المرهف شرّف..من الديار المقدسة...باركولوا [الأرشيف]

زكريا بابكر عمر

12-27-2007, 01:27 PM

حاج المرهف شرف... رجع من الحج كماولدته أمه(إنشاء الله ) ضربنا باب الحوش بالجير الأبيض والظهري وكتبنا (ياداخل هذا الدار صلي على النبي المختار).....باركولوا ياجماعة.......(أبوالحسين ألحقني بالزينة )....

أخونا المرهف ألف حمد لله علي السلامه وحجا مبرورا وسعيا مشكورا وذنبا مغفورا إن شاء الله وربنا يتقبل ياحاج....تشكر ياأبوايمن والقابله أنا وإنته حجاج آآآآآآمين يا رب العالمين.

زكريا بابكر عمر

12-27-2007, 01:32 PM

الف مبروك الحجة يا حاج المرهف وبركة الجيتنا طيب .
وبابكم الكبييير الفى السقاى المو روم زى ما قال زكريى هسع ابو ايمن جيرو وظهرو وكتب عليه
حجا مبرورا
وذنبا مغفورا
وسعيا مشكورا
وعودا حميدا
يا داخل هذا الدار صلى على النبى المختار
الحجة مبروكة
منزل الحاج عبد المنعم المرهف

هوووووي يا قشره أحسنلك لم مديدتك دي عليك ما تخليني أقبل عليك ....بس إنته ماتخلي الراجل يصل بعدين تجيب مديتك البايري دي .

ضمره بغدادى

12-27-2007, 01:40 PM

هوووووي يا قشره أحسنلك لم مديدتك دي عليك ما تخليني أقبل عليك ....بس إنته ماتخلي الراجل يصل بعدين تجيب مديتك البايري دي .

هووى يا زكريا
حاج المرهف دابو دربو احمر من الحج مابيقولك شى علًى بعد يكرمولو ا ويشيل منجلوا ويندلى لا تحت عضى جلابيتك فى خشمك وارقد رقيق.:D:D

زكريا بابكر عمر

12-27-2007, 01:47 PM

هووى يا زكريا
حاج المرهف دابو دربو احمر من الحج مابيقولك شى علًى بعد يكرمولو ا ويشيل منجلوا ويندلى لا تحت عضى جلابيتك فى خشمك وارقد رقيق.:D:D

إنته بس أختانا الباقي كلو هين نحنه بنتفق :p:p

ضمره بغدادى

12-27-2007, 02:04 PM

إنته بس أختانا الباقي كلو هين نحنه بنتفق :p:p

اسمع حاج المرهف جا من الحج وحاج الهادى ولد حسن القنديل كمان برضو جا من الحج وبرضو تقول السقاى رووووووم .؟ دى حقارة راسة عدييييييل .:D:D:D

زكريا بابكر عمر

12-27-2007, 02:11 PM

اسمع حاج المرهف جا من الحج وحاج الهادى ولد حسن القنديل كمان برضو جا من الحج وبرضو تقول السقاى رووووووم .؟ دى حقارة راسة عدييييييل .:D:D:D

المحرش مابيكاتل....إنته عاد الله يخليك للسواطه المتل دي:p

عصام سرالختم

12-27-2007, 02:19 PM

حجا مبرورا وذنبا مغفورا
باذن الله يا حاج عبدالمنعم ( المرهف )

انت حاج ..
وانا افتش واسال عنك فى بوست الاعضاء الغائبين
الف مبروك ونسأل الله القبول والعتق من النار
ولك الشكر اخونا ابوايمن يا بشير الخير
وعقبال الجميع

ضمره بغدادى

12-27-2007, 02:21 PM

المحرش مابيكاتل....إنته عاد الله يخليك للسواطه المتل دي:p

غايتو يا ناس الزمن ده البيقول الصح عصاتو تبقى جنبو .
انا قلتلك الزول ده جايى من الحج ماب يقولك شى لكن ان شفتو اتحنحن وعايلك ارقد جبد .:D:D:D:D

أبو أيمن

12-27-2007, 02:21 PM

المحرش مابيكاتل....إنته عاد الله يخليك للسواطه المتل دي:p

بسم الله الرحمن الأمان بس إندلا لا تحت وأجي القي القميري قايمي.....إنت آزكريا أنا باقي كتبتلك في رحلتك القعدني منها المرض وجيت مشيت فوق دربكن .....يبقالي البنيي ديك زي جابتلك المشاكل..... يعني نظام غيرة وكدي.....حتى حاج المرهف زاتو أنا شاك يبقالي غاير.... وهسع كمان يجيك عوض جلاس وعادل عسوم...الغنيماتي وتميراتي لايومي ويومك دا ماشفت التدعكني فيهن....دحين أعمل حسابك...إنت العين عليك.....إنت قايل أمريكا براها؟؟؟؟؟؟لناس بقوا زييييييها!!!

ضمره بغدادى

12-27-2007, 02:25 PM

بسم الله الرحمن الأمان بس إندلا لا تحت وأجي القي القميري قايمي.....إنت آزكريا أنا باقي كتبتلك في رحلتك القعدني منها المرض وجيت مشيت فوق دربكن .....يبقالي البنيي ديك زي جابتلك المشاكل..... يعني نظام غيرة وكدي.....حتى حاج المرهف زاتو أنا شاك يبقالي غاير.... وهسع كمان يجيك عوض جلاس وعادل عسوم...الغنيماتي وتميراتي لايومي ويومك دا ماشفت التدعكني فيهن....دحين أعمل حسابك...إنت العين عليك.....إنت قايل أمريكا براها؟؟؟؟؟؟لناس بقوا زييييييها!!!
ابو ايمن
صحاً يخدرك وهع البيت ده فيه واحد جايى دابو من الحج وماكنا دايرين نفتح القديم والراجل دابو جايى من الحج لكن زكريا ده يخلى الزول يتراجف ..كيفن يقول بيوت السقاى روم بالله مو غلط يعنى هسع حاج المرهف ده ساكن فى الروم .

ضمره بغدادى

12-27-2007, 02:28 PM

هسع انت يا ابو ايمن وكت مشيت ومعاك الجنات وجيرتو الباب وظهرتو وكتبتو على لقيتو الباب واقف واللا بنيتو ؟؟ اكيد الباب واقف والبلد مليانى بيوت وابواب يجى زكريا عشان معاهو بنيتا سميحى يقول السقاى روم .

Adil Assoom

12-27-2007, 06:55 PM

عوض جلاس

12-27-2007, 07:13 PM

ألف مبروك يا حاج
وحجاً مبروراً
وسعياً مشكوراً
وذنباً مغفوراً
وعملاً صالحاً مقبولاً إنشاء الله
وربنا يتقبلها منك وتسبعها إنشاء الله
والخروف جبناهو من الزومة متبرعبو هيثم
خروف بلد سمين وأمين
ونضيف ما فيهو حمى نزفية ومفحوص

http://www.alnsri.com/upload/uploads/HPIM015.jpg

طيبان

12-27-2007, 08:39 PM

غفر الله
لك ماتقدم من ذنبك وماتأخر...
لاتنسانا من الدعوات..

ضمره بغدادى

12-27-2007, 08:50 PM

كدي آضمرة شويي كدي من الباب الندخل نبارك الحج للمرهف...
حجا مبرورا وذنبا مغفورا ياالمرهف ونسأل الله لك القبول
ـــــــــ
أنت آزكريا لاهسع واقف في الباب؟ أنا حالتي دي قايلك طلعت لافوق على أهلكن؟!...
كدي قوماكا الواطا دي فلّلت والمرهف دة شايفو يقحقح من نزلة الحج لاهسع...
يازول أنت مالن عيونك ديل حمر كدي وتنفخ ؟... المزعلك كتيييير كدي شنو آضمرة؟:p:D

هسع انت يا عادل اها بس تراك براك قلتها ... زح من الباب ده خلنا الندخل النبارك لى حاج المرهف ده .... باقيلك الباب ده قديم واللا دابو باننًو ؟؟ طبعا باباُ قديم ..اها بس كلم زكريا ده مالو بيقول ناس السقاى بيوتن روم ؟:D

عمر مجذوب خطيب

12-28-2007, 07:44 AM

حجة مبروكة يا مرهف - ويا ربي ابو ايمن لقى الجير وين واوقع يكون نسى الظهر - ويا داخل هذا الدار صلي على النبي المختار - عودا حميدا وخلينا نشوف - سؤال هل حلقت شعر راسك - ان حدث فكيف تبدو الان وهل نطمع في صورة - سؤال بري والله

زكريا بابكر عمر

12-28-2007, 10:44 AM

الله يجازيك يا ضمره ....أسع المرهف ده أنا كته حاري منو سبحي ولا طاقيي بعد حريشك ده الله أعلم ألقي منو شي ..في الباقيلي موية زمزم ماني لامي فيها...ياأخي ماتختانا كدي ولاكدي خلنا النشوف أرزاقنا إنته بس سكنته الليلي في بيت المرهف ده أمش شوف أشغالك الكرامه دابه عوض جلاس ضبحه داير ترجه اللحم ده لامن ينجض؟ أمش وتعال ساعة الغدي الفته راقدي مابتكمل ده شنو الجحمان ده إنته أصلك الضحيي ماشبعتك؟يا أبو أيمن وياعادل عسوم ياجماعه أبقو شاهدين الزويل ده إنا إن كفتو بيعود الجوز ده فوق فقهتو الغليدي دي زول يلومني مافي !!!

أبو أيمن

12-29-2007, 04:11 AM

ضمره بغدادى

12-29-2007, 04:47 AM

إنت لاتخاف آزكريا ...المرهف عارف مزاح ضمرة معاك والهديي جايبا ليك سبحي وكمان معاها موية زمزم أها.... قصر معاك .

ابو ايمن
الزويل ده يفسل فى بلدن قدام البنيى السميحى وكمان يجيبولوا هديه ؟؟ انا غايتو لو فى محل حاج المرهف السلام ده ما اديهو ليه خليك من سبحى واللا مصلايى .قال السقاى روم وبيوته كلها مكسره .ده شن فضًلوا يقول .:D:D

أبو أيمن

12-29-2007, 05:33 AM

ابو ايمن
الزويل ده يفسل فى بلدن قدام البنيى السميحى وكمان يجيبولوا هديه ؟؟ انا غايتو لو فى محل حاج المرهف السلام ده ما اديهو ليه خليك من سبحى واللا مصلايى .قال السقاى روم وبيوته كلها مكسره .ده شن فضًلوا يقول .:D:D

زلّت لسان يااااااااااضمرة أخوي...يمكن الراجل خانو التعبير!!!!!!

أبو الحُسين

12-29-2007, 05:43 AM

حاج المرهف شرف... رجع من الحج كماولدته أمه(إنشاء الله ) ضربنا باب الحوش بالجير الأبيض والظهري وكتبنا (ياداخل هذا الدار صلي على النبي المختار).....باركولوا ياجماعة.......(أبوالحسين ألحقني بالزينة )....

نعمة الشيلو جمالُن... وعبو الزادِ من مالُن...
شاقوني...
يا مولايا لي فالُن...

إنشاء الله يا منعم المرهف لينا فالك... وألف ألف ألف مبروك الحجة إنشاء الله تسبعها يا اخوي... وربنا يتقبل منك ويوعدنا وإياك مرات ومرات قول آمين...

شكراً صديقي أبو أيمن للخبر الجميل...

بس إنشاء الله دعيتلي يا منعم بالفي بالي داااااك..

لك قواسيب مودتي... ولامِن أجيكم بي مدحة هسع وأجي...

أبو الحُسين...

أبو الحُسين

12-29-2007, 01:19 PM

إهداء إلى صديقي الجميل الحاج منعم المرهف وكل حجاج هذا العام...

أولاد حاج الماحي... يا مرحباب يا مرحباب سيدي النبي...

http://3aza.com/uploader/uploads/HajElmahiMarahbare1.wma

مع قواسيب مودتي...

أبو الحُسين...

المرهف

12-30-2007, 10:23 AM

أحبابي وأخواني الأعزاء بالبركل الجميل

كل سنة وأنت طيببين ...ونسأل الله أن يحقق أماني الجميع

مشكورييييييين علي المباركة ونسأل الله أن يوعدنا بحجات كثيرات مع بعضنا إن شاء الله ..

[color=#8B0000]أبو أيمن لك الشكر وأنت المبادر دائماً وأنت الضل وأخو الكل أفاض الله عليك نعمت الصحة والعافية ياغالي ..[/
color]

ضمرة أخوي يديك 1000عافية يا أخو الأخوان ومقرب الحبان المنصف الفنان البتفدي الجيران نسأل الله أن يزيدك كمان وكمان .

زكريا مااااااقصرت وما قصرنك الأيام ..وطبعاً لا رفث ولا جدال في الحج ...جايييييك صاد

عصام سرالختم مشكووووور يا خاتي اللوم والنضم ما بتقصر تسأل عنك العافية ..يا أجمل وأرق وأحن صديق ..

عادل عسوم يا أمير الشرقية مشكوووور علي أريحيتك وتكبدك المشاق وتشريفي بمنزلنا العامر بالسقاي العامر الشامخ بقدومكم ..ياغالي دائماً .

عوض جلاس الكرم إنت وخلاس ..مشكوووور ياغالي يا حبيب الروح والفوؤاد نسأل الله أن يجمعنا قريباً يااااااارب .

طيبان يا طبيب الكل لك من قلبي خالص الدعاء بالصحة والعافية والتوفيق والسداد ..

عمر خطيب الراجل اللبيب مشكوووور ..أكيد حلقت وظهر كل بني صلعان في ذلك اليوم الكريم تيمناً بقول رسول الله (ص)المحلقين المحلقين المحلقين ثم المقصرين ...أما حكاية الصورة ينظر ويفاد ..

أبوالحسين الراجل الزين والله ياجمال أكيد كانت هناك دعوات شاملة للبركل وخاصة لمن أوصاني وإستوصاني نسأل الله القبول ..مشكووووور علي المدحة الجميلة التي تنم علي وفاءك وكرمك ..

معليش يا جماعة المفرض أرد عليكم حسب مداخلاتكم لكن الدنيا ميزانية وزنقة شديدة

عبد الرحمن يوسف

12-30-2007, 12:11 PM

الاخ المرهف حجا مبرورا وسعيا مشكورا وذنبا مغفورا وعقبال كل الاخوان .

أبو رنس

12-30-2007, 02:34 PM

حاج المرهف

حمد لله على السلامة .. وإن شاء الله تكون من المقبولين!!!

ورينا كيف كان إحساسك وإنت رايح الحج، وانت واقف في عرفات راجي مغفرة ربك، وإحساسك بعد الطواف والسعي والرجم ، هل أصبحت أكثر إرهافاً ؟؟؟؟؟؟

زكريا بابكر عمر

12-30-2007, 04:00 PM

أحبابي وأخواني الأعزاء بالبركل الجميل

كل سنة وأنت طيببين ...ونسأل الله أن يحقق أماني الجميع

مشكورييييييين علي المباركة ونسأل الله أن يوعدنا بحجات كثيرات مع بعضنا إن شاء الله ..

أبو أيمن لك الشكر وأنت المبادر دائماً وأنت الضل وأخو الكل أفاض الله عليك نعمت الصحة والعافية ياغالي ..[/
color]

ضمرة أخوي يديك 1000عافية يا أخو الأخوان ومقرب الحبان المنصف الفنان البتفدي الجيران نسأل الله أن يزيدك كمان وكمان .

[color=#8B0000]زكريا مااااااقصرت وما قصرنك الأيام ..وطبعاً لا رفث ولا جدال في الحج ...جايييييك صاد
عصام سرالختم مشكووووور يا خاتي اللوم والنضم ما بتقصر تسأل عنك العافية ..يا أجمل وأرق وأحن صديق ..

عادل عسوم يا أمير الشرقية مشكوووور علي أريحيتك وتكبدك المشاق وتشريفي بمنزلنا العامر بالسقاي العامر الشامخ بقدومكم ..ياغالي دائماً .

عوض جلاس الكرم إنت وخلاس ..مشكوووور ياغالي يا حبيب الروح والفوؤاد نسأل الله أن يجمعنا قريباً يااااااارب .

طيبان يا طبيب الكل لك من قلبي خالص الدعاء بالصحة والعافية والتوفيق والسداد ..

عمر خطيب الراجل اللبيب مشكوووور ..أكيد حلقت وظهر كل بني صلعان في ذلك اليوم الكريم تيمناً بقول رسول الله (ص)المحلقين المحلقين المحلقين ثم المقصرين ...أما حكاية الصورة ينظر ويفاد ..

أبوالحسين الراجل الزين والله ياجمال أكيد كانت هناك دعوات شاملة للبركل وخاصة لمن أوصاني وإستوصاني نسأل الله القبول ..مشكووووور علي المدحة الجميلة التي تنم علي وفاءك وكرمك ..

معليش يا جماعة المفرض أرد عليكم حسب مداخلاتكم لكن الدنيا ميزانية وزنقة شديدة

يعني معني كلامك ده نتوقع الرفس والشلاليت بعد الحج ...يعني أبل راسي....(تتجازي ياضمره وعمرك مابتعوس عديلي شوف سواطك سوت شنو):D:D

ضمره بغدادى

12-30-2007, 04:48 PM

يعني معني كلامك ده نتوقع الرفس والشلاليت بعد الحج ...يعني أبل راسي....(تتجازي ياضمره وعمرك مابتعوس عديلي شوف سواطك سوت شنو):D:D

زكريا
اقولك قولا ....عضى جلابيتك فى خشمك وانا عارفك من زمان الغزال ماب يجيب راسك ... ارقد رقيق .:D:D:D

أب شخيت

12-30-2007, 05:12 PM

اخوي المرهف..
حجاً مبروراً وسعياً مشكوراً وذنباً مغفورا..
حجتك ما سمعنابه..
جيتك برضو ما سمعنابه..
اعزرنا على التاخير في اداء الواجب..
تقبل الله منك..ً

المرهف

12-31-2007, 08:00 AM

الأخوان

عبدالرحمن يوسف

وأبورنس

مشكورين وعقبال ما نباركليكم الحج والعمرة ياااااارب

وبالنسبة لإحساسي يا أبو رنس إحساس كان جميل وأنا ذاهب لأداء فريضة الحج تتخلله روحانيات معطرة بمشاعر خاشعة لله تماماً نسأل الله القبول ..أما بالنسبة للإرهاف بعد الحج أكيد كان إرهاف ديني بحت وسط تلك المشاعر التي من خلاله تعيش صورة ذلك السلف الصالح وأماكن وقوف الرسول صلي الله عليه وسلم ..وخاصة كان ختام الحج زيارة للمدينة المنورة لزيارة الرسول (ص) نسأل الله أن يوعدنا مرات ومرات ويعدكم جميعاً بزيارة تلك الأماكن الطاهرة ياااااااارب .

مودتي ،،،،،،،،،،،ن

المرهف

12-31-2007, 08:03 AM

يعني معني كلامك ده نتوقع الرفس والشلاليت بعد الحج ...يعني أبل راسي....(تتجازي ياضمره وعمرك مابتعوس عديلي شوف سواطك سوت شنو):D:D

أيي الحج خلاص إنتهي ، وأرجي الراجيك

المرهف

12-31-2007, 08:05 AM

اخوي المرهف..
حجاً مبروراً وسعياً مشكوراً وذنباً مغفورا..
حجتك ما سمعنابه..
جيتك برضو ما سمعنابه..
اعزرنا على التاخير في اداء الواجب..
تقبل الله منك..ً

منا ومنك صالح الأعمال

مشكووووور وربنا يقبل دعواتنا ليك

المرهف

12-31-2007, 04:10 PM

إنت لاتخاف آزكريا ...المرهف عارف مزاح ضمرة معاك والهديي جايبا ليك سبحي وكمان معاها موية زمزم أها.... قصر معاك .

أبو أيمن السبحي وموية زمزم يديل يسمعن في كلامك ..لكن الزول دة ماهو جايبا البر شي دحين أنا غيرت رآيي

ضمره بغدادى

12-31-2007, 04:15 PM

أبو أيمن السبحي وموية زمزم يديل يسمعن في كلامك ..لكن الزول دة ماهو جايبا البر شي دحين أنا غيرت رآيي

يا حاج المرهف ياخوى اسمع كلامى الحاجات دى اخير تديهن العربى الساكن فووووووووووق داك .:D:D:D
الزول البيقولولو زكريا ده ماب ينفع فيهو الكان بينفع فيهو امااااااااانى انا ما أكلتو فتة فول فى الدنيى ده .:D:D

المرهف

12-31-2007, 04:42 PM

يا حاج المرهف ياخوى اسمع كلامى الحاجات دى اخير تديهن العربى الساكن فووووووووووق داك .:D:D:D
الزول البيقولولو زكريا ده ماب ينفع فيهو الكان بينفع فيهو امااااااااانى انا ما أكلتو فتة فول فى الدنيى ده .:D:D

أيي أماني ماهو نكار جميل لكن أسويلو شنو الزول دة بقالي في رقيبتي دي وحالف من بيتي ما يزح ...وإن مرقت لي أقل مشوار يجو يقولولي كصفيي يفتش فيك الشكي لي أب إيداً قوي ...دة ياهو البلي البحيدو بالكرامة زاااااااتو ..

زكريا بابكر عمر

12-31-2007, 04:48 PM

يا حاج المرهف ياخوى اسمع كلامى الحاجات دى اخير تديهن العربى الساكن فووووووووووق داك .:D:D:D
الزول البيقولولو زكريا ده ماب ينفع فيهو الكان بينفع فيهو امااااااااانى انا ما أكلتو فتة فول فى الدنيى ده .:D:D

حسادا تولدك البنوت يا ضمره الكان طيرته مني الهدايا عليكن الله آناس شوفو غتاتة الزويل ده.. الكان كدي اللقوم أمشي للهادي القنديل قبال ضمره المسنوح ده ما يصبقني ويبوظ الدنيي....فتة الفول ياته الأكلتني ليها(تاكلك الصرفه)قول دنفريس الفول بيموية الزير ياحرامي:D:D

زكريا بابكر عمر

12-31-2007, 04:57 PM

أيي أماني ماهو نكار جميل لكن أسويلو شنو الزول دة بقالي في رقيبتي دي وحالف من بيتي ما يزح ...وإن مرقت لي أقل مشوار يجو يقولولي كصفيي يفتش فيك الشكي لي أب إيداً قوي ...دة ياهو البلي البحيدو بالكرامة زاااااااتو ..

أنا قنعته منك ظاهر وباطن وتحت تحت سمعته قالو بلا هدومك الفوقك ما جبته التدعك ساكت ودردته وقتي بيزحيح العناقريب وشايك المر داك بلا سوالي اللوايه....أنا ماشي ليجنا القنديل حتي هو كمان الله يستر لايبقي جا إيد ورا وإيد قدام:D:D

ضمره بغدادى

12-31-2007, 06:33 PM

حسادا تولدك البنوت يا ضمره الكان طيرته مني الهدايا عليكن الله آناس شوفو غتاتة الزويل ده.. الكان كدي اللقوم أمشي للهادي القنديل قبال ضمره المسنوح ده ما يصبقني ويبوظ الدنيي....فتة الفول ياته الأكلتني ليها(تاكلك الصرفه)قول دنفريس الفول بيموية الزير ياحرامي:D:D

انا وكت قعدت حاج المرهف ده وحاج الهادى فى الواطه ورضو بالصلح انت قمت طبزتها . تقوم آزكريا تقول السقاى ماب تستاهل الشكر الكتبو فيها حاج المرهف ...وبعدين تعال هنى حاج الهادى انت ماشيلو بيات وشى انت تقول كل الكلام الكعب ده فى بلدن وداير الوساطه منو ؟؟ دى تلقاها عند الغافل .. وحاج الهادى يحمد ربو بى عقلو.:D:D:D وصاحب العقل يميز.

المرهف

01-01-2008, 07:19 AM

أنا قنعته منك ظاهر وباطن وتحت تحت سمعته قالو بلا هدومك الفوقك ما جبته التدعك ساكت ودردته وقتي بيزحيح العناقريب وشايك المر داك بلا سوالي اللوايه....أنا ماشي ليجنا القنديل حتي هو كمان الله يستر لايبقي جا إيد ورا وإيد قدام:D:D

قلت كدي ..أنا والله كان عندي كمامة كت لابسة في الحج من الزحام ..كت داير أديك ياها تسويها في نخريك من العجاج والكتاحة الفي أدبرة ..أصلا أدبرة قبلكم وحدكم عجاجتكم طول السنة ...

أبو أيمن

01-01-2008, 07:48 AM

قلت كدي ..أنا والله كان عندي كمامة كت لابسة في الحج من الزحام ..كت داير أديك ياها تسويها في نخريك من العجاج والكتاحة الفي أدبرة ..أصلا أدبرة قبلكم وحدكم عجاجتكم طول السنة ...

لاحكت ولابقت.....حتى الكمامة إستكترتوها فيهو ....والله دي حالة صعبة خلااااااس.

ضمره بغدادى

01-01-2008, 10:02 AM

يازول كمامة شنو ....ماب يستاهلا:D:D

المرهف

01-01-2008, 01:36 PM

يازول كمامة شنو ....ماب يستاهلا:D:D

ضمرة جيب أضانك ( الكمامة مستعملة )

ضمره بغدادى

01-01-2008, 01:48 PM

ضمرة جيب أضانك ( الكمامة مستعملة )

انبقى للكدى ادها يا ..... يستاهلا.:D:D:D:D

زكريا بابكر عمر

01-01-2008, 03:53 PM

لاحكت ولابقت.....حتى الكمامة إستكترتوها فيهو ....والله دي حالة صعبة خلااااااس.
عليك الله يا أبو أيمن مالي حق أنعلن ولاد اللذينه ديل والموجعني قشره ده الليلي بقي من السقاي(السقو إن شاء الله اليخر فوق عويناتو المتل قدود الجلد ديل)...والناس ديل أصلن حجو وين ؟في جبل ود الكرسني:D:D

زكريا بابكر عمر

01-01-2008, 03:56 PM

ضمرة جيب أضانك ( الكمامة مستعملة )

هو معقول إنته تاخدلك وحدي جديدي...عارفنها كمامة حبوبتك الحجتبها سنة التساب:p:p

المرهف

01-01-2008, 04:07 PM

عليك الله يا أبو أيمن مالي حق أنعلن ولاد اللذينه ديل والموجعني قشره ده الليلي بقي من السقاي(السقو إن شاء الله اليخر فوق عويناتو المتل قدود الجلد ديل)...والناس ديل أصلن حجو وين ؟في جبل ود الكرسني:D:D

هووووي زكريي لا تناصف ضمرة دة إنشالله يناصفنك بنات الشيخ اللغبش بركت المغارب وعلي بن طالب ...وضمرة أي من السقاي ونفتخربو

ضمرة سيد المتكا مشتووول

وضمرة سيد القصب أب قندول

ضمرة سيد البستان والحقول

وضمرة في سقاينا مكتول

يومو اليجينا نحن نصول نجول

وليه تنتكي الضبايح ديك عجول

لأنو راجل كرم وخيرو مبهول

وماهو زي زكريي الهمبول

الديمي في سقاينا معزول

وكل الشافو قال دة مهبووول

لكن صدقني يا ضمر هو بي سقاينا مزهول

ضمره بغدادى

01-01-2008, 04:26 PM

[QUOTE=المرهف;20549]هووووي زكريي لا تناصف ضمرة دة إنشالله يناصفنك بنات الشيخ اللغبش بركت المغارب وعلي بن طالب ...وضمرة أي من السقاي ونفتخربو

ضمرة سيد المتكا مشتووول

وضمرة سيد القصب أب قندول

ضمرة سيد البستان والحقول

وضمرة في سقاينا مكتول

يومو اليجينا نحن نصول نجول

وليه تنتكي الضبايح ديك عجول

لأنو راجل كرم وخيرو مبهول

وماهو زي زكريي الهمبول

الديمي في سقاينا معزول

وكل الشافو قال دة مهبووول

لكن صدقني يا ضمر هو بي سقاينا مزهول [/QUOTE

الله اكبر ولله الحمد
لافض فوك اخى وصديقى حاج المرهف .

هلا هلا آجنات هلاله هينى الكلام صافيات:D:D:D

زكريا بابكر عمر

01-01-2008, 05:46 PM

هووووي زكريي لا تناصف ضمرة دة إنشالله يناصفنك بنات الشيخ اللغبش بركت المغارب وعلي بن طالب ...وضمرة أي من السقاي ونفتخربو

ضمرة سيد المتكا مشتووول

وضمرة سيد القصب أب قندول

ضمرة سيد البستان والحقول

وضمرة في سقاينا مكتول

يومو اليجينا نحن نصول نجول

وليه تنتكي الضبايح ديك عجول

لأنو راجل كرم وخيرو مبهول

وماهو زي زكريي الهمبول

الديمي في سقاينا معزول

وكل الشافو قال دة مهبووول

لكن صدقني يا ضمر هو بي سقاينا مزهول

بخيت وسعيد عليكن (يشبهكن وتشبهو)سوقو معاكن ويومكن التسوقو نشد البليلي ....اسع الشعرده كلو فوق ضمره... والله حكايي.....عندنا حبوتا لينا مشت الحج(حجا مو متل حجكن ده بيطواقي وشالاتو وسبحو) أه بس همها كلو موية زمزم وكت وصلت هناك بس وصلته قالت يودوها زمزم وكت مشت وضاقت مويته قالتلهن دي موية زمزم قالوله إيي ياها إنتو متأكدين دي موية زمزم قالوله أيي أيي ياها ياحاجه قالت والله يازمزم بس مانا قادرين نقول شي؟؟.......دحين أنا أسع والله ياضمره بس مانا قادرين نقول شي:D:D:D

المرهف

01-02-2008, 07:10 AM

بخيت وسعيد عليكن (يشبهكن وتشبهو)سوقو معاكن ويومكن التسوقو نشد البليلي ....اسع الشعرده كلو فوق ضمره... والله حكايي.....عندنا حبوتا لينا مشت الحج(حجا مو متل حجكن ده بيطواقي وشالاتو وسبحو) أه بس همها كلو موية زمزم وكت وصلت هناك بس وصلته قالت يودوها زمزم وكت مشت وضاقت مويته قالتلهن دي موية زمزم قالوله إيي ياها إنتو متأكدين دي موية زمزم قالوله أيي أيي ياها ياحاجه قالت والله يازمزم بس مانا قادرين نقول شي؟؟.......دحين أنا أسع والله ياضمره بس مانا قادرين نقول شي:D:D:D

وأنا أقول زكريي دة أهلو كلهم ناس طيبين وفاضلين ... يا ربي طالع لي منو نان ، أتاااااريهو طالع لي حبووووبتو ..قالت مابقدر نقول شي

المرهف

01-02-2008, 07:17 AM

[/color]

والله قطعت مصاريني آ صاحبي هلالة عرفناها صافيات الشني كمان ;););)

ام محمد

01-02-2008, 11:42 AM

حجاً مبروكاً وعوداً حميداً

المرهف

01-02-2008, 01:38 PM

حجاً مبروكاً وعوداً حميداً

أم محمد يديك 1000 عافية

وعقبال ما نباركليك الحج والعمرة

أب شخيت

01-05-2008, 08:04 AM

عليك الله يا أبو أيمن مالي حق أنعلن ولاد اللذينه ديل والموجعني قشره ده الليلي بقي من السقاي(السقو إن شاء الله اليخر فوق عويناتو المتل قدود الجلد ديل)...والناس ديل أصلن حجو وين ؟في جبل ود الكرسني:D:D

يا زكريا الناس ديل سمعوا قولك (السقاي روووم)...
كدي قول "لعنة ولاد اللزينه" ناس السقاي الرسلتها لي في الخاص...:D:D:D
مايبقى ساكت كلام بي وراهم...
قلت لي "الناس ديل بوم فوق خراب"؟...
كلام عجيب والله:D

الهادي قنديل

01-05-2008, 08:17 AM

يا زكريا الناس ديل سمعوا قولك (السقاي روووم)...
كدي قول "لعنة ولاد اللزينه" ناس السقاي الرسلتها لي في الخاص...:D:D:D
مايبقى ساكت كلام بي وراهم...
قلت لي "الناس ديل بوم فوق خراب"؟...
كلام عجيب والله:D

ايا آناس زكريا دا مالو مو دار يجيبه علي بر بالله شوفو لخبت الدنيي دي كيف وساطها
اليسمع فصاحتك ازكريا يقول قااااااااااعد ونتضرع في البلد ماتراكا طافش منها وشوف لعنة ناس السقاي خلتك ضحيت بالبيض والملاليط ولسه برضو الجايي جايي
اخوي ابشخيت قول لي زويلك دا خم وصر باقي جايين مسخنين تب
وبجيك صاد

ضمره بغدادى

01-05-2008, 08:28 AM

يا زكريا الناس ديل سمعوا قولك (السقاي روووم)...
كدي قول "لعنة ولاد اللزينه" ناس السقاي الرسلتها لي في الخاص...:D:D:D
مايبقى ساكت كلام بي وراهم...
قلت لي "الناس ديل بوم فوق خراب"؟...
كلام عجيب والله:D

هى هى البلد دخله خلل كبيييييييييييييير عاد وانكشف المستور وبقى فيها خصوصيات كمان ..غايتو دى يحلك منها اللانام لا اكل الطعام ...الحق يا ابو ايماااااااااااااااااااااان صاحبك كشفو سرو .:D:D:D

المرهف

01-05-2008, 04:37 PM

يا زكريا الناس ديل سمعوا قولك (السقاي روووم)...
كدي قول "لعنة ولاد اللزينه" ناس السقاي الرسلتها لي في الخاص...:D:D:D
مايبقى ساكت كلام بي وراهم...
قلت لي "الناس ديل بوم فوق خراب"؟...
كلام عجيب والله:D

أب شخيت يديك 1000عافية ياراجل يا حقاني ..وأنا عارفك زي الكلام البي ورا ورا دة والقطيعة دي إنت ما بتعرفا دحين كشريا دة خلو لي

شفتو زكريا الهمل للعقاب

قال السقاي بوم فوق خراب

ودة الشي السكنو أدبرا أم تراب

وزنيرة قالتو إنت واحد إسكراب

ونقلوه الجنوب يكتل في الكلاب

وقالو واقع في المرايس ديك شراب

وينضم كتر معليش المؤمن مصاب

عينو في العمارة يوصفا ليك بالخراب

ضمره بغدادى

01-05-2008, 05:50 PM

أب شخيت يديك 1000عافية ياراجل يا حقاني ..وأنا عارفك زي الكلام البي ورا ورا دة والقطيعة دي إنت ما بتعرفا دحين كشريا دة خلو لي

شفتو زكريا الهمل للعقاب

قال السقاي بوم فوق خراب

ودة الشي السكنو أدبرا أم تراب

وزنيرة قالتو إنت واحد إسكراب

ونقلوه الجنوب يكتل في الكلاب

وقالو واقع في المرايس ديك شراب

وينضم كتر معليش المؤمن مصاب

عينو في العمارة يوصفا ليك بالخراب

اللــــه أكــــبر
دابا النار حمت :D:D:D

أبو أيمن

01-06-2008, 04:16 AM

اللــــه أكــــبر
دابا النار حمت :D:D:D

والللللللللله يازكريا ورطتلك جنس ورطة......الحكايي دخل فيها أب شخيت......هلا هلا
الحجازيين عندهم مثل كدي يقولوا أكت يورطوا زي ورطتك دي....يقولوا :
( من حُفرة لي دُحديرة وياقلبي لاتحزن )...........
إنت يازول مااااالك......(ملقِّط سلم النوابي؟؟؟ )....... بعدين نشرحلك العبارة...

ضمره بغدادى

01-06-2008, 04:28 AM

والللللللللله يازكريا ورطتلك جنس ورطة......الحكايي دخل فيها أب شخيت......هلا هلا
الحجازيين عندهم مثل كدي يقولوا أكت يورطوا زي ورطتك دي....يقولوا :
( من حُفرة لي دُحديرة وياقلبي لاتحزن )...........
إنت يازول مااااالك......(ملقِّط سلم النوابي؟؟؟ )....... بعدين نشرحلك العبارة...

ابو أيمن
صاحبك زكريا قال سوف يستعين فى حربه ضد السقايين بناس ملوال .:D:D:D
باقيلك ده شيتاً حالو. أمانى ما وقع راجل والسقايين هسع بيحشدو فى قواتهم لملاحقته .:D:D

أبو أيمن

01-06-2008, 04:41 AM

ابو أيمن
صاحبك زكريا قال سوف يستعين فى حربه ضد السقايين بناس ملوال .:D:D:D
باقيلك ده شيتاً حالو. أمانى ما وقع راجل والسقايين هسع بيحشدو فى قواتهم لملاحقته .:D:D

ماتقول السقاي قريبي لى أمري والحامداب القديمي والجديدي......والله إن سوا معاهم تحالف.....تبقى ياها الورطة زاتا!!!!!!!!

علاء كرار

01-06-2008, 05:16 AM

ضمره بغدادى

01-06-2008, 05:23 AM

المرهف

انشاء الله حجا مبرورا و ذنبا مغفور و عملا صالحا متقبلا

و انت يا زكريا الجابك بي هني شنو ؟؟؟؟؟ بعد ما طولت لسانك و قلت السقاي روم

ضمرة بعد الكلام السمح القالو فوقك حاج المرهف ما عندنا شيتا نقولوا

و زولك ده الغيري كاتلاهو و المغسة مقطعة مصارينو المهريات بالساردين و البيض:D:D:D

الق يا ابو أيمن الحكايى وسعت تب الخبر وصل لا نورى والناس ديل اهل بعض وهسع ناس نورى استعدوا .... غايتو يا السقايين ضهركم قوى ..انا قايل تانى زكريا يعدى بالكبرى ويمشى على السد الغرب تانى ما اظن يجى بى عندو .:D:D

المرهف

01-06-2008, 06:26 AM

المرهف

انشاء الله حجا مبرورا و ذنبا مغفور و عملا صالحا متقبلا

و انت يا زكريا الجابك بي هني شنو ؟؟؟؟؟ بعد ما طولت لسانك و قلت السقاي روم

ضمرة بعد الكلام السمح القالو فوقك حاج المرهف ما عندنا شيتا نقولوا

و زولك ده الغيري كاتلاهو و المغسة مقطعة مصارينو المهريات بالساردين و البيض:D:D:D

مشكووور أخوي وقريبي علاء أحمد الحسين كرار

بالجد أنا زعلت منكم إنت ولاد علي الحاج ناس أبو زهير وحسين وقريبي عبدالعظيم الطاهر ..يعني دة يرضيكم الهايل المايل دة يتبجح في السقاي وينعل وإنتو تتفرجو آ ولاد خالتي الكلام دة مو عيب ..دحين إنتو ياكن ناسي وتاج راسي يا أهل الفي نوري الخضراء صيفاً وشتاء ويسقينا مشروع واحد الكلام دة يرضيكم ...