شعر حيدر ودالصافى

[رقيتون]

قصيده بعنوان سلوى

بياض تاريخنا ياسلوى ياهو بياض عيوناتك
عيونك فيها ماضى بعيد نحس بو فى بسيماتك
وفيها حضارة منسيه من ترهاقا وحياتك
عيونك فيها لمعة سيف من المهدى البعز ذاتك
وفيها مهيرة بت عبود وقصص تاجوج دميعاتك
عيونك سمحه بنريدها ومنو المابريد عويناتك


لقيت اطفالنا مشتاقين فى نص الليل بفتشوا ليك
ويسالوافى(شليل)مرات صحيح ناس سلوى مروا عليك
وكل ماتطلع القمره معاها امال بيعشموا فيك
لقيت اطفالنا مشتاقين وقالوا ياسلوى سمعو بيك
وفاطمه السمحه لما تبين يزيد الشوق على عينيك
تبين الدهشه والحيرة وكيف ياسلوى يوصلوا ليك


شيخنا هناك فى الخلوه يشيل فى الفاتحه سال الله
ومن شمسا فى عز الصيف سلوى مناه تندلا
ومن قلما نشف بالشوق بعد مارواه واتبلى
فى الليحان مع الحيران تقعد سلوى تتسلى
تغنيلم تحجيلم تدوبيلم عن زمنا بعيد ولى
وتصبح نورهم الهّداى وخيرا عمّ فى الحلة

حليل ايام زمان سلوى ودى نغمه ذكرى بنريدها
يوم القرمصيص عزه وعطر الفال صبح عيدها
ويوم الرقصن البنوت سلوى الرقصه بتجيدها
يوم صبح النهار اسود سواد الحنه فى ايدها
شلنا الجمرة من خديها نهتف بى اناشيدها
وذاب(محبوبها) بالاشواق وحضنتوا سلوى بى ايدها


عطبرة قالوا فى التاريخ ودايما سلوى بتريدها
وزغرودة قطارنا الفات بيعجب سلوى ترديدها
صوت الاجنة والشاكوش اغانى بتحكى فى الريده
ودخانا البيبقى غيوم مطر عارفين مواعيدها
وطفينا الشمعه 16 فى اكتوبر فرح عيدها
وزفير عمالنا لما يفوح امل لى سلوى حيعيدها
وعطبره حالفه بالاشواق على التاريخ تمد ايدها

[صلاح هاشم السعيد]

عطبرة قالوا فى التاريخ ودايما سلوى بتريدها
وزغرودة قطارنا الفات بيعجب سلوى ترديدها
صوت الاجنة والشاكوش اغانى بتحكى فى الريده
ودخانا البيبقى غيوم مطر عارفين مواعيدها
وطفينا الشمعه 16 فى اكتوبر فرح عيدها
وزفير عمالنا لما يفوح امل لى سلوى حيعيدها
وعطبره حالفه بالاشواق على التاريخ تمد ايدها
رقيتون :
يا سلام يا رقيتون : هبشتيني في أصبعي البيوجعني
طبعاً عطبرة دي أنا عندي ليها معزة خاصة .. ولا أعتقد أنو في مدينة ذيها والله أنا لفيت كتير في الدنيا وشفت مدن كثيرة وما قصرت .. يعني أنا كنت شايل شنطتي ولافي أبداً ما لاقيت بلد ذي عطبرة.. مدينة تحترم العقل وتحتقر المادة ـ في المقام الأول ـ كل سكانها على درجة عالية من الوعي والثقافة ـ يناقشون في الادب في السياسية في الفن وفي الشعر ـ مدنية كل سكانها مناضلون ـ ارتبط اسمها بالحركة الوطنية ، قادت الثورات واسقطت الحكومات وزلزلت عروش الجبابرة العتاة ـ قادت الإضرابات المطلبية والسياسية وانجبت قادة الحركة الوطنية وقيادات الحركة النقابية والسياسية ـ وعلي يدها ظهرت اول نقابة سوادنية ـ
عطبرة مدينة يتفق عليها كل الشعب السوداني :
لدي يقين راسخ بأن ما تم فيها من تغير للتركيبة السكانية ومن إفتتاح البايبلان (البايظلاين) وطريق الخرطوم كسلا بورتسودان ، تم كل ذلك بقصد إنهاء دور السكة حديد كناقل وطني يتحكم في إمداد كافة مدن بإحتياجاتها ومن ثم تتحكم في مصير الحكومات وأول من أنتبه لخطورة السكة حديد هو الرئيس الاسبق جعفر نميري لذا عمد إلى إنشاء البايبلاين وإفتتاح طريق بورسودان الخرطوم ـ ومنذ ذلك الحين تأثرت كل الحركات الوطنية بهذه المستجدات ـ وإنهارت كل الحركات السياسية والنقابية في كافة أرجاء السودان.
عطبرة مدينة لها تاريخ لا يستطيع أي مؤرخ للحركة الوطنية تجاوزها..
شكراً رقيتون ..
ولك التحايا الكثيرة فأنت تعرفي تماماً كيف تحركي المشاعر وتبعثي الذكريات..

[على محجوب جعفر مصطفى]

والله الليلى حبوبتكم جابت نضم

نضم سمح بالحيل ده من سنه تساب عشرة
والله من زمن العولمه
كدى النشوف زكريا عاد فى الشعر مابتلق

[ضمره بغدادى]

الله .. الله
ياسلام يا اجمل رقرق فى الدنيا ......... ان شعرك جميل وانه لشعر راقى
ارجوكى واصلى ولا تتقطعى .
رقيتون عايزين تعريف لى الشاعر حيدر ود الصافى .

[ضمره بغدادى]

[QUOTE=ضمره بغدادى;2234]
الله .. الله
ياسلام يا اجمل رقرق فى الدنيا ......... ان شعرك جميل وانه لشعر راقى
ارجوكى واصلى ولا تتقطعى .
رقيتون عايزين تعريف لى الشاعر حيدر ود الصافى .

[رقيتون]

[QUOTE=ضمره بغدادى;2234]
الله .. الله
ياسلام يا اجمل رقرق فى الدنيا ......... ان شعرك جميل وانه لشعر راقى
ارجوكى واصلى ولا تتقطعى .
رقيتون عايزين تعريف لى الشاعر حيدر ود الصافى .

هو الشاعر حيدر الصافى شبو من ابناء الاقليم الشمالى شايقى له عمل جميل جدا سماه دار الغبش وكتب عنه الشاعر ابراهيم سيداحمد مقدمه ساسردها لكم لاحقا

[ضمره بغدادى]

[QUOTE=ضمره بغدادى;2235]

هو الشاعر حيدر الصافى شبو من ابناء الاقليم الشمالى شايقى له عمل جميل جدا سماه دار الغبش وكتب عنه الشاعر ابراهيم سيداحمد مقدمه ساسردها لكم لاحقا

=5]رقيتون
مشكوره على هذا التعريف
وبعدين انتى الحاصل عليكى شنو؟؟ جعل الله ايامك كلها رمضان:D:D:D[/color]

[رقيتون]

عطبرة قالوا فى التاريخ ودايما سلوى بتريدها
وزغرودة قطارنا الفات بيعجب سلوى ترديدها
صوت الاجنة والشاكوش اغانى بتحكى فى الريده
ودخانا البيبقى غيوم مطر عارفين مواعيدها
وطفينا الشمعه 16 فى اكتوبر فرح عيدها
وزفير عمالنا لما يفوح امل لى سلوى حيعيدها
وعطبره حالفه بالاشواق على التاريخ تمد ايدها
رقيتون :
يا سلام يا رقيتون : هبشتيني في أصبعي البيوجعني
طبعاً عطبرة دي أنا عندي ليها معزة خاصة .. ولا أعتقد أنو في مدينة ذيها والله أنا لفيت كتير في الدنيا وشفت مدن كثيرة وما قصرت .. يعني أنا كنت شايل شنطتي ولافي أبداً ما لاقيت بلد ذي عطبرة.. مدينة تحترم العقل وتحتقر المادة ـ في المقام الأول ـ كل سكانها على درجة عالية من الوعي والثقافة ـ يناقشون في الادب في السياسية في الفن وفي الشعر ـ مدنية كل سكانها مناضلون ـ ارتبط اسمها بالحركة الوطنية ، قادت الثورات واسقطت الحكومات وزلزلت عروش الجبابرة العتاة ـ قادت الإضرابات المطلبية والسياسية وانجبت قادة الحركة الوطنية وقيادات الحركة النقابية والسياسية ـ وعلي يدها ظهرت اول نقابة سوادنية ـ
عطبرة مدينة يتفق عليها كل الشعب السوداني :
لدي يقين راسخ بأن ما تم فيها من تغير للتركيبة السكانية ومن إفتتاح البايبلان (البايظلاين) وطريق الخرطوم كسلا بورتسودان ، تم كل ذلك بقصد إنهاء دور السكة حديد كناقل وطني يتحكم في إمداد كافة مدن بإحتياجاتها ومن ثم تتحكم في مصير الحكومات وأول من أنتبه لخطورة السكة حديد هو الرئيس الاسبق جعفر نميري لذا عمد إلى إنشاء البايبلاين وإفتتاح طريق بورسودان الخرطوم ـ ومنذ ذلك الحين تأثرت كل الحركات الوطنية بهذه المستجدات ـ وإنهارت كل الحركات السياسية والنقابية في كافة أرجاء السودان.
عطبرة مدينة لها تاريخ لا يستطيع أي مؤرخ للحركة الوطنية تجاوزها..
شكراً رقيتون ..
ولك التحايا الكثيرة فأنت تعرفي تماماً كيف تحركي المشاعر وتبعثي الذكريات..

ابننا صلاح هاشم عطبره كما قلت مدينة لهاتاريخ ولكنها الان اصبحت جرح ينزف
ولكنها حتما ستعود
لقد كتب الشاعر حيدر ودالصافى اهداءه لها وكان فى منتهى الروعه
الى مدينتى العامرة بالحب والجمال
اليك يا عزة العزة
واشراقة النضال
الى ابائى الذين طوعوا المحال
لعطبرة لحبنا لارضنا
واهلنا الابطال
لك ابنى صلاح هاشم كل التحايا وشكرا لاضافاتك الرائعه

[رقيتون]

[QUOTE=رقيتون;2314]

[size=5]رقيتون
مشكوره على هذا التعريف
وبعدين انتى الحاصل عليكى شنو؟؟ جعل الله ايامك كلها رمضان:D:D:D

ابننا ضمرة هذا رمضان الذى ياتى بعده شوال
اى بمعنى الهدو الذى يسبق العاصفة

[عوض جلاس]

والله آجماعة الحبوبة دي ماها ساهلي تب
شوف جنس الشعر السمح الجابتو دا
الله يديك العافية آحبوبة وتجيبيلنا زيو كمان وكمان

[عوض جلاس]

والله آجماعة الحبوبة دي ماها ساهلي تب
شوف جنس الشعر السمح الجابتو دا
الله يديك العافية آحبوبة وتجيبيلنا زيو كمان وكمان

[ضمره بغدادى]

[QUOTE=ضمره بغدادى;2316]

ابننا ضمرة هذا رمضان الذى ياتى بعده شوال
اى بمعنى الهدو الذى يسبق العاصفة


حبوبة رقيتون
انتى مبدعة ............انا بعدل فى حالى قبل شوال ما يجى .....انا مالى ومالن (طبعا بقصد زكريى والوفد المرافق له )انشاء الله ترقدوا كداد .

[على محجوب جعفر مصطفى]

هو ياضمره انت بتدى النقاره عصه والمناحه وصه
كدى ارسالنه على برة
وحبوبه دى من زمان شاعره والفى راسه اكبر من البلد دى كلها

[رقيتون]

هو ياضمره انت بتدى النقاره عصه والمناحه وصه
كدى ارسالنه على برة
وحبوبه دى من زمان شاعره والفى راسه اكبر من البلد دى كلها

ياوليدى على المايعرف شيلك يدفقك هسع ماشفت زكريا دفقنى فى الهجيرى
لكن ضمرة حكايتو الله يجيبك ياشوال

[عصام سرالختم]

ياوليدى على المايعرف شيلك يدفقك هسع ماشفت زكريا دفقنى فى الهجيرى
لكن ضمرة حكايتو الله يجيبك ياشوال

يدفقو ... الشئ هو دقيق
نحن المثل البعرفه :
الما بيعرف قدرك يجهلك ...
حيرتينا يا رقيتون :confused: :confused:
مرات عندك نضم من زمن التساب
وحافظه شعر راقى وعظيم ..

[رقيتون]

يدفقو ... الشئ هو دقيق
نحن المثل البعرفه :
الما بيعرف قدرك يجهلك ...
حيرتينا يا رقيتون :confused: :confused:
مرات عندك نضم من زمن التساب
وحافظه شعر راقى وعظيم ..

ياوليدى دى الحياة مرات نخطا ومره نصيب
بس قول معاى الله يجازى الكان سبب

[على محجوب جعفر مصطفى]

هو زكريا اصلو من بارة عطعط تانى مارفع منو القلم