المامبو السوداني

[عمر مجذوب خطيب]

قبل يومين واثناء عبثي بالريموت كنترول استوقفني فيلم في تلفزيون سولفينيا على ما أظن.وتدور قصة الفيلم في بيئة زراعية فالابطال مزارعون تعج بيوتهم بالابقار وغير ذلك.
لم افهم لغة الفيلم واظنها اسبانية ولا الترجمة على الشاشة وهي بالسلوفينية بالطبع. المهم ان المزارعين يتباهون بقدرة ابقارهم على حلب اكبر كمية من الحليب، بطلة الفيلم وهي شابة جميلة ، جمال لا تخطئه العين رغم بؤس البيئة المحيطة، البطلة والتي كانت تستعد لبطولة قومية للحلب درجت على تشغيل الموسيقى على اسماع بقرتها العتيدة كي تحثها على در اكبر كمية من الحليب.
اصابتني الدهشة عندما ادارت البطلة تشغيل جهاز التسجيل ليصدح باغنية المامبو السوداني لسيد خليفة، يغني سيد خليفة وتبدا البقرة في در الحليب بمفردها تكف البطلة عن الحلب فيتولى سيد خليفة والموسيقى السودانية دور البطولة - ما اضيق الدنيا وما اطعم موسيقانا وهذه الاغنية تحديدا التي لحنها العندليب الاسمر عبد الحليم حافظ فجاءت هجينا بين السلمين السباعي والخماسي.
فما رأيكم

[عوض جلاس]

حقيقة الواحد يحس بشيء من الفخر عندما يسمع باي شي عن السودان تتحدث عنه الناس خارج السودان وسيد خليفة عليه رحمة الله كان سفير الأغنية السودانية وما زال وحتى الآن ربما لا يعرف أكثر من 99% من الشعب العربي عن الفن السوداني شيء ما عدا الفنان سيد خليفة ولا يعرفون غيره رغم ملايين الفنانين الذين تعج بهم البلد من كل صنف ولون ..
لك التحية الأخ عمر مجذوب خطيب على هذه المعلومة المفيدة عن انتشار الفن السوداني خارج إطار الوطن العربي وأفريقيا

[عصام سرالختم]

اخى عمر مجذوب
هذا هو عهدنا بك دوما تاتينا بالجميل النادر..

الف رحمة تنزل على فنان السودان سيد خليفة .. فهو منذ عهد بعيد رفع اسم السودان عاليا فى مجال الموسيقى والغناء .. ولايزال الغالبية من الشعوب الاخرى الغربية منها والعربية لايعرفون عن الموسيقى السودانية سوى (المامبو السودانى ) التى اشتهرت وعمت كل ارجاء البسيطة ....
لك التحية

[عمر مجذوب خطيب]

والله يا عوض وعصام البقرة دي حلبتها كترة لبن ملت جردل زنك عديل كدا وابو السيد يصدح ويغني لها

[البشير]

عزيزي عمر
يكمن السر في ان سيد خليفة استفاد من وجوده في مصر في فترة ما فسوق لفنه من عاصمة لها اعلام قوي يصل الى كل العالم العربي لذلك وصل , و كان له صلة بكبار المطربين المصريين و على ما اذكر غنى مع صباح ( دويتو ) . و الدليل على ما أقول الان اشتهرت ستونة و جواهر وان كنا لا نرضى عن فنهم , و لكن القاهرة محطة مهمة لنشر الفن السوداني و تسويقه للعالم العربي لانها تمتلك زخم ثقافي و اعلامي كبير . و لك مودتي

[انس البدوي بابكر]

يا عمر يا اخوي انت متاكد انو ده تلفزيون سلوفينيا ما هو قناه البقاره الجديده....نحن للاسف البيعرف السودان الان بيعرفوا بدارفور واما الاشياء الجميله فتلفزيون السودان فاضي من كتره الكلام المافيهو فايده

[ضمره بغدادى]

والله يا عوض وعصام البقرة دي حلبتها كترة لبن ملت جردل زنك عديل كدا وابو السيد يصدح ويغني لها

عمر

قلتى لى ملت الجردل زت:D:D:D
الله يرحم الفنان سيد خليفه

[على محجوب جعفر مصطفى]

بالله ياعمر المامبو السودانى مرقها ليسولفينيا
وطبعا فى مصر عندها وقغ خاص

[صلاح عبد النبي]

أخونا عمر ..
والله فعلاً شئ مثير للدهشة أن تصل موسيقانا السودانية إلى هذه الأصقاع .. ولكن بالذات هذا اللحن انتشر بصورة واسعة جداً في ارجاء العالم والفضل يعود للفنان سيد خليفة رحمه الله الذي ساهم بفنه وبحضوره المسرحي الأنيق في ترسيخ هذا اللحنة في أذهان الكثيرين ..
رحمه الله ..

[النافعابى]

WIDTH=400 HEIGHT=350

[عمر مجذوب خطيب]

عزيزي عمر
يكمن السر في ان سيد خليفة استفاد من وجوده في مصر في فترة ما فسوق لفنه من عاصمة لها اعلام قوي يصل الى كل العالم العربي لذلك وصل , و كان له صلة بكبار المطربين المصريين و على ما اذكر غنى مع صباح ( دويتو ) . و الدليل على ما أقول الان اشتهرت ستونة و جواهر وان كنا لا نرضى عن فنهم , و لكن القاهرة محطة مهمة لنشر الفن السوداني و تسويقه للعالم العربي لانها تمتلك زخم ثقافي و اعلامي كبير . و لك مودتي

تعرف يا عبد الرحمن تمنيت لو ان سيد خليفة العاقب محمد حسن واحمد الجابري واحمدي المصطفى رحمهم الله استثمروا معارفهم وحبهم للسلم السباعي في انتاج المزيد من الاغنيات.
تسألني عن السبب واجابتي رغبة في اثبات قدرة الفن السوداني على اداء مختلف الالوان وتعريف الاخرين به. قد يقول قائل ان الفن السوداني معروف في افريقيا وهذه حقيقة نعتز بها لكنه انتشار في ذات الخارطة الوجدانية والموسيقية وهذا بديهي ، اما الانتشار في خارطة اخرى فله طعم آخر. رأيت جواهر ذات مرة على شاشة ال بي سي اللبنانية وقد ادت هذا اللون الهجين من الغناء وبايقاع غلب عليه السباعي لكنه ليس بعيدا عنا بدليل المردوم واغاني دارفور والنوبيين في الشمال: المهم يا عزيز بنات لبنان السمحات ديلك رقصن رقيص وانبسطن بسطة، اسأل وانا الراغب في فهم اعمق للاشياء لو اتينا باستاذ الاجيال عثمان حسين فهل سترقص جميلات بيروت على روائعه التي اموت فيها،
نعرف ان فنانين من المغرب العربي والخليج وغير ذلك جاءوا الى مصر خلفوا وراءهم فنهم المحلي وساروا في ركب الاغنية العربية الممصرنة لماذا لم يقبل احدا منا على ذلك ولو على صعيد المغامرة وتلقين من يحطون من قدرنا موسيقيا وفنيا وخلافه درسا لا اكثر ولا اقل
منتظر ردك

[عمر مجذوب خطيب]

يا عمر يا اخوي انت متاكد انو ده تلفزيون سلوفينيا ما هو قناه البقاره الجديده....نحن للاسف البيعرف السودان الان بيعرفوا بدارفور واما الاشياء الجميله فتلفزيون السودان فاضي من كتره الكلام المافيهو فايده

انس ياهو تلفزيون سلوفينيا الما يغباني وفعلا بات السودان والسودانيين لا يعرفون الا بدارفور هجوم واسئلة واستفسارات بالله شوف الوكرة دي - فعلا تلفزين السودان نايم في العسل حتى في رمضان اتجهوا للحوار والغناء المقحم اقحاما فانصرفت عن حنانن بعيد يا حبيب ما لنا ومال القراية ام دق، وتصدق يا دكتور حاولت ان استمع الى الاغنية باذن بطلة الفيلم وانا منغمس في اجوائه صدقني تجربة مختلفة اعدت من خلالها اكتشاف ثرائنا الموسيقي
مودتي

[عمر مجذوب خطيب]

عمر

قلتى لى ملت الجردل زت:D:D:D
الله يرحم الفنان سيد خليفه

والله يا ضمرة البقرة من شدة بسطتها انا قايل كان ختولا برميل كان ملتو، يا خي دي حلبت حلب ، وتعرف البطلة بركت تحت الضرع وادت المسجل لاختها الصغيرة ختتو جنب اضان البقرة وهام يا لبن
مودتي

[عمر مجذوب خطيب]

بالله ياعمر المامبو السودانى مرقها ليسولفينيا
وطبعا فى مصر عندها وقغ خاص

سلوفينيا عديل بس انا قايل الفيلم اسباني ، زي ما قلت المصريين يعروفها كويس لانها ولدت عندهم ولحنها العندليب
سلم على الجماعة

[عمر مجذوب خطيب]

أخونا عمر ..
والله فعلاً شئ مثير للدهشة أن تصل موسيقانا السودانية إلى هذه الأصقاع .. ولكن بالذات هذا اللحن انتشر بصورة واسعة جداً في ارجاء العالم والفضل يعود للفنان سيد خليفة رحمه الله الذي ساهم بفنه وبحضوره المسرحي الأنيق في ترسيخ هذا اللحنة في أذهان الكثيرين ..
رحمه الله ..

صلاح كيفنك وانت العالم والمحب للموسيقى اعتقد ان هذا اللحن وبعد استماعي له باذن سلوفينية ان جازت العبارة اجزم انه قادر على منافسة اجعص موسيقى في العالم ياخي دا في حنية وخفة كدا غريبة خاصة المدخل - صاحبك الدغيس طاشي وما قادر يدخل الموقع ساعدو اماني كان في كان بدع مع بقرتنا دي
مودتي

[عمر مجذوب خطيب]

WIDTH=400 HEIGHT=350

تسلم يا نافعابي على انزال الاغنية فقد اكملت ما بداته شكرا جزيلا

[أب شخيت]

والله يا ضمرة البقرة من شدة بسطتها انا قايل كان ختولا برميل كان ملتو، يا خي دي حلبت حلب ، وتعرف البطلة بركت تحت الضرع وادت المسجل لاختها الصغيرة ختتو جنب اضان البقرة وهام يا لبن
مودتي

والله يا خوي عمر الحكاية تمخول عديل كده...لكين جماعة "طيبان" في جلسة مشتركة مع ناس الوادي "الأخضر"عندهم عدة تفاسير:
1. البقرة أوربية مسخوتة و بقت مبسوطة من السوداني..
2. البقرة أوربية أصابها جنون البقر فتدهورت للسوداني..
3. البقرة اوربية اكلت من بواقي "طيبان" فتخيلت المامبو متل "هوي يا ليلى هوي"
4. البقرة سودانية هاجرت لاوربا زي ما بعض السودانيين داقشو اسراييل..وعشان يدوها حق اللجوء لازم تحلب لازم تحلب...!!!
5. البقرة سودانيه هربوها الخوجات شايلين فوقا شوالات الصمغ العربي المهرب وهناك فكوها عكس الريح...ولأنها ما بقرة "حرة" كان لازم "تأكل من ثدييها"..
6.الحكاية لا بقرة لا تلفزيون ولا فلم..أخونا عمر كتّر المحلبية في العشاء وناااااااااااام طوالي جاتو الهلاويس دي...!!!

[عمر مجذوب خطيب]

والله يا خوي عمر الحكاية تمخول عديل كده...لكين جماعة "طيبان" في جلسة مشتركة مع ناس الوادي "الأخضر"عندهم عدة تفاسير:
1. البقرة أوربية مسخوتة و بقت مبسوطة من السوداني..
2. البقرة أوربية أصابها جنون البقر فتدهورت للسوداني..
3. البقرة اوربية اكلت من بواقي "طيبان" فتخيلت المامبو متل "هوي يا ليلى هوي"
4. البقرة سودانية هاجرت لاوربا زي ما بعض السودانيين داقشو اسراييل..وعشان يدوها حق اللجوء لازم تحلب لازم تحلب...!!!
5. البقرة سودانيه هربوها الخوجات شايلين فوقا شوالات الصمغ العربي المهرب وهناك فكوها عكس الريح...ولأنها ما بقرة "حرة" كان لازم "تأكل من ثدييها"..
6.الحكاية لا بقرة لا تلفزيون ولا فلم..أخونا عمر كتّر المحلبية في العشاء وناااااااااااام طوالي جاتو الهلاويس دي...!!!

اب شخيت اسف في التاخر في الرد على احتمالاتك الست اول شي استبعد حكاية المحلبية دي متعشي خفيف ولم اكن قد تسحرت بعد
ثانيا البقرة فرزيان حلات الدنيا عليها وقرونها تمتد للامام وهي قصيرة ما يرجح انها اسبانية المنشأ يعني ليست بقرة نيلية قرونها طويلا وتمتد للاعلى - يعني ما سودانية لكن الموسيقى السودانية ادبتها واحسنت تاديبها وحليبها كمان وتسلم

[زكريا بابكر عمر]

أنا يا عمر عندي غنمايتين من هنا ورايح مع القش والفتريتي حا إشتري شريط سيد خليفه -مع كل سلقة فتريتي أغنيتين- ونشووف لكن إن نقص اللبن بجي أخنقك:p:p:p

[بكرى سرو]

أنا يا عمر عندي غنمايتين من هنا ورايح مع القش والفتريتي حا إشتري شريط سيد خليفه -مع كل سلقة فتريتي أغنيتين- ونشووف لكن إن نقص اللبن بجي أخنقك:p:p:p

تعرف يازكريا لو اخونا عثمان على ابراهيم شاف الفيلم ده ما كان باع بقرو بالهمله والرخصه دى ..... وكان جابلو مسجل وشريط :D:D:D

[علي محمد سند]

قبل يومين واثناء عبثي بالريموت كنترول استوقفني فيلم في تلفزيون سولفينيا على ما أظن.وتدور قصة الفيلم في بيئة زراعية فالابطال مزارعون تعج بيوتهم بالابقار وغير ذلك.
لم افهم لغة الفيلم واظنها اسبانية ولا الترجمة على الشاشة وهي بالسلوفينية بالطبع. المهم ان المزارعين يتباهون بقدرة ابقارهم على حلب اكبر كمية من الحليب، بطلة الفيلم وهي شابة جميلة ، جمال لا تخطئه العين رغم بؤس البيئة المحيطة، البطلة والتي كانت تستعد لبطولة قومية للحلب درجت على تشغيل الموسيقى على اسماع بقرتها العتيدة كي تحثها على در اكبر كمية من الحليب.
اصابتني الدهشة عندما ادارت البطلة تشغيل جهاز التسجيل ليصدح باغنية المامبو السوداني لسيد خليفة، يغني سيد خليفة وتبدا البقرة في در الحليب بمفردها تكف البطلة عن الحلب فيتولى سيد خليفة والموسيقى السودانية دور البطولة - ما اضيق الدنيا وما اطعم موسيقانا وهذه الاغنية تحديدا التي لحنها العندليب الاسمر عبد الحليم حافظ فجاءت هجينا بين السلمين السباعي والخماسي.
فما رأيكم

عشان كده ناس أم ضوا بان رويانين في اللبن ،، كما يقولون ان الموسيقى كما البسمة لغة لا تحتاج إلى ترجمة ، أو كما قال شاعر العرب قديما :
غير أني بالجوى أعرفها فهي أيضا بالجوى تعرفني ،،
رحم الله الفنان سيد خليفه نحت في الصخر حينذلك حتى وصل فنه إلى سولفينيا ،، رغم قناعتي التامة أن هذه الأغنية الوحيدة في أغاني سيد خليفة التي تعتبر ( قبة ما تحتها فكي )

[عمر مجذوب خطيب]

أنا يا عمر عندي غنمايتين من هنا ورايح مع القش والفتريتي حا إشتري شريط سيد خليفه -مع كل سلقة فتريتي أغنيتين- ونشووف لكن إن نقص اللبن بجي أخنقك:p:p:p

ذكريا اقولك بقر اوروبي تقول لي غنمايتين واظنك شاريهن من سوق عطبرة ولا الدامر - جيب فرزيان وبعدين اسألنا من اللبن
مودتي

[عمر مجذوب خطيب]

عشان كده ناس أم ضوا بان رويانين في اللبن ،، كما يقولون ان الموسيقى كما البسمة لغة لا تحتاج إلى ترجمة ، أو كما قال شاعر العرب قديما :
غير أني بالجوى أعرفها فهي أيضا بالجوى تعرفني ،،
رحم الله الفنان سيد خليفه نحت في الصخر حينذلك حتى وصل فنه إلى سولفينيا ،، رغم قناعتي التامة أن هذه الأغنية الوحيدة في أغاني سيد خليفة التي تعتبر ( قبة ما تحتها فكي )

استاذ علي فعلا ابو السيد نحت واشتغل حتى وصل الى ما وصل اليه تخيل لو ان هذا الرجل تمصرن ولو لبعض الوقت لكان خلى الما يآمن يامن ، لكن لو تفتح عمل الشيطان ، وهذه الاغنية سمحة بي لحنها وموسيقاها وطريقة اداء ابو السيد وهي كاغاني الزمن دا لا تهتم بالمضمون بقدر اهتمامها بترقيص الخلق - ورقصني يا جدع

[عمر مجذوب خطيب]

تعرف يازكريا لو اخونا عثمان على ابراهيم شاف الفيلم ده ما كان باع بقرو بالهمله والرخصه دى ..... وكان جابلو مسجل وشريط :D:D:D

بكري بركة الطليت علينا يا اخوي - البقر لا يباع قل هذا لعثمان

[زكريا بابكر عمر]

ذكريا اقولك بقر اوروبي تقول لي غنمايتين واظنك شاريهن من سوق عطبرة ولا الدامر - جيب فرزيان وبعدين اسألنا من اللبن
مودتي

الفرزين ده يا صاحبي ما بنقدر عليهو غايتو قاعدين نشوفو في مزارع (الجماعه إياهن )... ده شعرا ماعندنا ليهو رقبه خلينا مع غنيماياتنا ديل أحسن;);)

[زكريا بابكر عمر]

تعرف يازكريا لو اخونا عثمان على ابراهيم شاف الفيلم ده ما كان باع بقرو بالهمله والرخصه دى ..... وكان جابلو مسجل وشريط :D:D:D

بكري هو بقر عثمان علي داك بقر ....يا أخي ده صلاحيتو أنتهت قبال يجيبو(مجوك ) بالله البقره عضامه مارقات في السهلي زي عنقريب الجنوب والوحدي فيهن لو دايره تكورك إلا تتكل علي الحيطه حتن تكورك والله ديل موش لو غني سيد خليفه لو فنانيين الإذاعه والتلفزيون كلهن غنو الوحدي ما تملاله جك:D:D:D

[عمر مجذوب خطيب]

الفرزين ده يا صاحبي ما بنقدر عليهو غايتو قاعدين نشوفو في مزارع (الجماعه إياهن )... ده شعرا ماعندنا ليهو رقبه خلينا مع غنيماياتنا ديل أحسن;);)

انشاء الله تقدر عليهو ما يغلى عليك يا ابو الزيك - باكر حال البلد ينعدل وتتعمل شركة البان كبيرة تريح الجمل والجمالي
مودتي

[طيبان]

المحيرني إنت البخليك تبحت في سلوفينيا شنو؟؟؟:p
رحم الله سيدخليفة اب غنايا طاعم...
ياخ دا غني (انت السماء بدت لنا )بي روح جماع...بكي الناس
يغني المامبو ما يجيب اللبن؟؟؟؟:D:D
تحياتي

[عمر مجذوب خطيب]

المحيرني إنت البخليك تبحت في سلوفينيا شنو؟؟؟:p
رحم الله سيدخليفة اب غنايا طاعم...
ياخ دا غني (انت السماء بدت لنا )بي روح جماع...بكي الناس
يغني المامبو ما يجيب اللبن؟؟؟؟:D:D
تحياتي

والله يا صاحبي سلوفينينا الواحد ينحت راسو حتى يتذكر انها كانت جزء من يوغسلافيا السابقة بلغة الاعلام وما اخطرها من لغة بلد بي حالو وبي المارشال تيتو شخصيا يتحول الى سابق واللاحق حبيبات جمهوريات زي سلوفينيا والبوسنة ام حجتنا قايمي لا يوم الليلي - ما بحتا والله وهو باقليك في بحيت تاني مع الريموت كنترول الشي ضغطة والسلام

[م بروي]

قبل يومين واثناء عبثي بالريموت كنترول استوقفني فيلم في تلفزيون سولفينيا على ما أظن.وتدور قصة الفيلم في بيئة زراعية فالابطال مزارعون تعج بيوتهم بالابقار وغير ذلك.
لم افهم لغة الفيلم واظنها اسبانية ولا الترجمة على الشاشة وهي بالسلوفينية بالطبع. المهم ان المزارعين يتباهون بقدرة ابقارهم على حلب اكبر كمية من الحليب، بطلة الفيلم وهي شابة جميلة ، جمال لا تخطئه العين رغم بؤس البيئة المحيطة، البطلة والتي كانت تستعد لبطولة قومية للحلب درجت على تشغيل الموسيقى على اسماع بقرتها العتيدة كي تحثها على در اكبر كمية من الحليب.
اصابتني الدهشة عندما ادارت البطلة تشغيل جهاز التسجيل ليصدح باغنية المامبو السوداني لسيد خليفة، يغني سيد خليفة وتبدا البقرة في در الحليب بمفردها تكف البطلة عن الحلب فيتولى سيد خليفة والموسيقى السودانية دور البطولة - ما اضيق الدنيا وما اطعم موسيقانا وهذه الاغنية تحديدا التي لحنها العندليب الاسمر عبد الحليم حافظ فجاءت هجينا بين السلمين السباعي والخماسي.
فما رأيكم
أخوي الغالي عمر سلامات بعد غيبة والله مشتاقين يا زعيم..أما السولوفان والفيلم باقيلي دا تخرف تلحق أب شخيت..يا خي الحكاية وما فيها إنو بت خالي سهام كانت فاتحه الرادي بى غادي وأنت ما جايب خبر.ولك مني كل الود.

[عمر مجذوب خطيب]

أخوي الغالي عمر سلامات بعد غيبة والله مشتاقين يا زعيم..أما السولوفان والفيلم باقيلي دا تخرف تلحق أب شخيت..يا خي الحكاية وما فيها إنو بت خالي سهام كانت فاتحه الرادي بى غادي وأنت ما جايب خبر.ولك مني كل الود.

محمد وينك يا زول والله بت خالك لا عندها رادي ولا يحزنون وبعدين الفيلم دا في الثلث الاخير من الليل - المهم انت كيفنك وكيف العقاب وما تنقطع مننا
تحياتي

[د/ريم احمد]

استاذنا عمر ..وانا بقرا في عنوان البوست ده بينى وبين نفسي بقول ياااااه .....
رحم الله سيد خليفة الفنان الضاحك الباكى ..
لهذه الاغنية صدى عجيب في نفسي كان يرددها دوما لى صديق والدى عم محمد وهو ما سودانى الجنسية انما زميل دراسة ومن دولة عربية ...واتذكره يغنيها لى وانا اجرى تحت المطر وانطط والعب مع اوراق شجرة الحنة في نص حوشنا ..وكل ماغنى لى المامبو السودانى ..تجينى الحماقة وازعل واحرد وادخل من المطر جوة ...ماعارفة زمن من ذالك الرجل الصبوح ..
ولكنه كان يقف ويغنيها تحت المطر محركا كلتا ذراعيه وكانه يعانق قطرات المطر مع الفرح وهو يدندن المامبو السودانى مامبو ..باحساس طفولى في ذاك الوقت ..كنت احسبه كده يكاوينى ...فرحان بي نفسو علينا ...
لما قريت العنوان اتمنيت جواى المطرة تصب ...