المساعد الشخصي الرقمي

مشاهدة النسخة كاملة : قصائد المرحوم اسماعيل حسن..


حميد
12-25-2006, 09:13 AM
طير الرهو

والله والله يا طير الرهو
قسماً عديل ما فيه لو
دمع الحبايب ذي نغيم الساقية
في الوادي البعيد وتسوي جو
والله يا طير الرهو..ء
ما كت مصدق اني بلقاك يارهو
اشكو ليك من جور زماني ..
كيف رماني ..شوف براك ..شوف الزمن
كيفن بسو..ء
حتى باقي الزاد كمل
والليل ..طويل طولاً غريب مافيه ضو
والريح تنوح فوق الدروب
وآخوفي من صوت الرياح
وكتين تنوح وتسوي او
زيك غريب و الغربة طالت يا مسيكين
متلي يا طير الرهو
التراب ملينا عيشته
اريتني زيك
كل يوم يحضني جو
في بحور الريد نسافر
والمراكب كاسحة..ما دام ريحنا نو
نمشي لي أرض الحبايب يا حلاتن
في المغيرب والدنيا ضو

يا سلام لما نسالم ... طائر مغرد
.يستحيل.......شل العواطف
في قليب عاشق .مغرد...ء
زي تميرا في الشمال لمن يفيض
النيل يفرهد
تنتشي الدنيا وتزغرد
النسيمة الحلوة تطبقنا
وتنقر بابنا كو كو
يا سلام ..يا سلام

عكود
12-25-2006, 09:29 AM
حتى باقي الزاد كمل
والليل ..طويل طولاً غريب مافيه ضو يا لبلاغتك يا إسماعيل حسن.

حمّيد . .
إسماعيل حسن من شعراء القمّة في الأغنية السودانية . .
لا أعتقد أن شاعراً آخر إرتقى وتربّع على عرشها مثلما توهّط هوعليها.

بوست في الصميم.

حميد
12-25-2006, 11:47 AM
يا لبلاغتك يا إسماعيل حسن.

حمّيد . .
إسماعيل حسن من شعراء القمّة في الأغنية السودانية . .
لا أعتقد أن شاعراً آخر إرتقى وتربّع على عرشها مثلما توهّط هوعليها.

بوست في الصميم.

صدقت يا عكود..
وياريت الاخوة يساعدونا في تجميع
اشعار العملاق اسمعين حسن رحمه الله..
وهمتك معانا..

أبو الحسين
12-25-2006, 11:55 AM
النيل يفرهد
تنتشي الدنيا وتزغرد
النسيمة الحلوة تطبقنا
وتنقر بابنا كو كو

حَدْ الشدْهَة ما يصل ليها حدْ!!!

يااااااربي نان أقول شنو؟؟؟:
rolleyes:

حميد
12-25-2006, 12:14 PM
حَدْ الشدْهَة ما يصل ليها حدْ!!!

يااااااربي نان أقول شنو؟؟؟:
rolleyes:
وتأمّل كمان..
والله والله يا طير الرهو
قسماً عديل ما فيه لو

ديامي
12-25-2006, 01:00 PM
بسيماتك تخلي الدنيا شمسية
في غمزة طفلة تتشرا تتصرا
إذا ضاريتك الأبنوس سنيناتك.. بسيماتك

وحياتك بشم ريحة الجروب
مغسولة بي وهج القناديل
واشوف برقا يغازل ومضه
سرا في عويناتك
بشوف شفع يأشرو للقميرة
تايهة دورين بالمناديل
ويلعبو فوق تلال خديكي
ومرجيحة ضفيراتك ..بسيماتك

بسيماتك تخلي الكون خمر عربيد
واحة عيد
ورعشة نور مكحلة بي ستاير الليل
ورنة طبلة رقصت ليك
في خير الهوى العم العيش نرسل بشاشاتك
برنة طبلة رقصت ليك
نحس نشع شبابنا الطويل
ولا يوم بدخل آفاق بسيماتك

ديامي
12-25-2006, 01:02 PM
يا سلام منك أنا آه
يا سلام ..ياسلام
العيون فيها سهام
والكلام فيهو كلام
في حديثك
في ابتسامتك
زينة يا أحلى غرام

لديارك جيت يا روحي ليك أزور
ومن كلام الناس والله قد ضاع السرور
في إيدية
ليك هدية
سامحيني
واعذريني
واقبليها يا بدور

العواذل قالو ليك
قالو إيه
قالو بحب
والله إنتي وبس
إنتي في قلب المحب
هددوني
ألموني
عذبوني
بدلوني الفرحة نار وهيام يوم الغرام

إنتي لونك
وإنتي طبعك
هادي ما فيهو البشين
تشبهي الفل في الجناين
حتى عطرك ياسمين
ربي يعلم
كم قلبي مغرم
إنت ترحم
بين ضلوعي النار تقيد
دا حرام والله حرام

ديامي
12-25-2006, 01:05 PM
يا طير يا طاير من بعيد فوق الغمام
من ربوعي أحمل الشوق يا حمام

انشالله تمشي وتشمي يا طير لي تعود
لي حبيبي تحمل الحب والورود
احكي عني وقلو يا طير هل يعود
من فؤادي ليهو ليك ألفين سلام

يا طير يا طير خوفي بس تنسى الكلام
يوم تشوفو هالّي زي بدر التمام
في جبينو نور يشع يضوي الظلام
في عيونو يرقد الشوق والغرام
حِبِّي عارف إنو في صمتك كلام

ياطير يا طاير لي حبيب زي اليمام
هادي طبعو زي صغير قبل الفطام
ديمة ضاحك ثغره يعلوه ابتسام
من فؤادي ليهو ليك ألفين سلام

حميد
12-25-2006, 01:05 PM
الغالي ديامي..
يا سلام عليك واضافاتك الجميلة..
يعجبني خفيسك وتمتك للناقصي..
كل سنة وانت طيب..

حميد
12-25-2006, 01:06 PM
ميرى واو
ياسلام
لو شفتو ميرى..... ياسلام
لونها ..... زى زيتونة
ناضجة.. راقدة فوق غصن السلام
العيون الشاربة
من الجور
توشوش ليك ... كلام
القوام بس شن نقول
ما خلاص ... كمل الكلام
ميرى ... زى الريح تولول
وميرى زى فرخ الحمام
كنا ننضم...
و يا حلاوة اللهجة
ميرى... كان تمتم ... فى الكلام
وبى بشيش حدثت ميرى
قلت ,,, ميرى..
انشاءالله ... موتو انا
وبى حنين ... قالتلى .. هاو
قلت ... هاو والله هاو
ما زمان فرقنا هاو
ادفنونى ان شاء الله حى فى ربوع الجنة واو

حميد
12-25-2006, 01:07 PM
البنات والتلفون


واحدة تمت للقراية
وظفوها
والغريبة الحظ رماها
ضمن باشكاتبن قديم
جنه جن صنف الحريم
وابتدأ التلفون يرن
كل دقيقة
وكل ثانية
وبالطبع دايرين فلانة
وهى تنضم
مرة تهمس
مرة تضحك
مرة بتوسوس وخايفة
من نضم زولنا القديم
قام سألها
يا فلانة...
البضربولك منن ؟
قالت..أخوانى الكبار
خدلو ضحكة
وتانى ضحكة
اصلو أمك يا خرابة
يعنى كان ولداها تيم ؟؟؟
ياسلام

حميد
12-25-2006, 01:35 PM
وآ أسفاي


وحاتكم انتو وا أسفاي
إرادة المولى
رادتني وبقيت غناي
أسوي شنو مع المكتوب
أسوي شنو؟
براهو الواهب العطاي
منو ..
منو البدور يساهر الليل
ويسافر
فوق جناح الشوق
يكوس نجماً بعيد ضواي
منو ..
إذا وصفولو أرض الحور
تلاقي قوافلو طول الليل
تشق التيه
تجر النم
مع الحردلو في الدوباي
وا أسفاي
ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة
يادنياي

بتمدد وبتوسد
وسادة شوق
وبنوم مرتاح وخالي البال
واقالب تاني عهد صباي
عشان ما تبكي
ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتامِ الليل
ومتوكل عليك يا الله
دافر الليل
بِريق البسمة إن لاح لي
بتتفتح مشاتل الريد
واحسك جوا ..
زغرد فيها صوت الناي
وا أسفاي
وحاتكم انتو وا أسفاي
أسفاي
إذا ماشفت ناس سمحين
يتاتو ..
زي قدلة جنا الوزين
يتاتو
تلاقي قليبي يرمح جاي
لما يتاتو
زي قدلة جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا
وا أسفاي
من زي ديلا
وا أسفاي
إرادة المولي رادتني
وبقيت غناي

رهف
12-25-2006, 04:37 PM
يا سلاام عليك يا حميد ..

اسماعيل حسن دا .. هو اللى رسم منعطفات و نواصى مملكة الشعر

فى السودان.. و توجه الشعر ملكا عليه للابد.. و علينا نحنا كمان..

سلمت بنانك..و انت توثق لشاعر انسان.. و فنان بالفطرة.. و كانه

ما كان يشبه الا من ماثله فى الرقة و الرهافة.. فهم قد خلقوا من روح

و روح.. راحت الاولى مع ارواح من راحوا .. و بقيت فينا الاخرى..

نطوف فيها و تطوف بنا..



واصل.. و بشويش..

رهف
12-25-2006, 04:47 PM
بسيماتك تخلي الدنيا شمسية
في غمزة طفلة تتشرا تتصرا
إذا ضاريتك الأبنوس سنيناتك.. بسيماتك

وحياتك بشم ريحة الجروب
مغسولة بي وهج القناديل
واشوف برقا يغازل ومضه
سرا في عويناتك
بشوف شفع يأشرو للقميرة
تايهة دورين بالمناديل
ويلعبو فوق تلال خديكي
ومرجيحة ضفيراتك ..بسيماتك

بسيماتك تخلي الكون خمر عربيد
واحة عيد
ورعشة نور مكحلة بي ستاير الليل
ورنة طبلة رقصت ليك
في خير الهوى العم العيش نرسل بشاشاتك
برنة طبلة رقصت ليك
نحس نشع شبابنا الطويل
ولا يوم بدخل آفاق بسيماتك

العزيز دياامى..

الفنان ..


و بسيمااتك .. الاغنية الفلتة .. التى رسمت لوحة ذات لون و رائحة..

برائحة الجروف المغسولة بوهج القنااديل..


بشوف شفع يأشروا للقميرة
التاايهة دورين بالمناديل
ويلعبوا فوق تلال خديك..
ومرجيحة ضفيراتك ..


و يا سلاام..


بس للتوثيق..بسيمااتك من كلمات على عبد القيوم..

لكن هى فعلا بتشبه كلمات اسماعيل حسن.. ..

رهف
12-25-2006, 04:58 PM
لو بإيدي !!

كنت طوعت الليالي ..

لو بإيدي كنت زللت المحال ..

والأماني !!

والأماني .. الدايرة في دنياي ماكانت محال

دي الإرادة ..ونحن ما بنقدر نجابه المستحيل

دي الإرادة.. والمقدر ما بنجيب ليه بديل ..

دي الإرادة أجبرتني في هواكم ..من قبيل

غصبا عني ..وغصبا عنك

انت حبيتني.. وهويتك

لو بإيدنا من زمااااان ..

كنت خليتني ونسيتك

والنهاااااية !!

انت عارف وانا عارف

لو بإيدي ..كان هديتك

أصلو حبي أقوى وأكبر من إرادتي ..

وانا حاسس في جحيم نااااارك ..سعادتي

والهيب البكوي في روحي..

في ذاتي..

هو إنت

قلبي دايرك ..

حبي عارفك..

في شبابك في صباااااك ..

في جمااااالك.. في وفاك

يا المسير!!

يا المسير.. وماك مخير

انت يا الصااااابر .. و عند الله جزاك..

حميد
12-25-2006, 06:02 PM
غاليتنا رهف..
تسلمي علي مداخلاتك المدنكّلة..
وكنت واثق من ريحة كلمات اسمعين
حسن ستجلب فراشتك اليها..
فحلقي معنا في هذه الوارفة..

رهف
12-25-2006, 07:35 PM
بعد ايه!!

جيت تصالحني ..

بعد ايه!!

بعدما ودرت قلبي الكنت فيه !!

جيت تشكي ..

جيت تحكي..

جيت تبكي.. لي ليه!!

اعتذااااارك ..مابيفيدك

ودموعك ..مابتعيدك
..
العملتو كان بإيدك ..

انا.. ما لي ذنب فيه

انا ..خلدتك بشعري في زمااااانك..

وياما.. غنيت وكان كلو عشانك ..

كان جزاي منك ..صدودك وهوانك ..

انا استاااااهل !!

انا استاهل.. وضعتك في مكانا ما مكانك..

روح !!

الغدر بي نفسو ما ببكوا عليه

جيت تااااايب ياحليلك

والفؤاد ملكوه غيرك..

ربي يعدل ليك سبيلك ..

كل مناي في الكون عديلك ..

ونهاااااية الخير مصيرك..

اصلى عهد العشرة ما اتنكرت ليه..

ضيعوك!!

ودروك !!

انت مابتعرف صليحك.. من عدوك..

استغلوا.. الطيبة في قلبك ..

وبي.. اسم العواااااطف خدعوك..

حتى من.. كلمة حنااااانم .. وودادم.. حرموك

الله ياخد ليك حقوقك ..ويجااااازي..

الظلموك !!

البركلاوي
12-25-2006, 08:11 PM
ذات الشامة للعملاق إسماعين حسن
صدح بها الأستاذ وردي

وحياة الأحلام القلبي سقاها
وحياة أجمل بسمة عرف معناها
وحياة سمر اللون وحاة محياها
وحياتك
وحياتي عندك
وحياة حبي
النار صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
وحياتك
وحياتي عندك
وحياة حبي
النار صدك
وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة
وحياتك
وحياتي عندك
وحياة حبي
النار صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة
وحياتك
وحياتي عندك
وحياة حبي
النار صدك
وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة
وحياتك
وحياتي عندك
وحياة حبي
النار صدك

رهف
12-26-2006, 05:06 AM
البركلاوى..

تحيااااات..


وحياة الأحلام القلبي سقاها
وحياة أجمل بسمة عرف معناها
وحياة سمرة لونها وحاة محياها
وحياتك..وحياتي عندك
وحياة حبي
النار صدك..

و يا سلاااااام..

اتيت بواحدة من اصدق الكلمااااات.. و هى من احب القصائد التى

صدح بها وردى الى نفسى .. كلها حليفة و هياام ..

و تاانى يا سلاام ..

رهف
12-26-2006, 05:27 AM
خاااااف !!

من الله على قلبي ..

و قلبى ..من غرااااامك خاف ..

زرعت الشوك على دربو ..

وياما في هواكم شاااااف قلبي !!

سنين وايام قضيت عمري..

في لوعة !!

انادي الليل.. واقول ياليل ..

انا المظلوم عزااااى .. دمعة

دموعي تسيل ..وليلي طويل

وعايش.. في مهب الريح براااااي ..شمعة

خسارة قلبي في حبك..

وااه .. خسارة !!

علمتو يحبك ..ولما سار في دربك ..

رحت وسبت حبيبك ليه !!

يا خسارة املي واملك.. وااه خسارة ,,

كنا بنبني الجنة ..ولما خلاااااص قربنا ..

رحت هدمت سعادتك ليه !!

يا خسااااارة .. دمعي ودمعك.. وااه خسارة

ياما سهرنا ليالي ..ياحليلك يا غااااالي ..

وياما في هواكم شاااااف قلبي ..

كفى !!

يا قلبي انسى الفات.. وعيش من تاني وحدااااااني ..

ولو حنيت لعهد الشوق.. اجيب من وين عمر تاني !!

كفى يا قلبي شفت الويل ..وليل السهد بكااااااني ..

بعد ما تبت من النار حراااااام .. تتجدد احزاني ..

يضمك ليل ويطويك ليل ونار الويل مهاادك

يا مظلوم وما ظالم حليلك والعمر فااااااني

ويااااااما.. في هواكم شاف قلبي..

حميد
12-26-2006, 08:58 AM
من البركلاوي ،،،

أحر التهاني وأجمل الأماني
بمناسبة عيد الأضحى المبارك
لك عزيزي القارئ
وكل سنة وانت طيب يالبركلاوي
وذات الشامة هي عيديتنا..

البركلاوي
12-27-2006, 01:59 AM
يا رهف ’’’’’’’’’’ لقيتك اسم على مسمى ؛؛؛؛؛؛؛؛؛؛؛؛

وحياتك
وحياتي عندك
وحياة حبي
النار صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة

وانا برضو على قولك عندما اسمع هذه الأغنية بكون في عالم السكارى . وخاصة لم وردي يقول ( إنننننتي القمرة ) يقولها بغنة وتعقبها الموسيقى العجيبة ديك وانا طوالي يجيني الحرنكش . ولكن للأسف ما عرفت انها بتاعت اسماعيل حسن الا في السنوات الأخيره (26/6/2001م) .

البركلاوي
12-27-2006, 02:05 AM
وكل سنة وانت طيب يالبركلاوي
وذات الشامة هي عيديتنا..[/size]

تسلم ياحميد
وانت يعيدو عليك يالتلفون
اتوقعني أيام العيد
انبقى تلفونك في صالون قرض موجود خلاس بلقاهو . وانبقى ما ما موجود رسلو لي .

رهف
12-27-2006, 06:00 AM
يا رهف ’’’’’’’’’’ لقيتك اسم على مسمى ؛؛؛؛؛؛؛؛؛؛؛؛

وحياتك
وحياتي عندك
وحياة حبي
النار صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة

وانا برضو على قولك عندما اسمع هذه الأغنية بكون في عالم السكارى . وخاصة لم وردي يقول ( إنننننتي القمرة ) يقولها بغنة وتعقبها الموسيقى العجيبة ديك وانا طوالي يجيني الحرنكش . ولكن للأسف ما عرفت انها بتاعت اسماعيل حسن الا في السنوات الأخيره (26/6/2001م) .

البركلااوى ..

تحيااااات ..

و تسلم على حلو الكلمات ..


و هو وردى ذااااتو.. لما يغنيها بمشى لعاالم تانى و يسوقنا معاه..

و نحن ندور فى توهاان غريب .. لا توقظنا منه الا ضربات ذلك

الايقااع الفريد الذى تتارجح على صداه نغمات الساكس الهيماان ..

اما صوت وردى .. مسحوووووور.. مسحور ..


كلمات اسمااعيل حسن .. العظيم الذى لا ياتى الا بعظيم الكلمة ..

التى هى وحدها .. من تعطى اللحن سرا .. و النمة سحر..

رهف
01-06-2007, 04:24 AM
الصغيرة..

شجيرة الأرااااك!!

ياقمر عشرة الفي سماك..

شاغلة روحي.. وقلبي المعاك..

وين لقيتك !!

لامن آباااااك ..

القمر بوبا عليك تقيل..



بوبا عليك تقيل..

يا قمر بوبااااا .. عليك تقيل

الجزيرة ام بحرا حمى ..

فيك روحي.. وحبي النما

مابسيبها ان بقا في السما..

ما بخلي الناس تظلمها

روحي في دربك سايمها

يا غرقت !! يا جيت حازمها..

القمر بوبا عليك تقيل



الصغيرون الما كبير..

الرقيبة قزازة عصير..

العيون متل الفناجين

السنون براقن يشير..

مابتحش.. قشة تناقير

مابتشيل.. جردل على الزير

الزراق فوقها تقول حرير..

شتتي الشبال.. يا ام ضمير

خلي قلوب الصبيااااان..

تطير !!

انتي ريحتك دمور فرير

ولا.. بت السودان اصيل..

القمر بوبا عليك تقيل..



القديمها قديم الحمام

الوزيزين في موجو عام

يا ما رايقة قليلة كلام

وآآآآ حلاتها!!

تقول السلام..

يااااا القمر.. بوبا عليك تقيل..



الديوان الديمة مقشوش..

بالزهور.. والورد معروش

بالحرير الأصلي ..مفروش

ريحتو مايقوما بلا رتوش..

كان دا وصفو.. ماهو مغشوش

قدروا ..الساكننو في الحوش!!

القمر بوبا عليك تقيل



بحر الدميرة العب ونزل..

مرة يسقي الفل والنخل

فيهو عام وزينا وقدل..

يانى أنا.. البيك عقلي انشغل..

بعت روحي عشان ليك اصل

وانت ابعد لي ..من زحل!!

يا قمر بوبا عليك تقيل..



الغزال الفوق في السلم..

المحبة تذيدى الألم!!

كل يوم اصبح لي في هم

سيسبان.. عودك منظم

شمعدان نفسك يا أم ختم

البرتكااااان ..

يا قمر بوبا عليك تقيل!!



المبااااارك ..شيخ الظهر

العليك.. ساسكت و فترت..

قلى جنيت!! ولا دسترت ??

اي.. أنا المرضان مكنتر..

جابولي حكيم.. خير وشر

قال لى..

يااااا زول !!!!

مرضك كتر.. سببك ام شلاخا خضر

القمر بوبا عليك تقيل..



الصغيرون ام الجنى ..

ياكريم ربي تسلمها..

تبعد الشر من حلتها..

جنة للأم الولدتها..

الفي جبل عرفات.. وضعتها

تسلم البطن الجابتها

دي ترباية حبوبتها

التميرة الفي سبيطتها..

الصفار صابغ خضرتها..

معزورة امها كان دستها

وآآآآ هلاكي ..الناس شافتها..

معزباني.. انا ود حلتها..

القمر بوبا عليك تقيل



الدفيفيق الدابو .. ني

البسيمتو تكويني.. كي!!

اهلو ضنوا عليهو.. وعلي..

حبك النسااااانى والدى..

ما بخليك.. ان بقيت حي..

يا قصيبة السكر الني..

ووووب على أمك.. ..

و وبين علي..

ياا قمر بوبا.. عليك تقيل



العيون الما.. بدمعن..

نامن.. أو صاحيات يبرقن

لا بصيدن.. لا يعتقن..

سرهن في الجوف يحرقن..

كشفن رموشن أو غمضن..

كلووووو..

موت!!

مااااا .. تقول يرحمن!!!!

القمر بوبا عليك تقيل..

رهف
01-10-2007, 04:14 AM
حميد ..


تباااااالغ !!!!


يعنى تبدا ليك بوست حلو كدا ..

و تفوت تخليهو !!!!

البركلاوي
02-08-2007, 10:41 PM
مالكم ياحميد صهينتو من الإبداعات الراقيه دي , ود حد الزين ما عندو الكثير ؟
انا بعيدها وانتو واصلو بالفزع ...
حنينة
لشاعرنا الراحل المقيم بيننا بإبداعاته إسماعيل

ياما دربك كنت بفرشو ورد وحنية واماني
ياما عهدك صنتو وما خنت وكان ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
إن نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها

تبقى جنبي ونسى كل الدنيا نغرق في الأماني
واشتكيلك يا حبيبي منك انت ومن زماني
في غيابك ياما ليل الغربة بالآلام رماني
ابقى عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها
الإله يرعانا
هدا الغرام ضمانا
ونحن ما أحلانا

لو بكاي هماك
لو شقاي هماك
ما كنت يوم
فارقتني
خاصمتني
عذبتني !!!

حميد
02-09-2007, 06:42 PM
حميد ..


تباااااالغ !!!!


يعنى تبدا ليك بوست حلو كدا ..

و تفوت تخليهو !!!!
:D :D
لا والله يارهف مافت خليتو
ولكن في حضرتكم انت والبركلاوي
بتفرّج..

بجيكم للغوص في بحر اسمعين حسن

البركلاوي ياحنين..
والله ما قصرت وود حد الزين فعلا سيل دافر
لا تتكاسلوا وانا معكم صادي راجع..

رهف
02-10-2007, 03:42 AM
:D :D
لا والله يارهف مافت خليتو
ولكن في حضرتكم انت والبركلاوي
بتفرّج..

بجيكم للغوص في بحر اسمعين حسن

البركلاوي ياحنين..
والله ما قصرت وود حد الزين فعلا سيل دافر
لا تتكاسلوا وانا معكم صادي راجع..

حميد اخوى..

كيفك !!

خلااص.... وكت تصد ترجع..

قول لينا عوك..:D

بنجيك جاريين..

البركلاوي
03-14-2007, 02:50 AM
خاف من الله
اسماعيل حسن

خاف من الله على قلبي
من غرامك خاف
زرعت الشوك على دربو
وياما في هواكم شاف قلبي

سنين وايام
قضيت عمري في لوعة
انادي الليل واقول ياليل
انا المظلوم عساي دمعة
دموعي تسيل وليلي طويل
وعايش في مهب الريح براي شمعة
انادي الليل واقول ياليل
ياما في هواكم شاف قلبي

خسارة قلبي في حبك واخسارة
علمتو يحبك
ولما سار في دربك
رحت وسبت حبيبك ليه
يا خسارة املي واملك وا خسارة
كنا بنبني الجنة
ولما خلاص قربنا
رحت هدمت سعادتك ليه
يا خسارة دمعي ودمعك وا خسارة
ياما سهرنا ليالي
ياحليلك يا غالي
وياما في هواكم شاف قلبي

يا قلبي انسى الفات وعيش من تاني وحداني
ولو حنيت لعهد الشوق اجيب من وين عمر تاني
كفى يا قلبي شفت الويل وليل السهد بكاني
بعد ما تبت من النار حرام تتجدد احزاني
يضمك ليل ويطويك ليل ونار الويل ميهادة
يا مظلوم وما ظالم حليلك والعمر فاني
وياما في هواكم شاف قلبي

عمر مجذوب خطيب
03-14-2007, 08:55 AM
حميد دي البوستات ولا بلاش
رهف ديامي البركلاوي العظيم ما قصرتو ويا ريد لو تنزلوا مع كل قصيدة اغنيتها لاكتملت البهجة
ويا ريت يا خالد الحاج تنقل كل هذه الذخيرة الى ملف الشعراء
شكرا يا شباب واستمروا

البركلاوي
03-15-2007, 03:43 AM
جاييكم راجع يا رايعين
كل الود ،،،

عبد الرحمن يوسف
03-31-2007, 11:08 AM
نور العين للشاعر اسماعيل حسن

قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم والمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والأنغام والعود في ايدي
بحكيلو حكايتي ويعيد ترديدي
واشكيلو همسة أو عذب نشيدي
ياما الأوتار تفضحني من ريدي
يا نور العين
يا نور العين انت وينك وين

عبد الرحمن يوسف
03-31-2007, 11:16 AM
=5]]غلطة للشاعر اسماعيل حسن


غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني هوى
عني ايه قالو عني ايه

كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني هوى
انت حبك جنيت عليه

كن طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي انا
انت حبك جنيت عليه[/align][/size]

عبد الرحمن يوسف
04-02-2007, 12:47 PM
[ 50"]size=5]صدفة
وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا
النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك
ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار
صدفة عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني يسكر
عمري فراشة حولك وانت شبابك أخضر
ياما بحبك وبعبد حبك علشان حبك روحي فداك[/size][/color]

عبد الرحمن يوسف
04-08-2007, 11:56 AM
] العهود صونوها


ياما دربك كنت بفرشو ورد وحنية واماني
ياما عهدك صنتو وما خنت وكم ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
وإن نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
أنت حاكمو وأنت مالكو وأنت في أيدك وصايتو
أنت لو حكمت قلبك ما أظن ترضى بنهايتو
العهود صونوها
اوعو لا تخونوها
دا حرام تنسوها

تبقى جنبي ونسى كل الدنيا نغرق في الأماني
واشتكيلك يا حبيبي منك أنت ومن زماني
في غيابك ياما ليل الغربة بالآلام رماني
ابقي عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها[/size]