مـرَّة في البلد ....

[عبد العظيم الطاهر]

حمد ود علي ود حسين

مرة في البلد حمد ود علي ود حسين … نجح للجامعة كان ممتحن من مدرسة مروي الثانوية .. اهلو سوولو كرامة اللت نجاح في الخلوة اللتنا … رشوا البكان وفرشوا البروش .. وجابولهم زير حفروا في الواطة وغزوهو… وملوهو موية للغسيل و الموية اللت الشراب جابوها في الجرادل اللات الطلس الكبار وغتوها بى شاش ابيض من الضبان… أها ناس قعدوا جوه في الخلوة وناس قعدوا في التقينت الليل الجديول البرة الجاي من الحفير الكبير … بعد ما اكلوا وقاعدين متفرجخين يشكنوا في سنونهم .. راجين الشاي .. جاء علي ود اب ضراع يقدل من بعيد لابس لو جلابية بيضاء تراري مع شمس العصير ديك وشايلو سبحة في إيدو…. قاموا الناس القاعدين برا وقفوا على حيلهم دار يسالموهو .. كان لا فوق طوَّل مسافر .. ولادوا رسلولو في الخرتوم فشان يفحصولو الدم .. الملاريا كانت مجنناهو جن .. يطعن في الحقن وينقرشو لو في القريفتن .. ويبلع في الحبوب ويسقوا فيهو في القرض والعرديب نامن حلقو إندبغ .. وما خلتو شئ … وقفوا قالدوهو وقالولو ويييين آزول الحكايي شني ..؟ مالك طول كدي ..؟؟ نحنا قلنا يبقى الزول ده ولادوا مسكوهو عرسولو وحيدتن من لا فوق .. من المملسات ديلك وسكت قعد قبلو تاني ماهو جايي صاد ..؟ قال لهن لا والله الشئ انا كنت في الحجاز… ولدي الفي السعوديي رسل بى هناك قال لي ما دام وصل لا الخرتوم هني تعال الحج مرة واحدة … واتسهلت لي وسافر من هناك .. وعاد الحج جنس خلق و دفسيبةً .. ناس سوق تنقاسي ان طبقوهن ميَّة مرة ما يجوا قدر الناس الفي الحج .. العميان شايل المكسر وتحلف وتقسم تقول ما فضل زول عند أهلو .. والنّاس الحمُر ديل أماني ماهن كتار هناك وعاد جنس شيتاً في البلد ديك ..هو شنو الماهو في ..؟ الكهارب ديل ما يدنك الدرب والاكولات ديل ما تعرف تاكل شنو وتخلي شنو ..كبابي الشاي اللاَّتن ماهن بتل اللاَّتنا .. دخل ايدو في جيبو ومرق لو سبح وبقى يقسم فيهن .. أدَّا ود عثمان واحدي قالو هاك الهديي اللت الحج دي … ود عثمان بقى يقلب فيها في ايدو ويعاين لها ..قام قالو مالك ما جب لي جلابية بتل اللتك دي امشي بها للجمعة .. جايب لي سبحي قايلني أصابعي مقلمات ..؟ أسع دي هديتك لَيّ ..؟ في نضمهم ده المغرب دخل قامو يصلو .. كمَّلُوا صلاتن والامام سلم … ود حسن ابى يسلم اخد لو مسافة حتن سلم والناس يعاينولو.. بس قبل على الامام بعد ما سلّم وبقى يكورك .. انت آشيخنا علي اليمين صلاتكم دي ما تمت ….الامام قالو ما تمت كيفن ..؟ قام ود حسن قالو انا ما كملت التشهد الليلي انتو تسلمو كيفن .. الامام قالو نان انت تسوي في التحـ … التحـ…. نحنا نقعد نرجاك لا بتين ..؟ التحيات يا الله تكملها في ساعة … ود حسن كان تمتام..‍‍

[عوض جلاس]

أخي عبد العظيم إبداع كبير وفن اصيل يحتاج إلى كتاب لتوثق به مثل هذه الحكاوي النادرة والجميلة ولا أجد ما أعلق به عن هذه القصة الجميلة سوى أن أقول :

http://www.l44l.com/up/uploads/4aba45b89b.gif (http://www.l44l.com/up)
وأترك التعليق لبقية الأخوان فهم اقدر مني على الرد

[أب شخيت]

أخوي عبد العظيم

لك التحية...وصفك سمح بالحيل قطّع مصارينا بالضحك..!!.المحلبيات الزي دي أنا بريده شديد...عليك الله كل ما تلقى ليك فضوة أدنا حجوة زي دي..باقي بترفع معنوياتنا بالواو والضمة...

[حسين علي الحاج]

الغالي/ عبد العظيم
لك التحية والعافي التملى عضيماتك وتختك دخري لينا عشان نشبع من ابداعاتك دي
بعدين يا عبد العظيم داير اشكيلك ود نوري ده وبيني وبينك باقي لي كلامك فيهو صاح
ياخوي الراجل وابو زهير ادرس فيهم يمين وشمال وبعد ده كلو طلعوني فشنك
فعلا اتقي شر من احسنت اليه0
وباكر انا جايي الطائف وعندي فيها يومين تلاتي وسوف اكون باتصال بيك ان شاء الله نتقابل في مكة بس ارجو تلفونك
ولك ودي
حسين

[بت ملوك النيل]

جاي تسوينا سواة ود حسن التمتام

وتعلقنا كدي لامتين ؟!

[عبد العظيم الطاهر]

أخي عبد العظيم إبداع كبير وفن اصيل يحتاج إلى كتاب لتوثق به مثل هذه الحكاوي النادرة والجميلة ولا أجد ما أعلق به عن هذه القصة الجميلة سوى أن أقول :

http://www.l44l.com/up/uploads/4aba45b89b.gif (http://www.l44l.com/up)
وأترك التعليق لبقية الأخوان فهم اقدر مني على الرد

عوض جلاس ... أشكرك
عارف ناسنا ديل من شدة ماهن حلوين إن قعدت وسطن تملأ لك مكتبات من حكاويهن:D أنا كل ما أمشي في الإجازي تلقاني راخي أضاني والمسجل شغال :D بس انا بجي هني أعمل لها ( مونتاج ):D
يديك العافي ....

[عبد العظيم الطاهر]

أخوي عبد العظيم

لك التحية...وصفك سمح بالحيل قطّع مصارينا بالضحك..!!.المحلبيات الزي دي أنا بريده شديد...عليك الله كل ما تلقى ليك فضوة أدنا حجوة زي دي..باقي بترفع معنوياتنا بالواو والضمة...

:D أب شخيت ... يسعلني الله نضمك إنت زااااتو سمح :D وما دام ريدتك للمحلبيات شديدي كدي بنكتر لك منها ... علا مرة مرة بنلخبتها بى سرتية .. بالسين والتيَّة :D

شخِّت زي ما عاوز :D:D

[عبد العظيم الطاهر]

الغالي/ عبد العظيم
لك التحية والعافي التملى عضيماتك وتختك دخري لينا عشان نشبع من ابداعاتك دي
بعدين يا عبد العظيم داير اشكيلك ود نوري ده وبيني وبينك باقي لي كلامك فيهو صاح
ياخوي الراجل وابو زهير ادرس فيهم يمين وشمال وبعد ده كلو طلعوني فشنك
فعلا اتقي شر من احسنت اليه0 :D:D:D حاشاك ماك فشنك ... لكين هن يبقى مخهن تخين براهن :D:D وباكر انا جايي الطائف وعندي فيها يومين تلاتي وسوف اكون باتصال بيك ان شاء الله نتقابل في مكة بس ارجو تلفونك
ولك ودي
حسين

كيفنك آ حسين ... انا ما قت لك أب شلاضيم ده .. لغلاغ بالحيل ...:D
الله يجيبك بالسلامي ... ويكتب لنا شوفة ...
تلفوني في المكتب : - 6648198 مباشر والموبايل : - 0563988167

[عبد العظيم الطاهر]

جاي تسوينا سواة ود حسن التمتام

وتعلقنا كدي لامتين ؟!

:D الصبرة ... الشي دي خلاس .... تمت ختمت :D
وفاطني السمحي عرسوها :D

علا نفتح الصفحي التاني ....

أرجوني .....

[أبوزهير]

ود الطاهر
جابتلها نعل كمان ... نحن فهمنا تقيل... نفهما طايري... نان ان بقى الاستاذ موقادر يوصل المعلومه صاح يلام الطالب!!!
عاجبنا انت تناتق لي 3 يوم بى لياليهن وقربت تحرد جده كلها.. انت عاد ما جلك والفهم والذاكره تضعف مع السن ... يارب حسن الخاتمه.
يا ود نوري وعلاء كرار شيلو وشيلوا وعبد العظيم فوق ..... ادولوا!!!!!
اسمع لسع لابت للجزار...

[علاء كرار]

ود الطاهر
جابتلها نعل كمان ... نحن فهمنا تقيل... نفهما طايري... نان ان بقى الاستاذ موقادر يوصل المعلومه صاح يلام الطالب!!!
عاجبنا انت تناتق لي 3 يوم بى لياليهن وقربت تحرد جده كلها.. انت عاد ما جلك والفهم والذاكره تضعف مع السن ... يارب حسن الخاتمه.
يا ود نوري وعلاء كرار شيلو وشيلوا وعبد العظيم فوق ..... ادولوا!!!!!
اسمع لسع لابت للجزار...

يعلم الله ما عرفت الاستاذ منو و الطالب منو ؟؟ علا لابت للجزار دي سمحه بالحيل ..
شن قولك آ عبد العظيم .. ؟

و قالوا ابو حسن اشتغل في القوات المسلحة و بعدين ودوهو سلاح المظلات . التعلمجي قال ليهو بعد ما تنط من الطيارة تعد لحد 10 و بعدين تشد الحبل ده المظل تفتح معاك .
صاحبنا صاحبنا نطه و النطه الياها لحد ما دق الدلجة ، لقوهو يقول ت ـ ـتت ـ تتتمانية

[ودنوري]

الرائع إبن عمتي أسلوب رائع وسرد جميل وكيتن تكويك أنا مسافر السودان بعد 15 يوم وواصل لحدي عمتي زينب وعمتي حرم وعمي علي عبدالله في البلد عاد إنت أحكي ونحن نمشي. وزي ماإنت عارف المشية عن طريق جدة في شان كده جهز غرفة الفرانة باقي نحنا حانتبطحلنا يومين عندك ودايرين نلقى التلاجة عامرة بما لذ وطاب ولا أخت الوزير دي تقوم تشيل حالكم.

ياحسين عاد الأستاذ المابيوصل المعلومة لتلميذوا شن فايدتو.

ياعبدالله عاد بعد ماغيرت إسمك لأبوزهير عملت كويس وشلت الصورة وكنت إتمنى أن يكون اسمك جد جود.

[أبوزهير]

ود نوري
انت مالك زي عقرب الترى تلدغ بى ضنبها وتعض بى خشمها.. جدو دي عاجباك الصوره الجاي افضل من الشالها الهكر..
هي صحيح مسافر

[ودنوري]

والله أنا غلطتلي غلطة وأنا متأسف عليها عاد كيفن أنزل خبر سفري وأنا لسة ماإستأذنت من كبيرنا وتاج راسنا جدو أبو زهير ودحين كان ماسامحني وأداني الإذن والبركة أصلي ماقايم وماني متعتع من هنا

[عمر مجذوب خطيب]

الله يا عظمة حيرتنا عديل كدا - جنس النضم دا قاعد تجيبو من وين يا جنى- واصل ونحن خلفك

[Adil Assoom]

حمد ود علي ود حسين

مرة في البلد حمد ود علي ود حسين … نجح للجامعة كان ممتحن من مدرسة مروي الثانوية .. اهلو سوولو كرامة اللت نجاح في الخلوة اللتنا … رشوا البكان وفرشوا البروش .. وجابولهم زير حفروا في الواطة وغزوهو… وملوهو موية للغسيل و الموية اللت الشراب جابوها في الجرادل اللات الطلس الكبار وغتوها بى شاش ابيض من الضبان… أها ناس قعدوا جوه في الخلوة وناس قعدوا في التقينت الليل الجديول البرة الجاي من الحفير الكبير … بعد ما اكلوا وقاعدين متفرجخين يشكنوا في سنونهم .. راجين الشاي .. جاء علي ود اب ضراع يقدل من بعيد لابس لو جلابية بيضاء تراري مع شمس العصير ديك وشايلو سبحة في إيدو…. قاموا الناس القاعدين برا وقفوا على حيلهم دار يسالموهو .. كان لا فوق طوَّل مسافر .. ولادوا رسلولو في الخرتوم فشان يفحصولو الدم .. الملاريا كانت مجنناهو جن .. يطعن في الحقن وينقرشو لو في القريفتن .. ويبلع في الحبوب ويسقوا فيهو في القرض والعرديب نامن حلقو إندبغ .. وما خلتو شئ … وقفوا قالدوهو وقالولو ويييين آزول الحكايي شني ..؟ مالك طول كدي ..؟؟ نحنا قلنا يبقى الزول ده ولادوا مسكوهو عرسولو وحيدتن من لا فوق .. من المملسات ديلك وسكت قعد قبلو تاني ماهو جايي صاد ..؟ قال لهن لا والله الشئ انا كنت في الحجاز… ولدي الفي السعوديي رسل بى هناك قال لي ما دام وصل لا الخرتوم هني تعال الحج مرة واحدة … واتسهلت لي وسافر من هناك .. وعاد الحج جنس خلق و دفسيبةً .. ناس سوق تنقاسي ان طبقوهن ميَّة مرة ما يجوا قدر الناس الفي الحج .. العميان شايل المكسر وتحلف وتقسم تقول ما فضل زول عند أهلو .. والنّاس الحمُر ديل أماني ماهن كتار هناك وعاد جنس شيتاً في البلد ديك ..هو شنو الماهو في ..؟ الكهارب ديل ما يدنك الدرب والاكولات ديل ما تعرف تاكل شنو وتخلي شنو ..كبابي الشاي اللاَّتن ماهن بتل اللاَّتنا .. دخل ايدو في جيبو ومرق لو سبح وبقى يقسم فيهن .. أدَّا ود عثمان واحدي قالو هاك الهديي اللت الحج دي … ود عثمان بقى يقلب فيها في ايدو ويعاين لها ..قام قالو مالك ما جب لي جلابية بتل اللتك دي امشي بها للجمعة .. جايب لي سبحي قايلني أصابعي مقلمات ..؟ أسع دي هديتك لَيّ ..؟ في نضمهم ده المغرب دخل قامو يصلو .. كمَّلُوا صلاتن والامام سلم … ود حسن ابى يسلم اخد لو مسافة حتن سلم والناس يعاينولو.. بس قبل على الامام بعد ما سلّم وبقى يكورك .. انت آشيخنا علي اليمين صلاتكم دي ما تمت ….الامام قالو ما تمت كيفن ..؟ قام ود حسن قالو انا ما كملت التشهد الليلي انتو تسلمو كيفن .. الامام قالو نان انت تسوي في التحـ … التحـ…. نحنا نقعد نرجاك لا بتين ..؟ التحيات يا الله تكملها في ساعة … ود حسن كان تمتام..‍‍
الله يسألكن شغل زي دة يخلوهو يحتل؟!:mad::D

[النافعابى]

مالو مابيحتل ما دام ود الطاهر حاتل لى رقبتو
يدود ر فينا يسونقنا لمن يوصلنا الحجره ويحتل يخلينا