عتود دقش والعود أحمد

[على بابكر ابراهيم بابكر]

التعازى لكل رواد هذا الملف الرائع فيما فقدناه بسبب القناص المجرم ولنبدأ من جديد لنتصفح هذا الملف الهام ، وفى البداية نسأل أين أبشخيت ولمذا اختفى وهل ذهب به الهكر أم هو الهكر نفسه ؟؟ فحقيقة السؤال يحتاج الى إجابة . نقول له ولكل رواد المنتدى ترقبوا المفاجأة بعد قليل ، ألا وهى وصول صواريخ ود الصيدة من قاعدته الجوية موجهة الى ابشخيت وأمثاله من الهكر فترقبوهــــــــــــــــــــــــا !!!!

[حسان سرالختم]

الاخ على ... فعلا بوست (عتود دقش) من البوستات
الرائعه ومليئه بكل اصناف الجمال وانشاء الله ينجح
الريس خالد الحاج فى اعاده كل المنتديات والبوستات
فى البركل السابق
واخونا ابشخيت يا ريت يواصل معنا

[عيدابي]

التعازى لكل رواد هذا الملف الرائع فيما فقدناه بسبب القناص المجرم ولنبدأ من جديد لنتصفح هذا الملف الهام ، وفى البداية نسأل أين أبشخيت ولمذا اختفى وهل ذهب به الهكر أم هو الهكر نفسه ؟؟ فحقيقة السؤال يحتاج الى إجابة . نقول له ولكل رواد المنتدى ترقبوا المفاجأة بعد قليل ، ألا وهى وصول صواريخ ود الصيدة من قاعدته الجوية موجهة الى ابشخيت وأمثاله من الهكر فترقبوهــــــــــــــــــــــــا !!!!
الاخ على بابكر لك التحية
ويجب ان لا نعير هذا الهلفوت اهتماما
اكثر من اللازم
وكل ما نقوله الان كيف توفير الحماية
للموقع وعلى الاخ خالد الحاج ان يقوم بترتيب
عملية الحماية وياريت يحتفظ بى نسخة مرادفه تجدد بأستمرار
والاخ خالد مشغول كما نعلم وليتنى كنت متخصص فى
هذا المجال كنت ساعدته فى هذا الامر
وعلى الاخوان المتخصصين المساعدة حتى لا تتكرر
هذه الماساه

[على بابكر ابراهيم بابكر]

أحبتى عشاق ورواد عتود دقش المتلهفين للمفاجأة ، فعنوان رسالتى هو عنوان المفاجأة فقد قام أخى ابراهيم باطلاق صواريخه من قاعدته الجوية التى تضاهى القواعد الأمريكية لكى يرد على كل قزم وعلى كل قناص وعلى كل هكر حاول أن ينال منهم أو أن يمس أحبتهم ، فلا أريد أن أكون حاجباً بينكم وبين ما كتبه أخى وإليكم قصيدته .
"]( خليني أنضم زي ما أريد )


قادر الله وقادر السيد ... ويفعل الله هو شن ما يريد.
داير أشوف شرشير الحلب ... وداير أشوف دق الحداديد.
السلام يا أهل المنتدي ... جيتي أصلها غير مواعيد
جيتي جية زول منفعل ... داير أموت بالزعل الشديد
ومافي زول يحجالو مظلوم ... ما الأمر مارق من الأيد
والكلام الداير أقولو ... ببقى قدرو يمين ما أحيد
والرصاصة الطايشه تدوش ... خاصة كان من زولاً بعيد
جبهه فتحت تالا الشرق ... سمى نفسو الحاج أب شخيت
وزى كلامو البيقولو دا ... عندى لا يمسى ولا يبيت
قال الحريم والشفع ورا !!! يا سلام يا الأغا ود عقيد !!!
العلوج والجبناء ياتن ؟؟ ... العيونا تجافي الغميد ؟؟!!!
الكلام ما كان معمم ...والقصد شعرانا تحديد
دا ما لو زي ديك (بت السرف ) البطفر غير مواعيد
هاك بسم الله وابدأ ...وهاك مني كلاماً مفيد
أنا داير أجرك ساعة الزمن ... داير أجيب السيرة وأعيد.
وأبدأ من زمن الموالي .. في بساط هارون الرشيد
ما لقيت أسم الزول دا أنا ... ولا قريب من اسم أب شخيت
إلاّ تاني رجعت صديت ... ما الأسم مقرون في بخيت
أب شخيت وهلم جرا ... ديل أسامي هنا ألات عبيد
إلاّ نحن إن درت تعرف ... نحن ناس تقابة المسيد.
ونحن ناس حلقتنا زاكرى ... ما في بينا قطيعه وشديد.
ونحن ناس سيره وناس حديث ... نحن ناس قرآن وتجويد.
ما انطفت نارنا وماب تموت ... وفوقنا تنطقش البراريد.
إن نقصنا نتم مننا ... وبي مشاريعنا الفي الصعيد.
لاب نمد إيدينا لي زول ... لا لحاسه ولا شحاحيد.
نحن أهل ( ود الكرسني ) ... نحن ما وافدين ... مواليد.
أسمحولي آيعقوب أرد ... خلني أنضم ذي ما أريد.
ما في صفحة عشان إتكي ... داير أموت بالزعل الشديد.
ليك يا زكريا السلام ... وإنت يا حسان تر بعيد
لا تقيف قدامي مظلوم ... ولا تجيبلك ناس أجاويد.
(أب شخيت ) اتفلت علينا ...(.....) يمرق من الأيد.
داير أعري من الفوقو دا ... وداير أفصلو قميص جديد.
يبدأ ألف باء تاء الشعر ... ويبدأ تاني من أول جديد
يبدأ من سنة أولى طيشه... ويبقى بالفصل سنة ويعيد.
وأنت يايعقوب في الشعر ... لما يبقي التلميذ بليد ؟؟!!
لا قرأ لا حصلو لوح ... لا الأدب لا يكتب يجيد.
لا هو قاري ولا يستمع ... تلقى بس حافظ الأناشيد.
كان تسولو درس عصر ... كان شوية كمان يستفيد.
هو ما بيعرف الشعراء من جم ... وما سمع بي حميد أكيد.
وما سمع بي يحى وأبو ... وما سمع بي ود العبيد.
وما سمع بالسر وابنعوف ... وما سمع بي حمد سعيد.
برضو قسم السيد وأبو شعب ... والهلالي الجدك أبوزيد.
وبين عطا ويعقوب ألف ود ... ولسه نترقب في المزيد
ديل كلها ناس لواءات وفيهن الرتب المن عميد.
ديل ما ضباط صف ضغار ... هم ديل فحول القصيد
إنت وينا رتبتك هنا ... والله كت تعيين مرافيد.
استفيد دي مدارس الشعر ... لسه منها ميسك بعيد.
البشكر نفسو إبليس ... وأنا ما في زولاً بلويلي إيد.
ما نزل في ساحه إتكسر ... حقي قادر أجيبو وأزيد.
ما سمع تمساح أبنعوف ... البعوم فوق الجبابيد.
يلا خشها دارة الشعر ... لاقو إنت نديد لي نديد.
ياعماد ما سمعت المثل ... السفيه النبذ السيد
البولع نار يحملا ... واعتذار الناس مابيفيد.
الضرب من قطاع الطرق ... أصلو ذاتو دا بيت القصيد
شفتو يا يعقوب والعطا ... دا البخج الترعة ويصيد
قولو بل راسك واستعد ... للزياني المنها العيد.
وأنت رسل لي المقاسات ... شان أفصلو قميص جديد
داير أغسلو وأكويهو أنا ... وما تقولو كلامي تهديد.
داير أولع دارفور حرب ... قولو للفور اليستعيد.
يا زعيم باشمرقا إنسحب ... ماك قَدُر عرب الجانجويد.
ما بطلع التمره من القفا ... وان نزل بنزل بالجريد.
عمري ما بفزع لي زول ... وإن سأل تلقاني ويحيد.
ماب تتطاقش البيضة الحجر ... العصايي تقابل الحديد.؟؟
يلا أرفع رأية السلام .... دون شروط أو أي تحديد
وأرجى رمضان شان نعتقك ... وين في (....) كان عندو سيد
مهما جبد وفقش الجاو ...ماشي نازل ويرخص يزيد
( الـ ....) ينساق بالعصا ... ما (الـ ....) أنجاس مناكيد.
*********
( ود الصيدة ) ـ البركل ـ 1/9/2007م[/COLOR]

[عوض جلاس]

التحية لك أخي علي وأنت تعود مرة أخرى لتفتح لنا ملف العتود الذي تمتعنا بحلقاته المتواصلة ورغم إنني لم أشارك باي رد فيه إلا إنني كنت استمتع بما يحدث داخله وأنا أتصفح معكم مفرداته وكل الأمل أن يعود العتود لمراحه حتى نعيش لحظة بلحظة ما كان يحدث داخل المراح وإلا سوف ننتظرميلاد العتود الجديد ..
أب شخيت أظهر وبان عليك الأمان حتى لو كنت الهكر ..

[عوض جلاس]

الله أكبر الحكايي بدت كبيري خلاص
والنار ولعت منو البي قلبو يطفيها
والقصيدة الشايفها قدامي دي ما أظن في زولاً نصيح يقدر يرد عليها
يسلم لسانك يا ود الصيدة على هذا الكلام الجميل والنظم المستحيل
ونتمنى من أب شخيت الدخول حالاً ليدق صدرو ويرد حتى تسخن القصة
نحن غايتو نقعد نولع النار بينكم ونتفرج من بعيد لي بعيد

[عبد المنعم محمد محمد خير]

التعازى لكل رواد هذا الملف الرائع فيما فقدناه بسبب القناص المجرم ولنبدأ من جديد لنتصفح هذا الملف الهام ، وفى البداية نسأل أين أبشخيت ولمذا اختفى وهل ذهب به الهكر أم هو الهكر نفسه ؟؟ فحقيقة السؤال يحتاج الى إجابة . نقول له ولكل رواد المنتدى ترقبوا المفاجأة بعد قليل ، ألا وهى وصول صواريخ ود الصيدة من قاعدته الجوية موجهة الى ابشخيت وأمثاله من الهكر فترقبوهــــــــــــــــــــــــا !!!!


يسلم لسانك يا أبراهيم أخوي . عرفت ترد على أب شخيت في الصميم وإنشاء الله يا أبراهيم ما تغيب علي في النوم

[علاء كرار]

يا جماعة غياب اب شخيت بعد الهجوم الكاسح ده ينزر بحرب لا تبقي و لاتزر..
آآآآ أب شخيت وين غاطس ؟؟؟

[ضمره بغدادى]

تسلم لى الغالى على بابكر
ابداااااااع يا ابراهيم كما عهدناك بس والله دايرنك معانا هنا .
اب شخيت وينك وين اراضيك واخير لك ترعى بى حبل الطويل البيبعدك من ولا الصيدة ديل .
صاحبى زكريا وين الجديد

[حسان سرالختم]

الله اكبر ... امانى ما وقع راجل
اخونا ابشخيت قول بسم الله ودا بدايه الغيث
واخونا ابراهيم ( ودالصيده ) رافض كل
الاجاويد ..يعنى تشيل عكازك وتدخل الداره .
الاخ على ..تسلم على توصيل هذا الابداع
وخليك مواصل لغايه ما نشوف اخونا ابشخيت
دا ميسو وين

[عصام سرالختم]

الاخ على .....
والاخ المبدع شيال التقيلة ابراهيم بابكر
ده صاروخ ارض جو اصعب من صاروخ مصنع الشفاء
وما اظن اخونا (المحرش) اب شخيت فيهو باقى روح
لى صواريخ يعقوب والعطا ....

[أحمد عبدالوهاب على]

[QUOTE=على بابكر ابراهيم بابكر;58]أحبتى عشاق ورواد عتود دقش المتلهفين للمفاجأة ، فعنوان رسالتى هو عنوان المفاجأة فقد قام أخى ابراهيم باطلاق صواريخه من قاعدته الجوية التى تضاهى القواعد الأمريكية لكى يرد على كل قزم وعلى كل قناص وعلى كل هكر حاول أن ينال منهم أو أن يمس أحبتهم ، فلا أريد أن أكون حاجباً بينكم وبين ما كتبه أخى وإليكم قصيدته .


قولو بل راسك واستعد ... للزياني المنها العيد.

بالله يادكتور على الموس تكون من النوع القاطع التمساح فى ضهرو ديك ومانى مذكر إسما هسع
ما بطلع التمره من القفا ... وان نزل بنزل بالجريد.

عليك الله ورو التمرة دى طولا قدر شنو!!!!كان شاف حديدة إرسال كريمى قبل تنكسر....
يعنى كان أدوهو برشوت ماب يقدر ينزلبو منها....

شكر الله الصانع.....ولك أجر المناولة يادكتور....تحياتى

[محمد الطيب]

يسلم لسانك يا أبراهيم أخوي ويرحم والديك . ويديك العاقيه اخونا على وبالمناسبه وبن اب شخيت عشان يشوف الابداع ده ويورينا حايعمل شنو واكيد القادم اروع .
ودمتم

[على بابكر ابراهيم بابكر]

أحبتى رواد هذا الملف الرائع ، الشكر الجزيل لكل من علق ، ولكن الذى أدهشنى لماذا لم يظهر أبشخيت ويا ترى هل قضت عليه الصواريخ ؟ أم دخل غرفة الانعاش ؟ . ومن أين ظهر سارق العتود ولماذا لازم الصمت .
( خبر عاجل) أتانى على التو من إدارة الاستخبارات العسكرية التابعة للقاعدة الجوية للأستاذ العطا على العطا بأنه تم إرسال تيم بقيادة لواء من الاستخبارات لتقصى الحقائق حول قرية الطريف لضربها ومسحها من الوجود عبر الصواريخ والطائرات الحربية ، ولكن جاء تقرير التيم المختص بأن المنطقة لاتحتاج أكثر من مستجدى الخدمة الوطنية ويكفيهم فقط أن يكون سلاحهم العشر والكرتون . ولذلك أحبتى ترقبوا قريباً الضربة الثانية بقلم الأستاذ العلم/ العطا على العطا . والى أن تلتقى وداعاً .

[حسان سرالختم]

على بابكر ... الطريف مابنرضى فيهو وياهم اهلنا
وشايفك استخفيت خالص بالطريف !!!!!!
ناس الطريف فى المنتدى كتار واخيرلك تعتذر قبل
ما يقبلو عليك
فى انتظار اخونا ابشخيت !!!

[خالد الحاج]

سلامات
هذا البوست من أجمل البوستات وصدقوني بجي أفك الدبرسة هنا والله:D
هذه زيارة "مطايبة" وترحيب بالأخ طارق مفجر الملاحم.
وكمان عشان أقول لي أخونا أب شخيت راجع إيميلك رسلت ليك الباص وورد
ورسلتها مرتين شوف الإيميل الأخير.

تحياتي

[أب شخيت]

اللخت معاكم شريط المارشات دا وامشي اسابل في البكيات الكتار البي ورانا

مارشات عسكرية
الليلة وقَّفنا البرامج...شغَّلنا مارشات عسكرية
قطَّعنا كل الإتصال...كان بالموبايل كان بالثريا
وبرضو حاظرين للتجمهر.. والتجول من عشية
وحتى في القوات تأهب... مستعدين مية مية
ومالين الشوارع جيش..نسير دورية دورية
وانتظرو العميد يصدر.. قرارات نافذة فورية
وانتظرو العميد يصدر.. قرارات نافذة فورية
..بس مارشات عسكرية.. بس مارشات عسكرية.. بس مارشات عسكرية..

[ضمره بغدادى]

غايتو يا اب شخيت انا فى الشى السامعو انت مارشاتك دى مابتحلك من الراجيك.
حتى ان بقيت دخلت احمد عمر الرباطابى واسطة ماك منحل ......... دحين قول الروب وسلم سلاحك .

[أب شخيت]

الأحباب ضمرة وعوض جلاس
وعبركم لكل الأحباب

شايفين شريط المارشات دا حيظل شغال ومدور وكمان بيقلب أتوماتيكيا لحدي ما أقضّي أغراضي كلها:
(1) المسابلات الكتيرة باقي في مركب عرس غرقت بي وراي ...ديل ياأخوان مابيرضو لو ما وصلتهم و أديتهم الفاتحة...دا واجب علي وحق ليهم...ديل ما دافنين كيبلات...ومابقدر اصهين....باقي سمعان إنو واحد رباطابي مات ليهو زول في بيتو بعد نص الليل وكت النومة السمحة ديك..!!!...الناس تكورك ، الصباح جارو جا عامل ما عارف ، سأل الرباطابي قاليهو انت الماتليك دة شنو ؟؟؟ قاليهو حجر بطارية ...
(2) راجي أخوي زكريا القال طائرة يعقوب ال (F16) إتحركت من القاعدة الجوية ولليلة ما وصلتنا...أنا خايفو يطلع لينا زي "الصحاف" العشمنا بضرب إسرائيل بالكيماوي...!!!.وحسع أنا قاعد فوق القيف راجي جنازة البحر دي..!!..
(3) داير إتأكد من الشمارات الجابوها لي الجنون المطاميس ديل...قالو لي طائرة ود العطا المشت الطريف الشفع الصغار رموها بي نبلة ...!!!. وكمان ود العطا أسروهو ..!!.. أنا باقي في ورطة شديدة ما أصلو ناس الطريف ديل حلفاي شديد وكمان ود العطا ودعمي لزم و دمي المابيبقى موية..!!. غايتو كان بقت الشمارات دي صحيحة لازماني مشية لحدي الطريف لزوم الوساطة وللضمان بسوق معاي طارق العمل السواطة دي...!!!
وتأكدو قبال أمشي الطريف لو الصحاف طلع ما صحاف باخد لي خفسة لي بكان الضبيحة وبعد داك بمشي لي واسطة الخير دي...

[ضمره بغدادى]

هلا هلا اب شخيت .... بقيت تفتش فى الواسطة...... امانى ما رقد راجل:D:D:D

[ضمره بغدادى]

هلا هلا اب شخيت .... بقيت تفتش فى الواسطة...... امانى ما رقد راجل:D:D:D

[أب شخيت]

أخوي ضمرة

يسلمو عيونك الشافت ويسلم عقلك الفهم...دحين يا خوي من دربك دا أقرا الموضوع تاني لكين بعد ما تركب النظارات (قعر كباية)ديك...وكان غلبك تفهمو برسل ليك الدكشنري بعنوان (كلام في الوساطة بعد السواطة)

[ضمره بغدادى]

اب شخيت
جيب اضانك جاى قبل زكريا ما يسمعنى .. بينى وبينك العوينات كملن والفهم تقل
بس الدكشنرى ده محتاجو بالحيل .
لكن مشيك للطريف برضك كايس الوساطه التحلك انت:D:D:D:D

[أب شخيت]

أخوي ضمرة

مالن الناس ديل خلّونا نتنابح برانا...!!!..و بعدين زكريا (الصحاف) مما أعلن طيارتو الما جات ديك..!!! طراني عملية المطار ديك الوعدنا بيها الصحاف الأصلي بعدا تاني ما شفناهو لابس الكاكي..!!!

[زكريا بابكر عمر]

أعزائي مواصله لماإنقطع وبعد أن غطت راجمات ودعمتي إبراهيم بابكر أرض المعركه.... وصتنا قاذفات اللهب وهبطت في مطارنا وهي تحمل ملايين الأطنان من القنابل العنقوديه شديدة الإنفجار..... تحمل توقيع أخي يعقوب بابكر عمر (بعنوان غراب الشوم )


ياغراب الشوم ياأب شخيت تبري كيف طاؤوس تتبعو
وإنته عارف البركل جسروزيك الكانديك يجمعو
جيتنا ديك العدي الغشيم بيحروف شفع ماوعو
وإحترام الناس الرموز في الرباطاب كان منبعو
إنته ماك حاضر زمان لما أهلك كان وزعو ؟
شفته ناس الشعر الرصين بقو زي أفلاك يشلعو
لوأصلي ماهديت أب خليل والعطا العضعض أصبعو
كان قيامتك قامت زمان وكان لحقته كتار ودعو
وكان يخلوك عظه للخلوق كل ماشافوك توعو
مين سمحلك تهبش عماد أودقش تنزل مشرعو
بيمقامن وعزة جباهن حاشا ليزول مابيركعو
إنته داير تعزل عماد؟وبره حوش الجيش تدفعو؟
إنته عارف الخلق الأدب حكمه فوقو عماد ربعو
وإنته عارف عمر البشير
كان حيدي عماد المشير
إلا رفضو ورجعو
قال أخيرلو يكون العميد وأوعه من إعلام لمعو
بالتواضع وحسن الكلام هوالوقفو ورقا ودرعو
إنته طارق أداكا كم؟جيت مغمد دارتتبعو
وطارق أصلا عارف النظام ووافق التحكيم طاوعو
لو سعاكا عشان الردود يبقي ساعي البوم والقعو
يفلح الأول في الخراب والتاني حر الصيف يفقعو
ولو رفض تنفيذ القرار زي شخوتك مابيشفعو
وإنته حدك الإستيكه أم قرش أويبل الشافع أصبعو
ويوم يزيد الضفر أو يطول أمسك الضفاره أقطعو
موقع البركل مو لعب لمن إنته تنط تفلعو
حافي حالق تجي بإحترام وحابي زي الدار يركعو
بيأدب وأخلاق وإنكساروحتي ريقك ماتبلعو
وحالف أقعد قبلك عديل ومافي جندي يفوت مدفعو
والشخيت في الورق أب رصاص حاألوكو وتف أجدعو

# # #

وصلني للتو من قيادة الأركان بأن مدافع العطا علي العطا تحركت علي أرض المعركه فترقبوها .

[حسان سرالختم]

دا الكلام ..وتسلم اخونا يعقوب
ولكن يا زكريا ..ابشخيت كترتو عليهو بالحيل
واربعه على واحد دى منافسه ما قانونيه
وبالطريقه دى الراجل دا زايق زايق

[طارق علي صالح]

اشكر استقبالكم الحار وانا كنت طول الوقت في المدرجات مستمتع بكم وبما تكتبون ما اروع منتدي يضم هذه الكوكبة المتميزة زكريا وضمرة وعلي وحسان والصديق الغالي محمد طيب وعادل حمد وام عسجد وساكن القلوب ومسكن المواجع الرائع خالد الحاج وقد زانها وزادها القاَ النشط المبدع الرائع ابشخيت وليتني اعرف هذا الرجل عن قرب ففي طياته مرح وعلم وثقافة وحضور.
الحمد لله املك كل ما قيل من اشعار وونسه وتعليقات وقد كنت احظها كاملة علي الجهاز وقد وضعها الاخ خالد في الارشيف .
اما موضوع العتود فلدي الكثير المثير الذي اود توضيحه .وساكشف مفاجاءت

[طارق علي صالح]

[frame="5 80"]
أمانة ما صيَّحت لي ناسا كتار
النسوّن والشباب واحدين كمان عجزان كبار
وكل زول لابد يكون شد الحمار
ودّع مريتو وشال عصيتو ووصي الصغار
حلحل ديونو وسجّل طيونو وحشى الخدار
ياخوانا الخايف يقيف جنب الجدار
والراكز اليحضر معانا قبال يروح نص النهار
أصلو الحكاية حا تكون موقده نار [/color]

[طارق علي صالح]

حسان سر الختم:


حسان وليد سر الختم
قطعا تكون ما فاهم الفلم
ما العمدة عاملنو الطعم
خاتنو للحوت الكبار ما ينشرم
والكلام القلتو ما ظن يوم يتم
ياخونا فلِّق من بعيد واختا الوعيد واختا الشتم

[طارق علي صالح]

دربك أحمر ويادوب إنته جييت
وما قصرته معاك ياأب شخيت
شلته صينيتي عليكا ومشيت
ومن العتود لحما ما جلافيط
وعشان ضيفنا عليك حنيت
ضمره صاحبي أديتو الربيت
إلا شايفك يا زول نسيت
ومن كلامك برضي حسيت
زول محرش ولزوك جريت
إلا أسمع مني النجيض
إن كته نايم ويادوب صحيت
ولا جايي وللشر نويت
أحسن أرجع وماتقول حكيت
عندي ناسا يعفصو الشخيت
ومابيعرفوك نصيح ولاجنيت
ومابيخلوك الكان حبيت
وتبقي إنته علي نفسك جنيت
هاك نصيحتي وأمسك الخيت
أنسي إنك في يوم تحديت
والكلام ما بيبدو فليييت

[محمد الطيب]

اولا اهلين وسهلين بالاخ العزيز الصديق اللص الظريف صاحب الفضل فى كل الابداع فى هذا البوست الجميل اخى طارق . وموعودين بالكتير من الابداع ...
الاخ العزيز يعقوب يسلم لسانك وعارفك زول تقيله مابترضى الهبشه فى فردة( ديم عرب ) ربنا يديك العافيه .
الاخ اب شخيت ما بقول ليك غير ربنا يعينك (راجع الرسايل الخاصه)
سلااااااااااااااااااااااااااااااااام للجميع

[طارق علي صالح]

http://www.l44l.com/up/thumbs/1cc63a34d4.jpg (http://www.l44l.com/up/uploads/1cc63a34d4.jpg)
طارق علي صالح


كتب اب شخيت
Member تاريخ الانتساب: Aug 2007
مشاركات: 30

الأخوة جماهير المنتدي الأحرار الثوار
الليلة نحن حا نجر الشخيت...الحروم والأفندية والشفع اليزحو بعيد غادي ما تقوم تصلهم لبعة لبعتين..
أصلو الحكاية بعد أخونا طارق أكل عمبلوك دقش..تحرياتنا أثبتت إنو في محكمة عسكرية برئاسة العميد عماد الطيب إنعقدت و أصدرت على طارق غرامات تقيلة..!! شي جلاليب بالكوم..!! شي ملايات بيت..!! شي غنمايات..!! شي مبلغ مادي لزوم مصاريف الغنم وتكاليف فراش بكا العنبلوك..!! جيبَّوه شيلة عديل كدة..!!!... يمكن يكون في واحد داير يعرس علي حساب طارق المسكين!!!... وطبعا القصايد الحلوة ديك كانت خصما علي سمعته المعنوية والادبية..وطبعا العقوبة دي لا تتناسب مع الجريمة إن كانت هناك جريمة في الأصل..!!! لأنو عملية طارق دي غارة فروسية وهمبتة تمجد الجسارة والبسالة..!!! ومن جهة أخري تدل على الثقة بالنفس و إحسان الظن بأرحامو ولاد دقش الما ممكن يزعلو مهما كانت الغارة ثقيلة عليهم..!!! ومن جهة تالتة هو بيعتبر الحالة واحدة وعمبلوكم هو عمبلوكو أكان لاكوه هم والله لاكو هو..!!! لأنو هو مش هولاكو التتري ياهو هو جناهم كان جنى عليهم والله كان جنو عليهو ..!! يعني جناهم بي جنو جنى عليهم!!!
طيب يمكن تقولو يا أب شخيت إنت الوداك تحشر نفسك بين البصلة وقشرتا شنو؟؟.. وكمان تجر شخيتك وتعلن الحرب!!!..شن حشرك يا حشري؟؟!!
إنتو سألتوني ..بس إتمهلو ولوكو الصبر اللوقَّع ليكم الحكاية بالهداوة..وعشان تفهموني وبعد داك تناصروني وتقيفو بي جنبتي من الشخيت لازم أحكي ليكم التجربة دي:
زمان لمان كنا صغار هابشين كنا بنقبِّض الشبش (العناكب)..نشيل الشبشه ونرميها من فوق..هي طوالي ما بتقع..بتقوم تعمل خيط من إيدك وتنزل براحة للأرض...!!! قبال ما تصل الأرض نقوم نسانق الخيط ونرفعا بيهو تاني..!! تقوم تاني تطوِّل الخيط عشان تنزل..وهكذا..وهكذا..وأمانه ما الشبش دا عندو طول خيط أصلو ما تتصوروه..!!!!..
ياخوانا ..أنا عاوز الشعراء المبدعين ديك ناس ود الصيدة..وناس يعقوب..وكل الدخّل خشمو وعمل قصيدة في موضوع العتود..إنو يكون في حالة شبشية من إنتاج القصايد الجميلة الرائعة..وكلنا نتمتع ونطرب ..وأنا العلي والعليكم نسانق خيتهم كلما ينزلو لينا بي قصيدة..
وخيتهم نسانقو بالإستفزاز الشعري والنثري...ويلاكم معاي على الشخيت..طبعا الشعراء ديل لسانهم سليط وحايصيبنا منهم الكتير..لكين ما مهم طول ما نحن بنطلع منهم قصايد..!!.ولابد دون الشهد من إبر النحل!!!!
ملحوظة: القصيدة التالية تم توزيعها في الخرطوم وكمان وصلت للجماعة في الجهة المقابلة من الشخيت..ومتوقع هم الآن في حالة عواسة قصايد..ويا ريت الجماعة المعانا والمعاهم ينزلوها لينا أول بأول في المنتدي قبال ما تبرد...نأسف على الإطالة ..ويلا أعملو همتكم معانا ولا نامت أعين الجبناء والعلوج..!!!





أصلو عِيشة الرَجالة خِتِّيف
يا الطويرق ود الطريف
الكريم الكلس الظريف
إنت نادر وأصلك شريف
تبرا من الحمى أم نزيف
البلومك فهمو محدور وكاسر المقاديف
أصلو عيشة الرجالة ختِّيف
شيل العتود داير حريف
لحمو هش خاتي الشراشيف
الصحون مليانة سِتّيف
بوخا لاوي وحدو السقيف
فيها المشاوى وفيها نشّيف
فيها الكلاوى والفتافت قال نضفناها نضّيف
معاها اتنين طاولة رغيف
ويا حلاة السلقة للنيف
بي حِريف الكسرة الرهيف
قامبو جت وقرش الضليف
حتى العضام والقضاريف
لا شافو جار ولا جاهو ضيف
بعدو شاي مضبوط ما خفيف
بالهبهان وعويد القريف
مويتو نقاع زير الصريف
القناوي الصانعنّو في الريف
يوزن الراس و يضبط الكيف
لامن شعير جلدك يقيف
ختّاها سفة ملاها الشلاليف
كان عندو هبابي في راكوبة في القيف
إتوسد ضراعو وخلف كراعو مابهمّو تخويف
كان من دقش كان ودبابكر كان مليون حليف
والغريبة عماد القلتو ود ناس وزولا أليف
كان حكمو جور وكلو حيف
ما أصلو طغيان وزولا صليف
بدعو رب العزة اللطيف
ينعزل في هادا الخريف
من عميد يبقى وكيل عريف
والشريط العندو تشريف
و جيبو يخلا من المصاريف
ويبقي يشحد في التعاريف

[أب شخيت]

بيان مقتضب

بعد غارة طائرة الصحاف نطمئن المواطنين الكرام بأن دفاعاتهم وخطوط الإتصال والإمداد لم تصب بأي سوء...!!!.ونعلن أن الجهات المختصة قد ألقت القبض على أحد أفراد الطابور الخامس يسمى (أبو أواب) وبحوزته منشور سنعرضة عليكم لاحقاً فترقبوا هذه المفاجأة السارة...
فرع التوجيه المعنوي

مارشات عسكرية

الليلة وقَّفنا البرامج...شغَّلنا مارشات عسكرية
قطَّعنا كل الإتصال...كان بالموبايل كان بالثريا
وبرضو حاظرين للتجمهر.. والتجول من عشية
وحتى في القوات تأهب... مستعدين مية مية
ومالين الشوارع جيش..نسير دورية دورية
وانتظرو العميد يصدر.. قرارات نافذة فورية
وانتظرو العميد يصدر.. قرارات نافذة فورية
..بس مارشات عسكرية.. بس مارشات عسكرية.. بس مارشات عسكرية..

[عوض جلاس]

يا سلام عليكم وعلى الإبداع والله مستمتعين اشد الاستمتاع بما يجري في هذا البوست الجميل ونتمنى أن قاذفات الرجم تكون بنفس القوة والرد يكون من نفس النوع
بس كل ما نرجوه أن تكون السواتر والدفاعات بتاعت المتفرجين قوية حتى لا يصابو باي اذى
وإنشاء الله الكل منتصرين في أم المعارك

[أب شخيت]

بيان هام من فرع التوجيه المعنوي



](أيها المواطنون الثوار الأحرار الشرفاء)
(أيها الشعب السوداني البطل)
(أيها الإخوة المواطنون الكرام)
تأكيداً ليقظة أبطالكم الأشاوس أبنائكم في (الجهات ديك المعروفة لديكم) فقد تم ضبط منشور تحريضي قبل توزيعه للمواطنين الأبرياء..هذه المحاولة المنشورية التخريبية المدحورة كان يقودها من يسمي نفسه (أبو أواب) رئيس حزب (الشمارات الحار والمدايد الحارقة) المحلول "وليس المنحل".....
وسنوافيكم بمستجدات التحقيق العسكري الذي يجريه القضاء العسكري بالتعاون مع الإستخبارت العسكرية مع المدعو (أبو أواب) كلما طرأ جديد...
عليه (ننشر) لكم هذا المنشور (السري) حتى تكونوا على علم بما يحاك ضد خططكم و "خطوطكم" وبختكم و"بخيتكم" وشختكم و "شخيتكم".[/size].



هوي يا أبشخيت بديك حديث قرِّب أضانك واسمعو
جايينا من سفراً بعيد راكب حمارك تلكعو
ما جيتنا بي شيتاً جديد غير "تعالى" وكوراك قعو
وحبة "تطاول" مستفز...وهرشات و "فلّيق" بالبعو
ورقك معرِّج .. وورقنا فاتح من زمان وما لاقي بايظ نجدعو
أخير ترجع تتم باقي الشراب وخمِّر عويشك وزرِّعو
أصلك سجيمان من زمان والهاري يومي تكرِّعو
ما تنسي الحمار تديهو المشك...عارفنو فنجاط ما مطيِّعو
وإنت كان يوم إنحشك..مافي شك مابنهبشك لكين خشيمك شمِّعو
الجانا بي "أدب واحترام" نكرم مقامو نشبعو
حتى الوليدات الصغار ماسكين حمارو يرتِّعو
وكبارنا حالفين باليمين ضابحين و للعربان دعو
شوف ناسنا متكسرين شديد..جايين علينا و أسرعو
كان جيت براك...والله آلافاً معاك ما فارقة تب ومابيُمنعو
وشبابنا شايلين الصحون... وقداح زيادة إتبرعو
كفّو الخلايق كوم لحوم والباقي للناس وزعو
أدوهم الحلو والجلي...حتى الفواكه تبّعو
و مافي زول أدوه خير.. قام أباهو ورجعو
إلا زيّك "لزِّاهو زول"...طمع نفيستو وشجعو
أدَّاهو سيفين من عشر...(حزَّم هدومو ودرَّعو)
وسوسلو بي قول (بارك الله في من إستفادو و نفّعو)
"قبض المقدم" وتوش دخل..خلاهو حاري وطمّعو
يختو فوق وش "المدافع"...كم خيَّب ظنونو و فجَّعو
ولو ما الأدب مانعنا والجيرة والأرحام و "شفّعو"
كان حرَّشنا درفونا صغير...يكفَّت جضومو يلبِّعو
يمعط رويشات "الغراب" ينتّف ضنيبو يمزّعو
كان تاه يوريهو الدرب...وكان خلقو ضيّق يوسعو
لكن وصاة أهلا كبار (حانن وليدك وطبعو)
(ربيهو يحترم الكبير يرعى المقامات وماتدلعو)
(إن درت تأمن من شرور...ماتنسى "كلبك جوعو")
"ود الصيدة" و "أولاد بابكر" إتنفشو فوقو إتضرعو
ديل بحار شعر القصايد...هم مصبَّو عديل و منبعو
ديل ياخي ما خلولو شي ...إتفنّو فيهو وبدّعو
ياخوانّا كان شعرن رصين...أطرب قليبنا ومتعو
بالضحك قطع المصارين... لامن كلانا إتفقعو
طربت نفوسنا وانتشت...وقلوبنا حنّو إتلوعو
زاد شواقه لي شوفة حبيب سافر بعيد ماودعو
زي مغترب مشتاق شديد لي أم عيالو وشفّعو
زي وردي بالعود بالمزاج يغني سايلات دمّعو
(هجرة عصافير الخريف في الموسم الفات قنّعو)
العمدة عود صندل عبير عطاهو طيب للجدعو
شمعات علم تضوي السبيل...أو قول نخيل يرمي الرطب للفلعو
و ختاكا كان ياأبشخيت...كاسات ألم مابراهو شربو إتجرعو
أحبابو الكتار برا البلاد.. خاتمين جوازن طلعو
وإتنادو من داخل البلاد...إتلمو ليك واتجمعو
قالو حالفين جوه الحرم ...مهللين طافو و سعو
(الما احترم مقامات الكبار...أتمان عزيزة ندفّعو)
(نخلص حقوقنا مضاعفة...نبهدل حياتو نبشِّعو)
(كان فات "أدب أولاد رباط"...وما شال نصيبو الوزعو)
(خلونا تب بنجيهو....ونعدل عوجتو و نردعو)
(ماأصلو زول "بومة خراب"...نهدم بناهو نصدِّعو)
(ينسى أبوهو الوالدو زاتو وحتى مين الرضَّعو)
(ينسى إسمو الكان أبشخيت...نمسح خطوطو نبقِّعو)

[على بابكر ابراهيم بابكر]

التحيات مجدداً لرواد هذا الملف الرائع ، أخى / حسان أنا ناطق رسمى باسم الجماعة ولن يخوفنا التهديد فى الطريف وبعدين أنا ما قلت فيها حاجة وإنما الذى قال هو الأستاذ/ العطا واذا عندكم كلام يا أهل الطريف فابقوا رجال وقولوهو للعطا عشان يمسحكم ذى ما مسح غيركم ( طارق ـ أبشخيت ) . وعدين إذا الطريف فيها صالحين كما إعترفوا بأن فيها طالحين .
الأخ اللص ( طارق ) صمت دهراً ونطقت كفراً ، ما قلته وما استعرضته ليس من العدالة فى شئ فكن منصفاً حتى ولو كنت مجرماً لأن باب التوبة مفتوح ورمضان على الأبواب ، فلماذا تكثر فى مدح أبشخيت ؟ فقط لأنه مجدك ورفع من شأنك !! ولماذا تستعرض فقط ما قيل من شعر ونثر يمدحك ويمدح أبشخيت ويذم غيركم ؟؟ فلم لم تأتى بقصائد الأعلام التى قيلت فيك وفى ممجدك وأنت تحفظها جميعها على جهازك ؟ أليس من العدالة والانصاف ذلك .
أبشخيت شايفك رفعت الراية وتفتش للوساطة ودا الكلام القلنا ليك زمان ولكن شايفك بقيت تجرح وتطعن بالكلام ( الجنون جابو الشمارات) .
( حسان ــ طارق ــ أبشخيت ) وجميع رواد الملف أنتم على موعد قريب مع اطلالات أحد الرائعين الأستاذ/ العطا فترقبوها وانشاء الله يا أبشخيت دفاعاتك مؤمنة. وبعدين نشوف رد أهل الطريف .

[ysrsideeg]

التحية الى كل رواد المنتدى يادااااب لى يومين تلاتى وبقيت عضو المغصة كاتلانى وانا من زماااااااااااان غافل عنكم بس الحمد لله اللميت فيكم .الحقيقة موضوع عتود دقش شدانى شديد يا ودالصيده وبعدين دقش راجل جارنا والواحد لازم يقيف مع جارو فى المواقف المتل دى بس الهكر حرمنا من التفاصيل بس يا على لو ما رجعتوا الموضوع لازم تلخص لينا الحاصل
ياسرمحمداحمدصديق
القضارف

[على بابكر ابراهيم بابكر]

أحبتى الأفاضل/ رواد هذا الملف الرائع والزائرين من رواد المنتدى وأخص بتحياتى منهم ربان السفينة/ خالد الحاج وكم أسعدتنا زيارته لنا فى داره .أنتم على موعد معى كما وعدتكم ، فبعد وصول صواريخ ود الصيدة وقاذفات يعقوب وراجمات زكريا والتى جميعها أصابت الهدف فأربكت جميع حسابات الخصم وجعلته يبحث عن الوساطة وكذلك أخرجت العقرب من جحرها بعد صمت شديد وبدأت تلوح بالمفاجآت ونحن نعلم تماماً بأننا فى إنتظار جنازة بحر .
يكفينا فخراً أحبتى أن نبشركم بأن كلمات الأستاذ العطا هى ليست عواسة وإنما نظم فريد أبدع فيه وأجاد ، فلا أحب أن أكون حاجباً بينكم وبين ما كتب وإليكم المفاجأة .

بسم الله الرحمن الرحيم

معركة تحرير الطريف

قبل نمشي نخش في الغريق ... ونبدأ من يوم طارق نهب
السلام زكريا وأخو... يا سلالة الشعر الأدب
شيخى إبراهيم بابكر ... نلقى كل ما الواجب وجب
البقيف قدام الصفوف ... وشيخي عندو المشي يبقى خب
داير أحي عماد الحليم ... وتاني أحي جميع الرتب
والشهود ادعاء واتهام ... جلسه كاملة لفحص الطلب
حنو في حال طارق كتير ... وبرضو عملو حساب للنسب
برروها دوافع اللفح ... لما عرفو الجوع السبب
خلو كل سوابقو الكتار ....في التعدى واثارة الشغب
خففولو الحكم الصدر ... جنبوهو الحكم الصعب
الببتر الايد من خلاف ... والكراع من حد الركب
داير اقول لى كل من يقول ... مالو لسه العطا ما كتب
معركة تحرير الطريف ... موعدا آخر يوم في رجب
منى يمشي فصيل مستجد ... لسه للنيران ما ضرب
البنادق الفى ايدو طين ... والسيوف كرتونه وخشب
كلهن ساعتين والطريف ... يبقى فيهو الأمن استتب
فر شرد الرخم أب شخيت ... قبل يصلو فصيلي انسحب
يجري فات قدام الحريم ... يجري قبل الشفع هرب
ياتو فينا الجبناء العلوج ... ياتو طلع الشبش الكرب
وفي الطريف الناس كلهن ... احسبو الحيين والترب
وان تلمو تمور الطريف ... ما تكفي كمينة الحطب
ماب يعشي النعجي الجرف ... وماب يغدى حمارا القصب
الطريف التنتج الجير ... وياتو جير!!! الجير الكعب ؟؟؟
الطريف المو تام طرف ... ياهو مسقط رأس الحلب
فيهو رايجي تجارة القزاز ... واغلي شئ الجركان والعلب
وفيهو افهم زول أبشخيت ... حلبي نافخ الكير والقرب
عندو خير من ولدو الحمار ... ودحشو خايل فيهو الكشب
حلبي فوق السجم العليه .... يبقى حلبي قليل الأدب ؟؟؟
نفسي أعرف مين أبشخيت ... وابن مين لو كان عندو أب

العطا علي العطا
البركل – 5/9/2007م

[حميد]

التحية ليك اخي علي والتحية للرواد
ويا سلام علي هذا العراك النضيف..


سؤال..
الجاياني في نخري دي ريحة شواء
وللا ريحة تلاحم السيوف..؟

ساعود بمخلايتي..

[أب شخيت]

نفسي أعرف مين أبشخيت ... وابن مين لو كان عندو أب


بيان مقتضب

الأحباب الكرام

إستجابة لرغبة صاحب البيت أعلاه...ولظروف أخرى ستعرفونها في حينها فإنه يسرنا أن نعلن لكم من هو أب شخيت ومن هم آباؤه و أجداده في خلال 48 ساعة من الآن..وذلك علي مرحلتين منفصلتين أولاهما في الغد تتبعها الأخرى بفاصل يوم...
ولكم كل المودة والتقدير

[حسان سرالختم]

اولا .... التحيه للاستاذ الرائع ود العطا
رغم انو بسبب طارق فقط انتهى من الطريف
خالص
يا ريت لو كنت ناظما للشعر حتى ارد على
ود العطا واوريهو تاريخ الطريف واصل وفصل
اهل وشيوخ الطريف
واذكركم انو طرف السوط وصل القاضى العمده
(اهلو ونسابتو ) من الطريف
ابشخيت وينك ودايرين رد يرد اعتبار اهلنا
الطريفاب ويشفى صدورنا
اخوى طارق شوف العملتها فى اهلنا والشر بعم

[ضمره بغدادى]

الشكر كل الشكر لصديقى يعقوب بابكر الشاعر المبدع . والشكر موصول عبرك اخى على للاستاذ العطا محمد العطا شاعر البركل وللاستاذ القامة ابراهيم بابكر ولاخى زيكو كما لا يفوتنى ان اشكر الاخ اب شخيت الذى نبش لنا هذا الاثراء من قاماتنا واشكر كل المتداخلين وكل الذين ساهموا فى هذا البوست الرائع .وطبعا عز الدين انا عارفو قاعد يتابع له تحياتى .
ويلا واصلوا

[زكريا بابكر عمر]

تتواصل الإبداعات وما زال الليل طفل يحبو( طول بالك ياأب شخيت ما تضيق -أصبر ) الصواني ماشي علينا حبل تور وكل زول دايرنا نختر وناكل معاهو في صينيتو نسوي شنو عاد مابنقدر نقول شبعنا لازم نجامل الناس الماشين علينا ديل ولا شنو رايك يا أب شخيت يا أخوي؟؟؟ أسع شايف أختي أم مصعب مرسلالي مرسال قالت قراصته فوق الدوكي وملاحه بقي علي القدحه فلازم نختر وناكل من صينيتا .

معليش فات علي في خضم العركه أن أرحب باللص الظريف الراقي سبب كل هذه الهلمه (طارق ) يامرحب بيك أخونا طارق وجيت في وقتك تماما .... تحياتي,,

[عمر مجذوب خطيب]

زكريا لكن العتود ما عندكم - الشي دا تيس عديل واظنو اكبر من تيس عبد الغفار - وكمان دخلكم طارق سارق العتود شخصيا - ودا بعد ما قلت لي يعقوب عووك - استمروا بوست منقة بس
مودتي

[أب شخيت]

نفسي أعرف مين أبشخيت ... وابن مين لو كان عندو أب

همسة عتاب لود الصيدة أخوي

ود الصيدة اخوي هاك المفيد... وإنت زول مليان بالفوايد
الوضوح هو بيت القصيد....و لومي ليك أبيات من قصايد
أب شخيت لي زولك "بخيت" ما نديد....يعلم الله الخالق الندايد
بس نقول ونكرر نعيد....الفروق واضحة و عدايد
أولن ما زول طريد....ولا أجدادو كانوا من الطرايد
وعاشرن ما جلبوه بالصيد....الله لا جاب غارات الصوايد
وآخرن مافي زول الليلة سيد ....وكل زول على روحو سايد
ولَّى ياخوي زمن العبيد...و من قرون "حرّرنا العبايد"
والعتق ما كان زهيد....بس نحنا في "الإستغلال" زهايد
هُوْ ود العز المعروف تليد...الوارثو من أجدادو التلايد
وليد فراس وليهم حفيد... والفرسان أولادو و حفايد
ودَّ عمك و دم الوريد...البجوهو الناس ورايد
لو قال يجيكم يوم يصيد...يلقي نفسو لي روحو صايد
ياهو دمّك وهيلك شديد...مابيصح بيناتكم شدايد
أصلو التميرات العصيد... حلاته بعد الروب بالعصايد
والخصام الما حلّاهو عيد...أريتو عيداً ما يجينا عايد
حب الأخوان عندو الرصيد ...و داير يستلف منْكم رصايد
هُوْ الحنون البر الوديد....المابيفوت ناسو الودايد
المحب الوله المريد....حتى لو كرهوهو رايد
ياهو زيك في الجيل فريد...وإنتو ياكم ناس فرايد
و إنتا زولا معروف مابتكيد.... ضمة مابتعرف مكايد
وكمان مسامح وما حقيد...حتى لي حسادو الحقايد
وبرضو زيك سيد راياً سديد....الغطا للمقدودة و سدايد
العقلو ما توَّاه تام رشيد...الساعي في الناس بالرشايد
يوم يجيكم العدو بالحشود...تلقى ما بهمَّ الحشايد
سيفو السنين المن حديد....وسيف عداكم خرد حدايد
الدوا للجرح أب صديد....البيرُدْ خُصَّامكم صدايد
البعالجو بعيش عمراً مديد....لا يضوق "دِرب" و لا "أنبوبة مدايد"
الادب والأخلاق ليهو قيد...وفي القبايل راس وقايد
بسأل الله تكون عيشتك رغيد....وحياة اولادك رغايد

[أب شخيت]

الأخ العزيز زكريا وعبره لأختنا الكريمة أم مصعب

مشكور علي حسن الظن...واعزرني (فقد سبق السيف العزل) ولك العتبى حتى ترضى..كما أرجوك أن تمر على رسالتي العاجلة في بوست بعنوان (عاجل للأخ الشاعر ود العطا) لتعرف بعض الظروف...!!

لا مانع لدي بل أرجو أن تنشر مساهمة أختنا أم مصعب حتى ولو تغيرت الظروف..فنحن ما نزال جوعى لمساهمات و إبداعات إخواننا و أخواتنا...
بالنسبة لأب شخيت ليكم اللحم و لأبوه العظم...ونحن مارقين للحكاية دي ليسعد الناس جميعا بمساجلات إخوانية صافية...تنتهي والجميع راضي بما قدم للآخرين..ولكن آمل أن تركزوا الضرب علية حتى لا يتضرر آخرون يحبهم بسببه...

[ود حمزه]

أحبتى عشاق ورواد عتود دقش المتلهفين للمفاجأة ، فعنوان رسالتى هو عنوان المفاجأة فقد قام أخى ابراهيم باطلاق صواريخه من قاعدته الجوية التى تضاهى القواعد الأمريكية لكى يرد على كل قزم وعلى كل قناص وعلى كل هكر حاول أن ينال منهم أو أن يمس أحبتهم ، فلا أريد أن أكون حاجباً بينكم وبين ما كتبه أخى وإليكم قصيدته .
"]( خليني أنضم زي ما أريد )


قادر الله ...قادر السيد ... ويفعل الله هو شن ما يريد.
داير أشوف شرشير الحلب ... وداير أشوف دق الحداديد.
السلام يا أهل المنتدي ... جيتي أصلها غير مواعيد
جيتي جية زول منفعل ... داير أموت بالزعل الشديد
ومافي زول يحجالو مظلوم ... ما الأمر مارق من الأيد
والكلام الداير أقولو ... ببقى قدرو يمين ما أحيد
والرصاصة الطايشه تدوش ... خاصة كان من زولاً بعيد
جبهه فتحت تالا الشرق ... سمى نفسو الحاج أب شخيت
وزى كلامو البيقولو دا ... عندى لا يمسى ولا يبيت
قال الحريم والشفع ورا !!! يا سلام يا الأغا ود عقيد !!!
العلوج والجبناء ياتن ؟؟ ... العيونا تجافي الغميد ؟؟!!!
الكلام ما كان معمم ...والقصد شعرانا تحديد
دا ما لو زي ديك (بت السرف ) البطفر غير مواعيد
هاك بسم الله وابدأ ...وهاك مني كلاماً مفيد
أنا داير أجرك ساعة الزمن ... داير أجيب السيرة وأعيد.
وأبدأ من زمن الموالي .. في بساط هارون الرشيد
ما لقيت أسم الزول دا أنا ... ولا قريب من اسم أب شخيت
إلاّ تاني رجعت صديت ... ما الأسم مقرون في بخيت
أب شخيت وهلم جرا ... ديل أسامي هنا ألات عبيد
إلاّ نحن إن درت تعرف ... نحن ناس تقابة المسيد.
ونحن ناس حلقتنا زاكرى ... ما في بينا قطيعه وشديد.
ونحن ناس سيره وناس حديث ... نحن ناس قرآن وتجويد.
ما انطفت نارنا وماب تموت ... وفوقنا تنطقش البراريد.
إن نقصنا نتم مننا ... وبي مشاريعنا الفي الصعيد.
لاب نمد إيدينا لي زول ... لا لحاسه ولا شحاحيد.
نحن أهل ( ود الكرسني ) ... نحن ما وافدين ... مواليد.
أسمحولي آيعقوب أرد ... خلني أنضم ذي ما أريد.
ما في صفحة عشان إتكي ... داير أموت بالزعل الشديد.
ليك يا زكريا السلام ... وإنت يا حسان تر بعيد
لا تقيف قدامي مظلوم ... ولا تجيبلك ناس أجاويد.
(أب شخيت ) اتفلت علينا ...(.....) يمرق من الأيد.
داير أعري من الفوقو دا ... وداير أفصلو قميص جديد.
يبدأ ألف باء تاء الشعر ... ويبدأ تاني من أول جديد
يبدأ من سنة أولى طيشه... ويبقى بالفصل سنة ويعيد.
وأنت يايعقوب في الشعر ... لما يبقي التلميذ بليد ؟؟!!
لا قرأ لا حصلو لوح ... لا الأدب لا يكتب يجيد.
لا هو قاري ولا يستمع ... تلقى بس حافظ الأناشيد.
كان تسولو درس عصر ... كان شوية كمان يستفيد.
هو ما بيعرف الشعراء من جم ... وما سمع بي حميد أكيد.
وما سمع بي يحى وأبو ... وما سمع بي ود العبيد.
وما سمع بالسر وابنعوف ... وما سمع بي حمد سعيد.
برضو قسم السيد وأبو شعب ... والهلالي الجدك أبوزيد.
وبين عطا ويعقوب ألف ود ... ولسه نترقب في المزيد
ديل كلها ناس لواءات وفيهن الرتب المن عميد.
ديل ما ضباط صف ضغار ... هم ديل فحول القصيد
إنت وينا رتبتك هنا ... والله كت تعيين مرافيد.
استفيد دي مدارس الشعر ... لسه منها ميسك بعيد.
البشكر نفسو إبليس ... وأنا ما في زولاً بلويلي إيد.
ما نزل في ساحه إتكسر ... حقي قادر أجيبو وأزيد.
ما سمع تمساح أبنعوف ... البعوم فوق الجبابيد.
يلا خشها دارة الشعر ... لاقو إنت نديد لي نديد.
ياعماد ما سمعت المثل ... السفيه النبذ السيد
البولع نار يحملا ... واعتذار الناس مابيفيد.
الضرب من قطاع الطرق ... أصلو ذاتو دا بيت القصيد
شفتو يا يعقوب والعطا ... دا البخج الترعة ويصيد
قولو بل راسك واستعد ... للزياني المنها العيد.
وأنت رسل لي المقاسات ... شان أفصلو قميص جديد
داير أغسلو وأكويهو أنا ... وما تقولو كلامي تهديد.
داير أولع دارفور حرب ... قولو للفور اليستعيد.
يا زعيم باشمرقا إنسحب ... ماك قَدُر عرب الجانجويد.
ما بطلع التمره من القفا ... وان نزل بنزل بالجريد.
عمري ما بفزع لي زول ... وإن سأل تلقاني ويحيد.
ماب تتطاقش البيضة الحجر ... العصايي تقابل الحديد.؟؟
يلا أرفع رأية السلام .... دون شروط أو أي تحديد
وأرجى رمضان شان نعتقك ... وين في (....) كان عندو سيد
مهما جبد وفقش الجاو ...ماشي نازل ويرخص يزيد
( الـ ....) ينساق بالعصا ... ما (الـ ....) أنجاس مناكيد.
*********
( ود الصيدة ) ـ البركل ـ 1/9/2007م[/color]

أبداع وتألق وبِحّيت -هديه بمناسبة مرور عام علي انضوائي تحت لواء بركل الشموخ يوم 16مارس 2009..

[محمد الامين]

أبداع وتألق وبِحّيت -هديه بمناسبة مرور عام علي انضوائي تحت لواء بركل الشموخ يوم 16مارس 2009..

كل سنه وإنت طيب يا قــــريبى

[زكريا بابكر عمر]

أبداع وتألق وبِحّيت -هديه بمناسبة مرور عام علي انضوائي تحت لواء بركل الشموخ يوم 16مارس 2009..


برغم مرارة بحيتك...ورغم مرارة الذكري....نقولك كل سنه وإنت طيب أخونا ود حمزه ...وجودك بيننا له طعم المنقه السناريه ورائحة البرم في الخريف ....تسلم يا حبيب ...وكل عام وأنت بألف خير ...تحياتي ,,,,,

[ود حمزه]

كل سنه وإنت طيب يا قــــريبى

شكرا ود أختي ليك الف تحيه
شوف الحضور ده الساعه كم ؟؟
دوام ليل زي السم ..الله يرد غربتنا
لي بلدنا الجميله ..

[ود حمزه]

برغم مرارة بحيتك...ورغم مرارة الذكري....نقولك كل سنه وإنت طيب أخونا ود حمزه ...وجودك بيننا له طعم المنقه السناريه ورائحة البرم في الخريف ....تسلم يا حبيب ...وكل عام وأنت بألف خير ...تحياتي ,,,,,

شكرا ليك يا هرم الابداع
لا بد من البحيت لأظهار هذه التراثيات
الخالده للأجيال القادمه وبرضو
ما تخاف قبل ما ابدأ البحيت
قعد أقول يالنبي نوح ..لك صادق ودي

[طارق علي صالح]

ود حمزة سلامات وكل سنة وانت طيب
با زول انت ساكي العتود دا كدي مالك
انا بعد ده بفتح فيك بلاغ اشانة سمعة
ولا اقول ليك كان بتقبل الرشوة اول ما تجي البلد دي
عازمك لحم عتود بي شربوت .. بس ما تسألني اشتريتو من وين؟
الله يرد غربتك سالم غانم

[زكريا بابكر عمر]

[QUOTE]

أسكت يا حرامي:p قال إشانة سمعه قال!! أيا يابه إنته سمعتك شناته سمعوبه ناس الشرق والغرب وناس البندر والمغتربين ... لاتسويها فوق ودحمزه ;););)
دي انا فوتها ليك .. بيتك قزاز .. الفليق الجاك شنو

[misar]

ود حمزة سلامات وكل سنة وانت طيب
با زول انت ساكي العتود دا كدي مالك
انا بعد ده بفتح فيك بلاغ اشانة سمعة
ولا اقول ليك كان بتقبل الرشوة اول ما تجي البلد دي
عازمك لحم عتود بي شربوت .. بس ما تسألني اشتريتو من وين؟
الله يرد غربتك سالم غانم

:eek:

تاااااااااااااااااااااااااااااااني

[طارق علي صالح]

:eek:

تاااااااااااااااااااااااااااااااني
وتالت ورابع ويا مي سار كان كسلا فيها بجيكم بي غادي واسع ماشي البلد اجازة صغيرة ولانجاز بعض المهام (رحلة عمل )

[ود حمزه]

ود حمزة سلامات وكل سنة وانت طيب
با زول انت ساكي العتود دا كدي مالك
انا بعد ده بفتح فيك بلاغ اشانة سمعة
ولا اقول ليك كان بتقبل الرشوة اول ما تجي البلد دي
عازمك لحم عتود بي شربوت .. بس ما تسألني اشتريتو من وين؟
الله يرد غربتك سالم غانم

ود علي صالح سلامات
هو عتودك ده بيتمسك؟؟ التقول ام جِرّقه توّر نفس القاصي والداني
الشي تقول طائرة فانتوم مخفيه من الرادارات الجماعه فضوا سلاح تقيل
وما قدروا غليهو .
لكن عاد ما كتلت حيلي بالشربوت مع لحم العتود
ما يهم اشتريته من وين .تتحاسب بيهو براك. يديك العافيه ..

[ود حمزه]

أسكت يا حرامي:p قال إشانة سمعه قال!! أيا يابه إنته سمعتك شناته سمعوبه ناس الشرق والغرب وناس البندر والمغتربين ... لاتسويها فوق ودحمزه ;););)

قال سمعتي قال بالله كلّمه يا زكريا.. كمان داير يرشيني بي سكره عن تام زين بي لحم عتود مسروق - ماتقول لي جيب أضانك عشان أخاليك عارفك دار تقول لي شنو ؟؟
لكم صادق ودي

[طارق علي صالح]

لكن عاد ما كتلت حيلي بالشربوت مع لحم العتود
ما يهم اشتريته من وين .تتحاسب بيهو براك. يديك العافيه ..
والله فالح فلاحتن تآكل انت واتحاسب انا ..العزومة ملغية
دربك عديل علي زكريا امشي معاهو تامزين ...
هو بيحاسب الطلبات لكن ...

[طارق علي صالح]

[quote]

أسكت يا حرامي:p قال إشانة سمعه قال!! أيا يابه إنته سمعتك شناته سمعوبه ناس الشرق والغرب وناس البندر والمغتربين ... لاتسويها فوق ودحمزه ;););)


دي انا فوتها ليك .. بيتك قزاز .. الفليق الجاك شنو؟؟؟؟؟

[ود حمزه]

وتالت ورابع ويا مي سار كان كسلا فيها بجيكم بي غادي واسع ماشي البلد اجازة صغيرة ولانجاز بعض المهام (رحلة عمل )

كان كسلا فيها شنو ؟؟عتدان ؟ ولا عتدّن ولا عمبلوكات

[ود حمزه]

جبهه فتحت تالا الشرق ... سمى نفسو الحاج أب شخيت
وزى كلامو البيقولو دا ... عندى لا يمسى ولا يبيت
قال الحريم والشفع ورا !!! يا سلام يا الأغا ود عقيد !!!
العلوج والجبناء ياتن ؟؟ ... العيونا تجافي الغميد ؟؟!!!
الكلام ما كان معمم ...والقصد شعرانا تحديد
دا ما لو زي ديك (بت السرف ) البطفر غير مواعيد
هاك بسم الله وابدأ ...وهاك مني كلاماً مفيد
تابع........... الانبهار والدهشه
مع أعذب الأماني ليالرايعين ( ابراهيم ود الصيده ودكتور الفاضل وعلي بابكر وزكريا