ضمرة يسجل غياب تام اليوم

[عوض جلاس]

على غير عادته سجل اليوم العزيز ضمرة غياباً تاماً عن المنتدى ولا ندري ما هي الأسباب نتمنى أن يكون المانع خير

[أب شخيت]

أخوي عوض

الله يديك العافية يا البتتفقد أخوانك الغايبين...بيني بينك هو من مابقى مابيجينا في العيادة أنا إنتهزت الفرصة البارح وأديتو من التقيل...
بس أوعا يكون حصلو الحصل لي واحدة كانت مغلبه ناس المستشفي كل يوم تجيهم بلا غرض وبقت يوماتي مصاقرة المستشفي ما بتغيب فد يوم...مرة غابت أسبوع كامل ما جات المستشفى..سألوها يا بت ما لك غايبة من المستشفى ليك أسبوع ..قلت ليهم أصلي كنت "عيانة شديد"..

[عبد المنعم محمد محمد خير]

على غير عادته سجل اليوم العزيز ضمرة غياباً تاماً عن المنتدى ولا ندري ما هي الأسباب نتمنى أن يكون المانع خير


الأخ عوض فعلاً ضمرة اليوم سجل غياب عن المنتدى وإنشاء الله يا ضمرة المانع يكون خير . ويلا أرجع سريع قبال زكريا ما يفوتك بالمشاركات باقي أنا شايفو اليومين ديل لابس ليهو كدارة وجاري وحالف ما يقلعا إلا بعد يصلك يا يفوتك

[عوض جلاس]

مشكورين الأخوان أب شخيت وعبد المنعم على المرور والسؤال عن أخونا ضمرة وإنشاء الله يجي بالسلامة والظاهر دا تعب اليومين الفاتو مع السهر في النت وجاء تعب المدارس وربنا يعين
شكراً أخوي أب شخيت على النكتة الحلوة والله يديكم العافية

[علاء كرار]

لي هسع ما بان .. الحكاية شنو ضمرة ؟؟.. اوع يكون الحبوبات اتلافوهو بي مرة و وروهو المكشن بلا بصل..

ليك وحشة يا ضمرة و في انتظار طلعتك البهية يا رائع

[عوض جلاس]

مشكور الأخ علاء أحمد الحسين على سؤالك عن الأخ ضمرة
وأنا اليوم الساعة 12 اتصلت به واستفسرت عنه ولقيته شديد ونصيح بس مضغوط في الشغل شوية وقد وعدني بالدخول اليوم إنشاء الله ليطمنكم بنفسه وقال جاييكم كمان خرمان جداً جداً لمعانقتكم عبر المنتدى
التحية لكل الأخوان الذين سألوا من أخوهم العزيز ضمرة

[الهادي قنديل]

مشكور الأخ علاء أحمد الحسين على سؤالك عن الأخ ضمرة
وأنا اليوم الساعة 12 اتصلت به واستفسرت عنه ولقيته شديد ونصيح بس مضغوط في الشغل شوية وقد وعدني بالدخول اليوم إنشاء الله ليطمنكم بنفسه وقال جاييكم كمان خرمان جداً جداً لمعانقتكم عبر المنتدى
التحية لكل الأخوان الذين سألوا من أخوهم العزيز ضمرة

الله يطمنك يا ودجلاس يمين من دربي دا كنت ماشي اشد السلك لي ضمره وماقصرت آ ودجلاس تسأل وتتفقد وياها المحريه فيك
وعووووووووووووووووك ياضمره بغدادي طالتبنا الغيبه

[عوض جلاس]

مشكور الأخ قنديل على السؤال عن الأخ ضمرة وقد سألني عنك بالاسم وسأل عن كل أعضاء المنتدى وقال خرمااااااااااااااااااان شديد لي شوفتكم
وضمرة راجل ما ساهل يستاهل أن نسأل عنه في كل رأس ساعة لأنه ماشاء الله نحلة المنتدى الذي لا يكل ولا يمل تجده مشاركاً برايه وطارحاً مواضيع في غاية الأهمية ولا تجد مشاركة من أحد إلا وضمرة له بصمة واضحة في الرد عليها
لكم التحايا جميعاً

[على محجوب جعفر مصطفى]

اول حمدالله على سلامه رجوع ضمرة وطبعا غياب ضمرة يوه معناه غياب شهور
وربنا يطمنا على الجميع

[احمد حسن جدعه]

على غير عادته سجل اليوم العزيز ضمرة غياباً تاماً عن المنتدى ولا ندري ما هي الأسباب نتمنى أن يكون المانع خير

عندو شغلا كدي أقلاها تطلع بي 30 ألف ريال (اللهم لا حسد وربنا يبارك ويزيد)
وخفس لا بره بس بيجي باكر :D;)

[بت ملوك النيل]

حمدلله بالسلامي
بركة الزول الطيب

[عوض جلاس]

اول حمدالله على سلامه رجوع ضمرة وطبعا غياب ضمرة يوه معناه غياب شهور
وربنا يطمنا على الجميع

فعلاً ضمرة بغيابه ليومين ترك فراغاً كبيراً نتمنى أن يرجع ويسد هذا الفراغ ونحن في انتظاره

[عوض جلاس]

عندو شغلا كدي أقلاها تطلع بي 30 ألف ريال (اللهم لا حسد وربنا يبارك ويزيد)
وخفس لا بره بس بيجي باكر :D;)

ربنا يزيدو من فضله
ضمرة يستاهل أكتر من التلاتين
ولا مو كدي ؟

[عوض جلاس]

حمدلله بالسلامي
بركة الزول الطيب

طيب الحمد لله ونصيح ويسلم عليكم
وما عندو عوجي بس باكر بتلقوهو معاكم إنشاء الله

[نادر رشاد]

اخونا عوض بركة الطمنتنا على ضمرة
والحمد لله البقت غيبة بسبب المعايش طبعاً فيها أجر ربنا يتقبل .
لكن ما وريتنا جاي متين وبي شنو قطر كريمي ولا بالبصات ولا شيتاً كُتر ؟
وا شوقنا ليك يا ضمرة بعد الشغل فرقنا .
كل الود ،،،

[عوض جلاس]

اخونا عوض بركة الطمنتنا على ضمرة
والحمد لله البقت غيبة بسبب المعايش طبعاً فيها أجر ربنا يتقبل .
لكن ما وريتنا جاي متين وبي شنو قطر كريمي ولا بالبصات ولا شيتاً كُتر ؟
وا شوقنا ليك يا ضمرة بعد الشغل فرقنا .
كل الود ،،،

تحياتي نادر
غايتو لو جايي بالقطر حق كريمي قول ياهو الماوصل بس شكلو جايي بالبصات ولكن البص برضو اتأخر لأنو كنا على وعد نتلاقى اليوم بالمساء وما ظهر والظاهر كمان عشان عندو مدارس بكرة بس إنشاء الله الخميس والجمعة عندو إجازة المدارس فحيكون سهران معانا حتى الصباح إنشاء الله

[أبو السيوف]

عزيزي عوض يديك العافيه ويسكنك الصافيه والثالثه لامن نعرف حاصلك شنو
انشاءالله نبقى مهمين ذى ضمره ونلقى لينا ناس يتفقدونا كده وبعدين وينك ياضمره الكواريك دي كلها ما جابتك الله يجيبك طيب

[طيبان]

الله يطمنا عليك دايما..
تسلم ياعوض جلاس...
ضمرة دا راجل ما ساهل....
نشوفك قريب...ياضمرة

[على محجوب جعفر مصطفى]

يااخونا ابوالسيوف عوض سال من الناس كلهم بس كشه الهكر دى هى الجهجة الناس
ودعواتك ليه انشاء الله مستجابه مع بدايه الشهر الكريم
ويارب يعودو كل الحبان

[عوض جلاس]

عزيزي عوض يديك العافيه ويسكنك الصافيه والثالثه لامن نعرف حاصلك شنو
انشاءالله نبقى مهمين ذى ضمره ونلقى لينا ناس يتفقدونا كده وبعدين وينك ياضمره الكواريك دي كلها ما جابتك الله يجيبك طيب

جزاك الله خير يا أبو السيوف
وإنشاء الله نحن نهتم بكل واحد من الأخوان إذا غاب نسأل عنه
ونتطمن عليهو بس ضمرة دا زول مواصلنا وما قاعد ينقطع مننا
الله يديهو ويدينا ويديكم العافية
ويسكنا ويسكنكم ويسكنو الصافية وأسع أنا شايف اسمو مع المتواجدين

[عوض جلاس]

الله يطمنا عليك دايما..
تسلم ياعوض جلاس...
ضمرة دا راجل ما ساهل....
نشوفك قريب...ياضمرة

تسلم يا دكتور طيبان
والحمد لله ضمرة الآن متواجد معانا
بس لسع ما دخل البوست دا

[عوض جلاس]

يااخونا ابوالسيوف عوض سال من الناس كلهم بس كشه الهكر دى هى الجهجة الناس
ودعواتك ليه انشاء الله مستجابه مع بدايه الشهر الكريم
ويارب يعودو كل الحبان


مشكور أخوي علي محجوب على الإطراء
وربنا يقدرنا ونقدر نتفقد الجميع
ديل أخوانا الما ولدتن أمنا وواجبنا نسأل عنهم وعن كل غائب
تحياتي

[ضمره بغدادى]

الاخوة والاخوات
بعد التحية والتقدير والاحترام

اهنئكم بحلول شهر رمضان المبارك .. وكل عام وانتم والامة الاسلامية بخير.
اشكركم جميعا على سؤالكم عنى فى فترة غيابى .. وهذا ان دل على شىء انما يدل على حبكم وترابطكم وتكافلكم الاجتماعى وهذا الذى ننشده فى بركلنا هذا .
واخص بالشكر الذين اتصلوا بى عبر الهاتف وعبر الرسائل الخاصة .
اسأل الله العافية لى ولكم ولك المسلمين .
شكرا لك اخى عوض جلاس . الله يقوى اواصر الصداقة والمحبة والاخاء والترابط .

ودمتم فى رعاية الله وحفظه

[عوض جلاس]

الحمد لله على سلامة وصولك أخي ضمرة وقطرك إتأخر بلحيل لأنو كان مفروض يخش من أمس بالليل وما عارفين الأخروا شنو ؟؟
المهم سلامة الوصول وكل عام وأنت بخير بمناسبة حلول شهر رمضان أعاده الله علينا وعليكم وعلى الأمة الإسلامية بالخير واليمن والبركات

[ضمره بغدادى]

الحمد لله على سلامة وصولك أخي ضمرة وقطرك إتأخر بلحيل لأنو كان مفروض يخش من أمس بالليل وما عارفين الأخروا شنو ؟؟
المهم سلامة الوصول وكل عام وأنت بخير بمناسبة حلول شهر رمضان أعاده الله علينا وعليكم وعلى الأمة الإسلامية بالخير واليمن والبركات


عوض
تصوم وتفطر على خير .. القطر كان ملاقى النازل فى محطة الشريك .

[ضمره بغدادى]

الحمد لله على سلامة وصولك أخي ضمرة وقطرك إتأخر بلحيل لأنو كان مفروض يخش من أمس بالليل وما عارفين الأخروا شنو ؟؟
المهم سلامة الوصول وكل عام وأنت بخير بمناسبة حلول شهر رمضان أعاده الله علينا وعليكم وعلى الأمة الإسلامية بالخير واليمن والبركات


عوض
تصوم وتفطر على خير .. القطر كان ملاقى النازل فى محطة الشريك .

[عوض جلاس]

عوض
تصوم وتفطر على خير .. القطر كان ملاقى النازل فى محطة الشريك .


برضو الحمد لله الوصلت وأنا الحالة كنت قايل اب شخيت لاقاك في دقش وأحماك الجية
كويس إنها جات من ملاقات القطرين في الشريك

[زكريا بابكر عمر]

عوض
تصوم وتفطر على خير .. القطر كان ملاقى النازل فى محطة الشريك .

إنته مالك ياضمره زي كديس حبوبتي بت أبديي عندها كديسا ليها مناوليهو يغتس وياخدلو كم يوم وتاني يبنقر ...... رمضان كريم وتصوم وتفطر علي خير وإن شاء الله من عتقاهو..... تحياتي ,,,

[ضمره بغدادى]

إنته مالك ياضمره زي كديس حبوبتي بت أبديي عندها كديسا ليها مناوليهو يغتس وياخدلو كم يوم وتاني يبنقر ...... رمضان كريم وتصوم وتفطر علي خير وإن شاء الله من عتقاهو..... تحياتي ,,,

زكريا فردتى
كل عام وانتم بخير انت والاهل اجمعين .
ده كان شوية بيات شتوى ...... بس مو زى حق حبوباتنا .

[عمر مجذوب خطيب]

ضمرة شفقتا العالم - وتلاحظوا يا اخوانا الراجل دا ما قال كان غاطس في شنو - حتى عبارات مثل ظروف خاصة وخارجة عن ارادتي ما قالها - امسك في دي يا عوض وابني عليها

[ضمره بغدادى]

ضمرة شفقتا العالم - وتلاحظوا يا اخوانا الراجل دا ما قال كان غاطس في شنو - حتى عبارات مثل ظروف خاصة وخارجة عن ارادتي ما قالها - امسك في دي يا عوض وابني عليها


عمر
رمضان كريم
ما قلنا بيات شتوى:D:D

[ضمره بغدادى]

يرفع لشىء فى نفس يعقوب

[عوض جلاس]

يرفع لشىء فى نفس يعقوب


اليوم ضمرة نكت القديم كلو ما بعرف الحاصل شنو ؟؟؟
لا يكون انطبق عليك المثل إذا أفلس التاجر قلب دفاتره القديمة
وإنت راجل مليان علوم ومعارف وحاشاك الإفلاس
بس راجين الشيء الفي نفس يعوب دا تورينا ليهو شنو ؟؟؟؟؟

[ضمره بغدادى]

اليوم ضمرة نكت القديم كلو ما بعرف الحاصل شنو ؟؟؟
لا يكون انطبق عليك المثل إذا أفلس التاجر قلب دفاتره القديمة
وإنت راجل مليان علوم ومعارف وحاشاك الإفلاس
بس راجين الشيء الفي نفس يعوب دا تورينا ليهو شنو ؟؟؟؟؟


الله يجيبك آ على سند

[عثمان محمد نصر]

الحمدلله والشكر لله

[رقيتون]

يرفع لشىء فى نفس يعقوب

رمضان كريم انت رمضان عاود تانى ولا قلت شى فى نفس زكريا

[طيبان]

علي اليمين البوست دا قلبتو سما وقلبتو أرض مافهمت لو شي..
يا خوانا فهمونا...باقي التواريخ دي جاطتني
وللا اصلي جايط
وللا..
آآناس جاي تجننونا مالكم؟؟؟؟
ضمرة
إن شا الله انت طيب...

[أب شخيت]

علي اليمين البوست دا قلبتو سما وقلبتو أرض مافهمت لو شي..
يا خوانا فهمونا...باقي التواريخ دي جاطتني
وللا اصلي جايط
وللا..
آآناس جاي تجننونا مالكم؟؟؟؟
ضمرة
إن شا الله انت طيب...

تسلم ياخوي طيبان من ربطة الراس..
أصلو يوم باكر عيد الميلاد المئوي لضمرة على حسب الوثيقة الجديدة في الحساب الختامي لجدو ضمرة..
قول ليهو مبروك العيد واتخارج وبس..
:D:D

[عوض جلاس]

يا ضمرة نحن قعدنا وفترنا راجين علي سند دا يجي وما جاء
وأسع باقي ساعات قليلة ليوم بكرة والناس ديل ناوينلك لحفلة الميلاد
أها يا تسرع تجيب علي سند !!!
ويا كمان تخلينا نمشي نجيب التورتة والشموع !!!

[ضمره بغدادى]

يا ضمرة نحن قعدنا وفترنا راجين علي سند دا يجي وما جاء
وأسع باقي ساعات قليلة ليوم بكرة والناس ديل ناوينلك لحفلة الميلاد
أها يا تسرع تجيب علي سند !!!
ويا كمان تخلينا نمشي نجيب التورتة والشموع !!!
عوض
المحامى مشغول واتصل على القاضى واجلوا القضيه وهى اصلها قضيتم مطرشقه .