مشاهدة النسخة كاملة : مفردات من الطين
عبد الرحمن يوسف
09-19-2007, 11:25 AM
مفردات من الطين
________________________________________
الدحلوب والجر والقسيبا والقادوس والقلة والطوب والفرن والقحف
________________________________________
اقتباس:
المشاركة الأصلية كتبت بواسطة عبد الرحمن يوسف
الدحلوب والجر والقسيبا والقادوس والقلة والطوب والفرن والقحف
آمنت واستطامنت من قُدْمك يا عبد الرحمن يا اخوي...
لوووووووووووووول!!!
قال الدحَلُوب قال!!!
كدي النرجى ناس أبو أيمن وندادته لي ترجمة "المصطلحات الطينية دي"!!
يديك العافي الفي عضيماتك...
تم تعديل حجم الخط يا أُستاذ/ عبد الرحمن عشان عوينات الحجاج
أبو الحســــــين...
__________________
...
النافعابى
________________________________________
الغالى عبد الرحمن يوسف
غايتو وهدبتنا بلحيل كل مفردات الطين عرفناها
لكن الما عرفتو الدخل الدحلوب فى مفردات الطين شنو
اخوك الشى البعرفو انو الدحلوب ده قدح واتذكر زماااااان
وقت الصدقه اهلنا يقولو ماشين كفى الدحلوب غايتو دى معرفتى سويتا
لمن يجى النديد ابو ايمن يقول قولو اما الباقيات نخليهم للشباب ناس ود اختى
__________________
أ
مفردات
________________________________________
اقتباس:
المشاركة الأصلية كتبت بواسطة أبو الحسين
تم تعديل حجم الخط يا أُستاذ/ عبد الرحمن عشان عوينات الحجاج
أبو الحســــــين... [/color][/font]
اقتباس:
المشاركة الأصلية كتبت بواسطة أبو الحسين
[/b]
ابوالحسين هوووووووووووووووووى نحمد الله الدكتور انس رسلى نظارة سمحى تشوف مو متيل خطك دة تشوف شدت ماهى سمحى تشوف الزول الواحد دة زولييين وتلاته دة شغل الخواجات ومافى كلام[/size]
_____عيدابى___________________________________
اضافة....يا عبد الرحمن
من القديم .....الكبيق.....البالوص....الخُماره ...الكادق.... الجُره
من الجديد...... المزهرية .. ..البلوك . ... المزراب....
الكادق نوعين فى نوع من القرع وفى نوع من الفخار اما باقى الاسماء كلها من الفخار
ٌ
عيدابي
________________________________________
اقتباس:
المشاركة الأصلية كتبت بواسطة عبد الرحمن يوسف
الدحلوب والجر والقسيبا والقادوس والقلة والطوب والفرن والقحف
الاخ عبد الرحمن ملحوظة
القسيبا والفرن مش من فصيلة الفخار
هذه تصنع من الطين اللزج + زبل البقر + تبن قمح يُخمر الطين مع زبل البقر والتبن وُتبنى منه القسيبا
وكذلك الفرن ولكن الفرن بدون اضافة التبن
ولا تتعرض هذه المواد للحريق بالنار وبذلك هى
ليست من فصيلة الفخار والله اعلم
النافعابى
________________________________________
بدايتك بالكبويق آالخليفه
غايتو انا بأيدك فى القسيبى صح هى طين زايد زبل
كدى اثبت انك من الندد
__________________
عثمان الحليبي
صناعة الفخار
________________________________________
لماذا لا نعرض ثقافتننا المادية للدراسة العلمية.
فما عرض في هذا البوستر هو ما يسمى بالثقافة المادية وهي كل ما ينتجه الانسان من اشياء ملموسة يستخدمها في اداء اعماله.
وصناعة الفخار كانت مزدهرة في المنطقة منذ القدم وقد انتشرت الترادة جمع ترد علي امتداد النيل .
ما اريده هو ان الامر يمكن ان يدرس بطريقة علمية. من جوانب فلكلورية ولغوية.
__________________
عمر مجذوب خطيب
________________________________________
عبد الرحمن تشكر يا رجل وانت تنكت لنا ما غشته عوادي النسيان
ويا النافعابي في الباقيلي الدحلوب ده الزير الكبير اعتقد ذلك
أبو أيمن
________________________________________
الماسمعتبو ...والله سمعاً طشاش طشاش.....الدحلوب...لكن الباقات هينات زي ماقال نددانا فوق...أما ناس المزهرية والمزراب...أظنو سمعنا في السعودية.....
__________________
همسة
________________________________________
اقتباس:
المشاركة الأصلية كتبت بواسطة عبد الرحمن يوسف
الدحلوب والجر والقسيبا والقادوس والقلة والطوب والفرن والقحف
__________________
النافعابى
________________________________________
اقتباس:
المشاركة الأصلية كتبت بواسطة همسة
انت بت بتين مالك ومال جنس ده ياهمسه ده كلام كبار خلاص
__________________
أ
عبد الرحمن
مفردات من السعف
________________________________________
الشكر لكل المتداخلين الاخ عيدابى شكرا على الاضافة الاخ الحلبى اقتراحك جيد وسوف اواصل فى هذا البوست وفى انتظار دعمكم مفردات من السعف
البرش النطع الهبابه الحبال قفه قفة سكر كون شبر البشانتيق المعلاق
النافعابى
________________________________________
نضيف التبروقه لكن بينى وبينك فى اتنين الله خلقنى ماسمعتبون تب
النطع وكون شبر فسرلنا
__________________
أعيدابي
________________________________________
اقتباس:
المشاركة الأصلية كتبت بواسطة النافعابى
نضيف التبروقه لكن بينى وبينك فى اتنين الله خلقنى ماسمعتبون تب
النطع وكون شبر فسرلنا
معقول يا النافعابى ماب تعرف الكون شبر
الكون شبر دى اهم قفة عند القراعين
يستعين بها القراع لمة اللبقة تتماص
يملاها تراب عشان يسد اللبقة او ايى ردميات
اخرى...
وانا اضيف ...ا لعُمُره .... والطبق ... والمقشاشة .... والقرقريبة.....و البلال...و ..الكسكسيقة..
...و السباتا .. .. ايى البرش الطويل كانو زمان برقصو فوقو العروس....
وبالمناسبة يا عبد الرحمن الكسكسيقة حقت الحاجى ست الدار بت سعد
قالوا ورثته الخالة رقيتون وشالته منها بخيتون الكلام ده صحيح يارقيتون.
..
اما النطع ده ما سمعتبو قبل كده عايزين...الاخ عبدالرحمن يشرحه لينا
عبد الرحمن
مفردات من الطين
________________________________________
الاخ النافعابى عيدابى اداك الكون شبر للقراعة
والنطع يوضع على حفرة الدخان
والتبروقة وهى التقروقة للصلاة
الدحلوب عبارة عن حوض لسقاية البهائم وزى نص الزير الكبير ياعمر مجذوب
النافعابى هاك الحنقوق ده
عيدابى طبعا موسى معاك وحكى لك عن بنات البلك وكسكسيقة ست الدار طبعا الان الصينين اخر موضة الكسكسيقة وهى واكبت العولمة رغم انها من الزمن القديم لانها تمتاز بحماية جسم الانسان من لهب الهجير الحارق مع برودتها على الراس يالها من صناعة لم تندثر .
النافعابى
________________________________________
الكون شبر نحن نسميها عندنا قفة السكر اما النطع دى جديدى على انا وليد متين
يا عبد الرحمن نحن ما حضرنا الزمن داك
الحنقوق سعف الدوم المبلول
__________________
عبد الرحمن يوسف
مفردات من الطين
________________________________________
النافعابى اخوى قفة السكر دى تقفل اللبقة متين اذا جيت البلد بحضرلك كون شبر تشوفه اذا لقيته لانوا اللبقة الجماعة بقوا يستعملوا الجركانة حقت الزيت . لى قفلها
ضمره بغدادي
________________________________________
[[الاخ عبد الرحمن لك التحية
انت ماك قديم لكن زى حبوبه غايتو ماخليتلنا شيتن نقولو
وها ك اغراض باب الصنط القديم
مسمار حدادى , الدندهوب ,الشرو, الكشر, طاقة الكبد,الكديس, الكلاب, الدقل
________________________________________
__ ضمرة______________________________________
عبد الرحمن
من مفردات الطين
الدلوكه والمبخر
صديق
________________________________________
الأستاذ عبد الرحمن
سلام
"الأساتذة عيدابي وأبوايمن
لكم التحية والإحترام
كم تجدوني آسف لما كتبت ولا أدري لماذا؟ إنما هو رجع صدى لنكته قديمة لم أعن بها أي شي
فلكم العتبى ولكل من مسه "رايش"
وشكراً"
ثم أعطيك هذه القائمة التي عفا عليها الدهر
السبلوقة
الكرّاب
النقاع
الكبيق
الاشميق
الشرقرق
البوغة
الكشّق
اللقدابة
البندِق
الرقراق
الآرنيق
النوريق
الصايح
القرقريبة
البسديق
الكُشر
الشرو
الدُقُل
التُكُل
التدي (التودي) وراء الباب
المشق (وتدور حوله مشقبية الباب من تحت)
الأرتيق
الأرنيق
الكسكسيقة
الحنقوق (من سبيط التمر)
عمر مجذوب خطيب
________________________________________
يا اخوانا الحكاية كبرت ودايرا متخصصين والمحيرني انو النافعابي ماب يعرف النطع يا اخي ده كان اشهر من نار على علم وهو غير بعيد من النار فمع غيبة الشمس كانت مئات النطع تبدأ العمل الى ما شاء الله
اها من سيفسر لنا الخلفيات اللغوية لهذه الاسماء يعني الكبيق ده باقيلنكم يصرف لغويا كيف واسهل شي طبعا نقول انه اسم نوبي ونريح رقبتنا
أبو أيمن
________________________________________
تحياتي لك أخ صديق.....وزي مابيقول المصريين ....صافية لبن....حليب يا إشطة.......كلنا خطاءون وخيرنا هم التوابون.....اللهم أعصمنا من الخطأ والزلات وأجعلنا جميعاًإخوة متحابون ومترابطون واجعل لنا من أمرنا رشداً........واهدنا سبل السلام...
__________________
أ
عصام سرالختم
________________________________________
الاخ عبدالرحمن يوسف
رجعتنا سنين كتيرة لى وراء.....
ومعظم هذه الكلمات اندثرت حاليا وصارت تراث
صديقى الدكتور ياسين ( صديق )
فى مصطلحين من قائمتك ما عرفت معناهم :
الكشّق
الشرو
عثمان الحليبي
الفخار وأهميته وبداية صناعته
________________________________________
الفخار وأهميته وبداية صناعته
أهميته ولماذا ندرسه:
الفخار يعتبر دليلاً ملموساً لدراسة الآثار ودراسة الفخار يساعدنا على معرفة الشعوب وانتقالها من منطقة الى منطقة ومعرفة الصلات بين الشعوب وانتقال الخبرات. ايضاً يحدد لنا الفترات الزمنية والتاريخية وذلك من خلال الأواني التي ترافق الموتى وتعطينا بعد دراستها المستوى التقني للعصر الذي تعود اليه.
حيث انه يعتبر اداة للتأرخة ويعرفنا الاساليب الفنية وصور الآلهة التي كانت سائدة في تلك الفترة والفخار هو احد عوامل الاستقرار ويعطي لنا صورة عن الهيكل الثقافي لتلك الأمة التي كانت سائدة والجانب التقني لها.
يعرفنا اسلوب الصناعة والمستوى بين فترة وفترة الفخار في تسلسل الطبقات يعطينا دليلاً واضحاً عن النمط الثقافي الذي كان سائداً في تلك الفترة.
والفخار من الآثار التي تعطينا صورة كاملة عن الثقافات القديمة الى الوقت الحاضر لأنها المادة الوحيدة التي تقاوم الزمن.
والفخار: هو الطين المحروق غير المزجج(Unglazed pottery) أما الخزف: فهو الطين المحروق المزجج(Glazed pottery) لذا فإن أهم شيء يهم الآثاري عند التنقيب هو حصوله على تاريخ دقيق حيث انه يقوم بمقارنة فخاريات الموقع بالفخاريات الاخرى.
> معرفةالمادة الفخارية فكل مادة فخارية يجب ان يتوافر فيها الطين لماذا؟
لأنه المادة الوحيدة التي لا يتوافر فيها شوائب لذا فقد خلق الله الانسان من الطين وهذا تحليل فيزيائي.
وصناعة الفخار هي مهنة متوارثة لذا عرف توزيع جزئيات ذرات العجينة بشكل دقيق وذلك حسب حجم الاناء.
ويجب ان يكون هناك تناسق بين جزئيات المادة والاناء الكبير لا يمكن ان يعمل بجزئيات صغيرة.
والفخار: هو المادة التي تحدد انتقال الشعوب وتحركهم من منطقة لأخرى، وذلك بعد دراسة الزخارف والالوان الموجودة فيه وتعدد اختلاف الألوان راجع الى درجة الحرارة في الفرن.
ودرجة الحرارة هي التي تعطي الاناء درجة الصلابة، ولايكون الفخار جيداً الا بعد درجة حرارة(500)ْ خمسمائة درجة لانه بعد هذه الدرجة يخرج الماء من الجزئيات.
ولكن هذه الدرجة ليست النهائية بل وجد فخار وصلت درجة حرارة حرقه في الفرن الى درجة (1100ْ-1150ْ) وهذا النوع وجد في فخار الكويت، حيث انه الوحيد الذي وصل الى هذه الدرجة.
وارتفاع درجة الحرارة راجع الى احكام الافران وكبرها وصغرها والتحكم في درجة الحرارة هو الذي يعطينا الالوان المختلفة واحياناً تجد إناء عليه عدة الوان وهذا راجع الى وضعيته في الفرن وتعرضه لدرجة الحرارة والأواني الفخارية يكون لها قواعد مختلفة اما قاعدة حلقية(Ring base) او قاعدة مسطحة(Flat base). وهناك اجهزة التحليل الكيميائي حيث يفيدنا التحليل في معرفة المادة ودراستها. وهذه الاجهزة يشتغل عليها شخص مخصص لها منها:- 1- جهاز تفلور الأشعة السينية X. R. D 2- جهاز تفلور حيود الاشعة X. R. F 3- جهاز التكبير Scamming Electron Microscop
والجهاز الخاص بالتكبير يفيد في معرفة النسيج الداخلي للمادة الفخارية وكلما تقل المسامات تدل على ارتفاع درجات الحرارة، وهذا يدل على الحرق الجيد. وكلما تتسع المسامات تدل على انخفاض درجات الحرارة وهذا يدل على عدم الحرق الجيد.
اذاً فالفخار هو:-ما صنع من الطين وتعرض للحرارة واكتسب صفة المتانة والصلابة.
أو هو ما صنع من الطين وشكل أوهو رطب ثم يقسى بحرقه.
تعريف الطين: هو مادة غروية لدنة ليست اصلية ناتجة عن تفكك وانحلال انواع معينة من صخور اصلية والمادة الجوهرية في جميع انواع الطين هي سلكات الالمنيوم.
فلا بد من توافر الاساسيات الثلاثة وتتكون في المادة الفخارية وهي: 1- Sand= 0.06- 2-00mm 2- Slit= 0.002- 0.06 m.m 3-Clay= 0.002m.m وهذامن صخور نارية وصخور رسوبية. والاصل في الارض هي الصخور النارية تتحول الى صخور رسوبية وبعد تحولها تعمل العوامل الطبيعية(رياح، امطار......الخ) على جرفها وتكوين التربة.
وهذه التربة هي التي تستخدم في صناعة الفخار، وهذا هو الطين الثانوي. الطين الاساسي يكون تحت الطبقة الصخرية واذا ما وجدت مادة الطين تكون الآنية هشة التكوين.
اسباب صناعة الفخار
بسبب تغير ظروف المناخ بعد الزحف الجليدي، وبدأ في الاستقرار، وبدأ في الزراعة وتدجين الحيوان، بدأ في صناعة الادوات والأواني الفخارية وبعد معرفته لها اصبحت عنده صناعة مهمة.
والفترة التي بدئ فيها صناعة الفخار هي العصر الحجري الحديث لكن في اليابان وجدت قطعة واحدة تعود الى العصر الحجري الوسيط.
عصر الادوات القزمية: وهذا ناتج عن تغير الظروف البيئية والمناخية واختفاء الحيوانات الكبيرة وانقراضها وهذا ادى الى ان يقوم الانسان بصناعة ادوات تناسب الوقت الذي يعيش فيه، وكذلك صناعة الفخار عند عجز الادوات الحجرية من قيامها بالاعمال الخاصة بها ففكر الانسان في صناعة الفخار.
__________________
صديق
________________________________________
الأساتذة عيدابي وأبوايمن
لكم التحية والإحترام
كم تجدوني آسف لما كتبت ولا أدري لماذا؟ إنما هو رجع صدى لنكته قديمة لم أعن بها أي شي
فلكم العتبى ولكل من مسه "رايش"
راجياً من أبو ايمن مسح الإقتباس
وشكراً
صديق
________________________________________
صديقي الأستاذ عصام
لك التحية
"الكشق أو الكشيق" هو باقي البلح "المكرن / المتبقي " بين جريد التمرة
بعد الحش وعادة يكون في "الأشميق"
أما "الشرو" فهو جيب الحيطة "أو فتحة في الدراية / حيطة مبينة مخصوص
أمام الباب عشان يقفل فيها الباب"" البيدخل فيهو قفل الباب
لك الود
وأرجو مصالحتي مع الرجالة ديل (الأستاذ عيدابي والأستاذ أبو أيمن" زعلوا
مني لانو فلتلت مني كلمة كانت مكتوبة في موضع مزاح
"الله يلعن لساني دا"
عصام سرالختم
________________________________________
اقتباس:
المشاركة الأصلية كتبت بواسطة صديق
صديقي الأستاذ عصام
لك التحية
"الكشق أو الكشيق" هو باقي البلح "المكرن / المتبقي " بين جريد التمرة
بعد الحش وعادة يكون في "الأشميق"
أما "الشرو" فهو جيب الحيطة "أو فتحة في الدراية / حيطة مبينة مخصوص
أمام الباب عشان يقفل فيها الباب"" البيدخل فيهو قفل الباب
لك الود
وأرجو مصالحتي مع الرجالة ديل (الأستاذ عيدابي والأستاذ أبو أيمن" زعلوا
مني لانو فلتلت مني كلمة كانت مكتوبة في موضع مزاح
"الله يلعن لساني دا"
اخى العزيز ياسين
الاسم المتداول عندنا عن باقى البلح " المكرن " بين جريد التمر بعد الحش هو ( الشكونى ) ولم اسمع بكلمة الكشق او الكشيق .. واظن هناك مصطلحات تختلف بين كل منطقة واخرى ..
وشكرا على التفسير .. خاصة كلمة الشرو .. وعجبتنى كلمة " المكرن " لى زمن ما سمعتها
لك التحايا وانت تعتذر صادقا عن كلمة مكتوبة فى موضع مزاح ومجرد نكته .. واعتذارك هو خير دليل على روح الاخاء والمحبة التى تسود بين كل الاخوة الاعضاء بالبركل ...
وبيننا الرسائل الخاصة .. ودمت
النافعابى
________________________________________
نحن كذلك يا جنابو نسميه الكشيق
__________________
عيدابي
________________________________________
الاخ العزيز... صديق .... السلام عليكم ورحمة الله وبركاته
نسأل الله لنا ولك العفو ... والمغفره
وان يجنبنا الله زلت اللسان ... او ما يسئ .. الى
ايى انسان .... وان يجعل تجمعنا هذا تجمعاً مرحوما...
وان يجعل تفرقنا من بعده تفرقاً معصوما...
لا فينا شقيا ولا محروما ... ومغفوراً لنا جميعاً ان شاءالله
انا اناشد جميع الاخوان والاخوات ان يعفوا لنا اذا اخطأنا
وان يدعوا لنا ان اصبنا والكمال لله وحده
واصلى واسلم على سيدنا محمد وعلى آله واصحابه اجمعين
العيدروس
________________________________________
عبدالرحمن اخوي
نكتلك حاجات من اغرق جحر
بحتها من وين دي ياخرابة
الدحول ...الزير الكبير الماهو نجيض في الحريق
ويكون كل واحد يختلف من التاني واحد راس زير والتاني قعر
حسب الجزء الذي استوي في الحريق
وغالبا يستخدم للسقية بهايم وحمام ويبلو فيهو النعلين القدام
كما كان جدي الله يرحمة يسوي
__________________
Some Joys Are Better Expressed In Silence
As A Smile Holds More Meaning Than Words
...
I Was Asked If I Enjoy Having You In My Life
! I Just Smiled
العيدروس
________________________________________
يس أخوي تسلم على المفردات المكشقة دي
من وين حتلتها جبتها يبقالي انت اقدم من ابوي وداعةالله ودزغل
واقدم مافيها واجمل قولة ....الارنيق
واضيف شوية تاني مع اني لست من انداد ابوايمن اخوي
السريقة
الارتيق
الكفريق
البعو
متدن
الكشنة
القندهول
تخريمة :
الخال النافعابي
قديما لامن معول
ضمرة اخوي
دلوكة ومبخر عديل كدي
ياراجل انت رايحالك عرسة والحق نفسك قبل ابوالحسين اخوي
والله انت فايتة بالصبر
__________________
Some Joys Are Better Expressed In Silence
As A Smile Holds More Meaning Than Words
...
I Was Asked If I Enjoy Having You In My Life
! I Just Smiled
عمر مجذوب خطيب
________________________________________
[align=justify]استجابة لدعوة الحليبي ساحاول التطرق لمفهوم الثقافة المادية ودورها في استكشاف الحضارات والمجتمعات الموغلة في المحلية وذلك في سياق العلوم الاجتماعية لا سيما علمي الاجتماع والنفس الى جانب الاقتصاد .
والعلوم تتناسل من بعضها كما هو معلوم حيث بات مألوفا ظهور افرع وتخصصات علمية غير بعيد عن العلوم الام ما يؤكد ديمومة البحث العلمي واهميته في الاحاطة بمستجدات الحياة البشرية - - ليس في حاضرها وحسب وانما بربط الحاضر بالماضي عبر اداوات ومعدات ومعينات حياتية استخدمتها هذه المجموعة البشرية او تلك في سياق مجابداتها في العيش والمعاش.
تعنى الثقافة المادية بكل ما هو ملموس ومحسوس من ادوات ومعدات والات واطعمة ومشروبات ومما يطول رصده كل ذلك في سياق اجتماعي وتاريخي معين - - بعبارة اخرى يمكن اعتبار مظاهر الثقافة المادية مؤشرا لقياس الخبرات التي تحصلت عليها هذه المجموعة او تلك ودأبت على تطويرها في سياق تصاعدي يعتمد على التراكم - - وبما ان الخبرات تتفاوت والاوضاع الاقتصادية كذلك فاننا نلمس اختلافا بينا بين ثقافات الشعوب - - ويمكن رد ذلك الى ظروف البيئة والمناخ فالناس تعتمد على الطبيعة منذ الازل وبما ان الاخيرة تختلف من حيث التكوين والمنتجات بسبب المناخ فان الاعتماد عليها خلق ذلكم التعدد الذي ن
نرى.
عمر مجذوب خطيب
________________________________________
السمات العامة للثقافة المادية لهذا المجتمع او ذاك تتحدد وفق شروط معينة اولها خصوصية المجموعة والنشاط الاقتصادي الذي تتعيش عليه فاذا كان مجتمعا زراعيا فان ذهنيته تتفق عن اداوت تعينه في الزراعة فالحاجة ام الاختراع كما يقولون .
كل المجتمعات الزراعية عرفت اداة مثل الطورية لكن شكلها يختلف من منطقة الى اخرى وهنا ياتي دور الخصوصية ففي اسيا تجد اليد الخشبية للطورية اطول من تلك التي في افريقيا ويعني هذا ان الاسيويين اكتشفوا اهمية طول اليد هذه في تقليل الضغط على ظهر المزارع -- - - ربما يقول قائل ان اولئك القوم امتهنوا زراعة الارز الذي تغرس شتوله قريبا من السطح دون الحاجة الى حفر اعمق وهذا الاخير تستطيعه الطورية ذات اليد القصيرة.
ما ذكرناه عن الطورية مجرد مثال على تفاوت الخبرات -- - لكن التمسك بالعديد من مظاهر الثقافة المادية ورفض تطويرها لا ينم عن قصور بالضرورة وانما يدلل على عمق التمسك بما توارثه الناس عبر الاجيال.
الانتقال الى منطقة الشايقية يكشف عن عملية تاريخية متواصلة كان للمناخ وطبيعة النشاط الاقتصادي والحاجات الحياتية الاخرى القدح المعلى في فرض نمط بعينه من الثقافة المادية - - بصرف النظر عن من سكن هذه المنطقة وفي اي زمان فالاسلاف من نوبة وخلافهم تركوا لنا معدات لا نزال نستخدمها وبذات الاسماء ما يؤكد رسوخ الثقافة المادية.
لكن عمليات التحديث والقفزات الكبيرة التي تحققت منذ الثورة الصناعية وما تلاها وصولا الى اليوم انعكست بالضرورة على الثقافة المادية والتي يصعب الحدبث عن وجودها في الغرب مثلا الا في نطاق ضيق.
عبد الرحمن يوسف
مفردات من الطين
________________________________________
التحية لكل المتداخلين الذين اضافوا لهذا البوست وان شاء الله يكون مرجع للثقافة المادية والكلمات االقديمة .
ونضيف مفردات من النخلة
الكرسع - العرجون - الصيص - الكرموش - صبيطة القمريى - الشكونى - الفلق - الدروه - الفرنيب - االدفيق - الصفورى - الهرود - الاشميق - المطوطى - الدشمانى
ومن انواع التمر :
الكرشه - والمدين - والمشرق - والتمود - والقندولى - والجاو - كروش حسيب - والكلم - ودلقاى - والرش - البركاوى - العجوه
ضمره بغدادي
مفردات النخلة
________________________________________
الاخ عبد الرحمن لك التحية
اضف الى النخلة الجريد والسعف والكود والسنبرتو
عصام سرالختم
________________________________________
الاخ الاستاذ عبدالرحمن يوسف
إمتدادا لموضوع الطين ومفرداته ....
ياريت لو تحدثنا عن الطوب الاخضر وعن كمائن الطوب الاحمر !!!!
وطبعا بالبركل كان هناك العديد من الكمائن وعلى سبيل المثال اكمينة جدنا عوض الكريم الحسن وكمينة عبدالحليم محمد إدريس وكمينة سيدأحمد العمدة ..
وهناك العديد من عمال الكمائن المشهورين ..
وحسب علمى ان حرق الكمينة يستغرق عدة أيام وكل حرقة بها مية الف طوبة .. بعض الطوب يحترق ويستوى اكثر من غيره ويتحول لونه الى سواد وبعضه لا يجد اللهب الكافى ويكون لونه مائل للصفار ويسمى (الطوب الني) ..
وهناك طقوس وعادات تتبع لحظة اشعال النار بالكمينة واخرى لحظه إخراج الطوب منها ....
ونتابع....
عبد الرحمن يوسف
مفردات من الطين
________________________________________
الاخ عصام موضوع الكماين موضوع شيق يحتاج لوقفه ولابد من التوثيق فيه والكتابة يصورة مرتبة من اول كمينة الى اخر واحدة ان شاء الله قريبا .
عبد الرحمن يوسف
مفردات الطين
________________________________________
من الادوات المساعدة
الاربل - الكارديق - الواسوق - المنجل - الطورية - القدوم - الفاس - الساطور - البربندى - العتلة -المرزبه -
ابو خالد
مفردات الطين
________________________________________
أخونا عبد الرحمن مساك الله بكل خير وجميع الأخوه والأخوات بالموقع مداخله سريعه والحقيقه ماداير أضيف حاجه غير اننا نلحق أولادنا من فقدان هويتهم اللغويه لأنه معاي واحد ديامي من أصول كرفابيه عمره لايتجاوز ال26 سنه سألته بمناسبة البوست بتاعك عن معنى القحف تتخيل رده كان شنو القحف هو الزول الناشف ومعليش مستعجل شويه رغم إنكم ماببتفاتوا السلام ليك وللمعاك في البوست قاعدين
عكود
________________________________________
تحياتي يا عبد الرحمن والمتداخلين/ات . .
بوست مهم جدّاً والله وحقّو كل واحد منّا يوصّل المعلومات الفيهو لأولادو والجيل الجديد في أسرتو (ناس الكامل ياسر والآبنوسي).
ما ملاحظين يا جماعة إنو أغلب الكلمات تتكرّر فيها أحرف الراء، الكاف والقاف؟
كارديق
كورّيقة
كوريق
كريقة
سرّيقة
أشميق
كاويق
متّيق
كفرّيق
آرنيق
آرتيق
كرّقة
كتّقة
وغيرهن كتار.
بس المحيّرني . . عدم معرفة النافعابي لـ النَطُع
يا خال غيّر بدّل
بوست مهم
ألف شكر يا عبد الرحمن
عبد الرحمن يوسف
مفردات من الطين
________________________________________
الاخ عكود لازم يعرفوا الاولاد هذه المفردات لكن باقيلك مع العولمة دى عندهم وقت يسمعونا ولا نحجيهم بيها حجى انت ماسمعت زول ابوخالد26 سنة ماعرف القحف
النافعابى
________________________________________
الزعيم عكود الجماعه عندنا بيستعملو الساونا
ماحضرو زمن النطع ده (نحن موديلات جديده ومكنه عرض)
__________________
عبد الرحمن يوسف
من مفردات الطين
________________________________________
مفردات متنوعة
الد لجى - البربور- الشلاله
عبد الرحمن يوسف
مفردات متنوعة
________________________________________
هاكم كمان ديل
الساسويى - اللس - الجردقه
عبد الرحمن يوسف
مفردات من الطين
________________________________________
[ كل المتداخلين لكم التحية
شكرا ضمرة لمساعدة النافعابى ]
وهاكم دى - الهمره
عبد الرحمن يوسف
مفردات من الطين
________________________________________
]الهكر فى البيت الوان .
الوكره الضكره .
الشونى ]
ضمره بغدادى
09-19-2007, 05:44 PM
عبد الرحمن
بركة الجيت لى مفرداتك طيب
الهكر : الحاجات الخربانى من تربيوه مكسره وكرسى رفيقا ليها زى كرسى عبد العظيم الطاهر والحاجات القديمى
البيت الوان: الاوضة الواقع سقفه بى صفحة ودايرى يزرقولا كم فلقى .
ضمره بغدادى
09-19-2007, 05:48 PM
الوكره الضكره
دى البيدخل فيها الواحد ومايقدر يلقاله حل ... زى وكرتنا مع الغربة دى هسع دى ما وكرة ضكره :D:D:D
ضمره بغدادى
09-19-2007, 05:52 PM
اخى عبد الرحمن
حاول شويه شويه ان تمسح كل الكلام والعبارات الخارجة عن الموضوع وياريت بس تخلى اسم الشخص ورده .
ولك الشكر
ضمره بغدادى
09-19-2007, 05:57 PM
هاكم دى
الكركاعة
الكركارة
الكركار
الكروق
الكير
والبقية تأتى
عبد الرحمن يوسف
09-20-2007, 08:28 AM
الاخ ضمرة الله يحل الناس من الوكرات
وهاكم - كنكش - يتكن- يمتق -الخوصه
على محجوب جعفر مصطفى
09-20-2007, 09:51 AM
غايتو ياضمرة قربت تجيب ودكركر
غايتو فى كام واحدى ماعرفتهن
عبد الرحمن يوسف
09-24-2007, 09:40 AM
الاخ على محجوب ضمره يشرحلك الكافات .
وهاك ديل -
الرحل - الرحط
ضمره بغدادى
09-24-2007, 08:51 PM
عايزين شرح للاتى
ظيطة
ظمبريطة
بعدين يا على محجوب الكرعاعة هى ربيت لحم البقر بعد ما يسخن منه الودك .
اى خدمة
عبد الرحمن يوسف
09-25-2007, 11:23 AM
اخى ضمره كلام مصريين
الظيطه الدوشه والكواريك
الظمبريطه الهوس وتقريبا الكلمتين تحمل نفس المعنى
صلاح عبد النبي
09-25-2007, 12:20 PM
الاخ ضمرة الله يحل الناس من الوكرات
وهاكم - كنكش - يتكن- يمتق -الخوصه
]كنكش : أي نشف وتحجر من شدة البرد
يتكن : وضع البذور داخل الأرض وبالذات فوق الجداول.
يمتق : يمتق العيش وهو مرحلة من مراحل نمو الذرة قبيل الحصاد
الخوصة: السكين
إيش رايك يا أستاذ عبد الرحمن .. كم من عشرة؟؟[/size]
عبد الرحمن يوسف
09-26-2007, 11:00 AM
الاخ صلاح عبد النبى شكرا على المداخله ود عجوز شوف كافات ضمرة واشرح لاخونا على محجوب
عوض جلاس
09-26-2007, 04:43 PM
هاكم دى
الكركاعة
الكركارة
الكركار
الكروق
الكير
والبقية تأتى
وهاك دي يا ضمرة
الكُرارة
والكركعوب
والكركتي
والكنندارة
عبد الرحمن يوسف
09-27-2007, 07:47 AM
الاخ عوض جلاس شكرا على الاضافة
الاخ على محجوب عوض جلاس جاك بى كافات زيادة
عصام سرالختم
09-27-2007, 07:07 PM
وهاك دي يا ضمرة
الكُرارة
والكركعوب
والكركتي
والكنندارة
الاخ عبدالرحمن
ظللنا نتابع هذه البوست العظيمة من زمن (المنتدى المهكور) .. واعتبره موضوع توثيقى مهم وجدير بالمتابعة خاصة لبعض الاخوان ( شايقية لندن ) ..
امثال ودخطيب الما عارف الفرق بين السنمكه والضريسة
وناس الخال خالد الحاج وياريت نشوفو فى هذا البوست ليشرح لنا معانى بعض المفردات القديمة ..
الاخ عوض جلاس :
الكرارة : لسحب العجين فى الدوكة ( عواسة الكسرة )
الكركعوب : حصى المنقة والدوم
الكركتى : طين الجروف
الاخيرة اظنك تقصد الكدندارة : وهى الخنفسانة
الاستاذ عبدالرحمن ... للتصحيح
واليكم رابط البوست القديم للمتابعة :
http://albrkal.com/forum/showthread.php?t=1396
عوض جلاس
09-28-2007, 01:20 AM
الاخ عبدالرحمن
ظللنا نتابع هذه البوست العظيمة من زمن (المنتدى المهكور) .. واعتبره موضوع توثيقى مهم وجدير بالمتابعة خاصة لبعض الاخوان ( شايقية لندن ) ..
امثال ودخطيب الما عارف الفرق بين السنمكه والضريسة
وناس الخال خالد الحاج وياريت نشوفو فى هذا البوست ليشرح لنا معانى بعض المفردات القديمة ..
الاخ عوض جلاس :
الكرارة : لسحب العجين فى الدوكة ( عواسة الكسرة )
الكركعوب : حصى المنقة والدوم
الكركتى : طين الجروف
الاخيرة اظنك تقصد الكدنداية : وهى الخنفسانة
الاستاذ عبدالرحمن ... للتصحيح
واليكم رابط البوست القديم للمتابعة :
http://albrkal.com/forum/showthread.php?t=1396
تحياتي أخوي عصام وفعلاً كل ما قصدته مظبوط بس الأسماء مرات بتختلف من منطقة لمنطقة مثل ما ذكرته أنت عن الخنفسانة التي نسميها كنندارة أو كتندارة وعندكم تسمونها كدنداية
لكم تحياتي أخي عصام وأخي عبد الرحمن يوسف
عبد الرحمن يوسف
09-29-2007, 09:39 AM
الاخ عصام والاخ عوض شكرا على المداخله والبوست مفتوح للجميع .
وهاكم - الطرقى - الفركى - القرمصيص - الطرحه
عبد الرحمن يوسف
10-02-2007, 09:16 AM
الجراب - والسعن - والمرابنات
عبد الرحمن يوسف
10-04-2007, 08:49 AM
الكادق- السقو - البربندى
عبد الرحمن يوسف
10-06-2007, 11:05 AM
لحم الملاح وخاصة اذا العجالى كان صغير
الخش بالسعن اذا البقرة ولدت
الروب يملاء الكادق
مع صورة من البلد
http://www.l44l.com/up/download-af1fe9f7fa.zip.html
عبد الرحمن يوسف
10-08-2007, 10:04 AM
هاكم ياجماعة
اتمردغ - كجنتو - فرناغه
عبد الرحمن يوسف
10-18-2007, 09:01 AM
كل عام وانتم بخير
العيدية
الاشفى - المسلى
عبد الرحمن يوسف
10-21-2007, 11:39 AM
هاكم
يتمارالى - البقل
عصام سرالختم
10-21-2007, 07:24 PM
هاكم
يتمارالى - البقل
والله الواحد سنين وسنين ما سمع كلمة ( البقل )
يا ولد قوم ..قاعد فى البقل مالك ...
الله يديك العافية يا عبدالرحمن
ضمره بغدادى
10-21-2007, 07:31 PM
والله الواحد سنين وسنين ما سمع كلمة ( البقل )
يا ولد قوم ..قاعد فى البقل مالك ...
الله يديك العافية يا عبدالرحمن
عصام عبد الرحمن ده ما عندو المحن
هسع عليك الله البقل دى بحته من وين
وفعلا زمان يقولولنا يا ولد قوم من البقل ده بيسوى ليك الش...........
وهكم التخايى دى والساسويى
عبد الرحمن يوسف
10-22-2007, 01:21 PM
الاخ ضمره ينجينا الله من محن الزمان
وهاك دى
زوزه -ومزوزو
أبوزهير
10-22-2007, 01:55 PM
يادفعه
اتمردقت في فرناغة دوم النبي عزير وقعدت في بقل حوش المدرسه تعاين في التخايي لامن طعنتك ساسويي مرقوها ليك بالاشفي والمسلي من كبرها ومن شدة الوجع جاك الاستاذ الصادق القاضي يستفسر اتمارالك ضابط الداخليي وقمت تجري بى كراعك الكابي دم.
عبد الرحمن يوسف
10-23-2007, 12:16 PM
اخى العزيز ابوزهير تتمارالى ياضابط الداخليى عشان كدى جريت ودوم عزير فيه البركه .
شايفك ماشى الشفخانة دحين بدو ابارشى ، انت ياخى موتب ولا مالك من الصباح على الشفخانة ولا مشتهيلك قرفتنايات .
لك كل الود والصحة والعافية
عبد الرحمن يوسف
10-24-2007, 10:16 AM
الاخوة بالمنتدى وخاصة الحبوبات الرجاء مد البوست بالكلمات القديمه بدل الشكل .
يعنى زى - الد نفريس- والمواصه .
رقيتون
10-25-2007, 04:43 PM
اخى العزيز ابوزهير تتمارالى ياضابط الداخليى عشان كدى جريت ودوم عزير فيه البركه .
شايفك ماشى الشفخانة دحين بدو ابارشى ، انت ياخى موتب ولا مالك من الصباح على الشفخانة ولا مشتهيلك قرفتنايات .
لك كل الود والصحة والعافية
وليدنا عبالرحمن بمناسبة القرفتن هاك دى
واحدى شايقى جاى لنج للخرطوم قالت دايره تشترى قرفتن الجماعه قالوا لها عندما تذهبى
تشترى قولى لهم عايزه قريب فروت
صاحبتنا مشت السوق وقالت للبائع القريب فروت الواحدة بكم ردعليها الف جنيه ياحاجه
ردت منزعجه القرفتناى الواحدى
رقيتون
10-25-2007, 04:46 PM
السام
الهرشل
ابليس
عبد الرحمن يوسف
10-27-2007, 08:52 AM
شكراحبوبتى غابت وجابت
ضمره بغدادى
10-27-2007, 03:18 PM
السام
الهرشل
ابليس
السام هو الحيطة
الهرشل امانى مو موزى ان بقى فى قعر تمره مو يا كله فى عروقه لامن تموت وخصوصا ان بقت دخلت عليه المويه .. هو يشبه ابو الحصين بس ده احمر :D:D
ابليس تربطو بالخيط فى راسو وتدخلو فى حفرة اخوهو يقبضو يجيبو مارق ..هسع ده يوصفوهو كيف :D:D
حشره تحفر وتدفن نفسها وتعمل لنفسها حفرة شبيهة ببركة الماء . غايتو زمان امانى ما قبضناهو من الصباح لحدى الفطور وبعد ابليس نقبل على ضبانة البقر .
أبوزهير
10-28-2007, 07:44 AM
ضمره
انت كنت شغال في مكافحة الحشرات؟
عبد الرحمن يوسف
10-29-2007, 10:59 AM
الاخ ضمرة انت عارف رقيتون دى كانت تقرع والهرشل ملاها عشان كدى مانسته ولك تحياتى
رقيتون
10-31-2007, 09:59 AM
السام هو الحيطة
الهرشل امانى مو موزى ان بقى فى قعر تمره مو يا كله فى عروقه لامن تموت وخصوصا ان بقت دخلت عليه المويه .. هو يشبه ابو الحصين بس ده احمر :D:D
ابليس تربطو بالخيط فى راسو وتدخلو فى حفرة اخوهو يقبضو يجيبو مارق ..هسع ده يوصفوهو كيف :D:D
حشره تحفر وتدفن نفسها وتعمل لنفسها حفرة شبيهة ببركة الماء . غايتو زمان امانى ما قبضناهو من الصباح لحدى الفطور وبعد ابليس نقبل على ضبانة البقر .
والله ياوليدى ضمره كلامك كلوا صح الا انت قديم قدم الارتيك وهاك دى
الهييوب
عبد الرحمن يوسف
11-01-2007, 08:27 AM
الحبوبه رقيتون شكرا على المداخله ولكن حتى الان انتى لغز المنتدى وفى انتظار المزيد
اه - المطوطى - والملوطى
صلاح هاشم السعيد
11-01-2007, 12:41 PM
الكبنقري
ما الفرق بين النسام والهمبريب
بكرى سرو
11-02-2007, 07:21 AM
الحبوبه رقيتون شكرا على المداخله ولكن حتى الان انتى لغز المنتدى وفى انتظار المزيد
اه - المطوطى - والملوطى
الا ستاذ عبدالرحمن
سمك الملوطى إختفى وما شايفه
كان كتير ايام الفيضانات
ضمره بغدادى
11-02-2007, 07:39 PM
الكبنقري
ما الفرق بين النسام والهمبريب
الأستاذ صلاح
لك التجلًة والاحترام وأنت فى مفردات من الطين ذلك البوست الرائع الذى أبدع فيه أستاذ الأجيال الأخ عبد الرحمن يوسف .
سأحاول أوضح لك قليلا الفرق بين الكبنقرى والنسام ولعلًى اصيب .
يقولك الكبنقرى ضارب او فلان لقى الكبنقرى ضارب او ضربنا الكبنقرى وجرينا النومة .وهنا المقصود الهواء العليل المتوسط بين الحار والبارد ويميل الى البرودة قليلا مع استمراريته .
اما النسام أو النسمه هى موجة هواء ايضاً بين الحار والبارد وتميل الى البرودة قليلا ولكنها لفترة محدوده او بسيطة ومن بعدها تنقطع وتعاود بعد فترة مرة ثانية .
لعلى اصبت ولو بالقليل وانا وانت فى انتظار بقية المتداخلين .
عبد الرحمن يوسف
11-03-2007, 10:56 AM
الاخ بكرى لك تحيا تى
الملوطى يظهر فى الدميرى مع الطين العكر
عبد الرحمن يوسف
11-04-2007, 10:30 AM
الاخ صلاح هاشم مشتاق لى همبريب برندتك يضربك شمال ويمين وتجيك النسمة من سبيقتك واحلات الكبنقرى من لا تحت مع عاطر تحياتى .
عبد الرحمن يوسف
11-05-2007, 12:47 PM
الهمبريب نوم الجماعة ولاشنو الحكاية ياضمرة
يالله قوامك على القسياب - مالك خنست
عبد الرحمن يوسف
11-07-2007, 09:56 AM
اتكربش وقع اربش الحق ياضمرة زولك الفوق التمره
عبد الرحمن يوسف
11-07-2007, 10:01 AM
اتكربش وقع اربش الحق ياضمرة زولك الفوق التمره
http://www.l44l.com/up/uploads/f0b17842ec.jpg
ضمره بغدادى
11-08-2007, 06:22 AM
http://www.l44l.com/up/uploads/f0b17842ec.jpg
زولك ده يا عبد الرحمن متكربش كربيشه .
كديس ما يسوى سواتو دى ..كان يزربوها منو بالشوك .
عبد الرحمن يوسف
11-08-2007, 06:30 AM
ياضمرة حتى لو زربوها مابيخلى ام راس ،يلقط تلقاه ياها فكت ريقو اخاف لاينخرط من الكروق الله يستر عليه لامن يكمل لقيطو .
ضمره بغدادى
11-08-2007, 06:33 AM
ياضمرة حتى لو زربوها مابيخلى ام راس ،يلقط تلقاه ياها فكت ريقو اخاف لاينخرط من الكروق الله يستر عليه لامن يكمل لقيطو .
انا بس خايف عليه من سيد التمره ان بقى جا ولقاهو يقوم بعد مو متكربش يقوم يقع اربش والطوط يقع .
الخزين ود نصر
11-08-2007, 07:15 AM
باقيلك آ ضمرة زولا موهط بطن كراعه الحفياني دي في راس الكعداي و يلقط بمزاج بعد كدي الشوك بسوي لو شي .؟..
عبد الرحمن يوسف
11-11-2007, 09:17 AM
ود نصر مابيجيب خبر للشوك .
اه الكشت -والكشنه .
ضمره بغدادى
11-11-2007, 06:47 PM
http://www.l44l.com/up/uploads/84a745c990.jpg (http://www.l44l.com/up)
عبد الرحمن يوسف
11-12-2007, 04:14 AM
الزوكوكيه- ووحلت
url=http://www.l44l.com/up]http://www.l44l.com/up/uploads/c5b7b161bc.jpg[/url]
المنظر من شبا
عبد الرحمن يوسف
11-13-2007, 12:21 PM
الاخ ضمره شكرا لى عمر على تعديل الصوره . وقله انتاوقك شوف بيت حبوبتك وبارى الخور تصل .
صلاح هاشم السعيد
11-13-2007, 04:57 PM
الأستاذ صلاح
لك التجلًة والاحترام وأنت فى مفردات من الطين ذلك البوست الرائع الذى أبدع فيه أستاذ الأجيال الأخ عبد الرحمن يوسف .
سأحاول أوضح لك قليلا الفرق بين الكبنقرى والنسام ولعلًى اصيب .
يقولك الكبنقرى ضارب او فلان لقى الكبنقرى ضارب او ضربنا الكبنقرى وجرينا النومة .وهنا المقصود الهواء العليل المتوسط بين الحار والبارد ويميل الى البرودة قليلا مع استمراريته .
اما النسام أو النسمه هى موجة هواء ايضاً بين الحار والبارد وتميل الى البرودة قليلا ولكنها لفترة محدوده او بسيطة ومن بعدها تنقطع وتعاود بعد فترة مرة ثانية .
لعلى اصبت ولو بالقليل وانا وانت فى انتظار بقية المتداخلين .
أخونا : ضمرة
كلامك مظبوط.
بس يخيل أن الفرق بين النسام والهمبريب عندو علاقة بالمطر ـ ربما كان الهمبريب بعد المطر ..!!
صلاح هاشم السعيد
11-13-2007, 05:04 PM
الاخ صلاح هاشم مشتاق لى همبريب برندتك يضربك شمال ويمين وتجيك النسمة من سبيقتك واحلات الكبنقرى من لا تحت مع عاطر تحياتى .
اهآآآ يا عبدالرحمن ما هو الفرق بين (الدريش والهديش)
ـ
عبد الرحمن يوسف
11-14-2007, 09:10 AM
الاخ صلاح هاشم لك التحية .
الدريش معنا ه لغة جلد اسود مضبوغ والهريش فى اللغة معناه الجلد الرخو .
اخى صلاح اذا كان هذا ماتقصد ، لان الكلمة الثانية جاءت مكتوبه الهديش ولاتوجد فى اللغة . ولذلك كتبت الفرق بين الدريش والهريش . ولك كل المودة والتحية .
عبد الرحمن يوسف
11-17-2007, 06:24 AM
الاخ صلاح هاشم ايضا
الدريش: هنالك الطحين الدراش ، وهنالك نوع من البسكويت يسمى الدريش ولك تحياتى
صلاح هاشم السعيد
11-17-2007, 09:34 AM
الاخ صلاح هاشم ايضا
الدريش: هنالك الطحين الدراش ، وهنالك نوع من البسكويت يسمى الدريش ولك تحياتى
أخونا : عبدالرحمن يوسف
الدريش : أول الثمار
الهديش : تفالة قصب السكر بعد مضغها .
طيب هاك ديل :
ـ الهبتروك
ـ التيلان
ـ فاريق
وما الفرق بين ـ اركج والأروتي
عبد الرحمن يوسف
11-17-2007, 11:46 AM
اخى صلاح هاشم فى اى الازمنه كان استعمال هذه الكلمات وهل لها علاقة باللغة النوبية ام انها كلمات كانت متداوله فى منطقة الشايقية ثم صارت منسية لتعم الفائدة نرجوالمزيد (كلمة الدريش والهديش )
ضمره بغدادى
11-17-2007, 02:05 PM
اخى صلاح هاشم فى اى الازمنه كان استعمال هذه الكلمات وهل لها علاقة باللغة النوبية ام انها كلمات كانت متداوله فى منطقة الشايقية ثم صارت منسية لتعم الفائدة نرجوالمزيد (كلمة الدريش والهديش )
الاخوان عبد الرحمن وصلاح هاشم
فى حقيقة الامر الكلمات دى اول مره اسمع بهم وحتى كلماتك الاخيرة أخى صلاح خلتنى واقف زى الاطرش فى الزفة .:D:D
صلاح هاشم السعيد
11-18-2007, 04:22 AM
الأخوان : عبدالرحمن
والأخ / ضمرة بغدادي
صباحكم خير ..
عندي مراجع يا عبدالرحمن وأظنك عارف ـ ويمكن يوم الخميس تمر علي عشان أوريك ليها ..
وطبعاً كثير من الكلمات خاصة الزراعية يقال أن أصلها نوبي.
ولك التحايا...
ضمره بغدادى
11-18-2007, 04:34 AM
الأخوان : عبدالرحمن
والأخ / ضمرة بغدادي
صباحكم خير ..
عندي مراجع يا عبدالرحمن وأظنك عارف ـ ويمكن يوم الخميس تمر علي عشان أوريك ليها ..
وطبعاً كثير من الكلمات خاصة الزراعية يقال أن أصلها نوبي.
ولك التحايا...
أخى وصديقى الأستاذ صلاح هاشم
فعلا ان اصل هذه الكلمات نوبى قديم والدليل على ذلك ان الساقية رقم 66 البركل حقتنا اسمها شمبتوت وللان لم يعرف معنى لهذا الاسم . وبالرجوع لتفصيل الكلمة الى جزئين نجد ان توت بالنوبى تعنى ولد ويا ترى هل المقصود شمب هذا كان ولد .
والشى الاخر اسم شبا هل هو مأخوذ من اسم الملك النوبى القديم شباكا الذى تم تعينه ملكا فى منطقة الجبل ومات ودفن فى الكرو .
افيدنى الاخ صلاح اذا كانت لديك معلومة تفيد بذلك . علما بأن منطقة شبا كلها آثار
عبد الرحمن يوسف
11-18-2007, 12:40 PM
الاخ صلاح هاشم لدى اقتراح حتى تعم الفائدة للجميع ونستطيع ان نرى ماهو متداول من الكلمات فى مناطقنا بان تقوم بفتح بوست للكلمات النوبيه .
اذا كان لم يكن لديك مانع ولك كل الود وخالص التحايا .ولك ماتراه مناسب .
عبد الرحمن يوسف
11-19-2007, 11:13 AM
هذه المفردات بيجاويه تم تداولها فى منطقة الشايقية :
الدوف - دعت - البوش
عبد الرحمن يوسف
11-20-2007, 11:17 AM
شاعر البطانة الحر دلو ورد في أشعاره بعض هذه الكلمات مثل : الدوف
والدُّوفْ فوق حَقايبِهن كَتَرنو جَمال
الدوف : الدوف في اللغة البجاوية قطعة اللحمة الخالية من العظم والحر دلو هنا يصف اللحم المكتنز فوق إعجاز الظباء .
حقايبهن : المؤخرة أو العجيزة وهى مأخوذة من كلمة حقيب البجاوية والتي تعنى المؤخرة أو العجيزة .
الحار دلو عرف دوف بأداة التعريف العربية "أل" فأصبحت الدوف وعند تعريفها بأداة التعريف البجاوية "أو" والتي تعادل أداة التعريف العربية "أل" تصبح الدوف وعند البجا أودوف
الحار دلو يصف وجود اللحم المكتنز على أعجاز ومؤخرات تلك الظباء بأنه زادهم جمال على جمال فهو دليل الصحة والعافية والشبع عكس الهزال والجوع .
صلاح هاشم السعيد
11-21-2007, 04:33 AM
الأخوان عبدالرحمن / ضمرة
صباح الخير ,,,
ـ هبتروك : قبضة الذرة
ـ تيلان : الشربة الثالثة للنبات
ـ فاريق : الزرع في الجروف.
ـ اركج : الصبي الذي يساعد في الزراعة
ـ أروتي : الصبي الذي يجلس على الساقية
وديل كمان :
ـ عبلانج :
ـ عنسيت :
عبد الرحمن يوسف
11-21-2007, 10:23 AM
الاخ صلاح هاشم مساء الخير
يديك العافيه واصل ولك تحياتى
عبد الرحمن يوسف
11-24-2007, 11:12 AM
ويقول الحردلو
مِن دَعَتْ السراويل قَبَّلَن دارتات
دعت : وهى القمل والهوام التي تعيش على جسم الحيوان أو الإنسان ولكن البجا ينطقونها تت لأنهم لا يستطيعون نطق العين وفى هذا البيت يذكر الحار دلو أن الظباء تركن المنطقة المسماة بالسّراويل لكثرة القمل والهوام المزعجة بها واتجهت لمنطقة العاشنوق
ودالعوتيب
11-24-2007, 01:17 PM
قديما قالوا :
البت فوق رأسها دلق بشـنتيق
والولد فوق رأسو مسـحاني ( بضم الميم وتسكين السين )
ما المقصود بالمثل ؟ مع شرح المفردات .
ملاحظة :
يسمح بالاجابة لمن هم دون السبعين فقط !!!!
أبو أيمن
11-24-2007, 03:42 PM
قديما قالوا :
البت فوق رأسها دلق بشـنتيق
والولد فوق رأسو مسـحاني ( بضم الميم وتسكين السين )
ما المقصود بالمثل ؟ مع شرح المفردات .
ملاحظة :
يسمح بالاجابة لمن هم دون السبعين فقط !!!!
المعنى العام ياخوي ود العوتيب أنو البنت سريعة النمو والولد بطئ النمو...... والمسحاني هي الحجر الذي يسحن عليه الحبوب من ذرة وغيرها....ودلق البشانتيق فيما يبدولي هو البرش القديم المهتري ....هذا والله أعلم .
عمر مجذوب خطيب
11-24-2007, 09:37 PM
اول مرة اسمع بالكبنقري دا يا ضمرة - اتاريكم لابدين في البوست السمح دا وانا ما جايب خبر - نمل الهرشل - سنين وعمر مسلمين لا سمعتمبو لا شفتو
ضمره بغدادى
11-25-2007, 04:23 AM
قديما قالوا :
البت فوق رأسها دلق بشـنتيق
والولد فوق رأسو مسـحاني ( بضم الميم وتسكين السين )
ما المقصود بالمثل ؟ مع شرح المفردات .
ملاحظة :
يسمح بالاجابة لمن هم دون السبعين فقط !!!!
الرائع ود حاج وداعة
لك التحية أولاً وين الغيبات
كما زكر اخى ابو ايمن واحسبه من ناس السبعينات هو وزكريا ان البنت فوق راسه بشنتيق يعنى بتفور سريع زى اللبن وتكبر تخلى الولد العاصراهو المسحانى .
والبشنتيق هو الدلقان او البرش القديم الاتمسحو فوقو لامن رقد هرود زى برش امى زينب الله يرحمه ويبقى خفيف .
اما المسحانى وحجره ديل زمان كان لا بد من اى بيت فى المنطقة من امتلاكه والفتره هذه كانت فترة ما قبل ظهور الطواحين . ولعهد قريب كان المحلب والضريره لازم تنسحن فى المسحانى هسع ما عارف كيف .
ضمره بغدادى
11-25-2007, 04:26 AM
اول مرة اسمع بالكبنقري دا يا ضمرة - اتاريكم لابدين في البوست السمح دا وانا ما جايب خبر - نمل الهرشل - سنين وعمر مسلمين لا سمعتمبو لا شفتو
عمر
ماب تتزكر الضل الجنب المزيره ويبقى عنقريبك الهبابى وفوقو مخده وبس والكبنقرى ضارب كيف ؟؟
اما الهرشل فهو للان موجود وبكثره . وبالذات تحت التمره المتشنى والمويه تدخل فيها ويقول كدى الهرشل يجيك مارق .
نرجو المتاوقة
ضمره بغدادى
11-25-2007, 04:29 AM
الأخوان عبدالرحمن / ضمرة
صباح الخير ,,,
ـ هبتروك : قبضة الذرة
ـ تيلان : الشربة الثالثة للنبات
ـ فاريق : الزرع في الجروف.
ـ اركج : الصبي الذي يساعد في الزراعة
ـ أروتي : الصبي الذي يجلس على الساقية
وديل كمان :
ـ عبلانج :
ـ عنسيت :
الأستاذ صلاح
غايتو انا بسمع يقولك الولد ده ينطط زى العبلانج . ما عارف هل هو زى العتود الصغير
اما عنسيت لم اعرفها
ارجو التوضيح للاستفاده
شكرا
أب شخيت
11-25-2007, 05:13 AM
فتوني بي كتييييير...يمكن 5 ركعات من الضهر..
وحا أجي أباري تيرابكم دا كلو أقارنو بمعرفتي البسيطة بي تيراب أهلكم الرباطاب...وأعزروني إذا كنت في المعاني الرباطابية زي حارس المريخ امس في تونس..
أرجوني ما تضيقوا بعوسوا فسراع...يا كافي البلاء الكبتة حتت كلامكن القديم كلو...لكين برضو بلقطو كلو الفي السهلة والمحشكن في الكروق (أكمرقوا ليكم) والفي الخشة أو الغشة...
هييييييييييع....
جاييكم بي نعلات صفق العشر..
:D:D:D
صلاح هاشم السعيد
11-25-2007, 10:51 AM
الأستاذ صلاح
غايتو انا بسمع يقولك الولد ده ينطط زى العبلانج . ما عارف هل هو زى العتود الصغير
اما عنسيت لم اعرفها
ارجو التوضيح للاستفاده
شكرا
أخونا/ ضمرة
لك التحايا ..
كلامك صحيح
العبلانج: القرد
العنسيت: فرس البحر
أب شخيت
11-25-2007, 11:03 AM
الجزء الاول من الصفحة (1)
الدحلوب: بسمعبو
والجر: الزير
والقسيبا: سمع بس
والقادوس: إناء الساقية
والقلة: وليد الزير
والطوب:بتاع الكماين؟
والفرن: بتاع الرغيف؟
والقحف: قلمة فخارية من زير وخلافو
الكبيق: ما سمعبو
البالوص: يطرشني (علا يكون توم الجالوص)
الخُماره: ماعون التخمير أو قليل من العجين المخمر (بذرة للتخمير)
الكادق: ماعون تخمير عجين الكسرة
الجُره: القلة؟
المزهرية: قدح الزهور
البلوك: مدماك الطوب الكبار؟
المزراب: ما سمعبو
الكبويق: ماسمعبو
الترادة جمع ترد: ماسمعبها (إلا تكون طرادة اللاغوس)
البرش: فرشة تصنع من السعف المضفور
النطع: بتاع الدخان؟
الهبابه: مروحة يدويومن السعف
الحبال: معروفة (بالبقر وبدونه)
قفه: سلة سعف مضفور (شايل القفة= مثل للجهل بموضوع معين)
سكر كون: واحدة واللا اتنين مابعرفن..
شبر: ما بشبر ساكت
البشانتيق: جمع بشتنيقة أخت العتنيبة وهما "لحاف من السعف المضفور) العتنيبة مزخرفة والبشتيقة ابيض وأسود
المعلاق: شماعة أواني من السعف او الحبال تربط بالسقف لحفظ اللبن والروب من الكدايس..
التبروقه: او التقروقة وهما مصلاية السعف المضفور
العُمُره: عمري ما سمعبها
والطبق: غطاء سعفي للصواني والصحانة
والمقشاشة: مكنسة السعف
والقرقريبة: مقطع سعفة عريضة ناشفة للعواسة (الآن يستعملوكروت شحن موبيتل بدل القرقريبة).. و البلال: قطعة من برش (يسمى البلساس) أو خيش لحفظ السعف مبلول وجاهز للضفيرة
الكسكسيقة: دي رطانة مابعرفه
و السباتا: برش مخصوص لرقص العروس (أبشروا يا ناس الدو والسيه والجهار)
الحنقوق: هو المقشاشة..
مسمار حدادى: مابعرفو..
الدندهوب: عندنا غايتو اسم لعبة مخاطبة المدفون في الرملة..
الشرو: ماسمعبو
الكشر: مفتاح باب الحراز؟
طاقة الكبد:يطرشني
الكديس: بتاع باب الحراز؟
الكلاب: غايتو الكلابة عندنا الزردية
الدقل: البطيخ الصغار وبرضو حاجة في الباب مابعرفه..
الدلوكه: الدف
والمبخر: بتاع البخور..
السبلوقة: لتصريف موية المطر من السقف
الكرّاب: حبال العنقريب الطولية للشد
النقاع: موية نقاط الزير
الكبيق: مابعرفو
الاشميق: ويسمى ايضا العاشميق وهو ليف النخل المخصص لفتل الحبال
الشرقرق: من آنية صنع الجبنة (إناء الغلي)
البوغة: المزرعة
الكشّق: ماسمعت بيها
اللقداب: سمعان بيها سمع
البندِق: البندقية
الرقراق: "كسّار" ضوء الشمس عبر النافذ عبر الضل
الآرنيق: سمع بس
النوريق: هرس سنابل القمح او الذرة بواسطة الحمير وغيرها..
الصايح: الناعي
البسديق: خرقة لمسح الدوكة (الصاج)
الكُش: ما بعرفر
الشرو: شرحو
الدُقُل: الحجر الصغير واللا البطيخ الصغير
التُكُل: المطبخ
السريقة: مدماك اطين
الارتيق: سمع ساكت
الكفريق: ولا سمع
البعو: بذرة الدوم (برضو اسمها البغو بالغين)
متدن: ولا سمع
الكشنة: الكراهية ومحمر البصل
القندهول: ولا سمع
عبد الرحمن يوسف
11-26-2007, 09:29 AM
الاخ صلاح هاشم كيف اخبارك عساك بخير .
واصل فى كلمات نوبيه ولك الصحة والعافية .
واوع العبلانج لا يجى نا ط فوق السطوح .
عبد الرحمن يوسف
11-26-2007, 10:19 AM
اب شخيت ماعندك عوجى واحولك على ضمرة يوريك الما سمعتبم .
وبرضو دايرين كلمات عوسة رباطاب
عبد الرحمن يوسف
11-27-2007, 09:38 AM
وقال الحاردلو
يومْ بوشْ العِصير مَرَقَت عليهو أمَّونة
بوش :
وهى كلمة بجاوية تعنى الحفلة أو الإحتفال الكبير او يوم العرس
عبد الرحمن يوسف
11-28-2007, 12:18 PM
الاخ ضمره ريحة لبينه مققنه فى الخور
هاك
]الكنتوش [/size]
وماشى مندلى ان كان فى الشونى القى
البرطوش
ضمره بغدادى
11-29-2007, 07:17 AM
الزوكوكيه- ووحلت
url=http://www.l44l.com/up]http://www.l44l.com/up/uploads/c5b7b161bc.jpg[/url]
المنظر من شبا
عبد الرحمن
الله يديك العافيه
بس كان تعصر شويى لاتحت عشان تجيب البيت حقتا ويبقالى الصوره دى اخذتها من فوق ... غايتو عرفت بيت ناس مرسال .
عبد الرحمن يوسف
12-01-2007, 09:20 AM
ياضمره كيف الحال
الصوره لا تحت من بيت عثمان العطا يعنى قريب ولاد ابوجاره لهم كل التحيه والصحة والعافية
عبد الرحمن يوسف
12-02-2007, 12:35 PM
الكنتوش حله قديمه لتقنين اللبن
البرطوش الشبط - او الشبشب
صلاح هاشم السعيد
12-02-2007, 01:29 PM
الكنتوش حله قديمه لتقنين اللبن
البرطوش الشبط - او الشبشب
يا عبدالرحمن :
ذكرتني ملاح البراطيش
صلاح هاشم السعيد
12-02-2007, 01:33 PM
طيب ديل شنو:
ـ العفنون :
ـ كدرباس :
ـ القاعون :
ـ شبردق :
ـ بابون :
ـ فوسيب :
ـ عشكوب :
ـ هنبكروك :
// كلها عندها علاقة بالنبات //
عبد الرحمن يوسف
12-03-2007, 12:41 PM
الاخ صلاح هاشم لك الشكر وخالص التحيه ساكتب عن ما اعرف ولك البقيه
العفنون : التمر لم يكتمل نضاجه
القاعون : الشمام
شبردق :حاجز لحماية الزراعة من الحيوانات
فوسيب :القصب فى مرحلة نمو معينه يكون قايم دقاق فوسيب
عشكوب :النبات مليان غبار معشكب
ضمره بغدادى
12-03-2007, 02:42 PM
الاخ صلاح هاشم لك الشكر وخالص التحيه ساكتب عن ما اعرف ولك البقيه
العفنون : التمر لم يكتمل نضاجه
القاعون : الشمام
شبردق :حاجز لحماية الزراعة من الحيوانات
فوسيب :القصب فى مرحلة نمو معينه يكون قايم دقاق فوسيب
عشكوب :النبات مليان غبار معشكب [/size]
[size=5]الأخوان عبد الرحمن وصلاح
القاعون نوع من انواع المقات لا لامى شمام ولا لامى عجور ويميل الى العجور بحجم اكبر ومستوى خالص .
الفوسيب هو نبات الذره بمسافة شبرين من الارض
العفنون هو نبات له رائحه كريهة اذا لمسته وزى ما قال عبد الرحمن العفنون هو التمر الماكمل نضجه وصبت عليه المطر .
عبد الرحمن يوسف
12-04-2007, 12:13 PM
الاخ ضمره شكرا على المداخله
هاك شوال تبش
عبد الرحمن يوسف
12-05-2007, 11:00 AM
العكش - والهتش
ودالعوتيب
12-05-2007, 12:23 PM
العكش - والهتش
العكش : أو الفدو هي نوع من قطع الزينة التي تلبس وتعلق على الاذن وحجمها كبير قد يتدلي بحجم دائري يقترب من الرقبة .
أما الهتش : فتطلق على بقايا أدوات زينة تقليدية أو قطع أدوات مستخدمة .
والله أعلم ...
عبد الرحمن يوسف
12-06-2007, 07:42 AM
الاخ عبد الجليل لك التحيه صح الكلام
انا بس دايرالى كلمات موكره الناس نسوها عشان بعدين يبقى قاموس للبطان الجيل الجديد ده القحف الواحد ماعارفوا شنو
عبد الرحمن يوسف
12-09-2007, 11:54 AM
هاكم
القيروانه
ودالعوتيب
12-09-2007, 12:58 PM
ALKABNGARI الكبنقري
ALKATIQ الكتقة
ALTATIGAH التتقة
ALBUGOL البقل
ALSEIMAGAH السيمقة
ALGADEIGAH القديقة
ALMIRTIQ المرتق
ALMISHIQ المشق
ALDUGOL الدقل
ALKUSHIQ الكشق
ALHANGOG الحنقوق
ALAMUQAH العميوقة
ALTETIQ التتق
ALKASEIG الكسيق
ALTOOREIG التوريق
ALBASHANTEIG البشنتيق
AL LASHMEIG اللاشميق
AL BISDEEG البسديق
AL LARNEIG اللارنيق
AL SANDAGEIQ السندقيق
ALTOREIQ التوريق
ALKURKAAH الكركاعة
ALDANFREES الدنفريس
ALLURUM اللرم
ALHISHINKRIT الحشنكريت
ALLERWATI اللروتي
ALTIFTI التفتي
ALHAGANGLEEB الهجنجليب
صلاح هاشم السعيد
12-10-2007, 05:14 AM
الأخوان الأعزاء :
ـ العفنون : البعض يقول أنه الجرجير والبعض يقول بنفس قول عبدالرحمن يوسف..
ـ كدرباس : نبات الجبين
ـ القاعون : الشمام
ـ شبردق : الشمار
ـ بابون : في البصل
ـ فوسيب : النبات عند خروجه من الأرض
ـ عشكوب : مرض جريد النخل
ـ هنبكروك : قصبة الذرة
عبد الرحمن يوسف
12-10-2007, 12:33 PM
الاخ عبد الجليل شكرا على المداخله والكتابة باللغة الانجليزيه لمن لايجيد العربية
عبد الرحمن يوسف
12-11-2007, 12:44 PM
الاخ صلاح هاشم شكرا على المداخله الجميلة
ارجو مزيد من التوضيح فى بابون فى البصل
تنطق عند بعض الناس بنبون ايهم اصح .
مع خالص تحياتى
عبد الرحمن يوسف
12-11-2007, 12:45 PM
صلاح هاشم شكرا على المداخله الجميلة
ارجو مزيد من التوضيح فى بابون فى البصل
تنطق عند بعض الناس بنبون ايهم اصح .
مع خالص تحياتى ]
عبد الرحمن يوسف
12-12-2007, 09:44 AM
هاكم
مالفرق بين جلجغ ولشغ ؟
ضمره بغدادى
12-12-2007, 11:44 AM
هاكم
مالفرق بين جلجغ ولشغ ؟
الاخ عبد الرحمن
جلجغ معناها رج او هز او تحرك الماء او الشى السائل ولايمكن ان نقول للنواشف جلجغ فهى مربوطه اى الجلجغة مع السوائل .
اما لشغ بمعنى دفًق او كشح او رمى من على البعد وايضا تقال للسوائل اما النواشف مثل الحبوب فيقال كشح .
ودالعوتيب
12-13-2007, 04:45 AM
ALKABNGARI الكبنقري
ALKATIQAH الكتقة
ALTATIGAH التتقة
ALBUGOL البقل
ALSEIMAGAH السيمقة
ALGADEIGAH القديقة
ALMIRTIQ المرتق
ALMISHIQ المشق
ALDUGOL الدقل
ALKUSHIQ الكشق
ALHANGOG الحنقوق
ALAMUQAH العميوقة
ALTETIQ التتق
ALKASEIG الكسيق
ALTOOREIG التوريق
ALBASHANTEIG البشنتيق
AL LASHMEIG اللاشميق
AL BISDEEG البسديق
AL LARNEIG اللارنيق
AL SANDAGEIQ السندقيق
ALTOREIQ التوريق
ALKURKAAH الكركاعة
ALDANFREES الدنفريس
ALLURUM اللرم
ALHISHINKRIT الحشنكريت
ALLERWATI اللروتي
ALTIFTI التفتي
ALHAGANGLEEB الهجنجليب
أجب / اجيبي على معاني الكلمات الموضحة أعلاه .
عبد الرحمن يوسف
12-15-2007, 04:49 AM
الاخ ضمره صح الكلام كدى ترجم حقات ود العوتيب
جلجغ المويه الفى القيروانه ديك واكشحا .
عبد الرحمن يوسف
12-16-2007, 10:05 AM
القيروانه : صفيح المويه .[/B]
[B]شايلى صفيحه العصير واردى
لمحته جماله جاتنى الوردى
شالونى فوق عنقريب ودنوى
لطبيب الحجامى بالاشفى طعنى
جاب توب سكبوس بيه غطانى
وبى موية الثلج رشونى
فاقت عينى والحمى خلتنى
جارى وراء الدنانين و انطط فى البرازى .
عبد الرحمن يوسف
12-17-2007, 08:30 AM
العيدية[/color]
[color=#0000FF]الفرنيب
وكل ضحية وانتم طيبين
عبد الرحمن يوسف
12-29-2007, 12:19 PM
العيـــــــــــــــــــــــد يـــــــــــــــــــــــــــه
الجرم
ضمره بغدادى
12-29-2007, 04:11 PM
العيـــــــــــــــــــــــد يـــــــــــــــــــــــــــه
الجرم
الاخ عبد الرحمن
جرمك مقبول عيدية بس هاك املالى جيبى ده منو بس بشرط يكون مكسر معاهو تمراً دقااااااااااااااق :D:D:D
عبد الرحمن يوسف
12-30-2007, 12:37 PM
الاخ ضمره لك التحية آمنت بانك ود عجوز
واحلات التمر العاول مكسر دقاق مع الجرم
اهـ ياضمره هاك الطاسى دى كبها فى جيبك لكن البطان ما بيخلوا ليك .
عبد الرحمن يوسف
01-01-2008, 11:48 AM
بقدر ماأنت جميل وساقك الذهبى والسنابل تبشر بالخير ولكنها اذا ما دخلت عليك قضت على الاحلام وهبت الرياح واخذت ماتبقى [/size].
[size=5]هى ضارة [/B[B]]( الهريتـــــــــــــــــــــــــــــى )
ضمره بغدادى
01-01-2008, 04:56 PM
بقدر ماأنت جميل وساقك الذهبى والسنابل تبشر بالخير ولكنها اذا ما دخلت عليك قضت على الاحلام وهبت الرياح واخذت ماتبقى [/size].
[size=5]هى ضارة [/B[B]]( الهريتـــــــــــــــــــــــــــــى )
عبد الرحمن
هن الناس مخزنين الكان عيش واللا دقيق لامن يهيرت لى شنو ؟؟؟؟لكن الدقيق الحريم بيغربلنو ويمرقن الهريتى منو ...والعيش يشرو فى الشمس لامن الهريتى تمرق منو .
:D
ضمره بغدادى
01-01-2008, 05:00 PM
الاخ عبد الرحمن والاخوان
الدنوسة
الخرقى
الللس
عبد الرحمن يوسف
01-05-2008, 06:23 AM
ياضمره الضحية جابت دهن كتير
والمرقه كانت دنوسة والدنس تطلق على مازاد شحمه ودهنه
الخرقى : وهو قطعة قديمه من باقى اى هدم .اللس : ماتربط به قواديس الساقية وهو حبل متين
عبد الرحمن يوسف
01-06-2008, 11:24 AM
قالت انت شن تشبه
بلا البرش القاطع الهوادى
آه مامعن الهوادى ؟
عبد الرحمن يوسف
01-07-2008, 11:19 AM
الهوادى- معناه الزيادى- اذا اشتريت شىء من السوق تقولوا ادنى الهوادى -فى التمر -وفى فول الحاجات - والقاعون - وغيره
عبد الرحمن يوسف
01-09-2008, 10:43 AM
ناس المديدة
ماهو الفرق بين الموص................ والمواصة
عوض جلاس
01-09-2008, 06:51 PM
ناس المديدة
ماهو الفرق بين الموص................ والمواصة
الموص معناهو : الكسرة اليموصوها في الموية والسكر وكانو زمان يسمنو بيها العروس قبل العرس
المواصة : دي يجي يحلها الفردة
فيفتي فيفتي يعني أنا حليت النص وهو يجي يحل النص التاني
مشكور أستاذنا عبد الرحمن على هذا الجهد الجميل
عبد الرحمن يوسف
01-13-2008, 09:18 AM
الاخ عوض شكرا على النص ولكن وين فردتك فتشوا غطس وين .المواصة :[/B] [B]ماتبقى من عجين الكسرة وباقى الكسرة مع الموية لشراب الغنم
عوض جلاس
01-13-2008, 09:54 AM
الاخ عوض شكرا على النص ولكن وين فردتك فتشوا غطس وين .المواصة :[/B] [B]ماتبقى من عجين الكسرة وباقى الكسرة مع الموية لشراب الغنم
الأخ عبد الرحمن يوسف تحياتي
والفردة غطس وما عارفين وين بلودو
وتشك على التوضيح والشرح
وتقبل مودتي
عبد الرحمن يوسف
01-15-2008, 10:30 AM
من هم العرامه ؟؟؟؟؟
و من هم الصرماته ؟؟؟؟؟؟؟
ضمره بغدادى
01-15-2008, 11:00 AM
من هم العرامه ؟؟؟؟؟
و من هم الصرماته ؟؟؟؟؟؟؟
الرائع جدا أخى عبد الرحمن
زمان كان بهيج يوم الثلاثاء دائما بيجى راكب قدام فى عربية العرامه ناس كرار ود دلقة وتشيل من العاشاب والعرب ناس عبيد ود تسابة وابراهيم ود الحسن وفى العرب كمان تغشى تشيل باقى العرامة وهم الذين يمتهنون صناعة ودبغ الجلود .
اما الصرماته امثال العفش وابو شيبه هم من يقومون بصناعة وتصليح الاحذيه من مراكيب ودبابات وخلافى وفى قولان انهم يصنعون المحافض .:D:D:D
عبد الرحمن يوسف
01-16-2008, 11:12 AM
الاخ ضمره لك كل الود على هذه المداخله الجميلة وفعلا صح الكلام يديك العافى .
كان لى لقاء بخصوص دباغة الجلود بالبركل وسوف ينشر لاحقا واول ناس قاموا بدباغة الجلود هم جدود اهلنا فى حلة العرب وقاموا بتعليم اهلنا فى العاشاب - وكان العرامه ياخذون كل المنتجات الى سوق الثلاثاء بتنقاسى وتوارث البعض هذه المهنة وتركها البعض ولازال يعمل بها البعض . وايضا فى تنقاسى لازال البعض يمارس هذه المهنة ومن اين اتت كلمة عرامه لم اصل الى الان الى مصدر.
الصرماته : هم الذين يقمون باصلاح الاحذية وعمل المحفظة والحجبات وغيره.
عبد الرحمن يوسف
01-19-2008, 10:11 AM
ماهى الادايات ؟
ضمره بغدادى
01-19-2008, 10:27 AM
ماهى الادايات ؟
يابت امشى فى الدونكه تلقى الادايات المبشتنات ديلك امشى اعدليهن باقى انا جايى اخت حلة الملاح دى فوقن .
اها انشاء الله تكون وضحت الادايات :D:D
أبوزهير
01-19-2008, 12:36 PM
الدفعه عبد الرحمن يوسف
سلام قدر رملات الغويبه..وقدر حبات الفاصوليا والعدس الاكلناها في الغويبه.
سؤالي لى ابو الحسين ده شابكنا ليك قواسيب مودتي .. هل يقصد قيساب القمح ام القسيبي؟ فقط يجاوب ابو الحسين.
بهذه المناسبه يا عبد الرحمن وين مدبولي المبدول
عبد الرحمن يوسف
01-21-2008, 09:57 AM
ابوزهير تسلم اه يابو الحسين نحن فى انتظارك على الرد ( قواسيب مودتى )
عبد الرحمن يوسف
01-22-2008, 11:59 AM
الاخ أبو زهير لم يرد ابو الحسين لان
قواسيب الموده كتار
فيها القمحه احلا نضار
ولون الفول يكسى خضار
والقسيبه فيها كل ا لحبوب للدار
وتقند ه غريق يندس وسطه عدار
مـــــــــــــــــــــــــــــــــــــــــــــــــ ــــــــاهو العــــــــــــــــــــــــــدار ؟
أبوزهير
01-22-2008, 12:23 PM
يا دفعه
العدار قش غير مرغوب فيه يقوم مع القمح وينضفوه عشان ما يشارك القمح في الغذاء والماء.
انت تعرف العبلوجه؟
رقيتون
01-22-2008, 03:24 PM
هك دى
اوزيقمعناها امسك
عبد الرحمن يوسف
01-24-2008, 08:27 AM
شكرا يابو زهير العبلوجه مافى زول جاها لذلك نفضل من جاب كلمه ومافى زول مشى عليها واخدت يوم فنرجو من صاحبها ان يفسرها لتعم المعرفه للكلمات القديمه ويتم التوثيق ولك عاطر التحايا
أبوزهير
01-26-2008, 10:07 AM
عبد الرحمن
بعد الصيف أي المريق ما يتعدى مرحلة المتيق ويشيل القندول ويقرب ينجض تكون هناك بعض القصبات حلوه شديد من دون البقيه وهي نادره وطعمها زي قصب السكر والجماعه الخبراء يعرفوها من لون ورق القصب وبالتالي يصطادوها وتمضغ القصبه مثل قصب السكر
عبد الرحمن يوسف
01-27-2008, 10:24 AM
الاخ ابو زهير تسلم ومادام دخلنا فى القصب المهبهب دقاق فوسيب وتغنى الشاعر وقالها ياقصيبت قيفك الرقيص على كيفك بالله يابو زهير شوف سماحة القصبه دى ولك عاطر التحايا وننتظر المزيد
عبد الرحمن يوسف
01-29-2008, 09:35 AM
اه اطمطقه
عبد الرحمن يوسف
01-30-2008, 11:08 AM
يمطق : يتذوق -اطمطقه - يضوقه
عبد الرحمن يوسف
01-31-2008, 07:52 AM
ياجماعة ماهى الهمبوتيه ؟
صابرين
01-31-2008, 07:18 PM
ابو الفس : مامعناها
عمر مجذوب خطيب
02-01-2008, 01:58 PM
ابو الفس : مامعناها
ثريا - هذه العبارة محدثة ولا علاقة لها ببحيت ناس عبدالرحمن وضمرة والجماعة - ابو الفس تقال لكل متفلسف - اي انها من فلسفة وهي معروفة في السودان كله على ما اعتقد
عمر مجذوب خطيب
02-01-2008, 02:08 PM
الاخ عبد الرحمن والاخوان
الدنوسة
الخرقى
الللس
ضمرة الللس شعلة من نار توقد في ليلة عاشوراء وهي من الدلوق والله اعلم
صابرين
02-01-2008, 03:02 PM
ضمرة الللس شعلة من نار توقد في ليلة عاشوراء وهي من الدلوق والله اعلم
جنس قدمك
مامعنى الدلوق ياخى عمر
ضمره بغدادى
02-01-2008, 03:17 PM
هى سلام
الرسول يادى ماعندكم شوية دنفريس للولد الجا متأخر ده.؟؟ باقى كان دايح ورا سويسيوتن مظعمطة وليها صويفايات بى ورا كدى
عبد الرحمن يوسف
02-02-2008, 08:15 AM
ياجماعة الهمبوتيه
يقال ناس انهم شافوها فوق قيف النيل وهى فى شكل انسان لكن طويل طول مبالغ فيه ومرات فى ناس يقول شوف ده زى الهمبوتيه . وهى ربما تكون اسطورة من الاساطير فى المنطقه . والله اعلم .
ضمره بغدادى
02-03-2008, 05:21 AM
الخخًو
الخخو شنو هو؟؟
صابرين
02-03-2008, 08:52 AM
الاخ ضمره
الخوخو يمكن يكون قطن العشر
مامعنى سير فكر:
ضمره بغدادى
02-03-2008, 09:01 AM
الاخ ضمره
الخوخو يمكن يكون قطن العشر
مامعنى سير فكر:
ثريا
انا عارفك ماكى قديمى لكن مابتفوت عليكى فايتة.:D:D:D
فعلا الخوخو ياهو قطن العشر بعد ما يطرشق ويا كترتو بى جنب ميدان البركل وبيت عبد العظيم محمد على .
سير فكرهو سير البلاستيك البينسجوبو ا الكراسى حقات البلاستيك اللين داك .مو حق السراير .
الجماعة بيقولو فلان داك سركم .... يعنى شنو سركم
عبد الرحمن يوسف
02-03-2008, 11:30 AM
الاخ ضمره سرا ليكم يعتى قريبا ليكم ان كان بى امه ولا ابوه بعنى ودخالة ام جدك عمر
صلاح هاشم السعيد
02-04-2008, 08:23 AM
ما معنى : المشهال ـ
والفرق شنو : بين البعاتي والسحار.
عبد الرحمن يوسف
02-05-2008, 10:20 AM
الاخ صلاح هاشم لك عاطر التحايا
المشهال اى المشهاد الجيهى
البعاتى والسحار صور للخيال المرسوم فى المنطقه والفرق بين البعاتى والسحار، البعاتى انسان مات وقام من القبر ، اما السحار فهو انسان انقلب الى سحار .ووصف السحار مابياكل اللبن وياكل الناس واللحم .والله اعلم .
عبد الرحمن يوسف
02-09-2008, 07:53 AM
مامعنى :[/B]
[B]جنبقلى
عبد الرحمن يوسف
02-10-2008, 07:31 AM
الاخوة زولا اظن يحب الجنبقلى مافى
ومعنى جنبقلى الشاى تقيل بدون سكر
ضمره بغدادى
02-10-2008, 07:43 AM
الاخ عبد الرحمن
صاحب اجمل وأعرق بوست توثيقى
الله يعينك يا استاذ مع طينك ده ويديك الف عافية ...نغيب عنك وانت ماشاء الله عليك مواصل تلخ وتعجن فى طينك ده .
اها هاك دى
الرزًه
أبوزهير
02-10-2008, 08:47 AM
الدنوسه هي السليقه او اي إدام به كمية من الدهن يرش به كسرة كانت او رغيف.. وفي بعض الاحيان مويه وملح وبصل ويضاف اليها سمن او زيت.
الخرقي هي قطعة القماش الباليه المهترئة
اللس هو حبل متين يضفر ولا يفتل يوضع على حلقة الساقيه وتثبت به القواديس الناقله للمياه والتي يحملها الالس لقاع المتره ثم يرفعها بحكم دوران الحلقه التي تدور بفعل سحب الثيران للتوريق الذي يمثل مركز الحلقه.
الدنفريس هو بقايا طعام الدنوسه او السليقه او يقايا اي طعام به رائحة اللحمه والدهن.
دايح يعنى كان هائما او يجري وراء شئ لا طائله منه ما فيه فايده حايم ساكت.
السوسيوه هي ما يخرج من بيضة الدجاجه ولم تميز بعد ان كانت ذكرا او انثى
الرزه هي الجهة الاخرى للكالون والمثبته في احدى طرفي الباب واذا كان لسان المفتاح المترحك يطلق عليه الذكر فإن الرزه تمثل الانثى ويقال عليهم بلغة اهل الاليات ضكر وانتايي.
ضمره بغدادى
02-10-2008, 08:56 AM
الدنوسه هي السليقه او اي إدام به كمية من الدهن يرش به كسرة كانت او رغيف.. وفي بعض الاحيان مويه وملح وبصل ويضاف اليها سمن او زيت.
الخرقي هي قطعة القماش الباليه المهترئة
اللس هو حبل متين يضفر ولا يفتل يوضع على حلقة الساقيه وتثبت به القواديس الناقله للمياه والتي يحملها الالس لقاع المتره ثم يرفعها بحكم دوران الحلقه التي تدور بفعل سحب الثيران للتوريق الذي يمثل مركز الحلقه.
الدنفريس هو بقايا طعام الدنوسه او السليقه او يقايا اي طعام به رائحة اللحمه والدهن.
دايح يعنى كان هائما او يجري وراء شئ لا طائله منه ما فيه فايده حايم ساكت.
السوسيوه هي ما يخرج من بيضة الدجاجه ولم تميز بعد ان كانت ذكرا او انثى
الرزه هي الجهة الاخرى للكالون والمثبته في احدى طرفي الباب واذا كان لسان المفتاح المترحك يطلق عليه الذكر فإن الرزه تمثل الانثى ويقال عليهم بلغة اهل الاليات ضكر وانتايي.
ابو زهير
كيف حالك وكيف حال نادر .,.... انا متابع والحمد لله
غايتو يا ابو زهير ما شاء الله مرجع يجب الحفاظ عليه ومن هنا ورايح نحن سجلناك عضو مهم للغايه فى بوست عبد الرحمن بس ما تغيب زى ده .
كل ماذكرته صاح (الشجر الكبار قيه الصمغ ) والماعندو كبير يشريله كبير ... انا مابقصد كبير عمر كبير مقام عشان ما تنطلى فى رقبتى الضعيفة دى تقوم تقصه لى .
مودتى وشوقى لك ولعيالك
أبوزهير
02-10-2008, 09:34 AM
ضمره
البركل واحه وارفة الظلال ألجا إليها كثيرا في مسيرتي عبر صحراء الغربه وهموم العمل فإستمد منها من بعد الله النشاط والحيويه.. البركل هو البيت الثاني اسرع إليه لاهثا من هجير الوحده والبعد عن الاحباب.
بعدي بسبب معروف فقد شغلت عن البركل .. الحمد لله حمدا لا حدود له والشكر له فقد حباني بنعم لا تحصى ولا تعد.. فقط ما اريده من كل يكن محبة وتقدير لابي زهير ان يرفع اكف الضراعه بان يشفي نادر.. و لا اعتراض على قدر الله ورحمته وسعت كل شئ.
عبد الرحمن يوسف
02-10-2008, 12:19 PM
الاخ ضمره انا فى عجين طينى ده وتراك ماقصرت معاى مرة مرة تجدع لى لقمه لمن نتم السريقه وكمان جبتى لى تراب فنان ويعتبر بالنسبه لى مستشار فى المفردات الصعبه لانو من النوريق على المدرسة فهو نعم الاخ ونعم الصديق ونرفع اكف الضراعة الى الله ونساله ان يشفى أبنه نادر شفاءا لاسقم بعده ويشفى جميع مرضى المسلمين اللهم نسالك ان تلبسه ثوب العافية يامجيب وان تجعلها له كفارة يارب االعالمين ولكم عاطر التحايا .ابوزهير - وضمره
أبوزهير
02-10-2008, 12:46 PM
عبد الرحمن
كنت وما زلت نعم الاخ تكبدك للمشاق مرات ومرات وحضورك للمستشفى وقفشاتك الظريفه كان لها وقع السحر في تخفيف الامر .. لك الله واسال الله أن لا يريك مكروه ولا حزن ولا هم ولا غم.
عبد الرحمن يوسف
02-11-2008, 11:11 AM
الاخ ابو زهير لكم الصحة والعافية.
اهـ أطلبج أو اطلبش ربما يختلف النطق من منطقه الى منطقه ماهو المعنى ؟
أبوزهير
02-11-2008, 11:18 AM
عبد الرحمن
اطلبج معناها الزول لامن دابو يتعلم في العوم الرزم والايقاع والتحكم ما بين الايادي والارجل وتوازن الجسم ما يكون لسع اتمكن منو يقوم يسبح والايادي تقع طاخ طبخ والمويه تتطاير والكرعين مرة يضربن ومره لا المهم هذه هي الطلبجه.
عبد الرحمن يوسف
02-13-2008, 05:46 AM
الاخ ابوزهير لكم الصحة والعافية وتحياتى لنادر
حقيقة الطلبجه كفيت ووفيت ولك تحياتى
ضمره بغدادى
02-13-2008, 07:28 AM
اها يخوجل دى معناها شنو؟؟
صلاح عبد النبي
02-13-2008, 08:42 AM
اها يخوجل دى معناها شنو؟؟
هيييييع ...
معناها .. يقدل فوق عدلو .. قدلة مليانة برم وعنطزة ..:D:D
أب شخيت
02-13-2008, 09:54 AM
عندكم كلمة (يلوغد)؟...
طيبان
02-13-2008, 10:48 AM
البوست دا والله ملان من اسمو..
مفردات من الطين..
الطين عند الشايقية..قيمتو عالية جدا..
إحتمال عشان ضيق الشريط الزراعي..
عشان كدي ممكن الناس يتكاتلو في كسر(اقبض دي)..
فكلمة من الطين
تعني بالضبط انو البوست دا غارز في الواطة..ومنتمي
ومن هني ولا قدام..
ياني الجايب عمودي ومصنقر...:p:p
_________
هاكم ديل:-
البوص..
الجضل..
الكودCOOD...
_______
تاني بجي
ودالعوتيب
02-13-2008, 11:54 AM
البوست دا والله ملان من اسمو..
مفردات من الطين..
الطين عند الشايقية..قيمتو عالية جدا..
إحتمال عشان ضيق الشريط الزراعي..
عشان كدي ممكن الناس يتكاتلو في كسر(اقبض دي)..
فكلمة من الطين
تعني بالضبط انو البوست دا غارز في الواطة..ومنتمي
ومن هني ولا قدام..
ياني الجايب عمودي ومصنقر...:p:p
_________
هاكم ديل:-
البوص..
الجضل..
الكودCOOD...
_______
تاني بجي
يحكى أن رجلا قال ( الموية ماتنفع في الأسد البوص ..
وقال آخر ( شوف بالله الشافع الكلو متل الجضل ده ويسوي في شنو ؟
وذلك يصيح بصوت عالي ( ده عطي تعطينا ياها ؟ أدك الكود ..
وفسر الماء بعد الجهد بالماء :D ..
طيبان
02-13-2008, 12:12 PM
يحكى أن رجلا قال ( الموية ماتنفع في الأسد البوص ..
وقال آخر ( شوف بالله الشافع الكلو متل الجضل ده ويسوي في شنو ؟
وذلك يصيح بصوت عالي ( ده عطي تعطينا ياها ؟ أدك الكود ..
وفسر الماء بعد الجهد بالماء :D ..
الأسد-حسب الشايقية- هو عيدان القمح بعد الحصاد..
وطبعا هو (فاوة)..وبوص
وما بتنفعوا الموية..
وياود وداعة..
اتخيل؟؟ انا قاصد بوص تاني-بالله ما صعبتها عليك؟؟:)-
والجضل حسب المثل هنا.
هو سيقان البرسيم العجوز..يعني بعد يهروهو هري بالحش..
وفي رواية اخري..قعور القصب..بالذات (الصيف:))
اها برضو رايك شنو لو قلت لك انا قاصد جضل تاني؟؟
أدك الكود ..علي وزن أدو عكاز..
والله أعلم..
فالكود هو جمع تكسير للجضل..وهو أمتن من البوص..وشايو صاموتي...
وكدة:D:D:D:D
عبد الرحمن يوسف
02-14-2008, 06:47 AM
الاخ ضمره صلاح ماقصر وفسر يخوجل
اب شخيت فسرلنا يلوغد...
طيبان لاتنقطع والسريقه ماشى لا فوق والبنيان وقت يعلا دايرولو ترابلاه كتار.
ود العوتيب لاتنقطع وجرابك ملان
وياطيبان الكود هو اخر جريدة التمر وعندما يعرش البيت يقطع اخر الجريدة من اخره ويكون كود ويلم فى جوالات ويستخدم فى اشعال النار زى ماقلته امانى فيه جنس شاى صاموتى ...ياطيبان صاموتى دى جات من وين .....
أب شخيت
02-14-2008, 07:36 AM
[B]
اب شخيت فسرلنا يلوغد...
B]
يلوغد معناته ياكل سريع سريع لقم كبار كبار يملابه جضومو (أي كواضيمو)...
جات منها كلمة (أبو اللغود) لمرض البرومبفي بتاع خالد الحاج..
..........
أها (يلوهط) معناته شنو؟...
ودالعوتيب
02-14-2008, 07:53 AM
الأسد-حسب الشايقية- هو عيدان القمح بعد الحصاد..
وطبعا هو (فاوة)..وبوص
وما بتنفعوا الموية..
وياود وداعة..
اتخيل؟؟ انا قاصد بوص تاني-بالله ما صعبتها عليك؟؟:)-
والجضل حسب المثل هنا.
هو سيقان البرسيم العجوز..يعني بعد يهروهو هري بالحش..
وفي رواية اخري..قعور القصب..بالذات (الصيف:))
اها برضو رايك شنو لو قلت لك انا قاصد جضل تاني؟؟
أدك الكود ..علي وزن أدو عكاز..
والله أعلم..
فالكود هو جمع تكسير للجضل..وهو أمتن من البوص..وشايو صاموتي...
وكدة:D:D:D:D
في كتاب ( أدب الشايقية بعيدا عن السفسطائية ) يقول : من معاني كلمة البوص ( نبات العشر يستخدم سيقانه بعد تجويفها بديلا عن الأنابيب الزجاجية في تقطير المواد الكيمائية ومنها عرق التمر .
عبد الرحمن يوسف
02-16-2008, 11:36 AM
ود العوتيب غير العشر هنالك نبات يسمى البوص يوجد فوق القيف وهو مجوف من الداخل وربما جلب تيرابه من مصر -يسوا منو البسطونه .
ضمره بغدادى
02-16-2008, 12:02 PM
الاخ عبد الرحمن
الداحوسى شنى؟؟؟
عبد الرحمن يوسف
02-16-2008, 12:21 PM
ياضمره يقولوا اذا عفص واحد بول الحمار تقوملوا داحوسى فى كراعه
طيبان
02-16-2008, 12:44 PM
ود العوتيب غير العشر هنالك نبات يسمى البوص يوجد فوق القيف وهو مجوف من الداخل وربما جلب تيرابه من مصر -يسوا منو البسطونه .
_________________
لاحظت إنو في فرق في بعض الأسماء عندنا هناك بين منطقة والتانية..
البوص ..وهو الجراب الناشف حول السبيطة..يعادل الكرستع
الجضل ..ياهو ذاتو الكود
برضو لاحظو..
في نوري نقول الكروكة..في البركل نقول الكارنوف والكعرنوف..(وهو الجزء المتبقي علي النخلة بعد قطع الجريدة..)
برضو كلمة سبيقة(المساحة المزروعة ومسورة)..مستخدمة في مناطق البركل
في نوري نقول الجنينة..ولانقول السبيقة ..أو لاتستخدم كثيرا..
لاحظت برضو ..كلمة القراعة في البركل وماشين نقرع..في نوري نقول نسقي..غالبا...
في نوري نقول (الضكر)...في البركل (الضكرة)..وهو النخلةالتي يؤخذ منها اللقاح..
في نوري نقول الكررة والجوبيلة والدقشة ..في البركل نقول الفلقة(الفلقي)..وهو ساق النخلة بعد سقوطها..الفلقي بعد تتشقق تبقي جوبيلة..والله أعلم:p
___________
أصبروا تاني بجيكم صاد
عبد الرحمن يوسف
02-17-2008, 12:11 PM
الاخ طيبان لك عاطر التحايا غايتوا نحن نعجن فى الطين وانت البتلقاه ماها فى محلها اعدلا الله يعدله عليك شقيش ماتقبل .
أبوزهير
02-17-2008, 01:44 PM
هــــــــــــــــــــــــوي ..هـــــــــــــــــــــــــــــوي تعرفوا الفكامه؟
وكمـــــــــــــــــــان هـــــــــــــــــــــــــــــــــــاكم دي تعرفوا الشرافه؟
عبد الرحمن يوسف
02-18-2008, 12:36 PM
الاخ أبو زهير
هــــــــــــــــــــــــوي ..هـــــــــــــــــــــــــــــوي تعرفوا الفكامه؟
وكمـــــــــــــــــــان هـــــــــــــــــــــــــــــــــــاكم دي تعرفوا الشرافه؟
كمل يابوزهير مافى زول مشى عليهن يديك الصحة والعافية وكيف اخوى نادر
أبوزهير
02-18-2008, 12:58 PM
الفكامه هي:
البنا لما يكون فوق الحيطه والطين معجون تحت كيف يستلم الطين عشان يبنيه؟ تقطع قطعه من الطين وتداس في بعضها لتتماسك ثم ترفع اليه مجدوعه جدعه بالمقاس ولا تتشتت ولا تروح يمبن ولا شمال وكل ذلك يتم برزم مظبوط ارسال وتلقي وهذه المهمه لا يقوم بها الا الطياني الحريف المخضرم.
اما الشرافه فهي تزيين اللوح في الخلوه عندما يصل الطالب إلى نهاية جزء في القرآن مثلا كمل جزء عم حفظا يقوم في آخر صوره يزخرف اللوح ومكتوب به سورة عم وهكذا كلما كمل جزء حفظا . طبعا يكرم من زملائه ومن شيخ الخلوه ومن الاهل والسكان من حول الخلوه سواء هدايا او طعام كل حسب جهده احتفالا بالمناسبه.
ناهد بشير الطيب
02-18-2008, 11:18 PM
اخونا عبد الرحمن يوسف
كيفك ياخ .......وكيف ثريتنا
ممكن تسمح لى ....ارتع هنا شويه .....
ياخوى كدى براحه .....كده
غايتوا لو فكفكت....لى الكلام ده
تكون ماقصرت ....
واوعك ...تقولى( يابت بشير
زحى...لى غادى ....
عامله لينا زى غفير المستشفى
وتقول لى كمان الزياره انتهت ...)
ود يوسف.
قلت اجيك بالليل
براحه...عشان تورينى
قبال ضمره مايصحى..
.ويشمت فينى...
ويصحى القوز كله ..
.
(الا النافعابى بكون
صلى الفجر خلاص )
بس بديك ليها نصيحه
لو ضمره ده فات طينك ده
ياهو بوستيك الاستحم .....
على العموم ماخليتوا
شىء لاوراء اقوله
الا كتر خيركم
اخدت لى سحبه معاكم
واتفسحت ...وترانى
جبتونى راسى لافى
اها
فتكم بعافيه
ومااظن اجيكم تانى بى هنا
الا عجينى يخمر
واجى وقت العواسه ...
اللهم صلى على محمد وعلى ال محمد اجمعين
ودالعوتيب
02-19-2008, 08:05 AM
الفكامه ( التبانة ) هي:
البنا لما يكون فوق الحيطه والطين معجون تحت كيف يستلم الطين عشان يبنيه؟ تقطع قطعه من الطين وتداس في بعضها لتتماسك ثم ترفع اليه مجدوعه جدعه بالمقاس ولا تتشتت ولا تروح يمبن ولا شمال وكل ذلك يتم برزم مظبوط ارسال وتلقي وهذه المهمه لا يقوم بها الا الطياني الحريف المخضرم.
اما الشرافه فهي تزيين اللوح في الخلوه عندما يصل الطالب إلى نهاية جزء في القرآن مثلا كمل جزء عم حفظا يقوم في آخر صوره يزخرف اللوح ومكتوب به سورة عم وهكذا كلما كمل جزء حفظا . طبعا يكرم من زملائه ومن شيخ الخلوه ومن الاهل والسكان من حول الخلوه سواء هدايا او طعام كل حسب جهده احتفالا بالمناسبه.
الفكامة عندنا يقولوا لها ( التبانة ) بتشديد التاء .
أما الشرافة فهي نفس المعنى ...
عبد الرحمن يوسف
02-21-2008, 06:59 AM
الاخت ناهد لك تحياتى والجميع بخير
مرحب بك فى عجين الطين لاتجى بالليل اخاف تغطسى فى الغرناغه دايما السريقه نرصه بالنهار والحوض مبلول.
انا كنت دايما بجى القوز العصر الايام دى الشبكه حاتلى ومشربكه يحلها الشبكه تب مانى قادر ادخل القوز .عوسى فى اى وقت يعجبك لكن ماوريتينه قراصة ولا كسرى اهـ عجينك ماخمر .ياناهد تعرفى تسوى المتمره .ولك عاطر التحايا
الاخ أبوزهير تسلم وواصل لاتقطع عننا الفكامه لك عاطر التحايا .
الاخ عبد الجليل لك تحياتى صح الكلام يبقالى الشرق كلوا على حسب ماقلته لك عاطر التحايا .
ضمره بغدادى
02-21-2008, 10:18 AM
الاخ عبد الرحمن
اها هاك ديل اعجنوهن
1/ يتفرجخ
2/ الفجك
طيبان
02-22-2008, 09:43 AM
الطهارة...حشرة خضراء تكون قاعدي وسط القش
بس اسمها جا من وين؟؟؟:p:p
وتاني ..
أب عفني..
والصبرة(الثعلب..لكن في الجزيرة الصبرة دي حيوان تاني)..
الغريبة في حيوان اسمو الزبادي..:p:p
عجايب:mad::mad:
طلال على محمد
02-23-2008, 03:35 AM
الاخ ضمرة
الفرجيخ هو قعاد الواطة
والفجك هو المشى فى الطين حفيان
لكن تعرفو الكيفا بكسر الكاف
وكمان تعرفو الطحنقول
وتعرفو ا الكربان
عاد شدو حيلكم ياضمرة وعبد الرحمن
النافعابى
02-23-2008, 04:08 AM
_________________
لاحظت إنو في فرق في بعض الأسماء عندنا هناك بين منطقة والتانية..
البوص ..وهو الجراب الناشف حول السبيطة..يعادل الكرستع
الجضل ..ياهو ذاتو الكود
برضو لاحظو..
في نوري نقول الكروكة..في البركل نقول الكارنوف والكعرنوف..(وهو الجزء المتبقي علي النخلة بعد قطع الجريدة..)
برضو كلمة سبيقة(المساحة المزروعة ومسورة)..مستخدمة في مناطق البركل
في نوري نقول الجنينة..ولانقول السبيقة ..أو لاتستخدم كثيرا..
لاحظت برضو ..كلمة القراعة في البركل وماشين نقرع..في نوري نقول نسقي..غالبا...
في نوري نقول (الضكر)...في البركل (الضكرة)..وهو النخلةالتي يؤخذ منها اللقاح..
في نوري نقول الكررة والجوبيلة والدقشة ..في البركل نقول الفلقة(الفلقي)..وهو ساق النخلة بعد سقوطها..الفلقي بعد تتشقق تبقي جوبيلة..والله أعلم:p
___________
أصبروا تاني بجيكم صاد
الكروكة تعادل عندنا الكروقه
النافعابى
02-23-2008, 04:11 AM
هيى دحين فيكم زول يعرف ( المرميتى )
عبد الرحمن يوسف
02-23-2008, 11:31 AM
الاخ طلال مرحب نتمنى ان تكون من ترابلة الطين معانا
الكيفا: ان وقعت والزول واقف فوقه لو مابيعرف يعوم يغرق .
الحضنقول :تفلعبوا التمر العاول امانى يرمى رمى
كربن :العرجون امانى كيف سمح فى الكربين
عبد الرحمن يوسف
02-24-2008, 11:12 AM
النافعابى اخوى كيف الحال انا كلمتك دى غير واضحه باتت ومافى زولا مشى عليها دحين تعال وفسر ولك عاطر التحايا
ضمره بغدادى
02-24-2008, 12:20 PM
هيى دحين فيكم زول يعرف ( المرميتى )
النافعابى
المرميتى
نوع من انواع الرمت او الرمث والبهائم الجعانات بيآكلنو عاد يسون شنو؟؟؟:D:D:D
أبوزهير
02-24-2008, 01:58 PM
المرميتي او المرمطي
هو الطين اللك معاه شوية مويه يتوحل فيه من يدخله وغالبا ما يكون في طرف الانهار أو الخيران خاصة عندما تنحسر المياه من الحافه او يتقطع ترع.
اما ما تقصده يا ضمره هو الرمت نبات ينبت بروس اي من تلقاء نفسه تقصده البهايم لغناه بالمواد المفضله لها
عبد الرحمن يوسف
02-25-2008, 11:41 AM
سلام الاخوان عبدالله وضمره والنافعابى ماقصرتوا لكم عاطر التحايا [/B]ا
[B]هـ يلصف معناها شنو ؟
أبوزهير
02-26-2008, 07:14 AM
السطح اللامع الذي يعكس اشعة الشمس
عبد الرحمن يوسف
02-26-2008, 11:57 AM
الاخ ابوزهير صح الكلام ولك كل الشكر مع عاطر التحايا .
اهـــــــــــ بـــــــــــــنــــــــقــــــــــــــــــــر؟
النافعابى
02-26-2008, 12:15 PM
اه يا عبد الرحمن ضمره قام بالحل
انا عارفو تربال وراعى بهايم
أبوزهير
02-26-2008, 12:32 PM
النافعابي
يعني حلي غلط
ودالعوتيب
02-26-2008, 12:35 PM
التدان ..........
التيلان ............
الشرقرق ..........
الكودنشبر.............
النافعابى
02-26-2008, 12:35 PM
حاشا عليك الغلط انت ياالمابتغلط
لكن ضمره كان صاح لكن برضو المرميتى تقوم فى طين الساره
أبوزهير
02-26-2008, 12:42 PM
علي اليمين غلطان ونص كيفن ما غلطان واشكرك على لطفك ولباغتك .. لكن الميرميتي ما اعرفها واعتبرتها المرمطي ويختلف النطق من منطقة لاخرى.
عموما شكرا على التصحيح وفوق كل ذي علم عليم. ومنكم بجد نستفيد.
عبد الرحمن يوسف
02-27-2008, 12:35 PM
الاخوان الترباله لكم الشكر جدعوا السريقه ماشى
بنقر معناها ظهر -يعنى فى العوم يغطس جنبك ويبنقر هناك
للجميع عاطر التحايا
عبد الرحمن يوسف
02-28-2008, 08:01 AM
الاخ ود العوتيب لك عاطر التحايا كلماتك سمحات بالشرقرق باقى لى مشتهى الجبنه والكون شبر للقراعه بعد تسد البوغة تعال شوف معانى باقى الكلمات ولك التحية .
عبد الرحمن يوسف
03-01-2008, 11:49 AM
الاخ عبد الجليل
التدان ..........
التيلان ............
الشرقرق ..........
الكودنشبر
فى انتظار الحلول
طيبان
03-01-2008, 11:58 AM
التبان
برضو..:o
صابرين
03-01-2008, 12:08 PM
الاخ عبد الجليل
التدان ..........
التيلان ............
الشرقرق ..........
الكودنشبر
فى انتظار الحلول
الشرقرق هو حله من الصفيح بيد تغلى فيها القهوة
الكونشبر القفه الصغيره جدا
والتبان ماء يبل فيه السعف
والله اعلم
اه ياخوى عبدالرحمن لقيتنى كيف؟
عبد الرحمن يوسف
03-01-2008, 12:19 PM
الاخت ثريا شكرا على المشاركة ونحن فى انتظار ود العوتيب
ودالعوتيب
03-01-2008, 01:13 PM
التدان ..........
هو صيغة من صيغ قسمة الانتاج ـ فهناك من يملك أرضا ويعطي الاذن لشخص ما آخر الحق في استزراعها بمحصول موسمي لمرة واحدة او أكثر حسب الاتفاق بينهما فيمنح صاحب الارض الثلث مثلا والذي يزرع يأخذ الثلثين من ناتج المحصول .
التيلان ............
هي السقاية التانية لنبات مزروع جديد ، فالأولى تسمي ( البوقة) .
الشرقرق ..........
معروف للكل ـ غلاية القهوة
الكودنشبر ............
كما تفضل عبد الرحمن هي قفة مخصوصة لحمل التراب لردم اللبق ( جمع لبقة أو أبقة )
والله أعلم ...
عبد الرحمن يوسف
03-02-2008, 11:39 AM
شكرا ود العوتيب لاتنقطع [/B]
[B]اهــــــــــــــ قرمش - قرميش - يقرمش
عبد الرحمن يوسف
03-04-2008, 10:49 AM
اهـــــــ يقرمش معناه قرش بفتح القاف
مثلا ضمره يقرمش فى تمرات واسمع صوت قرميش كرج كرج
عبد الرحمن يوسف
03-05-2008, 11:38 AM
اهـــــــــــ سلامالمرواد
ودالعوتيب
03-05-2008, 01:20 PM
اهـــــــــــ سلام[/B]المرواد
[B]سكسك الحداد دقولوا المرواد ..وفسر الماء بعد الجهد بالماء
كمان ماهو المررو ؟ـ وليس قبيلة أم بررو ..
ناهد بشير الطيب
03-05-2008, 01:31 PM
اخوناااااااااااااااا عبد الرحمن
انا الليله داخله ليك
بكنتوشى ........
اها تشربوا معاى امانه مالبناااااا سمح
عبد الرحمن يوسف
03-06-2008, 07:53 AM
شكرا ود العوتيب
والمرواد :هو الناقل الوسيط بين العين والمكحله لكحل العين .
والحداد يسوى المرواد من سلك النحاس او الالمونيوم .
المررو : الفول السودانى بعد ان يتم قليه مع الرمله الناعمه على الصاج ونقول فول الحاجات واشتهر به التكارين .
ناهد بجى راجع
ضمره بغدادى
03-06-2008, 07:56 AM
الاخ عبد الرحمن
اها
ام جغوغة شنى؟؟؟؟؟
محمداحمدالقطين
03-07-2008, 10:25 AM
تصحيح بسيط ..اللس ,اللام الاولي مشددة والتانية مفتوحة,او الالس هو حبلين يتمدوا في خطين متوازيين زي درب القطر حجمهم ضخم جد يفتلوهو من الجريد متلت يعني من تلاتة فرد يربط بين الحبلين عودين صغار منا لسنط كل مسافة متر تقريبا والاعواد اسمها اللقلوق وكل لقلوقين يربط عليهم قادوس بحبل رفيع والقادوس مكون من3 اجزاء الرقبة والبطن وال.. اللس يقرن مع بعضه زي السبحة ويوضع علي العطفة هي دائرية كبيرة من عدة اجزاء لكل جزء اسم الفاشوقة التنتريقة الحربة ..الخ والعطفة مثبتة علي عمود ضخماسمه التوريق في نهايته منالجانب الاخر ترس منالسنط اسمه الحلقة لصغيرة اوبت الحلقة واسنان الترس اسم كل واحدة سندقيقة تتشابك مع الحلقة الكبيرة المثبتة علي عمود اخر راسي قائم عكس التوريق الافقي والاخير اسمةالمشق ومثبت عليه عودشكله زي كبتل واي منسوج في نهايته يقعد عليه التربال اسمه التكن وتجرو البقر والواحد منها اسمه الجخس..........الخ الاسماء كتيرة وناسف للاطالة ..سلاااااااام
عبد الرحمن يوسف
03-08-2008, 09:20 AM
الاخت ناهد كيفك
اللبن السمح ما بنا به ومرحب بك بى كنتوشك
لكن كنتوشك فوق البوتجاز ولا الاديات ؟ منتظرين الاجابه منك
عبد الرحمن يوسف
03-09-2008, 11:42 AM
ياضمره ام جغوغة دى من الخلاء ولا من وين ماعرفتها تعال صاد وفسر ؟
عبد الرحمن يوسف
03-10-2008, 12:29 PM
الاخ محمد احمد القطين
ياسلام عليك لما صوت الساقى يسوى السيك سيك والقواديس تتهادى وخرير الماء فى الجدول القراع لازلنا نتوق الى كتاباتك عن الساقى والساقيه لسه مدورة فهل من مزيد
مع عاطر التحايا .
عبد الرحمن يوسف
03-11-2008, 12:42 PM
ياجماعة اهــــــــ
قميص مكرن فى شديرة الفار .
هل هى شديرة الفار ولا الفاس ؟وماسبب التسمية ؟
ومامعنى مكرن ؟
ضمره بغدادى
03-11-2008, 03:53 PM
ياضمره ام جغوغة دى من الخلاء ولا من وين ماعرفتها تعال صاد وفسر ؟
الاخ صاحب مفردات من الطين الاخ الغالى عبد الرحمن يوسف والاخوة
عندما يعصر زيت السمسم بالعصارة البلدية التى يدور بها الجمل مغمض العينين .وبعد نزول الزيت وزيت الولد الذى يكون فى آخر العصارة يسمى باقى السمسم بعد العصر بأم جغوغة وهى أكلة دسمة جدا وحلوة خالص .:D:D:D
عبد الرحمن يوسف
03-13-2008, 08:19 AM
الاخ ضمره شكرا على ام جغوغه
كرن : مسك فى شديرة الفار
عبد الرحمن يوسف
03-15-2008, 10:14 AM
اهـــــ داك واقف فى الهجيرى
وداك ينقرش فى جريدى[/B]
[B]ماتحته خط ؟ المعنى
ودالعوتيب
03-15-2008, 02:12 PM
اهـــــ داك واقف فى الهجيرى
وداك ينقرش فى جريدى[/B]
[B]ماتحته خط ؟ المعنى[/size]
[size=4]اضف / اضيفي شرح الابيات التالية :
دالك يسلك وداك ينقح
وداك بالشرقي ينبح
الجزيري .. الجزيري .. الجزيري
الجزيري بقت مخادة وتاني خت الطين زيادة ..
عبد الرحمن يوسف
03-16-2008, 12:57 PM
الهجيرى : وهى سخانة الشمس على الارض وتكون حارة لاتستطيع المشى فيها .
يتقرش : دائما االنقريش للجريد اى نظافته من السعف .
وهنالك فى بعض المرات نجد هذا التعبير مثلا يقولك امانى فلان داك ينقرش الدلوكه نقريش اى المقصود انه عازف ماهرشغله نظيف .
عبد الرحمن يوسف
03-17-2008, 12:29 PM
الاخ ود العوتيب لك عاطر التحايا
اولا ماهى السلوكه : هى عود من السنط له راس حاد وتوجد خشبه مثبته فوق الراس الحاد بارزة بالجنب لكى يضغط عليها لغرز الراس فى الطين ثم بعد رفعها تظهر حفرة تكون الشكل المخروطى واسعة فوق وتضيق للداخل ،
وداك يسلك دائما استعمال السلوكه يكون بعد ان يشرد البحر ويبدأ الجرف فى الظهور نقوم بالسلوكه وهو عمل الحفر المتناسقة فى صفوف ليرمى فيها الحب وتكربن .
داك ينقح : والنقاحة هى عمل حفر فى الاحواض فى صفوف زى السيجه ليرمى فيها الحب وتدفن .
وداك ينبح ليست المقصود نبيح الكلب ولكنه مقصود كثرة الكواريك .
والمخاد ة هى ان تكون المياه ضحله وتخاد بدون عوم اى الوصول للجزيرى يكون بقى مخادة .
وبعد نزول البحر ختت طين زياده يعنى جاها طمى اى طين زياده فوق القديم .
ود العوتيب تم الناقصى .
عبد الرحمن يوسف
03-18-2008, 12:54 PM
اهــــــــــــ
الحريم لابسات االعكش
واالبطان يلقطوا فى االهكش
عبد الرحمن يوسف
03-18-2008, 12:57 PM
اهـــــــــــ
الحريم لابسات العكش
والبطان يلقطوا فى االهكش
عبد الرحمن يوسف
03-18-2008, 01:00 PM
اهـــــــــــ
الحريم لابسات العكش
والبطان يلقطوا فى االهكش
مامعنى ماتحته خط ؟
عبد الرحمن يوسف
03-19-2008, 12:52 PM
نداء هام
الى تربالة الطين انا فى انتظاركم ، طبعا ترابلة الطين لمن الواحد يفلس بعدين يجى راجع اهـ البارح المولد يكون قطعوا العندهم ، انا برضوا فى انتظاركم .
عبد الرحمن يوسف
03-20-2008, 09:52 AM
الحريم لابسات العكش
والبطان يلقطوا فى االهكش
مامعنى ماتحته خط ؟
العكش : ]زينة المراة وهى متنوعة (ختمه وفدايات وزمام وغوايشات وغيره [/color])
االبطان : الاولاد
الهكش : كل ماهو قديم مرمى على الارض لايصلح للاستخدام
عبد الرحمن يوسف
03-22-2008, 01:19 PM
مامعنى :[/B][B]بزملوا شىء ؟
عبد الرحمن يوسف
03-23-2008, 01:34 PM
معنى[/B] : [B]بزملوا شى
يعنى مرقلوا شى اى خصص له شى ما سوف يعطيه له .
عبد الرحمن يوسف
03-24-2008, 12:46 PM
مامعنى :[/B] [B]معشكب
عبد الرحمن يوسف
03-25-2008, 12:10 PM
مامعنى :[/B] معشكب
معشكب :[B]أغبش - مليان عجاج
عبد الرحمن يوسف
03-26-2008, 12:07 PM
اهــــ ملاح قوليع ؟
وملاح من لسان الطير ؟
ماهو المعنى ؟
عبد الرحمن يوسف
03-27-2008, 10:20 AM
مامعنى :
الدوراية ؟
عبد الرحمن يوسف
03-29-2008, 10:34 AM
اهــــ ملاح قوليع ؟
وملاح من لسان الطير ؟
ماهو المعنى ؟
ملاح القوليع : تقلع البامية فى مرحلة معينة ويلقط الورق ويصنع منها ملاح السبروق
ملاح لسان الطير : هو نبات يشبه الملوخية ويقوم بدون زراعة يلقط ورقه ويعمل منه ملاح لسان الطير امانى مو طاعم.
عبد الرحمن يوسف
03-30-2008, 01:41 PM
مامعنى :
الدوراية ؟
الدوراية :هى حلة تصنع من الطين وفى منطقة الشايقية تعرف بالهمرة .
تمتاز بان ملاحها طاعم .
Dr Salah Mohamed Elamin
03-30-2008, 05:36 PM
من كتاب الاستاذ عباس محمد الزين ( صور من حياة الشايقية القرن التاسع عشر)
الكاتب اصلا من تنقاسى مولود فى ابروف بامدرمان التحق بالكلية الحربية 1965 وترك الخدمة برتبة مقدم 1978
له التحية وسوف انقل لكم بعض فصول كتابه
له فصل فى الالفاظ لدى الشايقية
الأدق :وقت الغيار بين نوبتى الساقية
ابان : اوان
أدور: يقال فلان رأسه ادور اى بليد
أبلم: من بلامه اى اللثام يوضع على الفم ( ملثم) لايحسن الحديث ويقولون فى المثل القلم ما بزيل بلم
بابون: اوراق البصل
بتق: للنبات اى ازدهر او طلعت اوراقه
براز:الارض الفسيحة
بشقه: جميله
بور: ارض خلاء غير مستثمره
بيبه: كدوس
تدان: نصيب صاحب الارض
تقق: ما يملا الكفين( الهين)
تساب: فيضان النهر- يقال البحر تساب اى الماء مرتفع
تنقير: درب بين الزرع ويقول المغنى مابتحش قش التناقير اى هى عزيزة ولها حق وطين تحش القش منه
جفته:ماعون خشبى كبير للاكل
جلق:ذئب
جرق: الثور القوى المدرب على عمل الساقية يصفون به الرجل
الحو: الضمة على اللام اخضر يميل للسواد
حوبه : حوجه ( دخرى الحوبه سار)
حندق: يغرى ويقيظ و ( يكاوى)
خب : اسرع فى المشى
خريم : بضم الخاء ثمار شجر الحراز
ديوف : حوضين متجاورين او صفين متجاورين من الحيضان فى الزراعة
دهك : كسر
Dr Salah Mohamed Elamin
03-30-2008, 05:38 PM
الدفاق: اول مايروى من الحيضان
الدريش: اول الثمار او الحبوب المكسورة غير المطحونة طحنا جيدا
الدابى : الثعبان
الدفيق: البلح الرطب وهو اول الموسم وشكل الثمار اخضر ويتساقط من النخل اى يتدفق و يسمى الهرود اى ناضج شويه يمكن اكله
دبدب: الارض المرتفعة
دهير: حبل يشد فى ركن الغرفة بين حائطين توضع عليه الملابس واذا كان من خشب او جريد يسمى سيداب
الدبس : الورم فى الجسم خاصة الارجل
الدم الرائب: مرض السل لان بصاق المريض يكون ابيض مخلوط بالدم
دلاح : نوع من النخيل املس الساق
برجب: عود يسند به الشجرة
رورى: صوت البكاء او الاستغاثة يقولون ضرب الرورى اى صاح
رميس : مكسور محطم
رماضه: الرمضاء اى الرمل الحار من وهج الشمس
الرجبية: احتفال 27 رجب( ليلة الاسارء والمعراج)
رقراق: الضوء الذى ينفذ بين ورق الشجر او السقف( لقاديبنا المبردحة مافيها رقريق ) اى صالاتنا الواسعة مافيها ضوء ينفذ من السقف
رغالة: الرشوه وتسمى البرطيل
رف: ارتعش ومعناها المعنوى تشابى (فلان للضلال رف)
ريوق: الافطار – فكة الريق وكان الكبار حريصين على اكل خبز او كسرة او قرقوش مع شاى الصباح
رتق: حبل له عراوى كاجنزير
اركج: الصبى االذى يساعد المزارع فى الساقية
تربال :العامل الذى يساعد المزارع فى الزراعة ويعطى مبلغ نظير ذلك
ربوب: غير صافى غير اصيل مختلط
الزمك: الغضب الشديد والانفعال السريع ويسمون به الانسان زامك اى الرجل الحار سريع الغضب
زعب: تتدافع
زمق: غضب
يزوزى: يتمايل يتخبط على غير هدى . مزاز يمشى بغير هدف
زوانه: زينه
زاروق:حربه قصيره( مطرق) زرق ريقه بصق بعيدا واصلها ذرق وقد تكون ابتلع ريقه
زلومه الارض الممتده داخل النهر- لسان
زلعه: قرم او سوفه شدة الرغبة والنهم فى الطعام
سادر: طالع او صاعد
Dr Salah Mohamed Elamin
03-30-2008, 05:41 PM
ساجور: قفل اليد ، مسجور، مسجون ( الله يفك ساجورك اى ربنا يفك كربك ويحسن حظك العاثر)
سبيقة: بستان نخيل
ساسوية: قطعة صغيرة من الزجاج المكسور
سرويه بكسر السين: الحديى اى الحدأة او الصقر
سنسنة : البصلة وقد تكون سنسنة كسرة اى طرقة كسرة
سندقيقة: ترس فى الساقية
سنيح ومسنوح: قبيح بمعنى لئيم والاصل سحنة المراد قبيح السحنة
سبروق : ملاح اخضر اشتهر به الشايقية دون غيرهم من ورق البامية
ساسق: اكثر التردد سوى الدرب ساسيقه
سنبوس: اساس البناء
سرب: مرض يصيب الضلع يكثر عند الاطفال
سلوب: ملابس المتوفى تلبسها النساء فى المآتم
سم بفتح السين: سم بضم السين
شاشت او شاشيت: اشتاقت او اشتاق
شايه: قميص_ درع خفيف من القطن، علامه
شد : اغتاب او الشديد الغيبة
شيش: هدوء بشيش بهدوء ، شيشك، اهدأ
شن: ماعون يكثر استعمال مشنون عند تحدثهم عن العسل ، عسل مشنون
شبردق: الشمار
الشماره: مايستر العورة من الملابس وسميت شماره من شمر لانها تكون اعلا الركبة
شديع: شجاع
شخلوب: فرع به عدة ثمار
شربوقه: القرعة تستخدم للشرب
صد : رجع
صنب: صنم مدينة مروى
الصهيب: الناموس الحشرات التى تظهر عند شق التمر قد يكون النمتى
صهب: تاه، صنهب ذهب المعدن
ضبان: ذباب فهم ينطقون الذال ضاء ضبلان ذبلان او ذابل
ضهل : اتعب
طلاشة : طيش وملطش وطائش
طلب: قصد، طالب، قاصد
طمه: مجمع طمة القوم مجتمعهم
طايوق: نخاع او مخ ويستخدم فى مسح الصاج او الدوكة بالبزديق وهو قطعة قماش لتسهل عواسة الكسرة او الفطير او القراصة
Dr Salah Mohamed Elamin
03-30-2008, 05:42 PM
طلطميس: مختلط رجل طلطميس اى لايفم
طنطن: برطم تحدث بالفاظ غير مفهومة
عاول : تم عليه العام (عمنول) اى العام الاول او الماضى
العوق: الجيش والحرب
عرز: انتزع
عبلانج: قرد
عنبجه: طرور نوع خفيف جدا من الخشب يصنع منه الطوف من لحاء النخل
رجل طرور اى رجل فارغ
عنسيت: فرس البحر
العفنون : الجرجير
عشكوب : مرض جريد النخل عشكب معناها افسد معشكب تعبان وضعيف
غايس: ضعيف، بعيد
غبين: ضعيف الراى
البوك طائر البوم
غفير : خفير حارس
فكانا : خشبة تملا الفراغ بين الثوريق والعطفة
فاقه: التحدث بسيرة الناس يفاقق يتونس
فوم : حلية توضع على المعصم سوار
فرهد: ازدهر الفرهيد النبات المخضر اليانع
فوسيب النبات عند خروجه من الارض
قليل : قلق
قارح: حصان
قيدومه : مقدم
اقروب: مشى راجلا
قاريق : الزرع فى الجروف
قمد : ضرب بمجع يده
القراع: القائم بالرى فى الساقية او الارض الزراعية
يقاقى: يضحك ضحكا متواصلا
القاعون : فاكهة الشمام
كجر: وتد قيد مكجر قصير نموه غير جيد فى الطول
كرنه ميدان الحرب او المحاص
كرس: هدأ
كرى : أستأجر
كازى: عاند عاكس عادى
كاب : ملجأ: يا كاب الضعيف البتلحق الضائق
Dr Salah Mohamed Elamin
03-30-2008, 05:43 PM
كرق : زرب او احاط الكرقه بكسر الراء هى الراكوبة
كمق: الحق الموروث
كرف: شم
كدرباس نبات الجبين
كروبه : قرعة كبيره تحمل فيها الاشياء
كار: المهنة المتوارثة
كور : قطيع من الأبل
كشالى : معدمين فقراء
كران حبل من الجريد يثبت اجزاء العطفة فى الساقية
كدمبس: مكان رمى الاوساخ الكوشة
كادان : تنظيف الجدول من الاعشاب
لا: ينطقون بمعنى الى ( لا تحت لافوق لا مروى الى مروى)
لك: بضم اللام اى طين لزج
لكك: غير سوى مختلط
لاكوع : الفرس السريع
الكع: اسرع
لهاق: كثير الكلام من لهاء لثة وتسمى المراة لهاقة
لهو: سيرة - لهوك سيرتك
لطام : الضرب او الحرب فارس اللطام
مرس: حبل
من جم:كافة من كل جوانبه من شرى ما اسعد
مقق : شراب مالح
مربوب : عبد مملوك
مدرمس : يمشى باليل صامتا
متيق : تهذيب القصب
مرن: الحد الفاصل بين ساقيتين او قطعتين راعيتين
منزو : حاج الرسول اصلها من لغة الهوسا
معيس : رجل شجاع
المصاصة: نواة التمر
النونى: ( الاجرة ) اجرة المركب
تقيله: خصله
انجم: ارتاح انجم فوق عظامه
نشد: سأل من السؤال نشد عنك سال عنك
انجيته : ان جئت للحق هل كلامك صحيح هل ماعملته صحيح وبمعنى سؤال للشخص للتاكيد عليه بالحق والصواب
نتح: شرب تجرع بمعنى شرب بلهفة عب الماء عبا
نجيهة : ذم نبيشه
نجامه: قطع الحشائش
نورج او النوريق: اله لدرس القمح والذره
انبهم: ارتج عليه واحتار واندهش
همير : عجوز فانية
الهساس: الحمى:
هوبا : بضم الضادارض الجزيرة
هنبروك: قصبة الذره
هضللت السماء : شالت المطر امتلات بالغيوم
هديش : تفالة قصب السكر بعد ان يمصها الانسان
هضلم النبات : ذبل عكس فرهد ، ارتخت اوراقه
هبر : سافر مسرعا الرجل هبار كثير السفر والتحرك يهبر فى الاكل ياكل بكثرة
ولو : بضم اللام وليس
وكا : حبل صغير يربط به فم القربه
وقاية قطعة من القماش تلف بشكل دائرى توضع على الراس عند حمل اى ثقل على الراس وكذلك قطعة القماش التى تزين وتوضع عليها الجبنه
واقع: وقيع مستجير
واسوق: اله خشبية لتسوية الارض
وضيب: شعر ام وضيب للمراة الجميلة لكثرة شعرها
ونه : توقف وانقطاع
واقوف: الحر الشديد
يويا: الام
يمان : يمين
يباس: يابسة وجافة
من الالفاظ التى تستخدم للتعبير عن الاسى او الاستحسان او التشوق او التهكم
سئ: عند المدح
يايمه سئ فوق الجنس جنس الكدنكة الموهلس
اهل الدرع واهل اللبس اهل النحاس الفى الشمس
سئ فوقك قد تستخدم للتهكم اذا عملت شيئ مخالف للذوق والتقاليد
مادلا
للاستحسان كقولهم مادلا الولد الفالح
اى بمعنى مرحى ويقصد بها الثناء
نان: بمعنى لكن
دوب: بمعنى طوبى واحيانا دوبه او دوبى الف
كقول حاج الماحى
الليله دوبى الليله دوبى لام قزاز العالى طوبا
او كقول الشاعرة نصرة بت محمدو فى رثاء الملك محمد ود جاويش
الليله دوب لاب عاج ياسمح الفعال فوق ضهره كم ريح حليل جمل المشال
ووب: بمعنى الويل تقال عند وقوع المصيبة
كقول الشاعر
فى رثاء الملك كمبال ود حمد
الليلة ووب يا اب رسى ثانية ووب يا اب رسى
تالته ووب يا اب رسى وقت الكلام قسىقالوا كمبال عصى
افى: تستخدم عند استهجان أمر او استنكاره
فيقال افى عليك اى عيب عليك
يقول حاج الماحى
وفى العبوس ما ادخر له شيئ ترك نعيم خير قال افى
واشرى : حسرى
واشريرى : ابدا الحزن والاسف او المحبة والعطف للصغار
دب: بضم الدال سب دب دبيتك بالله كلمات سباب او لعن وتستعملها النساء
كدى: بفتح الكاف كلمة استحسان وتستعملها النساء اكثر ويقولون كدى كدى او كدى سى مثال كدى سى فوق المقدره
قال حاج الماحى فى مدح الامام على بن ابى طالب كرم الله وجهه
ان دفر كدى يعجب الرسول الزين وان قمت ياعلى تسبق رمشة العين
Dr Salah Mohamed Elamin
03-30-2008, 05:51 PM
الموضوع كبير ويعكس ثقافة الشايقية العريضة والعريقة
وقد تصرفت بعض الشيئ فى حديث استاذنا عباس محد الزين نظرا لان لهجتى شايقية والتصرف لم يلغى او يخل بكتابة استاذنا الكبيرولكن يدعم ذلك
ذات مرة كنت فى احدى قرى الحلاوين بالجزيرة اتكلم عن موضوع الطهارة الفرعونية وبعد الانتهاء من المحاضرة حضرت الى امراة كبيرة فى السن وقالت لى ياولدى انت شايقى فقلت لها كيف عرفتى فقالت انت قاعد ترمى فى الكلام الشايقى مره مره
عبد الرحمن يوسف
03-31-2008, 01:06 PM
الموضوع كبير ويعكس ثقافة الشايقية العريضة والعريقة
وقد تصرفت بعض الشيئ فى حديث استاذنا عباس محمد الزين نظرا لان لهجتى شايقية والتصرف لم يلغى او يخل بكتابة استاذنا الكبيرولكن يدعم ذلك
ذات مرة كنت فى احدى قرى الحلاوين بالجزيرة اتكلم عن موضوع الطهارة الفرعونية وبعد الانتهاء من المحاضرة حضرت الى امراة كبيرة فى السن وقالت لى ياولدى انت شايقى فقلت لها كيف عرفتى فقالت انت قاعد ترمى فى الكلام الشايقى مره مره
د كتور صلاح كيف حالك واحوال كل الاهل عساهم بخير وعافية.
حضورك كان جميلا وانت تزودنا بكلمات تراثية لاضافة معلومات قد تكون غائبه عن الكثير ، واحى عبرك عباس محمد زين ، ونحن فى انتظار المزيد ، ولك عاطر التحايا .
Dr Salah Mohamed Elamin
04-01-2008, 04:36 PM
سلامى وتحياتى واتمنى ان تكون بخير
طبعا الموضوع كبير وليس معانى كلمات فقط ولكن يمثل حقب تاريخية وتراث متكامل لاهلنا
ونرجو من الله ان يوفقنا فى المواصلة كلنا لنحكى لاولادنا وبناتنا عن تاريخ اجدادهم وجداتهم العظيم
ولى اقتراح اذا وافقت ان يسحب البوست من مكانه ويتم وضعه مكان منتدى التاريخ
اكرر لك سلامى وتحياتى
والله ولى التوفيق
عبد الرحمن يوسف
04-02-2008, 01:28 PM
الاخ د. صلاح لك تحياتى
المهم فى الامر ان تعم الفائدة للجميع واذا وضع فى التاريخ والتراث لامانع لدى المهم ان نستمر لفائدة الاجيال القادمة وحتى لا يندثر التراث ،ولك عاطر التحايا .
النافعابى
04-03-2008, 09:29 AM
تعرف ياضمره ماعرفناك من الغرب والله من وين انت
ام جغوغة شنو كمان نحن مع طينا تجى تمرقنا من البلد مالك
ادو انذار يا عبد الرحمن وانا بزبل طين عبد الرحمن من المطره
Dr Salah Mohamed Elamin
04-04-2008, 12:42 AM
مفردات الباب:
1-الكبد: اسم للباب الكبير
2-باب السر: باب جانبى عادة خاص بالنساء
3-الكشر: مفتاح الباب وهو من الخشب وكبير
4-الكلبه : من الخشب وهى الكيلون القفل
القاطوع : المخزن
فطن البيت: داخل البيت
دونكا: المطبخ
الجر: الزير
المى: الماء
السعن والقربه والسقو لحفظ الماء وتبريده السعن من جلد الماعز الصغير والقربة من جلد الماعز الكبير والسقو من جلد التور
العز: المعزة
العبور: النعجه
التبروقة مصلاية مدورة من البرش
وردى: الحمى
التقنت : طرف الحوض الزراعى
السرف: هو عندما تحفر حفرة بسيطة سطحية فى الرمال المتاخمة للنيل ينبع الماء ويكنى الشخص الكريم بالسرف
ضمى: للتاكيد ( ضمى ما عملت كذا)
البنجور الولد الصغير وهذه من لغة الشوام ايضا
حردان : زعلان من لغة الشوام ايضا
كوسو : ابحث عنه ووجدتها فى لغة اهل الحجاز منطقة النماص بمنطقة عسير بالمملكة العربية السعودية ولكن يقولونها (قوصو )بمعنى تقصى اين هو او ابحث عنه
اللبقة : فتحة الماء فى الجدول عند فتحها يتدفق الماء فى الجدول الاصغر
المريق : الذره
عبد الرحمن يوسف
04-05-2008, 01:03 PM
اخى د. صلاح كتر من جنس ده ولك عاطر التحايا .
عبد الرحمن يوسف
04-06-2008, 01:47 PM
يالنافعابى كيف الاحوال
أم جغوغة دى توجد فى اخر عصارة السمسم زى الربو وباقى السمسم مع الزيت زى حلاوة طحنية زى الكشت ، اسال ضمره منها امانى حلوة حلا ان مشيت القضارق بتلقاه هناك .
ضمره بغدادى
04-06-2008, 04:50 PM
اها يا النافعابى خلينا ام جغوغة وحلاته الزايدى
اها هاك دى انت والاخوان
الدندهوب.... هو شنو؟؟؟؟
عبد الرحمن يوسف
04-07-2008, 12:18 PM
ضمره حمدلله بالسلامة
كمل كل كلماتك اللاورا شرحا وافيا
عشان النافعابى مايحتج ويطالب برفع الكرت الاصفر ، عاطر التحايا
Dr Salah Mohamed Elamin
04-07-2008, 09:33 PM
عرش البيت ( السقف)
1- المرق: وهو العود الكبير الذى يتوسط الغرفة وتستند عليه بقية مكونات العرش وهى الفلق والجريد
2- الشعبه:وهى عود من شعبتين فى الاعلى ليسند المرق وتكون فى وسط الغرفة
3- الفلق او مفردا الفلقة وهى قطع خشب من ساق النخيل يتم قطعها بصورة جميلة وتوضع فى سقف البيت مستندة على المرق وكل فلقتين تتلاقى مع بعضها من كل جهة
4-الجريد وهو جريد النخيل بعد ان ينزع منه السعف ويوضع بشكل جميل فوق الفلق بحيث يكون متلاصق مع بعضه البعض ويعطى العرش شكله المموسق الجميل
5- فوق ذلك يوضع السعف اى بواقى جريد النخيل
6- توضع طبقة من الطين ثم يكسو السقف بالزبالة وهى من زبل او روث الغنم بعد ان يتم تخميرها لعدة ايام وتوضع فى سطح البيت بحيث تغطى السقف منعا للشمس وتمنع دخول مياه الامطار
الرقابة: المرآة او المرايه ولا اعلم لما سميت رقابة
عمبلوك: العتود
المراح: زريبة المواشى
الكركار: دهن من ودك او شحم الغنم ويتم تعطيره بالقرنفل و الصندل والسرتية والمجموع يتم استخدامه كريم للنساء لتنعيم الجسم وحفظه لامعا وذلك من عبقرية المراة السودانية
العميوقه: نبات برى ينمو فى الارض الزراعية
الحلفى : نبات برى ينمو فى الارض الزراعية ويخربها وتصعب محاربته الا بجهد شديد
الكبيق: الجرة الصغيرة لحفظ الماء وتبريده
انواع البلح: ماعارف لو الاخوان تحدثوا عنه (القنديلى والبركاوى والتمود والكلم والمشرقى وتمر المدينه و الكروش ) وتحتاج الى وقفة من الاخوان
الفنيار: الفانوس
ورتاب: سيقان الذرة الناشفة تحفظ بعد الحصاد كغذاء للمواشى والحمير
الضبان: الذباب
يتبرد: يستحم والبرود هو غسيل الموتى
ينهم: يعزم
الزبل : روث البهايم
الوتد: مسمار كبير يدق فى الارض ويثبت لربط المواشى
البزديك: قطعة قماش لمسح الصاج او الدوكه لتسهيل عملية العواسة وهى خبز الكسرة والقراصة والفطير
البوش : مناسبة الفرح
الخوسة: السكين
عبد الرحمن يوسف
04-08-2008, 01:23 PM
دكتور صلاح بارك الله فيك ، تعرف اسع زبالة الغنم فوق راس البيوت بقت تجيب الارضة ،ومع تغير المناخ حولت اسقف المنازل الى الزنك عشان الارضة والمطر . ولك عاطر التحايا
عبد الرحمن يوسف
04-09-2008, 12:13 PM
اهـــــــــــــــــــ
ماهو الفرق بين الكرموش والصيص ؟
عبد الرحمن يوسف
04-10-2008, 08:18 AM
ماهو الفرق بين الكرموش والصيص ؟
الكرموش بعد التلقيح يكون مع التمر فى السبيطه
الصيص :كل السبيطة تكون صيص ولايوجد فيها تمر وهو لم يكتمل استواه
vBulletin® v3.8.1, Copyright ©2000-2012, TranZ by Almuhajir