زكاة الفطر للمحتاجين في البلد

[علاء كرار]

هذه الفكرة الرائعة كان يقوم بها احد الاخوان من أبناء نوري و هو الاخ / عبد العظيم محمد الحسن الله يديهو العافية في مدينة الدمام و كان يتولى جمعها و إرسالها للبلد لأحد الثقاة ليقوم بإنفاقها على المستحقين و عهدي به انه ما زال قائم بهذا العمل الخيير الي يومنا هذا جعلها الله في ميزان حسناته .
احببت يا أخوان ان يعمم الخير بيننا و نأخذ زمام المبادرة في هذا الشهر الفضيل و كل ابناء مدينة او منطقة يجمعوا زكواتهم و يرسلوها للأكثر حوجه اهلنا في السودان

و دمتم أحبتي

[ضمره بغدادى]

علاء
رمضان كريم
يشهد الله انك خيًر وتحب عمل الخير
الله يجزيك خيرا
قال رسول الله صلى الله عليه وسلم
(الدال على الخير كفاعله)
فى ميزان حسناتك انشاء الله .

[عوض جلاس]

شكراً الأخ علاء على هذه البادرة الطيبة
وربنا يجعلها في ميزان حسناتك وأتمنى أن يحذو جميع الأخوة في مناطق المملكة وغيرها من الدول حذو الأخ عبد العظيم لجمع الزكاة وإرسالها للمحتاجين في البلد وما أكثرهم هناك
لك تحياتي ورمضان كريم

[أبوزهير]

علاء
انت مبدع ومبتكر واصيل..كفاك ام ازيدك؟

[علاء كرار]

علاء
رمضان كريم
يشهد الله انك خيًر وتحب عمل الخير
الله يجزيك خيرا
قال رسول الله صلى الله عليه وسلم
(الدال على الخير كفاعله)
فى ميزان حسناتك انشاء الله .
جزاك الله خيري الدنيا و الآخرة يا ضمرة اخوي
و الله الموضوع ساهل جدا جدا و أجره عظيم بس يلا يا جماعة نبتدئ

[علاء كرار]

شكراً الأخ علاء على هذه البادرة الطيبة
وربنا يجعلها في ميزان حسناتك وأتمنى أن يحذو جميع الأخوة في مناطق المملكة وغيرها من الدول حذو الأخ عبد العظيم لجمع الزكاة وإرسالها للمحتاجين في البلد وما أكثرهم هناك
لك تحياتي ورمضان كريم

يا ريت يا عوض اخوي نبدأ على الفور في هذا العمل الخير و أكيد عندك اقارب و معارف و اصدقاء و الآن هو الوقت المناسب عشان ترسل و تصل في الوقت المناسب
جزاك الله كل خير في الدنيا و الآخرة

[علاء كرار]

علاء
انت مبدع ومبتكر واصيل..كفاك ام ازيدك؟

زيدني !!!!

انا اصلي مشرك ليك بالبوست ده .. و اول ما شفت مشاركتك قبل افتحها قلت خلاص الموضوع نجح تب .
انا بجيب ود نوري عندو زكاة 4 ريسين و انا عندي زكاة 5 ريسين و بيك انت و حسين نكون عملنا بداية جيدة
اها شفت زيدني القلتها ليك في الاول ؟؟؟؟
لك مودتي يا الغالي و انت دائما سباق للخير

[أبوزهير]

ما في مانع تب بس نطلعها قبل وقت كافي عشان تصل قبل نهاية رمضان وبيني وبينك انا افكر بل وصلت مرحلة الاعداد لمفاجاة ساره قبل ود نوري ما يسافر..غاطس وين هو...طبعا رمضان ده يمنع السفه ويدروخ راسه ادعو معاي ربنا يتوب عليه من الصعوط ده خرابه الجداد ما ياكله يقوم هو يسويه في خشمه هو الخشم ده رخيص للدرجه دي.

[علاء كرار]

ما في مانع تب بس نطلعها قبل وقت كافي عشان تصل قبل نهاية رمضان وبيني وبينك انا افكر بل وصلت مرحلة الاعداد لمفاجاة ساره قبل ود نوري ما يسافر..غاطس وين هو...طبعا رمضان ده يمنع السفه ويدروخ راسه ادعو معاي ربنا يتوب عليه من الصعوط ده خرابه الجداد ما ياكله يقوم هو يسويه في خشمه هو الخشم ده رخيص للدرجه دي.

الله الله قدها و قدود يا ابو زهير . الله يديك الفي مرادك و نحن في انتظار المفاجأة ..
ود نوري كنت معاهو امبارح في المكتب و لقيتلك وشيهو يولع و يطفي و خشمو متل القعوية التحت الزير من خرمة الصعوط ، بيني و بينك حنيت عليهو و اديتو كيس عماري درجة اولى قال لي لامن اخد سفه بعد الفطور حس بيها جاريه في جسمو متل النمل .
و بعدين الخرابة الصوط ده مالك مقبل عليهو كدي ، دحين يا ابو زهير شفتلك جدادية قاع تشرب سجاير ؟؟؟

[أبوزهير]

علاء
انا خايف الزول ده يقوم يدي الكيس الكارب اللديتو ليه كرفه كرفه قبل فطور رمضان الله يستر ما يكون نفسه ضعفت وسواها ترى شم الصعوط يفطر.. بعدين راس السوط حصلك ... دفاعك عن الصعوط يشير إلى اتهام ..
اما السيجاره مي ياهو كله احمد وحاج احمد.. الله يتوب علينا..
اسع يا علاء جات آفه جديدي الله يبعد الشر.. النرجيله او الشيشه المصيبه دي قالوا منتشره في الخرطوم وسط طبقات غير فقيره.. بل يتباهو بها خاصة النساء متزوجات ومطلقات وفتيات موظفات وطالبات.. شفت البلوه دي كيف.. نحن ما صدقنا ان حقة الصعوط المدوره ديك البى تكفها الحبوبات في طرف القرباب .. راحت إلى غير رجعه..وما اظن الان في مره عاقله توسخ نفسها بالتنباك..
جات البلوه دي وقالوا الواحده تخلف كراع فوق كراع وتشفط في الصالات والانديه.. قالوا انا ما شفت بى عيني.
دحين يا علاء الكلام ده صحيح انا عارفك ولد مطموس.

[ضمره بغدادى]

جزاك الله خيري الدنيا و الآخرة يا ضمرة اخوي
و الله الموضوع ساهل جدا جدا و أجره عظيم بس يلا يا جماعة نبتدئ

اخى علاء
لنا فترة ال12 سنة فترة وجودنا خارج السودان ونحن ومن اسرة واحدة فينا حوالى ال14 اسرة بنقوم بتجميع زكاة الفطر وبنرسلها لاقرب الاقربين مما يستحقونها فى السودان وبيقوم اخى الكبير بالخرطوم بتجميع زكاة الفطر من الموجودين داخل السودان اضافة الى مبلغنا من هنا ويقوم بتوزيعه للمستحقين من الاسرة ونحن يا علاء اسرة كبيرة وكبيرة جدا ومنتشرين فى كل بقاع الارض .
الله يجزيك خيرا ونتمنى من كل الاخوة الجدية فى هذا الموضوع واهلنا بالسودان احوج لها يا اخوتى .

[علاء كرار]

و الله ما شاء الله و عيني عليكم باردة يا البغاديد .. الله يبارك ليكم في جنس عملكم السمح ده و يبارك في وليداتكم و عموم مملكة البغاديد

[علاء كرار]

علاء
انا خايف الزول ده يقوم يدي الكيس الكارب اللديتو ليه كرفه كرفه قبل فطور رمضان الله يستر ما يكون نفسه ضعفت وسواها ترى شم الصعوط يفطر.. بعدين راس السوط حصلك ... دفاعك عن الصعوط يشير إلى اتهام ..
اما السيجاره مي ياهو كله احمد وحاج احمد.. الله يتوب علينا..
اسع يا علاء جات آفه جديدي الله يبعد الشر.. النرجيله او الشيشه المصيبه دي قالوا منتشره في الخرطوم وسط طبقات غير فقيره.. بل يتباهو بها خاصة النساء متزوجات ومطلقات وفتيات موظفات وطالبات.. شفت البلوه دي كيف.. نحن ما صدقنا ان حقة الصعوط المدوره ديك البى تكفها الحبوبات في طرف القرباب .. راحت إلى غير رجعه..وما اظن الان في مره عاقله توسخ نفسها بالتنباك..
جات البلوه دي وقالوا الواحده تخلف كراع فوق كراع وتشفط في الصالات والانديه.. قالوا انا ما شفت بى عيني.
دحين يا علاء الكلام ده صحيح انا عارفك ولد مطموس.

زمان في بورتسودان كنا لامن نمشي نشتري صعوط من قنديل إلا بالصف و كواريك و مكاني و مكانك و الحجي لي رب السماء ، بس من يجي رمضان الناس تبقى طيبي و اتفضل يا إبن العم و مجاملات و كل واحد فاتح نخريهو و آخر استمخاخ و الحجي طبعا مستني الصف ! زي حجة واحد صاحبنا ( كدي يا رب اشوفو سمح ولا مو سمح ؟)

و الله يا ابو زهير للأسف آفة الشيشة دي صح و كمان بي خلف كراعها وطبعا انتشرت في اوساط الطبقات الثرية و الاحياء الراقية ، في تحقيق لإحدى الصحف بإحدي الجامعات في السودان يقول التحقيق ان 80% من الطلبة يتعاطون البنقو و أن 40% من هؤلاء ال 80% فتيات ؟؟ و هل بعد ذلك خلف كرعين ؟؟

ده شيئ جديد على مجتمعاتنا و هو من باب التقليد الاعمى و التشبه و التغرب ( و إشربو في قلوبهم الغرب و امريكا ) و بعد ده يا ابو زهير ح تشوف و ح نشوف و ح نقول و الله ديل أخير من البيشربو البنقو ثم يعتاد المجتمع على المنكر من باب ( أخف الضررين ) و لا حول و لا قوة إلا بالله و الله يحفظنا و يحفظ وليداتنا
بالله زمان الواحد ما بيشوف مرة تشرب سيجارة إلا كان مشاطة او عندها زار

مودتي يا الغالي