مجلة سودانيات العدد الأول

 

الصفحة الرئيسية   تحميل الملفات  شــعراء  للكتابة باللغة العربية أغـاني الطنبور الـرواية  المديح النبوي إتصل بنا


العودة   موقع البركل : المنتديات > منتدي الشعر
التعليمـــات قائمة الأعضاء التقويم البحث مشاركات اليوم اجعل كافة المشاركات مقروءة

 
 
أدوات الموضوع طرق مشاهدة الموضوع
  #1  
قديم 11-20-2006, 04:23 AM
الصورة الرمزية عكود
عكود عكود غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ…أ£أ‡أ‘أ‡أٹ - أ‡أ،أ‘أ¦أ­أ“
المشاركات: 1,228
إرسال رسالة عبر مراسل MSN إلى عكود إرسال رسالة عبر مراسل Yahoo إلى عكود
افتراضي صور من البلد في أشعار ودبادي

[align=justify]إمتازت أشعار ود بادي بالوصف الدقيق الذي يشابه الرسم بالكلمات، لم يترك شاردة أو واردة من التراث إلا وقد صاغها شعراً جعلنا نشم من خلاله ريحة التراب، نرى بين أبياته ما سكن في الوجدان من تراث.
في البال إنزال بعض من أشعاره هنا، فضّلت أن أبدأ بـ "هوي يا وليد" لتنعش الذاكرة بما فيها من لوحات تراثية تحكي مناظر من الأصالة التي افتقدناها طويلاً.[/align]

[align=center]هـــوى يـا وليـــد

هوى يا وليد يا دلوعة يا مرنوعة
أعدل إيدك المفدوعة
واتلحلح واقيف دغرى وواس صدرك
مع صدرى واتشدّع


ليك الحق
شان ولدوك فوق اسفنج
وحتى أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك بعد مازدتا فوق سنتين
وفى سن عشرة نومك كان على الليدين
غطاك بالشاش وفرشك بحرير الصين
والبتدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين


وليك الحق
عشان ما خضتا فى وحل المطر والطين
ومن الترعة ما سويت شراب الهين
وما قيلتا فى ضل دومة بى فرعين
وما شاققتا عرق النيل مع الوزين
وليك الحق
عشان ادمنتا عيشة اللين
مشي الاسفلت ما جربتو بالكرعين
ركوب اللورى فى شمساً تصر العين
وما عانيت وقوف الصف وراء التموين
عشان يا انتى ما بتدرى سجل ابواتك البدرى
دحين اسمع .. أقيف واسمع
سماك الباكى مجدو الزال
يا ما كانوا تحتوا رجال
ابوخنجر وابوشوتال
والصقر البجيك خوجال
صوتن كان يمين جلجال
ومكسيين كمال وجلال
لكن الزمن اسرع
سيفن بلحس الفقره
وما كان برضو بالحقرة
وكانوا بضبحوا الشقره
وكانوا بضوقو العادوه نوم الكوع
وكانوا بموتوا فى شان حرمة المفزوع


الجعلى اب شرابا حار وقالوا بعدى يومو خنق
والشايقى البياكل النار وفوقو نحاسو متخنق
ودرفون البجا الصقار وحاقب سيفوا ياكل الشق
والغرباوى عينو شرار وكضب القالوا عندو عرق
والنيلى البعرفوا كتار على كتل الأسود جرّق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع


هوى يا وليد
حصل جربتا كب السارية
فى القلعة وخلا العتمور
وشفتا بروقه تترقص وتتحرقص
تقول مطويه فى قرقور
وعاوى الزيفة ينفخ فى جبال النقعة زى الصور
والحصحاص يجرفوا السيل
يكنسوا على مهاوى الخور
وقلب الصاقعة يتطرقش
يكب النار دمار وشرور
وشفتا الحال عرق مقلوع
جبل متروم فرع مكسور
جمال غرقانة بى حالا وحد المويه فى الغرغور
ود ابن ادم المسكين نجاتو تحت قرون التور
والعوتيب يجيك يجرى يشيلك وانتى ما بتدرى
وما بيرفع


هوى يا وليد ...
حصل سادرتا بالديداب
وقدامك مراحك وراكب الخباب
ودربك طولوا يملا العين
سحاب وغبار ومويتو سراب
وهوى كرباجك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقييل من ضحاها
على المعالى ونسمة الهباب
وتفرش ليك حزمة نال تحت
سيالة تريانة فروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاص
أو رعدا تقول رصاص وكت فركع


هوى يا وليد ...
حصل صحاك عز الهجعة
صوت شتماً بعيد مخنوق
وجاتك شخرة الطنبارى مشتاقاً يسوى القوق
ونومك طار واتقسم والرشرش صبح مفروق
واتلفحت نص من توبك الجرجار
على الدلوكة سايق سوق
وتلقى هناك بنات بلدك ولاد بلدك
يعلو الصفقة تقدح فى القلوب الشوق
ونغم الفال ابشرن يا بنات بالخير
والجنيات تطير لا فوق
وكم زغرودة تتفجر تفور بالناس بعد ما تروق
يعوم الوز صدورو تشابى للمجهول وما بتضوق
تميل زينوبة زى البان يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس
عشان زينوبة ما بتحوق
وعاد تتحزم الجنيات وتتنظم تقيف في روق
وكل واحد يهز ضرعاتو والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين وما مشرية من السوق
ويتقدم عريس السمحة رافع صوتو
كان بسوقوا بيهو النوق
والعنجاوى ينزل فوق ضهورن
بس تقول منشحطة فيهو بروق
يبدا مجرو بالترقوة ويتحدر
مع الضلع القصار ملصوق
واحمر عين يشم الدم بعد ما يرش بنات
عمو ويزيدن شوق
وثابت حيطة لا بتهز ولا بتلز
وصارى جبينو كلو عروق
وقال بعد العقد طلقانة ما يحجزوهو
إلا يخلو ضهروا شقوق
هناك الحال مغير جد وهيجة الناس تفوت الحد
وكان حجازو مد الليد بتسمع كع


هوى يا وليد ...
حصل شارفت دغشا بدرى
فوق حجرة مخانق النيل
فى سنة تساب والشرقي
حزم القيف وطفح الكيل
وشوفتا الهيبة فوق اسيادا
والشخرى البكتل الحيل
وشفتا الجارى يحفر فى جروف كوكبنا
بس داير يشقو عديل
يجيك بي صدرو متحزم ومتلقف صفوف فى صفوف
يحاكى الخيل
ومويتو الهايجة تبلع جب
وتجقم فى مدالق السيل
وفوق الرملة مشرور العشارى طويل
معشعش بين نوايبو الطير
حليلو جزايرو جاها النيل
وحالف ما يخلى شبير
حزم اطرافا يكسر فيها
بالهدام وينحر فيها بالقرقير
وبكرة يموصها يشرب طينها
يزرع فيها شلالات هدير وهدير
وتكسح مركب النواتة عايمى
على قرون الموج جناحها كسير
رواسيها مالى اصابعوا فى المجداف
يقوم لافوق ويجى من تانى فوق الدفة
رافع ايدو ينده فى جملة الصلاح واهل الخير
هناك الموت يمين شافوهو شوف العين
ومافى شفيع ومافى مجير
تقول الزول يعرف اجلو
ومكان موتو لولا إنو ما كشفو الإله لى غير
عاد ما دام رقاب الموج تمد لسناتا
فوق للحيف تكب الصير
وشن فضل بلا الغرق البدور ناعى
وفعلا كانوا يا هو مصير
ومشيت المركب الغرقاني بين موجتين
طفروا منها النواتا بطن اللجّة قالوا اخير
تماسيحاً يقالدوا الموج يصارعوا
عتاوة العرق الكتالو مرير
ساعة يعومو بالضرعات وساعة فج
صدورن ضمة مااتبلت ولو قطير
ديل يا وليد ولاد النيل
رضو الهيجة من صدروا
ومن الطيبة رضعوا كتير
الواحد فعايلو كتر ونضمو دقاق
نهرتوا يمين تسوى الفاق
ومراً أصلاً لا ضاقوه لا بنضاق
كفاك يا وليد بلاش فاقة
خلاص أنا تهتا فى الاشواق وما برجع
وهسع ضمة لا شايفك ولا بسمع .
[/align]

التعديل الأخير تم بواسطة : أڑأںأ¦أڈ بتاريخ 11-22-2006 الساعة 06:35 AM. السبب: أٹأ£ أ‡أ،أٹأڑأڈأ­أ، أ،أ…أ’أ‡أ،أ‰ أ‡أ،أٹأ“أŒأ­أ،آ، أچأٹأ¬ أ،أ‡ أ­أ”أ¦أ¸أ” أ‡أ،أٹأ‘أںأ­أ’ أ‌أ­ أ‍أ‘أ‡أپأ‰ أ‡أ،أ¤أ•
  #2  
قديم 11-20-2006, 04:30 AM
الصورة الرمزية عكود
عكود عكود غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ…أ£أ‡أ‘أ‡أٹ - أ‡أ،أ‘أ¦أ­أ“
المشاركات: 1,228
إرسال رسالة عبر مراسل MSN إلى عكود إرسال رسالة عبر مراسل Yahoo إلى عكود
افتراضي

[align=center][/align]

[align=center]ود با دي وخالد الحاج - العين ديسمبر 2005[/align]
  #3  
قديم 11-20-2006, 04:34 AM
الصورة الرمزية أبو الحسين
أبو الحسين أبو الحسين غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ£أ£أ،أںأ‰ أ‡أ،أڑأ‘أˆأ­أ‰ أ‡أ،أ“أڑأ¦أڈأ­أ‰ أœ أ‡أ،أژأµأˆأ‘
المشاركات: 4,013
Thumbs up

اقتباس:
الجعلى اب شرابا حار وقالوا بعدى يومو خنق
والشايقى البياكل النار وفوقو نحاسو متخنق
ودرفون البجا الصقار وحاقب سيفوا ياكل الشق
والغرباوى عينو شرار وكضب القالوا عندو عرق
والنيلى البعرفوا كتار على كتل الأسود جرّق
والبطحانى والشكرى وغيرهم من أهل فخرى
ومنهم أصلى لا بشبع ولا بقنع
هيعععععععع
__________________
...أ£أڑأ‡أں أ*أ‡ أ›أ‡أ،أ*أ‰ أƒأچأ“ أ‡أ،أڈأ¤أ*أ‡ أ£أ،أںأ* أˆأ‘أ‡أ‡أ‡أ‡أ‡أ‡أ‡أ‡أ‡أ*...
  #4  
قديم 11-20-2006, 09:09 AM
الصورة الرمزية حميد
حميد حميد غير متواجد حالياً
Senior Member
 
تاريخ التسجيل: Nov 2006
المشاركات: 1,090
افتراضي

عكود..
كنت اعرف انه وعندما تدور ساقية التوثيق
للقديم ستكون على ضهر الخباب..
جميل ان تتحفنا برائعة ود بادي..وعبرك
ليهو الف سلام..
وياريت توصل ليهو السؤال..
اين الجديد؟؟
آملين ان لايكون الزمن قد جعل منك
(هشا طريا نديا)؟

وياعكود باقليك ( ناس ) قرض اجتازو الامتحان ده
وللا خشو بي وااااسطة؟
اقتباس:
وليك الحق
عشان ما خضتا فى وحل المطر والطين
ومن الترعة ما سويت شراب الهين
وما قيلتا فى ضل دومة بى فرعين
وما شاققتا عرق النيل مع الوزين
وليك الحق
  #5  
قديم 11-20-2006, 10:04 AM
احمد حسن جدعه احمد حسن جدعه غير متواجد حالياً
Senior Member
 
تاريخ التسجيل: Nov 2006
المشاركات: 948
افتراضي

رايعه يا عكود
وياريت تحكي لينا
قصة القصيده دي
__________________
أ‍أڈأ‘ أ‡أ،أ،أ¥ أ£أ‡ أ£أڈأ° أ‡أ،أ“أ£أ‡
أ‌أ* أ‍أ،أˆأ* أ‘أ*أڈأں أ£أڈأڈأ¦


http://albrkal.com/upload/uploading/Movie2.wmv
  #6  
قديم 11-20-2006, 12:44 PM
الصورة الرمزية عبد العظيم الطاهر
عبد العظيم الطاهر عبد العظيم الطاهر غير متواجد حالياً
Senior Member
 
تاريخ التسجيل: Nov 2006
المشاركات: 721
افتراضي

يا سلام ............... على النضم البتور النفس دا

يديك العافية يا عكود .... واضم صوتي مع صوت حميد .. في انك تسعلو لينا من الجديد ...
  #7  
قديم 11-20-2006, 02:20 PM
محمد ابراهيم قرض محمد ابراهيم قرض غير متواجد حالياً
Senior Member
 
تاريخ التسجيل: Nov 2006
المشاركات: 159
افتراضي

رائعة و طاعمة يا عكود ...
  #8  
قديم 11-21-2006, 10:43 AM
الصورة الرمزية حميد
حميد حميد غير متواجد حالياً
Senior Member
 
تاريخ التسجيل: Nov 2006
المشاركات: 1,090
افتراضي

شقف للمزيد..
اين انت يالعكود ؟
هل اصابك مرض عدم الكتابة؟
لاتتمورض تمرض..


حميد..
  #9  
قديم 11-21-2006, 02:35 PM
الصورة الرمزية أبو الحسين
أبو الحسين أبو الحسين غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ£أ£أ،أںأ‰ أ‡أ،أڑأ‘أˆأ­أ‰ أ‡أ،أ“أڑأ¦أڈأ­أ‰ أœ أ‡أ،أژأµأˆأ‘
المشاركات: 4,013
Talking

اقتباس:
المشاركة الأصلية كتبت بواسطة حميد مشاهدة المشاركة
شقف للمزيد..
اين انت يالعكود ؟
هل اصابك مرض عدم الكتابة؟
لاتتمورض تمرض..


حميد..
شوف عيني دي قاااااااعِد متحكِّر لكن مالو ماهو داير يتِبْ علينا دا المحيِّرْني؟؟؟
__________________
...أ£أڑأ‡أں أ*أ‡ أ›أ‡أ،أ*أ‰ أƒأچأ“ أ‡أ،أڈأ¤أ*أ‡ أ£أ،أںأ* أˆأ‘أ‡أ‡أ‡أ‡أ‡أ‡أ‡أ‡أ‡أ*...
  #10  
قديم 11-21-2006, 04:16 PM
الصورة الرمزية عكود
عكود عكود غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ…أ£أ‡أ‘أ‡أٹ - أ‡أ،أ‘أ¦أ­أ“
المشاركات: 1,228
إرسال رسالة عبر مراسل MSN إلى عكود إرسال رسالة عبر مراسل Yahoo إلى عكود
افتراضي

اقتباس:
المشاركة الأصلية كتبت بواسطة أبو الحسين مشاهدة المشاركة
شوف عيني دي قاااااااعِد متحكِّر لكن مالو ماهو داير يتِبْ علينا دا المحيِّرْني؟؟؟
حميد
جدعة
عبدالعظيم
قرض
أبو الحسين
آسف لتأخير الرد على مداخلاتكم ..
من باكر دغش برجع لكم واحد .. واحد
وأواصل درر ود بادي
  #11  
قديم 11-22-2006, 06:37 AM
الصورة الرمزية عكود
عكود عكود غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ…أ£أ‡أ‘أ‡أٹ - أ‡أ،أ‘أ¦أ­أ“
المشاركات: 1,228
إرسال رسالة عبر مراسل MSN إلى عكود إرسال رسالة عبر مراسل Yahoo إلى عكود
افتراضي

اقتباس:
المشاركة الأصلية كتبت بواسطة أبو الحسين مشاهدة المشاركة
هيعععععععع

اقتباس:
واحمر عين يشم الدم بعد ما يرش بنات
عمو ويزيدن شوق
وثابت حيطة لا بتهز ولا بتلز
وصارى جبينو كلو عروق
وقال بعد العقد طلقانة ما يحجزوهو
إلا يخلو ضهروا شقوق
وتاني هييييييييييييع يا ابو الحسين
  #12  
قديم 11-22-2006, 06:54 AM
الصورة الرمزية عكود
عكود عكود غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ…أ£أ‡أ‘أ‡أٹ - أ‡أ،أ‘أ¦أ­أ“
المشاركات: 1,228
إرسال رسالة عبر مراسل MSN إلى عكود إرسال رسالة عبر مراسل Yahoo إلى عكود
افتراضي

اقتباس:
المشاركة الأصلية كتبت بواسطة حميد مشاهدة المشاركة
عكود..
كنت اعرف انه وعندما تدور ساقية التوثيق
للقديم ستكون على ضهر الخباب..
جميل ان تتحفنا برائعة ود بادي..وعبرك
ليهو الف سلام..
وياريت توصل ليهو السؤال..
اين الجديد؟؟
آملين ان لايكون الزمن قد جعل منك
(هشا طريا نديا)؟

وياعكود باقليك ( ناس ) قرض اجتازو الامتحان ده
وللا خشو بي وااااسطة؟
[align=justify]في النيّة يا حمّيد إنزال ما عندي من أشعار ود بادي ..
كنت قد جمّعتها من هنا وهناك (أغلبها من مداخلات أخونا ديّامي - ليته يشترك هنا)، كانت هناك كثير من الأخطاء فيها (إملائية وتبديل بعض الكلمات)، قمت بالتعديل حسب الذاكرة (فقد كنت أحفظ كل القصائد عن ظهر قلب)، عموماً لو رأيت خطأ ما أرجو تنبيهي.
ود با دي عنده الجديد ولكنه، بطبعه، زاهد عن النشر، هل تصدّق حتى الآن شعره غير مجموع؟
أوصلت له تساؤلك وتساؤل الكثيرين عن جديده، فوعد أن يرسل لي مجموعة قصائد لإنزالها هنا.
أما عن الهشاشة والطراوة والنداوة، فقد زالت عنه الغبَشة دون هشاشة .. وترسّخت الأصالة والحنين، كما لم تفارقه الدروشة وبعض طمسة.
[/align]
  #13  
قديم 11-22-2006, 07:01 AM
الصورة الرمزية عكود
عكود عكود غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ…أ£أ‡أ‘أ‡أٹ - أ‡أ،أ‘أ¦أ­أ“
المشاركات: 1,228
إرسال رسالة عبر مراسل MSN إلى عكود إرسال رسالة عبر مراسل Yahoo إلى عكود
افتراضي

اقتباس:
المشاركة الأصلية كتبت بواسطة احمد حسن جدعه مشاهدة المشاركة
رايعه يا عكود
وياريت تحكي لينا
قصة القصيده دي
أحمد جدعة ..
نهارك سعيد،

قصة القصيدة ذكرها ود با دي في التسجيل المرفق مع القصيدة ..
أتمنى تكون سمعتها
لو ما اشتغلت معاك قول عوك، عشان أقوم بإنزالها مرة تانية.
  #14  
قديم 11-22-2006, 07:08 AM
الصورة الرمزية عكود
عكود عكود غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ…أ£أ‡أ‘أ‡أٹ - أ‡أ،أ‘أ¦أ­أ“
المشاركات: 1,228
إرسال رسالة عبر مراسل MSN إلى عكود إرسال رسالة عبر مراسل Yahoo إلى عكود
افتراضي

اقتباس:
المشاركة الأصلية كتبت بواسطة عبد العظيم الطاهر مشاهدة المشاركة
يا سلام ............... على النضم البتور النفس دا

يديك العافية يا عكود .... واضم صوتي مع صوت حميد .. في انك تسعلو لينا من الجديد ...
بدون تعليق منّي يا عبد العظيم، أورد ليك ما كتبه أخونا أبو جهينة عند سماعه لقصيدة هوي يا وليد في بوست في سودانيات (لود الشيخ)، وتعليقي عليه:
اقتباس:
لا حول و لا قوة إلا بالله العلي العظيم ..

أولا ود الشيخ ود عمي .. سلام كبير و تحية ماكنة و شوق عارم و كل سنة و إنت طيب

العكودابي عكود : مالك علينا يا عكود ؟ أنا قلت كفاى أقرا بس ..
ما طالبني حليفة .. سمعت النص كاملاً و إنتابتني نوبة من الهستيريا ( أخوك تربية جعليين و إنقرياب ) و ضايق السوط كان مرة كان مرتين .. لكن تبت لله و الرسول .. كلما أسمع لى حاجة زى دي ولا دلوكة أزوغ و كأني ما سامع ..

بعد إنتهيت من الإستماع الذي بنجني تماما .. إنطبقت علي جملة العكودابي الأخيرة ( لا شايفك لا بسمع ) .. و بللني العرق و الله ..
لو في إنصاف .. حقو القصيدة دي يقولوها في طابور الصباح في المدارس لمرحلة الأساس .. لأنها تربية وطنية في المقام الأول .. و بتزرع الشموخ في النفوس .. و تخلي الواحد مكنكش في تراب السودان الأغبش دة .. و مكلب على الجروف .. و شاقي النيل بي سدرو عز الدميرة ..
أحبك يا عكودابي و أحب أي عكودابي .. الأحياء منهم و الأموات ..

دمتم
تعليقي:
اقتباس:
يا سلاااام يا أبو جهينة..
تعرف...نوبة الهيستيريا دي ياها البتجيب ضواقة السوط وإستحمالو،
أذكر ونحن ما زلنا في الثانوي العام، زميلنا عبد الواحد كان من أمهر الناس في عزف الطنبور ورغم صغر سنه نسبياً، كان من الأساسيين في دارة اللعوب "حفلات العرس" كما كان يجغم العرقي ، وطبعاً في ذلك الزمان يكون العازفين في نص الدارة وكل واحد حاقب طنبورو ويعزف للراقصات داخل الدارة و "ما دام طار جنى الوزّين يا دوووب قلّ نوم العين".
في واحدة من اللعوب وأثناء عزف عبد الواحد، دخل العريس الدارة شايل سوطو ويعرض على إيقاع النقّارة..عبد الواحد، حسب الطرب والهاشمية، وبعض تأثير من بِكْري "مهولة"، قابل العريس وابتدا العرضة وبكل مهارة، والطنبور في إيدو اليمين.
أذكر جيّداً، بعد أن سخّنت النقّارة والدارة خَلَت إلا من صاحبنا والعريس، نسبة لجمال العرض المقدّم، وتصاعدت أصوات الزغاريد مع ذرّات العجاج المتصاعدة مع نور الرتاين، تسارعت عرضة عبد الواحد حتى صارت وكأنّه يعرض بصورة آلية (مِتل المالينّو بزنبرك)، وعندما وصل مرحلة أن عرضتو صارت أسرع من دقّات النقّارة، قلع الجلاّبية بحركة سريعة جدّاً، وركز للسوط..
طبعاً نسبة لصغر سنّه، حلف عليهو العريس وما بَطَنو...عبد الواحد من شدّة الهيستيريا، إلاّ شالوه عووووود ناشف من الدارة وزبدو يرغي ويعضّي في لسانو..

وبعد ده تقول لي يا أبو جهينة، تلاميذ مدرسة الأساس يقروا القصيدة كل صباح؟
والله إلاّ كل مدرسة تكون معاها عيادة بمخزون وافر من القطن والشاش والمطهّرات،
رابط البوست:
http://sudaniyat.net/vb/showthread.php?t=472
  #15  
قديم 11-22-2006, 07:12 AM
الصورة الرمزية عكود
عكود عكود غير متواجد حالياً
Moderator
 
تاريخ التسجيل: Nov 2006
الدولة: أ‡أ،أ…أ£أ‡أ‘أ‡أٹ - أ‡أ،أ‘أ¦أ­أ“
المشاركات: 1,228
إرسال رسالة عبر مراسل MSN إلى عكود إرسال رسالة عبر مراسل Yahoo إلى عكود
افتراضي

اقتباس:
المشاركة الأصلية كتبت بواسطة محمد ابراهيم قرض مشاهدة المشاركة
رائعة و طاعمة يا عكود ...
لسّع جاييك بالمزيد، من النوع البيحبو قلبك يا قرض ..
خليك قريب،
 


أدوات الموضوع
طرق مشاهدة الموضوع

تعليمات المشاركة
لا تستطيع كتابة مواضيع
لا تستطيع كتابة ردود
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
الانتقال السريع إلى


الساعة الآن: 11:20 PM


 
Powered by: vBulletin Version 3.6.8 Copyright ©2000 - 2007, Jelsoft Enterprises Ltd.
translated by vBulletinClub.com