المساعد الشخصي الرقمي

مشاهدة النسخة كاملة : من أبي الحســــين... دعوة للتعريف بمناطق الشايقية.. وأبداها ليكم بالمقل...


أبو الحسين
11-20-2006, 06:49 AM
إخوتي الكرام...

صبحكم الله بالخير والرضا...

الغرض من هذا البوست هو معرفة شوايقة لندن ـ هسع أنا جبت طريق أحمد حسن جدعة ـ!!:D :D وبالمناسبة دي أحمد جدعة دا من أولاد البلد المُلِمين بجميع جوانبها تراثها وأشعارها وثقافتها وهسع حا يجينا لي موضوع مساوي يتكلم فيها مافيهو الكفاية...

أها زي ما قلت ليكم البوست دا تعريفي لمناطق الشايقية من حدودها جنوباً ليييييييييي مناطق دنقلا شمالاً...
وأنا أبداها ليكم بتعريف بسيط لقريتي المقـــــــــل... ويمكن للإخوة المَقَّالة.. إضافة ما يمكن إضافته...

المقل:

تقع في الضفة الشرقية للنيل بين قريتي البخيت والحجير (وبالمناسبة دي قرية الحجير دي إمتداد للمقل وكانت كللللللها واحدة إسمها المقل وشيخها واحد وهو عبد الرحيم ود عبده كاشف ربنا يغفر له ويرحمه)... وتشتهر هذه القرية بكبر مساحتها من حيث الإمتداد على النيل،، وسوقها القديم الذي كان مضرباً للمثل في السابق حيث كان يفوق لكل الأسواق هناك وكانت به المحكمة والإدارة الأهلية (عمودية السورجاب ـ الله يرحمهم ويدي الصحة والعافية من بقي منهم).. ومن مشاهيرها الشاعرة بت نعمي وإبنها الأديب الباحث محجوب كرار رحمها الله والشاعر محمد أحمد الراوي (وإنشاء الله سوف نبحث في موضع قادم أشعارهما) والفنانين محمد جبارة ومعاوية المقل وجعفر المتوكل. ومن المداح فيها أولاد سوركتِّي وأولاد ود ابكروق وحاج أحمد أبو شوك وغيرهم...

أما أهم المناطق في قرية المقـــــــل من ناحية البخيت نجد:

(1) (الحليلي) وأهم سكانها ناس ود محمود ومنهم الأُستاذ المربي خليفة علي محمود وناس ود العِبيد وجزء من ناس ود شبو والسنجك سيد الإسم وأولاد التوم وناس حُمَّد بخيت وناس ود الأرباب وعوض أبشيشة...

(2)(الطَرَفْ)... أو طرف ود شيخنا وأهم سكان الطرف ناس ود شبو وود يِمامة وناس ود شيخنا ود الزاكي وآل إبراهيم شيخنا وآل عبد الرازق وآل حُمَّد دين وآل ودجني وآل ساقة فضل الله ومنهم الأُستاذ المربي وقيع الله الخضر عبد الله ومنها شيخ المقل (محمد صالح ود جنِّي اللهم يرحمه) ومنها أولاد عبد الحي وأبنعوف وأولاد ود بابا ومنهم الأُستاذ المربي عمر عبد الله بابا... وآل سليمان ومنهم الأُستاذ المربي علي سليمان...

(3) حلة العطيَّاب... ومن سكانها آل عطية ومنهم زميلنا في المنبر (حميد) وإشتهر آل العطياب بإمتلاكهم اللواري (منذ عهد بعييييييييد) وهم إلى عهد قريييييييييب كانو وسيلة النقل الوحيييييدة في المنطقة منننننننننننن المقل ليييييييييييي الأراك بجانب إشتهارهم بتجارة التمُر...

وأيضاً آل الرضي... وآل الرضي ديل أُسرة مشهورة ولهم جذور ضاربة في كورتي والأراك وإشتهروا بالتجارة وهم من رجال الإدارة الأهلية بالمنطقة وهذا من علاقة النسب التي تربطهم بالعُمد ناس ود سورج... ومنهم خليفة الختمية بالأُبيض عبد الوهاب الرضي (اللهم أرضى عنه وأرحمه ياااااااارب)... والرضي محمد الرضي الرجل البارز بمنطقة المقل... ومحجوب الرضي من الغيورين على تطوير المنطقة أمد الله في أيامه ومتعه بالصحة والعافية... ولهم فروع في منطقة الأراك وأمدرمان أبو روف...

ونجد آل ود البشير وهؤلاء مشهورون بزراعة النخيل والدراية التامة بهذه المهنة وأيضاً كانوا في السابق من المداح الماهرين في تلك المنطقة...

ونجد آل النقادي ومنهم الإداري الناجح في منطقة المقل الأخ عثمان النقادي أمد الله في أيامه وهو يعتبر من القياديين البارزين والغيورين على تطوير منطقة المقل... ومنهم زميلنا في المنبر (صلاح النقادي)...

وإلى أن ألقاكم في منطقة المقل وسط...

أترككم في رعاية الله وحفظه...

ويلة ورونا همتكم...

قواسيب مودتي...


أبو الحســــــــــــــــين...

حميد
11-20-2006, 09:48 AM
تشكر ابو الحسين علي هذا الموضوع الجميل
وهذه القفة الجزئية للمقل من علي لي علي
وفي انتظار عودتك للوسط وبحري..(3) حلة العطيَّاب... ومن سكانها آل عطية ومنهم زميلنا في المنبر (حميد) وإشتهر آل العطياب بإمتلاكهم اللواري (منذ عهد بعييييييييد) وهم إلى عهد قريييييييييب كانو وسيلة النقل الوحيييييدة في المنطقة منننننننننننن المقل ليييييييييييي الأراك بجانب إشتهارهم بتجارة التمُر...
حليل التمر قالو دقّ الدلجي اليومين ديل..


حميد

فاطمة الامين عوض
11-21-2006, 07:58 AM
ابو الحسين مالك تجي عن حلتنا وتقيف راجنك

حميد
11-21-2006, 10:44 AM
ابو الحسين مالك تجي عن حلتنا وتقيف راجنك

الاخت الغالية فاطمة..
يبدو ان ود الحسين يستجمع في قواه لسرد الجميل عن حلّتكم..
كلنا في انتظاره..
وتحياتنا للاستاذ المبدع طارق الامين والاسرة..

حميد..

أبو الحسين
11-21-2006, 12:52 PM
تشكر ابو الحسين علي هذا الموضوع الجميل
وهذه القفة الجزئية للمقل من علي لي علي
وفي انتظار عودتك للوسط وبحري..(3)
حليل التمر قالو دقّ الدلجي اليومين ديل..


حميد

لا تتهجم شئ...

والله قالو ماااااشي لا قدام...

بس أصبر خلي الشِتِي دا يدخل شويي والغرب دا شويي يروق!!:D :rolleyes: ;) :cool: :eek:

أبو الحسين
11-22-2006, 06:44 AM
ابو الحسين مالك تجي عن حلتنا وتقيف راجنك

جاييييييييك يا فطومة...

وحلتك دي مي ياها حلتي ذاااااتة... كدي بس خليني الأراجع بيوتات المسيخاب والبادياب!!!

أقْبُض يا حميد... نطيب الكدياب والحميداب!!!:D :rolleyes: ;) :p

عبد العظيم الطاهر
11-22-2006, 08:13 AM
يلا ؟؟؟ .... يا جمال ياخي راااجنَّك ..... سليت روحنا :mad:

أبو الحسين
11-22-2006, 08:23 AM
يلا ؟؟؟ .... يا جمال ياخي راااجنَّك ..... سليت روحنا :mad:

هيييييي لا تصَنْقِرو كدي وتفتحو خشومكم وترجوني...:D :eek:

كل واحد اليلَمْلِم عن بلدو ويجينا...

وأنا أكييييد جاييكم إن بقى الله مد في الأيام...

حميد
11-22-2006, 02:03 PM
جاييييييييك يا فطومة...

وحلتك دي مي ياها حلتي ذاااااتة... كدي بس خليني الأراجع بيوتات المسيخاب والبادياب!!!

أقْبُض يا حميد... نطيب الكدياب والحميداب!!!:D :rolleyes: ;) :p


قبضّتك لكن عارفك نطيتن في الكتابي
الا في القلب محكرات قدّام
قال نطيت قال..
واوعك من تنط تجيك:D


حميد..

أبو الحسين
11-22-2006, 02:33 PM
قبضّتك لكن عارفك نطيتن في الكتابي
الا في القلب محكرات قدّام
قال نطيت قال..
واوعك من تنط تجيك:D


حميد..

:D :D :D :D :D :D :D :D

محمد ابراهيم قرض
11-23-2006, 03:45 AM
أما نحن ، فننتمي إلى البركل (تحت) ... و أطلق عليه البركل
تحت حتى لا يتلخبط عرقنا الأصلي مع ساكني البركل (فوق)
و الذين هم خليط من (الخدم) و أزواجهم من السحنة الداكنة
(سحنة الفحم) ، و الزوارة و اليهود ... و الجدير بالذكر أن
المدعو خالد الحاج ينتمي إلى البركل فوق ، و من ثم وجب التنويه !!!

أيضا نحن نجاور النيل الذي يحن علينا بالزرع الذي يورم
الضرع و يسقى النخل فيثمر رطبا جنيا ... و هذا النيل لا
يحرمنا في بعض الأحيان من هيجاناته فيدمر البيوت و يفسد
البذور و يلعن خاش الجميع ...

و عاصمتنا هي كريمة التي كنا نرتاد سوقها الاسبوعي ، بينما
كان الأشقياء منا يرتادون (بارها) الذي يطل على النيل و كان يديره
أحد أقرباء بنيامين النتن ياهو ، قبل أن يهل علينا النميري بالشريعة
و ترمي بالغيد و القوارير صرعى إلى جوف التماسيح ..

بركلنا التحتاني ينقسم إلى العديد من السواقي ، مثل ساقية
العبدلاب ، المدناب ، النيل و غيرها من السواقي التي كانت
تعج بجناين النخيل و الفاكهة ، و يسمع فيها صوت الطلمبات
و المضخات التي تدفع المياه من النيل إلى الحيضان و الجداول
حيث ينتظرها الزرع و الضرع باللهفة و الشوق و الحنين ...

و ساقيتنا نحن هي ساقية (الخلوة) ، لما يميزها من وجود خلوة
كبيرة كانت تسهم في معادلة سيئات أشقياؤنا حينما يرتادونها
لماما لتخفيض ما حملوا على كتفهم الأيسر ، و إن كان غرضهم
الأساسي هو التهام (الفتة) التي كانت تعقب حلقات النوبة و الذكر ..

و بمنطقتنا العديد من الشخصيات النمطية ، من النساء و الرجال ،
و نساءا هم أقرب إلى الرجال في الهيبة و المهابة ، منهم من رحل
و منهم ظل يتواصل عطاؤه ، و بينهم أهل المزحة و الفكاهة
الذين هم فاكهة البلد و طعمها اللزيز الحلو ...

و نواصل الحكي ..

محمد ابراهيم قرض
11-23-2006, 03:57 AM
آخر تعديل محمد ابراهيم قرض يوم اليوم في 03:56 AM. السبب: مش على كيفي !!!

:D :D :D :D :D

عكود
11-23-2006, 05:15 AM
والله يا قرض أتاريك ماك هيّن . .
كنت مستهون بك ساكت . .
ما كنت قايلك عارف قدر ده كلو.

واصل . .

أبو الحسين
11-23-2006, 05:33 AM
و بمنطقتنا العديد من الشخصيات النمطية ، من النساء و الرجال ،

و نواصل الحكي ..

أها راجيييييييييينك!!

حميد
11-23-2006, 08:16 AM
يا ساكن البركل تحت سلامات..
ياخي طلعت والله ماك هين زي ما قالو
لكن ركّز معانا ولا تخرتو لينا صَفَقْ يعني
البركل تحت كلو مابتعرف فيهو غير الساقيتين ديل
وساقيتكم؟
سيب القبقيب ولا تجضّل حوضك..:D
شوف ابو الحسين كتب لاحدي مافتر ويادوبو
في طرف المقل..:D أما نحن ، فننتمي إلى البركل (تحت) ... و أطلق عليه البركل
تحت حتى لا يتلخبط عرقنا الأصلي مع ساكني البركل (فوق)

يعني جبل البركل رمز المنطقة ماعندكم فيهو التكتحكم؟:D

واصل يا قرض..
حميد..

عبد العظيم الطاهر
11-23-2006, 10:25 AM
هيييييي لا تصَنْقِرو كدي وتفتحو خشومكم وترجوني...:D :eek:

كل واحد اليلَمْلِم عن بلدو ويجينا...

وأنا أكييييد جاييكم إن بقى الله مد في الأيام...

:D انت قلت توثيق ... دايرنو يمشي وراء بعض حتن نحنا نبدأ .... عشان الحكايي ما تبقى مشنتله ... عشان يبقى برسيم صُرُف ما دار نلخبتو ليك بالناله والطرفي ..:D :D
وإن بقيت دار تكُد لنا من هني وهني ... كمان بندخل ...:p

محمد ابراهيم قرض
11-23-2006, 03:41 PM
والله يا قرض أتاريك ماك هيّن . .
كنت مستهون بك ساكت . .
ما كنت قايلك عارف قدر ده كلو.

واصل . .

نعم يا عكود .. أنا العارفو يودي ناس
كتااااااار في مليون داهية ...
بس مافي داعي للفضايح :D :D

محمد ابراهيم قرض
11-23-2006, 03:43 PM
أها راجيييييييييينك!!

كان كده واطاتك أصبحت يا
أبا الحسين :d

محمد ابراهيم قرض
11-23-2006, 03:44 PM
البركل تحت كلو مابتعرف فيهو غير الساقيتين ديل
وساقيتكم؟

حميد ..
لع .. عارفهم كلهم ..
من أول الخط لغاية آخره ..
بس ما بوريك :mad: :mad:

حميد
11-24-2006, 08:38 AM
حميد ..
لع .. عارفهم كلهم ..
من أول الخط لغاية آخره ..
بس ما بوريك :mad: :mad:

:D :D :D
الله مرقك وقلت لع..لو كان قلت لا
كان قلت ليك اللّويي..:mad:

لقط لقط جيب لينا وماب نابا الفضائح
علي الاقا نتّعظ منها..:D

حميد..

النافعابى
11-24-2006, 03:59 PM
اهلى العزاز ناس البركل لكم التحيه والمحبه نحن حبانكم ناس النافعاب كل ما نلقى شى فيه ريحة البلد بيهون علينا غربتنا ونحن مع ود الحسين فى كل بوستاتو ولى سرد الجميل وانشاء الله انتو كمان يالحبان تريحون بى غنية بركلاوياخوكم النافعابى عضو جديد لنج

عكود
11-24-2006, 04:06 PM
حبابك يا النافعابي . .
وصلت تب
الدار ترحب بك
وتطول شبرين

النافعابى
11-25-2006, 06:04 AM
اخونا عكود انا طولتلى شبريين فعلا لاقول رغم انو انا طويل بالفطره ويا حلالنا بيكم جدودنا (العين الامارات)

أبو الحسين
11-25-2006, 06:12 AM
اخونا عكود انا طولتلى شبريين فعلا لاقول رغم انو انا طويل بالفطره ويا حلالنا بيكم جدودنا (العين الامارات)

آلاااااااااااااااف مراحب بيك أخونا النافعابي...

ويا هلا شرفت ونورت دار أهلك وأحبابك الشايقية...

لكن همسة في أضانَك عكود دا ماهو لي درجة تقول عندك جدوداً ليك في الإمارات... الشئ دا صغير بس العمي دي نافشاهو ساااااكت:D :D :rolleyes: :eek: :cool:

أها ما قلت لي من نافعاب مساوي ولة نافعاب كَنَّار؟؟؟

كميات مودتي...


أبو الحســــــــــــــين...

النافعابى
11-25-2006, 10:46 AM
اخونا ابو الحسين الله يسعد مساك(اهلنا الكبار قالو هم نزحو من مساوى وذلكك كان بى سبب انو الجزيره ضاقت على الخلق الكلام ده كان سنة سته هجريه لينا اهل فى السعيداب ونفعاب الحجير ونفعاب نورى ونحن نصيبنا وقع فى نافعاب كنار وكان لا عهدا قريب اظنه الستينات ناس البلد يعزو فى الحجير ومساوى والسعيداب وانا زاتى زول بلد وعاصرت جزاء كبير من اهلنا الكبار طيب الله ثراهم (وانا راجعلك يا ابو الحسين والله بى حليفتىام طلعتك مننا قول النافعابى قال يعنى وليك انقايات موده

حميد
11-29-2006, 11:32 AM
الكهرباء تجي عند المقل تقيف
التلفونات تجي عند المقل تقيف
الزلط يجي عند المقل يقيف
ابو الحسين يجي عند المقل يقيف؟

أبو الحسين
11-29-2006, 12:46 PM
الكهرباء تجي عند المقل تقيف
التلفونات تجي عند المقل تقيف
الزلط يجي عند المقل يقيف
ابو الحسين يجي عند المقل يقيف؟

أبو الحسين عامل حريف...

وداخِل علي بلد الظريف...:D

بس طوِّلو البال الرهِيف...

أمااااااني شُغْلي انا كيف نضيف...

أبو الحسين
12-06-2006, 07:12 AM
اخونا ابو الحسين الله يسعد مساك(اهلنا الكبار قالو هم نزحو من مساوى وذلكك كان بى سبب انو الجزيره ضاقت على الخلق الكلام ده كان سنة سته هجريه لينا اهل فى السعيداب ونفعاب الحجير ونفعاب نورى ونحن نصيبنا وقع فى نافعاب كنار وكان لا عهدا قريب اظنه الستينات ناس البلد يعزو فى الحجير ومساوى والسعيداب وانا زاتى زول بلد وعاصرت جزاء كبير من اهلنا الكبار طيب الله ثراهم (وانا راجعلك يا ابو الحسين والله بى حليفتىام طلعتك مننا قول النافعابى قال يعنى وليك انقايات موده

النافعابي أخوي...

نهارك سعيد...

أها وينها جيتك يا الحبيب...

أها النافعابي قال!!!:D :D

دايرنك تحكيلنا عن بلدكم النافعاب وعن جلاس والقدنبلية بالمرة...

ويلة كل واحد يحكي عن بلدو في المساحة دي للتعريف بمناطقنا واحدي واحدي... عبد العظيم وود الحاج عن نوري وأريج عن شبا والملكي عن مروي شرق وخالد الحاج عن البركل وعكود وأبو قصي عن القرير وودجدعة عن مساوي ومعاوية عن المقل وشباب الزومة (ود المنابير وأبو أيمن وعمرعثمان يحكولنا عن الزومة)... وكل زول فوق بلدو اليقول ولة رايكم شنو..!!!

ولاد الأمين عوض وحميد يجو يواصلو في المقل أنا وصلت لا هني خلاس!!!:D

كميات مودتي...


أبو الحســــــــــــين...

حميد
12-06-2006, 10:15 AM
وداخِل علي بلد الظريف...التكنو قايلا فاتت علي؟:D

أبو الحسين
12-06-2006, 01:25 PM
التكنو قايلا فاتت علي؟:D

تَنْقُشها إنت آ يابة إن بقيت حي!!!:eek: :p

هسع تلقى ناس معتز وفاطمة مروا فوقها مرور الكرام حليلهم!!!:D :D :D

معتز الأمين عوض
12-07-2006, 01:32 PM
انا حاااااااااارسك لمن تجى للحميداب والكدياب التقول شنو

حميد
12-07-2006, 04:02 PM
انا حاااااااااارسك لمن تجى للحميداب والكدياب التقول شنو
:D :D :D

مااااااك براك آ معتز أخوي الحارسو
والله انا لابد ليهو تحت مدينيي..:D

أبو الحسين
12-09-2006, 06:01 AM
انا حاااااااااارسك لمن تجى للحميداب والكدياب التقول شنو


أها يا معتز يا الحِبيِّب أنا عشان أكْتُل لك الدُش في إيدك... حا أمر بالفوقاني من المسيخاب إلى ساقة سَعَد والجادعاب وحي السوق مباشرةً كيتاً تكويكُم إنت وود عمتك!!!:D :D :eek: :cool: :rolleyes:

كميات مودتي...


أبو الحســــــــــين..

النافعابى
12-09-2006, 09:43 AM
النافعاب

قريه صغيره تقع فى بداية منحنى النيل
اهلها من الذين نزحو من جزيرة مساوى
عددالسواقى يفوق الخمسه وعشرين ساقى
تجاور الركابيه موره والسدر وكورى من جهة بحرى ومن قبلى تجاور الاركى وجلاس والبار والبرصه
اهلها جلهم بين مدنى والخرطوم والسبب معروف لديكم انعدام ابسط مقومات الحياه (طلب العلم والعمل ) بها اراضى زراعيه مساحات كبيره
وجلها لا يزرع كانت فى الفيضان تسقى بالراحه
لانها حوض بها ود مبارك شيخ الظهر وحاج عيسى القدر الطامح كذلك تم عمل حزام للزحف الصحراوى (بلا خرب الاراضى البلد اتملت مسكيت)وبالمناسبه ساقيتنا اسمها ساقيه جدعه
ونواصل

أبو الحسين
12-14-2006, 07:43 AM
النافعاب

قريه صغيره تقع فى بداية منحنى النيل
اهلها من الذين نزحو من جزيرة مساوى


وبالمناسبه ساقيتنا اسمها ساقيه جدعهونواصل


الحِبيِّب النافعابي...

نهارك سعيد...

الجادعاب ديل ماشاء الله منتشرين في أي محل... زي عِرق الحنضل!!!:rolleyes: :eek: :cool: عيني باردي لا يجيني ناطي ود جدعة:D :D :D ... عندنا في المقل ساقية الجادعاب برضو... وفي الزومة متواجديييييين وفي مساوي إييييييييييك... ربنا يحفظهم ويبارك فيهم يااااااااارب...

أها ما قلت لي من الأسماء اللامعة من النافعاب حقتنا دي ناس منو؟؟؟

وبعدين معاكم يا ناس...:p

يعني المناطق في الشايقية كلللللللللها بس النافعاب وطرف المقل؟؟؟!!! دا كلام شنو دا... الزومة وينها ومقاشي وينها؟؟؟:rolleyes:

حميد
12-14-2006, 10:52 AM
النافعاب

قريه صغيره تقع فى بداية منحنى النيل
اهلها من الذين نزحو من جزيرة مساوى
عددالسواقى يفوق الخمسه وعشرين ساقى
تجاور الركابيه موره والسدر وكورى من جهة بحرى ومن قبلى تجاور الاركى وجلاس والبار والبرصه
اهلها جلهم بين مدنى والخرطوم والسبب معروف لديكم انعدام ابسط مقومات الحياه (طلب العلم والعمل ) بها اراضى زراعيه مساحات كبيره
وجلها لا يزرع كانت فى الفيضان تسقى بالراحه
لانها حوض بها ود مبارك شيخ الظهر وحاج عيسى القدر الطامح كذلك تم عمل حزام للزحف الصحراوى (بلا خرب الاراضى البلد اتملت مسكيت)وبالمناسبه ساقيتنا اسمها ساقيه جدعه
ونواصل


النافعابي اخوي..
تعرف والله رغم اني كل الدروب جربتها
بس دربكم دا ما قددتو:D ..مامشيتو كتير..وما قصدي
بجهل المناطق البحرية ولكن الاسامي الفيها غايبة عني

ونكرر سؤال ابو الحسين..
وين بقيةالناس..؟

النافعابى
12-16-2006, 05:41 AM
الاعزاء حميد وابو الحسين بالنسبه لى حميد انزل كورتى واقطع بى قبلك تلقانا تحت ضل( كلنكاكول) ابو الحسين نحن كل وليداتنا فى مدنى يعملو فى الرى وهم منهم من حفر مشروع الجزيره فى العشرينات والفى الخرطوم الغالبيه كانت خريجة الكليه الحربيه وجلهم تقاعدو فى 89 والسبب معروف (ناس الرواسى )واهل الطب لا باس بهم والمدرسين والزراعين طبعا نحن عددنا بسيط بالنسبه لى مناطقكم مثل الزومه وما شابه نحن بالميات وليك ان تتخيل (لو جمعو النافعاب الفى مساوى والسعيداب والحجير ونفعاب نورى وينا البلد التشيلن ) لكم مودتى والبركه فيكم

أبو الحسين
12-16-2006, 07:02 AM
النافعابي اخوي..
تعرف والله رغم اني كل الدروب جربتها
بس دربكم دا ما قددتو:D ..مامشيتو كتير..؟

ما عِرِفْتَك والله يا عطايي!!!:D :rolleyes: :D

حميد
12-16-2006, 08:03 AM
ما عِرِفْتَك والله يا عطايي!!!:D :rolleyes: :D


زي الجبتلي نغمة كدي يا ابو الحسين...:D :D

النافعابى
12-16-2006, 10:01 AM
الله يطول عمرك ود اختى (ابو الحسين )عطايه صباح الخير من اوائل السواقين عندنا فى البلد وهو واخوه عبيد الله فتحو درب امدر الحالى والله يا حميد ما وقفت الدرب ا صلك عشان تسمع صوت اللوارى والله كنا نعرفا من الصوت وانشاء نتلاقى فى الاجازه الجايه دى ونعرفكم ونعزمكم عندنا بس لا تاخد جواز المانى بعد السفارة اللتك تمنعك بدواعى امنيه اربط شنطك

أبو الحسين
12-16-2006, 12:53 PM
زي الجبتلي نغمة كدي يا ابو الحسين...:D :D

أهم حاجة يكون بوري هواء ثلاثي زي حق أحمد أبريدة ولة أحمد الشول!!!:rolleyes: :D ماهو زي حق عمك منان توت تووووووت توت!!!:D :D :D :D

wadehmed
12-17-2006, 10:56 AM
ماتكون نسيت ياجمال ديار......................؟
:D :D :D :D :D

انساك كيف وانتى الوحيدة القلبى يشعر جمبك بالامان
انتى القريبة وانا العطش كاتلنى يابحر الحنان

wadehmed
12-17-2006, 11:05 AM
طبعا عطايا كان يجى بعد الضحى ومنظر الناس راكبين اللورى وشالخين ونحن شايلين فطورنا فى الباقات ماشين المدرسة بى حرف طوة وكل واحد فينا يتمنى انو يركب مع عطايا يشوف كريمة بس ويفطر فول وعيش وياريت لو كان يوم قطر
اما عربية العرب لاحوووووووولة تجى قبل حمد يدق
وقصة حمد المرة الجاية سلام لى للنافعاب ولى المقل (اهلى العطيباب)
سلام لى ناس يكرمو الزول حفايا على حدود السيف

أبو الحسين
12-17-2006, 12:43 PM
ماتكون نسيت ياجمال ديار......................؟
:D :D :D :D :D

انساك كيف وانتى الوحيدة القلبى يشعر جمبك بالامان
انتى القريبة وانا العطش كاتلنى يابحر الحنان

:D :D :D :D :D :D :D :D :D :D :D :D :D

أهااااااااااااااااا دي أول مشاركة ليك كمان...!!! ما تبقى هِدَي ورِضَيْ زي معاوية دا!!!:rolleyes: :rolleyes: :rolleyes: طوااااااااالي داير تقوم سدَّاري وتسعل من الخسوسيات... بالمناسبة دي أنا واقف في حلتهم... وخايف الدخول عليها وحميد وفاطمة الأمين محمِّرين فيي!!!:D :rolleyes: :eek: :cool:

حميد
12-17-2006, 01:26 PM
:D :D :D :D :D :D :D :D :D :D :D :D :D

أهااااااااااااااااا دي أول مشاركة ليك كمان...!!! ما تبقى هِدَي ورِضَيْ زي معاوية دا!!!:rolleyes: :rolleyes: :rolleyes: طوااااااااالي داير تقوم سدَّاري وتسعل من الخسوسيات... بالمناسبة دي أنا واقف في حلتهم... وخايف الدخول عليها وحميد وفاطمة الأمين محمِّرين فيي!!!:D :rolleyes: :eek: :cool:


جر الحبل عليك يا ود احمد خليهو يتسونق عليهم
والله حرنت حرنة لكن تمشي وين مننا..؟الا كان تبدا بي
ساقة السوق وتمشي غادي..:D

أبو الحسين
12-18-2006, 06:15 AM
جر الحبل عليك يا ود احمد خليهو يتسونق عليهم
والله حرنت حرنة لكن تمشي وين مننا..؟الا كان تبدا بي
ساقة السوق وتمشي غادي..:D

:D :D :D :D :D :D :D :D :D :D :D :D :D
نان أنا مي يي دي الخايف منها ذااااااتها وفاطمة الأمين ومعتز مشرفين إضيناتُم راجين هسع عليك الله يا حميد نحن دخلنا حلتهم... موش مفروض يشيلو الباقي دا هُم!!؟؟...:D :rolleyes: :cool:

ويلة إنت يا محمد تبدأ لينا بالأراك ولمن تصل حلة السورجاب خليني الأسوقها معاك أنا... لأنو عندي غرام مع السورجاب والسالماب...

wadehmed
12-19-2006, 12:53 PM
الاراك هينى كدى خفس موضوعك وبعدين امانى بقول فوق الاراك سماحة قول من السعيداب للضيقة



كل زول فوق بلدو اليقول يللا ياخال قول وقول

معتز الأمين عوض
12-19-2006, 01:32 PM
:D :D :D :D :D :D :D :D :D :D :D :D :D
نان أنا مي يي دي الخايف منها ذااااااتها وفاطمة الأمين ومعتز مشرفين إضيناتُم راجين هسع عليك الله يا حميد نحن دخلنا حلتهم... موش مفروض يشيلو الباقي دا هُم!!؟؟...:D :rolleyes: :cool:

...
جاى اجربا جاى اجربا

أبو الحسين
12-20-2006, 07:42 AM
طبعا عطايا كان يجى بعد الضحى ومنظر الناس راكبين اللورى وشالخين ونحن شايلين فطورنا فى الباقات ماشين المدرسة بى حرف طوة وكل واحد فينا يتمنى انو يركب مع عطايا يشوف كريمة بس ويفطر فول وعيش وياريت لو كان يوم قطر
اما عربية العرب لاحوووووووولة تجى قبل حمد يدق


:D :D :D :D :D :D :D :D :D :D :D :D

الفطرة أهم شئ تكون في خيرات كريمة ولة اليماني... وكمان تتذكر في الآخر مطعم الأندلس جاء زاحمهم في الآخر كانت أيام... الواحد بي طرادة بس يسوي السُواة دي كلها!!!:rolleyes: :eek: :cool: (إستغفر الله العظيم زلة لسان!!:p لا يقوم عبده يسمعني... الشئ الطرادة دي الم250.000 جنيه... قاعدين جيلنا دا نقول لها الطرادة!!!:rolleyes: :eek: :cool:

wadehmed
12-20-2006, 11:58 AM
[QUOTE=أبو الحسين;3213]:D :D :D :D :D :D :D :D :D :D :D :D

[size=5][font=Simplified Arabic][color=#0000FF]الفطرة أهم شئ تكون في خيرات كريمة ولة اليماني... وكمان تتذكر في الآخر مطعم الأندلس جاء زاحمهم في الآخر كانت أيام... الواحد بي طرادة بس يسوي السُواة دي كلها!!!:rolleyes: :eek: :cool: (إستغفر الله العظيم زلة لسان!!:p لا يقوم عبده يسمعني... الشئ الطرادة دي الم250.000 جنيه... قاعدين جيلنا دا نقول لها الطرادة!!

والله ياخال الطرادة دى لوسمعو بيها الجماعة ما انت انكشف حالك ... بالله من زمن الطرادة

النافعابى
12-20-2006, 12:00 PM
ود احمد اخويا نحن يانا الشالخين فوق عطايا وانت بى قراصط الطوه دى هنيالك وتحياتى لى شيخنا البدوى وود الضيقه زميل المدرسه صديق حسن صديق

أبو الحسين
12-21-2006, 08:59 AM
[QUOTE=أبو الحسين;3213]:D :D :D :D :D :D :D :D :D :D :D :D

[size=5]
والله ياخال الطرادة دى لوسمعو بيها الجماعة ما انت انكشف حالك ... بالله من زمن الطرادة

[font=Simplified Arabic][color=#0000FF]خلها في سرك يا ود أُختي... والله أنا ذاتي ماني عارفها فلتَتْ مني كيفِن!!!:D :D :rolleyes:

ديامي
12-22-2006, 04:04 PM
http://www.indymedia.no/usermedia/video/12/umdarag.wmv

سلام شباب نحن من ام درق
وقد وثق لها الخال عبد القيوم ابراهيم مالك خير توثيق وغناها عثمان اليمني واصفا كل بيوت الحلة وام درق كانت قرية جميلة قبل ما يدمرها السيل ويشتت اهلها بين البرصة والقلعة والبار وجلاس ومدن السودان الاخرى




للحفظ (http://www.indymedia.no/usermedia/video/12/umdarag.wmv)

حميد
12-23-2006, 08:57 AM
[QUOTE=wadehmed;3242]

خلها في سرك يا ود أُختي... والله أنا ذاتي ماني عارفها فلتَتْ مني كيفِن!!!:D :D :rolleyes:

:D :D :D :D
بقت تجيك من ولاد اخواتك كمان..
القِبَل الاربعة؟

wadehmed
12-24-2006, 06:13 AM
شنو يا حميد ما قلنا السترة سمحى




الصباح بيجيك وبكرة يعم صفاهو

أبو الحسين
12-24-2006, 02:20 PM
سلام شباب نحن من ام درق
وقد وثق لها الخال عبد القيوم ابراهيم مالك خير توثيق وغناها عثمان اليمني واصفا كل بيوت الحلة وام درق كانت قرية جميلة قبل ما يدمرها السيل ويشتت اهلها بين البرصة والقلعة والبار وجلاس ومدن السودان الاخرى


النفوس الطيبة ما كااااانت شريرة أنا والله طاريك يا ام درق وطاري العشيرة...

التحية لك أخي ديامي ولكل أهلنا الطيبين الطاهرين بأُم درق... والبار والبرصة وجلاس والقدمبلية والأركي والنافعاب ومورا والسدر وكوري...

ولك مودتي...


أبو الحســـــــــين...

النافعابى
12-24-2006, 02:25 PM
والله عاد يا ابو الحسين كملت القول والله المساعديه ماهم زيك الله يديك العافى كفيت ووفيت بس با قيلك الهو تعرف الهو دى وين يا ابو الحسين

أبو الحسين
12-24-2006, 02:35 PM
بس با قيلك الهو تعرف الهو دى وين يا ابو الحسين

أنا أبوك يا الحســــين... كيفِن ماب أعرفها يا خال؟؟

دحين ماها عَقَبة الهَوْ... الواقعة بين كُورِي والعَفَّاض..!!!:D :cool:

النافعابى
12-24-2006, 02:58 PM
انت ما بتمسك يالنجيض ويا حافظ ويا حفيظ ود بلد بالصح صح

أبو الحسين
12-27-2006, 06:21 AM
انت ما بتمسك يالنجيض ويا حافظ ويا حفيظ ود بلد بالصح صح

إنت عارف يا خال أول مرة أشوف بلدكم ديك (بلد لا جُوة... ناسنا قاعدين يسموها كدي!!);) ...

مشينا في شَبَاب الختمية (شباب المقل ـ زمن تُودُو وقَنُودُو ـ بقيادة المرحوم عبد الرحيم ود المتوكل الله يرحمه وحسناوي وأحمد عشرة الله يمد في أيامهم وود فضل السيد جد المولود) وكان عندنا واحدة مزوجنها هناك وُولدت ليها ولد وزوجها من العفاض... أها مشينا ليك وصاحبك متْوَتْرِنْلُو في بيرق قدر الدنيي والزمن داك طبعا ًكُنا سُغَاااااااار أظننا في الإبتدائية والكلام دا سنة (87م)..!!:D :D :D أها جينا بي فوقك يا عَقَبْة الهَوْْ... ومن ديكةَ الوقِت وعرفتك... وطبعاً برضو قاعد أسمعها في قصص أبوي القديمة لأنو سكن برضو في كوري فترة من الزمن وكان بي يحكي في عقبة الهو دي وعندو قصة مع تمساح هناك... بجي أحكيها ليكم... كلما إتذكرها شعرة جلدي دي تقوم!!!:rolleyes: :eek: :cool:

أبو الحسين
01-08-2007, 08:30 AM
[QUOTE=أبو الحسين;3273]

:D :D :D :D
بقت تجيك من ولاد اخواتك كمان..
القِبَل الاربعة؟

أسوي شينو يا حميد أشيل حالي؟؟؟!!!:rolleyes: :cool:

ألحق يا العُمدة صاحبك إتشربَك...:D :D :D

وبالمناسبة دي يا اخواننا عكود لي يومييييييين ما شُفتو عساهو بخير يا بورداب الإمارات...

مودتي...


أبو الحســــــين...

أبو الحسين
01-21-2007, 09:49 AM
ماتكون نسيت ياجمال ديار......................؟
:D :D :D :D :D

انساك كيف وانتى الوحيدة القلبى يشعر جمبك بالامان
انتى القريبة وانا العطش كاتلنى يابحر الحنان

:D :D :D فِيقْ يا ود إحمد ماشي عليها...:D :D :D

أبو الحسين
02-05-2007, 01:46 PM
والله عاد يا ابو الحسين كملت القول والله المساعديه ماهم زيك الله يديك العافى كفيت ووفيت بس با قيلك الهو تعرف الهو دى وين يا ابو الحسين

عينك بااااااااردي...:p :p :p يا خواننا الحكايي دي إتمرتَقَت بس في المقل... عرفوا الشوايقة البطريين ديل (ناس قرض وجماعتو!!):rolleyes: بي مناطقهم!!:D :D :D

أبو الحسين
02-26-2007, 01:33 PM
يُرفع البوست لأهمية الموضوع...

الرجاء من الإخوة المشاركة الفاعلة للتعريف بمناطق الشايقية... لزوم شايقية لندن... أمثال قرض وغيره!!!:D :D :D

مودتي...


أبو الحســـــــــين...

أبو أيمن
02-26-2007, 03:51 PM
[QUOTE=أبو الحسين;4108][QUOTE=حميد;337

وبالمناسبة دي يا اخواننا عكود لي يومييييييين ما شُفتو عساهو بخير يا بورداب الإمارا

اليوم مريت على هذا البوست ولقيتو منالبوستات المهمة وإنشاء الله باكر بعرفلكم الزومة...........لكن وأنا ماري شفتك يابوالحسين تسأل من العمدة......... والله أنا زااااااااااتي كت محتار قت الزول دا يااااربي مشى وين؟؟؟؟؟؟؟؟ تانى براي بي قلبي قت المحلات البيمشيها كتيري!!!!يمكن اخدلو حفيسة علي أبو ظبى!!
لكن اليومين ديل شايفو يتاوق.....الله يجيبو بالعافى ماااانبقى بلاهو

الخلف
02-26-2007, 03:57 PM
مروي شــــــــــرق ..
تجي بعد البركل وشبا وإنت جاي من كريمة ...
أول شئ تلاقيك الدوداب .. ثم الحميداب .. ثم القنواب .. ثم الحرزاوين ثم مقابر المنطقة .. فحوش الملك .. وبعد داك عســــوم وفي عسوم ذاتها يلاقيك مسجد عسوم في حوش الملك وخلوة الكشامبة .. وبعد داك الجانكراب .. والحدوقاب وبينهما درب البنطون .. وبعدين مروي ست الإسم
فالمزيراب .. وبعدين الجبارنة والطريف والحمتياب واخيراً كجبي والدتي.. التي تجئ بعدها الكرو..
وكجبي بها جبل كجبي الشهير .. الذي دارت به رحى معركة كجبي ...
بين الشايقية والغزاة بعد الإندحار في معركة كورتي تحت
ضربات السلاح الناري .. فحاولو التمترس بين الجبل والنهر وفوق الجبل
فالنيل هناك يفصله عن الجبل أمتار .. منطقة إستراتيجية
ولكن أيضاً الغلبة كانت للسلاح الناري ..
وإستشهد معظم المحاربين في المعركتين
فقد كانوا يدافعون عن أرضهم .. ومحاصيلهم
ومواشيهم .. فقد إستباحها الغزاة القادمين من الشمال
وطلبو العون من من يلونهم من القبائل
فلم يجيبهم أحد .. وتصدو للغزاة .. بالسلاح الأبيض
والأحجبة .. فقتل من
قتل .. وهاجر من هاجر ..

manofali
02-27-2007, 11:20 AM
العزيزابوالحسين
والله البوست بتاعك ده عجبنى شديد وزعلنى شديد لانى ما لقيت واحد يتكلم فيهو عن مناطقنا لكن معليش على العموم نحن لها وبجيكم ليها مع خالص الشكر .

أبو الحسين
02-27-2007, 12:52 PM
[QUOTE=أبو الحسين;4108][QUOTE=حميد;337

وبالمناسبة دي يا اخواننا عكود لي يومييييييين ما شُفتو عساهو بخير يا بورداب الإمارا



شفتك يابوالحسين تسأل من العمدة......... والله أنا زااااااااااتي كت محتار قت الزول دا يااااربي مشى وين؟؟؟؟؟؟؟؟ تانى براي بي قلبي قت المحلات البيمشيها كتيري!!!!يمكن اخدلو حفيسة علي أبو ظبى!!


قُبِضَ متلبساً!!!:D :D :D

أبو أيمن
02-28-2007, 07:05 AM
نتلتكم الخلف وابو الحسين ...ونعرفكم بقرية الزومة... يالطولنا منك .... والباب مفتوح لشباب الزومه الشايفن حايميين فى المنتدى لسد الثغرات وتصحيح الزلات :_

* تجي بعد الدهسيرة وانت جاي من كريمة.......تمتد على طول 5 كيلو متر تقريباً.....بعدها مقاشي......
*قسمت ادارياُ الى ثلاث مناطق.... وإنت جايي من كريمة....الزومة قبلي.....الزومة وسط.....الزومة بحري
* بها ستة مساجد(ودالتيكل...الحليباب....ود الزومة..... ود الزاكي....الننقاب.....الوهاهيب(شيخنا ودعلى حامد)
*بها مدرستين اساسيتين أولاد وواحدة بنات ومدرسة ثانوية للبنات وأخري للاولاد....بهاكذلك كلية جامعية تابعة لجامعة أم درمان الاسلامية....
* بها مستشفى....بقوة تقريبا ً ستين سرير..
* بها 3 أندية ولها فريق يلعب بدوري كريمة وقد وصل فى احد المواسم الى منافسة كأس السودان .
*بهامركز أتصالات (سوداتيل )...
* بها مكتب تعليم.
* وبها مطار مقترح .
* وتعتبر الزومة من المناطق الأثرية المعروفة عالميا.وهي نوري ومروي والبركل والكرو والزومة...
* عدد السكان تقريباً من ثمانية الى عشرة الاف شخص .
*بها سوق مرتين فى الاسبوع الأربعاء والجمعة.

مشاهير:
* محجوب على محمد التيكل(صاحب أول مشروع زراعي بالزومة )
* شيخنا احمد على حامد فى تحفيظ القران من أقدم الخلاوي بالمنطقة عموماً
*سهل محمد التيكل أول معلم بالزومة .
*عثمان حسن جركوك .يلى الشيخ سهل فى مجال التعليم بالزومة.
* قسم السيد حسين فى مجال الطب.
*عبد الله سهل وبابكر حسن المهدي في مجال العمل العام .
*ايضاً في مجال التعليم ومن المعلمين الذين تحضرهم ذاكرتى /محمد عثمان جعفرالزومة / يحي عبد الرحمن الحاج صالح/حسن تجم /وقيع الله حسن / المرحوم السرمحجوب/الحسين الحسن وداعة الله/محمد عثمان ابراهيم الفضل/عبدالله محمد أحمد الننقة/سالم صابر/ السنهوري عثمان عبد المحمود/ابراهيم على سيداحمد/عبد الكريم حسن أحمد/محجوب تجم/على محمد احمد الزومة/بابكر وداعة الباشا/هاشم خليفة عبد الرسول.........
* ابراهيم ودحليب. فتح الرحمن درداب .عوض محمد صديق ( عوض البركل ) .محمد حسن أحمد /على الملك / محمد أحمد الزومة/ عثمان الحسين / محمد الحسن تكروري/ محمد زين عبد الحميد... وعلى حمد/ ومحمد محمد عثمان الكاشف/ ومحمد محمد عثمان/وخليفة عبدالرسول /حسن محاري../ ويحي سهل التيكل/ومحجوب محمد يوسف فى مجال اللجان الزراعية ومجالس الآباء
وهناك كثيرون ممن خدموا الزومة ولم يتثنى لي تذكرهم وعلى الإخوة إضافة مافاتني .

الإدارة الأهلية :-
العمدة/ آخر عمدة محمد الحسن الكاشف ....وقد عمل فوق االخمسة والعشرون عاماً حتى الغاء وظيفة العمدة.
الشيخ/ أحمد سيد احمد حليب وكذلك عمل شيخاً أكثر من ثلاثين عاماً حتي وفاته وخلفه إبنه عماد الذي جاء عن طريق التزكية بواسطة مساجد الزومة وعمره كان آنذاك 18 عاماً وعمل شيخاً حتى الغاء الوظيفة فى عهد حكومة الانقاذ.
المشاريع الزراعية:
مشروع ودالتيكل التجاري.... خلفه مشروع الزومة التعاوني ...حالياً يبدولى أن هناك عدة مشاريع وعلى المعاصرين توضيح هذه الناحية .
,اخيراً هذه خطوط عريضة عن قريتى الزومة أرجو أن اكون قد وفقت في تعرييفها فى موقعها الكائنة فيه كموقع جغرافي بالشمال وهناك جزء آخر سوف نتكلم فيه لاحقاً وهو يخص الزومة ومشاهيرها بأنحاء السودان الأخري وخاصة الخرطوم ومن قام على أكتافهم نادي الزومة بالخرطوم والدور الذى قام به في ترقية الزومة وتاثيره في المجال الخدمى والتعليمى والاجتماعى والطبى .( فاصل ونواصل )

ابو البروف
03-06-2007, 08:58 AM
اخونا ابراهيم قرض لك التحية والود وخمشة مودة من كميات مودة ابو الحسين
شنو عملت زي الزول الجروهو خمسين من البايظ التاني معقول زي ما قالو الجماعة هذا الرمز كلو سموهو عشان الساقيتين ديل وبعدين معقول الحجير تبقي اكبر من البركل تحت يعني اكان كدي اخير نسعل طارق لبيب عن البركل تحت انا ح اتكلم عن 4 او 5 سواقي من بداية البركل طبعا كان البركل يبدأ من الناصراب مرورا بالشمام مرورا بالدبوناب مرورا بالتاكا مرورا بخور عفونا وهذه اصبحت تسمي حي الشاطئ جنوب الذي هو نهاية كريمة من ناحية عمرانية وتبعية مجالس وهي تنتهي بالساقية 19 كريمة وتبدا بالساقية 1 البرك وهي تبدأ من الحقيبة الحقيبة نفسها نص في 19 ونص في 1 وفريق ود الطيب مرورا بالشقايق مرورا بالحواب مرورا بالباباب اخوانا ابو الحسين وحميد وعكود وناس المنتدي دي مسافة كيلو ونص طولي تقريباً وانا من خور عفونا وخور عفونا دا اسم قديم كان لنا جد من ابناءه عبد المجيد طه وطه دا كان رجل امبراطور من اباطرة الشايقية كان يتربع علي عرش الخور بان له في امبراطورية والخور يقع بين جدولين جدول اللزارقة ( جدول الحسين ) وجدول المقبول وهذين الجدولين حدود الخور وكان لها قوانين ومن قوانينها انو اذا بها من غير سكانها اذا كان راكب ينزل واذا كان ماشي يخلع عمامته واذا كانت مراةتخلع حذاءها وكان قد حدث ان بعض النساء لم تخلع احذيتها فاخذوهم الي طه ود رحمة فكون لهم محكمة في العصر بعد التثبت من شخصياتهم وعندما عدن في العصر عفا عنهم وعندما رجعن قالولن الحصل شنو قالن لهم مشينا الخور وعفونا وسموه خور عفونا وهو من الرحماب واللباريش واولاد مساعد والمحاجيب والجكانين والجحاب وكان من ابناءه عبد المجيد طه رحمه الله الذي مات وعمره 108 سنة او يزيد وماتت امه زيادة عن هذا العمر ذلك الذي سطر اسمه في التاريخ دون ان يسجل هذا الاسم في كتب المدرسة وهو الذي تصدي للانجليز عندما ارادو اغراق البلد وجسر كريمة فقط لانهم ساكننها وقام قده الجسر وقالهم يا نغرق كلنا يا نمرق كلنا وسجنوه في مروي وكان ماسك الهبابه يهبب في الحاكم واتلفت من الشباك لقي ناس كريمة ونوري ومروي رايحين يزورو البطل ولمن شافهم راح رامي الحبل علي رقبة الخواجة وقال له ملعون الاحراج لزوم ايه ولنا عودة مع الخور وتاريخ الذي بشموخ جبل البركل والبقية اتية .اخوكم ابو البروف عمر جبريل

الرفيع
03-06-2007, 03:14 PM
أبو الحسين مساء الخير
أخوك مصدع شوية بنبا مرض الشاعر الكبير عبد الله محمد خير
فلنتضامن سوياً والوقوف معه حتى أن يمن الله عليه بالشفاء

أبو الحسين
03-17-2007, 07:22 AM
ونذكر أيضاً قريبتنا " بت الحسين " رحمها الله ..
كانت حاضرة البديهة ولها قفشاتها التي لا تنسى..
كنا صغارأً .. في أواخر رمضان صيفي ..
وبعد وجبة العشاء التي كانت بي قراصة "واحد بوصة"
تمددت علي عنقريبا في الحوش .. وقالت ..
" والله يا حباني قراصةً أكلناها في رمضان دا..
تبنيلا أوضة وصالة..":D
ونواصل ..


الغالي جداً الخلف...

تسلم يا اخوي على السرد الجميل الرائع... ونسأل الله أن يغفر ويرحم الحاجة بت الحسين وكل من سبقونا لدار البقاء...

ونحن في إنتظار نواصل دي...

كميات مودتي...


أبو الحســـــــين...

أبو أيمن
03-17-2007, 07:23 AM
عفارم عليك يانديدى ابوايمن ما اروع السرد الجميل المفصل
ومن سردك ده نحن طلعت نافعابنا قلعه بالنسبه للزومه نحن
السكان ميات وانتو ماشاء الله عليكم تعتبر اكبر قرى المنطقه
الشرقيه تغتو عين الشمش (دقر ياعين)واحتمال كبير تكون بعد كريمه
فى السكان بس المحيرنى المطار ده يسوى وين
اضيف الاستاذ الفذ صلاح حسن محارى درسنى سنه فى موره

شكراً أخونا النافعابي على المرور الكريم.... والزومة فعلاً كبيرة وأنا حالتي دي طولت منها وأكيد فاتت علي بعض المعلومات.... أما من ناحية العدد الزومة كانت في الانتخابات زمان النايب البتقيف معاهو على طول كفتو تميل
في الانتخابات.....

أبو الحسين
03-17-2007, 02:28 PM
اخونا ابراهيم قرض لك التحية والود وخمشة مودة من كميات مودة ابو الحسين
شنو عملت زي الزول الجروهو خمسين من البايظ التاني معقول زي ما قالو الجماعة هذا الرمز كلو سموهو عشان الساقيتين ديل وبعدين معقول الحجير تبقي اكبر من البركل تحت يعني اكان كدي اخير نسعل طارق لبيب عن البركل تحت انا ح اتكلم عن 4 او 5 سواقي من بداية البركل .اخوكم ابو البروف عمر جبريل

الغالي أبو البروف...

نحن عارفييييييييين ومتابعين إنو الأخ الحبيب قرض ماب يعرف شئ عن البركل... وقبل كدي داير يتفلسف ويفتح لينا ملفات عن ذكرياته والبركل الموطن الأصلي وكلام زي دا:rolleyes: ... لكن بلعناهو كلامو;) ... عشان بقى يطربق... تتصور يقول لينا شنو؟؟؟ لمن أنِحْن مسافرين من الخرطوم ماشين على البلد... زوادتنا كانت بالمربة والعسل وجبنة فوفو:D ؟؟!! إتفرجتو في محن الزمان:cool: ... كدي يا اخوي إتلم إنت وشباب البركل وأحكو لينا عنها... خلوهو قرض دا يحكي عن القضارف والصعيد الكان ساكن فيهو... ودا برضو لزوم توثيق لمناطق الهجرات القديمة للشايقية... ومعظمهم كانوا في القضارف وخشم القربة وكسلا والأُبيض...

لك مودتي وفي إنتظارك...


أبو الحســين...

خالد الحاج
03-18-2007, 06:40 PM
تم مسح الإقتباس حسب طلب الكمره الخفيّة :D
مع الإعتذار لخالد (صاحب المداخلة)
عكود
:D :D :D
أخونا بابكر الله يديك العافية إنت ما بتعرف قرض؟
هذا القرض يعيش بالمحبة والمكاواة يا بابكر والله...
ولو شفت كمية الكلام البيكتبو في أخوك في سودانيات والبركل
حا تستغرب ونحن زاتنا ما قاعدين نقصر معاه..
قرض زول حبوب ولا يقصد سوي المداعبة والله يا بابكر.

الله يقلعك يا قرض يوم بتجيب لينا كفوة بي لسانك الزفر ده :mad:

ملوك
03-19-2007, 08:28 AM
اخونا قرض ياجماعة ويا خالد لأنو اداك هبشة ما اظن بيعرف البركل التحت ولا البركل فوق وانا الرد حقى ده بس عايز اعرفو بالمنطقة بتاعتو
اولاً البركل تحت مافيها حاجة اسمها ( العبدلاب) العبدلاب دى فى البركل فوق والفى البركل التحت دى اسمها (العبداب).
وثانياً احب اعرفك بالسواقى الفى البركل التحت وقول بأسم الله يا قرض نبدأ من على مروى:- ونبدأ بساقية الحسين ساقيتى وساقية اخونا خالد -
وساقية حسن - الكردى- نعملوا - ساقية على - العبابدا - الزماماب - الفاضلاب - ساقية التوم - الحماداب - المدناب - العبداب - الزيناب - العاصاب - ساقية النيل - الهواوير - الشيوخ - ساقية الخلوة ودى ساقية اخونا قرض - النفيساب - الباباب - الحاواب - الشقايق - البديراب - الحقيبة - حى الشاطى - خلاص وصلنا كريمة .

majde Abdulrahim
03-19-2007, 09:20 AM
اقتباس:
كاتب النص الأصلي : wadehmed
ماتكون نسيت ياجمال ديار......................؟


--------------------------------------------------------------------------------

انساك كيف وانتى الوحيدة القلبى يشعر جمبك بالامان
انتى القريبة وانا العطش كاتلنى يابحر الحنان


أبــــــو الحسين
والله لي في مروي من المستشفي وأريافه ومرور ا بالدبيبه وناسه الحلوين وناس فتنه ونعرج الي القرير الجمال
وموطن القرافاب جيراني الحلوين ناس الرشيد عبدالرحمن قرافي والمرحوم أبراهيم قرافي ود المسعيد الفنان
الراقي لهم ألف تحية دايل كلهم جاورني في الأمتداد وسافر معاهم الي الديار الحلوه ديك وحضرنا مناسبات كتيره
خلاص وناس الأستاذ عبدالرحيم وله أبنا ء أحتقد هنا طارق عبدالرحيم وخالد عبدالرحيم وأيضا من القرير ناس
سمحين بالحيل خلاص لهم مني كل المحبه أينما وجدوا يا أخي الشمال الحنية والسماحه والأنسانية في أبهي معانيها.

أبو الحسين
03-21-2007, 03:09 PM
:D :D :D
أخونا بابكر الله يديك العافية إنت ما بتعرف قرض؟
هذا القرض يعيش بالمحبة والمكاواة يا بابكر والله...
ولو شفت كمية الكلام البيكتبو في أخوك في سودانيات والبركل
حا تستغرب ونحن زاتنا ما قاعدين نقصر معاه..
قرض زول حبوب ولا يقصد سوي المداعبة والله يا بابكر.

الله يقلعك يا قرض يوم بتجيب لينا كفوة بي لسانك الزفر ده :mad:


يا اخواننا حكاية المسح شايفها كترت في البوست دا... الحاصل شنو في غيابي؟؟؟:rolleyes:

خالي النافعابي وبابكر... يا إمةً ترسلولي الكتابات المسحتوها دي في الخاص لي... يا يبقى في كلام!!:D :cool:

كميات مودتي...


أبو الحســـــــين...

عصام سرالختم
03-24-2007, 07:36 PM
الاخوة بالمنتدى
بعدما نزلت هذه المداخلة فى بوست آخر اكتشفت بان هذا البوست
هو المناسب للرد على اخونا وحبيبنا الشايقى القشرة قرض :D :D

قرية البركل

البركل تاريخ وماضى وحاضر ومستقبل ... وياريت نتعاون كلنا لتوثيق
كل ذلك فى بعض الاسطر عن البركل الصغير فى مساحته .. الكبير فى تاريخه
مثله ومثل باقى قرى ومدن المنطقة التى يعتبر تاريخها من تاريخ السودان العظيم ...

قرية البركل من أكبر القرى بمحافظة مروى الولاية الشمالية تجاور مدينة كريمة .. بها 71 ساقية تبدأ بالساقية رقم ( 1 ) المعروفة بساقية ودجحا والى الساقية رقم ( 71 ) ساقية ود الجاز ...كانت المنازل والاراضى فيه تمتد كلها بمحازاة نهر النيل حتى عام الفيضان 1946م حيث انتقل سكان سواقى البركل فوق المتاثرين بالفيضان الى جوار المناطق الجبلية ( فوق من النيل قليلا )وهى سواقى البركل وشبا حاليا .. وظل أهالى ( البركل تحت) فى منازلهم الحالية ..
به مشروع زراعى تعاونى كبير أسس عام 1947 تقريبا وكان قبله هناك مشروع تعاونى اصغر فى السواقى الاولى (مشروع ود المقبول)
معظم أراضيه الزراعية مغمورة ببساتين النخيل التى تصل مئات الالاف ولا توجد مساحة خالية لزراعة الفواكه التى تخلص منها الاهالى قديما لصعوبة الترحيل حينها .
فى عهد النميرى طبق نظام المجالس المحلية ( الشعبية )بديلا للإدارة الأهلية وقسم على أساسها البركل الى ثلاث مجالس هى : 1/ البركل جنوب ( تحت )
2/ البركل وسط ( فوق ) 3/ البركل شمال ( شبا ) مما فرق حينها البركل الموحد.... وللأسف أدى هذا التقسيم فى ذلك الزمن الى تحيز البعض كلا لمجلسه .. ! وحاليا إتفق الكل ... وأصبح تطوير البركل الهدف الأوحد والهم الأكبر ..
بالبركل حاليا اربعة مدارس مرحلة الأساس ( 2) بنين و( 2) بنات .. وكان به مدرستين لمرحلة المتوسط قبل تطبيق نظام السلم التعليمى ..وتنقصه المدارس الثانوية .. به حاليا مركز صحى وحيد فى البركل شمال ( شبا ).. وبه خمسة مساجد لصلاة الجمعة.. وبه ثلاث اندية رياضية .. الجبل .. البركل ... شبا ...
ايام نظام الإداره الاهلية كانت هناك عمودية البركل التى كانت تمتد من( الجرف) جنوب كريمة الى نهاية مروى شرق مع حدود الكرو ...والعمد كانو أولاد ود أبراهيم واخرهم كان المرحوم محمد أحمد سيدأحمد إبراهيم وشيخ البركل كان المرحوم أحمد محمد الدوش .... وأما شيخ مروى شرق فكان المرحوم محمد عثمان الحسن .. وشيخ كريمة هو المرحوم أحمد محمد الفكى ...
ينعم البركل كله حاليا بالكهرباء والماء من مدينه كريمة ويمر به شارع مسفلت ممتد من كريمة حتى مرسى البنطون فى مروى شرق ..
يشمخ على الجزء الجنوبى منه جبل البركل العظيم ذو التاريخ العريق حيث كان الرمز المقدس لقدماء الفراعنة وبه معبد آمون ومازال يحوى تحته وحوله الكثير من الآثار غير التى نهبت أو رحلت الى الخرطوم . وتوجد بالقرب منه اهرامات مختلفة الحجم والإرتفاع وهى شبيه بإهرامات الفراعنة فى الجيزة بمصر.. ويرجع تاريخ المعبد الى حوالى ثلاثة الف سنة قبل الميلاد..
المرأة بالبركل نالت حظا وافرا من التعليم منذ وقت مبكر حيث أنشئت أول مدرسة أولية للبنات عام 1952 ثم اعقبتها مدرسة متوسطة عام 1960 وتخرجت منها العديد من بنات البركل لذا نجد ان اكثر من 75 % من نساء البركل متعلمات..

ارجو من الاخوة الاضافة ... ولنتحدث عن اسماء السواقى واسماء العوائل بكل ساقية ..

وشايف اخونا عزالدين بابكر ظهر فى الموقع ويمكن يفيدنا اكتر واكتر

أبو الحسين
03-29-2007, 09:59 AM
:D :D :D
أخونا بابكر الله يديك العافية إنت ما بتعرف قرض؟
هذا القرض يعيش بالمحبة والمكاواة يا بابكر والله...
ولو شفت كمية الكلام البيكتبو في أخوك في سودانيات والبركل
حا تستغرب ونحن زاتنا ما قاعدين نقصر معاه..
قرض زول حبوب ولا يقصد سوي المداعبة والله يا بابكر.

الله يقلعك يا قرض يوم بتجيب لينا كفوة بي لسانك الزفر ده :mad:

أها شفت قرض وحالو؟؟!!!:D :D

صلاح عثمان صلاح
03-30-2007, 09:45 PM
شبا هى البركل شمال تمتد من شارع الفقراء الذى يفصل حلة العرب من حلة الفقراء وحتى ود الجاز وتتكون من الاحياء التالية : الفقراء, النصورة, الصالحاب, الزيناب, العوضاب, السواعير, القرونة. الحماميد. وبها نادى شبا الرياضى الاجتماعى , ومركز شبا الاجتماعى الثقافى, ومركز صحى شبا وبها خلاوى الوراريق وخلوتهم التى لا زالت تدرس القران وعلوم الدين.. تقع على ارض مرتفعة قليلا حيث لم تتاثر كثيرا بالفيضانات مقارنة مع غيرها من البراكل( جمع بركل) . الحرفة الاساسية للاهالى هناك هى الزراعة حيث توجد جزيرة شبا المعروفة بارضها الخصبة التى يزرع فيها الفول والذرة والخضروات التى تمد سوق كريمة يوميا بها حيث تجد القلاي ملانة بالرجلة والجذر والملوخية والجرجير مرصوصة جنب المزيرة يحمل بها لورى عوض ابراهيم او سيداحمد العطا مع الاذان الاولانى ..تؤدى صلاة الجمعة فى جامع العرب ولا توجد مدرسة (نمشى مدارس البركل شمال)..شبا تنام باكرا ابدر من غيرها من البراكل لان اهلنا يرجعون مجهدين من عناء يوم طويل فى بلد بى تحت ( ربنا معاهم) ولان معظم الشباب فضل الهجرة والاغتراب...من ابز الشخصيات عوض..الوزير وعبده الجاز .مدير شريان الشمال وبرفيسر حسن الساعورى مدير جامعه النيلين واللواء طبيب عبد القادر الساعورى والعقيد عثمان سيداحمد ود الزين(عثمان الجنوبى ) العقيد (م) عبد البارى على سليمان .الشيخ وراق محمد وراق بروفيسر محمد غالب عبد الرحمن والدكتور محمد مكاوى وهناك جيل صاعد من الاطباء والطبيبات سنسمع عنهم فى القريب وكميات من الخريجين هذا ما استطعت ان اذكره

عصام سرالختم
03-31-2007, 08:33 PM
شبا هى البركل شمال تمتد من شارع الفقراء الذى يفصل حلة العرب من حلة الفقراء وحتى ود الجاز وتتكون من الاحياء التالية : الفقراء, النصورة, الصالحاب, الزيناب, العوضاب, السواعير, القرونة. الحماميد. وبها نادى شبا الرياضى الاجتماعى , ومركز شبا الاجتماعى الثقافى, ومركز صحى شبا وبها خلاوى الوراريق وخلوتهم التى لا زالت تدرس القران وعلوم الدين.. تقع على ارض مرتفعة قليلا حيث لم تتاثر كثيرا بالفيضانات مقارنة مع غيرها من البراكل( جمع بركل) . الحرفة الاساسية للاهالى هناك هى الزراعة حيث توجد جزيرة شبا المعروفة بارضها الخصبة التى يزرع فيها الفول والذرة والخضروات التى تمد سوق كريمة يوميا بها حيث تجد القلاي ملانة بالرجلة والجذر والملوخية والجرجير مرصوصة جنب المزيرة يحمل بها لورى عوض ابراهيم او سيداحمد العطا مع الاذان الاولانى ..تؤدى صلاة الجمعة فى جامع العرب ولا توجد مدرسة (نمشى مدارس البركل شمال)..شبا تنام باكرا ابدر من غيرها من البراكل لان اهلنا يرجعون مجهدين من عناء يوم طويل فى بلد بى تحت ( ربنا معاهم) ولان معظم الشباب فضل الهجرة والاغتراب...من ابز الشخصيات عوض..الوزير وعبده الجاز .مدير شريان الشمال وبرفيسر حسن الساعورى مدير جامعه النيلين واللواء طبيب عبد القادر الساعورى والعقيد عثمان سيداحمد ود الزين(عثمان الجنوبى ) العقيد (م) عبد البارى على سليمان .الشيخ وراق محمد وراق بروفيسر محمد غالب عبد الرحمن والدكتور محمد مكاوى وهناك جيل صاعد من الاطباء والطبيبات سنسمع عنهم فى القريب وكميات من الخريجين هذا ما استطعت ان اذكره

الله يديك العافية يا صلاح عثمان

وفعلا شبا أو البركل شمال أنجبت الكثير من العباقرة والعلماء
فى جميع المجالات العلمية والسياسية والدينية والادبية والاجتماعية والرياضية

ماننسى الكرسناب شيخنا ( ود الكرسنى ) والبغاديد والحسيناب
والسناقى ( ساقية ناس ودالجاز ) وما ننسى اشهر الشخصيات فى شبا
المرحوم محمد على تنقاسى والاستاذ المهذب سليمان السر اطال الله
فى عمره ومد فى ايامه.. خرج اجيال واجيال ومازال مستمرا فى العطاء

شبا هى البركل والبركل هو شبا ..

anas albadawi babiker
03-31-2007, 11:07 PM
الاخ صلاح وفيت و ما قصرت ما تقصر ايامك.........شبا غنيه برجالها في كل المجالات و في مجال التعليم كان لها القدح المعلي في عدد المعلمين و علي سبيل المثال لا الحصر الرائع عثمان ابو جاره و المتمكن شقيقه عبد الرحمن و مهدي شنان و عبد الرحيم الجدي و وود كركر..ماجلان...سعد كرسني ...و رائدات التعليم النسائي بنات الدرويش ...

الخلف
04-01-2007, 06:10 AM
الأخ صلاح .. لك تحياتي
(أظنك إنت قريباً للمرحوم صلاح علي صلاح..)

وتحياتي للمتداخلين جميعاً ...

بعدين ما لكم نسيتو الطيباب .. ساقية شيخ شبا
الشيخ/ أحمد الشيخ .. أطال الله في عمره
وبعدين يا اخي شبا فيها مسجد كبير
في الحسيناب .. معليش إنتو أقرب لي
مسجد العرب .. لكن دا مسجد شبا الرئيسي..
جزا الله من عمرها جميعاً وجعلها منارة
تشع بالعلم والإيمان... ربنا يجزي كل من أسسها
وساهم في بنائها .. الفردوس الأعلى
لك تحياتي الوافرة .. فقد كان سردك لطيفاً وعامراً..

أبو الحسين
04-01-2007, 06:49 AM
الله يديك العافية يا صلاح عثمان

وفعلا شبا أو البركل شمال أنجبت الكثير من العباقرة والعلماء
فى جميع المجالات العلمية والسياسية والدينية والادبية والاجتماعية والرياضية
ماننسى الكرسناب شيخنا ( ود الكرسنى ) والبغاديد والحسيناب
والسناقى ( ساقية ناس ودالجاز ) وما ننسى اشهر الشخصيات فى شبا
المرحوم محمد على تنقاسى والاستاذ المهذب سليمان السر اطال الله
فى عمره ومد فى ايامه.. خرج اجيال واجيال ومازال مستمرا فى العطاء

شبا هى البركل والبركل هو شبا ..

وأيضاً صديقي الغالي البروفيسور/ عبد الهادي تميم... ربنا يعلي مقامو كمان وكمان وينفعنا والسودان بعلمه الغزير يااااااااااااارب...

كميات مودتي... وتعظيم سلام لشبا الحبيبة..


أبو الحســــــين...

أبو الحسين
04-07-2007, 02:11 PM
اقتباس:
كاتب النص الأصلي : wadehmed
ماتكون نسيت ياجمال ديار......................؟


--------------------------------------------------------------------------------

انساك كيف وانتى الوحيدة القلبى يشعر جمبك بالامان
انتى القريبة وانا العطش كاتلنى يابحر الحنان


أبــــــو الحسين
والله لي في مروي من المستشفي وأريافه ومرور ا بالدبيبه وناسه الحلوين وناس فتنه ونعرج الي القرير الجمال
وموطن القرافاب جيراني الحلوين ناس الرشيد عبدالرحمن قرافي والمرحوم أبراهيم قرافي ود المسعيد الفنان
الراقي لهم ألف تحية دايل كلهم جاورني في الأمتداد وسافر معاهم الي الديار الحلوه ديك وحضرنا مناسبات كتيره
خلاص وناس الأستاذ عبدالرحيم وله أبنا ء أحتقد هنا طارق عبدالرحيم وخالد عبدالرحيم وأيضا من القرير ناس
سمحين بالحيل خلاص لهم مني كل المحبه أينما وجدوا يا أخي الشمال الحنية والسماحه والأنسانية في أبهي معانيها.

تسلم يا أبو قصي يا اخوي...

والجميل يرى جيرانه وكل من حوليه جمال...

لك كميات مودتي...


أبو الحســــــــين...

عصام سرالختم
05-25-2007, 09:26 PM
فوق

أبو الحسين
05-26-2007, 04:09 PM
اخونا قرض ياجماعة ويا خالد لأنو اداك هبشة ما اظن بيعرف البركل التحت ولا البركل فوق وانا الرد حقى ده بس عايز اعرفو بالمنطقة بتاعتو
اولاً البركل تحت مافيها حاجة اسمها ( العبدلاب) العبدلاب دى فى البركل فوق والفى البركل التحت دى اسمها (العبداب).
وثانياً احب اعرفك بالسواقى الفى البركل التحت وقول بأسم الله يا قرض نبدأ من على مروى:- ونبدأ بساقية الحسين ساقيتى وساقية اخونا خالد -
وساقية حسن - الكردى- نعملوا - ساقية على - العبابدا - الزماماب - الفاضلاب - ساقية التوم - الحماداب - المدناب - العبداب - الزيناب - العاصاب - ساقية النيل - الهواوير - الشيوخ - ساقية الخلوة ودى ساقية اخونا قرض - النفيساب - الباباب - الحاواب - الشقايق - البديراب - الحقيبة - حى الشاطى - خلاص وصلنا كريمة .

يعني قرض دا ما من البركل يا ملوك ولة قصدك شنو؟؟؟:p

والله يا اخواننا أنا من بدأ يحكي لينا عن زيارتو للشمالية وهو جايي من القضارف ويقول ليك زوادتنا كانت مربى وقشطة أنا شكيت في بلُودُو قرض دا!!:D :D :D

ترجع بالسلامة يا حِبيِّب وتواصل ما انقطع من رحلاتك البطوطية العجيبة ديك:cool:

أبو الحسين
06-30-2007, 09:32 AM
إخوتي الكرام...

نهاركم سعيد...

وأواصل معكم في التعريف بمنطقة المقل... وأدخل بعد منطقة العطياب التي تفصلها من منطقة المقل وسط "كرو ود منصوري" وهو ساقتنا الممتدة بعد درب العربات إلى الخلاء وبجانبها السواقي "ساقة حمد إحمد والرِقَيْقِي وساقة البشير وجزء من ساقة شبيلي"...
تنقسم منطقة المقل وسط إلى عدة مناطق نبدأها:

المسيخاب:

وأهم ما يميز المسيخاب هي خلوة شيخنا ود الزاكي "اللهم أرضى عنه" وتبدأ هذه المنطقة بآل ود الشيخ وهم "علي ومالك وعثمان وحسن الشيخ" ومنهم خرج مولانا كمال مالك القاضي المشهور والباشمهندس إبراهيم علي الشيخ والأُستاذ/ محجوب علي الشيخ وهي أُسرة مشهورة في المقل والصحافة وأمبدة وبورتسودان... ثم يأتي آل العوض ود التومي وحُمد طه... وهذه الأُسرة قد كتبت عنها كثيراً في شخصيات شايقية وتشتهر هذه الأُسرة بالذكاء والعلم وحب التعليم... فنجد منهم ماشاء الله تبارك الله... الأُستاذ/ أحمد العوض الحسن الإذاعي المعروف وقد كتب عنه أُستاذنا عبد الرحمن يوسف كوجه مشرق من المقل، والدكتور/ خليفة العوض الحسن أخصائي الكلى ومدير مستشفى إبن سيناء والمرحوم مولانا مبارك العوض الحسن الرجل الخلوق المهذب الطيب نسأل الله له الرحمة والمغفرة فقد كان علم من أعلام مدينة كريمة بطيبته وحسن سيرته... وآخر العنقود الأُستاذ/ السيد العوض الحسن المحامي والمستشار بديوان النائب العام لفترة طويلة...
كما نجد المرحوم الأُستاذ/ الأمين محمد طه "المشهور بالأمين عوض" وهو من أوائل المعلمين نسأل الله أن يسكنه الجنة مع معلم البشرية الأول سيدي وحبيبي محمد صلى الله عليه وآله وسلم وهو والد زملائنا في المنتدى "معتز وفاطمة الأمين عوض"... وفي قلب هذه الأُسرة الكريمة نجد شاعرنا المبدع محمد محمد أحمد الشايقي الأديب النقابي فله صولات وجولات قضى معظم حياته بمدينة كريمة موظف بورشة الحوض وتنقل كثيراً بين رئاسة وسكرتارية نادي المريخ كريمة وهو يعتبر من المؤسسين لهذا النادي العريق... كما شغل سكرتير للحزب الإتحادي الديموقراطي بكريمة أيضاً... والآن فارق كريمة بمرارة وحرقة للإستقرار بمدينة أُمبدة نسأل الله يديهو الصحة والعافية ويطيل في عمره ياااااااارب... ومن هذه الأُسرة أذكر الأخ عبد الفتاح محمد طه المدير ببنك أُمدرمان الوطني...

حفظ الله أُسرة آل الشيخ والعوض ود التومي...

نواصل...

ود مقاشى
06-30-2007, 02:05 PM
اما نحن من مقاشى الخضراء
ونفتتحها لكم بابيا من شعر احد شعراء ابناء مقاشى الخضراء الشاعر الغيورعلى المنطقة وهو يقول فيها


انت ياجاهل الحقيقه زور مقاشى بتعرف
ناسا من قولة سلام بيالفوك وتألفة
ميمه من عند الرسول عادة نبينا المصطفى
وقافه قانون الاله ماظن ده فيوه مخالفه باقى الالف امجاده تعرف فى الرجاله موقفه
وشينا شمس الكون تطل كل الستائر تكشفه
وخاتمه بى اخر الحروف
مسك الختام اتكرفه
وهذا هى كلمة مقاشى جملة تفصيلا

محمد
07-04-2007, 02:29 PM
السلام عليكم ورحمة الله وبركاته

أهنئكم على المنتدى أنا من البركل لكني لا أملك المعلومات الكافية عن البركل أو عائلات البركل فأرجو إعلامي بالمصادر المتوفرة وأنا مهتم بأنساب قبائل السودان وعبدي سؤال عن نسب العبدلاب والعبداب وهل هناك رابط بينهما؟؟؟؟؟؟؟؟
أعينوني جزاكم الله خيرا

أبو الحسين
07-28-2007, 06:38 AM
اما نحن من مقاشى الخضراء
ونفتتحها لكم بابيا من شعر احد شعراء ابناء مقاشى الخضراء الشاعر الغيورعلى المنطقة وهو يقول فيها


انت ياجاهل الحقيقه زور مقاشى بتعرف
ناسا من قولة سلام بيالفوك وتألفة
ميمه من عند الرسول عادة نبينا المصطفى
وقافه قانون الاله ماظن ده فيوه مخالفه باقى الالف امجاده تعرف فى الرجاله موقفه
وشينا شمس الكون تطل كل الستائر تكشفه
وخاتمه بى اخر الحروف
مسك الختام اتكرفه
وهذا هى كلمة مقاشى جملة تفصيلا

حفظك الله أخي ود مقاشي العريس...

وحفظ مقاشي زاهية ونضيرة... وعبرك تحياتي لكل أهلنا الطيبين الحلوين بمقاشي...


أبو الحسين...