ود بروي صديقي الغالي.... يا زينة ولاد منصور

[أب شخيت]

ود بروي صديقي الغالي.... يا زينة ولاد منصور
"البركل" بلاك بقى خالي...زي وحشة خلا العتمور
بذكر فيك دوام ما سالي...ليك الغيبة تامة شهور
أسأل من غفير لي والي...الخاطر دوام مكسور
جانا من الجناب العالي...خبرك في الصحف منشور
شافوك في أم نويرا يلالي..راكب في الظلط بابور
بقيت تركب عجيلة الرالي...ساكن في الكلاكلة قصور
مزروب بالحديد و نمالي...من الشامبو قاجي عطور
تاكل في الرغيف الآلي...ما فطيت غداك لا فطور
وعندك رقشتين وطبالي...واخوك بالدين صبح مأسور
ماسورة الفلس كابالي...فوق حالي الدوام معسور
كان قتليا مالك مالي... عارفك زول كريم وجسور
داير لي عجول و سخالي...و أصلك للتقيل مدخور
كمان داير تويب بنغالي...و بدور حبة لبانة بخور
وأوعك ياأخوي تبقالي...واقف مع البنات طابور
قاعدات بين زهور ونجالي...يشربوا في القرين معصور
لابسات بنطلون و فنالي..مكشوفات نهود و خصور
لامعات جنجلوس و سحالي...و الخدين كساها بثور
شايلات القفاف و مخالي...ماخلن رياش و دثور
طاقَّات اللبان و تسالي...و كيس الإسكريم ممصور
ديل يا خويا غايظات حالي....في وجه البلد ناسور
كان تم المراد في بالي...في رمضان قبل عاشور
يكون كف السعار الصالي....مقطوع منجدع مبتور

[عوض جلاس]

أب شخيت الله يديك العافية على القصيدة وفعلاً ود بروي غيبتو طولت وإنشاء الله يسمع قصيدتك ويجيك بسرعة وكلنا اشتقنالوا
لامعات جنجلوس وسحالي .. والخدين كساها بثور
الجنجلوس دا يعني شنو يا اب شخيت ؟

[زكريا بابكر عمر]

ود بروي صديقي الغالي.... يا زينة ولاد منصور
"البركل" بلاك بقى خالي...زي وحشة خلا العتمور
بذكر فيك دوام ما سالي...ليك الغيبة تامة شهور
أسأل من غفير لي والي...الخاطر دوام مكسور
جانا من الجناب العالي...خبرك في الصحف منشور
شافوك في أم نويرا يلالي..راكب في الظلط بابور
بقيت تركب عجيلة الرالي...ساكن في الكلاكلة قصور
مزروب بالحديد و نمالي...من الشامبو قاجي عطور
تاكل في الرغيف الآلي...ما فطيت غداك لا فطور
وعندك رقشتين وطبالي...واخوك بالدين صبح مأسور
ماسورة الفلس كابالي...فوق حالي الدوام معسور
كان قتليا مالك مالي... عارفك زول كريم وجسور
داير لي عجول و سخالي...و أصلك للتقيل مدخور
كمان داير تويب بنغالي...و بدور حبة لبانة بخور
وأوعك ياأخوي تبقالي...واقف مع البنات طابور
قاعدات بين زهور ونجالي...يشربوا في القرين معصور
لابسات بنطلون و فنالي..مكشوفات نهود و خصور
لامعات جنجلوس و سحالي...و الخدين كساها بثور
شايلات القفاف و مخالي...ماخلن رياش و دثور
طاقَّات اللبان و تسالي...و كيس الإسكريم ممصور
ديل يا خويا غايظات حالي....في وجه البلد ناسور
كان تم المراد في بالي...في رمضان قبل عاشور
يكون كف السعار الصالي....مقطوع منجدع مبتور

والله يا أب شخيت الزويل فارق علينا كلنا وليهو وحشه كبيره .... عجبني نظمك ليهو لكن هو ماهو من ناس بنوتك الغايظاتنك ديل ..ده منصوري موقد نار وإن لقالو طريقه كان شال سوط العنج وقع فيهن حميط ...الله يجيبك لينا يا ود بروي...تحياتي ,,,

[أب شخيت]

أب شخيت الله يديك العافية على القصيدة وفعلاً ود بروي غيبتو طولت وإنشاء الله يسمع قصيدتك ويجيك بسرعة وكلنا اشتقنالوا
لامعات جنجلوس وسحالي .. والخدين كساها بثور
الجنجلوس دا يعني شنو يا اب شخيت ؟


أخوي عوض جلاس
القصيدة معمولة مخصوص عشان يظهر لينا ود بروي "دي موية في جحرو"..طبعا هو شاعر مجود ذو نفس شعري موسيقي عالي جداً...الشعر بيجرو من شعرو كان ما بقى زيي وضمرة....
الجنجلوس جمع جنجلوسة وهي تشبه السحلية تماما غير أنها أكثر لمعانا وملاسة من السحلية وأبطأ منها حركة وتعيش في نفس بيئة السحلية..بالتأكيد موجودة لديكم ولكن ربما بإسم آخر أرجو إفادتي به...
كسرة: البثور من التأثيرات الجلدية الضارة للإسراف في إستعمال كريمات تفتيح البشرة...أرجو إن كان هنالك مختص في الأمراض الجلدية بالمنتدى ان يفتح لنا بوست عن مضار مثل هكذا كريمات خاصة و ان أغلبها يحتوي على مادة "الكورتيزون"...

[أب شخيت]

والله يا أب شخيت الزويل فارق علينا كلنا وليهو وحشه كبيره .... عجبني نظمك ليهو لكن هو ماهو من ناس بنوتك الغايظاتنك ديل ..ده منصوري موقد نار وإن لقالو طريقه كان شال سوط العنج وقع فيهن حميط ...الله يجيبك لينا يا ود بروي...تحياتي ,,,

أخوي زكريا
لا أراك الله وحشة في عزيز لديك أبداً...علي حسب قراءآتي لما وراء بعض أشعاره التي إطلعت عليها كان توقعي أن يكون من الصنف الذي ذكرته أنت...ولذلك فقد أحببت أن أدفعه للظهور بتحذيري له من ان يكون واقف مع البنات ديل طابور...الهاشمية ساكت بتجيبو لينا...!!!

[طيبان]

أخوي زكريا
لا أراك الله وحشة في عزيز لديك أبداً...علي حسب قراءآتي لما وراء بعض أشعاره التي إطلعت عليها كان توقعي أن يكون من الصنف الذي ذكرته أنت...ولذلك فقد أحببت أن أدفعه للظهور بتحذيري له من ان يكون واقف مع البنات ديل طابور...الهاشمية ساكت بتجيبو لينا...!!!

الله يجيب ود بروي ويلم شملنا كلنا..
الناس ديل اتاخروا بالحيل...
وانا زاتي كايس لي رجعتو..
المريسي فارقي معاي وداير افك زهجتي دي وافتح تحقيق معاكن الاتنين ..
وعندي كديسة شعر شايفها دار تجادعكم بالنضمي
واركزوا...
تصوم طيب

[عوض جلاس]

أخوي عوض جلاس
القصيدة معمولة مخصوص عشان يظهر لينا ود بروي "دي موية في جحرو"..طبعا هو شاعر مجود ذو نفس شعري موسيقي عالي جداً...الشعر بيجرو من شعرو كان ما بقى زيي وضمرة....
الجنجلوس جمع جنجلوسة وهي تشبه السحلية تماما غير أنها أكثر لمعانا وملاسة من السحلية وأبطأ منها حركة وتعيش في نفس بيئة السحلية..بالتأكيد موجودة لديكم ولكن ربما بإسم آخر أرجو إفادتي به...
كسرة: البثور من التأثيرات الجلدية الضارة للإسراف في إستعمال كريمات تفتيح البشرة...أرجو إن كان هنالك مختص في الأمراض الجلدية بالمنتدى ان يفتح لنا بوست عن مضار مثل هكذا كريمات خاصة و ان أغلبها يحتوي على مادة "الكورتيزون"...
شكراً أب شخيت لشرحك الجميل لسؤالي وطبعاً حسب وصفك للجنجلوس فقد عرفتها وهي تشبه السحلية وأسمن منها شوية وملساء شديد ونسميها عندنا الملجي أو الملجة وأنا أكتر شي بلقاها قاعدي تحت ورق المنقة الناشف والواحد مرات يقول دبيب وياخدولو نطة منها بس تطلع الملجي
أما مضار الكريمات فزي ما قلت إنشاء الله يظهر واحد متخصص في الأمراض الجلدية ويمسك القفاز ويوريني ما خفي عنا من أضرار هذه الكريمات
والغريبة البنات في السودان عارفات وواعيات بمضار الكريمات دي وعندهن تجارب صعبة معاها وبعد دا كلوا تلقاهن مصرات على استعمالها ودايرين نعرف السبب شنو اليخليهن يتمسكن بالحاجات الضارة دي ؟؟
ولك تحياتي أب شخيت

[عمر مجذوب خطيب]

اب شخيت والله ما قصرت مع نسيبي ود بروي والحقيقة غطسلو غطسة طويلي طويلي طويلي بالحيل - عليك الله ان لقيتو سلم عليهو

[عيدابي]

أخوي عوض جلاس
القصيدة معمولة مخصوص عشان يظهر لينا ود بروي "دي موية في جحرو"..طبعا هو شاعر مجود ذو نفس شعري موسيقي عالي جداً...الشعر بيجرو من شعرو كان ما بقى زيي وضمرة....
الجنجلوس جمع جنجلوسة وهي تشبه السحلية تماما غير أنها أكثر لمعانا وملاسة من السحلية وأبطأ منها حركة وتعيش في نفس بيئة السحلية..بالتأكيد موجودة لديكم ولكن ربما بإسم آخر أرجو إفادتي به...
كسرة: البثور من التأثيرات الجلدية الضارة للإسراف في إستعمال كريمات تفتيح البشرة...أرجو إن كان هنالك مختص في الأمراض الجلدية بالمنتدى ان يفتح لنا بوست عن مضار مثل هكذا كريمات خاصة و ان أغلبها يحتوي على مادة "الكورتيزون"...
جميل اخى اب شخيت وهذه القصيدة الرائعة
وود بروى يستحق السؤال عنو وبهذه الاحرف
الجميلة ومتخصص فى ودبروى انت ما شاءالله
اما اسم الجنجلوس حسب وصفك عندنا اسمها
الملجى وكلامك صاح هى تعيش مع السحلية
فى بيئة واحده
عفارم اب شخيت

[م بروي]

ود بروي صديقي الغالي.... يا زينة ولاد منصور
"البركل" بلاك بقى خالي...زي وحشة خلا العتمور
بذكر فيك دوام ما سالي...ليك الغيبة تامة شهور
أسأل من غفير لي والي...الخاطر دوام مكسور
جانا من الجناب العالي...خبرك في الصحف منشور
شافوك في أم نويرا يلالي..راكب في الظلط بابور
بقيت تركب عجيلة الرالي...ساكن في الكلاكلة قصور
مزروب بالحديد و نمالي...من الشامبو قاجي عطور
تاكل في الرغيف الآلي...ما فطيت غداك لا فطور
وعندك رقشتين وطبالي...واخوك بالدين صبح مأسور
ماسورة الفلس كابالي...فوق حالي الدوام معسور
كان قتليا مالك مالي... عارفك زول كريم وجسور
داير لي عجول و سخالي...و أصلك للتقيل مدخور
كمان داير تويب بنغالي...و بدور حبة لبانة بخور
وأوعك ياأخوي تبقالي...واقف مع البنات طابور
قاعدات بين زهور ونجالي...يشربوا في القرين معصور
لابسات بنطلون و فنالي..مكشوفات نهود و خصور
لامعات جنجلوس و سحالي...و الخدين كساها بثور
شايلات القفاف و مخالي...ماخلن رياش و دثور
طاقَّات اللبان و تسالي...و كيس الإسكريم ممصور
ديل يا خويا غايظات حالي....في وجه البلد ناسور
كان تم المراد في بالي...في رمضان قبل عاشور
يكون كف السعار الصالي....مقطوع منجدع مبتور

أحبائي الكرام ليكم السلام
ود ربط الظريف يبقــــالي.....أحسن مــنو ما منظـــور
فاكهـة مـنتـــدانا الحـــــالي......شعراً أو نضم منثـــور
مبسوط من سؤالو ســؤالي......نقولك يا زعيم مشكـور
ما قصدي الغياب طـــوالي......والله العظــــيم مجبـور
رادم بالشغــل شوالــــــــي......كيفن يظهـــر المزرور
لكل الكان ســـأل عن حالي.....حالن يا كريـــم مستـور
وكل الما سأل عن حــــالي.....حالن ياكريــــم مستــور
صاحبي جلاس دوام في بالي...أصلو ولد أصل مفطـور
وزكريا أب مقامـــاً عــالي.....نضمو يفـرح المحســـور
وطيبـان الحبيــب الغــالي.... أحسن من شال لقب دكتور
والمـــاخـــد بنــية خـــالي.... دايماً يا كريـــــم مســرور
وعيدابي يحبــك المتعـالي.....قعدو في المدينـة أم ســور
إنشاء الله ولا إنقطاع طوالي...نتواصـل دوام في حبــور
أما الجنـجلـوس وسحــالي....عازفـات للسجــم طنـــبور
ومن بدري الحكيم ما قالي.....ما بنصلـــح المكـســـــور[/size][/font]

[صلاح عبد النبي]

الأخوان ..
أب شخيت ..
وم بروي ..
والله نضمكم سمح بالحيل .. جريتو حبل النم .. لكن دابو في أولو
واصلوا ويمكن يدخل معاكم شعراء آخرين ..
شكراً لكم ..

[أب شخيت]

الأخوان ..
أب شخيت ..
وم بروي ..
والله نضمكم سمح بالحيل .. جريتو حبل النم .. لكن دابو في أولو
واصلوا ويمكن يدخل معاكم شعراء آخرين ..
شكراً لكم ..

أخوي صلاح
اولا أهني نفسي بوصول أخوي بروي واهنيكم معاي...الزول دا ما ظنو دايريظهر لوما وصلتو موية الشعر في جحرو؟؟؟!!!.
نحن جاهزين بعد ما بروي نضيفو شوية ويرتاح من السفرة الطويلة دي....والدار دار للكل " شاعرين وناثرين وقارئيين...حبابكم ألف.

[عماد جعفر سالم]

لابسات بنطلون و فنالي..مكشوفات نهود و خصور

ديل يا خويا غايظات حالي....في وجه البلد ناسور


شكراً للنمات يا أولاد دقش والكاب لكن ...رمضان كريم
ثم يا ابقراطاتنا الناسور اشنو الفي الوشي؟؟؟؟؟؟؟؟؟؟؟يعني لو قلنا في السن والا الضرس ..ممكن

[م بروي]

أخوي صلاح
اولا أهني نفسي بوصول أخوي بروي واهنيكم معاي...الزول دا ما ظنو دايريظهر لوما وصلتو موية الشعر في جحرو؟؟؟!!!.
نحن جاهزين بعد ما بروي نضيفو شوية ويرتاح من السفرة الطويلة دي....والدار دار للكل " شاعرين وناثرين وقارئيين...حبابكم ألف.

أخوي صلاح عبد النبي كيف حالك يا أخي..يا أخي الرباطابي الغتيت ده سمعتو يقول يكب المويه لكن غتاتو لدرجة إنو غلاها قبال يكبها..وصراحةً أدهشني في مستوى شعره.أنا كنت قايلو شويعر.. وطبعاً إنت راجل شاعر وفنان وملحن أكيد لاحظت موسيقى الشعر في قصيدتو دي وكيف إنها ملحنة جاهزة لأن موسيقاها تنسجم مع اللحن الشايقي وقصايد الشايقية وعلى سبيل المثال قصيدة ابراهيم أبنعوف (الدرب )ومنها
فسراع يا نسايم أشواقي ..وديلي السلام مطبوق
لأهلنا وجميع حبانا..في الحلي التحت والفوق
طول داير ازوركن مرة..إلا قديمي ما مطلوق
والدرب المسافر بيهو.. من طولو تهابو النوق
خمس سنين قعد في ظلامو ما بان لي صباح وشروق
مساهر الليل مع الباكنو وينجارى الدمع سبلوق

ودي مقتطفات من القصيدة تبين تطابق موسيقى شعر اب شخيت مع موسيقى شعر الشايقية بغض النظر طبعا عن القافية ولكم محبتي

[م بروي]

أخوي صلاح
اولا أهني نفسي بوصول أخوي بروي واهنيكم معاي...الزول دا ما ظنو دايريظهر لوما وصلتو موية الشعر في جحرو؟؟؟!!!.
نحن جاهزين بعد ما بروي نضيفو شوية ويرتاح من السفرة الطويلة دي....والدار دار للكل " شاعرين وناثرين وقارئيين...حبابكم ألف.

أخوي صلاح عبد النبي كيف حالك يا أخي..يا أخي الرباطابي الغتيت ده سمعتو يقول يكب المويه لكن غتاتو لدرجة إنو غلاها قبال يكبها..وصراحةً أدهشني في مستوى شعره.أنا كنت قايلو شويعر.. وطبعاً إنت راجل شاعر وفنان وملحن أكيد لاحظت موسيقى الشعر في قصيدتو دي وكيف إنها ملحنة جاهزة لأن موسيقاها تنسجم مع اللحن الشايقي وقصايد الشايقية وعلى سبيل المثال قصيدة ابراهيم أبنعوف (الدرب )ومنها
فسراع يا نسايم أشواقي ..وديلي السلام مطبوق
لأهلنا وجميع حبانا..في الحلي التحت والفوق
طول داير ازوركن مرة..إلا قديمي ما مطلوق
والدرب المسافر بيهو.. من طولو تهابو النوق
خمس سنين قعد في ظلامو ما بان لي صباح وشروق
مساهر الليل مع الباكنو وينجارى الدمع سبلوق

ودي مقتطفات من القصيدة تبين تطابق موسيقى شعر اب شخيت مع موسيقى شعر الشايقية بغض النظر طبعا عن القافية ولكم محبتي

[م بروي]

أخوي صلاح
اولا أهني نفسي بوصول أخوي بروي واهنيكم معاي...الزول دا ما ظنو دايريظهر لوما وصلتو موية الشعر في جحرو؟؟؟!!!.
نحن جاهزين بعد ما بروي نضيفو شوية ويرتاح من السفرة الطويلة دي....والدار دار للكل " شاعرين وناثرين وقارئيين...حبابكم ألف.

أخوي صلاح عبد النبي كيف حالك يا أخي..يا أخي الرباطابي الغتيت ده سمعتو يقول يكب المويه لكن غتاتو لدرجة إنو غلاها قبال يكبها..وصراحةً أدهشني في مستوى شعره.أنا كنت قايلو شويعر.. وطبعاً إنت راجل شاعر وفنان وملحن أكيد لاحظت موسيقى الشعر في قصيدتو دي وكيف إنها ملحنة جاهزة لأن موسيقاها تنسجم مع اللحن الشايقي وقصايد الشايقية وعلى سبيل المثال قصيدة ابراهيم أبنعوف (الدرب )ومنها
فسراع يا نسايم أشواقي ..وديلي السلام مطبوق
لأهلنا وجميع حبانا..في الحلي التحت والفوق
طول داير ازوركن مرة..إلا قديمي ما مطلوق
والدرب المسافر بيهو.. من طولو تهابو النوق
خمس سنين قعد في ظلامو ما بان لي صباح وشروق
مساهر الليل مع الباكنو وينجارى الدمع سبلوق

ودي مقتطفات من القصيدة تبين تطابق موسيقى شعر اب شخيت مع موسيقى شعر الشايقية (البحر ) ودبل قافية كمان ولكم محبتي

[م بروي]

شكراً للنمات يا أولاد دقش والكاب لكن ...رمضان كريم
ثم يا ابقراطاتنا الناسور اشنو الفي الوشي؟؟؟؟؟؟؟؟؟؟؟يعني لو قلنا في السن والا الضرس ..ممكن

الأخ daimaw شكراً جزيلاً لشكرك و الرباطاب المسيخين ديل واحد منهم عملو شكله مع شايقي في الأصل والفصل وقام الشايقي قالو أسمع يا خينا أرجع للتاريخ في قديم الزمان قام الرباطابي قاطعو قالو ماتتكلم عن قديم الزمان لأنو في قديم الزمان ما كان في شوايقة كان في الدنيا دي نفرين بس (ربط وبرط) برط جاب البريطانيين وربط جاب الرباطاب بضم الباء والراء . ولك التقدير

[أب شخيت]

شكراً للنمات يا أولاد دقش والكاب لكن ...رمضان كريم
ثم يا ابقراطاتنا الناسور اشنو الفي الوشي؟؟؟؟؟؟؟؟؟؟؟يعني لو قلنا في السن والا الضرس ..ممكن


أخوي (Daimaw)
الله أكرم ياخوي.....
في عاميتنا السودانية توجد تعابير دقيقة المعني مثلا " فلان أكول و علان إكِّيل " ...الأول يهتم بالكم من المأكول والثاني يهتم بالنوع والجودة...!!!.أحسبك في الشعر من النوع الثاني "الإكِّيل"...سؤالك كأنك تستزيدني من "اللطايف" و "الإشارات" الواردة في البيت الذي تفضلت بذكره:
ولضمان متابعة الجميع أسمح لي أن أذكر معلومات مختصرة أنت تعرفها بالتأكيد عن الناسور (Fistula) الخاص بالنساء "حصراً":
الناسور النسائي هو فتحة بمجرى الولادة أي بالمهبل متصلة بأحد الأعضاء الداخلية كالمثانة أو الأمعاء. واذا كانت الفتحة متصلة بالمثانة يكون عند المرأة سلس مستمر للبول من المهبل، اما اذا كان متصلا بالأمعاء فتخرج الفضلات باستمرار وبدون تحكم من مهبل المرأة المصابة، وتحتاج الى لبس حفائظ واقية طوال الوقت، يؤدي ذلك الى نفور الناس منها وتصبح في عزلة واكتئاب نفسي وحالة مزرية وقد تتعرض حياتها الزوجية لاضطراب شديد.
ولنعود للبيت الشعري:
"الوجه" الذي يرمز للسمعة والكرامة والكبرياء ..في العامية مثلاً (ماعندو وش يقابلني بيهو..!!)..
والناسور هنا علي هذا الوجه يعني "حال" الناسور..!!.وما أقبح وما أنتن هذا "الوجه" حين يلطخ بقاذورات "الناسور"...!!!.
و"الوجه" يرمز ايضا للعلن والصراحة والوضوح...في العامية مثلا (بقوله ليك في وشيك..!!)..
والناسور هنا على هذا الوجه يعني "موضع" الناسور..!!. وما يستتبع ذلك من ممارسات..!!.. وما أقبح وما أنتن مثل هكذا سلوكيات شاذة و دخيلة أصبحت تمارس في العلن وعلى عينك يا تاجر..!!!..ولعل ذكر النهود والخصور (تهنئة رمضان هنا مقبولة منك ياخوي..!!) ثم إردافها بقافية الناسور ما يشير للمقصود من "الناسور" بمعنى "الموضع" ومن ثم "السلوك"..!!!.
مشكور ياخوي يا "ذوّاق"..لكين بالله ما تدخل غريق كده في المواضع دي في رمضان..!!!.و عليك رمضان كريم..!!!.

[أب شخيت]

أخوي صلاح عبد النبي كيف حالك يا أخي..يا أخي الرباطابي الغتيت ده سمعتو يقول يكب المويه لكن غتاتو لدرجة إنو غلاها قبال يكبها..وصراحةً أدهشني في مستوى شعره.أنا كنت قايلو شويعر.. وطبعاً إنت راجل شاعر وفنان وملحن أكيد لاحظت موسيقى الشعر في قصيدتو دي وكيف إنها ملحنة جاهزة لأن موسيقاها تنسجم مع اللحن الشايقي وقصايد الشايقية وعلى سبيل المثال قصيدة ابراهيم أبنعوف (الدرب )ومنها
فسراع يا نسايم أشواقي ..وديلي السلام مطبوق
لأهلنا وجميع حبانا..في الحلي التحت والفوق
طول داير ازوركن مرة..إلا قديمي ما مطلوق
والدرب المسافر بيهو.. من طولو تهابو النوق
خمس سنين قعد في ظلامو ما بان لي صباح وشروق
مساهر الليل مع الباكنو وينجارى الدمع سبلوق

ودي مقتطفات من القصيدة تبين تطابق موسيقى شعر اب شخيت مع موسيقى شعر الشايقية (البحر ) ودبل قافية كمان ولكم محبتي

أخوي بروي
في الاول كبينا الموية الباردة في بوست (لك الله يا صاحب الاختيار الحر ..يا..انسان)..وادناك زمن حضور كافي و ما جيت...!!!.
نعمل شنو تاني غير الموية المغلية؟؟؟...!!!. والحمد لله الظهرت في المرحلة دي..!!.
باقي لينا تاني بس "موية النار" وربنا مرقك منها بي جيتك دي...!!!.
أشكر ليك كلماتك الرقيقة بخصوص القصيدة موسيقى وقافية..!!!.الحمد لله الجات علي وزنة ولاد عمنا الشوايقة...ديل طبعا معروفين على نطاق السودان بمجموعة صفات أبرزها الشعر والطنبور..و(حاجات تانية حامياني)..!!.