قصائد الشاعر عاطف خيري (الشاعر المدهش!!)

[أزهري سيف الدين]

إقتراح

نكر صوتك صداك

غالطنى الزمن فيك

شهرت على الجفاف وعدك

بطاقاتنا الخريفية

رجع فاضى الكلام مليان

معاك إتبرجت غيمة

وشهق جوايا صوت جدول

مرقت على المطر .. حفيان

لقيتك والرزاز .. مدخل

وناديتك :

أقيفى معاى

نشيل كتف الغنا .. الميّل

ونتخيل

حلم دونك بيتحقق

وقبلك خيل دماى .. واقفة على شريانى .. تتشهق

وعرف صوتك .. صداك .. غنيتى

رشحت حلقك لى إذاعات الشجر

والمنتظر من عودة المدعو المطر

والمسادير .. والطنابير

واللسة فى رحم القصيد

والدابو حسّ فى سوق عكاظ

بين مزادات الحروف

غيبت رسمك .. وإحتكرتك لى الظروف

للزمان الجايى .. واللحظة اللى فاتت

.. منى هسة
.........
يا واقفة بين جرح السحاب

وبين شهقة الأرض البكر

ما كان ده ريد

كان إحتمال تغيير قوانين شهقتك

ما بين حديثنا .. ولحظة الفعل الحقيقى

وإنتباهك إنتى للشارع البيرجع تانى .. لى نقطة بدايتو

وإنحيازك إنتى للشارع البيرشح

فى مسام رملو التوقع

وما أنعرف قانون نهايتو

غايتو أمشى فى الدرب البطابق فيهو خطوك .. صوت حوافرك

يا فرس كل القبيلة .. تلجموا

يكسر قناعاتا ويفر .. يسكن مع البدو .. فى الخلا

ما يرضى غير الريح تجادلو

.. وتقنعوا

[أزهري سيف الدين]

لحظة شهيق
إفترضتك لون أساسي ...
يمنح اللوحة إزدواجية القراية ..
ويفتح الضوء بين خطوط الريشة والخط الإضافي ..
الجاي من شبكية الزول البشاهد ..
وإكتشفنا الرسمك وأنا برضو التوارد في الخواطر ..
نفس أرقام التذاكر ..
البيها سافرنا وشهدنا ...
إنفجارك في الأرض ..
يا سمرة يا واضحة ..
****
ما غنيت يوم جيتك صدفة ..
قبل أبداك كان غصنك بشر ..
يوم ما كان إحساسك مسى ..
عرج غيمك فيني ومطر ..
لحظة طار عصفور من صدرك ..
رتب فينا إحساس بالإلفة ..
ودوزن عصب الزمن الأشتر ..
وإتوكلت عليك وقلت ..
المارق منك داخل جرح الوردة ..
وراسم فوقه غناوي الطل ..
المارق منك ...
رجع للغابات العرب العاربة ..
وللعتمور الزنج الهاربة ..
وأدى الكون مفتاح الحل ..
المارق منك ...
شادد عصب الورقة وحرفي وراصد ..
في اللاوعي سكون مواعيد ..
صحوة ... وحلمه... ولونه ..
وشاري يقينك في زندي ...
وسارق لحظة إني أفكر ..
المارق منك ... مارق منك ..
أو مت شهيد ...
****
ما تتضاري ورى الدعوات ... وما تتلبسي فرح الفات
يسكن فيك النغم الزايف ... ويسرق حاسة شوفنا الواقفة
على رجلين جوانا ..
ونحن الهاويه والمطامن من الأرض ..
آه من نحلك ساعة يرحل ..
ولمن يكتب فينا الحنضل ..
ويختم عمره بفعل الشهد ..
****
قال الجدول :
طلوع النخلة مرور الريح واحد
لاكين الريح بتعانق حقل ..
ونحنا بنطلع نخلة وننزل ..
ونكتب في ذاكرة الصفق الأخضر ..
سجنا الريح في الورق الأبيض ..
وجهناها ضد التمر الناعس ..
يسقط زي قبعة الحارس ..
زي الكان بيناتنا وفات ..
****
قالت غيمة (غيمة لئيمة) :
أولاد الشارع فهرس لي كل المدن ..
التهرس جوفك بالأسمنت ..
قالت ريح :
شوف الناس قنديل ..
لو ما نور يحرق كوخ ... وباقي الحلة تنور ..
أو جبة جوخ أو ينزل بوخ ... يقول للنسمة الزايفة أقيفي ..
لو تتفرد ريح ... تتشرد ريح ... ريح الخوف ... لو تتفرد ريح
تبدأ تفرتق ضفائر المدن الكاذبة ... تعيد تسريحتك ..
*****
يوم سمايتك شكل قامتك ..
كيف تموتي وتحي تاني ..
ويوم قيامتك ..
هو البيدينا الثبات ..
يا مجلوبه في قافلة رق ..
ما بستحمل صدرك رصاصة ظلم ..
يا صابت رحم الفال يا قطعت حبل الحلم ..
يا كنا نبيعك يا نسرق ..
إخترنا النار الضلها بيحرق ..
طمناك إنو الدنيا بخشها ضو ..
يجرح جلد العتمة ..
لما الليل قربان فجرك ..
*****
يا بت يا نيل ... يا بت يا نيل ..
لو نامت قمحة على الأبيض ... تتشرد زيه ..
وزاد الأبيض في غية ..
ومدد رجلة اليسرى ..
ما كان الكسرة جاتك من بره .... صفرا ومنكسرة
****
زوجناك الشهداء أولاد الكد ..
الماتو عشان الشعب ..
زوجناك ما عندك ضرة ..
زوجناك ما جاتك ضرة ..
ما إنشاف ماعونك ... في الحلة يساسق
ويلقى فتات ...
****
قال الأبيض للأزرق :
يبقى ضد الانتباه ..
وضد تواريخ التمازج ..
بيني بينك ..
وده البشوفك في مراهقة الخرائط ..
وفينا من وجع المسافرين ..
واطه مالاقت هوية ..
*****
رد الأزرق :
مطر الحبش لو كان نبش ... جواك سقف
وهد حيلك في الدواخل ... وشد عصبك في المداخل
صوت مراكبي ويد بتسأل في القمح ..
وفينا من فرح المسافرين ..
قصة الشمس القضية ..
*****
يا أعشاب النيل الأبيض ..
ماتتضاري ورى الدعوات ..
أقرا تاريخك ... أخاف ..
أقرا تاريخي … أخاف ..
أسأل جبين الفجر ...
ألقى الفجر مطعون في القفا ..
هل سافرت في دمعك المحقون جفا ..
حبة غضب ..
ما شلنا جمرك وإنطفا ..
جوانا نارك والمطر ..
جايين بالكتابة ..
وضربة الناس المهابة ..
لو هز نخلك باشبزق ..
ما فارق التمر السبيط ..
وما سارو الطورية شك ..
إنو الأرض أنثي ... وبتحمل بالحلال
مين القال إنو المسافة ..
البينا بين الشمس طاقة ..
أو مياه النيل بتدخل ..
في عروق السنبلة ..
المسقية بي عرق ..
الجعانين والمساهرين بالبطاقة ..
****
أقرى تاريخي وأقيف ..
أقرا تاريخك وأقيف ..
جواك والزمن النضيف ..
جواي من جواك غضب ..
سلم مفاتيح السؤال ..
جيل الشمس موكب حريق ..
واقف على باب الدخول ..
بيناتو بينات الوصول ...
لحظة شهيق ... لحظة شهيق

[أزهري سيف الدين]

سيناريو اليابسة

الــــــــهــــــــدهـــــــد
مــخـدوش الـفـضـاء طــويـل الــحـزن
مــــفـــتـــول الـــحـــنــيــن
مُـــصــاب بــالـديـانـات والــشــرود
نــــوح يــبـلـغ مــــن الــطــول
مــسـافـة يـشـتـهى الـغـرقـان شـهـيـق
لــونـو زى ســـرك تـكـلـمبو الـصـديق
أمـــو تـتـوحـم عــلـى طـيـن الـبـحر
قـبـال تـقـابل والـدو صـدفه عـلى الـطريق
عــمــرو ســتــه شــهــور حــلــم
إنـــو الأرض مـسـجـونه فـــى مــويـه
وكــــــل الـــنـــاس مــراكـبـيـه
الـــيـــابــســه فِـــــركـــــه
مـدخـوره لــي يــوم فـيـهو سـاير، الـنيل
قطّاع رحط كل الجزاير، والبنات البفتحو الباب للمطر
وانـــــــــــا جـــــدولـــــك
شـارف عـلى بـعض الـجناين الـصاحيه فـيك
والــغـبـاش فــــي دمــــى مــنــك
لــــو كــســر ضـلـعـيـن عــزرتـو
لـــــــــــــكــــــــــــن
نـهر كـل الـعصافير الـبتلعب في الوريد ،وفنّاكى
جــواى زى حـجر، والـبينا مـا فـات الـدواير
الــــــــلــــــــيــــــــل
خـــــمـــــار الــــقـــمـــره
مـــجـــدوع فــــــي الـــفـــراغ
والــرقــصــه لــلــبــت فــيــنـا
فــوق كــل الـمـسامير الـندقها فـي الـبساط
والـرياح حّـكامه بـى دلوكه مرّقت الشياطين منها
إتــجــنــن فـــقـــي الــحــلــه
دقـيـنـاهـو بــــى نــفــس الـسـيـاط
كــــــــــل الــــمـــجـــرات
الـــنـــيـــازك والـــشـــهـــب
ودع
رامــيــهـو الله عـــلــي الــســمـاء
والـــــــدنـــــــيـــــــا iiزار
ويـــــــا هُــــدهـــد هــــــن
مــرت مـراكـب نــوح مـحـمّله بـالـبخور
مــــيـــن الــــلـــى شــــــال
مــــن طــاقــة الــطـيـن الـبـعـيـد
قــــنـــديـــل حــبــيــبــتــى
وطّـــيـــب الـــجــرح الــمـثـيـر
مـين الـسرق مـن بـابها مفتاحو الملون iiوالصرير
مـنـهـوبـه قــبــرة الـفـواكـه فـيـكـى
قـولـى مـعـايا يــا شــرف الـقـبايل جَّـر
الــشـاف تـبـاريـح الـطـلح فــي الـنـار
شـافـنـى مـرقـت مــن عـنـدك ضـريـر
أنــــــــــــا لــــــيـــــه
تــجــيـنـى الــمــويـة حــفـايـنـه
وأدنــقـر ألـبـسـها فــى شـبـط أخـضـر
أبــيـت مـبـلـول أصــلـح فــى ربــاط
أنــــــــــــا لــــــيـــــه
شــبـابـيـك الــبــيـوت الــواجــمـه
والـــــنـــــاس الـــبُـــســـاط
ولــيـه بـيـرجانى الـنـخل فــى الـسـكه
يــفــتــح قــلــبــى خـــمّـــاره
وخــــــــــــــــــــــلاوى
وبــــــيـــــت بُــــــكـــــا
تــعـبـت مـــن الـمـسـاسقه والـهـتـاف
يـــا غـيـمـة أتـبـنـى جـبـهة الـقـمره
الـسـهر والـحـمى طــول الـلـيل تـهضرب
ويـــــا هُــدهــد لــقـيـت أمــــك
تــرشـرش فـــى الـسـعف مــن عـيـنها
تـجـبـر خـاطـرهـا الـمـكـسور عـلـيـك
يـنـكـسر خـاطـر الـسـعف فــى إيـدهـا
يـــــــا هــــدهـــد قـــيـــام
مــــــن الــســمـاء الأول قـــيــام
مــــن الــسـمـا الــسـابـع قــيــام
وأنــــزل مــسـافـة تـهـبـشك غــنـوة
وأنـــــاولـــــك كــــــــــاس
ومــرّت مـراكـب نــوح مـحّـله بـالـملوك
ركــعــت عــلــى الــمـوج الـجـنـود
مـــن كـــل جــنـدى تـفـوح iiضـحـيه
ودم مــشــتــت فــــــى الأبـــــد
دســيــت جـبـهـتـى مـــن الـسـجـود
بــكـى فـــى مــخـاض الـخـوف ولــد
إشــتـبـهـوا فــيــنـى وراء الــجـبـل
شــافـونـى دســيـت الـهـدهـد بـالـزبـد
صــــــــــــفــــــــــــا
انــــــــتــــــــبــــــــاه
وقــعــت مــــن الــهـدهـد بــلــد
نــهـبـوهـا واتــقـسـمـوا الـــحــدود
ومــرت مـراكـب نــوح مـحـمله بـالطيور
واقــــف مــــع نــــوح الــغـراب
يــنـضـم ويــأشــر فــــى إتــجـاه
بـــاقــى الــطــيـور يــتـوسـوسـوا
إلإ الـحـمـام يـتـوضـأ مـــارق لـلـصلاه
الـقـانقرد فــى حـزنو يـغزل شـاله صـو
الـطواويس شـاره قـمصانها المزركشه فى الضحى
الـزرازير بـى عـراريقها الـمغبشة جـات عـلي
أرجــيــنــى يــــــا صــالــحـه
ومــشــيــت فــــــى الـــمــوج
يـــا الـنـبـى نـــوح أصـــل ســالـم
يــــا الــنـبـى نــــوح اصـــل ...
حـجـر الـدغـش فـي الـمويه يـقلع ضـفرى
يـــــــــــــــــــــــــادم
دا مــــا وكــــت الــرسـم والــلـون
وجــــــــــات الـــمـــغـــارب
حــنــنّــت إيـــدهـــا ومـــشــت
سـبـحانك الأديـتـنا مــن حـزنـك فـوانيس
الــغــراب يــــا نــــوح طــفــش
والـيابسه ويـن؟ يـا الله مـا يـبس سـوى حلقى
الــــمـــجـــرح بـــالـــدعـــاء
طــــيـــر يـــــــا حـــمـــام
الـحـمام يــا نــوح يـجـامل فــى الـسماء
وبـيـاع مـناديل خـضراء فـى كـل الـعصور
أنــــا مـــا خـلـقـتك يـــا ظــنـون
شــــان تـبـيـتـى الــلـيـل مــعـاى
وتــجــرى مــــن فــوقــى الـغُـطـا
مـــا تــشّـري فــى حـبـلى الـوسـاوس
الـــمـــعــانــى الـــداكـــنـــه
الــــلـــيـــل والــــشـــتـــاء
الـهـدهـد تـمـيـمة الـمـةت مـعّـلق فــى
بـــيـــوت الـــنـــاس نـــعـــش
مــــــن خــرافــاتــن تـــعـــال
مــــــن ديــانــاتــن تـــعـــال
نـــــفّـــــض نــــعـــاســـ
مـن كـل بـيت مـن كـل حـجوه حـكوها عنك
فـــي الـلـيالى الـبـارده والأطـفـال iiنـيـام
مــيــن يـشـتـريـنى مـــن الـمـلـوك
الــخـايـده فــــى الــــدم الــقـديـم
مــــيـــن الــنــبــى الـــقـــادم
مــــــــــــن مــــــكـــــه
او مـــــــــــن دكــــــــــه
فـــــــى شــــــارع حــمــيــم
مـيـن الـيـوصف لـلـنحل ريــق الـحـبيبه
وحـبـة الـقمح الـتقوم فـوق مـحفضة حـبوبه
فـــــــي الـــزمـــن الــلــئـيـم
مــزيـداً مـــن الـطـيـن يـــا إلـــه
أبــنــي خــوفــى عــلـيـك ومــنـك
أبــنــى آخــــر بــيــت حــــرام
ومــرت مـراكـب نــوح مـحـمله بـالحجيح
ويـــــــــــن ولــــــــــدك
تــركــتــوا عـــلـــى الــجــبـل
ويـــــــــــن بــــــلـــــدك
ضــربــتـهـا فــــــى مـــثـــل
ويـــــــــــن نــــــحـــــن
مـــرقـــت عـــلـــى عـــجـــل
يـــــــا نـــــــوح تــخـلـيـنـا
زيــتــونـك مــخــلـل iبــالـشـمـس
نـــــار الله والـــرجــل الــغـربـيـه
نـحـن الـبـلاد الـشـاكيه جـرحـها لـلـصديد
جــاتــنـا الــقــوافـل iiبـالـضـجـيـج
جــرّتـنـا مــــن حــلـبـة رقــيـص
ورّتــنــاك كــيـف صـلـبـوا الـمـسـيح
كـــيـــف كــتــلــوا الــحـسـيـن
وبــكــيـنـا اكـــتـــر مــنــهــا
سـاقـتـنـا فــــى الآخــــر عــبـيـد
مــيـن يـشـترينى مــن الـمـلوك الـخـايده
فـــــــى الـــــــدم الــقــديــم
مـيـن الـيـوصف بـيـتنا لــى هـدهد يـتيم
يــــــا هـــدهـــدى الــمــهــدود
مـــيـــن هـــدهـــدك نـــمـــت
كــــــل الــطــيــور غـــنـــت
مـــنـــك يــجــيـنـى ســـكــوت
مـــيـــن الـــهـــداك لــلــنــاس
أو هــــــدّ فـــيـــك الـــمـــوت
يــا أوســم الـجـايين ، انـا قـلبىحِله حـنين
والـــشـــوف فــتـحـنـى بـــيــوت
يـــــــــــا صــــالــــحـــه
لا جــنـبـك لا فــــت مــنـك فـــوت
دايــــمـــاً مــعّــلــق بـــيـــن
بـــيـــن الــحــيــاة والـــمــوت
أدخــــــل ضــــــلام الـــنــاس
نــــــورك يــجـيـنـىاخـــيــوط
وقـــبــال أقــــع فــــى الــضــو
جــــــواك ســنــدنـى خـــفــوت
أنــــا بــرضــى حِــلــة شــــو
لــكــنــى فــــــى الــتــابــوت
ومــرت مـراكـب نــوح مـحـمله بـالـعبيد
الـجـنه زى هـدهـد مـعـلّق فــى الـكـتاب
ونـــــحـــــن الـــعـــبــيــد
بــــــاب الــحــيــاه الـــسِّــرى
حــريـر فــى فـكـرة الــدوده الـمـوجّعه
بـــــالـــــنـــــســــيــــج
صـيـوان عــزاء نــوح الـمـكفن بـالوعود
هـدهـد يــرك فــو قـدفـه الـمركب iiيـدندن
الـريـح سـكـن خـيـمة حـريـمو الأربـعـه
الــنـيـل رجــــع فــــى الــلـوحـه
لـــــلـــــوادى الــــقـــديـــم
الــبــحــار مــكـتـوفـة الأيـــــدى
الــــشـــمـــوس فـــــاقــــت
ونـــوح يـعـايـن فــى مـفـاتن الـيـابسه
تــغـسـل فـــى حــصـى ومـتـبـرجه
ســـبـــحــانــك الأديـــتـــنـــا
مــــن مـلـكـك سـلاطـيـن وإخـتـفـيت
هــــــاك أنــبــيـاءك ســالـمـيـن
وأنــــزل مـسـافـة تـوجـعـك غــابـة
رقـــيـــصــنــا الـــــحـــــى
طــــــبــــــولــــــنـــــا
ولــــــــــــيــــــــــــك
شــبــال مــــن الـيـابـسه الـمـمـشطه
بــــــالــــــمــــــلـــــح
وهُــــــــــــدهـــــــــــد.

[صلاح هاشم السعيد]

ازهري :
التحية لك وأنت تتبنى النشر لشعراء الشمال، وأحسب أنك احد قلائل قابضين على جمر المعرفة وأنا أعرف مدى غيرتك وحرصك على المنطقة وعلى ثقافتها ومفكريها وشعرائها .. فقط أرجو أن تحاول أيضاً التوثيق لشعراء الهامش وهم تلك الفئة التي تكتب ولا تجد وسيلة نشر ..
التحية لك وانت تتبنى التوثيق لشعر تجاوزت المفردة فيه (بجرأة) دلالتها بلغة مليئة بالأنين والحنين والشجن// ليس خروجاً على الشعر وإنما خروجاً على الدلالة النصية // وهل هناك أجمل من نون النسوة في قول الشاعر محمد الحسن سالم حميد:
ما عرفتن نورة أنتن قولن انتن شن عرفتن
وهل يستطيع شاعر أن يدخل جمل صعبة في صياغات شعرية مثل ما قاله حاتم الدابي في قصيدته (لسان الحال) :
مثل : مرحلة الخطر ومثل الأمن ما زال مستتب

[البركلاوي]

مسادير

أ
خضرا
ويانعة
وحُزنِك سبيب
كأنَك هلال البنات الخصيب

أحبَك إذا ما تَرُجي الحليب
عيونك سَمَا
ورِمشك قريب
يَفِج في الغمامة
ويخَزلُو النحيب

بلاد أنجبتني وقالت غريب
بلاد أنجبتني ، عطشتَ وسقتني
رُحتَ ولِقتني
فكيف علقَتنِي بذاك الصليب ؟

[البركلاوي]

مسادير
ب

قبر الحبيب ضيق
كتمه وضُلُمه
لكنو مات بِحلَم
تبقى القبور اوسع
أوسع شبه وطنو
وانا شفتو ساعة مات
ماسك طرف كفنو
طرز عليه منديل
منديل لمن دفنو

كأنو كان بسمع
ناضمتو وين النيل ؟
قال لي مشى وبرجع
لكنو كان ضيق
كتمه وضُلُمه

سألتو :
قول يا حبيب
هل في الممات جمه ؟
دنقر لمحت الشيب
فوق حاجبو اتلم
قال :
الحياة أحلى
والموت ؟
وجع كاتمو بس قلتو لي الله

ويا الله شفتك وين !
قبل النظر يبلى
وقبال ما ابقى جنين
وعضامي تتبل
وريني شفتك وين
قول لي عليك الله !

[البركلاوي]

مسادير
ج

باب الروح متاكا
إنسربي
صايحات الحدايق أرعي
قبال منجنيق الخوف
يعاود ضربي
قبل الطير وصعلوك النحل منكبي
هشي العافيه
من تمري المُخَمر وعبي

وزي ما النيل طبق مركوبو
مارق للبحر مُدبي
أدخلي في الجسد محمومه
بالمرض اليحير طبي
وافتحي باب ضريحك
يدخل الدرويش مُغبي
وادبغي جلدي
بي قطران مُهيج لُبي
زي أتر النعال فوق الرمال مُتربي
كان بهل الجمُر منقد سماي
شن ذنبي ؟
مادام الرماد وسط الشرار مُتخبي
لابُد من فضيحه النار
تولع جنبي
تهدي الليل
يهز ضنبو المشاكس كلبي

[البركلاوي]

مسادير

د

خليني اقراك مره صاح
عكس احتشادك في الحضور
هل غاب معاك وعي الطريق ؟
أم بيكي زكاني الزمن !
ماشيك وعارفك ياحريق
في يوم غماماتك بِجَن

فرهد غيابك أغنيات
ظلت أراضي اللقيا بور
وبلقاكي يا كل الطيور
مسجونة والحريه سور

وبلقاكي بيناتنا الثبات
وبيناتنا شمس البُكره في لحظة مخاض
طول الوجع رشح مواطن العافيه فيك
خلاني ارجع وابتديك
واقراكي من كل الجهات

ومابين أقابلك ومشتهيك
كان حلمك الأول ترف
وكنتي الصبيه الغايبه في زحمة حُجا
وكلمة شرف
وكنتي الزوايا الميته في متحف خزف
وكنتي الوصايا العشرهن واللون الشحيح

سميت مساحاتك حكر
كل البيحلمو بالشمس
هجرت من واقعك عبث
سكنت فيك ضد السكون
كل اللي كان ممكن يكون
طارت ضفيرتك ليل غنا
جدلة صبر وطولة نَفَس

ومابين اقابلك وجيت عليك
كان عندي ليك
بس نحن والجرح الثرِي
وخيبة امل ام الشهيد
في الكلمة والوجه الجديد
وكان احتقان نبض الزمن
نومة طفل
فوق الدمن

يا صاحيه بالحاصل علي
يانايمه
عن فقري البليد
سميت منافيك الوطن
صارت مناحاتك نشيد

[البركلاوي]

مسادير
ه
نتقابل !
حقيقه بقولا ما بحلم
غصبا عن عيون الهم
وعن كل الضباب الجاييوالمبهم
وعن زمني الصبح جاسوس
يهرب للحزن خبري - حنتقابل
واشيلك في العمر واجري
أحبك - ينقطع نفسي
واضمك نتفرق واحد
نتقسم على العاشقين
ونتقابل بدون ندري

ألقاك ولا ترجيني
لا داير معاي عروس
ولا بيك ينجبر ديني
ولا شايلك معاي واجهة
حنتقابل ونرسم
في حشا الأيام تصاويرنا
نضيع في زحمة الفرقه
تحس بالإلفة ناس غيرنا
مع ضو الشمس تشرق

ملامحنا وتعابيرنا
صحي الأيام مشت
لكن .....
نحن الليلة موجودين
لابنتعب ولا واقفين
ولا كملت مشاويرنا
................
................

تعالي .. ؟
تعالي نأدب الأيام
تعالي نلجم الوحشه
عشان خاطر عيون طفلين
في أعماقنا ما كبرو
وكبرت فيهم الدهشه
تعالي مفاصل اللقيا
بكت مشتاقة للرعشه
تعالي حسب مواقيتك
عقارب الساعة مشدوهه
تفتش عن مواعيدك
تعالي خلاصنا في ايدك