المساعد الشخصي الرقمي

مشاهدة النسخة كاملة : محمد كرم الله ...حرام يا نورى


ود ارقى
04-20-2007, 01:09 AM
حرام يا نورى... الاهدا لكل الاخوة الاعضاء والحبيب جمال اب ريده وخالى النافعابى بالخصوص

تحياتى



http://albrkal.com/upload/uploading/karam5mp3.mp3



رابط الحفظ
http://albrkal.com/upload/uploading/karam5mp3.mp3

النافعابى
04-20-2007, 02:26 AM
يازول بركه بالطله ومااروع الهديه غنيه من الزمن السمح
زمن كنا لاندرى بما كان الزمن ضامر وحليل الضامره مبتسما
وما اروع المطوع ودكرم الله انكت القديم امرقو لابره ويديك العافى

عمر مجذوب خطيب
04-20-2007, 10:41 AM
ود ارقي والله بالغت عديل كده الاغنية دي لقيتا وين
يا اخي دي اجمل هدية تهديها لرواد الموقع
واصل

الخلف
04-20-2007, 10:51 AM
تسلم يا ود ارقي .. على هذه الأغنية النادرة ..
لكييييييييين دا محمد كرم الله ؟؟؟
يا أخوانا كدي أول شئ أكدو لينا أنو دا محمد كرم الله ..
انا لم اسمع هذه الأغنية .. عند وكرم الله ..
قد يكون دي من أولى بداياته .. ربما !!:confused:

عصام سرالختم
04-20-2007, 11:00 AM
الأخوان ود أرقى والخلف
أشك فى أن يكون هذا صوت محمد كرم الله
وقد يكون إسحاق كرم الله ؟؟؟؟
فيدنا يا ود ارقى

ود ارقى
04-20-2007, 11:02 AM
يازول بركه بالطله ومااروع الهديه غنيه من الزمن السمح
زمن كنا لاندرى بما كان الزمن ضامر وحليل الضامره مبتسما
وما اروع المطوع ودكرم الله انكت القديم امرقو لابره ويديك العافى

الخال النافعابى
دايما سباق للسؤال عن الغائبيين ..بالاتصال بالموبايل او ماسنجر ...يديك العافي فى عضيماتك انشا الله قول آآمين
اما بالنسبه للغنيه فهى كما اعتقد وزى ما قلت انت شكلها من اغانى الزمن السمح وارجا الجاي

محبتى

ود ارقى
04-20-2007, 11:14 AM
ود ارقي والله بالغت عديل كده الاغنية دي لقيتا وين
يا اخي دي اجمل هدية تهديها لرواد الموقع
واصل

الزول الرااائع عمر مجزوب والاخوة الافاضل المتداخلون (الخلف-محمد سر الختم)
شكرا على الكلام السمح لاااامن يتور شعرت الجلد ده ..والله الاغنيه ومعها مجموعة اغانى وجدتها عند واحد باكستانى فى امارة الشارقه متخصص بيع اشرطه سودانيه فقط من زمن بعيد ما عارف كم سنه بالضبط لكن عندو اغانى ما موجوده فى الاسواق ولا الانترنت والاغنيه دى جزء من كاسيت فيهو خمسه اغانى لم اتاكد من اساميها بعد ومنتظرين الخلف يفتينا فيها لانو كما اسلفت ما سمعتها من قبل كده ولو تعرفو فى اغانى بقولو ليها اغانى الهمهمه ؟؟؟برضو موجوده عندى ..اترقبو الجاي

محبتى

الخلف
04-20-2007, 02:11 PM
الزول الرااائع عمر مجزوب والاخوة الافاضل المتداخلون (الخلف-محمد سر الختم)
شكرا على الكلام السمح لاااامن يتور شعرت الجلد ده ..والله الاغنيه ومعها مجموعة اغانى وجدتها عند واحد باكستانى فى امارة الشارقه متخصص بيع اشرطه سودانيه فقط من زمن بعيد ما عارف كم سنه بالضبط لكن عندو اغانى ما موجوده فى الاسواق ولا الانترنت
محبتى

عليك الله آو دارقي أسأل لي الزول الباكستاني دا .. شوف عندو أشرطة قديمة لي ولاد حاج الماحي؟؟
تصدق في كريمة ذاتها ما لقيت أشرطة ولاد حاج الماحي القديمة .. "المجذوب - ود الشيخ - أحمد الماحي" فتشت عليها ..ولم أجدها .. كدي أسألو لينا لو عندو ..

حسان سرالختم
04-20-2007, 03:52 PM
الرائع خالص ود ارقى ودى اغنيه تستاهل عليها دبوره !!
ولكن زى ماقال مرجعنا المتخصص فى ود كرم الله(الخلف)
دا ما صوت محمد كرم الله وبؤيد كلام الاخ عصام احتمال
اخوه اسحاق او يوسف كرم الله
واصل وفتش لينا الباكستانى كويس وبيكون عندو روائع
من ايام الغناء الجميل

ود ارقى
04-20-2007, 04:44 PM
عليك الله آو دارقي أسأل لي الزول الباكستاني دا .. شوف عندو أشرطة قديمة لي ولاد حاج الماحي؟؟
تصدق في كريمة ذاتها ما لقيت أشرطة ولاد حاج الماحي القديمة .. "المجذوب - ود الشيخ - أحمد الماحي" فتشت عليها ..ولم أجدها .. كدي أسألو لينا لو عندو ..

طلبك تحت التنفيذ يا الخلف وانا اشتريت منو قبل كده كم شريط لى حاج الماحى لكن القلتو ده ما متاكد منو لكن بكره بديك الخبر

تحياتى

ود ارقى
04-20-2007, 04:48 PM
الرائع خالص ود ارقى ودى اغنيه تستاهل عليها دبوره !!
ولكن زى ماقال مرجعنا المتخصص فى ود كرم الله(الخلف)
دا ما صوت محمد كرم الله وبؤيد كلام الاخ عصام احتمال
اخوه اسحاق او يوسف كرم الله
واصل وفتش لينا الباكستانى كويس وبيكون عندو روائع
من ايام الغناء الجميل

ابو المجتبى...قلت لى دبوره مره واحده :D :D
تشكر يا حبيب على المرور والكلام الجميل ده..اما بالنسبه للفنان فهو محمد كرم الله بس تسجيل قديم شويه

تحياتى

عيدابي
04-20-2007, 05:52 PM
الاخ ود ارقى
لفته بارعة مشكور
على كل حال الصوت ده من اصوات السبعينات
والفنان ممكن يكون محمد كرم الله بداية السبعينات
او بداية يوسف كرم الله نهاية السبعينات
لحن جميل وده ايضاً من بدايات حسن الدابى
لك التحية ود ارقى

ود ارقى
04-20-2007, 06:02 PM
الاخ ود ارقى
لفته بارعة مشكور
على كل حال الصوت ده من اصوات السبعينات
والفنان ممكن يكون محمد كرم الله بداية السبعينات
او بداية يوسف كرم الله نهاية السبعينات
لحن جميل وده ايضاً من بدايات حسن الدابى
لك التحية ود ارقى

مشكوووور اخونا عيدابى على المرور والتعليق ال انا بوافقك فيهو الراى تماما رغم انى ما حضرت جيل السبعينات ..وده لزوم التصغير وكدى:D ..لكن الاغنيه لمحمد كرم الله تقريبا لانو الكاسيت السجلت منو مطبوع عليهو وثانيا فى اغانى من ضمن الاغانى الفى الكاسيت لمحمد كرم الله والله اعلم فى انتظار الفتوى النهائيه للخلف

محبتى

ود ارقى
04-20-2007, 06:29 PM
[color=#0000FF][size=5]كدى شوف الاغنيه دى يا الخلف يمكن تحسم الشكك لانها من نفس الكاسيت وهى اغانى متواصله بمعنى انا لاتوجد مساحه بين الاغانى

محبتى


رحيلى
http://albrkal.com/upload/uploading/Rahili3.mp3

البركلاوي
04-21-2007, 05:13 AM
ود ارقي العزيز ...
تغيب وتجيب يا رائع دي الغيبات ولا بلاش
تشكر على العمال الترطيبيه الجميله
كل الود ،،،

أبو الحسين
04-21-2007, 07:43 AM
الللللللللله علي طلتك يا ود أرقي وتجي شايل معاك الفرح...

أُغنية في قمة الروعة... وأشكرك جداً على الإهداء الرقيق...

مع أمنياتي الوردية لك بإقامة ما فيها زوغانات تاني... وربنا يعدلها علي شقيش ما تقبل قول آمين...

كميات مودتي...


أبو الحســـــــــين...

ود ارقى
04-21-2007, 07:54 AM
ود ارقي العزيز ...
تغيب وتجيب يا رائع دي الغيبات ولا بلاش
تشكر على العمال الترطيبيه الجميله
كل الود ،،،

صديقى العزيييز نادر
والله ليك وحشه يا حبيب إلا المشاغل كترت يا نادر

تحياتى

صلاح عبد النبي
04-21-2007, 09:10 AM
الأخ العزيز ود أرقي ..
لك تحياتي ...
الأغنية الأولى حاولت المستحيل أن أميزها أو أستمع لكلماتها .. يا ريت لو تقدر تعيد تسجيلها ورفعها مرة ثانية .. يمكن أقدر أفتي فيها لأني تمكنت من سماع الأغنية الثانية وهي من كلمات الشاعر الأستاذ السر عثمان الطيب ويقول مطلعها :

عذاب الغربة أضناني ومتين يا بلسمي الشافي
أعود وأرجع والأقيكي وأنوم في حضنك الدافي
وهي من أغاني أوائل السبعينات الجميلة جداً وأعتقد بنسبة كبيرة أنها هنا بصوت الفنان محمد كرم الله لكن عندي شك في إنها بصوت الفنان عثمان سليمان وهو كان من الأصوات الرائعة والجميلة ولكنه لم يستمر في الغناء لظروف خاصة ..
رجاء حار جداً يا ود أرقي .. لو رفعت بقية الأغاني الموجودة في هذا الشريط ..حاول بقدر المستطاع أن يكون تسجيلها واضحاً لأن الشريط العندك دة نادر جداً ..
ألف شكر ولك خالص مودتي ..

ود ارقى
04-21-2007, 10:06 AM
الأخ العزيز ود أرقي ..
لك تحياتي ...
الأغنية الأولى حاولت المستحيل أن أميزها أو أستمع لكلماتها .. يا ريت لو تقدر تعيد تسجيلها ورفعها مرة ثانية .. يمكن أقدر أفتي فيها لأني تمكنت من سماع الأغنية الثانية وهي من كلمات الشاعر الأستاذ السر عثمان الطيب ويقول مطلعها :

عذاب الغربة أضناني ومتين يا بلسمي الشافي
أعود وأرجع والأقيكي وأنوم في حضنك الدافي
وهي من أغاني أوائل السبعينات الجميلة جداً وأعتقد بنسبة كبيرة أنها هنا بصوت الفنان محمد كرم الله لكن عندي شك في إنها بصوت الفنان عثمان سليمان وهو كان من الأصوات الرائعة والجميلة ولكنه لم يستمر في الغناء لظروف خاصة ..
رجاء حار جداً يا ود أرقي .. لو رفعت بقية الأغاني الموجودة في هذا الشريط ..حاول بقدر المستطاع أن يكون تسجيلها واضحاً لأن الشريط العندك دة نادر جداً ..
ألف شكر ولك خالص مودتي ..

الزول الرااائع ضلاح عبد النبي
يا زول ما شاء الله عليك فى تحليل الاغانى ...انا متاااابعك من زمن ;)
لكن ابشر بالخير انا ح اعيد التسجيل عشان خاطرك رغم انى متاكد انو ما ح يغير فى الصوت لكن اوعدك اعمل تسجيل جديد واعيد تنزيله مره اخرى.
اما بالنسبه للصوت انا رجعت للباكستانى تانى واكد لى انو صوت محمد كرم الله والشرايط دى جايبه من اوائل التمانينات ...وابقى راجينى وانشا الله ما ح اتاخر عليك

محبتى

الخلف
04-21-2007, 02:57 PM
الرائع ود أرقي..

أنا أعتقد إنك تمتلك أشرطة نادرة جداً ..جداَ..
وأغنية رحيلي أنا ما هو بايدي ..
فعلاً هذه الأغنية تغنى فيها الفنان المعتزل عثمان سليمان
مع أغانية الرائعة في ذلك الزمان أمثال ..
خلاص رحل الربيع خلف زهورو.. وجا الصيف لي يباسو ولي هجيرو
ولكن يا اخي صلاح .. لا أعتقد أن لعثمان سليمان تسجيلات موجودة ..
ونبرة صوت محمد كرم واضحة في أغنية رحيلي.. هذه...
رغم أنه لم يتغنى بمثل هذه الأغاني منذ أن أتى لكريمة .. في عام 1974
وواضح جداً أنه تغنى بهذه الأغاني في بداياته.. قبل ذلك ..
وإنت على تواصل معه .. يمكنك الإستفسار منه عن ذلك ..
والواضح أيضاً .. أن اخونا ود أرقي يمتلك أغاني نادرة ..للغاية.
والعجب العجيب .. الباكستاني دا !!!

ود ارقى
04-21-2007, 04:49 PM
الرائع ود أرقي..

أنا أعتقد إنك تمتلك أشرطة نادرة جداً ..جداَ..
وأغنية رحيلي أنا ما هو بايدي ..
فعلاً هذه الأغنية تغنى فيها الفنان المعتزل عثمان سليمان
مع أغانية الرائعة في ذلك الزمان أمثال ..
خلاص رحل الربيع خلف زهورو.. وجا الصيف لي يباسو ولي هجيرو
ولكن يا اخي صلاح .. لا أعتقد أن لعثمان سليمان تسجيلات موجودة ..
ونبرة صوت محمد كرم واضحة في أغنية رحيلي.. هذه...
رغم أنه لم يتغنى بمثل هذه الأغاني منذ أن أتى لكريمة .. في عام 1974
وواضح جداً أنه تغنى بهذه الأغاني في بداياته.. قبل ذلك ..
وإنت على تواصل معه .. يمكنك الإستفسار منه عن ذلك ..
والواضح أيضاً .. أن اخونا ود أرقي يمتلك أغاني نادرة ..للغاية.
والعجب العجيب .. الباكستاني دا !!!

الخلف مساك الله بالخير
مجموع الاغانى الموجوده عندى حاليا 10 اغانى بس فى اضغام فى كلمات الاغانى ما عارف من رداة التسجيل او من طريقة الغناء للفنان نفسه علشان كنت عايز اكتب ليك مقاطع علها تفيدك فى التحليل اكتر بس المفاجاة الكبيره انا اتصلت على الراجل وقال عندو تانى 4 اشرطه لمحمد كرم الله من النوع القديم يعنى مده الشريط اطول والشريط فيهو10 اغانى وانا من دربى دا ماشى عليهو وياريت لو تتصل على الرقم الاتى:
00971503680290
او تدينى رقمك وانا بتصل عليك .
دى مقاطع من احدى الاغانى:

http://albrkal.com/upload/uploading/gg.mp3

ali009
04-21-2007, 06:43 PM
الخلف مساك الله بالخير
مجموع الاغانى الموجوده عندى حاليا 10 اغانى بس فى اضغام فى كلمات الاغانى ما عارف من رداة التسجيل او من طريقة الغناء للفنان نفسه علشان كنت عايز اكتب ليك مقاطع علها تفيدك فى التحليل اكتر بس المفاجاة الكبيره انا اتصلت على الراجل وقال عندو تانى 4 اشرطه لمحمد كرم الله من النوع القديم يعنى مده الشريط اطول والشريط فيهو10 اغانى وانا من دربى دا ماشى عليهو وياريت لو تتصل على الرقم الاتى:
00971503680290
او تدينى رقمك وانا بتصل عليك .
دى مقاطع من احدى الاغانى:

http://albrkal.com/upload/uploading/gg.mp3

جدنا ( مامون ) ود ارقى

من روعتك شوف الشمالية الليلة كيف متكيّفي

ليكم بتحني رؤوس نخيل

وتردد الزين والعديل

والنيل بيتسلسل يسيل

يا السبت بدرتاجيتا

ضمه عجلان جاي فايت

طبعا صاحب الصوت هو الفنان المعتزل يوسف كرم الله

وده تسجيل قديم لم كان مقلد للفنان محمد كرم الله

واذا كان نفس التسجيل الموجود لدي ستجد اغنية عثمان اليمني

بصوت يوسف وهي اغنية تاتي يا رحاب يلا

لجميع المتداخلين كل التقدير والاحترام

اخوكم ( ودالبلد ) ali009

ود ارقى
04-21-2007, 07:20 PM
جدنا ( مامون ) ود ارقى

من روعتك شوف الشمالية الليلة كيف متكيّفي

ليكم بتحني رؤوس نخيل

وتردد الزين والعديل

والنيل بيتسلسل يسيل

يا السبت بدرتاجيتا

ضمه عجلان جاي فايت

طبعا صاحب الصوت هو الفنان المعتزل يوسف كرم الله

وده تسجيل قديم لم كان مقلد للفنان محمد كرم الله

واذا كان نفس التسجيل الموجود لدي ستجد اغنية عثمان اليمني

بصوت يوسف وهي اغنية تاتي يا رحاب يلا

لجميع المتداخلين كل التقدير والاحترام

اخوكم ( ودالبلد ) ali009


الزول الغلاتو فايتى الحد على ..
يا حبيب لو لاك ما كنت عرفت اسجل ولا انزل اغانى فى المنتدى..الف شكر ليك يا حبيب على كل كل ما قدمت لى وما زلت تقدم.
بالنسبه للاغنيه والاغانى الاخرى الموجوده عندى فى الكاسيت مسجله على اساس انها محمد كرم الله بس الاغنيه الزكرتها ما معاهن وانشا الله ح انزل كل الاغانى فى القريب العاجل بالمنتدى..

محبتى ليك يا حبيب

ali009
04-22-2007, 03:01 PM
جدنا ( مامون ) ود ارقى

من مشرفين واعضاء كرام ... من الشمال والمنتدى

مرحب حباب ودالاصال... ود ارقى بلد الحنان

استمع لهاذه المقاطع من تسجيلات وقارن بينها وهي جميع ليوسف كرم الله

اسمع دي يا السبت وهي قريبه للتسجيل تبعك

يا السبت بدرتاجيتا

ضمه عجلان جاي فايت

http://aafat.org/upload/uploading/yasbat.mp3



دي غنية تاتي يا رحاب يلا

http://aafat.org/upload/uploading/yarhab.mp3

وهاك دي الليل المنير

الفوح عبير غمر المكان ... الليله الليل المنير فاجانا بان

http://aafat.org/upload/uploading/allal almoner.mp3

ومسك دي الليله شفناك والشوف عيد

http://aafat.org/upload/uploading/kona nsma.mp3


وقبض على دي ماودعتك

http://aafat.org/upload/uploading/maodatk.mp3

ماودعتك قبال اقوم ... انا يا جميل سويتلي لوم


وللجميع كل التحيه والاحترام والتقدير

اخوكم ( ودالبلد ) ali009

ali009
04-22-2007, 04:16 PM
الحبيب ( ود ارقى )

ودي بعض المقاطع من اغاني الفنان الرائع صاحب الحنجره الذهبية : محمد كرم الله

لكي تعقد المقارنه بين الاصوات

هاك دي غنية " بت البلد " الاغنية التي تحكي حال الشمال في السابق والتي تغنا بها المبدع محمد جبارة

http://aafat.org/upload/uploading/bat alblad.mp3

ودي غنية " الرسالة " اخي العزيز يا يحي

http://aafat.org/upload/uploading/ake.mp3

ودي غنية "الله هوي ليلي انا "

http://aafat.org/upload/uploading/alylna.mp3

ودي غنية " حبك يا حبييبي على تحكم "

http://aafat.org/upload/uploading/hobak.mp3

ودي اغنية " مسيحية " من كلمات الاستاذ محمد سعيد دفع الله

http://aafat.org/upload/uploading/msahy.mp3

ودي رمية " اللمبة "

http://aafat.org/upload/uploading/alamba.mp3

للجميع كل الاحترام والتقدير

اخوكم ( ودالبلد ) ali009