كردي ستار
06-28-2010, 06:14 AM
مروي الحضـــــــــــــــــــــــــــارة
وليد كـــردي
مروي عــاد كيفن تخير وكيف بتتغير ظروفا وكل واحد جاب وريقتو وجاب كضبتو رسم حروفا
يا حليـــل بالجد ولاده ولادا كان شايلين سيوفــا أسي مسكينه آب تندي ولا بتخدر بيك قيوفا
حتي لو جمـــع براك كل سدود الدنيا شوفا وكل كبــاري الدنيا جاتك ماشي بي حركات ولوفا
ما بتغير فيها مـــروي ولا بتأثر في قطوفا ماهــا كايسي هي للكهارب ولا الكباري ولا قحوفا
ولاها خايفي من السقالة ولا لواري تنح صفوفـا ولاهـا دايري هي للسياحي ولا مكيف جابلو زيفا
ناسا ما ناس زيتون مُربا ولا ناس جبنا ورغيفا ناسا ناس قراصة حاري دخينات جات عاملالا طوفا
جـات تسلم وغادي ترحـل وتأني تزدان بي وقوفا يا حليل زمن المسـافرين وكل قصة مع ظروفا
مروي أصلا هي الحضارة ومن زمان مكتوب حروفا ومروي كانت ولسة باقية وماها محتاجة انتنوفا
مروي تــاريخ ماضي حاضر قبل ما تحيا وتشوفا مــروي محتاجة الأصـالة ما ها لكلمات رؤوفا
وماها محتاجة البطبل ومـاها كبسولة او هي نوفـا مروي محتـاجة الأمانة الا كـاتلاهـا السفـوفا
مروي دايـرة النية صـافية ومـاها محتاجالا مافيا والمرض الجايبو الله في السطور هو بيبقي قافية
كـان بي رنيناً مغنطيسي أو أشعة تكـون هي شافية وكل زول يخلص شغلتو تبقي ليهو اللقمة عافية
يـرجع التعليم يبتق وتبقي تـاني الصحة وافية ولو ضمير الحكم رفـرف وطوع النـاس الهي جافية
يـرجع الكـايسنو تـاني وتبقي نفسك نفسي وافية ويشتغل كل زول في عملو بي ضمير بي نية صافية
ويبقي سد حمدابنا آيـة ويـرفع النـاس ليهو راية وكبـري مروي يكـون حكاية يروي للأجيال رواية
والمطـار الجـددوه للمسـافرين يبقـي غـاية وتنقطـع يـد أي مجـرم يبـدأ يســرق للنـوايــا
ونتحــد والقــوة تبقــي لا سيــاسة ولا وشــاية والبلد تســع الجميع الا كــاتلاهـا الهواية
دار نبقي في الأحزان أخوة وفي الفرح نحكي الرواية
وليد كـــردي
مروي عــاد كيفن تخير وكيف بتتغير ظروفا وكل واحد جاب وريقتو وجاب كضبتو رسم حروفا
يا حليـــل بالجد ولاده ولادا كان شايلين سيوفــا أسي مسكينه آب تندي ولا بتخدر بيك قيوفا
حتي لو جمـــع براك كل سدود الدنيا شوفا وكل كبــاري الدنيا جاتك ماشي بي حركات ولوفا
ما بتغير فيها مـــروي ولا بتأثر في قطوفا ماهــا كايسي هي للكهارب ولا الكباري ولا قحوفا
ولاها خايفي من السقالة ولا لواري تنح صفوفـا ولاهـا دايري هي للسياحي ولا مكيف جابلو زيفا
ناسا ما ناس زيتون مُربا ولا ناس جبنا ورغيفا ناسا ناس قراصة حاري دخينات جات عاملالا طوفا
جـات تسلم وغادي ترحـل وتأني تزدان بي وقوفا يا حليل زمن المسـافرين وكل قصة مع ظروفا
مروي أصلا هي الحضارة ومن زمان مكتوب حروفا ومروي كانت ولسة باقية وماها محتاجة انتنوفا
مروي تــاريخ ماضي حاضر قبل ما تحيا وتشوفا مــروي محتاجة الأصـالة ما ها لكلمات رؤوفا
وماها محتاجة البطبل ومـاها كبسولة او هي نوفـا مروي محتـاجة الأمانة الا كـاتلاهـا السفـوفا
مروي دايـرة النية صـافية ومـاها محتاجالا مافيا والمرض الجايبو الله في السطور هو بيبقي قافية
كـان بي رنيناً مغنطيسي أو أشعة تكـون هي شافية وكل زول يخلص شغلتو تبقي ليهو اللقمة عافية
يـرجع التعليم يبتق وتبقي تـاني الصحة وافية ولو ضمير الحكم رفـرف وطوع النـاس الهي جافية
يـرجع الكـايسنو تـاني وتبقي نفسك نفسي وافية ويشتغل كل زول في عملو بي ضمير بي نية صافية
ويبقي سد حمدابنا آيـة ويـرفع النـاس ليهو راية وكبـري مروي يكـون حكاية يروي للأجيال رواية
والمطـار الجـددوه للمسـافرين يبقـي غـاية وتنقطـع يـد أي مجـرم يبـدأ يســرق للنـوايــا
ونتحــد والقــوة تبقــي لا سيــاسة ولا وشــاية والبلد تســع الجميع الا كــاتلاهـا الهواية
دار نبقي في الأحزان أخوة وفي الفرح نحكي الرواية