إلى إخوتي أعضاء منتدى البركل المتواجدون بالسودان

[ودنوري]

والله ياأخوانا أنا زول بحب الناس وأنا جاي السودان بإذن الله يوم 18/رمضان وطريق رحلتي جده -بورتسودان (لزوم تقريش المدام)- الخرطوم شمبات الأراضي- نوري (كنانة) عند عمتي زينب أم عبدالعظيم الطاهر. دحين داير كل أرقام تلفوناتكم عشان أصلكم واحد واحد ووالله العظيم الدايرلو غرض منكم أنا جاهز مهما كان أكرر مهما كان حتى لو كان الهكر ذاتو أنا مستعد ماأجي إلا لامن ألم فيهو وأجيبو ليكم... ويكفي أنكم عزوتي ومصدر فخري

[ودنوري]

يأخوانا القصة شنو كلكم بره السودان

[عطمنو]

يأخوانا القصة شنو كلكم بره السودان


أنا قاعدي يا ود نوري لكن ما عندي موبايل . وزي التكنك وصلتني . ودايرين سلامتك وربنا يوصلك طيب ليه أهلك

[عطمنو]

يأخوانا القصة شنو كلكم بره السودان

أنا قاعدي في السودان يا ود نوري . بس دايرنك تصل سالم وغانم ليه أهلك

[ودنوري]

الحبوبة الرائعة شرف كبير أن إتلقى هذه الرسالة منك والله لو في طريقة عرفت بيها عنوانك إلا أصلك وأسلم عليك ودائما ماأقرأ مناقرات الأخوان ليك على العموم أنا رقم موبايلي في السودان 0923178141 وأنا من يوم 18 رمضان متواجد في الخرطوم

[أبوزهير]

هوي هوي يا ود نوري انت بتين جيت للرياض وعاوز تمشي اجازه..اشئ لى اسع دربك احمر.
بعدين مسافر 18 رمضان واعلنت كمان ومستعد.. عاد اعدل طرفك وشد حيلك
عندنا شنط مزوجه زي بتاعة الكيك ديك وواحدات اشترينها من البطحه كبار كدي ومعاهن براميل بلاستيك..ده كله عشان لزوم هدوم العيد والهاديا للجماعه تبدا توزع من سلالاب وكوريا وديم جابر وماتنسى سنكات وجبيت وقيل في كسلا وشمبات الاراضي خلي كلامه كتر نص المراسيل هناك ولما تصل الشمال قبال ما تتوهط قوم حوم وزع من الحمداب لى الباسا والدويم شرق وغرب وكلهم اغريهم السلام وقول ليهم العيد ينبارك عليهم وعفو الحياة واللماه.

[ودنوري]

أبو زهير الرائع والله إن إشتريت الرياض كلها أشيلا ليك وأنا مبتسم . عاد خدمة الجدود فيها كلام

[عوض جلاس]

والله يا ود نوري ما بتقصر والمنتدى دا كان ما عمل لينا شي غير معرفتكم بس يكون ما خلا شي في الدنيا
والله الواحد ما قادر يعبر عن الجواهو من سماحة الناس اللقاهم والاتعرفبهم ولكن ما نقول إلا ربنا يجمعنا وغياكم في ساعات الخير وأنا كمان وراك إنشاء الله بعد رمضان بإذن واحد أحد وتلفونك تب حفظنا وأول ما نوصل إنشاء الله إتوقعنا يا جيناك يا ضربنالك
لك تحياتي

[على محجوب جعفر مصطفى]

تسلم ابن خالتى وانا جنبك فى الصافيه
بس اتصل تلقانا قدامك
0123007844

[زورو]

والله ياأخوانا أنا زول بحب الناس وأنا جاي السودان بإذن الله يوم 18/رمضان وطريق رحلتي جده -بورتسودان (لزوم تقريش المدام)- الخرطوم شمبات الأراضي- نوري (كنانة) عند عمتي زينب أم عبدالعظيم الطاهر. دحين داير كل أرقام تلفوناتكم عشان أصلكم واحد واحد ووالله العظيم الدايرلو غرض منكم أنا جاهز مهما كان أكرر مهما كان حتى لو كان الهكر ذاتو أنا مستعد ماأجي إلا لامن ألم فيهو وأجيبو ليكم... ويكفي أنكم عزوتي ومصدر فخري
هوووووى يازوووول ماتقولك كلام ماك قدرو.....
وأعمل حسابك قبل ماتدخل الأوضة ...ولّع النور