رمضان في السودان

[أشرف محمد خليفة]

اعترف بان لرمضان في السودان طعم خاص لا يضاهية طعم،
قبل ان يهل الشهر الكريم باكثر من شهر تشاهد منظر الزريعة مفروشة على العناقريب داخل الحيشان، ومن بعد وانت في الطريق (شاقي الحلة) تشم رائحة عواسة الابري منطلقة من المنازل، وطبعا كالعادة لا تنطلق النساء الي السوق لشراء (حاجات رمضان) الا بعد ان يتم تثبيت هلال رمضان، حيث تجد زحمة الشراء في دكاكين(العدة) والسكر والبهارات.
وبعد ان يهل الشهر الكريم وكالعادة تجد موائد الرحمن بالاسواق والمواقف الرئيسية، وداخل المناطق السكنية تجد الافطار الجماعي حيث يتجمع كل عدد من المنازل امام احدهم او فى (طرف الشارع)
لكل ماسبق وكل مالم اذكر واتذكر، اقول بان لرمضان في السودان طعم خاص

[النافعابى]

http://www.l44l.com/up/uploads/ec790f3dc6.jpg (http://www.l44l.com/up)

[عوض جلاس]

فعلاً رمضان له طعم خاص ونكهة مميزة في السودان قل أن تجدها في دولة أخرى متمثلة في التوادد والتراحم والتواصل بين الأهل والأحباب والإفطار الجماعي الذي يجمع كل أهل الشارع أو الحلة في مكان واحد ..
لقد افتقدنا هذه الأجواء الجميلة أخي أشرف ونتمنى أن نعود إليها قريباً إنشاء الله
لك تحياتي ورمضان كريم

[أبو السيوف]

اخونا اشرف الله يجزيك الخير انك رجعتنا للذكريات دي مع انو الحلومر برسلو من السودان لكن برضو تحس الطعم ماياهو او ناقصاهو حاجه واقولك حاجه ابوي اتصل علي يوم يصبح رمضان اندهشت من الإتصال وقلت اكيد في حاجه حاصله اتاريهو داير يبارك لي الشهر بعداك يادوب قلبي رقد ،،، ربنا يعودو علينا وعليكم وعلى الجميع بالخير واليمن والبركات وما داير اقول نحضرلنا رمضان في السودان لانو بيني وبينك اتعودنا علي صيام الراحات ده.

[رقيتون]

فعلا وليدنا اشرف رمضان له نكهه خاصه الابنيات هسع غيرن فيهو كوارينا حقت الطلس الزرقاءالمرسوم فيها الهلال والمريخ اه بسم الله الهلال والنجمه يكون فيها الابرى ويكون فيها السحور فطيرا بلبن يامديدة وحليل الشفع فى رمضان اول من يصحو من النوم
يجرى جرى على كورية السحور ويتمنوا انو يكون اهلهم ناموا ومااتسحروا عشان ياكلوا مابداخل الكوريه والزول الكان يفتش كوارى السحور يمسك العبدلاب بيت بيت هو الشافع الاسموا زكريا دة جضوموا دى كلها من كوارى السحور نجم بنات ابديه نجيم

[على محجوب جعفر مصطفى]

رمضان جميل بااهله فى السودان
لكن عاد جنس حرايه بالنهار
يعنى ياحبوبه جضوم زكريا دى كلها من كوارى السحور!!!!!!!!!!!!!!!

[أشرف محمد خليفة]

عمنا النافعابي
الصوره حلوة ومعبرة، بس بيني وبينك الابري ده ما تعبان شوية ولونوا فاتح ما هوا احمر؟

[أشرف محمد خليفة]

لقد افتقدنا هذه الأجواء الجميلة أخي أشرف ونتمنى أن نعود إليها قريباً إنشاء الله


الخال عوض
ربنا يردنا الي اهلنا سالمين غانمين، ويحضرنا رمضان في السودان
آآآآآآآآآآآآآآآآآمين

[أشرف محمد خليفة]

وما داير اقول نحضرلنا رمضان في السودان لانو بيني وبينك اتعودنا علي صيام الراحات ده.

والله كان سمعت كلامي صيام الراحات ده شن طعموا؟
تزكر زمااان وكت الحر يكتل، تقوم تجيب التوب (وتطمجوا) في جردل الموية وتتغتى بيهوا لمن ينشف من السموم والهواء الحار؟

[أشرف محمد خليفة]

فعلا وليدنا اشرف رمضان له نكهه خاصه الابنيات هسع غيرن فيهو كوارينا حقت الطلس الزرقاءالمرسوم فيها الهلال والمريخ اه بسم الله الهلال والنجمه يكون فيها الابرى ويكون فيها السحور فطيرا بلبن يامديدة وحليل الشفع فى رمضان اول من يصحو من النوم
يجرى جرى على كورية السحور ويتمنوا انو يكون اهلهم ناموا ومااتسحروا عشان ياكلوا مابداخل الكوريه والزول الكان يفتش كوارى السحور يمسك العبدلاب بيت بيت هو الشافع الاسموا زكريا دة جضوموا دى كلها من كوارى السحور نجم بنات ابديه نجيم

بتزكر زمان يا حبوبة كنا بنشيل كورية الطلس (الفيها الهلال بس) ونغسلة ونربطة في الراس ونعمل لينا سيف من الصاج ونمشي نعمل حرب مع ولاد الحلة التانية
زي مسلسلات رمضان الدينية

[أشرف محمد خليفة]

رمضان جميل بااهله فى السودان
لكن عاد جنس حرايه بالنهار
يعنى ياحبوبه جضوم زكريا دى كلها من كوارى السحور!!!!!!!!!!!!!!!

والله انا زكريا ما شوفتوا،
لكن شكلوا كده - و الله اعلم- عندوا جضوم كاربة من السحور :d:d:d

[التهامى كروم]

فعلاً طعم رمضان في السودان غير
من رئحة الحلو مرة لي لمة الناس
لي الافطارات الجماعية لي لمة الناس
في البروش قدام البيوت

:)

[مرتضى عوض]

التحية ليك يا ابو الشوش
و التحية لي كل المتداخلين
و رمضان كريم و ربن يتقبل الصيام و القيام
و الله يا جماعة رمضان في السودان بس امبقي الجو حار متل صاج القراصة (صاج القراصة بيكون اسخن من صاج الكسره لانها تقيله) مافي زيو. و اهم حاجه في السودان لمة الناس البرة الشارع عن ساعة الفطور عشان يفطرو المارين بي الطريق و قسبن عنك تقعد تفطر حتي ان بقيت ماك صايم وفي المناطق الجم الطريق السفري الناس بيقفلو الشارع عدييييييل عشان العربات ما تمر و الناس تنزل تفطر (بالله الجابرم علي متل دا شنو ) يا هو دا السودااااااان .
طبعا ان من شدة حظي السمح دي الكره التالته اصوم بره السودان الاولي في موريتانيا و التانية في السنغال و التالته انشاء الله الان في غانا .
قايتو المرتين الفاتن اول يوم في رمضان كنت مسافر و فطرت بي مويه و تمر لانو وصلت مدينه مواعيد الفطور و الشوارع فااااااااااااضية .
شفتو بلدن كيفن سمحه ربن يحفظه و يقتي عليها من الفتن .ادعو ليها في رمضان الله يديكم العافية.

[عمر مجذوب خطيب]

اشرف - لحظة الافطار وما بعد الصلاة - كباية قهوة - كبايتين شاي - وباقي المكيفات - والعجب تحلية بي بطيخة باردة - يا الله

[عبد العظيم الطاهر]

أيي والله سمح بالحيل ... بالونسي واللمة ...لكين تاني آ بعرفو :)
طبعا السني الفاتت صمت لي فيهو كم يوم كدي .. حدي معاهن صلاة المغرب ..
علا مرقت ملوص من صلاة التراويح ... ولا تريويحايي واحدي ما لميت فيها
نامن جيت صاد بى هني حتن عيوني ديل دابن فتحن ..:p;)

[وليد محمد مصطفى]

رمضان كريم تصوموا وتفطرو ا علي خير وكل سنة وانتم بخير

http://up4.m5zn.com/9bjndthcm6y53q1w0kvpz47xgs82rf/2009/8/21/10/uf5oh5ikt.gif

[أشرف محمد خليفة]

الاخوة مرتضى، عمر، عبد العظيم ووليد تحية عطرة وندية
العزيز ودكروم مشكور سبعة شهور
الاعضاء ووالزوار الكرام
رمضان كريم
تصوموا وتفطروا على خير وربنا يتقبل صالح الاعمال والدعاء
المغتربين ان شاء ربنا يرجعهم بالسلامة لي رمضان السودان

[Yasir Mahjoub Musa]

فعلا وليدنا اشرف رمضان له نكهه خاصه الابنيات هسع غيرن فيهو كوارينا حقت الطلس الزرقاءالمرسوم فيها الهلال والمريخ اه بسم الله الهلال والنجمه يكون فيها الابرى ويكون فيها السحور فطيرا بلبن يامديدة وحليل الشفع فى رمضان اول من يصحو من النوم
يجرى جرى على كورية السحور ويتمنوا انو يكون اهلهم ناموا ومااتسحروا عشان ياكلوا مابداخل الكوريه والزول الكان يفتش كوارى السحور يمسك العبدلاب بيت بيت هو الشافع الاسموا زكريا دة جضوموا دى كلها من كوارى السحور نجم بنات ابديه نجيم

ياحبوبتى رقيتون رمضان كريم بكوس عليك من زمان وسالت عليك فوق وتحت
وليد ولدك محجوب موسى

[أشرف محمد خليفة]

ياحبوبتى رقيتون رمضان كريم بكوس عليك من زمان وسالت عليك فوق وتحت
وليد ولدك محجوب موسى
انت من زمن زمن ريقيتون ؟
الظاهر عليها خرّفت ومرقت برّه الشبكة
الله يديها العافية
قول آمين

[واصل هاشم]

يا اشرف يا اخوي اول شي رمضان كريم عليك وعلي الجميع وتصوموا وتفطروا علي خير
بمناسبة موضوعك دا انا اول مرة اصوم رمضان في برا السودان والله ابدا ما رمضان ولا حاجة غايتو بس الله يعدي الايام علي خير
لمة ناس بيتنا علي صينية الفطور ابدا ما قادر انساها وما باقي لي فطور البلد دي

جرسة شديييدة

[أشرف محمد خليفة]

يا اشرف يا اخوي اول شي رمضان كريم عليك وعلي الجميع وتصوموا وتفطروا علي خير
بمناسبة موضوعك دا انا اول مرة اصوم رمضان في برا السودان والله ابدا ما رمضان ولا حاجة غايتو بس الله يعدي الايام علي خير
لمة ناس بيتنا علي صينية الفطور ابدا ما قادر انساها وما باقي لي فطور البلد دي

جرسة شديييدة


الاخ واصل، رمضان كريم
والله يكون في عونك
ده رمضان التاني بالنسبة لي بره السودان
المرة الفاتت كنت زيك كده عزابي
الحمد لله قلت تاني مافي كلام ذي ده، الان معاي الاسرة
لكن برضوا ما بيحصل رمضان السودان
ولا شنو ؟