تعلن جامعة جوبا للراغبين فى الدراسة عن بعد ..........

[عبد الرحمن يوسف]

تعلن جامعة جوبا للراغبين فى الدراسة عن بعد بفتح باب التسجيل للاتى :
1- دراسة البكالوريوس
2- الدراسات العليا ( ماجستير )
ومن له الرغبة فى الدراسة ولى مزيد من التفاصيل الاتصال على الاخ عمر محمد الحسن جوال (0500490789 )

[عبد الرحمن يوسف]

يعتير هذا اهداء للزملاء بمنتدى البركل الراغبين فى الالتحاق بجامعة جوبا للدراسة من على البعد والتنسيق مع الاخ عمر محمد الحسن من ابناء كريمة والبركل تحديدا حى وسط كريمة وهو مندوب جامعة جوبا لتنسيق الدراسة من على البعد .

الاخ عمر شكرا ونتمنى ان يستفيد الاخوة من هذه السانحة

[عوض جلاس]

شكراً الأخ عبد الرحمن يوسف على إتاحة الفرصة لعجائز وحبوبات وأجداد المنتدى للانتساب في جامعة جوبا
بس يا ربي في قرايتاً بعد دا بتنفعهم ؟؟
والله بعد دا القراية أريتا كان تجيبلهم حق مريسة تام زين !!!

[رقيتون]

شكراً الأخ عبد الرحمن يوسف على إتاحة الفرصة لعجائز وحبوبات وأجداد المنتدى للانتساب في جامعة جوبا
بس يا ربي في قرايتاً بعد دا بتنفعهم ؟؟
والله بعد دا القراية أريتا كان تجيبلهم حق مريسة تام زين !!!

وليدنا عوض ماله مابتنفعنا والله تنفعنا نفع خاصة ان بقت لغة ترك اصلوا حبوبتك فى الدنيا دى مافضلتلها فرضا ناقص بس باقيلى حديث الترك دة ونحمدالله فى بشارة حفيدنا عبدالرحمن وانا اول المسجلين وكدى مد المحفضه ديك اه جنى

[عوض جلاس]

وليدنا عوض ماله مابتنفعنا والله تنفعنا نفع خاصة ان بقت لغة ترك اصلوا حبوبتك فى الدنيا دى مافضلتلها فرضا ناقص بس باقيلى حديث الترك دة ونحمدالله فى بشارة حفيدنا عبدالرحمن وانا اول المسجلين وكدى مد المحفضه ديك اه جنى

الحبوبة رقيتون تحياتي
والله القرايي إن اتلقالا عدل ما في زول بياباها
وإنشاء الله الله يوفقك وتنتسبي في جامعة جوبا دي
وبعدين يمكن يقولوا الإمتحان في جوبا
أها بتمشي ولا بتغيري رأيك ؟؟
الفنان طارق عبد القيوم قال :
مافي زول يابا الدراسي ... إلا زولاً ماهو فاهم

[الطاهر عثمان]

انا من الناس الاستفادت من البوست ده وقمت بالفعل بالاتصال بعمر "الخلوق" وباذن الله معاهم
لك الشكر والتقدير اخوي عبد الرحمن

[عبد الرحمن يوسف]

كل المتداخلين لكى تعم الفائدة للجميع وزى ما قال اخوى عوض اذا لقينا العدل للقراية مافى احسن منها

[Adil Assoom]

تعلن جامعة جوبا للراغبين فى الدراسة عن بعد بفتح باب التسجيل للاتى :
1- دراسة البكالوريوس
2- الدراسات العليا ( ماجستير )
ومن له الرغبة فى الدراسة ولى مزيد من التفاصيل الاتصال على الاخ عمر محمد الحسن جوال (0500490789 )
أرفع هذا البوست وأدعو الأخوة والأخوات بأن لايهملوا ذلك فالعلم نور والسنين في هذه البلاد تمضي سراعا ....بدراسة وبغيرها
من قبل ذلك أشكر للأستاذ عبدالرحمن جهده وحرصه الدائم على منفعة الناس
تحياتي ودعواتي بالتوفيق للجميع

[رقيتون]

الحبوبة رقيتون تحياتي
والله القرايي إن اتلقالا عدل ما في زول بياباها
وإنشاء الله الله يوفقك وتنتسبي في جامعة جوبا دي
وبعدين يمكن يقولوا الإمتحان في جوبا
أها بتمشي ولا بتغيري رأيك ؟؟
الفنان طارق عبد القيوم قال :
مافي زول يابا الدراسي ... إلا زولاً ماهو فاهم

كيفن اه عوض وليدى مابمشى الفنان قال
قال جوبا ماليك على
اب شخيت يكشف عينى
وقلمى وكراسى بين ايدى
لعوض جلاس نسوى الكي