وحاتك ريدي ليك أنا في العيون ظاهر - ود جبارة

[صلاح عبد النبي]

http://sudaniyat.net/vb/up/uploading/jubara.mp3



أغنية من الزمن الجميل ..

[خلف الله التوم]

أغنية من الزمن الجميل ..

تسلم يا عديلي ..
أماني عاد ما جبتها .. "رتاين حوشنا في السما ضوهن ناير" !!
يا حليل الزمان داك ويا حليل لياليهو ..:(

[السر احمد خليفه]

تسلم يا عديلي ..
أماني عاد ما جبتها .. "رتاين حوشنا في السما ضوهن ناير" !!
يا حليل الزمان داك ويا حليل لياليهو ..:(

صلاح وخلف الله كيف حالكم
دي قلعتوها من وين لكن عاد ما جبت دي داير اتصال بالتلفون و مشترك علي الخط مع صلاح عبدالنبي -رتاين حوشنا في السمي ضوهن ناير- لا حولي بارك الله فيكم بالله ذكرتكم شنو متاكد ضمره حا يشارك يا حليل ويا حليل

[عبدالله محمد الجزولي]

الأخ صلاح عبدالنبي الله يديك العافى التخصك فى المصارين وتبقالك هدم وسوال ونعلين رجعتنا للزمن الجميل تكونى ام الصغار وتنادى يا نادر مالك مرق بره وانت مافاطر كم واحد سموه نادر على هذا البيت ياخى لك الشكر وللمبدع السر ومحمد جبره اجمل تحية

[عبدالله محمد الجزولي]

الأخ صلاح عبدالنبي الله يديك العافى التخصك فى المصارين وتبقالك هدم وسروال ونعلين رجعتنا للزمن الجميل تكونى ام الصغار وتنادى يا نادر مالك مرق بره وانت مافاطر كم واحد سموه نادر على هذا البيت ياخى لك الشكر وللمبدع السر ومحمد جباره اجمل تحية

[ود إدريس]

الرائع الأستاذ صـــلاح عبد النبى والله نعجز عن شكرك وانت تقدم لنــا هذا
الفنان المبدع بحق وحقيقه .. فنـــان له من الإبداع ما يفوق الوصـــف .. كم اسعد هذا البلبل الغريد ومعه الثنــائـــى الرهيب ود الكرم وصديق وقد مثلوا ثالوثـــاً ادهش كل
من إستمع لهم .. نتمنى أن تكون هناك حلقه على قرار محمد سعيد وود كرم الله بين الســـر ومحمد جباره ويكون الستعداد لهــا جيداً وتكون جل الغانــى من شاكلة هذه القصيده والجميل القديم الذى تغنى به ود جباره وابدع .. لك التحيه وارجــو غن كان هناك إمكانية أن تواصــل لنــا نشر إبداع هذا المبدع .. لك التحيه اخــى الكريم

[المرهف]

صلاح عبدالنبي أيها المرهف الجميل
بالفعل الأغنية من الزمن الجميل ..لكن الذي أتي بها هو جمالك .

مودتي ،،،،،،،،،،،،،،

[عصام سرالختم]

غِلِب حِيِلى وصبح فى امرك يا صلاح حائر

"الحقنا برابط الحفظ "

[صلاح عبد النبي]

الأعزاء ..
الخلف
السر أحمد خليفة
عبد الله محمد الجزولي
ود إدريس
المرهف
عصام سر الختم

شكراً لمروركم الجميل على هذا اللحن البديع .. ومحمد جبارة فنان بمعنى الكلمة يستحق منا كل تقدير واحترام ..
لكم خالص الامتنان ..

[محمد وراق]

اخونا صلاح كيف حالك و احوالك
يا ريت يكون في رابط للحفظ
تحياتي لكل من معك

[عبدالرحيم التوم كمبال]

اخي / صلاح عبد النبي
السلام عليكم والله حاجة تمام وبعدين قعد تبحيت حاجات معارف قعد تجيبا منوين
غايته ماشاء الله زول فنان ------- مع تحياتي

[بكرى مجذوب خطيب]

اخوى صلاح يبقي الزمن السمح
ويبقي الغنا السمح
ويبقي صوت ود جبارة الحنين
اسمع فى اللحن وارجف من شدة الطرب والاستغراب ليس الاغنية ولكن للزمن الجميل
جمال ذوقك وحسك الفنى الراقى
انكتلنا ذيادى وانتم من يتلمس الالحان الجميلة
ونواصل

[موسى الحسين]

صديقي صلاح عبدانبي

شكراً يا جميل
لمحت العنوان وغلبني الصبر ،
عارف أغنيات ذلك الزمان لها سحر خاص ووقع يلامس الوجدان، كل ما هو جميل اليوم أثره وقتي مثل العطور تستنشقه تنتعش بدرجة جودتها ولكن سرعان ما تفقد أثرها ويتلاشى تأثيرها إلا ذلك الزمان وكلمات ذلك الزمان والحان ذلك الزمان
ولا ادري هل هي أثرت ذلك الزمان أم لذلك الزمان أثر في نفوسنا لم نستطع تجاوزه ، وانا هنا لا أقلل من أهمية الجهود الرائعة التي يبذلها العديد من أبناء وشيوخ قبيلة هذا الفن الرائع فهم يجدون منا دائماً التقدير والامتنان .
ودمتم

[صلاح عبد النبي]

الأخوة :-
محمد وراق
عبد الرحيم التوم كمبال
ابوبكر الخطيب

شكراً لمروركم الجميل جمال هذا اللحن البديع والرائع روعة هذا الصوت الندي الجميل لأستاذنا الفنان محمد جبارة ..

الأخ موسى الحسين .. ياخي وينك تغييييييب .. وبعدين تبنقر تاني! بس ما شاء الله اليومين ديل شايف مشاركاتك ماشية تمام .. شفت الأغنية دي كيف ؟؟ ولا تستغرب أثرها في نفوسنا أخي موسى .. فالوجدان كان أرضاً خصبة في ذلك الزمان .. كل ما زرع فيه ظل ثابتاً وراسخاً جذوره في القلب وفروعه في السماء

لك التحية ..