صاروخ رقم 1

[طارق علي صالح]

الاخوة الاعزاء اتصل بي احد ابناء الطريف المخلصين ورقم صغر سنه وحداثة عهده اعتقد انه ابلي بلاء حسنا كما المقاومة العراقية ضد اقوي قوة في الدنيا
العم طارق انا من سيتصدي للمدعو العطا انا ابن الثامنة عشرة رغم انها المرة الاولي التي اكتب فيها بالدارجة واعرف انني ساجيدها علي ضهر العطا قريبا ....هن عشر صواريخ سأطلقها انا احد اشبال الطريف ...شعرا سيحفظه الناس وتسير به الرُكبان ...فلا داعي لان يشغل الكبار انفسهم بمثل هذه المسئوليات للدفاع بالحرف ضد دون كيشوت المنابر.. ساقوم بارسال باقي الصواريخ عبر اشتراكك اذا سمحت......كما ارجو ارسال السيرة الذاتية للعطا ومعلومات عنه ببريدي الالكتروني...وشكرا
طريف الخير
من القصر البزين ضحك الجبل لليل
وللحلة الكتب تاريخا موج النيل
ربوع بلدا اصيل وجميل
سلام الآف
فوارسٍك ديمة قدامك
اذا داست علي طرفك سنابك الخيل
………………………………..

ملعون ابو النضِم السجم
ملعون ابو الشعر الرماد
من العطا ولي قوم عاد
...
ملعون ابو الزمن البخلي البسوا والما بسوا يشتم في كرام الناس
وفي البلد الصلاحا اساس
سلالة الفقرا والفرسان
اذا صاب البلد هملان
والجيران
اذا ضل السبيل حيران ولو سكران
كما حالة الجنا الهلواس
والنيرا ن
اذا طال الطريف غبيان
كما حالتك
اريت تسأل عن الحسن الكبير ونبيل
عن العلم البدوهو اسيادو من صديق ولي ولدوالبشيل قرآن نصايص الليل
ولي حمد الكبير واصيل
وللحسن الختام وعديل
ولي هسع
حمتياب ممدة في الزمن قنديل
وهاك القول
من الولد الغناهو صهيل
وليد اسمر
كِساهو من العفاف اكليل
مأصل تب
مِداد داخرنو للمقطوع وللسّراق وللمطلوق ولي الزيك
مفصل تب
اذا مديت لسانك بالغنا السجمان بيقطعو جب
وليد اسمر
كما سيفو المداد مسنون
اذا بات الطريف مغبون
من السجم اليسوي البسوا والمايسوا والزيك
وتعال جربنا
فرسان الشعر والسيف
منو الغشاك
عشان تدخل عرين الما بعرف الخوف
منو الخلاك تدق باب التحرق الجوف
منو الغشّاك
عشان تركب غنم ابليس
وتتخيل
ركوبك فوق خيول عسكر
وحطب عُشرك سيوف عنتر
وعكازك عصا موسي
دي الدقسة التخلي الزول يظل اشتر
وكان تقدر
من الوهم السكن جواك تتحرر
قبل تحرير طريف بلد الطريف والناس
بلادا في شموخ شمس الله
سوّاها الكريم للكون عشان تحكم خلوق الله
بما فيهم ملوك خلق الله
والباقين عموم الناس ودون الناس ولي الزيك

ونواصل

[حسان سرالختم]

اخونا طارق
شكلك كدى ماداير تجيبه البر
وحقيقه الكلام سمح بالحيل
ولكن حا يولع النيران ويالله
حد ماحوش !!!

[على محجوب جعفر مصطفى]

لازم ياحسان توضح موقفك انت تيع الطريف ام العبدلاب
عشان الحكاى مسخنى والصواريخ زى بتاعت الشفا مظبوطه
كدى ياطارق رمضان مسخن عندنا فى السودان بالراحه علينا

[أب شخيت]

الأخ العزيز الطويرق ود الطريف
وكل المنتمين للطريف دماً ونسباً و"تشجيعاً"

أكرر مناشدتي السابقة ألا "تفسدوا في الارض وتقطعوا أرحامكم"...
وقع عليكم ظلم فادح مافي شك في ذلك..!!!..
من حقكم الرد بنفس القدر والأسلوب...و انتم أقدر على ذلك...
...لا أحد يمنع الحق الطبيعي في الدفاع .....والدفاع المضاد...
لتبدأ "داحس وغبراء" أخري ليس بسسبب خيول متسابقة..ولكن بسبب"عتود"صار مخلفات عضوية...


أبناء الطريييييييييف:

ما أسهل الرد على الإساءة بمثلها

وأنتم فيكم من الفطانة والحلم ما يجعلكم تعطوننا الفرصة "لتهدئة النفوس" و "جبرالخواطر"...فقط "أوقفوا الضرب" لنتم التحرك الذي بدأناه قبل تصعيدكم هذا...

[عوض جلاس]

يسلم قلمك يا بشخيت والله كلامك عين العقل وإنشاء الله يكون الرد والرد المضاد فيه نوع من الشفافية وحسن الذوق حتى لا نفسد للود قضية وأن تكون المجادعات بريئة من كل أنواع الملاسنات الحادة وأن يتقبل كل طرف ما يصل إليه من الطرف الآخر بدون زعل أو إساءة ونتمنى أن لا تصل القصائد درجة المهاترات حتى يستفيد الجميع من المواد المكتوبة ونعتبرها نقداً هادفاً وبناءاً
وأحذروا القادمين الشباب لأنهم سوف ياخذون الأمور بعنوفانهم وطيش الشباب وبعدين تبقى اليسوها الصغار يقعوا فيها الكبار
ولك تحياتي أب شخيت

[زكريا بابكر عمر]

يسلم قلمك يا بشخيت والله كلامك عين العقل وإنشاء الله يكون الرد والرد المضاد فيه نوع من الشفافية وحسن الذوق حتى لا نفسد للود قضية وأن تكون المجادعات بريئة من كل أنواع الملاسنات الحادة وأن يتقبل كل طرف ما يصل إليه من الطرف الآخر بدون زعل أو إساءة ونتمنى أن لا تصل القصائد درجة المهاترات حتى يستفيد الجميع من المواد المكتوبة ونعتبرها نقداً هادفاً وبناءاً
وأحذروا القادمين الشباب لأنهم سوف ياخذون الأمور بعنوفانهم وطيش الشباب وبعدين تبقى اليسوها الصغار يقعوا فيها الكبار
ولك تحياتي أب شخيت

لافض فوك أخي عوض جلاس ليس بعد قولك قول فنعم الرأي هو....... لك الله أخي أب شخيت وأنت تقف حتي الآن بالأعراف لا أدري ماذا ستصنع بك الأيام المقبله ؟؟؟ دعونا نسمع ونري واللهم أجعلو خير.....تحياتي ,,,

[عصام سرالختم]

الاخوان ابشخيت وعوض جلاس وزكريا
وابن عمى طارق
لكم التحية ....
كلامكم عين العقل
نريدها حرب شعرية ..... وصواريخ ( بدون روؤس نوويه )
نريد الشعر الهادف المفيد بعيدا عن المهاترات والاساءات ليستفيد الكل..
لاطريف بدون بركل ولا بركل بدون طريف .. والناس كلهم أهل
وشايف اخونا العطا قدم إعتذاره فى قصيده بعنوان ( تهت يوم باريت السراب ) وانزلها فى بوست آخر ....
اخى طارق وابننا شاعر الطريف ابن ( ال 18 سنة ) ...... هدو اللعب شوية

[رقيتون]

لافض فوك أخي عوض جلاس ليس بعد قولك قول فنعم الرأي هو....... لك الله أخي أب شخيت وأنت تقف حتي الآن بالأعراف لا أدري ماذا ستصنع بك الأيام المقبله ؟؟؟ دعونا نسمع ونري واللهم أجعلو خير.....تحياتي ,,,
ناسسسسسسسسسسسسسس ماتجى الا بالضغط عفيت منك ياود على صالح

[ضمره بغدادى]

الاخوان ابشخيت وعوض جلاس وزكريا
وابن عمى طارق
لكم التحية ....
كلامكم عين العقل
نريدها حرب شعرية ..... وصواريخ ( بدون روؤس نوويه )
نريد الشعر الهادف المفيد بعيدا عن المهاترات والاساءات ليستفيد الكل..
لاطريف بدون بركل ولا بركل بدون طريف .. والناس كلهم أهل
وشايف اخونا العطا قدم إعتذاره فى قصيده بعنوان ( تهت يوم باريت السراب ) وانزلها فى بوست آخر ....
اخى طارق وابننا شاعر الطريف ابن ( ال 18 سنة ) ...... هدو اللعب شوية

عصام
دائما ياك كبيرنا ومرجعنا
فعلا يا اخوان نريدها حرب شعرية مفيدة ولكى نوثق للمفيد وهذا ما ننشده فى بركلنا هذا والبركل والطريف قطعة واحدة .
الشكر لكل الاخوان وعلى رأسهم اخونا اب شخيت واولادنا طارق وشاعر الطريف .

[أب شخيت]

رسالةعاجلة عبر الهاتف
من العطا ود علي
إلى صديقي القادم..أكثر الطريفيين تطرفا ..طالب سيرتي الذاتية
......تحياتي.....
لأنك طلبت ذلك من الأخ طارق (والعم كما قلت) وحيث أن المذكور غير موثوق به (علي الاقل من ناحيتي) كون أنه سبق أن أدين في تهمة مخلة بالأمانة (سرقة العتود) وله إعتراف صريح مزيل بتوقيعه....
قلت ماذا لو تكرمت بإلقاء بعض الضوء على طلبك عني...ولن أقول لك كما قال عنترة ذات مرة:
حصاني كان دلال المنايا
فخاض غمارها وشرى و باعا
و سيفي كان في الهيجاء طبيبا
يداوي رأس من يشكو الصداعا
أنا العبد الذي خبرت عنه
فقد عاينتني فدع السماعا
ولو أرسلت روحي مع جبان
لكان بهيبتي يلقى السباعا
لن أقول ذلك حتى لا تعتبره من باب الوعيد فأنا أرفع من ذلك بكثير...ولكني أقول لك كما يقول توفيق زياد (أميا ولكن أعشق الأمثال والشعر المقفى)..
دعني و أنت من الشعر وأسوقك معي للأمثال لأشكرك كون أنك قد أضفت إلى ذخيرتي مثلا جديدا (هبوب الطريف) بالإضافة للمثل السائد (هبوب المقل) و أخالك تعرفه...
في الجانب الآخر أصدقائي كثر ستنضم يوما للقافلة بينهم إذا تركت (التطرف) وآخرهم "أب شخيت" الذي تبوأ مكانا مرموقا بينهم (بي إيدو و ضراعو).. بعضهم يقيم معي بصفة دائمة و منهم على سبيل المثال : ناجي العلي و يوسف ادريس و غالي شكري و حنا مينا ومظفر النواب و نجيب سرور و احمد عبد المعطي حجازي و صلاح عبد الصبور وامل دنقل والابنودي....و بعضهم الآخر اذا بارحنا لا نبارحه ومنهم الحميد والوراق و مصطفى سند و عالم عباس و محجوب شريف والدوش وغيرهم و غيرهم...
و اسالك ان تسأل عمك طارق عن ابيات شعرية مرسلة اليه عبر الصديق "اب شخيت" و ارجوك ان تضيف اليها البيت الاتي:
الطريف مو حقك براك
الطريف انا برضو حقي
و بالمناسبة انا ارسلتها له بمثابة اعلان مبادئ ونوايا حسنة كما بات يعرف عند الساسة اليوم عساكا ان تترك التطرف وتنضم للقافلة حتى لا تسأل سواك عني فكل مواريثنا تقول لك (اذا دار تعرف الزول شوفو مباري منو)..ونسهيلا آخر لطلبك :انا بركلاوي وكفى (جلابيتين و 3 عراريق ولا مواخذة زوج من الاحذية) وحتى لا اتهم بعدم الامانة هذا التعريف مقتبس من (يوسف ادريس) رحمه الله وانت و انا كذلك...
الا ترى معي ان كل ما عدا ما قلته لك عني لا جدوى منه...
ولك تحياتي و تقديري ومودة خالصة دفعتني لأكتب لك

العطا ود علي
البركل صباح الاثنين 17 سبتمبر الموافق للخامس من رمضان


من أب شخيت: لا تعليق إلا بعد تعليق

[طارق علي صالح]

يا ود العطا شايف ردودك بقت تجي عبر ابشخيت عن طريق الميناء . عادي جدا الاحلاف اليومين دي بالكوم حلف بين الهلال والمريخ وامريكا وايران والسنة والشيعة والكديس والفار وزمن المتناقضات
سيرتك الذاتيه ستصل الي طالبها رغم انها ناقصة كثير ولو اديتنا اذن نتم الباقي

[أب شخيت]

يا ود العطا شايف ردودك بقت تجي عبر ابشخيت عن طريق الميناء . عادي جدا الاحلاف اليومين دي بالكوم حلف بين الهلال والمريخ وامريكا وايران والسنة والشيعة والكديس والفار وزمن المتناقضات
سيرتك الذاتيه ستصل الي طالبها رغم انها ناقصة كثير ولو اديتنا اذن نتم الباقي

أخوي الكلس الظريف:
الحكاية دي دايرنها (توم آند جيري)مقالب خفيفة وظريفة ومتغيرة وتخاطب كل الاعمار والأذواق... والنتيجة النهائية ضحك و قرقراب..

[أبو السيوف]

ناسسسسسسسسسسسسسس ماتجى الا بالضغط عفيت منك ياود على صالح

شكيتك علي محنك آآآ رقيتون الناس يهبتو في النار وانتي تزيدي في الحطب ’ سويتي سواة المديده حرقتني ، بس نقول الله يديكي العافيه

[زكريا بابكر عمر]

شكيتك علي محنك آآآ رقيتون الناس يهبتو في النار وانتي تزيدي في الحطب ’ سويتي سواة المديده حرقتني ، بس نقول الله يديكي العافيه

هي يا أبو السيوف قشرون دي بلا وليع النيران يلقوها ليشنو؟؟؟ سمعته بيعجوز خراب سوبا بس تراها دي...الله يكفينا شرها .

[عطمنو]

هي يا أبو السيوف قشرون دي بلا وليع النيران يلقوها ليشنو؟؟؟ سمعته بيعجوز خراب سوبا بس تراها دي...الله يكفينا شرها .


إنتا دحين يا زكريا هي مو ياها عجوبة الخربت سوبا

[زكريا بابكر عمر]

إنتا دحين يا زكريا هي مو ياها عجوبة الخربت سوبا

بس ياها كتلتيها:D:D:D

[على محجوب جعفر مصطفى]

يااخوانا الحبوبه كلها حكم

[أب شخيت]

أخوي الكلس الظريف
إنت ياخوي صاروخك دا بيضة ديك والله(....)عجوز ساكت؟؟!!

[عصام سرالختم]

يا طارق
انت بطارية صواريخ شبل الطريف انضربت والا شنو :confused:
نحن من زمن ( الصاروخ رقم واحد ) ما شفنا صاروخ تانى

[طارق علي صالح]

الاخ عصام
صواريخ ابن الطريف دائما جاهزة
نسيت موضوع العطا وحماره واسهامات الشبل
الجماعة من صاروخ واحد وركبو الكارو
ونوعد قريبا بصاروخ موجه

[طارق علي صالح]

الاخ عصام
صواريخ ابن الطريف دائما جاهزة
نسيت موضوع العطا وحماره واسهامات الشبل
الجماعة من صاروخ واحد وركبو الكارو
ونوعد قريبا بصاروخ موجه

[الطريفية]

يااااااااااااااااااا سلام عليك يا طارق والف مليوووووووووووووون تحية يا شبل الطريف


والبوست دا كل ما يغطس انا حارفعو ...........لمن تكمل صواريخك كلها والجماعة يرفعوا الراية البيضا

الى الامام ونحن من خلفك

[ابومحمد]

التحیه لک ودعلی صالح ..والتحیه لقریبی جدا الشاعر الفحل ..المسخ علی الناس شعرن ..والتحیه لکل آل بیت ابینا حمد ودمحمد ..بیت الادب والقرآن .......و..........ونشرب ان وردنا الماء صفوا ...ویشرب غیرنا کدرا وطینا

[حميد]

خبر عاااجل...
اعلنت قاعدة المقل للمقالب ان لا علاقة لها بهذه الصواريخ
العابرة للكباري..وانها لن تسمح باستعمال اجوائها للطيران
ولن تزود اي من المتحاربين باي من انواع الدعم (اللوجستي)
وقال قائد المقل(ب) في آخر تصريحاته بانه لن يتهاون في حال
صقوط عكاز في اراضيه حتى وان كان عن طريق الخطأ وقواتنا
المكونة من تجار الدقيق والشحادين جاهزة ومستعدة ونحذر المواطنين
تحت جبل البركل والضفة الغربية حيث تجري التدريبات بان يظلون
في منازلهم حتى اشعار آخر..:D:D

حوالينا ما علينا..:D

[عوض جلاس]

يااااااااااااااااااا سلام عليك يا طارق والف مليوووووووووووووون تحية يا شبل الطريف


والبوست دا كل ما يغطس انا حارفعو ...........لمن تكمل صواريخك كلها والجماعة يرفعوا الراية البيضا

الى الامام ونحن من خلفك

يا بت هوي إنتي دايري تعيدي حزب الشمارات والدايد تاني ولا شنو ؟؟؟
نحن الحزب دا زمان فرتقناهو
أب شخيت إنضم لي حزب الأرانب
وبت السكاسيك انضمت لحزب المقالب
وأنا انضميت لحزب طارق التايب ( هلالي وراسي عالي يعني )
كان عندك نية تعيدي الحزب بنرجع لك

[اسامة حمزة]

الاسم ده حيرنا

[خالد البدوي بابكر]

طارق يا ابن عمي ..
أهلك وأهلنا في الطريف لم نعرف منهم غير الحنية والوداد ..
مالك داير تدمر البنوه ..
كانوا دائما يتحملون ويتسامحون ..
دحين ياولدي صواريخك دي خليها

[harmasaldailamy]

[QUOTE=طارق علي صالح;1699]الاخوة الاعزاء اتصل بي احد ابناء الطريف المخلصين ورقم صغر سنه وحداثة عهده اعتقد انه ابلي بلاء حسنا كما المقاومة العراقية ضد اقوي قوة في الدنيا
العم طارق انا من سيتصدي للمدعو العطا انا ابن الثامنة عشرة رغم انها المرة الاولي التي اكتب فيها بالدارجة واعرف انني ساجيدها علي ضهر العطا قريبا ....هن عشر صواريخ سأطلقها انا احد اشبال الطريف ...شعرا سيحفظه الناس وتسير به الرُكبان ...فلا داعي لان يشغل الكبار انفسهم بمثل هذه المسئوليات للدفاع بالحرف ضد دون كيشوت المنابر.. ساقوم بارسال باقي الصواريخ عبر اشتراكك اذا سمحت......كما ارجو ارسال السيرة الذاتية للعطا ومعلومات عنه ببريدي الالكتروني...وشكرا
طريف الخير
من القصر البزين ضحك الجبل لليل
وللحلة الكتب تاريخا موج النيل
ربوع بلدا اصيل وجميل
سلام الآف
فوارسٍك ديمة قدامك
اذا داست علي طرفك سنابك الخيل
………………………………..

[frame="7 80"][size=6][color=#FF0000]ملعون ابو النضِم السجم
ملعون ابو الشعر الرماد
من العطا ولي قوم عاد
...
ملعون ابو الزمن البخلي البسوا والما بسوا يشتم في كرام الناس
وفي البلد الصلاحا اساس
سلالة الفقرا والفرسان
اذا صاب البلد هملان
والجيران
اذا ضل السبيل حيران ولو سكران
كما حالة الجنا الهلواس
والنيرا ن
اذا طال الطريف غبيان
كما حالتك
اريت تسأل عن الحسن الكبير ونبيل
عن العلم البدوهو اسيادو من صديق ولي ولدوالبشيل قرآن نصايص الليل
ولي حمد الكبير واصيل
وللحسن الختام وعديل
ولي هسع
حمتياب ممدة في الزمن قنديل
وهاك القول
من الولد الغناهو صهيل
وليد اسمر
كِساهو من العفاف اكليل
مأصل تب
مِداد داخرنو للمقطوع وللسّراق وللمطلوق ولي الزيك
مفصل تب
اذا مديت لسانك بالغنا السجمان بيقطعو جب
وليد اسمر
كما سيفو المداد مسنون
اذا بات الطريف مغبون
من السجم اليسوي البسوا والمايسوا والزيك
وتعال جربنا
فرسان الشعر والسيف
منو الغشاك
عشان تدخل عرين الما بعرف الخوف
منو الخلاك تدق باب التحرق الجوف
منو الغشّاك
عشان تركب غنم ابليس
وتتخيل
ركوبك فوق خيول عسكر
وحطب عُشرك سيوف عنتر
وعكازك عصا موسي
دي الدقسة التخلي الزول يظل اشتر
وكان تقدر
من الوهم السكن جواك تتحرر
قبل تحرير طريف بلد الطريف والناس
بلادا في شموخ شمس الله
سوّاها الكريم للكون عشان تحكم خلوق الله
بما فيهم ملوك خلق الله
والباقين عموم الناس ودون الناس ولي الزيك



هييييييييع

شبل الطريف أب سناما جووووخ

بوستك مولع لما عامل بووووووخ

إنت البديك بي طريف السوووووط

تقوم تديه بالصاروووووووووووخ

أخوي العطا انت مالك اليومين ديل جايب لي روحك الهبوب

هبرت بي جاي هبشت ناس اب دوم قاموا فيك ناس خالد والدرويش

والليله وقعت في شبل الطريف .... اللله يستر...... وما في داعي

تستعمل المدفعيه الثقيله . اسمع لكلام قشريا وقشره وقشر قشار واب

قشير وما تكبر الموضوع ... او خلي ردك يصب في خانة التسويه

رغم اني خايفا تطلع واحده من مقالب طارق ... دا ماهو شعر أشبال

دا ليث ممكون ....

[ابومحمد]

الی ولدنا الشاعر الفحل....طبل العز ضرب ...هوینا فی البرزه ....غیر طبل امبکان انا مابشوف عزه ...ان طال الوبر واسیهو بالجزه ...واما عم نیل ..ما فرخت وزه

[طارق علي صالح]

هييييييييع

شبل الطريف أب سناما جووووخ

بوستك مولع لما عامل بووووووخ

إنت البديك بي طريف السوووووط

تقوم تديه بالصاروووووووووووخ

أخوي العطا انت مالك اليومين ديل جايب لي روحك الهبوب

هبرت بي جاي هبشت ناس اب دوم قاموا فيك ناس خالد والدرويش

والليله وقعت في شبل الطريف .... اللله يستر...... وما في داعي

تستعمل المدفعيه الثقيله . اسمع لكلام قشريا وقشره وقشر قشار واب

قشير وما تكبر الموضوع ... او خلي ردك يصب في خانة التسويه

رغم اني خايفا تطلع واحده من مقالب طارق ... دا ماهو شعر أشبال

دا ليث ممكون ....[/QUOTE]

الهرماس
كيفك يا هندسة
سلام الاف
اولا الشعر شعر شبل
والاسود خاتنها للتقيلة
تحياتي لك واتمني لقياك

[العطا علي العطا]

(( مو سم الهجرة الى الخلف ))

اذا نزل الحفر الزول صغير يخاف طول عمرو ان شاف الكركى
وصاروخ ضر ب نار ماعندو قيمة اذا بدات الحرب تلقاهو متكى
واذا بدا فى الضرب للخلف يضر ب مع انو الضرب فالصو وفشنكى
واذا الصحاف صبح مضر ب مثلنا واصبح نكتة الغزو الامريكى
فى صحاف تانى يتفلت ينطط اذا اخر المطاف يتجارى جاكى

[رقيتون]

(( مو سم الهجرة الى الخلف ))

اذا نزل الحفر الزول صغير يخاف طول عمرو ان شاف الكركى
وصاروخ ضر ب نار ماعندو قيمة اذا بدات الحرب تلقاهو متكى
واذا بدا فى الضرب للخلف يضر ب مع انو الضرب فالصو وفشنكى
واذا الصحاف صبح مضر ب مثلنا واصبح نكتة الغزو الامريكى
فى صحاف تانى يتفلت ينطط اذا اخر المطاف يتجارى جاكى

وينك ياوليد بطنى نادى الشبل يديلو
الولد الحصيف خليه يكتل حيلوووو
صاروخ يولع ناروا يطفيه منو هجيرو

[الطريفية]

يا بت هوي إنتي دايري تعيدي حزب الشمارات والدايد تاني ولا شنو ؟؟؟
نحن الحزب دا زمان فرتقناهو
أب شخيت إنضم لي حزب الأرانب
وبت السكاسيك انضمت لحزب المقالب
وأنا انضميت لحزب طارق التايب ( هلالي وراسي عالي يعني )
كان عندك نية تعيدي الحزب بنرجع لك

توووووووووووووووت وقد اعلنت صفارة الانذار

استعدادا للحرب الصاروخية

اه يا عوض انت مع ناس منو؟

[الطريفية]

خبر عاااجل...
اعلنت قاعدة المقل للمقالب ان لا علاقة لها بهذه الصواريخ
العابرة للكباري..وانها لن تسمح باستعمال اجوائها للطيران
ولن تزود اي من المتحاربين باي من انواع الدعم (اللوجستي)
وقال قائد المقل(ب) في آخر تصريحاته بانه لن يتهاون في حال
صقوط عكاز في اراضيه حتى وان كان عن طريق الخطأ وقواتنا
المكونة من تجار الدقيق والشحادين جاهزة ومستعدة ونحذر المواطنين
تحت جبل البركل والضفة الغربية حيث تجري التدريبات بان يظلون
في منازلهم حتى اشعار آخر..:D:D

حوالينا ما علينا..:D


شنو يا ابو نسب...........كيف عليك وما حواليك
نحن واقين وسط لذلك اعمل حسابك لانو ممكن نقفل عليكم مضيق جبل طارق........لا صدقىجبل كجبى:D............. وبعدا ياهو مصيركم زى ناس رفح

تخريمة........تطالب قوة الطريف العسكرية بقوات المقل بالتصريح لبناء قاعدة جوية وذلك لكتر الصواريخ الشعرية.....ويتم قيادة هذة القواعد بواسطة العقيد شاعر السفلى............والفنان المخضرم محمد جبارة..والبقية تاتى

[harmasaldailamy]

الهرماس
كيفك يا هندسة
سلام الاف
اولا الشعر شعر شبل
والاسود خاتنها للتقيلة
تحياتي لك واتمني لقياك[/color][/size][/QUOTE]



صديقي طارق علي رجل المقالب الظريفه وفردة العطا وغريمه

ما محظوظ لقد فاتتني فرصة اللقاء بكم حينما كنت بمروي والآن

مرابط بالخرطوم ,,,,,,,

بخصوص الشبل الصغير صاحب الشعر الكبار نتمني أن نقرأ له ثانيه

انشاء الله صويريخ زي صويريخات ناس غزه ديك يدوش العدو بس ما يكتلو

[طارق علي صالح]

وينك ياوليد بطنى نادى الشبل يديلو
الولد الحصيف خليه يكتل حيلوووو
صاروخ يولع ناروا يطفيه منو هجيرو
الحبوبة
سلام كيفيك
الجماعة بقو ما دايرين صاروخ
يد الفندك حقت عطط تكفيهم
بس اجيب سيرتها تجي ناطة زي الما نصيحة
مرة قلت تيس عطمنو تاني ما شفت حاجة
صورتك تمام 18 وداخلة علي ال 17