الطريف الجريح في وجه الريح

[أب شخيت]

الطريف الجريح في وجه الريح

ودالعطا حليفنا الجديد..........يا صاحب الذوق والأدب
جاتنا معلومات أكيد.............من مصادر موثوقة تب
برسِّلة ليك أنا بالبريد............عبر الأثير ما جيّة خب
حسان يكورك من بعيد........قال أبشخيت باعنا و قَلَب
ياخوانا محتارين شديد..........ورونا بس إيه السبب
تقولو مرات زول العميد........و مرات مع طارق نهب
مرات تودوهو العبيد...........ومرات تقولو من الحلب
يعني ما نحر ِّش نكيد..!!؟؟..ولا نجدِّع ولا نجيب الحصب..!!!؟؟
حسع دا ما الخبر الأكيد........ولا عشان كده أنا كتب
يا زول شماري بكون غليد....ليهو ضل حار من لهب
قالوا الطريف تبرق رعيد......مابيرضو بالقول الكعب
عاملين تمام جِد لي حفيد......وجامعين كمان ناس النسب
وانا مابلوِّح بالوعيد................وانا زول معاك عكاز مضبب
وإنت ما واقف براك مقطوع وحيد.....معاك أبشخيت يبلع عدوك ياخويا "جب"
وإنت كان مظلوم تب مابحيد............وحتى لو ظالم علي نصرك وجب
أسمحلي اقول راياً سديد..........كان يطفي نيران الغضب
لسه الأمر ماسكنِّو بالليد............قبال يزيدو النار حطب
ياخوي ختاك جَد كان شديد........يقطع علايق الخوة تب
أهل الطريف هم ليك رصيد.......لو جبت الكتاب جمّع حسب
ضرِّب حساب الخوة في الريد....وارفع مقام العشرة طارح السب
تلقى الحساب ياخوي يزيد.........و البيعة ليك ربحانة طب
وانت ما الزول البليد.................ولا في الحساب فد يوم رسب
ولا الزول اب عقلا كسيد...........القالولو صلِّح طبَّظ خرب
ولا في خوة الجيران زهيد........خليك من رباط الدم والعصب
أهل الطريف هم ناس المسيد...البصومو رمضان من رجب
قوم المكاشفي وأهل الجنيد.....خاتمية وأنصار من لبب
ديل هم سلالة الجيل الفريد.....الخلطة بين زنج وعرب
الثابت الأركان وطيد..................ولو جاتن الريح هابة هب
لو جاهم العدمان فات سعيد......فرحان ينطط بالطرب
شافعن من قام رشيد..............حافظ الكتاب من دون تعب
ديل ياخي قدمو كم شهيد.........خاتيهم اللوم والعتب
حد ما أشكر فيهم وأعيد............ألقى الكلام جافاني وغلب
يا خوي إعتزارك ليهم مفيد.........يبقي زي قطران للجرب
ترتاح عيون جافاها الهجيد .........تخضر زروع بعد الجدَب
قبال يهل رمضان المجيد.............إعتذارك عز الطلب

[عوض جلاس]

لك التحايا أب شخيت وأنت ترمي بقفاز التحدي في وجوه القوم ومعك الحليف الجديد ود العطا
نتمنى ان نرى حرباً رمضانية باردة تنزل برداً وسلاماً على قلوب الكل بدون ضغائن أو إحن
ونتمنى أن نستمتع بالجديد الشديد في هذا الشهر الكريم الذي نتمنى أن يعيده الله علينا وعليكم بالصحة والعافية وللبركل بالمنعة والشدة ضد هذا الدخيل اللعين الذي ببركة هذا الشهر المبارك أن ينزل عليه طارقاً في أحد لياليه يزيله من على وجه الأرض

[حسان سرالختم]

والله يا اخوى ابشخيت ..حيرتنا
فى الاول الواحد كان عارفك شايت وين
ولكن هسع مسكت العصايه من النص.
نحنا ناس المديده معذورين لانو لا نجيد
نظم القوافى لنرد بها ولكن انت شاعر متمكن
عشان كده مامفروض تكون محايد!!!

[أب شخيت]

لك التحايا أب شخيت وأنت ترمي بقفاز التحدي في وجوه القوم ومعك الحليف الجديد ود العطا
نتمنى ان نرى حرباً رمضانية باردة تنزل برداً وسلاماً على قلوب الكل بدون ضغائن أو إحن
ونتمنى أن نستمتع بالجديد الشديد في هذا الشهر الكريم الذي نتمنى أن يعيده الله علينا وعليكم بالصحة والعافية وللبركل بالمنعة والشدة ضد هذا الدخيل اللعين الذي ببركة هذا الشهر المبارك أن ينزل عليه طارقاً في أحد لياليه يزيله من على وجه الأرض

العزيز عوض جلاس لا يقصد بتاتاً "العلم" المعروف...مع الإعتراف بأن" العلم" الكلس الظريف له من الحرافة والاحتراف بما يمكنه فعل الكثير...و اخشي عليه أن ينتزع كورة المديدة مني..!!!!!!!!!
عوض جلاس دوما مبادر بما يحفظ ترابط الناس و يدعو للعب النظيف والاهداف الملعوبة..فله الشكر و تقبل الله منه

[على بابكر ابراهيم بابكر]

الاخوة الأفاضل رواد وعشاق بوست عتود دقش طبتم وطاب مساءكم ورمضان كريم عليكم وتقبل الله الصيام والقيام . خالص التحايا يبعثها لكم الأستاذ العلم / العطا على العطا ولديه الجديد المثير ، فلا أحب أن أكون حاجباً بينكم وبيين اسهاماته الرائع بل صواريخه المدمرة حتى فى وجه كل من ارتد وفقد صوابه .

بسم الله الرحمن الرحيم
الحادي عشر من سبتمبر
وتداعيات معركة تحرير الطريف

تعديلات طفيفه على خارطة العبدلاب في اضاءة للمدخل أقول: ـ
أخي في الله وفي التسكع بين جزوع الكلمات وفي السعي حثيثاً بين غروب الشمس وخلف صدى أنغام القافية المدعو ( منهم ومنه ) أب شخيط ومني أب شخوط.
حياك الله...
تخيلتك أغبر .. أغبش طويل القامة نحيف الجسم .. تميل النحافة فيك إلى النحافة عند أهلي وأهلك البسطاء .. الطول خمسة قدم وستة بوصات .. العيون عسلية بالقدر الذي تتطلبه معايير المهنة...
استوقفك لأناشد العماد والعلي والزكريا أن يكفوا عن الاعتذار عن ذلة لساني أنا حريُ وخليق وجدير بي أن أفعل ذلك وبالقريض نفسه ومثلي كانت به يكون زوالها به ويا عملات المجنون ( حميد ).
إذا كان العكار من طين كمان من طين يجي الرواق ( الله يطراهو بالخير )..
داهمني الاحساس ... إن خلقي أصلاً كان في مهمة واحدة ... أن أخرج يوماً من طوري لأخرجك من التخفي لتخرجنا جميعاً من عتمة الملل والنكد إلى تلك العوالم الرحبة التي سُقتنا إليها والتي لا يراها إلا العائدون من الموت .. واسأل الله ان يديم علينا نعمة الخروج ابداً ونكون من الخارجين من الخروج إلى الخروج إلى الخروج إلى أن نلقاهو تعالى ... آمين.
يا أبن حميراء
أخذت كل ما تملك منها سنتباهى نحن دوماً ونقول أخذنا كل ما نملك من ابن تلك الحميراء ... أكرمها الله ...
نعم التقينا في الوجهة والاتجاه .. اتمنى ألا نلتقي أبداً وجهاً قبالة وجه ... أنا أدمنت التلذذ والتلهف والتشوق للقياك وهذا كف .. لانه من نعم الله عليّ.
القيام لك حتى وإن أذنت لي بالجلوس.

دنيا فيها تسوقنا الظنون
ونمشي كلما الهاجس هجس
ويصدق الإلهام ويوم يخيب
وبرضو ياهو دا حال الحدث
واصلها الأقدار راح تقع
مهما كان الزول احترس
وفي المسارح في الواقعي
ومسرح المعقول والعبث
والسيناريو يجيك بألف لون
وكل يوم تتحبك القصص
وتفرض الأحداث كلمتا
والمهم تبعات الحدث
لا الأماني تجيب الغنى
ولا في نقة تطرد الفلس
والبيأكل الحوت رزقو حي
ورزقو حي البيأكل العدس
داير أقول للأغا أب شخوط
ليهو ذات بالذات بالأخص
ودحميراء صلاة النبي ياكه دوخري الحوجة الامس
كلما الأعناق تشرئب تبقى انت المعنى انت بس
يا حفيد القيقر سلام يا جنا النعمان يا كلس
فيك شرافة أهل أم دويمة البسوقو العدو للقفص
وكربكان تنشاف فيك عديل
وفيك شفنا النور والقبس
رغم عنف الريح انت في
ورغم انو الريح ماكرس
ما رخيت ذات يوم اللجام
وما نزل من ضهر الفرس
يوم سمعنا صليل السيوف
ما سمعنا البكاء والجرس
إلاّ صاحبي وصاحبك عماد
مالو غير رأيو انتكس
مالو خلى جماعتو المعا
مالو من وسط أهلو اتفرز
وين محاكم طارق تروح
وشن لزوم الحجة الهوس
يوم نهارت انسرق العتود
التقول مسروق تور جخس
اصلي دابي عرفت الكثير
يوم قعدت حسبت ودرس
وفوق حروفي بخت النقط
وداير أقول القول مافي دس
تهت يوم باريت السراب
يعني أقولها صراحة أنا دقس
وداير أقول العطا حي وفي
وفيهو حي الحس ما خرس
ولسه باعو بيلحق طويل
وعندو طولة البال والنفس
ماب يخاف من زول عندو تاج
وعندو كم دبورة ومقص
يمشي طول اليوم مطمئن
ماب ينوم غافرنو الحرس
يا هو حالي ان طال العمير
بيهو اموت إن قصر نقص


العطا علي العطا
البركل11/9/2007م

[أب شخيت]

والله يا اخوى ابشخيت ..حيرتنا
فى الاول الواحد كان عارفك شايت وين
ولكن هسع مسكت العصايه من النص.
نحنا ناس المديده معذورين لانو لا نجيد
نظم القوافى لنرد بها ولكن انت شاعر متمكن
عشان كده مامفروض تكون محايد!!!

أخوي حسان

رمضان كريم
أنا من بدري "بكنتِّك" يمين بلف شمال.."بكنتك" شمال بلف يمين.."بخت" ورا بطلع قدام بي خمسة...!!!.
ومرات أخت "الهزارد"وأشغل البوري والأنوار الطويلة والمنشات واكنتك مرة شمال مرة يمين وانا واقف في نص الظلط قافل المسارين..دا لمان ما أكون عارف أنا داير شنو..!!!!!!
وانت عارف الحكاية دي وكنت شايل معانا "المديدة حرقتني"..
و أخوك زكريا كان يهب في المكوة..و مرات يديني بيهو تشة فوق جضومي ويقول لي"باقيلك الوزنة دي ما سمحة..والله أخير نزيدا شوية والله ننقصا حبة" وانا اقولو قرّط ياخوي علي كدا..كان قتلو زيد أو نقّص طوالي بيعمل اللازم ويضوقني لها تاني...
لحدي ما زعلت مرة وعوست ليهو ""لقيمات الصباح"" القصيدة ديك...!!!.


حسع انا في حالة "الهزارد" وتوابعه...من جهة داير أضوق المديدة حرقتني بتاعتك ديك واضيف ليها شمارات شعرية عشان تكون كاربة زي "بتاعة طيبان"الأولي مش الجديدة...لكين كمان أخوك زكريا حرر لي المكوه لامن إتحرق "طريف" الجلابية... وخلاني أخت المديدة واجري عشان أبرد المكوة قبال تحرق "الطريف"البيت كلو...
الشي الغايظني شديد إنو "طارق" شايل مديدتي و لافي بيها علي عموم الطريفاب...
غايتو كان الحكاية بردت شوية أنا بقلع مديدتي من طارق...

[أب شخيت]

الاخوة الأفاضل رواد وعشاق بوست عتود دقش طبتم وطاب مساءكم ورمضان كريم عليكم وتقبل الله الصيام والقيام . خالص التحايا يبعثها لكم الأستاذ العلم / العطا على العطا ولديه الجديد المثير ، فلا أحب أن أكون حاجباً بينكم وبيين اسهاماته الرائع بل صواريخه المدمرة حتى فى وجه كل من ارتد وفقد صوابه .

بسم الله الرحمن الرحيم
الحادي عشر من سبتمبر
وتداعيات معركة تحرير الطريف

تعديلات طفيفه على خارطة العبدلاب في اضاءة للمدخل أقول: ـ
أخي في الله وفي التسكع بين جزوع الكلمات وفي السعي حثيثاً بين غروب الشمس وخلف صدى أنغام القافية المدعو ( منهم ومنه ) أب شخيط ومني أب شخوط.
حياك الله...
تخيلتك أغبر .. أغبش طويل القامة نحيف الجسم .. تميل النحافة فيك إلى النحافة عند أهلي وأهلك البسطاء .. الطول خمسة قدم وستة بوصات .. العيون عسلية بالقدر الذي تتطلبه معايير المهنة...
استوقفك لأناشد العماد والعلي والزكريا أن يكفوا عن الاعتذار عن ذلة لساني أنا حريُ وخليق وجدير بي أن أفعل ذلك وبالقريض نفسه ومثلي كانت به يكون زوالها به ويا عملات المجنون ( حميد ).
إذا كان العكار من طين كمان من طين يجي الرواق ( الله يطراهو بالخير )..
داهمني الاحساس ... إن خلقي أصلاً كان في مهمة واحدة ... أن أخرج يوماً من طوري لأخرجك من التخفي لتخرجنا جميعاً من عتمة الملل والنكد إلى تلك العوالم الرحبة التي سُقتنا إليها والتي لا يراها إلا العائدون من الموت .. واسأل الله ان يديم علينا نعمة الخروج ابداً ونكون من الخارجين من الخروج إلى الخروج إلى الخروج إلى أن نلقاهو تعالى ... آمين.
يا أبن حميراء
أخذت كل ما تملك منها سنتباهى نحن دوماً ونقول أخذنا كل ما نملك من ابن تلك الحميراء ... أكرمها الله ...
نعم التقينا في الوجهة والاتجاه .. اتمنى ألا نلتقي أبداً وجهاً قبالة وجه ... أنا أدمنت التلذذ والتلهف والتشوق للقياك وهذا كف .. لانه من نعم الله عليّ.
القيام لك حتى وإن أذنت لي بالجلوس.

دنيا فيها تسوقنا الظنون
ونمشي كلما الهاجس هجس
ويصدق الإلهام ويوم يخيب
وبرضو ياهو دا حال الحدث
واصلها الأقدار راح تقع
مهما كان الزول احترس
وفي المسارح في الواقعي
ومسرح المعقول والعبث
والسيناريو يجيك بألف لون
وكل يوم تتحبك القصص
وتفرض الأحداث كلمتا
والمهم تبعات الحدث
لا الأماني تجيب الغنى
ولا في نقة تطرد الفلس
والبيأكل الحوت رزقو حي
ورزقو حي البيأكل العدس
داير أقول للأغا أب شخوط
ليهو ذات بالذات بالأخص
ودحميراء صلاة النبي ياكه دوخري الحوجة الامس
كلما الأعناق تشرئب تبقى انت المعنى انت بس
يا حفيد القيقر سلام يا جنا النعمان يا كلس
فيك شرافة أهل أم دويمة البسوقو العدو للقفص
وكربكان تنشاف فيك عديل
وفيك شفنا النور والقبس
رغم عنف الريح انت في
ورغم انو الريح ماكرس
ما رخيت ذات يوم اللجام
وما نزل من ضهر الفرس
يوم سمعنا صليل السيوف
ما سمعنا البكاء والجرس
إلاّ صاحبي وصاحبك عماد
مالو غير رأيو انتكس
مالو خلى جماعتو المعا
مالو من وسط أهلو اتفرز
وين محاكم طارق تروح
وشن لزوم الحجة الهوس
يوم نهارت انسرق العتود
التقول مسروق تور جخس
اصلي دابي عرفت الكثير
يوم قعدت حسبت ودرس
وفوق حروفي بخت النقط
وداير أقول القول مافي دس
تهت يوم باريت السراب
يعني أقولها صراحة أنا دقس
وداير أقول العطا حي وفي
وفيهو حي الحس ما خرس
ولسه باعو بيلحق طويل
وعندو طولة البال والنفس
ماب يخاف من زول عندو تاج
وعندو كم دبورة ومقص
يمشي طول اليوم مطمئن
ماب ينوم غافرنو الحرس
يا هو حالي ان طال العمير
بيهو اموت إن قصر نقص


العطا علي العطا
البركل11/9/2007م

أخي الملتهب الفياض ود العطا

رفعتنا أضعاف أضعاف ما نستحق حتى كاد رأسي أن يرتفع ملامسا أقدامك ...
أعرف حقا أن الشعراء الحق (لا يكيدون ولا يعرفون المكايد)التي تدمي الآخرين..و إن حدث ذلك على قلته فهى زلة لسان إنتشى مع شيطان الشعر ووزن القافية...
الإعتذار على الملأ هي شيمة الكبار... ولذلك فلا عجب أن يصدر ذلك من قامة شعرية مثل ود العطا هي فخر لا للبركل فحسب و إنما لأبناء الشمال خاصة و عموم السودانيين عامة...

[عوض جلاس]

عوض جلاس دوما مبادر بما يحفظ ترابط الناس و يدعو للعب النظيف والاهداف الملعوبة..فله الشكر و تقبل الله منه

ربنا يجعلنا دعاة سلام ومحبة بين الناس وأن نمشي فيهم بالمعروف والتسامح
بعيداً عن العنف القانوني والغير قانوني
وأن يكون لعبنا دائماً نظيفاً حتى ننال كأس اللعب النظيف
وجائزة الجمهور المثالي وهداف البطولة ( يعني نكاوش على الكل )
مشكور اب شخيت على الإطراء وأتمنى أن أكون عند حسن ظنكم بي دائماً
وكل عام وأنت بخير

[أب شخيت]

ربنا يجعلنا دعاة سلام ومحبة بين الناس وأن نمشي فيهم بالمعروف والتسامح
بعيداً عن العنف القانوني والغير قانوني
وأن يكون لعبنا دائماً نظيفاً حتى ننال كأس اللعب النظيف
وجائزة الجمهور المثالي وهداف البطولة ( يعني نكاوش على الكل )
مشكور اب شخيت على الإطراء وأتمنى أن أكون عند حسن ظنكم بي دائماً
وكل عام وأنت بخير

أخي عوض جلاس

آمين.آمين.آمين..لكين كلنا معاك...
مش تكاوش الحاجات السمحة دي براك...
نحن ما بنرضى بالباقي الخليتو لينا...