أب شخيت بقى سنير وماهو جايب خبر !!!

[عوض جلاس]

أب شخيت السنيرألف مبروك أخونا أب شخيت على السنيرة الرايحي منك دي
آآزول نحن الواحد لمان يوصل سنير قاعد يضبحولو تور ويجيب ولاد حاج الماحي للكرامة
أسع بالله إنت مشاركاتك نطت المية وماك جايبلها خبر ولا شنو ؟؟
والله أنا لو منك أكورك ألملم ناس المنتدى ديل كلهم بيجاي عشان يباركو
طبعاً إنت السنير رقم 3 في المنتدى الآن وألف مليون مبروك وعقبال الألفية إنشاء الله

[أبو السيوف]

ياهلا بي اخونا عوض متشعلقين والله،،، نهني اخونا اب شخيت على مرتبة السنيره والله دي قشره مابعدها قشره وانا عافيك من ضبيحة التور بس فطور رمضان بيكفي في الزمن العلينا ده

[على محجوب جعفر مصطفى]

مبروك يابشخبت والسنيره اصلها حارساها
الكلام لايبقى باب النجار مخلع العوينات شوفن شبه

[أب شخيت]

أب شخيت السنيرألف مبروك أخونا أب شخيت على السنيرة الرايحي منك دي
آآزول نحن الواحد لمان يوصل سنير قاعد يضبحولو تور ويجيب ولاد حاج الماحي للكرامة
أسع بالله إنت مشاركاتك نطت المية وماك جايبلها خبر ولا شنو ؟؟
والله أنا لو منك أكورك ألملم ناس المنتدى ديل كلهم بيجاي عشان يباركو
طبعاً إنت السنير رقم 3 في المنتدى الآن وألف مليون مبروك وعقبال الألفية إنشاء الله

أخوي عوض

هي اللوتري وقعت فوقي وانا ما جايب خبر..!!!. بس الزول ما يديكم ضهرو تقومو تعوقوهو...لكين مسئول من الخير: ساعة الواحد يضبحلو تور شن لازمة يكرم تاني بي ولاد حاج الماحي..والله لازم اللحم يكون مخلوت..؟؟.
اللوتري دي امها ميتة وابوها مسافر عشان كدة ياخوي عوض ما تفرشولا في الزاوية إلا باقي يوم الليلة...والله أقولك نخليها مسبلة وينتهي العزاء بانتهاء مراسم الدفن..عشان الناس ما يتكسرو فوقنا في رمضان الحار دا....

[عوض جلاس]

أخوي عوض

هي اللوتري وقعت فوقي وانا ما جايب خبر..!!!. بس الزول ما يديكم ضهرو تقومو تعوقوهو...لكين مسئول من الخير: ساعة الواحد يضبحلو تور شن لازمة يكرم تاني بي ولاد حاج الماحي..والله لازم اللحم يكون مخلوت..؟؟.
اللوتري دي امها ميتة وابوها مسافر عشان كدة ياخوي عوض ما تفرشولا في الزاوية إلا باقي يوم الليلة...والله أقولك نخليها مسبلة وينتهي العزاء بانتهاء مراسم الدفن..عشان الناس ما يتكسرو فوقنا في رمضان الحار دا....


والله عاد شيل شيلتك وطرق سكينك من أسع
واستعد للضبيحة والناس ماهن ناطنك كان سبلتو ولا كان فرشت
دحين اسع الناس ساكت البيدخلو هني يباركو يفتروك بالكتابي والرد عليهم
أها كيفن عاد كان جوك في البيت مو ياها الضبيحي واجبي ؟؟
ألف مبروك تاني وشد حيلك مسؤوليتك كبرت تب

[ضمره بغدادى]

اب شخيت
كيفنك اخوى ........... السمعنا مبروك عليك ...... وعقبال مشاركاتك تصل الالف
اها ورنا من هسع الكرامة متين ......... انا طبعا من ناس البيت ما فى داعى ترسل لى كرت .

شكرا لك اخى عوض وخلى لى بالك من اب شخيت لا يقوم يسويها دكا كينيى

[النافعابى]

ابشخيت من يومو الدخل معانا
سينير

[أب شخيت]

أخواني المعزيين "جت" الفاتو والجايين...
دا رد "سمبهار"...... ممنوع الشرح...
طبعا حاتجونا جعانين "فاطين وجبة" وكمان عطشانين "جايين من بعيد"..لو أديناكم في اللول الأكل حتاكلو و بعدين حتشربو...عشان كده في اللول نديكم الموية البااااااااااردة عشان تشربو و يغلبكم الأكل...!!!
الخط السياسي:.... " تشرب ما تاكل" .. ولاأراكم الله مكروهاً في عزيز لديكم...أها الفاتحة (واحد اتنين تلاتة) ..آمين...عشرة مابنوصلكم ليها...يلا شتتو على ظلتكم..

[عوض جلاس]

أخواني المعزيين "جت" الفاتو والجايين...
دا رد "سمبهار"...... ممنوع الشرح...
طبعا حاتجونا جعانين "فاطين وجبة" وكمان عطشانين "جايين من بعيد"..لو أديناكم في اللول الأكل حتاكلو و بعدين حتشربو...عشان كده في اللول نديكم الموية البااااااااااردة عشان تشربو و يغلبكم الأكل...!!!
الخط السياسي:.... " تشرب ما تاكل" .. ولاأراكم الله مكروهاً في عزيز لديكم...أها الفاتحة (واحد اتنين تلاتة) ..آمين...عشرة مابنوصلكم ليها...يلا شتتو على ظلتكم..

غايتو أنا جاي بس أهني وارجع
حتى نعلي ماني مقلعن
الناس الباقين ما بعرفن
أها كباية موية ساكت آبتدينا ياها ؟؟

[ضمره بغدادى]

غايتو أنا جاي بس أهني وارجع
حتى نعلي ماني مقلعن
الناس الباقين ما بعرفن
أها كباية موية ساكت آبتدينا ياها ؟؟

انا غايتو ان رسلى كرت يبقى اتلوم فى لانى من ناس البيت واما رسلى يبقى ختى اللوم الكبير ... مالى بينقصنى من الناس .. وفى كلا الحالتين جايين ومحضرين سيطانا للبطانة .

[عوض جلاس]

انا غايتو ان رسلى كرت يبقى اتلوم فى لانى من ناس البيت واما رسلى يبقى ختى اللوم الكبير ... مالى بينقصنى من الناس .. وفى كلا الحالتين جايين ومحضرين سيطانا للبطانة .

الشي الشايفو دا كان أبشخيت شافكم جايين عليهو
بس بيشرد يخليلكم البيت فاضي
وتجو تدقو الباب زي ( زورو )
كو كو كو ممكن ندخل ؟؟

[ضمره بغدادى]

الشي الشايفو دا كان أبشخيت شافكم جايين عليهو
بس بيشرد يخليلكم البيت فاضي
وتجو تدقو الباب زي ( زورو )
كو كو كو ممكن ندخل ؟؟

عوض
اب شخيت ياتو البندق بابو نحنا .... بيت اب شخيت ده ياهو بيتنا .نحنا بندخل على طول وبدون اذن ... واللا رايك شنو يا اب شخيت :D:D:D

[عوض جلاس]

عوض
اب شخيت ياتو البندق بابو نحنا .... بيت اب شخيت ده ياهو بيتنا .نحنا بندخل على طول وبدون اذن ... واللا رايك شنو يا اب شخيت :D:D:D

والله أنا سمعتو بي أضاني دي قال تجو تشيلوا الفاتحة واحد اتنين تلاتة وتشربوا الموية عشان تحميكم الأكل وتمشوا على الظلط
أها ما بندق الباب كيفن بعد دا أكيد قفل بابو بالضبة والمفتاح
ويا قدرتوا نطيتو بالحيطة يا رجعتوا بالدرب الجابكم

[أب شخيت]

غايتو أنا جاي بس أهني وارجع
حتى نعلي ماني مقلعن
الناس الباقين ما بعرفن
أها كباية موية ساكت آبتدينا ياها ؟؟

ياخي ماكان تجي فرد مرة "شربان" من بيتكم ..."مش من طيبان"..!!

[أب شخيت]

الشي الشايفو دا كان أبشخيت شافكم جايين عليهو
بس بيشرد يخليلكم البيت فاضي
وتجو تدقو الباب زي ( زورو )
كو كو كو ممكن ندخل ؟؟

لعناية ضمرة بخيتة وعوض مديدة

نحن ما دايرين بخيتة
ويا سلام لو بس سخيتا
قولو للناس قال ابشخيتة
كل زول ياكل في بيتا
روحنا سلبه وكمان رخيته
يلا ماتسووها زيطة
زهجتو روحنا طلّعتو زيته

[عوض جلاس]

ياخي ماكان تجي فرد مرة "شربان" من بيتكم ..."مش من طيبان"..!!

أصلاً طيبان قفل الإندايي في رمضان
والبركة فيك تمرق لنا شي من المدسدسو للعيد

[عوض جلاس]

لعناية ضمرة بخيتة وعوض مديدة

نحن ما دايرين بخيتة
ويا سلام لو بس سخيتا
قولو للناس قال ابشخيتة
كل زول ياكل في بيتا
روحنا سلبه وكمان رخيته
يلا ماتسووها زيطة
زهجتو روحنا طلّعتو زيته

حلوة عوض مديدة دي
دي نعتبرها زعلة ولا شنو ؟؟

[أب شخيت]

عوض
اب شخيت ياتو البندق بابو نحنا .... بيت اب شخيت ده ياهو بيتنا .نحنا بندخل على طول وبدون اذن ... واللا رايك شنو يا اب شخيت :D:D:D


المديدة الحارة انا ختيته
والبريش المفروش طويطة
مابندور للناس الزمبريطة
حتى الصلات قطّعنا خيطة
وكسرنا القزاز فوق الحويطة
لا يجونا بالباب لا بالنطيطة
وحرشنا الولاد الهبلة و عبيطة
شايلين الحجار واحدين سبيطة
ضمرة اخوي تعال كان تلقالك حميطة

[عوض جلاس]

المديدة الحارة انا ختيته
والبريش المفروش طويطة
مابندور للناس الزمبريطة
حتى الصلات قطّعنا خيطة
وكسرنا القزاز فوق الحويطة
لا يجونا بالباب لا بالنطيطة
وحرشنا الولاد الهبلة و عبيطة
شايلين الحجار واحدين سبيطة
ضمرة اخوي تعال كان تلقالك حميطة

ونحنا أخير نختا الزمبليطة
لا بنجيك بالباب ولا حيطة
وأخدنا حذرنا والحيطة
مالنا مال شفعك العبيطة
ويظهر إنو غلط في الخريطة
وأغفرولنا كمان الغليطة

[أب شخيت]

نصبنا صيوان الفرح


الأخوة الأحباب أعضاء المنتدى
لكم والله في القلب معزة خاصة...فأنتم "عزوة و أهل"يرتفع رأسي بكم حتى يلامس الثريا...نجتمع هنا ونتزاور ونتفاكر وأحيانا نتشاغب بروح الأخوان..فتظهر لكم بخيتة رمز المشاغبة والمديدة رمز التحريش...إكتسبنا منكم قدر اكبيرا من الأصدقاء الخلص...أدام الله إخاءنا فيه...

أخوي عوض جلاس:
لك قامة سامقة لا تجارى في التواصل والتفقد...شكري لك خاص ومضاعف لإفتتاح هذا البوست..و إصرارك عليه رغم مشاغباتي الكثيرة لك..تذكرنا بما نسينا وتنبهنا لما غفلنا عنه...هكذا هم دوما حال الكبار قامة..و أنت مافي شك كذلك...فليحفظك الله و من تحب...

أخوي أبو السيوف
لك شكري علي التهنئة وتقديرك لظروف "سخانة الجيب"..

أخوي علي ود محجوب
مشكور على المباركة...وحتى لو كان باب النجار مخلع " والعيون مطوفشة" فلدي من عيون الأخوان ما تريني الطريق "والمؤمن مرآة أخية"...وعندي أخوان كثر أنت من بينهم...

أخوي ضمرة
المشاغبة معك لها طعم خاص لأن لك قدرة عجيبة على الإحتمال...أرجو ألا أكون ثقيلا على نفسك بمداعباتي المتكررة...لك صافي تقديري وخالص دعواتي...

أخوي النافعابي
ظنك بي أكبر من قامتي بكثير...شكري لك على رفعك لروحي المعنوية... ولعل ذلك يكون لك من باب (تبسمك في وجه أخيك صدقة) المدخور لك في بنك الحسنات...تقدير و شكر عظيم مني لك...

[طارق علي صالح]

مبروك من يومك سينير والكرامة علي انا من البركل عتود مكرب وصفو سابقو بيكفي عشرين والراس لزكريا والكمونية لضمره وعلي بابكر الجلد عشان يسويهو سعن موية لانو الكهرباء عندنا اليومين ديل ماها منستري

[عصام سرالختم]

مبروك من يومك سينير والكرامة علي انا من البركل عتود مكرب وصفو سابقو بيكفي عشرين والراس لزكريا والكمونية لضمره وعلي بابكر الجلد عشان يسويهو سعن موية لانو الكهرباء عندنا اليومين ديل ماها منستري

اخى طارق
المرة دى ناوى تنهب ناس منو فى البركل ؟؟؟
ويا الاخوان والاهل بالبلد اقترح انه وبمجرد دخول طارق للحدود ( الملتقى ) يتم تعيين حراسة لمرحات الغنم بالبركل والطريف ( متل حراسة التمر ) ومفروض يكون عندنا مخبرين فى الخرطوم ليمدوا اهلنا هناك باخبار تحركات اللص الظريف ..
احترسوا واحذروا .. ولا تغفلوا عن مرحاتكم وعتدانكم ...
ووينك يا سيادة العميد .. احموا اهلنا فى الشمال

[أب شخيت]

مبروك من يومك سينير والكرامة علي انا من البركل عتود مكرب وصفو سابقو بيكفي عشرين والراس لزكريا والكمونية لضمره وعلي بابكر الجلد عشان يسويهو سعن موية لانو الكهرباء عندنا اليومين ديل ماها منستري

أخو الكلس الظريف

مشكور على الكرامة الظريفة....لكين تاني مالك جبت سيرة البحر..إقترح توزيعات جديدة للعتود: أخواني زكريا وعلي ليهم الكوارع عشان رجولهم المرة الفاتت أتكسرو في مشاوير الطائرات والصواريخ..الجلد نديهو أخوي حسان عشان فوق للمديدة يسويلو دلوكة لزوم التحريش...أخوي ضمرة مبروك عليهو الكمونية..!!!.الرأس انا بدورو شراكة بين أخواني ود الصيدة وود العطا ويعقوب عشان يسوهو سليقة ..باقي ديل شعراء "بالسليقة"...الباقي كلولي انا ...قصرت معاهم؟؟؟؟..المقصرة حقت "طيبان" العزمني عليها في رمضان...

[أب شخيت]

اخى طارق
المرة دى ناوى تنهب ناس منو فى البركل ؟؟؟
ويا الاخوان والاهل بالبلد اقترح انه وبمجرد دخول طارق للحدود ( الملتقى ) يتم تعيين حراسة لمرحات الغنم بالبركل والطريف ( متل حراسة التمر ) ومفروض يكون عندنا مخبرين فى الخرطوم ليمدوا اهلنا هناك باخبار تحركات اللص الظريف ..
احترسوا واحذروا .. ولا تغفلوا عن مرحاتكم وعتدانكم ...
ووينك يا سيادة العميد .. احموا اهلنا فى الشمال

أخوي عصام
ليه ياخوي داير تروح مننا الكرامة..؟؟؟
اخوي طارق: الجماعة ديل إلا تطبق فيهم الخطة (ب) بعنوان (سرقة العتود من ورا الحدود بغير مجهود رغم الحشود) ودي طبعا خطة طويلة زي ما شايفين...لكين نعمل شنو..!!!

[طارق علي صالح]

واله عجبتني دلوكه حسان جايه في محلها لكن دقش دا المرة الفاتت اناعزمتو فطور في عتودي المشهور المرة دي اظنو طالع كيت

[أبومجاهد]

أخواني المعزيين "جت" الفاتو والجايين...
دا رد "سمبهار"...... ممنوع الشرح...
طبعا حاتجونا جعانين "فاطين وجبة" وكمان عطشانين "جايين من بعيد"..لو أديناكم في اللول الأكل حتاكلو و بعدين حتشربو...عشان كده في اللول نديكم الموية البااااااااااردة عشان تشربو و يغلبكم الأكل...!!!
الخط السياسي:.... " تشرب ما تاكل" .. ولاأراكم الله مكروهاً في عزيز لديكم...أها الفاتحة (واحد اتنين تلاتة) ..آمين...عشرة مابنوصلكم ليها...يلا شتتو على ظلتكم..

كلامك .. أها الفاتحة (واحد اتنين تلاتة ) ده أكدلى كلام سمعتو من واحد من شباب الزمن ده .. قال نحن ما قاعدين نقرأ الفاتحة فى العزاء .. بس نرفع ايدنا ونحسب من
واحد لين عشرة ونقول آمين .. وأنا طبعا ما صدقتو .. لكن بعد كلامك يا أب شخيت
أنا طب مصدقو .. وعشان كده أخير نحن من بيوتنا مانتحرك ونقولك ألف مبروك
وعقبال المليونيه . تحياتـــــــــــــــــــى

[زكريا بابكر عمر]

انا غايتو ان رسلى كرت يبقى اتلوم فى لانى من ناس البيت واما رسلى يبقى ختى اللوم الكبير ... مالى بينقصنى من الناس .. وفى كلا الحالتين جايين ومحضرين سيطانا للبطانة .

أب شخيت آيا يابه مبروك السنيره والبركه في العتود ماتنسي جميلو الكان ما هو كان لاأسع جونير...عشان كدي أنا أقترح الكرامه تكون (عتود بج) وكدي ما تعزمني وإنته عارف البحصل شنو:cool:(ناسي جاهزيين;))

[أب شخيت]

كلامك .. أها الفاتحة (واحد اتنين تلاتة ) ده أكدلى كلام سمعتو من واحد من شباب الزمن ده .. قال نحن ما قاعدين نقرأ الفاتحة فى العزاء .. بس نرفع ايدنا ونحسب من
واحد لين عشرة ونقول آمين .. وأنا طبعا ما صدقتو .. لكن بعد كلامك يا أب شخيت
أنا طب مصدقو .. وعشان كده أخير نحن من بيوتنا مانتحرك ونقولك ألف مبروك
وعقبال المليونيه . تحياتـــــــــــــــــــى

أخوي أبو مجاهد
رمضان كريم..
والله ياخوي كان داير تعرف كلامي دا شوف الجماعة القاعدين "يكشحوا" الفاتحة كشح في بيوت العزاء..معقول في الزمن البسيييييييييييييييييط دا يكونوا تموا الفاتحة كلها..؟!!.دا زمن مايكفي البسملة براها..!!!..
مباركتك يا خوي مبروكة لكين رميتا لي في بيت العزا قبال "ننصب صيوان التهاني"..!!.

[أب شخيت]

أب شخيت آيا يابه مبروك السنيره والبركه في العتود ماتنسي جميلو الكان ما هو كان لاأسع جونير...عشان كدي أنا أقترح الكرامه تكون (عتود بج) وكدي ما تعزمني وإنته عارف البحصل شنو:cool:(ناسي جاهزيين;))

أخوي زكريا
إنت مبسوط عشان ضمنت الكوارع في التوزيع....!!!..
سمعت بالزول داك الجاهو جارو الطالبو قروش دين وكان هو بياكل في تمر...لمان شافو قالو (والله ود حلال جيت في وكتك) وقام طوالي دفن ليهو حصاية وكبا فوقا موية من الإبريق بتاعو وقال ليهو(تعرف التمرة دي لمان تقوم أنا بحصده ليك واشيل منها أردب ابيعو في السوق وأحل دينك العلي ياخوي)..جارو شاف الحكاية بعيدة خلاص وقنب يضحك..قام قاليهو(خلاص بقيت تضحك عشان ضمنت دينك..!!!)..دحين أنا شايفك ضمنت الكوارع...
جماعتك ياخوي أنا كريتم بالراس النيفة يعملوهو سليقة عشان هم "شعراء بالسليقة"...!!!.

[أب شخيت]

واله عجبتني دلوكه حسان جايه في محلها لكن دقش دا المرة الفاتت اناعزمتو فطور في عتودي المشهور المرة دي اظنو طالع كيت

أخوي الكلس الظريف
قريبك دقش يطلع "كيت" كيتاً ليهو..!!!

[عوض جلاس]

آجماعة تعالوا شوفو المصيبة الأنا فيها
سويت البوست دا بي إيدي وضراعي
والناس جات ضبحت بي ورايا وقسمت العتود وزول قال آجماعة سيد البوست دا النديهو إنشاء الله شوية مرارة نيي مافي مع إني مكجنها وإن جابوها لي أسع دا ماباكلها
الشكيي لي ابيداً قويي أها ودعتكن الله ما دام ما دار تدونا شي وأخير أمشي أسويلي بوست لي خالي النافعابي بقى سنير ليهو يومين وزول قالوا مبروك مافي ؟؟
والله خالي آبينساني من الكرامة وقطع شك بيديني نص الخروف إن بقى ما قالي حرم تشيل الخروف كلو !!!