المساعد الشخصي الرقمي

مشاهدة النسخة كاملة : العندو بواسير أخير يموتبها !!!!


زكريا بابكر عمر
12-05-2010, 02:06 PM
أيوه أسمعوا نصيحتي(الكلام ليكن يا المطيرين عينيكن:eek:) ... العندو بواسير أخير يموتبها .. أووووعكم من عمليه..ما يغشوكم الدكاتره الزلنطحيه ديل ويقولو ليكم بسيطه وكلها يوم واحد وتنتهي الشغلانه وترتاحو من الآلام والنزيف....بوووف كضابين ... وأوووعكم يحصلكم الحصل علي ده أنا بحذركم وبعدين تقولوا قشريا قال.... التجربه حقتي دي أنا عايزكم تستفيدوا منها (أمااااني أنا ما ضقته لي جنس زنقه.. حرامي في مولد ما إتزنقه.. وكلب في طاحونه ما شافه) ... وإن كان لابد من عمليه فعليكم بالكي (أووووعه من الجراحه)... الحكايه وما فيها(أنا بوريكم الحاصل من طقطق للسلام عليكم وإنتو بيطريقتكن.. بس عليكم الله لا تشيلو حالي أكتر من ماهو مشيول:d)... حماكم الله... الخرابه دي أنا شاعربها من بدري ولا خليت قرض ولا دوا بلد أي نصيبه جربتها وأي زول يقولي سو الشي الفلاني أنا أمشي أسوي ولا خليت مراهم ولا حبوب ... مره واحد زميلنا قالي بس صفق النيم ..جنبنا نيمه في الشارع عدمتها الصفقه أخرت منها وأشيل وأحشر وأدفس لامن صلبي بقي زي بيت أبوالشرشري(هو أتاريهو يغلوهو فوق النار وأنا ماني فارزو) ..وواحد تاني قالي في فلاتي يفرش في السوق بس أمشلو يديك خلطة أعشاب الكمده بالرمده ...مشيتلو(كلوو خوفا من العمليه) أداني ليك نصايب مشربكه في بعضه لا تعرفه فروع لاتعرفه عروق لا تعرفه عش سرويي... غايتو شيتا كدي متل الكمتر وقالي تسخنو وتكبو في مويه دافيه في طشت وتقعد فوقو زي ساعه ...شلتو وسحنتو ودفيت المويه وعندنا طشت متوسط كدي كبيت فيهو المويه وخجيت النصيبه دي في المويه الدافيه ورحت قاعد والله تشوفوني بس شتلة الصفيح الساولها الماروق.. نان الشي ده مو ريحني.. لكن خلاني إتكرش متل المجرب ...دي شقاوة شنو الوقعته فيها دي(جينا ليمكه تغنينا سلبت طواقينا) ..وبعدين... قلته كدي أغب منو يوم وأجيهو صاد تاني..فعلا جيتو صاد وإتـقولعته وإتفرجخته وقعته فوقو تاني زي مرة الدخان زي نص ساعه كدي ...بس قومتي منو إنطلق في الكراش وصلبي كلو قام حب حب وليهو شوك متل الزريعي وبعد مو علاج بواسير بقيت في بلوه آآخره ...علا مشيت الأجزخانه أدوني صباع برهم كدي ريحتو بس فسوة الصبره وكتي الإتمسحبو إلا أسدد نخري.. إتمسحتبو يومين حتن الكراش وقف والحبوب راحت ... والله قربته أمشي للفلاتي ده وأقولو يا زول هيي علاجك ده تاني لا تديهو ليزول الشي ده ضريسي ولا حسكنيت ؟ده موية نار راسا عديييل ... تاني قالو لي جرب الحنضل اللخدر برضو جربتو لامن ريحتي بقت زي فحل الإبل الممسحنو بالقطران.. و مااا سوا التدعك ... المهم حاجات كتيره ونصايب بالكوم سويته لا العنكبوت جربتو(صاحب أوهن البيوت) ويا بواسير الضلمه دي إنتي أبيتي تروحي .. تسكت كم يوم كدي وتاني تدور نبيح ...لامن يوم لقيت الخرابه بقت تكب في الدم (أنا أخوك إنته) الحكايي جابتلها دموم كمان !! وبقيت أكوس في درب القطن والشاش بيوين ... وبقيت أقول ليروحي هيييي أنا في الباقيلي علي آخر عمري جاي ........!!(دي شيني مراقبين الموقع ماااابيمرروها بيأخوي وأخوكن أخير أختاها - رغم إنو في جماعه أصحابنا هني قالوها لي وإن قالوها تاني.. ياني الفاكي آخري.. أعملو حسابكن- ) ...... ونواصل والتقيل لاقدام.... ربكم يستر . :eek::eek::eek:

عبد المنعم محمد محمد خير
12-05-2010, 02:24 PM
ود عمي سلامي و ما تشوف شر إنشاء الله .

لكن والله الكلام داك قالو خالد محمد خير و قال لي أكتبو ليهو والحاله دي أنا نسقتو حتان نزلتو . أصلو لو كان كتبت الشي القالو خالد كان طوالي شطبوني من الموقع :d:d:d .

لكن وصفك إبداع خلانا ميتين بالضحك

كسلاوي
12-05-2010, 02:32 PM
صاحبي .. ألف سلامة عليك
وهذه مساعدة ... لتوصيل المعني والمضمون

فالبواسير عبارة عن انتفاخات للأوردة المحيطة بالشرج وتنقسم الي داخلية وخارجية
والي أربع درجات ....وحسب الدرجة يكون العلاج

http://albarkal.com/xu2/index.php/image/direct/O9CYf_2O7F/pile-2.jpg

خالد الحاج
12-05-2010, 02:32 PM
:d:d:d
أسه يعني المعني يا زكريا الشي طابت ولا أجيب ليك معاي "مودس" :rolleyes:
لووووووووووووووووول

النافعابى
12-05-2010, 02:56 PM
:d:d:d
أسه يعني المعني يا زكريا الشي طابت ولا أجيب ليك معاي "مودس" :rolleyes:
لووووووووووووووووول
(لاتعليق وبكره احلى)

عبدالله عبدالعزيز خليفة
12-05-2010, 03:04 PM
أيوه أسمعوا نصيحتي(الكلام ليكن يا المطيرين عينيكن:eek:) ... العندو بواسير أخير يموتبها .. أووووعكم من عمليه..ما يغشوكم الدكاتره الزلنطحيه ديل ويقولو ليكم بسيطه وكلها يوم واحد وتنتهي الشغلانه وترتاحو من الآلام والنزيف....بوووف كضابين ... وأوووعكم يحصلكم الحصل علي ده أنا بحذركم وبعدين تقولوا قشريا قال.... التجربه حقتي دي أنا عايزكم تستفيدوا منها (أمااااني أنا ما ضقته لي جنس زنقه.. حرامي في مولد ما إتزنقه.. وكلب في طاحونه ما شافه) ... وإن كان لابد من عمليه فعليكم بالكي (أووووعه من الجراحه)... الحكايه وما فيها(أنا بوريكم الحاصل من طقطق للسلام عليكم وإنتو بيطريقتكن.. بس عليكم الله لا تشيلو حالي أكتر من ماهو مشيول:d)... حماكم الله... الخرابه دي أنا شاعربها من بدري ولا خليت قرض ولا دوا بلد أي نصيبه جربتها وأي زول يقولي سو الشي الفلاني أنا أمشي أسوي ولا خليت مراهم ولا حبوب ... مره واحد زميلنا قالي بس صفق النيم ..جنبنا نيمه في الشارع عدمتها الصفقه أخرت منها وأشيل وأحشر وأدفس لامن صلبي بقي زي بيت أبوالشرشري(هو أتاريهو يغلوهو فوق النار وأنا ماني فارزو) ..وواحد تاني قالي في فلاتي يفرش في السوق بس أمشلو يديك خلطة أعشاب الكمده بالرمده ...مشيتلو(كلوو خوفا من العمليه) أداني ليك نصايب مشربكه في بعضه لا تعرفه فروع لاتعرفه عروق لا تعرفه عش سرويي... غايتو شيتا كدي متل الكمتر وقالي تسحنو وتكبو في مويه دافيه في طشت وتقعد فوقو زي ساعه ...شلتو وسحنتو ودفيت المويه وعندنا طشت متوسط كدي كبيت فيهو المويه وخجيت النصيبه دي في المويه الدافيه ورحت قاعد والله تشوفوني بس شتلة الصفيح الساولها الماروق.. نان الشي ده مو ريحني.. لكن خلاني إتكرش متل المجرب ...دي شقاوة شنو الوقعته فيها دي(جينا ليمكه تغنينا سلبت طواقينا) ..وبعدين... قلته كدي أغب منو يوم وأجيهو صاد تاني..فعلا جيتو صاد وإتـقولعته وإتفرجخته وقعته فوقو تاني زي مرة الدخان زي نص ساعه كدي ...بس قومتي منو إنطلق في الكراش وصلبي كلو قام حب حب وليهو شوك متل الزريعي وبعد مو علاج بواسير بقيت في بلوه آآخره ...علا مشيت الأجزخانه أدوني صباع برهم كدي ريحتو بس فسوة الصبره وكتي الإتمسحبو إلا أسدد نخري.. إتمسحتبو يومين حتن الكراش وقف والحبوب راحت ... والله قربته أمشي للفلاتي ده وأقولو يا زول هيي علاجك ده تاني لا تديهو ليزول الشي ده ضريسي ولا حسكنيت ؟ده موية نار راسا عديييل ... تاني قالو لي جرب الحنضل اللخدر برضو جربتو لامن ريحتي بقت زي فحل الإبل الممسحنو بالقطران.. و مااا سوا التدعك ... المهم حاجات كتيره ونصايب بالكوم سويته لا العنكبوت جربتو(صاحب أوهن البيوت) ويا بواسير الضلمه دي إنتي أبيتي تروحي .. تسكت كم يوم كدي وتاني تدور نبيح ...لامن يوم لقيت الخرابه بقت تكب في الدم (أنا أخوك إنته) الحكايي جابتلها دموم كمان !! وبقيت أكوس في درب القطن والشاش بيوين ... وبقيت أقول ليروحي هيييي أنا في الباقيلي علي آخر عمري جاي ........!!(دي شيني مراقبين الموقع ماااابيمرروها بيأخوي وأخوكن أخير أختاها - رغم إنو في جماعه أصحابنا هني قالوها لي وإن قالوها تاني.. ياني الفاكي آخري.. أعملو حسابكن- ) ...... ونواصل والتقيل لاقدام.... ربكم يستر . :eek::eek::eek:


*
اخوى زكريا حمدالله على السلامة ..

ليس كمن راى كمن سمع .

لكن اقوليك كيف الشورة لو اتلمت معاها بت خالتا الحيطة بالحيطة (البروستاتا ) برضو نموت بيها .
ديل الاتنين يودن التوج - اخير يعافرو الدكاترة والباقى يبقى ..

عوض جلاس
12-05-2010, 03:10 PM
إنت الشيء دي قالوا تجي للترزية والسواقين من كترت الفعاد
إنت الجابا ليك شنو ؟؟
يلا سرعة أدينا المفيد ومنكم نستفيد ونعمل حسابنا
الواحد من كلامك دا خايف تقوم تجيهو عشان كدة نقول الوقاية خير من العلاج

عمرعابدين
12-05-2010, 08:33 PM
إنت الشيء دي قالوا تجي للترزية والسواقين من كترت الفعاد
إنت الجابا ليك شنو ؟؟
يلا سرعة أدينا المفيد ومنكم نستفيد ونعمل حسابنا
الواحد من كلامك دا خايف تقوم تجيهو عشان كدة نقول الوقاية خير من العلاج

والعجلاتية برضو من ركوب العجلة الكتير
طبعا عطبرة مليانة عجلات

عبد العظيم عرفات
12-06-2010, 05:49 AM
زيكو
حمدا لله على السلامة
وشرك مقسم فوق الدقشم على قول اهلنا العرب 0
اوعك من الشطوط والتوابل الحارة وهى مغرية مع ام فتفت والكمامين ، في شطة دقاقة مزروعة في الغرب وشطة رقيقة من اندونيسيا دى كهربتا ما 220 فولت دي تكون 415
شفاك الله وعافاك

علاء كرار
12-06-2010, 06:29 AM
ظكريا حمدلاك بالسلامة و بركة القمت طيب

اوعك من الامساك و كتر من الخضار و اشرب موية كتيره و عشاك بى لبينة .. يعني الاكل البلا حساب زي مان و الشطوط ده كلو نهي يا فردة

هسع انت قاعد كيف ؟ متوهط وللا قاعد بالجنبة و للا مركب الاسبير؟؟؟ :d:d:d:d

التهامى كروم
12-06-2010, 08:54 AM
حولينا ولا علينا

اتاري الحكاية بواسير وانا المسكين
قائله لوز
:p

....... اجرنا يا مجير الخايفين

الخزين ود نصر
12-06-2010, 09:18 AM
سلامتك يا زكريي اخوي .. سحروك فشان حلاة حديسك و لسانك السليط ده .. إتبخر لك ببخور تيمان و كت تكتب من عين ناس ود هنااااي و جماعته ديل .

عوض جلاس
12-06-2010, 10:13 AM
والعجلاتية برضو من ركوب العجلة الكتير
طبعا عطبرة مليانة عجلات
صدق فاتت علي دي
العجلات كمان أصعب من العربات

عوض جلاس
12-06-2010, 10:15 AM
سلامتك يا زكريي اخوي .. سحروك فشان حلاة حديسك و لسانك السليط ده .. إتبخر لك ببخور تيمان و كت تكتب من عين ناس ود هنااااي و جماعته ديل .

كان سحروهو من لسانو السليط وحديثو العبيط زي ما قلت
كان عملو ليهو العملية في خشمو :d

عبدالعزيز محمد علي
12-06-2010, 10:59 AM
أولا / حمدا لله بالسلامة

إذا بليتم فاستتروا ،
دحين في شيخ اصيب بمثل مرضك وقالوا ليهو تعمل عملية وبعد اخد ورد ، ومنها طبعا لو ما عملت العملية يحصل لك ويحصلك .. فكان رده مرحب بالموت ( يعني يموت ولا حد يقرب منو ). دحين نصيحتك تطابقت مع كلام الشيخ لكن انت عملتها .. وحافظ عليها من الإنتكاسة وخد بوصايا اخوانك والدكاترة تسلم بإذن الله ومن عفا واصلح فأجره على الله فكل من شال حالك وعلى رأسهم العطايا من الله (عطمنو ) فسامحه واكثر من الصدقات ( داووا مرضاكم بالصدقة ) ..

أبوزهير
12-06-2010, 12:56 PM
زكريا
حمدا لله على السلامة ويشاك المؤمن وله اجر.. يا زكريا لسانك حصانك إن صنته صانك وان شنته شانك..
احذر أن تجعل من نفسك حقل تجارب (الجنقل ميديسن) التزم الأطباء واسمع نصيحتهم...
قالوا زمان ود ابسن أصيب ما أصبت به.. وشاع خبر مرضه فجاء الخواجه المستعمر يزوره لان لود أبسن مكانه اجتماعيه ليس في قومه فقط بل في السودان اجمع..
المهم الخواجه سال من صحته ود ابسن
رد عليه ود ابسن: أنا طيب إلا لفظك شين..
لان الخواجه استخدم لغة محلية في غاية الجلافه..
اسع أنت يا زكريا نوع مرضك ده مرض يحدث في مناطق سميت بالعورة المغلظة لا يطلع عليها إلا في حالات الضرورة زي ضرورتك دي .. تقوم تنشر مرضك بيها في النت الغاشي والداني يعرف إن زكريا أصابه ما أصاب ودابسن.. وأنا خايف واحد من أذكياء البركل يقوم يسألك زي ما سال الخواجه...

عبدالحليم حران
12-06-2010, 03:20 PM
الحمد لله علي السلامة وصحة وعافية إن شاء الله .
ياخوى ، كتيرين عملوها قبلك أو فى طريقهم لأن يعملوها المدسوس كتير. أسأل مجرب ولاتسأل طبيب (الشغلانية ) ورغم العملية ممكن ترجع ثانى بعد سنوات ولاقدر الله قد تتحول إلي شق ( Fissure ) إن لم تتم المحافظة عليها وهاك من أخوك الوصفة الطبيعية الخاصة ( أحفضا في عبك):
عليك أن تتجنب أحد أسبابها الرئيسية وهو الامساك ، عن طريق التالي ( 3 صحن سلطة خضراء منوعة عليها تكويشة من 3 ربطة جرجير يوميا + التعود على أكل العيش الأسمر (البر) + شرب صفيحة أو صفيحتين موية + عدم تناول الأطعمة الناشفة والخشنة + عدم تناول المرارة النية والغير نية + عدم الاقتراب من شىء إسمو الشطوط بأنواعها الحمراء والخضراء (منطقة عسكرية عديل) +ممارسة الرياضة ( مشى ، جكة ، أى حاجة إن شاء الله وإنت راقد فى سريرك أعمل رياضة "عشان الشفع يقولو أبونا فكت منو" الالتزام التام بالبرنامج أعلاه.
أما حكايتى مع الشغلانية دي في مروى أوائل الثمانينات والبنج ( بنج ونصف ) الذى رفض أن يفك إلا بعد 12 ساعة دي دايره بوست . جاري فى العنبر ( كان مقرر ليهو عملية غدا آنذاك ) عندما شاف حالتى علي السرير أكابد وعلي وشك الموت من البنج الزايد ( والجماعة راجين الرويحي تمرق) يشهد الله غافل التمرجية وهم نائمين ولملم عواميدو وترامسو ونط الحيطة ومشى دويم ود حاج بكرعيهو نصوص الليل ، لايومي ويومك ده كلما يلقاني يضحك . طهور إن شاء الله يازكريا والمنتدي فقدك والله

شيخ الدين عثمان
12-07-2010, 07:52 AM
والعجلاتية برضو من ركوب العجلة الكتير
طبعا عطبرة مليانة عجلات


الحمد لله ما عندي عجله

عوض جلاس
12-07-2010, 09:22 AM
الحمد لله ما عندي عجله

أعمل حسابك قالوا حق العجلة دي أكعب نوع
لا طب يعالجوا ولا طبيب :p

زكريا بابكر عمر
12-07-2010, 09:57 AM
ود عمي سلامي و ما تشوف شر إنشاء الله .

لكن والله الكلام داك قالو خالد محمد خير و قال لي أكتبو ليهو والحاله دي أنا نسقتو حتان نزلتو . أصلو لو كان كتبت الشي القالو خالد كان طوالي شطبوني من الموقع :d:d:d .

لكن وصفك إبداع خلانا ميتين بالضحك

أنا من الأول عرفتو ده كلام (فسو) إنته متل ده ما بتقولو... هو الحمبره متل زرتي دي مو ضايقه وكمان السر ضبلان درس فيها الممرضات وفضايحو كانت بيجلاجل:d:d:d

زكريا بابكر عمر
12-07-2010, 10:04 AM
صاحبي .. ألف سلامة عليك
وهذه مساعدة ... لتوصيل المعني والمضمون

فالبواسير عبارة عن انتفاخات للأوردة المحيطة بالشرج وتنقسم الي داخلية وخارجية
والي أربع درجات ....وحسب الدرجة يكون العلاج

http://albarkal.com/xu2/index.php/image/direct/O9CYf_2O7F/pile-2.jpg

دي شني الكمونيه الجبتها لينا هني دي يا الكسلاوي:confused:هي بالله الخرابه دي أتاريها شيني كدي:confused:....غايتو يا الكسلاوي أخوي إنتو يا الدكاتره أصلو أقرف منكن ما لاقاني:dتصوطو في النصايب دي والواحد فيكن يمشي ياكل ويلهض وكأنو شيء لم يكن.. والله إنتو نفسكن فاتحي:d:d

زكريا بابكر عمر
12-07-2010, 10:17 AM
:d:d:d
أسه يعني المعني يا زكريا الشي طابت ولا أجيب ليك معاي "مودس" :rolleyes:
لووووووووووووووووول

لووووووووووووول وحدي:confused::confused: يا خالد دي جلجغمية لوووووووووووول:) الشكيه ليألله:d:dلا يا أخوي خلاص طابت ونصحت;).. علا يعني مابيضر أسكت رسلو إن ما إستعملتو أنا بينفع ليغيري:d:d:d(الله يجازي محنك الكان خليتني أضحك براي زي المجنون):d:d

زكريا بابكر عمر
12-07-2010, 10:23 AM
(لاتعليق وبكره احلى)


في الباقيلك يا النافعابي بيبقي بكره أحلي مع النضم البتسمع فيهوده:dالله أعلم وإن شاء يبقي أحلي علا بس ربك يستر:):)

زكريا بابكر عمر
12-07-2010, 10:32 AM
*
اخوى زكريا حمدالله على السلامة ..

ليس كمن راى كمن سمع .

لكن اقوليك كيف الشورة لو اتلمت معاها بت خالتا الحيطة بالحيطة (البروستاتا ) برضو نموت بيها .
ديل الاتنين يودن التوج - اخير يعافرو الدكاترة والباقى يبقى ..

وكتن يتلمن الإتنين آ عبد الله بس تتغير المكنه مافي حل:pلا عمره جسيمه تنفع ولا خراطه سرندل ولا سجم رماد;).... يا زول معافرة الدكاتره دي أسعلني منها -لاعصيت لا نسيت -يوروك الويل وسهر الليل والبرطيع في الحوش:eek: إن بقيت بتستحمل ده أمشلهن:d:d

زكريا بابكر عمر
12-07-2010, 10:42 AM
والعجلاتية برضو من ركوب العجلة الكتير
طبعا عطبرة مليانة عجلات

إنته جيت آ العشي أب لبن:confused: خلاص الناقصي تمت:cool:.... إن بقي سواقة العجلات بتجيبه أنا رقبتو ما بعرف سواقة العجلات(فرزتو:p) وإن جيتني تاني داخل هني ياااني الفاكي آآخري ...دحين بالتي هي أحسن أختاني ...والله دي حكايي دي :d:d

زكريا بابكر عمر
12-07-2010, 10:50 AM
صدق فاتت علي دي
العجلات كمان أصعب من العربات

والمواتر كيف ;););)

زكريا بابكر عمر
12-07-2010, 10:59 AM
زيكو
حمدا لله على السلامة
وشرك مقسم فوق الدقشم على قول اهلنا العرب 0
اوعك من الشطوط والتوابل الحارة وهى مغرية مع ام فتفت والكمامين ، في شطة دقاقة مزروعة في الغرب وشطة رقيقة من اندونيسيا دى كهربتا ما 220 فولت دي تكون 415
شفاك الله وعافاك

صاحبي عبد العظيم .. إزيك ... يا أخي سلمك الله من كل شر وإطمئن أنا والشطه بأنواعه إتفرقنا فراق الطريفي ليجملو ... قصدك شطة الغرب(الدنقابه) لا حوله لا قوي دي عقرب راسه عدييييل ...مره في هندي طبخه مع الطبيخ وأكله كانت جاي تلحقو الزينين علا سولو غسيل معده...تشكر يا ملك علي المرور ... تحياتي ,,,,

زكريا بابكر عمر
12-07-2010, 11:07 AM
ظكريا حمدلاك بالسلامة و بركة القمت طيب

اوعك من الامساك و كتر من الخضار و اشرب موية كتيره و عشاك بى لبينة .. يعني الاكل البلا حساب زي مان و الشطوط ده كلو نهي يا فردة

هسع انت قاعد كيف ؟ متوهط وللا قاعد بالجنبة و للا مركب الاسبير؟؟؟ :d:d:d:d

أها ده كمان واحد من جماعتي الزلنطحيه وصل:cool:...كفر الله سيئاتك يا أخوي ...هاك شيلك حلاوايي وإتخارج قبال أجيب عكازي وأجيك;)...... والله يا علاء الكان تشوفني قاعد كيفن أصلك تموت بالضحك:):) .... شفته جبنة الطين الفوق الوقايي بس تراني أنا:d:d:d

عبد العزيز السعيد
12-07-2010, 11:08 AM
كفار البيك يزول وظني زال والمرض ما يفضحلو زول

الف حمدلله علي السلامة اخونا زكريا ....

كسلاوي
12-07-2010, 11:17 AM
والله يا علاء الكان تشوفني قاعد كيفن أصلك تموت بالضحك:):) .... شفته جبنة الطين الفوق الوقايي بس تراني أنا:d:d:d

صاحبي ابو الزيك ...قلت شنو ..جبنة الطين ..... :d :d :d
طبعاً الجيل الحالي ما ظنيتم بيعروفها مع البايركس ..والمولانكس ...أها أتبرعت أذكرهم :d

http://albarkal.com/xu2/index.php/image/direct/WNzZXRw2uO/bar00032.png

زكريا بابكر عمر
12-07-2010, 11:31 AM
حولينا ولا علينا

اتاري الحكاية بواسير وانا المسكين
قائله لوز
:p

....... اجرنا يا مجير الخايفين


لوز !!! لا برنبفيه ;);).... الزول ده يا جماعه خلوني اللشيل حالو (ومااااني غلطان عليهو:cool:) ... اللوريكن فعايلو ... بعد كمل نضمو معاي بالموبايل(كلام أصلو بس خلو-تخرت اللقمه من خشمك-ما خلالي صفحتا إتكي عليها) والكان سكت علي كدي مالو !! مرسلي خمسمية جنيه(حديدايي) أي والله مابهتو - ومع منو؟ مع ودخالي(أبري) شيال الحال التاني ..وجاني هنقل هنقل في البيت وأخد قعدتو وبعد كمل ونستو وأكل الحلاوه وشرب البارد راح مدخل إيدو في جيبو(أنا قلته الليلي ود خالي ده بس ياهو الغامتلي مليون) بلا يمرق الخمسمية جنيه ويحشره لي تحت المخده ..وحلف بيربو قالي مرسله ليك ودكروم وقالك ده حق اللبن :eek::eek: عليكن الله شفتو حقارة الزويل ده:d.... آ يابه خمسميتك أديته الشافع أخدبها حلاوه وكتيره منك(ودي مرقتها كيف ذاتك)ولامن ألم فيك بعرف أنجمك كيفن:p:p:p

زكريا بابكر عمر
12-07-2010, 11:42 AM
سلامتك يا زكريي اخوي .. سحروك فشان حلاة حديسك و لسانك السليط ده .. إتبخر لك ببخور تيمان و كت تكتب من عين ناس ود هنااااي و جماعته ديل .

الجلابي صاحبي .. نعلك طويب ... ليك وحشه والله ....الله يسلمك من كل بلاء .... يا أخي الناس ديل الكان تشوف معذبني كيف؟؟؟؟ شوف عليك الله حديثن (بدل الواحد يكفرلك يقولك أنا مابقدر أجي للسمايي ..واليقولك الزلابيه والرز بتاعة الأربعين ماتشيلها هم...واليقولك........:confused:لا دي خلها إن لحقته قلتها ياها الملحقي البوست حفرة الدخان):d:d:d:d

زكريا بابكر عمر
12-07-2010, 11:52 AM
:dكان سحروهو من لسانو السليط وحديثو العبيط زي ما قلت
كان عملو ليهو العملية في خشمو :d

عوض هييييييي أنا لاهسع مأدب ومنضبط ومتماسك ...وشنو تاني؟؟....وواعي....ماتخليني أجيب كلام الليل يمحوهو النهار....فاهم .. عمليه في خشمي كيف يعني:confused:يخيتوهو؟؟ وإن خيتوهو برضي ما بسكت !!بنضم بي .........;);)...والله البوست ده بلا الله يغتي يسترو ساااااكت:d:d:d

زكريا بابكر عمر
12-07-2010, 12:04 PM
أولا / حمدا لله بالسلامة

إذا بليتم فاستتروا ،
دحين في شيخ اصيب بمثل مرضك وقالوا ليهو تعمل عملية وبعد اخد ورد ، ومنها طبعا لو ما عملت العملية يحصل لك ويحصلك .. فكان رده مرحب بالموت ( يعني يموت ولا حد يقرب منو ). دحين نصيحتك تطابقت مع كلام الشيخ لكن انت عملتها .. وحافظ عليها من الإنتكاسة وخد بوصايا اخوانك والدكاترة تسلم بإذن الله ومن عفا واصلح فأجره على الله فكل من شال حالك وعلى رأسهم العطايا من الله (عطمنو ) فسامحه واكثر من الصدقات ( داووا مرضاكم بالصدقة ) ..

أيا عبد العزيز أخوي أنا بليت وإستترته وإدسيت كمان وبعد ده كلو حالي إنشال وماريحوني و براك شايف عطمنو الملصقي دي مابعرف الكلما منو ؟ والجماعه ما صدقو لقو موضوع وقبلو علي ....أها باقيلك أسكت...قلته أخير أفتح بوست عديل ووري الحاصل بدل الهجنجليب ده:d:d....تشكر يا حبيب علي المرور ووصيتك علي العين والراس...تسلم .

زكريا بابكر عمر
12-07-2010, 12:27 PM
زكريا
حمدا لله على السلامة ويشاك المؤمن وله اجر.. يا زكريا لسانك حصانك إن صنته صانك وان شنته شانك..
احذر أن تجعل من نفسك حقل تجارب (الجنقل ميديسن) التزم الأطباء واسمع نصيحتهم...
قالوا زمان ود ابسن أصيب ما أصبت به.. وشاع خبر مرضه فجاء الخواجه المستعمر يزوره لان لود أبسن مكانه اجتماعيه ليس في قومه فقط بل في السودان اجمع..
المهم الخواجه سال من صحته ود ابسن
رد عليه ود ابسن: أنا طيب إلا لفظك شين..
لان الخواجه استخدم لغة محلية في غاية الجلافه..
اسع أنت يا زكريا نوع مرضك ده مرض يحدث في مناطق سميت بالعورة المغلظة لا يطلع عليها إلا في حالات الضرورة زي ضرورتك دي .. تقوم تنشر مرضك بيها في النت الغاشي والداني يعرف إن زكريا أصابه ما أصاب ودابسن.. وأنا خايف واحد من أذكياء البركل يقوم يسألك زي ما سال الخواجه...

الشكيه ليألله يا أبو زهير ....الشي أنا مرضي داسو وإتلبته برااااحه (زي الجاي تمرق جنا الحرام)ومشيت سويت العمليه عشان زول ما يعرفني وقلته أسوي العمليه وإتخارج بشيشي ولا من شاف ولا من دري(كويس معاك) بلا قبال البنج ما يفك مني سمح ألقالك خبر عملية السجم دي خبره وصل عندكن هني:confused:أها باقيلك تاني في دسديس ...والموبايلات قالت كب(الله يصرف الزول السوا القشرونات ديل ) وعينك ما تشوف إلا النور وبقيت في جنس الحال الإنته شايفو ده ... وأريتن يا أبو زهير سألوني زي ما سأل الخواجه ود أب سن وسكتو علي كدي!!! خواجة شنو !!! ديل هروني أسأله وكوووولها من العيار التقيل (دانات وراجمات) ... أبو زهير إنته نعلك ماك جاي تسويها؟؟ولا مالك خايف كدي:d:dمسعول من الخير إنته صاحبك ضمره وين بلدو؟؟؟ يديك العافيه إن شاء الله الشوكي ما تطعنك بركة ربي....تحياتي ,,,,,

زكريا بابكر عمر
12-07-2010, 12:36 PM
الحمد لله ما عندي عجله

وإن شاء الله كمان يبقي ما عندك موتر;););) أخيرلك تركب الركشات ;)

زكريا بابكر عمر
12-07-2010, 12:41 PM
أعمل حسابك قالوا حق العجلة دي أكعب نوع
لا طب يعالجوا ولا طبيب :p

ده كمان مرض جنسو شنو آ عوض يا ساتر:eek::eek:

زكريا بابكر عمر
12-07-2010, 01:09 PM
الحمد لله علي السلامة وصحة وعافية إن شاء الله .
ياخوى ، كتيرين عملوها قبلك أو فى طريقهم لأن يعملوها المدسوس كتير. أسأل مجرب ولاتسأل طبيب (الشغلانية ) ورغم العملية ممكن ترجع ثانى بعد سنوات ولاقدر الله قد تتحول إلي شق ( Fissure ) إن لم تتم المحافظة عليها وهاك من أخوك الوصفة الطبيعية الخاصة ( أحفضا في عبك):
عليك أن تتجنب أحد أسبابها الرئيسية وهو الامساك ، عن طريق التالي ( 3 صحن سلطة خضراء منوعة عليها تكويشة من 3 ربطة جرجير يوميا + التعود على أكل العيش الأسمر (البر) + شرب صفيحة أو صفيحتين موية + عدم تناول الأطعمة الناشفة والخشنة + عدم تناول المرارة النية والغير نية + عدم الاقتراب من شىء إسمو الشطوط بأنواعها الحمراء والخضراء (منطقة عسكرية عديل) +ممارسة الرياضة ( مشى ، جكة ، أى حاجة إن شاء الله وإنت راقد فى سريرك أعمل رياضة "عشان الشفع يقولو أبونا فكت منو" الالتزام التام بالبرنامج أعلاه.
أما حكايتى مع الشغلانية دي في مروى أوائل الثمانينات والبنج ( بنج ونصف ) الذى رفض أن يفك إلا بعد 12 ساعة دي دايره بوست . جاري فى العنبر ( كان مقرر ليهو عملية غدا آنذاك ) عندما شاف حالتى علي السرير أكابد وعلي وشك الموت من البنج الزايد ( والجماعة راجين الرويحي تمرق) يشهد الله غافل التمرجية وهم نائمين ولملم عواميدو وترامسو ونط الحيطة ومشى دويم ود حاج بكرعيهو نصوص الليل ، لايومي ويومك ده كلما يلقاني يضحك . طهور إن شاء الله يازكريا والمنتدي فقدك والله

ود حران... كيفك ...يا زول البرنامج بتاعك ده أنا والله لا بقدر عليهو ولا بكضب بس الشي البقدر عليهو ببعد من الشطه .... إنته أكنك يعني ضايقه قبال ده .... عليك الله شفته آلامه كيف؟؟ شي فظيع .... زولك الكبه الزوغه نص الليل ده والله عاقل وأنا زاتي الكان عارفه كدي كان زوغته منها.... رياضة السرير دي باقيلك ما بتجيب الفلايت :d:d:d

علاء كرار
12-07-2010, 01:48 PM
أها ده كمان واحد من جماعتي الزلنطحيه وصل:cool:...كفر الله سيئاتك يا أخوي ...هاك شيلك حلاوايي وإتخارج قبال أجيب عكازي وأجيك;)...... والله يا علاء الكان تشوفني قاعد كيفن أصلك تموت بالضحك:):) .... شفته جبنة الطين الفوق الوقايي بس تراني أنا:d:d:d

:d:d:d:d:d
الله يجازي محنك يا زكريا الفرجت فيني ناس المكتب
و بقيت أضحك متل الماني نصيح

اها

انت الجبنة الفوق الوقايي و المتداخلين متل الفناجين حولينك :d:d

عصام سرالختم
12-07-2010, 01:55 PM
... مره واحد زميلنا قالي بس صفق النيم ..جنبنا نيمه في الشارع عدمتها الصفقه أخرت منها وأشيل وأحشر وأدفس :eek::eek::eek:

انت غلطان يا زكريا ..
الوداك تكوس العلاج البلدى شنو شئ قرض وشئ نيم تشيل وتحشر
لحدى ما زدت الحكاية وكبرتها :)
طرق العلاج عندك هنا فى البركل تحت الرابط :

http://albrkal.com/vb/showthread.php?t=372
ا

زكريا بابكر عمر
12-07-2010, 03:10 PM
انت غلطان يا زكريا ..
الوداك تكوس العلاج البلدى شنو شئ قرض وشئ نيم تشيل وتحشر
لحدى ما زدت الحكاية وكبرتها :)
طرق العلاج عندك هنا فى البركل تحت الرابط :

http://albrkal.com/vb/showthread.php?t=372
ا

نان يا عصام قالو المتحير يفتش خشم البقره ...خليك من الرابط ده أنا يا صاحبي شديت حصان قوقل وحمتبو ما خليت محل وكلو ما جاب مريسة خالتي تام زين أخيرا مشيت للجراح ده(بعرفو) وهو الخوزقني - بتجي سيرتو أصبر- نان مو ندمني علي مشي ليهو(لكن بيني وبينك الكان ما غشاني وسوه لي العمليه أنا كان لا يوم الليلي أحشر وأدفس في النصايب ديل):d:d

أبوزهير
12-07-2010, 04:40 PM
خبر هام وعاجل
جاءنا التالي:
أفادت جهات طبيه مسئوله أن حالة طبيه نادرة سجلت مؤخرا لجراحة بواسير أجريت للمريض زكريا بابكرعمر .. إذ رفض المريض استخدام البنج بل رفض أي ساتر مؤكدا انه لا يخشى الدماء ولا يهاب المشارط ولا يعرف للخوف سبيلا.. وتحت إلحاح وإصرار الأطباء رفض المريض رفضا تاما ووقع على إجراء العملية دون بنج أو تخدير موضعي.
وأضافت المصادر وبالرغم من المخالفة الطبية إلا أن الجراح أجرى العملية بعد أن استنفر طاقمه الطبي من أخصائيي تخدير ومساعدي عمليات وغيرهم. وقال الجراح انه بالرغم من أن الحالة الطبية كانت متاخره إذ أن البواسير مزمنة ومما زاد طينتها بله لجو المريض للمعالجة بالأعشاب والمواد الموضعية مما شكل صعوبة في جراحتها من زمن وتتبع لمواطن الخلل داخليا وخارجيا..
وفي سؤال لأخصائي التخدير أجاب انه لأول مره عبر مسيرته الطبية يقف على حالة كهذه مؤكدا أنه كان على أهبة الاستعداد للتدخل سواء بالتخدير الموضعي أو الكامل إذا استدعى الأمر إلا أن المريض لم يرمش له جفن أو تهتز له عضله بل كان صامدا كان لم تكن هناك جراحه في منطقة مؤلمه وحساسة. بل أن المريض رفض أن يكون تحت المراقبة الطبية وخرج ماشيا بالرغم من تحذير الأطباء له ..
وعلمت مصادرنا انه تجرى الآن محادثات ومباحثات مضنية بين زكريا بابكر من جهة ونقابة الأطباء ووزارة الصحة وكليات الطب مجتمعه في السودان من جهة أخرى بان يسمح لهم بدراسة الظاهرة طبيا وتسجيلها كحالة تعليمية نادرة في كليات الطب إلا أن السيد زكريا مازال حسب مصادرنا يرفض العروض التي طرحت على منضدة المباحثات خاصة بعد أن استولى على شريط التصوير صورة وصوت..
وبالرجوع لجهات قانونيه مستفسرين هل تسجل الحالة للجراح أم للمريض أفادت أن الحالة تعتبر ملك للمريض زكريا الذي أتى بالغريب في الطب وليس للطبيب.. وأضاف انه وحسب متابعاته فإن زكريا سيكون اغني رجل في السودان إذ علم أن جهات أجنبية قد سبقت الآخرين وقدمت عرضا بالدولار واليورو لاحتكار الحالة بامتلاكها للشريط المصور صورة وصوت.

عصام سرالختم
12-07-2010, 05:39 PM
وأضاف انه وحسب متابعاته فإن زكريا سيكون اغني رجل في السودان إذ علم أن جهات أجنبية قد سبقت الآخرين وقدمت عرضا بالدولار واليورو لاحتكار الحالة بامتلاكها للشريط المصور صورة وصوت.

وقد تناولت وكالات الانباء العالمية والمحلية خبر حالة زكريا وصبره على اجراء العملية الجراحية المعقدة - التى استمرت اكثر من ست ساعات - من دون بنج كامل او تخدير موضعى .. واكدت تلك الانياء بانه سيتم ادراج الحالة فى موسوعة جينيس ... وورد ضمن تلك الانباء بان السيد / زكريا سيحصل على مبلغ خرافى فى حال موافقته على ضم الحالة الى الموسوعة العالمية ..

زكريا بابكر عمر
12-08-2010, 07:47 AM
خبر هام وعاجل
جاءنا التالي:
أفادت جهات طبيه مسئوله أن حالة طبيه نادرة سجلت مؤخرا لجراحة بواسير أجريت للمريض زكريا بابكرعمر .. إذ رفض المريض استخدام البنج بل رفض أي ساتر مؤكدا انه لا يخشى الدماء ولا يهاب المشارط ولا يعرف للخوف سبيلا.. وتحت إلحاح وإصرار الأطباء رفض المريض رفضا تاما ووقع على إجراء العملية دون بنج أو تخدير موضعي.
وأضافت المصادر وبالرغم من المخالفة الطبية إلا أن الجراح أجرى العملية بعد أن استنفر طاقمه الطبي من أخصائيي تخدير ومساعدي عمليات وغيرهم. وقال الجراح انه بالرغم من أن الحالة الطبية كانت متاخره إذ أن البواسير مزمنة ومما زاد طينتها بله لجو المريض للمعالجة بالأعشاب والمواد الموضعية مما شكل صعوبة في جراحتها من زمن وتتبع لمواطن الخلل داخليا وخارجيا..
وفي سؤال لأخصائي التخدير أجاب انه لأول مره عبر مسيرته الطبية يقف على حالة كهذه مؤكدا أنه كان على أهبة الاستعداد للتدخل سواء بالتخدير الموضعي أو الكامل إذا استدعى الأمر إلا أن المريض لم يرمش له جفن أو تهتز له عضله بل كان صامدا كان لم تكن هناك جراحه في منطقة مؤلمه وحساسة. بل أن المريض رفض أن يكون تحت المراقبة الطبية وخرج ماشيا بالرغم من تحذير الأطباء له ..
وعلمت مصادرنا انه تجرى الآن محادثات ومباحثات مضنية بين زكريا بابكر من جهة ونقابة الأطباء ووزارة الصحة وكليات الطب مجتمعه في السودان من جهة أخرى بان يسمح لهم بدراسة الظاهرة طبيا وتسجيلها كحالة تعليمية نادرة في كليات الطب إلا أن السيد زكريا مازال حسب مصادرنا يرفض العروض التي طرحت على منضدة المباحثات خاصة بعد أن استولى على شريط التصوير صورة وصوت..
وبالرجوع لجهات قانونيه مستفسرين هل تسجل الحالة للجراح أم للمريض أفادت أن الحالة تعتبر ملك للمريض زكريا الذي أتى بالغريب في الطب وليس للطبيب.. وأضاف انه وحسب متابعاته فإن زكريا سيكون اغني رجل في السودان إذ علم أن جهات أجنبية قد سبقت الآخرين وقدمت عرضا بالدولار واليورو لاحتكار الحالة بامتلاكها للشريط المصور صورة وصوت.

:d:d:d آآآآآآآآآخ يا مصاريني....يجازي محنك يا أبو زهير:):)علي بالأيمان إنته تنفع مراسل ليقناة الجزيره والعربيه والبي بي سي والصحف السياره والواقفي:d....ابو زهير الزول البتنضم عنو ده إنته متأكد إنو أنا :confused:....ماطالا فيها دولار ويرو خلاص ياني أنا;) ....واا حلالك يا قصفيي البقيت مشهور أكتر من ميسي زاتو:)... علا يا أبوزهير كلووو عرفنا حكاية (رفض أي ساتر دي ) كيفن يعني؟؟؟ يعني جيتن داخل ميطي:d:confused:... علي العموم أنا وكلتك علي الموضوع ده (ود حران قاااعد بكتبلك توكيل)شوفلي درب العمله الصعبه دي وين ؟وحقك محفوظ...والله حكاية لم يرمش له جفن ولم تهتز له عضله...هيييييع ....... جيبلي أضانك جاي وده كلام بيني وبينك (عضلاتي يرجفن زي قالب الجلي ورموشي زي هبار الجبادي القابضاله داشكوق):p:p:p

زكريا بابكر عمر
12-08-2010, 07:54 AM
وقد تناولت وكالات الانباء العالمية والمحلية خبر حالة زكريا وصبره على اجراء العملية الجراحية المعقدة - التى استمرت اكثر من ست ساعات - من دون بنج كامل او تخدير موضعى .. واكدت تلك الانياء بانه سيتم ادراج الحالة فى موسوعة جينيس ... وورد ضمن تلك الانباء بان السيد / زكريا سيحصل على مبلغ خرافى فى حال موافقته على ضم الحالة الى الموسوعة العالمية ..

:d:d يا عصام أنا الجراح قالي ما تتضحك شديد عمليتك بتتفتق:d مااالكن إنته وأبو زهير دايرين ترجعوني تاني للبعبصه:d:d ....قلته موسوعة منو؟؟ جينيس؟؟؟ قول موسوعة عطمنو:d:d:d

كسلاوي
12-08-2010, 09:06 AM
صاحبي .. ألف سلامة عليك
وهذه مساعدة ... لتوصيل المعني والمضمون

فالبواسير عبارة عن انتفاخات للأوردة المحيطة بالشرج وتنقسم الي داخلية وخارجية
والي أربع درجات ....وحسب الدرجة يكون العلاج

http://albarkal.com/xu2/index.php/image/direct/O9CYf_2O7F/pile-2.jpg

صاحبي أبو الزيك

البواسير ....تعتبر إنتفاخات للأوردة ...أو دوالي
وطبعاً هي ضريبة لوقوف الأنسان علي قدمين
عشان كدا الحيوانات لا تصاب بها :d :d

Varicose veins are part of the penalty we pay for the adoption of the erect posture
animals do not suffer from varicose veins.

ابراهيم سليمان
12-08-2010, 10:22 AM
الاخ زكريا سربلك الله بسرابيل العافية.
(ياجماعة اشهدوا انا قلت سربلك، اوعا واحد يغلت يقلب الباء واو).

واحد جنب ليهو شنب هواوير، كان عندو زى العند اخونا الكاشف. لكن رفض رفضا باتا ان يذهب للطبيب. بعد تمكن الحالة وصار فى عداد الممكونين، شفق عليه اولاده، وغشغشوه، وذهبوا به للطبيب، انهم يريدون علاجه، بحبوب سااااكت ووافق صاحبنا. مع الطبيب بيبشيش بنجوه، وبعد داك خمسة دقايق وشوية ونسة (ولادك كم و ....)، عييييك صاحبنا فى التخدير، واتعملت العملية. بعد انتهاء العملية.
جابوه منفرج الارجل، جالسا على كرسى متحرك، يفره ولده الكبير وفتحوا باب غرفة العمليات وفى الصالة القدامها وجد الحلة ست قدامه، (عواين، ونسون، ورجال كبار واصحابو، والحلة عن بكرة ابيها)، تتحمدله السلامة.
عاين لاولاده مخاطبا، (الدايرنها سويتوها، فضل لكم بس كان تجيبوا الدلوكة والغنايات النرقص ليكم)...:d

زكريا بابكر عمر
12-08-2010, 11:38 AM
الاخ زكريا سربلك الله بسرابيل العافية.
(ياجماعة اشهدوا انا قلت سربلك، اوعا واحد يغلت يقلب الباء واو).

واحد جنب ليهو شنب هواوير، كان عندو زى العند اخونا الكاشف. لكن رفض رفضا باتا ان يذهب للطبيب. بعد تمكن الحالة وصار فى عداد الممكونين، شفق عليه اولاده، وغشغشوه، وذهبوا به للطبيب، انهم يريدون علاجه، بحبوب سااااكت ووافق صاحبنا. مع الطبيب بيبشيش بنجوه، وبعد داك خمسة دقايق وشوية ونسة (ولادك كم و ....)، عييييك صاحبنا فى التخدير، واتعملت العملية. بعد انتهاء العملية.
جابوه منفرج الارجل، جالسا على كرسى متحرك، يفره ولده الكبير وفتحوا باب غرفة العمليات وفى الصالة القدامها وجد الحلة ست قدامه، (عواين، ونسون، ورجال كبار واصحابو، والحلة عن بكرة ابيها)، تتحمدله السلامة.
عاين لاولاده مخاطبا، (الدايرنها سويتوها، فضل لكم بس كان تجيبوا الدلوكة والغنايات النرقص ليكم)...:d

يا ابراهيم يا أخوي تقول سرابيلك تقول سراويلك تقول رحطك ما فارقي:d أنا أصلها حكايتي ما باظت ;)وعليك الله البيسوو فيهو ولاد اللذينه ديل مو أخير منو الدلوكه والغنايات ... هو في زولا كدي ما سمع:d:d:d

زكريا بابكر عمر
12-08-2010, 11:47 AM
...أها وكت حكاية الدم دي إستمرت كم يوم كدي ..قلته هييي الكلام ده ما بينفع أخير أمشي أشوفلي طريقة علاج عند الدكاتره قبال النصيبه دي تسويني في مشاكل تانيه..فعلا في جراح بعرفو مشيتلو بعد نهاية عيادتو بعد خلاص العيانيين كملو ... ودخلت عليهو وبعد السلام وحق الله بق الله قالي يا زول الجايبك نص الليل شنو؟؟ نعلك ما عندك عوجي !!قوتلو العوجي بايتي ومقيلي..يضحك..يا ساتر ماالك..وحكيتلو الحاصل كلووو ... قالي أمش علي الستاره ديك وإتقولع عشان أكشف عليك... دي شقاوة شنو الوقعته فيها دي (غايتو نحنه السودانيين ديل معقد أكتر مننا الله ما خلق ) غايتو إتوكلته علي الحي الدائم ودخلته وكشف علي وقالي يا زول هيييي إنته محتاج ليعمليه وفورا(لا عصيت لانسيت).. وبعدين...قالي شوف المسأله دي لو صهينته منها وأهملتها أكتر من كده حا تتطور ليناسور .... ناسوووور !!! (سجم خشمك آ ظكريي) .... قوتلو شوف يا دكتور أنا الله خلقني ما سويت لي عمليه ولا حتي دخلته عوضة عمليات ناهيك عن بنج وكلام زي ده .. والله خلقني مافي شيتا قطعو من جسمي ده علا أكان (سورتي والطهوره).. أماااني ضحكلو كتر ضحك... قالي يا أخي إنته ما فيك عرق جعليين ولا شنو؟ قوتلو يخربني علا أكان في حواء وآدم ورا... قالي ما تخاف عمليه بسيطه خااالص يوم والتاني وتكون عادي وترتاح من الآلام دي.... قوتلو إنته دحين يا دكتور الخرابه دحين ماقاعدين يكووها؟؟؟ أنا أخير لي أمشي الخرتوم ويكووها لي بدل العمليه ... قالي حقتك دي بالذات ما بينفع فيها الكي؟؟ .. قوتلو ليه !! راسه قوي !! قالي لالا إنته بواسيرك دي داخليه وكتيره وكمان معاها شق.... قولته شنو ؟ شق !!! يا دي النيله !! ... يعني يا دكتور لابد من عمليه ؟؟ ... أيوه وباكر ده كمان لو حبيت ... قوتلو أنا البحب!! ده دحين شيتا يحبو.. يا أخي أنا الجابني ليك شنو زاتو؟؟ ... قالي سيب الكلام الكتير وأمش أعمل الفحوصات دي ... عايزني أعمله ليك في ياتو مستشفي ؟ ...قوتلو يا دكتور مستشفي شنو إنته داير العالم تتكسر فوقي والعمايد والترامس تنطاقش علي... لالا ... قالي طيب تعمله في مستوصف ؟قولتلو أيوااا بس أنا عندي أصحابي أقباط (ما بيقلبو الشهادي) عندهن مستوصف أسويها عندهن ولا من شاف ولا من دري ... قالي خلاص هسع تمشيلن وترتب معاهن وتتصل بي .... فعلا مشيت ورتبته أموري معاهن وإتصلتبو وإتكلم معاهن وقالي تصبح صايم والساعه تمانيه تسلم نفسك ليجماعتك ديل وهن عارفين يعملو شنو وأنا الساعه وحده بجيك أعملك العمليه... أيا الله هوووووي تهونا .... وأنا مارق في جماعه جو لازلهن نقاله فوقه مريتا تسوي في الواضيقي ... واضيقي .. أنا أخوك إنته ... ماشي وراي شاب سألني ؟ مااله المره دي ؟؟ قوتلو يعني حا يكون عندها بواسير ما دايره تلد( الفي بالك يتمارالك) .. وحده من الممرضات تأشر للجماعه الازين النقاله وتقولهن ودوها العمليه طواالي المره دي فيها تيمان ولازم نعجل بالعمليه ....(يعني موبايل بيشريحتين) ... أها أنا عاد باكر ياااااا ربي مسلسلي يبقي كيفنو ... ونواصل :p:p:p

زكريا بابكر عمر
12-08-2010, 12:06 PM
صاحبي أبو الزيك

البواسير ....تعتبر إنتفاخات للأوردة ...أو دوالي
وطبعاً هي ضريبة لوقوف الأنسان علي قدمين
عشان كدا الحيوانات لا تصاب بها :d :d



بس الجوه أم سنونا زي الكارديق دي أنا ياها الكانت عندي يا الكسلاوي.. ومعاها شق كمان شفته البلاوي....يا ناس هييييي ما تقرو وتضحكو وتزوغو :dأخير الحاسلو بي نصيبه زي دي ما يصهين لأنو لما تستفحل أمااااني مو كعبي .. دحين أنا والله البوست ده عشانكن وعااارف في وحدين بيكونو حاسين بيها ومصهينيين .... هيييي ماتصهينو .... سامعين :eek::eek:

زكريا بابكر عمر
12-08-2010, 12:21 PM
يا طارق ... يا طاااااارق .... يا حراااامي .... يا أخي عليك الله تجي داخل:d يا أخي والله ما بشيل حالك ... تعال ... تعال ... بس لكن تقعد مأدب.... يا جماعه الزول ده حنسو معاي:d ... حالف قال يا هااادي البوست كراعو ما تعتبو ...كدي أسألوهو مالو:confused::confused:

أبوزهير
12-08-2010, 12:39 PM
زكريا
يبدو أن الجميع استعجل وما خليناك تواصل في سرد الملحمه الحامية الوطيس دي..
هادي قعده
بس أوع يكون سويت الهوايل ونضمت كتر في مرحلة فك البنج وقلت كلاما سمعوه الجماعه وسجلوا ليك ..
آهـ أنا ما نسيت ... ما قالوا في الأخبار انت يا فارس الحوبه وأشجع الشجعان سويت العمليه بلا بنج.. فارس ود فارس

علاء كرار
12-08-2010, 02:04 PM
إنت آ الخرابة قاع تاكل شنو ــ بإعتبار ما سيكون ــ لما إنشقيت
:d:d:d:d:d:d

نسأل الله السلامة و العافية

عوض جلاس
12-08-2010, 03:37 PM
يا ناس هييييي ما تقرو وتضحكو وتزوغو :dأخير الحاسلو بي نصيبه زي دي ما يصهين لأنو لما تستفحل أمااااني مو كعبي .. دحين أنا والله البوست ده عشانكن وعااارف في وحدين بيكونو حاسين بيها ومصهينيين .... هيييي ماتصهينو .... سامعين :eek::eek:
يا زول مالك داير تخوفنا
يعني معنى كلامك دا نمشي نفحص ونتأكد
ولا الشيء دي هلالها بيهل براهو ؟؟؟
دي مصيبة شنو مالك داير تدخلنا في شكوك وظن

طارق علي صالح
12-08-2010, 10:49 PM
يا طارق ... يا طاااااارق .... يا حراااامي .... يا أخي عليك الله تجي داخل:d يا أخي والله ما بشيل حالك ... تعال ... تعال ... بس لكن تقعد مأدب.... يا جماعه الزول ده حنسو معاي:d ... حالف قال يا هااادي البوست كراعو ما تعتبو ...كدي أسألوهو مالو:confused::confused:
زكريا ..
ماك براك .. البلد كلها خربانة وتكوس في العلاج
في بوست للحبيب اشرف محمد خليفة في المنتدي الطبي
كلما امشي المتواجدون القي الضيوف كابسنو

البوست بعنوان : أعراض وطرق علاج البواسير والناسور؟
والرابط حقو من
هنا (http://www.albrkal.com/vb/showthread.php?t=372)..
يحتل المرتبة الثانية (تقريبا )من حيث المشاهدات بعد بوست الحبيب اسامة حمزة
قوز السراي ...
لكن المشاركات في بوست اشرف فقط اربعة مشاركات واكثر من 32000 مشاهدة
انظر الصورة
http://albrkal.com/files/nasoorzak.jpg


البطريق دا مشيهو ما عاجبني .. لايبقي عيان
http://www.albrkal.com/vb/image.php?u=51&dateline=1216198590

كسلاوي
12-09-2010, 03:21 AM
زكريا ..
ماك براك .. البلد كلها خربانة وتكوس في العلاج
في بوست للحبيب اشرف محمد خليفة في المنتدي الطبي
كلما امشي المتواجدون القي الضيوف كابسنو

البوست بعنوان : أعراض وطرق علاج البواسير والناسور؟
والرابط حقو من
هنا (http://www.albrkal.com/vb/showthread.php?t=372)..
يحتل المرتبة الثانية (تقريبا )من حيث المشاهدات بعد بوست الحبيب اسامة حمزة
قوز السراي ...
لكن المشاركات في بوست اشرف فقط اربعة مشاركات واكثر من 32000 مشاهدة
انظر الصورة
http://albarkal.com/xu2/index.php/image/direct/o783YM1FEt/nasoorzak.jpg

البطريق دا مشيهو ما عاجبني .. لايبقي عيان
http://www.albrkal.com/vb/image.php?u=51&dateline=1216198590

النسيب الحسيب طارق

سؤال برئ : طبعاً البوست من 2007 ..... يعني لو في واحد بيزور البوست يومياً من
الزمن داك بمعدل 100 مرة في اليوم ..:d.. ممكن تكون معظم هذه المشاهدات منو ....:d.. يعني قول كدا قبل يقتنع يقابلو دكتور ...:d

أشرف محمد خليفة
12-09-2010, 12:42 PM
متابعين وخايفين نعلق
لكن بعد اسمنا ظهر (ومعاهوا صوركمان)
حمد لله الف على السلامه

خضر سعيد طه
12-09-2010, 01:17 PM
بسم الله الرحمن الرحيم
اللهم صل على محمد وعلى آله وصحبه أجمعين

كفاره يا زكريا أجر وعافيه يارب

ابومنذر
12-09-2010, 01:39 PM
يا خال / حمد الله على السلامه , وكفاره وان شاء الله اجر وعافيه , بس فضيحتك بقت بجلاجل , ماكان فى طريقه لعمل العمليه بالسر . زى ما بقول المثل اقضو حوائجكم بالكتمان , الظاهر شمارك طلع ووصل لعطمنو , وعطمنو ماصدقت فتت الشمار كله بالمنتدى , وانت نخله من نخلات المنتدى عشان كده الناس بترميك بحجاره وانت ( تحت ) ليهم الثمر , غايتو نحنا لقطنا وانبسطنا للحكايه من ناحيه طريقه السرد .. باقيلك يا خال لو فى طريقه الزول يموتبها ما كان مت بيها انت . الخرابه ده هى ماقالو بقت ليزر وكى , اوعه يكون عملو ليك النظام القديم , ان كان النظام القديم الله يكون فى عونك , مستنين تكمل الخرابه ده لانو لسه الجاى اعظم , واحساسك ولحظات البنج , وبعد العمليه , يعنى تكمل لنا باقى الشمار للاخر , دحين ما تطول نحنا مستنين مسك الختام ..
ذكرتنى بصديق وكان بيحكى عن نفس الخرابه ده , حصلت له , بانه مر بنفس تجربتك ده , وقالى اصعب موقف واحرج موقف كان له هو لحظه دخول نسيبته , ام زوجته عليه , وهو فى السرير وقد احرج من هذا الموقف , وقالى كيف نسيبتى تجى تشوفنى بالموقف ده .. !!:p:p وانا قلت ليه الانسان ضعيف والمرض شى طبيعى وعادى اى كان نوعه ومكانه , ولا غضاضه انو تشوفك نسيبتك فى الموضع ده , دحين ما يكون نسيبتك جات المستشفى زى صاحبنا ده وشافتك فى الموقف ده . !!

أبو أيمن
12-09-2010, 02:34 PM
والله يازكريا حسب لغة اليومين ديل...تعجبني فيك الشفافية.....
وربنا يشفيك ويسهل طريقك...عشان إعترافاتك الجريئة دي موزي ناس.......فلان وفلان...يدسدسوا ويغتغتوا.....

ابراهيم سليمان
12-09-2010, 05:56 PM
تحية طيبة
الختمية عندهم مدحة مشهورة.
يارب بهم وبآل بهم أسرع بالغوث وبالفرج
و اشغل اعدائى بانفسهم وابليهم ربى بالمرج.

تعرفوا المرج شنو؟؟؟؟

معناها البواسير!!!!!!
اتاريها دعوة كعبة خلاص ، حسب وصف الاخ زكريا دا.
لان المرج قالوا فى اللغة هى طرف الشئ.
مرج البحرين يلتقيان. يعنى طرفى البحرين يلتقيان ولا يختلطان، ويقال بسبب اختلاف كثافة المائين.
وخلق الجان من مارج من نار. يعنى طرف الشعلة ان تاملتها تجد فى طرفها جزء شفيف، خلق منه الجآن.
المروج الخضراء يبدو انها هى اطراف المدن المخضرة.
اللهم عافنا من بلاء المرج.

اسامة حمزة
12-10-2010, 10:15 PM
اقتباس:
المشاركة الأصلية كتبت بواسطة زكريا بابكر عمر http://albrkal.com/vb/images/styles/greendeluxe/buttons/viewpost.gif (http://albrkal.com/vb/showthread.php?p=207671#post207671)
...أها وكت حكاية الدم دي إستمرت كم يوم كدي ..قلته هييي الكلام ده ما بينفع أخير أمشي أشوفلي طريقة علاج عند الدكاتره قبال النصيبه دي تسويني في مشاكل تانيه..فعلا في جراح بعرفو مشيتلو بعد نهاية عيادتو بعد خلاص العيانيين كملو ... ودخلت عليهو وبعد السلام وحق الله بق الله قالي يا زول الجايبك نص الليل شنو؟؟ نعلك ما عندك عوجي !!قوتلو العوجي بايتي ومقيلي..يضحك..يا ساتر ماالك..وحكيتلو الحاصل كلووو ... قالي أمش علي الستاره ديك وإتقولع عشان أكشف عليك... دي شقاوة شنو الوقعته فيها دي (غايتو نحنه السودانيين ديل معقد أكتر مننا الله ما خلق ) غايتو إتوكلته علي الحي الدائم ودخلته وكشف علي وقالي يا زول هيييي إنته محتاج ليعمليه وفورا(لا عصيت لانسيت).. وبعدين...قالي شوف المسأله دي لو صهينته منها وأهملتها أكتر من كده حا تتطور ليناسور .... ناسوووور !!! (سجم خشمك آ ظكريي) .... قوتلو شوف يا دكتور أنا الله خلقني ما سويت لي عمليه ولا حتي دخلته عوضة عمليات ناهيك عن بنج وكلام زي ده .. والله خلقني مافي شيتا قطعو من جسمي ده علا أكان (سورتي والطهوره).. أماااني ضحكلو كتر ضحك... قالي يا أخي إنته ما فيك عرق جعليين ولا شنو؟ قوتلو يخربني علا أكان في حواء وآدم ورا... قالي ما تخاف عمليه بسيطه خااالص يوم والتاني وتكون عادي وترتاح من الآلام دي.... قوتلو إنته دحين يا دكتور الخرابه دحين ماقاعدين يكووها؟؟؟ أنا أخير لي أمشي الخرتوم ويكووها لي بدل العمليه ... قالي حقتك دي بالذات ما بينفع فيها الكي؟؟ .. قوتلو ليه !! راسه قوي !! قالي لالا إنته بواسيرك دي داخليه وكتيره وكمان معاها شق.... قولته شنو ؟ شق !!! يا دي النيله !! ... يعني يا دكتور لابد من عمليه ؟؟ ... أيوه وباكر ده كمان لو حبيت ... قوتلو أنا البحب!! ده دحين شيتا يحبو.. يا أخي أنا الجابني ليك شنو زاتو؟؟ ... قالي سيب الكلام الكتير وأمش أعمل الفحوصات دي ... عايزني أعمله ليك في ياتو مستشفي ؟ ...قوتلو يا دكتور مستشفي شنو إنته داير العالم تتكسر فوقي والعمايد والترامس تنطاقش علي... لالا ... قالي طيب تعمله في مستوصف ؟قولتلو أيوااا بس أنا عندي أصحابي أقباط (ما بيقلبو الشهادي) عندهن مستوصف أسويها عندهن ولا من شاف ولا من دري ... قالي خلاص هسع تمشيلن وترتب معاهن وتتصل بي .... فعلا مشيت ورتبته أموري معاهن وإتصلتبو وإتكلم معاهن وقالي تصبح صايم والساعه تمانيه تسلم نفسك ليجماعتك ديل وهن عارفين يعملو شنو وأنا الساعه وحده بجيك أعملك العمليه... أيا الله هوووووي تهونا .... وأنا مارق في جماعه جو لازلهن نقاله فوقه مريتا تسوي في الواضيقي ... واضيقي .. أنا أخوك إنته ... ماشي وراي شاب سألني ؟ مااله المره دي ؟؟ قوتلو يعني حا يكون عندها بواسير ما دايره تلد( الفي بالك يتمارالك) .. وحده من الممرضات تأشر للجماعه الازين النقاله وتقولهن ودوها العمليه طواالي المره دي فيها تيمان ولازم نعجل بالعمليه ....(يعني موبايل بيشريحتين) ... أها أنا عاد باكر ياااااا ربي مسلسلي يبقي كيفنو ... ونواصل :p:p:p


ياخ قول كلامك بلا نواصل بلا حركات طارق جبريل معاك ..
كمــّل خلنا النشوف باقي اشغالنا ..هي بواسير والا مهند ونور ..؟؟؟

قال نواصل قال ..!!
المنـك يمرق ضـُمـّة من المنتدي وتاني ولايجي حايم بي جاي ..


..

زكريا بابكر عمر
12-11-2010, 06:51 AM
إنت آ الخرابة قاع تاكل شنو ــ بإعتبار ما سيكون ــ لما إنشقيت
:d:d:d:d:d:d

نسأل الله السلامة و العافية

يشق حنكك;)... قاع آكل الدوم :p:p:p

زكريا بابكر عمر
12-11-2010, 06:56 AM
يا زول مالك داير تخوفنا
يعني معنى كلامك دا نمشي نفحص ونتأكد
ولا الشيء دي هلالها بيهل براهو ؟؟؟
دي مصيبة شنو مالك داير تدخلنا في شكوك وظن

إنته وحدا من الناس مابتجيك (مصداتك تعبانه) تجي للناس الغلاد .. إطمئن لا تمشي تكشف شي:p:p

زكريا بابكر عمر
12-11-2010, 07:12 AM
زكريا ..
ماك براك .. البلد كلها خربانة وتكوس في العلاج
في بوست للحبيب اشرف محمد خليفة في المنتدي الطبي
كلما امشي المتواجدون القي الضيوف كابسنو

البوست بعنوان : أعراض وطرق علاج البواسير والناسور؟
والرابط حقو من
هنا (http://www.albrkal.com/vb/showthread.php?t=372)..
يحتل المرتبة الثانية (تقريبا )من حيث المشاهدات بعد بوست الحبيب اسامة حمزة
قوز السراي ...
لكن المشاركات في بوست اشرف فقط اربعة مشاركات واكثر من 32000 مشاهدة
انظر الصورة
http://albrkal.com/files/nasoorzak.jpg


البطريق دا مشيهو ما عاجبني .. لايبقي عيان
http://www.albrkal.com/vb/image.php?u=51&dateline=1216198590


أوووو صاحبي وصل:p:p وماالك خايف كدي:eek:ماني ساعلك لا تشرد أقيف أقيف .... شايفك قلته البلد كووولها خربانه وتكوس في العلاج( بس لا يبقي إنته واحد منهم-كفي الله الشر-:p:p).... البطريق مشيهو خلو إنته مالك شارد زي الشافع الما حافظ النشيد وسواهو في وجع البطن وشال دفتر العياده:d:d:d

زكريا بابكر عمر
12-11-2010, 07:21 AM
النسيب الحسيب طارق

سؤال برئ : طبعاً البوست من 2007 ..... يعني لو في واحد بيزور البوست يومياً من
الزمن داك بمعدل 100 مرة في اليوم ..:d.. ممكن تكون معظم هذه المشاهدات منو ....:d.. يعني قول كدا قبل يقتنع يقابلو دكتور ...:d

عليك نور ومويه يا الكسلاوي أخوي(الناس كوولها مجانيين لكن شقي الحال البيقع في القيد;))..باقيلك الزول الواحد ده يكون منو:confused: عايزين نعرفو عشان نقنعو يمشي البطري أقصد الدكتور:d:d:d

زكريا بابكر عمر
12-11-2010, 07:28 AM
متابعين وخايفين نعلق
لكن بعد اسمنا ظهر (ومعاهوا صوركمان)
حمد لله الف على السلامه

أشرف أخوي ... وينك إنته... يا أخي تعال شوف الجماعه الكانو متابعين البوست بتاعك كوووولهن إتلمو بيهني (ما صدقو لقو ليهن زول فتحلهن الباب وجو متكبين ) باقيلك يكونو مااالن :p:p:p:p

زكريا بابكر عمر
12-11-2010, 07:36 AM
بسم الله الرحمن الرحيم
اللهم صل على محمد وعلى آله وصحبه أجمعين

كفاره يا زكريا أجر وعافيه يارب

كفر الله سيئاتك يا خدر يا فرده وإن شاء الله ما تشوف شر(يديك العافيه) ... المروووه يا الخدر تعال يا أخي أمرقني من الوكره الضكره دي ... الشي الناس دي أتاريها كووولها ممكونه ولابتين بس ما صدقو لقولن زول جاب السيره وإتبهلو ... الراي شنو يا الخدر أخوي:confused::confused:

زكريا بابكر عمر
12-11-2010, 08:26 AM
يا خال / حمد الله على السلامه , وكفاره وان شاء الله اجر وعافيه , بس فضيحتك بقت بجلاجل , ماكان فى طريقه لعمل العمليه بالسر . زى ما بقول المثل اقضو حوائجكم بالكتمان , الظاهر شمارك طلع ووصل لعطمنو , وعطمنو ماصدقت فتت الشمار كله بالمنتدى , وانت نخله من نخلات المنتدى عشان كده الناس بترميك بحجاره وانت ( تحت ) ليهم الثمر , غايتو نحنا لقطنا وانبسطنا للحكايه من ناحيه طريقه السرد .. باقيلك يا خال لو فى طريقه الزول يموتبها ما كان مت بيها انت . الخرابه ده هى ماقالو بقت ليزر وكى , اوعه يكون عملو ليك النظام القديم , ان كان النظام القديم الله يكون فى عونك , مستنين تكمل الخرابه ده لانو لسه الجاى اعظم , واحساسك ولحظات البنج , وبعد العمليه , يعنى تكمل لنا باقى الشمار للاخر , دحين ما تطول نحنا مستنين مسك الختام ..
ذكرتنى بصديق وكان بيحكى عن نفس الخرابه ده , حصلت له , بانه مر بنفس تجربتك ده , وقالى اصعب موقف واحرج موقف كان له هو لحظه دخول نسيبته , ام زوجته عليه , وهو فى السرير وقد احرج من هذا الموقف , وقالى كيف نسيبتى تجى تشوفنى بالموقف ده .. !!:p:p وانا قلت ليه الانسان ضعيف والمرض شى طبيعى وعادى اى كان نوعه ومكانه , ولا غضاضه انو تشوفك نسيبتك فى الموضع ده , دحين ما يكون نسيبتك جات المستشفى زى صاحبنا ده وشافتك فى الموقف ده . !!

ود أختي محمد ... إزيك وإزي عوينك ... ليك وحشه والله ... شوف يا ود أختي أنا إدسيت وإضاريت ولبته وعملته كل إحتياطات السريه الممكنه والغير ممكنه ... شفته كيف .. لكن خبري مرق وكلووو من خالك عز الدين بابكر ومن بعدو قصفنو... شالو حال أي زول كلمو .. ووكت لقيت حالي إنشال قلته يا صاحبي أفتو والكائن يكون :d... إطمئن أنا نسيبتي (الله يرحمه) وكانو معاي في المستوصف ولاد أخواتي سامي وحمزه وحذرتهم ما يجيبو سيره ما عارف عز الدين وعطمنو ديل لقو الخبر وين !!!يا زول أنا بلوتي دي قالو الكي ما بنفع معاها وإتوكلت عليك يا الله وسويته بالشغل القديم ... لكن الحمد لله الآن عال العال ... تسلم يا حبيب ... تحياتي ,,,,,

زكريا بابكر عمر
12-11-2010, 08:34 AM
والله يازكريا حسب لغة اليومين ديل...تعجبني فيك الشفافية.....
وربنا يشفيك ويسهل طريقك...عشان إعترافاتك الجريئة دي موزي ناس.......فلان وفلان...يدسدسوا ويغتغتوا.....

صاحبي شدييييد أبو أيمن .... إزيك يا أخي ونعلك طويب ... يا أبوأيمن إعترافاتي طايري:d أنا باقيلك كته ناويها لو ما المطاميس ديل.. عليك أمان الله كته جاي أموتبها علا براك شايف البقت علي ... الناس البيغتغتو ديل أنا لابت لهم أماااني ما بشيل حالن زي ما شالو حالي بس أصبر لي حا يمشو مني وين ؟؟؟ تسلم يا حبيب علي المرور ... تحياتي ,,,,

زكريا بابكر عمر
12-11-2010, 08:41 AM
تحية طيبة
الختمية عندهم مدحة مشهورة.
يارب بهم وبآل بهم أسرع بالغوث وبالفرج
و اشغل اعدائى بانفسهم وابليهم ربى بالمرج.

تعرفوا المرج شنو؟؟؟؟

معناها البواسير!!!!!!
اتاريها دعوة كعبة خلاص ، حسب وصف الاخ زكريا دا.
لان المرج قالوا فى اللغة هى طرف الشئ.
مرج البحرين يلتقيان. يعنى طرفى البحرين يلتقيان ولا يختلطان، ويقال بسبب اختلاف كثافة المائين.
وخلق الجان من مارج من نار. يعنى طرف الشعلة ان تاملتها تجد فى طرفها جزء شفيف، خلق منه الجآن.
المروج الخضراء يبدو انها هى اطراف المدن المخضرة.
اللهم عافنا من بلاء المرج.

أول مره يا ابراهيم أعرف المرج هي البواسير !! والله أتاريها دعوه كعبي خلاص ... أيي الله يعافيكم من بلاء المرج ... تسلم يا حبيب ومشكور علي المعلومه .. تحياتي ,,,

زكريا بابكر عمر
12-11-2010, 08:50 AM
اقتباس:
المشاركة الأصلية كتبت بواسطة زكريا بابكر عمر http://albrkal.com/vb/images/styles/greendeluxe/buttons/viewpost.gif (http://albrkal.com/vb/showthread.php?p=207671#post207671)
...أها وكت حكاية الدم دي إستمرت كم يوم كدي ..قلته هييي الكلام ده ما بينفع أخير أمشي أشوفلي طريقة علاج عند الدكاتره قبال النصيبه دي تسويني في مشاكل تانيه..فعلا في جراح بعرفو مشيتلو بعد نهاية عيادتو بعد خلاص العيانيين كملو ... ودخلت عليهو وبعد السلام وحق الله بق الله قالي يا زول الجايبك نص الليل شنو؟؟ نعلك ما عندك عوجي !!قوتلو العوجي بايتي ومقيلي..يضحك..يا ساتر ماالك..وحكيتلو الحاصل كلووو ... قالي أمش علي الستاره ديك وإتقولع عشان أكشف عليك... دي شقاوة شنو الوقعته فيها دي (غايتو نحنه السودانيين ديل معقد أكتر مننا الله ما خلق ) غايتو إتوكلته علي الحي الدائم ودخلته وكشف علي وقالي يا زول هيييي إنته محتاج ليعمليه وفورا(لا عصيت لانسيت).. وبعدين...قالي شوف المسأله دي لو صهينته منها وأهملتها أكتر من كده حا تتطور ليناسور .... ناسوووور !!! (سجم خشمك آ ظكريي) .... قوتلو شوف يا دكتور أنا الله خلقني ما سويت لي عمليه ولا حتي دخلته عوضة عمليات ناهيك عن بنج وكلام زي ده .. والله خلقني مافي شيتا قطعو من جسمي ده علا أكان (سورتي والطهوره).. أماااني ضحكلو كتر ضحك... قالي يا أخي إنته ما فيك عرق جعليين ولا شنو؟ قوتلو يخربني علا أكان في حواء وآدم ورا... قالي ما تخاف عمليه بسيطه خااالص يوم والتاني وتكون عادي وترتاح من الآلام دي.... قوتلو إنته دحين يا دكتور الخرابه دحين ماقاعدين يكووها؟؟؟ أنا أخير لي أمشي الخرتوم ويكووها لي بدل العمليه ... قالي حقتك دي بالذات ما بينفع فيها الكي؟؟ .. قوتلو ليه !! راسه قوي !! قالي لالا إنته بواسيرك دي داخليه وكتيره وكمان معاها شق.... قولته شنو ؟ شق !!! يا دي النيله !! ... يعني يا دكتور لابد من عمليه ؟؟ ... أيوه وباكر ده كمان لو حبيت ... قوتلو أنا البحب!! ده دحين شيتا يحبو.. يا أخي أنا الجابني ليك شنو زاتو؟؟ ... قالي سيب الكلام الكتير وأمش أعمل الفحوصات دي ... عايزني أعمله ليك في ياتو مستشفي ؟ ...قوتلو يا دكتور مستشفي شنو إنته داير العالم تتكسر فوقي والعمايد والترامس تنطاقش علي... لالا ... قالي طيب تعمله في مستوصف ؟قولتلو أيوااا بس أنا عندي أصحابي أقباط (ما بيقلبو الشهادي) عندهن مستوصف أسويها عندهن ولا من شاف ولا من دري ... قالي خلاص هسع تمشيلن وترتب معاهن وتتصل بي .... فعلا مشيت ورتبته أموري معاهن وإتصلتبو وإتكلم معاهن وقالي تصبح صايم والساعه تمانيه تسلم نفسك ليجماعتك ديل وهن عارفين يعملو شنو وأنا الساعه وحده بجيك أعملك العمليه... أيا الله هوووووي تهونا .... وأنا مارق في جماعه جو لازلهن نقاله فوقه مريتا تسوي في الواضيقي ... واضيقي .. أنا أخوك إنته ... ماشي وراي شاب سألني ؟ مااله المره دي ؟؟ قوتلو يعني حا يكون عندها بواسير ما دايره تلد( الفي بالك يتمارالك) .. وحده من الممرضات تأشر للجماعه الازين النقاله وتقولهن ودوها العمليه طواالي المره دي فيها تيمان ولازم نعجل بالعمليه ....(يعني موبايل بيشريحتين) ... أها أنا عاد باكر ياااااا ربي مسلسلي يبقي كيفنو ... ونواصل :p:p:p


ياخ قول كلامك بلا نواصل بلا حركات طارق جبريل معاك ..
كمــّل خلنا النشوف باقي اشغالنا ..هي بواسير والا مهند ونور ..؟؟؟

قال نواصل قال ..!!
المنـك يمرق ضـُمـّة من المنتدي وتاني ولايجي حايم بي جاي ..


..

شوفو ده:eek: إنته بس الله مو مرقك من النبيشي وشيل الحال ;).... قلته شنو!! المنيي يمرق ضمه من المنتدي ده !!! ليه سارقلي عتود :p ولا سارقلي مندي وجبتو للناس في الرحله:p أنا هسع جبته سيرة زول أبقي شاهد يا أسامه أنا لا جبته سيرة طارق ولا ودكروم :d:d:d

عبد العظيم السعيد
12-11-2010, 08:54 AM
غايتو نحنه السودانيين ديل معقد أكتر مننا الله ما خلق ) غايتو إتوكلته علي الحي الدائم ودخلته وكشف علي وقالي يا زول هيييي إنته محتاج ليعمليه وفورا(لا عصيت لانسيت).. :p:p:p[/color]


يمين لا معقدين ولا حاجة ..
صاحبا لينا وقت فحصوا الدكتور وهو في ذاك الوضع العجيب .. اتلفت على الدكتور وقالو .. (يادكتور انت قاعد تفحص ولا تولد لك في نعجي ..!؟) :eek: :eek:
سلامتك يا كريا ..

زكريا بابكر عمر
12-11-2010, 09:21 AM
يمين لا معقدين ولا حاجة ..
صاحبا لينا وقت فحصوا الدكتور وهو في ذاك الوضع العجيب .. اتلفت على الدكتور وقالو .. (يادكتور انت قاعد تفحص ولا تولد لك في نعجي ..!؟) :eek: :eek:
سلامتك يا كريا ..

:d:dيزعلني الله يا عبد العظيم ضحكته لامن دموعي جرن:d:dلأنو إتخيلته منظر زولك ده وهو يكشفولو (وحات الله بس ياها ولادة النعجي:d)... الله يجازي محنك يا عبد العظيم:d ... والله يا عبدو الخرابه دي كل شي فيها مخالف الكان كشف ولا أكان عمليه ..كلوو شين وقبيح ومقرف كمان بس دايري صبر ... مالك آ عبد العظيم داير تخوف الجماعه الدايرين يسووها يا أخي :d:d:d

عيدابي
12-11-2010, 03:02 PM
اخوي زكريا الله على شفافتك ووضوحك
النافس عين الشمش عشاناها معاك لحظات كأنا
المصابين بالبواسير والف حمد على السلامة
وعايز اوصف ليك حاجة الله لا جابها ليك تاني
وان جاتك دواك عندي بكلمك جد لا عملية لا خوابير لا
الم لا وجع راس والعلاج هو
1 تحاميل ( نيو هيلار) neo HEALAR متوفر في الصيدليات
2 (قريم زون ) GRENASON معجون مرهم
يوجد عند العطارين صناعة هندية
وهذه الوصفة اسمها البديل للجراحة
استعمال الاثنين لمدة اسبوعين الى ثلاثة اسابيع
والكمدة بالرمدة وان بقيت اشتكيت من بواسير تاني
لا تمدلي ايدك واذا ما متوفر عندكم انا برسلن ليك
ودعواتك .... بكلمك جد جد اسال مجرب ولا تسال طبيب
لكن كلامي ده ما في صالح الجراحين
وارجو ان يستفيد من هذه الروشتة كل الاخوان بالموقع
اها بي تصوت لي........
دمت بالف خير

أبوزهير
12-11-2010, 04:42 PM
اخي عيدابي
لك الاجر إن شاء الله
ربما الجماعه يخجلوا من زكريا ولا يسألوا
انا بحمد الله لا اعاني من اي شئ من هذا القبيل لكن من باب العلم بالشئ والمنفعه للكثيرين المستحين زي ماب يقول زكريا.. نسيت ان تكمل جميلك وتتمموا.. كيفية الاستعمال كم مره التحاميل ومتى ومتى يستخدم البرهم هل معا او منفصلات وكم مره في اليوم.
كما اود ان اضيف اخي عيدابي اظن هناك خطا مطبعي غير مقصود الاسم بالعربي للتحاميل كما كتبته انت نيو هيلار وبالانجليزي neo mealar ياترى هل هو نيو ميلار حسب الانجليزي او هو نيو هلار وبالتالي يكونneo healar . ايضا البرهم هل هو قريم زان كما ذكرت بالعربي او هو قرنازون كما هو بالانجليزي Grenasonأي هل نقلب الـ n إلى m
لك تحياتي وثبت الله اجرك

بابكر علي بابكر
12-11-2010, 04:59 PM
والعلاج هو
1 تحاميل ( نيو هيلار) neo mealar متوفر في الصيدليات

ود العم زكريا
كفارة وحمداً لله على السلامة
لا تزعل رقبتك وتتور نفسك مع الجماعة ديل لأن الزعل بيرجع ليك المرج مرة تانية
يمكنك الإستعانة بالأرباب عند الضرورة .... حمدا لله على السلامة
أخونا عيدابى
تحيات وسلام شديد
إنت مسعول من الخير التحاميل دى ( بالهاء) ولا (بالميم )
زكريا خلاص أمره إنقضى لكن الإستفسار لمن يرغبون فى خوض التجربه بعيدا عن الطريق الذى ورد بالقصة
نتمنى لك التوفيق

عيدابي
12-11-2010, 07:35 PM
الاخ ابو زهير الاخ بابكر
كويس انكم نبهتوني للخطأ في اسم
نيو هيلار والاسم الصحيح بالانجليزي هو
neo HEALAR والاستعمال حسب وصف الطبيب
التحاميل تحميلة واحدة ثلاثة مرات في اليوم
لا تقل عن ثلاثة اسابيع ومكتوب في الوصفة الطبية انها تغني
عن الجراحة وده ما حصل بالنسبة لي فعلاً ولغيري من
الذين استعملوها اما معجون المرهم قريم زون هو علاج مساعد
لهذه التحاميل وهو علاج فعال لداء البوسير والحروق
خاصة في حالة البواسير الخارجية لان التحاميل فعالة
في حالة البواسير الداخلية اكثر من الخارجية
واستعماله المرهم مسح في مكان البواسير في الجهة الخارجية بعد
وضع التحميلة كما هو معروف والقريم زون موجود
في محلات العطارة منتج هندي وايضا هو علاج فعال
لجروح لمن هم مصابون بداء السكري
والاسم الصحيح بالانجليزي
للقريم زون هو GRENASON ودعواتكم للطبيب
الذي نفعنا بهذه الوصفة بدوام الصحة والعافية
جزاه الله كل خير وهو صديق عزيز ورفيق درب في العمل العام
وصحة وعافية ان شاءالله

زكريا بابكر عمر
12-12-2010, 09:46 AM
اخوي زكريا الله على شفافتك ووضوحك
النافس عين الشمش عشاناها معاك لحظات كأنا
المصابين بالبواسير والف حمد على السلامة
وعايز اوصف ليك حاجة الله لا جابها ليك تاني
وان جاتك دواك عندي بكلمك جد لا عملية لا خوابير لا
الم لا وجع راس والعلاج هو
1 تحاميل ( نيو هيلار) neo HEALAR متوفر في الصيدليات
2 (قريم زون ) GRENASON معجون مرهم
يوجد عند العطارين صناعة هندية
وهذه الوصفة اسمها البديل للجراحة
استعمال الاثنين لمدة اسبوعين الى ثلاثة اسابيع
والكمدة بالرمدة وان بقيت اشتكيت من بواسير تاني
لا تمدلي ايدك واذا ما متوفر عندكم انا برسلن ليك
ودعواتك .... بكلمك جد جد اسال مجرب ولا تسال طبيب
لكن كلامي ده ما في صالح الجراحين
وارجو ان يستفيد من هذه الروشتة كل الاخوان بالموقع
اها بي تصوت لي........
دمت بالف خير

أوووو عمدتنا عيدابي ...يا أخي والله البوست نور بوجودك(رغم إنو بوست الياباك:d) .... يازول أنا ما صوته ليك إنته أصوت ليمنو!! أصواتي الإتنين أديك ليها (معقول أديها ليطارق وعوض جلاس السجمانين ديل:pواحد حرامي والتاني شايل مديتو الحاره ويوزع فيها:cool:)...يا أخي علاجك ده ما كنته أعرفو قبال ما مالطه تخرب;) أقلاها كنته إرتحته من العمليه المهببه دي ... لكن برضو ما بطال الجايين وراي يستفيدو والله لا جابه ليمسلم يقلب الشهادي ...ياااامين ... مشكور يا حبيب ...تحياتي ,,,,

عوض جلاس
12-12-2010, 09:59 AM
أوووو عمدتنا عيدابي ...يا أخي والله البوست نور بوجودك(رغم إنو بوست الياباك:d) .... يازول أنا ما صوته ليك إنته أصوت ليمنو!! أصواتي الإتنين أديك ليها (معقول أديها ليطارق وعوض جلاس السجمانين ديل:pواحد حرامي والتاني شايل مديتو الحاره ويوزع فيها:cool:)...يا أخي علاجك ده ما كنته أعرفو قبال ما مالطه تخرب;) أقلاها كنته إرتحته من العمليه المهببه دي ... لكن برضو ما بطال الجايين وراي يستفيدو والله لا جابه ليمسلم يقلب الشهادي ...ياااامين ... مشكور يا حبيب ...تحياتي ,,,,

هو صوتك ذاتو شن طعموا
هي العملية خلت فيك صوت ؟؟؟ قالوا صوَّتا لامن حسك جاب الطاش
وكويس الخليفة عيدابي جاب العلاج دا بعد ما شرحوك :d:d

زكريا بابكر عمر
12-12-2010, 10:01 AM
اخي عيدابي
لك الاجر إن شاء الله
ربما الجماعه يخجلوا من زكريا ولا يسألوا
انا بحمد الله لا اعاني من اي شئ من هذا القبيل لكن من باب العلم بالشئ والمنفعه للكثيرين المستحين زي ماب يقول زكريا.. نسيت ان تكمل جميلك وتتمموا.. كيفية الاستعمال كم مره التحاميل ومتى ومتى يستخدم البرهم هل معا او منفصلات وكم مره في اليوم.
كما اود ان اضيف اخي عيدابي اظن هناك خطا مطبعي غير مقصود الاسم بالعربي للتحاميل كما كتبته انت نيو هيلار وبالانجليزي neo mealar ياترى هل هو نيو ميلار حسب الانجليزي او هو نيو هلار وبالتالي يكونneo healar . ايضا البرهم هل هو قريم زان كما ذكرت بالعربي او هو قرنازون كما هو بالانجليزي Grenasonأي هل نقلب الـ n إلى m
لك تحياتي وثبت الله اجرك

الجماعه يا أبو زهير ما مسألة خجل(هن ديل قاع يخجلو;)) .... بس خايفين من شيل الحال ونقر الطار وأنا وراهن والزمن طويل والله ولاد اللذينه آمنو وفركو العدس علا أبشتن بيسوقن وحا أركبلي صايح بس أصبرلي:d:d:d

زكريا بابكر عمر
12-12-2010, 10:17 AM
ود العم زكريا
كفارة وحمداً لله على السلامة
لا تزعل رقبتك وتتور نفسك مع الجماعة ديل لأن الزعل بيرجع ليك المرج مرة تانية
يمكنك الإستعانة بالأرباب عند الضرورة .... حمدا لله على السلامة
أخونا عيدابى
تحيات وسلام شديد
إنت مسعول من الخير التحاميل دى ( بالهاء) ولا (بالميم )
زكريا خلاص أمره إنقضى لكن الإستفسار لمن يرغبون فى خوض التجربه بعيدا عن الطريق الذى ورد بالقصة
نتمنى لك التوفيق


إبن عمي بابكر ... شديد يابا ... نعلك إنته وعوينك طيبين(يديكم العافيه ) يا بابكر كيفن آ بزعل وأتور نفسي الناس ديل كرهوني وعذبوني وبقو ما عندهم شغله بلا بواسير الضُلمه حقتي دي التقول أول زول يسويها (بيني وبينك أنا لابت لهن كدي واحد اليسويها أماااني ما بتفشه فيهو:d) ...مشكور يا ملك ...تحياتي ,,,,

زكريا بابكر عمر
12-12-2010, 10:28 AM
هو صوتك ذاتو شن طعموا
هي العملية خلت فيك صوت ؟؟؟ قالوا صوَّتا لامن حسك جاب الطاش
وكويس الخليفة عيدابي جاب العلاج دا بعد ما شرحوك :d:d

صوتي شن طعمو !!! كويس... أنا حا أقوم بيحمله إعلاميه ضخمه ضدك إنته والحمبره التاني المعاك داك وحا أستعمل كل الأساليب العديلي والملوله لامن أصقط حجركن ...لكن:confused:... قرب جاي وأدني أضانك( الكاش يقلل النقاش والفلوس ترضي العروس والمال يهد الجُبال وكلك نظر;);))...يلا إنته وصاحبك داك سيبو الجلدنه وحركو قدام:cool::cool:

عوض جلاس
12-12-2010, 11:05 AM
صوتي شن طعمو !!! كويس... أنا حا أقوم بيحمله إعلاميه ضخمه ضدك إنته والحمبره التاني المعاك داك وحا أستعمل كل الأساليب العديلي والملوله لامن أصقط حجركن ...لكن:confused:... قرب جاي وأدني أضانك( الكاش يقلل النقاش والفلوس ترضي العروس والمال يهد الجُبال وكلك نظر;);))...يلا إنته وصاحبك داك سيبو الجلدنه وحركو قدام:cool::cool:

يقرش كنكونك أنا قالولك من حب الشغلانية دي كمان أدفعلها قروش ؟؟؟
أنا ذاتي أصواتي أديتها طارق وعيدابي أها رأيك شنو ؟؟؟

زكريا بابكر عمر
12-12-2010, 11:13 AM
يقرش كنكونك أنا قالولك من حب الشغلانية دي كمان أدفعلها قروش ؟؟؟
أنا ذاتي أصواتي أديتها طارق وعيدابي أها رأيك شنو ؟؟؟

رووح جاتك دهيه...أصلو الزول ما يلقي من وراك كدّه :cool:... كدي النمشي علي الحرامي:p .... هي أكنو يعني الشغلانه دي مافيها ماهيي؟؟ ولا حتي غمتة مُزين ؟؟ نان فايدته شني !! الكان كدي دي أخير منها بواسيري دي;););)

كسلاوي
12-12-2010, 11:30 AM
رووح جاتك دهيه...أصلو الزول ما يلقي من وراك كدّه :cool:... كدي النمشي علي الحرامي:p .... هي أكنو يعني الشغلانه دي مافيها ماهيي؟؟ ولا حتي غمتة مُزين ؟؟ نان فايدته شني !! الكان كدي دي أخير منها بواسيري دي;););)

:d :d :d :d :d هي كانت بواسير... ولا سوق مواسير.....:d :d :d :d

زكريا بابكر عمر
12-12-2010, 12:33 PM
:d :d :d :d :d هي كانت بواسير... ولا سوق مواسير.....:d :d :d :d

والله صدقته :dسوق مواسير ..... أها يا صاحبي أمشيلكن علي باقي القصه (إنته طبعاً عااارف التفاصيل بحكم المهنه) أرحكا :d:d:d

زكريا بابكر عمر
12-12-2010, 12:34 PM
أها ..جيت الصباح بدري وفي الميعاد القالو ليّ ناس المستوصف.. وجيت صايم لا عشي ولا شاي صباح ولا جبنه جيتن مريوق تب بطني في ضهري وراسي يسوي في الزننننن.. ودخلته علي مكتب الإستقبال (كلهن أقباط) .. قالي تمشي غرفه رقم 4 جاهزه تخت أغراضك فيها وطوالي تمشي للسستر منتظراك في غرفة العمليات الصُغري عشان تجهزك للعمليه ... تجهزني !!! تجهيزن كيفنو ده كمان ؟؟ دي بلاوي شنو الإتشربكته فيها دي !! .. إتوكلته علي الله ..ومشيت الغرفه وختيت أكياسي وصُرري ... بلا تجيني ممرضه كدي ويحيتاً متل عصاية الطرفي (كملاني من لحم الدنيي) وليها نخرتاً طوييييلي متل السبلوقه والخرابه شدة ماها حمره لامن منقلبي بمبيييي زي القرينه ... أها يا الأخت شن دايري ؟؟؟ قالتلي أرح معاي السستر منتظراك ... وهي قدامي وأنا وراها أجرجر في كرعيي وحدي ورا والتاني قدام زي الحُمار المدخلنو البنطون .. وقالت كدي دخلتي في عوضة العمليه الصُغري وقالت للسستر ده زول العمليه إستلميهو (التقول طرد) ... أعاين بلا أشوفلك حلبيتاً غليييييدي (التقول جايبنها من سوق الموسكي)..براي بيقلبي قولته هسع دي سستر ولا دلالية عِدي!! وهسع الخرابه دي آ قصفيي إن قالت كدي رمتك علي قفاك وبركت فوقك نان مو ياكا الفطسان... أيا الله هيييي الليلي تستره معاي .. وقالت كدي الممرضه لقطت كرعيها المتل المفاريك ومرقت وخلتني مع الدفار ده ... صباح الخير يا فندم .. خير!! ماهو باين من أولو.... صباح النور ... روح علي الستاره ديييك وطلع ملابسك وأرقد علي بطنك ... أها ... ده اللعوج ترا والشين نهايت حدو ... وما إشتغلت بي كتير.. وأشوفه ليك شايلاله خرتوش طوييييل وتطمس فيهو في جردل كدي وتسحب وتنفخ(أتاريهو صابون).. أنا أخوك إنته.. نعلو الخرتوش الطويل ده مو جاي ........:eek: والله قربته أقولها هييييي أنا العمليه دي خليته ... بلا أشوفه ليك جات علي بيجردله وخرتوشه زي الداير يتم تنك العربيي... نان الحلبيي دي سوت فيّ جنس سوا...قررررب خرتوشه ده يجي مارق بيخشمي ... بالله زي البيسحبلو في جاز من البرميل... وحات ربي لامن عيوني كبتن ...وحسيت بيبطني دي ماشي لافوق (يا أخوانا دي أصلها عمليه صُغري ولا بنشر).. وده التحضير يا ربي العمليه كيفنها؟؟... يااا بت الناس هييي ما خلاص صابونك ده كمل ؟؟ أصبر شويه... أصبر!! .. أنا تطير عيشتي أنا الكان بصبر كان صبرته في بطن أمي.. والله صابونك ده يغسلو جلابيتين وعِمِي..كفي خلاص صابونك ده بعد ده بيجي مارق بينخريّ ... وقالت كدي سونقت خرتوشه ده وسلتو مرقتو ... لا إله إلا الله محمد رسول الله ..إتشهدته وإستغفرته وشلته نفسي وختيتو .... قالتلي إنتظر شويه زي عشره دقايق حتن تمشي الحمام.... عشره دقايق ياته؟؟ بالله بس زي خمسه دقايق كدي بلا بطني كركبت وصار عاليها سافله ... وجري علي الحمام .... وشووووووو ....الشهادي البيني والميتي الهيني ... نان هي لغاويس(لا عصيت لا نسيت) والحاله دي البطن كانت فاضي ..يعني لو كان رمرمته وحشيته كان لاهسع قاعد في الحمام... وجيت مارق من الحمام الولدوها بيتيمان مو متلي .. قالتلي خلاص أمش إنتظر في عوضتك وتظل صايم لامن الجراح يجي وبتجيك الممرضه تدخلك العمليه... قربته أقولها عليكم الله ما عندكم ممرضه شويي كدي شايلي حيله بدل ممرضتكم المتل قلم الرصاص دي ..أنا أصلي بس تبقي عليّ ميتي وخراب ديار ... أها العمليه دي كمان موضوع تاني.... الله يعفاكن وفتكن بيعافيه .:p:p:p

أبوزهير
12-12-2010, 03:28 PM
زكريا
دي لاغاويس تامزين.. الحمد لله الطلعت.. انت قايل الجاب ليك البواسير شنو؟ ما ياها بلاوي تامزين وامثالها.. انا زمان قلت ليك تامزين واصنافها يسون بودرة حجر البطاريه في المشروب عشان يبق قوي.. وتتمخت ولا تغسل ايدها وتمرق السفه ولا تتننضف وعرق اباطها ينقط في المريسي.. يا زول الحمد لله الطلع بالصابون انت الان طاهر مطهر صحيا من تلك اللغاويس من عارف الله لا قدر كان يمكن بعد ما ها بواسير تقوم تسويلها شيتا آخر جوه بطنك
بمناسبة النظافة وانت المثقف الواعي صحيا هناك خطوه استباقيه من النظافه اوع يكون ما سويتها براك وجيت المستوصف بلا نظافه؟

زكريا بابكر عمر
12-12-2010, 04:29 PM
زكريا
دي لاغاويس تامزين.. الحمد لله الطلعت.. انت قايل الجاب ليك البواسير شنو؟ ما ياها بلاوي تامزين وامثالها.. انا زمان قلت ليك تامزين واصنافها يسون بودرة حجر البطاريه في المشروب عشان يبق قوي.. وتتمخت ولا تغسل ايدها وتمرق السفه ولا تتننضف وعرق اباطها ينقط في المريسي.. يا زول الحمد لله الطلع بالصابون انت الان طاهر مطهر صحيا من تلك اللغاويس من عارف الله لا قدر كان يمكن بعد ما ها بواسير تقوم تسويلها شيتا آخر جوه بطنك
بمناسبة النظافة وانت المثقف الواعي صحيا هناك خطوه استباقيه من النظافه اوع يكون ما سويتها براك وجيت المستوصف بلا نظافه؟

غايتو يا أبو زهير بارك الله فيك البوست ده إنته الكان ما دخلته فيهو وعقمتو كان ريحتو تلاقي الزول من خشم الباب :d ...الخطوه الإستباقيه يا صاحبي دي ماذكرتها متعمد(فتها حوفا)خوفا من رجال الأمن وقطاع الطرق:d فرزتو .... والله يا أبوزهير إنته لا عرفناك بتاع مباحث لا عرفناك مراسل لا عرفناك دكتور(ما شاء الله وتبارك الله) وأنا أصلو بقيت أرجي ردودك بيفارق الصبر... يا أخي الله لا حرمنا من مداخلاتك:d:d:d

عمر مجذوب خطيب
12-12-2010, 05:05 PM
زكريا كفارة - والله دا اجمل بوست

عوض جلاس
12-12-2010, 07:55 PM
زكريا كفارة - والله دا اجمل بوست

عمر دايرنك تشيلو توديهو لناس الجزيرة يعملوهو خبر رئيسي في نشرتهم

زكريا بابكر عمر
12-13-2010, 06:16 AM
عمر دايرنك تشيلو توديهو لناس الجزيرة يعملوهو خبر رئيسي في نشرتهم


نان إنتو مقصرين;) ما تراكن مركبين الصايح :cool::cool:

علاء كرار
12-13-2010, 08:15 AM
زكريا
دي لاغاويس تامزين.. الحمد لله الطلعت.. انت قايل الجاب ليك البواسير شنو؟ ما ياها بلاوي تامزين وامثالها.. انا زمان قلت ليك تامزين واصنافها يسون بودرة حجر البطاريه في المشروب عشان يبق قوي.. وتتمخت ولا تغسل ايدها وتمرق السفه ولا تتننضف وعرق اباطها ينقط في المريسي.. يا زول الحمد لله الطلع بالصابون انت الان طاهر مطهر صحيا من تلك اللغاويس من عارف الله لا قدر كان يمكن بعد ما ها بواسير تقوم تسويلها شيتا آخر جوه بطنك
بمناسبة النظافة وانت المثقف الواعي صحيا هناك خطوه استباقيه من النظافه اوع يكون ما سويتها براك وجيت المستوصف بلا نظافه؟

انتا يا ابو زهير بدل اللفة الطويلة بس قولو نعيما :d:d:d:d:d

كسلاوي
12-13-2010, 08:40 AM
أها ..جيت الصباح بدري وفي الميعاد القالو ليّ ناس المستوصف.. وجيت صايم لا عشي ولا شاي صباح ولا جبنه جيتن مريوق تب بطني في ضهري وراسي يسوي في الزننننن.. ودخلته علي مكتب الإستقبال (كلهن أقباط) .. قالي تمشي غرفه رقم 4 جاهزه تخت أغراضك فيها وطوالي تمشي للسستر منتظراك في غرفة العمليات الصُغري عشان تجهزك للعمليه ... تجهزني !!! تجهيزن كيفنو ده كمان ؟؟ دي بلاوي شنو الإتشربكته فيها دي !! .. إتوكلته علي الله ..ومشيت الغرفه وختيت أكياسي وصُرري ... بلا تجيني ممرضه كدي ويحيتاً متل عصاية الطرفي (كملاني من لحم الدنيي) وليها نخرتاً طوييييلي متل السبلوقه والخرابه شدة ماها حمره لامن منقلبي بمبيييي زي القرينه ... أها يا الأخت شن دايري ؟؟؟ قالتلي أرح معاي السستر منتظراك ... وهي قدامي وأنا وراها أجرجر في كرعيي وحدي ورا والتاني قدام زي الحُمار المدخلنو البنطون .. وقالت كدي دخلتي في عوضة العمليه الصُغري وقالت للسستر ده زول العمليه إستلميهو (التقول طرد) ... أعاين بلا أشوفلك حلبيتاً غليييييدي (التقول جايبنها من سوق الموسكي)..براي بيقلبي قولته هسع دي سستر ولا دلالية عِدي!! وهسع الخرابه دي آ قصفيي إن قالت كدي رمتك علي قفاك وبركت فوقك نان مو ياكا الفطسان... أيا الله هيييي الليلي تستره معاي .. وقالت كدي الممرضه لقطت كرعيها المتل المفاريك ومرقت وخلتني مع الدفار ده ... صباح الخير يا فندم .. خير!! ماهو باين من أولو.... صباح النور ... روح علي الستاره ديييك وطلع ملابسك وأرقد علي بطنك ... أها ... ده اللعوج ترا والشين نهايت حدو ... وما إشتغلت بي كتير.. وأشوفه ليك شايلاله خرتوش طوييييل وتطمس فيهو في جردل كدي وتسحب وتنفخ(أتاريهو صابون).. أنا أخوك إنته.. نعلو الخرتوش الطويل ده مو جاي ........:eek: والله قربته أقولها هييييي أنا العمليه دي خليته ... بلا أشوفه ليك جات علي بيجردله وخرتوشه زي الداير يتم تنك العربيي... نان الحلبيي دي سوت فيّ جنس سوا...قررررب خرتوشه ده يجي مارق بيخشمي ... بالله زي البيسحبلو في جاز من البرميل... وحات ربي لامن عيوني كبتن ...وحسيت بيبطني دي ماشي لافوق (يا أخوانا دي أصلها عمليه صُغري ولا بنشر).. وده التحضير يا ربي العمليه كيفنها؟؟... يااا بت الناس هييي ما خلاص صابونك ده كمل ؟؟ أصبر شويه... أصبر!! .. أنا تطير عيشتي أنا الكان بصبر كان صبرته في بطن أمي.. والله صابونك ده يغسلو جلابيتين وعِمِي..كفي خلاص صابونك ده بعد ده بيجي مارق بينخريّ ... وقالت كدي سونقت خرتوشه ده وسلتو مرقتو ... لا إله إلا الله محمد رسول الله ..إتشهدته وإستغفرته وشلته نفسي وختيتو .... قالتلي إنتظر شويه زي عشره دقايق حتن تمشي الحمام.... عشره دقايق ياته؟؟ بالله بس زي خمسه دقايق كدي بلا بطني كركبت وصار عاليها سافله ... وجري علي الحمام .... وشووووووو ....الشهادي البيني والميتي الهيني ... نان هي لغاويس(لا عصيت لا نسيت) والحاله دي البطن كانت فاضي ..يعني لو كان رمرمته وحشيته كان لاهسع قاعد في الحمام... وجيت مارق من الحمام الولدوها بيتيمان مو متلي .. قالتلي خلاص أمش إنتظر في عوضتك وتظل صايم لامن الجراح يجي وبتجيك الممرضه تدخلك العمليه... قربته أقولها عليكم الله ما عندكم ممرضه شويي كدي شايلي حيله بدل ممرضتكم المتل قلم الرصاص دي ..أنا أصلي بس تبقي عليّ ميتي وخراب ديار ... أها العمليه دي كمان موضوع تاني.... الله يعفاكن وفتكن بيعافيه .:p:p:p

صاحبي لزم أبو الزيك ...ربنا يبلغك العافية التامة ...اللهم آمين
بعدين ...يعني أنت زعلان ... من انابيب البلاستيك :d
طيب يا صاحبي شوف الحكاية بدايتا في الطب كانت كيف
والجهازين ..الأول للخصوصية ...والتاني بمساعدة طاقم التمريض ... ولك حرية الإختيار :d


http://albarkal.com/xu2/index.php/image/direct/Z78zMCoj1k/bar00035.jpg

عوض جلاس
12-13-2010, 09:18 AM
بمناسبة النظافة وانت المثقف الواعي صحيا هناك خطوه استباقيه من النظافه اوع يكون ما سويتها براك وجيت المستوصف بلا نظافه؟

باقيلك يا ابو زهير لو عمل الخطوة الاستباقية دي
كان الممرضة جاتو بي جرادلها وصابونها ؟؟؟؟

أبوزهير
12-13-2010, 10:22 AM
علاء كرار
تحياتي
ياخي خفف على زكريا شويه
زكريا دهـ أكثر زول منسجم مع نفسه وصادق وشفاف
منو الفيكم يقدر يقول ما يقوله زكريا؟
بطل الغتاته

أبوزهير
12-13-2010, 10:29 AM
عوض جلاس
تقبل الله الحجه لا تخربها يا خي نحن منتظرين منك الدعاء وربنا يرفع قدرك ويعلي مقامك
زكريا لا يجرك للمناكفه السمحي دي وتخرب حجتك..
نسال الله لزكريا الشفاء ولكل المؤمنين
زكريا دهـ ركن عديل بل هو مرق عديل ونحن جوبيل
الله يخليه ويسلموا
ودعواتك ليهو..

زكريا بابكر عمر
12-13-2010, 12:24 PM
انتا يا ابو زهير بدل اللفة الطويلة بس قولو نعيما :d:d:d:d:d

أنا إتفكه من المرهف يجيني علاء الدين;) ... بدل اللفه الطوييييلي؟؟؟ آيابا لفة الراس التمرقك من أهلك توديك رويس تنقاسي يا مطموس:cool::cool::cool:

زكريا بابكر عمر
12-13-2010, 12:36 PM
صاحبي لزم أبو الزيك ...ربنا يبلغك العافية التامة ...اللهم آمين
بعدين ...يعني أنت زعلان ... من انابيب البلاستيك :d
طيب يا صاحبي شوف الحكاية بدايتا في الطب كانت كيف
والجهازين ..الأول للخصوصية ...والتاني بمساعدة طاقم التمريض ... ولك حرية الإختيار :d


http://albarkal.com/xu2/index.php/image/direct/Z78zMCoj1k/bar00035.jpg

أحمد الله يا الكسلاوي الله مرقني من المنافيخ والمشاحم ديل:d العديل ده ترا عرفنا يا الكسلاوي أخوي.. أب بوزاً معوج ده يستعملو كيفن:eek:هي أنابيب البلاستيك معاها قنت وصرصير وشي وكرج سنون يعني المنافيخ والمشاحم ديل حا تكون كيف ؟ شي فظيع... سكليب وبيبيي.. واليا مرووووووه:d الله يجازي محنك:d:d

زكريا بابكر عمر
12-13-2010, 12:44 PM
باقيلك يا ابو زهير لو عمل الخطوة الاستباقية دي
كان الممرضة جاتو بي جرادلها وصابونها ؟؟؟؟

الجردل والصابون نان للخطوه الإستباقيه آ سوبا:confused: ديل للبطُن إنته ماك فارزو .. الصابون ده يحقنو بيخرتوش وما بيكبو زي كب الجاز في الفانوس ..عرفتو (تعرق السرقي في سوق التلاتا):p:p:p

زكريا بابكر عمر
12-13-2010, 12:52 PM
عوض جلاس
تقبل الله الحجه لا تخربها يا خي نحن منتظرين منك الدعاء وربنا يرفع قدرك ويعلي مقامك
زكريا لا يجرك للمناكفه السمحي دي وتخرب حجتك..
نسال الله لزكريا الشفاء ولكل المؤمنين
زكريا دهـ ركن عديل بل هو مرق عديل ونحن جوبيل
الله يخليه ويسلموا
ودعواتك ليهو..
يا أبو زهير أنا زمااان قلتلكن شنو؟ ساعتكن البتباركولو في الحجه(أرجع ليكلامي) ... عارفو عوض ما بيقدر يمسك قدومو ده.. حجة شنو يا زول البتحبس عوض...عليك أمان الله إن خيتو خشمو برضو ينضم;););)

عمرعبدالعزيزالحسن
12-13-2010, 01:16 PM
ابو الزيك
نسأل الله تعالى الايوريك مثل هذة مرة أخرى
وماعارفين نرسل ليك شنو ؟
هل نرسل لكم شحوم ودهون لاجهزة أخونا كسلاوى والا شنو
الله يمتعكم بالصحه والعافيه

النوّار
12-13-2010, 03:48 PM
هههههههههههههههههههههههههههه

خليتني اضحك براي زي المجانين يا زكريا

كفارة و لا باس عليك انشالله

واصل ومتابعين

عوض جلاس
12-13-2010, 05:16 PM
الجردل والصابون نان للخطوه الإستباقيه آ سوبا:confused: ديل للبطُن إنته ماك فارزو .. الصابون ده يحقنو بيخرتوش وما بيكبو زي كب الجاز في الفانوس ..عرفتو (تعرق السرقي في سوق التلاتا):p:p:p

عارفها حقنة شرجية
يعني لازم الواحد يتكلم بالعربي الفصيح ؟؟؟

زكريا بابكر عمر
12-14-2010, 08:04 AM
ابو الزيك
نسأل الله تعالى الايوريك مثل هذة مرة أخرى
وماعارفين نرسل ليك شنو ؟
هل نرسل لكم شحوم ودهون لاجهزة أخونا كسلاوى والا شنو
الله يمتعكم بالصحه والعافيه

رسلي وقايي أقعد فوقه :d:d شوفلك وحدي وهييييطي(زي رقابية الحصان)رسله ليّ:d:d

زكريا بابكر عمر
12-14-2010, 08:11 AM
هههههههههههههههههههههههههههه

خليتني اضحك براي زي المجانين يا زكريا

كفارة و لا باس عليك انشالله

واصل ومتابعين

كفر الله سيئاتك يا النوار يا أخوي .... ما بواصل هسع أنا أبو زهير موصيني قالي ما تردف الحكايي فوق بعضه خلي الجماعه يدخلو ويمرقو ويتاوقو (حرق روحن) حتن تواصل ..وأنا ماشي بيوصيتو:d ...الله يديك العافيه ومشكور علي المرور ....تحياتي ,,,

طارق علي صالح
12-14-2010, 08:14 AM
زكريا .. مسعول من الخير .. ضمرة بغدادي وين؟؟؟
قالو خلي دكان الترزي وفتح دكان زجاج ومرايات
لوح الزجاج بي خمسين وجوز المريات هدية مع البيعة

زكريا بابكر عمر
12-14-2010, 08:14 AM
عارفها حقنة شرجية
يعني لازم الواحد يتكلم بالعربي الفصيح ؟؟؟


والله إنتو لا خليتو عربي فصيح لا خليتو عربي جوبا;).. عارفك عارفه... هي يا عوض ما لقو إسماً شويي سمح كدي يسموها ليها .. ما لقو علا الإسم الشين ده :d:d:d

زكريا بابكر عمر
12-14-2010, 08:22 AM
زكريا .. مسعول من الخير .. ضمرة بغدادي وين؟؟؟
قالو خلي دكان الترزي وفتح دكان زجاج ومرايات
لوح الزجاج بي خمسين وجوز المريات هدية مع البيعة
:d:d:dهو بالصح وينو:p يا أخي ده زولاً يطرهو في ساعه زي دي;) يا أخي مااالك طاريهو ...هسّع يجي ناط زي القدر:cool:.... مرايات !!! ودي يشوفوبه شنو:confused::confused: وما لقي شغله بلا الشغله السجماني دي ؟؟ والهديه جوز ليه:confused: وحدي ما كفي:pإن دعت الحوجه يقلموها إتنين:d:d:d

زكريا بابكر عمر
12-14-2010, 01:29 PM
أها النمشي لاقدام .. بقيت منتظر وعيني للباب..متوقع في أي لحظه تجيني الممرضه داخلي وتقولي يلا أرحكا علي غرفة العمليات.. وفعلاً مو كتير جاتني تكعوج في كريعاته متل دحشة الحلب .. وشايلاله ملايه خدره في إيده وقالتلي الجراح وصل .. يلا طلع ملابسك وهاك المريله دي ألبسه ... دي شقاوتاً كيفنها!! .. سمح خلاص .. والخرابه واقفي!! (تقيف مناحتك) .. خلاص أمرقي لمن أجهز بكوركلك .. ضحكت ومرقت .. وإتقولعته ولبستة مريلتي الخدره المو خمج ( والله بس فلاتيات مخازن بورتسودان).. وفتحت العوضه وقولتله أها أنا جاهز ..قالتلي يلا وراي .. وراكي وين يا اللخُت ؟حا يكون وين يعني ما غرفة العمليات!! إنتو أصلكن ما بتودو الزول للعمليه بالنقاله التُورلي البيلزوها ديك؟.. النقاله دي يا فندم للحُمل والمابيقدرو يمشو .. إنته ما عندك مشكله تمشي بيرجولك وغرفة العمليات جنبك بيهني.. أرح أرح الجماعه ديل منتظرين وبعدك في عمليه تاني .. رجيت الله عليكي تروحي ما تلمي يا هاادي الحلبيي الكان بقيتي لي في تولاتي(أكلم في روحي) .. ودخلته علي غرفة العمليات.. مقلع عويناتي زي أنوار التيمس .. وألقلالك زولي الجراح ومعاهو دكتوره (قبطيي حلات الدنيي عليها .. حلاته يقسمو منها.. أماااني كيف سمحي.. مو متل بت اللعاب المباراني دي:p)ومعاهن طاقم التخدير وكلهن لابسين لبس والله بس رواد فضاء.. الجراح قالي أها خبرك شنو وأحوالك كيف؟؟ حالي أنا !! أريتو مو حالك ... كويس.. يلا أطلع فوق المنصه دي(التقول جاي يسلموني ميداليه ذهبيه) ... بس طلعتي وقبال إتوهط سمح يجني بتاع التخدير بيقفاي شايلو حقني هااان قدُر..التقول اللت حصين ... والله ساعتو الطبزه لي في ضهري بس الدقالو مسمار في خشبه .. حسيتبها في نافوخي فوق والدنيي ضلمت قدامي وريقاً أبلعو ما لقيتو .. الشي أنا قايله يطعنوها في الصُلب (عاد مو أول مره إتبنج)..أتاري يغُزوُها في عضم الضهر.. وأظنها قدت الطايوق زاتو.. وساعتو السلاها مرقه قررربت روحي تمرق معاها...ورقدوني علي قفاي وجرو الكرعين وشنقوهن وعنكلوهن فوق شناكل كدي(كل كُراع في بلد دي تصيح ليدي).. بس دقيقتين أشعر بيجسمي الاتحت ده مشي ينمل لا عن سدري(بنج نصفي)..بعد شويه بقيت ما بشعربو تب ..عيني للكرعين أنا متأكد ياهن حقاتي الشينات المايغبني زاااتن يجدعو فيهن غادي وجاي.. لكن ماني حاسبن رقبتو.. ويلا بقو يعافرو ويصاوطو .. يسوو في شنو آ بعرفن ..لكن أسمع في النضم حقهن وكلو بالتنقليزي وحداً أفرزو ووحداً غميس كدي مافرزتو ..لكن عرفته الحاصل ... واا سجمك يا قصفييّ .. أربعه شطور بواسير داخليي وكمان معاها شق .. الشي أصلها بيت أبوالدبُر.. الشي يمكن ساعه والعالم دي تصاوط ... حمدالله علي السلامه .. الله يسلمك يا دكتور قولتها بيآخر نفس ... قالي يا زول إنته كُنته ممكون خالص .. الحكايه دي أهملتها لامن بقت بالطريقه دي ليه ؟؟.. والله حكاية ليه !! نان مو خوفاً من جنس بعابصكن وصواطتكن دي وفي الآخر برضي جيته(براي أنضم مع رقبتي) .. والله يا دكتور ما قايل النصيبه دي بتبقي كدي... شوف إنته حا يودوك الغرفه وعندك حقن مهدئه ودربات وحبوب تستعمله وأنا حا أجيك المساء عشان نطلع الخابور ... قلته شنو ؟؟؟ الخابووووور..ووب..ووب .. ووووب (عاد ماني سمعانبو ..إن ما موته شقيت القبور).......... تعالو فليل أحضرو مرييق الخابور :eek::eek::eek:

أبوزهير
12-14-2010, 01:48 PM
زكريا
إنت بجد مبدع...
صنعت من الفسيخ شربات
حتى المك ومعاناتك تحولها لمادة مضحكه
جزيت خيرا ولا اراك الله مكروه ابدا
لكن خوفت الجماعه بى وصفك دهـ...
لكن تعال غزلك في الطبيبه وانت في تلك الحاله حيرني!!!!

كسلاوي
12-14-2010, 01:56 PM
صاحبي أبو الزيك ...ربنا يواليك بالعافية .اللهم آمين
مع متابعة القصة فعلاً .... إتأخرت في عرض نفسك علي طبيب
لمن بقن أربعة شطور+ الناسور
البواسير في العادة 3 شطور
إذا تخيلت الساعة .. شطر عند الساعة 3 والتاني في 7 والتالت في 11

http://albarkal.com/xu2/index.php/image/direct/Ty2r6VLJfj/bar00038.jpg

عبدالحليم حران
12-14-2010, 05:30 PM
ياحليلك يا ابوالزيك والله حننتنى .
رغم إنك ( فكيت آخرك ) الجماعة ملاحقنك وزانقنك ويدردقو فيك .كتيرين يحاولو يستدرجوك للافصاح عن مزيد من المعلومات عشان يستفيدو منها. أنا ماقلت لك كتيرين ( مزنوقين ومندسين )بحمد الله تعود ليك عافيتك وتواصل المشاكسة وإن كان بينى وبينك إنت راقد في سرير (الطهورة ) ماك مريح العالم . سردك ممتع يخلي الواحد يعيش القصة كأنو هو العاملين ليهو العملية . الله يجازيك يازكريا ، كده ننتظر مروق الخابور ، أركز ياابوالزيك وأوعي من الجرسة . وإلا أقول ليك أخير الخابور ترمقوا براك.

علاء كرار
12-14-2010, 06:34 PM
صاحبي أبو الزيك ...ربنا يواليك بالعافية .اللهم آمين
مع متابعة القصة فعلاً .... إتأخرت في عرض نفسك علي طبيب
لمن بقن أربعة شطور+ الناسور
البواسير في العادة 3 شطور
إذا تخيلت الساعة .. شطر عند الساعة 3 والتاني في 7 والتالت في 11

http://albarkal.com/xu2/index.php/image/direct/Ty2r6VLJfj/bar00038.jpg



يا دكتور ده حسب توقيت جرينتش تلاتة شطور لكن مع مراعاة فارق التوقيت مع توقيت عطبرة المحلي تبقى اربعة شطور ..:d:d:d
ياخي الدكاتره ديل عايزين ليهم كورسات محاسبة عشان يظبطو شغلهم :eek::eek:

زكريا ساعتك كم ؟؟؟؟:p:p:p

خالد مصطفى البدوي
12-14-2010, 06:51 PM
الأخ زكريا الف حمد الله على السلامة والله رغم معاناتك اديتنا نصائح باسلوب اقل ما يقال عنه انك مبدع يعنى الواحد يقرا ويضحك ويخاف ويبكى ويسرح ويتحسس بواسيرو وسلامتك والجاتك 0000سامحتك0

زكريا بابكر عمر
12-15-2010, 08:49 AM
زكريا
إنت بجد مبدع...
صنعت من الفسيخ شربات
حتى المك ومعاناتك تحولها لمادة مضحكه
جزيت خيرا ولا اراك الله مكروه ابدا
لكن خوفت الجماعه بى وصفك دهـ...
لكن تعال غزلك في الطبيبه وانت في تلك الحاله حيرني!!!!


يا أبو زهير يا أخوي الشي السمح ماقاعد يعجب الكان عندك بواسير ولا عندك لوز;).. ثم إنو القلوب الشابه تظل دائماً متقده وملهلبه ومشعلله و.... وشنو تاني ياااا ربي !! رغم أنف البواسير والمواسير (شباب ورياضه أُمال إيه):p:p:p

زكريا بابكر عمر
12-15-2010, 08:58 AM
[QUOTE=كسلاوي وارد البركل;208421][center]صاحبي أبو الزيك ...ربنا يواليك بالعافية .اللهم آمين
مع متابعة القصة فعلاً .... إتأخرت في عرض نفسك علي طبيب
لمن بقن أربعة شطور+ الناسور
البواسير في العادة 3 شطور
إذا تخيلت الساعة .. شطر عند الساعة 3 والتاني في 7 والتالت في 11

http://albarkal.com/xu2/index.php/image/direct/Ty2r6VLJfj/bar00038.jpg

[COLOR="DarkRed"][SIZE="5"]ده شنو يا الكسلاوي:confused: دي خُطة لعب جديده (3-7-11) اللعبه دي هوكي:d ... قلته كيف!! شطر عند الساعه تلاته والتاني في سبعه والتالت في حداشر !!! يا أخينا دي أصلها بواسير ولا رضعات :cool:... معني كلامك ده أنا بواسيري دي خرقت قوانيين الفيفا ..أقصد قانون الطب زاتو ... مو كدي !! .. أتاريها عذبتني كدي;););)

زكريا بابكر عمر
12-15-2010, 09:08 AM
ياحليلك يا ابوالزيك والله حننتنى .
رغم إنك ( فكيت آخرك ) الجماعة ملاحقنك وزانقنك ويدردقو فيك .كتيرين يحاولو يستدرجوك للافصاح عن مزيد من المعلومات عشان يستفيدو منها. أنا ماقلت لك كتيرين ( مزنوقين ومندسين )بحمد الله تعود ليك عافيتك وتواصل المشاكسة وإن كان بينى وبينك إنت راقد في سرير (الطهورة ) ماك مريح العالم . سردك ممتع يخلي الواحد يعيش القصة كأنو هو العاملين ليهو العملية . الله يجازيك يازكريا ، كده ننتظر مروق الخابور ، أركز ياابوالزيك وأوعي من الجرسة . وإلا أقول ليك أخير الخابور ترمقوا براك.

أسكت أسكت أنا لايمك:rolleyes: بس لا تجي شايلي معاك لبيني لا مديدي لا مووص ولا حتي صفقتين حلاوه:cool: جايني مطلق إيديك إييد ورا وإييد قدام وكمان تقولي حننتني:confused: نان آ يابه الكان أصلي حننتك كُته جيتني بيفقدتك (حتي رطل سكر ولا كورية دقيق ما تجي شايلن يا ودحران) ... سمح أصبرلي اللمرق من الوكره الضكره دي:d:d:d

زكريا بابكر عمر
12-15-2010, 09:51 AM
يا دكتور ده حسب توقيت جرينتش تلاتة شطور لكن مع مراعاة فارق التوقيت مع توقيت عطبرة المحلي تبقى اربعة شطور ..:d:d:d
ياخي الدكاتره ديل عايزين ليهم كورسات محاسبة عشان يظبطو شغلهم :eek::eek:

زكريا ساعتك كم ؟؟؟؟:p:p:p

ساعتي واقفه :p:p:p

زكريا بابكر عمر
12-15-2010, 09:56 AM
الأخ زكريا الف حمد الله على السلامة والله رغم معاناتك اديتنا نصائح باسلوب اقل ما يقال عنه انك مبدع يعنى الواحد يقرا ويضحك ويخاف ويبكى ويسرح ويتحسس بواسيرو وسلامتك والجاتك 0000سامحتك0


سلمك الله يا خالد من كل بلاء... يتحسس بواسيرو دي حلوه:d يلا يا جماعه كل زول يتحسس بواسيرو ;) والماعندوش مواسير أقصد بواسير يتحسس لوزو:d:d

زكريا بابكر عمر
12-16-2010, 03:14 PM
أها ....وبقيت شايل هم ليمروق الخازوق أقصد الخابور ده ... الشي ده قالو أماااني سلو مو حار .. وبعدين ... الله يجيبك يا هاادي الليل عشان إتقكه من خابور الرماد ده ... أنا في هم مروق الخابور أشعر بيآلام بدت .. وما شي زايدي ...أتاريهو البنج ماشي يفك .. والنيران إنطلقت في جوفي... لا حولا لا قوة ... يا عالم يا هووووي ... يا جنا هييي (ولدي معاي) أمشي كورك للسستر ولا الممرضه خلهن يجن يشوفن ليّ حل للوجع ده.. وإن ما لقيتلك وحدي فيهن ..كوسلك إن شاء الله دايه.. بس المهم الوجع ده يسكت .. قبال أتم نضمي بلا تجي الممرضه المتل الهرشلايي داخلي... في إيه؟؟ .. في ألم في وجع في جمره في صُلبي ده ... شوفيلي أي نصيبه توقف الألم الفظيع ده... حاضر ده شي طبيعي ... دلوكت ترتاح ... وطبزت لي حقني ..حتن شويي شويي الوجع مشي يروح ... يا أخي أنا الكان ما شقي الجابني هني زااتو شنو؟؟يوماً أسود جابني ليكم يا هااادي الحلب(أطنطن براي)... بعد ما رُقته شويي ولدي قالي الأقباط ديل طبعاً حايجيبولك وجبات جداد وحمام وحاجات طيبه .. قلتلو الدكتور قال بس مدايد وعصايد وعصاير... قالي الكان كدي شوفلك زول غيري يمارضك –إنته داير تكتلني بالجوع- ..قلتلو والله يا ود اللذينه من هني ما تمشي والآكلو أنا إنته تاكلو معاي الكان سمح أكان كعب بلاش كلام فارغ معاك ... قالي الكان كدي أضرُب ليأُمي تجيب ليّ ميزي هني (أمااني مو مطموس) ... العصييير كدي وقبال تجي مواعيد مرووق الخابور قلته كدي اللمشي علي الحمام أعافر الخرابه ده يمكن أقدر أسلو براي... بالله ألقالك صُلبي مليسنو بيلصق نفس مافي ..والله بس القسيبي اللت التمُر ... هييي ده شنو ده ؟؟؟ أنا أصلو الناس ديل ما خلولن ليّ محل ليمروق الهبوب؟؟ هسع إن جاتني هبوب أنا أمرقه بيوين!! أمرقه بيإضنيّ !!ده كلام شنو ده؟؟ هو أصلو قاعدين يليسوها كدي!!والله بس رقعة لستك لودر... وجيت مارق من الحمام وأسوي يا الله هووووي تحبس الهبوب لامن تجدي مواعيد سل النصيبه ده ... بس مو الحمد لله البطن بقت فاضي .. الكان مو كدي كان إتنفخته زي التامبيرا...الساعه8 في المساء جاتني السستر الغليييدي بتاعت الحلقه الأولي (أم خرتوش) .. حمد الله علي السلامه وإن شاء الله العمليه تمام وما أتعبتك يافندم... الله يسلمك.. ما أتعبتني الحمد لله(والله حكاية ما أتعبتني) ... يلا قوم إتمشي شويه عشان نطلع لك الخابور.. وكدي وريني في دم ولا حاجه طلعت؟؟ ... عليكن الله الحلبيي دي ماها مطرطشه ..هو الدم ولا غيرو يمرق بيوين مع اللييس ده هو إنتو خليتو فج.. تمام تمام مافيش حاجه(لا بالله أحسن تكون في) ... يلا أنزل أرح ... نزلته ومكفلت بيملايه (أصلن هدومي وين آبخبرن).. وبقيت ماشي زي السوسيوي المكتفه السبيب ... ودخلتني تاااني في العمليه الصُغري (أماااني البُكان ده أنا كجنتو جنس كجني)... ورقدتني في محلي القبييل محل كب البنزين أقصد الصابون .. وحات الله يا جماعه مرووق الخابور ده في الباقيلي أخير منو الولادي ..لا حوله لا قوه ..نان هو وجع .. موووت أحمر ..ده خابور ده أصلو ولا وتد... نص ساعه أنا دايش وبطني طامي ..واللسويهو ماعرفتو.. ياا ربي أكورك!! أزغرت..أسكلب .. نان عاد ده كلو بيخارجني أخير إتستر...غايتو إنسترته لكن كيف آبعرفو(أنا زاتي ما مصدق)...ساعه بعد سل الخرابه ده أنا راقد في محلي إتشهد وإستغفر ... الليل كلو أنا شايلو قصبه من الوجع ... عن شِق الصباح حتن الوجع مشي يقل ... ومشيت أكوس في محل هدومي وين .. بعداك الصباح جاني الجراح وكشف وقالي عمليتك تمام التمام .. بعد كده تاكل وتشرب عادي ... الساعه 12 ممكن تخرج ... آيابه تشبع في شبابك... نان أنا رجيت زمنو القالو... فللي ... أدوني حبوب ومحلول كدي لونو ظهري متل التفتي اللت السعف ..قالي تكبو في المويه الدافي في الطشت وتقعد فيهو الصباح والمساء .. فعلاً مشيت بيكلامو ..علا خمسه يوم أنا لمن أدخل الحمام أتجرس جرسه شديده .. شويه شويه الأمور سلكت ..ومشيت بعد إسبوع للمقابله والحمد لله كل حاجه بقت عال العال .
الخُلاصه من الهضربه دي يا جماعه..أخدوها مني نصيحه أي واحد حاسي بيحاجه زي دي بدري بدري يمشي للدكتور لأنو في أوله ساهله ممكن بالكي تتعالج ..ما تصهينو عشان مايبقي عليكم زي البقي عليّ ده .. الدسديس في الحاجات دي بيضُر ...إن شاء الله ماايضوقه فيكم زول ... قولوا ياميييييين ...تحياتي ,,,,

كسلاوي
12-16-2010, 03:29 PM
صاحبي لزم ..أبو الزيك

ألف ألف حمد الله علي السلامة ...واجر وعافية إن شاء الله

أما الخابور ..لو كانت الممرضة وققتت لخروجه بعد الحقنة اللت الألم بشوية ..كان يمكن الألم يكون أقل
وطبعاً اللغاويس الطلعت اليوم داك هي البسبب الغازات ...عشان كدي اللييس :d

لكن بصراحة حكايتك دي ...مفروض تضاف لكتب الطب ... في مكان يسموه :
الطب من وجهة نظر المريض :d

بصراحة لك ملكة عجيبة .... راسك لا يقوم يتنفخ :d

الكجم
12-16-2010, 05:05 PM
الحمد الله على السلامة ربنا يتم شفاك وينجي جميع المسلمين، أجر وعافي

طارق جبريل
12-16-2010, 06:41 PM
وحات اله يا ود خالي ان بقى رفدوني انت السبب
ياخي اضحك في المكتب زي المجنون:d:d:d

عصام سرالختم
12-16-2010, 07:11 PM
وحات اله يا ود خالي ان بقى رفدوني انت السبب
ياخي اضحك في المكتب زي المجنون:d:d:d

تعرف يا طارق .. عشان خايفين من الرفد بقينا نقرأ مشاركات زكريا فى البيت :d
غايتو بيكتلو زول فينا من الضحك .. ده زول مسطول وما طبيعى ..
الله يكفينا شرو وشر بواسيرو

أبوزهير
12-16-2010, 07:32 PM
زكريا
حمدا على السلامة..
شجاع بجد وشجاعتك في صدقك وصدقك في أدبك وأدبك في سماحة خلقك وطيبة نفسك
وقدرتك على معالجة أصعب المسائل بطريقة أدب السهل الممتنع ... قادر على قلب المعنوي لمحسوس وتمتلك سحر البيان عبر عبارة الطبيين البسيطين التي تدخل وتتمكن في سويداء القلوب.. أنت مصلح اجتماعي مع أديب.... قصارى القول أنت موضع سجده في ناس الزمن دهـ بل أنت ليس من ناس بالغتي وبالغت والجكس وعمو والجلك وما عارف إيه ..!!
ياخي أنت رياده وقياده بحق أنت من جيل صقلته الحياة وعركته الأيام فزادته معرفة وأدب ودراية وتواضع ... نشتم بل نتحسس بحق طيب آخر يلوح في الأفق خاصة انك صالح وناصح ومسامح.. فإن كانت هناك دومة ود حامد فستكون قريبا نيمة الحصايا أو سدرة الفكي مدني.. ولن نقبل إلا بتمرة البركل وضل الجبل..
شنو ياخي ما كفاك.. تسلم ولا أراك الله مكروها.. بس ما قلت لي الدكتوره التي لفتت انتباهك أولا ما ظهرت تاني؟
لك شكري..

خالد الحاج
12-16-2010, 07:33 PM
غايتو يا زكريا يا أخوي تاني الولية ما بتقدر تتفوطق عليك . الولادة وجربتها :rolleyes:
ههههههههههههههههه
همسة :
المعلوم جايبو ليك معاي في الأجازة . وعشان الاستعجال كان جيت علي الخرطوم تلقاه في مكتب خالد الباشا :cool:

كسلاوي
12-16-2010, 07:39 PM
غايتو يا زكريا يا أخوي تاني الولية ما بتقدر تتفوطق عليك . الولادة وجربتها :rolleyes:
ههههههههههههههههه
همسة :
المعلوم جايبو ليك معاي في الأجازة . وعشان الاستعجال كان جيت علي الخرطوم تلقاه في مكتب خالد الباشا :cool:

بالمناسبة ... المعلوم دا ..:d. كما وصل في اليومين الجايات .... ما حينفع
ابو الزيك .... الريس دا ...مالو بيزوغ كدا .....:d
إذا كان عطبرة فيها فيدكس ....معقول هولندا ما فيها فيدكس :d

كسلاوي
12-16-2010, 08:12 PM
طيب أبو الصحب .... أنستغل هذا البوست فنوضح للأخوان طرق تجنب البواسير

في البداية نورد أنه من آداب قضاء الحاجة في الإسلام :ألا يطيل المقام أكثر من قدر الحاجة

وأهم أمر للوقاية . نجمله في : حاول جعل ما تخرجه ليناً سهل الخروج وألا تحاول الإخراج
بالضغط بقوة لأن ذلك يزيد من الضغط علي الأوردة السفلية ..مما يتسبب في حدوث البواسير
ولذلك ينصح ب:
- أن تحتوي الوجبات علي كمية كافية من الألياف
- يمكن إستعمال حبوب ( ألياف )
- شرب ماء وسوائل بكميات كافية
- لا تحاول الضغط عند قضاء الحاجة
- الذهاب لقضاء الحاجة في وقتها وعدم تأخير ذلك
- ممارسة الرياضة
- تجنب الساعات الطويلة للجلوس أو الوقوف

ودمتم جميعاً بألف خير

عوض جلاس
12-16-2010, 08:20 PM
حمداً لله على السلامة يا فردة
لكن بعد كلامك دا كان الخرابة دي جات لي زول ما أظن يمشي يسويلوا عملية
ياخي هرشنا عديل منها
تاني شطة نهيي
قعاد طويل في كرسي مافي
أقل إمساك نلحقوا بالتمر والعنب
يا زول الوقاية خير من العلاج
غايتو الناس العندهم وناوين للعملية كان قروا كلامك دا
ما أظن فيهم زول بيمشي على دكتور ؟؟؟؟؟
أخير يحصلوا وصفة عيدابي

عوض جلاس
12-16-2010, 08:21 PM
طيب أبو الصحب .... أنستغل هذا البوست فنوضح للأخوان طرق تجنب البواسير

في البداية نورد أنه من آداب قضاء الحاجة في الإسلام :ألا يطيل المقام أكثر من قدر الحاجة

وأهم أمر للوقاية . نجمله في : حاول جعل ما تخرجه ليناً سهل الخروج وألا تحاول الإخراج
بالضغط بقوة لأن ذلك يزيد من الضغط علي الأوردة السفلية ..مما يتسبب في حدوث البواسير
ولذلك ينصح ب:
- أن تحتوي الوجبات علي كمية كافية من الألياف
- يمكن إستعمال حبوب ( ألياف )
- شرب ماء وسوائل بكميات كافية
- لا تحاول الضغط عند قضاء الحاجة
- الذهاب لقضاء الحاجة في وقتها وعدم تأخير ذلك
- ممارسة الرياضة
- تجنب الساعات الطويلة للجلوس أو الوقوف

ودمتم جميعاً بألف خير
الشطوط وأم فتفت كيف ؟؟ مالك نسيتها ؟؟؟

كسلاوي
12-16-2010, 08:33 PM
الشطوط وأم فتفت كيف ؟؟ مالك نسيتها ؟؟؟

الأخ الكريم عوض جلاس

الشطوط وأم فتفت ... لا تحدث بواسير ..يمكن تزيد أعراض من عندو بواسير
وفي دراسة سنة 2006 في الهند ..وجدوا أن البهارات (الشطوط) لا تزيد الأعراض في معظم مرضي البواسير

أم فتفت دي ....ما في ليها دراسة للآن :d

عوض جلاس
12-16-2010, 08:39 PM
أم فتفت دي ....ما في ليها دراسة للآن :d

كدي حاولوا أدرسوها
لأنو زكريا دا من يشم العافي ياهو الماشي على خالتو تام زين

كسلاوي
12-16-2010, 08:49 PM
كدي حاولوا أدرسوها
لأنو زكريا دا من يشم العافي ياهو الماشي على خالتو تام زين

باقيلك بيقدر يقعدلوا في باص ...لمان يصل لخالتو تامزين في جوبا .:d.. ما ظنيتو :d

جمال خضر
12-16-2010, 09:36 PM
أيوه أسمعوا نصيحتي(الكلام ليكن يا المطيرين عينيكن:eek:) ... العندو بواسير أخير يموتبها .. أووووعكم من عمليه..ما يغشوكم الدكاتره الزلنطحيه ديل ويقولو ليكم بسيطه وكلها يوم واحد وتنتهي الشغلانه وترتاحو من الآلام والنزيف....بوووف كضابين ... وأوووعكم يحصلكم الحصل علي ده أنا بحذركم وبعدين تقولوا قشريا قال.... التجربه حقتي دي أنا عايزكم تستفيدوا منها (أمااااني أنا ما ضقته لي جنس زنقه.. حرامي في مولد ما إتزنقه.. وكلب في طاحونه ما شافه) ... وإن كان لابد من عمليه فعليكم بالكي (أووووعه من الجراحه)... الحكايه وما فيها(أنا بوريكم الحاصل من طقطق للسلام عليكم وإنتو بيطريقتكن.. بس عليكم الله لا تشيلو حالي أكتر من ماهو مشيول:d)... حماكم الله... الخرابه دي أنا شاعربها من بدري ولا خليت قرض ولا دوا بلد أي نصيبه جربتها وأي زول يقولي سو الشي الفلاني أنا أمشي أسوي ولا خليت مراهم ولا حبوب ... مره واحد زميلنا قالي بس صفق النيم ..جنبنا نيمه في الشارع عدمتها الصفقه أخرت منها وأشيل وأحشر وأدفس لامن صلبي بقي زي بيت أبوالشرشري(هو أتاريهو يغلوهو فوق النار وأنا ماني فارزو) ..وواحد تاني قالي في فلاتي يفرش في السوق بس أمشلو يديك خلطة أعشاب الكمده بالرمده ...مشيتلو(كلوو خوفا من العمليه) أداني ليك نصايب مشربكه في بعضه لا تعرفه فروع لاتعرفه عروق لا تعرفه عش سرويي... غايتو شيتا كدي متل الكمتر وقالي تسحنو وتكبو في مويه دافيه في طشت وتقعد فوقو زي ساعه ...شلتو وسحنتو ودفيت المويه وعندنا طشت متوسط كدي كبيت فيهو المويه وخجيت النصيبه دي في المويه الدافيه ورحت قاعد والله تشوفوني بس شتلة الصفيح الساولها الماروق.. نان الشي ده مو ريحني.. لكن خلاني إتكرش متل المجرب ...دي شقاوة شنو الوقعته فيها دي(جينا ليمكه تغنينا سلبت طواقينا) ..وبعدين... قلته كدي أغب منو يوم وأجيهو صاد تاني..فعلا جيتو صاد وإتـقولعته وإتفرجخته وقعته فوقو تاني زي مرة الدخان زي نص ساعه كدي ...بس قومتي منو إنطلق في الكراش وصلبي كلو قام حب حب وليهو شوك متل الزريعي وبعد مو علاج بواسير بقيت في بلوه آآخره ...علا مشيت الأجزخانه أدوني صباع برهم كدي ريحتو بس فسوة الصبره وكتي الإتمسحبو إلا أسدد نخري.. إتمسحتبو يومين حتن الكراش وقف والحبوب راحت ... والله قربته أمشي للفلاتي ده وأقولو يا زول هيي علاجك ده تاني لا تديهو ليزول الشي ده ضريسي ولا حسكنيت ؟ده موية نار راسا عديييل ... تاني قالو لي جرب الحنضل اللخدر برضو جربتو لامن ريحتي بقت زي فحل الإبل الممسحنو بالقطران.. و مااا سوا التدعك ... المهم حاجات كتيره ونصايب بالكوم سويته لا العنكبوت جربتو(صاحب أوهن البيوت) ويا بواسير الضلمه دي إنتي أبيتي تروحي .. تسكت كم يوم كدي وتاني تدور نبيح ...لامن يوم لقيت الخرابه بقت تكب في الدم (أنا أخوك إنته) الحكايي جابتلها دموم كمان !! وبقيت أكوس في درب القطن والشاش بيوين ... وبقيت أقول ليروحي هيييي أنا في الباقيلي علي آخر عمري جاي ........!!(دي شيني مراقبين الموقع ماااابيمرروها بيأخوي وأخوكن أخير أختاها - رغم إنو في جماعه أصحابنا هني قالوها لي وإن قالوها تاني.. ياني الفاكي آخري.. أعملو حسابكن- ) ...... ونواصل والتقيل لاقدام.... ربكم يستر . :eek::eek::eek:

لك التحية الأخ زكريا
زمان العندو بواسير الناس المعاهو فى البيت ما يديهم سرو وإذا غلبتو الحيلة ياخدلو خفسة كده للخرطوم بأى حجة ويمشى ينزل ليهو فى لكوندة ومن هناك يمشى المستشفى ويعمل العملية لا من شاف ولا من درى.والمجاهر بالبواسير ذى المجاهر بالمعصية وينطبق عليه إذا بُليتم فاستتروا .
اما إذا لاحظ أى من ناس بيتم أى دليل أو أثر أو شكك عادى ممكن يقول كنت سكران وناس النظام العام جلدونى .سبحان مغير الأحوال من حال الى حال

عبدالحليم حران
12-18-2010, 02:56 PM
أولا ياخوى لاتاكلنا ( حنك) حضرنا للمستشفى ( عبر الأثير) مائة مرة والحلاوة ختيناها فوق التربيزة ولقيناك ( متغطغط ومقبل علي الحيطي خجلان من النسوان ) قلنا ننتظر لامن الجرح (ينشف ويبرأ) وتكون فى وضع يمكنك من (نتش ومعط اللحم) وإستعد لومك عليّ جايين بشفعنا وحريمنا باص كامل بدلاليكنا ونقارتنا وخرفانا يسون ( باع باع ) .
أسع أنا قلت أبوالزيك ربنا جعلها ليهو كفارة وبعد ده يمسك (خشمو السنين ) عليهو ، تجي تقول لي أصبر ياودحران أمانى مابنجمك نجيم . سويتلك شنو يازكريا ؟؟ صدقنى قلبي عليك أنا المسيكين . واشرى يازكريا . أها إن شاء الله تكون مادعد تمشي (مفاشق) .

علاء كرار
12-19-2010, 06:02 AM
غايتو يا حران عليك جنس محن ؟؟
:eek::eek:
ياخي الزول مرق و شال ترامسو و عدتو و حتى الملاية الفيها ..... لفاها في كيس نايلون انت جاي مخمخم وليداتك و شايل طاراتك و داير تبدا من اول و جديد ؟؟.. و اكان لى مفاشق أيي مفاشق و حتى قالوا يمشي يتكا يمين و شمال متل مفرمة الملوخيي :d:d:d بس فيشان بطنك تبرد :d:d:d

زكريا بابكر عمر
12-19-2010, 09:44 AM
صاحبي لزم ..أبو الزيك

ألف ألف حمد الله علي السلامة ...واجر وعافية إن شاء الله

أما الخابور ..لو كانت الممرضة وققتت لخروجه بعد الحقنة اللت الألم بشوية ..كان يمكن الألم يكون أقل
وطبعاً اللغاويس الطلعت اليوم داك هي البسبب الغازات ...عشان كدي اللييس :d

لكن بصراحة حكايتك دي ...مفروض تضاف لكتب الطب ... في مكان يسموه :
الطب من وجهة نظر المريض :d

بصراحة لك ملكة عجيبة .... راسك لا يقوم يتنفخ :d

صاحبي... لو كلامي ده أضافو ليكتب الطب والله الطب علا يبقي زي مُلاح الكداد المزرنخ ... يا زول صلي علي النبي :d:d:d

زكريا بابكر عمر
12-19-2010, 09:46 AM
الحمد الله على السلامة ربنا يتم شفاك وينجي جميع المسلمين، أجر وعافي
الله يسلمك يا الكجم ...آآآآمين ربنا يشفي الجميع ...شكراً علي المرور ...تحياتي ,,,,

زكريا بابكر عمر
12-19-2010, 09:49 AM
وحات اله يا ود خالي ان بقى رفدوني انت السبب
ياخي اضحك في المكتب زي المجنون:d:d:d

ودعمتي ... شديد يابا ... يا زول حمدلالك بالسلامي الوصلته بلدك ديك ... البُطان إن شاء الله طويبين ... ما بيرفدوك أسكت أضحك ...عليك الله الدنيا دي شايلين منها شنو؟؟؟ تسلم ..ز تحياتي ,,,,

زكريا بابكر عمر
12-19-2010, 09:53 AM
تعرف يا طارق .. عشان خايفين من الرفد بقينا نقرأ مشاركات زكريا فى البيت :d
غايتو بيكتلو زول فينا من الضحك .. ده زول مسطول وما طبيعى ..
الله يكفينا شرو وشر بواسيرو

بواسيري أنا أحمد الله إتخارجته منها ... الكلام الجايين وراي (جحا قال أنا مرق الله يسد رحم أمي):d:d:d:d

زكريا بابكر عمر
12-19-2010, 09:59 AM
زكريا
حمدا على السلامة..
شجاع بجد وشجاعتك في صدقك وصدقك في أدبك وأدبك في سماحة خلقك وطيبة نفسك
وقدرتك على معالجة أصعب المسائل بطريقة أدب السهل الممتنع ... قادر على قلب المعنوي لمحسوس وتمتلك سحر البيان عبر عبارة الطبيين البسيطين التي تدخل وتتمكن في سويداء القلوب.. أنت مصلح اجتماعي مع أديب.... قصارى القول أنت موضع سجده في ناس الزمن دهـ بل أنت ليس من ناس بالغتي وبالغت والجكس وعمو والجلك وما عارف إيه ..!!
ياخي أنت رياده وقياده بحق أنت من جيل صقلته الحياة وعركته الأيام فزادته معرفة وأدب ودراية وتواضع ... نشتم بل نتحسس بحق طيب آخر يلوح في الأفق خاصة انك صالح وناصح ومسامح.. فإن كانت هناك دومة ود حامد فستكون قريبا نيمة الحصايا أو سدرة الفكي مدني.. ولن نقبل إلا بتمرة البركل وضل الجبل..
شنو ياخي ما كفاك.. تسلم ولا أراك الله مكروها.. بس ما قلت لي الدكتوره التي لفتت انتباهك أولا ما ظهرت تاني؟
لك شكري..

مشكوووور يا أبو زهير .... الدكتوره السميحي ديييك؟؟؟ ما ظهرت آ بعرفه راحت وين !! أريته كان جات ومرقتلي الخابور هي بدل الخرابه الغليييدي المتل مرتبة القطن الجديدي دي :d:d:d

زكريا بابكر عمر
12-19-2010, 10:07 AM
غايتو يا زكريا يا أخوي تاني الولية ما بتقدر تتفوطق عليك . الولادة وجربتها :rolleyes:
ههههههههههههههههه
همسة :
المعلوم جايبو ليك معاي في الأجازة . وعشان الاستعجال كان جيت علي الخرطوم تلقاه في مكتب خالد الباشا :cool:

لوووووووول:d شكيتك علي الله يا خالد:d جيب أضانك جاي (بعد أخدتلي إسبوع عند أهلي أزح من سرير ليسرير الوليه زهجت مني ..إنته قايل ماقالت لي متل كلامك ده ... ياراجل إتنفض قوم شوف أشغالك إنته أصلو ولدوك قيصري؟؟ قوم لافوق:d:d):p:p

تخريمه : أسمع الأمانه أووووعك تختها عن خالد الباشا ...مابيديني ياها ... حايستعمله هو :p:p:p

زكريا بابكر عمر
12-19-2010, 10:15 AM
بالمناسبة ... المعلوم دا ..:d. كما وصل في اليومين الجايات .... ما حينفع
ابو الزيك .... الريس دا ...مالو بيزوغ كدا .....:d
إذا كان عطبرة فيها فيدكس ....معقول هولندا ما فيها فيدكس :d

أخير يزوغ يا الكسلاوي أخوي ... الزوغه أخير من مكتب خالد الباشا(شُفته الحسادي دي) :d:d:d

زكريا بابكر عمر
12-19-2010, 10:32 AM
طيب أبو الصحب .... أنستغل هذا البوست فنوضح للأخوان طرق تجنب البواسير

في البداية نورد أنه من آداب قضاء الحاجة في الإسلام :ألا يطيل المقام أكثر من قدر الحاجة

وأهم أمر للوقاية . نجمله في : حاول جعل ما تخرجه ليناً سهل الخروج وألا تحاول الإخراج
بالضغط بقوة لأن ذلك يزيد من الضغط علي الأوردة السفلية ..مما يتسبب في حدوث البواسير
ولذلك ينصح ب:
- أن تحتوي الوجبات علي كمية كافية من الألياف[color="blue"](الضوئيه)
- يمكن إستعمال حبوب ( ألياف ) وحبوب منع الأسمو شنو دااااك :eek:
- شرب ماء وسوائل بكميات كافية ... أقعو المريسي:cool:
- لا تحاول الضغط عند قضاء الحاجة ... القنتي والتعصر نهي;)
- الذهاب لقضاء الحاجة في وقتها وعدم تأخير ذلك ...تنزنق أقرب محل تفك الضبه:rolleyes:
- ممارسة الرياضة ... في رياضه ضاره تقوم النفس ماتكترو فيها(عرفتوها)...حمل الأثقال;)
- تجنب الساعات الطويلة للجلوس أو الوقوف ..[size="5"]كوعو..إنبطحو

ودمتم جميعاً بألف خير

النصايح القاله ليكم الكسلاوي دي أبقو عليها عشره (عضو عليها بالنواجذ) بالذات القلتها ليكن أنا ( عاد ما مجرب););)

زكريا بابكر عمر
12-19-2010, 11:25 AM
كدي حاولوا أدرسوها
لأنو زكريا دا من يشم العافي ياهو الماشي على خالتو تام زين

يا عوض بالله ماتطرا لي تام زين الأيام دي ;) إنته ماعارفني أنا في فترة نقاهه:confused:ما تلاوز لي أرجوك ... ياكسلاوي حوش مني الزول ده ..بيطرقيتو دي ياهو الكارني معاهو وأنا أحملكم المسئوليه كاااامله:cool::cool:

زكريا بابكر عمر
12-19-2010, 11:31 AM
باقيلك بيقدر يقعدلوا في باص ...لمان يصل لخالتو تامزين في جوبا .:d.. ما ظنيتو :d


وقاية الجبنه قااااعدي ;) بختها تحتي وأركب الباص ... تام زين زاااته نحنه دايرين نطلع ليها جنسيه مزدوجه :cool::cool:

زكريا بابكر عمر
12-19-2010, 11:48 AM
لك التحية الأخ زكريا
زمان العندو بواسير الناس المعاهو فى البيت ما يديهم سرو وإذا غلبتو الحيلة ياخدلو خفسة كده للخرطوم بأى حجة ويمشى ينزل ليهو فى لكوندة ومن هناك يمشى المستشفى ويعمل العملية لا من شاف ولا من درى.والمجاهر بالبواسير ذى المجاهر بالمعصية وينطبق عليه إذا بُليتم فاستتروا .
اما إذا لاحظ أى من ناس بيتم أى دليل أو أثر أو شكك عادى ممكن يقول كنت سكران وناس النظام العام جلدونى .سبحان مغير الأحوال من حال الى حال
يعني يا جمال باقيلك أنا ما عملته الإحتياطات دي!! لومك بي عملت كل الإحتياطات والتحوطات الازمه ...علا يا جمال المشاطات ما ريحني .. شمو الخبر من وين آ بعرفو !!ووكت لقيت تفشي الخبر وعما القري والحضر قتيتو (إن غلبك سدها :eek:)... يا زول أقولك قوله أنا قبال السكره تفك أقصد البنج يفك كان الخبر ملا البلد ..أها بعد ده أسكت ؟؟قلته يلا عليا وعلي أعدائي والزارعه الله في الزلط تقوم...جمال إنته نعل ماعندك النصيبه دي:d:d

زكريا بابكر عمر
12-19-2010, 12:05 PM
أولا ياخوى لاتاكلنا ( حنك) حضرنا للمستشفى ( عبر الأثير) مائة مرة والحلاوة ختيناها فوق التربيزة ولقيناك ( متغطغط ومقبل علي الحيطي خجلان من النسوان ) قلنا ننتظر لامن الجرح (ينشف ويبرأ) وتكون فى وضع يمكنك من (نتش ومعط اللحم) وإستعد لومك عليّ جايين بشفعنا وحريمنا باص كامل بدلاليكنا ونقارتنا وخرفانا يسون ( باع باع ) .
أسع أنا قلت أبوالزيك ربنا جعلها ليهو كفارة وبعد ده يمسك (خشمو السنين ) عليهو ، تجي تقول لي أصبر ياودحران أمانى مابنجمك نجيم . سويتلك شنو يازكريا ؟؟ صدقنى قلبي عليك أنا المسيكين . واشرى يازكريا . أها إن شاء الله تكون مادعد تمشي (مفاشق) .

تكون جيتني ساعة البنج فكه:cool: عشان كدي مأخدته بالي.... جايين بيدلاليكن وحريمكن وشفعكن !! ليه قالولكن عندي حولية ست مريم:confused:..أقعدو قبلكن لاتجو بس رسلو الخرفان :cool:.... قال أمشي مفاشق قال... جيب أضانك (الكرعين مرابنات سعن كل وحدي في بلد:d)... ولا يومي ويومك يا ودحران المشي ما إستعدل سمح وقدر ماداير ألملم كرعين الحاجي ديل غلبني.. الخابور.... لالا الخازوق (الخابور طاير:eek:)... الخازوق يا ودحران الفشيق ده يبقي فيّ بيوشيهو وأبقي زي المكوك:d:d:d:d

زكريا بابكر عمر
12-19-2010, 12:19 PM
غايتو يا حران عليك جنس محن ؟؟
:eek::eek:
ياخي الزول مرق و شال ترامسو و عدتو و حتى الملاية الفيها ..... لفاها في كيس نايلون انت جاي مخمخم وليداتك و شايل طاراتك و داير تبدا من اول و جديد ؟؟.. و اكان لى مفاشق أيي مفاشق و حتى قالوا يمشي يتكا يمين و شمال متل مفرمة الملوخيي :d:d:d بس فيشان بطنك تبرد :d:d:d


إنته يا علاء ضمره والمرهف وعبد الجليل وين طارو ؟؟؟ كانو يجو يساعدوك شويي;)... ثب دبيتكن بالله الكان بلا شيل الحال ما يلقوكن ليشي.... أدني أضانك جاي ( خلي ود حران اليجي والكان للدلاليك والطار زمااان إدقن والحال أصلو إنشال...البركه في الخرفان..خلو خلو اليجي ... لكن إن بقيت فالح تعال حايم علي ضبيحتاً ليّ إن ما فلقتك قولي أب صبره) .... ود حران صاحبك جايي بيهجنجليبو ده قايلني داق الظهر وداير أكرّم;););)

اسامة حمزة
12-19-2010, 04:27 PM
غايتو الوقعت عليك تقع علي الحطب اليابس ..
لكن والله حقيقة الزول عاش معاك التفاصيل وكل ما يقرا شوية برااهو يقول - قبلك وحدك-
حمد لله علي السلامة والله والف عافية يارب ..
اجر وعافية يا - 45 .. -



.

كسلاوي
12-19-2010, 09:31 PM
وللوقاية من المرض حسب نصيحة مجرب :d..وأبعد عن طبيب :d :

- أن تحتوي الوجبات علي كمية كافية من الألياف(الضوئيه)
- يمكن إستعمال حبوب ( ألياف ) وحبوب منع الأسمو شنو دااااك
- شرب ماء وسوائل بكميات كافية ... أقعو المريسي
- لا تحاول الضغط عند قضاء الحاجة ... القنتي والتعصر نهي
- الذهاب لقضاء الحاجة في وقتها وعدم تأخير ذلك ...تنزنق أقرب محل تفك الضبه
- ممارسة الرياضة ... في رياضه ضاره تقوم النفس ماتكترو فيها(عرفتوها)...حمل الأثقال
- تجنب الساعات الطويلة للجلوس أو الوقوف ..كوعو..إنبطحو

ونضيف ..أبعدوا عن بوستات ..زكريا ..وطارق جبريل ..... نسبة لكمية الضحك العالية
والذي يتنج عنه تهرشم في المصارين وزيادة في الضغط البطني ...والباقي معروف :d :d

تخريمة:
صاحبي أبو الزيك
شايف أسامة دا دخلاتو كترن علي البوست
قول ليهو حسب نظريات الطب الحديثة ... الموضوع دا لا يصيب العزابة :d

عبدالله عبدالعزيز خليفة
12-20-2010, 06:25 AM
والماعندو !!!! ؟؟؟


**

من لم يمت بالبواسير ..... مات بشواكيش القوارير

طارق علي صالح
12-20-2010, 06:56 AM
http://albarkal.com/xu2/index.php/image/direct/_elepvUisB/zactas12.jpg
عبد الله .. تحياتي
غايتو انا اتذكرت ود كروم

عبدالله عبدالعزيز خليفة
12-20-2010, 07:02 AM
http://albarkal.com/xu2/index.php/image/direct/_elepvuisb/zactas12.jpg
عبد الله .. تحياتي
غايتو انا اتذكرت ود كروم

**

أخوى طارق مبروك الكلونيا شيراويشى 555 وعقبال الالف .

مالك شايل حال اخوك ود كروم ...

زكريا بابكر عمر
12-20-2010, 08:17 AM
غايتو الوقعت عليك تقع علي الحطب اليابس ..
لكن والله حقيقة الزول عاش معاك التفاصيل وكل ما يقرا شوية برااهو يقول - قبلك وحدك-
حمد لله علي السلامة والله والف عافية يارب ..
اجر وعافية يا - 45 .. -



.

إطمئن قالو المرض ده لا يصيب العزابه (علي حد قول الدكاتره الأخساويين;))... أمش أكمل نصف دينك يا هذا ومن ثم تعال إتفاصح (المحل ده ماهو محل بُطان روووح دهية تلفك)...أسمع يا طارق الجنا ده تاني لا تجي سايقو معاك ليمجالس الناس الكُبار المعرسين .. خلو يلعب مع البُطان هناااك بعيد:p:p:p:p

زكريا بابكر عمر
12-20-2010, 08:27 AM
وللوقاية من المرض حسب نصيحة مجرب :d..وأبعد عن طبيب :d :

- أن تحتوي الوجبات علي كمية كافية من الألياف(الضوئيه)
- يمكن إستعمال حبوب ( ألياف ) وحبوب منع الأسمو شنو دااااك
- شرب ماء وسوائل بكميات كافية ... أقعو المريسي
- لا تحاول الضغط عند قضاء الحاجة ... القنتي والتعصر نهي
- الذهاب لقضاء الحاجة في وقتها وعدم تأخير ذلك ...تنزنق أقرب محل تفك الضبه
- ممارسة الرياضة ... في رياضه ضاره تقوم النفس ماتكترو فيها(عرفتوها)...حمل الأثقال
- تجنب الساعات الطويلة للجلوس أو الوقوف ..كوعو..إنبطحو

ونضيف ..أبعدوا عن بوستات ..زكريا ..وطارق جبريل ..... نسبة لكمية الضحك العالية
والذي يتنج عنه تهرشم في المصارين وزيادة في الضغط البطني ...والباقي معروف :d :d

تخريمة:
صاحبي أبو الزيك
شايف أسامة دا دخلاتو كترن علي البوست
قول ليهو حسب نظريات الطب الحديثة ... الموضوع دا لا يصيب العزابة :d

خلاص أسامه كلمناهو وحذرناهو تاني لومك بيّ ما بيجي حايم بيهني :(:(:(

زكريا بابكر عمر
12-20-2010, 08:33 AM
والماعندو !!!! ؟؟؟


**

من لم يمت بالبواسير ..... مات بشواكيش القوارير

إن بقي ليشواكيش القوارير يا عبد الله أخير البواسير:cool: ... الشواكيش قاعد تقد النافوخ وما عندها علاج تودي الآخره بلا تأشيره ... أما البواسير علاجه هين بس عمليه ووسادي تحت العادم وكان يا عرب;););)

زكريا بابكر عمر
12-20-2010, 08:38 AM
http://albarkal.com/xu2/index.php/image/direct/_elepvUisB/zactas12.jpg
عبد الله .. تحياتي
غايتو انا اتذكرت ود كروم
كلونيا !! يعني ود كروم قاعد يتريح بالكلونيا 555 !!أنا الشي البعرفو ريحتو بت السودان;).. ياربي متين غيره :p:p:p

زكريا بابكر عمر
12-20-2010, 08:41 AM
**

أخوى طارق مبروك الكلونيا شيراويشى 555 وعقبال الالف .

مالك شايل حال اخوك ود كروم ...

هو اليقول الصح يا عبد الله يبقي شيال حال:confused::p;):eek:

علاء كرار
12-20-2010, 09:33 AM
إنته يا علاء ضمره والمرهف وعبد الجليل وين طارو ؟؟؟ كانو يجو يساعدوك شويي;)... ثب دبيتكن بالله الكان بلا شيل الحال ما يلقوكن ليشي.... أدني أضانك جاي ( خلي ود حران اليجي والكان للدلاليك والطار زمااان إدقن والحال أصلو إنشال...البركه في الخرفان..خلو خلو اليجي ... لكن إن بقيت فالح تعال حايم علي ضبيحتاً ليّ إن ما فلقتك قولي أب صبره) .... ود حران صاحبك جايي بيهجنجليبو ده قايلني داق الظهر وداير أكرّم;););)

طارو القديم اداني ليهو قبال يسافر السودان .. تمبلك .. تمبلك .. تمبلك :d:d
لكن طارو الجديد الجابو معاهو من السودان ما عرف نغمتو كيفنها :p:p:p:p
ارجاهو لامن يجي داخل بوستيك ده و يضوقك نغمتو الجديدي :d:d:d

عبدالله عبدالعزيز خليفة
12-20-2010, 09:33 AM
إن بقي ليشواكيش القوارير يا عبد الله أخير البواسير:cool: ... الشواكيش قاعد تقد النافوخ وما عندها علاج تودي الآخره بلا تأشيره ... أما البواسير علاجه هين بس عمليه ووسادي تحت العادم وكان يا عرب;););)


** دايرين زول مضروب شاكوش :شاهد على العصر .يا ابوالزيك .

دايرين ناس البروستات والناسور بنات عم البواسير .ندق الجرس !!


> أما البواسير علاجه هين بس عمليه ووسادي تحت العادم وكان يا عرب] خلاص نقرَض على كدا ؟؟؟

عبدالله عبدالعزيز خليفة
12-20-2010, 09:36 AM
هو اليقول الصح يا عبد الله يبقي شيال حال:confused::p;):eek:




**

أذكرو محاسن حبايبكم ...

ضمره بغدادى
12-20-2010, 02:18 PM
قشريييييي
يعلم ربى دابى جيت وعلى البركل طوالى وبديت اتصفح بلا القى الخبر ده وكيفن هزانى ووجعنى امااااااااانى ماهو محل مو حراق المحل السوولك فيه العملييي ده ...كُت دار أكون حاضر عشان اقيف جنبك واواسيك واقولك عدى الصبر آزكريي واستحمل عشان تكون ضقت الولادى وتانى كل ماتشوفلك مره تدنقر لاتحت :dباقى زمااان سوو لى جدى عمر الله يرحمو العمليي دى فى مروى طول ليلو ونهارو يكورك وقال لى الجمل مايستحمله مانى عارفك انت استحملتها كيفن .
الف سلامى والجاتك فى محل البواسير سامحتك:d:d .....اها باشرت عملك فى البيت واللا لع ومسوى كيفن ...حدثنى عشان انا جبتلك معاى هديييي تخفف عليك وبدل تلمس بى ايدك بس تخليك تشوف بى عينك :d ياطالق يامخرف :):)

علاء كرار
12-20-2010, 03:00 PM
قشريييييي
يعلم ربى دابى جيت وعلى البركل طوالى وبديت اتصفح بلا القى الخبر ده وكيفن هزانى ووجعنى امااااااااانى ماهو محل مو حراق المحل السوولك فيه العملييي ده ...كُت دار أكون حاضر عشان اقيف جنبك واواسيك واقولك عدى الصبر آزكريي واستحمل عشان تكون ضقت الولادى وتانى كل ماتشوفلك مره تدنقر لاتحت :dباقى زمااان سوو لى جدى عمر الله يرحمو العمليي دى فى مروى طول ليلو ونهارو يكورك وقال لى الجمل مايستحمله مانى عارفك انت استحملتها كيفن .
الف سلامى والجاتك فى محل البواسير سامحتك:d:d .....اها باشرت عملك فى البيت واللا لع ومسوى كيفن ...حدثنى عشان انا جبتلك معاى هديييي تخفف عليك وبدل تلمس بى ايدك بس تخليك تشوف بى عينك :d ياطالق يامخرف :):)

ضمرة صاحبي

حمدلالك بالسلامه و بركة الشفناك طيب

ياخي انت جيت متأخر بالحيل اكنك ادخل من الاول من عند الصابون و عدة الصابون . الكلام ده مو غلط مطبعية اكتشفنا انو هناك فرق بين (صابون العدي) و (عدة الصابون) مرورا ب ( نعيما ) :d:d:d و اول تصل عند الخابور كورك لي عندي كلاما فيهو لسه ما قلتو ..
شفت جنس المحن دي آ ضمرة أخوي :d:d:d

ضمره بغدادى
12-20-2010, 03:23 PM
ضمرة صاحبي

حمدلالك بالسلامه و بركة الشفناك طيب

ياخي انت جيت متأخر بالحيل اكنك ادخل من الاول من عند الصابون و عدة الصابون . الكلام ده مو غلط مطبعية اكتشفنا انو هناك فرق بين (صابون العدي) و (عدة الصابون) مرورا ب ( نعيما ) :d:d:d و اول تصل عند الخابور كورك لي عندي كلاما فيهو لسه ما قلتو ..
شفت جنس المحن دي آ ضمرة أخوي :d:d:d

علاء
تحياتى
:d:d:d
لاحكت ولابقااااااااات الشى فيها خوابير قدر دى :d:d:d
اها يلا قول

ضمره بغدادى
12-20-2010, 03:25 PM
اها ده صوت الطاره الجديد موديل 20011م
تنقش نقش تنقش..... تنقش نقش تنقش :d

عبدالحليم حران
12-20-2010, 05:06 PM
يازكريا حمد لله بالسلامة وايضا علي سلامة (فردتك) ود بغدادي.
أبوالزيك ، أنا سمعت إنك قررت الهجرة للسعودية شارد خجلا من النسوان الكان بزورنك في المستشفى ، وبعدين برضو سمعت إنك بصدد تكوين أتحاد ( المبوسرين )، للاهمية أفيدنا الله يخليك ،

زكريا بابكر عمر
12-21-2010, 06:47 AM
قشريييييي
يعلم ربى دابى جيت وعلى البركل طوالى وبديت اتصفح بلا القى الخبر ده وكيفن هزانى ووجعنى امااااااااانى ماهو محل مو حراق المحل السوولك فيه العملييي ده ...كُت دار أكون حاضر عشان اقيف جنبك واواسيك واقولك عدى الصبر آزكريي واستحمل عشان تكون ضقت الولادى وتانى كل ماتشوفلك مره تدنقر لاتحت :dباقى زمااان سوو لى جدى عمر الله يرحمو العمليي دى فى مروى طول ليلو ونهارو يكورك وقال لى الجمل مايستحمله مانى عارفك انت استحملتها كيفن .
الف سلامى والجاتك فى محل البواسير سامحتك:d:d .....اها باشرت عملك فى البيت واللا لع ومسوى كيفن ...حدثنى عشان انا جبتلك معاى هديييي تخفف عليك وبدل تلمس بى ايدك بس تخليك تشوف بى عينك :d ياطالق يامخرف :):)

لا حولا لا قولا(الناقصي تمت ):confused::confused: أنا الليلي الصابحني منو ؟؟ لقيت لستك العربي فارش والتنك مصفّر.. هبشته الموبايل بطاريتو عدماني البُلاله ... تبنته الجيب لقيتو يشكي لطوب الأرض... جيت داخل هني لاقاني قشره ;)... ده يوماً بلا الله يعدي سااااكت ...إنته آ خرابه بس ما تصل أهلك وتتبرد وتمرق الخبوب الفوقك ده حتن تجيني:cool:مالك داير تجيب لي(الكبسه:d)... هسع ده يقولو عليهو شنو ؟ الله يصرفك إنته الكان بعد ما خلاص قلته الحمد الله عجوز غابرين ماهو في ولامن يصل يكون البوست لحق حبوبتي ..تقوم تجيني مبنقر زي ورر الدميري ... آ يابا أنا هديتك ماني دايره أمش ودها ليطارق علي صالح(تنفع معاهو:p) ... والكان ليشُغل البيت (غسيل العدي ومصميص الهدوم ولا شيتاً تاني;)) ... يا أخوانا حوشو مني الزويل ده .. يا جماعه بالتي هي أحسن الزول ده يختاني وإلا ......(الباقي إنتو عارفنو)....دي بلاوي شنو الوقعته فيها دي .... يا إداره يا عااااالم ضمره ده سوقو من قدامي قبال ما أسووطه ليكم بيعود ... قال ولادي قال ... تلد الينط :d:d:d

كسلاوي
12-21-2010, 06:57 AM
يا إداره يا عااااالم ضمره ده سوقو من قدامي قبال ما أسووطه ليكم بيعود ... قال ولادي قال ... تلد الينط :d:d:d

البينط زي الماسكة الحمامة دا يعني :d :d :d

http://albarkal.com/xu2/index.php/image/direct/TFxFVrh6AL/bar00042.jpg

زكريا بابكر عمر
12-21-2010, 07:06 AM
ضمرة صاحبي

حمدلالك بالسلامه و بركة الشفناك طيب

ياخي انت جيت متأخر بالحيل اكنك ادخل من الاول من عند الصابون و عدة الصابون . الكلام ده مو غلط مطبعية اكتشفنا انو هناك فرق بين (صابون العدي) و (عدة الصابون) مرورا ب ( نعيما ) :d:d:d و اول تصل عند الخابور كورك لي عندي كلاما فيهو لسه ما قلتو ..
شفت جنس المحن دي آ ضمرة أخوي :d:d:d

متكيف ومبسوط :d... أها ما سويتلك جردل زلابيه وشديت البليلي كرامه ليوصول قشره ده مالك:confused:... كلاماً جنسو شنو الجاي تقولو ليهو ؟؟ هو إنته فضّلته شي لا ورا ما قلتو:confused: ... الله يجيبلك المرهف كمان عشان فد مره تعلقو الضحوي وتدقو النقاره...والله حكاية جا متأخر .... ما كان ترسلو طياره خاصه تجيبو ليك :p:p:p

زكريا بابكر عمر
12-21-2010, 07:30 AM
البينط زي الماسكة الحمامة دا يعني :d :d :d

http://albarkal.com/xu2/index.php/image/direct/TFxFVrh6AL/bar00042.jpg

بس ياهو زاااتو;) لكن ده صغير:d:d:d

صلاح عبد النبي
12-21-2010, 07:57 AM
أخونا زكريا ..
ياخي حمداً لله على السلامة ..
وربنا يبعدها عن الجميع المسنوحة دي ..
وعذراً للتأخير .. فقد كنت بعيداً عن المنبر لفترة طويلة ..

زكريا بابكر عمر
12-21-2010, 08:01 AM
يازكريا حمد لله بالسلامة وايضا علي سلامة (فردتك) ود بغدادي.
أبوالزيك ، أنا سمعت إنك قررت الهجرة للسعودية شارد خجلا من النسوان الكان بزورنك في المستشفى ، وبعدين برضو سمعت إنك بصدد تكوين أتحاد ( المبوسرين )، للاهمية أفيدنا الله يخليك ،

يا زول أشرد أنا كاتبلي شيك:d...نعم الخبر صحيح إنني بصدد تكوين جمعيه للمخروطين (من 60 وإنته طالع)وللجمعيه قوانيين ولوائح صارمه (يمكن الإطلاع عليها في قوقل:eek:)...لمنتسبي الجمعيه الحق في مقاضاة أي واحد متلبط (ما عملولو عمليه وماشحطولو خابور)...سوف تقوم الجمعيه بصرف وقايات ولساتك ركشات لمنتسبيها المسجلين مجاناً...سوف تقوم الجمعيه بمخاطبه إتحادات الموصلات العامه والطيران بتخصيص مقاعد (مخرومه لزوم التهويه)لمنتسبي الجمعيه ....إشتراكات الجمعيه وكل أموالها تسلم لي أنا شخصياً(لا تقبل الشيكات وبالذات شيكات المواسير المسماه بالحضري:p) ... تاني في شنو ؟؟؟ .. أيوا .. كل من يتعرض لمنتسبي الجمعيه بالتريقه أو المعاكسه(أياً كان نوعها) يعرض نفسه للجلد في ساحه عامه(ميدان المولد) بيسوط العنج ويصور في شريط فديو يوزع للدنيا كووولها في الشبكه العنكبوتيه(كدي واحد فيكن تاني الينضم معاي)...يُعطي كل منتسب للجمعيه كارنيه يدخل به المراحيض العامه مجاناً(ما يدفع ولا مليم ..يفك دكتو ويجي منقطع تووووش)... سوف نواتيكم ببقية لوائح وقوانيين الجمعيه لاحقاً... أبقو معنا.....زيتنا السوداني صباح عبوتو عاجباني صباح..منقه طبيعيه ميه الميه:cool::cool::cool:

زكريا بابكر عمر
12-21-2010, 08:08 AM
أخونا زكريا ..
ياخي حمداً لله على السلامة ..
وربنا يبعدها عن الجميع المسنوحة دي ..
وعذراً للتأخير .. فقد كنت بعيداً عن المنبر لفترة طويلة ..

أووو أبو الصلح ...إزيك ... يا أخي عاش من شافك... يا زول حمد الله علي السلامه...بارك الله فيك وكفر الله سيئاتك وما تشوف شر إن شاء الله وربنا يسلم الجميع ...تشكر علي المرور يا ملك ...تحياتي ,,,,

صديق عوض صديق
12-21-2010, 02:30 PM
... الف حمد الله علي السلامه...و يارب اجر عافية ... وربنا يعينك علي الانت فيه ....

عباس ريكس
12-21-2010, 04:45 PM
اخوى زكريا حمدلاك بالسلامى والله ما رضيته ليك ام شطور دى لكن قسمتك كدى وقعاد البنابر ده السواها فيك :d عشان تانى تبارى ود جلاس اقولك تعال لى مصر محل الكراسى الوهيطى الما بتغلط عليك موش بنابر تام زين البتقعد فيها شوى وتقيف ترتاح شوى:p:p
تخريمه: البامبرز الرسلتو ليك فى بوست الشوكى والمنقاش استلمتو بينفعك اليومين دى ويبرد عليك وتريح المره من غسيل الدموم الفى السراويل:d:d:d

زكريا بابكر عمر
12-22-2010, 06:25 AM
... الف حمد الله علي السلامه...و يارب اجر عافية ... وربنا يعينك علي الانت فيه ....
يا هلا بالصديق ...أكرمك الله ... الله يسلمك ويعافيك.... والله صدقته الله يعيني علي الأنا فيه(دعوه كيف سمحي) ... بس عليك الله ساعدوني بالدعوات الصالحات والكنجالات الضحاكات في الأيام المقبلات .... تشكر يا حبيب علي المرور ... تحياتي ,,,

زكريا بابكر عمر
12-22-2010, 06:45 AM
اخوى زكريا حمدلاك بالسلامى والله ما رضيته ليك ام شطور دى لكن قسمتك كدى وقعاد البنابر ده السواها فيك :d عشان تانى تبارى ود جلاس اقولك تعال لى مصر محل الكراسى الوهيطى الما بتغلط عليك موش بنابر تام زين البتقعد فيها شوى وتقيف ترتاح شوى:p:p
تخريمه: البامبرز الرسلتو ليك فى بوست الشوكى والمنقاش استلمتو بينفعك اليومين دى ويبرد عليك وتريح المره من غسيل الدموم الفى السراويل:d:d:d

أيا ركس !!! إنته وين الحي بيك ؟؟ يا زول الحكايي شني؟ مااالك غبته قدر ده ووين كُته غاتس ... يا زول حمدلالك بالسلامي الجيت .... عليك الله شُفته البقت عليّ يا عباس ...نان يا عباس أنا ما شرحوني وعولقوني ختوني وبشتنو سوقي ... بعد ما كُته إستاندر خرطوني60..وبعد المخرطه جابتلها دخنا كمان... يا زووول أسكت حديثي خلو .. حكايتي باظت مره واحدي ...أسمع البامبرز الرسلتو ليّ ماحاق أول يوم في العمليه كملتو دحين أعمل معروف رسلي زي خمسه سته كراتين كدي ...سمح ... أما إن دار سُعالك عن السراويل ....أدني أضانك جاي... قرب شويي ( هي عضُمه ماها في.. مولاي كما خلقتني... يخربني )... الله يجازيك .

عبد المنعم محمد محمد خير
12-22-2010, 07:40 AM
يا زكريا ناصر أحمد عمر وصلني الليله المطار . كدي أسالو خاتي شنو في كرسي العربيه :p
غايتو لو ما وراك بس رسل لي رسالة في الخاص

الناس دي كلها ممكونه و صابرة

عبدالله عبدالعزيز خليفة
12-22-2010, 07:52 AM
:eek:يا زكريا ناصر أحمد عمر وصلني الليله المطار . كدي أسالو خاتي شنو في كرسي العربيه :p
غايتو لو ما وراك بس رسل لي رسالة في الخاص

الناس دي كلها ممكونه و صابرة


**

يا ود حمد خير :

انضم بالراحة شيل الحال من قريبك زكريا قام دقً عن ود أحمد عمر ..

الاقربون أولى بالسترة ..

زكريا بابكر عمر
12-22-2010, 09:05 AM
يا زكريا ناصر أحمد عمر وصلني الليله المطار . كدي أسالو خاتي شنو في كرسي العربيه :p
غايتو لو ما وراك بس رسل لي رسالة في الخاص

الناس دي كلها ممكونه و صابرة

عااارفو يا عبدو(هم السابقون ونحن الاحقون) ...هن حقهن يسترو وحقي أنا يركبولو الصايح ... عليك الله شُفته وقايتو كبيري كيفن !! قدُر عُمرة الكسري .

زكريا بابكر عمر
12-22-2010, 09:19 AM
اقتباس:
المشاركة الأصلية كتبت بواسطة عبدالله عبدالعزيز خليفة http://www.albrkal.com/vb/images/styles/greendeluxe/buttons/viewpost.gif (http://www.albrkal.com/vb/showthread.php?p=209617#post209617)
:eek:


**

يا ود حمد خير :

انضم بالراحة شيل الحال من قريبك زكريا قام دقً عن ود أحمد عمر ..

الاقربون أولى بالسترة ..




خلو خلو يا عبد الله .. خلو اليشيل حالو ...عذبني وضحك فوقي قدر الله ما أداهو وهو ساو في مقعد عربيتو لستك بوكس .

البرنس
12-22-2010, 09:21 AM
يا زول أشرد أنا كاتبلي شيك:d...نعم الخبر صحيح إنني بصدد تكوين جمعيه للمخروطين (من 60 وإنته طالع)وللجمعيه قوانيين ولوائح صارمه (يمكن الإطلاع عليها في قوقل:eek:)...لمنتسبي الجمعيه الحق في مقاضاة أي واحد متلبط (ما عملولو عمليه وماشحطولو خابور)...سوف تقوم الجمعيه بصرف وقايات ولساتك ركشات لمنتسبيها المسجلين مجاناً...سوف تقوم الجمعيه بمخاطبه إتحادات الموصلات العامه والطيران بتخصيص مقاعد (مخرومه لزوم التهويه)لمنتسبي الجمعيه ....إشتراكات الجمعيه وكل أموالها تسلم لي أنا شخصياً(لا تقبل الشيكات وبالذات شيكات المواسير المسماه بالحضري:p) ... تاني في شنو ؟؟؟ .. أيوا .. كل من يتعرض لمنتسبي الجمعيه بالتريقه أو المعاكسه(أياً كان نوعها) يعرض نفسه للجلد في ساحه عامه(ميدان المولد) بيسوط العنج ويصور في شريط فديو يوزع للدنيا كووولها في الشبكه العنكبوتيه(كدي واحد فيكن تاني الينضم معاي)...يُعطي كل منتسب للجمعيه كارنيه يدخل به المراحيض العامه مجاناً(ما يدفع ولا مليم ..يفك دكتو ويجي منقطع تووووش)... سوف نواتيكم ببقية لوائح وقوانيين الجمعيه لاحقاً... أبقو معنا.....زيتنا السوداني صباح عبوتو عاجباني صباح..منقه طبيعيه ميه الميه:cool::cool::cool:

والله جنس حسادى البواسير ان ما جاتك من مرض
تجيك من متل نضم زكريا ده اليشرطك بالضحك
زكريا الله يديك العافيه التخصك فى بواسيرك

زكريا بابكر عمر
12-22-2010, 10:36 AM
والله جنس حسادى البواسير ان ما جاتك من مرض
تجيك من متل نضم زكريا ده اليشرطك بالضحك
زكريا الله يديك العافيه التخصك فى بواسيرك

البرنس صاحبي...يا أخي البواسير أنا إتخارجته منها مالك تاني داير تخصخصه وتحرره (الشي أصلها سلعه تموينيه).

عبدالجليل خضر
08-25-2011, 06:26 AM
الاخ زكريا سربلك الله بسرابيل العافية.
(ياجماعة اشهدوا انا قلت سربلك، اوعا واحد يغلت يقلب الباء واو).

واحد جنب ليهو شنب هواوير، كان عندو زى العند اخونا الكاشف. لكن رفض رفضا باتا ان يذهب للطبيب. بعد تمكن الحالة وصار فى عداد الممكونين، شفق عليه اولاده، وغشغشوه، وذهبوا به للطبيب، انهم يريدون علاجه، بحبوب سااااكت ووافق صاحبنا. مع الطبيب بيبشيش بنجوه، وبعد داك خمسة دقايق وشوية ونسة (ولادك كم و ....)، عييييك صاحبنا فى التخدير، واتعملت العملية. بعد انتهاء العملية.
جابوه منفرج الارجل، جالسا على كرسى متحرك، يفره ولده الكبير وفتحوا باب غرفة العمليات وفى الصالة القدامها وجد الحلة ست قدامه، (عواين، ونسون، ورجال كبار واصحابو، والحلة عن بكرة ابيها)، تتحمدله السلامة.
عاين لاولاده مخاطبا، (الدايرنها سويتوها، فضل لكم بس كان تجيبوا الدلوكة والغنايات النرقص ليكم)...:d

ههههههههههههههههههههههههههههههههههههههههههههههههها ى
كتلتونا بالضحك لامن صحيت الاولاد الساعه 2 صباحا
كلو من زكريا ده .....ابراهيم الله يديك العافيه

عبدالله عبدالعزيز خليفة
08-25-2011, 06:46 AM
ههههههههههههههههههههههههههههههههههههههههههههههههها ى
كتلتونا بالضحك لامن صحيت الاولاد الساعه 2 صباحا
كلو من زكريا ده .....ابراهيم الله يديك العافيه


الموضوع دا ما قالو زكريا : قفلو بى زبر الحديد ..
تانى فحًتو مرقتو لا برًه مالكن ..الدنيا رمضان ..يا عبد الجليل ..

عادل محمد الامين
08-25-2011, 09:07 PM
أبو الزيك إن شاء الله أهون الآن على قول العمانيين، عمي أحمد ودالامين رحمه الله كان ساخر جدا وفي إحدى المرات جارنا حاج عثمان سيد الدكان عليه رحمة الله عمل عملية بواسير ، مشى زارو في المستشفى ولما رجع قال لي : الله يسترنا يا عادل يا ولدي من مرض ال....ا...نيط ده يا ولدي يبشتن الزول ويشيل حالو.

ضمره بغدادى
08-25-2011, 09:41 PM
أبو الزيك إن شاء الله أهون الآن على قول العمانيين، عمي أحمد ودالامين رحمه الله كان ساخر جدا وفي إحدى المرات جارنا حاج عثمان سيد الدكان عليه رحمة الله عمل عملية بواسير ، مشى زارو في المستشفى ولما رجع قال لي : الله يسترنا يا عادل يا ولدي من مرض ال....ا...نيط ده يا ولدي يبشتن الزول ويشيل حالو.


اللهم انى صائم :d:d:d

عوض جلاس
08-25-2011, 11:26 PM
زكريا تلقى لسان حالو يقول
ما وريتونا لكن ... وريتوووووونا

عوض جلاس
08-25-2011, 11:28 PM
مرض ال....ا...نيط ده يا ولدي يبشتن الزول ويشيل حالو.

ألحق يا طارق جبريل
علي اليمين دا فاتك بي مراحل

عادل محمد الامين
08-26-2011, 04:11 AM
ألحق يا طارق جبريل
علي اليمين دا فاتك بي مراحل

عوض ، الفتنة نائمة لعن الله من أيقظها:) بالمناسبة حاج عثمان رحمه الله ، سرك من جلاس

زكريا بابكر عمر
08-26-2011, 10:58 AM
بجيكن بعد ما أعيد ;)..هسّع مكتفين ما في طريقة فرفره (اللهم إني صايم)... عادل الشكية ليإالله :d حاج عثمان والله كلامو في الصميم :d:d:d

عوض جلاس
08-26-2011, 12:00 PM
عوض ، الفتنة نائمة لعن الله من أيقظها:) بالمناسبة حاج عثمان رحمه الله ، سرك من جلاس

أنا ما ايقظتها .. سربتها بس

عبدالجليل خضر
09-01-2011, 03:38 AM
زكريا رمضان ده كان معاك كيف ؟؟؟؟ نعل ما تعبت ؟؟؟:d:d:d:d:d
عيدك سعيد

زكريا بابكر عمر
09-01-2011, 07:43 AM
زكريا رمضان ده كان معاك كيف ؟؟؟؟ نعل ما تعبت ؟؟؟:d:d:d:d:d
عيدك سعيد


أحمد الله وأشكر فضلو تمام التمام وعال العال .. بس هبايب الكتاحه واللوبي العفن عاملات فينا عمايل:d:d.... كل سنه وإنت طيب ويعود علينا وعليكن باليمن والبركات والقابله ربنا يحقق الأماني... أدني أضانك جاي ( خلونا نعيد بعدين نشوف الفي الكتاب..أمااااني ورمان جنس ورم رمضان كان ملجمنا.. بس أدها صنّه والنكمّل الكعك والبكسويت):p:p:p

عوض جلاس
09-01-2011, 08:35 AM
أحمد الله وأشكر فضلو تمام التمام وعال العال .. بس هبايب الكتاحه واللوبي العفن عاملات فينا عمايل:d:d.... كل سنه وإنت طيب ويعود علينا وعليكن باليمن والبركات والقابله ربنا يحقق الأماني... أدني أضانك جاي ( خلونا نعيد بعدين نشوف الفي الكتاب..أمااااني ورمان جنس ورم رمضان كان ملجمنا.. بس أدها صنّه والنكمّل الكعك والبكسويت):p:p:p

وما تنسى تخلص الستوت وبعدين تعال اتفشى

زكريا بابكر عمر
09-01-2011, 08:50 AM
وما تنسى تخلص الستوت وبعدين تعال اتفشى

نان باقيلك يا عوض يا أخوي بقدر أصبر... وبعدين عطشة رمضان ما راحت مننا نقوم نلحقا الستوت؟ كدي النروي في ألمي ده ولاقريب نهاية شوال نقوم علي الستوت..وإنته الضييق العليك شنو الستوت دي ماها شهر كاااامل حدادي مدادي... يا جنا ..هووووي ..أملا جك المويه ده جيبو جنبي هني :p:p:p:p

علاء كرار
09-01-2011, 01:45 PM
زكريا رمضان ده كان معاك كيف ؟؟؟؟ نعل ما تعبت ؟؟؟:d:d:d:d:d
عيدك سعيد

ايه ..... !!!!!
هي تاني بتقت .....:d:d:d:d

عبد الجليل عيد مبارك و كل سنة و انت طيب
زكريا خلي بالك من زوزو :d:d:d

عبدالجليل خضر
09-01-2011, 01:49 PM
ايه ..... !!!!!
هي تاني بتقت .....:d:d:d:d

عبد الجليل عيد مبارك و كل سنة و انت طيب
زكريا خلي بالك من زوزو :d:d:d
ههههههههههههههههههههههاى
بالغت فيها يا علاء. اصلى انا خايف عليهو من (ساعه)( الامساااااك) اصلو فى رمضان قالوا مقدار 20 دقيقه قبل الفجر .................
الله يجازى محنك يا علاء ........لو سال شيخ ماكان حلل ليهو الفطور ؟؟؟
كل سنه وانت طيب يا قريبى

صلاح حسين
09-01-2011, 08:46 PM
بوست من روايع اخونا زكريا حفظه الله ورعاه من كل شر
جعلها الله كفارة من كل ذنب

وفي موازين حسناتك يا ابو الزيك ياخوى

الا. يا اخوانا قطعتو مصارينا بالضحك. ام العيال قالت الراجل جنا
وقالت الا يوروها الشي البيضحكو بيهو دا
صهينت يابا لانو ماهو شيتا حشمي
الله لا تاورو عليك تاني
ولابتين معاك للناس المصبر ليهن

زكريا بابكر عمر
09-02-2011, 11:12 AM
ايه ..... !!!!!
هي تاني بتقت .....:d:d:d:d

عبد الجليل عيد مبارك و كل سنة و انت طيب
زكريا خلي بالك من زوزو :d:d:d

تبتق تاني !! قالولك الشي دُخن قبوهو :d أخلي بالي من زوزو؟؟ ماتخاف عليّ مخلي بالي ..علا الصيام يبس بعرتي وربك ستر والحمد الله إتعدي بيسلام زي كُبتة ناس عبد الجليل الفي أمريكا:p:p:p

كسلاوي
11-15-2011, 03:12 PM
أيوه أسمعوا نصيحتي(الكلام ليكن يا المطيرين عينيكن:eek:) ... العندو بواسير أخير يموتبها .. أووووعكم من عمليه..ما يغشوكم الدكاتره الزلنطحيه ديل
:eek::eek::eek:

قلت أفقد صاحبي ....لا يكون مات
الدنيا عيد ...ولحوم ...وشطوط ...وهلمجرا :d:d:d

احمد جبريل
11-15-2011, 03:21 PM
قلت أفقد صاحبي ....لا يكون مات
الدنيا عيد ...ولحوم ...وشطوط ...وهلمجرا :d:d:d

قلت تفقد صاحبك آكسلاوى ولا تبتقلنا فى محن زكريا
وهوايلو الله يجازى محنك

كسلاوي
11-15-2011, 07:26 PM
قلت تفقد صاحبك آكسلاوى ولا تبتقلنا فى محن زكريا
وهوايلو الله يجازى محنك

اخوي أحمد جبريل
ما دام جيت تتفقد معاي صاحبك ....النكرمك بالنكته دي سمعتها أيام العيد

قالوا واحد أتزوج بنت عمو - تغطية قدح وكدا :d - ( وبنت عمو كانت عاوزة واحد إسمو بكري )
المهم الراجل كل يوم يطلع العصر ..ويرجع المغرب
زوجته شكت فيهو ..قالت ليهو يا راجل إنت بتمشي وين كل يوم
قال ليها ... قاعد أطلع المحل الهناك داك لأني بحب جلاكسي
مرتو ( إفتكرت جلاكسي دي ضرة ) زعلت ...وقالت ليهو ..وأنا كمان بحب بكري
قال ليها : يا ولية جلاكسي دي حلاوة
قالت ليهو : كمان بكري دا عسل :d:d:d:d

ودالحوش
12-31-2011, 04:19 PM
بوست لايفقد طعمه:d:d:d

ضمره بغدادى
12-31-2011, 04:27 PM
بوست لايفقد طعمه:d:d:d

ياود الحوش
راجع ملفك الشخصى وافتح تلقى الرسائل وصلتنى رسالتك وماقدرت ارد لانك قافل الباب انت .

عبدالجليل خضر
05-25-2012, 12:04 AM
يا ربى زكريا تانى قامت عليهو؟؟؟:confused::d
ترانا نحسبلو قاربنا( التاسع) من الغياب
هههههههههههههههاى

كسلاوي
05-25-2012, 05:23 AM
صاحبي غيبتو طالت
أها....قلت أفقد صاحبي
من باب إنو عندو علي حق :d:d:d