هاكم الهدية دي واعفوا لي الغياب

[عكود]

الأحباب الكرام،

كل عام وأنتم بخير . .
وتصوموا وتفطروا على خير.

آسف للغياب عنكم أعزائي وما كان ذلك إلا بسبب السفر وبعض العوارض،
بس كمان عشان ما أجيكم وإيدي فاضية، هاكم القاموس ده (عربي إنجليزي - إنجليزي عربي).
قاموس صغير، سهل التنصيب والإستخدام ومفيد جدّاً + مجّاااان على طول.
بعد التنصيب (أقل من دقيقتين) تظهر لك أيقونة أسفل يمين الشاشة (جنب الساعة) في شكل آس أسود.
يمكنك بالنقر عليها أو بالضغط على (Alt + left click) إستخدامه.
بمجرد كتابة الكلمة (عربي أو إنجليزي) يظهر لك معانيها.
كدي جرّبوهو من اللنك ده:
http://www.3aza.com/upload/user_uploads/alzool1061ee/VerbAce2007_0.7.zip


أو من لنك الموقع بتاعو ده:

http://www.verbace.com/

و
وزّعوه خاصة للطلبة والطالبات،
ولا تنسونا من صالح الدعوات . .
لنا ولمن كان السبب في تعريفي عليه (أخونا العوض).

أها يا أخوانا،
العفو والعافية
ومن باكر سأعاود النشاط المكثّف لتعويض ما فاتني.

[خالد الحاج]

هلا بيك يا عمدة
تعود الأيام ...
نفتقد والله طلتك الندية...
وكمية من اللوم لي العزيز دكتور عوض
خليه يا عكود يعمل عضوية هنا ما يكون بيحاول يدخل بي إسمو وماهو قادر

بالنسبة للهدية نجرب البرمامج ونوريك
الرابط الأول ما شغال
التاني بيحومك شوية
أخير منو ده
http://www.verbace.com/

سلام

خالد

[ضمره بغدادى]

عكود

كل غام وانتم بخير
وتصوم وتفطر على خير
مافى لوم يا عمدتنا والدنيا مشاغل الله يعينا عليها ... وحتى لو جيتنا ايدك فاضية برضو ما حنزعل .
الرابط ما اشتغل معاى وانا فى امس الحوجة اليه وخصوصا عندى الاولاد ممتحنين هذا العام .ارجو التوضيح اكثر .
مودتى

[ضمره بغدادى]

عكود

كل غام وانتم بخير
وتصوم وتفطر على خير
مافى لوم يا عمدتنا والدنيا مشاغل الله يعينا عليها ... وحتى لو جيتنا ايدك فاضية برضو ما حنزعل .
الرابط ما اشتغل معاى وانا فى امس الحوجة اليه وخصوصا عندى الاولاد ممتحنين هذا العام .ارجو التوضيح اكثر .
مودتى

[عوض جلاس]

رمضان كريم اخونا عكود وتصوم وتفطر على خير
ومشكور على الهدية القيمة التي إنشاء الله سيستفيد منها كل الأعضاء أو ابناءهم وربنا يجعلها في موازين حسناتك
وقلنا اول شي نرحب بيك بعدين نمشي نشوف الرابط كان يشتغل ولا لا وبنرجع لك تاني
كل سنة وإنت طيب

[عوض جلاس]

رمضان كريم اخونا عكود وتصوم وتفطر على خير
ومشكور على الهدية القيمة التي إنشاء الله سيستفيد منها كل الأعضاء أو ابناءهم وربنا يجعلها في موازين حسناتك
وقلنا اول شي نرحب بيك بعدين نمشي نشوف الرابط كان يشتغل ولا لا وبنرجع لك تاني
كل سنة وإنت طيب

[عكود]

سلام يا خالد،

والله البركل ده عقدني رسمي . .
ياخي باللنك ده ذااااتو، أنا نزّلتو في كمبيوتر البيت
وكمبيوتر المكتب
وشوف حتى الجماعة في س اون لاين ما عندهم مشكلة في تنزيلو
شوف هنا:
http://www.sudaneseonline.com/cgi-bin/sdb/2bb.cgi?seq=msg&board=140&msg=1190098804

كدي يا خالد راجع الحكاية دي . .
كرمال ولاد ضمرة وعوض جلاس.
إشمعنى في البركل بس فيهو مشكلة؟
الحكاية دي يبقى لي مشلكة محلية.
البرنامج ممتاز لأبعد الحدود ويستحق تتعب عليهو شوية . .
كنّا قد تبادلناه أنا والعوض فيرشن 2006
وبعد إنزال فيرشن 2007، القديم بقى ما بيشتغل
بس العوض المسلّط بحبت لامن لقى الفيرشن الجديد
وشايف أخونا الزول برضو منزّلو في بوست في س اون لاين.

[عكود]

عكود

كل غام وانتم بخير
وتصوم وتفطر على خير
مافى لوم يا عمدتنا والدنيا مشاغل الله يعينا عليها ... وحتى لو جيتنا ايدك فاضية برضو ما حنزعل .
الرابط ما اشتغل معاى وانا فى امس الحوجة اليه وخصوصا عندى الاولاد ممتحنين هذا العام .ارجو التوضيح اكثر .
مودتى سلاام يا ضمرة . .
وإنت والأسرة الكريمة بألف خير وعافية . .
والله اللنك ده ماني عارفو مالو ما اشتغل :confused:
لأنو شغال من مصادر تانية، غير البركل، زي "الفس فس" يا عملات خالد :D
كدي أقرا ردي الفوق ده واضغط على لنك بوست س اون لاين وحاول نزلو من هناك
الشي سمح بالحيل ويستاهل،
كمان أزيدك من مزاياه
ممكن تخلّي مؤشر الماوس على الكلمة العايز تترجمها،
وتضغط على Alt + left click
يديك المعنى طوالي
يعني ما بالضرورة تفتح البرنامج وتكتب الكلمة
شفت الراحة دي كيف؟

[على محجوب جعفر مصطفى]

سلام عكود وشنو الغيبه دى والعريس قال هو محرسك المنتدى
قلنا له عينا تشوفو تنقد
ولك خالص التحايا وحمدالله بالعوده وقبلنا الرضوة

[عكود]

تسلم يا عوض جلاس وينعاد علينا وعليك بالصحة والسلامة . .
ما شاء الله عليكم إنت وضمرة وعيني باردة على النشاط اليعجب.

كدي أمشي شوف الرابط وأديني خبر
وإن بقى ما أشتغل من هنا
أنا مستعد أرسلو بالإيميل لكل من يطلب
فايدتو عظيمة.

كل التقدير.

[عكود]

سلام عكود وشنو الغيبه دى والعريس قال هو محرسك المنتدى
قلنا له عينا تشوفو تنقد
ولك خالص التحايا وحمدالله بالعوده وقبلنا الرضوة كيفك يا علي محجوب . .
ليكم وحشة والله.
ياخي العريس ما قادر أتصل بو
كل من سألتو أداني الرقم ده
00249129103804
حاولت عدة مرات ولم أنجح
ويشهد الله هسع بحاول وبيديني في كل مرة
error in connection
دحين ياخوي إن بقى عندك ليهو رقماً تاني ألحقني بيهو
ألحق إتصل بو في نهار رمضان ده
قبال شراب المويات :D

تحياتي ليك وليهو بالله.

[عصام سرالختم]

اخونا عكود
رمضان كريم
وكل عام وانتم بخير
والف شكر على الهدية القيمة
وعيالى كانو محتاجين لقاموس سريع مثل هذا
الرابط اشتغل والان القاموس موجود جنب الساعة تحت
ويفتح فى شكل مستطيل ازرق به مايلى :

To use VerbAce click on any English or Arabic text word. You can also type the term in the text box above.

اكرر شكرى وتحياتى ..

[خالد الحاج]

سلامات يا عمدة
عمل الرابط من عدمه لا علاقة له بسستم البركل
أنا أداني رسالة بتقول الرابط (فيك) غير حقيقي
جربت التاني إشتغل.
التاني فيه كذا خطوة لذلك وضعت رابط للخطوة الأخيرة لتسهيل الموضوع.

تحياتي وتشكر مرة أخري

[صلاح عبد النبي]

أخونا عكود

حمداً لله على السلامة .. وبركة الجيتنا طيب ..
وتشكر من جد على الهدية الرائعة ..
البرنامج قمت بتحميله بمنتهى السهولة لكن من الرابط بتاع سودانيز أون لاين
وشغال عندي مائة في المائة ..
نتنمنى أن يعاود البركل بحضوركم وحضور باقي الأعضاء نشاطه السابق المعهود

خالص مودتي

[ضمره بغدادى]

سلاام يا ضمرة . .
وإنت والأسرة الكريمة بألف خير وعافية . .
والله اللنك ده ماني عارفو مالو ما اشتغل :confused:
لأنو شغال من مصادر تانية، غير البركل، زي "الفس فس" يا عملات خالد :D
كدي أقرا ردي الفوق ده واضغط على لنك بوست س اون لاين وحاول نزلو من هناك
الشي سمح بالحيل ويستاهل،
كمان أزيدك من مزاياه
ممكن تخلّي مؤشر الماوس على الكلمة العايز تترجمها،
وتضغط على Alt + left click
يديك المعنى طوالي
يعني ما بالضرورة تفتح البرنامج وتكتب الكلمة
شفت الراحة دي كيف؟


عكود
الله يديك العافية ويطولى فى عمرك يارب
اللنك اشتغل معاى زى (الفس فس )
والله يا عمدة غبته وجبته وانشاء الله تانى ما تغيب الا فى النوم:D:D:D:D

[عمر مجذوب خطيب]

عكود تسلم غيبتك طالت بالحيل حمدا لله على سلامتك وبركة الجيت وبي قاموسك كمان - عفيت منك اصلك ماب تجي ايدك فاضي
مودتي

[عيدابي]

الاخ عكود كل عام وانت بخير
وسلامة العودة
وهديتنا انك رجعت الى موقك الطبيعى لمواصلة
نشاطك ومشاركاتك المتميزة
رمضان كريم وسبت الله الاجر

[النافعابى]

اولا بركه بالعوده
وتشكر على الهديه وهاكم الرابط ده كمان هديه اللغه العربيه
http://zahra1.com/

[الخزين ود نصر]

عكود / رمضان كريم كل سنه وأنت طيب

و الله طلتك علينا من أحلى الهدايا

منتظرين باقى صور الاجازة

يديك العافى

[عكود]

سلاااام يا عصام سر الختم وحمد الله على السلامة،
الحمد لله الطمنتني على إمكانية تنزيل القاموس
وبالنجاح والقلم الصاح للوليدات إن شاء الله
To use VerbAce click on any English or Arabic text word. You can also type the term in the text box above. أهو ده الكلام.

تحياتي.

[عكود]

سلامات يا عمدة
عمل الرابط من عدمه لا علاقة له بسستم البركل
أنا أداني رسالة بتقول الرابط (فيك) غير حقيقي
جربت التاني إشتغل.
التاني فيه كذا خطوة لذلك وضعت رابط للخطوة الأخيرة لتسهيل الموضوع.

تحياتي وتشكر مرة أخري هو إنت متين قاعد تقصّر يا بو جعفر؟ (لا بأس من تكسير بعضاً من التلج حتى ولو على الريق، فإنه لا يفسد الصيام):D
ترى الجماعة قالوا قدرو ينزلوه . .
كان من رابطك
كان من رابط س اون لاين
كان من رابطي
وده المطلوب.

بس ما وريتنا رايك فيهو.

العوض بلّغتو سؤالك عنو ولومك وزدتها كوزين من عندياتي
ويغريك السلام وقال ما كان قادر يدخل بإسمو
شرحت لو الطريقة و وعد الطلّة
غايتو نحرسو ونرجاهو :rolleyes:

[عكود]

أخونا صلاح عبد النبي . .
يا زول كيفك ونعلّك طيب
ومبروك علينا وعليك الشهر

بركة القدرت تنزل البرنامج والله
لأنو مفيد جداً
بس لا تنسانا معاك من صالح الدعوات.

على جنب:
وين عثمان الدغيس؟

[عكود]

عكود
الله يديك العافية ويطولى فى عمرك يارب
اللنك اشتغل معاى زى (الفس فس )
والله يا عمدة غبته وجبته وانشاء الله تانى ما تغيب الا فى النوم:D:D:D:D يا ربي أزغرد وللا أسوي شنو؟ :D
المغسة كانت كتلتني إن بقيت ما كنت قدرت عليهو يا ضمرة،
وكنت ناوي أرسلو ليك بالإيميل بتاعك،
بس الحمد لله.

تسلم ياااااا ضمرة.

[عكود]

عمر مجذوب . .
يا رفيقنا في الجفاف والتصحّر
سلامات وليك وحشة والله

تسلم على المرور بقواميسنا
فأنتم من أهم أحرفه،
أسمائه
وكلماته.

[عكود]

الاخ عكود كل عام وانت بخير
وسلامة العودة
وهديتنا انك رجعت الى موقك الطبيعى لمواصلة
نشاطك ومشاركاتك المتميزة
رمضان كريم وسبت الله الاجر عيدابي الحبيب،

أها نوع لطفكم وكرمكم ده . .
هو البيخلي الزول ياخد في خاطرو ساعتو اليغيب عنّكم.

أدام الله المحبة
ولك منها الأطنان.

[عكود]

اولا بركه بالعوده
وتشكر على الهديه وهاكم الرابط ده كمان هديه اللغه العربيه
http://zahra1.com/
تسلم يا خال الكل
ويا شجرة الضل
تشكر على الهدية المعتبرة المفيدة جداً . .
نتاج أول جولة في الموقع
كان برنامج الريل بلير
http://www.wamadhat.com/r32ppg20_3sm.exe
والميديا بلير
http://download.microsoft.com/download/winmediatech40/WMP/6.4/W9XNT4/EN-US/mpie4ful.exe
وهم من البرامج التي لا غنى عنها للسماع والمشاهدة.
والما عندو ينزّلن.

ربنا يثبت أجرك.

[عكود]

عكود / رمضان كريم كل سنه وأنت طيب
و الله طلتك علينا من أحلى الهدايا
منتظرين باقى صور الاجازة
يديك العافى والـ يحبو كلّو كريم يا ود نصر . .
تصوموا وتفطروا على خير أنت والأسرة الكريمة.
تسلم يااا رب على الكلام الجميل الـ دايماً تتجوّدبو علينا
وهو بخور دواخلك المعطّرة.

باقي صور الإجازة جاييك ليها
والله يجازي الهكر.

سلامي ليك وللمعاك.

[ضمره بغدادى]

العمده عكود
بعد ما اديتنا الهدية القيمة دى وصالحتنا وصالحناك .. الغياب تانى شنو؟؟

نريدها محضورة بى عمده ومشايخها ........ يلا همتك يا عمده .

لا تتأخر علينا :D:D