شفتك انتي يا منية ايامي

[الكرسني]

شفتك

بعاين ليكي والله ..

أحسك في مسارب الروح ..

عقد منضوم ..

زخم ألوانو بتفتق جراح الشوق ..

ونغمة حزينة ..

من موال صداه بعيد ..

غناهو حزين ..

جاء شايلو الريح ..

من دغشاً صباح بدري ..

وحاتك إنتي ..

يا إنتي ..

حدود صبري جدلتو برايا ..

من روحي ..

راجيك بيهو يا أملاً ..

بعيد قرب ..

أشوفك زي هلال للعيد ..

تنوري لي مسار عمري ..

واتبتب فيك يا صبري ..

أشوف من طلتك تاني ..

مشاعر تغمرني بالأفراح ..

أغيب جواكي ..

أقراكي ..

أسرح فيكي ..

ألقاكي ..

معربدة في ضلوع الهم ..

أغنيلك غناوي الشوق ..

وأقبل فيكي أيامي ..

السعيدات بي عودتك إنتي ..

وأشيلك نغمة في خاطري ..

الصبح فرحان ..

بيكي ياقمري ..

حرفك سين ياسوسن أيامي ..

المفرهد في القليب إنتي ..

تعالي نكمل الصحبة ..

تعالي نتمم المنيه ..

[جبل البركل]

شكرا ياود الكرسناب العند الله قراب (محاولتك لاباس بها وياريت يكون هناك اهتمام اكثر بالقافية)