رقيتون
09-18-2007, 11:04 AM
قصيدة ود العقاب
ود العقاب الليله غاب فايضه الدموع ملت المكان
واقف على طرف الطريق مهزوم بمفهوم الزمان
قشقش دميعاتو الغزار وانفاسو عادت ليهو كان
وقال ليها ياست العيون درب المحال بيناتنا بان
نصب المفاهيم والقيم حاجز منيع مازى زمان
انا اصلى ماود العقاب وانتى(انتصار)بت ناس فلان
والحب ده محكوم بالظروف والغايه للناس الامان
مانحن زى خطين عدال مابيلتقن يوم فى مكان
مانحن جيلين فى الصراع حبل الجدل مشدود دوام
مانحن ناس ود العقاب وانت انتصار بت ناس فلان
مانحن فى نظرك ضياع كل التخلف فينا بان
عايشين بمفهوم الفجر وهمجيه فى عصر الظلام
سالبين حقوق المراة جور بين الرجال ماليها شان
ونحن بنشوفك يانتصار بغرورك المالى المكان
مسكينه بس ضاله الطريق وبنيه ضايعه وسط الزحام
والقشرة والجينز الظريف والرونق الزايدو الحزام
بنشوفها مسحة انحلال طاحت بافكارك كمان
انا اصلى ماود العقاب وانتى انتصاربت ناس فلان
كيفن نكون فى يوم سوا ونسير على درب السلام
كيفن بسافر بيك بلد مرفوضه فيها بلا كلام
وانا شن بقول لى امى ديك الكان تغنى لى دوام
باكر تسافر للمدن تصبح متل ود ناس فلان
انا شن بقول لابوى داك صوتوا الجهور هز المكان
فتّح عويناتك كبار لايخدعك برق الحسان
وشيخ الامين فى الخلوة ديك وسط الخلوق كان ليهو شان
دايما يقول ود العقاب باكر يكون خير البطان
ولامن تسافر كون اصيل ماتعيد حكايات ناس زمان
عقدوها ناقه صالح الحلابه كان
صلبوها قايلنو المسيح ضلوا الطريق الفيهو بان
سفكوهو دم سيدى الحسين مشهد حزين كان للعيان
انا شن بقول لى اهلى ديك الجوا فى الوجدان حنان
انا اصلى ماود اللعقاب وانتى انتصار بت ناس فلان
كيفن نكون فى يوم سوا ونسير على درب السلام
كيفن مع اهلك بعيش واصبح غريب انا فى المكان
ويقولوا ليك ود العقاب موروث من العهد الزمان
واسموا الغريب مامستساغ مافيهوا نغمة فن كمان
وتقولى ليهم يانتصار ودالعقاب راجل الصعاب
لكنوا قرويا بسيط داش فى المدينه مع الصحاب
وباكر بيصبح زين وينسى البلد دار الخراب
ينسى الخلوق الضايعة ديك مسحوقه بلهم والعذاب
وينس الجدود وهم الخلود ينس الوصايا على العقاب
ويعرف حضارة عصرنا وينس الطنابير والرباب
ود العقاب فى غفوة غاب والليلة فى صحوة عذاب
واخر كلام كان ياانتصار طعن القليب متل الحراب
مسح الغشاوة الفى العيون بين طريق حجبوا الضباب
وبى حسرة قام حسب السنين العاشها ف درب السراب
والحب دة كان املا كبير والليلة فى وجدانوا خاب
والليلة لانور بسمتك لاسهام عيونك ليهو صاب
والليله كلمات الحنان صبحت علاقم فى الشراب
ماكنت قايل ياانتصار فى يوم عمارنا يكون خراب
الا الحقيقة بقت قدر رسمت على دربى الصعاب
وجابت حنينى القايلوا غاب لى اهلى والناس القراب
وباكر تجيب عمى الخضرمليان مكندك بالتراب
وتشوفى شليخاتوالعراض تاريخ مسطر بالعذاب
وتجيب كمان خادم الله ديك عشمانه فى ود العقاب
لوحه بتمثل حال زمان المحفضه ومليون حجاب
وام الرفاق بت العقاب مشتاقه جات رحله عتاب
قفة تمر وشنطه صفيح ومجوز تقيل هد الرقاب
تجيب فلان وتجيب فلان وتجيب ملايينا غراب
واليوم داك عاد يانتصار بتشوفى فى اهلى العذاب
وتتخيلى الهم والنكد فاتح عليهم الف باب
لكن اكيد الغاب عليك مااظن علىّ فى لحظه غاب
ود العقاب الليله غاب فايضه الدموع ملت المكان
واقف على طرف الطريق مهزوم بمفهوم الزمان
قشقش دميعاتو الغزار وانفاسو عادت ليهو كان
وقال ليها ياست العيون درب المحال بيناتنا بان
نصب المفاهيم والقيم حاجز منيع مازى زمان
انا اصلى ماود العقاب وانتى(انتصار)بت ناس فلان
والحب ده محكوم بالظروف والغايه للناس الامان
مانحن زى خطين عدال مابيلتقن يوم فى مكان
مانحن جيلين فى الصراع حبل الجدل مشدود دوام
مانحن ناس ود العقاب وانت انتصار بت ناس فلان
مانحن فى نظرك ضياع كل التخلف فينا بان
عايشين بمفهوم الفجر وهمجيه فى عصر الظلام
سالبين حقوق المراة جور بين الرجال ماليها شان
ونحن بنشوفك يانتصار بغرورك المالى المكان
مسكينه بس ضاله الطريق وبنيه ضايعه وسط الزحام
والقشرة والجينز الظريف والرونق الزايدو الحزام
بنشوفها مسحة انحلال طاحت بافكارك كمان
انا اصلى ماود العقاب وانتى انتصاربت ناس فلان
كيفن نكون فى يوم سوا ونسير على درب السلام
كيفن بسافر بيك بلد مرفوضه فيها بلا كلام
وانا شن بقول لى امى ديك الكان تغنى لى دوام
باكر تسافر للمدن تصبح متل ود ناس فلان
انا شن بقول لابوى داك صوتوا الجهور هز المكان
فتّح عويناتك كبار لايخدعك برق الحسان
وشيخ الامين فى الخلوة ديك وسط الخلوق كان ليهو شان
دايما يقول ود العقاب باكر يكون خير البطان
ولامن تسافر كون اصيل ماتعيد حكايات ناس زمان
عقدوها ناقه صالح الحلابه كان
صلبوها قايلنو المسيح ضلوا الطريق الفيهو بان
سفكوهو دم سيدى الحسين مشهد حزين كان للعيان
انا شن بقول لى اهلى ديك الجوا فى الوجدان حنان
انا اصلى ماود اللعقاب وانتى انتصار بت ناس فلان
كيفن نكون فى يوم سوا ونسير على درب السلام
كيفن مع اهلك بعيش واصبح غريب انا فى المكان
ويقولوا ليك ود العقاب موروث من العهد الزمان
واسموا الغريب مامستساغ مافيهوا نغمة فن كمان
وتقولى ليهم يانتصار ودالعقاب راجل الصعاب
لكنوا قرويا بسيط داش فى المدينه مع الصحاب
وباكر بيصبح زين وينسى البلد دار الخراب
ينسى الخلوق الضايعة ديك مسحوقه بلهم والعذاب
وينس الجدود وهم الخلود ينس الوصايا على العقاب
ويعرف حضارة عصرنا وينس الطنابير والرباب
ود العقاب فى غفوة غاب والليلة فى صحوة عذاب
واخر كلام كان ياانتصار طعن القليب متل الحراب
مسح الغشاوة الفى العيون بين طريق حجبوا الضباب
وبى حسرة قام حسب السنين العاشها ف درب السراب
والحب دة كان املا كبير والليلة فى وجدانوا خاب
والليلة لانور بسمتك لاسهام عيونك ليهو صاب
والليله كلمات الحنان صبحت علاقم فى الشراب
ماكنت قايل ياانتصار فى يوم عمارنا يكون خراب
الا الحقيقة بقت قدر رسمت على دربى الصعاب
وجابت حنينى القايلوا غاب لى اهلى والناس القراب
وباكر تجيب عمى الخضرمليان مكندك بالتراب
وتشوفى شليخاتوالعراض تاريخ مسطر بالعذاب
وتجيب كمان خادم الله ديك عشمانه فى ود العقاب
لوحه بتمثل حال زمان المحفضه ومليون حجاب
وام الرفاق بت العقاب مشتاقه جات رحله عتاب
قفة تمر وشنطه صفيح ومجوز تقيل هد الرقاب
تجيب فلان وتجيب فلان وتجيب ملايينا غراب
واليوم داك عاد يانتصار بتشوفى فى اهلى العذاب
وتتخيلى الهم والنكد فاتح عليهم الف باب
لكن اكيد الغاب عليك مااظن علىّ فى لحظه غاب