المساعد الشخصي الرقمي

مشاهدة النسخة كاملة : الشاعر/إبراهيم ابنعوف


شهرزاد
03-17-2008, 12:38 PM
طير الغروب
يا طير الغروب أسكـت كفاكـا رطـن
قبلك كم بكيت وكم من نفوس يبكن
***
بكاك الفـراق راحـل بعيـد تسكـن
ولا فقـد جنـاك واصبحـت متجـنـن
تـرى الفاقـد جنـاه وراه .. متيقـن
وما كل الرحـل فـارق ديـارو حـزِن
***
إنت المك ماهو ذى ألماً على مُزمـن
وفقدك لو تقول ذى فقدى ما ممكـن
فارقنى البريدو حياتى عـاد كيفـن
وفتق لى الجروح قبـل الجـروح يبـرن
***
نيران الغـرام فـى حالـى ما بيرتـن
ساكنات فى عضاى يصّبحِـن ويمسـن
كـل الاشتكيلـو اقولـو لـى .. طمـن
يقولى ما بتطيب انت اتمكنت مكـن
***
كل أسبابى من زولاً صغير فى السـن
سيافـات رموشـو والعيـون يـرمـن
بسمة فاطرو تضوى الليل بعد يدكـن
وان جيت للخدود جلّ العلى الصنعـن
***
إتحيّـر بقيـت فـى أمـرى متمحِّـن
أحفّر فى الارض مرات براى وادفـن
حِيلـىِ معـاه لا بجيـبـن ولا بــوَدّن
دا الغارى الجمال وفى طبعه متعجِـن
***
داير اكتبلو أقولـو قليبـى متبشتـن
يتوحـوح كتيـر ريشـاتـو يتـهـزِّن
يبكى الماضى وأفراحو الرحل زمنـن
مسكين ما لقى الفى حالو يرتى يحِـن
***
قالك فى شبابـك يـوم أخدلـك إذن
لاترجّـى الاجـازة دة للإجـازة بـجِـن
لو فاكر حيصبر زى قبيـل مـا أظـن
يتصبـر وراك ربـع القبيـل صَبَـرِن
***
من وسط الجحيم ليكـم رسايلـو بِجِـن
ويهدى ليك سـلام وتحايـا مـا بغِبّـن
ما أشرق صباح بى يوم جديـد يعلـن
وما عانق نسيمو فريع رطيـب ولـدِن
***
ما سالن دموع فـوق الخـدود يجـرِن
وما ناح العشوق يبكى الفراق وغِبِـن
وما سهرن قلوب جار الزمـن ظلمِـن
وعَد ما ابواب وصالك ليـه يندسـدن
***
إبتدى فى الكتابـة عيونـى يتقـدِن
كلما كتبت كلمة القى الدموع يمحِن
خليت الكتابـة أهيـا الدمـوع صُبِّـن
واجرن لا تقيفن وفى الصبيـب جِـدِّن

شهرزاد
03-17-2008, 12:40 PM
أعز إنسان
يا أعز إنسان .. لىّ أنا يـا أعـزّ إنسـان
مانى غريب عليك .. يى عاشقك .. الهيمان
جيتك ومن سجون الريد بدور لـي ضمـان
ماتصارحينـى قولـي لـي بكـل .. أمـان
فـي قلبـك دحيـن خاتانـى ياتـو مكـان
قربتك هو بينك وبينـي .. كانـوا أزمـان
طريتك .. وفكري في عالم مـن النسيـان
خاشع مبتهـل طالـب الإلـه .. سبحـان
يجمع روحي بي روحك .. يعيشوا أخـوان
بريدك وريدتى ليـك ريـدة عيـان وبيـان
وقولة أنساك عندي بعيـدة فـي الحسبـان
كل الدنيا مـن غيـرك .. أشوفـا هـوان
وحتى أفراحي غيـرك فيها تبقـى أحزان
أشيلك في عيونـي عليـك أظـل سهـران
وأسكب ذاتي في ذاتـك .. وأجيـب أوزان
أردد في حـروف أسمـك بـراى نشـوان
يعقب فـي صـداه معـاى .. كُـل لسـان
أخلى الكون فرح يرقـص معـاى طربـان
تغنـى طيـوره تتمايـل علي الأغـصـان
ليه بغنـاك مـا أكسـى الوجـود ألـوان
وأنا المكتوب لي (أحبك) وليك أعيش فنان
تعالى وضمي صدري عليـك بـي تحنـان
ورجّعى عمري وكتين كـت مـع الحبيـان
بيكى نسيت شقاي .. وكل العـذاب الكـان
وفيكى لقيت حنـان أمـي الفقدتـو زمـان

شهرزاد
03-17-2008, 12:44 PM
أفوض أمري لله

قلـت اصبـر افـوض امـري لله
مادام الزمن عاكسني ضوقنى المزلة
***
البقول الحب محـن ماجابـا زلـه
تايـه فيـه لمـا شبابـي .. ولـي
يوم من عمري ماشـف خيـره الا
غيـر همـو وعذابـو الـبي حلا
***
الغـرام قفلـت بابـو علـي طـلا
منو فكر فـي الشـراد مالقيـت محلـه
كرهت الدنيا حالتـي بقـت مملـه
مالي دون خلق الله فوقي وتحتي مله
***
لي منو اشكيه الاذاني بقالـي علـه
سلب لحمـي ومنـام عينـي قـلا
مادام قاضي فـوق كرسيـه اتعـلا
وكمان كتل النفوس في شرعه حـلا
***
دواي الزارعو سيدو ثمـاره اندلـي
مسكين مابيضوق لي سعـرو غـلا
النموت مادام زمان الرحمـة ولـي
يبس شدر الحنـان نمـت المزلـة
***
ساعة مال وانفدع ولي ايـدو تـلا
برز لي حـراب صـدرو المعـلا
سبل لي رموشـو وحاجبـو عـلا
نفسي انـا لاطلـع لاتانـي اندلـي
***
انـا الخاتيـه فـي اعظـم محلـه
لكن كـان ده منـو جـزاي واقـل
مابنـسـاه لا لا والــف كـــلا
حبو انا عنـدي شـي يعلمبـو الله

شهرزاد
03-17-2008, 12:48 PM
نسايم أشواقي
فسراع يانسايم أشواقـي ودن لـي السـلام مطبـوق
لاهلنا وجميع حبانـا فـي الحلـة التحـت والفـوق
****
هبي علي الشمال تلقيه ده المال فـوق جريـده يتـوق
يتراقص مـع نغمـات قماريـه .. التسـوي القـوق
بي طيبة الحنان يلقـاك يهـش ليـك ويطـول لفـوق
ويكتر في السلام يقلد مثـل عاشقـا لـي المعشـوق
****
هناك ساقةً محاضنة النيل تدفق فـي دمـوع الشـوق
تتبكي وتبكي الـزول وكـت نـص الليالـي تسـوق
باري جديولها اطلعي فوق وشوفي دحين شنو المسيوق
وبعدين بي بشيشـك لفـي قدّامـك شتيـل مكـروق
***
داك مالي الرحل مندلي جايـب للخضـار مـاروق
وداك بدر يحش في قشيشو عجلان باقي شايل السوق
وداك قراع مقرن مويتو فتـران دار شـوي يـروق
عشان يفتل حبيل يربطبـو قادوسـا نعـس مطلـوق
***
ديل اهلي الحنان يانسمـة اهديهـم سلامـي وشـوق
طول داير ازورهـم مـرة الا قديمـي ..مامطلـوق
وان سالوكي عن احوالي البـي مايصيـب مخلـوق
تاهـت بـي مراكـب الغربـة لاريـس ولاواسـوق
****
والدرب المسافر بيه من طولـه بتهابـه النـوق !!
خمس سنين قعد في ظلامه ما بان لي صباحه شروق
اساهر الليل مـع الباكنـوا يتجـاري الدمـع سبلـوق
وابكي علي الزمان الفات وما اظن البفـوت ملحـوق
***
انسلب اللحم من جسمي واصبح طب عضام وعـروق
واما قليبـي لوشافـوه بـي نـار الغـرام مشقـوق
لا لاقي اليحـن فـي حالـي او زولا علـي شفـوق
وان بقي عاد دي حالتي البي ما اظن للسعادة اضـوق

شهرزاد
03-18-2008, 07:57 AM
مع الأقدار

سيـرى يـا اقـدارى سيـرى بـى محـل تسيـرى
شن يهمك غير عذابى انا اصلى زول مجهول مصيرى
***
كت بأمل ومانى عارف حالتى بيك تكـون عسيـرى
تطفى شمعات الأمانى تخلـى كلـوا ظـلام عميـرى
ابكى شن فايـدة بكـاى والعلـى مـاك دار تزيلـى
من قساوتك مانـى لاقـى حتـى كلمـة وآشريـرى
***
انا شن بدور بالفرحة تانى راضى بالدمعه الغزيـرى
عمرى مكتوب لى انوحو ودربي رماضـه وهجيـرى
و قلبى فى النيران يشابى برضو اقول يا نار اجيرى
السعاده انا وين اشوفها بالهمـوم عميـان ضريـرى
***
ان كت متل المتلى راجى الجرتقه وربـط الحريـرى
فى صدى زغروده ضجت لملمـت كـل العشيـرى
والتمـر بالفرحـه صفـق عمـر الـدار الكبـيـرى
فوقو قمرى ترك نواحو غنـا سايـر يـا الدخيـرى
***
والرباب فوق قوزنا جافـا نومـه للدغـش البديـرى
حسوا بارى النسمه غرب عدى بـى بحـر الدميـرى
والقريـر بأشعـاري غنـي و ليهـا كتر فى الشكيـرى
لابسى اُوسلى خضارها ترقص قالدى مساوى الجزيرى
***
ما حرام بعـد الأمانـى علـى دون النـاس تغيـرى
زول اريدو متل عيونى مش حـرام يصبـح لغيـرى
ماحرام يا وأقدار تأتمي زول تـلال مـرات تغيـرى
تحرميهو مـن ابتسامتـو تبقـى بالآهـات دبيـرى
***
انتي أصلك جيت تظلمى وقلبى مظلـوم ماتجيـرى
ولاّ عمرك ما سمعتـى المتلي سولـو الضريـرى
داير اقولك قبـل افارقـك ياهـا امنيتـى الاخيـرى
خلى توبها اليبقى كفنـى فـى عيونـه يكـون قبيـرى

شهرزاد
03-18-2008, 08:00 AM
قلب السجم

يا قلب السجـم يـا المـا لقيتلـك هـادى
برغم الحصل ليـه فـى الغـرام متمـادي
***
كر قبلك وبراك ياالليـك زمـن ماعـادى
قول لى شن رماك فى قبضـة الصيـادى
يا قلبـى العنيـد لي ميـن تصيـح وتنـادى
والتهواهـو منـك راح مقـبـل غــادى
***
فات خلاك وحيد فوقـك همـوم متـرادى
لى محنا متل سحـب الخريـف متقـادى
ان كان ماك شقى وداير عذابى وراضـى
آيه لاقيهو فـى حبـوا الدرعتـو قـلادى
***
تنسج فى الأمانى وفـى خيوطـا تسـادى
فى واديك تتوه والنـاس بعيـد فـى وادى
جاك صايبا جديد عكـر صفـاك الهـادى
ولاّ ده جن عديل الجـاك ده منـو مبـادى
***
ما غلبتنـى وغلبّ معـاى أجـوادى
خليتنى أشكى لى خلقوا القريب والغـادى
وصيتك كتيـر وكتيـن دحيـن ماراضـى
اتعذب براك وانا تانى ليـك مـا فاضـى
***
يا الضيع عميرك كلو حاصل فاضـى
فى دى عيون جميلـه وداك خديـدا نـادى
قبيل وكتين بترّك ولـى تابـا تلادي
انت ما عارف الظلم عند البنات شىء عادى

شهرزاد
03-18-2008, 08:10 AM
عفواً القصيدة ليست للشاعر/ إبراهيم أبنعوف
أعتذر لشاعر القصيدة ...
دون العيون أنا أخترت من بين العيون ياغالية عينيك أعشقا
وأخترت شوفتك كل يوم لو حتى شوفتك أسرقا
لكني مالاقي الفرح لا في البعاد ولا في اللقاء
وما من هواك .. أنا أصلي عاد خلقوني من طين الشقاء
مديت كتير حبل الصبر لامن فقدت أنا أولو
ومن غير صبر بقدر أساي ياغالية شانك بحملو
بس لو سمحت ومرة بس داير قليبك أسالو
حافظ معزّتو زي زمان ولا الحصل كان بدلو ؟
والله يا نور العيون أصعب سفر سفر الأمل
تلقاك تعاين في الهدف .. وما داري أنت متين تصل
كل الدروب جربتها وسافرت فيها عشان أصل
وفي كل مره الف وأعود من تاني لي نفس المحل
سيبي العواطف ديك بعيد .. وأنسي ريدك وقولي لي
أيه الفرق لو زول زرع أمالوا في أخصب ودّي
والتاني روح للبعيد وأختارلوا يا محبوبة صيّ
حايحصد الأول أكيد والثاني زي حالتي العلي
ولو جيتي تسألي عن هواي بالله أسالي عن هواك
تلقي الجواب نفس الجواب ماقلبي يادنياي معاك
أرجوك أوعي تفكري أنو قلبي يصبح لسواك
لكن لو فقد العشم يمكن أقولوا خلاص كفاك
أنا عارف المواجع لي براي أنا طول سنيني أبكي وأنوح
فقدت أحساس الألم ياروحي من كُتر الجروح
ومابلقي عارف فرحتي غير فيك يا أم وجهاً صبوح
وكفاية كل القلتو ليك .. أنا تاني مابقدر ابوح

شهرزاد
03-18-2008, 08:16 AM
بكتب ليك

مالى أنا كل ما أقول فى نفسى إتلمينا
ألقى أقدارى تضحك .. لى تقول كضِّاب
وكل ما أعمل حساب لظروفى
زى الما عملت حساب
مالو فراقنا مترقبنا .. دون خلق الله
واقف ديمة عند الباب
نعمل إيه .. عشان يختانا جاى أو جاى
وبينَّا وبينو يبقى حجاب
ونشوف الدنيا موكب فرحة
غني ليّا فى ترحاب
وتدنى عليِّا آمالن .. بشوفا سراب
ويهل سعدى .. ونجم سعدى ..
بعد ما منِّى طوَّل غاب
وأقيف خاشع .. وأقول يا الله
كل النَّاس يكونوا أحباب
***
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليك وارسلا فوق جناح الريح
***
بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. وياك ذاتى
ومهما كتبت ما بقدر أعبر ليك عن الجوايا
مهما طاوعت أقلامى كلماتى
***
وليه ما أكتب وإنتى الماضى بى أحزانو
بى أفراحو والمستقبل الآتى
كتاباتك شوية خلاص .. ورسالاتك شوية خلاص
علىَّ الفى منامى أحلام .. علىّ الفى صحاى وسواس
وأنا الراجيكى تكتبى لىَّ .. كم دفتر وكم كرَّاس
منَّها داير أفصِّل جبة وانْدروشْ ..
وكمان طاقيِّى فوق الراس
ومن كلماتا أسوى السبحى والبخرات وكم حجبات
أداريبن عيون النَّاس
كمان تقروقة .. فى محراب هواكى اجلس مع الجُلاّس
واخلى الباقى واتغتابو .. كان بعدك غشانى نُعاس
***
أنا الراجيكى تكتبى لى ..
كتاباتك تكون فى الظلمة لى نبراس
أنا العايش فراقك لى ..
وأشوفك فى عيون النَّاس
وعازرك لو كتبتى قليل ..رضيان بيهو
ما دام بى وفا وإخلاص
أريت يومن فرقنى معاك ..
يكون محذوف من التاريخ ..
وتبقى أيامنا ستة .. ونبقى فيها قراب
أريت بلدن تحرمك منى ..
لو ما إنتى تبقى خراب
يسكن فى خرابا البوم ..
ويتصايح عليها غراب
وصاقعة تقع تدكها ما تفضل فيها
ذرة تراب ..
تولِّع فيها نار الله ..
وتصبح كوم رماد وهباب
تمسخها لعنة من عند الله ناسها
تصير قرود وكلاب ..
وتمرقى إنتى والنَّاس المعاكى قراب..
وما دعيت خاتي الا الفراق اسباب ..

شهرزاد
03-18-2008, 08:26 AM
رسالة ألي دار البقاء
شـعــرى الـحـزيـن يـــا يـمــه يـحـكـى
لـــيــــك كـــيــــف بـــعــــدك أنــــــــا
وكـيـفـن كـمــان فـــى الـدنـيـا رحــتــا
وتــهـــتـــا بـــــــــى درب الــغـــنـــاء
ومســــكنتي ديـــك وقــــل عــــــرفتي
يــانــى الـجـنـيــت عــلـــى الــزمـــان
أو كــــان زمــانـــى عــلـــى جــنـــى
شعـرى الحزيـن يـا يـمـه يحـكـى لـيـك
ساعة جن قوافل القدرة ساقنـك معاهـن
ورحـــتــــى لـــــــى دار الــخـــلـــود
سألتا عنك يايــــمه مـا خليـت جــــار
وبـكـيـت عـلـيـك مـــن غـيــر حـــدود
ويـــن أمـــى يــــا نــــاس الـفـريــق ؟
نــــزلـــــت تــــحـــــت خــلــتـــنـــى
لـــيــــه مـــــــا كـــــــان تـســوقــنــى
فــى سـاعـة الحـلـيـب عـنــد الـــورود
ويـســكــتــونــى آ يـــمـــه بـــــــــى
تــعــريــفــه أو حــــبــــات تــــمـــــر
ويـقــولــوا لــــــى أمــــــك مـــشـــت
ســــوق الــشـــرق وهــســـع تــعـــود
صــدقــت أنــــــا مـــــــا عـــارفــــك
يــايـــمـــه فــارقـــتـــى الــــوجـــــود
ومــــا عــــارف إنــــى وراك اكــبــر
واجــــــــرى بــــــــدرب الــبـــنـــات
قـلـبـى داك مـاهــو الـرهـيــف تـلـقــى
يـمـه يـشـابـى كـــل مـاواحــده جـــات
ولـــــولا الـعـمـيــر عـــنـــد ســـيـــدو
بـــــدرى آ يمه كان سمـعـوبوا مـــــات
وقــصـــة شـقــاوتــوا وراء الـبــنــات
يـــايـــمـــه تـــــــــب مـابـتـتــحــكــى
يــــمــــرق صــبـــاحـــوا يــلــمــهــن
يــضـــحـــك مــعـــاهـــن يــتــبــســط
ويرجـع وراهـن تانـى للنـوح والبـكـى
عـذبـنـوا جـرحـنـوا مــــن الــجــروح
مـا لاقـى صفحـة عليهـا يـرقـد ينتـكـى
ومالاقى صاحب وجعة يبركلوا الفكـى
ناس المحنه آ يمه فاتو وخلو لي منو يشتكى
أهو غايتو حالـو حالـوا مـا حـالا بشـع
لـلـيــلــى جــــــارى وراء الــبــنـــات
يــايـــمـــه لا اكــتـــفـــى لا قــــنـــــع
بـس الفضلـو تجيهـو بالليـل فـى المنـام
تـهـديــهــو لــــــى كـــــــان يـقــتــنــع
ولا انـدهـيـلـو آ يــمـــه رب الـعـالـمـيـن
والأولــــــيــــــاء والــصــالــحـــيـــن
إن كـــــان يــتـــوب قــبـــل الـعـمـيــر
فـــاضـــلـــوا تـــــــــو مـايــنــقــطــع
اهـو غايتـو حالـى يمـه يي نوحـى واسـاى
بـكـرة الـقـدر كــان جـــاب رواحـلــوا
وجـــانـــى شـــــــن خــلــيـــت وراى
غــيــر عــبــرة فــــى لــيــلاً طــويــل
ودمــعــات سكـبـتـهـا فــــوق أســــاى
وصـبـحـن بــقــن شــعــرى وغــنــاى
وكتبتو في درباً طويل أسمو الــزمن
خليتـــــو للنـــــاس الـــــوراي
أوعك تكوني بكيتي يمه وألمك ألمي وبكاي
في زول بيبكي مع القدر ...؟
مايـاهـو قــدرى وجـانـى عــاد بـــراى
مــالازم اتصـبـر كـمـان واتحـمـل الأقدار براي
وعشان كده أنـا اصلـى مـا حدثتـا زول
ومـــــا دايـــــر أشوف يا يمــــة زول
فـــــى الــدنــيــا مـــتـــعـــذب مــــعـــاى
بس داير اقولـك يمه شعـرى البهدي ليـك
امسـكـى عـنـدك واحـفـظـى وختـيـهـو
لــمـــن ولــــــدك الــغــنــاى يــجــيــك

شهرزاد
03-18-2008, 08:32 AM
الروح الشقياني
الـزول نسانـى وفـات صـدا ونجـع تانـى
كان منو ولا اقـدار مـا ذنبـى يـا اخوانـى
***
انـا شلتـو فـى الأعمـاق فرشلـو وجدانـى
واسميتـو فـوق الكـل بشعـرى واوزانــى
عاملـتـو بإحـسـان ورقـــة قـلـيـب حـانــى
كان فى النهايـه جزاي سواني أنا الجاني
***
من قدري أهوي إنسـان مـا قـدر إنسانـى
شان خاطرو ضقت المر اسعدتو واشقانى
اوصيهـو بـالاخـلاص ينسـاهـو ينسـانـى
فقدنـى للتميـيـز بـيـن فـرحـى واحـزانـى
***
ناجيـت بعـدو الليـل مـال نجمـوا خلانـى
راقــد رقــاد المـيـل شـمـاتـى فـرحـانـى
اتـبـكي لــلأيــام والـعــبــره خـانـقـانــى
إلا الـدمــع مـــا أفـــاد نـــاراً مـوالانــى
***
بالله يـــا اشـــواق لـــى ويـــن مـودانــى
دى السكه طالـت بـى وانـا فيـها وحدانـى
مالـى غـيـرو مــلاذ فــى دنيـتـى الفـانـى
وان قلتـا منـو اتــوب يحميـنـى شيطـانـى
***
يــارب زى عـيـنـى عينـيـهـو سـهـرانـى ..!
او حالـو نعـم الحـال نايـم غـريـر هـانـى
انا عارفو قلبـو بعيـد لـى قلبـى مـا دانـى
لكن عشان سامرين وشان زهرتي التاني
***
ياداري بالأحـوال أدراهـا ودراني
انـا ليـك شكيـت الحـال بالفيهـا مـا يـانـى
دايما اصيح فـى الويـل والدنيـا طرشانـى
يـاالله كـون فـى عـون روحـى الشقيـانـى

ود إدريس
03-18-2008, 10:43 PM
الرائعـــه شهــــــــرزاد لك التحيه
من دون شك نقدر فيك هذا الجهد المبذول وانتى توثقين لشعــــراء
سمعنــا وقرأنـــا لهم الكثير من القصــــــــائد وكمثال الشاعر القامه
إبراهيم أبنعوف وما قدمه هذا الشاعر للأغنيه الشايقيه وقد كان وما زال
من مرتكزات اغنية الطمبـــــــــور .. لك التحيه ونقدر لك ذلك افبداع
تقبلـــــــــــــى مرورى وفى غنتظار المزيد من الإبداع

شهرزاد
03-25-2008, 06:19 PM
الرائعـــه شهــــــــرزاد لك التحيه
من دون شك نقدر فيك هذا الجهد المبذول وانتى توثقين لشعــــراء
سمعنــا وقرأنـــا لهم الكثير من القصــــــــائد وكمثال الشاعر القامه
إبراهيم أبنعوف وما قدمه هذا الشاعر للأغنيه الشايقيه وقد كان وما زال
من مرتكزات اغنية الطمبـــــــــور .. لك التحيه ونقدر لك ذلك افبداع
تقبلـــــــــــــى مرورى وفى غنتظار المزيد من الإبداع

الرائع /ود إدريس
أقدر وجودك الرائع هذا ...
كن هنا ... دوماً
بكل الود والتقدير ...

شهرزاد
03-25-2008, 06:22 PM
مرسال القمر

طاريك وإنتَّ ماك طارينى .. يا الشوفتك بقت لى محال
حبيب أيه اللى شاغلك عنِّى .. وإيـه الغيَّـر الأحـوال
أنساك ؟ قول لى كيف أنساك وذكراك ديمة شاغلى البال
ومهما طال غيابك عنِّى .. حُبَّك فـى القليـب مـا زال
بقيت بعدك وحيد فى الدنيا .. تايه فوق دريبـك ضـال
أسأل فى النجم وين إنـتَّ.. وأرسِّـل في القمـر مرسـال
وديمة مع القمر تلقانى .. أساهر ليلى حـد مـا طـال
أخصم فيهو .. أقولو أمشيلو .. جيب لىَّ الوصية تعـال
وكتين القمر ينضارى .. ونجمن حولـو غـرّب مـال
فِرِحْ طِرْ .. بى جناح أشواقى .. حلق فى سما الآمـال
قلتَّ أهو دا القمر فات ليهو .. ليهـو بيشـرح الأحـوال
يحكيلو الحصل فـى غيابـو .. وآلام الفراق الطـال
يبقى يحن تعيد الذكرى .. قلبـو بعـد نسانـى ومـال
يبكى متِلْ بكاى لى شوفتو .. يرجع لىْ يجود بوصـال
بقيت فى الإنتظار راجيهو .. محتـار والفكـر شغَّـال
أقول يا رب متين تجمعنى .. بـى خـداً كساهـو دلال
وأسعد بالكليمـى الطيبـى .. والبسمـة التَّسُـرْ البـال
وأشعر بالعلى فى حينو .. من فدْ نظـرة ولَّـىَّ وزال
أتاريهو النّجـم ضلَّلْنـى .. مـا جاك القمـر مرسـال
أتَّارى بنيت خيالى حقيقـة ..وإتقلبـت حقيقتـى خيـال
وأتارى أنا كُتْ بطمِّنْ نفسى .. بى وصلاً بعيد ومحـال
والحاضنة ألأرض خطواتو .. ما نال فى الثريَّا منَّـال

شهرزاد
03-25-2008, 06:25 PM
المن الله واصل

أبكـى إنتـى وأنــا اللإتبـكـى .. الـمـن الله واصــل
إيه فى إيدنا غير ما نبكى .. نحكـى البينـا حاصـل
***
تعاتبيني وتهـيَّـج نــارى .. قـولـة مــاك مـواصـل
إنتى ما عارفة السبـب مـن أهلـك الباقيـن عـوازل
كاسوا فراقنا بس دايرنى .. أحيا غريـب وهامـل
وأنا أرحم لىْ فـراق الدنيـا .. مـن عينيك و ساهـل
***
أريتن عرفو روحى بلاكـى روضـاً زهـرو زابـل
مــن تلـقـاك تفـرهـد تـانـى .. زى الصـابـا وابــل
تلاقـى الفرحـة فـى عينيكـى .. للأشـواق تـغـازل
فوق جدول أمل يتجـارى .. يـروى الريـد مشاتـل
***
تسـألـى بالبسيـمـة التـايـه.. كـيــف بالله عـامــل
أخاف حزنك وأخبى البى معاكى أضحك وأجامل
عمرى العشتو كلو وراكـى .. بـى أحزانـو حافـل
لـكـن الصـبـر يــا روحــى .. كــل الفيـهـا زايــل
***
زى ما إنتـى تسألـى عنِّـى .. عنِّـك برضـو سائـل
وصورتك عايشة فى أعماقي طالـع بيك و نـازل
ألقاك فـى الصبَّـاح وإشراقـو .. فـى نغـم البلابـل
فـى كلمـات كتبتهـا ليكـى .. تــب مــا قــالا قـايـل
***
لو بقدر أفارقك بيك مـا أصبـح جسمـى ناحـل
ولا بـاريـتَّ درب الـريـد .. ودرب الـريـدة قـاتـل
ولا شقَّتْ مراكب آمالـى .. لججاً غير سواحل
ولا أمسيتَّ أناجى دموعى .. والليل نجمـو راحـل
***
هـم دايريـن يفرقـو قليبـى .. شافـو عليكـى مـايـل
منـو الفيهـم يفـرق النسمـة .. مـن زهـر الخمـايـل
مهمـا أشقـى أضـوق المُـرَّة .. لـلأهـوال أقـابـل
أبداً يا كتاب حبى المقدس عندى مابيقراكـا جاهـل

شهرزاد
03-25-2008, 06:27 PM
طريق الحب

ما غلطان طريق الحـب مشيتـو !!
اتعذبـت ايـه ذنبـي الجنيـتـو ؟؟!
طريقـا لاعرفتـو .. ولا دريتـو ..
لقيـت القبلـي سايرنبـو ومشيـتـو
يا ملاك ليه بالهجر والصـد مليتـو
انا لارجع لي اولو ولا اخره جيتـو
***
النـاس البعـاد والفـي جــواري
مالن يحكو فـي سيرتـي وخبـاري
انا النيل والفـرات مابيطفـو نـاري
غـيـر لقـيـة حبيـبـا مالقيـتـو
***
مـاك عارفنـي سهـران الليـالـي
ليه تتابع ديل يحرموك من وصالـي
قلبك اسالو ان كـان يرثـي حالـي
وتعود للفـي سجـون الريـد نفيتـو
***
رسلـت السـلام يـا اللـي مفـارق
ليك يبقي حصن حصين من كل طارق
اتذكرنـي بـيـه مــع المـشـارق
وقول ياحليلـو زول حـب وسليتـو

شهرزاد
03-25-2008, 06:33 PM
.. ليل الغلابة ..
شيلنـى .. يـا ليـل الغـلابـة .. ولِمـنـى
لفنى .. أبلعنى فـي جوفـك هنـاك وضمنـى
.. ضمنـي الـيـل الغـلابـة ..وضمـنـى
أنـا بسألـك بالفيـك مسـك قلبـو وشـهـق
بالبيبـكـى ودار تشـقـه العـبـرة طـــق
بالكتـم ســر حـبـو لا بــاح لا نـطـق
قول لى مخلوق حظى منك ولا من حظى اتخلق
إنتـظـر حدثـنـي لا تـعـجـل تـفــوت
يبقـى مـا تلقـانـى بـكـرة وراك أمــوت
ودا إن حصـل ألبـس ســوادك وحـدّنـى
مالـك استغربـت يـا ليـل فــي الـكـلام
مـاك عـارف الدنيـا فـي عينـي ضــلام
والقليـب عميـان يفـتـش فــي الـزحـام
لـى قلوبـاً طيبـة مـا عـرفـت خـصـام
وفـى زمنـا الطيبـة راحـت ومـا اتلـقـت
وفـوق دريبـا جريـت والكرعيـن حـفـت
والبقول يمسح دمـوع عينـى يذيدهـا يتمنـى
ان بقيـت ودرت اسمـي تعـال لـي جـاي..
ما انا الزول المسطر فوق جدار صمتك غنـاي
ماانا الروح المعذبة في منامي وفـي صحـاي
ماانا الفي الواطا قاعد وشايفه فوق نجمك مناي
ليـك حـق لـو ماعرفتـنـي مـيـن انــا
انـا ماالوليـد الشفتـو قـبـال كــم سـنـة
وهسةجيت لقيتو فـوق عصـا الريـد متحنـي
ماغريـب الحـب يقـرض الـزول قــرض
انا ياني واحـدا فـي حطامـه علـي الارض
بس الغريب انـه الظـروف تفـرض فـرض
الا اعيـش فـي دنيـا لاطــول لاعــرض
والقـدر يلعـبـي بـيـن يمـنـه وشـمـال
وابقي زي عصفور كسيـح فـي ايـد عيـال
كيـف يطيـر ؟! وجناحـو مكسـور منتنـي
ليلـي اسـرع بـي تعـال شــد الـرحـال
لـي عوالـم بيـن نجومـك مـن .. خـيـال
يبقي اصـادف بختـي بيـن طرقاتهـا ضـال
أجيبه أرجـع أجـي ألقـي ظلـم الدنيـا زال
.. يـلا قٌبّـال تطفـي شمعـاتـي الـريـاح
وقبلمـا يـنـزل عـلـي الدنـيـا الصـبـاح
وقبلـمـا تـنـزل مصيـبـة .. تخـمـنـي

ود إدريس
03-25-2008, 10:09 PM
شهــــــــــــــــرزاد ليك جزيل الثنــــــــــاء وأنتى تمتعينـــا بهذه
الروائع للشاعر الكبير ود ابنعوف ... بصراحه هنالك الكثير
من القصـــائد التى لم اكن اتوقع أنهــا لهذا الشاعر الرائع
لكن اليوم وانا اجدهــا تأكدت أنها لود أبنعوف ..
رائعـــــة روعة الشمـــال وشامخه شموخ البركل العتيد .. تسلمـــــــــــــــى

شهرزاد
03-25-2008, 10:32 PM
شهــــــــــــــــرزاد ليك جزيل الثنــــــــــاء وأنتى تمتعينـــا بهذه
الروائع للشاعر الكبير ود ابنعوف ... بصراحه هنالك الكثير
من القصـــائد التى لم اكن اتوقع أنهــا لهذا الشاعر الرائع
لكن اليوم وانا اجدهــا تأكدت أنها لود أبنعوف ..
رائعـــــة روعة الشمـــال وشامخه شموخ البركل العتيد .. تسلمـــــــــــــــى

ود إدريس
شمالنا الحبيب ...
أجاد علينا بكمية من الشعراء الفطاحلة ..
وهذا ما الا نقطة في محيط كبير ..
وحقيقة مالدي ..
قارب علي النفاذ ..
ــ
أيدك معاي ..
عشان البركل يكون مرجع لكل شعراء الشمال

شهرزاد
04-06-2008, 08:55 PM
مرارة اللقيا
وكت الزول يقابل زولو ما يدي السلام في تلاقي
الله من مرارة اللقيا في لحظة عميرو الباقي
****
يا سابل النظر تالاي مالك ما بتعاين لي
خايفة تشوفي حالي الفيهو ما انتي الفرضتي علي
حزني عليك اقول اخفيهو يفضحني ويبين في وشي
ما بين الحزن والذكرى تمتزج الدموع باشواقي
****
لا لا انا ما بكيت من ضعفي نفسي انا في هواك ابية
باكي علي ضياعك انتي اتنين راح يروحو ضحية
لو حكمتي نفسك تلقي بينك وبيني مافي قضية
الا بس الاباليس حامو واغروك ترضي بيهو فراقي
****
مهما ابعدوك منو دربي مهما قالو ليك وقالو
برضك عندي زي ما كنتي ياكي منى القليب وآمالو
قبلان بالشقى وراجيك ما الحب في شقاهو جمالو
لو ضاعت عهود الريد انا الوفا شيمتي واخلاقي
خليهم يساسقو ويجرو كل زولا فعالو قبالو
ان كان قدرو حققو غاية بي دجل الفقير وضلالو
معقول ارضي كتر ميسونا والطير ضحى شان اطفالو
****
مش لو كان عرق او ورقة لو جا الشيخ مع العرافة
وايه يعني الخصام بيناتنا عشان ناس المحبة سماحة
والفي قلبو اكبرواقوى من اقسى واشيلو قباحة
عنك قلبي ما متخلي لو قام السبيب في الراحة
راجيك يا منايا تطلي لي ابواب عذابي تتاقي
متأكد تكوني حسبتي فراقي وهسا ما مرتاحة
بينك وبين ضميرك عارفة بس ماك دايرة تقولي صراحة
معليش حاولي تاني وتاني لا بد الوصول للواحة
قلبي معاك خطوة بخطوة يا فرحي وشموس اشراقي

شهرزاد
04-06-2008, 08:58 PM
حكاية شافعة

كيفن أصـــبر قليـــبى ... وكيفـــــــــن أعمــل حسابى
ما دام عشمى فى نظــــــرة ... والعندو النظرة مابى
بجرو غنايا أحكى ليكم ... تعالو أسمعـوا يا صحابى
حكــــاية الشافعى البريدا.. وريدا شقــــايا وعذابى
أحن لها حن القمـــــارى .. تقوقيبـــــا أوتار ربابى
واهوى الهوى فى هواها .. وهواها قرايتى وكتابى
منو القال ليكـــــم عقلتَّ ... وحاتكــــــــم جنيت دابى
بقيت لمان ليها أفارق ... أفارق عقـــــــلى وصوابى
أضيق لمتين ليها أرجع ... أخاف مايطول بى غيابى
أعاين زين فيها وأشبع .. وأزيد إعجاب على إعجابى
أشرِّق وين ما أغــــــرِّب .. وأشيـــل همى وإكتئابى
محل ما أمشى ألاقــــى طيفاً.. مشتت فكرى وحجابى
تطير روحى بعيد تغــــــازل .. خدودك زهر الروابى
تتعلق بين عيونا ... ورموشـــــــــــا البى فوقا كابى
قليبى يفارق ضــــــــلوعى.. يلاهى عليها ويشابى
بعيد مابيقــــــــــــدر يقاوم ... بريق البسمة السحابى
صديرن لما يتفـــــرَّ.. تبــــــق نار الله فى أعصابى
وقديلتن كيتن على .. وا نشاف ريقى وخــــم ترابى
حنينى ومرات بتقسى .. تقول فى نفســــــها اتغابى
إتغابى العرفة فيهو.. وا زرف دمعــــى ووا خرابى
صحيح أصبحت مملوكا .. أســوِّى أورادى وأزنابى
متل ما ملكت فؤادى .. أنا ملك شيطــــــــان الكتابى
أخاف ما بقــــــدر أعاتب .. أقول تزعــل من عتابى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُـــــــرَّة .. عشانا مهمِّل عقابى
عرفت الله فى عـــــذابك .. إنتَّ خاف الله فى شبابى

شهرزاد
04-06-2008, 09:05 PM
الهوي يستحيل
أهواكي غصباً واحتمل ويلات هواكي جنس جنس
أهواكي طوعا كونو انو هواكي لي نبضا وحس
أهواك موهدب بين صراع اللقيا والخوف والوجس
أهواك قدر مكتوب علي كيفن من القدر احترس ؟!
***
وآضيعتي وضيعت فؤادي الفيهو حبك متغرس
ضيعت رسايلك واحرفه المن قلبي ما ختت الطمس
همسات غنيواتنا الزمان الكنا نسمعا بي همس
تحت الشتيله نناجي نحن الريده نحلم بالعرس
***
وآحسرتي وحسرت عيون ذرفت دموعا علي أمس
علي صفاكي وروعتك وحديثك العذب السلس
من بعدك الايام خلن والعيشة فيها بلا نفس
كيفن يضوق طعما ويروق زول فصل الاحزان لبس ؟
***
ذرّت أمانينا الرياح خلت عقاب حظي النحس
في دنيا ما تفرحني يوم فيك تاني ترجع وتتعكس
ارجاها بالحلم الضحوك تظهر لي بالوجه العبس
سدس السعادة تقسما وتحسدني في باقي السدس
***
عزيت سهادي علي المنام شوقرت طرفي الما نعس
بالشوق كويت جرح الفراق مع إنو تب ما بيتلمس
في نيتي اصبر والصبر للمتلي فوق طاقة النفس
إلا الصبر جواي مات يوم ما بقيت بهواكي احس
***
شايل عذابات السنين والجوة في الجوف يتحبس
واقف اناشد في الديار يا دار انطقي بعد خرس
قالتلي ما نست العهود ماها التبيع الريد بخس
الا الله يفعل ما يريد وابقي انت للتانين درس
***
كان الله فيك قسم النصيب ما كان شقيّ الحال تعس

شهرزاد
04-06-2008, 09:08 PM
العيد مبارك
العيد مبارك والمراد ينتم حبيبى
ونقابل الجاى فرحانين نفارق الهم
فى بعدك بقاسى المرة وأتألم
واتصبر واقول المولى ليا قسم
أأخر فى شبابى الفات ويتقدم
ألا بس ما عارفو من عمرى المفضل كم
حبيبى بتعذب عشان عينيكى ما بندم
وغيرن ما شكيت لى زول ولا أتظلم
فى حورن بشوف سعدى وشقاى متلم
وريدن يجرى فى أعماقى مجرى الدم
حبيبى أساسق فوق دريب وصلك ولا بنجم
من شوقى العليك لى يأسى ما استسلم
كلما أمالى فيك قدامى تتهدم
أرجع بدموعى ... وبكرة فيك اعشم
حبيبى اجيك مشتاق وأقول بالبيا اتكلم
وانسى انا لما اشوف عينيكى تتبسم
اخشى انا فى عتابى معاك أتلوم
أنت زعلك ما بدورو وما بدورلك هم
حبيبى واشوفك زى عيونى ومن عيونى أعظم
ومنو الفى خاطرى صورته وفى لسانى نغم
غيرك أنتى ياالغيرك حياتى عدم .

شهرزاد
04-06-2008, 09:30 PM
الـــــوداع

حاولت جهدى أودعك لكنى وين ألقاهـا كلمـات الـوداع
أسجن دموع جوة العيون..يا ريتو لـو طرفـى استطـاع
كلماتى ما ممكن تجود بحروفا لى زولا يعيش لحظة ضياع
كيفن تجود بحروفا عاد .. بعد اللى كان فى ايـدو ضـاع
يا روحى جيت أودعك .. هو الزول بوادع روحو كيـف
قاسى ووحاتك ما بدور أيـام ربيعـى .. أعيشـا صيـف
والله أبقى زى مويتن تتوه .. لا قادرة ترسـى ولا تقيـف
بتهاتى لى عينيك دوام .. شـان تحضنـا وتبقـالا قيـف
شايل هموم الفرقة جيت .. واقف أمامـك فـى خشـوع
شفتة الوجود قدامـى أظلـم .. وانطفـت كـل الشمـوع
وبقيت أقول كلمات حزينة .. بآهة مـن داخـل الضلـوع
لكن قبل ما أقولا ليكى .. ألقاها ضاعـت فـى الدمـوع
لا تقولى من بعد الـوداع أنساكـى .. لا لا دة مستحيـل
ذكراك بشيلا دموع فرح وفى خاطرى كل صباح وليل
وساعـة لقانـا وأمسياتنـا .. وكـل أفراحنـا القبـيـل
شايل على درب الزمن ذكراهـا ..مهمـا يكـون طويـل

شهرزاد
04-06-2008, 09:33 PM
غرويدة صحاك
نومي اصحي على غرورك معاك لازال التحدي
وآي طريق يوصل لي قليبك منى سدى
ده لو كان تلقيهو صبرا يماتل صبري وتمدي
صبري عليك أنى صابر تشققي قليبي وتلحي
هيا ابعدى كل العواطف واشاورك من وين ضرورى
لاتزيدى مواجعك على لا ترجعى فرحى وسرورى
فى الحالتين راضى عنك تنصفى او كان تجورى
وسمح حكمك زى سماحتك وبرضو قسيمة الله سمحى
اوعى تغرك سماحتك سماحه الغنا يانى سيدها
سماح يبلى مع الليالىيبقى سماح القصيدة
اخلخل بيها المشاعر واتوها ازمان عديده
وفكرتها انتى وبيانها وكدى اقدرى من خاطرى زحى
او انفذى كل ما اسطتعتى مداركى ابعد من سماء كى
وجوبى اراضيكى تلقى جنونى تهاجر وراكى
اسلكى كل العوالم خيالى بيدرك مداكى
انا الكون المحتويك يا قصيده فى الجوف توحى
احبك احبك ويسعدنى حبك وقت يبقى حلوهو مرو
احبك غلبا يقطع والملمو فى الجوف واصرو
انا المجنون البيعشق مرامى الريد التضرو
قبلان بى ضررى راضى منو القال ليك ضحى
شيشك بى بشيشك اصحى صحاك ونومك بيشفق
وجيبى جفاك وازرعيهو قصاد الحن المدفق
كفاية اشوف فى عيونك تغنى الدنيا وتصفق
بعد داك نومى اطمينى ولومك فى خاطرى ممحى..

شهرزاد
04-06-2008, 09:36 PM
أمنية راحل
مناي كل لحظة أشوفك .. مناى شوفتـك كـل ساعـة
فراقك بكاهـو قلبـى .. وكتـل فـى نفسـى القناعـة
أطرى يومة ودعتـك الله .. وعيونـك باكـى دمَّاعـة
غلبنى أقلدك وأوادعـك .. حمتنـى عيـون الجماعـة
حسيت بى كبدى واقعى .. اتغـرس سكيـن وقطاعـة
وأنا أتيتم بى فراقـك .. يتـم شافعـاً فـى الرضاعـة
زمانى الصبق الأمانى ..غدرنى وفـات بـى سراعـا
مالو كان إتأخر شوى.. هـو عـارف الفرقـة لواعـة
داير أعاين أمتع عيونـى ..عيونـى وراك وا ضياعـا
دى ما آخر نظرة لى فـى الوجيـه الكاسيـة الوداعـة
كتير سرحت بى الوساوس همومى غرقـت فـى قاعـا
بقيت بين أقعـد وأسافـر .. شكـوك نفسـى واقتناعـا
إن قعدت الناس مابتريح .. وفراقـك مالـو إستطاعـة
غايتو قسمة وقسموها لينا آب تردهـا كـف الضراعـة
وحاتك مجبـور أفـارق .. فراقـاً مـو بـى قناعـة
وأبيع روحى أنا ليكى وأمشى ومنو القبلى أنا روحو باعا
مالكاها ومالكى ساسا .. السمع ليكـى إنـت والطاعـة
ربيعا أنتى وعز شبابا .. وحياتـا بـلاك شـن نفاعـا
قدر مـا تفـرِّحْ .. تبكـى .. حقيقـة الدنيـا خداعـة
تلمَّـك لامـن توالـف .. وتفرقـك فـى أى سـاعـة
تخبى أقدارا فى أياما .. وتلـف حولـك بـى براعـة
تجيب تديك مـن عذابـا .. وشقاهـا البعقـب متاعـا
وداعـاً ثمـرة فـؤادى .. ودعتـك أميـن الـوداعـة
وحاتـك مابنسـى كلمـة العصيـر شاقيـن الزراعـة
ولا بتحلالى غير سيرتك .. وكت نحكى أنا والرباعـة
إن هدولى الجنة بى حورا .. ألقى فيكى نفيستى طماعة

شهرزاد
04-06-2008, 09:38 PM
دنيا العيون

عينيك دنيتي التشقينى وفيهـا القـى السعـادة ارتـاح
مرة تجود على تشفينى ومرة تزيـد قليبـى جـراح
فيهـا تمـر تعـدى سنينـى بـى آهاتـا والأفـراح
ويومن فيهو تنعم عينى ويومن كلـو اقضـى نـواح
حالفة على دار تفنينى وبرضى أبسم واقولهـا صـاح
مادام العلى راضينى كيف فى احكاما أدور لى سماح
يعدى شتاها صيفا يجينـى بـى حـراً شديـد لفـاح
ويبقى شرابى دمعة عينى اطمن فـى القليـب النـاح
اقول داك السحاب غاشينى شوف يى داك بريقو اللاح
اقول يبقى الخريف طارينى يتفرق عصـار وريـاح
وبى ده أنا كلو ما هامينـى لا لا ولا شبابـى الـراح
أداوى جراحى كاتمو انينى عارفو عذابى ليها مبـاح
تبسم لى كتيـر تغرينـى واحكـى البلبـل الصـداح
وترجع بالسهر تورينـى ليلـن مـا لقيتلـو صبـاح
لا لا وحاتا وحات دينى لو فى موتى ليهـا صـلاح
ماب أقبل كمان يفنينى بالموت غيـر سلاحـا سـلاح
ابقى إن مت سديت دينى وابقى من العـذاب مرتـاح
وبعدين ذكرتك تكفينى وشعـرى اليبقـى لـى منـاح

شهرزاد
04-06-2008, 09:43 PM
ماضي الذكري
ماعارفين حبـــال الذكـــــري
تنجـــــــر فـوق قليبي سيوف
نرسمو خلا ما ضي الذكـري
غدار في الغرام معــــــروف
***
ياخــــــــــــــلا تعرفــو البيـا
البي ما بتطـلو حـــــــــروف
ما لســــــه وتـــــــراي للــي
في سجـــــــن الغرام مكتوف
***
الحـــــــــال التوصفــــو فيـه
ظاهـر وللعيون مكشــــــــوف
والله العظــــــــــــيم كان تبكو
لو شفتــــو الدفين في الجوف
***
داجـــــــــــــــي علي ياخلايا
اهيم البال علي مغــــــــروف
مـــــــــــــا جايب خبير للدنيا
زي فاقد السمـــــــع والشوف
***
ناحل جسمــــــي شاحب لوني
زي زهرا ضبل ملفـــــــــوف
لكن الهمـــــــــــــوم والحسره
زي الضاربي فوقــــــي دفوف
***
ياخلا البريـــــــــــــــــده قليبي
يوم لقياها ما معـــــــــــــروف
املتا وكتيــــــــــــــــر راجيها
خاب ظني ورجع مكـسوف
***
ماقادر اقـــول خلــــــــــــــتني
او جارت عليـــــــــها ظــروف
ولا قــــــــــــادر اطمن نفســـي
من فارق الظنــــــــون والخوف
***
بقيــــــــــــــت اشـــــــتاق لليل
اقول يمــــــــــكن خيالا يطوف
يرجع لي صوابــــي افيــــــــق
يعـــــــــود قلبي القبيل مختوف
***
تمر ســــــــــالت دقيش نسمات
عبير طيـــــــــبا يفوح مسروف
يرد روحي و يبل شـــــــــــوقي
ويصيب جـــرح الاسي المالوف
***
يعود الليـــــــــل واعــــود لبكايا
في ليلا طــــويل مــــــــــردوف
منداري من الجحــــــــــــيم ياخلا
من فوج بالهموم مزفــــــــــوف
***
اسوق بين الدمــــــــوع والحسره
داير لصباحــــــــــــــــــي اشوف
حليل شمسا تعيدو صبـــــــــــاحي
في دنيايا طــــــــــــــــاقي كٍـسوف
***
قط ما كان غريب ياخـــــــــــــــلا
الحب لمصـــــــــــــــــايبو اشوف
من شدة هــــــــــــــواي في دربو
صار عندي العــــــــــذاب مالوف
***
يسعــــــــــــدني اني صنتو هواها
بادلتا العــــــــــــــــــذاب معروف
زي ما صان قليـــــــــــــبي هواها
طوع في غناها حــــــــــ ــــــروف

Adil Assoom
04-07-2008, 11:03 AM
شهرزاد
يا(غارسة) الزهور
ومبدعة البوح المفعم بالسرور

ود إدريس
04-11-2008, 06:08 PM
شهرذاد والله إبداع ما بعده إبداع ....
تسلمى وأنتى تهدى لنـــا هذه الدرر على طبق من ذهب
مشكوره يــا رائعه روعة البركل ... لك كل الود

شهرزاد
04-12-2008, 09:44 PM
شهرزاد
يا(غارسة) الزهور
ومبدعة البوح المفعم بالسرور


عادل عسوم
يديك ألف عافية ...

شهرزاد
07-07-2008, 11:10 AM
الحلم الحقيقة

بحلم بيك ما فت الخاطر ياريت يبقى الحلم حقيقة
ياريت الايـــام تجمعنا وفيها نعـــوض كل دقيــقة
***
يا راجياني عشان أهديكي غنوة ريد في صورة أنيقة
ماك متخيلة ينظم شعري يغرق فكري في اه عميقـــة
انا ماعــــدت الزول البيفرز مابين النـــار والتاتيقــة
دمعة علي لوحة أحزانة رسمت في الاقدار بي ضيقة
***
لاتلوميني ان مارسلت حتى ان كان سطرين في وريقة
لومي متاهت الغــــــربة الفيها منها ما بتنشلة طريـــقة
تنشد حــــالك وتشــــرح حال الزول المالاقيلو وتيقـــة
شوقك وشوق الوطن الغالي مضروبين في صدرو بديقة
***
وينك منو وينك ليهو وين أمالو ووين تحقيقة
دايمن يقعد في اوهامو يبني وتتهدم السريقة
فكرو يساسق بينك وبينو لا رتاح لا مل الساسيقة
كم ابواب في وجهو انسدت زي ما الرجعة انسد طريقة
***
وينك لما شمشنا تغرب رغم الموجة يصلنا بريقة
لما الموجة تعانق الضفة في تحنان تغسلة رشيقة
وافضل اتابع السرب العايم في نظراتك والحديقة
فجأة تشع من ثغرك بسمة وتأسر قلبي وروحي تشيقة
***
راجعليك يابت عندية ودخلت قلبي في ساعت ضيقة
حلفت ماتمرق بي هيني اتعزفت جواي مزيكة
شالو النمة معاهة تلاتي متهكرين في ضل كليقة
سكنو جوف الليل الكافر شان الصبح تشق قارسيقة
***
راجعليك يابت ريفية وتخفي سامحتة في التاويقة
لا عارض يمنع مســــاري للأيام خطواتي تعيقــة
راجعليك رجوع النسمة الجات في الحقل صفيقة صفيقة
كان الناس عني دربي اتخلو انت بتمشي معاي رفيقة

رحيل
07-07-2008, 11:41 AM
الحلم حقيقة
بحلم بيك ما فت الخاطر ياريت يبقى الحلم حقيقة
ياريت الايـــام تجمعنا وفيها نعـــوض كل دقيــقة
***
يا راجياني عشان أهديكي غنوة ريد في صورة أنيقة
ماك متخيلة ينظم شعري يغرق فكري في اه عميقـــة
انا ماعــــدت الزول البيفرز مابين النـــار والتاتيقــة
دمعة علي لوحة أحزانة رسمت في الاقدار بي ضيقة
***
لاتلوميني ان مارسلت حتى ان كان سطرين في وريقة
لومي متاهت الغــــــربة الفيها منها ما بتنشلة طريـــقة
تنشد حــــالك وتشــــرح حال الزول المالاقيلو وتيقـــة
شوقك وشوق الوطن الغالي مضروبين في صدرو بديقة
***
وينك منو وينك ليهو وين أمالو ووين تحقيقة
دايمن يقعد في اوهامو يبني وتتهدم السريقة
فكرو يساسق بينك وبينو لا رتاح لا مل الساسيقة
كم ابواب في وجهو انسدت زي ما الرجعة انسد طريقة
***
وينك لما شمشنا تغرب رغم الموجة يصلنا بريقة
لما الموجة تعانق الضفة في تحنان تغسلة رشيقة
وافضل اتابع السرب العايم في نظراتك والحديقة
فجأة تشع من ثغرك بسمة وتأسر قلبي وروحي تشيقة
***
راجعليك يابت عندية ودخلت قلبي في ساعت ضيقة
حلفت ماتمرق بي هيني اتعزفت جواي مزيكة
شالو النمة معاهة تلاتي متهكرين في ضل كليقة
سكنو جوف الليل الكافر شان الصبح تشق قارسيقة
***
راجعليك يابت ريفية وتخفي سامحتة في التاويقة
لا عارض يمنع مســــاري للأيام خطواتي تعيقــة
راجعليك رجوع النسمة الجات في الحقل صفيقة صفيقة
كان الناس عني دربي اتخلو انت بتمشي معاي رفيقة


وينك منو وينك ليهو وين أمالو ووين تحقيقة
دايمن يقعد في اوهامو يبني وتتهدم السريقة
فكرو يساسق بينك وبينو لا رتاح لا مل الساسيقة
كم ابواب في وجهو انسدت زي ما الرجعة انسد طريقة
***

تسلمي يالذيذة ;)

شهرزاد
07-07-2008, 11:59 AM
وينك منو وينك ليهو وين أمالو ووين تحقيقة
دايمن يقعد في اوهامو يبني وتتهدم السريقة
فكرو يساسق بينك وبينو لا رتاح لا مل الساسيقة
كم ابواب في وجهو انسدت زي ما الرجعة انسد طريقة
***
تسلمي يالذيذة ;)

يانسمة في عز الهجير
أولا أهلا ومرحب بيك أختنا نسمة ..
وسعيدة بأولي مشاركاتك ...
نورررت البركل دوت كوم ..

شهرزاد
07-07-2008, 01:13 PM
التحدي

نومى قــريرة فى خدرك .. إذا ما ضمــــاكى ليل
وخلينى أنا للدرادر .. وسهــــــــــاد الليل الطويل
معاك قبلان التحدى .. أســــوم بيهو الروح عديل
وأشوف لا وين لىْ يودى .. عنــــادك والمستحيل
أعصفى شوق لا تهدِّى.. يخـُـمْ فوق راسى ويكيل
أنسى أو اتناسى ودى.. وميلى خــــــلاف ما أميل
هيا ادعى زبانية عذابك .. إذا شايفـــــة البى قليل
إذا ويلك عندى جنة .. أكيد بعشــــــــــق كل ويل
سوى سواة قوم آزر .. وقــــــــــود نارن للخليل
ونارك برداً سلاماً .. على قلباً بيـــــــــــــــك عليل
أدفرى قواسيك علىَّ.. مجـَــــــــــرَّبْ وليهن بشيل
وحتى الضالات طريقن .. علىْ ببقـــــــــــالن دليل
يسوِّن زى ما يسوِّن .. شنو الأكــــــــتر من قبيل
شنو الفضَّل منى يرقب .. بزوغ الفـــــرح الجميل
جفاكى هجيراً يحرِّق .. وأكوس فى حنـــــِّك بديل
وضل الدوم يرمى غادى.. ويحرم التحتـو المقيل
صواريخ لحظك وسهامك أفوت من ديل ألقى ديل
وأقـــع بيناتن ممدد .. والم باقى الصبــــــــر حيل
متل ما الله حباكى .. نواعس وطـــــــــــرفاً كحيل
سيوف تضرب بين لواحظك تكاد تسمعك الصليل
حبانى مواضى القوافى .. شياطين أشعــارى خيل
أجاجيبا أمثال عيونك .. واتشرف أمــــــوت قتيل
عشان لا بسعد بلاهن .. ولا غيـــــــرن لىْ سبيل
ولا بقدر أفوت حِدَّاهِنْ .. ولا بيحــــــلالى الرحيل
خصامك وشدة قساوتك.. أخير من عطــف البديل
يقل غلطك والا يكتر.. يقابلو الشكـــــــــر الجزيل

رحيل
07-07-2008, 03:20 PM
خصامك وشدة قساوتك.. أخير من عطــف البديل
يقل غلطك والا يكتر.. يقابلو الشكـــــــــر الجزيل

تقبلي مروري :)

الوسالي
07-12-2008, 09:43 AM
.. ليل الغلابة ..
شيلنـى .. يـا ليـل الغـلابـة .. ولِمـنـى
لفنى .. أبلعنى فـي جوفـك هنـاك وضمنـى
.. ضمنـي الـيـل الغـلابـة ..وضمـنـى
أنـا بسألـك بالفيـك مسـك قلبـو وشـهـق
بالبيبـكـى ودار تشـقـه العـبـرة طـــق
بالكتـم ســر حـبـو لا بــاح لا نـطـق
قول لى مخلوق حظى منك ولا من حظى اتخلق
إنتـظـر حدثـنـي لا تـعـجـل تـفــوت
يبقـى مـا تلقـانـى بـكـرة وراك أمــوت
ودا إن حصـل ألبـس ســوادك وحـدّنـى
مالـك استغربـت يـا ليـل فــي الـكـلام
مـاك عـارف الدنيـا فـي عينـي ضــلام
والقليـب عميـان يفـتـش فــي الـزحـام
لـى قلوبـاً طيبـة مـا عـرفـت خـصـام
وفـى زمنـا الطيبـة راحـت ومـا اتلـقـت
وفـوق دريبـا جريـت والكرعيـن حـفـت
والبقول يمسح دمـوع عينـى يذيدهـا يتمنـى
ان بقيـت ودرت اسمـي تعـال لـي جـاي..
ما انا الزول المسطر فوق جدار صمتك غنـاي
ماانا الروح المعذبة في منامي وفـي صحـاي
ماانا الفي الواطا قاعد وشايفه فوق نجمك مناي
ليـك حـق لـو ماعرفتـنـي مـيـن انــا
انـا ماالوليـد الشفتـو قـبـال كــم سـنـة
وهسةجيت لقيتو فـوق عصـا الريـد متحنـي
ماغريـب الحـب يقـرض الـزول قــرض
انا ياني واحـدا فـي حطامـه علـي الارض
بس الغريب انـه الظـروف تفـرض فـرض
الا اعيـش فـي دنيـا لاطــول لاعــرض
والقـدر يلعـبـي بـيـن يمـنـه وشـمـال
وابقي زي عصفور كسيـح فـي ايـد عيـال
كيـف يطيـر ؟! وجناحـو مكسـور منتنـي
ليلـي اسـرع بـي تعـال شــد الـرحـال
لـي عوالـم بيـن نجومـك مـن .. خـيـال
يبقي اصـادف بختـي بيـن طرقاتهـا ضـال
أجيبه أرجـع أجـي ألقـي ظلـم الدنيـا زال
.. يـلا قٌبّـال تطفـي شمعـاتـي الـريـاح
وقبلمـا يـنـزل عـلـي الدنـيـا الصـبـاح
وقبلـمـا تـنـزل مصيـبـة .. تخـمـنـي


شكرا شهرذاد , مجهود كبير جدا لشاعر يستحق التوثيق ,, بالتوفيق
هذه القصيدة بالتحديد اعجبت شيخ الشعر المرحوم اسماعين ود حد الزين وقال بانها سقطت من جرابه والتقطها ابراهيم ابن عوف
الشكر مجددا ودائما

شهرزاد
07-13-2008, 08:16 AM
شكرا شهرذاد , مجهود كبير جدا لشاعر يستحق التوثيق ,, بالتوفيق
هذه القصيدة بالتحديد اعجبت شيخ الشعر المرحوم اسماعين ود حد الزين وقال بانها سقطت من جرابه والتقطها ابراهيم ابن عوف
الشكر مجددا ودائما
الشاعر إبراهيم أبنعوف
شاعر له مقدرة عجيبة في أن تكون الكلمات
طوع بنانه ..
هي في يده كأنها عجينة يشكلها كيف يشاء ..
له التحية .. وربنا يديه الصحة والعافية يارب ..
والرحمة والمغفرة لود حد الزين ...
شاعر كل الأزمنة .

موسى الحسين
07-13-2008, 10:27 AM
الأخت/ شهرزاد
تشكري على المجهود الجبار لتوثيق أعمال الشاعر الماجد إبراهيم بن عوف (أبنعوف) ومن أشعار ابراهيم بن عوف اغنية تغنى الفنان محمد جبارة قديما يقول مطلعها :
إتعذب وأقول تسعدني منك ياجميل يوم ليمة * يتبدل جفاك محنة هجرانك يزيدني عزيمة
وهي قصيدة رائعة روعة قصيدة اخرى تغنى بها الفنان محمد جبارة أيضأ للشاعر ود أبن عوف في مطلعها :
يازولي الوسيم ليه البعاد * أيه لازم الجفاء البعد الوداد .
وللشاعر أغنية اخرى تقول كلماتها :
ما قلتي ماك ولد أبن عوف المن زمان انا بعرفه
ليت الأخت تتحصل عليها من اجل التوثيق
مع كل التقدير

شهرزاد
07-17-2008, 08:03 AM
الأخت/ شهرزاد
تشكري على المجهود الجبار لتوثيق أعمال الشاعر الماجد إبراهيم بن عوف (أبنعوف) ومن أشعار ابراهيم بن عوف اغنية تغنى الفنان محمد جبارة قديما يقول مطلعها :
إتعذب وأقول تسعدني منك ياجميل يوم ليمة * يتبدل جفاك محنة هجرانك يزيدني عزيمة

وهي قصيدة رائعة روعة قصيدة اخرى تغنى بها الفنان محمد جبارة أيضأ للشاعر ود أبن عوف في مطلعها :
يازولي الوسيم ليه البعاد * أيه لازم الجفاء البعد الوداد .
وللشاعر أغنية اخرى تقول كلماتها :
ما قلتي ماك ولد أبن عوف المن زمان انا بعرفه
ليت الأخت تتحصل عليها من اجل التوثيق
مع كل التقدير
الأخ موسي الحسين ..
دي القصيدة الأولي .. بعنوان (ليمة)
وسأسعي إن شاء الله للحصول علي القصيدتين الآخرتين .
بتعذب واقـول تسعدنـى منَّـك يـا جميـل يـوم ليمـة
يتبـدل جفاكـى محنـة وهجرانـك يزيدنـى عزيـمـة
آمالـى البنيتـا عليهـا مالـى الليـلـى دُر تحطيـمـا
كيف غيرك أعيش فى الدنيا غيرك كيف يطيب لى نعيمـا
عارفة الفرقة نار فى ضلوعى كيف يرضيك أصالى جحيما
أرحم سيب صدودك حبى . يامـا عليـك قلوبنـا رحيمـة
إيـه فايـدة شقايـا وهمـى وعينـىَّ البكـبـن ديـمـة
ساهرى مع النجوم ترعاها تبكـى شبابـا تنعـى قديمـا
تبكى تقـول حليـل الماضـى محتـارة وجفاهـا نديمـة
كل ما أقول أكف دمعاتا ألقـى دموعـا جاريـة هميمـة
جابتنـى المقاديـر ليهـا فـى البيـت القصـادو النيمـة
لابسة الطرحة تقدل بيها ذوق وجمـال وطلعـة وسيمـة
مخلوقـة تـراب الجنـة والطيـب خالطوبـو جسيـمـا
كان حاكى القمر محياهـ ا لـو مـا فـى القمـر ضلِّيمـة
عش فى الدنيا ما شُفْ غيرو نـور فـى داخـل البليمـة
فى خديها شاهد روضـة فايحـا عطـورا جابـا نسيمـا
ديسا هدل كثيف وتجرو كـل مـا تمشـى ياطـا قديمـا
إن بسمت تشوف فى سنونا برقـاً يحكـى بـرق الغيمـة
آه أنا من قنابلو صدير ا روحـى أصبـح عليمـا كريمـا
من نظرات عيونو الجارحى قلبى خِرِّبْ خـراب لا ديمـة
حبها شال سحب عقليتى مـا ظـن تانـى تبقـى سليمـة
أشكى لمين وأصارح مين الحـب عنـد أهلنـا جريمـة
كت فاكر بحـورا بعومـا لكـن صوبـت بـى الشيمـة
لى بر السلامة تعود بى يا الـزرع العنـب فـى خشيمـا

عبدالله محمد الجزولي
09-21-2008, 10:49 PM
ما غلطان
ما غلطان طريق الحـب مشيتـو !!
اتعذبـت ايـه ذنبـي الجنيـتـو ؟؟!
طريقـا لاعرفتـو .. ولا دريتـو ..
لقيـت القبلـي سايرنبـو ومشيـتـو
يا جميل ليه بالهجر والصـد مليتـو
انا لارجع لي اولو ولا اخره جيتـو
***
النـاس البعـاد والفـي جــواري
مالن يحكو فـي سيرتـي وخبـاري
انا النيل والفـرات مابيطفـو نـاري
غـيـر لقـيـة حبيـبـا مالقيـتـو
***
مـاك عارفنـي سهـران الليـالـي
ليه تتابع ديل يحرموك من وصالـي
قلبك اسالو ان كـان يرثـي حالـي
وتعود للفـي سجـون الريـد نفيتـو
***
رسلـت السـلام يـا اللـي مفـارق
ليك يبقي حصن حصين من كل طارق
اذكرنـي بـيـه مــع المـشـارق
وقول ياحليلـو زول حـب وسليتـو


الرائعه شهرزاد شكراً لك وألف شكراً على هذا المجهود الجبار والله أنا لى زمن بفتش فى شعر إبراهيم ابنعوف دا ومالاقيه لكن اليوم عترت فيه وهذا بفضل جهدك الكبير لك التحيه وسوف اطبع هذا الشعر ليكون لى سلوى فى هذه الغربه التى طالت ولنتنت وود ابنعوف والله واحد من أهلى ونشترك فى أمنا الدبيبه مروى وهو من اسلى من جهة الأب تحيتى له واتمنى له دوام الصحه والعافيه

الوسالي
10-06-2008, 03:17 PM
بكتب ليك مالى أنا كل ما أقول فى نفسى إتلمينا
ألقى أقدارى تضحك .. لى تقول كضِّاب
وكل ما أعمل حساب لظروفى
زى الما عملت حساب
مالو فراقنا مترقبنا .. دون خلق الله
واقف ديمة عند الباب
وأعمل إيه .. عشان يختانا جاى أو جاى
وبينَّا وبينو يبقى حجاب
ونشوف الدنيا موكب فرحة
لينا تغنى بى ترحاب
وتدنى عليِّا آمالن .. بشوفا سراب
ويهل سعدى .. ونجم سعدى ..
بعد ما منِّى طوَّل غاب
وأقيف خاشع .. وأقول يا الله
كل النَّاس يكونوا أحباب
***************
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليكى وارسلا فوق بساط الريح

بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. يا ذاتى
ومهما كتبت ما بقدر أعبر ليك عن الجوايا
مهما طاوعت أقلامى كلماتى

وليه ما أكتب وإنتى الماضى بى أحزانو
بى أفراحو والمستقبل الآتى
كتاباتك شوية خلاص .. ورسالاتك شوية خلاص
علىَّ الفى منامى أحلام .. علىّ الفى صحاى وسواس
وأنا الراجيكى تكتبى لىَّ .. كم دفتر وكم كرَّاس
منَّها داير أفصِّل جبة وانْدروشْ ..
وكمان طاقيِّى فوق الراس
ومن كلماتا أسوى السبحى والبخرات وكم حجبات
أداريبن عيون النَّاس
كمان تقروقة .. وفى محراب هواكى اجلس مع الجُلاّس
واخلى الباقى واتغتابو .. لو بعدك غشانى نُعاس

أنا الراجيكى تكتبى لى ..
كتاباتك تكون فى الظلمة لى نبراس
أنا العايش فراقك لى ..
بشوفك فى عيون النَّاس
وعازرك لو كتبتى قليل ..رضيان بيهو
ما دام بى وفا وإخلاص
أريت يومن فرقنى معاك ..
يكون محذوف من التاريخ ..
وتبقى أيامنا ستة .. ونبقى فيها قراب
أريت بلدن تحرمك منى ..
لو ما إنتى تبقى خراب
يسكن فى خرابا البوم ..
ويتصايح عليها غراب
تولِّع فيها نار الله ..
وتصبح كوم رماد وهباب
وتمرقى إنتى والنَّاس المعاكى قراب..
وما دعيت خاتي الا الفراق اسباب ..


ود ابن عوف جميل دائما ولكنه هنا كان اجمل
شكرا شهرزاد

شهرزاد
10-07-2008, 02:20 PM
الرائعه شهرزاد شكراً لك وألف شكراً على هذا المجهود الجبار والله أنا لى زمن بفتش فى شعر إبراهيم ابنعوف دا ومالاقيه لكن اليوم عترت فيه وهذا بفضل جهدك الكبير لك التحيه وسوف اطبع هذا الشعر ليكون لى سلوى فى هذه الغربه التى طالت ولنتنت وود ابنعوف والله واحد من أهلى ونشترك فى أمنا الدبيبه مروى وهو من اسلى من جهة الأب تحيتى له واتمنى له دوام الصحه والعافيه

لك جزيل الشكر أخي عبد الله محمد الجزولي
ونتمني للشاعر ابنعوف الصحة والعافية .

شهرزاد
10-07-2008, 02:28 PM
ود ابن عوف جميل دائما ولكنه هنا كان اجمل
شكرا شهرزاد
فعلاً القصيدة من أجمل من ما كتب ودأبنعوف
ومن أجمل ما كتب في الشعر الشايقي علي الأطلاق .
ـــ
شكراً الوسالي

شهرزاد
10-21-2008, 08:25 AM
السحيبات
أبكن ياسحيبات ماكفاي بكيت
وأديكن روا .. وأنا بالدموع ما رويت
ترا الفيهم حنين يبكي ويبكي بكاي
وأحدين قالو يا ود بنعوف جنيت
كان جنيت كتير من جن ماني براي
دي المكتوبة لي وان بي قسمتي رضيت
من فارقت واديك قلت تميت حول ..
كيف يبقة العلى وأنا للسنين عديت
أنا صابر يا سحاب حولا وراهو الحول
وعارف يوم وقع فى حبو ما سميت
تراك وسط الدوع تضحك بريقك شال .
أما انا يا حليلى العمرى ما فريت
روح يا سحاب فلل عليك الليل
وبلغ لى السلام لى دارو ان مريت
كلمو بالحصل لو تانى لى يعود
وأوعة تعاتبو شان يزعل يقولك أبيت
وبعد الحول تعال غاشينى
برجاك فى محلى دة أنا بقيت حييت
وان بقة ما لقينى ابك على ونوح .
واعرف انى مت بى شوقو واتفكيت

شهرزاد
10-21-2008, 08:30 AM
وطــني التاريخ
وطني قلبك وقبل قلبك ولا غرابه
يلا يا تاريخ اقيف اسمع معاي ابدا الكتابه
طوف بلدنا من البدايه وللنهايه
من شروقه ولا غروبه من شماله ولجنوبه
كل قريه كل مدينه تلقى بلدي على الهدايه
تلقى في اللوح والدوايه
في ترانيم راعي بمزمارو يعزف وحولو سرحات السعايه
يلاا يا تاريخ اقيف اسمع ومعاي ابدا الكتابه
تلقى في الدوبيت وقت يحلى ويشق الليل مع ناس مهوي ليلا فوق ضهر المطايه
يا سماحه بت بلدنا الفي المكاتب وفي المصانع وفي الفصول بهمه شاغلاها القرايه
يلاا يا تاريخ اقيف واسمع معاي وابدا الكتابه
وطني سك سك لابسه مريم وفي اضان كلتوم فدايه
وفي حنان ام مقالدي وليده في اللولايا تقولو ان شاء الله تكبر يا جناي
في كلمة الطيبه كلمة وا شريري وجيت من وين يا جنايه
في حنين اهلي الغبش اهل الدباره واهل الدرايه
ويلا يا تاريخ اقيف واسمع معاي وابدا الكتابه
وطني الطيبه والاخلاق وقيدا للرجال خناق وطني كرم يوشل مي سحابه
ياهو مننا ويانا منو ولا غرابه ولا غرابه
يلاا يا تاريخ اقيف واسمع معاي وابدا الكتابه

شهرزاد
10-21-2008, 08:39 AM
وطـني علـيك السـلام
سلام موطني ومكان مهدي عليك من المهيمن ذي الجلال
ورحمته تعمك كل صبـــــــح اليك من السموات العوال
تصب حيافتحيا الارض زرعابسح السحب من قبل الزوال
وبركات يجثن على ثراك يجــــــود بهن غرسك من نوال
اليك اتيت يا اوسلي وكنت قتيل الوجد من بعد الوصــال
اسائل كل نسم منـــــك آت ويعجز ان يرد على الســـؤال
فأرسم صورة لك في البعيد ويعجز عنك نسج في الخيال
وكم من ليلة ارسلت طيفا لطيفك عله بين الليــــــــــالي
احبك يابنة الســــودان حبا على الازمان لم يخطر ببال
ففيه وجدت للايمان ركنـــا يريح القلب من نزغ الضلال
تسام الروح دونك وهي فرد فحبـــك جاء بعد الله غـــال
وكم سلم الذي خاض المنايا ورعديد يموت بلا قتــــــال
وإن كان الخليل يبث يوما لعزة ما بــــــــراه من الهزال
وشوقا قد اذاب اللحم منه وصار الجسم اشبه بالخــــلال
ومات مع التمني لسير حاف وجلسة خــلوة تحت الظلال
أعاد الحب روحه للخلودورقاه اللا رتب المعــــــــــالي
كذا الاوطان تصنع من بنيها رجالا يذخرون لكل حــــال
فمنهم من يفي الاصلاح حقا ومنهم من يموت على النضال
رضعت الشعرمنك كنت طفلا وجئتك شاعرا فذ المـــــقال
فأدهشني الذي اوحيتنيه بانك هالة في ذا الجـــــــــــــلال
كأنك غادة في يوم عرس يزف اليها ذو جاه ومـــــــــــال
كساها الزرع من خضر الثياب ولفها قرمصيص من رمال
فأنت لنبتة نسب وفخر وسحرك بابلي يغير بــــــــــــالي
ونيلك جاريا عبر القرون يجــــــــود عليك بالماء الزلال
اذا حل بك الغرباء يوماً يرون النخل رهطا من مـــــوال
ومن شهد المحاق على ثراك يخال اليه ينظر للـــــــهلال
وتاسعة الجنان على الاديم يطفن عليك ربات الحجــــال
تدانيهن في الاوصاف طراً وعيبك ان مالك للــــــزوال
فسبحان الذي اهداك سحراً وزانك دون غيرك بالجــمال
وارسل نسمةً تصحيك فجراً لتغسل وجهك انداء الطلال
وحببنا ترابك ان مشينا نخاف عليه من وطئ النعـــــال
وأما اليوم نفتح مصراعيك ليمشي عليك شريان الشمـال
نقيم لاجله الافراح عيداً للتاريخ اكبر احتفـــــــــــــــال
نقدم فيه للسودان عهداً ونحن الفاعلون بلا محــــــــــال
علمنا الولى قيم الوفاء نســــــــــــيربها على نهج الاوال
سنرجعه وريداً ما حيينا من الخـيرات والثمر الحـــــلال
فيا سودان نحن بنو ملوكٍ اقاموا العدل في الاول الخـوالي
وابناء اولياء ٍفي العصور اشاعوا النور بالنهج الرســالي
لنا في الدهر اعظم امهات نشأن على الشجـــــعة لا الدلال
يقدمن الاحبة والبنين لفوز بالشهادة في النـــــــــــــــزال
ويدفعن الاشاوس بالنشيد لخوض الموت في حرب سجال
ومابمهيرة الا مثال لربات كبرن على المثــــــــــــــــال
نعزك ايها الوطن المفدى وعزك اغـــــلى من نفس ومال
فأنت الآمر الناهي المطاع فقل لو شئت زحزحت الجـبال
نلبي لك النداء بإندفاعٍ كدفع السهم من وتر النــــــــــبال
ولسنا القائلين اذا دعينا لتذهب انت وحدك للقــــــــــتال
تعلمنا الشدائد كل يوم ونقتحم الشــــــــدائد لا نـــــــبالي
تزيد ضراوة ونزيد صبرا نبث الخوف في صدر الرجال
وكم متربص بك ذاق منا حمام الموت قهراً وهو قـــــالي
يسير النصر بيننا حيث سرنا ونحن له باصحـــــب وآل
فـيا وطني أحبك ما حييت احبك في مكوثي وفي إرتحالي
وأشهد ان لا وطناً ســــواك واشهد انك الشعب المـــثالي

شهرزاد
10-21-2008, 08:56 AM
أنا والزمن


عيني بالدمـوع مليـاني عيني بالــــدموع مليانـــي
ماعـارف المحن بمشيلا ولا هي قاصــدي تتلقاني
***
ليه ما اكتب غنـاي بدمعي وامزج بالحزن الحاني
اشعار تحكي عن مأساتــــي تشـرح للبعيد والداني
***
داير اقـــولا ياخلق الله ياخلق الله مــــــالو زماني
لارحم الصغر في صغري لارحم الكبر في كياني
***
الناس في سعــاده وبهجه انا بحر الهمـوم ضماني
وين قـــارب نجاتي آخلقو ولا انا دايمــا الأخراني
***
ياريت السعــــاده قريبي كان تسمعني أو تلفـــاني
لكن كيف أصيـح ليها والعبرات معضــــي لساني
***
اهرب من دناي وين أمشي ياريت الامــاني اماني
طال ما الدنيا ياهـا الدنيا طال ما ياني ياني انا ياني
***
ياسجم السجم يابخـــــــــتي ياحظــي المولي وفاني
كيفن في الشقــــاوه عترتا والخير فاتني وإتعــداني
***
اه يامرتـــــــي المليــــــوكه يانار قيدي قيـدي وتاني
من مغصا مقطع قلــــــبي في جــــواي كاتمو لساني
***
اه ياقدري كـــون في همي راجيك من قبل ترجـاني
هـــــــم وأحـد بودر سيدو متلمــات علـــي تمــانــي
***
في ها الدنيا شــن ســويتا متعـــــــذب كانـي الجاني
شان لاتبــتا لااستغفرتا من حب زول مـلك وجـداني
***
حتي الكان كفر بي سببي دا بي صور الجمال أغراني
اصلي انا من لمحـــــتو كفرتا إتشهـــدتا وأســـلم تاني

شهرزاد
10-21-2008, 09:00 AM
فرحة المحزون
ضميـنـى ضميـنـى يــا فـرحــة الـمـحـزون
لا الصبر قادر اطيق لا الضم معاهو سكون
يـا عايشـة فـى جـواى بيكـى الفـؤاد ملـيـان
أنـا مـن بعيـد جاييـك شـارد مــن الاحــزان
غفلتـا قــدرى وجـيـت لاقيـنـى بالاحـضـان
لفينـى فـى جيـدك طــوق والبسيـنـى كـمـان
ورينـى كيـف بيكـون دفء الحـنـان بحـنـان
ما انتى لى وانـا ليـك رغـم اليكـون والكـان
انــا شـاعـرا غـنـاك فـــى اروع الالـحــان
وانا بين يديـك فنـان والفـن جنـون و جنـون
شن داير اقولـك عـاد مـا القـول علـى تقيـل
انـا والنجـوم شـهـاد مــن ديــل اتـابـع ديــل
تنكش كلاب الشوق فى جوفى طـول الليـل
لامـن لحقتـا المـوت المـوت ابـانـى عـديـل
يـومـا يلمـنـى فـيـك يـومـا صـعـب بالحـيـل
كـتـرتـلـو التـحـنـيـس كـمـلـتــو الـوســيــل
حـلـفـتـو بـالـقــران خـصـمـتـو بـالانـجـيـل
وناديتـو مـن سجيـل خيـب رجــا الممـكـون
ولهـان عليكـى قليـب يهـواك يحبـك مــوت
صبـرتـو بـالآمـال صـبـرا غزلـتـو خـيــوط
شـان مـا يميـل للغيـر كرهتـو فـى البـنـوت
وسـدتــو بـالاحــلام ختـيـتـو فـــى تـابــوت
رهبنتـو ليـك رهبـيـن فـوّتـو فــوت الـفـوت
حفظتـو زكــر الـريـد يـذكـر مغـيـب يــوت
لامــن بقـالـو كــلام لامــن بقـالـو سـكـوت
ونزرا على مكتوب والله يكـون فـى العـون
سامحينى كـان ذليـت وكلامـى مـا ارضـاك
الناس تسامح الناس وانتـى السماحـة بـراك
يــا رقـــة الحـلـويـن يـــا قـســوة الـقـسـاك
بـى زاتـك اتوسـل طالـب عفـوك ورضـاك
مديـلـى حـبـل الـريـد قويـهـو مـــن تـــالاك
خلينـى اكـون عايـش علـى انـى يـوم القـاك
يبقـى السعـد يصـدق وتمـسـك يـدايـا يــداك
وا شوقـى لليـوم داك يــوم يقـعـد الـمـاذون

شهرزاد
10-21-2008, 10:54 AM
عتاب

تقدر تقول لى تعتذر أيه الحماك ؟
تكتب ترسل لىّ ولاّ جفيت براك ؟
***
وين رسايلك لىّ عاد .. قول لىّ يا أجمل ملاك
ما مرّن إسبوعين تمام انا فى إنتظارك وفى رجاك
ما كان فى داعى عشان أقول ما انت عارف الحال براك
يرضيك أكتم الريد واموت ولا انفضح للناس وراك
***
كلما تجينى رسالة اقول ياروحى زولك دوب طراك
تقلدنى قوّى من الفرح وكتين أقول جوابا جاك
لكن فرحنا يعود دموع وألقاه تب ما خط يداك
ساكت بلا بالشوق عليك شحتف رويحيى المشتهاك
***
ولا انت خلاص نسيت العشرة لمّا رحل هناك
ونسيت قليب كان ليك رفيق ياحليل خُطا السارِن معاك
ما كان بيتمناك سعيد ما كان بيشقى عشان شقاك
ومن حبه ليك بس ما فضل غير فى التراب يحضن خطاك

***
والله لو تسأل على أنا حالى بعدك حال عِداك
دنيايا ما زارها الصباح والنوم جفانى رحل معاك
وزمانى اقولو كفاى هموم يرجعلى تانى يقولى هاك
ياهو المقدر ياحبيب والدنيا مابتديك رضاك
***
أنا غايتو ناذر حبى ليك لا يحب ولا يعشق بلاك
حتى إنبقيت بالحب ودِر وشارف على درب الهلاك
ما دام سعادتى بشوفا فيك .. ما دام حياتى بقت هواك
فى الدنيا أحبك للممات وفى الآخرة برضى كمان معاك

شهرزاد
10-21-2008, 03:09 PM
إنتظــار
البحبك مابيقوليك حقو انت تحس براكا
الله يعلم ياحبيبى روحي تشتاق لى لقاكا
يبقى ما عارف الحقيقة وقلبى كيف عايش هواكا
وماكا عارف فى غيابك حالتو كيف تصبح بلاكا
يبتسم يضحك يقابلك ويبكى بالدمعات وراكا
ويقرا فى عينيك سعادتو وسر ودار روحو وهلاكا
***
كلما أشرق ... صباحو تلقى لمّ اشواقو جاكا
وانتظر فى لهفة يسأل فوق دريب البص رجاكا
دار يقولك كيف صباحك ياحبيبو وطاب مساكا
وخوفو ما يقدر يقابلك ويبقى شال اللوم معاكا
***
لما جيت ليه مارجيتو ورحت فايت بى هناكا
ولاّ إتغيرت انت وحزروكا وما براكا
ولاّ شوقك ليه جابك إلابس خفت المعاكا
جيت شان تشرح ظروفك عارضك خجلك حماكا
***
لو صحيح قاعد تريدو متلو كان الشوق براكا
وكت ما بتقدر تفارقو ذى ماهو دار يوت يراكا
ممتثل خاضع يقولك ياحبيب داير رضاكا
ليه نسيتو ورحت نايم عارفو وا سهرو ان طراكا
***
تانى بعدك وين يقبّل ما بطيبلو العيش سواكا
ما بطيق .. يحمل فراقك وما يطيق يقدر قساكا
طرفو ساهد ربه شاهد حالو بالمر ما غباكا
ولِسّ جارى وراء حقيقتك ما استراح من يومو داكا
***
ما امتحنتو وشفت صبرو ماخلاص جرّب كفاكا
أوعى شيشك بى بشيشك ماكا عارفو جريح تراكا
لا تعذّبو .. ماهو مذنب أرحمو وخفف عساكا
ولو قسيت أو كان نسيت هوّ لا زال فى رجاكا

شهرزاد
11-17-2008, 07:48 AM
أصبحت كيف ..؟؟

أصبحت كيف يازول موكر في الفؤاد
يازول .. معاي رغم المسافات والبعاد
ياخاطرة من نبض الشعر صحيتا من بعد الرقاد
جمعتها إندلقت حروف تنطق بحسنك أو تكاد
يازول هويتو ألم ألم وعود عيوني علي السهاد
نتلاقي في الإحساس دوام لا بينا وعد ولا ميعاد
***
في لقيا زي طلة شموس ترسم صفاها علي الوجود
تدهش عيون الناس جميع تأمر قلوبهم بالسجود
لله شان خلقك سمح وزادك سماحة بلا حدود
تعجز بنات أفكاري فيك تنقص وجمالك في إزدياد
***
ياريتني لو قادر أجمعك علي قلبي يوم وأتهني بيك
أو أطرحك من قسوة تستقبل رسايلي وكت تجيك
أو أقسمك ريد في عيون ياما كتير تسأل عليك
***
بعدت برازخ الأمنيات وحيرني صمتك والعناد
أنا ما لقيت رابط جميل ليك غير جمال الأغنيات
أرهقت شيطان شعري نام ونامت نجوم الأمسيات
دونت آخر خاطرة بيك في موقع البال الشتات
***
مستني ردك بين هواجس أحلامي والزمن الرماد
كلمني طيب خاطري بيك دقات فؤادي عليك سؤال
وين في محطات العمر نتلاقي لو كان في الخيال
أرويني قصة حب عفيف وأكتبني في خاطرك مقال
زملني تحنانك حنان دثرني عطفك والوداد
***
ما كان هواي مسة جنون تتواتا تعويذة ويطيب
أو كلمة من باب الخداع تغويك وينقطع النصيب
أجمع صوابعك وأفردن تلقي الحقايق ياحبيب
الناس معادن تختلف أخلاق طبايع وإعتقاد

شهرزاد
11-20-2008, 08:02 AM
سماحة عيون
تشيلك تهاجر بلا إغتراب .. تثير في شعورك حلاوة العذاب
عجيبات عيونك عيونك عجاب
***
عيونك تحير عقول الشباب .. تعاين تغرود تقولك حباب
تقودني لي عوالم الهوي المستطاب .. عيونك تعاويذ بتشفي المصاب
***
عيونك تشكل فواتح كتاب .. كتاب بين سجله الدعاء المستجاب
قلوب خاشعة تطلب جزيل الثواب .. دراويش ونوبه ومدايح شباب
***
مطيراً تبشر تبل التراب .. تساري وتفرح عطيش اليباب
يضاحك بريقا رواحل السحاب .. تصحي الأماني يخدر سراب
***
عيونك تجهجة فصيح الخطاب .. يحاول يعبر يخونه الصواب
يعاين رموشن تجذبه إنجذاب .. يصارع هواهن يكون فكره غاب
***
سماحة عيونك يقولوا الصحاب .. سماحة غنانا ونغيم الرباب
البفصل منانا وحديث كل باب .. (البشاهد) عيونك يكون غاب وجاب
***
سماحة عيونك رجوع للعقاب .. وكليمة أحبك تبروز خطاب
سمرنا وحجانا ولذيذ المطاب .. وقميرة فريقنا التتاوق الضباب
***
متين لي عيونك بتصبح قراب .. وأشوف الحنين في صفاهن مذاب
يشع فوق قليب بينه بينك حجاب .. يخاف التلاقي البعقبو الغياب
***
عيون في جمالن تسام الرقاب .. وعشانن يهونن قواسي الصعاب
سؤال لي جلالك يدور الجواب .. منو الشاف عيونك ورجع تاني تاب ؟

عمر مجذوب خطيب
01-22-2009, 05:29 PM
شهرزاد مجهود اكثر من عظيم - تاخرت كثيرا جدا في الدخول الى هنا - وشكر خاضة لقصيدة ليل الغلابة - معقول في مطلع قصيدة بهذه الكثافة الجمالية

شهرزاد
02-09-2009, 01:43 PM
شقيت يادنيا


الشقي الفي الدنيا وخاتي الدنيا فيه
خلوه اليحنس روحه كان تقبل تجيه
***
اليشوفو يحسبو زي الما .. عليه !
جوه جوفو باقي نار مطلوقه فيه
إن سكت خايف الخلوق ما يحسوا بيه
وان بسم شان يخفي حزنو الفوق وشيه
***
يجري ورا السعاده الليلي وينها سعادتو ليه
والأماني علي الرهاب دافقاه ميه
الزمن لا أداه لاقدر .... جريه
وكان حماه الجني قبلو آدم أبيه
***
الناس الفرح في عيونها لوح لي إديه
وده الهموم تابعاه ماشي علي مشيه
ساكت بي غناه طرابه في الكلمات يتيه
ما عارفنو بي أشعارو يكتب في نعيه
***
في غرايب الدنيا تضحك لو ..وتجيه
تونسو بي حديثها ..... البشتهيه
وكتين يأمنا ..... ويطرح وشيه
تحدثو بي حديث لاسمعو لا جابوه ليه
***
قدر من تاني يبني تهد بنيه
عاد تبكيه ..وتبكي الناس عليه
تفرقو في مصايبها .....تبتليه
التقول لا شافا لا شافت شبيه
***
شقيك يادنيا أوعك ترحميه
إنتي جوري .. وعذبيه وعذبيه
فرحك تاني شن بيسوي ليه ..؟!
ما دام جافاه أعز الناس لديه ..

شهرزاد
02-09-2009, 01:50 PM
شديرة الحن

لقيتك في زمن وخري بعد ما أتربت فيك رجاي
طلعتي من القدر نفحة وسماح قدراً يجيبك جاي
***
صباحك .. ياربيع مزهر نهارك .. ياخريف بكاي
ومساك..وكت يمسي الشوق علي هدب النجوم ناجاي
وأشيل طمبوري أنقنق لك عشان ريدك بقيت غناي
ده ريدك ألف ليله وليل وطول الليل علي الحجاي
***
رجيتك بالسنين ودنين أدودر في الصبر تالاي
وكت ضهر الصبر يتقص أقيف وألزم همومي براي
وأشوفك بين غيوم الشك بريق شايل الأمل ضواي
أشابي عليك مطير ينزل يغسل في دواخلي أساي
***
رجاك لا كان ميعاد بيناتنا لاعرفه ووصف هداٌي !
سوي صورة مجهجة فكري ترسما نزعه من جواي
وأقيف ما بين حنين رؤياك وجن العاشق الغواي
أمد إيدي علي المجهول عساي تصدف يداك يداي
***
أغنيك قبلما ألقاك وتخيل فوقك قوافي غناي
وألاقيك ياشديرة الحن بعد دردح غناك بلاي
شميسن في نهار واحد قدرة الخالق السَواي
شمس ضلاً سماي فيها وشمس حجبت علي رؤاي
***
لقيتك لاني حان للماضي لا ندمان عليه صباي
محطات العمر يمضي , وكمان , عجل الزمن جرَاي
سماحة الدنيا في عينيك ولقاك علي المودة جزَاي
جزاي علي الأقل شفتك وكت شوفتك علي كفاي

شهرزاد
02-12-2009, 08:33 AM
مدهــــشة
الشوق غلاب .. والوعد سراب
في بعدك يا أغلي أماني
وآحشاني عيونك وآحشاني ؟
***
يانسمة صباحية إنسرقت تتخلل مر صيف أحزاني
في ارحب واحة ريد فوق ارضها واكتب عنواني
يا الله عليك تمليني اعجاب وتجددي آمال من تاني
***
مدهشة يا شمساً تشرق علي قامه وابداع رباني
لا تثيري عواقب الريد جواي لا تصحي همومي واشجاني
وأنا بين الحاضر والماضي لا زال بتعذب إنساني
ضميني إياب نسيني عذاب خلي الأفراح تتلقاني
***
أنا جيتك من واقع مذري وعالم مليتو وملاني
لا تسألي عن كنه حياتي أنا جسداً وروحاً غلباني
أرسم للناس الكون بهجة وطرباني وما بينهم أغاني
ما رمت خطاب الا وجاب أنا شاعر لو صح بياني
***
تاتيت الريد لامن دفق وخايفلو من الزمن الجاني
شيليه علي صدرك رأفة وختيه علي حنك تاني
حجيه حجا فاطني السمحي والفارس الروياها أغاني
وياما الأحباب يوم يبقو قراب الدنيا تزغرد من نشواني
***
يا شامخي علي كل الدنيا يا وحي الشعر الإنساني
جد روحي تفتش لي روحك وما كان لقياك في حسباني
ما فاكرك من صبري تمرقي وتختالي علي أوتار ألحاني
والأمل الغاب طول ما جاب الليلي ألقاه وبيلقاني .

المرهف
02-12-2009, 08:36 AM
شهرزاد ..
طلة جميلة ومجهود مقدّر في ميزان حسناتك ..
والله توثيق رائع ومرتب ..
وعجبتني قصيدة أصبحت كيف بالذات بداية القصيدة
أصبحت كيف يازول موكر في الفؤاد
يازول .. معاي رغم المسافات والبعاد
ياخاطرة من نبض الشعر صحيتا من بعد الرقاد
جمعتها إندلقت حروف تنطق بحسنك أو تكاد
يازول هويتو ألم ألم وعود عيوني علي السهاد
نتلاقي في الإحساس دوام لا بينا وعد ولا ميعاد

وختامها الجميل :
أجمع صوابعك وأفردن تلقي الحقايق يا حبيب
الناس معادن تختلف أخلاق طباع وإعتـــــــقاد

مودتي ،،،،،،،

شهرزاد
02-12-2009, 08:39 AM
تسافـــري

تسافري !؟ أوعك ما تسافري
بلاكي الأيام .. كئيبة
أملنا وغاية منانا وجرحنا الليهو إنتي طيبه
***
تسافري بخاف يوم وداعك وأخاف اللحظة الرهيبة
وأخاف تفضحني عيني دموعها تكتر صبيبه
وأخاف كلمات بيها أصارحك تخوني ويقسي ترتيبه
وأخاف روحي قبل توادعك تروح ما أقدر أجيبه
***
بوادعك لو كنت بقدر قليبي عيونك يسيبه
تجرح وحد ما تجرح يريدها وبقي مبتليبه
يحنلا ـ بي شوقها يرزم رزيم اللتمد قضيبه
وتجهجه فيه الليالي وبعيد للتوبه والنيبه
***
بيرضيك إنك تسافري وتخلي وراك في مصيبه
أحاولو أكلم وأوصي ووصيتي يفارق دريبه
يصر من شدة حماقتو يتابع أفكارو الغريبه
حماقة البقلع هدومه ويقع في النار يصطليبه
***
تسافري أنا وين ألقي زيك سماحة وأخلاق عجيبه
يا الجمعتي عيون النوافر ورشاقة النسفت سبيبه
خدودك آه من خدودك أصيل المايلي للغيبه
ونسيمك حين في يسري بلا الضارباه وتيبه
***
إنتي سفرك يحزن بلدنا لأنك ليها الطبيبه
ولأنك شايلي حن ناسها وقليبك ما خلا طيبه
وتاني لا يومين لا تلاتي دي سفره وراها طول غيبه
تبقي كيف لليوم ما يشوفك عليه تضيق الرحيبه
***
كدي أخري سفرك شويه وتعالي أبقي لي قريبه
وكمان لو هان خاطري عندك أرضي خاطر الوالده الحبيبه
مناي تمسيني وتصابحي وأكون جنبك لا مغيبه
وأشد قلبي وتر ربابه وحروف أسمك أغنيبه
***
أنت كم زيك زهرة يانعة إرتوت في أرضنا الخصيبه
من نقرب ننسم شذاها المدن تقطفها تنتشيبه
وكتير فينا من المجرح قليبه ومجروح قليبه
وفي النهاية قدرنا إنو نزرع حصادنا الندمه والخيبه

شهرزاد
02-12-2009, 09:12 AM
الطـرف المسهـد
يا زماني أحكي ليهم .. عن غرامي أنا كل مشهد
أحكي ليهم في الليالي كيف هو عاش طرفي المسهد
***
أحكي لي نخلات فريقنا .. لي طويراً فيها غرد
للجداول .. والسواقي .. وللدريب الليها ممتد
لي بحرنا .. ولي جروفنا .. للخدار الفيها فرد
وللديار العشت فيها .. أنا فبلما أصبح مشرد
***
لي قويزاً شب يغازل .. في القمر طول ليلو يسهد
للجدار الراح يصارع .. في الزمان ما راضي ينهد
للرحل فارق غصونو .. وللضغار في عشو غرد
لي نسيمات يهاجرن .. من شمالن يحملن رد
***
أحكي للساجعات حكايتي .. وللعيون الليلا هود
للبنوح طول عمره باكي .. وليه جمر الفرقه مرقد
وللبضم الشوق يسافر .. وليه دار أحبابه مقصد
لنجيماتن يساهرن .. لما ليل الغربه يتمد
أبقي زي وتراً حنين .. لصداه القلب ردد
غني مره وأبكي مره .. وأروي قصة حبي وأشهد
أحكي كيفن راد قليبي .. بسمته وخدو المورد
وكيف عبد بالشوق عيونه وفي دناهن عاش مشرد
***
كم صدح بي أسمه غني .. ردد الألحان وأنشد
في شقاه يقول غناه .. ومن غناه الناس بتسعد
يرسل الآهات حزينه .. وبي هموم الكون موسد
ليتو كان آهاتو تنفع .. لي جروحو الما تتعدد
***
تاه مع الأوهام مسافر .. في طريقاً غير محدد
عمره شمعه وزادو دمعه..وبي حمول الشوق مهدد
ده السبح في لجه قارب .. وفي بحور الريده أبعد
لو يموت بالشوق تراه .. برضو لي أشعارو خلد

خلف الله التوم
02-14-2009, 03:22 PM
الأخت شهر زاد
كم هو سلس وكم هو جميل شعر شاعرنا الكبير إبراهيم إبنعوف..
وكل كلمة يقولها هذا الشاعر العملاق تحس بإرتباطها وتناغمها مع المنطقة..
ودائماً ما أحس بكلمات الشاعر إبراهيم أبنعوف ..حتى قبل تسمية كاتب الكلمات ..
واسمحو لي بمشاركتكم هذه القصيدة .. وإن كنت غير متأكد من إسمها الحقيقي
ويمكنك تصحيح الإسم إذا كان غير ذلك ..
لك شكري الجزيل على هذا البوست الرائع ..


الدنيا يا محبوبة
كوسي لي الخلاص من بدري في حبك ترانـي غــرق
عارف نفسـي مابلقـــــــــــاكي سـاكت فيـك متعـلق
قالوا الدنــيا يامحــــبوبة تجمـع يوم ويوم تفـرق
بس نان مالا مابتجمــــعنا والله ده ماهو متحـقـــق
صـــح ماليها أمان واللــه لي مضـيقي المشِـــــــقّ
مادالي اليمين تضحـك لي وبي إيـدا الشـمالي تعـق
هـــاك شكوايا يا محبــــوبة لو قلبك علي يــــــــرق
ديل أربـع سنين متــواري من محني وشقاي ما فق
خوفي شقايا قبل ألقــــاكي يمحق لي عميري محـق
وأجيك ساير علي الأكتـاف عزب لا حني لا جــرتق
آه من دنيــتي وأقــــدارها ينصـبـقن علي صـــبـــق
وساقة الهم تسوق في راسي تتعــــاقب بلا تتـــــــق
بس تحـريني شن سويتا غيـر زول لي عيونو عشـق
لمن اشــوف حياتي الغالية ليلا صبحو ما بشــــرق
ساعة الناس تنوم تتهـــني والعين للمنـام تســــــرق
ألقي رويحتي فوق المـــلي شقيش ما انقلب بي شـق
الله من عبرتاً ســــــــــادي وارداً للقليب بتشـــــــــق
والله من دموعـــــاً نازلي ينجــارن بلا ميرتـــــــق
دار انساكـي عــــارف قلبي للغير حــبو ما بطـلـــــق
منك لو أموت كل لحظــــــة بالريد قلبي ليك يخفـــق
ما بنساك عشان كملت صبري ولي حدودو لحـــــــق
إلا الريد تعقبو عــــــــدواة وليكي أنا من عدواتو شفق
]

شهرزاد
02-15-2009, 08:30 AM
شهرزاد مجهود اكثر من عظيم - تاخرت كثيرا جدا في الدخول الى هنا - وشكر خاضة لقصيدة ليل الغلابة - معقول في مطلع قصيدة بهذه الكثافة الجمالية

العزيز عمر مجذوب خطيب
سلامي وتحياتي ...
ليل الغلابة مليئة بالجمال
والحزن في آن واحد .. لحد التخمة ..
فدائماً الحزن .. أجمل .. وأنقي .. وأعمق ..
ربماً لأنه الأصدق ..!
ـــــــ
شكراً لحضورك الباذخ ,,

شهرزاد
02-15-2009, 08:39 AM
شهرزاد ..
طلة جميلة ومجهود مقدّر في ميزان حسناتك ..
والله توثيق رائع ومرتب ..
وعجبتني قصيدة أصبحت كيف بالذات بداية القصيدة
أصبحت كيف يازول موكر في الفؤاد
يازول .. معاي رغم المسافات والبعاد
ياخاطرة من نبض الشعر صحيتا من بعد الرقاد
جمعتها إندلقت حروف تنطق بحسنك أو تكاد
يازول هويتو ألم ألم وعود عيوني علي السهاد
نتلاقي في الإحساس دوام لا بينا وعد ولا ميعاد

وختامها الجميل :
أجمع صوابعك وأفردن تلقي الحقايق يا حبيب
الناس معادن تختلف أخلاق طباع وإعتـــــــقاد

مودتي ،،،،،،،

الأخ الغالي المرهف ..
أخترت أروع أبيات القصيدة ...
أجمع صوابعك وأفردن تلقي الحقايق ياحبيب
الناس معادن تختلف أخلاق طبايع وإعتقاد
* في إشارة جميلة للمثل القائل
(أصابع اليد الواحدة ماب تتشابه) .
وهذا الشغف والشوق الحنين في مطلعها ..
أصبحت كيف يازول موكر في الفؤاد ؟
يا زول معاي رغم المسافات والبعاد
ــــــ
متعك الله ياصحة والعافية أخي المرهف
ورد غربتك إن شاء الله ...
وكل الغائبين ..

شهرزاد
02-15-2009, 08:51 AM
الأخت شهر زاد
كم هو سلس وكم هو جميل شعر شاعرنا الكبير إبراهيم إبنعوف..
وكل كلمة يقولها هذا الشاعر العملاق تحس بإرتباطها وتناغمها مع المنطقة..
ودائماً ما أحس بكلمات الشاعر إبراهيم أبنعوف ..حتى قبل تسمية كاتب الكلمات ..
واسمحو لي بمشاركتكم هذه القصيدة .. وإن كنت غير متأكد من إسمها الحقيقي
ويمكنك تصحيح الإسم إذا كان غير ذلك ..
لك شكري الجزيل على هذا البوست الرائع ..


الدنيا يا محبوبة

كوسي لي الخلاص من بدري في حبك تراني غـرق
عارف نفسـي مابلقـاكي سـاكت فيـك متعـلق
قالوا الدنـيا يامحــبوبة تجمـع يوم ويوم تفـرق
بس نان مالا مابتجمـعنا والله ده ماهو متحـقــق
صـح ماليها أمان واللـه لي مضـيقي المشِــقّ
مادالي اليمين تضحـك لي وبي إيـدا الشـمالي تعـق
هـــاك شكوايا يا محبـوبة لو قلبك علي يـرق
ديل أربـع سنين متــواري من محني وشقاي ما فق
خوفي شقايا قبل ألقـاكي يمحق لي عميري محـق
وأجيك ساير علي الأكتـاف عزب لا حني لا جـرتق
آه من دنيـتي وأقـدارها ينصـبـقن علي صـبـق
وساقة الهم تسوق في راسي تتعـاقب بلا تتــق
بس تحـريني شن سويتا غيـر زول لي عيونو عشـق
لمن اشــوف حياتي الغالية ليلا صبحو ما بشــرق
ساعة الناس تنوم تتهـني والعين للمنـام تسـرق
ألقي رويحتي فوق الملي شقيش ما انقلب بي شـق
الله من عبرتاً سـادي وارداً للقليب بتشــق
والله من دموعـاً نازلي ينجـارن بلا ميرتـــق
دار انساكـي عـارف قلبي للغير حـبو ما بطـلـق
منك لو أموت كل لحظـة بالريد قلبي ليك يخفـق
ما بنساك عشان كملت صبري ولي حدودو لحــق
إلا الريد تعقبو عـدواة وليكي أنا من عدواتو شفق ]

الأخ الخلف ...
ليك جزيل الشكر والله لهذه المشاركة الرائعة والحضور الجميل .
القصيدة بعنوان :
كوسيلي الخلاص ..
وقد كتبت في مطلع الثمانينات .
تغني بها الفنان العملاق الرائع صاحب الصوت المميز
والحنجرة القوية صديق أحمد ..

شهرزاد
02-15-2009, 09:02 AM
رؤيـــة

والله ما كذب المنام كل الرأيته لقيته صاح
البسمة والنظرة الخجوله وقدلة الريل في البطاح
***
نامت عيون العاشقين ساهرت لامن فجري لاح
راقبت طيفك ذكريات يا رايعه زي طلة صباح
ناحت بلابل الشوق عليك ندماني مكسورة جناح
اتأوهت للناس قصيد صرخت من آلام الجراح
***
رقصت علي النغم الحزين في غفلة العمر الي راح
نادت عليك كل الزمان صادف نداها جفا السماح
رجعت تجابد في الصبر وتدفن دموعا وراء المزاح
وتتصنع البسمه الزمان مسروقه من شرف النواح
***
وين إنتي والحلم الجميل وين كنتي والأشواق رياح
ياراحله في الأزمان قدر تبخل بك أياماً شحاح
يامعوداني الإنتظار , الإنتظار في قلبي شاح
***
وين كنتي واندهدهدتي ليه وكتين لقاك كان بي متاح ؟!
راجيك علي كل الدروب العامري والضماها واح
دقيت أبواب الغيوب لا ارتحت لا فاطري استراح
خايف من العمر قبال أراك يرحل متل ضل الصباح
***
والليلي جيتي بلا خبر ياقدري حيا علي الفلاح
وغنت عصافير الغرام لمن ظلام الفرقه زاح
ما أجملك , ما أجمل صباك لما الجمال لبسك وشاح
وما أحلي ساعات اللقا الوردية والعطر الي فاح

ازهري يس
02-15-2009, 10:48 AM
الاخت شهرزاد تحياتى
متابعين 100 فى 100 تشكرى للمجهود الرائع

شهرزاد
02-15-2009, 11:41 AM
الاخت شهرزاد تحياتى
متابعين 100 فى 100 تشكرى للمجهود الرائع

أهلا بك أخي ازهري
تحت سماء شاعرنا إبراهيم أبنعوف
التي ما زالت تمطرنا حروفاً ومعاني نغرق معها في بحر
من الألق والجمال والإبداع ..

المرهف
02-16-2009, 08:11 AM
شهرزادنا ..
الغاااااااااالية ..
هلي وطلي لو أمكن ..
سوف تكون الدنيا بك ربيع ..
رجاءاً وليس أمر أن تستفذي ذلك الجفاف الذي صار يقتلنا كل يوم مائة مرة لغياب خريف مدادك الذي يمطر بوحاً وألقاً وحيوية ..
أنعشينا هناك مرة لقد ضلينا الطريق ،غابت نجماتك التي كانت بوصلة إتجاهنا في غول الطريق ..
لا تجعلين قلت مزارك تشخط فينا الوحشة والوحدة وفراغ الصديق الحميم ..
لا تعتكفي بيت الشعر فقط وتتركي العنكبوت ينسج خيوطه علي دارنا ..
علمينا منّك لسا ..
كلمينا بلغتك الناضجة ،باكية صفحات البركل من قلة شهرزادنا ..
فلا تقولي ليّ لا لا فأنتي الربيع فلا تحرمينا عطرك الفوّاح ..
_________
كل الأماني الطيبة ...

شهرزاد
02-19-2009, 12:09 PM
شهرزادنا ..
الغاااااااااالية ..
هلي وطلي لو أمكن ..
سوف تكون الدنيا بك ربيع ..
رجاءاً وليس أمر أن تستفذي ذلك الجفاف الذي صار يقتلنا كل يوم مائة مرة لغياب خريف مدادك الذي يمطر بوحاً وألقاً وحيوية ..
أنعشينا هناك مرة لقد ضلينا الطريق ،غابت نجماتك التي كانت بوصلة إتجاهنا في غول الطريق ..
لا تجعلين قلت مزارك تشخط فينا الوحشة والوحدة وفراغ الصديق الحميم ..
لا تعتكفي بيت الشعر فقط وتتركي العنكبوت ينسج خيوطه علي دارنا ..
علمينا منّك لسا ..
كلمينا بلغتك الناضجة ،باكية صفحات البركل من قلة شهرزادنا ..
فلا تقولي ليّ لا لا فأنتي الربيع فلا تحرمينا عطرك الفوّاح ..
_________
كل الأماني الطيبة ...

الأخ الغالي المرهف ...
الزمن المتاح لي للتواجد في النت تقلص جداً
نسبة لمسؤليات جديدة في الشغل ..
وأصبح وقت الفراغ لدخول المنتدي بسيط
وبحاول استثمره في تنزيل القصائد ..
بتابع المنتدي العام من حين لآخر ...
وسعيدة بالنشاط والحيويه وكمان الأعضاء الجدد
ليهم كلهم التحية والترحاب .
ـــــ
شكراً ليك كتير يامرهفنا ...
ولكلامك الطيب في حقي ..

شهرزاد
02-19-2009, 12:14 PM
يا بت من الماضي
كيف اوصلك ؟! وكيف أقدر .. أنساكي وهواك ما بنترك ؟!
أحترت فيك وأحترت في .. القلب اليفكو وينشبك
***
يابت من الماضي ومأججه .. ذكريات .. تعجن تلك
في حترب البال الموقع من .. جدار عقلاً مقرب يتسهك
مالك علي .. راماني بين ؟! .. أخطا وأصيب آمن وأشك
وأنا لا كفر يوم بي هواكي .. ولا دخل قلبي الشرك
***
وين إنتي من طول الرجا .. وحبل الهوا الما بيتمسك
وصبراً ألتق وبالصبر .. من تاني يرهف ويتهتك
دليني غاب محراك علي .. وأبت المسالك تنسلك
وين في محطات الزمان .. أصباك وعارض الشوم يفك
***
اسأل عليك رجع الغنا .. المنضوم علي حنّ السلك
والشوق يسرسف فوق .. نسيمةً راحلي جوف ليلاً حلك
كان تلقي عندك صيبه لي زول .. يداري دموعه بي توب الضحك
ومرات يفتش للبكا .. وما يلقي دمعه عشان يبك
***
لا تتكليني علي الحظوظ .. ما لي حظاً يندرك
والناس حظوظها تغيب تجيب .. وانا حظي في اللا شئ يسك
أحلامي ما بين الغيوب .. فرت طيوفها أبت ترك
وأحزاني تتعاقب فصول .. حابكاهن الأقدار حبك
***
أديتك البقدر عليه .. الطالباه والغير مطلبك
والقلب ما ملكت يداي .. طوّعتو ليك وأصبح ملك
وما باقي شرطاً في العقاب .. يرضيك ويرضي تصورك
غير روح خجوله من المروق ..منضاري في جسداً هلك

شهرزاد
02-19-2009, 12:19 PM
وين لاقيتك ؟!
قبل الآن أنا وين لاقيتك .. حسة عافي وراحة بال
إتمنيتك .. وإستنيتك .. رغم البين والأمد الطال
***
من وين جيتي ولي وين ماشي ؟! قبل إذيك وكيف الحال
قبال تملي مدارك عقلي .. وتدخلي باب الخاطره سؤال
وتطلعي من أفكاري قصيده .. تندا أشواق عبر الأجيال
تروي فصول أياماً ضاعت .. وسر الريده الما ينقال
***
يارب وين نحن إتلاقينا ؟! .. أبدا يوم ما كنتي خيال
ياها عيونك وصفرة لونك .. وفرة فاطر البسم الشال
ياها هداوتك حين تتهادي , تتهادي وينهادي هلال
كان ودرتك كنت أودر ذاتي .. ذاتي بلاكي بقاها محال
***
إتذكرتك بين بنوتنا .. وناس حلتنا وساحة الفال
الحوليك شالوك غنيوه .. وجاريه مشاعر الناس شلال
ترقصي يا الرقصتي قلوبنا .. وميلتينا يمين وشمال
قولة سيْ ما انقطعت منك .. إلا جنا الغزلان جفال
***
إتذكرتك رغم الواقع .. وطول أحزان ما بينا مجال
تسري سراة الليل ما تهجع .. تصبح وباقي الهم يتكال
كان الذكري تقرب نازح .. أو من حالي .. حال
أو قد مره يطاوع حظي .. وأصل النجم الماينطال
***
أيوة عرفتك .. وأتحسستك وصوتك في الأعماق لازال
أبداً صورتك ما بتغباني في أحلامي وفي الآمال
في الجايات والفاتن وعدّن .. من غنواتي وفي الموال
إلاّ كمان من يوم ما غبتي .. ما عرّج منك مرسال
***
وحسع جيتي زماناً وليّ .. وباكيه شموسو علي الأطلال
تنادّي خيوط الذكري الأولي .. أنا كم للذكري نسجت حبال
وإسترجعت طيوف أحلامك .. إلاّ شنو الفضل في البال
كل آمانينا وأحلامنا .. كان مويةً في غربال

شهرزاد
02-22-2009, 08:34 AM
العشق المجنون
أديني أمانك .. أديني
واحات الريد ألفي عينيك
قوديني عليهن .. وديني
***
جاييك مرسون بي رسن الشوق
قايدني هواك من أرض النوح
شلت خطواتي قيود .. الهم
إتوطي علي قلبي .. المجروح
يا أمنيه لسع ميسها .. بعيــــد
في دابا صبر صابرينا .. يروح
ما دام الله سواك لي .. روح
هيا أسري في جوفي وأحييني
أحييني عشان أنظر محياك
ما خالقو أهداكي سماح الكون
وأهداكي عيون تحي .. وتكتل
وإن رادت شئ بي أمرو يكون
فتشت نواحي الدنيا وجيت
مالقيت لي شقاي من غيرك عون
علمتيني العشق المجنون
جالسيني وفي شرعو أفتيني
***
أفتيني في حكم الهوي بالذات
في نص المادة الفيهو تقول
(يظلم من حبا ولو مظلوم
لا شاهد لا دفعاً .. مقبول
ولو قتل الحب عاشق عمداً
العدل مع القاتل علي طول )
طيب ما ذنب المات مقتول ؟!
ما تردي علي .. حيرتيني
***
حيرتيني وحيرتي .. معاي
ناساً في الريد كان ليهم باع
شلتك جواي أشواق أشواق
وأبعد ما تكوني عن .. الملتاع
لو هنت عليك وهانتني أيام
خليني أجابد الأمل الضاع
يمكن يفرد للفرحة شراع
يعبر يم حزني ويرسيني
***
يرسيني علي شاطئ الأحلام
في عالم ما بحدو الإدراك
بهرت ألوان روضه طيورو
وغنت للخلد .. وما أدراك
نزلت أنجم ليلو أزاهر
أزهارو نجوم صبحو الضحاك
أهرب من ريدك وفيه ألقاك
ألقاكي وتاني تلاقيني ...
أديني أمانك .. أديني

شهرزاد
02-22-2009, 08:38 AM
التحــدي
مجالس شعرانا ضجت محيرها نومك وصحاك
وبنات أفكاري تحلق .. تتوه بين أرضك وسماك
***
مدلّله يابت زمانك .. سبقتي القبلك ووراك
مثل هارون الخليفه .. وكت يتباروا شعراك
يشدوا غنوات القصايد .. وسنان أقلامن تحاكي
عيونك وكتين توقل .. وتحين لي ضرري وهلاكي
***
غريبة إنو يخلّوا زولن .. وغصب ينحازوا تالاكي
ويظلموا الظالماه ديمي .. ويكوسوا عفوك ورضاك
مع إنك ياكي الجنيتي .. ومع إني أنا يا الجيت شاكي
ومحاضر ريدك بتشهد .. بدايتك وبعد إنتهاك
***
أريت لو كانت حروفن .. تغير ميزان هواك
وتقلل حالي العليّ .. وتزيد صبري علي جفاك
إذا نمتي علي الخواطر .. وشغلتي أفكارن معاك
وكت تصحي علي غرورك .. منو البدنيك من علاك
***
مخيره ده يالفيي مرادك .. عناد إخلاصك ووفاك
ومسيّره كيفن تمرقي .. من الكون الإحتواك
جاهدي قدر ما تجاهدي .. معاي ما بتبعد خطاك
ولا بيساعدك نفوذك .. وإرادتي تحتم لقاك
***
جبرني هواك ما جبرتك .. وأعوذ بالله من هواك
وجحيمو الواقودو صدك .. ونفورك وشدة قساك
إذا ما إنسانك محنه .. ورجيت شن فايدة رجاك ؟!
وإذا ما المحبوب تنكر .. علام .. علام التباكي ؟!

شهرزاد
02-24-2009, 10:06 AM
المــلامه
إتغيرت أنا أتغير ؟! محال ياروحي أنا اتغير
وحاتك إني لا حبيت ولايوم في سواك فكر
***
خطاباتك تعاتبني وأتوه في سطورها إتحسر
علي الأمل البنيتو عليك وعمري الخايفو يتودر
وأكتب ليك عشان أرضيك أقبل لومي وأتعذر
وألوم في قلبي ليه ينساك وعارفو قليبي ما بيقدر
***
كيفن هان علي أنساك وأنسي العشره وإتنكر
وكيف يجفاك قليباً لي بعد في حبك إتوكر
أصبح كل مناي ألقاك أفرح وخاطري بيك ينسر
ودرباً في العمر سرناه نحن وياك نفرشو زهر
***
أريت ليلاً يشيلني معاك لي بلداً بعيده سفر
بلداً لافي زول طلاها لا زولاً يجيبلو خبر
ووكت الليل يعم الكون وفوق لرباه يتحكر
يسدل من ضفايرو السود وإتوسد ضفايرو أسهر
***
أجمع من نجومو الشارده أنظم ليك عقود ودرر
وأهديك من رياض أشواقي باقات من ورود وزهر
أقولك شوفي يامحبوبه روضنا بعد يباس إخضر
ونسمات الصباح طلت تعانق زهرو تتعطر
***
تخاف الليل حكاوينا ونضمها في عناق وسمر
وتنسج توب أماسينا تظرزو من غنانا صور
نعاين في البعيد نجمات نشد فوقن قليبي وتر
وأعزف من ربابو نغيم زمان كان بيه يتأثر
***
بسمايتك تطمني ويزيد بيها الأمل .. يكبر
وعيونك تلهب الأشواق وداخل قلبي تتفجر
وأتوه أنا في ظلام ليلاً تهبو النسمة يتبعثر
ويتماوج أمام عيني يظهر من خلالو قمر
***
أودع همي بي رؤياكي لا أحزن ولا أتكدر
وأعاهدك إني أصون حباً نما وبين الضلوع خدر
أحس إنو الزمن صافاني قربك وليّ إتأخر
وأشعر إني نلت سعادة قبلي أنا ما لقاها بشر

شهرزاد
02-24-2009, 10:09 AM
اواخر الليل
غنيتك اواخر الليل غنوات والعالم مابين غافي وحاس
ياغايبة وحاضره ووكتيه ياطالعه ونازله مع الأنفاس
***
غنيتك فرح أكبر من كون اشكال الوان افاق وابعاد
غنيتك حزناً شالو الهم كحل عينين من غير مرواد
غنيت لقاك شعوتني الشوق لا ضقت غميد لا شفت رقاد
لامن حننتا القافيه دموع عطرتبا صورتك والكراس
***
غنيت طانشت هواجس الليل لكن الليل طانشني وطال
شتان ما بين ليل زول موجوع وليل زول رافل في الزين والفال
أقصر أو طول يا ليل تنزاح لابد من صبحا يرفي الحال
ماك أصعب من يوماً في العيد شهاني الفرح الشالو الناس
***
معليش لو مره اتزاعلنا أو حتي حصل بيناتنا خصام
دا ما معناه إنك تقسي وترميها اللايمه علي الأقسام
انتي البرضاك اوهتي الريد وفي حق الريد والله حرام
معقول الببني الريده سنين يرجع في غفله يهد الساس ؟
***
أنا ما ياني الخضرت الحن حاحيت من فوقو جفاك وجفاي
عشعشتك في الخاطر ذكري وما كان الخاطر ليك نساي
لا انتي بتشبهك القسوة لا كت بتخيل تبقي جزائ
اتخيلي حال زولاً عاشق معشوقو إرتد عن الأخلاص !!
***
كيف تبقي تحب لو ما عانيت وما شلت الحب آلام وجراح ؟
والحب لو ما ودّر بالزول ما بكون في نظري الحب الصاح
والقلب البات بالحب مهموم احسن من قلباً نام مرتاح
وأنا عندي سماحة الريد في اتنين آنات الليل والطرف الحاس

شهرزاد
02-24-2009, 10:11 AM
المتــلاشي
أحكي ليكم قصة غريبه .. قصة زول شال غلبو وراح
أول مره تشكك فيها .. وتتخيلا تبقالك صاح
***
من شافع ما فك الأول .. وكل سنينو قضاها نجاح
لامن دخل الجامعة تفوق .. قامت وقعدت لو الأفراح
كان في طموحو مهندس بارع .. ولا يكون دكتور جراح
خمسة سنين للجامعة يساسق .. لا عطلات لا يوم أرتاح
***
وإتخرج .. ساعة ما أتخرج .. فكر يمشي يكوس لو وظيفة
فوقو ديون من أمو وأبوه .. يسددا قال من مهنة شريفة
ياكل ويشرب .. حامد شاكر .. حتي إن ما فضلت تعريفة
وأوضة الطين وضل الراكوبة .. عندو أخير من قصر الباح
***
خمسة سنين صاحبنا بيجري .. وكل الدور تقفل أبوابه
شان لا عندو وسيط يمشيلو .. لا بالفيهن عندو قرابة
خمسة سنين راحت من عمرو .. ويبقي معاها كتير الراح
***
فوق الخامسي ردف للساتي .. همو أكشاك ومحلات شاي
يبقي يصادفو إعلان في جريدة .. ولا من الجالسين الرأي
قعدتو قعدة زول مشلهت .. وفكرو يدولق غادي وجاي
فعلاً صادف شركة بتعلن .. عن أشغال ورواتب صاح
***
قرب يصرخ من الفرحة .. لامن خشمو أخدلو رعيشه
هز جيوبو عشان يشريها .. تاني اتنازل عن فتيشه
أتذكر في أسبوع كان قوتو .. دردوم دكوة ونص العيشة
في الآخر أكتفي بي نظرة .. وروح قابض غلبو الشاح
***
ما نام لامن باكر بدر .. وزادو معاه الخرم الجوع
سجلوا إسمو وشافوا أوراقو .. ووعدوا يجيهم بعد أسبوع
وراح يحلم بأنو أتعين .. ورقو مدير فوق عشرة فروع
وفجأة أستيقظ صنقع دنقر .. وقال يازول ربك فتاح
***
بعد أسبوع .. وراجع للشركة .. ناقش نفسو في أمر غريب
ليه سيد الدكان ما رد .. (صباح الخير) مع إنو قريب ؟!
وليه كمساري الحافلة اتعدي .. وما طقطقلو وقالو تجيب ؟!
وليه لمن واقف يتسرح .. صورتو أمامو بقت رحراح ؟!
***
غايتو أتناسي وقدم ورقو .. والمسئول سامع وما شايف
غير أوراق من مافي اتمدت .. واستقبلا استقبال خايف
وراح مفزوع يسأل في نفسو .. (حتي الجان ما لاقي وظايف)؟!
باكر بمشي وأخلي الشركة .. طالما الشركة أتملت أشباح
***
رد عليهو الصوت من تاني .. أرجع ولا تسئ التفكير
أنا إنسان عايش بيناتكم .. إلا اتلاشيت بالدردير
وما دام ما لي قسمه معاكم .. هاتو أوراقي وشوفو الغير
وظل الزول ظاهرة كونية .. وما معروف للناس وين راح !!

شهرزاد
02-24-2009, 11:12 AM
ريح الصبا
أمشي ليها ياريح الصبا وهبّي
جيبي ليّ ردها لو تدور قربي
***
قولي ليها أنا أن حبيت ما ذنبي
الحب ما قصدتو هو يا هو القصد دربي
يعلم بي الله في دافع خفي أثر بي
وبلا أشعر لقيت رويحتي منسلبي
***
من اليومو داك باقي الدموع شربي
وباقي فراشي جمراً فوقو متكبي
وآتعبي وشقاي .. وآحسرتي وغلبي
مالي أنا زي يتيم بالعبرة متربي
***
مع عينيها شن سويت ياربي
كلما تشوفني تتفلت بلا سبي
بتهددني شان عرفت ضعيف قلبي
ولا دا من حناناً فيها بتخبي
***
الله أنا من صديراً ديمة متعبي
ويا ساتر علي لو كان قصد حربي
طلبتك بي إله الكون وكل نبي
أمسكي عليك لا يتفك يغدر بي
***
ما أنا زولك البهواك ياحبي
درت أعداي عشانك وليك كره صحبي
في عطفك سعادتي ومن قساك حسبي
يا فرحي وبكاي ويا علتي وطبي
***
قلبي زمن يلاهيبك دحين خاطبي
ولو خليتي مين غيرك بيدري البي
عنادك سيبي وريهو أنت بتحبي
وزيدي قليل حنانك وبالكتير طالبي

شهرزاد
02-24-2009, 11:14 AM
التحــدي (1)
نومي غريرة في خدرك إذا ما ضماك ليل
وخليني أنا للدرادر وسهاد الليل الطويل
***
معاك قبلان التحدي وبسوم ليه الروح عديل
وأشوف لا وين لي يودي عنادك والمستحيل
أعصفي شوق لا تهدي اليخم فوق رأسي ويكيل
أنسي أو أتناسي ودي وميلي خلاف ما أميل
***
هيا أدعي زبانية عذابك إذا شايفي البي قليل
وإذا ويلك عندي جنة أكيد بعشق كل ويل
سوي سواة قوم آذر ووقود ناري للخليل
ونارك برداً وسلاماً علي قلباً بيك عليل
***
أدفري قواسيك علي مجرق وليهن بشيل
وحتي الضالات طريقن علي أبقالن دليل
يسوّن زي ما يسون شنو الأكتر من قبيل ؟
وشنو الفضل مني يرغب صباح الفرح الجميل
***
جفاك هجيراً يحرق وأكوس في ضلك ضليل
وضل الدوم يرمي غادي ويحرم التحتو المقيل
سوابق همك ولواحقو أفوت من ديل ألقي ديل
وأقع بيناتن ممنع وألم باقي الصبر حيل
***
متلما الله حباكي نواعس وطرفاً كحيل
وسيوف تبرق بين لواحظ تكاد تسمعك الصليل
حباني مواضي القوافي وشياطين أشعاري خيل
أجاجيبا أمثال عيونك وأتشرف أموت قتيل
***
عشان لا يسعد بلاهن ولا غيرن لي سبيل
ولا بقدر أفوت حجاهن ولا بيحلالي الرحيل
خصامك وشدة قساوتك أخير من عطف البديل
ويقل عطفك ولا يكتر يقابلو الشكر الجزيل

شهرزاد
02-24-2009, 11:16 AM
كاتب القدر
أكتبني يا كاتب القدر أكتبني والمحفوظ شهود
أكتبني إني عشقتها قبال نري النور والوجود
***
قبل الزمان وقبل المكان في عالم الغيب والجمود
روحين علي الريد إلتقن قبال يكون للريد وجود
نزعنو من رحم العدم ختنو في مهد الخلود
من عهد (ألست بربكم) يوم خرت الأرواح سجود
***
في رحلة المجهول سرن عبرن مساحات الزمان
عاشن علي الود وأخلصن في كون ملون بالحنان
سبحان من وهب الجمال من قال للحب كن فكان
خلّ الفراش في العاشقين يهوي الآزاهر والورود
***
أول صباح صحي الوجود ولبست دنانا النور وشاح
كنا وتالتنا الهوي نتقاسم اللهو المباح
لا شافت العينين دموع أبدا ولا أتخلق النواح
غير بسمة راكه علي الشفاه دافعاها ريده بلا حدود
***
جرت المقاير بالفراق .. اروح بلاد وتروح بلاد
ويمضن سنين يتعاقبن وتصبح دهور من غير عداد
أنا في رجاها هي في رجاي نتلاقا تاني علي الوداد
مهما الزمن يمتد بين .. لابد يوم بالليم يجود
***
أحلي الصدف من غير ميعاد يتقابل الخل والخليل
في الدنيا أو غيرها طالما الليقه هي الحلم الجميل
لولا الأمل ما عاشوا ناس في الدنيا بالحظ القليل
ويافاقد الأمل العريض مين قالك المضي لا يعود

شهرزاد
02-24-2009, 11:33 AM
زغـــرودة
زغردي يمه في البلد البعيدي .. جابو لي وليد والليلة عيدي
***
أنا الراجيهو زمناً مو قريب .. أشوفا طفولتي في وجه الرحيّب
دا ماهو الأبله الدايماً مغيّب .. عشا أماتو قنّاع أم سبيّب
***
ولداً لي أبوه يكون ضراعو .. يا سلام في روقته وأخلاقه وطباعو
يرجّع لي سنيني المني ضاعو .. كلامو اليجبر الزول لاستماعو
***
ماك الصار وشيهو ويوت مكشّر .. ومن المده كفك ما بيقصر
عشيمك تلفا في اليوم المعسر .. وتصبح وتمسي فوق خيرك تبشّر
***
إنت نسل الما بيضيمولن ولايه .. ناس الفاتحي واللوح والدوايه
خلاويهن معمره بالتلايه .. ومريضن يشفوا بي رشة محايه
***
جدودك في الفتيح راقدين سويه .. وأبوك ود موسي هوان البله
أبوك الكنّيابي أسد البنية .. وأماتك غبيشي بتد رويه
***
يجوك من أوسلي قاطعين الفيافي .. يقولوا ولدنا ما دلا وعوافي
فوق راسك يذكروا أسم الله كافي .. وجسيمك يمسحوا ويملوهوا عافي
***
تكبر أنت ياعكاز عمايا .. وراكوبة مقيل ضلي وضرايا
تخلفلك عشرتولاد صبايا .. تعيش المية مية .. ومية جايا

اب دربين
03-16-2009, 08:01 AM
والله ياشهرزاد نعم التوثيق للشاعر الهرم ابراهيم ابنعوف والشاعر ابنعوف مدرسة شعرية فريدة وشاعر له ثقله ووزنه ومن الشعراء الفطاحله كيف لا وهو يعلمنا معني التحدي وعزة النفس ومع ذلك الحب الصادق والشريف وكيف ان الحلم يصبح حقيقة وكل المعاني السامية والعالية .
شهرزاد مجهود مقدر ويستحق الاشادة والتقدير وانت احد أعمدة منتدي الشعر بل احد اعمدة موقع البركل هذا الصرح الشامخ ولطالما تمنيت أن أكون عضوا به

وشيشك بي بشيشك أصحي صحاكي ونومك يشفق
وجيبي جفاك وأزرعيهو قصاد الحن المدفق
كفاية اشوف في عيونك تغني الدنيا وتصفق
وبعد داك نومي إطمئني ولومك في خاطري ممحي

تقبل مروري الضئيل امام مجهودكم الكبير للتوثيق
تقديري واحترامي

شهرزاد
03-18-2009, 09:56 AM
والله ياشهرزاد نعم التوثيق للشاعر الهرم ابراهيم ابنعوف والشاعر ابنعوف مدرسة شعرية فريدة وشاعر له ثقله ووزنه ومن الشعراء الفطاحله كيف لا وهو يعلمنا معني التحدي وعزة النفس ومع ذلك الحب الصادق والشريف وكيف ان الحلم يصبح حقيقة وكل المعاني السامية والعالية .


شهرزاد مجهود مقدر ويستحق الاشادة والتقدير وانت احد أعمدة منتدي الشعر بل احد اعمدة موقع البركل هذا الصرح الشامخ ولطالما تمنيت أن أكون عضوا به

وشيشك بي بشيشك أصحي صحاكي ونومك يشفق
وجيبي جفاك وأزرعيهو قصاد الحن المدفق
كفاية اشوف في عيونك تغني الدنيا وتصفق
وبعد داك نومي إطمئني ولومك في خاطري ممحي

تقبل مروري الضئيل امام مجهودكم الكبير للتوثيق

تقديري واحترامي


الأخ اب دربين
الشاعر / إبراهيم أبنعوف ...
شاعر التحدي ـ والعيون ـ والحزن ـ
غني لليل حتي أبكاه ..
فوحده هو من يستمع إلي نشيجه حين يعلو ...
غني للحب ـ
للفراق ـ
وللوطن ـ
ندعو له بالصحة والعافية ,,
ـــــــــ
الأخ اب دربين مرورك كان كبيراً
بحجم التشجيع والدعم المعنوي الذي تضمنه ـ
شكراً كثيرا ,,

شهرزاد
03-18-2009, 10:02 AM
دمعــــة


علي فقيد الفن والشباب




أيها القارئ الكريم :
(كل نفس ذائقه الموت , والبقاء لله وحده)
بهذه الكلمات أقدم هذا الرثاء .. مهديا إلي روح أخي ولا أقول صديقي .. لأن الصداقه لها حدود , وليس الاخاً بمحدود ..
الفنان المبدع (يس عبد العظيم) ..
وإن جادت تلك الكلمات العقيمة والتي نسجت في ليل الحزن العميق بين خلجة العبرات وذرف الدموع . في تلك اللحظات المريره , واتت بما ستقرؤه بعد : فأنها وقطعاً لا تفي الموهبه والروعة .. والإبداع حقه .. في شخص هذا الدر المفقود .
وأنا إذ أرثيه فأني لا أرثي إلا نجمة وهجت في سماء الفن والتي قد ظهرت فجأة بيننا ولكنها غابت قبل أن تمهلنا التأمل فيها ..
هذا الذي ارثيه , ستظل الحروف ترثيه منحوتة علي صدر الزمان . آلا رحم الله فقيدنا العزيز , وأنزله عنده منزلة الصديقين والشهداء والهمنا جميعا الصبر وحسن العزاء , ولا حول ولا قوة إلا بالله العلي العظيم .
(إبراهيم أبنعوف / أكتوبر ـ1987م)



إن كان ما الأجل بدري اتكتب في اللوح
أو كان النفوس تتفدي , روح .. بي روح
ما كان ... مت ياغريد بلابل الدوح
وآحي .. وآ وحيح قلباً عليك مجروح
***
بنوت الشعر الليلة ليش ... ساكتات
شبن في صدور كل الغناة .. وراواة
هينن الرماد كبن علي القافيات
أبكن ومنحن ونوحن مع النايحات
***
أثكلن الجنا الماب يتولد لامات
ارثن روعة الفن البملك الذات
في (ليل الغلابه وحمتو والشافعات
يلا أها سوون (الحي ووب) عريسكن مات
وماتت طيبة في الوجه التملي صبوح
أحي وآ وحيحي قلباً عليك مجروح
***
قولن ليه يا النجم السطع في سماك
غبت بلا خبر شن شفت في دنياك
صغير وما بقيت مالو القبير ضماك
لا شفت الجديد لا نحنا .. سيرناك
وآ أسفي الشديد واسفاً عليه صباك
يا البكيت قلوب كانت عزاها غناك
قطع كبد أبوك وأمل .. الراجاك
واخواتك يجرن في المناحه نباك
واخوانك منو الفيهم عليك ما بنوح
أحي , وآ وحيح قلباً عليك مجروح
***
كنت إنسان ملايكي وماك زول شرير
وصدرك كان يصفي الشر يمسك الخير
يا شيال هموم الناس كبير وصغير
عالجت المريض شلت الكسيح وعزير
وكنت علي حساب نفسك تجامل الغير
الا الدنيا صح غشاشه ما دار خير
وسمح العشره ياهو الفيها عمرو قصير
والطب والعلاج من الأجل .. ما بجير
وزايله الدنيا يالفوق النعش مطروح
أحي , وآ وحيح قلباً عليك مجروح
***
ما كان قصدي أجامل فيك يوم الشين
قصدي القاك عريس بين العديل والزين
قصدي تهزو سوطك والجنيات راكزين
قصدي غنا البنات والسيرة .. لي يس
وجات الفرحه فوق عتب الفريق عرزين
كربه وأبكر العفاض شمال ويمين
راجين يوم جديدك وكلهم دايرين
يردولك جمايلك يا الوليد الزين
وياريت كنت عشت والأماني تروح
أحي , وآ وحيح قلباً عليك مجروح
***
كيفن (ياالرميله) شمالنا .. ما يحزن
بايني احزانو فوق نخل انتني .. ودندن
في النيل في الجروف في الصوبن عدن
فوق وجه البنيات الملن .. وصدن
في الجنيات في السلك الوقف ما رن
فوق قيزان رمالو الهيلن وكبن
حزين اداك وليدو المافي ليهو وزن
ويا بخت التراب الضم كل الفن
وضم اجمل رسالة اجمل متون وشروح
أحي وآ وحيح قلباً عليك مجروح
***
كيف حال الأهل وحال العشيرة عموم
وكيف حال أمك التفطر عليك وتصوم
وكيف حال الصحاب حين سمعوا خبر الشوم
شطاب , والعوض ود أحمد المكلوم
ناس توفيق كذا الزين لا ولد توم
حميد والحبيب جاد ونور القوم
شيخ ود بادي في وصف الكرام مفهوم
وكيف حالي الغلبني ارثاك مجافي النوم
أبكي وتبكي إرقي واوسلي منصوركتي , سافل ابدوم
كونو اصعب فراقك من فراق الروح
أحي , وآ وحيح قلباً عليك مجروح
***
الموت اصلو حق , إلا المصيبه كمان
ما قادرين نصدق يوم رحيلك كان
معقول يرحل البيناتنا كان رحمن ؟
معقول يسكت الصداح علي الأفنان ؟
معقول يرحل الطرب الغشي الوجدان ؟
وتتكسر الربابه وتصمت الألحان ؟
كان ما أمر الله كان قلنا الملك وهمان ؟
ودي أول مره مات الفن مع الفنان
آ ياعرب الحجاز عزونا في حسان
نحنا اليوم فقدنا الطيب الإنسان
وفقدنا ليه لا بيكون ولا قد .. كان
ويا هول القدر في سواد عيون النوح
أحي وآ وحيح قلباً عليك مجروح
***
سلام الله عليك يسن مع الأخيار
سلاماً يوم جيت شرفت هادي الدار
وسلاماً يوم مت ويوم نعشك سار
وسلاماً يوم تقوم وتبعث مع الأبرار
وعليك سلامنا بالآلاف من التكرار
سلام أرق من نسماً من الأسحار
وأزكي وأحلي من نفحة شذي الأزهار
ما طلع الصباح ... ما غنت الأطيار
وما غرد علي سفح الروابي كنار
وما (بوبا) القمر وإتجمعوا السمار
وما صدحت لحون , وما قيلت الأشعار
وما عزف الرباب واترنمت أوتار
ولا يوم النشور يومة تعود الروح
أحي وآ وحيح قلباً عليك مجروح
***
(يس) جاك غريب أغفرلو يا مولاي
غفران ذلة العبد الدوام نساي
سحاب الرحمه فوق قبرو اليكب بكاي
وأنزلو منزلة عبداً تقي وصلاي
وعوضو في شبابو الجنه يا عطــاي
فوق ميمونه يسرح فيها جاي لآجاي
وأكرمو بي (حواري) وقولو هذا جزاي
وزوجو من حسان , كان للحسان غناي
ات ياك الكريم ال للضعيف .. رتاي
وياك الباقي ازل وكل الخليقه تروح
أحي وآ وحيح قلباً عليك مجروح .

شهرزاد
03-18-2009, 11:25 AM
بـلا ميعـاد


بنتظرك بلاميعـاد
بينك والأماني يطول رجا الفرح المشا وما عاد
تعالي مع الزمن موال أمدو على ليـالي السو
أدندن بيك للحجرات وللنسمه المباري النــو
أصفق والقمر يرقص مع الموج المراقص الضو
أطنبر بيك للأشواق
وأسمعك أي زول مشتاق
وأكتب لا القلم عاجز ولا يوم جف فــيه مـداد
تعالي ندرج الأيام على درب الهـوى الوحيد
نلملم من فراقنا كلام نلحنو يوم لقانا نشــيد
غيابك بح صوت الناي وراك تاهت غناوي الريد
طلي من الصباح اشراق
يراري على ندى الأوراق
يصحي عيون فراش حائــر على خفر الغصن الناد
تعالي بلا خبر برجاك على وقد الهوى المقدوح
وعلىالحزن البعاتب الهم وهـم روحا يسل الروح
يشحتفه ديمة بي أشواق بسيمتك والوشي المطروح
أنادي عليك من الأعماق
أشارف وجهك التـاواق
أشاشي على مدن عينيك وأرحل من بلاد لبـلاد
أدخلي ووزعي الأفراح على كل البيوت في الحي
وأبقي غنيوة القاعدين ومساديـر البشقو الصي
دا كان كلامي معـاك دا كان آخر حديثك لي
وقت كان الزمان حواق
قبل ما يجري بينا فراق
قبل ما تهب رياح البين وتكشح فوق وجوهنا سواد
بنتظرك بلا ميعاد موهدب الا كلي عشم
على عتب الأمل ساند ضهر صبري النقص ومـا تم
تعالي أيام زماني وحيد بلاك وشي حياتي سجم
بيني ولو على الآفاق
بدايات المطر نقناق
مطر فرحك على الأحزان حديثا تاني مابنزاد

عوض جلاس
03-30-2009, 05:30 PM
الغالية شهرزاد
تسلم الأيادي والله على هذا الجهد المضني
والله يديك العافية ما قصرتي تب
ونتمنى تواصلي في هذا المجال الرائع
للتوثيق لمبدعي شمالنا الحبيب
تقبلي مروري البسيط

ود المقل
04-04-2009, 11:42 AM
الأستاذه شهر ذاد .
والله وقفت ساعات هنا أود أن أعلق علي هذا
العمل الجميل ... ولكن كنت كلما أرتب الكلمات
أجدها تنزوي خجلأ أمام هذا الأبداع ...
لا أدري أسجل أولأ تقديري وإمتناني العظيم لك
علي هذا التوثيق الأنيق الذي يدل علي رهافة حسك
الفني الجميل المترع بالأحاسيس ....
أم أقول في حق الأخ والصديق الشاعر الكبير ( ود أبنعوف )
كلمات أعلم أنها لن تضيف له شيئأ ... مهما قلت يا شهر ذاد
فإنها قطرات في محيط !!
بالأمس كنت مع الأخ ود أبنعوف في ليلة صوفيه في ربوع أبونا
الشيخ ود أبراهيم في أمبده .. والحق يقال هذا الفنان الشاعر ود أبنعوف
مسكون بحب المديح حد الثماله .. وتحركه أشعار حاج الماحي وأبونا
البرعي وتجعله في حالة وجد صوفي شفيف ..
تجاذبنا الكثير من الأحاديث حول أشعاره .. وكنت دومأ أسأل عن مطلع
قصيدته ( نومي أصحي علي غرورك ) التي وجدتها في توثيقك الرايع
هذا وأيضأ لم أجد مطلعها .. وفي التسجيل الكاسيت غير واضح المطلع ..
سألته فقال لي المطلع وكم هو جميل :
نشوف غرويدة صحاكي .. ونقولك يا نايمي أصحي ..
نودر وننسي إنو ناعسي .. وناعس الله منو البصحي ؟؟
الله عليك يا ود أبنعوف .. أثابك الله شفاءأ لا يغادر سغمأ ... ومتعك
بالصحة والعافيه ..
ولك يا بازخه شهر ذاد وعد الصدق أن نتابع يراعك هذا أين ما حل
فإنه والله يراع جميل لايترك وراءه إلا اثرأ جميلأ ...
لك الإعزاز معنأ وقولأ ....... وجميل الأماني

شهرزاد
04-05-2009, 11:42 AM
الغالية شهرزاد
تسلم الأيادي والله على هذا الجهد المضني
والله يديك العافية ما قصرتي تب
ونتمنى تواصلي في هذا المجال الرائع
للتوثيق لمبدعي شمالنا الحبيب
تقبلي مروري البسيط

الأخ العزيز عوض جلاس
اشكر لك غرس حضورك هنا ليستظل بك المكان
لك ألف تحية ..
وخالص الإحترام والتقدير ,,

شهرزاد
04-05-2009, 11:50 AM
الأستاذه شهر ذاد .
والله وقفت ساعات هنا أود أن أعلق علي هذا
العمل الجميل ... ولكن كنت كلما أرتب الكلمات
أجدها تنزوي خجلأ أمام هذا الأبداع ...
لا أدري أسجل أولأ تقديري وإمتناني العظيم لك
علي هذا التوثيق الأنيق الذي يدل علي رهافة حسك
الفني الجميل المترع بالأحاسيس ....
أم أقول في حق الأخ والصديق الشاعر الكبير ( ود أبنعوف )
كلمات أعلم أنها لن تضيف له شيئأ ... مهما قلت يا شهرزاد
فإنها قطرات في محيط !!
بالأمس كنت مع الأخ ود أبنعوف في ليلة صوفيه في ربوع أبونا
الشيخ ود أبراهيم في أمبده .. والحق يقال هذا الفنان الشاعر ود أبنعوف
مسكون بحب المديح حد الثماله .. وتحركه أشعار حاج الماحي وأبونا
البرعي وتجعله في حالة وجد صوفي شفيف ..
تجاذبنا الكثير من الأحاديث حول أشعاره .. وكنت دومأ أسأل عن مطلع
قصيدته ( نومي أصحي علي غرورك ) التي وجدتها في توثيقك الرايع
هذا وأيضأ لم أجد مطلعها .. وفي التسجيل الكاسيت غير واضح المطلع ..
سألته فقال لي المطلع وكم هو جميل :

نشوف غرويدة صحاكي .. ونقولك يا نايمي أصحي ..
نودر وننسي إنو ناعسي .. وناعس الله منو البصحي ؟؟
الله عليك يا ود أبنعوف .. أثابك الله شفاءأ لا يغادر سغمأ ... ومتعك
بالصحة والعافيه ..
ولك يا بازخه شهر ذاد وعد الصدق أن نتابع يراعك هذا أين ما حل
فإنه والله يراع جميل لايترك وراءه إلا اثرأ جميلأ ...
لك الإعزاز معنأ وقولأ ....... وجميل الأماني

لك من الشكر أجزله الأخ ود المقل
لمتابعتك هذا الإبداع وهذا الجمال النابع من شعراء شمالنا الحبيب
وشكراُ علي مطلع قصيدة (غرويدة صحاك) ....
هذا المطلع المتخم بالجمال ...
وسأضيفه للقصيدة بإذن الله ,,
ــــــ
إحترامي وتقديري ,,

شهرزاد
04-05-2009, 11:52 AM
أغنية للوطن
يابلد عاشق ترابك ... ومن ترابك عشقي نابع
زينة فوق ارضك طبيعتك ... جنة الله بلا منازع
***
انت طيب .. ياحبيب ... وطيبة فوق صدرك منابع
انت توتيك انت بركل ... وراسي للقاصدك يضارع
ياتواريخ للحضارة ... يا حضارة كتابها ناصع
ويا بطولاتاً تجلجل في ... العصور والمجد تابع
***
يجري نيلك فوق عديلك ... يسري بالخير والمنافع
شارفه جنات فوق ضفافك ... طيبها من عرق المزارع
ياسلام عند المغيرب ... سرب طير لاوكارو راجع
غني للأنسام شجونو ... وصفق الموج المسارع
***
في خريفك زاهي ريفك ... كاسيا هضره وصيدو راتع
وفي البعيد حد ما تعاين ... حاضن السماء للمزارع
تلقي تربالا مشمر ... في البرد والحر يصارع
هاشي باشي علي ديارو ... وراضي بالقسمو الله قانع
***
من صفاتك جن بناتك ... ولبسن التهذيب مقانع
بي حياهن وبي عفافن ... طششن عين المطامع
السميحات يا حلاتن ... يشبهن لك بدر ساطع
فتحت زهرات صباهن ... عاشقن للحسرة جارع
***
مرحبابك .. بي شبابك ... وشيبك الفي حماك يدافع
شالو اسمك في صدورن ... وسيفن اللي الفتنة رادع
يا وطن ليك التجله ... من رجاك جفت المضاجع
حيهم وبارك خطاهم ... ساعية للغيط والمصناع
***
يا حياتي .. وذكرياتي ... ويا هواي من قمت شافع
كم أحبك وأفدي حبك ... لا أجادل لا أمانع
يا وطن أهواك مخاطب ... يا وطن أهواك مسامع
يا وطن أهواك قضية ... فيها خاصم وبيها لاافع

شهرزاد
04-05-2009, 11:53 AM
عيونك ديل
عيونك ديل قليبي هن الأذنو .. ربي يسامحك كان عذبنو
***
مسكين في بحور الشوق رمنو ... تايه فوق دريبن ودرنو
مظلوم في الغرام ما أنصفنو ... وكمان ناوات عميرو يقصرنو
***
جافاهو المنام كم سهرنو باكي ... البيه ناح والحولو غنو
باكي الماضي والدمعات رونو ... كيف يعود ماضيه والأيام طونو
***
خلنو ونسن ريدتو ونسنو ما ... راعن ودادو وقدرنو
لا جادن عليه ولا طرنو ... ولا يوم في لماتن عشمنو
***
وروني الحصل إيه سمعو عنو ... وبس ليه السلام قطعنو منو
مات بالشوق عليهن ما بكنو ... وما أظن فـ تريبتو يريحنو
***
بقيت أبكي وبكاي الناس تظنو ... تقول ود أبنعوف عاد ليهو جنو
ما بكيت تعذيبي عارفو مقدرنو ... إلا بكاي علي قليبي الحطمنو
***
انا العارف عيونك ما بحنو ... لاون قليبي لامن فترنو
يصارع في الرموش متل التكنو ... قويرب جنو موجات غرقنو
***
يجيه الليل طبول الهم يرنو ... ويسوق سوقار مصايبو يكابرنو
إنت باقيلك بيسعد ؟ ما أظنو ... ياهو شقاه منك وإلا منو

شهرزاد
04-05-2009, 11:56 AM
أبكن ياعيون
الليلة أبكن ياعيون ... كتر وحيحك ياقلب
وينو الزمان يهدي الحنان ... من غير وداع راح محتجب
***
ليه يابا راحل دون وداع ... ما قلت من دنياك تعب
دايرنا نحن نعيش وراك ... كيف بي قليباً .. متخرب
ولا القدر جبرك تسيب ... ناس ليها ياما كت تحب
في الحسرة والأسي الهموم ... والعبره والدمع البكب
***
غشاشة .. يا دار الزوال ... كل النعيم الفيك كذب
كل ما تجودي الناس بخير ... يلقوه .. شرك متقلب
يادنيا ليه بتشيلي أبوي ... يادنيا حار جرح القلب
ما هسّ كان بيناتنا نور ... واليوم دريبو علي صعب
***
مابيرحم الموت يابا زول ... دايماً .. مسلط للسلب
أتام عيال .. خراب ديار ... بكاي عيوناً تنتحب
هو القدر .. هو الآجل ... هو المسطّر ومتكتب
رغم العلوم إتقدمت ... ياموت دواك ما عرفو طب
***
جاني الخبر في يوم رهيب ... في نفسي أشوفو كذب كذب
غشوني يابا وقالو لي ... راجيك أخوكي المغترب
يابا .. ما شفت العلي ... لمن عرفتك أنت غب
الكون ده شفتو عكس بعض ... حتي الشمس طلعت غرب
***
جيت للديار مافي بال ... البال وراك تب منشطب
جيت للديار وطعم الفراق ... في حلقي مرّ مراً كعب
جيت للديار ابكيك ودمع العين ... يسيل يسكب سكب
يا أبويا وآ أسفي الشديد ... ما جيت قبال .. تنترب
***
روحت ما خليت غير ... ذكري المحبين للمحب
ذكراك مقدسة في قليب ... أرضعتو حنين القلب
ذكراك رسمتها في الخيال ... بين النجوم في ليل ضهب
ذكراك دايماً في صحاي ... وعليها من النوم أشب
***
بذكرك عند الصباح ... مندلي للمزروع تقب
وبذكرك نصف النهار ... في نومه والنسام يهب
بذكرك عند المغيرب ... جاي طالع بالدرب
بذكرك في كل صلاة حتي ... الجمع حين تسمع الآذان تتب
***
الهي أبوي عندك غريب ... أغفر لو كل ذله وذنب
وارسل سحاب الرحمة يوت ... فوق قبرو يتزاحم يكب
وتأنسو بحرواً حسان ... لا تتوصف .. لا بتحسب
وأقبل دعاي قول لي أبوك .. في الجنة لا شقا لا تعب

ود حمزه
05-08-2009, 10:11 PM
[color=#8B0000][الشكر أجزله للاستاذه شهرزاد لهذا التوثيق الوافي
لشاعر عملاق سما في سماء وطننا الحبيب .

من نظرات عيونو الجارحى قلبى خِرِّبْ خـراب لا ديمـا

حبها شال سحب عقليتى مـا ظـن تانـى تبقـى سليمـة
أشكى لمين وأصارح مين الحـب عنـد أهلنـا جريمـة
كت فاكر بحـورا بعومـا لكـن صوبـت بـى الشيمـة
لى بر السلامة تعود بى يا الـزرع العنـب فـى خشيمـا
**************************
أحكي لمين واصارح مين الحب عند اهلنا جريمه- لله درك يا فارس الكلمه يا عبقري القوافي ....
والله انه لغاية الابداع -غاية الشجن واللوعه ان تكون ممكون من عذابات الحب ولا تستطيع ان تبوح بما يزلزل كيانك ( تفضفض) لترتاح .
هذه الاغنيه الرائعه تغني بها الفنان المتألق دائما محمد جباره في بداياته الرائعه وقد وردت في هذا المنتدي الرايع تحت عنوان( يا ريت)تحت هذا الرابط ...


http://albrkal.com/vb/showthread.php?t=2765

شهرزاد
06-08-2009, 09:27 AM
[color=#8b0000][الشكر أجزله للاستاذه شهرزاد لهذا التوثيق الوافي
لشاعر عملاق سما في سماء وطننا الحبيب .

من نظرات عيونو الجارحى قلبى خِرِّبْ خـراب لا ديمـا

حبها شال سحب عقليتى مـا ظـن تانـى تبقـى سليمـة
أشكى لمين وأصارح مين الحـب عنـد أهلنـا جريمـة
كت فاكر بحـورا بعومـا لكـن صوبـت بـى الشيمـة
لى بر السلامة تعود بى يا الـزرع العنـب فـى خشيمـا
**************************
أحكي لمين واصارح مين الحب عند اهلنا جريمه- لله درك يا فارس الكلمه يا عبقري القوافي ....
والله انه لغاية الابداع -غاية الشجن واللوعه ان تكون ممكون من عذابات الحب ولا تستطيع ان تبوح بما يزلزل كيانك ( تفضفض) لترتاح .
هذه الاغنيه الرائعه تغني بها الفنان المتألق دائما محمد جباره في بداياته الرائعه وقد وردت في هذا المنتدي الرايع تحت عنوان( يا ريت)تحت هذا الرابط ...


http://albrkal.com/vb/showthread.php?t=2765


الأخ ود حمزة
شكراً لللإضافة الجميلة ..
أسعدتني مشاركتك ..
ـــ
خالص تقديري ,,

شهرزاد
06-08-2009, 09:29 AM
حبيبتي أنا ؟؟
بتسألوا عن حبيبتي أنا
حبيبتي أنا ..
وسعادة عمري في الدنيا
الوراها فنا ؟؟
***
دي آمالي العريضة البيها أشوف
دنياي سرور وهنا
وصباحي الزار بعد ليلا ً
سهرتو ضني
حبيبية عمري , آمالي وأعز مني
وشعوري الفايضة في جواي
هناك .. وهنا
وحروفاً ديمة أفخر بيها وسط الناس
وفي الدارات أشيلا غنا
دي حبي البين ضلوعي
إشراق ونور وسنا
تسألوا عن حبيبتي انا ؟؟
***
اسألوا عنها بتلقوها
في كلمة سلام ما أتقال
وما قالو الحبيب لحبيبو ..
أبدأ .. وما خطر بالبال
في رنة نغيم سلكاية ..
وفي سيرة العديل والفال
وفي زغرودة في الدارة
وادين مرفوعة للشبال
بتظهر في جلال لقيا
وتبين في براءة أطفال
بتسألوا عن حبيبتي أنا ؟؟
***
حبيبتي نغم حنين ..
ينساب مع موال
من عالم بعيد جواي
يموج بالبهجة
ينسيك إنو لينا زوال
فيهو أحلم وأشوف واحات
خضرة كست تلال وجبال
عالم في ترابو الغالية
ما حطت رحال ورحّال
وما عبرت سهولو أحزان
ولا هجرت رحابو آمال
عالم .. عندي أشوفو حقيقة
إلا الناس تشوفو خيال
تسألوا عن حبيبتي أنا ؟؟
***
حبيبتي أنا من عهود الريدة
عهداً باليمين أوفيهو
وحتي ان كان شقيت في دابا
قلبي تكون سعادة عليه
شان لولاها ما كان ينسي
أيام مرة من ماضيه
شان لولاها ما كانت
تزور البسمة يوم شفتيه
شان لولاها ما دنياه
باسمة والحزن ناسيه
وشان لولاها
ماعاش في نعيم
الناس تحسدوا عليه
تسألوا عن حبيبتي أنا ؟؟

ابو شهد
06-10-2009, 08:36 AM
الرائعة شهرزاد
لك التحية وأنت تتحفيينا بروائع الشاعر القامة ابراهيم ابنعوف صاحب الكلمة الرصين والاحساس الصادق.
مدد
أبـــ شــهـد و

شهرزاد
06-15-2009, 11:33 AM
الرائعة شهرزاد
لك التحية وأنت تتحفيينا بروائع الشاعر القامة ابراهيم ابنعوف صاحب الكلمة الرصين والاحساس الصادق.
مدد
أبـــ شــهـد و

أخي أبو شهد
زين البوست .. حضورك الباهي
ـــ
شكراً ,,

شهرزاد
06-15-2009, 11:35 AM
بدر البدور
الليلة .. وين .. سافرت .. يا بدر البدور
ما أظنو قلبي وراك تاني يكون صبور
***
ما كت فاكر نتفرق ما كان ده في ذهني بيدور
ما كتّ بقول جنتنا ديك تزبل تجافيها الطيور
يسكت كنارا الكان يغني ويقلب الآلام سرور
ترجع فراشاتنا القبيل معتاده بي قبل الزهور
***
الليلة ما جات الرياح تحفر تقلع في الجذور
وكمان ينوح البوم سكن وفوقا الغراب حلق يدور
ما خلاص خلاص ضاع الأمل وأتهدا بنيان كم شهور
وإتبدلت بسماتنا دمعات حارة وأتقلب الشعور
***
ما فاكر الأيام تخوني .. والقدر يبقالي سور
ما فاكراك أنت تروح بعيد انا ليك ما أقدر أزور
ما فاكر أحتاج للزهور وكان كفي كلو ملان زهور
وما فاكر أفقد امل وانا عندي في الآمال بحور
***
ما فاكرك إنت بتجفي يوم قبال ده ما كتّ نفور
كيفن قدرّ بدلت طيبتك يا حبيبي بقيت تجور
وكيف هان عليك محيت صفحات من عهودنا مدادا نور
خليتني أجدد فيها تاني وبالدموع أكتب سطور
***
خليتني زي إنسان غريب حيران بيسأل كل زول
وزمناً قضيناه الجهل فوق قوز رمال وسط التمور
ما ألقي لي جيتك خبر وما ألقي لي دارك رسول
وأرجع حزين طاوي الألم وزمن الفراق يمتد يطول
***
وكتين عرفت محال أراك بقيت أكوس شبهك وادور
كان الشبه يروي العيون أو يسكت الجرح البغور
شبهت محياك بالقمر ومحياك فاقو كمال ونور
سبت القمر شلت الزهور وما إنت أندي من الزهور
***
أحسب سواد عينيك ليل لكن سواد الليل بزول
وبرضو الصباح جاب لي عبير لكنك أحلي من العطور
إحترت وين ألقي الشبه وشبهك ندر مر الدهور
كان قصدي لو في النوم أراك النوم بقالي وراك ضرور
***
كيفن يضوق الغمدة زولاً جسمو بالنيران يفور
نوثربو جرحو رقد عليل لشفه صعبتلو الأمور
ليلو ونهارو بكا ونحيب شاهدالوا نجمات السحور
صابر السنين لو كان صبر ما بصبر الألم الصبرت عليهو دور
***
تابعت ناس فارقتني وعارفاني لي شوفتك غيور
وعاهدتني إنك ما بتغيب والليلة تاباه الظهور
وينو الصبر لي زول بيلعن حظو لا يوم النشور
لو تاني عاد ليهو الصبر كان عادوا سكان القبور

شهرزاد
06-15-2009, 11:36 AM
الوصية
الله عالم يا حبيبة إنتي في دنياي تمني
بيك عاد إشراق صباحي وراح ظلام أحزاني مني
***
البمر أيه بي خواطرك مره لو سألوك .. عني ؟
دار تقولي أيه لي عوازل .. لا تبارك لا تهني ؟
قولي ليهم حبو سامي وقصدو يبني معاي جني
تاني فيها يعود ربيعنا ويحضن الأزهار يغني
***
أحكي عن أول لقانا وكيف معاك سارت خطاي
وعن مقاطع شعري لمن تندفع بي فيض هواي
مافي لحظة تمر بي خاطري إلاَ وأشواقك معاي
وكل أول ليه آخر إلاّ حبنا ... لا نهاية
***
أحكي ليهم عن صلاتنا ونحن بينا صلات حميمه
كيف روتنا وظللتنا وأصبحت في سمانا غيمه
لو تكون البينا عامري ياها جنتنا ونعيمه
مالنا مال الدنيا تاني أريتا ما فاتت جحيمه
***
لو يقولوا ليك خيالي في خيالي بقيتي صوره
أعذريهم ما بعرفوا إنتي نور عيني وسروره
لو يقولوا ليك بفارقك كيف تفارق القمره نوره
ولاّ عمرك يوم سمعتي بالفراش هجرت زهوره
***
بكره لما يجوك يسألوا كيف مع الدنيا وفراقه
قولي ليهم في بعادنا ومن قربنا نظل رفاقه
نحن ناس عاشت نفوسنا في وفا وأنبل صداقه
وحتي في الأحزان بنفتح لي دروب أفراحنا طاقه
***
أما أنا سألوني عنك وفي هواك أيه الرماني
لالا والله ده سر مقدس كاتمو في الأعماق وأعاني
كل كلماتي وحروفي ونظمي أشعاري وبياني
توحي إني أنا قطعه منك وبكره راجع لي مكاني

شهرزاد
06-15-2009, 11:38 AM
زولي الوسيم
يازولي الوسيم ليه البعاد وايه لازم الجفا البعد الوداد
***
علي حبي العظيم وإخلاصي ليك إنت ليه جازيتني بالنوح والسهاد
ما راعيت لي قلبي الجرحتو ولا دمعي الطفر بلَ ... الوساد
قصدت عذابي ما هماك رضاي وكم لرضاك جافيت العباد
لو لي نار غرامك ديمه صالي برضي أحب تكون لي النار مهاد
***
لو فكرت إني بحب سواك يمين لي سواك ما لان الفؤاد
كيف أعشق بلاك وقلبي عندك ومعاك لا عندي قدرة ولا مراد
إن أجبرت قلبي عشان يسيبك يعاكسني ألقي في إخلاصو زاد
تطيب لي العيشه قربك لو صعيبه وبلاك تضيق بي راحبت بلاد
***
أحاول النوم أقول في الطيف أقبالك لكن للجريح صعب الرقاد
شاحب لوني أصبح جسمي هيكل التقول في الدنيا مخلوق قبل عاد
انا الليلي ونهاري بقوا لي ليل ما بشوف في الدنيا غير السواد
جفاني صباحي زي ما إنت جافي ولاَ صباحي في محياك يعاد
***
حكيت الكافر الفي النار مخلد ينضج جسمو يلقي التاني عاد
لو كان ما الدموع الفيها عايم بدري كان جسمي إحترق أصبح رماد
وراك متحسر أبكي علي صباي لا رجع الصبا لا الماضي عاد
وياريت يوم رحلت بعدت عني كان في الدنيا آخري زاد
***
أبت أيام هناي تعودني مره وأكون محظوظ في الناس السعاد
بعد ما صاح غراب البين وقال لي رجوعك وشوفتي ليك أمور بعاد
ضريح الحب خلاصي أيامي تمت وخلاصي في سبيلو أكملت الجهاد
حضروا نعشي وأكتبو فوق قبري شهييد الحب قتيلك يا وداد

ود إدريس
06-15-2009, 11:45 AM
الأخت الرائعه شهرزاد .............
وما أن رايت تواجدك تيقنت أن هناك إبداعُ قادم .......
وعلى عجل دخلت ووجدت تلك الروائع للشاعر الرائع إبراهيم أبنعوف ؟
هذا عهدنا فيكى دومـــــــــــا نجد تحت واحتك كل جميل من تراث هذه
المنطقه المسكون بالشعر والغنـــــــــــــــاء وآلة الطمبور ...........
شكرا لك وشكرا لجهدك والذى يقدره الجميع ...تقبلى تحياتى

عصام سرالختم
10-04-2009, 03:43 AM
http://www.albrkal.com/upload/uploads/abnaoof2.jpg
الشاعر ابراهيم ابنعوف (تصوير الاخ التهامى كروم )

بوست توثيقى رائع يستحق ان يظل فى المقدمة دوما

شهرزاد
10-13-2009, 07:23 AM
الأخت الرائعه شهرزاد .............
وما أن رايت تواجدك تيقنت أن هناك إبداعُ قادم .......
وعلى عجل دخلت ووجدت تلك الروائع للشاعر الرائع إبراهيم أبنعوف ؟
هذا عهدنا فيكى دومـــــــــــا نجد تحت واحتك كل جميل من تراث هذه
المنطقه المسكون بالشعر والغنـــــــــــــــاء وآلة الطمبور ...........
شكرا لك وشكرا لجهدك والذى يقدره الجميع ...تقبلى تحياتى

الأخ ود ادريس
وهنا عهدنا بك متابعة بإهتمام وتذوق للكلمة الرصينة
طولت من المنتدي الشعري ومن البركل عموماً ...
عساك طيب ...
ننتظرك في الجديد من إبداعات شاعرنا ود أحمدون ..
ــــــــــ
إحترامي وتقديري ,,

شهرزاد
10-13-2009, 07:28 AM
بوست توثيقى رائع يستحق ان يظل فى المقدمة دوما

شكراً الأخ عصام سر الختم علي إدراج الصورة
فالبوستات التوثيقية تحتاج أن ندعمها بالصور والسيرة الذاتية
وكثير من المعلومات عن القصيدة والشاعر ...
التحية عبرك للشاعر إبراهيم أبنعوف ..

السر حليب
10-16-2009, 09:47 AM
تكتبــــوا خلة ماضــي الذكري
للتـــــاه فى الغرام ملهــــوف
ماعارفين حبـــال الذكـــــري
تنجـــــــر فـوق قليبو سيوف
***
ياخـــــــــــلا ان وصفتو البيـا
البي ما بنصيغو حـــــــــــروف
ما لســــــه وتـــــــراي للـبلـي
في سجـــــــن الغرام مـــكتوف
***
الحـــــــــال البتــوصفــو فيـهو
ظاهـر و للعيون مكشــــــــوف
والله العظــــــــــــيم كان تبـكو
لو شفتــــو الدفين في الجــوف
***
داجـــــــــــــــي علي ياخــلايا
اهيم والبال علي مغــــــــروف
مـــــــــــــا جايب خبير للدنيا
زي فاقد السمـــــــع والشوف
***
ناحل جسمــــــي شاحب لوني
زي زهرا ضبل مقطــــــوف
راسى من الهموم والحيـــــرة
زي الضاربي فوقــــــي دفوف

***
ياخلا البريـــــــــــــــــده قليبي
يوم لقياها ما معـــــــــــــروف
املتا وكتيــــــــــــــــر راجيها
خاب ظني ورجـــــع مكـسوف
***
ماقادر اقـــول خلــــــــــــــتني
او جارت عليـــــــــها ظــروف
ولا قــــــــــــادر اطمن نفســـي
من طارق الظنــــــــون والخوف
***
بقيـــــــــت اشــــتاق واحن لليل
اقول يمــــــــــكن خيالا يطوف
يرجع لي صوابــــي افيــــــــق
يعـــــــــود عقلى القبيل مختوف
***
تمر تــــــالا الدغــــيش نسمات
عبير طيــــــبا اليـــفوح مكروف
يرد روحي و يبل شـــــــــــوقي
ويطيب جـــرح الاسي المخلوف
***
يعود الليـــــــــل واعــــود لبكايا
في ليلا طــــويل مــــــــــردوف
ستـــــارو من الجحــــــيم ياخلا
من فوق بالهموم مسفــــــــــوف
***
اتــوق بين الدمــــــــوع والحسره
داير لى صباحــــــــــــــي اشوف
حليل شمسا تعيدو صبـــــــــــاحي
في دنيـــــايا اصـــــابا كٍـسوف
***
قط ما كان غريب ياخـــــــــــــــلا
الحب لى مصــــــــــــــايبو اشوف
من شـــدة شقــــاي فـــي دربـــــو
صار عندي العــــــــــذاب مالوف
***
يسعــــــــــــدني اني صنتو هواها
بادلتا العــــــــــــــــــذاب معروف
زي ما طاع قليـــــــــــــبي هواها
طوع في غناها حــــــــــ ــــــروف

التحية للاخت شهرزاد وهى تجتهد وبهمة تحسد عليها فى التوثيق للشاعر ودابنعوف ولكنها لم توفق فى توثيق الكثير من اشعار ود ابنعوف بالصورة الصحيحة وللاسف تم نقل معظم اشعار ودابنعوف للعديد من المواقع من موقع البركل (كوبى بست ) ولم تصحح وفى هذا اجحاف فى حق الرجل وسبق ان وجهت الاخت شهرزاد ان ترجع للاخ ودابنعوف قبل ان تنزل اى عمل له حتى يكون التوثيق صحيح وهذه مسئولية للتاريخ والزمن ...
الاخت شهرزاد ارجو مراجعة هذه القصيدة بعد ان قمت بتصحيحها لك وللعامة وحصر الاخطاء وتصحيح بقية القصائد لانك صاحبة الحق ..ولنا عودة...اخوك ودحليب..

خالد الحاج
12-31-2009, 12:15 PM
شهرزاد يا بت أختي سلام
كل سنة وإنت طيبة

بالله في طريقة تلقي لي القصيدة الورد فيها بيت الشعر ده :
كان حاكا القمر محياها .. لو مافي القمر ضليمة

جابو خالد الباشا وختاه وحماني بيه النوم وطبعا بتكوني عارفاه دغيل كيف :mad:

فيك الخير أكسبي في خالك الأجر ...

شهرزاد
12-31-2009, 03:02 PM
شهرزاد يا بت أختي سلام
كل سنة وإنت طيبة
بالله في طريقة تلقي لي القصيدة الورد فيها بيت الشعر ده :
كان حاكا القمر محياها .. لو مافي القمر ضليمة
جابو خالد الباشا وختاه وحماني بيه النوم وطبعا بتكوني عارفاه دغيل كيف :mad:
فيك الخير أكسبي في خالك الأجر ...

عيونا ليك ياخال والقصيدة موجودة في البوست ده ذاتو بس برضو ح أجيبها ليك ..
والله كنت ناويه (أشففك) الإجابة عشان ما أدي الباشا فيك فرقه بس أظني اتأخرت شوية ..
والبيت ده مشهور جداً ومصنف علي إنه أبلغ ما كتب في الشعر الشايقي .


القصيدة بعنوان ليمه
بتعذب واقـول تسعدنـى منَّـك يـا جميـل يـوم ليمـة
يتبـدل جفاكـى محنـة وهجرانـك يزيدنـى عزيـمـة
آمالـى البنيتـا عليهـا مالـى الليـلـى دُر تحطيـمـا
كيف غيرك أعيش فى الدنيا غيرك كيف يطيب لى نعيمـا
عارفة الفرقة نار فى ضلوعى كيف يرضيك أصالى جحيما
أرحم سيب صدودك حبى . يامـا عليـك قلوبنـا رحيمـة
إيـه فايـدة شقايـا وهمـى وعينـىَّ البكـبـن ديـمـة
ساهرى مع النجوم ترعاها تبكـى شبابـا تنعـى قديمـا
تبكى تقـول حليـل الماضـى محتـارة وجفاهـا نديمـة
كل ما أقول أكف دمعاتا ألقـى دموعـا جاريـة هميمـة
جابتنـى المقاديـر ليهـا فـى البيـت القصـادو النيمـة
لابسة الطرحة تقدل بيها ذوق وجمـال وطلعـة وسيمـة
مخلوقـة تـراب الجنـة والطيـب خالطوبـو جسيـمـا
كان حاكى القمر محياهـ ا لـو مـا فـى القمـر ضلِّيمـة
عش فى الدنيا ما شُفْ غيرو نـور فـى داخـل البليمـة
فى خديها شاهد روضـة فايحـا عطـورا جابـا نسيمـا
ديسا هدل كثيف وتجرو كـل مـا تمشـى ياطـا قديمـا
إن بسمت تشوف فى سنونا برقـاً يحكـى بـرق الغيمـة
آه أنا من قنابلو صدير ا روحـى أصبـح عليمـا كريمـا
من نظرات عيونو الجارحى قلبى خِرِّبْ خراب لا ديمـة
حبها شال سحب عقليتى مـا ظـن تانـى تبقـى سليمـة
أشكى لمين وأصارح مين الحـب عنـد أهلنـا جريمـة
كت فاكر بحـورا بعومـا لكـن صوبـت بـى الشيمـة
لى بر السلامة تعود بى يا الـزرع العنـب فـى خشيمـا

خالد الحاج
12-31-2009, 03:16 PM
شكرا يا بت أختي يا زولة يا أصيلة ..
حقيقي القصيدة جميلة والبيت الجابو خالد "شامة في خد القصيدة" ..
الغريب أني قريت البوست كم مرة لكن البيشوف القلب..
شكرا ليك وشكرا لشاعرنا ابراهيم أبنعوف
هذا والله جميل...

التهامى كروم
03-03-2010, 09:34 AM
بعد الرحيل


وصيتونا عشان ما ننسي = وللا شديرة الحن تتحتحت
ردوا البال عشان نتزكركم = وينو البال؟؟ البال ما اتشتت
***
احكي عن الاشواق القادت = روحي علي جيهتكم قفت
وللاّ دموع العين الجارية = بي فرقتكم ويوم ما جفت
بي شوفتكم أطمن نفسي = كلما العين خدَعتني ورفت
حوّق صبري علي أحزاني= لاحاق لا الأحزان اتكفت
***
واغرب شي انه أيامنا بترحل= وتبقي معاي بي رغم رحيلك
وانك ساكني مكامن شعري = وخجلان شعري عشان يحكيلك
وانّهُ القدر الفرّق بينا = اقسم ما يديني... بديلك
وانّه جنان الدنيا تنادي= ويفضل قلبي مصاقر ويلك
***
والأغرب من داكا كأنك =الهة الحب في الرّومان
كم عاشق هام في محرابك = وكم قلب اتقدم قربان
وأنا في موقف شاعر مرهف= لا يعرف للحب عصيان
الا كمان محتار في أمرو = وفي كفراً عانق ايمان
***


وما تنسي اني هويت هواك = وأمسي هواكِ علي زي دين
في كل شاردة انادي عليك= وفي الواردات من صدقي حنين
يا فرحي المارق من حزني = ويا حزني الجواي دفين
سبحان من رسمك في روعة = وأنشأك من موية ومن طين
***

أنقري باب الزكري أكنك = يفتح وادخلي من غير مرقة
غني صدا اياماً منسية =ولا مسي الوتر الماب يندقة
أسألي شارعاً دسا الخاطر = يبقي يجاوبك يبقي ويبقي
كيفن كنتي منورة ليلو = وكنتي صباح العيد في الشرقة
***


وكانت في عينيك أحلامي = تشرق وطيفها يلون كوني
أرحل فيها رحيل لا رجعة = مجروح وكان الله في عوني
رغماً دربك ما كان دربي = وانتي اخترتي السكة الدوني
ياني العايشك نبض جراحي = وحزن غناي وزي ما حتكوني

التهامى كروم
03-03-2010, 12:43 PM
وهاكم رائعة اخري من روائع ود ابنعوف ( حصرياً علي منتدي البركل )

http://www.albrkal.com/upload/uploads/candle.gif



شـــــــــــــــــــــــــــــمعة


يا شمعة في جنح الظلام = أنا و انت والحزن العميق
استجدي من نورك أمل = وتستجدي صبري من الحريق

ينشر في الأفراح ضياك = وأنتي الفرح من بعيد
وتذوبي في ذاتك دموع = زى ما بتزوب في الريده ريد
تتلاشي في رقصة عدم = في حضرة الجمع السعيد
يرحل وميضك وتنطفي = زى بسمة مات فيها البريق

زيك أنا المشعول حسار = جفت سقاي والدنيا ري
راميني شُوتال الزمان =ووتفرج الأيام ..علي
شابيت لي لحظة فرح =ضيعت ما كان بين ادي
وصلت أحلامي النجوم = ورجعت فراشه بلا رحيق

هذيت سعن ألحن حنين = وكتين شخيب الحن غرز
قلبت ماضي وحاضر زين = في السهمي واحد ما اتغرز
أكتل همومي وأدفنن = ألقاها بكرة غُرز غُرز
في غربة العمر الضنى = التمشيهو لا زاد لا رفيق

وأنا بين بكاي علي شقأي= وتساقط الاقدار .. بلي
اضحكني حنديك المني = وفي حال جُراب الغيب خلي
بكيت والبكا ما اراح = وضحكت زاد العين ملي
وفي لُجة الأحزان تعوم = امالي زي قشة غريق


لويحة الفرح الحزين = في هزعة الضحك البُكي
فضحت عذابات السنين = في خاطري دون حكي أو حُكي
يوم اتكلت علي الصبر = ميل علي شعبو انتكي
عصفت أماني الرياح = تذروها في الوادي السحيق


كم شمعة في ليل انطفت = ولس الفجر ما لاح وشي
وكم مرة فيه أحيا وأموت = وللمتلي لا يعني أي شي
كأني أدمنت العزاب = وأمسي العزاب بي ينتشي
دنياي خطوط متقاطعات = وكل الزوايا علي تضيق

وليد عطا السيد
04-23-2010, 11:15 AM
الرائعــة شهــرزاد .. وكـل من زيـن صدر هذا البوست بدرر الكـلام .. والرجل الوطـن / ود أبنعــوف ..
امتعتــونا حــد النشـــوة .. وحد الإرتــواء ..

كل الأمــاني والتحــايا النواضــر

ابومهاب
08-05-2010, 09:45 PM
ايها الاستاذة الجليلة شهرزاد .. استأذنك الدخول , فحقوقك محفوظة لدى الجميع
ودعينى اشارك بهذا النص الذى أدّاه الفنان عثمان عبد العطيم فى إلبوم ( العشق المجنون )

الخاطرة الأولى


يا حلمى القبال نتلاقى طمنى قلبى وكونى معايا=
أنا راجيك اتنين فوق عشره هدّن صبرى كفايه كفايا=
***=
كلما تبعدى عن عينى احزن اخاف ماتبقى نهايا=
فكرى يقول لى مابتلقاها وقلبى يقولى صباحك جايا=
وبين وعدك والشوق واللهفه فوقى الهم ينشر تخايا=
وأسأل أقول يارب جنيت ولاّ كمان دى الريده بدايا=
***=
أنا وحياتك دون ما اشعر ألقى عليك سابقانى خطايا =
لى لقياك يا أغلى هديه أرسلك الرب لى دنيايا =
نتلاقى و تتلاقى الفرحه وترسم معنى هواك وهوايا=
واصلو الحب لمان يتجسد فى العينين مابدورلو قرايه=
***=
انت الخاطره الشغلت عقلى واجت نار الشوق جوايا =
ما متخيل يوم نتصادف وتصبحى واقع اعيشو برايا=
رغم سنين العمر الضاعن وانت بعيده على مسعايا=
يلا او رينى سعادتك لىّ وا مسحى من عينىّ اسايا=
***=
فيك بشوف حنية بلدى وفيك بشوف اهلى ومأتايا=
واتمناك كل لحظه تعدى فيها تكونى قريبه حدايا=
اتأمل فى ليلك وصبحك وزهرك والبسمه الضوايا=
يملا وجودى حديثك نشوه وروحى تحلق فوق فى سمايا=
***=
لا تتأخرى فى غيباتك شدى خيول شوقك تالايا=
وابنى لى فى حضك جنه , جنه افجّر فيها غنايا=
لا تنسى العهد البيناتنا الشاهده عليه يداك ويدايا =
يا ما كتير ضحيت من اجلك اوعك صدك يبقى جزايا=

ابومهاب
08-07-2010, 12:18 PM
ذات العيون


هل تدرى ياست العيون ال الله هدّلا بالنعاس ؟؟=
بى لطفو لو كان ماستر يا ما هى كان تاذالا ناس=
***=
عينيك .. فتنة فاتنه .. واتخلقت على هذا الاساس =
دخلت دواخل العالمين .. وكانت بعيده عن المساس =
الشى المحيّرنى انهن , لا هن لآلى ولا هى ماس !! =
يتبالجن . موية صفاهن ترشح الضو فوق مساحات التماس =
اتوسط الليل الصباح فيهن , ومع الغرويده جاس =
ورمت الرموش فوقن ظلال , يا روعة الرمش المواس=
حين ينزل الفوق للتحت .. وتبدا المطابقه والجناس =
وتتكامل اللوحه الخياليه , الخرافيه , المحدده بالمقاس =
تملانى حن .. اغبا واجن .. وما ألقى من قيدن خلاص =
***=
كانت عيونك طلسمات الرهبه فى العهد السليمانى الفديم=
طافت شموس الحسن فى أرجاها , والسحر العظيم =
جلست على عرش الجمال .. وسادت على كل الأديم =
أمرت جنون العشق ان يأتوها بالقلب البيعصى الريده فبها ولايهيم =
ما ارتدّ طرفها الاّ كان .. القلب والجرح الأليم =
بين سطوة الملك الرهيبه .. وخيفة أصحاب الرقيم =
يا ويلو , من لحظاّ يطوفبو .. من الجحيم , الى الجحيم=
وتفتكبو نظرات التواعس , فتكة النار بالهشيم =
مع انهن .. لليعرفن .. أضعف خلايقو , واشدّ باس=
***=
عينيك .. عوالم مدهشات , عينيك .. ولا كل العيون =
علويه , أو سفليه , أو كان داك دون الدونو دون =
أخدت من أسرار الفلك .. ما لا تعج بيه المتون=
كل الشواهد , والظواهر , وحكمة الطب والفنون =
كانت فرح زمناّ صعب .. ما عرّجت بيه القرون =
ودعوات تباشير الصباح .. فى خشعة الأم الحنون=
وحصد الرجا الممدود على طول السنين خلف الظنون =
أو قولى زى خاتم المنى .. الغمسوهو فى بحر السكون =
عينيك .. صحايف أرتلا .. واقراها بى كل الحواس =

محمد الامين
08-07-2010, 01:16 PM
كانت عيونك طلسمات الرهبه فى العهد السليمان الفديم
طافت شموس الحسن فى أرجاها , والسحر العظيم
جلست على عرش الجمال .. وسادت على كل الأديم
أمرت جنون العشق ان يأتوها بالقلب البيعصى الريده فبها ولايهيم
ما ارتدّ طرفها الاّ كان .. القلب والجرح الأليم
بين سطوة الملك الرهيبه .. وخيفة أصحاب الرقيم
يا ويلو , من لحظاّ يطوفبو .. من الجحيم , الى الجحيم
وتفتكبو نظرات التواعس , فتكة النار بالهشيم
مع انهن .. لليعرفن .. أضعف خلايقو , واشدّ باس




ود أبنعوف
سلامات

الليلى دايرين نتونس معاك شويه فوق قوز الرمله الحنين ده - أجمل إحساس فى الدنيا هو أن تستلقى على أحد قيزان أوسلى الولوفه وتستمع لمن يداعب أسلاك الطمبور ويجود بالنغــم الحنين - ...
فى الأبيات اعلاه الكثير من الأشياء التى يجب أن نقـــرأها بتأنى وللحقيقه فإن الغناء يفسد علينا هذه القراءه فى كثير من الأحيان فمابين صوت الفنان وصوت الدليب وصفقة الكورس لا تستطيع أن تغوص الى أعماق القصيد وهو أمر يُحسب على الغناء وإن كنا لا نشك فى قدرته على توصيل القصيده الى أكبر قاعده من الناس فى زمن إبتعد فيه الناس عن القراءه واعتمدوا على اذانهـــم فقط .... إن قراءة القصيده أمر مختلف تماماً فقد وجدت نفســـى متنقلاً فى الأبيات أعلاه ما بين بلقيس وعرش سليمان الى أن وصلت الى أجمل بيت شعر قيل فى الغزل حينما بدأ جرير بـــــ - حى المنازل إذ لا نبتغى بدلاً بالدار دارا ًولا الجيران جيرانا
- ثم إنتهــى الى :

إن العيون التى فى طرفها حــورٌ
قتلننا ثم لــــــــم يحيين قتلانا


ثــم أعقبه بشار مقتبساً حينما هيجه صوت المغنيه وهى تردد أبيات جرير فأنشد :

وذات دلٍ كـأن البـدرُ صورتهـا
باتت تُغني عميد القلـب سكرانـا
ان العيون التي في طرفها حـور
قتلننـا ثـــم لــــم يحييـن قتلانـا
قلتُ احسنتِ يا سُؤلي ويا أملـي
فاسمعينـي جـزاكِ الله إحسانـا
يا حبذا جبل الريان مـــن جبـل
وحبذا ساكن الريـان مـن كانـا

- وهـــو الأعمى الذى لا يرى شيئاً -





نواصل الونسه كان الله مد فى الأيام ...

ابومهاب
08-07-2010, 03:21 PM
[size="5"]ود أبنعوف
سلامات

الليلى دايرين نتونس معاك شويه فوق قوز الرمله الحنين ده - أجمل إحساس فى الدنيا هو أن تستلقى على أحد قيزان أوسلى الولوفه وتستمع لمن يداعب أسلاك الطمبور ويجود بالنغــم الحنين - ...
فى الأبيات اعلاه الكثير من الأشياء التى يجب أن نقـــرأها بتأنى وللحقيقه فإن الغناء يفسد علينا هذه القراءه فى كثير من الأحيان فمابين صوت الفنان وصوت الدليب وصفقة الكورس لا تستطيع أن تغوص الى أعماق القصيد وهو أمر يُحسب على الغناء وإن كنا لا نشك فى قدرته على توصيل القصيده الى أكبر قاعده من الناس فى زمن إبتعد فيه الناس عن القراءه واعتمدوا على اذانهـــم فقط .... إن قراءة القصيده أمر مختلف تماماً فقد وجدت نفســـى متنقلاً فى الأبيات أعلاه ما بين بلقيس وعرش سليمان الى أن وصلت الى أجمل بيت شعر قيل فى الغزل حينما بدأ جرير بـــــ - حى المنازل إذ لا نبتغى بدلاً بالدار دارا ًولا الجيران جيرانا
- ثم إنتهــى الى :

إن العيون التى فى طرفها حــورٌ
قتلننا ثم لــــــــم يحيين قتلانا


ثــم أعقبه بشار مقتبساً حينما هيجه صوت المغنيه وهى تردد أبيات جرير فأنشد :

وذات دلٍ كـأن البـدرُ صورتهـا
باتت تُغني عميد القلـب سكرانـا
ان العيون التي في طرفها حـور
قتلننـا ثـــم لــــم يحييـن قتلانـا
قلتُ احسنتِ يا سُؤلي ويا أملـي
فاسمعينـي جـزاكِ الله إحسانـا
يا حبذا جبل الريان مـــن جبـل
وحبذا ساكن الريـان مـن كانـا

- وهـــو الأعمى الذى لا يرى شيئاً - [/sizeنواصل الونسه كان الله مد فى الأيام ...

______________________________


هرحب .. مرحب .. مرحب بود الأمين

أولاّ شكراّ على متابعتك الدقيقه ومقارنتك الوافيه فى تحليل ( الغنيوه دى ) .. وطالما الونسى متمدّى وانت قاعد مكوّع على صقحتك فوق رمال اوسلى الولوفه وا ظنك
مشدوه بى غنوة ود ابنعوفه . بس افرا القصيدة مره تانبه واتمعن .. ستصل الى حقيقة ان
هنالك اشياء تستوقفك .
.. تحياتى ..

عوض جلاس
08-07-2010, 04:56 PM
ومثلما أمتعتنا شهرزاد بروائع ود ابنعوف
فها نحن نجلس في حضرته نرتشف المعتق من نبيذ كلماته المدهشة
وفي حضرة جلالك يطيب الجلوس

محمد الامين
08-07-2010, 06:18 PM
وعشان نواصل الونسه بى مزاج نستمع للغنيوه بصوت عبد القيوم الشـــريف .....

http://www.albrkal.com/upload/uploads/setAl3uon_.mp3

ابومهاب
08-07-2010, 06:45 PM
ومثلما أمتعتنا شهرزاد بروائع ود ابنعوف
فها نحن نجلس في حضرته نرتشف المعتق من نبيذ كلماته المدهشة
وفي حضرة جلالك يطيب الجلوس
___________________________


الأخ الجليل / عوض جلاس .. طابت أيامك ولياليك

اولاّ كينك , وشكراّ لايعلم قدره الاّ الله على اهتمامك بتنسيق ما ارفعه من القصائد
والله تب يادوب لبستهن تيابن وبقن سمحات , آما الآمر التانى : هناك آنا رفعت موضوعين للنقش تحت عنوان ( الاّله التى تسكرنا انغامها حتى الثماله ) من بحث كنت قد قمت به فى عام
1997 ولا زلت . ارجو الاطلاع عليه ورأيك . لآن هذا الموضوع فى درجه من الاهميه . والسؤال الاخير شايفك ما ظاهر حتى قلت فى نفسى الزول دا يمكن سافر لى جيهه تانى .

.. لك ودى ..

ابومهاب
08-07-2010, 07:32 PM
وعشان نواصل الونسه بى مزاج نستمع للغنيوه بصوت عبد القيوم الشـــريف .....

http://www.albrkal.com/upload/uploads/setal3uon_.mp3
________________________________________


ود اللمين / امسيت عافيه ,


ياخى مالك على مساهربى لانصوص الليل , بى غنا العيون ديل , أما نى العيون فيها سماحة غرويده تسل روحك وترجعا ليك تانى . انت تعرف ما الدنيا فديمى ومن قدمها دا حسب ما ورد
فى تارخ الحضارات , قالوا قبل آلاف السنين فى بيرو قامت حضاره اسمها حضارة بوابة الشمس
وسميت بالاسم دا لأنو اهلها كانوا يعتقدوا ان اجدادهم جايين من كوكب خلف الشمس , البوابه دى
كانت على شكل عين , ومن الزمن داك ولايوم الليلى الناس مشدوهه بالعيون .

هن شهادتى .. وهن عبادتى .. وهن أمل روحى الطموحه
كان كفرت . . استفر الله اتا باقى عقلى اخدلو روحه


تحياتى .. لامننتلافى تانى

محمد الامين
08-08-2010, 09:13 AM
سلام يا ود أبنعوف .. جينا نواصل الونســـى


إن شعر العيون هـــو من أجمل الشعر وأعذبه وذلك لما للعين من تأثير على العاشق بنظـــرات تكون ردة فعلها أحاسيس يصعب على الإنسان العادى ترجمتها إلا الذين مُنحوا موهبة الشعـــر والـــوصف لذا فإننى أنحاز تماماً للرأى القائل بأن أجمل بيت شعر قيل فى الغــزل قد قيل فى وصف العيون فى قصيدة جـــــرير :

إن العيون التى فى طرفها حـــورٌ
قتلننا ثـــــم لــــــــــم يحيين قتلانا
يصــرعن ذا اللب حتى لا حراك به
وهـــــــــن أضعف خلق الله إنساناً

ولقد أشـــرت فى مداخلتى الأولـــى الى أن الجزء الأخير من قصيدتك وتحديداً :

وتـفـتـكـبـو نــظـــرات الـتــواعــس , فـتــكــة الــنـــار بـالـهـشـيـم
مـــع انـهــن .. لليـعـرفـن .. أضـعــف خـلايـقــو , واشــــدّ بــــاس

قد أكدت ذلك إذ أن العيون بالرغم من نعاسها وفتورها وعدم حيلتها الا انها تفعل الأفاعيل بعاشقها وقد تصل هذا الأفاعيل الى درجة القتل كما قال جرير - قتلننا ثــم لم يحيين قتلانا -
وقد تبارى شعراء العرب فى وصف العيون ومن أجمل ما قيل فى وصفها - عـيون الـمها بين الرصافة والجسرِ جلبن الهوى من حيث أدري ولا أدري -

ولعلك أحد الشعراء الذين تميزوا بغناء العيون فقد ورد ذكرها فى العديد من قصائدك وأذكر هنا واحدا من أجمل الأبيات فى شعر الشايقيه :

عينيك دنيتي التشقينى وفيهـا القـى السعـادة ارتـاح
مرة تجود على تشفينى ومرة تزيـد قليبـى جـراح

وقد أبدع الشاعـــر فى هذا الــوصف حينما جعل من العيون دنيا بكامل تفاصيلها - تشقى وتريح - وهـــو وصف جميل أن تجتمع كل هذه الصفات فى عين إذ انها تمنح الشقاء والسعاده والراحه والشفاء ولها القدره على جرح المحبوب أيضاً ... ويستمر شاعرنا فى هذا الوصف الجميل الى أن يصل الى :

ماب أقبل كمان يفنينى بالموت غيـر سلاحـا سـلاح ...


إذاً فالعيون تقتل أيضاً ....






نواصل ...

محمد الامين
08-08-2010, 12:13 PM
http://www.albrkal.com/upload/uploads/DONAITY.mp3

ابومهاب
08-08-2010, 01:36 PM
الاخو / محمد ... عافيه ان شاء الله

اذهبت .. ثم اجدت . ونستك طيبه واصيله كأصالة اجدادنا , وأظنها لاتنضب , ومشوار العيون طويل , أرجو ان لا يكون شاق ومرهق فى التفكير . شكراّ ياحبيب ..

* أحلى ما فى الكون عيونك وأحلى فى عينيك سروحا
يوم تغير تسلب رويحتى ويوم تعيد لى روحى روحا

_____________________________


* عينيك ديل قليبى هن الأذنّو
الله يسامحن .. كان عذبنّو

____________________________


* عيونك .. تشكّل فواتح كتاب
كتاب بين سجلّو الدعا المستجب
قلوب خاشعه تتطلب جزيل الثواب
د راويش ونوبه ومايح شباب

زياد الركابية
08-08-2010, 08:30 PM
شكرا شهرذاد علي كل هذا الاثراء منك والتوثيق للرائع ابراهيم ود أبنعوف وتقبل مرورنا

ابومهاب
08-09-2010, 03:38 PM
استعجلى فى الجيّه


مدخل :- ..........

تعالى ياحلمى الجميل ألفينى فى الزمن الصعب
ألفينى وامسحى للدموع , ألفينى انسينى التعب
ليه من زمان ما بنتى .. ولاّ دا ما اتكتب ؟ !
أنا شاعراّ يهوى الجمال , لكن لقاك هو الآحب
أهديك حروف ما انسطرت , أهديك شعراّ ما اتكتب
شعرى الحزينز . . يفرح قلوب العاشقين
ويظل صداهو مدى السنين
أفريهو .. زين .. أقريهو.. زين
بعدين .. بتعرفى انو من غلبى اتكتب !!!!
______________________



استعجلى فى الجبّه .. وسافر واستعجلى فى الجيّه
يالسفرك مابيرضى الخاطر , للعاشك جوّاهو قضيه
***
ما لمتك فى انو تسافرى .. لكن محتار قولى لىّ
فى بعدك كبف يصبر قلباّ .. يتحتّ عليك بالحنيه ؟
ما انت براك عارفى الحاصل والزيّك مابدورلو وصيه
والزول ما بيرضى يفوت زولو لو كان ما القسم المقضيه
***
نان نحن متين اتلمينا .. لمن نتفارف يابنيه ؟؟!!
ما الشوق القادك ودّاك . . ياهو الهسع موقد فىّ !
مشتاقلك , ومشتاق لى بلدك , وللدار الضمت حوريه
يا أريتنى أغمد والفاها . . قبّال ما أفتّح عينىّ
***
يا حليلك , وياحليل أيامك ويا حليل أحلامنا الورديه
يوم عشنا الحب عالم آخر .. ما طافت روح بيه شقيه
طل صبحو يهتّف من اسمك ومن لونك زان العصريه
فى البسمه الرسمت فوق وجهك بسمة رقه وطيبة نيه
***
آه , ياللى هواك مابندارا .. وما بتخمد نيرانو الحيّه
قرّبتك شان انسى الماضى , الاّ الايام ما لا علىّ
ليه حظى مقبّل لى غادى وممحوق بى جاى صبرى شويه
ما الحب ياهو الحب الواحد , ليه بسعد ناس وناس مشقيه؟
***
باكر تتبدل أيامنا , وتصدق آحلامنا المرجيه
وبنعود من تانى ونتقادم فى رحلئة ريدنا الأبديه
ودّعتك الله وراجيكى .. طول عمرى ان كان فيه بقيّه
يبراكى سلامى واشواقى وليك احساسى ونبضى تحيه
***
ماشعّت فينا شمس باكر , ورمّت دمعاتا الفضيه
وصحّت فى خمايل الدنيا فراش يلثم بالشوق زهره نديّه
وما ميّل نخل الحى يرقص مع نسمه وقوقاى قمريه
برداّ , وسلاماّ , تغشاكى وتتواتر فى لحظه هنيه
***

ابومهاب
08-17-2010, 04:02 PM
العهد الوتيق


مابيبرا الجرح .. تب لا لا مابيبرا الجرح
غير ماتكون جنبى وقريّب منى يا زين باسمح
***
شرقت وين غربتنى وخليتنى لى شوقاّ تلح ؟
يمرق من النسيان طرا ويتمدّ فى الخاطر يلح
يرحل بى عبر الذكريات للماضى والزمن السمح
يوم كانت الايام لقاء ويوم فيها بى شوفتك فرح
***
ويوم فتّ ما خليت غير , كلمة وداع وقلباّ يوح
خايف فراقك من يطول والحال وراك ما ينصلح
وضياع أمانى رهاب رهاب تترجى فى حظاّ يشح
دفتر وغنيوات تمدحك وعاجزات حروف عن المدح
***
أما انت لو سائل على يغنيك حالى عن الشرح
حال الفراق بعد الولف لى زول يعرف الريده صح
لبستنى العهد الوتيق , وخليتنى فوق نار منطرح
ليلى ونهارى علىّ ليل كيف انت امسيت وصبح
***
لى حق اجاهر بى هواك وكتين يشيلنى ويتكسح
واضرب بلاد الله طشيش لى بسمه من وجهاّ مرح
عطشان حنينك ماب يفيق وماب يروى رحراحاّ يرح
والعاش مع طيفك زمن , ماب ينجا فكرو من السّرح
***
ليك حق تعظمك المهج وتبنيلك الأعماق صرح
وليك حق نشيلك فىالعيون بالرغم من نزف الجرح
يا هاله بين الفرقدين نورك على الآفاق وضح
ان شافك العاقل يجن , والجنّ بى شوفتك نصح
***
روّح ودعتك لله عاد , يا اب ذكرةّ ماب تتمسح
منحوته فى الايام خلود , لاتغيب ولا من بال تزح
وليك شوقى وآلاف السلام يبراك فى الحل والنزح
وأعرف فراقك ماب يهون , وأعرفنى من بعدك قمح
***

hg

ابومهاب
08-20-2010, 09:31 PM
الزوله الشالت قلبى عليها


يا الجايين ما شفتوا الزوله ؟؟ الزوله الشالت قلبى عليها
ما أدتكم لىّ رساله .. تمحا هواجس الحاله الفيها ؟؟
@@@
ما وصتكم وقالت ليكم .. انها ماب تتأخر تانى ؟
وما قالت خلتنى وراها .. عاصر جمر الشوق واعانى
ولما حكت ما سالت دمعه بلّت دير توبا التحتانى
وما اندارت فى بسمه عساها تخفى الحزن الفى عينيها
@@@
دى الانسانه الطيبه الوافيه .. الردتها قبل ألقاها واريده
كانت حلمى وظلت خاطره .. وحبها صار ايمان وعقيده
سارت مسرى الروح فى ذاتى وعاشت فى افكارى قصيده
تحكى أمانى القلب العاشق .. وصدق احلامو المستنيها
@@@
طول الغيبه الشعوت شوقى .. والايام بيناتنا اتمدّن
كم مدّيت لى صبرى حبالو .. الاّ انقطعن حين ما انشدّن
نيتى ’ أرج ’ فد ليله اطوفا والقى سعادة الحجّ ومدّن
الاّ الله ما قالها كونى .. وتانى غريب وما عارف الجيها
@@@
شلت صدى الايام الخاليه .. وعايش بين الفرقه وناره
بعدها ما بدلت هواها .. رغم هوى النفس الاماره
وما حسيت بالدنيا جميله .. الاّ خلال بسمة ازهاره
وما استلطفت الزهر واريجو .. الاّ لأنو الزهر سميها
@@@
عابوا علىّ اهواها ولاموا .. وشككوا فى الاحساس النّابع
مالى ان كان غنّيتا غنيوه .. او فجّرت اشعارى منابع
اتماسك فدّامن واضحك وقابض نزف الجرح الرّابع
وروحى معلعله فى علاتا .. وقولوا معاى الله يشفيها
@@@

ابومهاب
09-01-2010, 08:56 AM
معجزات النون

على بلدك رمانى الغى مالك ماب ترسلى لى
****
ليك رسّل رسالتى التانى وخطيت فيها احلى معانى
لكن للاسف .. ماجانى ردك كان يخفّ البى
****
ليكى شرحت للاشواق شكيت زمناً جروحوغراق
ضوّقنى الوتد ما ضاق واسهر بى منام عينى
****
جوابك ياالوشيكى صبوح يعيد البسمه .. للمجروح
يا الروح الترد الروح شنو المانعك تردى على؟
****
ما سوّيتى درب الحن ولا قلتى الخليل كيفن
وحاة ذاتك عليك بجن جنون الريد مفرجى بى
****
شيش يامعجزات النون خافى على الجنا المجون
كان تعذيبو ليكى يهون اختو وبرضو ليك هو اخى
****
نسيتى وقايله يوم بنساك مع العهد القطعتو معاك
أهواك ثم تانى أهواك وفى الهوى مامفضل شى
****
أريت الشوق يكون لى جناح اطوف تنقاسى ليل وصباح
احاكى البرعى فى المدّاح واغيك يا مليحة الزى
****
هاك منى السلام يغريك وحبى وشوقى لى عينيك
معليش كان نسيتى الليك برضك لى عيونو الضى
****

ابومهاب
09-06-2010, 10:59 AM
سلام موطنى





سلام موطنى ومكان مهدى عليـك مـن المهيمـن ذى الجـلال
ورحمتـه تعـمّـك كــل صـبـح الـيـك مــن السـمـوات العـوالـى
تصب حياً فتحيا الأرض زرعاً بسح السّحب من قبل الزوال
وبركـات يجسـن علـى ثـراك يجـود بهـنّ غرسـك مـن نــوال
اليـك أتيـت يـا وطنـى وكنـت قتيـل الوجـد مـن بعـد الوصـال
أسائـل كــل نـسـم مـنـك آت ويعـجـز أن يــردّ عـلـى سـؤالـى
فأرسم صورةً لك فى البعيـد ويصغرعنـك نسـج فـى الخيـال
وكـم مــن ليـلـة أرسـلـت طيـفـاً لطيـفـك عـلّـه بـيـن الليـالـى
أحبـك أيّهـا السـودان حبـاً عـلـى الأزمــان لــم يخـطـر بـبـال
ففيـه وجـدت للايمـان ركنـاً يريـح القلـب مـن نـزغ الـضـلال
تسـام الـروح دونـك وهـى فـرد فحـبّـك جــاء بـعـد الله غــال
وكـم سلـم الـذى خـاض المنايـا ورعـديـد يـمـوت بــلا قـتـال
فـان كـان الخليـل يبـثّ يـومـاً لـعـزّة مــا بــراه مــن الـهـزال
وشوقـاً قـد أذاب اللحـم منـه وصـار الجسـم اشـبـه بالـخـلال
فمات مـع التمنّـى لسيـر حـاف وجلسـة خلـوة تحـت الظـلال
أعــاد الـحـبّ روحــه للخـلـود ورقّــاه الــى رتــب المـعـالـى
كـذا الاوطـان تصنـع مـن بنيهـا رجـالاً يذخـرون لـكـل حــال
فمنهم من يفى الاصلاح حقاً ومنهم من يموت على النّصـال
رضعت الشعر منك و كنت طفـلاً وجئتـك شاعـراً فـذّ المقـال
فأدهشـنـى الــذى أوحيتنـيـه بـأنـك هـالـة فــى ذا الـجـلال !!
كساك الزرع من خضرالثياب ولفّك( قرمصيص) مـن رمـال
فأنـت لنبـتـة اصــل وفـصـل , وسـحـرك بابـلـىّ غـيـر بـالـى
ونيلـك جاريـاً عـبـر الـقـرون يـجـود علـيـك بالـمـاء الــزلال
اذا حلّت بـك الغربـاء يومـاً يـرون النخـل رهطـاً مـن موالـى
ومـن شهـد المحـاق عـلـى ثــراك يـخـال الـيـه ينـظـر للهلال
وتاسعـة الجنـان علـى الأديـم يطفـن علـيـك ربّــات الحـجـال
تدانيهـن فـى الأوصـاف طـراً , وعيبـك ان مــا لــك لـلـزوال
فيا عجبى لما شاهـدت فيـك كأنـه آيـى رسـم فـى الخيـال !!
أخاطب نفسى فى غمر الذّهول أهذا جاء من صنع الرجال؟!
هنيئـاً يابـلاد الخـيـر دومــى . . كــأرض للثقـافـة والجـمـال
ففـى ارجائـك الغربـاء تكـرم تصـان حقوقهـم فـى كــل حــال
ومـن زعمـوا عليـك بغيـر هـذا هـراء زعمهـم والقـول خــال
ولو شهدوا الذى شهدته عينى لكفّ المغرضون عن الجـدال
كثيـراً مـا تمنيـت .. ولكـن , فأنّـى للامـانـى مــن المـنـال ؟!
أعيـش بموطنـى حـراً طليقـاً كعصـفـور عـلـى قـمـم الجـبـال
أغنـى تـاركـاً غصـنـاً لغـصـن , واشــدو للطبيـعـة والجـمـال
ولكن ليـس عنـدى غيـر حبّـى ولا شوقـى اذا شـدّت رحالـى
فسبحـان الـذى اهـداك سحـراً وزانـك دون غـيـرك بالجـمـال
وأرسـل نسمـةً تصحيـك فجـراً لتغسـل وجهـك أنـداء الطـلال
وحببنا ترابـك ان مشينـا , نخـاف عليـه مـن وطـىء النعـال
علّمنـا الأولـى قيـم الوفـاء نسيـر بـهـا عـلـى نـهـج الأوالــى
فيا سودان نحن بنو ملوك اقامـوا العـدل فـى الأول الخوالـى
وأبناء أولياء فى العصـور أشاعـوا النـور بالنهـج الرسالـى
فكانـوا قبـلـة المستضعفـيـن وقوّتـهـم عـلـى الأمــر المـحـال
رجال تنبـرى جـوداً وفضـلاً فتحكـى كوامـن السّحـب الثّقـال
رجـال تنبـرى كرمـاّ وبـرّاً وفــى زمــن بــه الأحـسـان غــال
فكـانـوا أمّــة بالخـيـر تسـعـى و لا ينقصـهـا تلبـيـة الـسـؤال
الا يكفيـنـنـا فـخــراً وعـــزّاً بـــأنّ آبـاءنــا بــحــر الــلآلــىء
فنحـن لأمّهـات طاهـرات , ونـسـل الأكرمـيـن عــل التـوالـى
لنا فى الدهر أعظم أمّهـات نشـأن علـى الشجاعـة لا الـدلال
يقـدّمـن الأحـبّـة والبنـيـن .. لـفـوز بالشـهـادة فـــى الـنــزال
ويدفعن الأشاوس بالنشيد لخوض الموت فـى حـرب سجـال
ومـــا بمـهـيـرة الا مـثــال .. لـربّــات كـبــرن عـــن الـمـثـال
نعـزّك أيّهـا الوطـن المفـدّى وعـزّك أغلـى مـن نفـس ومــال
فأنت الآمر, النّاهى , المطاع , فقل لو شئت زحزحة الجبال
نلبـى لـك النـداء باندفـاع , كدفـع السـهـم مــن وتــر النّـبـال
ولسـنـا القائلـيـن اذا دعيـنـا , لتـذهـب أنــت وحــدك للقـتـال
تعلّمـنـا الشـدائـد كــل يــوم .. ونقـتـحـم الـشـدائـد لا نـبـالـى
تزيد ضراوة ونزيـد صبـراً يبـثّ الخـوف قـى صـدر الرجـال
وكـم متربـص بـك ذاق منّـا حمـام المـوت قهـراً وهـو قـالـى
يسيـر النصــــر اذ ما نحن سرنـا ونـحـن لــه بأصـحـاب وآل
فيا سودان كيف أصيغ شعراً وقد عجـز اللسـان عـن المقـال
ويا وطنـى أحبّـك مـا حييـت , أحبـك فـى مكوثـى وارتحالـى
وأشهـد أنّ لا وطنـاّ سـواك , وأشهـد أنــك الشـعـب المثـالـى

ابومهاب
09-06-2010, 06:35 PM
انت رجاى

يا مجدوله فى خاطر الخاطر .. غنوه حزينه تصحّى غناى
كيفن أرحل أفوت دنياكى ؟! وابعد عنك وانت رجاى
***
آه يا ساحره .. سحرتى عيونى واتهايل فى صدرى هواى
وحياتك ما قادر اقارن بين حسنك , وبين سحر الآى
غير ما الدهشه تقود لى دهشه واقول سبحانك يا مولاى !!
أىّ شى فيك بالروعه يسبّح ويحكى صنيع قادراً سوّاى
***
كم صحّيتى هواجس شعرى وكم غنّيتك .. فى الدّوباى
وكم ساهرت الليل فى بعدك .. اتأمل نجمو الضّوّاى
ان كان ألقى ملامحك بينو .. ولاّ يكون للتاه هدّاى
انت مصير مكتوب أمشيهو , حزنو وفرحو , انا زول غوّاى
***
واصدى ابواب افكارى عليكى ؟! بيكى بقيت للناس نسّاى
أنسى الدنيا , ولا انساكى .. كيف أنسى العايش جوّاى ؟؟
اذكر اسمو ملاقى صباحى .. واستقبل بى اسمو مساى
بيناتن , وانا فى محرابو .. لامن يرحل منّى ضحاى!!
***
طاريك والاشواق تتزاحم .. فوق درباً سارتبو خطاى
طاريك والاحزان تتهافت .. ودمع العين فاقد الوكّاى
طاريكى , ومرساى عينيكى , وغيرعينيك عدمان مرساى
طاريكى , وخلّينى أكابد .. طول سهرى وأحزانى براى
***
ما متراجع يوم عن حبك .. حتى ان بعدك يبقى سماى
رغم ظلام أيامى الدّامس .. وحاجب نور شمسك تالاى
ورغم احساسى الماب يلقاكى , وما بى تجود يوم بيك دنباى
الاّ بحبك , أقدّس حبك .. وافديكى .. ويفديكى دماى
***
أيوه , بحبك زمناً عدّى .. ولسّ بحبك زمناً جاى
تاه من بعدك , حسن غنايا , وألحانى , واتكسر النّاى
وما فضّل غير حزنى البتّق .. تسقى دموع سحباً بكّاى
بحضن شوقك لامن اصادفك , ولمّن اصادفك يبقى كفاى

ابومهاب
09-21-2010, 04:08 PM
العشق الجنون

بين جنتك ونارك . . مسافات العذاب !!
السّرتهن يوم نادى حسنك للهوى وقلبى استجاب
***
ياغايبه فى الزمن الهجير رمّض مسار عشمى الغياب
صنقر حرس بذرة رجاك .. طرحت مع الايام يباب
وشلن عيونى عليك شوق .. المحنه والهمّ السحاب
لمّن لقيت المستحيل .. واصد عليك تالاى باب
***
وناديت عليك بى حرقة الشوق المدودى على نواصى الارتياب
كان تبقى لى شكواى سميعه .. او كان دعاى عندك يجاب
ورجع الصدا وشكواى والأنّه الطريحه على سليكات الرباب
نقشن مجيك .. مطلع قصيده على جدار الاكتئآب
***
يامنتهى العشق الجنون .. واحرف بداياتك كتاب
عنوانو استفهام سؤال غايب .. يفتش فى جواب !!
مين علّملك فينا الرحيل .. دون ما نفكر فى الاياب ؟؟
ومين عوّدك فينا الخطا وقال ليك فى شرع الحب صواب؟
***
انا ما هويتك للمواجع .. وضحكة الامل السراب
لا ولا عشقتك للاسى .. واسفاً يمطّقنى التراب
كان ظنى والشك اليقين .. وخجل الامانى من العتاب
نتلاقى فى العمر السمح .. نحيا ونعيشو قراب قراب
***
راجيك .. حسّة فرحه تنزل غفله فى القلب الخراب
راجيك .. لا اتكمسد بساط الشوق ولا انقطع التباب
راجيك .. بعد ايقنت انى اهواك فوق كل الصعاب
راجيك .. والواقع العلى وقع المصيبه على المصاب
***
الله .. على الامل السرق جدلات شعاعك لينا من خلف الضباب
لو مات بعد طول السنين .. وعوبس على الآفاق كداب
والله .. اذا كذبت وعود يا وعدى .. من زهو الشباب
والله .. اذا صدق اللقاء وفى العمر ما فضّل عقاب

ابومهاب
09-22-2010, 07:43 PM
كلمة أحبك


كلمة احبك .. مابتكفّى وين منزلة الحب من ذاتك
والبستاهل طيبة قلبك .. ما مخلوق ابداً وحياتك
***
انتى قليب الأم لاطفالها .. ينشر فوقن ويرشح حنّو
وانتى صباح العيد واشراقو .. وفرحة شفّعنا الراجنّو
وانتى غنيوة العشق الرّاحل .. بالعشاق الفيها يغنّو
يغسل حزن الدنيا الفينا .. برداً يتحت من بسماتك
***
متل العافى دخلتى مسامى شويه شويه وقف لا حيلى
وكل الزمن الفات متغيبب دابى فرزت نهارى وليلى
وفى عينيك صالحت الدنيا .. اتصافينا وقلت عديلى
مالا الليلى ادتنى قفاها وحسدت تانى على بى لماتك
***
يا الشكلتى حياتى فى لوحه بى األوان مستقبل رايع
فيها ظلالها تلاقى خطوطا ويبدا رجوع العمر الضابع
يرحل برج النحس ويظهر برج الريده وسعد الطالع
غبتى وغابت اجمل صوره قبل ما تختى آخر لمساتك
***
انا لازال متخيل رسمك وصورتك ماليه مساحات فكرى
أنشد فى خطوات الماضى وزمن اللقيه البشرح صدرى
واحلف ليك بالبينى وبينك صدق وفاى والحب العذرى
أحلى ايام العمر زمانك واحلى زمان اللقيه اوكاتك
***
ما كان فى الحسبان نتفارق .. ياها اقدارنا وحال الدنيا
وايد القسمه ان وقعت صابت .. ومابتشفع فى ردها منيه
الاّ الحلم البيك كان أكبر .. من احساس ينصب فى غنيه
والغرقان فى الريشه اتعلّق وريشتى التبقى صدا كلماتك
***
أمشى وخلّى الذكرى التّرزح ما بين صمتى وحدة شوقى
أو اتكاملى وابقى دواخل وارشحى رشح الدم فى عروقى
أو من مدّك مدّى صباحك وزيحى ظلام الهم من فوقى
فى كل الاحوال برجاك وبترجّاك .. ورجاى ما فاتك

ابومهاب
09-25-2010, 04:56 PM
قادر يامريد


قادر يا مريد .. يا من خلقت وداد
اهديتا الجمال .. فاقت على الأنداد
***
عارف اوصافا .. مابتنجرّ فى انشاد
وتستاهل مقال .. الخطبا , والنّقاد
لكن داير احاول .. لو لسانى أجاد
وازيد الشوق على التابع البنات ريّاد
***
ان حاولت اجيب اوصافا كيفن عاد
أصف زول القمر من نوره فى الحساد
سبيبو بلا سواد الليل .. وزادو سواد
مع النسمات يتوق .. فوق الجبين ينقاد
***
ايه جدى الغزال .. عينيها منو بعاد
عينيها الوجود .. بافراحو والاعياد
كل القال يقابل .. لى لحاظا يكاد
يروح بينات سيوفو الجافت الاغماد
***
خدودا الفى الربيع فتح نضارو ازداد
خاربات قلبى حد ما تاب يجيهن صاد
وبسيماتا البفر .. بالقبلتين .. جبّاد
بدرى من الضحى شابك سحابو وقاد
***
حسارا الفى الضلوع جمراً يهب وقّاد
وشوقا يهيج يسلّ الروح من الاجساد
اما غراما خلّو حديثو . . ماب ينزاد
من تابع قليبى دريبو .. لى ما عاد
***
كم وكمّين صبر , وصبر السنين مافاد
وكم سطّر رسالة شوق دموعى مداد
مرسالى الرّحل لا جاب خير لا عاد
دحين يا حليل وداد وياحليل ديارا وداد

مصعب علي
09-29-2010, 09:41 AM
فواتح الأمانى

دروب ليك يودّن .. اسيرن بطوعى
اواتيك حنيناً .. يجيش بين ضلوعى
لأنك بدايتى .. ونهاية شروعى
^^^
من نار غرامك .. أولّع شموعى
واشيل من بسيمتك مناديل دموعى
اقابل عيونك .. كتير يهدا روعى
واشوف فى وداعن بشارة رجوعى
^^^
عيونك فواتح .. الأمانى السعيده
تنوم فى ظلالن .. مداين بعيده
رؤاهن مداخل .. عوالم جديده
تفتّر وصوفن .. حروف القصيده
^^^
يطل من نواضرك صباح البوادى
وسط ليل مشبّع مسادير حوادى
أيا كرنفال فرحه رايح وغادى
يجوب بين قلوب البواكى الصّوادى
^^^
عشقتك نسيم .. همبريب الشواتى
وضليلاً يبرّد .. هجاير حياتى
تأخر زمانك وسبقتى اللّواتى
منايا وبقيتى .. أعزّ امنياتى
^^^
أحبك .. لاًنك بقيتى الحقيقه
تفاصيل حياتى وخواصى الدقيقه
رسمتك معالم دناى الوريقه
البسابق خطايا واصادف طريقه
^^^
منى التبقى زيّك حنينة السجيه؟
وتكون الحبيبه الصديقه ا لوفيّه
أم للمشاعر .. وللروح اخيّه
بلاك ياسعادة .. النفوس الشقيه

هذا النص بتعديل الاستاذ ابراهيم ابنعوف
في بوست ابشخيت في المنتدي العام

ابومهاب
10-07-2010, 11:22 AM
تعال طالّى الساحه

يوماتى .. تعال طالّى الساحه فـرّح دنيــــــــــانا وفرّحنــــا
ولمّن نسرح بعيونا معــاك ماتخـــلّى عيونـــك تجرحنـــــــا
***
فى الحب ياحنيّن عمرنا ضاع بين الآهات وليـــل المحنـــه
والغيم الكان بارى دروبنــا ماعـــاد مــن يـــوم ما بارحنـــا
ولو كانت دنيا الريد احزان بيك فى الاحزان نلقــى فرحنــا
وهسّع كيفن نرضى تسيبنا وفى قربك يادوبنـــا ارتحنـ،ــــا
***
وكت النسمه تداعب شعرك من طيبو بتحمـــــل افراحــــــا
وكل العشاق يومة تبســم فــى ليــل الهـــم تلقـــى صبـــاحـا
والطيبه الكاسيه خدودك نور محياك ازداد بيــــها سماحـــه
وعيونك هى البتخلّى الزول من واحه يحلّـق فـــوق واحـــه
***
قبّال نتلاقى ونتعارف .. كــــان لــىّ زمـــن ليـــك أهاتــــى
مرات ارحل عبر المجهول وأسأل من ذاتــــك فـــى ذاتــــى
واسأل نسمات الليل عنك .. وكل نسمه تقـــول هسّع أتــــى
بس ما كت عارف وين ألقاك ومن وين ياروح انت بتأتـــى

ابومهاب
10-12-2010, 05:20 PM
الى ..... أمّى



أهدى الحروف .. للمنّها
وغابت ملامحا .. من عينى
أهدى الحروف للفارقت
من دون وداع
وما وصّت الحبان على
للسافرت..
عبر الأبد
فى رحلة الغيب القصى
كانت ..
مشبّعه بالامل
راجى الدريفين الجنى
يسبق سنين الانتظار
يكبر ..
يعوّضا كل شى
أهدى الحروف ..
الطالعه من وجع السنين
معطونه فيه وشى وقفى
أنا كنت
بهديها العمر
كان العمر .. شى بين يدى

ابومهاب
10-29-2010, 06:52 PM
الخاطره التانيه
بينى .. عليك الريده تبينــى , طــــوّلت وراجيـــــك مستنـّـــى
من غيباتك عودى تعالـى قبّـــــــال نـــــــار شوقــــك تكتلنــّــى
***
عوّدتينــى اشـــوفــك يومــى ..واستســــلـم للـــــريد يمكنـّـــــى
ولما خلاص ادمنت هواكى سقتى خطــــاكى وبعــــدت منـّـــى
مهما قلتى ظروفك قاسيــه برضـــو ظروفـــى تحتــــــم انــّــى
لابد من نسعى ونتلاقـى وأىّ حديــث مـــن غيـــر دا تجنـّـــــى
***
انا ما فاكرك .. حلماً عابــر وما قايــــل رؤياكــــى تمنـّـــــــى
جنة ريد فى الخاطره بنيتا .. وعشمان تبقى ازاهـــر الجنـّــــى
لكن آه , أوّاه مـن صــــدك هسّ اسبـــــوع وماتسألـــى عنـّـــى
وين حنيتك وشوقك لـــىّ لو كان صــــاح حنّـــك زى حنـّــــى
***
كم أرّقنى غيابـــــك انتــى وأجـــرى الدمـــع المـــــا بيونــّـــــى
وينك والايام الحلــــوه .. لا شـــى غــــير جيتـــك شاغلنـّـــــى
اندهدهتى , ودهدهتينــى .. متوهــدب بيـــن شكـّــى وظنــــــّى
لا شكـــاً اقنعنــى اسيبــك .. لا ظنـــاّ فــى رجــاك وصّلنـّــــى
***
مانى براى مليان بالوحشه حتــى زهور الـــــروض متـّنـّــــــى
واىّ طريق سارتبو خطـــانا مشتــاق ليــك وعنــك يسألنـّـــــى
ويبدا سؤال الزول الحـــايـر مغلــوب فـــى الأمـــر المحّنـّـــــى
كيف انا اقدر اطمن غيـــرى وطيفــــك لا عـــــاد لا طمّنـــــى
***
فيكــى زرعــت الأمــل الأخضـر يا أريــت الايــــام تمهلنــّــى
واقــدر اوفـّـى العـــهد البينــــا .. نتشـــابك والدنيــــا تغنــّــــى
وتهــدى لــىّ جميـــل احساسك .. واهدى ليــك روايــع فنـّــى
ما بين قلبــاً داب فـى حبـك ورعشــة ايـــد بالفـــرحه تهنـّـــى

ابومهاب
11-09-2010, 04:35 PM
مرثية النعام آدم

دودرت بنـّـوت الشعـــــر منـّـى القوافــــى بقـــــت تطيــــــر
وصفيت من العبره الكلام فات راح مـــع الدمـــع الغزيـــــر
****
باريـــتت مضــارباً للنجـــوم شقيتــا فــى التلـــت الاخـــــيـر
حودقت فوق تل الرماد واصبحـت فـــى الـــوادى الشهــــيـر
صيّحت فى عبـــقر هنـــاك ياروح كثيـــر يا روح جريــــر
اتقمّصّنى ان كــان قـــدرت رثيــت متـــل شيخنـــا الكبيـــــر
****
لا تظنوا انى انا زى زمـــان كتـّـاب وبالقافيـــات جديــــــــر
ابـــداً صواقـــع الفجعــــه ما خلنلــــى دربــــاً بيــــه اسيـــــر
يا هولى من هول المصاب صار راسى مغزل فى تريـــــــر
وانهارت الافكار علــــى وفقـــد العظــــــام لاشـــك يهيــــــر
****
يامن صبرت على البلا دا صبرنــا مـن صـــــبرو الكتيـــــر
يوم كان يقطع فى الالــــم شــان مايحســـو معاهــــو غيـــــر
ما كنــا عارفين الاّ هــو عــارف دا ياهـــتو اخـــر العميــــر
وكل الفضـل حتــــرب زمـــن مابين سريـــــــرو والقبيـــــر
****
فى دوب شفا اتلاشى الفرق جارين صغيرنا مـــع الكبيــــر
زى ما قبيـــل سكّــر غناهـــو سقاهـــــو للغنـــى والفقيـــــر
وسهرت عيون اهـــل البلـــد تدعـــو الله يتولاّهـــو خــــــير
وما شفّع الدعا من اجـل ولا طـــب من المقــــدور يجيــــر
****
يا آتى من صلــب الشمـــال بـــى فنّــــو للوطــــن الكبيــــر
يا كلمـــه عندهـــا التقـــن عربـــان وشايـــق والبديــــــــــر
مثلت فينـا الموصلــى والموصلـــى رحـــراح وانت كيـــر
بغناك مالو بنات نعـش وخلّيــت مشيــرها عليــــك يشيـــر
****
جابوك من رحــم الزمــان يــوم صفـــق النيــــل للخديــــر
ولجّـــاك لحــــن الانسيــــاب مــــازج ربابـــك والخريــــر
وخصّــــاك بطـــب العاشقيـــن الجـــنّ واب قلبـــاً كسيــــر
وبقيت تفيض فى الناس فنون كلا يفيــض النيـــل بخيــــر
****
شيخنا النعـــتام شقيش مشيت فرقـــك أمـرّ مـــن المــــرير
لا نوّخ الركب الجمال .. لا لينـــا مــــن غيـــرك خبيــــر
وشيبنا وشبابنا نكوس عليــــك والقافلـــه مستنّاــك تسيـــر
ليه اتكرم مــــن بينــا فــتْ وفضّلـــت مثــــواك الاخيـــــر
****
بعدك طنابيرنا اترخـن يـــوم امست النغمــــــات طـــريـر
وانطربق الايقاع وراك فى مشيــة الــــواردى العصيـــــر
فـــارق مجالسنــــا الطـــرب واتعبّس الوجــــه النضــــــر
وتمتمنــــا بــى مــرّ الكــــلام ونونينـــا لليــــوم العسيـــــر
****
خربانى خربانى العبوس ضايفانا يوم ويوم ضايفه غـيـر
من بينا فات يس عريس وفى غفلــه قبلــو رحــل سميــر
واليوم تغير تهـــدم ركـــن وينقــصّ من نصّــو الدميـــــر
ولو عودنا باكى على حسن يرضو الرباب فقد الاميـــــر
****
ليكـــم مــن الله الســـلام ويفـــرش ضرايحـــكم حريـــــر
ورحمـــاتو تتكالـــب سحاـــب ينـــزل يبــــرّد للهجيــــــر
ما هبّ من تالا الشمال نسّــــام علـــى روضـــاً نضيــــر
وما رقصن الازهار طرب نشوانه بـــــى لحنـــاً مثيـــــر

ابومهاب
11-26-2010, 12:12 PM
الساجعه
القليب ياساجعه باكـــــى علــــى ضنـــــــاه
لمّا تبكى ويبكـــى وينــك مــــن بكــــــاه ؟!
***
ان سألتــــى عليـــــه مـــــن أول بـــــــــــداه
كان يعيش ويتمنّــــى زىّ النـــــاس تــــــراه
كان سعيــد فــى حبــو من زولاً هــــــــــواه
لا فـــراق لا غيبــــته بتعكـّــــر صفـــــــــاه
***
كان يضمّمو عليـه والــــــداً ضــمْ جنـــــــاه
كونو خايف الفرقـــه ما ب يقـــدر بـــــــلاه
كان يشوفـا حياتــو فى بسمــات شفــــــــــاه
وعندو كل الدنيا كلمـــــه يقــــــولا فـــــــــاه
***
كان هو روح من روحو كان قطرات دمــاه
وكان سعادتــو واملـــو فــى الدنيـــا وبفــــاه
كان كليمـــة طيبــه تنســـاب فـــى غنــــــــاه
عايشه فى اعمافـــو فـــى داخـــل حشـــــــاه
***
الاّ جاهو فى غفله رامــى البيـــــن رمـــــــاه
هــدّ كـــل أمالـــو كـــــل الكـــــــــان بنــــــاه
فيه خلّف جرحــو عمقــــو بعيــــد مــــــــداه
وخلّ حالتو تحنـن الطير فـــــى سمـــــــــــاه
***
شوفـى حـــال واديهــو كيفـــــــن بـــى وراه
المحـل ياساجعــــه دابـــــو اتخــــــمّ جــــــاه
دابو صايف صيفو خيّتــم فــــوق عــــــــلاه
والخريـــف من بــدرى لســــع ما طـــــــراه
***
شوفـــى حتّ صفيقــو شــدرو بعــد نــــــداه
والمبتق دابـــو جاهــــو الصيــــف رعـــــاه
منّو نافــرغادى صيـــــداً فــــــى خــــــــلاه
والطيـــــور تتبكـّـا راحلــــــه مودعــــــــــاه
***
حــرّو لافـــح ديمــه نسّــــــــام ما غشــــــاه
والرياح طول يوما تقـــدل فـــوق ربــــــــاه
دا القبيل ياساجعــه كـــان مرتــــع صبـــــاه
ياحليلو زمان وكــت فـــى زيــــن غنــــــــاه
***
شن يقول يا ساجعه ياهـو الحــــــال تـــــراه
والحصــــل يا حمامـــه منــــك ما خفـــــــاه
كيف يخبّى عليـــك نــــار وجــــــداّ بــــــراه
وانت شاركتيهـــو فــــى نوحــــو واســـــــاه
***
ما كتار ياساجعـه فـى الحب قبلـــو تاهـــــوا
والبفـــارق حبّـــو اصلـــــو بطــــول بكــــاه
والدهر ياساجعـــه ما مضمـــــــون سخــــاه
ترى البعيش فى نعيمو برضو بضوق شقـاه

ابومهاب
12-17-2010, 09:38 AM
فى سبيل الحب

مهمـا ألاقــى أنـا فــــى هــــواك .. مهمـــا انجــــــرح
بصـــبر علـــى ألمـى وشقـــايا واحمـــل الاحزان فـــرح
***
أنا كـم بســم فــوق الالــم داريــت دمعــاً فــاض طمـــح
وطمنت بى لقيـاك قليــب من خــوف فراقـــو يســوّى وح
كتمـت حبــك فــى الضــلوع اخفيـــتو للنــاس ما شـــرح
راجيك لامن يوم تعـــود ويعـــود معــاك عقلــى النـــّزح
***
تلقانـى وكــت الليــل يطــول وعبـّادوتجبــد فى السـّبـــح
انا بى هناك من حالى آه شــايل جــراح شــوقى النـّبـــح
اتمنى رغـم البى اراك فــى الطيــف لو الأمـال تصـــح
لكنـّو وين يصـدق أمل لــى زول همومــو تقولّــــو أرح
***
صدّقنى مابقدر اقــول انســاك حتــى ان كـــان مـــزح
كيفن بينسى الزول حبيب حبـــّا وقليبو علــى انشــرح ؟
ما انت غيمى الفـى الهجــير ضــلانى من حــراً لفـــح
وياك غيثى داخرك لى رواى كان السحاب بى غيثو شح
***
والله انت دوام معــاى ومعــاك كـــل ما البــال ســـرح
وانا عمرى غيرك كلو نوح وايامى من بعـــدك تـــرح
عزايا شلتك فى غناى وكـــت الزمــان بيــك ما سمـــح
وخلّدت اسمك فى حروف غنّى الوجــود بــيها وصــدح

ودمروى شرق
02-28-2011, 11:58 AM
شهرزاد الرائعون وحدهم هم من يصنعون الابداع لكى التحية على هذه التحف للرائع دوما ابراهيم ابنعوف

كمال الدين ابوقرون
04-13-2011, 06:37 AM
طريق الحب

ما غلطان طريق الحـب مشيتـو !!
اتعذبـت ايـه ذنبـي الجنيـتـو ؟؟!
طريقـا لاعرفتـو .. ولا دريتـو ..
لقيـت القبلـي سايرنبـو ومشيـتـو
يا ملاك ليه بالهجر والصـد مليتـو
انا لارجع لي اولو ولا اخره جيتـو
***
النـاس البعـاد والفـي جــواري
مالن يحكو فـي سيرتـي وخبـاري
انا النيل والفـرات مابيطفـو نـاري
غـيـر لقـيـة حبيـبـا مالقيـتـو
***
مـاك عارفنـي سهـران الليـالـي
ليه تتابع ديل يحرموك من وصالـي
قلبك اسالو ان كـان يرثـي حالـي
وتعود للفـي سجـون الريـد نفيتـو
***
رسلـت السـلام يـا اللـي مفـارق
ليك يبقي حصن حصين من كل طارق
اتذكرنـي بـيـه مــع المـشـارق
وقول ياحليلـو زول حـب وسليتـو





ايها الرائع واصل ابدلعاتك والله لو هبشت النعام ادم شوية تكون ابدعت وانت اصلا مبدع

كمال الدين ابوقرون
04-14-2011, 05:56 AM
شكرا شهرذاد , مجهود كبير جدا لشاعر يستحق التوثيق ,, بالتوفيق
هذه القصيدة بالتحديد اعجبت شيخ الشعر المرحوم اسماعين ود حد الزين وقال بانها سقطت من جرابه والتقطها ابراهيم ابن عوف
الشكر مجددا ودائما

شكرا ايتها الرئعة واصلى ابدعاتك مية مية

كمال الدين ابوقرون
04-14-2011, 06:03 AM
شكرا شهرذاد , مجهود كبير جدا لشاعر يستحق التوثيق ,, بالتوفيق
هذه القصيدة بالتحديد اعجبت شيخ الشعر المرحوم اسماعين ود حد الزين وقال بانها سقطت من جرابه والتقطها ابراهيم ابن عوف
الشكر مجددا ودائما

شكرا ايتها الرئعة واصلى ابدعاتك مية مية

عصام سرالختم
04-16-2011, 08:56 PM
نداء عاجل لصاحبة البوست اختنا شهرزاد
وللمبدع شاعرنا الكبير ابومهاب
غيابكم طال .. شغلتو البال
لعل المانع خير

شهرزاد
04-16-2011, 09:29 PM
نداء عاجل لصاحبة البوست اختنا شهرزاد
وللمبدع شاعرنا الكبير ابومهاب
غيابكم طال .. شغلتو البال
لعل المانع خير

عمدتنا عصام ..
سلام من جم إزيك وكيف أحوالك ..؟
أنت وكل الأحباب في قطر سلام وأشواق كتيرة ..
شاعرنا الكبير إبراهيم أبنعوف سلامات سعيدة وفخورة جداً بتواجدك في البوست ..
وأكيد لي رجعة بي رواقه ...
ووعد مني ياعصام بمعاودة النشاط قريب إن شاء الله ..

ـــــــــ
سلام مؤقت ..

كمال الدين ابوقرون
04-18-2011, 07:01 AM
اسمح لي ابدي اعجابي بقلمك وتميزك واسلوبك الراقي وتالقك
عزة بهجة حسنك حايزة كل تقدير
زى شعاع الشمس الطل فوق الغدير
ليت لى جناح احاكى الطـــــــــــير
كنت اقصد حييك ولى رباك اطير

شهرزاد
05-16-2011, 07:22 PM
اسمح لي ابدي اعجابي بقلمك وتميزك واسلوبك الراقي وتالقك
عزة بهجة حسنك حايزة كل تقدير
زى شعاع الشمس الطل فوق الغدير
ليت لى جناح احاكى الطـــــــــــير
كنت اقصد حييك ولى رباك اطير

شكراً أخي كمال الدين
تظل قصائد الشاعر إبراهيم أبنعوف رمز الكلمة الساحرة والإحساس المتميز
والمعني المتفرد وأكثر ما يميزه مواكبته لعصره فتأتي كلماته سلسه وقريبة للحس والقلب .
ـــــــــ
نورت البوست أخي كمال وياريت نشوفك تاني .

شهرزاد
05-16-2011, 07:31 PM
الحب الرسالة ..


عذبي قلبي لو كان العذاب يرضيك
شوفي إن كان يتوب أو ينسي عهداً بيك
***
لو ماضيك حافل .. ما سأل ماضيك
كل إنسان بيختار لي حياتو شريك
ويكفيك لو أقول عن حبي وأشرح ليك
إني صحيح بحبك وخاتي بالي عليك
***
يا امل القلوب أنا قلبي مفتون بيك
تايه فوق دريبك ليل نهار باريك
هداهو الغرام جاك يشكي بين إيديك
أمسحي دمعو قولي ليهو ايه يبكيك
***
حبك كان رسالتي وجيت أبلغها ليك
ليها أنا الرسول والوحي من عينيك
مهما كان طريقها صعب بشيلها وأجيك
بس دايرك تضحي أنا بي دماي بفديك
***
دايره تعرفي ايه ما أشعاري فيك تنبيك
ما إنتي الزهور وقلبي الفراش حواليك
أسعد ما يكون في عمرو لما يجيك
وينظر لي جمال سحر الطبيعة الفيك
***
نوثري جرحي ما أصلو الدلال غاريك
لكن لا تهدي أملي البنيتو عليك
عارفك طيبة لما الطيبة كاسيه وشيك
يبقي تعودي لي يوم والزمان يهديك
***
بحلم بي لقاك إلا البعاد طاويك
وياريت لو يعود يوماً جمعني أنا بيك
دابوعميري راح وأصبحت ما لاقيك
هل يرضيك أموت وحياتي بين إيديك؟
***
أكتب شعري فيك وأجمل غناي أهديك
وأظهر ليك شعور إحساسي وأحكي ليك
لكن شايفو حالي البي ماهاميك
وما نافع غناي ساكت معذب بيك
***
لايمك في شقاي .. لكني متمنيك
تكوني سعيدة إنتي الدنيا تبسم ليك
هاك مني التحية والسلام يغريك
معطر بي إريج زهراً علي خديك

شهرزاد
06-06-2011, 08:06 PM
إسمك مين ..؟

قولي ؛ أنا أيه أقول للناس لو سألوني إسمك مين
أقول نوار .. وعبير أزهار ولا أقول شذي ياسمين
****
أسمك في القليب تذكار .. يشيلو سنين
مكتوب بي حروف ريانه .. شوق وحنين
منقوش بي بنان نظرات عيون حلوين
إنت هناي وكل مناي وزاد عمري الي بيه ضنين
****
أسمك فرحة .. لما الفرحة تعلو جبين
فرحة يوم لقا أحباب حين يظهر صباحو يبين
قارب في بحور الشوق ورحلة حب مشوها اتنين
ضمة ريد .. وبهجة عيد وبسمة يوم لقاها حزين
****
أسمك أغنية ساقيتنا وكت الليل يزيدا حنين
ونغمة حنينة من طمبور تجفف دمعة الباكين
أمواج من بحور الطيبة في عيون أهلنا الطيبين
كل الكان .. طواه زمان وراح وأسمك مع الباقين
****
أسمك يا صباح العيد علي البلد الصباحا يزين
وجوه ناساً صباحين خير سمت روحن محنة وزين
هواهم من هواك منساب مترجم في غنا وتلحين
قدر أهواك .. وأموت في هواك وأحمل عذاب البين
****
نظرة عميقة في محياك وكت تسرح معاهو العين
وهمسة رقيقة تحكي ليك شوقاً في نفوسنا دفين
أقول ليك بيها كوني أمينة أنا الحبك عليه أمين
أمان إحساس .. يفرح ناس ويصبح جوه حزنو سجين .

ودبربر
06-19-2011, 07:54 PM
هل من مزيد من سلسبيل القامة ود إبنعوف أختي الرائعة شهرذاد

شهرزاد
10-06-2011, 11:42 PM
هل من مزيد من سلسبيل القامة ود إبنعوف أختي الرائعة شهرذاد

الأخ ودبربر ....
سعيدة أن تكون أول مساهماتك بالمنتدي عبر كلمات وقصائد الشاعر القامة إبراهيم أبنعوف .. وأوعدك بالجديد عن قريب إن شاء الله .
تسلم ولك التحية ،

ود إدريس
10-08-2011, 07:13 AM
الحب الرسالة ..


لايمك في شقاي .. لكني متمنيك
تكوني سعيدة إنتي الدنيا تبسم ليك
هاك مني التحية والسلام يغريك
معطر بي إريج زهراً علي خديك

لله دّرك يا شهرزاد دائمــــا فى حديقتك نجد أجمل الأزهار
ومن بوح قلمك عرفنــــا الكثير عن شعر عمالقة ولاد شايق
متعك الله بالعافيه ... وأن نرى إشعاع قلمك يضىء لنـــا
دهاليز القوافى بهذا الشعر الجميل والإخراج الأجمل

خضرأبوريش
05-10-2012, 08:43 PM
الاخت العزيزة شهرزاد تحية ليك وانت توثقين لنخلة اصلها ثابت وفرعها في السماء ومنذ صبانا الاول اثرى وجداننا وهو ينساب كما النهرعذوبة ولحنا واسمحي لي بإهداء هذه القصيدة لهذا الشاعر الفذ الذي لا يشق له غبار كتبتها ونحن ننتظر تكريمه من قبل الدولة تكريما يليق به لما قدم وأثرى وجدان هذا الشعب الابي الكريم ونتمني ان نكرم مبدعينا وهم بين اظهرنا أحياء متعك الله بالصحة والعافية ومتع شاعرنا الكبير الاستاذ ابراهيم ابنعوف عمر.
عيد البلد

عيد البلد عارف ليك مكان
تعال فرحنا رجع للزمان
تعال بالطيبة والناس الحنان
رجال معروفة بي طي المكان
أحفاد الصحابة طاهرين الجنان
سكان الحرم والركن اليمان

لوجه الله قامو للدين ينشران
زادهم في ركابهم اللوح والسنان
فكاكين رقاب ليهم صولجان
شايه ورايه تايه للسودان أمان
عشان الفرحة تصبح فرحتان
تعال احضر معانا المهرجان
نزف ود إبنعوف سيد البيان

نكرم أمه حيه وغيرها فان
سلطان الشعر ومرجع ترجمان
نشا وتراً موزن شانو شان
رفع إسم أوسلي في القبل الثمان
نحس ساعة نسامره مسامرين حسان
عنادل وبلابل غناهو يغردان

غاص جابن لآلي وجمان مرجان
واديهن وعبقر شرابن قران
من بحر الخليل عينان تجريان
تحكيبا القماري تمشيبا الركبان
يرويها القمر وتروي الخافقان
تضوي الليالي في جيد الحسان

تملا الكون نغم وللعين تملآن
ديوانهن معطر بي أريج البرتكان
مفرش فصيح فاق عجمي أصفهان
مسور نخيل أعناب ورمان
رغم بناهو عالي ثمرو قريب ودان
معاني وحروفو للحب ينشدان

مسطر مقدر مطاوعو البنان
تحلف نقول ملكان يكتبان
حفيان تمشي فيهو بستان لبستان
إن شئت إستريح بين الجنتان
أغريهو السلام قلو تناك بان
دا ود إبنعوف بأي شعرو تكذبان

ابومهاب
01-19-2013, 07:28 PM
انا بعشقك

اتنسّمـك . . طيب من فــرح .. واتوسّمـك لـى عمـرى فـال
وارســم لقــــاك كلمــا صعــب .. وادّيـــه كــل الاحتمــال
أنا بعشقك .. بعشقك وانت المحال
****
يابـت مولقــده فــيّ شـــوق !!. ومولّهــانى علــى الوصــال
انا بين عساى ولعلى اسوج فوق قيف حــدود معـرفتى ضـال
كيف اوصلك ؟! شاشاى عليـك ياعايشه فــى الافكـار ســؤال
وكيف اوصلك ؟ وكل الدروب تاهت بى والسفـر الّلّى طـال
***
فيـك شـن اقــول !! غير ما اقــول حــوريه من جنـة بـــلال
اتمسّحــت طيــب الارض ..وشـــربت مــن النيــل الـــزلال
أوّاه ياساحـــره العقـــول .. تتهــــادى فــى هيبـــه وجـــلال
اعجـزتى شيطــان وصفــى فيـــك .. يا كــامله لله الكمـــال
***
وين ياصباحات المنى المتوارى بين طول الرجا وبعدالمنـال
ألفينــى من ظلمات قـــدر .. دردرنــى مابيـن حـال وحــال
أنا يا ما غنـّيتــك سهــر , وجسّــدت صورتـك فى الخيــال
ورقصـن بنــات أفكــارى فيــك مابيـن رموشـك والظــلال
****
انشــرّى نــور ضــوّى الزمـان يا آيــه من صــور الجمــال
واترونقــى الزهــر العبيـــر.. ريّــان علـى نســق التـلال
خلينــى اتكــرّف هــواك مـع فــراش .. فـى نشــوه جـال
يا الفـى هـواك طعـم الحيـاه .. وكاتـلانى عينيـك دون قتـال
****
لاضــل قلبــى ولاكفـــر .. بهــواك ولا لســواك مـال
أبــداً ولا زاغ البصـر يامن تفوقـى البــانه لينــاً واعتــدال
ســريان هـواك وريــد وريــد .. ما خـلّ لى غيـرك مجــال
يلاّ ادخـليه من اليميـن دقـات حنيـن واتمـدى فيه من الشمال
****
الكون غمد فى سحــره نــام وانـــا لسّ ..عينـى لا تــزال
اتمارى طيـف يسعـدنـى بيـك وآنسينـى لـو لحظـات قــلال
واحكى لـى عنــّك .. والهــوى الخافيـاه فـى الـدل والـدلال
أنا بعشقك .. حـدّ العشـق ما صار جنـون , واصبـح مثـال

ابومهاب
01-19-2013, 07:38 PM
الحسن يفعل ما يشاء
(باللغه العربيه )


يامن زرعت الحــب فى قلبــى وكــان لك الثنـاء
وملأت ظلمة وحشتى نـوراً وكنت ليــا الضيــاء
دعنـى اقــول حبيبتــى بعــدت كما بعــد السمـاء
تركـت ذئاب الشـوق تنهشنى وتصـرخ بالعــواء
ياوحشتى فالليل اقبل بعدها حزناً وشـوقاً وجواء
كانت ليا الانس الجميـل واحلى ساعـات الصفـاء
أنا لا ألــوم فيـما قضـت فالحسـن يفعـل ما يشــاء
أصبحـت مقتــولاً .. وفى قتــل المحبيــن الشفـاء
بئس الحيــاة وشـؤمها ان لــم تحققنــى الـرجـاء
لاتحزنى انى اريدك دائمـاً ألقــاً وحسنــاً وبـهــاء
لا تندبـى ظلـمى دمـوعـاً هـا فقــد حكــم القضـاء
بل فاعلمى فى الحب شرعاً جـاز قتـل الابـريــاء
كيف المنام وقــد غــدت دنيــاى تجهش بالبكــاء
وتبــدل الحـب العفيــف .. الــى صــدود وجفـاء
والطيف والاحـلام بــدد حسنـهــا عبس الشقــاء
لا لـــن انـــام .. فليـلتـــى حلــم ووعــد ولقـــاء
عفوت عنـك حبيبتــى ســأرد ظلمــك بالــوفـــاء
واعيش عمرى صابراً لأعيـــد صبــر الانبيـــاء
فلربما الأيام يرحل نحسها وتعود ايـــام الصفــاء

ابومهاب
01-19-2013, 07:44 PM
البسمات


شـالا بص البسمات سدر ماســك الشريــان ماشـى صـاح
قـفّ سافربهـا ماشـى ويـن ؟! شقـق الـوديــان والبــطــاح
****
مالو هو استعجل يارفـاق ؟ّ! سوّ فّــرّ القمــرى أب جنــاح
والحبيــب ما ودّع حبيــب .. والمسيـكيـــن والعـقـلــو راح
يبكــوا ذرفــوا دمــوع الحنيــن ما ديــارن قمحـت قمـاح
لوّنت احزانها المغيب ‘ وغـاب كنــارها الدّيمــه صــدّاح
****
كم هو شال من تالا الشمال زهـره يانعــه عبيـرها فـــوّاح
جابتــا امــها ليــلــة قــــدر .. وكلـلا الـرحـمن بـالسمــاح
بى عيون ناعسه بـلا نعــاس ونــور جبيـن متشتـت بـراح
ضـوّ مابيــن المـايقيــن .. لمّـا لاقــــا الليـــل الصبـاح
****
شايله من نورى صفـار مديــن ومن مزارع غــزّه تفــّاح
عاجزه عن اوصافها الحروف فى سطور الكتب الصحاح
فى الجمال ما خلّت فرض والجمـال ماهـو جمـال نصـاح
والبنـــات مهمــا اتجملــــن .. لمــا تظهــر يبقـــن اشبـــاح
****
ماشى طالبه البص للرحيل فـــوق قلـــوباً سنحن سنــاح
كان منــاها تقيــف لو قليــل .. لـــى وداعــاً قبل الــــرّواح
شـان تشـوف الأسـى فــوق عيــون بالنظر باريـاها سـوّاح
أو تلــّوح بــى كلمتيــن .. عـلّ بيهــن تشـــفى الجــــراح
****
جــانا ود اب ريــش للأذى فـــى البـــلد ما خـــلّ أفـــراح
مالــو مـال غــمّ العاشقيــن والهيـــام وعواقـــب النـّـــواح
والبجيبـــا الســـر للبـــلد .. تلقـــا رجّعـــا قبـــل تــرتـــاح
ما عرفنـــاه قصـــد عديـــل .. ولاّ ســـراً بيـــه ما بــــاح
****
ويا عصام هاك آخـر الكـلام والكــلام قــول حق ما مــزاح
وينــّا من عهـــد ابــن داؤود لمـّا جبت بســـاط الريــاح ّ!!
والغريبه تقـول سايقــو جــن من سـلالة الجــان النـّصــــاح
من يقـوم بس طرفـة العيــن بى خـــلا امدرمــان تلقـــا لاح

ابومهاب
02-18-2014, 03:12 PM
حكاية ريــد

ود ابنعوف

يبدا من نظــره بــلا احتمــال يسرى جوّه الجـوف ويمكنو
الله سلّطــو بس فـــى الجمــال عاد نسوّى مع الريد شنـوا ؟
****
قبلــى كــم لله .. من رجـــــال شربوا كاس الهوى وادمنوا
فوق دروب سمحات الخصال تاهــوا تيـهـــن واتـــوهّنـوا
عنهـــم .. لـو جـــاد الســؤال لى مشارف المنى ما دنــوا
قصــدهم كـان يحصـدوا آمال الآ غير الهم .. ماجنـــوا !!
****
وانت شــن قــولك يــا لبيــب فى وجوهــاً ضوّن الليـل ؟
وفى فريع .. يتمايـس رطيب متفـــــدع قبّــال ما يشيـــل
وفى خدود تتحاشـى السبيب تجرحا الدمعه وكت تسيل
مالك انت تودّى . وتجيب ؟! وسر اذاك عارف مكمنـو؟
****
يدخلك .. ريــدن بــى بشيش يسبقـــن من قبــل الســـلام
زى دخول الضل على العيش يدبى لا حــركه ولا كـــلام
ولما تــزهد وتبقــى درويــش وتنشــده بــاوراد الغـــرام
تتكتـل .. بــى غمــزة رميش وما تعرف الكاتلك منو ؟!!
****
ياما انـا استغــرب فى نعاس وفى عيـون تغريك بالــريد
ويوم ترن للفـرحه .. اجراس وانت بيـها تريــدن شديـد
وتبرى زهراتـو على اسـاس وتسقى لو كان دم الوريـد
فى النهايه . تقول لك خلاص باقى ريدك صرّو ادفــنو!!
****
كلمــا هب .. زاكــى النسيــم من ديــار الغيــد الحســان
يتفتــق فى .. جرحــاً قديــم طــاب مع عتـرات الزمـان
والتمس .. فى صبراً عـديـــم وارجى طيفن فاقــد الامان
الآ طيفــن .. ما عــاد نديــم وقلبى .. ما قـــادر أيقنــو!
****
وفى كتاب الريد .. ليل نهار أقـرا .. وما عارف مذهبـو
منـّــو ماوصّــونى .. الكبــار والـوراى وصّيتــن وأبــوا
جونى يبكوا ويشكـوا الـودار دابو دار يقعــدوا يحسبـوا
أعمل ايه وانا زاتــى محتـار وزاتو جــن جنــى مجننـو

الخزين ود نصر
02-18-2014, 06:44 PM
يا سلام عليك يا ود أبنعوف دا كلام ما عادي أكيد أتى مباشرة من وآدي عبقر .. كل مقطع أخطر من التاني ..

خضرأبوريش
02-19-2014, 08:16 AM
اقتباس:
المشاركة الأصلية كتبت بواسطة ابومهاب http://albrkal.com/vb/images/styles/greendeluxe/buttons/viewpost.gif (http://albrkal.com/vb/showthread.php?p=371689#post371689)

حكاية ريــد

ود ابنعوف

يبدا من نظــره بــلا احتمــال يسرى جوّه الجـوف ويمكنو
الله سلّطــو بس فـــى الجمــال عاد نسوّى مع الريد شنـوا ؟
****
قبلــى كــم لله .. من رجـــــال شربوا كاس الهوى وادمنوا
فوق دروب سمحات الخصال تاهــوا تيـهـــن واتـــوهّنـوا
عنهـــم .. لـو جـــاد الســؤال لى مشارف المنى ما دنــوا
قصــدهم كـان يحصـدوا آمال الآ غير الهم .. ماجنـــوا !!
****
وانت شــن قــولك يــا لبيــب فى وجوهــاً ضوّن الليـل ؟
وفى فريع .. يتمايـس رطيب متفـــــدع قبّــال ما يشيـــل
وفى خدود تتحاشـى السبيب تجرحا الدمعه وكت تسيل
مالك انت تودّى . وتجيب ؟! وسر اذاك عارف مكمنـو؟
****
يدخلك .. ريــدن بــى بشيش يسبقـــن من قبــل الســـلام
زى دخول الضل على العيش يدبى لا حــركه ولا كـــلام
ولما تــزهد وتبقــى درويــش وتنشــده بــاوراد الغـــرام
تتكتـل .. بــى غمــزة رميش وما تعرف الكاتلك منو ؟!!
****
ياما انـا استغــرب فى نعاس وفى عيـون تغريك بالــريد
ويوم ترن للفـرحه .. اجراس وانت بيـها تريــدن شديـد
وتبرى زهراتـو على اسـاس وتسقى لو كان دم الوريـد
فى النهايه . تقول لك خلاص باقى ريدك صرّو ادفــنو!!
****
كلمــا هب .. زاكــى النسيــم من ديــار الغيــد الحســان
يتفتــق فى .. جرحــاً قديــم طــاب مع عتـرات الزمـان
والتمس .. فى صبراً عـديـــم وارجى طيفن فاقــد الامان
الآ طيفــن .. ما عــاد نديــم وقلبى .. ما قـــادر أيقنــو!
****
وفى كتاب الريد .. ليل نهار أقـرا .. وما عارف مذهبـو
منـّــو ماوصّــونى .. الكبــار والـوراى وصّيتــن وأبــوا
جونى يبكوا ويشكـوا الـودار دابو دار يقعــدوا يحسبـوا
أعمل ايه وانا زاتــى محتـار وزاتو جــن جنــى مجننـو
كدى كدى