ود حزيمه بعد غياب طويل

[أبو السيوف]

يعود ود حزيم بعد غياب طويل عن المنتدى لكن غيابو ده من قبل رمضان يعني ما ادانا فرصه عشان نقول رمضان دساهو لكن اكيد في حاجات تانيه حامياني ،،،،، المهم ياسيدنا بركه الشفنا اسمك ظهر ولا تنقطع جنس ده تاني وبي مناسبة الظهور ده عازمنك فطور قراصه بي دمععععععععععععععععععه شفت كييييييييييييييييييييييف

[عوض جلاس]

أهلاً بود حزيمة وحمداً لله على سلامة العودة
وتاني زي ما قالك أخونا أبو السيوف ما تنقطع
وشفت قبل ما تدخل وقعوا فيك عوازيم نحن يا حليلنا
عفنا هني ومافي زول عزمنا على كورية آبري ساكت
غايتو نصوم ونفطر على بصلة
الله كريم يا عملات البنغالة

[النافعابى]

لاتقطع اخبارك يا ود حزيمه
ورمضان كريم

[ود حزيمة]

الأعزاء :
الأخ الحبيب أبو السيوف
الأخوة الأفاضل عوض جلاس والنافعابي
لكم الشكر الجزيل وأتمني أن يظل البركل العامر بكم بإذن الله دايماً وأبداً الواحة التي نستظل بها ونحتمي من رمضاء الغربة وضغوط العمل المتزايدة يوماً بعد يوم
وأسأل الله أن يوفقنا ولا ننقطع عن التواصل
لكم الشكر مجددا ولكل أسرة البركل خالص وصادق الدعوات في هذا الشهر المبارك أن يوفقنا الله في صيامه وقيامه وأن يشملنا وسائر المسلمين بعفوه ورحمته

[أبومجاهد]

تصدقوا ياجماعة الخير ودحزيمى ده ودعمى وأنا لى زمن ما شفته
.. رمضان دخل والبحر كتل فى حزيمى ودا كله ماسمعنا ليه خبر .. وبركة السمعنا صوتك وخليك داخل لا جوه . تحياتـــــى

[هاشم الحاج نصر]

إزيك ياود حزيمة وتحياتي لي أهلي ناس حزيمة وأحبابنا أهل البركل:)