تجربة

[dayami]

http://www.albrkal.com/upload/uploads/labidi.MP3

[أب شخيت]

عواسة الزعيم لسع ما مرقت...أصبرو..

[dayami]

يا اب شخيت ان شفتو بيعوس قلته اخد اول طرقه عشان تكون حاره الظاهر ان ناروا سجمانه ننتظرها تقيد كويس

[dayami]

تصبيرة

رمال حلتنا (http://sudanclips.com/view_video.php?viewkey=c14a6e70a12f74560c02)

[أب شخيت]

يا اب شخيت ان شفتو بيعوس قلته اخد اول طرقه عشان تكون حاره الظاهر ان ناروا سجمانه ننتظرها تقيد كويس

هذه المشاركة لي مكتوبة منذ امس في بوست البركل رجع...اكيد كتيرين ما قروها واراها مهمة ومناسبة مع موضوعك:
أخونا الزعيم خالد الحاج لاقيناهو أمس في قوز الرملة...
قعد معانا ورانا موضوع مركز التحميل دا من طق طق للسلام عليكم..لو شفتوهو لابس العراقي ومحدر الطاقية ويجر بي عصاتو فوق القوز ويشرح الحكاية..
الموضوع إنو مركز التحميل متهم بإنو زي بهاء الدين يوم تونس..
وإنو الهكر اللعين لافي حوالينا زي الصبرة الشايفة قفص جداد ودايراله غفلة..
أها الزعيم صلح مركز التحميل..وبقى تماااام وعمل عليهو قيود بغرض التامين..القيود دي نشتغل بيها فترة تجريبية قول أسبوع اسبوعين لحدي ما نعرف المحاسن والمساوئ..بعداك نقرر إما الاستمرار فيها وإما إلغائها ونبل راسنا ونقعد فوق الفروة ننتظر حكم الهكر فينا...
بيني بينكم أخوكم ما عندو مروة تاني ينضرب من الهكر...
أها...
إنتو ترفعو ملفاتكم الصوتية كالمعتاد عبر مركز التحميل (الصور اصلا ما فيها مشكلة)..
بعد الرفع يجيكم الرابط تنسخوهو...
تمشو للمشاركة الدايرين تغنوا فيها وتلصقوا الرابط زي زمان (كان ميديا بلاير كان ريل)..
وتحفظوا وتنشرو...
أها لمان تمشوا تشوفو الغنية شغالة واللا لا حاتلقوها ما شغالة...!!!..
نان الحصل شنو...الحمير في طينو الزمان داك؟؟!!...
الحصل إنو خالد عمل الشبكة والمصفى في الخطوة دي..
لو ما أدي الغنية الأوكي من عندو الغنية مابتشتغل...
يعني الزعيم بقى ليكم بطري بي ختمو...
أي زول ممكن يضبح العايزو...لكين الزعيم ما بيختم إلا اللحمة النضيفة المافيها مرض الهكر المتصدع..
والراجل قال ماعندو مشكلة في متابعة لحومكم دي..ولو كمان ساعدتوهو وعملتو ليهو رسالة خاصة توروهو مكان ضبيحتكم بتسهلوا عليهو الإشراف..عشان ما يضطر يحوم ساكت في البوستات والردود وينقر الباب:
- يا جماعة الليلة ضابحين شي.؟..
- لا ..لا..
- يا جماعة الليلة ضابحين شي.؟..
- لا ..لا..
- يا جماعة الليلة ضابحين شي.؟..
- لا ..لا..
أها ...إن شاء الله أكون قدرت أوصل الفهمتو...ويا زعيم لو كلامي دا مظبوط وواضح أختم لي خليني اللمشي اشوف اخوي صلاح عبد النبي ضابح لينا شنو..كلب واللا حمار واللا كديسة واللا جايب لينا فطيسة من الشارع..واللا ضابح خروف "بج"..

[عمر مجذوب خطيب]

ديامي -يا حليل خير بوادينا

[عوض جلاس]

ديامي .. يا زول وين بلودك
رمضان كريم .. مشتاقين

[المرهف]

ديامي ألف مرحب بيك
ورمضان كريم ....
تجربة ناجحة بكل المقاييس ..

كل الود ،،،،،،،،،،،

[بكرى مجذوب خطيب]

ابن العم الغالي
حمد لله علي السلامة الطلة وين بلودك
وانتو السودان ده مافي خدمة انترنت ولا شنو عبد العظيم الطاهر سافر للسودان وماعندو خبر ولا ده جفا وانت... من مشيت الاجازة ماظهرت الا الايام دي ....وضمرة بغدادي مرات نادره يظهر وووووو
وفعلا تجربتك هذة اول حرف قبل الزعيم مايجي ويدينا الحصة الاولي وانت طبعا سنير وعيبي باردي
واب شخيت المسلط ما ريحك عفيت منك يا ابشخيت
ونواصل

[صابرين]

الاخ ديامى
كل سنه وانت طيب
ورمضان كريم
وعودا حميد

[misar]

ديامي

لا بأيدك لا بأيدي ده الزمان الأختار كدي
:)
كل سنة وأنت طيب:D