الطريف الحزين المنتفض

[طارق علي صالح]

الخيول الحرة يا العطا تجي في اللفة

يا علي بابكر كترتها والنار اشعلتها وفد نفر(ابشخيت) البساوي عشرة قلبها فوق وتحت وخلاك تجري وتجاري تشهق وما تلحلق

الحق يا ابراهيم اسرع يا يعقوب وانلديت بي تحت استغاثة بي العطا المابغيث نفسو

قريباً علي ساحة المنتدي ترقبوا فقط ترقبوا

[على محجوب جعفر مصطفى]

سلام طارق وانت وينك من زمان ولعت النيران وتان مافى زول شافك
وانا قلته الزول لا تهبو فوقو شديد كدى
لكن مالك رجعت حامى كدى ولاد اهلى ديل مابنرضه فيهم

[على بابكر ابراهيم بابكر]

أخى الطريف اللص الظريف طارق / طاب صباحك ؛ أنا لم أكترها فقط قلت ما أقرته محكمة من ينتمون الى الطريف حسباً ونسباً . وبعدين البينى وبين أبشخيت إنت ماب تعرفه ولذلك لاتدخل بين القشرة وعودها ، وأبشخيت ما بيساوى عشرة وإنما يساوى بلد بحالها فقد خانك التعبير !!!!!!!!!!!!!.
ثانياً كونى استنجد بابراهيم أوغيره فلم يحصل بعد وإن حدث فالاستنجاد بالرجال فخر على جبينى وأتشرف به والله يديك زيهم عشان تستنجدبيهم من الطريف . وكونك تستهزئ بالعلم الأستاذ العطا فهذه كتيره والله منك وانتظر قيامة ساعتك واعتبر ذلك تهديد ؟؟؟؟؟؟؟؟؟؟؟؟؟؟؟؟؟؟؟.
معذرة ربما لا تجدنى اليوم ولاغداً لأنشغالى بظرف خاص ورمضان كريم وكل عام وأنتم بخير .

[زكريا بابكر عمر]

طارق هوووووي أرعي بيقيدك وأحسن لك تتلما ..... علي ما أستنجد بيزول أنا الإستنجدته بينانسي وجبتهن داخلين عندك أي إعتراض ؟ وللليلي وليباكر بستنجدبهن ... وفي الباقيلي إنته داير تولعلك نار تاني.... أنا غايتو حذرتك وإنته مخييييييير

[رقيتون]

طارق هوووووي أرعي بيقيدك وأحسن لك تتلما ..... علي ما أستنجد بيزول أنا الإستنجدته بينانسي وجبتهن داخلين عندك أي إعتراض ؟ وللليلي وليباكر بستنجدبهن ... وفي الباقيلي إنته داير تولعلك نار تاني.... أنا غايتو حذرتك وإنته مخييييييير

هوىىىىىىىىىىىىى ياظكريا كل شى ولا ولاد الطريف بعد دة بيحصل دم
الزم حدودك باقى انا طولت خليتك تمرح وتسرح على كيفك اكنوا عشان على ودعمتك عمى دقاسه اليرميك فى اليباسه بسسسسسسسسسسسسسسسسسس؟؟؟؟؟؟؟؟؟

[زكريا بابكر عمر]

هوىىىىىىىىىىىىى ياظكريا كل شى ولا ولاد الطريف بعد دة بيحصل دم
الزم حدودك باقى انا طولت خليتك تمرح وتسرح على كيفك اكنوا عشان على ودعمتك عمى دقاسه اليرميك فى اليباسه بسسسسسسسسسسسسسسسسسس؟؟؟؟؟؟؟؟؟



أها ده الخايفين منو الحكايي مشت توسع شويي شويي ..... رقيتون إنتي فيكي فرد طقاق أمرقي رقبتك أحسنلك ... كمان جانا تهديد العجايز ... عليكن الله شوفو محن العجوز المخرفي دي ما ليكي حق لقيتي عطمنو وبت دباي مافي وبلدا مافيها تمساح يقدل فيها الورر:p:p:p

[عصام سرالختم]

الف حمدلله بالسلامة يا رقيتون
والجماعة ديل دايرين دفعتك فى الخلوة
الحرم محمد الماحى ( الحرم بت مريم ) :D :D
ويا زكريا أخوى ... راس السوط هبشنا :confused:
وشايف اللص الظريف طارق على صالح يهدد ويتوعد
وخلونا نحن محايدين ... الطرفين يهمونا

[عوض جلاس]

سلام يا أهل البركل والطريف
ومالكم جايين حامين ومسخنين كدي الحاصل شنو ؟
أسع دي كان ولعت البطفيها تاني شنو ؟
وبعدين نحن نقعد نتفرج ولا نتدخل ولا نحايد ؟
كان اتفرجنا يقولوا خايفين
وكان اتدخلنا يقولوا الحشركم شنو
وكان بقينا محايدين كل طرف يزعل ويقول ليهو ما وقفتوا معانا
كدي باركوها ولا تجيبولنا النبيشي باقي نحن الهكر كسر عضامنا تب وما باقي فينا حيلاً نشد دا ونمسك دا
لكم تحياتي جميعاً وللأخ طارق العائد بقوة وللشلة المتحفزين للرد

[عطمنو]

هوىىىىىىىىىىىىى ياظكريا كل شى ولا ولاد الطريف بعد دة بيحصل دم
الزم حدودك باقى انا طولت خليتك تمرح وتسرح على كيفك اكنوا عشان على ودعمتك عمى دقاسه اليرميك فى اليباسه بسسسسسسسسسسسسسسسسسس؟؟؟؟؟؟؟؟؟


هوووووووووووووي يا رقيتون إنتي جنيتي والله شنو مالك ومال ناس الطريف إنتي (طرف السوط اليقطع كرعيكي ) تخلي جيرانك وتقيفي مع البعاد . أنا أصلو زكريا ده حليفي والبيهبشو الله قال بيه قولتو . بعدين عمى دقاسة القلتيها دي أبقي قدرة لامن يجيكي صاروخ من واحد في ولاد العمة ( من أبراهيم ) يخليكي لافة زي المجانين إنتي ما شفتيهو عمل شنو في الناس العندهم رتب ، إنتي كمان بتقدري تقيفي قدامو . أخير لك تلزمي حدك . وزكريا يسرح ويمرح زي ماهو عايز

[طارق علي صالح]

علي بابكر انا تهديدك ما بخاف منو وظنك لاتظنو وتاني فضل ليكم شنو تقولوا سرقة وسرقتونا وبلدنا نبذتوها . شكرا ابا سفيان
عصام سر الختم موقفك بعيد دا ما عاجبنا ابدا وقول الحق افضل ويجب رد الاعتبار لما ورد في قصيدة العطا(بريمر) من تجريح كبير
الاخ زكريا سلامات وكل ثانية وانت طيب
من الجنوب تلقط في الخبارات وقبل ما تحكي الحكاية وتضيف من نسج خيالك كان تتاكد من مصادرها الاصلية وقد أكون مظلوم جدا واعزي معاكم دقش في عتوده المشهور؟
كنت متوقعك زول حقاني لكن طلعت زول شر وكدي اعدل ناس البركل فوق وتحت قبل تلم المرتزقة امثال العطا ( بريمر)الداير يطلع فوق وكمان داير يحرر العبدلاب والطريف والحصل ليبريمر بيحصلوا .سؤال صغير يا زكريا
لو كنت ليقت ليك عضة في العتود دا كان حيكون موقفك؟

شكرا رقيتون الاصيلة

عطمنو عطا منو؟ كفاية ولا ازيد

[طارق علي صالح]

قريباً علي ساحة المنتدي ترقبوا فقط ترقبوا

[حسان سرالختم]

ابن عمى طارق
حا نترقب لى متين ؟
وشايف اهلنا العبدلاب دايرين يهرشوك
دحين خليك قوى واوعك تجر واطى
واخونا ابشخيت خلاص اقنع منو لانو
باع القضيه وغير طريقة لعبو !!

[عطمنو]

عطمنو عطا منو؟ كفاية ولا ازيد[/QUOTE]



عطا منو كفاية ولا أزيد
ردي أنا ليك عشان تعرف وتبقى بعيد
هي العطا منو رباً كريم وحميد
ما سرقت ولا سمعت كلام تهديد
ولا جابت رجال فزعوها حقها تاخدو بس بالإيد
ونهاية القول .............
سكتا ، سكتنا . والله إن دار تزيد بنزيد

[أب شخيت]

الأخوة المشاركون في هذا البوست

إإحترامنا ليكم ملايين..
أرجوكم من كل قلبي أن تبطلوا الضرب وتعملوا هدنة قصيرة..وأدونا معاكم فرصة وأنا عازمكم كلكم علي (الطريف الجريح في وجه الريح) وهي دار أبي سفيان..ولننتظر جميعا رد الطرف الآخر..ولا عدوان إلا على الظالمين...