معدية مروى القديمة تسال الحاصل شنو؟

[بشرى الفاضل]

الصورة تعبر ...........

[عبد العزيز السعيد]

شكراً شكراً اخونا بشري والله جد صور معبرة والواحد ما مابي التطور في عصر السرعة دا لكن حنين البنطون وانتظارو وتحملو لينا ولي هلنا كل السنين دي وهو شايل الناس والعربات والحمير والغنم والجمال حتي الكلاب والكارو لك ولبناطينا الف سلام

[شهرزاد]

سيظل في الدواخل ..
ذكري وحنين لزمن جميييييييييل

[شهرزاد]

سيظل في الدواخل ..
ذكري وحنين لزمن جميييييييييل

[حسب الرسول جواب محمد]

ستظل ذكرى وحنين لي ماضي وايام غفلتنا ومرت وهي محطة من العمر عدت ولن تنسى بمرها وحلوها
والهم بقي ودالمحسي مشى وييييييييييين

[بكرى مجذوب خطيب]

الاخ بشرى
تحياتى
ستظل زكرى جميلة حين اقوم فجر لاحق البنطون..
وحين اجلس على حافته ( وا اجلبق ) بماء النيل ذو النكهة واللون المميز ...
وحين انتظاره لساعات طويلة ليحمل معى امنياتى واحلامى بالذهاب للعالم الاخر ..
ولمن ينادوا على فضل يطراهو الله بالخير والعم محمديوسف هؤلاء الرجال الذين خدموا
البنطون والناس دون كلل او ملل بل ودون مقابل فى راى ..

عشعش فى ذاكرتى هذا البنطون مرحب بعصر العولمة ولكن اه على من بقى ارث ذاكرى
مع حبى
ونواصل

[ام محمد]

والله وانا نازلة المعدية باكون شايله هم كبير بالبص ولا العربية داخلة البنطون حاجة كبيرة وهم كبير لكن بمجرد ما ادخل المعدية باحس بفرح ونشوة ما عادية لكن اصبحت زكريات العيد الفات دخلنا بالمعدية لكن طلعنا بالكبري عولمة وكده

[علي ود بت الكاتب]

اخونا بشرة لا تحزن
مسكين البنطون شقال طول عمرو يساسق بين مروي شرق ومروي غرب
ياها حال الدنيا اخيرا لاشكر ولا تكريم زي حال البني ادم عندما يحال الى
المعاش مافي زول يجيب خبرك