كلنا شربنا المقلب

[زكريا بابكر عمر]

الأخوه الأعزاء نحن وأنتم كنا ضحيه مقلب أحيك بليل بين العميد عماد والعقيد أب شخيت (أكلونا الأوانطه)زي مابقولوا المصريين وشربنا المقلب حتي الثماله ....خلونا نقع ونقوم في ارض المعركه شيء قاذفات لهب وشيء دانات وقنابل عنقوديه وشيء طائرات وكل قواتنا إستنفرناها حتي الأسلحه المحظوره دخلت المعركه ....إن شاء الله ياعماد وأب شخيت يودوكن جبيت يزحفوكن فوق الحجار الزرق ديلك زي مازحفتونا في المنتدي. عليكن الله شوفو جنس المقلب ده أنا وعلي بابكر بقينا زي مراسلين قناة الجزيره واحد في تورابورا والتاني في بشاور ونشيل و نرسل في التقارير و داخلين وسط الراجمات والمدرعات والقصف فوق راسنا ...فياأخوانا سامحونا وأعذرونا الجماعه عملوها فينا ....

السماح يا صحاب السماح
والعذر مننا أقبلو
كلنا المقلب شربنا
وييداك أب شخيت أسألو
هو وعماد شدونا العتود
وزازو بالنيران مرجلو
خلونا ننطاقش بالجري
للبحش فنن منجلو
والكان بيقرع فاتح اللبق
وقف البابور بطلو
والمودي للسوق الخدار
خلا في شوالو وبلبلو
والعندو مشوار للصباح
مامهم قال بطلو
وحتي ناس البكاء للعزاء
زولن الميت سبلو
الله يجازي محنك ياعماد
ساوي راسك زي الدلو
الرباطابي جنا أصول
مالك عليهو مبهدلو
أداهو إبراهيم بالتقيل
وسلا من جنسو وحولو
سواهو عبدا ليهو ضل
ليبخيت وداهو وسجلو
وسماهو يعقوب الغراب
وكان غراب الشوم مدخلو
مسحو بالإستيكه أم قرش
ومسكو من كرعيهو ودلدلو
أما العطا بالغ عديل
تكي الزويل ضبحو وحللو
أنا من الأول ماقلته ليك
ناسي في عماد مابيحملو
ماشفتهن من سمعو الخبر
بقو في القعاد يتململو
في النهايه وبيت القصيد
آخر الموضوع وأولو
كل زول من الإبداع يشيل
يغرف يكب في جردلو
أعفا مننا ياأب شخيت
نحنه كبرنا والناس هللو

[عوض جلاس]

معليش أخوي زكريا ماك البراكم شربتو المقلب كل المنتدى اتمقلب وضحكوا عليهم الجماعة ديل حتى نحن المتفرجين من بعيد لي بعيد وكنا خايفين من الراجمات وماخدين السواتر عشان ما تجينا دانة ولا قرنوف وكنا لابدين لا نفلع لا نجيب الحجار بس كنا برضو مستمتعين بالحاصل والشبكي الواقعي بيناتكم وكنا نتمنى أن لا يكسب المعركة أحد وأن تكون حرب عصابات وكر وفر حتى لا تنتهي بخروج المهزوم من المعركة وانسحابه وتفقد الجولة تفاصيلها الجديدة ولكن الحمد لله جات على كدا بدون زعل من أحد أو حرد من زول
تحياتي لك زكريا وللعميد عماد والعقيد أب شخيت الذين حبكوا هذه الدراما بكل فصولها ونشروها بين الناس بثقة ونجاح كبير

[نادر رشاد]

أخونا زكريا مع التحايا والأشواق
وإن كنت أنا ماني عارف المقلب شنو لكن القصيدة عجبتني بالحيل .
والمقلبتك وخلتك تقع وتقوم سامحتك .
كل الود ،،،

[عوض جلاس]

أخونا زكريا مع التحايا والأشواق
وإن كنت أنا ماني عارف المقلب شنو لكن القصيدة عجبتني بالحيل .
والمقلبتك وخلتك تقع وتقوم سامحتك .
كل الود ،،،

المقلب إنو أب شخيت طلع دكتور عيون وعقيد كمان في السلاح الطبي
ومحرش من جماعة عشان يعملو فينا كاميرا خفية
وهاك شوف المقلب هنا
http://albrkal.com/vb/showthread.php?t=116

[زكريا بابكر عمر]

أخونا زكريا مع التحايا والأشواق
وإن كنت أنا ماني عارف المقلب شنو لكن القصيدة عجبتني بالحيل .
والمقلبتك وخلتك تقع وتقوم سامحتك .
كل الود ،،،

نادر رمضان كريم وتصوم وتفطر علي خير ....مشكور علي المرور وأخونا الرائع عوض جلاس شايفو ما قصر دخلك في الفورمه .... فعلا أخي نادر الكمره الخفيه دقستنا دقيسة عدوك والظاهر إنو الموضوع ما إنتهي هنالك تحالفات جديده بدأت تطل برأسها وتظهر علي السطح ودوام الحال من المحال شايف أصدقاء الأمس أخذوا مقاعد الأعداء والعكس صحيح ....يعني النظام العالمي الجديد حاتشوفو فيهو العجب والله يكضب الشينه ....تحياتي ,,,

[حسان سرالختم]

شوف يا زكريا اخوى ..الكلام الرائع البيطلع منكم دا
مادايرنو يقيف ( خلاص ادمناهو )
هناك مفاجأت عجيبه وتحالفات غير متوقعه
والايام الجايه حا تشوفو المحن !!!
معقول يا نادر ما كنت متابع مسلسل
عتود دقش !

[أب شخيت]

شوف يا زكريا اخوى ..الكلام الرائع البيطلع منكم دا
مادايرنو يقيف ( خلاص ادمناهو )
هناك مفاجأت عجيبه وتحالفات غير متوقعه
والايام الجايه حا تشوفو المحن !!!
معقول يا نادر ما كنت متابع مسلسل
عتود دقش !

أخوي حسان..
رمضان كريم..و صدقت ..باقي أخونا أبو الزيك هو صاحب البوست الأصلي بتاع العتود...الجاب كراعنا ليكم...
دي ذكرتني واقعة حقيقية::

مرة من المرات كنت داير لي لحم من الجزارة ...لقيت واحد قدامي عمرو تجاوز السبعين واقف مع الجزار بيقول للجزار (يا وليدي حسبتك بالله والرسول تديني لحمة تكون هشة ولينة وما فيها جلافيط)..الجزار قال ليهو (إنت يا عم حسن سنونك لسع كويسات ياكلن الزلط)...عمو حسن رد بسرعة (والله يا ولدي كان للسنون هن كويسات طب..لكين الضهر بقي مابيستحمل دقة أم العيال زي زمان لمن أجيب ليها الجلافيط
بتاعتك)...

دحين يا حسان انا تاني ما بقيف ليكم "دروة" تتعلمو فيني الضرب وانا ساكت...إنتو بس شوفولنا زولا تاني ونحن نضربو مرات و مرات نشيل المديدة...وانا اقترح إما إنت أو ضمرة يكون الدروة الجديدة لأنو المواصفات والمقاييس تنطبق عليكم الإتنين..!!

[ضمره بغدادى]

أخوي حسان..
رمضان كريم..و صدقت ..باقي أخونا أبو الزيك هو صاحب البوست الأصلي بتاع العتود...الجاب كراعنا ليكم...
دي ذكرتني واقعة حقيقية::

مرة من المرات كنت داير لي لحم من الجزارة ...لقيت واحد قدامي عمرو تجاوز السبعين واقف مع الجزار بيقول للجزار (يا وليدي حسبتك بالله والرسول تديني لحمة تكون هشة ولينة وما فيها جلافيط)..الجزار قال ليهو (إنت يا عم حسن سنونك لسع كويسات ياكلن الزلط)...عمو حسن رد بسرعة (والله يا ولدي كان للسنون هن كويسات طب..لكين الضهر بقي مابيستحمل دقة أم العيال زي زمان لمن أجيب ليها الجلافيط
بتاعتك)...

دحين يا حسان انا تاني ما بقيف ليكم "دروة" تتعلمو فيني الضرب وانا ساكت...إنتو بس شوفولنا زولا تاني ونحن نضربو مرات و مرات نشيل المديدة...وانا اقترح إما إنت أو ضمرة يكون الدروة الجديدة لأنو المواصفات والمقاييس تنطبق عليكم الإتنين..!!

اب شخيت
ضمره ماهو من البلد دى :D:D:D

[زكريا بابكر عمر]

اب شخيت
ضمره ماهو من البلد دى :D:D:D


ماك من البلد دي ... مابتخارجك بل راسك وأركز سيب الجرسه ... بالمناسبه يا جماعه أخونا ملوك بلدو وين ؟؟؟ الزويل ده من قبال الهكر لاحس ولا خبر يلا ياضمره أصلك بتاع شمارات زي رقيتون شوفونا الزول ده وين أراضيهو وبنديكن حقكن أصلو حاجه لوجه الله ما بتسوها:p:p