(الصبر ناجع) قصيدة للشاعر / سيف الدين محمد الامين احمد

[ود القرير]

كلمات/سيف الدين محمد الامين - في رثاء الشاعر/ يحيى حسن الدابي
( الصبر ناجع)
المُصاب كان اقوى واكبر ،، من حديث يحكي المواجع
واللسان بالفجعة اخرس ،، ما الخبر في ساعتو واجع
(يحيى) بى جسدك رحلتَ ،، وباقية سيرتك وردِ ناصع
رغمِ حيرة الناس وراكا ،،إلا كان الصبرِ ناجع
(يحيى) رغم البُعدِ بينّا ،، كنت دايماً فينا قابع
وكنا نذْكر أيّ لحظة ،، فيها نتلاقى ونوادع
وذكريات بالطيبة حافلة ،، وباقي كرمك ليكا طابع
كنا زي ما بقولوا اهلْنا ،، ويدعوا دوم بى قلب خاشع :
" الله لا جاب يوم شكِرتك" ،، إلا قدر المولى واقع
وموتنا حق لا بدّ منُّو ،، وكل زول لى ربُّو راجع
والحساب حسب العمايل ،، وانتَ أعمالك روايع
شلت حسناتك رحلتَ ،، وبى وراك خيرك منابع
تلقى ربك إنت مؤمن ،، وفي الجنان تقدِل تضارع
والله يغفر ليك ذنوبك ،، وتستظل بالرحمة وادع
وتبقى ذريتك مشاعل ،، ضاوية في كل المرابع
شايلة من اسمك معاني ،،وهاتفة : (يحيا اسلامنا) جامع
لى كيان الأمّة كلو ،، ويبقى للوثنية رادع
الصبُر يا أهلو زادو ،،رغمِ فُرقو الحار وواجع

ود القرير
الأحد - 4/1/1429هـ - 13/1/2008م