنـــوم
تلقى نومو تملـى فـار مـن العيـون
آه يــــــــا بــــلـــــد
لــــــولا الـــظــــروف
والله فـرقــك مـــاب يـهــون

[شهرزاد]

ليلى العنيدياليلـى يـا لـيـل يــا عنـيـد
قـــالـــد مـــعــــاي
طـــول صـبــري فـيــك
مـدد مساحـات الحـزن جـواي
وطـــــول واكـــســـر
كـمــان حـاجــز الـزمــن
وامـتــد تـانــي وتــانــي
ارجـــع مــــن جــديــد
بـــي دمــعــي اكــتــب
فـوق نجومـك بـيـت قصـيـد
يـروى الغـمـام لـمـان يـمـر
كان الحنين وداهو لي أرض الصعيد
ياليـلـي يــا لـيـل ياعـنـيـد
فـي صمتـك الممـزوج أســى
وكبـل مشاعـري بـقـالا قـيـد
ردد صـــــــــــــدى
شوقـي الحبستـو بعـيـد بعـيـد
لا تــســـيـــبـــنـــي
يـالـيــلــي وتـــفـــوت
شـــيــــلــــنــــي
وامـــــــــــــــش
فــــــى جـــوفــــك
الـــمــــلــــيــــان
انـيــن نــاســاً تــريــد
مـــا اصــلــي مــنــك
وانــــــت مـــنــــي
وبينـا كــان الـريـد شـديـد

[شهرزاد]

الريح العاتى
الـريـح العـاتـي الـجــات بالـلـيـل
شــالــت تــمــرات أبــواتـــي
الــلـــيـــل والـــلـــيـــل
رغــم المـأسـاه وعـمـق الاحــزان
ومـــرارة الــجــرح الــنــازف
جـوه قلـوب النـاس ماسـوو الــووب
كان نـص الليـل والـداره عجاجـا يعـج
والــــنــــاس بـــتـــنـــح
نغم الطنبـور ينسـاب فـوق مويـة النيـل
يعبر بي غادي يمازج قولـت الليـل الليـل
اهـــلــــي الــصــابــريــن
صـبـرا مــزروع فـــى نـفـوسـن
قـــــــــالــــــــــوا:-
الريح ماب تقدر تقلع من واطاتنا ولو شبرين
والساقى تسوق والقمري يعود ويسوى القوق
والناس زي أولي تمشي السوق نفطر قراصه
وفـوق جدولنـا نقيـف ونــدق الـكـف
ونغني الليل والليل والليل قمراتو تظل قمـره
وضــفــاف الـنـهــر الـخـالــد
رغم زمان المحل الجاير برضو تظل خضره
يا كرم الناس القاهـر كـل الضيـق بتـدوم
يــا فــرح الشـفـع يــوم الـعـيـد
الـمـر علـيـهـن زي كـــل يـــوم
فـي عيونـن يـوت مرسـوم احـسـاس
بـحـلاوة الشـقـا عـنـد الـمـحـروم
بــتــدوم ونــــدوم ونـغــنــي
الــلـــيـــل الـــلـــيـــل.

[شهرزاد]

جور زمنى
جور زمنى العلي جنى
باين فى عيونـي ضنـا
شايل مـن قليبـي هنـا
يا بلـدي البريـدك انـا
عشت الغربه تسعه سنه
ورثت روحي هم وعنا
ماشف يوم سعادتي دنـا
كل أملي انكتبلـو فنـا
مالقيت غير قناعتي غنى
كم شيـد خيالـي بنـا
اترايملو كـل مـا بنـا
فوق احلامو ديك دفنـا
زولاً شال هموم حضنا
والروح للعذاب رهنـا
كان يا ناس سبب سجنا
وين ينتملو تانـي منـى
كيف يصبح بكاهو غنـا
ما عينى الدمـع عطنـا
آه لو شفتو حالتو هنـا
روحو الفارقـت بدنـا
ياهو الغربه عـاد تمنـا
الناس لو حكـم زمنـا
مرة تقوم تسيب وطنـا
تشقى كتير يزيد شجنا

[شهرزاد]

لبيك يا وطني
يــاوطـــن لـبــيــك جـيــنــا
جيـنـا قــوم لا حـيـلـك انـهــض
يـــلا هـــاك قـالـدنـا .. قـــوي
رغــم إنـــك كـــت معـضـعـض
مـــن كـــلاب مـايــو الـتـهـوي
يـــا جـمــل شـيـلـت تقـيـلـنـا
فى الظلام والسكه غابه ياكا فانوسنا المضوي
يا وليد آخر عمرنا يا الرموك جدعوك مكسح
جيتا تسندنا ونسندك يا وطـن لبيـك هوبـح
نحن جندك جينا ننفض للوشي الضبلان مكتح
دار نـعــوس أحــــرف غـنـانــا
لـقـمــه للـمـصـرانـو يـنــبــح
مــن سـنـيـن غـــرزت بقـيـرتـو
داجــي بـيــن فـقـريـن مـشـوبـح
يــا وطــن يــا ضـــل مقيـلـنـا
يـــا جـمــل شـيـلـت تقـيـلـنـا
يــــا التـسـامـحـنـا وتـقـيـلـنـا
يـــا سمـعـنـا ويـــا بـصـرنــا
يـــا نفـسـنـا وطـــول عـمـرنـا
يـــا مصـيـرنـا ويـــا قــدرنــا
يـــا دربـنــا الـفـيـك ســرنــا
سـرنــا سـرنــا ومـــا عـتـرنـا
جينا نقلع من تقانتك كمـر الـذل والمهانـه
فـوق نـزرع كــم شتيـلـه وبرتكـانـه
وتانـي فيكـن يـا بيـوت النمـل حـاشـا
مـــاب نـدخــل ايـدنــا ضـمــه
تـانـي يـــا النـهـريـن وحـاتـكـن
مـــاب تـفــوت روح الـعـطـاشـا
يـــا شـعــاع ابـريــل وحـاتــك
مــاب نـعـيـش قـبــس الضـلـمـه
يـــا وطـــن جـيـنــاك أمــــه
جيـنـا قـــوم لاحـيـلـك انـهــض
يـــلا هـــاك قـالـدنـا قــــوي
رغــم انـــك كـــت معـضـعـض
مـــن كـــلاب مـايــو الـتـهـوي
يـــا جـمــل شـيـلـت تقـيـلـنـا
فــى الـظــلام والـسـكـه غـابــه
يــاكــا فـانـوسـنـا الـمـضــوي

[شهرزاد]

اللون
يـــا لـــون الـجــرف الـشــارب
خـضـرة لــون الـــزول الـسـمـح
الخـاتـف مـــن لـــون اللـيـمـون
مبـتـلـه شفـايـفـو الـــزى "ام راس"
السـال عسـلا ونقـط فــوق العـرجـون
يـــــا لــــــون الـــفـــرح
انشـرا فــي جبـيـن جــدي التـربـال
ال " لـــــــم " الــمـــســـره
وفرح الشفع كان مرهون بي لـون الجـرف
الشـارب خضـرة لـون الـزول السـمـح
الخـاتـف مـــن لـــون اللـيـمـون
وبرنيـن أوتــار طنـبـور " أب خبـتـه "
الفـجـر صـمـت لـيـالـي الـشـاطـي
انسـاب جـوه الارواح بهـدوء وسـكـون
الله الله أنـــــــــــــــــا آه
يالون الرايه المرفوعه يالون الخرقه المرقوعه
يالون الطيبه وينبوعه يالون البنت المدفوعـه
يـا قــزح العـصـر النـجـا الدفيـقـه
يـا نـضـرة لــون الـوجـه الأغـبـش
نـام فــي لهـيـب الشـمـس وحريـقـا
الحيـا فـوق وجـه الزيـنـه الإتــوارت
عن شوفت العاشق اندارت خلـف التمـرات
الله الله أنــا آه يــا العسـجـد منـدفـق
عــن غيـبـت الـشـمـس النعـسـانـي
متـمـدد فــوق الغـيـمـه الفـتـرانـي
الجـات مــن نـبـع الـقـدره الربـانـي
روت بـيــوضــه الـعـطـشـانــي
تـفـتـر ثـغــور الـبــرق الـشـلـع
نـور الأبيـض متلـو جلالـيـب ناسـنـا
الغسـلـوا نفـوسـن قـصـدو الـجـامـع
رفـعـوا كفـوفـن حـمــدوا الـــرب
يـوم خــدر نـبـت الأرض المحـلانـي
الله الله أنـا آه يـا لـون الصبـح واشراقـو
الغيب ابوابو مسوجره بيـن طياتـو وآفاقـو
الله الله أنا آه يا لون محزون ممكون مجنـون
مفتون بهـواك يـا لـون بلـدي السـودان.

[شهرزاد]

القدم كان ليهو رافع
الـــــقـــــدم كــــــــــان لـــيـــهــــو رافــــــــــع
قــــــاســــــي فــــــرقــــــك يــــــــــــوم اوادع
لــــــو فـــضــــل فـــــــي الــعــمـــر ثــانــيـــه
تانـي لابـد ليكـي ارجـع تانـي راجـع يــا بــلادي
ان نــســـيـــت مــــــــاب انــــســــي مـــــــــرة
كـــيـــف فــــــى بـــعـــدك ضـــقـــت مـــــــرة
كــــــان اخـــيــــر لـــــــى اقـــعــــد هـــنــــاك
اعيش ولو بى كسري مرة تبقي حلوى في بلادي
عــشـــت يــــــوت فــــــى الــغــربــة امـــنـــح
ابــــكــــى طـــــــــول الـــلـــيـــل وانـــــــــوح
كـــــــــل ســــاعـــــه اتـــمـــنـــى ارجــــــــــع
امشي اشد رحلي واروح امشي اروح لى بلادي
شـــــــــــان اشــــــــــــوف دار الأحــــــبــــــه
اصـــطـــفـــاهـــا الــــقــــلــــب وحـــــــــــــب
فــــيــــهـــــا اتـــــــرعـــــــرع تـــــــربـــــــي
بيـن حنـان خلانـو شـب شـب عاشقـك يـا بـلادي
إن عــــــطــــــش يــســقــيـــهـــو نــــيــــلــــك
أكــــلـــــو مـــــــــن ثــــمـــــرات نــخــيــلـــك
يــــاحــــلاتـــــك ويــــــــــــــا حـــلـــيــــلــــك
والقمر يلصـف فـي ليلـك ويـن مثيلـك يـا بـلادي
يـــــــــا حــبــيــبـــه تـــعـــالــــي شـــــوفـــــي
شـــوفــــي كـــيــــف حـــالــــى وظــــروفــــي
شـــوقـــي نــــــار تـــوقـــد فــــــي جـــوفــــي
حار على فراق ولوفـي خوفـي تنسـي يـا بـلادي
خــــوفــــي تــنـــســـي حــــنــــان ولــــيـــــدك
فـــاكـــري إنــــــو مــــــرق مـــــــن إيـــــــدك
راح جـــــفـــــاك واخـــــتــــــار ســـــــــــواك
وقلبو تب ما عاد يريدك حاشا حاشـاى يـا بـلادي
انــــــــــت لــــــــــى عـــيـــنــــي نـــــــــــورا
بــهـــجـــة الــــــــروح كـــــــــل ســـــــــرورا
جــــنــــتـــــي الــــغـــــنـــــت طـــــــيـــــــورا
زهرتي الفاحت عطـورا والفـؤاد عابـدك عبـادي

[شهرزاد]

المشتهنك
يا المشتهِنَّك وفي غيابك بالنا بيك ضُمَّة انشغل
النوم وراك يبقالنا شر .. فارق عيونَّا ، خلاص رحل
ضايقين متين ترجع تعود .. نسأل ، متين قطرك يصل
حارسين شويفعنا البجيب لينا البشارة يجيب أمل
يجري ويناهد من بعيد .. شايِلُّو شنطة ، وبي عَجَل
يفرح يقول .. خلّيتو جايي وراي يسالم في الأهل
والساعة ديك عاد البلد تنجارا قاصداك يا السَّمِح
الناس توسوس لي بعض .. يي داك وصل .. واللهِ صِح
حتى اللِّي كان محزون وباكي الليلة عاد هشَّ وفِرِح
في يوم رجوعك يا حِبَيِّب روحنا تب يبرا الجَّرِح
الساقي بعد العنكبوت الفوق حِطيبا خلاص بنى
بعد الكآبة ومسحة الحزن العليها مهيمنة
مرقت تلاقيك زي عروس متعطِّرة ومتزيِّنة
جدولنا من بعد اليباس الكان موجِّع تقْنَتُو
بعد السنين العاشا في بُعدك بيكتم أنَّتو
بعد العذاب الفي غيابك كان يزيد لي محنتو
بلقاك فِرِح .. جاك زي عريس يادوب جديد بي حِنَّتو
القمري من بعد الألم والحسرة والنوح والجراح
بعد الدموع السايلة دايماً وعمرو في كفكيفا راح
في يوم رجوعك جفنو من بعد السهر دابو استراح
فوق السبيط زوزا ورقص .. طربان يزغرد للصباح
رسَّل غنيواتاً حُنان .. في روعة صفَّق بالجناح
أوتار طنابيرنا الأبت يا حِبِّي في غيبتك ترن
حلفت محال ما تجيب نغم .. يفرِح قلوبنا ويسعِدِن
عادت هي متل ايام زمان تشرح نفوسنا وتبهِجِن

[شهرزاد]

دون وداعقام دون وداع ساب الاهل
في سفرة لا زاد لا عدل
يا صاحٍ .. وين قمري رحل؟
كان هادي من قومة الجهل
في روقة لا نقة وزعل
في روعة زوزه على النخل
جنبو المدين نقط عسل
والليلة دارو أصبح محل
بس زي خراب سوبا الحصل
قام فرّة ما عرف الكسل
واشريّ فارق بي عجل
يا حليلو كاب دمعو انهمل
بالشوق قليباً لي انزمل
مقصوص جناحو وبالوجل
ما ركّ فوق شدرة ونزل
أتمنى لو عاد صاد قفل
لي عشو قيّل في ونزل
وان شاء الله عاد مهما حصل
يرجع لي قمريّ ويصل
في عودتو ما فاقد الامل
عارف بلاي ما كاس بدل

[صلاح عبد النبي]

شهرزاد ..
مجهود مقدر ..
وتحقيق لهدف نبيل من أهداف هذا الموقع ..
هذا التوثيق الرائع ..
الله يديك ألف عافية ..

[شهرزاد]

شهرزاد ..
مجهود مقدر ..
وتحقيق لهدف نبيل من أهداف هذا الموقع ..
هذا التوثيق الرائع ..
الله يديك ألف عافية ..
الغالي / صلاح عبد النبي
يالحناً شجياً حظيت به أغنانينا .
هذا أقل ما يمكن أن يقدم لهولاء العمالقة
الذين طالما أهدونا الفرح بكلماتهم .
ولهذا البركل الشامخ ..
الذي يكفينا لمحبته إنه جمعنا بك وبي أمثالك .
رجالاً يشبهون النيل .
خالص إحترامي لك ..
......
وهذا التوثيق ناقص لأنه لا يشتمل علي السيرة
الزاتية للشاعر ..
ولا يحدثنا عن حياته ..
وكما أن هنالك كثير من القصائد لديها قصص
ومناسبات ...
لذلك أرجو المساعدة ..

[شهرزاد]

مُنادي الشوق
مُنادي الشوق ينادي داير أرجع لي بلادي
أحكي للطيبين وأغني أنسى ألامي وسُهادي
أصلي ما كان في مُرادي يوم أفارق داري غادي
أهجُر الأوطان وأسافر بالسنين يبقى إبتعادي
بلدي طيبة وما بتعادي وفي الكرم غنالها شادي
دوزن الألحان وأبدع راح يطوف كل البوادي
حبي ليها وريدها زادي شايلو في عيوني وفؤادي
ليها برسل كل حروفي ودمعة الأشواق مدادي
***
شوقي ليها ولي ضِفافها وطهرها ونورا وعفافا
سلسبيل نيلها البيجري بالسنين خدّر جفافا
أي زول لو مرة شافها زاهية في حُلة زفافا
تاني يحلم ما يفوتا لو زمان الوصل صافَ
شوقي لي ذرات ترابها ولي سهولها ولي هِضابا
زهرة الياسمين تضاحك خُضرة الصفصاف في غابا
طفلة من الزاندي دابا عنفوان القاش شبابا
راقصت في عبري رنة حلوة من وتر الربابة
***
شوقي ليها ولي نعيما وفوقنا دايماً راشة غيمة
روحي من الغربة ضاقت دايرة ترجع لي قديمة
كل ما نطرى بلدنا ديمة تنهمر دمعات أليمة
نحن إخلاصنا ووفانا لي بلدنا بقالنا شيمة

[شهرزاد]

الجلابة
يا جلابة الله .....يا جلابة الله
يا جلابة جيدا جيتو
ما شفتولى زول يا اخوانى
ساعة للرحال شديتو
***
ما شفتوه لى يا اخوانى
فى حزن القرير وافراحو
فى دمع المسافرين بالعتامير راحو
***
ما شفتوه لى بالمرة
فى عش فاضى
فوق راس تمرة
طار جوز قمرى
منو......وفرً
***
بى دوبو الوحيح والانى
ما شفتوهو لى يا اخوانى
فى صوت السواقى النايحة
فى شوق القواديس
التقالد المويةغاديةورايحة
***
ما شفتوهو لى يا اخوانى؟
فى حس طار ولاد الماحى
فى دمع الحجيج ينجارى
بلً الدارة سال صباحى
***
ما شفتوهو لى يا اخوانى؟
فى همس الحبيب وحبيبتو
ساعة فى القمر يتلاقو
من كتر الغرام والريدة
لى عند الصباح ما فاقو
***
كان فى رعدة
كان فى غيم نزل نقناقو
فوق نوار بريسيم
رش بل اشواقو
***
كوسو معايا يا جلابة
ممكون قلبى شابا وشابا
***
داير اعرف بكان محبوبى
ان بقى فى التراب زى لوبى
جيبو عروقو سووهن وسادتى وتوبى
***
ساكتين ليش دحين دلونى
فى بلد الحبيب دلونى
وان بقى ما لقيتو اخوانى
الله كمان يكون فى عونى

[شهرزاد]

العتاب
وا لومى العتاب جابوهو كيفن اسوى كيف الشورة
آهـ لو تدرو كيفن قلبى لى احزانو صار مطمورة
دمعى بحر غرق تب فيهو لجة حدودو ما مخبورة
برضى بشابى كان القاكى او منك تلوح لى صورة
جوة الامى مسجون ديمة كيف القى الخلاص من سورا
دى الايام قست والله كل الكان حصل من جورا
كت ناوى الرسالة تجيكى قبل الفرقة تلحق دورا
تلقاك كان مناى يا روحى فى بسطة ونعيم ، مسرورة
إلاً انا وا مغستى ظروفى هى الاحمتنى ابدا سطورا
من بدرى وترانى كتبت واحدى وبى دماى ممهورة
راجى الرد واطير بالفرحة بى جنحين ولو مكسورة
فى روحى المخيم ليلا تعمر لعبة بى طنبورا
عاد كل الخواطر تبقى من بعد الكسر مجبورة
واتاخرت لا تلومينى يا فرحة عيونى ونورا
جاتنى رسالة آهـ وأنا روحى كيفن تبقى تانى صبورة
ما دام كل حروفك قاسية ، بالصح ليكي حق ، معذورة
انساك؟ لا لا… لع والله ، وحدك عندى يي المذكورة
نان شن عندى تانى ؟ الدنيا غيرك ما بطيقا وادورا
وانت الفى رياضى صدحتى عِنْ شق الصباح عصفورة
بانى العنكبوت فى غصونا قبلك طولت مهجورة
وانت جداولى حس خاويها شاق محل السواقى وبورا
كانت دار تموت بالعطشة فرناغة ودوام محفورة
آهـ انا يا هناى ونعيمى يا ذاتى وجنانى وحورا
منِّك أبعدتني الدنيا ، والناس ترضى بي مقدورا

[شهرزاد]

لو تسافر

ذكراك لو تسافر باقية بعدك يحلو لى ترديدا
قلبى انا شيلو ما تخليهو لى نار الفراق والريدة
اه بعد الزمن لمانا مالو ارواحنا دار بيعيدا
ليه ايامو قاسى علينا ما بنسلم محال من كيدا
دى الاقدار خلاص الليلة خطت للفراق بى ايدا
وامالنا العراض فى الدنيا شن تكسب هى فى تبديدا
سافر يا حبيب روحى روحك فى وداعة سيدا
روحى انا باكية ناسجة اشعارا كان قول الشعر بيفيدا
فى لجة عذاب والله بعدك هايمة طال تشريدا
تصطاد فى الامانى الضايعة لكن السراب كان صيدا
اسراب القمارى الطاشة فى الروض ما سمع تغريدا
زى تحنانى ليك والله طال بيها الحنين لوليدا
طارت مابترك ظنيتا بالشوق دار تموت وحيدا
ديمة اهاتى زى اهاتا ..تنهيداتى زى تنهيدا
عطبرة يا قطار لو قاقوا اوعك سرعتك ما تزيدا
لو يوم شلت نور عينى فوق دربك تروح عيدا
نحن اللقيا لى ارواحنا زى ميلادا زى يوم عيدا
نبنى امالنا تانى ونمشى متعاهدين على تشييدا

[شهرزاد]

مسخت لى البلد

مسخت لى البلد فى بعدو ضم سئم حياتى
داجى قليبى فى نار وجدو ليل ونهار يهاتى
عاد قولى لى مين بعدو بنسج اغنياتى
مين فى الناس بيخلد قلبى لى حضنو ويتاتى
فات خلانى حاضن جرحى مسخت امسياتى
بثيت للقمر اشواقى ليهو بسط شكاتى
تتباكا النجوم قالت لى مسكين ماك خاتى
بمشيلو واقولو ارجوك حن ليهو ابقى راتى
ما فضل لى فى دنيايا شئ غير ذكرياتى
حتى الذكرى ليها نهاية لابد يوما اتى
اولى كنت ما بتنصتلو ضم حديث وشاتى
ايه الجد عاد الليلى تتقصد مماتى
برضى انا ليك برسل شوقى واعذب امنياتى
انت بقيت لى روحا تانى فيك مامازجت ذاتى
بالراح داير ازيلو ظمايا كتروا يا سقاتى
عاد يمكن عساها الليلى تبقى هى طوق نجاتى
داير اختم باسمك ديمة يا المحبوب صلاتى
عود فك الاسار من ايدى لملم لى شتاتى

[شهرزاد]

الصرخة المكتومة
يموت كل شىء
يموت فى سكون
وقبل ان يكون
يصارع الحياة
يؤ مل النجاة
لكنها تذيقه من الشقاء كل لون
تمنعه الجدال ..ترسل العيون
تقول من تكون؟
**
يحرك الشفاه
يود لويقول اننى اله
لكنه يلين
ويؤثر الخضوع يستكين
وجوده طعين
مبعثر اشلاء
يبيت فى دوامة الانين
مصمته بكاء
بكاؤه نداء
نداء روحه الى يد المنون
اتعرفون هذا الشئ ما يكون؟
انه ..هو الانسان
انسان هذا الحين

[شهرزاد]

لا تقولي مع السلامة

من غير ما توادعي لا تقولى مع السلامه
برضي ما قادر اعاتبك ولاّ ارمي عليك ملامة
ليه تسافري بدون توادعى يقسى قلبك وين حنانو
كيف عليك العشرة هانت ريدنا ليه لحظاتو هانو
بين مخاوفى وشوقى ضايع لما سفرك حان اوانو
قلبي كان متمني شوفتك يا العليك تكلوا ورهانو
فى السراب صدقت مخاوفى ظنى اصبح فى مكانو
ما الزمان دايما معاند واصلوا ما مضمون أمانو
عدي فوقى العيد وروح لا معايده لا إبتسامه
من بعادك ونار فراقك قلبي عيديتو الندامه
لا خلوق طلت تبارك بي تهانيها وسلامه
لاالعيون اجفانه لا قت لا استراحت فى منامه
فى الغياب سيرتك معايا ياما ناجاك قلبي ياما
كلما لاوحلى طيفك ابكي بي دمع اليتامه
يا مسافري على بلدنا شايلى روحى معاك هديه
ليك وللناس الغلابة برضو شايف الروح شويه
داير اوادعك كنتا واكتب فى سواد عينيك وصيه
ابقي ميه على عيونك ريدنا ابقي عليهو ميه
سلمي لى على ترابنا كل شتلاتنا النديه
وقولى للوالدة الحبيبه انا جاي في عيد الضحيه
كلميلى ابوى عنك عن بنا الريد والمحبه
شيلى من بركات عيونك ادى اصحابى الاحبه
امشي يوم جمعه الضرايح زورى فيهم قبه قبه
أطرى درويشاً تلاقيه لبيسيهو أشواقى جبــــه
قولى للوطن البريدو قلبي بالاحزان معبا
غربتي الطالت شقتني وكل يوم زايدانى غربه
لما ترجعى بالسلامه جيبي لى معاك نسيمه
من بلدنا وجيبى لى من طنابرتا كم نغيمه
فوق جمر راجيك تعودي تومه لى روحى اليتيمه
تاني لى قبال تسافري وتبقي فى صيف عمرى غيمة
وتبقي فى الابد المؤبد خالدة عشرتنا الحميمه
ريدة تجمع بين قلوبنا عامره بالنيه السليمه

[شهرزاد]

الريد والعيون

وحاتك ريدى ليك انا فى العيون ظاهر
اقول اخفيهو من خلق الله ...ما قادر
مسكينات يشابن كلما اجيك زاير
غلب حيلى وصبح فى امرهن حاير
يقولن ساعة اعاتب مرة شن داير
ويبكن للصباح لو ما بقيت عاذر
بخاف قول العوازل وبرضى تب صابر
عشان الجنة اقرب يوما من باكر
هناك يبقى الفرح فى دارنا ديك عامر
رتاين حوشنا فى السما ضوهن ناير
واقضى ايامى واقدل عاد اجيك ساير
حسيس دلوكتى والطنبور يسر خاتر
وكل ما ليهو قلبى من الفرح طاير
بنوصل بيتكم انتو وبرضى ما شاعر
اشوف حمد سعيد فاج الصفوف دافر
معاه ابو عابدة ودمع الفرحة سال طافر
وفى الايد لى فتيل الريحى اكون شاهر
ارش الناس واقول اسم الله يا ساتر
يوم داك الحسود انا فيهو ما فاكر
وصل حد السعادة حليلو مو خابر
نكون توجنا حبنا ده اللى كان طاهر
بنملى البيت وفا واخلاص حنان زاخر
تكونى ام الصغار وتنادى يا نادر
تعال كيفن مرق بره انت ماك فاطر

[شهرزاد]

ست ريدي
ست ريدى فى ذاتك عبدت الله
زاد ايمان قليبا لى قبلك.....تاه
***
رحلةعمرى كانت اه بتعقب اه
ضاع قاربى الودر كايس دوام مرساه
***
بيك يا نور حقيقتو الضو نال مرماه
واتحقق كمان يا روحى ما اتمناه
***
بسماتك بقت لى نور هداية وزاد
دير يبقالى ملجا عاد مع الزهاد
ساعة الناس تنوم ويهوموا العباد
ياكى القبلى لى قلبا عليكى اعتاد
يتركع وينده ويخشى ضر حساد
قولى وطمنيهوه بلاكى تب ما راد
***
فى عينيكى حلق قلبى فى الفردوس
رافل بى سعادة وبى ملاك محروس
ابليس اللعين وسوسلو ده المطموس
كان رد قلبى ما داير بلاكى عروس
فات خابت ظنونو وراح بعيد ممغوس
باكي وفي قيود حسراتو بات محبوس
***
فى طيبة قليبك طيبة اهل الخير
موكضاب سحابو وديمة صح مطير
رش الدنيا جادت خدرت خدير
تنى جريدو تمرا كان بيمرق صير
إنت الدنيا جوه رياضا غنى الطير
غيرك ايه تكون الدنيا وايه يكون الغير
***
فيك بمزح رويحتي وأغني اجيب ألحان
اتمايل طرب وارقص دوام نشوان
وارسم بى دموع الفرحة انا الفنان
لوحات ما بتمر يوم بى خيال انسان
وأهدي الناس جميل ألحاني ما ندمان
ما دام انت سر لوجودي اعيش فرحان

[شهرزاد]

آهــــة
اه ..يا اهة مالك دار تودرى عمرى
بهدلتينى
خليتينى
دون الناس انوح وابكى نافد صبرى
**
ساعة الليل يجن يا اهة
وافرح اقول انوم من بدرى
القى النوم شرد خلانى
والقاك رازمة من فوق صدرى
**
لى حملك تشيلى تختى
ماك عارفانى اه يا اهة
فاقد الروح وباقى الجتى
وفوق البى صاينو هوىالحبيب فى{ سرى}
**
درب الغى ...وحات عينى
صعب بالحيل طويل وطويل
برضى تملى شاق الوعرة
اناهد .......واجرى
كيف الشورى ؟؟
والشوق بين جوانحى ................بيسرى
**
بتحزم واقول يا الله
فوق قيف الحبيب نندلى
نرتاح والمراكب ترسى
لى زمن المتاعب ننسى
**
روحى تهيم تقالد ناسا
والفرحة القبيل معدومة
دابنا الليلة نرشف كاسا
والنسمات تهب وناسة
فى عش الغرام العذرى
شايلة طيوب حبيبة عمرى
وعاد تلقانى ناسى الاهة
ناسى كمان درادر عمرى
اصدح اغنى ديمة واقوقى
سويت زى سوات القمرى

[شهرزاد]

حقك علي

حقك علي .. واللوم علي ..
طالب السماح والمعذرة ..
صفيلي قلبك بالرضا .. والعفو عند المقدرة
**
لما الحزن فاض بي ودفق .. والهم طواني واعترى
غير قصد اني جنيت عليك .. ولساني زلّ وافترى
غامرني احساس بالندم .. مسخ حياتي وكدرا
في جوفي زي سماً زعاف.. بي غفلة يكتل بالضرا
***
الغنية مارقي من الضلوع .. أوزن ربابتي واطنبرة
ملياني بالاسف العميق .. عذب ضميري وفي سرى
عينيا اكتحلت أسى .. سهراني جافاها الكرى
دمعاتة تتجمد تقيف.. حد شوفها ما فات محجرا
يا المني شان خاطر وفاك أردع هواجسي وأزجرا
واتحاشا فيك لغو الكلام .. دايما خواطرك اجبرا
***
ما البيني والبينك .. متل حن السحاب الممطرة
البينا والبين الودي ..ما عمرها انفصمت عرى
رضياني ينشف ريقها من طول الرحيل والدردرة
من دمعها النخلة ارتوت ..واتمطقت طعم الترى
رضياني تفني وتنعدم مطعونة وسط الخاصرة
تتلوى تتحرقص برق .. شق البوادي ونورة
***
يا روحي قمرية هواك .. أنا لي تقاتي بدودرا
ولفتها ومديتلها بي كفي ...عيشة وسكره
لو وشوش الريح في الغصون بدد آمالها ونفرا
بي ريشة ريشة وبالصبر ..بابنيلة عشها في الضرة
***
بحق من خلق الجمال .. ورسم المحاسن صورا
انا رائي فيك نقا الوجود ...قدامي انت المنضرة
سواك الله مليكة فوق عرش القليب متحكرة
ختاك بين درر العفاف ..تتلالي في التاج جوهرة
***
انا ما بنتقص حنك علي .. لا يوم مشاعرك بانكره
حفظ الجميل والامتنان .. طبع النفوس الخيرة
اصلو المشاعر ما بتدوم ..لو عايشي بالغش والكرا
والريد دروب ما ب يتمشن .. لو خطوة الزول لا ورا
**
خطواتي لا قدام عليك .. ما اتعبها السير فترا
عجلاني لو تقدر تطير ليك .. كل ما الشوق تاورة
لو تاني يوم اغلط عليك .. بي كلمة جارحي مؤثرة
إن شاء الله ..يا نور العيون .. انا جرحي لا طاب لا برا
إن شاء الله .. يا نور العيون .. أنا جرحي لا طاب لا برا

[ود إدريس]

العتاب
وا لومى العتاب جابوهو كيفن اسوى كيف الشورة
آهـ لو تدرو كيفن قلبى لى احزانو صار مطمورة

آهـ انا يا هناى ونعيمى يا ذاتى وجنانى وحورا
منِّك أبعدتني الدنيا ، والناس ترضى بي مقدورا

يــا سلام عليكى يا شهرزاد ويــا سلام على الشاعر القامه الســـر
ويــا سلام على البلبل الغريد ود جباره هذا الفنان الذى اجاد وابدع
فى كل ما تغنـــى به للســــــر .. بالذات هذه الأغنيه ود جباره أبدع فيهــا
أيمــا إبداع .. اتمنى أن اجد الفرصه للمرور على كل تلك القصائد والتعليق عليهــا
لك التحيه

[عبد الرحمن يوسف]

شهرزاد عاطرالتحايا
السرعثمان قامة اى انه رقم اقول انه نجم فى عنان السماء لاتوصفه الكلمات والناطر اليه يستمتع بجمال كلماته ونسج حروفه فهو ابن القرير تربى بين البرتقال والمنقه والقمرى اليقوى يشيل فى النمه،والطنبور عزانا يرن وصوت الصفقه ،حليلو قريرنا وقت الناس تكون ملمومه فى وسط لعبة،والدليب والرقصة والجمال ياصاحى القرير والله جنة، القرير اشعار محنة ،وفيها الدابى قال اشعاره كم محنه ،وفيها حمد سعيد صاحب النغم والرنه،وشوف السر عديل حيرنا :
اوادع الناس وافوت مجبور يجيني نغيم من الطنبور
اشوفلي جني وقف صفق ينط لا فوق
يـــــــــطير ينــدق واطـــير وانـــدق
شهرزاد مجهود مقدر فسيرى على الشاطى وغوصى فى اعماق النيل لا اخرج كل ماهو جميل مع أجمل التحايا .

[ود رغيم]

جـاييـك أنـا
جـاييـك بى نـزف الجــراح
مـن قسـوة اللـيل والـريــاح
عصفـــور مجـافيهـو الشجـر
مقصـــــــوص جنــــــــاح
ودران يفتــش لى وكــــــر
زى مابيكــوس من كم ســنه
لى بـقــــه أنـوار الـصــباح
جــــــــــاييـك يــا ......
جــاييـك :- مجــروح كـبرياء
مـن ويـن ........ ويـن !!!!
جـاييـك ........ ســـــفر
ضــاعـف مســافاتـو الحــنين
لــوّع محطـاتـو الأنـــــــين
مكـــتوب على ذات الجـبين
مكــــــــتوب قـــدر
إنـو المســير فى سكــتك
أحضــان ربــوع شــابيه لى دفقـة مطــر
جــاييــكى يـا ......
جــاييــكى مجـــروح كــــبرياء
جـــاييـك وتـر
فجعـت تـرانيمــو الـدمــوع
ســاعـت منـاحـات الـرحـــيل هـــزمت مـواويـل الـرجــوع
بحّـــت مــزامـــــــــير الـغنــــــا
بهــــتت نـويـرات الشمــــــــوع
هضــلم وسـط صــيف الجــروف ورد المــنى
عـصفــت بأحــــــــلام الـزمــــــان والأمكـــنه
نـار آهـه مثـواهـا الـضــلوع
مـأواهـا كــان جــوّاى ضنــا
جـــاييــــكى يـا ......
جــاييـكى مجــــروح كـــبرياء
إنســان حـــــزين , مكلــوم , ومجــروح كـــــبرياء
كُـلَّ الـعشـــم والأمـنيـــــــه
تـبقــــيلى بــدء الإلتئـــــام .. .. تـبديــــلى مـطلـع أغـنيــــــه
الـسـر عثمـان الـطيب
جــده : 5 أبـريــل 1994م

[شهرزاد]

يـوم الجمعة الفاتت شـفتك

نـص الليل والـليل كان هـاجع
رامى هـديمك من فوق كتفـك
يا العجـلانى وقاطعى الشارع
لا إتلفتى على سلمتى
لا ناضمتى الناس كلمتى
أشــــنو الـشـادهـك يا محبـوبة ؟
بالك .. بالك يا محبـوبة
الـعربية الجاتك طـايرهـ
المخــبول مـا دق الـبــــورى
الـصـامتين المــارة إتلمـــوا
مخـلوعـــين خمــوك فى لـورى
بـاقى الجسـد الـنازف دمــــو
غــاب الـوعى الـشـايل همــو
قـالــوا ...... ( مـسبلــــه )
سـبحـــــان الله !!!!!!!!
كـــــان ممـنوع تبكــيك الحـله
**
يــــوم الـســبت العـاقب الجمعـة
شـفـــتك فى مـاشــــاف الـنايم
فــوق خـــــدين النهـــرين دمعة
تبـــكى زمـان الرحمـة الـصـايم
تشـرح ســر المـأســاهـ وتحكـى
قســـوة قـــلب الفجـر القـادم
الـسّــواك للـصــبر تلكـى
ومـــوج الـليل فــوقك متـلاطم
يا الحـارسـا وجــاييـك مـتوكى
لاوى ضـراع الشـيمه وعـايم
**
أحــدُ أحــــدَ الأيــام تمضــى
وأنـا حلمـان ما أحــلى أيــامى
أقــرا الـفاتحـة وأنـا متـوضى
إنت عــروسى فـتــاة أحــلامى
فــال الخير هنـدامك أبيـض
زفـة خــيل قـادلات قـــدامك
قـــلتى الــراح باكـر يتعـوض
أنـا عـارفاك زولاً قــدامى
أمــر الحــال لى الله مفــوض
هـو الـداواى للجرح الدامى**
الإثــــنين نحـن إتـلاقينـا
الإثنين مـارقــين من غــابه
الـسحـارة الـسكنت فـينــا ...
وقــالـوا بتـأكل الـناس كضــابه
وقــالـوا تـسـل الـروح بى عــينا
يـا هـادى أرواحنـا إنسـلت دابـا
وجـه الشمـس الـطلت ضـاحكه
ســالمنـا وضمـينـا علينـا
يــوم قسمّنـا الـفرحة ولايـم
للماجانـا ...... والجايينـا
للـتلمــيذ الحرد الحصـه
للمترملة حـاضنه عــوينـا
للماعاشو أحـداث القصه
والعـايشـين الحـزن البينـا**
مـرهـ ....... تـلاتـا
فـرزت عيـونك
وط الـناس والجمـع الحـاشـد
كـان متـلاشى
وباهـت لونك
يـفضح جـور الـزمن الجاحد
والـعـنين كـادت تتكلـم
ويـــنك ؟
ويــن ؟ ؟ يـا الفجــر الـواعــد ؟
قـت لِك يـا دُخـِريّ إسـتنى
جـاييـك بـاكـر بالتتمـنى
بكـرهـ معـاى حتمـاً تتهـنى
والقمـرية الهاجرى العشـه
ترجع وسـط أسـرابا تغــنى**
يـوم الأربعا ماكت نـايـمكـان وايّاى
طـيفك سـاهـر بى
كــان يحكـيلى وكت بحكـيلو
الـفى قــلبك والفـى قـــلبى
قـالى إن بقـى عـاد مـاك مـستحمل
طــول الغيبـه ونـيران حـبى
والمشـوار إن خـايفــو يـغلـبك
لِم خطـواتك وفــارق دربى
قـلتلــو حـاشـا أنا ما مـتراجع
لا بنــتر ..... لا بـرفع إيــدى
مـتل الـصـايم الـدهــر إســتنى
أحـرس وأرجــا
صـباحـات عــــيدى
مــالأيــام
قـادوس الـسـاقى
طـالـعى
ونازلى .. مـلانى وفـاضى
وكــت الـصـيف
بالـســرسـار راضـى
لا بــدنـو الــنيـل بيتـسب
وعــد الـغــيم
مـاب يخــدع .... يـكــــذب
والمســتقبل ثـغــرو البـاسـم
مـا بيكممــو غـم الماضى
صـوت الـعـدل الحق بيــدوى
رغـــم ......
ضجـيج تـزييـف الـقاضى
**
مــرّ خمـيــس
والإسـبوع يمـضى
وأيـام الله عـلىّ تتـوالى
إنـت معـاى وأنـا أحلم بـِك
مـتـلى عــديل
كـل يــوم فى حـاله
الأشـواق بينـاتنـا بتكـتر
كـل مـازاد ســاسـاق مـرسـالا
لا بــد يـوم بالـصـح نتـلاقـا
كـان اليوم
أو كان يـوم بـاكـر
نسكن جوّهـ الـبيـت الواحد
نأكـل فى المـاعــون الـواحد
نشرب مـويـة الـنيـل الـواـد
نكتب فـوق اللوح الـواحد
بى فـد إيـد بالـقـلم الواحد
قـصــة ريـدنــا
الـسـامى الخالـد .....

منقول من بوست أيام الله السبعة لود رغيم

[ود رغيم]

أنـاجــــــــيكى ....
تـعــالى .. تـعــالى .. نـاجــــينى
أحجــــــيكى ....
تـعــالى .. تـعــالى .. حجّـــــينى
أنـاجــــــــيكى ...
أحجّـــــــــيكى ...
تـســاهـرى معـــاى ...... عـيـــونى تـلــولى عـــينيكى
** **
أنـاجـــــيكى ....
أحجّـــــيكى ....
تـعــالى .. تـعــالى ... نــوم .. الـنــوم
قــــالـوا : فـى .. غــيمه ... كـانت يــــوم
فى أرض الله ........ مـــــارقـى تحـــــوم
مـــــــاشـى ..
ومــــاشـى ..
مـاســكى دريبـا ... وقـفت فــوق سمـا الخرطــوم
بـلا دمعـــات كـــبّن شــــــــــو
داوى رعـــــودا ســــاوى الـدّو
ضـاوى بـروقـا ضــوّت ضــو
بـسم الله .. يـا حـــــــــرّاس
ســــترك بالـبلـــــد والــناس
وســــــــت الــــناس
سـت الـناس أوعـا يكــون غشــاكى نعــاس
وعــــــينيك غــرودن من ضــــو
ونـــوم الـنـــوم .. .. .. ونــوم الـنــوم
** **
أنـاجــــــــيكى ....
أحجّــــــــيكى ....
تـعــالى تـعــالى .. نــوم .. نــوم
قـــــــــالوا فى زول
زويـــل مسكـــــــــين
قطعـــلو بحــــر بلا جنحــين
بلا يـعــرف مســـافـر ويـــن
ولا عــــارف يعــود لمتـــين
وفـى أسفـــارو
قــلبو عــليكى مــات بالشـــوق
نـــــــــــواح وأنـــــــــين
ورسّــل لِك جـــــواب مكتـــــوب
فــوق ظـرفـــو الـدمــع مسكــوب
وفـى طيّـــــو العتـــــــاب واللـوم
وإنـت هـناكــا كــنت معــــــاهـو
ســـت الـنــــــــاس ....
نـعســـــتى خــــــلاص ؟
وعــــينيك غـــرودن من ضـــو
ونــوم الـنـوم .... ونــوم الـنـوم
** **
أنـاجـــــــيكى ..
أحجّــــــيكى ..
حكـــــايه الـــورده والجـــــدول
يـشـــيل يـسقيهـــا أشـــــــواقـو
عشـــان تـسقيهـــو يتـوسّــــــل
مفتّحــه نـايــره نـديـــــانه
يشــــــابى الـعـاشــــق الظــامى
يســــافـر فيهــا يتغــــــزل
أريجــا يعطّـــر الـدنيــــــــا
عــلى دار المحــب يبخــــل
تجــــافى وقـت يغنـــــــيلا
يـقــوقى مع ســـكون لــيلا
تـراقــص النجمــه تتمــايل
عـــيون النجمـه مـاتهجـــر
وعـــــينيك غـــــرودن من ضـــو
ونـوم الـنــوم .. .. ونـوم الـنــوم
** **
أنــاجـــــــــيكى ..
أحجّــــــــــيكى ..
وكـــان ذات يــوم من الأيـــام
مســــطر فى دنيـــاى ... يــوم عــــــيد
صــــباح إشـــــراق ... جــديـد وسعـيد
لقــيتك فيهـو ... عـيديه ومـنى وأحـلام
** مـواســم ريـــــــد ...
مســاحـات للـفــرح تمتـــــد غنـا وأنغــام
** رجــــــيتـك ...
والـصــدف كانت مـواعـــيد لا إراديــه
** مـشــــــــيتـك ...
بالخــطى الـسلكـت دريبــاتـك أمــان وســـلام
وصـــــــــــلتـك ...
بالخطــى الـزرعـت مشــاويرك غـرام وهيــام
وشـــــلتـك فـى عـيـــــــــونى وطــــــن
ونخــــله .... ونـيــــــــل
وونـســــــة .... لــــــيل
حـضــنتـك فـى الخـواطــــر نـاس
محــل مـا أمـشــى فى غــــــــربه
ألاقــــيهم يـلاقـــــــونى
أنـاجـــــيهم ينـاجـــونى
ينجّـــونى إذا مـا جــار على زمــن
يـآســــونى إذا مـا حـلّ بىّ قـــــدر
يـلولــونى إذا مـا طـال علىّ سهــر
عـيـــــونى ورا طيــوف عـــينيك جفــاهـا الـنــــوم
أحجــــيهم وأحجّـــــيكى
ومعــــــــــاى ....
يـا شهــــرزاد
طــــالـت لـيــــالــيكى
ومعــــــــاك ....
مـا أحـــلى - قــبل الـنوم - منـاجــاة الـليــــالى سمــــــــر
ونــــــــــــوم .. .. الـنــــــوم
ونــوم ... الـنـوم وعــــــينيك غـــــــرودن من ضــــــــو

الأســتاذ / الـســـر عثمـان الـطــيب

[ود رغيم]

ومعــــــــــاى ....
يـا شهــــرزاد
طــــالـت لـيــــالــيكى


تـوضــيح :
هـــذا الإســم الظـاهـر بالأحمـر من عــند الأســتاذ : السـر عثمـان الطــيب
ولـيــس من الكـاتب
كل الإحــترام والـود

[ود رغيم]

حــروفـك مطــــــر
طـيوب الـدعـاش التّجـم الـنفـوس الـتكـابد هجــايـر السفـــر
حصــاد الغـــلابـا ... الـشقـــايـا ... الغبــــــــش
يكـابســو المعـايـــش ... يهــــبـو ... الـدغـــش
يخــدّر ضــــراعـن
بيــاض الـنــوايـا ... ... الـبيســطع قـمـــــــــر
حـــــــــــــروفـك ربـاحـى
مطــــالـع صـبـــــــــاحـى
شمــوسـى الـبتشــرق ... تـعــم الـنــواحـى
تـسـل من شعـاعـا ... ســيوفـا وسهــــامــا
تحـاجـى الـليــالى ... تطـــارد ظــــلامـــا
تمــد لى عـيــونى ... وســــادة رقــــــــادا
تـنــوم تنســى روحـا ... تفــارق سـهـــادا
عـــذابـا .... وجـــروحـا .... ومنـاحــة الـسهــــر
حــروفـك .. تهـبهـب .. صبـا الـنيـل .. طــراوهـ
كلـيمــات وفــيّه
بـتدخـل عــــلىّ
تـزيـدك فى قـــلبى ... مـعـــزه ... وغـــــلاوهـ
أتــــوهـ ... أقـــر فيهـــا
أكـــوس ... ألــقى فيهــا
شـــواطـى الأمـــان البســــاســق عـليهـــــا
دروع الحـنــان ... الـتدّرّق شــرور الـقــدر
حـــــــروفـك ... حــــــــروفـك
رحـــــيل الكـــآبـه ... نجـــــــوع الألـــم
فـــراق الـعــذاب .. والأســـــف والـنــدم
حقـيقـة الـبـدايـه ... بـــدايـة الـحـقـــيقــه
مـعـــالـم طــريقــا ... بـدايــة الـبــــدايـه
نهـــــــــاية ... النهـــــايـه
محطــة تــــــلاقـى البشـــاشـه .... الـســـــــرور والـنضِــم
مــواســم إخـضــــرار الأمــل والـعشــم
هـــــديـل القمـــارى الـتغــنى وتـقــوقـى ... وتـشــد الـوتــر
حــــــــروفـك .. ضـــــــريـرهـ
تعطّـــر شــــــوارع حــــــوارى المــدايـن
هــــــــــلالا وحــــــريـرا
يجــرتـق جـــبين الحـــزانـا ... يـفـــرّح قــــلوبـن
يـزفــــــوكى ســــــيرهـ
يـغنــــــــوكى زفـــــــه
ويمســــكـوكى سِــــــيرهـ ... ويـطـــــيب الـسمـــر
حـــــــــروفـك .. وطـــــــــن
مكـــــــــان أو زمــــــــــــن
يـلملــم شــــتات نـاســــو فيهـــــــــو
الـبيصــــبر عـليهـــو
المـرق بى وشـيهـــو
الـبينضـم فـصــيح الـلســـــان والـرطــن
يـقّـــــووا الـســـواعـــــد
تـعـــاود الـقــــوافــل ورود الـرهــــود فى الـنّشــــــوق والـدّمـــــــــر

[ود رغيم]

يـاغــايبـه ... يـا حـاضــرهـ
يـا الـفى الفجــر تـســطع أنـوارك الـبــاهـــرهـ
عـــين الـفجــر راجــاك .. من كـم زمــن .. ســـاهــرهـ
يـا غــايبـه مـن فجـــرى
يـا حـاضـرهـ فى فجــــرى
إنت الـزمــن غــيرك ســارق ســـنين عمـــري
إنت الـزمــن بـيــكى لـحظـــة شــــجن نـادرهـ
يـا غـــابيـه ... يـا حـاضــرهـ
يـا عــايشـه فى قـــلبى ... يـا ســـاكنـه فى فكــــــرى
لــو عــــــارفـه .. لـو تـــدرى
يـا روح حيــــــــاة صـــــبرى
يـا دمـــــــــو وأنفـــاســــــــو
روح الـصــــبر وقـفت ... لانـازلـه ... لاســـــــادرهـ
يـا غـــايبــه ... يـا حـاضــرهـ
يـــاســر خـلــــود الـنيــــــل
الـنيــــل يـئن يبــكى دفـق الـدمـــــوع جــــدول
خــانقـى الجـــــرف عــبره دلاهــا بالـحنضـــل
يـا غـــــايبـه عــــوديلـو
يـا حــــاضـره جـــوديلـو
مـديلـــــو .. مـديلــــــــو
مـنــديــلك الأخـــــــضر
مـن خــدك الأزهــــــــر
أمـليهـــــــــو بى ريــدك
مـديهــــــــو بى إيـــــدك
يـا حـــاضـرهـ شـــريهـو
شــــــريهـو فــوق الـقـــــــيف .. إلــفـه وهـنـــا وخضــرهـ
يـا غــايبـه ... يــاحـاضــرهـ
يـا ضــو شمــوس زحــفت فـرســانـا شــــادى الخـــــــيل
بــين بكـــــرهـ والـــلّــيلى
بـســــــراع .. تـعــــالـيلى
الـليـل هـــــزم حـــــــيلى
قمــراتى إتــــلاشـت ... غـــرقـت خــــلاص فى الـليــل
فـكيــلى قـــــيد لـيــلى
دارجــينى أرجـــــينى
قـيلـــينى .. قـيلــينى مـن خطــوتى الـعــاثـرهـ
يـا غــايبـه ... يـا حــاضـرهـ
مـكتــوب عـليــك .. وعــلىّ
مــنذ الأزل .. فى الـلـــــوح
الــــروح تـتـــــوق للـــروح
نـتـــلاقى .. زى غـيمـــتين
بـين قــوس قــزح مجــروح
تـتعـانـق الأنـفـــــــــس
تـضـــــوى الـبروق وتـلوح
تـتـــلاحـق الآهــــات زى الـرعــــــود هـــــادرهـ
تـصــبح بحـــور الـشــــوق لـيلا ونهــار مـاطـرهـ
يـا غــايبـه ... يـا حـاضــرهـ
مــــنذ الأزل .. فى الـلـــــوح
مـكتـــــوب عـلى قـلبـك .. مـكتــــوب عـلى قــلبى
مـكتــــوب عـلى دربــك .. مـكتـــوب عـلى دربـى
ســـــوا فى سـفينــة نــــــوح
يـتـــلاقــوا رغـم الـبــــــــين
كـــان زى لـقــــا الـنيــــلـين
ســلكـن درب واحـــــــــــــد
شــــــــاهـد عـلى ريـــــــدن
وقـف الـنخـــيل شــــــاهــد
ريـدتنـــا زى ريــدن كالـسـلـسبيـــل طــــــاهـرهـ
يـا غــــايبـه ... يـا حـاضــرهـ
يـا ســـــاكنـه .. فى إنـســـــان
فى الـذاكـــره .. والـنســـــيان
فى الـلاشعــــــور إحـســـــاس
فى دمـى فى الأنفـــــــــــــاس
يـا الـفى مـلمــــاتى مــدّانـى صـــــبر أيـــــــوب
دثـرتـى قــلبى أمــان صــبح الحــزن مصـلــوب
حـســيك إنت أنـا .. أنـا ذبـت فى الـمحبــــــوب
عـايـش حـلـول الـذات .. وإتـكشّــف المحجـوب
يـا رابـعـــــه فى الحضــــــرهـ
يـا غــايبـه ... يـا حــاضــرهـ
سـبحــانـوا رب الكـــــــــــون
سـبحـــــانـوا أبـــدع فـــيك بى قـــدرتـــو الــقـــــادرهـ

[السر عثمان الطيب]

السلام ، والتحايا يا آل البركل الرمز والحقيقة ..
حوافزي ودوافعي للإنضمام إلى عضوية موقعكم القيم كانت وما تزال عديدة ومتباينة . آخر ما أشعل طاقة محركها زيارة قمت بها مؤخراً بعد طول غياب عن البلد .. فقد سافرت في صحبة ود جبارة وود كرم الله وإخوة أعزاء على رأسهم إخواننا "الكوداب" ، عثمان ومبارك ود.يوسف - سافرنا جميعاً لمشاركة أخينا العزيز "حميد" أفراح أسرته بزواج إبنة أخته - وكان في معيتي إبني الأصغر "عمر" الذي رأيت أن أجزيه مكافأة على نجاحه بتفوق في إمتحان شهادة الأساس بحصوله على (272) درجة ، وما كان لي من مكافأة له أفضل من الطواف به على "بلدنا الحبيبة" ... وهكذا ، سافرنا إلى نوري مروراً بالقرير الغالية حيث الوالد الذي كلما ألتقيه هنا في "أمدرمان" أو في القرير تندلق دموعي ... !! لماذا؟ لا أدري والله ..
سلمنا جميعاً على الوالد وانطلقنا الى نوري .. لاقينا الناس ... ناس حميد وأهله ... سيداحمد وابراهيم وفطون ، وجملة الأحباب .. حضرنا العرس ... وهيصنا معاهم في ليلة تاريخية ، رغم الأحزان المتواصلة و"البكيات" المريرة...فالحياة لابد أن تتواصل. في نوري مشينا للعمدة كنيش ... الله يا رب تديهو العافي .. الله يا رب من صمود هذا الرجل الفنان في وجه المرض !! إدعو له يا إخوتي .
ثم انطلقنا الى السد العظيم . لا تتصوروا مدى ما غرسه شموخ هذا الصرح في نفسي ونفس إبني "عمر" من إحساس بالعزة والمنعة والفخر والقوة والتباهي ..!! ومن السد انطلقنا الى الكبري العملاق .. وعلى خرصانته المسلحة بإرادة أهلي ، جعلت إبني عمر يعبر النهر "كداري" إحتفالاً واحتفاءً بوصلٍ لن ينقطع بين الضفتين الحميمتين .. هاجس الذكريات - عند الكبري - أعادني إلى زمااااااااااااااااااااااااااان ... مركب "كرّوعي" وشهدائنا من أهل "مقاشي" ... أتذكرون إخوتي تلك المأساة !! عايشتها لحظة بلحظة وأنا شاب ... بل إنتشلت واحدة من ضحاياها .. كانت إمرأة فوق السبعين ... مشلخة "مية وحداشر " لا ورا !! ما زلت أختزن في الذاكرة "خضاباً " في يدها اليمني التي سحبتها منها ... و"سبحة" خضراء طوقت تلك اليد ... يا ربي!!! لكم الله يا أهلي ... كنتم تموتون غرقاً بسبب المراكب والبنطون ... وهاهو الكبري ... جسرٌ ضخم وأنيق !!
عبرت وإبني وصديقي ومحمد جبارة وإبنه الصغير "مهاب " وهدفنا وغايتنا كان جبل "البركل" المهيب المهاب ... هناك تسلق "عمر" و"مهاب" حافة أهرامات البركل بإعتزاز ... ثم دلفنا إلى "متحفٍ" صغير أقيم شمال الجبل ... وفيه ، أي في المتحف ، حيينا آثار أجدادنا ... ووجدنا - يا للهول - مومياء تكاد تنطق بالحياة ، لكنها للأسف محفوظة بطريقة تشوبها المخاطر - مخاطر تأثير عوامل الطقس والمناخ- وهذه صرخة منى الآن : يا أيها القائمون على أمر آثارنا ، إلحقوا مومياء البركل واحفظوها كما يفعل أهل مصر ، قبل أن تتلاشى وتندثر و(تموووووت) إهمالاً !
أشبعت خاطري وخاطر إبني "عمر" زهواً حول البركل التليد العظيم . ثم مضينا ، بعد أن وثقنا زيارتنا بعشرات الصور بكاميرا إبني عموري . نسيت أن أقول إن أستاذنا الشاعر الكبير عوض فضيل إلتقانا عند الجبل الراسخ ... وانطلقنا إلى كريمة ثم إلى "البركل تحت " حيث دار أستاذنا عوض فضيل ... يا إلهي من هذه "البركل تحت" صورة Typical من "حي الشاطي " بالقرير ، حيث كان مولدي 31/10/1951م .. عجوز ؟ لا عليكم ، فقد أخذت حقي من الحياة الرائعة في أرض الشمال ، حقاً أحاول أن أخصصه لأبنائي وبناتي بعد "السد" و"الكبري" وغيرهما من المشروعات القادمة ، حقاً شرعياً ومشروعاً ، لجزء من هذا الوطن ، ظل مهمشاً (بأيدي أبنائه ممن حكموا ) فتجاهلوه وأعملوا في أعضاء إنسانه (السرطان والفشل الكلوي والملاريا).. سامحهم الله !!
أعود للقول : البركل تحت حيث دار عوض فضيل .. ما أجملها ...بل ما أجمل كل البركل ...
كنت خلال هذه المشاوير أقود سيارتي رغم علة المرض .. لكنني هزمته بإرادة العاشق لذا التراب وتلك الأرض ... كنت أدندن :
{تقصد شمالنا وتنزل كريمة
تقالد المحطة بي نيمة نيمة
بركلنا فوقو تنشرَّ غيمة
تدلق دموعا وترويهو ديمة }
فجعتنا الأقدار أثناء تلك الجولة برحيل الشاعر المبدع "جاد الله " وبكيناه على "الفُراش" في مروي . أتعلمون أن "يا البكرة قايم " ومنها المقطع أعلاه ، كانت مجاراة منى لقصيدته الرائعة "يا ماشي سافل" التي تغنى بها الراحل المقيم "يس عبد العظيم " ... يا لهذه الأحزان والأفراح المختلطة .. هدّت قواي مجتمعةً .
يا إخوتي ... كانت تلك الجولة شرارة إشتعال رغبتي في الانضمام لموقعكم ... ثم صبت عليها "غزوة أمدرمان" الجبانة التي قادتها فلول المرتزقة والعملاء لتروِّع الوطن، صبت عليها برميلاً من الوقود لتتصاعد نيرانها في دواخلي ، فاسارع إليكم ، فرحاً بعزيمة الإنتماء ، حزيناً لما يفعله البعض من أدعياء "العدل والمساواة".
إخوتي .. أظنه أنه قد كفاني قولاً ... فأمامي مشوار إلى حيث ترقد زوجتي مريضة-إدعوا لها - في مستشفى إبن سيناء بالخرطوم لإجراء جراحةٍ غداً ..
في أمان الله أترككم .... و .. دعواتكم .
أخوكم السر عثمان الطيب

[عمر جبريل ابو البروف]

الاستاذه شهرزاد
زادك الله من نعمائه
وزادك من علمه
مريت مرور الكرام لكن راجع سطر سطر
تحياتي عبرك لود رغيم الله يديكم العافي الفي عضامكن
وعبركن نتمني الشفاء العاجل لزوجة السر عثمان الطيب وكما ندعو للعمده كنيش بالشفاء هو من تبقي من ريحة العمد الله يشفيهم اجمعين .
لكم التحايا

[عمر جبريل ابو البروف]

السلام ، والتحايا يا آل البركل الرمز والحقيقة ..
حوافزي ودوافعي للإنضمام إلى عضوية موقعكم القيم كانت وما تزال عديدة ومتباينة . آخر ما أشعل طاقة محركها زيارة قمت بها مؤخراً بعد طول غياب عن البلد .. فقد سافرت في صحبة ود جبارة وود كرم الله وإخوة أعزاء على رأسهم إخواننا "الكوداب" ، عثمان ومبارك ود.يوسف - سافرنا جميعاً لمشاركة أخينا العزيز "حميد" أفراح أسرته بزواج إبنة أخته - وكان في معيتي إبني الأصغر "عمر" الذي رأيت أن أجزيه مكافأة على نجاحه بتفوق في إمتحان شهادة الأساس بحصوله على (272) درجة ، وما كان لي من مكافأة له أفضل من الطواف به على "بلدنا الحبيبة" ... وهكذا ، سافرنا إلى نوري مروراً بالقرير الغالية حيث الوالد الذي كلما ألتقيه هنا في "أمدرمان" أو في القرير تندلق دموعي ... !! لماذا؟ لا أدري والله ..
سلمنا جميعاً على الوالد وانطلقنا الى نوري .. لاقينا الناس ... ناس حميد وأهله ... سيداحمد وابراهيم وفطون ، وجملة الأحباب .. حضرنا العرس ... وهيصنا معاهم في ليلة تاريخية ، رغم الأحزان المتواصلة و"البكيات" المريرة...فالحياة لابد أن تتواصل. في نوري مشينا للعمدة كنيش ... الله يا رب تديهو العافي .. الله يا رب من صمود هذا الرجل الفنان في وجه المرض !! إدعو له يا إخوتي .
ثم انطلقنا الى السد العظيم . لا تتصوروا مدى ما غرسه شموخ هذا الصرح في نفسي ونفس إبني "عمر" من إحساس بالعزة والمنعة والفخر والقوة والتباهي ..!! ومن السد انطلقنا الى الكبري العملاق .. وعلى خرصانته المسلحة بإرادة أهلي ، جعلت إبني عمر يعبر النهر "كداري" إحتفالاً واحتفاءً بوصلٍ لن ينقطع بين الضفتين الحميمتين .. هاجس الذكريات - عند الكبري - أعادني إلى زمااااااااااااااااااااااااااان ... مركب "كرّوعي" وشهدائنا من أهل "مقاشي" ... أتذكرون إخوتي تلك المأساة !! عايشتها لحظة بلحظة وأنا شاب ... بل إنتشلت واحدة من ضحاياها .. كانت إمرأة فوق السبعين ... مشلخة "مية وحداشر " لا ورا !! ما زلت أختزن في الذاكرة "خضاباً " في يدها اليمني التي سحبتها منها ... و"سبحة" خضراء طوقت تلك اليد ... يا ربي!!! لكم الله يا أهلي ... كنتم تموتون غرقاً بسبب المراكب والبنطون ... وهاهو الكبري ... جسرٌ ضخم وأنيق !!
عبرت وإبني وصديقي ومحمد جبارة وإبنه الصغير "مهاب " وهدفنا وغايتنا كان جبل "البركل" المهيب المهاب ... هناك تسلق "عمر" و"مهاب" حافة أهرامات البركل بإعتزاز ... ثم دلفنا إلى "متحفٍ" صغير أقيم شمال الجبل ... وفيه ، أي في المتحف ، حيينا آثار أجدادنا ... ووجدنا - يا للهول - مومياء تكاد تنطق بالحياة ، لكنها للأسف محفوظة بطريقة تشوبها المخاطر - مخاطر تأثير عوامل الطقس والمناخ- وهذه صرخة منى الآن : يا أيها القائمون على أمر آثارنا ، إلحقوا مومياء البركل واحفظوها كما يفعل أهل مصر ، قبل أن تتلاشى وتندثر و(تموووووت) إهمالاً !
أشبعت خاطري وخاطر إبني "عمر" زهواً حول البركل التليد العظيم . ثم مضينا ، بعد أن وثقنا زيارتنا بعشرات الصور بكاميرا إبني عموري . نسيت أن أقول إن أستاذنا الشاعر الكبير عوض فضيل إلتقانا عند الجبل الراسخ ... وانطلقنا إلى كريمة ثم إلى "البركل تحت " حيث دار أستاذنا عوض فضيل ... يا إلهي من هذه "البركل تحت" صورة Typical من "حي الشاطي " بالقرير ، حيث كان مولدي 31/10/1951م .. عجوز ؟ لا عليكم ، فقد أخذت حقي من الحياة الرائعة في أرض الشمال ، حقاً أحاول أن أخصصه لأبنائي وبناتي بعد "السد" و"الكبري" وغيرهما من المشروعات القادمة ، حقاً شرعياً ومشروعاً ، لجزء من هذا الوطن ، ظل مهمشاً (بأيدي أبنائه ممن حكموا ) فتجاهلوه وأعملوا في أعضاء إنسانه (السرطان والفشل الكلوي والملاريا).. سامحهم الله !!
أعود للقول : البركل تحت حيث دار عوض فضيل .. ما أجملها ...بل ما أجمل كل البركل ...
كنت خلال هذه المشاوير أقود سيارتي رغم علة المرض .. لكنني هزمته بإرادة العاشق لذا التراب وتلك الأرض ... كنت أدندن :
{تقصد شمالنا وتنزل كريمة
تقالد المحطة بي نيمة نيمة
بركلنا فوقو تنشرَّ غيمة
تدلق دموعا وترويهو ديمة }
فجعتنا الأقدار أثناء تلك الجولة برحيل الشاعر المبدع "جاد الله " وبكيناه على "الفُراش" في مروي . أتعلمون أن "يا البكرة قايم " ومنها المقطع أعلاه ، كانت مجاراة منى لقصيدته الرائعة "يا ماشي سافل" التي تغنى بها الراحل المقيم "يس عبد العظيم " ... يا لهذه الأحزان والأفراح المختلطة .. هدّت قواي مجتمعةً .
يا إخوتي ... كانت تلك الجولة شرارة إشتعال رغبتي في الانضمام لموقعكم ... ثم صبت عليها "غزوة أمدرمان" الجبانة التي قادتها فلول المرتزقة والعملاء لتروِّع الوطن، صبت عليها برميلاً من الوقود لتتصاعد نيرانها في دواخلي ، فاسارع إليكم ، فرحاً بعزيمة الإنتماء ، حزيناً لما يفعله البعض من أدعياء "العدل والمساواة".
إخوتي .. أظنه أنه قد كفاني قولاً ... فأمامي مشوار إلى حيث ترقد زوجتي مريضة-إدعوا لها - في مستشفى إبن سيناء بالخرطوم لإجراء جراحةٍ غداً ..
في أمان الله أترككم .... و .. دعواتكم .
أخوكم السر عثمان الطيب

اخونا واستاذنا السر
لك التحية
دا مشهد ما بيحكوه دا بيكتبوه
انا متأكد عمر كتب شئ ومهاب لحنو
كان طواف عجيب ولقاءكم بالاستاذ عوض فضيل اعجب
معقول مرقتو ساكت ما اظن
نحنا منتظرين
لك التحية ولزوجك الشفاء يا رب
مودتي

[شهرزاد]

شهرزاد عاطرالتحايا
السرعثمان قامة اى انه رقم اقول انه نجم فى عنان السماء لاتوصفه الكلمات والناطر اليه يستمتع بجمال كلماته ونسج حروفه فهو ابن القرير تربى بين البرتقال والمنقه والقمرى اليقوى يشيل فى النمه،والطنبور عزانا يرن وصوت الصفقه ،حليلو قريرنا وقت الناس تكون ملمومه فى وسط لعبة،والدليب والرقصة والجمال ياصاحى القرير والله جنة، القرير اشعار محنة ،وفيها الدابى قال اشعاره كم محنه ،وفيها حمد سعيد صاحب النغم والرنه،وشوف السر عديل حيرنا :
اوادع الناس وافوت مجبور يجيني نغيم من الطنبور
اشوفلي جني وقف صفق ينط لا فوق
يـــــــــطير ينــدق واطـــير وانـــدق
شهرزاد مجهود مقدر فسيرى على الشاطى وغوصى فى اعماق النيل لا اخرج كل ماهو جميل مع أجمل التحايا .[/B]

[B]الغالي عبد الرحمن يوسف
نحتاج لأن نكون شعراء لنستطيع أن نكمل
بعض حديثنا عن السر عثمان الطيب ...
ويكفي إنه أبن القرير منبع الفن والشعر ...

[شهرزاد]

أنـاجــــــــيكى ....
تـعــالى .. تـعــالى .. نـاجــــينى
أحجــــــيكى ....
تـعــالى .. تـعــالى .. حجّـــــينى
أنـاجــــــــيكى ...
أحجّـــــــــيكى ...
تـســاهـرى معـــاى ...... عـيـــونى تـلــولى عـــينيكى
** **
أنـاجـــــيكى ....
أحجّـــــيكى ....
تـعــالى .. تـعــالى ... نــوم .. الـنــوم
قــــالـوا : فـى .. غــيمه ... كـانت يــــوم
فى أرض الله ........ مـــــارقـى تحـــــوم
مـــــــاشـى ..
ومــــاشـى ..
مـاســكى دريبـا ... وقـفت فــوق سمـا الخرطــوم
بـلا دمعـــات كـــبّن شــــــــــو
داوى رعـــــودا ســــاوى الـدّو
ضـاوى بـروقـا ضــوّت ضــو
بـسم الله .. يـا حـــــــــرّاس
ســــترك بالـبلـــــد والــناس
وســــــــت الــــناس
سـت الـناس أوعـا يكــون غشــاكى نعــاس
وعــــــينيك غــرودن من ضــــو
ونـــوم الـنـــوم .. .. .. ونــوم الـنــوم
** **
أنـاجــــــــيكى ....
أحجّــــــــيكى ....
تـعــالى تـعــالى .. نــوم .. نــوم
قـــــــــالوا فى زول
زويـــل مسكـــــــــين
قطعـــلو بحــــر بلا جنحــين
بلا يـعــرف مســـافـر ويـــن
ولا عــــارف يعــود لمتـــين
وفـى أسفـــارو
قــلبو عــليكى مــات بالشـــوق
نـــــــــــواح وأنـــــــــين
ورسّــل لِك جـــــواب مكتـــــوب
فــوق ظـرفـــو الـدمــع مسكــوب
وفـى طيّـــــو العتـــــــاب واللـوم
وإنـت هـناكــا كــنت معــــــاهـو
ســـت الـنــــــــاس ....
نـعســـــتى خــــــلاص ؟
وعــــينيك غـــرودن من ضـــو
ونــوم الـنـوم .... ونــوم الـنـوم
** **
أنـاجـــــــيكى ..
أحجّــــــيكى ..
حكـــــايه الـــورده والجـــــدول
يـشـــيل يـسقيهـــا أشـــــــواقـو
عشـــان تـسقيهـــو يتـوسّــــــل
مفتّحــه نـايــره نـديـــــانه
يشــــــابى الـعـاشــــق الظــامى
يســــافـر فيهــا يتغــــــزل
أريجــا يعطّـــر الـدنيــــــــا
عــلى دار المحــب يبخــــل
تجــــافى وقـت يغنـــــــيلا
يـقــوقى مع ســـكون لــيلا
تـراقــص النجمــه تتمــايل
عـــيون النجمـه مـاتهجـــر
وعـــــينيك غـــــرودن من ضـــو
ونـوم الـنــوم .. .. ونـوم الـنــوم
** **
أنــاجـــــــــيكى ..
أحجّــــــــــيكى ..
وكـــان ذات يــوم من الأيـــام
مســــطر فى دنيـــاى ... يــوم عــــــيد
صــــباح إشـــــراق ... جــديـد وسعـيد
لقــيتك فيهـو ... عـيديه ومـنى وأحـلام
** مـواســم ريـــــــد ...
مســاحـات للـفــرح تمتـــــد غنـا وأنغــام
** رجــــــيتـك ...
والـصــدف كانت مـواعـــيد لا إراديــه
** مـشــــــــيتـك ...
بالخــطى الـسلكـت دريبــاتـك أمــان وســـلام
وصـــــــــــلتـك ...
بالخطــى الـزرعـت مشــاويرك غـرام وهيــام
وشـــــلتـك فـى عـيـــــــــونى وطــــــن
ونخــــله .... ونـيــــــــل
وونـســــــة .... لــــــيل
حـضــنتـك فـى الخـواطــــر نـاس
محــل مـا أمـشــى فى غــــــــربه
ألاقــــيهم يـلاقـــــــونى
أنـاجـــــيهم ينـاجـــونى
ينجّـــونى إذا مـا جــار على زمــن
يـآســــونى إذا مـا حـلّ بىّ قـــــدر
يـلولــونى إذا مـا طـال علىّ سهــر
عـيـــــونى ورا طيــوف عـــينيك جفــاهـا الـنــــوم
أحجــــيهم وأحجّـــــيكى
ومعــــــــــاى ....
يـا شهــــرزاد
طــــالـت لـيــــالــيكى
ومعــــــــاك ....
مـا أحـــلى - قــبل الـنوم - منـاجــاة الـليــــالى سمــــــــر
ونــــــــــــوم .. .. الـنــــــوم
ونــوم ... الـنـوم وعــــــينيك غـــــــرودن من ضــــــــو

الأســتاذ / الـســـر عثمـان الـطــيب

نضبت دون بوحي الكلمات ...
ـ ـ ـ ـ ـ
ربنا يطول ليــاليك أستاذنا السر عثمان الطيب

[شهرزاد]

القيثارة الحزينة
يا قيثارة الحانى
اعزفى لحنك الحانى
***
فرحى قلبى ودرى همو غردى جوه ..وجدانى
رفى على جناح الشوق وابقى سحابة ظللى كل اركانى
رزازا يرش ربوع دنياى وتخضر الزهور تانــــــى
وابقى شتول مزاهر ريدى ........ارعاهن بتحنانــى
اشقى عشان يفرهدو لى اسهر ديمة وحدانـــــــــــى
********
يا قيثارة بى ترنيمة الحب اللى عاش .....مظلـــــوم
احكى الحال وورى الناس واشرحى للى كان مكتوم
طوفى الكون
لو الناس ابدو ليك حنية
ما تتخدعى يا قيثارة؛لما تفوتى لحنك ما اظنو يدوم
********
شفنا كتير...سمعنا كتير
ما فيش حد يا قيثارة يحفل بى متاعب الغير
وما فى ضمير يحس بى اهة المحـوم
*******
ولما تعودى يا قيثارة راح تلقينى حاضن كل احزانى
ارجوك تانى يا قيثارة اعزفى لحنك الحانـى
وفرحى قلبى ودرى همو غردى جوه وجدانـى

[شهرزاد]

امــــــــال
أقول امال أشوف امالىبتتجــــــــــــــــدد
أقول امال مباهج الدنيا في عيني تتحـــدد
أقول امال قطار الشوق يسافر بي بلاد ابعد
أقول امال متين أوصل؟ تطول قضبانو تتمدد
أقول امال هناك ترجاني نتسالم ونتقالـــــــــد
أقول امال دموع الفرحة تفضحني وتبل الخد
أقول امال أشوف الكون بدون راح انتشى وعربد
أقول امال ولحن الريدة يا دوب من جديد يولد
أقول امال أهيم في نشوة أقضى ليالي بتعبد
أقول امال أشوف آمال محط امالقليب مجهد
أقول امال ولطوى جراحي ،باب الهم خلاص يوصد
أقول امال ينابيع صافية نشرب منها ونسعـــــــــد
أقول امال محاسن لا نهائية ومحال لي زول بتتعدد
أقول امال سنابل خضرا فوقا الطير فرح غرد
أقول امال ترانيم حلوة ليها قليبي يتوســــــــــــد
أقول امال وأخاف امالى يا امالى تتبـــــــــــــدد
أقول امال في رحلة عمري حبك بيهو بتزود

[شهرزاد]

ســــونا
سونا ، كونى الليلة باسم لى دابو
لى فى عز صيفو جاد بالغيث سحابو
..........
سونا شوفتك قلبى عادت لى شبابو
كفكفت دمعاتو ولى زمن عذابو
.........
سونا قبلك هو كم تاه فى سرابو
فى جحيمو البصلى ...كم الما اصابو
..........
سونا كان فى الدنيا متحمل...صعابو
والامل ما زارو فد يوم دق بابو
.........
سونا دابو الليلة تب خدر يبابو
الحمام فى غصنو حل محل غرابو
سونا طيرو يغنى فرحان بى ايابو
فى طرب شوفيهو لملم عشو جابو
سونا جوهو صغارو بالاحضان يشابو
يسالوه بلهفة ليه طول غيابو
سونا كل هم قلبى والوجع الرضابو
فات وجات الفرحة عمت كل رحابو
سونا عطفك ليهوواخلاصك اذابو
صار فى ظلمة ليلو نورو الاهتدابو
سونا بعد المرة صار سكر شرابو
من كووسو الحلوة كرع وانتشابو
سونا بى حنية قام سطر خطابو
خوفو من الفرقة خلا يسيب عتابو
........
سونا اه يا سونا حرف السين بدابو
كل شى وراكى حتى احوال صحابو
سونا ساعة حيو نام نبحن كلابو
خت( سين) يا سونا فى اخر جوابو

[عثمان الدغيس]

يا أخوانا السر ده حاجة تانية خااااااااااااالص ..
ده بس من كتابته أعلاه وسرده ..
وآهاته ودعائه بين الفينة والأخري يا ألهي !!!
إحساسه بما/ن حوله ..
أحساس شاعر فعلاً ..
دم بيننا يا السرير ..

[شهرزاد]

شـ ـ ـ ـمعة
حي رغم الجراح والدمعة ما مات من ضلوعي هواك
مهما الليل طواني ظلامو ما بتطفي الــرياح الشمعـــه
حالف شان أصونو هواك والخلق السمـــوات سبعـــه
من دربي المشيتو معاك لا خـوف لا حـــياد لارجعــه
........
أنت النخلة شايلة غرامي في أحشائها تسعة وتسعـــه
لا أشتكي من تقل عرجونها لا إنتكي عودها يوم من وجعه
........
ما بخلت علي شتلاتنا من فيض الحنان بي رضعه
لا عوب الجريد أو كش لا قمريها طار من فزعــه
مدت ضلها المترامي لي قيلة النفـــــوس والهجعه
ضــــلالة القلوبو رهينة للدنيا المقــــــــــددة رقعه
.......
ماخدى من البلد حن ناسها ما بترجي البصيح للفزعه
أن قصر جنت غاباها عندها ليهــو حــــق الشبعـــــه
لو شح الحصـــاد عطـــــايا لا من لا ريا لا خدعــــه
لو مــا ها القساسيب تبقي عــلمت الله من فد تقعــــه
.......
تربالك أنا الكادلت حوضك من سمـــوم الأفــــعي
من نيل المحبة دلقت سقياك مـــا مقطعة ترعــــه
من نيل في حبك شب ما كست ورميتلو الـــودعه
في النفس الطلع واندل حاسبو ساعة أغبي وأوعي
.......
في الروح أنسكب ترياقه يشفي من العليل بي جرعه
نعمة من الو هبني وأعطي ما كان يوم جريمة وبدعه
حب نيرانو موقده اسافي من هيطة الشجن واللوعـــه
برداً بي سلامو يدفئ فاض غمر الحــواس مجتمعــه
........
الزول في جري الفي الدنيا كل راس مالو سيرة وسمعه
سيـرتي وسمعتي المـــدخورة مـــنك تستمــد الروعـــه
........
حي رغم الجراح والدمعة ما مات من ضلوعي هواك
مهما الليل طواني ظـــلامو ما بتطفي الرياح الشمعــه

أرجو المراجعة أذا وجدت اي أخطا ..
كتبتها من المسجل وأنا بسمع في الأغنية
وما متأكدة من بعض الكلمات .

[ود إدريس]

شـ ـ ـ ـمعة

........
أنت النخلة شايلة غرامي في أحشائها تسعة وتسعـــه
لا أشتكي من تقل عرجونها لا إنتكي عودها يوم من وجعه

.......
ماخدى من البلد حن ناسها ما بترجي البصيح للفزعه
أن قصر جنت غاباها عندها ليهــو حــــق الشبعـــــه
لو شح الحصـــاد عطـــــايا لا من لا ريا لا خدعــــه
لو مــا ها القساسيب تبقي عــلمت الله من فد تقعــــه
.......
تربالك أنا الكادلت حوضك من سمـــوم الأفــــعي
من نيل المحبة دلقت سقياك مـــا مقطعة ترعــــه



أرجو المراجعة أذا وجدت اي أخطا ..
كتبتها من المسجل وأنا بسمع في الأغنية
وما متأكدة من بعض الكلمات .

شهــــــــرزاد دائمــــــــا رائعه .. رغم إضطلاعى على معظم قصائد
الأخ السر لكن بأمانه أول مره اقرا هذه القصيده الرائعه ..
ودائمــا نحن فى إنتظار إبداعاتك ؟؟ لك الود

[شهرزاد]

شهــــــــرزاد دائمــــــــا رائعه .. رغم إضطلاعى على معظم قصائد
الأخ السر لكن بأمانه أول مره اقرا هذه القصيده الرائعه ..
ودائمــا نحن فى إنتظار إبداعاتك ؟؟ لك الود

يديك ألف عافية الغالي ود إدريس
القصيدة مغناه بصوت الفنان القامة
عبد القيوم الشريف .
في ألبوم (زعلانة ليه) .
وبه مجموعة رائعة من الأغاني .
ومنها (صابرة) للشاعر محمد خير درو

[ود إدريس]

يديك ألف عافية الغالي ود إدريس
القصيدة مغناه بصوت الفنان القامة
عبد القيوم الشريف .
في ألبوم (زعلانة ليه) .
وبه مجموعة رائعة من الأغاني .
ومنها (صابرة) للشاعر محمد خير درو

مشكوره شهرزاد على المعلومه .. رغم ان الشريط موجود بمكتبتى
ولكن زحمة الظروف جعلت الواحد لايفرق بين جديد وقديم .. سوف ارجع
لأستمع للشريط مرة اخرى ..لن القصيده جميله بحق وحقيقه رغمــا أن شعر الســــــر كله روعه .. على فكره ع القيوم رجع ومحمل بقصــائد روعه من محمد خير درو محمد بادى والكوبانى وإستمعنــا لهــا كالحان .. وامسكو الخشب ... مشكوره شهرزاد ودمتى بعافيـــــــــــه

[شهرزاد]

على فكره ع القيوم رجع ومحمل بقصــائد روعه من محمد خير درو محمد بادى والكوبانى وإستمعنــا لهــا كالحان .. وامسكو الخشب ... مشكوره شهرزاد ودمتى بعافيـــــــــــه

نحن في إنتظار إبداعات أبن القرير الجميلة
منبع الفن والشعر ...
الفنان / عبد القيوم الشريف
ومسكنا الخشب ...

[صلاح عبد النبي]

الأخت شهرزاد ..
شكراً على كتابة نص قصيدة الشمعة للأخ الأستاذ السر عثمان ..
وكما ذكرت فهناك بعض الأخطاء الناتجة من الكتابة من المسجل مباشرة فلك العذر وأسمحي لي أن أصحح بعضها حسب ما اسفعتني به الذاكرة :-
حي رغم الجراح والدمعة ما مات من ضلوعي هواك
والصحيح ما مات بين ضلوعي هواك

لا عوب الجريد أو كش لا قمريها طار من فزعــه
والصحيح : لا عوبس جريدها أو كشة

أن قصر جنت غاباها عندها ليهــو حــــق الشبعـــــه
لو شح الحصـــاد عطـــــايا لا من لا ريا لا خدعــــه
لو مــا ها القساسيب تبقي عــلمت الله من فد تقعــــه
هذه كلها تحتاج لمراجعة .. سأعود لها لاحقاً إن شاء الله ..

أن قصر جنت غاباها عندها ليهــو حــــق الشبعـــــه
وهذا أيضاً يحتاج لتصحيح .. سأعود له لاحقاً إن مد الله في الآجال..

تربالك أنا الكادلت حوضك من سمـــوم الأفــــعي
والصحيح : أنا الكادنت

هذا والله أعلم :)

هذه القصيدة رغم أن الأخ السر كتبها ولحنها قبل عامين أو ثلاثة تقريباً ولكنها خرجت لاسماعنا بنكهة وإحساس الاغاني التي كتبها السر في السبعينات أمثال (الناسينا) وغيرها من روائع ذلك الزمن الجميل ..

شكراً شهرزاد ..

[السر احمد خليفه]

الأخت شهرزاد ..
شكراً على كتابة نص قصيدة الشمعة للأخ الأستاذ السر عثمان ..
وكما ذكرت فهناك بعض الأخطاء الناتجة من الكتابة من المسجل مباشرة فلك العذر وأسمحي لي أن أصحح بعضها حسب ما اسفعتني به الذاكرة :-

والصحيح ما مات بين ضلوعي هواك


والصحيح : لا عوبس جريدها أو كشة


هذه كلها تحتاج لمراجعة .. سأعود لها لاحقاً إن شاء الله ..


وهذا أيضاً يحتاج لتصحيح .. سأعود له لاحقاً إن مد الله في الآجال..


والصحيح : أنا الكادنت

هذا والله أعلم :)

هذه القصيدة رغم أن الأخ السر كتبها ولحنها قبل عامين أو ثلاثة تقريباً ولكنها خرجت لاسماعنا بنكهة وإحساس الاغاني التي كتبها السر في السبعينات أمثال (الناسينا) وغيرها من روائع ذلك الزمن الجميل ..

شكراً شهرزاد ..


نعم اخي صلاح تذكر ذلك اليوم حين استمعنا الي هذه الاغنيه مباشره بلحنها الدافي الجميل من الاخ السر مباشره وكان تعليقي بان هذه القصيده من الزمن الجميييييل
ارجو ان نستمع اليها ملحنه
شكرا اختنا شهرزاد
شكرا اخي صلاح
شكرا خونا السر علي مثل هذه الكلمات النديه وتحياتي للجميع

[السر عثمان الطيب]

سلام ..
يا ود رغيم ، إنت منو في ولاد رغيم ؟؟ **** ؟؟ في كل الأحوال ، لك تحياتي ،، وداير أخبر بُكان **** وعنوانو ..
شهر زاد دي مني ؟؟ والله قدمت لي خدمة كبيرة لأنو كتير من النصوص الناشراها رايحي منى ليها سنين ... لها ولكم جميعاً الشكر .
السر خليفة ... سلامات وعدوك مات ..أظنني نجحت مادام راس الخيت وصل .. حارسل لكم كل التفاصيل المتعلقة بجماعة الدليب الثقافية الفنية ..
صلاح عبد النبي ... يا خوي مالك محاربنا ؟ ولاَّ في جري جدة داك ؟؟ أبشِّركم ، صدر ديواني (ضل الغيمة)وسيتم توزيعه قريباً .
المنتديات وأجهزة الاعلام هدت حيلنا بالساساق .. أهو (الحي يفرفر).. عندنا ليكم (مفاجأة)... فنان قادم بقوة الصاروخ ... بس اصبروا !!!

[ود رغيم]

سلام ..
يا ود رغيم ، إنت منو في ولاد رغيم ؟؟ **** ؟؟ في كل الأحوال ، لك تحياتي ،، وداير أخبر بُكان **** وعنوانو ..
شهر زاد دي مني ؟؟ والله قدمت لي خدمة كبيرة لأنو كتير من النصوص الناشراها رايحي منى ليها سنين ... لها ولكم جميعاً الشكر .
السر خليفة ... سلامات وعدوك مات ..أظنني نجحت مادام راس الخيت وصل .. حارسل لكم كل التفاصيل المتعلقة بجماعة الدليب الثقافية الفنية ..
صلاح عبد النبي ... يا خوي مالك محاربنا ؟ ولاَّ في جري جدة داك ؟؟ أبشِّركم ، صدر ديواني (ضل الغيمة)وسيتم توزيعه قريباً .
المنتديات وأجهزة الاعلام هدت حيلنا بالساساق .. أهو (الحي يفرفر).. عندنا ليكم (مفاجأة)... فنان قادم بقوة الصاروخ ... بس اصبروا !!!

السـرير
أكتب إسمك حافـيا كالبحـر ..... عـاريا كالحقيقه
كنت دوماً حبال الوصل ومرسى الوصول
كنت دوماً تمطـر دفء وحنان دفّاق
لا حياة ... لافـرح ... لا إنطلاق إلاّ فى مدارك ووجودك , ماذا أقول لك تضيع منى العبارة..
فى خاطـرى الكثير وفى خيالى أكـثر .. أى حاجة تمـر ببالك رائعة فى بهجة إنتظارك .

حتى نلتقى ...

[size=4][font=Arial Narrow][color=#000000]مـودتى

[شهرزاد]

شـ ـ ـ ـمعة
حي رغم الجراح والدمعة ما مات من ضلوعي هواك
مهما الليل طواني ظلامو ما بتطفي الــرياح الشمعـــه
حالف شان أصونو هواك والخلق السمـــوات سبعـــه
من دربي المشيتو معاك لا خـوف لا حـــياد لارجعــه
........
أنت النخلة شايلة غرامي في أحشائها تسعة وتسعـــه
لا أشتكي من تقل عرجونها لا إنتكي عودها يوم من وجعه
........
ما بخلت علي شتلاتنا من فيض الحنان بي رضعه
لا عوب الجريد أو كش لا قمريها طار من فزعــه
مدت ضلها المترامي لي قيلة النفـــــوس والهجعه
ضــــلالة القلوبو رهينة للدنيا المقــــــــــددة رقعه
.......
ماخدى من البلد حن ناسها ما بترجي البصيح للفزعه
أن قصر جنت غاباها عندها ليهــو حــــق الشبعـــــه
لو شح الحصـــاد عطـــــايا لا من لا ريا لا خدعــــه
لو مــا ها القساسيب تبقي عــلمت الله من فد تقعــــه
.......
تربالك أنا الكادلت حوضك من سمـــوم الأفــــعي
من نيل المحبة دلقت سقياك مـــا مقطعة ترعــــه
من نيل في حبك شب ما كست ورميتلو الـــودعه
في النفس الطلع واندل حاسبو ساعة أغبي وأوعي
.......
في الروح أنسكب ترياقه يشفي من العليل بي جرعه
نعمة من الو هبني وأعطي ما كان يوم جريمة وبدعه
حب نيرانو موقده اسافي من هيطة الشجن واللوعـــه
برداً بي سلامو يدفئ فاض غمر الحــواس مجتمعــه
........
الزول في جري الفي الدنيا كل راس مالو سيرة وسمعه
سيـرتي وسمعتي المـــدخورة مـــنك تستمــد الروعـــه
........
حي رغم الجراح والدمعة ما مات من ضلوعي هواك
مهما الليل طواني ظـــلامو ما بتطفي الرياح الشمعــه

أرجو المراجعة أذا وجدت اي أخطا ..
كتبتها من المسجل وأنا بسمع في الأغنية
وما متأكدة من بعض الكلمات .

النص الصحيح ...
ما مات بين ضلوعي هواكي .. حي ..رغم الجراح والدمعة
مهما الليل طواني ظلامو ... ماب تطفي الرياح الشمعـــــة
***
حالف ــ شان اصونو هواكي ــ بالخلق السماوات ، سبعـــة
من دربي المشيتو معاكي ... لاخوف ، لا حياد ، لا رجعــة
***
إنتِ النخلة شايلي غرامي ، في أحشاها ، تسعة وتسعــــة
لا انتكى من تُـقُـل عرجونا ،لا اشتكى عودا ،يوم،من وجعة
***
ما بِخلت على شتلاتا من فيض الحنان ، بي رضعـــــــة
لا عوبَس جريدا وكشَّ .....لا قمريها طار من فزعــــــة
***
مدت ضلها المترامــــي ، لي قيلـــــــــة النفوس والهجعة
ضُلاّلة القلوب .... و رهينـــي .. للدنيا المقددة ، رُقعــــة
***
شايلي من البلد حن ناسا .....ماب ترجا البَصيح للفزعـة
إن قصَّر جنا ، اتغاباها ... عندها ليهو حق الشُّـــفعــــــة
***
لو شحَّ الحصاد ...عطَّاية ....لا مَن ..لا رياء ..لا خدعة
كان ما هِي .. القساسيب تبقى...علَّمت الله،من فد دقعــة
***
تــربالك أنا ، الكادنـــــــــت حوضــك ، من سموم الأفعى
من نيل المحبـــة دلقت سُقياك ...... ما مقطّعة ترعـــــــة
***
مِـنِّـي ، وفِيِّــي حبك شبَّ ... ما كُــستو ورميتلُو الودعــة
في النَّفَس الطلع واندلَّى...حاسَّبـُو ، ساعت اغبِّى وأوعى
***
في الروح إنسكب ترياقو .... يشفي من العلل بي جرعـة
نعمة من الوهبني وأعطى ، ما كان يوم جريمة وبدعــــة
***
حب ، نيرانو موقدي ... أثافيه وِهّيطة الشجن واللوعـــة
برداً بي سلامو يدفِّـي ... فاض ، غمر الحواس مجتمعـة
***
الزول في جري الفي الدنيا.. كُلْ راسمالو سِيرة وسمعـة
سيرتي وسمعتى المدخورة ... منك تستمــد الروعــــــة

[شهرزاد]

لمّا بُحتَ

لمّا بحتَ ... وبحتِ ليَّ ..إكتسى الصبح الوسامة
الشمس رسمت ضياها ، فوق وشي الكون إبتسامة
**
لما بحتَ .. وبحتِ ليَّ
إنطلق وقع الخطاوي ...
فوق دريبات السلامة ... وسكَّة الشِّفا والتدواي
**
لما بحتَ .. وبحتِ ليَّ
للحزن قامت قيامة ...
سهروا سمّار الليالي ... والمغنين والنُّدامـــــــا
**
لما بحتَ .. وبحتِ ليَّ
الكليمات الحميمة ...
والحروف البيني ، بينك ، هن مراسيلنا الهميمة
**
لما بحتَ .. وبحتِ ليَّ
إندحر زمن الهزيمة ..
إنكسر سور الموانع ... وانتصر عصر البسيمة
**
لمّـا بُحتَ .. وبحتِ ليَّ
في ظروف قاسية وأليمة
إرتضينا ندوسو شوكا .. أو نحلِّق فوقا غيمــــة
**
لما بحت .. وبحتِ ليَّ
للغيوم النخلة شابت ..
إتفدع وخدَّر جريدا ...فوق سبيطا تمورا طابت
**
لما بحت .. وبحتِ ليَّ
فاض وزاد النيل عذوبة
المراكب وضفّتينو ... الشراع والخضرة توبا
**
لما بحت .. وبحتِ ليَّ
غنت الحبوبة حجّت ..
منتكي وسهراني ليلا
القماري معاها وجّت ..
والبُطان لمَّت شليلا
**
لما بُحتَ .. وبحتِ ليَّ
في فيافي الغربة دوبا
طنبرابيكي المشلهت .. رسَّل الألحان طروبة
ريدة من غير ريدتك إنت ..تاني ماب يسلك دروبا

[شهرزاد]

حـأكتب لـك
لآخر شهقة في نفسي الأخير .. بكْتِب
لآخر زفرة في حزني المرير .. بكْتِب
لآخر قطرة في دمعي الغزير .. بكتب
**
حأكتب لك ..
لآخر لحظة ، ما بين الوجود والموت
مسجَّى على قفاي مبهوت
أعاين في فوات الفوت
واشهِّد في غنايا علَي بآخر صوت
**
حأكتب لك ..
واظل مفتوح عليكي كتاب
حروف ترجاك على الأبواب
وغيرِك ما لقت أصحاب
ولا غيرِك لقت أحباب
ولا كانت بلاك فرحة
ولا اكتملت على صفحة
معاني الإلفة والترحاب
**
حأكتب لِك ..
إلى ما شاءَ فعلُ الحب
إلى ما ناء بحمْلُو القلْب
إلى ما لانهاية الدَّرْب
بكتب لِك
**
حأكتب لِك
لآخر شمعة في وجه الظلام والريح
تقاوم ، وتحترق لوعة وأسى وتبريح
وتفرد كم شراع للنَّوْ
وتدِّي الليل أغاني الضو
وتفتح للشمس منفذ بلا تصريح
**
حأكتب لك ..
لآخر موجة في بحر الهوى العاصف
تشيلني مع الرحيل المر ، جرح نازف
على شط الأمل برجاك ... وما عازف
ولا أصوات نداي كلَّت
ولا بيرجع صداي آسف.
**
حأكتب لك ..
إلى أن .... ترتمي الصخرة بحضن الغنوة والأوتار
إلى أن .... تكتسي الزهرة نداوة الغيمة والأمطار
إلى أن .... يحتوي المنديل مرارة الدمعة والتذكار
إلى أن .... تكتفي الضفة ، من السفر المع التيار
**
حأكتب لك ..
إلى أن .... تستفيق نسمة من الصمت المباريها
إلى أن .... تنعتق نجمة من الليل المضاريها
إلى أن .... تفترق بسمة من الهم المواريها
إلى أن .... تنطق الكلمة ، وحروفا تقول معانيها
**
حأكتب لك ..
إلى أن .... أن
إلى أن .... أن
لآخر أن .. حأكتب لك
لآخر أن .. حأكتب لك

[شهرزاد]

بِسْم الأَرِِض
بمناسبة زواج الخال الشاعر / محمد سعيد دفع الله
القرير 1976م
بِسْم الأرض
واللوبي ، والعيشريف ، وأطيان الجروف
وندى الصباح
والحِنـــِّي ، والطنبور ، ولمعان السيوف
بسم الوجوه السمرا دي
شايلي الحنان
والطيبة والريد والوفا
تدِّي القلوب كل الأمان من كلِّ خوف
**
بسم الشمامير
والضراع مفتول يشق جوف التراب
شان تحيا ناس
وقع الطواري حلاتو لما يمازج إيقاع الحياة ونقر الدفوف
**
بسم البحر وكتين يلين
ويجي النسيم يرتاح الموية والشفّع عرايا يدفرو طوف
وبإسمهم لمان يروِّحو "ود عِجِل" أو " سيدي أحمد" في صفوف
**
بسم التمر
بركاوي ، قنديل ،
والمدين وكتين يسوِّي أم راس يزربوه من العوين
قلب التمر ، ضفر البروش ،
قطع الجريد ... ونقريشو لي ضُلاَّلة
أو واقود وكت في بلدنا ناسنا يسووا بوش
**
بسم السبيط
طبطابة والآشميقة والمسّيرة
والحبل المبيَّع بالإيدين ..... مليان بَرِم
مكسور تلات مرات
يجيبلو تلات قروش في السوق – عشان ربط الدحوش –
ما يخربن البرسيم ونوَّارو النِّجِض
**
بسم الأرض
والكمتر الشالوهو مقلوع منقرض
والبوغة والموية التّدفِّق تنكسر
وطير البقر دا الماهو داير يتنهر
**
بسم الهجير .. والصيف وحبّات العرق
والفي الشمال ... رغم الضنا
ورغم العنا
قام هبَّ من البيت مرق
وعاد المغيرب للبيوت .. غمران رقد
طعم الكفاح باقيلو أحلى من الشهد
ومرتو اللي جات شايلي الكبابي ملاني شاياً بي لبن
هي تقول له : قوم .. الشاي برد
وأولادو جنبو : أبويا قوم
هيي ... لا تنوم
دايرلي قرشين ... يابا قوم
ديرلي نعلين ....... يابا قوم
دايرين طِرح ... يا يابا قوم
بسم الفرح ... تلقاهو قام
وبسم الفرح أنا داير أقول :
**
بسم الرتاين الفي الديار متوهجي
عاينوها جهرت "ود هناي"
يا أمُّو شيلي ورقِّدي
ما الدارة ذاتا معجّجي
خلق الله لا تتحاججي
أنا قولي لسّع ما كِمل
**
بسم القمر وكتين يهل
بسم القرير دا ، غني وفقير
كبير .... صغير
**
بسم الحفير
حتى الجداول وكل بير
بسم الدلو وساعت النشل
بسم الخلاوي ،
وشيخنا "ابراهيم" ولد "شيخنا العوض"
بسم الكتاب الآيتو تشفى من المرض
الأردواز
شدر الحراز
حتى الطلح وريحة الطلح
والدومي والخرومة والبرم السمح
والساقي والقادوس وسنبلة القمح
**
بسم التُّكُل
ودخانو فوق الدار تعوس سوَّالو ضُل
والصاج وصنقيرة البُقُل
حتى اللَّدايات والدُّقُل
والكسري والقراصة
لاعند العجين الزادو موية لأنو مر
**
بسم البلد دي ... شبر ،،، شبر
الفاس مع القدُّوم ، كمان والكونشبِــر
والطير جميع أصنافو : قمري ، وقنيقرَد
حِمِّير ، وطير الجَّنِّي ، والكُرجي و"حسين كضَّاب"
جنا الوزين يعوم ... والليل برد
**
بسم الشعر
من عِنْ "حسونة" ولا "محمد"
حتى "ود زينوبة" .. "قوتة" ... "بت ود محاري"
وفارس الحوبات "حسن"
بسم الجمال والخضرة والوجه الحسن
غنّالو يوت "حُمَّد سعيد" عبر الزمن
{زولو الوسيم }.. { طيفو الرَّحل } ... ... و {قلبو الجريح }...
{ طيرو البخافلو يجينا بي جاي يتخمل } ...
و{ أخو العزيز} يحيى الولوف ، والعيد كمان
وقولو السمح : {أهدي السلام لي أهلي ديك حبان قساي داني وبعيد }
وقول الخلوق الفيهو يوقد النار يقيد
شان قالوا : عايش كيف سعيد ؟
وان شاالله يا حُمَّدسعيد ، تصيح سعيد
**
بسم المشاوير اللِّي عشتها شايل الأفراح معاك لي كلِّ زول
سهران ... زمن
غلبان ..... زمن
كم حول وحول
وتحوم ، تجول
لا قُتْ فترت ، ولابتقول
ذاكر الأهل
وتغني دايماً للأهل
خلَّد إسم ناس "بت بتول "
**
ومع الزمن يخلد كمان إسمك يمين
متل الشديرة الصامدي فوق "قوز أم شديرة" سنين سنين
تدّي الحياة
معنى الحياة ، وكل الصمود الماب يلين
**
بسم القرابة ، وإلفة ، والريد الشديد
ونغم الطنابير الترن تعزف نشيد
دقّت على دف الزمن إيقاع جديد
رسمت على طين "القرير" ألوان "حجر بت الرسول"
يتراقشن متل الحرير
ويمازجن لمعان هلالك يا عريس
يا خوي وأخوي حُمَّدسعيد
أعذرني .... أبيات القصيد
خذلتني ... ماب أقدر أجيد
ما إنت وحدك في دروب الفن بقيتَ أمير وسيد
ونحن التلاميذ الصغار
من فيضك إتْ نكبر ... نزيد
واعذرني
داير أستمر
لو كان يطاوعني الشعر
أنا كت بقول : بسم الملأ
الليلة بعلن للملأ :
{الحزن تحت المقصلة ...
الحزن تحت المقصلة ....
يا كرنفال أفراحنا طوف كل البيوت
واحضن بلادنا وغازلا
ويا عشّهم
ظلِّل سحابة خير عليهم ورشّهم
بي كلْ عديل
بي كلِّ زين
وان شاالله بالرفا والبنين
وبسم الوجوه السمرا دي
حبوبة : قومي وزغردي
حبوبة : قومي وزغردي

[ود رغيم]

(متين ؟ يا سحابة)

متين يا سحابة ..؟؟ متين ألقى حِنِّك ؟؟
مواسم جفافــــــــــي تشيل تروى منِّك
**
بقيت في انتظارك .. أساءْلَ النسايــم
متين يوم وصولك .. مواعيد مزارك ؟
**
تقول ليَّ إنك .... تطليني باكـــــــر
أشيل الليالي وألاقيـــــــك مساهـــــــر
**
يطول بَيْ غيابك .... تطول المسافة
ويزيد شوقــــــــي ليهن تباشير إيابـك
**
فرح يوم هطولك ، يخلينــــي أهتــف
وأقول لك : حلاتـِـك .. حليلك حليـلك
**
متين يا سحابة .. تمسكينـــي صحـرا
وتسوِّيني منك حقــــول ولا غابـــــــة؟؟
**
زماني المقسَّم ،، جراحـــــات وآهــــة
مكانــــــي الموسَّـــــــــم دريبات متاهة
**
فؤادي المهندم تباريحــــو ، عاهـــــــة
رجَنِّـــــــك دهوراً مطــــــــــوِّل مداها
**
صباحاتي ديلا !!! بــلاك ياسحابــــــة
بتحرد تصابح زهـــــــــور الخميلـــــة
**
بلاك برضو تابــــــــــا تسالم تقالــــــد
شعاع الشميشي العَلَيْ طالعــــــــي دابا

أماسيّ دونك !! يخلِّن عيـــــونــــــــي
يشيلِـــن يكبِّن يحاكِــــــن عيونــــــــك
**
بروقِـن صبابـــــة.. رعـــودِن نغيمـــاً
يموت في غيابك وسط جــــــوف ربابة
**
أماني الطفولــــــة التشابي وتتــــــــاتي
صغيرة وغريرة .. بريئة وجميـــــــلة
**
تباريك تتابعِك .... تحوم كايسي دنِّـــك
بدون فيض منابعك .. تعيش؟؟مستحيلة!
**
كتلني اشتياقي ...وسط نار فراقــــــك
ممدَّد موسَّد ........ رماد إحتـــــراقي
**
لعلَّ التلاقـــــــــي .... يكون يوم حقيقة
يزيد عمري لحظة .... أكان فيهو باقــي!

[ود رغيم]

(مشتاقة لي ؟؟)


مشتاقة لي ؟؟
واللهِ بالأكتر أنا !!ّ
**
واللهِ من شوقي العَلَي
أنا ماني عارف مين أنا !!
أنا هسّه ميت ولاَّ حي !!!؟
**
الانتظار قاسي ومرير
الثانية تتمدد سنة
مشتاق ومشتاق بالكتير
في الاحتمالات والمنى
إتلاشى كالحلم القصير
إتعبَّا واتوجّع ، غُنا
لو بي إيدَيْ كان المصير
أخفيكي جوة الذات هنا
**
أشواقي ليك شهقة غريق
يتشابَى بي آخر نَفَس
صرخات نداهو المستغيث
دوّت في صمت الليل جرس
إستدعى إسمك طوق نجاة
ما كلّ صوتو ولا انحبس
مستني فيك وعد الضفاف
إسترخى بين إيديكْ همس
**
أشواقي ليك ..
ولـَـه القماري وحِـنَّــها
شغَـفَـا ولُهاها وجَـنَّـها
لو فكَّ .... جنّح منَّها
بين الرياح ـ
طلْوَح جناها وطشَّ راح
لكنها ....
بالصبرِ تستنى الإياب
آهاتا ما قسّنها
بالصَّبْـرِ تحتمل الغياب
دمعاتا ما نسّنها
تتلهى بالأمل العــــذاب
ما خاب رجاها وظنها
**
أشواقي ليك
رحلات غيوم من غير بداية وانتها
عبَرَت فضاءات الحنين .. عدَّت حدود الإشتها
يا ريت عشان أوصل أجيك
يا ريتن ، لو يوم كنتها ..!

[شهرزاد]

اليتامـى
الصغيرين .....
اليتامي
البُطان
الياما ، ياما
في الوجود
ماضاقوا فرحة
ضمّة ...
لاطعم إبتسامة
اللّي ما دخلوا المدارس
ولعبوا في حيشانا
قيرة ..
الكراريسُن حِيطنا
الصّويبعاتُن قلاما
في السراب قاعدين يضَرُّوا
والحصاد
يوم القيامة
الحُنان ، الماب يضُرُّوا
الهدايا ....... الماب يخرتوا بلاسبب صفق الشِّديرة
لابيحوا القُمري قيلتو
لاب ينتّفوا ريش حمامة
لاالنَّبل في ايدُن أذيَّة
وما حصل ناشوبا طيرة
اللُّطاف
الما بيَخَتوا
العُفاف
الماب يخُتّثوا
مرة ، بالُن ، للبيدَّي
لاب يبحلقوا في جيوبو
لاب يمدَّوا عليه أيدي
* * *
الشويفعين ...اليتامي
البحوموا
ورا البهايم
في صقاع بيوضة يرعوا
من قبُل ينجض عِويدُن
بي قساوة الدنيا يوعوا
يومي
في صيفا اب سايم
العراريقُن ضراهُن
والسديريّات
فنايل في شتاهُن
العِصيَّاتُن يهشَِّن
وتاني ما فيهن آرب
غير وكِت حالُن يوتِّر حيلن الهالكا اللُّواجا
في الوقاف
ينتكلوا فرقِن
او يميطوا الشوك بشيشي
ولما يرجعوا للضارب
في المغارب
في المطيرات حين يرشِّن
لما تتكسر اللواري
وتعدم الناس الزوادة
ديل يجوك
بي طيبة يجروا
بالوجوه السمحة ... سمحة
فوقا رغم الحزن ، فرحة
كل واحد بي قفيفتو
فيها كم بسمة وزيادة
والبيدِّي ،علي الله أجرو
* * * اليتامي .......
العدَمين
الغلابا
المتعَبين
المساكين
الضَّعاف
البيحلوا بي رغيفة
جوعي
والغيرُن بطون فيها كُلْ ما يسري يمري
الفتاري
المراهقين
البلاقوا الدنيا داجِّي بابا مقفول في وشيهن
البيهنقلوا بالشوارع
من طرمبة ولي إشارة
طول نهاراتُن يدجّوا
في شمش موقودة نارا
والكريعات ماب تشيلُن
من كتر ساساق مشيهن
ولما يرجعوا
لي جحور الطين ، يساهروا
وحس مصارينن يصيّح
الصغار بايتين قواهن
هدّ طول الجوع قواهُن
للفرج من لله يرجوا
* * * *
اللّي مخلوقين كأنَّو
للدرادر والشقاوة
جوة عالم
جنّو منّو
إنقطع طار طاري حنّو
لما يوم العيد يعدِّي
لايجيب كدي .... لايودَّي
هُن يعيِّدو بي سفنجة ...
فردي
او مرات حفايا
البتكسي عرا جليدُن
فد جليليبيّي
واحدي
إتهرت
وجدعوها غيرُن
البمطَّقوا في دموعُن
بسكويتايي وحلاوة
وبرضو راضين بي مصيرُن
* * *
اللي حكمة الله قالت
يي القدر ، والدنيا شالت
منّهن عطف الأبوة
شبَّوا ، والحرمان بِراَهُن
تاتو في الأحزان بَرَاهن
الفقد حزنو البراهن
الفقر كتَّف خطاهن
واليتم واقف وراهن
* * *
أمّهُن
يا (يابت بلدنا)
ياالمحزّمة داقّي صدرك
واقفعي في وش الليالي
والمهيرات المعاك في كل خطوة
عزمهن والهمة عالي
العوافي عليك عوافي
يامدفّقي (خيرو سلوي)
اليتامي البي مصيرن
صبحت الناس ماب تبالي
دثريهُن ... بيت ومأوي
بلَّي ريقن جغمة جغمة
فكَّي ريقن لقمة لقمة
وقّفيهن حيلُن أوبح
حيل قوي وساندا هو عافي
هبّي فوقن نسمة نسمة
جودي بالحن والطراوة
إنتي إمهن ....
ابقي ابوهن
وكت ابوهن
قدرو حتّم
ولما قاموا لقوهو ما في
ياحليلن .....
ديل معاك ما ضاع شليلُن
لاعواصف الهم تشيلُن
أكفليهن ، ، ،
والبعينك في عطاك
الرب كفيلُن

[شهرزاد]

بحـر المـودة
شوفي الزمن يا يمه ساقني بعيد خلاص
دردرني واتغربت واتبهدلت وريني الخلاص
ساقني القدر منك بعيد لآذيا كاس جرعني كاس
يا يمه يا فيض الحنان الما كمل
يا يمه يا بدري البشع دايماً يهل
يا يمه يا نور الصباح وكتين يطل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
يا يمه يا نغماً حنين بالشوق يرن
وأفكاري فيهو بيرتعن … دمعاتي شانو بينزلن
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
والساعة ديك يا دوب ديكنا بدأ الصياح
والطير صغاروا يغردن
جبتي اللبن بي انشراح
وأتذكر يا يمه في وكت الهجير
صالياك نار الدوكي عستيلنا الفطير
رشيتي قلتي أكلوهو خير
وأتذكر يا يمه يا بسمة الطفل الغرير
وكت الخلوق ترقد تنوم وأسهر براي
أرعي النجوم
والشوق يرف جنحيهو بي فوق لي يحوم
وأهتف باسمك في الخيال
طيفك كمان بي فوقي جال
وأتمني لو لحظات يدوم لكني فجأة ألقاهو زال
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
واتذكر يا يمة والناس قالوا راجعين البلد
رصوا الهديمات عدلوا ركبوا اللواري وقبلوا
خلونى وحيدى بلا انيس
كيف إنفرادى إتحملوا
شالوا السلام من عندى ليك
وإن شاءالله عندك يوصلو
يايمه ساعت يوصلوا ويقولو ليك
شفناه فى بلد فى بلد الأمان
انبسطى يا نبع الحنان
وانا حالى يشهدبوا الزمان
يايمه رسلى لى عفوك
ينجينى من جور الزمان

[شهرزاد]

سطاشرات الظلم
يلا يا نيل يلا ... دفق
لينا كب خيراتك .. أدلق
الجروف ..
عطشاني ضُمّه
المحل ...
في دارنا عمّ ...
أروي يا نيل أروي ثم
في مسارك ..
هد سجون سطّاشرات الظُّلمِ ..غرّق

***
في البيوت نصبو المشانق
الدّغيش ... صلبوا الطفولة
داسوا قيمة ابن آدم ....
والتسامح .. والفضيلة ....
كتفوا الوردة البريئة
وفي احتفالن بي ذبولا
جابوا رصولا الجحافل
شان بتتفلت ..... تناتق
أروي يا نيل أروي ثم
في مسارك ..
هد سجون سطّاشرات الظُّلمِ .... غرّق

***
ختوا مرودان مَحَمَّى
فوق ضهر وطناً ممدّد
عضَّ لامن صبروا دَمَّم
لحظة تب ما انصر غَمَّد
بالعنج جلاّدو واقف
ليل ... نهار ..
يدِّيهو جَوَّد
الملح لي نزفو مَرتِق ..
والقيود في إيدو جرتق
أروي يا نيل أروي ثم
في مسارك ..
هد سجون سطّاشرات الظُّلمِ ...غرّق

***
ساطوا عين عين الحقيقة
لفوا أعناق الحقيقة ..
خمسة فوق اتنين حِداشر
وخمسة من عشرين حداشر
الرصاص جوه المدارس
الكتاب تحت المدافع ...
السحاب بالواطة يجري
الجداول يابسي طايري
الكتر .... سَمّوهُ زهره
حتى سَمّو ..
" الليلي " بكره ..
تسرق الايد البتحكم ..
وتحكم الإيد البتسرق
أروي يا نيل أروي ثم
في مسارك ..
هد سجون سطّاشرات الظُّلمِ ...غرّق

***
شطبوا من قاموس بلدنا
كل دالة على ا لرجالة ...
طرطشوا الشافع المدردح
علَّموهو على الدغالة
والمصاقر الشمس يبني
والبشيل المونه يقنت
جروا من تحته السقاله
بدلوا الكان إيدو تزرع ..
شهري صار يرجا الحواله
من جنا الفي الغربة يشرب
من شقا المر للثماله
اللصوص ...
غدروا العروسه
الكلاب ...
عَرَّت جمالا
شان عريسا .... البكره سيرتو
يبقى يوم فرحو استحاله
من عبرتو اللقمه تزرد ...حلقه
ماب تندلا ..
تخنق ....
أروي يا نيل أروي ثم
في مسارك ..
هد سجون سطّاشرات الظُّلمِ ...غرّق
* * *
قصوا جنحات الخُداري
دسوا قوقاي القماري
كبوا في قدح المحنَّه
سم عقابيل المظنَّه
ضيعوا الذات والهوية
خموا من كومنا الشويه
خَتُّوا بالن لي قمحنا
باعوا قبال ما ننورق
أروي يا نيل أروي ثم
في مسارك ..
هد سجون سطّاشرات الظُّلمِ ...غرّق

* * *
الذئاب مطلوقه تنهش ..
... يابا ...
عنوان االقصيده .
تبرز الأنياب تكشِّر
في وشي الفكره الجديده ...
تقرُش ..
اللوح .. والدوايي ..
والحروف تقطع وريدا ..
قاعدي للتاريخ تغالط ...
مادي ... للمنطق لسانا ..
تشكي من تُخمة بطونا
ناطّي ... فوق معلاق عشانا
فاكري انه الليل مكتَّف ..
ومستحيل .. الشمس تشرق
أروي يا نيل أروي ثم
في مسارك ..
هد سجون سطّاشرات الظُّلمِ .... غرّق
* * *
ولما روح الصَّبرِ ..
ضاقت ....
ضُمَّه من صبر الغلابا ..
قامت .. المكتوله تدبي ...
وسمعت الكوراك ... في غابه
الشِّويفعي .. الدَّابا ... يافعي
طنطنت .. جدعت كتابا
والمرق كايسلو لقمه ..
صدَّ .. والفي ... إيدو سابا
التِّمير... العودا عوبَسْ ...
قال : " محال ... انشق " جرابا
التقاوي .. أبا .... حتى .. يطلع
زرعو .. من بطن السَّرابا
القِميره .. انضارا نورا
ضَلَّمت ... درعت حِجابا
بلعت الأوتار .. نغيما
دومَسَتْ سكتت ربابه
" نُص رجب " حلفت تصومو ..
بايتي عطشاني السحابه ...
والسؤال ... " لمتين "؟
مسمَّر في انتظار.... فرج الاجابه
والإجابه
دون معاد ..
الكون تفجَّر ..
في وشي " الحربا " .. وصحابا
الجموع .. بي قوه هتفت ...
زلزلت ... عرش العصابه ...
هادره .. والعصيان سيوفا ..
ومطلق الإيمان ... حرابا ....
" ثورة .. ثورة "
" ثورة ... ثورة "
ثورة ... كل ا لشعب قائد ...
سكَّة أكتوبر مَشَابَا
دك .. " أمن الطغمه " أقسم
تؤخذ الغايات غِلابا
وفي سبيل العزَّه .. أهلا ..
بالرصاصه .. ومرحبابا ..
ضحى .. بي شهداهو .. صمم ..
دق للحريه ... بابا ..
أصلو لمّا ... الشعب يأمر ..
تبقى ..
لازمه الاستجابه ..
" والوصيَّه ... الوصيَّه "
القصاص .. لا بُدَّ مِنُّو ..
ونبقى .. ميَّه على بلدنا ...
ونبقى ميَّه على ترابا

[شهرزاد]

الخرطوم .. بدونِك

الخرطوم بدونِك ..!!
ضهباني ..
وتفتِّش لى واحات عيونِك

**
تاهَت في الهجاير
باهِت لون جبينا
تتلفَّت تعايِن
مالي الشوق عيونا
تتعشَّم ، تصادفِك نظراتا الحزينة
تصغر بين زحاما
وتصبح ما مدينة

**
يكسي الليل بيوتا
وتتوشّح ظلاما
يحكى الحال سكوتا
ويتبعثر كلاما
فقدت يوم رحيلك طعم الابتسامة

**
النيل .. فوق خدودا .. دمعة بكت عليكي
قبلِ يحين فراقِك
ملتاع مشتهيكي
لو يقدر .. يغيِّر مجراهو ويجيكي
طافت بين ضفافا
كايساكي المراكب
وقمريّات تنادت للعُش في المغارب
والعُش.. يا حِليلِنْ .. عَصَفَتْبُو الهبايب

**
أرصفة الأماني .. طال فيها انتظارا
ساعت اللقيا عدّت .. وفات ميعاد قطارا
هزَّتْ راسا
بِلْعَتْ غمَّها وانكسارا

**
فاقداكي المآذن ..
واجراس الكنايس
لماّت المآتم .. وزفّات العرايس
السُّمرة الأصيلة .. وايَّاما العوابس
هجرات الغمايم
واطفال المدارس

**
تسألني الشوارع
عنَّك وعن مكانِك
جلسات الفتارى المنتظرين أوانِك
همهمة الحيارى .. والباكين عشانِك
الناس يسألوني
واسأل غيري عنِّك
سبب الفُرقة نحنَ .. ولاَّ الجفوة منِّك
وليه الغيبة طالت؟؟
ليه يا المِشْتَهِنِّكْ ؟؟

[شهرزاد]

الصداح
قول واطربنى يا صداح
علِّى من العذاب ارتاح
***
زيد فى اجمل التغريد
بسكر وابقى ليك عربيد
***
جيب سيرة اميرة الناس
ما انت وانا الجلاس
***
بهديك كاس وكاس من راح
عد ايام زمانى الراح
***
فر جنحيك ظلال غيمات
وعطِّر ليلنا بى غنوات
***
سو سيرة العديل والزين
فوت لى زولى رمشة عين
قولو الفرقة ما بالايد
قلبى اتحش حش بالريد
لا متين لى يسووا الفال
وامى تقولى يا البلال
***
غرد فى سكون الليل
بى حساً شديد بالحيل
لا تسكر تغبى تفوت
ما ب يفرقنا الا الموت
***
رسل لحن زى مامان
خلنى ها الاظل طربان
شان نطرا الحبيب الغاب
ده الما جانا منو جواب
***
طول غيبتو جات لي حول
دار يكتلنى انا المكتول
لامتين لى يعود فى يوم
ان شا الله السعادة تدوم

[شهرزاد]

بعض أشواقى
تفضل أيها الساقى
وخاطب انت اعماقى
وقل لى ايها الساقى
بحق شرابك الباقى
امافي الكاس يروينى ؟؟
لتزهر كل افاقى؟؟
واعزفها مزاميرى
تترجم بعض اشواقى
وأشواقى !!
اتدرى ؟؟انت لا تدرى
اما كانت
ينوء بها مكان القلب من صدرى
اما كانت
حصادالعمر من عمرى؟؟
وغيثا صب فى قفرى؟؟
واشواقى
اتدرى ايها الساقى
لقدكانت مزيجا من ترانيمى
واسفارى وتهويمى
ورحلاتى بلا كل واشفاق
معى دينى
لدنيا انت تعرفها ابث بها تعاليمى
وزادى كان ايمانى
واشجانى والحانى
وحبا ظل يا ساقى
يهدهدنى ويملا كل اركانى

[شهرزاد]

إتنكــرى
إتنكرى
سوى البيبقالك عديل لى فى صدودك كترى
اوعك تحنى على تيهى ...واغدرى
زى ما صحابك قالوا ليك انسيهو ما تتذكرى
انسينى ما تتذكرى
وتابعى الوشاية واغدرى
اتنكرى
وبكى العيون ما ترحميهن ... وسهرى
ماب تقدرى
وعارفك بلاى ماب تقدرى
شيلى السعادة ..عذبينى ودردرى
وخلى الموع فوق الخدود يجرن جرى
اوصيك ما تتكبرى
وعارفك بلاى ماب تقدرى
ولوتقدرى
فى يوم لقانا اتاخرى
كان ثانية بس اتاخرى واتعذرى
لكن محال حا تبدرى
وبلقاكى واقفة تفكرى
ومرات براك تتحيرى
يسرح خيالك فى لقاى تتذكرى
بالك يغيب وتودرى
ولمان اغيب تتكدرى
تبكى وتوصفى ..(مزدرى)
ليلك يطول بيك تسهرى
***
عارفانى عذرك بقبلو وتتعذرى
وعارفانى بغفر ليك كمان تستغفرى
تستغفرى وتتعذرى
يا سمحة لمان تكبرى
حا تعرفى ليه ما بتقدرى
وعارفك بلاى ما بتقدرى
والله احلف ليكى وبيك ما بتقدرى

[شهرزاد]

الدنيــا
خربانى ام بنايا قش فراقة الحبايب
مالا الدنيا دار الغش تكتر فى النصـايب
كت عايش مع محبوبتى مبسوط خاطرى طايب
جاتنى الدنيا قالبى وشيها ورتنى العجــايب
كل املى البنيتو اتهد واصبح كوم خرايب
اطلال تحكى للما عرفو كيف قاسى النوايـب
كالمجنون بلاهى برايا فى الضحى والمغارب
فاقد رشدى ناحل جسمى لونى اصفر شاحـب
فاضلى الجتى لى فى الدنيا والفكر اصلو غايب
صر ما بفرزالنس ديمة حتى اهلى القرايــب
روضى الكان زمان نسامولى زهرو بيداعب
مالو الليلة لافحة سمومو كتاحة وهبايـب
والناس ما بتـــريح ذاتا كــــم لله عـــاتب
زاد لى الملامة وقالى مجنون وانت صـايب
غنيت ما نفعنى غنايا عاد شن لى جايب
بس ساكت معذب قلبى ديمة انا ليهو خـارب
صر زى القمارى الدايحة شايلة الشوق تغالب
زى زولا بعيد فى غربة ما اظن تانى ايب
والنار بين ضلوعى لهيبا قاصد قلبى طالب
اه يا قلبى شقيش تمشى اخير لك تبقى تايـب
غايتو السلوى يا خلايا واصحابى الاطايب
فى طنبورى ،فى نغماتو ديمة قليبى دايــب

[شهرزاد]

بعدك طال على

بعدك طال على وانا قلبى متوجع
متعلعل رقد بى صبرو متذرع
كلما دق اشوف دمعاتى بترع
ساوى الخد دريب جات لا تحت تسرع
مرات العيون تبخل هى ما تدمع
للجوف الحرق عطشان عى ما تدمع
برضى على العلى انا قت اغنى ابدع
القى غناى الم فى حشايا متقطع
كل بيت من قصيد كاس ليهو متجرع
بجتراهو ذكرى ومانى متورع
يوم من تالا زولى انا جا السحاب مسرع
عبادى البريق شايل قصادى يشع
اه انا يا سحاب شيل قلبى امش ودع
خلنى ها اللموت لى سيدو هاك رجع
حبيبى انا توب فرح لى بيهو عود قنع
باقى انا بى ضناى طولت متلفع
قوليهو الفريع الكان زمان يانع
كان شايل الثمار بى شيلو متفدع
والكان قمرى فوقو يزوزى متربع
شايلاهو الهبوب جاى غادى لى تجدع
واليوم فى العمار قادل جا متسكع
حامى النوم عينى ده حسو بيعلع

[شهرزاد]

وطن واحد
وطن واحد .. وطن واعد
وطن واعـــد .. بغنِّيلو
موحَّد .. والمصير واحد..بغنِّيلو
وطن من كسلا للفاشــر ** وطن من نمولـي لي حلفا
وطن بالوحدة يتعافــى ** ربوعـــــو تعمهــا الإلفــة
يقيف ناهض على حيلـو
شمالو البي الجنـوب قـوَّة ** جنوبـو مع الشمال خُوَّة
غربـو ال للشـرق يهوى **وشرقو مع الغـرب يقوى
سلام .. .. والناس تناديلو
وطن ما فيهو قبليـــــة ** ولا نزعـــــة إنفصاليــة
وطن زنجيتو عربيـة ** وعروبتو السمـرا زنجيـة
سوا سوا .. كلُّو حريـة
سوا سوا يا بجـة ونوبة ** سوا سوا ..فور وشايقيـة
مسيرية وشلك ، دينكــا ** سوا سوا زانـدي ، لاتوكا
وطن حق كل زول .. هولو
سوا سوا صحرا والغابة ** سوا سوا وحـدة نرضابا
سوا سوا نخلة وابنوســة**روا روا فوق ضفـاف نيلو
وطن واحد .. ولا غـيرو ** جميـع نتهنى بـي خيـرو
نغــني مع عصافيـــرو ** وننقـــرش فـي طنابـيـرو
نصفق له ونراقصو نشيل شبابيلو

[ود إدريس]

مشكــــــــــــوره الرائعه والمتوهجـــه .. شهــــــــــــرزاد
وأنتى تزينـــى هذا المنتدى بهذه الروائع لهؤلاء الشعــــــراء
الذين حفظنــــــــــا شعرهم عن ظهر قلب ....
إبــــــــــــــــــداع ... تسلمــــــــــــــــــــى

[شهرزاد]

يا حالبة
لحن :صلاح عبد النبي
يا حالبة من عينِي الدموع .... يا صالبة فوق وتري الرنين
لا ليكي متمنّي الرجـــوع .... ... لا تاني عاودني الحنين
**
مهما يكون ريــــدك قدر....... ما بتبقى مأساة عمري فيك
لا بين إيدَيْ قلبي انكسر ...... لا سايبو مرهون بين إيديك
ما بشقى بعدك بي سهر ...... دي الدنيــــا ما وقفت عليك
**
أدّيتك الريد الهطـــــول ....... زيّــنـتو بي زخَّات مطــر
طول المواسم والفصول ....... في سكَّتِك رفقة سفــــــــر
لكن قطارك فات عجُول ....... وانا ريدي ليك مدُّو انحسر
**
لو إنت يا مفارقاني - ريح - ما ليك سكون ، لا مُسْتَـقَـر
أنا نسمة ، في الزمن الجريح .. حضَنَتْ ندى الصبح الأغر
بالصدق ، بالبوح الصريــح ... بهزم فواجع المُسْــتَــتَـــر
بنساك ، وبعدِك بستريــــــح .. مابفني عمري وراك ، هَدَر
لا الآهة بكّمت الفصيـــــــح ... لا الدمعة ذوَّبت الحجـــــر
لا من حشاك طلع المسيــــح .... لا كنتِ مريم في البشــر

[شهرزاد]

مشكــــــــــــوره الرائعه والمتوهجـــه .. شهــــــــــــرزاد
وأنتى تزينـــى هذا المنتدى بهذه الروائع لهؤلاء الشعــــــراء
الذين حفظنــــــــــا شعرهم عن ظهر قلب ....
إبــــــــــــــــــداع ... تسلمــــــــــــــــــــى

لك التحية أخي ود إدريس
وأنت تزين القصائد بحضورك الأنيق
وروحك الشفيفة ...
كن دائماً هنا ..

[موسى الحسين]

الغالية شهرزاد
متابعين جهودك الجبارة في التوثيق لشعراء المنطقة
وفي إنتظار المزيد
الناسينا
سفري أربعاء وعقاب شهر
ودمتم

[شهرزاد]

الغالية شهرزاد
متابعين جهودك الجبارة في التوثيق لشعراء المنطقة
وفي إنتظار المزيد
الناسينا
سفري أربعاء وعقاب شهر
ودمتم

الأخ موسي الحسين
شكـراً لوجودك هنا ....
مداخلاتكم تسعدني وتدفعني للمزيد من الإجتهاد
كن بخير ,,

[شهرزاد]

البني الخديره الفنجري
البنيي يا الخديره الفنجريي
الشتيلة الشاربي من
نفس النسيمات الندي
***
المطيرة الصابي فوق جدب البيادر
يا محطة شوق مسافر
كل من صخب البنادر
***
يا بشارة يوم رجوعو
خفقت المابين ضلوعو
نور شموشو الجات توادع
في الفجر لحظة نجوعو
***
ضاوي فوق خدرة جروفو
من حنانك لون حروفو
الاستجاربها من ظروفو
ومن كواني بحر زمانو
الافحي طوفو
***
ضمي من قدر الدميري
وضاري من وهج الهجري
هونيلو قسا العسيري
ومن ضفايرك وسديهو الليل حريري
***
هدي روعو والتياعو
قوي بي حبك ضراعو
باقي داخرك في السفر
ذادو ومتاعو
***
نسي نوح زمن الندامة
المنو سارق الابتسامة
كوني لي عطشو الغمامة
رافقي تاتي وابقي
لي دربو السلامة

[شهرزاد]

آخــر المطـاف
الريد بنيتو معاك أنا .. وختّينا ساسو .. حجر ، حجـــر
ليه ألقى في آخر المطاف إتهدّ بنياني اتكسـر؟
***
يا الكنت في دنياي شموس وانا كنت في دنياك قمر
البينّا كان مضرب مثل ، ملء السمع ...ملء البصر
نتهنّى بي صفو الحياة ...ماب نشقى ، ماب نرد العَكَر
نتقاسم الهم والفرح نوم عافـي أو مُر السهـر
الليلة صابت ريدنا عين ..قلبت حياتنا أسى وكدر؟
ولاَّ المحبة بقت سراب ..؟ واحساسك الغامر فتـر؟
***
قول ليّ مالك يا العزيز .. غراك جمال أخرى وأسـر؟
كان الجمال بقى كل شي ...قرّب قريب ،، كلك نظر
تلقاني رغم شقا السنين ما شال نضار عمري الدهر
وإن شالو كان ليكا وفداك حتى إن بقالي سبب ضرر
***
اخترت بي طوعك سواي جاييني تديني الخبر؟؟
الدنيا غمت فوقي غم وانا قلبي حسيتبـو انفطر
رغم انو وقع الصدمة مر ، فوق احتمالات البشر
بس برضي صابري على العلي والصبر نعمة لمن صبر
***
فاكر زمان ، سالف العمر ، ساعت بدا المشوار معاك؟
يوم كنا عصفوريــن صغار لا ليك سواي، لا لي سواك
مابْ انقُـد الحب ، يوم براي، لا بستريح في العش بلاك
لاب تنفض الريش لاب تطير فد مرة في الآفـاق براك
تلقانـي ساعت الريح تهب مطامنة جنبك في ضـراك
يا الكنت لي عيني الجفون وانا عينك انت على الشِّراك
***
أنا وانت كنا كما الشجر والريد أرض شايلي الجذوع
أطفالنا ديل عز الثمر ...... منتاكي فدّع للفروع
الليلة ناوي عديل تفوت ؟ في بيتنا دار تطفي الشموع؟
ليه دار تبدل بسمتى وأفراحي .. بالنوح والدموع؟
الدهر بيغيِّر صحيح ..... معروفة والإنسان جزوع
لكن متانة الكانَّة ليك .. في المحنة صارت لي دروع
أنا ما بسيب هيجة العصار تنسف ثبات قلبي القنوع
منتكلي فوق ريدنا القديم.. متماسكي متحاشي الوقوع
***
ما شفت نظرات الصغار ملياني دمعــة وكم سؤال
يا يابا وين فايتنا وين ؟؟؟ يايابا صـد وارجع تعـال
يا يابا عارفنك رصيـن في العقل توزن كم رجال
يايابا كيف للبير ترد ؟؟؟ وبيـــن إيدك النيـل الزلال ؟
فوق أُمَّنا آب نرضالنا ضُـرْ..يايابا حتى ان بالحلال
وعشانك انت كمان نخاف يايابا من سوء المآل
***
عارف سعادتك كل مناي .تنقـــر على الوتر الضعيف؟
داير تفوتني وبي رضاي ؟ انا في طريقك ماب أقيف
بس دايري أهمس لك واقول بالصدق والبوح الشفيف
ما قصدي استجديكا حِن أو عطف بي قلبي الرهيـف
ياني الزماـن لي هجعتك فاردالك الضل الوريف
ياني الزمان لي مسرتك جالبالك الغيم في الخريـف
داير تفوت لي غيري؟ حق .. ليك حللو الدين الحنيـف
أنا ببقى عشــرة على الولاد في ظلمة الليل المخيف
حكِّم فـــؤادك وحكمتك يا تومي يا اب راياً حصيف
الغيري ماب تديكا غيـر حفنة شعور ملياني زيف
الغيري ما ب تقدر تكون النسمة ليك لو حرَّ صيف
ماب تبقى زيِّي من العطش يرويكا نقَّاعي النضيـف
***
أنا أم جناك الماب تغير من ضرَّة لا دايري الفـراق
العشرة ما هانت علي وابغض حلال الله الطلاق
شان خاطر الماضي الجميل لا بالرياء لا بالنفاق
الباقـي من عمري الفضل ناذراهو ليك ريد واشتياق
لو عِشْ جسد ما فيهو روح وازددت في ناري احتراق
رضياني ،، ما الشمعة بتذوب ،في الظلمة يفضل نورا باق
من بوست لماذا يكون التعدد هاجس لدي المرأة
للغالية (بت السكاسيك) .

[شهرزاد]

ياشـــول
عقيدتي وديني إسلامي
يا "شول" ليك ديانتك
تراب سودانا ليناسوا
تعال شأن جرحنا الدامي نجد نزفه ونكوس له دواء
***
تملًي عدونا متربص ، يصد المثلي والمثلك
نصب دولارو ، شرك لي ، يمد اللقمة قانص لك
ولا هو جواد ولا بيحجز
يهد ساساتنا شان يركز
يدور يحلب يمصًرنا
رماحنا يفرًقن عنوة
نهون ، فد إيك تكًسًرنا
***
غروب شمس البلد داني
روت من دمنا القاني
تعال نبقي الفجر ثاني
تفجر صمتو أجراسك
تعانق روعة الداني
تكون الركعة لي الله
تصادف دعوة الصلي
***
عشان اليوم قبل بكره يطيب جرح البلد يبرا
تقوم تقدل بعد عترة تجول في الدنيا منتصره
تحقب زادا بي بقرة حريف أو لفتين كسرة
تحرق الجمرة واطيها كفانا كفانا نتحَرق
كفاها بلدنا ما بيها حرام بي إيدنا نتمزًق
تضيع في اليم جواريها منو البسلم وكت تغرق
دسايس الفرقة مرفوضة تبور في سوقا معروضة
نحرق ونصلى بي نارا لسان العملا تجارا
تعال سوا نقلع الكاكي نآسي اليتًم الفقرا
***
نداوي الشافع الباكي
كلانشنكوفنا طورية
أزيز مدفعنا نقارة كتايب الحرب طنبارا
انين المننا استشهد ترانيم غنية نيلية
حروفا إندونت عربي منقًطة وشمة زنجية
***
تقالد "حلفا" " توريتنا"
بلدنا السهل والغابة أرضنا وضلنا وبيتنا
***
سلام يا "شول" على "مريم" يجر نعش الحب ناعي
حمامة وعنكبوت يبنن دروع الخالق الراعي
نسايم السلم تتسخر تهز بشويس جذع نخلة
رطب لي "منقو زمبيري" بشاير بي قدرة الله
***
وسط رحم البلد ينبت
سلام لي منقو زمبيري
سلام ياشول على مريم
سلام بيهو البلد تسلم
سلام بيهو البلد تسلم

[شهرزاد]

ممكنة
يا اللأنك ..فى وجود الامكنة
وفى خلود الازمنة متحكرة ومتمكنة
ممكنة ...
سر حقيقتك ما مجاز
مستحيلك ..
غصب عن قيد الليالى المرة جاز
يا البنلقاك فى منافينا الملاذ
واندفاقات الرذاذ
كلما الصيف حاش خريفنا
ولح روح شدر الحراز
ممكنة ...
يا اللى حنك فجَر الفرحة اهتزاز
فى سكون المنتميلك باختياراتو العزاز
بى قناعات انو زولك
وانو هولك ادى فرض الانحياز
ممكنة ...
يا اللى عنك كم بنهمس بى حكاوينا اللذاذ
او نونس طفلة ترسم وطفل يكتب باعتزاز
عن حضورك حجوة فوق لوح اردواز
انتى جيتك تكسر الصمت البهضرب
بالعيون الشاردة فى النوم الخزاز
انتى جيتك تكسب الاحلام الى الواقع
نفاذا واستطاعة الاجتياز
وانتى جيتك تضبط النغم النشاز
تبقى للنخل البميل استنادو وارتكاز
تدى قمرات العشية لاستدامة الضو جواز

[شهرزاد]

أرض الله
ارض الله الشاسعة وواسعة
ضاقت فى عينى من دونك
شارع شارع وانا اتلفت
حايم لاف كان القى عيونك
جوة عيونى ملامحك دمعة
زاد مشوار الدرب الكايسك
ماشى عليك ما خنت السكة
متمسك بك وبيك متماسك
لا جهجهنى البعد القدرى
لا همانى العارض الحابسك
داخر عشم القاك ومصمم
متقوِيبك جابدو وماسك
آه يا طفلة فجر احلامى
فى الاعماق رنت اجراسك
انا بندهلك لا تندهدهى
عجِلى جيتك تالا مدارسك
للمرقات رتبت ضفايرك
باللولاى دللت عرايسك
ليك حاحيت غربان الفُرقة
واستنيت فى الشاطى نوارسك
كل ما هبت وعدت نسمة
اشهق منها حر انفاسك
افرد حضن الشوق لى حضنك
وكل ما افتش فيى الامسك
انتى معاى فى غيبتك عنى
منى ومنك جواى داسك
قاسمتينى الروح والنبضة
واتقاسمت معاكى حواسك

[شهرزاد]

أفتش لك
افتش لك
وكت اضهب
وسط ليل الضنا الودر على اثرك
حرس كل الدروب .. قنَب
***
الاقيكى ..
نجيمة تضوى قدامى
اماسى سنينى وايامى
قوافل الشوق تقوم ترحل
عديل قاصداكى ما بتتعب
***
افتش لك
وكت بحر الاسى التسب
تماسيح موجو والشيمة
على فى نصو تتكالب
***
الاقيكى
جروف آمالى قاصدانى
ايديك ممدودة خاتفانى
على كفيكى شايلانى
تجاه بر الامان مركب
افتش لك
قسا الايام لدغ عقرب
فراقك سمها الهارى
قطع اوصال شرايينى
يفور فى الجوف اهضرب بك
اناجيك والفكر غيب
الاقيكى
بسيمة تلوح امام عينى
دموع ريدك تآسينى
حنان الهمسة واللمسة
بلاسمى اكركعا واشرب
***
افتش لك
سموم الدنيا كتاحة
هجاير فُرقتك مرة
متل اقدارى لفاحة
كما الازمان دواليبا
تدور وتدور وتتقلب
***
الاقيكى
نسيمة على الشِتيل هبت
سرت فى روحو واتربت
كِبر واتنفس العافى
قَلب رطبو وشرب لونك
مندِى متل نداك رطَب
***
افتش لك
بكا صخرك عليك يا خنسا ما كفََى
تقيد نيرانو جيبة اسمك
يلوحلو على الطلل رسمك
يفرتق جرتقو ويرحل
يموت لا سيرة لا زفة
رحيل لا قِبلة لا مذهب
***
الاقيكى
وِشى امى اليصابحنى
كلام اختى اليفرحنى
حنان بتى التداعبنى
تكيل فوقى التراب تلعبافتش لك
وتر محزون بكى اتعذب
وكت رمت الهدم ثاكلة
جرت ندبت بكت لطمت
خدود فجر الغنا الغرََب
الاقيكى
قمارى تقوقى حامدى الرب
حمدتََ الرب تسابيحى
غناها يزيل تباريحى
اقيف وسط الخلوق عشقان
اغبِِِى واترجف واطرب
افتش لك
سراب صيف ما دنا وقرََب
قطع نفس الامل حسرة
مبارى وما انقطع عشمو
فقد راس خيتو واتوهدب
الاقيكى
لقاك بالدنيا والفيها
ربيع ما اروع اللقيا
رحيق ما ابدع السقيا
مقيلى معاك وسط واحة
يعيد للفرحة افراحا
سحاب طوالى دار دمعو
يجود لا غشََ لا كضََب

[شهرزاد]

الوداع

لسة ما كملت سعادتى .. بى وصولك ودار تسافر
الوداع انا اصلى عارف .. قدرى كاتبلى الـــدرادر
يوم قدومك حالى اصبح .. كالربيع يغشى الازاهر
واستحال حزنى المدفن .. فرحة احــكيبا واجاهر
طلة نور البهجة ساعت .. نور محياك جانى زايـر
الوجود الكان مضلم .. فجأة حسيت بيهو نايــــــر
شوفنى شوقى الفى عيونى.. داير اضارى ومانى قادر
اللسان كان غلبو يحكى .. والدمع فاضح المشاعـر
فيك لقيت املى البكوسو .. رجيتو طول العمر صابر
ما بصدق كونو القا .. وين بيتلقى حلم عابــر
ودار تسافر ما اظنك .. للبيبقى وراك خابــــر
يتقطع راس خيتى وابقى .. كاليتيم فى الدنيا حاير
اشقى بى سهر الليالى .. بى غدر زمنى المكاجـر
واستعيد الماضى علك .. لى زمانا الولى فاكـــر
لو نفد قدر الله فيَى .. وليك نعونى من المنابـــر
لا تنوح شن بسوى باقى .. ما زويل غناى وشاعر
الوداع آه موج اساى .. وراك شوف كاسحبى دافـر
ما لقيت فى قشة امسك .. الوداع فى الدنيا بعدك كل شى شايفو غريب ونافر
لا غنا الاطفال غناهن .. ولا ازاهر الـروض ازاهر

[شهرزاد]

قلبى ولهان
قلبى ولهان .. قلبى يا ناس .. قبلو عاد وحيدو
راح ضهب تاه .. كتر الآه .. دار يموت بى ريدو
العذاب طال .. هادى والحال .. لما كشكش قيدو
لا مرق حام .. لا رقد نام .. جفنو طال تسهيدو
دمعو سال كاب .. شوفو يا صحاب ..منحوا ابكو وزيدو
جيبو اخبار .. اقرو اسرار .. فى عيون مريودو
وصلو القول .. قولو مكتول .. جيبو زكرو وعيدو
كان هو بيحن .. ورو كيفن .. دا المصير بى ايدو
قلبى بالليل .. باقى بالحيل .. النواح بيجيدو
صارع الهم .. مابى ينجم .. بيهو عالم سيدو
كان مشى الدار .. للحبيب زار .. يبقى داك يوم عيدو
دابو ينعم .. وبرضو يسلم .. من زمانو وكيدو
عارفو فنان .. يرسل الحان .. يا حلات تغريدو
بالحنين ذاب .. غنى كم جاب .. كان غناهو يفيدو
ترجم احساس .. جابوللناس .. زادو فى ترديدو
غرد الكون .. كلو مفتون .. باسمة ترقص غيدو
للقرير داك .. خلى قوماك .. يلا ننظر صيدو
تلقى كيف كيف .. حتى فى الصيف .. خلفو جارى وليدو
فى التمر فوق .. تسمع القوق .. دا الدباس بنشيدو
بالبلد طاف .. ما جفل خاف .. ما الخلوق بتريدو
قوس قزح بان .. للسحاب كان .. زى عقيد فى جيدو
والفرح زاد .. والغصن عاد .. حلوة نايرة ورودو
والبرق فر .. مرة كركر .. غيمنا رابطة رعودو
الرذاذ رش .. خضر القش .. تانى زاد فرهيدو

[شهرزاد]

قلبي الموجع
الله يا خلايا لى قلبى الموجع
حبى فارق تانى ما ظنيتو يرجع
وين صفا ايامنا لما زمنا طاوع
كنا ننهل ديمة من فيض عطفو نرضع
للامانى الحلوة والآمال بنزرع
نبنى عش لارواحنا بعد الفرقة يجمع
فى الاماسى الحالمة لما قمرنا يسطع
كان نبث نجوانا والنيل جارى يسمع
يا حليل آمالنا ضاعت مننا اسع
قلنا نسرع ليها كان مقدورنا اسرع
آه وآه محبوبى دمعو ودمعى ترع
لما قالد ليا بالاحضان وودع
قت لو نان يا حبى حالى دا ما بيشفع؟
كيف تروح وتسيبنى حبك فى ترعرع
قالى لا تبكينى كيفن منك اقنع
ما دى عاد قسمتنا لابد ليها نخضع
ماهوراضى الفوتة كم خطوات تراجع
لما غاب واتوارى ليهو عيونى تتبع
مالو فات خلانى للاحزان تجرع
من بحور دمعاتى قلبى انا شال وكرع
ما خلاص فى روضى زهرى انا جف وقع
ما اظن والله تانى اشوفو اينع
والكنار فى غصنو ما جاب لحن وابدع
فاتو سيد الهامو كيفن تانى يسجع
الصبر ما قالو للممكون بينفع
مالو ما داوانى بيهو انا كم تذرع

[شهرزاد]

تمري
تمرى الما نجض دفيقو .. جوهو اتقسموهو وراحو
ما عارفين شقيت بى دربو ..بالحق لى نفوسن اباحو
تعبان يوم رميت شتلاتو .. نامو منعمين وارتاحو
صنقر فى الهجيرى حرستو .. فد يوم جنبى تب ما لاحو
حدر لى جداولو سقيتو .. بى وش القباحة اشاحو
جاو قالولى من وين جبتو .. ضبلن ما بيعدى صباحو
يوم سل الجراب وانشق .. شميت لى عطورو الفاحو
شفت جماعتى قامو اتلمو .. كل واحد يزيد فى صياحو
واحد قال نقسمو علينا .. واحد قال كتيرى ارباحو
عقدو الراى على وديرى .. قلبى جريح وزادو جراحو
فت خليت حقوقى ورحت ..لى ناس بالعدالة اطاحو
اشكيلن عذابى البى .. قاضيهن تصيبنى رماحو
اتوكل على الله صبرت ..هو المن خلقو اقوى سلاحو
ينصر للضعيف فى الدنيا .. كان الهم كتر واجتاحو
كم ولهان عليل انا زى ..يكتر فى الليالى نواحو
يطرا الخالقو ينصح تانى .. ساعة الموت تحوم اشباحو
حزنان الدباس فى فريقنا .. ما طول نهار افراحو
يبكى معاى حتى الدابو .. ما اتعلم يفر لجناحو
قالى لا تئن يا خلى .. اكتم ناس كتار ما اباحو
شوف حمد سعيد من صبرو .. متقلد عذابو وشاحو
يبقى نهار حياتكم يصفى .. تشربو سلسبيل رحراحو
كيرو الكان قبيل بي شيمتو .. منو يفوت بعيد تمساحو
تتهنو وتعرفو الفرحة ..ينتشى فى الغصين صداحو
يعزف ديمة مزمار حبو .. تسكرو كلكم بى راحو

[شهرزاد]

ياعيونك
يا عيونك لما تضحك
تضحك الدنيا وتزغرد
ماشى قادلى فى احلى سيرة
شايلى حنة وحق ضريرة
والعريس فرحان يبشر
امو رابطالو الحريرة
اختو جابتلو الجبيرة
***
يا عيونك ...
فرحةفى عين العروسة
لما تلبس قرمصيصا
تمشى تمرق فى السباتا
يا حلاتا .. ويا حلاتا
تضحك الدنيا وتزغرد
والعروس تخجل تغمد
ايدا فوق بتضارى عينا
الا اشواقا وحنينا
جوة مكتومة ودفينة
فى القليب ترقص تعربد
***
يا عيونك
يا مشاعر الدنيا واحساسا وكلاما
يا عيونك ... زى غمامة
لى هجير الصيف تبرد
والبريق عبادى شايل
يعبر الآفاق يزغرد
***
يا عيونك ..
لما شفتك مرة جاية
بالفكر جالت حكاية
وكت ضفايرك جا النسيم فراها شالا
جم عيونك وما رتالا
قت يا ريت لو كنت نسمة
كت بضارى عيونك انتى
من عيون الناس واغتى
كنت بحلف ليك وحاتك
يا حلاتك ..يا حلاتك ..يا حلاتك
اما عينيك ..كنت بحلف ليك وحاتن
يا حلاتن ..يا حلاتن ..ويا حلاتن

[شهرزاد]

ياطيفـا
يا طيفا صابحنى ... بالله ماسينى
اوعك تغيب يا طيف .. فد لحظة عن عينى
اسكن مسارب الدم .. بينات شرايينى
شاركنى فى الانفاس .. اكتلنى واحيينى
مجروح فراقا عليل .. طببنى آسينى
لازمنى ليل ونهار .. هجِدنى رسِينى
***
يا طيفى عيش واياى ..فى سرى فى بوحى
زى ما هى عايشة معاى .. عصفورة فى دوحى
غنت غناها صداى .. شجنى وتباريحى
انساها كيف يا طيف .. حتى ان نسيت روحى
***
دى الفى عيونا لقيت .. افراحى واحلامى
وقدت مشاعل الضى .. فى دربى قدامى
شالت معاى الهم .. احزانى وآلامى
صبحت منابع الهام ..الحانى وانغامى
***
حالتنا دابو الريد .. بادنو مشوارو
راجنو عمرو يطول .. تتفتح ازهارو
لكن زمانا المر .. جارت بنا اقدارو
ليل الهنا المأمول .. انفضوا سمارو
***
هجمت خطى الايام .. قاصدانا فراقة
تتلصص الاقدار .. لى الفرحة سراقة
صالانى نار البين .. فى جوفى حراقة
فى الدنيا لو عايشين .. لابد نتلاقى
***
ساعت الوداع الحار ..فضحنى دماعى
ابكى وانوح بالبى .. والحولى ما واعى
الضاعف الاحزان .. والزود اوجاعى
همست لى قالت لى .. ودعتك الراعى
***
خلتنى فى حال زول ..ضهبان فقد دارو
كالقمرى طاش والريح .. عصفت باوكارو
معقول يرن طنبور .. هجرنو اوتارو
والنهر هل بيسير .. يوم عكس تيارو
***
يا طيفا انت عزاى .. فى غربتى القاسى
قاسمنى سهد الليل .. واشرب معاى كاسى
ياكا الوحيد فضَل .. سلواى وايناسى
داخرك وجيع ورفيق .. وشاهد على احساسى

[شهرزاد]

العيـد
أسباب اساى وسر بكايا العيد يمر
للناس فرح وانا لى ترح من حالىكر
الناس تقوم تمرق تحوم قبل الفجر
بين هاش وباش وانا دمعى راش لازم الصبر
الطير نضم رسل نغم فوق التمر
شوف يا رفيق كم بى ضيق العيد فقر
وانا حالى حال ما فى بال مشغول كتر
بى زول نجع لى ما رجع من كم تشر
شيشك بشيش لو لى ريش كت ليك زر
كت عاد بجيك واتهنى بيك باقى العمر
بعدك يمين انيت انين فوق الجمر
كيف النجاة وطعم الحياة فى حلقى مر
جوفى اتحرق وانل ما مرق حدى العصر
لى مافى زول يهدى ويقول ياخد الاجر
انا ما بلوم لو جيتنى يوم فوقى النذر
قبال اموت والروح تفوت امشى القبر
زولى الحنين القالو وين عاد العذر
خلانى تب آه ما كتب لى فد سطر
بين السحاب اتلاشى غاب ضى البدر
سود على دنيانا حى عز الضهر
مبروك عليك العيد يجيك بى حال يسر
يلقاك معاى فى بيت هناى يا الليكى در

[شهرزاد]

ليل مأساتي
ودع وفات رحل دون عودة ليل مأساتى
طل صباحو واشرق نورو فى ساحاتى
ريدك ضو يا محبوبة كل ظلماتى
صار لى الدليل يا روحى فى طرقاتى
قبلك كنت غرقان فى بحور دمعاتى
فى المى وعذابى انا كنت فاقد ذاتى
عمرى العشتو غيرك ضاع مع اناتى
طال لامن بقت لى كالسنين ساعاتى
متجرع براى يا روحى كاس مأساتى
ما لقيت ليا زول شاركنى فى آهاتى
لكن جيتى لى لملمتى كل اشتاتى
خليتينى ليكى اصدح واجيب غنواتى
واهديك من قليبى الحابى كل كلماتى
حتى القلتو قبالك كمان والآتى
ليك جارى النغم قوقن بو قمرياتى
منتشى ديمة من طيبة عبير زهراتى
والكون قام رقص ردد جميع ابياتى
فرحان قال معاى حالف يعيش لحظاتى
ترديد اسمك اصبح لى من عاداتى
فى سرى وكمان فى جهرى بين غنياتى
منقوش ديمة بى نور فوق قصور جناتى
عاشقو انا ليل نهار زايدلو فى دعواتى
غيرك تب محال تخضر يوم واحاتى
ما بيرشع وراكى الغيث يرش واطاتى

[هاشم التنيدل]

شهرزاد لك التحية وانت توثقين لشعرائنا جميعا ولك الشكر وانت تقومين بهذا العمل الرائع بالتوثيق لهذا الانسان الشاعر الذي تنساق له الاحرف كلمات رسما لهذا الجمال والاحساس النبيل المتنوع تفردا

[شهرزاد]

شهرزاد لك التحية وانت توثقين لشعرائنا جميعا ولك الشكر وانت تقومين بهذا العمل الرائع بالتوثيق لهذا الانسان الشاعر الذي تنساق له الاحرف كلمات رسما لهذا الجمال والاحساس النبيل المتنوع تفردا
الشكر لمرورك الباذخ أستاذ هاشم التنيدل ...
والشكر لشاعرنا المرهف السر عثمان الطيب
ولتلك الكلمات المضيئة المبعثرة في باحة الروح ....

[شهرزاد]

ضل الغيمة
ضل الغيمة غش قليبى قال ينجم خت رحالو
فات خلاهو ده الكان ظنو فى عز الهجير يرتالو
***
عاد ورينى ليه يا غيمة؟ ماك عارفى السفر واحوالو؟
ولاَّ قليبى تحتك حالفي ما يطيبلو المقيل يحلالو ؟
***
ضلك من بعيد يا غيمة كان دايماً بيتمارالو
جافل منُّو لكن برضو كان عاقد عليهو امالو
***
جاييك من بعيد يا غيمة قاصدك دار يريِّح بالو
لحظات بس يعيشن هانى تحتك زى عمر تبقالو
***
فاكرك والهجير يا غيمة صاليهو ومبشتن حالـو
بى تحنان تحضنى عليكى تمسحى منُّو دمعات سالو
***
لو كان ليك قلب يا غيمة عاشقك فات رحلبو وشالو
كان واديكي دمعك رشَّ كترت عربو فى حلاَّلو
***
ما دام فُـتـِّى آهـ يا غيمة قصدو الدايرو ما تمَّالو
شن الحارسو باقى وراكى ما دام غردو تب ما نالو
***
بالليل والنهار يا غيمة ناوى يقوم على ترحالو
وحدو خلاص يواصل تانى مشواراً كتيرى اهوالو
***
قوليلو الوداع يا غيمة لو كان فى الوداع يلقالو
حبة زاد يشيلا معاهو فى سفرو وليالى الطالو
***
دار يوصيكي ، هاك يا غيمة ، لى زولاً قبيل غنَّالو
تمشيلو وتوصِّفى ليهو كيف جمر الغرام سوَّالو
***
كيفن بُعدو آهـ يا غيمة تب فى الدنيا ما خلاَّلو
غير جرحاً يزيد ايلامو كلما صحبو قالوا وقالوا
***
غير بيت من قصيد يا غيمة يفرِح حتى لى عزالو
مهما سوُّوا فوقو وجابو ، زادولو الملامة وكالو
***
غير طيفو الحبيب يا غيمة فى دنيا العذاب هلاَّلو
اتذكر زمانو الولَّى ، رقَّ قليبو تب حنَّالو
***
غير قيداً خلاص يا غيمة معقود وانعدم حلاَّلو
رغم البيهو قولى ليهو ما فارقت لحظة خيالو

[شهرزاد]

أشواق النخلة
شِـبِّي ، هُوبْ .. يا نخلة .. شِـبِّي
قومي طولِك
أوعي ترخي العزمِ لحظةْ
شدِّي حيلِكْ
مدِّي هامتِك فوق وفوقين للسحابة
ما السَّمي المنشرِّي هُولِكْ
بي جريدك
قوِّي راكوبة الإرادة ..
أصلاً الريح ..ماب تشيلا .. وماب تشيلِكْ
***
قومي ..
مهما الغم تمكَّن
لا تخلِّي الليل يباغتِكْ
أو يطول بالآهة ليلِكْ
حتى كان الشوك مشكَّن
ولاَّ فيك الهم مدكَّـنْ
ولاَّ عودِك بي شقا الأوجاع مجكَّنْ
حومي ..
خلي العافي تسري .. في البدن تلقالا مسكن
ابني من سعفات جريدك .. قشة .. قشة
لي صغار القمري .. عُشَّةْ
من ندى الصبح العليك فجراوي رشَّ
بِلِّي ريقِك .. وبلِّي ريقا
إنت شوقك طال عليها .. وطال عليك في الغيبة شوقا
مدِّي ضلك فوق شتولِكْ
هزِّي جذعك وارمي من قلب السبيطي
فوق تِقِي الأمل الوهيطي
تمرة .. تمرة
للعوينات التَّشابي .. سوِّي قيسابين .. تلاتةْ
هبِّدي النار بين ضلوعك .. جمرة .. جمرة
وطلِّقي الآهــ .. بالتلاتة
مسِّري الرجا وافْتليهو .. والعشم حبلو ابْرُميهو
شدِّي تالاك .. وامْسِكيهو
قوِّي .. أوعك تقطعيهـو
ماب يضيع في الله عشَمِك
وماب يضيع منِّك شليلِك
شبِّي .. هُوبْ .. يا نخلة .. شِبِّي
قومي طولِك
أوعي ترخي العزمِ ، لحظةْ
شِدِّي حيلِكْ .. شِدِّي حيلِكْ .

[شهرزاد]

عبيـرك
"عبيـرك" دَفـَـق في الغيوم إنهمارْ
مطر.. وانسَكَبْ
رَشـَـعْ .. كَبَّ ، كَبْ
نـَفَـضْ من ضياء النجوم الغبارْ
نداهو اتحـَلب فوق رشَارِشْ عيون العَوِين الصغارْ
غُـنا وازدهارْ
فتح كم دروب اندهاش وانبهارْ
نضح كم جداول تجاه الجروف والنخيل والخدارْ
رَسَمْ قوس قزحْ
جناحين فرح للقماري البِـتَـعْزِف أغاني الرجوع للوطنْ
مقاطع نشيد لي رجوع الوطن ، البَخَافْ ـ إنْ غَفَلْنَا ـ ومَرَقْ
تاني وين نلقَا ؟ وينْ ؟
حرام .. زي عبيرك بعد ما عزف للوطن أغنيات الرجوع والحنينْ
يخاصم الوطن
يخاوي الرحيل .. يسيب الديــارْ
يقوم يمشي ينجَعْ .. يقاسي المحنْ
يسافر .. يهاجر .. بعيداً بعيدْ
يجوب الفيافي .. ويكون منتهاهو أقاصي الوَدارْ
من مطارْ .. لي مطارْ
يكابد يصارع دواهي الشَّتات والمنافي
شتاتاً يغرِّق بيوت القصيد بالدموعْ
بلا حضن دافي
ولا مدَّة ايــد
حشاهو اتـْحَـرَق بالحسار..
حشا النيل عليهو اتـْحَـرَق ، بَقَّ نارْ
متين الرجوع ؟ متين الرجوع ؟
متين ـ يا عبيرا ـ ألاقيك هناكَا
نواحي البلد
مع نسمة نايمي ومقالدي الجروف
أقالدَك .. .. واسالمـَك
اناضْمَـك واكالمــَك
أضمَّــك .. أشمـَّك
بلا أدنى كُلفَةْ ..
ولا أدنى خوفْ
واعيشك بقية حياتي
برغمِ الظروف .. الحِراب السيوفْ
طعم من بلدنا
يفجِّر حنيـنـي
يعطِّر سنيني ، بمعنى الحياةْ
يكسِّـر دروب القطارا التسَاسِقْ
تشيل جاي وغادي .. وتفَرْتـِكْ ملمَّات فرَحْنَا القَبُلْ كُلِّ عيدْ

[ود المقل]

شهر زاد .. ود بلا إنقطاع ..
والله لا أدري أيهما أحق بحسن مدحي ؟ الشاعر الرقم السر عثمان الطيب أم الأستاذه
الأنيقه فهمأ والواسعة أدبأ يحتوي كل هذا الإبداع شهر ذاد ..
ولكن دعيني أولأ أقول لهذا الفنان الكبير والشاعر المرهف كلمات لن تضيف إلي بحر
فنه شيئأ .. ولكنها تهديه مودة جارفه من قلوب عاشقة لهذا الإبداع كم رقصت طربأ
وكم عانقت السماء ألقأ بأنها من زات الأرض التي أنجبت هذا المتفرد بهذا الفن .....
عزيزتي شهر زاد ... ليس هناك مايقال .. أي حديث آخر لن يعبر عن روعتك
وأنت تجلين هذا الفن لهؤلاء المبدعين .. وأي كلام لن يذهب إلي تلك السماوات
السامقه لأنه بلأ أجنحه ..
لك عهد جميل أن نظل نتابع مواقع يراعك حيثما حل ..
............... شكرأ شهر زاد ...............

[عوض جلاس]

يديك ألف عافية الأخت شهرزاد على هذا التوثيق الجميل
والأستاذ السر عثمان الطيب قامة تستحق هذا الجهد الكبير
نتمنى من الله أن تعودي لنا وتواصلي هذا العمل الرائع
ألف مليون شكر وتقدير

[شهرزاد]

الأخوان
عوض جلاس
ود المقل ..
حضورك أسعدني ...
دمتم ودام حرفكم ...
إحترامي ,,

[شهرزاد]

إلى أطفال دار الرعاية (مايقوما) ...
اولائك الذين يملؤون كل مساء وساداتهم بدموعهم و لا يملاء فراغهم أحد .
إلى صباحات المدن ... التي تأتي متأخرة و ترحل مبكرا ..
إلى مساءات القلوب حين تحل .. بعد فوات الأمان ..
لهم ..
إليهم ..
أشياء كوجودهم العدم ..
دون رغبتهم ..
ــــــ
ولك أستاذنا ومبدعنا السر عثمان الطيب
خالص الود والإحترام والتقدير
(مايقوما)
في العاصِمة .. الخرطوم
في لحظة ، من ذات يوم
والجــو هَبوب وسَموم
كابَّات غيومـو سِمــوم
إنسان ... وإنسانة
ماهُنْ عروس وعريس
شيطان .. وشيطانة
كـان تالِـتُن إبليـس
عمداً وبي إصرار
لاخوف ولا رهبة ..
من جُرْم أوعاقْـبة
إشتعلت الرغبــة
انعدمت النخــوة
إتبَهَلَت الشهــوة
واندلعت النــزوة
واتمادوا في الهفوة
إتمادوا فاتوا الميس وحَدّ اللعب بالنار
عِـِيييييكْ
غابوا في النشوة
وانزرعت البذرة ،
والبذرة ، مشئومة
مايقوما ، مايقوما
**
وسواري آخر الليل .. اللاّفي راكبي الخيل
حايمي ومشيها تقيل ..
إتسمَّرت وقفت .. حَرَنت ، صهيلا صهيل
لما القلوب وجَفَت ..... شقَّت سكون الليل
صرخة وأنين وأنين
في خور تِحِت كُبري ..... إتناوشَنْ كلبين
اتهاوشَن جَمْ كـوم
نهَشَنْ طَرَف طرحة
مابين صراخ وعويل .. الكوم نزفْـلُو دموم
والعسكري الضكران ..
فَتْ ... نَطَّ .... جَبَد الكوم
واتفرزعَن كلبين
كاكيكهو شِرْبَ الـدم
وعينيهو دمَعَتْ .. دم
شال نفَسُو .. واتحزَّم
الطرحة لمّاها
الطفلة ضمَّاها
وفي دفتر الأحوال .. سمّاها مايقوما
من عطفو أدَّاها
مايقومـا ،، ودّاها
لي حي عتيق وعفيف
عامر بِنَاساتو ...
من كلِّ جِنْسِِ شريف
مليان سوادنة نُضَاف
والماهو سوداني
ضيفََنْ عزيز ونضيف
ومايقوما ... ضيفة الحي
مايقوما منقايي ... قامت في قلب الحي
لكن هِي ما كانت ... زي أيِّ كائن حي
مقطوعة من شدرة ... ثمرا المحرّم نَيْ
بي طيبة الطيبين ...... الدار بِقَت دارا
وارثين مكارم طي .. ما مات لهب نارا
الفقرا ، ما فُقَرا
شان خاطر الأطفال
بيناتُن النبقة ... واللقمة مقسومة
**
لكن في ناس ، غادي ، ما جايبي أخبارا
ناس علَّت اسوارا .... واتلملموا السُّمَّار
في بهارج الأنوار ..... محتفلي بالمليار
ساوَّالا هلّولة
وغناها في الفاضي ....... داقَّالا مِزّيكا
نضميها في الفاضي ... تطرش كواريكا
ما شايلي هم غيرا
ولي غيرا ما فاضي ..منشدهي في شيكا
وبي كاشا مشغولة
ناسَنْ تقول ما ناس .. معدومة الاحساس
نافخي..وكأنو خلاص
كلَّ البلد هُولا .. وكان البلد هُـولا
إذن ... الغلط هُولا .. كلّ البِموت هولا
والبِتْولِد هــولا
حتى إن بقت طفلة .. مرميِّي مجهولة
الفاجعة من هولا
في دفتر الاحوال .... سَمّوها مايقوما
**
ما ذنْبِ مايقوما
تمرق على الدنيا ، مجهولة الوالدين
محرومة .. محرومة
لاعم ولا خالة ، حضناً قريب وحنين
تدفع تمن لحظة ، إتقاسمـوها اتنين
لا من ضمير صاحي ، لاخافوا رادع دين
لا حتى قولة خير .. وسيرة عديلة وزين
عمداً وبي إصرار
لاخوف ولا رهبة .. من جُرْم أوعاقْـبة
إشتعلت الرغبة
انعدمت النخوة ....... إتبهَلت الشهوة
واندلعت النزوة ..واتمادوا في الهفوة
إتمادوا فاتوا الميس وحًدْ اللعب بالنار
عِـِيييييكْ .. غابوا في النشوة
وانزرعت البذرة ، والبذرة ، مشئومة
مايقوما ، مايقوما
**
مايقوما ولدوها .. مكتولة ..... موؤدة
في الدنيا ما ادّوها .. غير دنيا مسدودة
تمسك ثدِي الحرمان
ترضع وجع وهوان ... تشبع نبيشة حال
من كلِّ زول ولسان.. من قيلْ وقِيلَ وقال
بي حالا ، لو راضي
ناجضنَّـها الفارغين
بي سِيرة الماضــي
الشافعي ، يا ظالمين
مايقوما ،، مظلومـة
**
يا مؤتمر وطني .. لو إنتَ صِحْ وطني !
يا مؤتمر شعبي .. لو إنتَ صِحْ شعبي !
يا إتحاديين .... لو إتحاديين !
يا حركة شعبية
بعثِ وشيوعية
يا أمة ، يا أمة ، كان إنتو صِحْ صادقين
يا ناس يا حاكومة .. يا معارِضِين .. ياهووووي !
يا مشتَّتين ... جبهات
ومفرَّقين .. حركات
ومقسَّمِين... جِـيهات
يا اْخوانّا بالذِّمَّـــة
اتجيَّهوا ، اتلمّـــوا
ما أروع اللّمة
ما أجمل الأمة
لمَّان تكون ، لمَّا
على قلْبِ زول واحد
متماسكي ملمومة
تسمع صراخ طفلة
مسكيني، محرومة
ما نطقـت اليابـا
ما شافت اليُمّــة
في دفتر الأحوال
سمّوها مايقومـا
**
في اليقظة ، في نوما
والقعــدة والقومـة
المَرْقَـة والحومــة
مايقوما مجروحــة
مكسورة الخاطر
تنضـارا في روحـا
وطوَّالـي مغمومــة
يوماتـي مهمومــة
كُلْ ماتشوف لها زول
واقفلُو جَمْ زولـــة
في دنيا مزحومــة
بي آهة مكتومـــة
تسأل سؤال ضهبان :
ياتُن أبوي وأمــي ؟؟؟؟؟
وتصيح تصيح وتصيح
وصياحا شايلا الريـح
واضيعتي وهمِّـــي
من نزفي من دمــي
من أيِّ dna
ياتُن أبوي وأمـــي ؟؟
بي أيِّ dna
ورُّوني ابوي وامـي
من أيِّ dna
كُوسُولِي ابوي وامي .

[شهرزاد]

{الرد ....السد }
الرَّدْ ...السََّدْ
السد ... السَّدَّ بوابات الظُلمَة
الهَـتـَك استار الغُمَّة
وكهرَبْ عصبات الليل
كشفت أنوارو العتمة
**
الرد... السد
السد البلَّل ريق العطش الكان
متوهِّط فوق شفتين النيل
العطش الحرَّق جوف الأرْضِ
وخلاَّ جروفنا ..
حصا وضانقيل
كَتَل التمرات ..
الكانت
شيّالة ، سبيطا اتكابا
هلك البقرات ...
الكانت
مندلِّى ضروعا وحلاَّبا
ومحَّق كوم صبرِك يا أمة
**
الرد...السد
السد .... منَّ الله مدد
مدد الله ... المالو عدد
السد ... عرق الإنسان
السد .... جُهد الانسان
إنسان ،، هذا السودان
إتوكّل على ربُّو ووحَّد
**
الرد...السد
السد
بعد الدمعات ... البسمة
بعد الكتمات ... النسمة
بعد البكمات .... الكلمة
بعد الآهات ..... النغمة
على كلِّ ثغور....... البسمة
وقالدي العتمور ... النسمة
ومندلقي سطور ..... الكلمة
ورنّة طنبــور .... النغمة
لي شعبِ صبور ... السد
لي شعبِ جسور ... السد
**
الرد... السد
السد .. رابض .. ضرغام
السد .... هَدَم الهــدّام
السد .. لُقمة ..... وهِندام
الهازم .... غيلان الجوع
الجاسر .. طوفان "النوع"
الكاسر ... طوق الجِّهويّة
الآسر .... شبح الإثنيـة
الراوي .. رؤيـة وأحلام
ومداوي .. كِلْيَة ، وأورام
السـد ... هبَّتْ أنســام
خُرتايــي ، ودفتر واقلام
للشفع ........ فقرا وأيتام
أرزاق ...... قَسَمَا القَسَّام
للنبتة ........ وكلَّ الأنعام
**
يا حارسَ اْقوان أسيادك
يا لاعب .... قدَّامُنْ باك
الباب مفتوح .. مفتوح
تنتاوق ليه بالشُّبـــَّاك ؟
يا رامي الشبكة الأفاك
تصطاد في الموية العكراني
صدقني حتجني الأشواك
أشواك في قلبك يافاسق
المنَّك مرقت بالساحـق
رجعت لك ... صدّت بالماحق
يا تور الله الأنطـــح
ترباية الســـي آي ايه
ومدوعَلْ عند "الشَّاباك"
قرنينك "عوزي" و"ساركوزي"
"باراك" .. الدَّفَرَك وباراك
ما اتعلم من دقـْسَت "بـوش"
"الزيدي" وضرب البرطوش
ادخل لا جُوَّة وناطِحْنا
بالسد بنناطحك ....
بننافحك
بالحق الناصر نصر الله
بالعزم الثوري الشافيزي
**
الرد... السد
السد ... قهرك ، هزمَكْ
السد ... دحرك ، لطمَكْ
السد ... هكمك ، دكَمَكْ
السد .... صفعك ، لكَمَكْ
السد ..... هجمك قَهَمَكْ
السد ........ كمّل فهَمَكْ
السد..... لجَمَك ، لخَمَكْ
السد .... دقشك، صدمَكْ
السد ....... سجَّم سجَمَكْ
السد .... نهشك ، كدمك
السد .... فتلك .... برمك
السد ... كتلك .... فَرَمَكْ
***
السد..... لطشك ، صفَعَكْ
السد ...... قشطك ، لبَعَكْ
السد ...... ربَشَك ، خلعَكْ
السد ....... فنَّاك ، جدَعَك
في النيـل ، والنيـل بلَعَكْ
كُلْمالَكْ ، تحتل ، تغرَقْ
تتغورر ،، لامِنْ تشْرَقْ
تنطنبج .. تشهق ما تلحق
**
المحكمة ...!! قُتَّ جنائية؟
الجن الكلكي الفي اضنيك
تتعلّق قِـرَبُو ويغباك
الحَقْ يأباك ... يأباك
ألْحَقْ ياباك... ياباك
أهدافك غابت ما جابت
أهدافك خابت ما صابت
دعواكَا فشَنْك وماسورة
***
ما شايف ؟؟ عينك تتقدْ
بالرمد الرامــد تنسدْ
الدنيا شعوبا المأسورة
في غزة ... وقانا ..غوانتانامو
في بحر البقر المقهورة
بُوغريب ... هيروشيما .. وتورا بورا
الناس معصورة وممصورة
أطفال مطحونة ومصهورة
**
ما شايف ؟؟ عينك تتقـَـدْ
أحَوَلْ ؟ أعور ؟ مكفوف ؟
الحَوْلا بصيرتَك ... عورا
مكفوف إحساسك وضميرك
مين زيك إنت ومين غيرك
في الدنيا جريمة انسانية ؟؟؟
**
تتذكر ؟
إنت بتتذكر ؟
تتذكر "تاتشر" و"الفوكلاند" ؟؟
تتذكر إنت "ارجنتينك" ؟
عِنْ ساعت الجد والحارَّة
هارب مرقنّك كرعينك
فكّيت البيرك على هارفارد
تندسدس إنت وتتلصص
تتعلم كيفن تتجسس
ما أبخس علمك في هارفارد !
ما أرخص علمك في هارفارد !
يا ماص الدم .... الدم
من عرق الحرف المعتوه
ياداس السم .... السم
في كاس العدل المشبوه
السم اليهري مصارينك
تتبجح وتنبح في لاهاي
إِشْ يا كوراك .. كوراك
كَرْ يا كاكاي ... عَرْ .. وِشْ
عَـرْ .. وِشْ .. يا جار الكارو
جر يا نبَّاح ... لاهاي
الصقعة الصاقعة ... الصاقعة
اللبعة اللابعة قفاك
الصفعة الصافعة الخد
اللبقة التزرد حلقومَـك
حلقومك إنت وحرُّومك
حرُّوم المحكمة ... إتلمن
غزلَن فتلَن
المشاطات
اللخباطات
الهراطات
الفراطات
السواطات
الفبراكات
الأفاكـات
الشرباكات
اللفاقـات
النقناقات
زرعَـن ... شَتَلَن
في ليلِن إنت الوطواط
يا ثعلب....... والثعلب فات
في إيدينو ... سبعة كضبات
ومذكرة حتلت في البير
واتماصت من قولَتْ تِيت
والبير إتهدَّت هد
إندفنت ... جافاها الطير
صاحِبْهَا .. واحد خنزير
خنزير، في صورة إبليس
إبليس سمّوهو لويس
الزير ... زير الحرّوم
ما زيرنا .. وما موية النيل
النيل الحاضن السد
والسد ...سوداني أصيل
**
حالفين ... حالفين .. حالفين
حالفين بالسّوّا جبل مرة
نتوحد في الحلوي ومُرّة
وبحقِّ الخلق الرّجّاف
ما فينا الراجل الرّجّاف
والنصب البركل وتوتيل
والنخلة الفارهة على النيل
الشمش
الطير والانسان
القمر الساطع والليل
حالفين .. حالفين .. بالقرآن
يس ... بي نون .. والرحمن
قسم التوراة والإنجيل
بالمد الشعبي الإتوحد
والغضب الشعبي الإتمدد
ماب نركع يوم بين أقدامك
نتصدى نقيف لك قدامك
نتحدى .. ننجِّم نجّامـك
ونشد بطّانك ولجامــك
***
ياخويا عمر ... ياخَيْ
ياصاحي ضميرك حي
كيَّك مُو نَيْ .. مُو نَيْ
حَرِّق مروادك ونجِّضْ
فوق كبد اوكامبو الكي
وبنونة تقول لك سَـيْ
ومهيرة تقول لك سَـيْ
قول لي مورينيو المبدول
رُوقْ أدّها صنّة واسمعنا
إشْ معنى بلدنا وإشْ معنى ؟
نحن الشاتلنــا وزارعنا
غير الله كدي اليجي يقلعنا
أصبحنا بِـِ الله وأمسينـا
رصينا صفوفنا اتواسينـا
أخلصنا النية اتواصينــا
وان بقى شايفنا اتمسكنّـا
بالمسكنة نحن اتمكنّـــا
**
يا خويا عمر يا خَــيْ
نضمك مُو نَيْ .. مُو نَيْ
قول لي مورينيو المبدول
وسمِّـع أركان المجهول
دارفور دي أهَلْنَا وأحبابنا
دارفور اخواننا واصحابنا
دارفور دي ترابنا وتيرابنا
جامِعْنَا الدين والوطنية
سحنات الزنج العربية
وسِمَات العرب الزنجية
في حوش القـُرْب الإنساني ..
على بَعـْضِ اتفتحت ابوابنا

[شهرزاد]

مسافر
يا مسافر وشاد رحالك ** يحليـلك ولينا فالك
**
خوَّتنا معاك قديمــة ** وعشرتنا سنين حميمة
الفرقة علي أليمــة ** ما قادر اطيق جحيما
**
يا الفقدنا فيكا فادح ** قالوا لي بقيت مبارح
في الغربة زمن تكافح ** مرفوع الراس وناجح
**
يا النادر زي وفاكا ** كيف حالنا يكون بلاكا
قصَّرنا يمين معاكـا ** ماب نقدر لي جـزاكا
**
إن شا الله يهون عسيرك**والمولى يكون نصيرك
ما داير اوصي غـيرك ** سلِّم لي على قريرك
**
قول ليهو جناكا خِلِّي ** في الغربة ينوح تملِّي
يوت طاري العودة عِلِّي ** أقدارو بقت له عِلِّي
**
لا تبخل بي حروفك ** أشرح لنا كلْ ظروفك
دايماً دايرين نشوفك ** مليان خير لا كتوفك

[ود إدريس]

مسافر
ي**
لا تبخل بي حروفك ** أشرح لنا كلْ ظروفك
دايماً دايرين نشوفك ** مليان خير لا كتوفك

الرائعه شهرزاد ....الف حمدا على السلامه ومنوره البوست أكيد بطلتك ..
لو غبنــــــــــــا ولو حضرنــــــــــــا يظل إبداعك مترسخ ...
ومــــا أن تقع أعيننــــــــــــا على صفحة الشعراء وإلا يمر بالذهن طيفك
لأنك بالجد فارسة تلك الصفحه .......ودائمــــــــــا نسعد بالطواف على روائع
شعراء ولاد شايق الرائعين ......وتتجلى الروعك فى قلمك الذى يسعدنــــــــا بكل هذا الكم من القصائد الراقيه ........أسأل الله لك بالعافيه

[شهرزاد]

الرائعه شهرزاد ....الف حمدا على السلامه ومنوره البوست أكيد بطلتك ..
لو غبنا ولو حضرنـا يظل إبداعك مترسخ ...
ومـا أن تقع أعيننـا على صفحة الشعراء وإلا يمر بالذهن طيفك
لأنك بالجد فارسة تلك الصفحه ..... ودائمـا نسعد بالطواف على روائع
شعراء ولاد شايق الرائعين .... وتتجلى الروعك فى قلمك الذى يسعدنا بكل هذا الكم من القصائد الراقيه ........أسأل الله لك بالعافيه

الأخ الرائع ود إدريس
لك ألف تحية ..
وأنت أيضاً غبت لفترة عن البركل الحبيب
شكراً لمرورك الجميل دائماً ..
أتمناك بخير ,,
ــ
إحترامي ,,

[اشتياق القرير]

العزيزة شهرزاد سلامات ... وينك مشتاقين ومشكورة على المجهود الضخم .. معطاءة كما عهدناك دوماً .. اسمحى لى اشاركك:

روح الرايدك

روح الرايدك
نبضو ودمو .. ذاتو ونفسو
يا انفاسو واحساس قلبو وقلب احساسو
نور قمراتو .. ويا ضى شمسو
روعة ضحكتو سمرو وانسو
منك دافقة مباهج عرسو
فيكى حياتو منابت غرسو
***
يا متصدية لى آهاتو مطالع ريد وبشاير
يا متفتحة فوق احزانو حدايق حب وازاهر
يا انسانو الانتِ امانو وسر ايمانو
ينبع منك نغم الحانو جمال ومشاعر
واقى كيانو قواسى الدنيا
وظلم الزمن الغادر وجاير
ناقر وتر احساس الشاعر
كتب اسرار الهامو اغانى
وبقى مجنونك
عاشق فيك اشراق البسمة
البتفيض رقة وحنية
صار مفتونك هاوى عيونك
رايعة وحالمة
صاحية كأنها بين احضانك راقدة ونايمة
***
يا منداحة كغيمة رحمة
كل ما تمطرى ولا تضلى
تندى الخطوة التحتى وضُلى
يسقى رشاشك بعضى وكِِلى
منى وليك مشورتَ النسمة
طلعت منى عليك مندلى
جات رويانة قبل توصل لى
بلت شوقى الراحل غيمو
خلت نغمى يغنى تملى
انا بهواك يا نبضى وروحى
انا بهواك يا آسية جروحى
وانا عن ريدك ما متخلى
ما متخلى وما متخلى

[اشتياق القرير]

قهوة وعيون

بساطك احمدى واخضر
بساطاتك مع الضحكة الاريحية
مزيج ابنوسك الاسمر
على بنبر
مزاجاتك بخور والقهوة بكرية
***
قيافة سكرياتك
رنين همسات فناجينك
متمرة وسط صينية
جمر شعلل هوى الجلاس مجانينك
عيونك فى الضو الخافت
قصاد عينينا رقابة
رموشن احلى هبابة
مراسيل الشجن والكيف
كما الزفة الملايكية ملامح طيف
مثيرات الهوى العربيد
مكامن لحظة الخَدَر الخرافية
ملت قرب المسافة البينا والبينك غنا ونجوى
تغرود وتغفو فى الصحوة
تزغرد وتصحى من غفوة
وفى اهدابا صمت الليل
مرافى اللوعة والشكوى
مذاق الرشفة من بهجة بريق نظراتك الحلوة
وطعامة الالفة من نكهة تراحيبك
رواقة طبقة القهوة
خضابك والندى الفواح
عبير طيبك
هزم حرف الكلام عنك
عقد لسنات مجاذيبك
***
نفس من قرفتك .. هيلك
نداك روعة تفاصيلك
كنسمة صيف تهبهب فى صفا ليلك
سلاف دغدغنا بالنشوة
حقيقة حلم عشناهو
مزيج ابنوسك الاسمر
مع الجلسة المسائية
ورواقة طبقة القهوة
وما فتناك ولا الزمن السمح فاتك
ويوماً ما قطارات شوقنا ترجع لى محطاتك
بلا جفوة
حترجع لى عيون حلوة
عيون كانت وما زالت
قصاد عينينا رقابة
رموشن احلى هبابة
تغرود وتغفو فى الصحوة
تزغرد وتصحى من غفوة
نوادعك ونصحو من غفوة
نلاقكى الدنيا عينيكى
ورواقة طبقة القهوة

[اشتياق القرير]

سفر الزمان والمكان

تسافرى ويسافر معاك الزمان الربيع
يفارقنى يرحل معاكى المكان البديع
غناى البوادعك تخونو استطاعة احتمال الدموع
***
اكوس لى زمانى الوراك ماهو فى
افتش لصبحو القبيل كان وفى
اشوف الشموس فى السواد تختفى
وجوه الصباح بى قناع الجراح تحتفى
مطالع النهار فى الظلام تنكفى
حقيقة الزمان الحنين تنتفى
يغيب الشروق والغروب ينطفى
اموت الف مرة اموت وانطفى
اموت راضى عنى قناعاتى انى
احبك كأنى
بحُبك اعوض غياب الزمان الحميم واكتفى
***
بلاكى المكان من مكانو اختفى
كأن القريب والبعيد انتفى
كأن البراح الفسيح انكفى
على نزف جرح الرحيل والجفا
يهاجر كهاجر فؤادى الحِفا
بلود لا بتحانن ولا بيالفا
حدود لا بتهادن ولاب يعرفا
مزمزم خيالو البدور يوصفا
يموت راوى ظنو قناعاتو انو
بحُبك دا عوَض غياب الزمان الحميم واكتفى
***
تعودى ويعود الزمان الوديع
معاكى المكان لا بيطش لا بيضيع
غناى يوم يسالمك
تصونو ابتهاجات لقاك والرجوع

[اشتياق القرير]

ملامحك
شان ملامحك ما تروح
برسمك ضحكة غمامة
بى اريحية استجابت
ادت النبتة الحياة
وادت العصفورة روح
مرة بستدعيك حمامة
ما انكسر بى ريح جناحا
لا اعتدى الليل واستباحا
ولا قطع درب السلامة
ما منع بشرى الوصول
وطلة الزمن الصبوح
***
فى الصباحات الانيقة
لما اناديك واندهك
القى فى عينى الحقيقة
الصباحات تشبهك
من ملامح ضى بريقا
عنى ما غاب توهك
***
يا الملامحك وانتى مافى
قلب خافق بين ضلوع الطنبرابى
انتى نبضة
فى بصيرتو وبصرو ومضة
شوق مدفن فى القوافى
فى المتاهات والمنافى
***
احلى مطلع واحلى غنوة
فى رنين اوتار وصحوة
شقشقات عصفورة حلوة
فى اختلاءات نفسه نجوى
فى مباهج عرسو نشوة
فى اتكاءات حلمو غفوة
***
يا صبية ويا حفية
يا غنية ويا سخية
يا وفية ويا نقية
يا ندية ويا طرية
يا هدية ويا رضية
يا بهية ويا صفية
يا شهية ويا قوية
يا شجية ويا نجية
يا هنية ويا رخية
يا ابية فى الحكاوى السرمدية
انطبع تفصيل ملامحك
شكل الذات والهوية

[اشتياق القرير]

علمينى

كل يوم ليك حبى يكتر برضى شايفو عليك شوية
علمينى احبك انتى زى محبتك انتى لى
كلما الاشواق تساسق القى غيماتك سخية
فيض حنانك لى دافق يا المشاعرك صادقة حية
يا الحبيبة الشايلة ريدى من سنين بينات ضلوعك
جوة فى نبضات قليبك فى ابتسامتك وفى دموعك
حافظا فى مقطع غنانا صاينا فى الناسينا ذكرى
وفى ظلت زهورو وفى نغيم يا يمة فكرة
ديمة تحرس فى ربيعك راجا لما يجيكى بكرة
فى انتظار الشمس تشرق ياما صاقرتى الليالى
تكتمى الشوق المبرح وتندهى الاحلام تعالى
ناسجة خيط الفجر ابيض فوق طريحات الصبايا
فى دفاترن انتى رسمة وهن يساسقن للقراية
تحكى ليهن عن هواكى وعن حبيِب ريدو غالى
وكل ما الايام تولى وتشعل الحن والعواطف
لا بيهز قدرك ثباتك لا بتزازيك المخاوف
لا جبل صبرك تفتت فى وشى الريح والعواصف
ماسكى فى العشم الببرى قلبك المجروح ونازف
منك النفس البيطلع منو قوقاى القمارى
هدهد الزول البيقرع بالكوارديق والطوارى
الوصايا التبقوا عشرة
ساعة السفار تلوح بى ايديها وبى دموعا
لما تبقى رهاب عيونا وللبلد يصعب رجوعا
والدجناين والحوارى بين ضجيج مكن اللوارى
وحس نواحات البوارى بين دخاخين البخارى
حس صفافيرو الحزينة تفجع الناس التودع
الصبر يصعب عليها تنتحب تبكى وتدمع
وانتى بى اطراف طريحتك النخيل كفكفتى دمعو
يا الهموم الناس همومك الجرف خدرتى زرعو
البلد آسيتى جرحو والبطينين بيكى فرحو
بين ايديك قلبى المدلل
ياما فى روعة مشاعرك يستريح وينوم ويصحو
ريدك انتى كتير على لو صحيح انا بستحقو
علمينى احبك انت لو قليل اوفيهو حقو
علمينى احبك انتى زى محبتك انتى لى
علمينى عشان عيونك انده الريح للقوافى
تحتويك جنحات حروفى
بيك ترك عند السواحل فوق منارات المرافى
تحلب الغيمة الدرورة لى يبابات المنافى
غنوة تطلع من صمودك رمز للفرح الاضافى
علمينى بدون عيونك ما اكون لا غيرن ابقى
احيا واتنفس هواهن كل زفرة وكل شهقة
القى مأمن فى ضراهن لا اهم لا تانى اشقى
فى منامن وفى صحاهن
امشى فى سكة خطاهن وابقى ليهن ديمة رفقة
علمينى وعلمينى
كيفن الزول يفنى روحو ويرضى بالمقسوم مقدر
من حلاة ريدو البعيشو يدى مر الصبر سكر
ومن جمر صبرو المولقد ضو ظلمة ليلو نور
ومن ظلامات ليل عذابو يرجى طلعة صبحو تظهر
حتى لو غاب صبحو طول عن مواعيدو وتاخر
هو المواعيد يحتريها حتى لو لى عمرو ودر
علمينى وعلمينى
كيفن الزول طول حياتو يستميت فى ريد حبيبو
يبل الغالى ويضحى يرضى بالجايى ويصيبو
ينتظر حلمو الرجاهو يمكن الايام تجيبو
رغم انو السكة قاسية ماشى ما حاد عن دريبو
علمينى وعلمينى
كيفن الزول يحتويهو ريدو فى كل ارتعاشة
خفقة فى الزول البيهتف وعى فى اللحظة المعاشة
يرجا فى طلة حبيبو بالتباشير والبشاشة
زى تلهف زهرة ترقب بالفرح جية الفراشة
علمينى وعلمينى
الحبيب مهما ينسى برضو نغفر له ونسامح
لو قسى وما حس بينا ومهما كان غير قصد جارح
نحن نتحمل جفاهو لا بنصرح ولا بنصارح
بكرة يشعر بينا قلبو ويتلقى المن ايدنا رايح

[اشتياق القرير]

مسامحك

كلما تقسى تجور على بسامحك والريدة تكتر
اعاتبك كيفن والومك غرامك قدرى المسطر
زمان من ايام صبايا زمن كان العمر اخضر
بشوف فيك حلمى ومنايا ومصيرى المكتوب مقدر
***
كبرت معاى شب ريدك متل تومى معايا يكبر
اتاتيهو متل جنايا الولى واحجيهو واسهر
اضاريهو واخاف عليهو كتمتو اتنفستو عنبر
سكن فى روحى ودمايا سرى وفى شريانى دور
***
على لو قلبك تجنى قسا ومن تالاى تحجر
اكوس لك عذر البريدك اسامحك وفى عينى تكبر
سنينم ودنين فى رجاكا قسالى وصالك تعذر
صبَر والدنيا العريضى تشيل من صبرى المصبر
***
بقيت غاية مشتهايا هواك اعتزابو افخر
هناء عمرى ختامو مسكك بلاك باب الريد مسوجر
وكت دابى لقيتك انت هواك فى دنيايا ازهر
كفاية اشوفك قريب عميرى معاك غصنو خدر
***
رضيت بالمقسومة لى كفاية على انت واكتر
كفاية يظللنى غيمك كفاى لو ما صب امطر
كفاية احس بى وجودك قليبك لى قلبى جاور
يعيشك حتى الثمالة شعورى بالريد مخدر
***
رضيت لو ماك من نصيبى حصادى ودهبى المجمر
كفاية عيونى التشوفك بريقك جواها نور
دحين اطامن وحاتك قليبى رهينك مسير
بلومو انا لو مرة لامك اعاتبو انا لو فيكى قصر

[اشتياق القرير]

يا روحى

يا روحى من روحى بثيت لك اشجانى
ونثرت ليك بوحى افراحى واحزانى
***
وعبرت ليك الليل صوب الشموس الغر
وكسرت بيك القيد نحو الخيال الحر
ودفقت فى الاحلام كاس العذاب المر
فى حضنك انت ارتاح لو باقى لى عمر
***
يا روحى لو غنيت منك صدى حسى
لو مرة اتمنيت قربك منى نفسى
يا ريت حصاد الريد منك ثمار غرسى
ما كان مع الاحزان بالحسرة ضاع امسى
***
يا روحى منك كم .. كم بستمد الروح
لما اشكى ليك الهم ومعاكى يحلى البوح
فيك للفؤاد بلسم قبلك سنين مجروح
ما طابلو ضمة نغم قوقابو قمرى الدوح
***
الدنيا غير عينيك فى عينى ما بتسوى
لا يوم بلاكى بضوق طعم الحيا الحلوة
يا الانت بين الناس قمة صفا الصفوة
قلبى اصطفاك واختار وبدابك الخطوة
***
بى صدقك المطبوع فى قلبك العامر
والطيبة والاحساس واخلاصك النادر
يا واهبة من غير من بى كل طيب خاطر
اديتى روحى الروح من عطفك الغامر

[اشتياق القرير]

انتِ وين؟

فى انتظارك من متين
قلبى يسأل انتِ وين؟
كل ثانية تمر بدونك
مُرة بحسبا بالسنين
فيها اشقى انا بى غيابك
فيها اموت انا مرتين
بين هواجسى الارقتنى
وبين دموعى الغرقتنى
السهر ونومى الضنين
ينفجر حزنى الدفين
وقلبى يسأل انتِ وين؟
محقت صبرو المخاوف
لما حسيت نبضو واقف
زى يتيم مهموم وخايف
يبكى مشتاقلك يفتش وماهو عارف
انتِ وين يا روحى انتِ؟

[اشتياق القرير]

انتِ والطنبور

لو ما انت والطنبور ريدك وغناى والنم
فى الدنيا اعيش مقبور بين الضياع والغم
انا غير هواك وغناى خالى الوفاض معدم
اشهق هواك انفاس وازفر غنايا الم
احيابك انتِ وهو حتى ان بلعنى اليم
هاجت دهتنى الريح فوق موجة تتلاطم
بى اسمك الاوتار تتغنى تترنم
يبكن معاى الحال ساعة ابكى واتألم
عمرى البدونك ضاع وعليهو بتندم
قاسى العوض ما دام عوض السنين بالكم
الغربة هانة وذل لاب ترتى لا بترحم
ساقانى كاس فوق كاس مر العذاب علقم
عش فيها كالمسجون مع انى ما اجرم
جسداً مفارق الروح بالصبر يتهندم
مخنوق بحبل الليل لامن دشرت الدم
كل ما مرق من هم يطلع يبنقر هم
ينعق غراب الشوم صاح الصباح كوزم
عن بابى والنايحات خمن ترابن خم
لو من صغير الزول يدرى المصير يعلم
ما كان سدىً بتضيع الجنة من آدم
الزول مع الاوهام يبرا السراب يحلم
بنيانو من غير ساس فى ساعتو يترايم
ادينى منك روح يا روحى والبلسم
قبال يد الاقدار تلفحنى واستسلم

[اشتياق القرير]

يا جايانى


يا جايانى وجايى معاكى الزمن الرايق
انا راجيكى ومستنيكى بى لهفة خافق
***
يا جايانى وانا راجيكى
دفق الشوق زلزلنى وبرح
ايدى فى ايدك خطوة بخطوة
بمرق غيمة معاك نتفسح
بالمشوار دفينا السكة
والكفين بالمطرة بتنضح
لا مرتعشة خطاك مرتبكة
عزمك ما صداك واتارجح
لا مرعوبة نواظرك خايفة
ومض البرق البجهر ويقدح
***
اكسرى حاجز الفرقة تعالى
جيتك تجبر خاطر المنية
تمى معاى مطلع موالى
شيلى معاى الحان الغنية
بهتف ليك بالصوت العالى
بيك احلوت لى الدنيا
***
اى مكان فى الكون عالمنا
بيك يكتسب اللون والنكهة
واى زمان يصدف يجمعنا
يدى حياتنا طعامة البرهة
وانت معاى حواسنا تسكن
عمق الريد صاحية ومنتبهة

[اشتياق القرير]

المساء الحالم

لقيتك والمسا الحالم
معبق بالبخور والند
خفق قلبى البساسق لك
وسط لهب الهوى الولقد
مع اللهفة المتاورانى
اثور مرات واتردد
اقول يا روحى اسالمك كيف
اشاتبى عليكى بى احضانى
ولا كفاى امد اليد
مع نشوة شعورى الفاض
طبعت اشواقى
لمسة على الجبين والخد

***

الملهمة

عطاية تتدافق خريف
من حنها وريدا الوريف
ادتنى احساسا الشفيف
فرت على توب الهنا
غتتنى بى دفؤ الاليف
دى الملهمة
كالنيل غرس جذر الحياة
والخضرة فى طين الجريف
كالشمعة فى عز الظلام
كسر شعاعا المستحيل
يوم ضو لى بصر الكفيف

***

لمسة

كالحرير كانت لمسة من كفك
فايضة حنية زى نعاس طرفك
وانت من ظُرفك
لمستك تنبع من حنين عطفك
تسرى كالتيار فى نسيج الروح
تمسح الاحزان تشفى للمجروح
المثل لو قال الولف كتال
لو غمرنى الشوق ومت بى ولفك
بحيا بى لمسة .. لمسة من كفك

[اشتياق القرير]

النص الكامل لقصيدة سبل كسب الوحدة الواجبة ...

السر عثمان الطيب
مهداة إلى روح الشاعر الوزير العالم / عبد الرحمن علي طه
"أول وزير معارف سوداني" وقد علَّمنا "سبل كسب العيش في السودان"1/

صديق عبد الرحيم في القولد:
( في القولد التقيت بالصدّيـــــقِ ** أنعم به من فاضلٍ صديقِ
خرجت أمشي معه في الساقيــة **ويالها من ذكرياتٍ باقيـــة
وكم أكلت معه الكابيـــــــــــدا ** وكــــم سمعت آورو ألودا )

قالدتو بالأحضــــان
بي لهفتي وشوقي
وكانت على الأغصان
قمرية بتقوقـــــي
قالت له يا صدِّيق
يوم عمري ما لُمْــتـك
أنا في الفرج والضيق
بي الله خصَـــــــمتك
قبَّال تفك الرِّيق
أمرقْ لي من صمتـــك
أنضم لسان عربي
أقلب لسان رطّان
قول للإنِسْ والجان :

تتقسَّم الثروة ....
إن شاالله تتقسّم
تتقسَّم السلطة....
إن شاالله تتقسم
السلطة والثروة
إن شاالله ضُمَّة تطير
بس يا جماعة الخير
لا تقسّموا الأوطــان
اليبقى فد ســودان
ما يبقــى سودانين
الثروة في داهيــــة
السلطة في ستِّيــــن
ما شفتو حتى الطير
وكتين يسوِّي الريش
ينقدْ لُه حبَّة عيــش
يفرد جناحو يطير
شايلو الهوا الهبّاب
دايماً يطير أســـراب
جَمْ جَمْ ، دوام يتلَمْ
وين ما مشى وشقّيش
يمرق لُه من فد بــاب
يدخل لُه من فد باب
رغم انُّو يا صديق
واســـــــع سماء الله
أوسع من أيِّ تراب
والواسعي مابي تضيق
بي ناسا ما ضاقــــت ما ضجَّت الأوطان
لو مابْ يعوس ويسوط ويضيّقا الإنسان !!!
2-

محمد القرشي ، في ريرة
( ودعته والأهل والعشيرة ** ثم قصدت من هناك ريــــرة
نزلتها والقرشي مضيفي ** وكان ذاك في أوان الصيــــفِ
وجدته يسقي جموع الابل ** من ماء بئر جـــرَّه بالعجـــل)

عطشان قطيع إبلو
شاشا ونهر عجلو
كان عجلو جار حبلو
القرشي وسط اهلو
ساكت سكات وسكات
قط ما سألني بتــات
عن أصلي أو فصلي
وأنا ما سألتو بتــات
عن أصلو أو فصلو
رحب بي لاقاني
أداني أحضانو .. أديتو أحزاني
أداني أحزانو .. أديتو أحضاني
كفَّاني كفَّاني
بس إنو سوداني
وأنا زيُّو سوداني
زول دمُّو سوداني
دم إبلــو سوداني
دم عجلو سوداني
جر حبلو سوداني
ليه نتقــَسِمْ زولين ؟؟
الروح فرد واحدي
كيفن تكون روحين ؟؟
يا الله يا حنَّــــان
يا ربي يا منَّـــان
يا سيدي يا كنَّان
ألــِّف قلوب الناس
أجمع قلوب الناس
على فد مصير .. لا غير
على وحدة السودان

3- سليمان محمد عثمان في الجفيل
(ومن هناك قمت للجفيــــــل ** ذات الهشاب النضر الجميل
وكان سفري وقت الحصـــــــاد ** سرت مع رفيقـــي في البلادِ
ومرَّ بي فيها سليمـــانُ على ** مختلف المحصول بالحب امتلا)

آلاف سنين وسنين ..
مَـزْج الرمال والطين .. متماسكي تـُربتنا
عصرت على الصحرا... بي إلفـــة غابتنا
نبتت هشابتنا
خدرا ومداها ظليل
وظلينا متماسكيــن
ماسكين على السِّكين
حبل الوطن والديــن
وحدتنا ، قوَّتنا
بيناتنا خـُوَّتنا
زادت محبتنــا
يا هـدهـد الوحدة ..... كلِّم سليمانك
لملم شتات ناسك ... في نواحي سودانك
من كلِّ لون ولسان ... زنجــك وعربانك
اجمع عواتي الجِّن
أحشد جيوش نملك ...... اليبقوا أعوانك
واستفتي في أمرين :
يا إمَّا إلفتنا
أو إمَّتن فتنة
إلفتنا شان نبقى
والفتنة في الفُرقة
والفرقة أسوا قرار
تنجب مصيبتنا
آهــ ... وامصيبتنا !!!
كيف اللِّي كان سيد بيت .. يمرق يفارق الدار ؟؟؟؟
يرحل بلا راس خيت .... أو يبقى عاشر جار !!!!!

4- محمد ود فضل في بابنوسة
(ومرةُ بارحت دار أ هلي ** أزور فيها صاحبي ابن الفضل
ألفيته وأهله قد رحلــــو ** من كيلكٍ وفي الفضــــــاء نزلو
في بقعةٍ تسمّى بابنوسة ** حيث اتّقوا ذبابةً تعيســـــــة)

منحوسة .. متعوسة ..
طايري الذبابة تحوم
تلسع شمال وجنوب ..
من راجا للخرطـــوم
تنفث سموم وسموم
ميكروب حروب ودواس
وسواس أبو الخنّـــاس
يسلب عقــــول الناس
يخرب قلـــــوب الناس
عجباً ذبابة النوم
تحــرم بلدنا تنوم
ليه يا ذبابة الهم ..
عاجبـِك مآل الحال ؟؟؟؟
وجــــع ؟
انفصال ؟
ونصال ؟
جسد الوطن محموم
فكر الوطن مهموم
نفس الوطن مكتوم
ليل الوطن ملغوم
نيل الوطن مفطوم
يا ويلنا ... يا ويلاه
لو يوم صبح مقسوم ..
مهدوم ركن مشروم
فوق مين حنرمي اللوم ؟؟؟
فوق مين حنرمي اللوم ؟؟؟

5- منقو زمبيري في يامبيو
( ما زلت في رحلاتي السعيدة** حتى وصلت يامبيو البعيدة
منطقة غزيرة الأشجــــــــــار** لما بها من كثرة الأمطــــارِ
قدّم لي منقو طعام البفـــــرة **وهو لذيذٌ كطعامِ الكســــرة )

لي منقو زمبيري
في يامبيو الخضرا
غنيت غناوي الحب
والحلم والفكرة
صحّيت حنين الغاب
والوادي والصحرا
في الماضي والحاضر
والدار يكون بكرة
الماضي بي خيرو
وبي شرُّو صار ذكرى
والحاضر الماثل
ماشِنـُّو بي عترة
يا منقو خُتْ بالك
هاك إيدي .. جيب إيدك
لاكُ سيدي ..... لا سيدك
سيد الجميع الرب
أنا حالي زي حالك
من فالي كان فالك
موَّالي ..... موَّالك
في الحسبة نحن اخوان
في الحارة نتشايل
وفي الباردي نتواصل
من فد صحن ناكل
من فد نبع نشرب
البينّــا لا تخـــرب
أنا ماب أفرِّط فيك
أوعــك تفرِّط فِيْ
وطناً بلاك وبلاي
مابً يسْــوَا شَيْ من شَيْ
مابْ يسْوَا غيـــر (لا شَيْ)

6- حاج طاهر في محمد قول
(وبعدها استمر بي رحيلــــــــــي ** حتى نزلت في محمد قولِ
وجدت فيها صاحبي حاج طاهــــــر** وهو فتىً بفن الصيد ماهر
ذهبت يوماً معه للبحــــــــــــــرِ ** وذقت ماءً لا كمـاء النهر)

يا صاحبـــي حاج طاهر
يا زول اخوي يا زول
بارع ... نقي .. وطاهر
ساكن محمد قول
قول يا رفيقي وقول
عن ظاهر الباطن
أو باطن الظاهر
قول للبحر بخِّــر ... مويتك غيوم وسحاب
بسراع تشيلو الريح .... يصبح جنوباً كاب
ماعونو فكتوريا ... صوب الشمال ينساب
قدَّام براحــو فسيح
منشرِّي مليون ميل
الويل ... وثم الويل
لو يوم نقص .. فد ميل !!!
وشالت ترابو الريح !!


7- أحمد محمد صالح في ود سلفاب
(رحلت من قولٍ لود سلفـــــابِ ** لألتقي بسابع الأصحاب
وصلته والقطن في الحق نضــر**يُروى من الخزان لا من المطر
أعجبني من أحمد التفكيــرُ ** في كل ما يقوله الخبيـــــرُ )

يا سابع الأصحاب .... أحمد في ود سلفاب
يا باذر التيراب ....... قطنك وقف قيساب
لكن حليلو حليل ...فات (مصطفانا) وغاب
باكين نهار والليل
الشلة والأصحاب
أغشالي (ست الجيل)
جيرانّا والأحباب
حدِّث بطان الحي
أوعا الكلام الني
النَّي حطب للنار
النَّي دواهو الكي
والكي بعد تدبير
تدبير بعد تفكير
ما بين خيار وخيار
ما بين مصير ومصير
ياتو الصحيح وأخير ...........
نشرع نوافذ الحب
ونفتح بوابة الخير
أم نجلب المحصول قبَّال نحاحي الطير ؟؟؟؟؟

8- إدريس يوسف في امدرمان
(ولستُ أنسى بلدة امدرمانِ ** وما بها من كثرة السكان
اذ مرَّ بي ادريسُ في المدينــــة** ويالها من فرصة ثمينةشاهدت أكداساً من البضائـــع** وزمراً من مشترٍ وبائع)

يا درُّة الاوطـــــان ... يا غرَّة التاريـــخ
مهرك سلام وأمـان ..فخرك هلال مريخ
ولدك ، جناكْ ادريس ...
قام بالعديلة .. عريس
الزَّفّة واقعــــي خميس
ساير .. علايل اب روف
الموردة ... الهاشماب ..وفتيح معانا حضور
أب عنجة والقبة ....... والطابية آخر الميس
مزيكا ..... يا وهبة ....
أعزم كرومة ...سرور .. عبد اللطيف والماظ
والأمة واقفي صفوف
القلعة فيها بدور ..... ما بين سرور وحبور
اللَّمَّة ضابحين تور
يا ربِّي ... يا ربِّي
أستر من البِــدْبِي
أستر من الدبيان
من وسوسات إبليس
أستر على السودان
ما يندفن لُه كجـــور !!

9- عبد الحميد إبراهيم في عطبرة
(وآخر الرحلات كانت عطبرة ** حيث ركبتُ من هناك القاطرة
سرت بها في سفرٍ سعيـــــــد ** وكان سائقي عبد الحميـــــدِ
أعجبت من تنفيذه الأوامــــر ** بدقةٍ ... ليسلــــــم المسافر)

"العطبراوي" نشيد .... غنَّاي ، صدح بالليل
كالبلبل الغرِّيـــد ... سوداني أصلو أصيل
والسكة ، سكة حديد
"عبد الحميد" عازم
سايق القطــار يرزم
شرقاً ...على توتيل
غرباً .... جبل مرة
حيناً .. على البركل
أحيان ، على الرَّجّاف
هوووي ....... يا جبال الله
أبقن ركيزتنا والوحدة أوتادا
بلداً عزيزتنا..من قمنا أولادا
في الوحدة عزتنا
قوليلا : لا ... نافية
تنفي البقول بلدين
قوليلا : لا ... ناهية
تنهينا عن أمرين :
ضرب الحبيب بالنار
ودرب الفـــراق الحار

[اشتياق القرير]

الزمن الملح

يا كافي البلا
يا حايْدَ المِحَنْ
شيشَك . . يا زمن
شيشَك .. يا زمن
من كَمِّين سنة
السنة .. فوق سنة
مافيهِن نهار
ما شات .. ليل .. صُرُف
سادَّات في الحَلِق
عشراقات غُصصْ
فالحات في السُّكات .. جِرّيح الغنا .. وقِطّيع العشم
رمَّاضات هجير
منداحرات غُلُب
حلاَّبات سراب
فوق رملاتْ وَهَمْ
زانَّات فوقنا زَنْ
لو ما أخشى ظَنْ
زي مليون سنة
ديل مليون سنة ..آهـ ..يا اْم الحَسَنْ
آهـ .. يا اْم الحَسَنْ
البيناتنا دا
زي ما كان أبوي "ودَّ احمد" ..زمان
وامِّي "النِّعمِي"..كان
كُلْ ما جا التَّساب
شالوا من "البحر" أرزاق السنة
وقسَّمُوا كمْ قِموحْ
للجار والبعيد
خَتُّوا على السنة .. فوقا عيدينا ..عيد
وما خلُّوا البحر
آهـ .. يا اْم الحَسَنْ
شال الكان وكان.
آهـ .. يا اْم الحَسَنْ
البيناتنا دا
لا محدود مكان
لا محدود زمان
كان شِي كتير خلاص
أرحب من فضا
زي ساعت فراشة .. حامت حول زهرة
أخجلت إحمرارا
قبال ما ترك
زي ساعت يموت .. شافع بالضحك
مليان إنبهار
مسكون بالرضا
البيناتنا دا
زي رجع الصدى
لا انتهى .. لا ابتدا
لا وقع ارتطامو بي حايط المدى
فتت عنفوانو
أو صابو الصدا
البيناتنا دا
رعشة سنبله
طافت فوقا نسمة .. عن شق الصباح .. بلتا بالندى
آهـ .. يا ام الحسن
قالوا جناك غرق في بحر "الجريف"
شوف .. معكوسه كيف !!!
زي وش الزمن
السمحين .. مضوا
والزمن السمح
خلولنا الأسف .. والزمن الملح
حيرني السؤال
في الزمن الملح
ليه الليل يطول..
لا من يبقى حول
ويسكن في البيوت ؟
وليه ما الشمس تقلب قادوس الإفول
لو فد مره تشرق
وأصلا ما تفوت ؟؟؟
وليه الناس تكوس
في الزمن الملح .. ما تلقى الحكيم ساعت تنجرح؟؟
تشرب في السراب
تاكل في التراب
وتشحد بالفريق في حق الكفن ؟؟
ليه؟وعشان شنو؟
وشان خاطر منو؟
مظلوم الحسين ..
ومظلوم الحسن؟؟
ليه حلو الحديث .. موصوم زندقة؟؟
والسمر الطفولي .. راجا المشنقة؟؟
شيشك.. يا زمن
يا زمن الملح
ما هديتو .. هد ..كتف ام الحسن !!

[اشتياق القرير]

رشيل كوري

رشيل يا بت كوري
ياشامخة كالبركل ...و قمة هرم نوري
يا مهيرة من تكساس
انسانة يا بت ناس
يا نخلة رويانة ...نكهة جروف (كوري )
يا نغمة رنانة .....غناها طنبوري

رشيل ... يابت كوري
ما كل امريكي ...شارب سموم صهيون
ما كل امريكي ...فاجر صفيق ملعون
ما كل امريكي ...كاوبوي بلا احساس
ماكل امريكي ...ابليس مكاجر الناس
ما كل امريكي ...خارج علي القانون
ما كل امريكي ...سفاح متل شارون
انت الضمير الحي ... صرخة ضمير الكون

الدنيا تتصهين بي ايد عصابة بوش
و الكون سكت صهين يوم حمرتلو وحوش
حدرتلو و اتمكن ..حكم القوي المطروش
ساد خشمو و اتمحن ..يبكي الضعيف مدروش

و العالم التالت ..في الزفة فراجا
الخيل ضناها حنين ..فكاها سراجا
ضاع القطاع وجنين نيرانا سهراجا
القدس منحورين ..في الاقصي حجاجا
مكتوفة مكتوفين ...يا الله فراجا
مغدورة بي سكين يا ماضي معراجا
(بغداد ) تصيح و تنين تنده لحجاجا
يا جنة الرافدين
نجف الحسن و حسين
يصرخ صداهو حزين
عسكر (بلير ) هايجين ..منفوخة اوداجا
مرغ جباهنا الطين ..جالدنا كرباجا
يا امة وينك ؟؟؟ وين ؟
نفرة صلاح الدين للظلمة فجاجا

انا بكره امريكا
بس بهوي ( ريشيلا )
ريشيل يا بت كوري يا اخت مانديلا
بت السلام و الحب ..في ايدا انجيلا
لبت نداء الرب ..صدحت تراتيلا
ركن حماماتا ..علي غصن زيتونة
ما بين كلب مسعور و حدية مجنونة
مرفوعة هاماتا ...و الارض طاحونة
تتعالي قاماتا ..بالصحوة مشحونة

(غزة و رفح ) تنزف تنزف جراح ليلا
(رشيل ) هناك تهتف ...بتعالي صوت جيلا
كم طفلة كان ترجف ...سانداها لا حيلا
و الدمعة حين تذرف مارقالا منديلا
بي فوق ركام البيت ...حامت ابابيلا
و فوق كل دبابة ..يتفك سجيلا

جرافة جات تدبي ..تزحف جنازيرا
في وشها القاتل
اتمددت ريشيل
انجيلا و المصحف ..ما هابو تحذيرا
في صدرها اليافع ضمت عصافيرا
تتحدي نار الموت .. و مكتوب مقاديرا
في الدنيا كان يومداك ... اخر مشاويرا

جرافة الملعون ..طحنت عضام الحق
كانت عليها الموت ... و الدم جري و بقبق
خفت النفس و الصوت ..جحظ النظر حدق
( رشيل ) عروس الحق
بي جنزها الازرق
الروح تفوت تشهق
مبتسمة ... تتاوق
عدلت ضفيراتا
لمت جبيراتا
في الحق مع المطرق
باكر ح تتجرتق
بي ارض كانت حق
و لي بكرة تفضل حق
و الموت عشان الحق
اشرف و انبل حق

[عصام سرالختم]

الاخت الكريمة اشتياق
متابعين التوثيق النادر ..
وياريت تستمرى فى تنزيل روائع الاستاذ السر متعه الله بالصحة والعافية
لك التحية ولصاحبة البوست الغائبة الحاضرة شهرزاد

[عيدابي]

الاخت الكريمة اشتياق
متابعين التوثيق النادر ..
وياريت تستمرى فى تنزيل روائع الاستاذ السر متعه الله بالصحة والعافية
لك التحية ولصاحبة البوست الغائبة الحاضرة شهرزاد
الاخت اشتياق القرير
الاخ عصام ... رمضان كريم
وين السر زاتو ... اشعارو بيناتنا
غنواتو غنواتنا .. شان ترجمة زاتنا
طمئنونا على الشاعر السر عثمان الطيب
حتى تلفونه مقفول من فترة
ونقول لاشتياق واصلي
دمتم بالف خير

[اشتياق القرير]

الاخوة الاكارم عصام وعيدابى

شكراً لكما المتابعة اللصيقة للبوست وسنواصل ان شاء الله حتى عودة صاحبة البوست

[اشتياق القرير]

آه يا بلدى

قولة ازيك وكيف الحال
واهلاً ياخى حبابك عشرة من دون كشرة
والف سلام
وين القاها بعيد عن بلدى
ولقمة كسرى ولو بى مويه مع ست ريدى
وين القاها بعيد عن بلدى
آه يا بلدى ومليون آهة
وحاتك غيرك مالى عزة
ومافى وجاهة
***
وقع ما سمى
قلبى وحاتك مما فاتك يوم ما انجم
آه يا بلدى
يا زول قادل
جلابيى فرد ويحيدى
قديمى نضيفى سيف كاويها
قانع بيها وبارم العمى
نفس غنيانى جيوبك فاضى
بس للمحتاجين دايماً مليانى
عليك عوافى
يا المابتعرف قولة مافى
وما بديك ما عندك ضمة
وساعة الحارة وكت تتلم
ديوش وديوش
ما بتندس حرم فى الحوش
جفير سكينك تجدعو غادى
دمك يغلى تفور وتهوش
تبشر زين تنطط زين
تقول فى دارك عندك بوش
وعدوك لى بعضو يصيح حوش
مسور يا بلدى ومابتنحاش
يا المتل الغيم للفى بيوضة
يجيبلو رذاذ ومعاهو دعاش
يا الذكرك دايماً فى قلبى
يا الزارع الورد على دربى
انا ابنك عاق جافيت حبى
وجيت هنا فى الغربة متكرن طاش
بكيت وبكيت والشوف من عينى
بقالى طشاش
قروش الجن دى اريت يا وطنى
بعيد عن ارضك ما تتلم

[عصام سرالختم]

بوست توثيقى نادر
منتظرين المزيد من الاخت اشتياق القرير
ومن صاحبة البوست الرائعة شهرزاد

[اشتياق القرير]

يا الناسينا ..حبك في ربيع دنيانا شال نور
تسقي الذكريات يا روحي شان يخضر لي يكبر
همساتنا وعناقنا الحاني يا ريت ليها تتذكر
لمان من جداول ريدنا كنا بنرتوي ونسكـــــــر
ضل السيسبان والمنقة لافينا بوشاح أخضــــر
فرع البرتكان متدلي فوقو كنارو يتبختــــر
والكون كلو باسم لينا طربان غنى واستبشر
لكن جار زمانّا الليلة خلى صفانا يتعكــــر
بطراك ، وكتين الساقي التسوق فجراوي تتحسر
نواحا يزيد قليبي بكا واصبّرو مابي يتصبــــــر
بطراك والقميرة معاي تشاركني الهموم تسهــر
نعسان انت يا محبوبي ضوها فوق وشيك نوّر
بطراك وكت اشوفلي عريس فرح في صحابو قام بشر
واتمناك واعيش لحظات محال يا روحي تتفســر
بطراك ، يوم قمحنا سنابلو لونن يتقلب أصفر
أبكي على الديون الفوقي .. والغير في الحصاد فكر
بطراك ، وكتين الشخلوب سبيطتو تخافلو يتبعثر
تضمو عليها بي تحنان قليب الام كمان وأكتر
إلا قليبي قلبك جافا .. لي تحنانو ما قــدّر
راجيك بالسنين يا روحي ضيع للشباب ودر
تنساهو وبراهو تسيبو ..حبك ليهو يتغير؟
يتجرع وراك احزانو يندب حظو يتكـــدر
يا ريت لو تعود وتجيهو أو في مرة تتعذر
شان تلقاهو قاربو وراك في لجج العذاب أبحر[/center]

[اشتياق القرير]

لو ما الريدة قسمة وحب الناس مذاهب
كيف الدنيا تصفى وتحلى مع الحبايب
ياما فى زول بيهوى من خالص ضميرو
زول والزول بيهوى واحد تانى غيرو
وبرضو التانى راهن بى آخر مصيرو
ياها الدنيا حالا دنيا من العجايب
فيها الريدة قسمة وحب الناس مذاهب

كم انسان معذب رضيان بى عذابو
ضيع عمرو كلو وافنى سنين شبابو
ما ضاق السعادة ولا الهنا دق بابو
كاسرة الدنيا خاطرو وديمة رجاهو خايب
اصلو الريدة قسمة وحب الناس مذاهب

وانسان من صغير تلقى الناس تريدو
تشقى عشان رضاهو رغماً عن صدودو
تسعدو تصطفيهو وليهو الحب تزيدو
ودايماً ماسكة سيرتو موجود ولا غايب
ماهى الريدة قسمة وحب الناس مذاهب

تلقى حبيب حنين للمحبوب يآسى
قلبو تملى طيب طبعو ولوف وراسى
وتلقى البنسى ناسو جافى نفور وقاسى
وتلقى العاجبا روحو واللى عمرو واهب
اصلو الريدة قسمة وحب الناس مذاهب

ولسة الدنيا حلوة حلوة مع الاحبة
عامرة الناس قلوبا بالخير والمحبة
مرة القاسية تسهل ومرة الساهلة صعبة
ما حد بالتمنى يوم نال المطالب
قسمة الريدة قسمة وحب الناس مذاهب

[اشتياق القرير]

الحنين وداني

الحنين وداني جيت بالساقي سادر***قلت انشد ناسا عن زولي المسافر


الحفير شوف عيني يبكي معاي يكابر***دمعو جدول جاري لبيتكم مجاور


قال لي وين ما بنت طوّل ماك ظاهر***دار اجيكم قلت لو كان لاقي خاطر

كانت الايام حنان بلحيل نواضر***الله يلعن حظي شوم يااخواني عاثر

لمحل اللقيا سقت خطاي ازاور***استعيد الماضي اتعللبو صابر

احضن الاغصان واهيم في وهم سادر***وحدي تحت المنقة للأحزان مصاقر

مالو من خلاني ما يكتب يخابر***بس لعلّو المانعو خيروكتر بشاير

ناس فلان قالوا لي طاريك ديمة ذاكر***بغرامك قلبو ديمه ملان وعامر

لابس الاخلاص حرير وهلال واساور***قلدو فوق عنقو اكليل من ازاهر

آه..تقاليد ريفنا يا الابو ماب تشاور***نحن سر مأساتنا بتنا قولا قاصر


برضي بمحبوبتي مهما كان بفاخر***زولتي خلقت مني زول فنان وشاعر

من جراحي ونوحي والاذي والدرادر***من جحيمي الفيهو مرمي كأني كافر

من ضيا القمرة البشق الليل يدافر***من حسيس طنبور يرن في روعة يناقر

من فؤادي وروحي من آخر وآخر***بهدي اجمل شعري لؤلؤ در جواهر

[اشتياق القرير]

الزول دا صلاح

وصلاح ، في أيِّ مكان ..
في أيِّ زمان ..
كانَ ، وما زالْ .. حيظل للوطن الصامد أمضى سلاح
كالسيف المابي النوم في غمدو وحالف ما يرتاح
**
وصلاح ،
ما كانَ ، وما حيكونْ زول نوري وبس ..
ما كانَ ، وما حيكون زول مروي وبس..
ما كانَ ، وما حيكون زول بنجــد وبس ..
كانَ وما زال ، حيظل زول السودان ... كل السودان
الدرع الواقي ، سلام وأمان ..
**
كتفو الشَّياَّل ... ما زال شيَّال
كفُّـو الكاتال ... ما زال كاتال
مطرو الوشَّال ... لسع وشال
**
قمرو الوضَّاح ... لسَّع وضَّاح
تمرو الدَّنداح ..... لسَّع دنداح
نهرو المنداح .... لسَّع منداح
كيرو اب تمساح .. ماهو الرحراح
مابَرِحَ ، وأمسى واصبح ساكن في الوجدان
وجدان الناس العبّا قلوبُنْ أمن واطمئنان




الناس الأدّا وريدُن والشريان
الدم الصافي
الصحة العافي
النادي ... البير ... المسجد ... والإسعاف
القلم ، الدفتر والكراس
الناس الكانت دايشي
تكاتل عايشي
الكانت تشرب في الحرمان أزمان أزمان
الناس الكُر من حالُن كُر
الماسكي حبال الصبر المُر ،
وتشُر الوهم وتَجُـر وتَجُـر
في بحرو تـَكُـر
الكُلمَا اتعارض لي خطواتو كَجُـر
فكَّت ساجورا يقين وايمان
اتوارى دَعَت ... إنضارا صَقُـر
يا عيني دقُر
شايلالا نذُر
لاتهون ... لا تخون
لا يوم تتباكى ولا بتتشاكى ولا بتضر
**
الزول دا صلاح ..
المننا فينا
اللينا البينا
الزَّيَّنا زينة
أمَّاتو بيوت الطين
أبواتو خلاوي الدين
الزَّيَّنا ساعت كنَّا عوين
سوّا الزُّمبارة من الكُرَّيق
فتل الآشميق
قلع الصارقيل
قَـرَش الدِّفيق
دنقر فوق جدول وبلَّ الرِّيق
البِمْلا قــُفاف السُّكَّر
للعرُّوب والحلب الفوقنا مدين وكُريق
سدَّ السَّرسار ... نتق الكوريق
جبد الكارديق .... لمَّ الكاويق
جرى لحق القدرو بُـطان
اندردق فوق قيزان الرملة جِنِس درديق
اتعفَّـر وشُّو غـُبار
نفض العرَّاقي وقام
قام دقَّ الكف ... صفّق صفّيق
قام جرَّ الصَّف
الزول طنبار
يعشق في الطار
قطع العرجون طبطاب
الفي الآرتيق .. بَربَر بربورو ، ولعب الطاب
كورة الشُّرَّاب
ساق النُّوريق
سطَّـح فوق راس القطر
أو صنقر فوق شوَّال التمر الشايلو اللوري على امدرمان
ومساعد اللوري رفيق وصديق
عدل الهبَّار
شرّك للكودِّي ... القمري .. الكُرَجِي .. أبو الترتار



البي الكشكوش
فوق الهوليق
كَشْكَشْ كِشْكيشْ
في إيدو حبال
ينهر في الطير من تالا العيش
وإن مال البيت .. أو مال الحال
سند الآرنيق ..
مرسال وهميم
ما اندهده غاب
ما مشى بالباب
تلَّب بالحيطة وللجيران ودّا الرَّوَّاب
لمَّاح وفهيــــم
وبسيط وفخيم
الشايل من تاريخنا قديم وجديد
وجديد وقديم

[اشتياق القرير]

ذكرياتنا
لا تقول لى ذكرياتنا انت ماك طاريلى ذكرى
خنتنى وبعت المودة وما بقت بيناتنا عشرة
,,,, ,,,, ,,,,
ذكرياتنا عزيزة عندى رغم واقع الفرقة غالى
واى لحظة ريدة مرت راسخة فى اعماق خيالى
النسى الالفة الجميلة انت يا غدار وسالى
والوأد حلم الطفولة انت ما جور الليالى
,,, ,,,, ,,,,
باختيارك انت خنت سبتنى واختر خلافى
قلبى ما راعيت وفاهو كان حنين بلحيل ووافى
كان معاك صادق فى حبو ليك منبع حبو صافى
اوعى تنبش ذكرياتنا السبيل للعودة مافى
,,,, ,,, ,,,,
انت حتمت النهاية يا جراح قلبى ومصابو
وجاى تانى من البداية شايل الماضى وعذابو
تانى تالاك ماب اقبل خوف على عمرى وشبابو
بطرى بالخير ذكرياتنا بس هواك قفلت بابو
,, ,,, ,,,,
ياما قلبى هواك ورادك ليك فى الاخلاص تفانى
احترق بى نار صدودك وياما فى نيرانو عانى
ليه وفاهو تجازى غدرا تسقى كان الذل اهانة
مستحيل خفقاتو تانى تلقى بيناتن مكانة
’’’ ,,,, ,,,,
كنت زارعك بين ضلوعى نبتة اسقيك فيض شجونى
راجى يوم تكبر تفرهد زهرة اهدى عبيرا كونى
بى غناى رقصت غصونك من بديع شعرى وفنونى
وكان حصاد الزارعو شوكك فيك وا خيبة ظنونى
’’’ ’’’’ ’’’’
لا تجيب سيرة قديمنا لما تطرى الناس قديما
وانت اكتر زول تنكر ضمة للعشرة الحميمة
يكفى يكفى الجانى منك بى سبب نيتى السليمة
اوعى تانى تقول لى كنا جرحى فى الذكرى الاليمة

[اشتياق القرير]

نسمة شوق

يا نسمة كيف أخبار أهلنا وحيّنا
أحكيلي..عاد ما باقي طوّلوا مِنّنا
زي ما زمان طارنّهُن طَارنّنا
زي ماب نشيلُن في القلوب..شايلنّنا
حتي البعاد فتّق جروحُن زيّنا
يا نسمه ما تدسّي المكَتّم عنّنا..
تمراتنا كيف يا نسمه عرجونا انتنَى
شيلاً.. تقيل..فوقو الدّباس رسّل غُنا..
لمْلَم عويشو مع الصباح للعش بنَى حضن الجنا
الساقي كيف .. جدولنا كيف ..البوغة كيف
يانسمه..ماشفتي المَتَرْ سايقِنّو صيف
عرباً بُعاد.. يانسمة كيف
ما قالوا ليك..بيُوضه..رشّاها الخريف
يانسمه قولي بدون بُكا..المنقة كيف
والبرتكان يانسمة صِح شال وانتَكى
يانسمه..مالِك ساكتي ماقلبي اشتكَى..
يانسمه قُولي..فترتَ اْنَا..احكيلي..عن ناس حَيّنا..
شيلي السلام..يا نسمه بالكوم منّنا..
ودّيهو ليهُنْ..في الشمال من عندنا
وان شاء الله توصلي..بالسلامة..بدون عَنَا

[اشتياق القرير]

ظلمت اعز حبيب

ضيعت من ايديك ريد زيو ما بتلقى
وظلمت اعز حبيب باكر جزاكا شقا
بكرة الزمن بيجور ماب تاخدو بيك شفقة
عدل القدر انصاف ليك الجراح فتقا
تصبح براك رحال تايه بلا رفقة
مويتو المحقبا زاد شاف السراب دفقا
زولاً قبيل حباك والدنيا فيك عشقا
بحار قصد شاطيك ومراكبو فات حرقا
دافق مشاعرو عليك سامية ودوام صادقة
ما راجى رد الريد احسان ولا صدقة
خليتو للاحزان والباقى اصلو بقى
انسان عقاب انسان بالعبرة ينشقا
غيمة الوجع ضالا وفى عينو لاح برقا
ليلا ونهارا تنين ساقة الدموع سايقة
آهاتو والانات ما دارى وين سايقا
نار الفراق فى الجوف موقدى ام لهيب باقَة
ساكت سنينو معاك ضاعت سدىً محقا
درب الرجوع موصود ما باقى فد فرقة
كم كاس لك الاعذار شانك كتير خلقا
لكن طبيعة الجور مخلوقة فيك خِلقة

[اشتياق القرير]

كيف القاك

طول عمرى بتمناك منى
ورينى كيف القاك انا
يا الفى الضلوع ساكن هنا
جواى من كمين سنة
فاتح بصيرة الريد غنا
مالانى سيرتك دندنة
رغم التباريح والضنا
ورينى كيف القاك انا

فتِشنى فيك تلقانى فى
انا وانت روحين فى جسد
ضمانا فد قلباً وفى
ريدة بتدوم ابد الابد
باقية ومخلدة مزمنة
ورينى كيف القاك انا

ظللنى بى حنك سحاب
تلقانى فى جوفك مطر
ابراهو ما ابرا السراب
مهما يطول درب السفر
بس خوفى قبال الاياب
يعصف باحلامنا القدر
تبقى النهاية المحزنة
ورينى كيف القاك انا

لو مرة قسَاك الزمان
او حتى فرقنا العذول
بيناتنا حال بعد المكان
لى ملتقاك عز الوصول
والشوفة ما عاد ممكنة
ورينى كيف القاك انا

[اشتياق القرير]

فرحان بها

البى صفاها وصحها
رغم انكفاها وجرحها
من قلبها ..
أدتنى غاية حبها
فرحان بها .. فرحان بها

نادتنى من عمق البعاد
جاوب حرارات الندا
هزَانى هز نبض الفؤاد
يا ريت مسار رجع الصدى
سارعت قبَال المعاد
ما ارهق الخطوات مدى
صيَرت ماضى الحال مداد
دوَنت حاضر المبتدا
الحاضر المليان بهاء
والحاضر المليان بها
فرحان بها .. فرحان بها

جبدتنى من حزنى النفق
ضوتنى نص الليل شمس
لحقتنى فى آخر رمق
سوَت مآتم الروح عرس
فكَتنى عصفور فى الشفق
كتبتنى للاطفال درس
حاكتنى جلبابين الق
مرقتنى من توب هم امس
كل ما اكون مليان بها
القاها كون مليان بهاء
فرحان بها .. فرحان بها

فى ريده نادمنى السحاب
عبَانى خدرنى المطر
خدََرت فوق وش التراب
صفقت لى صفق الشجر
دوبيت وغنونى الصحاب
خاوتنى انغام الوتر
لميت مطارات العذاب
سديت بهن سكك السفر
كل ما اقول مليان بها
القاها قول مليان بهاء
فرحان بها .. فرحان بها

[اشتياق القرير]

الوداع المر

أخوي أحمد …. قَدَرْ دائماً لِمَات الناس
وقدر دائماً شتات الناس
قدر مكتوب
بَوَابِير الفراق تنبح تَوَلْوِلْ ضاربي عرض اليَمْ
تفارق الشط
سراب تصبح محطاتا …
تطول تبعد مسافاتا
تكوس شمس اللقاء الغرقت وسط ليل النوى الأبكم
زمان بدري رحيلنا وكنا نحن بطان
رحيلنا المُرْ
زمن شِنَط الصفيح فِيهِن عِرِيرِيِقِي وحِرِيفاً مُرْ
وَكِتْ رَحل الجَلاَء وصَفَّر لَفَحْنَا وسط عنابر الغم
عيوننا وكنا نحن بطان بتزرف في دموع الدم
نَحِيبْنَا ونحن نِتْلَفَّتْ .. نشوف نخل الفريق يرجف
وكت نرجف وداع يملأ الدواخل هم
يَكَسِّرْ في النفوس فرحاً صِغَيِّر تَاتَا ما اتكلم
ولا بنعرف منو الباكي ومنو المَبْكِي
ولا بْنَفْرُزْ منو الصابر ومنو البَشْكِي
قلوب ناس الفريق تنزف
مِنُو البِصْبُر وكت تهتف

كريم يا رب كريم أستر
على الراحلين بلد بي فوق على أم درمان
دي فوتة وعودة يا حِبَّان
ويا ما كان عزاء القايمين
ويا ما كان عزاء القاعدين
قدر مكتوب لمات الناس بعد أشهر
أخوي أحمد
زمن يا دنيا فَرَّاقَة وزمن يا دنيا لَمَّامَة
زمن يا دنيا حَقَّاقَة وزمن يا دنيا ظَلاَّمَة
زمن يا دنيا سَكَّاتَة وزمن يا دنيا نَضَّامَة
زمن يا دنيا شَيَّالَة وزمن يا دنيا خَتَّاتَة
زمن يا دنيا نَصَّافَة وزمن يا دنيا غَلاَّتَة
زمن يا دنيا سَلاَّبَة وزمن يا دنيا عَطَّايَة
زمن يا دنيا كَشَّافَة وزمن يا دنيا غَتَّايَة
زمن يا دنيا لَبَّاسَة وزمن يا دنيا عَرَّايَة
أخوي أحمد
زمن يمضي وعمر يرحل
سواقي فرحنا تِتْرَهَّل
أَبَتْ تَقْلِبْ قَوَادِيسَا
صِبَانَا جروفو تِتْبَدَّل تَشِيب تَنْدُب رحيل مِيسَا
نعيش رُحَّلْ



نعيش باقي العمر رُحَّلْ
يتامى وسط مطارات الاسى الطوِّل
وجوه مجهولة بِينَاتْ لُجَّة المجهول
بقايا أشباح تَسَاسِقْ دَايْشِي غادي وجاي
عَقَابَاتْ زول غُتَاهو الليل وساحات الفضاء الفارغ
عناقريبو البحر والهم وساداتو الشقا القاتل
مراميهو السراب راحل
هويتو ورق …..
دخولو خروجو بالأختام كما الأيتام
نَزَاكِكْ في سراب وسراب
نلاحق في وهم كضاب
نَسَابِقْ نجري فوق لا شي
أمل قدامنا متلاشي
كنوز مدن الخيال هَدَّتْ قُوَى خيلنا
ولِقِينَاهِنْ ركام وحطام
ولا قِدَّام ولا قِدَّام
سنين عمر الخراب ماشي
بلا قِبْلِي وبلا رأس خيت بِقَتْ طاشِّي
ونَصُد ذات يوم على أرض الهوى الأول
تراب النخلة والنيلين
يكون عمر الرماد قد ضاع أماني الفرحة راحت ولِحْقَتْ الزِّينِين


حليلنا … حليلنا وكتين الأماني تموت
نَصُد يا حسرة خالين الوفاض نرجع
نعوش محمولة في تابوت
نكون - يا حسرة - لا عايشين مع العايشين
ولا ميتين مع الميتين
مَحَلْ عِزْ الفراق والموت
أخوي أحمد
دا ياهو مصيرنا راجينا
نظل رَاجِنُّو كان روحنا كان جينا
وقُبَّال القدر ينزل تراهو حُكُمْ فراقو القاسي مُو رَضْيَان يَخَلِّينَا
تَرَانَا بلا خبر نَلْقَاكْ مفارق مَجْمَعْ الأصحاب
مغادر والرحيل يا أخوي غياب وإياب
مسافر وذكرتك باقية
معانا .. معانا ما بترحل ولا تَالاَنَا سَادِّي الباب
معانا .. معانا بي فِكْرَك
معانا .. معانا بي قَدْرَك
معانا .. معانا بي طيبتك
معانا .. معانا في حلوتنا والمُرَّة
ليالينا .. أماسينا .. مشاويرنا … ملماتنا
أهازيجنا … أغانينا
تظل فينا أخو أخوان وقِدَّامِي


مواقفك والخُلُقْ سامي
مكانتك في القلوب عالي
علي أخوان صفاك غالي
وفي بنيان صداقة صح
ركن والله كنت الساس
مكانك ما بْيَسِدُّوا الناس
أصيل في الحارة يوت نلقاك قوي وصامد
شهامة عز بطون شايق
محبة ناس وطن خالد .. مودة ناس بلد واحد
فراقك ضمة مُو هاين
تراهو على الوجوه باين نَوَدِّع ونحن ما قادرين
تَعَبِّر عن لسان الحال دموع العين
لسان الحال بيتمنى الرجوع لي سَالِف الأيام
بعد حال الشتات والبين
لسان الحال بيتمنى الصحاب في الغربة مِتْلَمِّين
لسان الحال بيتمنى لك الحال السمح والزين
لسان الحال بيتمنى لك العز والمكانة الفوق
لسان الحال بيتمنى لك الخير والرزق مدلوق
لسان الحال دموع العين
يقول لك في وداعة الواهب المنان
وداعاً يا أخو الأخوان …. وداعاً يا أخو الأخوان

[اشتياق القرير]

بت البلد

بلا خبر طق... الخبر
مالي البلد ..قالو ا العريس قام بالاحد

الحلي جاطت والحريم يتهامسن ..جاي الولد...

كوم من بنات للبير ورد..يتحدثن..جاي الولد

وابختها..واشوقنا نحنا..الفينا جمر الشوق وقد

كل الحديث الليلي فوق بت البلد

لامن خلاص

الليل دخل..وآخر شعاع من الشمس روّح نزل

ضوء القميرة جاء من بعيد... بهّر قدل

دافر ظلام الحلي قدامو ووصل

ناس البلد ..النام رقد ..والماسك السبحه...وعبد

مشغول هو بي خبر العريس ..القالوا قام يوم الاحد

هناك بعيد بي

غادي ..في آخر الديار

راكوبة ضلها أحر من حر النهار

كوم من بروش... وجريد تمر.. عيدان صغار

ودلوق هدوم موروثة ..من زمن الكبار

وثلاث عناقريبا صغار..كرّابا..متقطّع نزل

والنوم من البفوقا روّح تب جفل

راقد هناك كوم من ضياع..مركب مسافري...بلا شراع

أحلام مسافري بلا وداع..ودموع ضياع تتجارى من غير انقطاع

احرف أنين ..ما خطتن ايد بي يراع

ليلا نجومو يودعنو خلاس مسافرات ..هن سراع

لي بت البلد عبراتا سدّت ..في الحلق

تبكي وتنوح ..تشرب دموعا وتنشرق

لمّان حسيس نقاره ..جاها من الشرق

قامت مع الليل صنقرت

وبكت بكت ..شالت طريحتها

للدميعات ..كفكفت

فجأة السنين ..الفاتو ..جن

وأيام زمان اتلملمن.

اتذكرت....

كانت تقوم فجرا صباح

لمّن يقوموا أهل الصلاح

ابوها شايل السبحه..صاح...

يا شافعى..سوّي الشاي سريع..شدّي ..الملاح

شيلي المناجل ..وامشي قدامي...الجرف

اتذكرت ..كانت تسبقو وتمشي تنزل بي تحت

تمسك سبيطة التمرة بايدها ..وتحت

تقعد تحش اللوبي للكاويق تقش

تصل البحر ..والموج يداعبا فوق هدوما ..ينط يرش


بعدين... تشيل القش تفوت ..واليوم يفوت..

وتفوت سنين وتمر سنين

يكبر عمير بت البلد ..

ويكبرمعاهو كمان حنين

في يوم صباح وصباح هناء

واحة عبير نغمة غناء

ريحة.. لبيني مقننه

مر الجنا ...وسلّم علي بت البلد

ذي عادتو سلّم... وابتعد

تابعاهو ..عين بت البلد

بت البلد ..سمعت ضريبات القلب

.. يا الله ...مالو ده ها القلب

بعد الثبات كيفن خرب

بت البلد ..عرفت...تحب

اليوما داك بت البلد ما جاها نوم

ما دام خيال ود البلد يمشي...ويحوم

بين الخيال ..شافت وجيهو الهاش وباش

شافت عيونو الفيها فيض احلاما عام

شافت سحاب الريده فوق واديها لان

بت البلد.. تاهت مع الشوق

اللي ما عاد يننكتم

والصورة هادي الفي القليب بتترسم

واسمو العلي نونات خديدها..صبح وسم

تاهت مشت سايقاها دقات الدليب

لدار حبيبا ..ومني ..القليب

لقعدة عصراوية ..فوق العنقريب

للونسي والخاطر يطيب

لمسكة في ايد..الحبيب

الوقفة قدام الجنات

القرمصيص ..وغنا البنات

يا الله ..وين تلقى...الثبات

والصفقة من تالا الولاد

ماب تسمعها ..جاياها ..من آخر..بلاد

بت البلد ..اتذكرت كيف حاج محمد ..والدها

حالف يمين..ود البلد ما..يآخدا


اتذكرت كيف حاج محمد...والدها

قال ليها ما عندك ادب

تعبان سنين فوقك تعب

وادّيك لزولا..كعب

تربال ..وعيشتو عدم عدم

لا قارئ لا ماسك قلم

تاخديهو تندمي صح ندم

يشقيك ..يوريك الالم


اتذكرت كيف حاج محمد...والدها

وصف العريس ..الجاي بقطر الاحد

كتّر محاسنو وعددها...

راجل موظف عندو..مال

يأويك في بيت الحلال

تبقيلو كيف ام العيال

..اتذكرت

لمان ابت قول حاج محمد والدها

كيف نهّرها ..وحالف يمين ..بيودرها

لو ما رضت

يالجاي ..بقطر الاحد

اتذكرت كيف الحبيب ود البلد

في الغربة روح..وابتعد

وبكت بكت بت البلد ..

لما الخبر ذاع في البلد انو العريس قام بي الاحد

الحلي جاطت والحريم يتهامسن جاي الولد

كوم من بنات للبير ورد..يتحدثن..جاي الولد

و بختها..واشوقنا نحنا..الفينا جمر الشوق وقد

لاكنهن ماعرفن الشوق كيف وقد

ماعرفن انو الشوق تمَ وليه حد

موللعريس.. للحبيب ودالبلد

الراح في زحمة ضياع وهو ما اتوجد

يا حليلك انتي يا بت البلد

[اشتياق القرير]

الرتاين والطنابير

الرتاين ميتى ، ما رنت طنابير
وين زمان افراحنا ؟ يطراهو الله بالخير
يا رتاين الزفة نورك كان هدى الغير
ليلنا حالك ، بعدو فيه اتعثر السير
في المحل الفيهو كان عامري النقاقير
داق نحاس أحزانَّا ملكو يزيدو نقّير
آه ديارنا الباكية كل أياما عِبّير
سودي تب مافيها حتى ان كان بياض جير
زي تياب مأتمنا وين نلقالا تغيير
ما السعادة الليلي غالي تقول لبن طير
نحن في العش صرنا أيتام كالزرازير
فاقدي حن أماتا مين بيعلما تطير
البرد مازيها في عز طوبه و أم شير
والصبر يي غتاها ، قضَّت ليلا فرفير
الجريف أزهارو حتت للنويوير
صار ترع مقطوعة نيلو الكان زمان كير
القليب مهرود وبربر كيُّو بربير
والصبر ما بيجدي كم صبَّرتو صبّير
كان حِنيِّن زولي صادق في التعابير
بي ونسةً ليهو سوَّ قليبي سكِّير
كان ضحك شفتوني منطلق الاسارير
حالي زي رقصاتا ، مذبوحة العصافير
عاد أقول وجعاتي أسبابا المقادير
ولاَّ نان يا اخوانَّا ده الحظ المعيثير

[اشتياق القرير]

الربيع

خلاص رحل الربيع خلَّف زهورو
وجا الصيف لى يباسو، ولى هجيرو
صحت قبل الفجر صدحت طيورو
بكت مزجت غناها مع عبيرو
جاها الناعى ناح سمعت صفيرو
كل جوز فى عشو فارق لى صغيرو
سابو رحل بعيد ، يندب مصيرو
زى الناسك القام خلَّ ديرو
على حلَّ المحل طالت شهورو
مليون آهة ما بتقدر تديرو
بس قلبي المجندل مين يجيرو
دكين الظلمة من غيرك ينيرو
قليبى إزداد وله ، غلَّب بصيرو
تايه فى الغرام ، ودّر عميرو
حليل عهد التلاقى حليل سميرو
مين جلب الالم والحسرة غيرو

[اشتياق القرير]

مرت ليالى

مرت ليالي ..ليالي النوم ابى لي
العين بتمطر ..دائما بفكر
في اللوبي ساعة ..يسقو ويخدّر
برسيمنا وكتين ..ينجض ينوّر
الوانو زاهي ..وفراشو لاهي
منظر يفرّح...للروح يسكّر
جدول يسرسر..والموية تلصف
تربال مدنقر ...يشيل ويغرف
يقعد يصنقر..يقيف يعاين
يلقى الجناين...نوّارا باين
تمرو البريدو ...فدّع جريدو
فدّع جريدو ..يا دوب مصفّر
من فوقو ركّت...قمرية غنّت
مازج هديلا... حس ساقى انّت
دوام بتبكي... بس ماب تشكي
دوم سايقى ليلا.. فجرتدوّر
قادوسا نازل... للموية شايل
صاد تاني راجع... مليان وطالع
مركب تعدّي... تجيب توّدي
ريّس يمدّر...يا رامي يلاّ
نهارنا ولى ..واخير نبدّر
ناسا كتيري.. تمشى الجزيري
للقش تنجّم... وكيمان تلملم
جنس هجيري وخصوصا انّو البحردميري
والقش نجّامو ..دائما يفتّر
شفع يقومو... دايرين يعومو
وهناك واحد
في القيفة قاعد... قالع هدومو
داير يطفّر... خجلان مدندن
شان جن قريّب... بنوّتنا يردن
ديك بي جريدل ..وديك بي صفيحى
خاتّي الطريحى... في الراس وقايى
في الليل قمرنا.. بهجة عمرنا
بينات تمرنا .. فاج ضاو منور
شليل بنلعب... ندوخ ونتعب
نصد بيوتنا ... نلبس نغيّر
نخب ونجري
واللعبة عامري... بس لا تفوتنا
زغرودة قاجّي... وللدارة عاجّي
بنيى ترقص.. للصف هى فاجّي
ضوء الرتينة... يجهر وشينا
واب "خبته" قادل .. باسم يطمبّر
صور عديدة... لو قلت اكتب
مليون قصيدة... محال اوصّف
انا ليها واجيدا
في الغربة طاري... اهلي ودياري
طال بي بكايا... وحيد برايا
يا ناسي حنّو... بقيت اودّر
جيد لي وحلالي... يومي الاستّف
شادد رحالي... وقاصد بلادي
ينتم مرادي..وازور ترابا
العزيز ..وغالي