سلام عليكم

[رقيتون]

وليداتى الاعزاء سلام عليكم ومشتاقيين وزى ماعارفين غبت عنكم بسبب الامطار والسيول غنيماتى بقن فى السهلى المراح وقع والتميرات علمن الله والحمدلله على كل حال
وكمان الهكر كمل الناقصى شتت وليداتى كلهم الله يجمعهم

[زكريا بابكر عمر]

وليداتى الاعزاء سلام عليكم ومشتاقيين وزى ماعارفين غبت عنكم بسبب الامطار والسيول غنيماتى بقن فى السهلى المراح وقع والتميرات علمن الله والحمدلله على كل حال
وكمان الهكر كمل الناقصى شتت وليداتى كلهم الله يجمعهم

أيا رقيتون أيايمه حمدللالك بالسلامي الجمعتي والله سائلين منك سؤال الضهبان وأصلو الكان ليضمره داير يقضف العافي وراكي ماخلالو زولا مانشدو منك أه وين بت دباي إن شاء الله تبقي جبتيها معاكي والكان ليعطمنو بس مدت راسه وتاني تبني لبني مالقيناها ....أه الهكر أقصد السيل (الهكر سوانا الزوزايا ربي يزوزيهو ويغتس حجرو) أسع بس الغنيمات إن شاء ماجاتن عوجي وأهم شي خروف الضحيي الراكوبه نعل ماهبشتو ... أما التميرات هينات السني الجايي إن شاء الله بيعوضن والجاتك في تميراتك سامحتك .... كدي الأجري أدي ضمره البشاره(باقيلك بيديني بشارتا نعيمي ):D:D:D

[حسان سرالختم]

سلامه العوده يا رقيتون
وفقدناك من اول يوم رجع فيهو البركل
ودايرين دعواتك على الزول المتواتينا
بالهكر ...

[عوض جلاس]

ألف حمداً لله على سلامتك يا حبوبة وبركة الوصلتي طيبي وإنشاء الله ما تكوني اتجهجهتي كتير بي سبب الهكر الخرابة دا والمطرة إنشاء الله ربنا يجعلها أمطار خير وبركة والغنيمات والتمر إنشاء الله ربنا بيعوضك أحسن منهن والجاتك في مالك سامحتك
وأهلاً ومليون مرحب

[ام محمد]

انشاء بالساحق والماحق للهكر الدخل منتدانا والله انا غبت زمن وما بخاطري وربنا يلم شملنا من تاني

[ضمره بغدادى]

وليداتى الاعزاء سلام عليكم ومشتاقيين وزى ماعارفين غبت عنكم بسبب الامطار والسيول غنيماتى بقن فى السهلى المراح وقع والتميرات علمن الله والحمدلله على كل حال
وكمان الهكر كمل الناقصى شتت وليداتى كلهم الله يجمعهم

رقيتون
الله يجمع الناس فى ساعة خير ... الهكر الله يورينا فيه الشينة

[على محجوب جعفر مصطفى]

بس مالك فتيرانى كدى والله الناس كلها تنشد منك

[رقيتون]

وليداتى
زكريا تسلم من كل بلاء والخروف بخير
حسان تسلم من كل بلاء والهكر نقول الله يهديه
عوض جلاس تسلم من كل بلاء
ام محمد فتشناك وسعلنا منك سوال الضهبان بركه بالعودة وتسلمى من كل بلاء
ضمرة تسعل منك العافى وتسلم من كل بلاء
على محجوب تسلم من كل بلاء نان المابفترنى شنو براك شفت البشتنه الوقعت على دى الله لاعادها

[النافعابى]

الحبوبه سلام
بركه الجيتى القريعات فترن والله شنو

[رقيتون]

الحبوبه سلام
بركه الجيتى القريعات فترن والله شنو

تسلم ياوليدى من كل بلاء الكريعات مادام دكاترة المنتدى ديل فى مافى عوجه الله يمهلها عليهم

[ضمره بغدادى]

الحبوبه سلام
بركه الجيتى القريعات فترن والله شنو

النافعابى
هن كرعينا من قالولن تااااتى تااااااتى تااااااااتى تانى وقفن مو شغالات لايوم الليلى :D:D

[عصام سرالختم]

تسلم ياوليدى من كل بلاء الكريعات مادام دكاترة المنتدى ديل فى مافى عوجه الله يمهلها عليهم

الف سلامة يا حبوبة
وناقصنا بالمنتدى دكتور اسنان ...
وياربى اسنانك فيها شئ نصيح ؟؟؟؟

[رقيتون]

الف سلامة يا حبوبة
وناقصنا بالمنتدى دكتور اسنان ...
وياربى اسنانك فيها شئ نصيح ؟؟؟؟

ياود بطنى عصام كيفنك ونعلك طيبى ياوليدى الاسنان نحمدالله مرتاحين مع الطقم بالليل
نمرقوا ونختوا فى الكوريه فى المى والصباح نمصمصوا ونلبسوا لكن نحتاج للدكتور زى عمن اول وكت الكديسى شالت طقمى وكت وقفه عيد الضحى وجهجهتنى مع اللحمه الا البنات دقوا لى اللحمه فى الفندق وادونى ليها بلع ساكت نامن لله الحمد سويت الطقم الرسلوا لى ودالبدوى انس امانى موسنينا وكداد فى الدوم كد :cool:

[ابوسمر]

وليداتى الاعزاء سلام عليكم ومشتاقيين وزى ماعارفين غبت عنكم بسبب الامطار والسيول غنيماتى بقن فى السهلى المراح وقع والتميرات علمن الله والحمدلله على كل حال
وكمان الهكر كمل الناقصى شتت وليداتى كلهم الله يجمعهم رقيون سلامى سلامى والبركه في رويحتك الجمعت سمر بتي تنشد من خبرك ومشتاقي لي ونستك وحجاكى السمح داك ابقي لاتطولي مننا باقي الولاد متعلقين فيكى

[ضمره بغدادى]

ياود بطنى عصام كيفنك ونعلك طيبى ياوليدى الاسنان نحمدالله مرتاحين مع الطقم بالليل
نمرقوا ونختوا فى الكوريه فى المى والصباح نمصمصوا ونلبسوا لكن نحتاج للدكتور زى عمن اول وكت الكديسى شالت طقمى وكت وقفه عيد الضحى وجهجهتنى مع اللحمه الا البنات دقوا لى اللحمه فى الفندق وادونى ليها بلع ساكت نامن لله الحمد سويت الطقم الرسلوا لى ودالبدوى انس امانى موسنينا وكداد فى الدوم كد :cool:

عصام
حبوبه دى ما تكضب لك من زمن الكديسى شالت طقمه خشمه نامه يخربا ولا لحمى ما ضاقته.
بعدين دكتور الاسنان عبد الرحمن عمر بشير وداخل معانا باسم البشير موجود بس هى ماها دايرى تطلع القروش من محافضة المدلدلات ديل لامن تجى الكديسى وتلحقن ليها الطقم:D:D